[1]

Іюдейское убо зловјріе, и еллинское нечестіе, и латынскыя ереси, елико благодать Святаго Духа содјйствовала, по мјрј живущія во мнј вјры благочестивыя, обличихомъ уже; а богомерскыхъ агарянъ многоразличное нечестіе и бјсовскую прелесть аще оставимъ безъ обличенія, кто насъ восхвалитъ, паче же кто не зазритъ намъ послјднее небреженіе и разлјненіе божественныя, яже за благовјріе, ревности? Сего ради, призвавше безчисленную благодать божественаго и покланяемаго Параклита, [2] пріиди, коснемся съ Богомъ словесемъ, яже за неблазненое и боголюбное и единое спасительное благовјріе. — Многымъ убо сущимъ и различнымъ составляющымъ еже по Бозј спасительное благовјріе, три нјкая, паче прочихъ, нужнјйша суть къ показанію неблазненаго и спасителнаго благовјрія. Кояже ли сія, сирјчь: аще самъ есть иже всјхъ Творецъ и Владыка Богъ узаконивый, каково ни буди, благовјріе, и аще праведенъ и преподобенъ и благочестивъ и премудрости всякоя и разума исполненъ есть, имъже всјхъ Творецъ и Владыка Богъ въ житіе сіе приведе и; и третіе, аще узаконяемая согласуютъ по всему догматомъ и завјщаніемъ бывшихъ отъ вјка Богодохновеныхъ пророкъ и апостолъ и вселенскыхъ отецъ и учителей. И свидјтели словеси сему твердјйши Авраамъ и Моисей, и иже по немъ бывшеи въ различныхъ времянахъ вси божественіи пророцы, и Христосъ, самъ, иже онјхъ за совершеную ихъ добродјтель и благотестіе пріятъ и премудрости всякія и разума исполнилъ, и законоположники жительству богоугодному показа, иже и собою исполнилъ узаконеная или несовершено, немощи ради тогдашнихъ человјкъ, и запечатлј божественнј и владычнј. Блаженаго убо Авраама пріимъ и похваливъ и благословивъ, онемже благочестивымъ разумомъ и благолјпною ревностію отца убо своего обличилъ есть, акы нечестію наставника бываема человјкомъ, а яже отъ него сътворяемыя идолы сокрушилъ есть, единаго же Бога позна и исповјдалъ есть содјтеля и промысленика небу и земли и всјмъ, яже въ нихъ, отъ доброты тварей познавъ предобраго ихъ хытреца, иже и воздаря [3] его благочестиваго ради его благочестія, Самъ Себе яви ему въ образј тріехъ мужей, единокровенъ ему бывъ и человјколјпно учрежденъ [4] у него и превелия објты објтовавъ ему, яко и отца многымъ языкомъ сотворитъ его, и жена его Сарра, заматорјвши уже, родитъ ему сына, и яко отъ сјмени его благословятся вся колјна земная, и яко умножится сјмя его, якоже песокъ, иже въскрай моря, и якоже звјзды небесныя. Сицева же објтовавъ ему иже всјхъ Творецъ и Владыка, законъ дасть ему ненаписанъ, тайну обрјзанія, и еже, благоугажай, рекъ ему, предо мною и бывай не зазоренъ и не пороченъ. Яже вся блаженый онъ мужъ вјрою пріимъ и соблюлъ есть и исполнилъ непорочно, самъ же и его отъроды даже и до Моисея. — Но убо еже къ блаженому оному и благочестивому мужу, глаголю же патріарху Аврааму, всјхъ содјтеля и Владыкы и Бога явленіе же и објты таковы, якоже утверждаетъ всяко писаніе Богодухновеное; а еже къ блаженому Моѵсею явленіе, схожденіе же и пришествіе Владыкы всјхъ, каково и коль страшно? Воистину страшно есть и превосходяще всякого слова и мысли: Богъ самъ собою въ видјніи огня, освјтляюща убо, а не опаляющаго купину, зовый по имяни божественаго оного мужа, и Бога себе исповјдая Отцемъ его, Авраама и Исака и Иякова, и посылая его въ Египетъ избавити многолјтныя работы оны и озлобленія о родјхъ Авраамлихъ, глаголю же Ізраильтянехъ людехъ. Многыми же и предивьными чюдодјяніи тамо прославивъ его предъ Фараономъ и всјмь Египтомъ и въ самомъ черъмномъ мори, изсушивъ è божественою силою и многочисленыхъ Ізраильтянехъ людехъ немокреною ногою преведъ по немъ. И да не, вся, яже тогда тамо выше естества чюдодјяна, исчитая, стужитель [5] явлюся, вјдущимъ та повјдая, конець глаголемыхъ, на самомъ синайскыя горы версј сошедъ, истје же глаголати, объявивъ себј, ему, якоже мощно есть человјчестјй немощи пріяти Божіе явленіе, и глаголавъ съ нимъ, якоже нјкій другъ глаголетъ ко другу своему, далъ есть ему законъ написанъ въ скрижалехъ камени сапфирнаго, начертавъ въ нихъ перстомъ своимъ божественымъ десять заповјдей, по нихъ же жительствующе и устраяеми Богу угодити возмогутъ. — Но яко убо блаженіи они таковіи, и толь предивна, Самъ иже всјхъ содјтель и Владыка ими благолјпнј, по неисчетному его человјколюбію, въведе въ житіе человјческо, довольно речемися. О самомъ же Спасј всјхъ, Христј Бозј, излишно есть глаголати, всея вкупј видимыя же и невидимыя твари окружившемъ евангельскою проповјдію, тоже есть рещи, невечернимъ свјтомъ неблазненаго благоразумія и благочестія по реченному божественнымъ пророкомъ: покры небеса добродјтель его, и хваленія его исполнь земля, и паки: и сіяніе его, якоже свјтъ, будетъ. [6] Отъ самого бо отъ столпотворенія, по бывшемъ при Нои потопј, умножившымся человјкомъ по всему земному лицу, и всякія злобы и нечестія образы омрачающи идолстей прелести родъ чоловјческыи, кто прежде, еже паче ума и слова, воплощенія Богочеловјка Слова, избавити ея до конца возможе родъ нашъ, и возсадити велію и преестественную тайну, еже по насъ, благочестія, сіяніе и свјтъ отъ пророка именуему? сіяніе убо, аки въ единомь языцј и странј июдейстјй дотолј опредјляему имјстнј озаряющу ихъ, свјтъ же, яко оттуду распростершуся уже и просыпавшуся совершеннј на вся языкы блаженными апостолы, якоже есть писано: освјтиша молнія твоя вселенную. [7] Есть же инако разумјти пророческую рјчь сію. Сіяніе убо данный Моисеомъ законъ, аки не соворшенъ сущь, по божественому апостолу, глаголющему: ничтоже бо законъ совершилъ есть, [8] и якоже самъ, иже и обоего законоположенія податель, извјщая, рекъ о Моисейскомъ законј: не не пріидохъ разорити закона, или пророкы, не пріидохъ разорити, но исполнити, [9] сирјчь: несовершена суща совершити. Понеже Моисеискій убо законъ концы [10] точію грјховныя казни подлагаетъ, глаголя: не прегну [11] содјеши, не блудиши, не убіеши, не украдеши, и яже по сихъ. А новаго завјта евангельскый законъ и самая начала предизочтеныхъ грјховъ повинны являетъ страшному оному судищу, глаголя: азъже глаголю вамъ: иже бо аще возритъ на жену ко еже възжелјти ей, уже преблудилъ есть съ нею въ сердци своемъ. [12] И пакы: всякъ, гнјваяйся на брата своего туне, повиненъ есть суду; и иже аще речетъ брату своему рака, повиненъ есть сонмищу, и иже аще речетъ: юроде, повиненъ есть гееннј огненней; [13] подобнј и о прочихъ. Начало бо и виновно убійству безмјрная ярость и гнјвъ есть, якоже убо и блуду еже съ похотію лукавое зрјніе. Аки убо концы грјховныа точію казни подлагая ветхій законъ, сея ради вины сіянію прикладуется; сіяніе бо есть же и глаголется; иже на зарј прежде восхода солнечнаго утреній и безсолнечный, да тако реку, свјтъ; свјтъ же совершенъ — евангельское законоположеніе, аки совершающе совершеннј человјка иже по Бозј, и возводяща и на первообразную доброту создавшаго и по образу и по подобію своему преблагаго Бога. Но убо, еже о Спасј Христј и, еже по немъ, благовјріи, слово нынј здј уставивше, коснемся съ Богомъ обличеніемъ, яже на нечестіе сквернаго Моамефа.

Елма [14] же вначалј речемися, тріемъ нјкымъ, паче инјхъ, нужнјйшимъ быти, составляющимь, еже по Бозј, спасительно и неблазнено благовјріе, сирјчь: аще самъ есть Богъ иже сіе въ житіе человјческое введый, и аще благочестивъ и преподобенъ и премудрости богодухновенеыя и разума неблазненаго исполненъ есть той, имъже Владыка всјхъ въ житіе человјческое ввелъ есть сіе, и аще по всему согласуетъ догматомъ и преданіемъ богодухновенныхъ пророкъ и апостолъ; первее ихъ и послјднее взысканіе нынј оставивше, срјднее ихъ первіе испытуемъ; сему бо изобличену бывшу, и прочая удобь изобличатся. Начну же сице. Яко убо скверный сеи льстець и предтеча самого нечестивјйшаго антихриста ниже благочестивъ бјяше изначала, ниже премудрости нјкія и наказанія словеснаго причастенъ, яже о немъ повјсть явъственјйше представляетъ, якоже азъ отъ достовјрныхъ мужей слышалъ, вјдавшихъ извјстно, яже о немъ, повјсть. Работающа бо его глаголютъ богату нјкоему измаилтянину въ Аравіи и извозничествовавша у него, и многажды въ Палестинј и въ Сиріи бывша наемника, вкупј съ купцы измаилтяны и сиріяны. Умершу же господину его, яже преже госпожа его возлюбивши его сожителя себј и наслјдника всјхъ своихъ имјній сотвори. Обилія убо стяженій уже получивъ и старјйшинство имый въ языцј аравляномъ, изволися ему и законоположенію новому коснутися, и иже о немъ языкъ аравлянъ, идолослуженію внимающь, отставити сего и въ вјру бытьто [15] благочестиву преставити. Сіе же мыслящу ему, приведе къ нему злоначальный діаволъ, иже благочестивому христіанскому языку ратникъ и навјтникъ, орудіе, достойно злобј его и скверньству, іюдјянина нјкоего, Илія именемъ, изгнана бывша за ересь нјкую свою отъ живущихъ въ Іеросалимјхъ іудјовъ, иже и, съ любовію пріятъ бывъ отъ сквернаго Моамефа, научилъ есть того всякому іюдейскому зловјрію и ереси, единаго Бога вјдати одино ѵпостаснаго, а не тріеѵпостаснаго, и обрјзатися студъ ихъ, и свиная мяса не ясти, водою же часто себе чистити, отъ нихъ же по вся дни съгрјшаютъ, и елика ина сицева у іудеовъ соблюденія суть; жены же поимати себј елико хощетъ кождо и можетъ питати. Сицевымъ убо іудеянинъ научилъ есть его, въ разумј не бывша ихъ дотолј. Втораго же сему учителя зловјрія аріанскыя ереси представилъ есть злоначалный діаволъ на большее прельщеніе человјческому роду инока нјкоего, изгнана бывша отъ Константина града, за ересь аріянскую и ины богомерскыи хулы его. Сей, пришедъ къ нему и познавъ нравъ его, яко плохъ есть умомъ, и отнюдь неискусенъ въ божественыхъ, предбывшихъ убо у него отъ іудеянина Иліи ученіихъ ниже похулилъ, ниже предвигнулъ есть, паче же и утвердилъ есть его въ нихъ. Отъ себе же привсјялъ въ немъ всю ересь аріянскую, сирјчь: почитаемаго отъ христіанјхъ Христа не Бога глаголати, но человјка точію исполнена всякоя святыня и всјхъ, иже отъ вјка пророковъ, святјйшаго бывша, а не убо и Бога, ни Сына Божія исповјдати его, но раба Божія, и твореніе Божіе, а не Творца, и Божественую книгу святыхъ Евангелій почитати же и облобызати аки съ небесъ сшедшу, и ина нјкая, симъ подобная научивъ его большія отъ него почести, паче іудеянина, сподобися; о немъ же и завидјвъ іудеянинъ, искаше погубити аріянина инока, еже убо и скончялъ симъ образомъ. Изыде въ поля гулянія ради скверный Моамефъ, имјя съсобою и обою своя учителю. Объјхавъше же и доволнј утјшивше себе сјдошя на яди; ядше же и виномъ напившеся, спати легоста, обоюду ученика учетели легша. Моамефу же и иноку, глубокымь сномъ объятымъ бывшимъ, іудјянинъ не спаше. Въставъ же отъ своего ложа, закла окаяннаго инока мечемъ Моамефевымъ, таже легъ, бытьто спаше. По малј же пробудися Моамефъ и видјвъ заклана инока, близъ себе лежаща, смутися зјло, и іудеянина возбудивъ, стязашеся съ нимъ о закланіи инока. Къ немуже, крјпцј противустязаяся, іудјанинъ, и себе оправдая, посмотримъ, глаголя къ Моамефу, чій мечь окровавленъ есть, и сице уразумјемъ, кто убо есть обезглавилъ его. Обнажившымъ же мечи своя, окровавленъ явися Моамефовъ. Тогда іудјянинъ къ Моамефу, се мечь твой, рјче, разрјшилъ есть сумнимое и свидјтельствуетъ о мнј, яко чистъ есмь отъ крови сего. Тогда, якоже глаголетъ, яже о немъ повјсть, зјло позазрјвъ самъ себј Моамефъ, законъ изложи сообщникомъ ему въ еже по немъ безвјріи его не пити отнюдъ вина, аки суща виновна убіиству. Но еже претече мене содјянно дотолј злоухыщренiи убіенымъ инокомъ на утвержденіе новоявленныя бјсовъскыа прелести сквернаго Моамефа, сіе изъявивъ первіе, на прочая нечестія его прейду, поелико истинј назиратель Ісусъ Христосъ, иже надо всјми Богъ, укрјпитъ мене. Супружницы же сквернаго сего лютј скорбящи о немъ же по вся новомјсячія супругъ ея злј стражетъ и лунуется и пјны пущаетъ изъ устъ, помјтаемъ на земли и лютј мучимъ есть лукавымъ духомъ, и сего ради распряжтися его мыслящи. Открываетъ иноку сія вся скверный Моамефъ и молитъ его, глаголя: помози ми, аще что можеши. И онъ къ нему рече: ничтоже о семъ печалуйся прочее; азъ бо избавлю тя сея скорби твоея, токмо вели мнј глаголати съ нею. И Моамефу повелјвшу, вниде инокъ къ ней, и глаголавъ съ нею различная о пророцехъ, и о бываемыхъ имъ отъ Бога откровеніяхъ ангельскими пришествіи, и яко страшніи нјціи являются Божіимъ пророкомъ посылаемии къ нимъ отъ Бога Божественіи ангели, ихъ же страшное видјніе не терпяще, низпадаютъ многажды на земли и ужасни бываютъ. Сицево убо нјчто, рече, и твоему соложнику случается, егда съ небесе къ нему сходитъ архангелъ Гавріилъ, открывая ему Божія велјнія и совјты. Тјмъже радоватися подобаетъ тебј, госпоже, и хвалитися, яко такому святому мужу спряжитися сподобися. Сицевыми злохытреными глаголы, льстецъ онъ инокъ, увјщавъ женщину, пророка его скоро языку аравляню показалъ ею и исповјда супружница его, хвалящися невоздержно предъ всякою женою, яко пророку Божію сожительствуетъ. Таковјй же славј о немъ промчявшися, въ нечестивомъ языцј, скотопитатель и скотожительныхъ аравлянъ, аки новоявленъ пророкъ прочее отъ всјхъ почиташеся и вјренъ мнимъ бяше наставникъ. Отнюду же и по многу безстрашію всескверный законополагати имъ начатъ, живуща имјя въ себј всего самого діявола, и гласяща въ немъ вся, яже въ погибель вјчную отводятъ послушающихъ имъ, попущая имъ вся вкупј сладити [16] и веселити могущая гортанъ и чрево и подчревная, на се, глаголя, изначала созданнымъ бывшимъ тјмъ отъ содјтеля всјхъ, егоже ради и во иже по немъ раи глаголетъ всескверный, по смерти имъ три рјкы содјтель уготовилъ есть имъ меду и вина и млека и отроковиць множество прекрасныхъ, весь день растлјваемыхъ съ ними, и пакы на утреній день дјвы обрјтаемыхъ. Таковая имъ всескверный објщанія по смерти објщавая, и сицевыми прельщая ихъ льстивыми словесы благопріятенъ имъ бываше наставникъ на безконечную погибель. И наипаче до конца прельстилъ есть ихъ и вседушно пріимати увјща ихъ, яже отъ него узаконеваемая и објщеваемая симъ образомъ, якоже испытавше извјстно, яже о немъ предаша намъ писаніемъ. Совјтовавъ убо нечестивый онјхъ убо утвердити въ богомеръскомъ законоположеніи своемъ, себе же прославити и равночестна показати ученикомъ Спаса Христа, пріимшимъ въ видјніи огненыхъ языкъ всясвятыи Духъ, таково нјкое злоухыщреніе ухытрилъ. Домашній голубь научилъ есть, сјдящу на рамј его, ясти предвложеную коварственнј въ ухо его пищу, во время бесјды, яже къ варваромъ. Симъ образомъ увјщевая ихъ, яко Духомъ Святымъ учимъ, законополагаетъ имъ и учитъ полезнымъ. Сіе коварственное ухыщреніе, скотскыхъ онјхъ варваръ, паче иныхъ его ухыщреній, уловилъ и утвердилъ есть въ его нечестіе. Елма же всяко обрјтаются нјціи во всякомъ языцј смысленјйшихъ многоиспытателнјйши, и отъ языка сего сицевіи, приступивше къ нечестивому Моамефу, рјшя: наставниче нашь, Моисеа убо оного, послана отъ Бога въ Египетъ избавити отъ многолјтныя работы Фараоновы отроды [17] Авраамля, слышимъ сотворша чюдеса довольна въ Египтј, и въ Чермномъ мори, и въ пустыни Синаистей; такожде и бывшія по немъ Божія пророкы коегождо въ своихъ временахъ чюдодјйствовашя; надо всјми же сими самого Христа почитаемаго нынј и покланяемаго, якоже Бога, отъ всјхъ глаголемыхъ христіянъ, предивна знаменія и чюдеса преестественна содјлавша: ты же кое чюдо твориши, да видимъ и вјры имемъ тебј, яко истинј посланъ еси въ житіе сіе отъ самого Вышняго учитель и наставникъ нашъ къ спасенію? Онъ же сурово сице и прегордј отвјщалъ, рекъ: Моѵсей убо и, иже по немъ, глаголеміи пророцы и Христосъ самъ послани бывши отъ Бога чюдесы и различными знаменіи; азъ же посланъ есмь мечемъ убивати повелјнъ не покаряющаяся моимъ словесемъ. Якоже убо отъ иныхъ многыхъ, и отъ сего суроваго отвјта его, явленъ есть всескверный не отъ Бога: ни единою бо нудитъ преблагый; но отъ самого богоборца и человјконенавидца діавола посланъ бывъ въ погибелъ вјчную послушающимъ его. Онъ бо отъ начала человјкоубіица есть, и яко мучитель кровопролитіемъ человјческымъ радуется: зане врагъ непримиряемъ есть человјческому роду, и всякыми образы тщится всескверный съ собою низвлещи всјхъ въ геенну огненую. А Вышній человјколюбецъ есть и щедръ и милостивъ и праведенъ и не хощетъ смерти грјшнаго, яко еже обратитися и живу быти ему, и ни единою нудитъ ниже убивати кого велитъ, но сице кротцј и человјколюбне всјхъ призываетъ къ себј, глаголя: пріидјте ко мнј вси, тружающеися и обремененіи, и азъ покою вы. [18] И пакы глаголя: аще кто хощетъ въ слјдъ мене ити и прочая. [19] Тјмже и сыновомъ заведеовымъ, огнемъ съ небеси сведенымъ жещи похвалившимся непріимшимъ Господа въ веси ихъ, запрети имъ рекъ: не вјсте вы, коего духа есте, не пріиде бо сынъ человјчь, да погубить душя человјчя, но да спасетъ, и дати душю свою избавленіе за многыхъ. [20] Но елико убо въ показаніе нечестію, грубости же и безумію его, яко ни благочестивъ нјкій бј, ни премудрости причастенъ, ниже богоявленія коего сподобленъ бывъ коли, по всјхъ Божіихъ пророковъ, доволна сія суть разумнымъ и умнымъ по Бозј, кая бо нужда излишными обличеніи показати разумнымъ, яко тма не свјтъ есть, но тма, и лжа не истина, но лжа есть.

Нынј же время показати, яко еже по скверному сему безаконно законоположеніе и догматы не точію отнюдъ суть несогласна древніихъ Божіихъ пророкъ и апостолъ закономъ же и завјщаніемъ, но яко на совершеное отметаніе и развращеніе божественыхъ евангельскыхъ заповјдей и догматъ изложно бысть имъ, аще бо и словомъ, во многыхъ мјстехъ, проклятые книгы его-коранъ зовомыи, прехваляетъ божественое и священное Спаса Христа Евангеліе, праведно глаголя è и прямо, а не убо и дјломъ; сопротивно бо ему вездј законополагая, обличаемъ бываетъ всескверный. О немъ же убо составляетъ è и прехваляетъ словомъ. не подобаетъ дивитися; коварственјишій бо сый вселивыйся въ немъ діаволъ и вјдый, яко инако не пріимутъ человјцы нечестивое его новое законоположеніе, евангельскому свјту вселенную всю обильно озаряющу. Сего ради и не хотя похваляетъ священное Евангеліе и праведно и прямо нарицая è неправеднјйшій и кривјйшій и всякоя истины и правды чюждъ. Къ немуже благовременно простираяся, кто речетъ убо, аще съ небесе сшедше мниши божественое и покланяемое Христово Евангеліе и сего ради праведно и прямо нарицаеши è и имаши, чесо ради преслушаеши è, сице явј глаголющее о Божествј Христовј. Вначалј бј Слово и Слово бј къ Богу, и Богъ бј Слово, сей бј вначалј къ Богу. Слышиши ли, яко иже бј вначалј къ Богу Слово, Богъ есть, яко же и ражаяй его Богъ и Отецъ? Ты же, о нечестивјйшій! чесо ради отметаешися Божества его и человјка его точію глаголеши свята, и прочихъ пророкъ вышша? А яко не точію Богъ есть слово, но и содјтель всяческыхъ, услыши смыслено, что мало по сихъ глаголетъ о немъ Божественое Евангеліе: вся тјмъ бышя и безъ него ничтоже бысть еже бысть. Аще убо имъ бышя вся вкупј видимая и невидимая, како ты созданна его человјка мниши и глаголеши? рци ми, о омраченый и скотъ безсловесныхъ безумнјйшіи! и человјкъ ли вјсть, или можетъ създати небо и землю и вся, яже въ нихъ, море и езера, и вјтреныя силы, и преже всјхъ сихъ, бесчисленыхъ темъ небесныхъ ангелъскыхъ силъ? Аще убо по истинј вјруеши, яко съ небесе Божественое Евангеліе сниде, и праведно и прямо есть, якоже ты въ многыхъ мјстехъ глаголеши, и мы вјровахомъ, престани, хуля на Христа, человјка создана глаголя и мудрьствуя сущаго вначалј у Бога, Бога слова, исповјдуй же его Бога совръшена, якоже и раждающа его Бога и Отца. Глаголи же его и человјка совершена воплощьшагося въ послјднихъ днехъ отъ Духа Святаго и Приснодјвы Маріи, отъ сјмени Давыдова считаемыа, а не отъ Маріами, сестры Моисеовы, якоже ты отъ многаго твоего неученія и грубости блядеши треокаянный. Отъ Моисеа бо и сестры его Маріами лјтъ 1480 протекошя даже до, поплоти, рождества Ісуса Христа, иже надо всјми Бога, иже родился убо, еже по плоти роженію, при Августј Кесари; крестижеся въ пятьнадесятное лјто царства Тиверія Кесаря, яко же, еже по Лукј, Божественое Евангеліе повјствуетъ, и самое, еже по Іоанну, Евангеліе глаголюще сице явј: и слово плоть бысть и вселися въны. [21] Слышиши ли, нечюственный, яко слово Божіе, бесплотно бывше дотолј, послј же плоть бысть, сирјчь: человјкъ совръшенъ по всему, развје грјха. И вселился, рјче, въны, еже есть, якоже человјкъ совершенъ соводворися и поживе съ нами человјкы, ядый и пія и собесјдуя. И видјхомъ, рјче, славу его, славу якоже единороднаго отъ Отца, исполнена благодати и истины. Когда же ли видјша славу его? Егда, по божественјй власти, и бјсы изгоняше отъ бјснующихъ, прокаженыя словомъ единомъ очищаше, слјпымъ зрјніе дароваше, хромымъ, еже ходити, разслабленыя исцјляше, сухыхъ здравыхъ показаше, мертвыхъ, аки отъ сна, въскрешаше, егда на горј Ѳаворьстей красоту божественыя доброты ученикомъ своимъ являше, и свыше отъ Отца свидјтельствованъ бысть глаголющаго: се есть сынъ мой возлюбленный, о немъ же благоволихъ, того послушайте. [22] Содјтель всјхъ и Богъ свыше сына своего възлюблена зоветъ и свидјтельствуетъ о немъ, ты же человјка ли точію создана глаголеши его и раба Божія? И аще рабъ есть единородный сынъ Божій, якоже ты нечестивјйшій, хуля, глаголеши, а не сынъ возлюбленъ и единосущенъ Богъ ражающему его Богу и Отцу, то убо, иже есть всякія истины и правды и преподобьства источникъ, иже всјхъ содјтель и Господь, солга, по тебј, сына своего возлюблена именуя его, не единою и дважды, но во многыхъ мјстехъ богодухновенныхъ писаній ветхаго и новаго завјта. Оле твоего нечестія и бјсовскаго неиствовъства и дерзоглаголанія треклятый! слыши же и яжо по сихъ. Исполнь, рече, благодати и истины яко законъ Моисеомъ данъ бысть, благодать же и истина Ісусъ Христомъ бысть. [23] Аще же Ісусомъ Христомъ благодать и истина бысть, якоже глаголетъ Божественое Евангеліе, ты, о нечестивјйшій! како весьма смјеши развращати Божія благодати и истины уставы богословны и повелјнія, имже мудръствуеши же и завјщаваеши сотаинникомъ своимъ бесчисленыхъ твоихъ хуленій, собранныхъ тобою въ бјсодохновеномъ коране твоемъ? Но негли, по премногу твоему безстудству и бјсованію, дерзнеши клеветати о христіанехъ, глаголя, собою сія списавшихъ о Христј въ Евангеліи. И буди тако, яко же ты, клеветуя насъ, глаголеши. Еда, и яже у евреехъ пророческія книги, мы растлихомъ, яснј проповјдующыхъ Христа Бога и Сына Божія, и Творца всяческымъ? Первый бо Моисей глаголеть: вначалј сътвори Богъ небо и землю. Разумјеши ли, яко Бога глаголеть Божіа Слова, имъже Отецъ небеса утверди, по божественому Давыду глаголющу: словомъ Господнимъ небеса утвердишася. [24] Блаженый же Іеремјя и велегласный Ісаія, не гадательнј, но яснј, проповјдуютъ его Бога и человјка соверъшена. Іеремјя убо сице глаголя: се Богъ нашъ, не вмјнится инъ къ нему. обрјть всякь путь художъства, и далъ есть è Іакову, отроку своему, Ізраилю возлюбленому отъ него; по сихъ на земли явися и съ человјкы поживе. [25] Разумјеши ли, безумниче! яко, егоже выше исповјда Бога, того же глаголетъ явльшася на земли и съ человјкы поживша, сирјчь: человјка бывша по человјколюбію непостижимому. Слыши же, о нечювъственый! Ісаію, яснје о немъ глаголюща: [26] се Дјва, въ чревј пріиметъ и родитъ Сына и нарекутъ имя ему Еммануилъ; таже, мало пониже глаголегь о томъ же, иже отъ Дјвы, роженомъ Еммануилј: яко отроча родися намъ Сынъ и дался намъ, емуже начальство бысть на рамј, и яже по сихъ.... таже приводитъ: и нарицается имя ему велика совјта ангелъ, чюденъ совјтникъ, Богъ силенъ, властель, началникъ міру, Отецъ будущаго вјка. Слышиши ли, яко Бога силна и властеля и началника міру и отца будущаго вјка, и мудръствуетъ и проповјдуетъ новороженное отрочище и данаго намъ Сына. А яко Богъ соверъшенъ и человјкъ вкупј Христосъ есть, слыши внимателнј блаженаго пророка и царя Давыда, глаголюща о Христј сице явј: Богъ Господь и явися намъ, благословенъ грядый въ имя Господне, сирјчь, Отца, отъ негоже посланъ бысть на избавленіе роду человјчю. Бога же его и Господа вјсть же и глаголетъ, поелику дана бысть ему, аки человјку, отъ Отца власть на небеси и на земли, якоже самъ о себј глаголетъ своимъ ученикомъ, воставъ уже отъ мертвыхъ: дана ми есть власть на небеси і на земли. Сію его власть и блаженыи Давыдъ издалеча предглашаетъ во второмъ псалмј, сице яснј глаголя отъ лица Бога и Отца, глаголющаго къ единосущному его Слову и Сыну своему: Господь рече ко мнј: Сынъ мой еси ты, азъ днесь родихъ тя, проси отъ мене и дамъ ти языкы достояніе твое, и одеръжаніе твое концы земли, упасеши ихъ палицею желјзною, яко же сосуды скуделничя сокрушиши ихъ, сирјчь, отрицающыхся Божества его и не покаряющыхся истинј поклоняемыя и божественыя евангельскыя проповјди. О! дабы и тебе, сквернова и хульна съкрушилъ, абіе рождьшагося! лучше бо было бы тебј, аще нјси отнюдь родился въ міръ, или родився, сокрушился абіе желјзною сею палицею, яже пасетъ убо на пажити животныя, и на водј покойнј слагающыхся правдј и истинј евангельскія проповјди, а не покаряющихся ей сокрушаетъ до конца и въ некочяемыхъ мукахъ затворяетъ, ихъже ты наслјдникъ нарочитъ уже еси сквернјйшій, со всјми, твоему слагающимися нечестію. Но елико убо къ показанію Божества Спаса Христа и его, яже надъ всјми, Божествевыя силы и власти, довольно сія въ настоящемъ. — Нынј же на прочихъ сквернаго сего Моамефа нечестіихъ обращуся, и обличю его, съ Божіею помощію, лестьца и волка, въ истину суща, въ кожю овечію оболъчена, и самаго чаемаго богоборца антихриста преднаставника и предтечю. Рци ми, о нечестивыхъ нечестивјшій! Елма [27] священную книгу евангельскую зјло прехваляешь, чесо ради не повелјваеши твоимъ стаиникомъ [28] крещатися во имя Отца и Сына и Святаго Духа, по заповјди Ісуса Христа, иже надо всјми Бога, глаголющаго евангеліемъ, еже по Матфеи, къ своимъ ученикомъ: шедше въ міръ весь, научите вся языкы, крестяще ихъ во имя Огца и Сына и Святаго Духа, учаще ихъ блюсти вся, елика заповјдахъ вамъ. [29] Такожде и въ, еже по Марку, евангеліи, глаголя: вјровавый и крестився спасенъ будетъ. Но всяко речеши, по премногу твоему безстудству, яко и азъ зјлнј повелјваю моимъ стаинникомъ водою чистою многажды въ день умывати себе. Къ твоему богомерзскому противоположенію оно первее реку: ты кто еси, нечестивјйшій, или коего мниши себе, яко смјеши отнюдь развращати вторый сей уставъ неблазненаго евангельскаго благовјрія и таиннаго очищенія. Еда ты боли еси Іоанна Крестителя, иже посланъ бысть отъ самого Вышняго, проповјдати языку іудескому крещеніе покаяніа на оставленіе грјхомь, иже и глаголаше крещаемымъ: азъ убо крещаю вы водою, грядый же по мнј сильнје мене есть, емуже нјсмь достоинъ сапогы понести; той вы креститъ Духомъ Святымъ и огнемъ. [30] Ты же отъ кого посланъ еси? явј, яко отъ самого діявола на развращеніе евангеліскыя проповјди, иже ненавидитъ ю, аки разоряющу козни его, яже на благочестивыхъ, и отнюдь немощну творящу человјкогубительную силу его; сея ради вины посланъ бысть отъ него. Тјмже, и водою точію немощною омываеши многажды въ день внјшніе сткляницы и блюду; внутреннее же его исполнь есть всякія нечистоты и безаконія; якоже всјхъ Богъ и Спасъ Ісусъ Христосъ глаголеть о подобныхъ тебј фарисјохъ и книжникохъ. Крещаше Іоаннъ, но водою точію, Христосъ же Духомъ Святымъ и огнемъ, не симъ вещественымъ, иже у насъ, но огнемъ Божественыя любве, очищающимъ вјрныхъ душя и сердця отъ всякія скверны грјховныя плоти и духа и боговидны содјлающимъ я. Аще убо крещеніе Іоанново, болшаго всјхъ пророкъ и послана отъ самого Вышняго, водою единою совершаемо, не даяше крещаемымъ оставленіе грјховъ, ниже Духъ Святый, и се явј есть, о нихже самъ Христосъ глаголетъ своимъ ученикамъ: [31] Іоаннъ убо крестилъ есть водою, вы же имате креститися Духомъ Святымъ не по мнозехъ сихъ днехъ. Како ты, нечестивјйшій, мниши водою единою немощною очищати себе и послушающихъ тебе отъ нечестій сердецъ вашыхъ, ниже отъ Бога посланъ, ниже во имя Отца и Сына и Святаго Духа крещаемь? какоже очиститеся отъ нечестій вашыхъ, аще не будете вјровати вседушьно, яко распятый волею Ісусъ Христосъ той есть соприсносущный Сынъ и Слово безначалнаго Отца, пришедый въ міръ грјшникы спасти. Самъ бо единородный Сынъ и Слово Божіе явј сице объявляетъ въ, еже по Іоаннј, евангеліи, глаголя: сице бо възлюбилъ есть Богъ міра, яко Сына своего единороднаго далъ есть, да всякъ, вјруяй вонь, не погибнетъ, но да имать животъ вјчный; [32] и мало пониже глаголетъ: вјруяй въ Сына, не осудится, а не вјруяй, уже осужденъ есть, яко не вјрова во имя единороднаго Сына Божіа. [33] Таже о немъ и креститель Іоаннъ втомже евангеліи глаголетъ: вјруяй въ Сына имать животъ вјчный, а не вјруяй въ Сына, не узритъ живота, но гнјвъ Божій пребудетъ на немъ. [34] По сему бо неложному отвјту, на тебј, паче иныхъ, прежде тебе бывшихъ богоборныхь еретикъ, пребудетъ Божій гнјвъ, яко не единого точію Божества Единороднаго отмјтающася, но яко и самую всю евангельскую проповјдь злочестивј развращающа, и всякымы образы благочестивую христіаньскую вјру ратующа, и противу ополчающася. Кая бо неправда или, кое студодјяніе и безаконіе не всјяно есть въ богомерскыхъ списаніихъ же и повјстехъ твоихъ? Но да не вся нечестія твоя исчитая, неисчерпаемую тину злосмрадія всякого вложу въ мыслехъ благочестивыхъ. Два или три отъ нихъ предложивъ и обличивъ, конецъ слову сотворю. Аще праведно и прямо и съ небесе сшедше судится у тебе божественое евангеліе; чесо ради, сему глаголющу къ саддукеомъ: прелщаетесь невјдяще писанiя, ниже силы Божіи; въ воскресеніи бо ни женятся ни посягаютъ, ниже бо могуть умрети къ тому, но якоже ангели Божіи на небеси суть. [35] А ты, нечестивјйшій, супротивная узаконяеши, објщавая стаинникомъ твоимъ множество отроковиць предобрыхъ, отъ Бога уготовлено по воскресеніи, и должайши срамныя уды прибыти имъ објщеваеши безсытнј безообразующимъ и студодјющимъ скотолјпнј, да еще предъ самјмъ Богомъ. Оле нечестія твоего! воистину гробъ отверъстъ гортань твой сквернјйшій, отрыгая всякыя гнуси [36] и нечистоту скотскую и смрадъ нестерпимъ, и хулы на Бога бјсовъскіа, имиже хуля, сквернјйшій, глаголеши наслажатися Богу студодјаніи ихъ. Воистину лютјйшій бјсъ и богоборенъ, нечистый духъ, всельшеся въ сквернјй души твоей, движетъ лютоносный языкъ твой, глаголати и писати толь хулная на прельщеніе и погибель вјчную покаряющимся твоимъ нечестіемъ. — Къ симъ же, елма праведно и прямо есть божественое евангеліе, якоже самъ глаголеши, и мы вјровахомъ и исповјдуемъ; чесо ради евангелію, крјпцј заповјдающу отнюдь не клятися ни небомъ, ни землею, ниже инымъ кымъ; [37] а ты, нечестивјйшій, повелјваеши твоимъ сотаиникомъ не отрицатися всякого образа клятвенаго, къ еже солгати христіаномъ. Чесо ли ради иного, нечестивјйшій, повелјлъ еси сіе твоимъ стаинникомъ? Но точію тщася образомъ симъ истребити до конца простертую по всей вселеннјй благочестивую деръжаву христіанскихъ царей и властелей и князей. Много и различно нјкое твое коваръство, пачеже всельшагося въ тебј сквернаго бјса, на насъ блогочестивыхъ бјшеніе, егоже всего аще кто разкрыти и обличити восхощетъ, книгу цјлу многострочну составити понуженъ будетъ; сего ради и самъ неисчерпаемымъ смрадомъ мотылосмјшныхъ објщаній твоихъ и повјстей владјющаго (?) ума обьемлемъ и омрачаемъ, инымъ сіе оставляю, словеснјйшимъ мене.

Оно же твое хвалю и оглаголую [38] вкупј: повелјваеши бо твоимь стаинникомъ, глаголя: аще кто отъ васъ понуженъ будетъ коли отъ христіанъ, мучимъ, отметатися тебе, но отрицайтеся отметанія, аще и многажды кому случится отъ васъ; сіе бо, аки ничтоже, вмјнится у мене, глаголеши; щедръ бо азъ, глаголеши, и милостивъ, а не якоже Христосъ немилосердъ, отрјвая до конца отметавшихся единою его. Противу сему твоему завјщанію сицевыми супротивъ вјщаю ти. Аще праведна и Богу друга и отъ него послана вјси себе законоположителя человјкомъ, како паки самъ себј супротивишися и отметатися тебе попущаеши стаинникомъ твоимъ, въ различныхъ мученіихъ впадшимъ? рекъ бо еси повыше, яко мечемъ и оружіемъ посланъ еси отъ Бога убивати нещадно отметающихся тебе и твоихъ словесъ. Обаче хвалј еси достоинъ о семъ; достоинъ бо еси и предостоинъ не точію отметаемъ бывати, но и проклятъ бывати отъ всјхъ вкупј, и оплюваемъ и гнушаемъ, якоже нечестивъ и богоборенъ явј, и самого чаемаго антихриста предтеча, глаголемый лживый пророкъ. Всякого бо нечестія, нечистоты же и безаконія исполнена суть твоя списанія и завјщанія и умышленія. Тјмже, и якоже сый одушевлено орудіе и жилище самого сатаны, милостивјйша себе и самого Христа, сущаго надо всјми Бога, смјеши глаголати, по премногому твоему бјсованію, и наипаче лжущь и о семъ, якоже и о иныхъ многыхъ, на Спаса Христа; не простј бо отметавшагося его отреваетъ Христосъ, но некающагося по отметаніи, и пребывающаго внечестіи, не хотящаго обратитися. И свидјтель словеси сему истиному верховный ученикомъ его Петръ блаженый, трижды отметався его, во время преданія его, сего же покаявшагося и плакавша горько, не токмо пріятъ его просто, но и болшія, нежели прежде, чести сподобилъ его, трижды утвердивъ ему первенство прочихъ своихъ ученикъ, пастыря его истиннаго показавъ. А яко убо лживъ еси ты и льстецъ, богоборенъ и на развращеніе всего, еже по Христј, божественаго евангелія посланъ еси отъ самого сатаны, впогибель многымъ языкомъ, послушающимъ тя, самъ Христосъ, божественымъ евангеліемъ своимъ, обличаетъ тя, нечестивјйшій, сице глаголя: иже нјсть со мною, на мя есть, и не собираяй со мною разсточаетъ. [39] Аще убо и ты былъ бы съ Христомъ, якоже и предъпосланіи отъ него пророцы божественіи, и иже по нихъ священніи ученицы его, и апостоли и бывшеи по всей вселеннјй, аки пресвјтлыя звјзды, озарившеи церквы сущаго надо всјми Бога и Спаса Христа, апостольстіи отцы нашы и учители, — никакоже возсталъ бы еси на Христа, но согласилъ бы съ нимъ во всјхъ и съ ученикы его, и собиралъ бы съ нимъ, а не разсыпалъ бы собраная имъ, нечестивјйшій. Но негли речеши, по премногому твоему безбожію, яко и ты толики языкы собралъ еси и собираеши всегда во еже по тебе нечестіе? Ей собираеши и ты, и мы исповјдуемъ, а не съ Христомъ, ниже, якоже Христосъ, но супротивнј ему. Той бо неблазненымъ богоразуміемь и узкымъ и скорбнымь путемъ, ведущимъ въ животъ вјчный, собираетъ пшеницу чисту, сирјчь святыхъ и боговидныхъ душя, въ своихъ небесныхъ житницахъ, еже есть въ животъ вјчный и въ царство непоколеблемо. Ты же, о нечестивјйшій, твоимъ бјсопреданнымъ и скотолјпнымъ узаконеніемъ и широкимъ и пространнымъ путемъ, ведущимъ въ погибель вјчную, собираеши, не пшеницу чисту, якоже Христосъ, но плевы и трость, евангельскы глаголати, въ огни вјчнующемъ сгараемы съ тобою и твоимъ отцомъ діаволомъ, начальникомъ и собирателемъ и тайноучителемъ новоявленаго, еже по тебј, нечестія. Аще собираеши съ Христомъ, сквернјйшій, никакоже отметалбыся божественаго, еже о Христј, крещенія, еже во имя Отца и Сына и Святаго Духа совершается почищаетъ всякія скверны грјховныя и боговидныхъ содјловаетъ крещаемыхъ, пріемлющихъ è съ вјрою правою и желаніемъ зјльнымъ. Аще бяше собирааше съ Христомъ, никакоже отрицашеся тайны, яже паче ума и слова, святыя и поклоняемыя Троиця, но исповјдалъ бы съ нами Отца безначальна и присносущна, Сына единосущна и собезначальна Отцу и Духъ Святый соприсносущенъ имъ и собезначаленъ, единаго Бога трое, въ тріехъ ипостасехъ, нераздјльне раздјляемаго, и несмјсно пакы соединяема существомъ. Аще со Христомъ бяше и собирааше, училъ бы убо своихъ стаинниковъ вјдати, яко по воскресеніи ни женятся, ни посягаютъ, но якоже ангели Божіи суть на небесјхъ, якоже учитъ божественое Христово евангеліе, [40] ниже објщааше имъ, по смерти и еже отъ мертвыхъ воскресеніи, отроковицы доброличны, и рјки вина и млека и меду и рая, окаляема и пометаема отъ несытныя скотолјпныя пищи твоея и твоихъ стаинниковъ; но глаголалъ бы убо и ты съ Христомъ и Павломъ премудрымъ: нјсть царствіе Божіе брашно и питіе, но правда и миръ и радость о Дусј Святјмъ. [41] Аще съ Христомъ стояше и собирааше, завјщалъ бы убо стаинникомъ твоимъ, глаголя: аще кто хощеть въ слјдъ Христу итти, рекше, въ царьство небесное внити, да отвержется себе самого, сирјчь, своихъ похотей плоти и души своея, и да возметъ крестъ свой, еже есть самоизвольное умерщвеніе чювствій своихъ, и въ слјдъ ему да ходитъ, сирјчь по святыхъ его заповјдехъ да жительствуетъ и устраяетъ житіе свое. Ты же, супротивная симъ узаконяя и завјщевая, явленъ еси отъ самого богоборца сатаны предпосланъ придтеча антихристовъ, въ погибель многымъ, скотолјпне живущимъ, языкомъ. Подобаше убо намъ, познавшимъ, отъ всјхъ богодухновенныхъ писаній, твою по всему бјсовскую прелесть и нечестіе, здј уставити слово, еже о истинј, и не всуе тружатися излишными словесы объявити, яко тьма нјсть то свјтъ, но тьма, и яко гноище нјсть хлјбъ сладокъ, но смердящее кало; такова бо вся твоя, сквернјйшій, и завјщаніа и објщанія и повјствованія. Воистину скотенъ нјкій былъ еси ты нравомъ и всякія злобы и бјсовскаго лукавства преполонъ. Елма же, по премногу твоему бјшену тщеславію и безумію, смјлъ еси рещи и на небеса возшедша себе, и богомерзское имя твое видјвша врјзано на деснјй странј Божія престола, и самого Бога видјвша, егоже никтоже, николиже отъ человјкъ видј, по божественому отвјту единороднаго Сына Божіа, глаголющаго въ евангеліи, еже отъ Іоанна: Бога никтоже видј николиже, единородный Сынъ, иже есть въ нјдрехъ Отчихъ, той повјда; нужно естъ еще намъ помедлити въ словј, еже о истинј евангельстей, и изобличити тя и въ семъ, якоже и въ иныхъ многыхъ, лжуща и сатанински велјричююща и хвалящася. Изобличитъ же тебе не простъ нјкто мудрецъ міра сего, но Самъ Христосъ, иже есть ипостасная Бога и Отца премудрость, яже вся сущая и создала есть и соблюдаетъ, сице явј глаголя въ еже по Іоанну Евангеліи, ко пришедшему въ нощи къ нему Никодиму, единому сущу отъ іюдейскыхъ князь: аминь, аминь глаголю тебј, аще кто не родится свыше, не можетъ видјти царствіе Божіе. [42] И пакы тойже Господь и въ томже: аминь, аминь глаголю тебј, аще кто не родится водою и духомъ, не можетъ внити въ царствіе небесное, [43] и къ симъ приводитъ глаголя: и никтоже взыде на небо, точію сшедый снебесе, Сынъ человјческый, иже есть на небесехъ. Такова убо, яже всјхъ Бога и Спаса Ісуса Христа къ Никодиму, поклоняемая словеса. Ты же, нечестивјйшій, вся сія, аки ничтоже вмјнивъ, возшедша на небо глаголеши себе, ниже свыше родився, ниже крестився водою и Духомъ Святымъ во имя Отца и Сына Святаго Духа, ниже Христа исповјдуя Бога истинна и Творца всјхъ. Кого себе мниши отъ всјхъ преже тебе бывшихъ богомерскыхъ еретикъ, нечестивјйшій и сквернјйшій? Иже всјхъ Владыка и Богъ глаголетъ: и никтоже взыде на небо, ты же, развращая божественый сей отвјтъ, возшедша ли себе глаголеши на небо? Еда ты болій еси Авраама и Исаака и Іакова, Моисея же самого и Аарона, Иліи же и Елісја, и прочихъ, иже по нихъ бывшыхъ, богодухновенныхъ пророкъ, отъ нихъже никтоже взыде на небо, по божественому отвјту Бога всјхъ и Спаса Христа? Коея же твоея ради добродјтели, или благовјрія, или правды и истины и ревности за евангельскую истину, достоинъ отъ Бога вмјнился тамошнему восходу? Оле твоего лютаго хуленія и нечестія! Они отъ еже по објтованію Божію благословенаго сјмяни Авраама и Ісаака и Иякова родившеися и считаеми и по святыхь Божіихь заповјдехъ ходивше непорочно, на небо взыти не хвалятся; ты же отъ изгнаннаго Божіимъ велјніемъ Авраамля наслјдія Измаила, сына рабыни Агари, и отъ возненавидјннаго Богомь Исавова колјна считаемъ, и святыя заповјди и богословная учительства и велјнія Ісуса Христа, родословимаго, по плоти, отъ сјмяни ихъ благословеннаго, развращая и разоряя, отнюдъ на небо возшелъ еси и Бога самого, егоже николиже никтоже видј, ниже видјти можетъ, по апостольскому гласу, видјлъ ли еси, и имя свое богомерское врјзано на деснјй странј Владычняго престола? Воистину ученикъ ты еси и подражателъ діавола, отца твоего, похвалившагося древле и рекшаго: и положу престолъ мой на облацјхъ небесныхъ и буду подобенъ Вышнему. Входъ храма своего, иже въ Іеросалимјхъ, крјпцј Моисеовымъ закономъ возбраняетъ моавитину и аммонитяну; а тебј, сквернјйшему отъ роду ихъ, восходъ на самое небо повелјлъ есть? И кое сообщеніе свјту къ тьмј, или кое причястіе Христу съ веліяромъ? Онъ бо свјтъ есть разумный, просвјщаетъ всякаго человјка грядущаго въ міръ, якоже самъ о себј глаголетъ: азъ свјтъ, въ міръ пріидохъ, [44] и пакы: азъ есмь свјтъ міру, иже въ слјдъ мене ходитъ, не имать ходити въ тьмј, но имјти будетъ свјтъ животный. [45] Вјруяй убо въ Христа и крещаемый въ имя Отца и Сына і Святаго Духа, по заповјди Христовј, и въ слјдъ ему идый, сирјчь по спасительныхъ его заповјдехъ жителствуя, имать свјтъ животный, еже есть разумъ истиннаго богоразумія, и не ходитъ въ тьмј твоея бјсовскыя прелести и нечестія, сквернјйшій. Онъ свјтъ въ міръ пріиде, Солнце сый правды по святыхъ писаній, и присносіяющими лучями евангельскаго богоразумія и узаконенія всю вселенную озарилъ есть. Ты же, нечестивјйшій, тьма еси и волкъ золъ и душегубитель, бјсъ плотянъ, прелестникъ въ міръ пришелъ еси, всяческою прелестію прельщая скотолјпныхъ человјкъ тјмъ, еже прощати имъ всякое беззаконіе и неправду. И о Спасј убо Христј и его Божествј и богоразуміи и благочестіи неблазненномъ и царствіи вјчномъ и, яко хотяше въ міръ сей пріити и воплотитися отъ Святаго Духа и чистыя и всенепорочныя Дјвици, и наставити въ путь неблазненнаго богоразумія и благочестія и всякія правды отпадшее естество бјдныхъ человјкъ, не точію всяко богодухновенное писаніе пророческое и повјстительное [46] сказуетъ и извјщаетъ, но еще и мнози отъ еллинъ премудрыхъ мужей предувјдјшя, Богу открывшу имъ, и въ своихъ писаніихъ положишя, овы убо гадателнј и сокрытнј, овы же яснј и открытј. Отъ нихъже первый есть Орфей, древній творецъ [47] премудрјйшій у еллинехъ, глаголя о Христј, яко овъ хощетъ родитися отъ Дјвы (Маріи). А премудрая пророчествія волховници [48] Сивиллы о явленіи Спаса Христа и спасителныхъ его страстей, и еже изъ мертвыхъ воскресеніи Его же и всјхъ отъ вјка умеръшихъ, коели жесточайше сердце и душу невјрну не возмогутъ умягчити и увјщевати исповјдати единого истинна и всесилнаго Бога быти, распята бывша, Христа Ісуса, при поньтійстјмъ Пилатј? Откуду же найде ей такова о Христј пророчествовати? явј всяко, яко отъ Бога просвјщена бысть строительнј, [49] да не точію отъ богодухновенныхъ писаній еврейскыхъ имать извјщеніе божественное, еже о Христј, таинство, но и еще отъ самыхь отчюженныхъ Бога еллинъ. [50] О тебј же, нечестивјйшій, кое, когда, богодухновеное писаніе помяну, аки о блазј и отъ Бога посланнј бывшемъ. Аки убо о блазј, ни едино; аки о татј и звјрј и свинiи и вепрј дивіи, зобящемъ и поядающемъ избранную лозу Господню, юже насади десница Вышняго, всяко богодухвовенное писаніе поминаетъ и сказуетъ твое богоборное бјшеніе, имъже бјсишися на истину евангельскую, тщася вытребити ю до конца отъ лица земли. Ты еси воистину, глаголемый въ евангеліи, грядый тать, да крадетъ и заколетъ и погубитъ. И крадеши бо, льстивыми своими словесы и објщаніи широкаго и пространнаго пути, душя человјчя во, еже по тебј, нечестіе, и заколеши я мысленно богоборцу, отцу твоему, діаволу, и погубляеши я до конца, въ самое мрачнјйшее дно адово влекій ихъ съ собою. Ты еси, неложнј, яже отъ дубравы, рекше частости безчисленыхъ твоихъ блядь, [51] свинія и вепрь дивій, озобавыи и поядъ паче же озобая и поядая всегда, избранную лозу, юже насади десница Вышняго. Ты еси мысленный онъ волкъ, хищаяй отъ благочестиваго ограда словесная овця Спаса Христа и разсыпая ихъ, увы, нарадјнія для [52] пасущихъ я. Ты еси, безъ сумнјнія, восходяй отъ земля, еже есть отъ житія скотскаго, звјрь онъ, имјющь два рога, подобна овчю, соглаголяй первому звјрю, сирјчь антихристу, способствуя ему въ прельщеніи многыхъ неутверженыхъ языкъ, и предуготовляа ему пути кривыя отводящія въ погибель вјчную; два же рога овчая облагаетъ тебе божествены пророковъ откровеніе, сказующе явј тјми, яже по лицемјрію дјйствуемая тобою злокозненј, отъ обою завјту Божію нјкія обычая и завјщанія. Понеже, по іюдеохъ, [53] единъ ипостась мудръствуеши о Бозј, а не три, по божественому Христову евангелію, и всјхъ древнихъ богодухновенныхъ богословцовъ, и обрјзатися повелјваеши твоимъ стаинникомъ, и свиная мяса гнушатися, и чястыми омовеніи себе очищати, и ина іюдейска соблюденія суетна и неполезна завјщеваеши имъ. Но по іюдеехъ убо такова тобою дјйствуются злохытреннј, а по христіанехъ бытьто яко Христа не всяческы отмјтаешися, якоже іюдеи, но исполу [54] исповјдуеши его, пророка его глаголя Божія свята, и всјхъ вкупј пророкъ вышша безприкладне [55] бывша, а не и Бога, ниже Сына Бажіа, но Божія раба вмјняеши и нарицаеши, и божественое евангеліе презелнј хвалиши, и свято и съ небесъ сшедше славиши è и свидјтельствуеши, а содеръжанная въ немъ божественыя догматы же и велјнія вся вкупј, нечестивјйшій, попираеши, и вседушно тщишися развратити. Но не преодолјетъ до конца злоба добродјтели, ниже нечестіе богоразумію неблазнену; речено бо естъ самјмъ, иже надо всјми Богомъ, Ісусъ Христомъ, въ божественомъ евангеліи: и падый на камени семъ сокрушится, а на немже той падетъ, возвјетъ его. Се есть камень онъ, егоже Даніилъ, божественый пророкъ, тайнј видј отъ горы отсјчена, кромј [56] руки мужа, и сокрушъша различно сложеный образъ, показанный въ снј Навхудоносору, царю вавилонскому, самого же бывша въ гору велію, и покрывша землю всю. Сей мысленый камень сокрушитъ всяко и тебе, до конца падшаго на немъ, и глубинамъ забвенія предасть тя, якоже и всјхъ подобныхъ тебј нечестивыхъ гонителей и мучителей, возбјсившихся на немъ. Неложенъ бо и страшенъ и всесиленъ Богъ и Отецъ единороднаго Сына и Слова своего, Ісуса Христа, иже надо всјми Бога, о немъже и егоже ради такова објщаваетъ, глаголя усты Давыдовы, пророка и царя, еще глаголя о немъ: положихъ помощь на сильнаго и возвысихъ избраннаго отъ людей моихъ, обрјтохъ Давыда раба моего, елеомъ святымъ моимъ помазахъ ихъ, ибо рука моя заступитъ и, и мышца моя укрјпитъ и. [57] Таже, да не о Давыдј, сынј Іесеовј, симъ реченнымъ бывшимъ, нјціи возмнятъ, приводитъ, глаголя: не успјетъ ничтоже врагъ надъ нимъ, и сынъ беззаконія не приложитъ озлобити его. На Давыда бо возможе врагъ діаволъ, иже и сынъ беззаконія глаголется, ввергъ его въ грјхъ преблужденія и убійства Уріина; на Бога и человјка же Слова никакоже возможе, трищи ему приступивъ, въ пустыни постящуся, и трищи отъ него низложенъ бывъ, со студомъ отступи отъ него; таже глаголетъ: изсјку отъ лица его врагы его, и ненавидящихъ его побјжду, и истина моя и милость моя съ нимъ, и о имени моемъ вознесется рогъ, и положу на мори руку его, и на рјкахъ десницу его, той воззоветъ мя: Отецъ мой еси ты, Богъ мой и заступникь спасенія моего, азъ первородна положу и, высока паче всјхъ царей земныхъ. Сія вся суть показательна [58] Божественаго заступленіа силы же и славы и царствія Богочеловјка Слова, по человјческому, зане бо Богъ и царь есть всјхъ, сущихъ на земли, вседержитель и всесиленъ Господь. А яко евангельскый завјтъ, егоже положи священнымъ всјмъ ученикомъ его, и ими всјмъ вјрующимъ в онь, не преложенъ до конца соблюдется, а не преложится, якоже ветхый, и, яко сјмя его, сирјчь христіанскый языкъ, пребудетъ въ вјкы, услыши, что по сихъ глаголетъ тойже Богъ и Отецъ: въ вјкы сохраню ему милость мою, и завјтъ мой вјренъ ему, сирјчь непоколебленъ и непреложенъ, и положу въ вјкы сјмя его, сирјчь вјрующихъ въ него, и престолъ его, еже есть царствіе его, якоже дніе небу, сирјчь безконечно. Якоже и мало пониже глаголетъ: единою кляхся въ святјмъ моемъ, аще Давыду солжу, сјмя его въ вјкы пребываетъ, и престолъ его, якоже солнце предо мною, и якоже луна утвержена въ вјкъ. Таже приводитъ глаголя: свидјтель на небеси вјренъ, сирјчь самъ азъ, иже всјхъ содјтель, свидјтель есмь самому Христу моему, яко вся сія сице будутъ, якоже кляхся въ святјмъ моемъ, яко не солжу Давыду, рекше Христу, считаемому, по человјчеству, отъ сјмени Давыдова, сына Іесеова. Аще же сія сице написана суть о Христј, отъ самого блаженнаго пророка и царя Давыда, аки отъ лица самого Бога всјхъ, и тако быша, како ты, нечестивјйшій, развращая все Христово евангеліе, и отметаяся Божества его и силы и господьства, и попирая вся его святыя заповјди и, яже о святјй и царствующей Троицы, догматы не пріемля, воставая на Христово евангеліе и христіанскый языкъ, всякымъ образомъ гоня и ратуя и вытребити до конца тщася, не предтеча ли еси явьственнј нарицаемый псевдопрофитъ, сирјчь лживый пророкъ самого антихриста, аще и въ настоящемъ нјсть ти еще дано дивеса [59] и знаменія ложна творити, якоже есть писано о ономъ, ниже образъ первому звјрю, глаголю же антихристу, поставивъ, нудиши прельщеныхъ поклонитися образу зміину; аще и начертаніе не начертаешь на челехъ и на деснјй руцј ихъ, яко неимущему è, ниже продати можетъ, ниже купити не наставшу времяни прелести и явленіа сына погибельнаго. Содјяна всяко тогда будутъ и та, судбами Божіими не изглаголанными, наслјдникомъ и совершителемъ твоего богоборнаго нечестія. Аще убо, якоже выше речеся, съ клятвою содјтелемъ всјхъ, яко сјмя Христа его, сирјчь христіанскый языкъ, пребудетъ въ вјкъ вјкомъ, и престолъ его, якоже солнце предъ Богомъ и Отцомъ, то убо и нечестивое сјмя твое, якоже христоборно, истребится въ вјкъ, по глаголющему святому писанію, яко грјшници погибнутъ, врази же Господни вкупј прославитися имъ и вознестися, изчезающе, якоже дымъ изчезошя. [60] Слыши же и виновное [61] вјчному пребыванію благочестивымъ, зане рече: благословящеи его, сирјчь Христа, наслјдятъ землю, [62] еже есть горній Іеросалимъ, по немуже ступаютъ ногы кроткыхъ; кленущіи же его, рекше Христа, истребятся, якоже мало пониже глаголетъ: беззаконницы же изжденутся и сјмя нечестивыхъ потребится; праведницы же наслјдятъ землю и вселятся въ вјкъ вјка на ней. И пакы мало пониже глаголетъ: храни незлобіе, и виждь правоту, яко есть останокъ человјку мирну, беззаконницы же истребятся вкупј, останцы же нечестивыхъ погибнутъ; спасеніе же праведнымъ отъ Господа. [63] Тебј же, нечестивјйшій, не незлобіе ни правоту сохраншу, ни видјвшу, супротивно же паче всякія злобы, беззаконіе же и кривость нравомъ и развращеніе всякого благочестія введшу въ житіе сè, и о воеваніи и плјненіи и кровопролитіи благочестивыхъ радующуся и веселящуся, нјсть ти останокъ, нјсть ти, сирјчь причастіе по смерти съ праведными, аки не благословящу съ ними Царя и Спаса ихъ, Христа Iсуса; но общеніе твое есть съ кленущими его, богоборными іюдји, и наслјдіе твое съ отцомъ твоимъ, діаволомъ, въ геенну бесконечнаго огня, яко его ученикъ и способникъ въ хуленіихъ, яже на Христа, самого бо всего діавола имјвъ живуща въ сквернјй души и сердци твоемъ, и всякымъ образомъ отметаяся присносущнаго Божества и господьства его, ниже образомъ симъ пощадјлъ еси солгати нань; хулиши бо, яко возшедша его на небо, вопрошшу его Богу, аще весьма дерзнулъ еси самъ себе именовати Бога на земли, отвјщати Богу, никакоже Господи, но человјцы солгаша на мя таковое неправдованіе. Оле твоея неприкладныя злобы и коварства, сыне діаволь! Но здј слова дошедъ, како достойнј изобличю твоего нечестія и безумія, недоумјніемъ великымъ содержимъ есмь. Обаче, Спаса Христа призвавъ, о немъ бо мнј есть весь сей подвигъ, обличеній, яже по силј, не отступлю, но изъобличю тя, и въ томъ лжуща и хуляща на единороднаго Божество и на самјхъ всјхъ священныхъ Божіихъ пророковъ и апостоловъ, и на самого посланна отъ Бога, къ сущей отъ сјмени Давыдова, Дјвици Маріи, архангела Гавріила, да что глаголю архангела и пророкы, на самого Вышняго, вјдущаго всяческая прежде бытія ихъ, изъострилъ еси богоборный языкъ свой. Аще бо по истинј, а не по лицемјрію и бјсовскому коварству прехваляеши божественое евангеліе, глаголющее сице явъственнјйшј: въ мјсяцъ шестый посланъ бысть отъ Бога Гавріилъ архангелъ въ градъ галилейскый, емуже имя Назаретъ, къ Дјвици обрученнјй мужу, емуже имя Іосифъ изъ дому Давыдова, и имя Дјвици Маріамъ, и вшедше къ ней, ангелъ рече: радуйся обрадованная! Господь съ тобою. [64] Аще убо отъ Бога посланъ бысть Гавріилъ благовјстити къ святјй оной Дјвици пришествіе Господне, то же есть рещи, Бога въ ней вселитися благоизволивша, Богъ бо единъ есть Господь, яко всјхъ содјтель и надо всјми владјя божественнј, како убо ты, сквернјйшій, глаголеши, яко Богъ вопроси Христа, возшедша на небо, аще Бога самъ себе именова на земли? Еда бо человјка или ангела посла Богъ съ небесе къ Дјвици, аще бы вјдалъ архангелъ человјка или ангела, послана къ ней отъ Бога, не бы именовалъ его Господа, ниже глаголалъ бы: тјмже, и рожденное въ тебј свято наречется Сынъ Божій; ниже бы и Царя его нарицаше вјчна, глаголя: и воцарится въ дому Іаковли въ вјкы, и царствію его не будетъ конца. Господь убо посла къ Дјвици единороднаго Сына и Слова своего, иже всјхъ Господь и Владыка, якоже самъ Единородный о себј глаголетъ пророкомъ Исаіемъ, глаголющимъ: Господь посла мя и Духъ его. [65] Яко Господь не точію Богъ и Отецъ святыми писаніи воспјвается, но и той единородный Сынъ Божій. Слыши внятно, что глаголетъ блаженный пророкъ и царъ Давыдъ о обоихъ: рече Господь Господеви моему: сяди одесную мене, и прочее. [66] Се два Господа Отецъ и Сынъ. И пакы тойже: изчрева прежде деньница родихъ тя. Отецъ и Господь сіе глаголетъ къ единородному Сыну и Слову своему. Еда человјка ражаетъ Богъ? Богъ сый и Господь, раждаяй боголјпнј, Отецъ изъ чрева, сирјчь отъ Божественнаго существа своего, Бога и Господа ражаетъ, подобна себј по всему. Что убо по сихъ? Клятся, рече, Господь и не раскается. Что клялся? Ты еси священникъ въ вјкы, по чину Мелхиседекову. И пакы инде тойже пророкъ и царь о тјхже глаголетъ: Господь съ небеси на землю призрј, сирјчь Сынъ Бога и Отца. Чесо ради призрј? да слышитъ, рече, въздыханіе окованныхъ, да разрјшитъ сыны умерщвеныхъ, да возвјститъ въ Сіонј имя Господне, и хвалу его въ Іеросалимј. Се Господь и призрјвый съ небесе на землю; сей есть Сынъ, Господь же, егоже имя пріиде возвјстити въ Сіонј. Аще убо Богъ и Отецъ, Господь сый и имянуемъ отъ всјхъ божественныхъ пророкъ, посла Господа? въ міръ, сирјчь единороднаго Сына своего, да вси почитаютъ Сына, якоже почитаютъ и Отца, якоже самъ Единородный о себј глаголетъ; и пакы тойже: се есть животъ вјчный, да знаютъ тебе единого истиннаго Бога и, егоже послалъ еси, Iсуса Христа; [67] како ты вводиши Бога, съ негодованіемъ вопрошающа Христа: аще самъ себе Бога именовалъ въ человјцјхъ, и Христа, аки убоявшася рещи, никакоже Владыко, сіе азъ не смјлъ рещи, но человјцы на мя солгаша. И буди тако, якоже ты хулишь, сквернјйшій, яко ученицы его, списавшіи святое евангеліе солгаша нань; еда и прежде преестественнаго воплощенія его, лјта довольна, послани бышя отъ самого Вышняго божественіи пророцы, солгаша ли, Бога проповјдашя его, Духомъ Святымъ? Оле богомерскія твоея хулы и нечестія, сквернјйшій! И аще они солгаша, то убо и самъ Вышній солга, по твоему безумію, предпославъ ихъ и открывъ имъ, еже отъ вјка утаеное у Бога, таинство сущаго паче ума и слова вочеловјченія единороднаго Сына и Слова своего. Откуду бо они, человјцы суще, можаху предувјдјти велію сію и страшную тайну, яже и самјмъ святымъ ангеломъ Божіимъ не свјдома бысть, аще не самъ Богъ открылъ бы имъ. Аще же Богъ открылъ имъ, како не вјдяше ту по тебј? [68] невјдущаго бо есть, еже съ негодованіемъ вопрашати, егоже самъ дотолј своимъ пророкомъ свидјтельствова. Но всяко таковъ безумникъ онъ есть, вразумивый тя, отецъ твой діаволъ, такова хулити на Бога Вышняго и на святыя его пророкы и апостолы; ні едино бо онъ благо Божіе дјло или тайну правј ни благовјрнј, ниже разумј когда, ниже уразумјти можетъ; обуяло бо неразумное его сердце, отнелиже воста на своего Владыку и Содјтеля, егоже и видјвъ, въ образј человјчи уже суща 40 дній и 40 нощій въ пустыни постившагося, и, не у могій разумјти, еже о немъ, таиньство чрезъестественнаго Его воплощенія, и недоумјваяся съ лукавствомъ глаголаше, приступивъ къ нему: аще Сынъ еси Божій, рци да каменіи сіи хлјби будутъ. [69] Разумјй убо, неразумный, самјхъ каменій безчювьственјйшій, скверне Моамефе: отецъ и учатель твой діаволъ Сына Божіа исповјдуетъ и, не хотя, вочеловјчьшася Бога Слова; слыша бо всяко свидјтельствована бывша его Сына Божія въ Іордани свыше отъ Отца глаголавшаго: сей есть Сынъ мой возлюбленный, о немъже благоизволихъ. Ты же, нечестивјйшій, отметаешися Божества его и оглаголуеши всјхъ вкупј бывшихъ отъ вјка божественыхъ пророкъ и святыхъ его ученикъ и апостолъ и самого Вышняго единороднаго Сына Его. И аще сіи вси лжутъ, по твоему безбожному языкоболію, како будетъ евангеліе божественно и прямо и праведно и съ небесе сшедше, якоже ты многажды свидјтельствуеши, и мы вјруемъ. Аще убо пророкомъ и евангелистомъ не вјруеши, исповјдующимъ его Сына Божія и Бога, о немже и егоже ради, съ усердіемь, приклонишя подъ мечи выа своя бесчисленна множества мученикъ, и ты поне [70] твоему отцу діаволу вјру ими, Сына Божія глаголющу его и Бога. Бога бо едина и той самъ вјсть сильна суща таково что чюдо веліе сотворити, сирјчь преложити жесточайшее естество каменное на хлјбъ сладкыи; аще же ни самому отцу твоему діаволу повинуешися, что ино есть рещи и мудръствовати о тебј, развј, яко и самјхъ бјсовъ нечестивјйшій еси ты, и неразумныхъ скотъ неразумнјйшій и скотнјйшій? Таковому же объявлену бывшу и сущу тебј, время уже намъ оно рещи о тебј божественое слово блаженнаго пророка и царя Давыда: рече безуменъ въ сердци своемъ: нјсть Бога; [71] тјмже и достоинъ еси нарицатися безбожникъ, по евангельскому божественому гласу, глаголющу: не почитаяй Сына, не почитаетъ Отца, пославшаго и. [72] Аще бо и видишися, исповјдати единого Бога, но не якоже открыся отъ самого Единороднаго и Святаго Духа первіе убо пророкомъ древнимъ, таже и святымъ Христовымъ ученикомъ и апостоломъ, но супротивнј имъ проповјдуеши и узаконяеши, нечестивјйшій, тщася всякымъ образомъ развратити пророческую и евангельскую тайну, яже о святјй Троицы, догъму же и проповјдь и все евангельское и апостольское законоположеніе новаго завјта. Но не превозможеши николиже до конца нань. Аще и въ настоящемъ, грјхъ ради нашихъ, попущающу Богу. судьбами Его непостижимыми, могій являешися и наскакаеши на благовјрныя, иже нечестивый и безбожный, но всяко сокрушенъ нјкогда будеши, и ты и имя твое съ шумомъ погибнетъ, якоже и бывшихъ прежде тебе гонителей суровјйшихъ іудеевъ и римлянъ и еллиновъ. Глаголаша бо неложная уста вседержителя Бога, Iсуса Христа, къ верховному ученику его, Петру: ты еси Петръ, рекше камень, и на семъ камени созижду Церковь мою, и врата адова не преодолјютъ ей. [73] Врата адова нарицая воставшая по времянахъ на благочестивую вјру христіанскую, по всей вселеннјй, богоборныя царя и мучителя суровјйшая и звјрины гонителя, отъ нихъже единъ и ты явился еси, сквернјйшій, горчайше и коварнјйше гоня вјрныхъ и прельщая, якоже никтоже отъ прежнихъ тебе гонитель, ово убо насиліемъ и мучительствомъ, овоже дарованіи многихъ и пресвјтлыхъ сановъ објщаніи, овы же лицемјріемъ бытьто благовјрія и правды; болше же тјмъ, еже прощати повинующимся тебј ходити широкымъ и пространнымъ путемъ, водящимъ въ погибель вјчную, по Божественному гласу страшнаго и неумытнаго Судіи, иже надо всјми Бога и Спаса Христа. Тому слава и держава въ вјкы вјкомъ. Аминь.

Примјчанiя:
[1] Слово это написано пр. Максимомъ послј слова «на три латынскія большія ереси».
[2] Утјшителя, Святаго Духа.
[3] въ воздаяніе.
[4] человјкообразно былъ угощенъ.
[5] скучный человјкъ.
[6] Аввак. 3: 3-4.
[7] Пс. 86: 19.
[8] Евр. 7: 19.
[9] Матф. 5: 17.
[10] совершеніе, окончаніе.
[11] Такъ во всјхъ нашихъ спискахъ. Не дóлжно ли читать: прелюбы?
[12] Матф. 5: 28.
[13] Матф. 5: 22.
[14] такъ какъ.
[15] будтобы.
[16] услаждать.
[17] родъ, потомство Авраама.
[18] Матф. 11: 28.
[19] Матф. 16: 24.
[20] Лук. 9: 56.
[21] Іоан. 1: 14.
[22] Матф. 3: 17.
[23] Іоан. 1: 13, 17.
[24] Пс. 32: 6.
[25] Іер. 3: 36.
[26] Исаіи глав. 7.
[27] если.
[28] послјдователямъ.
[29] Матф. 28: 19.
[30] Матф. 3: 11.
[31] Лук. 3: 10.
[32] Іоан. 3: 17.
[33] Іоан. 3: 18.
[34] Іоан. 3: 36.
[35] Матф. 22: 30.
[36] гнусности.
[37] чимъ.
[38] обвиняю.
[39] Матф. 12: 30.
[40] Матф. 22: 30.
[41] Рим. 14: 17.
[42] Іоан. 3: 3.
[43] Іоан. 3: 5.
[44] Іоан. 12: 36.
[45] Іоан. 8: 12.
[46] повјствовательное, т. е историческія книги.
[47] поэтъ.
[48] гадательницы.
[49] съ особеннымъ намјреніемъ.
[50] Подобныхъ изреченій сивиллъ и языческихъ поэтовъ о Спасителј міра собрано немало у древнихъ христіанскихъ учителей, которые были убјждены, что языческіе философы и поэты, чрезъ знакомство съ іудеями, заимствовали изъ ихъ писаній нјкоторыя богооткровенныя истины о Спасителј рода человјческаго, но высказывали ихъ въ своихъ сочиненіяхъ по своему естественному разумјнію (см. Іуст. апол. 1. г. 57. Тертул. апол. X. ч 10. Ѳеодор. о началј. Ефр. Сир. opp. 316. Авг. de civ. Dei. X, 27).
[51] заблужденій.
[52] по причинј нерадјнія.
[53] подобно іудеямъ.
[54] въ половину.
[55] несравненно.
[56] безъ.
[57] Пс.88:20-23 и дал.
[58] показываютъ.
[59] чудеса.
[60] Пс. 36: 20.
[61] причину.
[62] Пс. 36: 22.
[63] Пс. 36: 37-38.
[64] Лук. 1: 26.
[65] Исаіи 48: 16.
[66] Пс. 109: 1.
[67] Іоан. 17: 3.
[68] по твоимъ словамъ.
[69] Матф. 4: 3.
[70] по крайней мјрј.
[71] Пс. 13: 1.
[72] Іоан. 15: 23-24.
[73] Матф. 16: 18.

Печатается по изданiю: Сочиненiя преподобнаго Максима Грека, изданныя при Казанской Духовной Академiи. Часть первая: Догматико-полемическiя сочиненiя. – Изданiе второе. Казань: Типо-литографiя Императорскаго Университета, 1894. – с. 63-105.