Се и вертепъ, и ясли, и новороженъ Младенецъ въ нихъ, восклоненъ [2] Матерію своею неискусомужною, и волсви, дарми честными чествующе, и звјздою чрезъ естественною наставляеми свыше и чинъ ангельскый, вопіюще: слава царствующему въ вышнихъ, и миръ живущымъ на земли, и пастыріе, слышаще свыше: родися вамъ въ Вифліемј веси Христосъ надежда вашя? Воистину предивна вся и явственнј возвјщающа сему Младенцу быти Богу, всјмъ Царю; но можетъ бо никтоже глаголати симъ бывшимъ по прилучаю; издавна бо сія прорекошяся о Немъ, и о сихъ неложни свјдјтели богодухновенныя книги священныхъ будущихъ [3] глаголивыхъ мужъ. Да посрамляется убо непокоривый жидовскый языкъ, пререкуя дерзостно толь явленјйшимъ [4] вещемъ! Да или яко Бога поютъ вкупј съ нами Ісуса, зряще вся, елика прорекошся о Немъ священными пророкы преже многыхъ лјтъ и сбышася о Немъ неложно, прокаженныхъ очищающу, а слјпымъ зрјніе подающу и мертвыя изъ гробъ воставляющу, словомъ, или въ своей злобј злохотно пребывающе, ни тјмъ прочее священнымъ пророкомъ да повинуются, аки такова солгавшымъ на Христа, ниже да чяютъ иного пріити, аки предуставленному времени явленія Его, издавна уже трищи прешедшу. Аще убо неложенъ есть глаголяй желающему пророку навыкати разрјшеніе злымъ своего языка: [5] седмижды, вјждь, десять седмицы прекратишася о людехъ твоихъ и о градј святјмъ, яко запечатлјти прочее и видјніе мудраго пророка, и да пріидетъ Святый святыхъ; [6] сіе же пророчество явј бысть, понеже прочее по Христј никто въ нихъ воста будущая предвозвјщая. Ащели же аки истиннымъ и Божіимъ другомъ пророкомъ вјры имутъ, и ухо свое тјмъ приклоняютъ, Христа Бога нашего да поютъ несумнјнно, зане о Семъ единомъ събытіе неблазнено пріимшымъ всјмъ вкупј, яже о Немъ, пророчествамъ, имиже крјпкый Богъ и великь самодержецъ поется, и миру и великому совјту ангелъ и князь, якоже вопіетъ Исаія. [7] Ащели же страсть претерпј, что то? не Божествомъ бо пострада, но плотію, юже воспріятъ за милосердіе веліе; и се волею и по благоволенію Отца безначяльнаго, тако спасти изволившу весь родъ человјческый, прежде убо многихъ лјтъ и сіе предрекшимъ образовательнј о Немъ богодухновеннымъ пророкомъ. Поклонитеся убо достоитъ Благодати, яко Божественному дару, а не отвращатися чина исцјленія [8] и, идјже и егда и како велитъ Богъ, вослјдовати Ему, аки своимъ родителемъ незлобивыя дјти, оно мыслящымъ, яко всепремудръ сый и всепреблагый и сама Правда, ничто беззаконно, ниже нелјпотно, ниже вышше силы нашея намъ отнюдь повелјваетъ, и сіе да, отмывъ насъ всякія вкупј злобы, богоподобныя славы добротами украситъ. Или убо иными грядущаго Мессію пророчествіи покажутъ безъ страстей и смерти и единымъ человјческымь естествомъ и славою и богатствомъ и высотою не кончяемаго царствія, якоже имъ ся мнитъ, сјдяща на царскыхъ престолехъ всјми концы владјти, или сіе не могуще показати, да покланяются съ нами вкупј Ему и священными пророки, въ двою естеству Бога вкупј и человјка совершенна того же глаголющими явј, и плотію своею смерть претерпјвша, и въ третій пакы день воскресша изъ мертвыхъ, и явльшася другомъ своимъ, и на десныхъ престолехъ безначальнаго Родителя своего сјдяща яко Бога и Господа всјмь. Но что къ симъ стропотный и непокоривый родъ? Ниже благохвально, ниже пригодно отнюдь, рјче, еже такова мудрствовати о Сущемъ выше всякыя видимыя и невидимыя твари. Но о, исполнени паче всјхъ человјкъ непокоренія и всякаго безумія и гордости! Аще сице вамъ сія видится, ниже по Его нетлјнному образу да глаголите Его, ниже отъ земли создавша Адама, ниже ногу омываема человјческимъ образомъ и худою кущею объемлема, ниже мясо и соли инима вкусити и предъглаголюща [9] чадо состарјвшися супружницј, ниже борбы составляюща [10] и стегно противоборца своего ногою сляцающа хытростію, ниже въ неопаляемой убо, осіяваемой же огнемъ купинј, глаголюща съ Моисеомъ, ниже въ образј ангельстј сошедша прелагати преподобнымъ отрокомъ въ росу пещный пламень. Ащели же сія вся пріяти изволилъ есть, якоже есть писано, спасти желая свое созданіе, егоже ради вся созда и егоже, яко же слышимь, господина показа всјмъ, иже на земли; почто безъ ума, о несмысленіи, укаряете и отметаетеся толь неизреченнаго и милости исполнена человјколюбія Его о человјческомъ родј, яко Ему изволити и страсть и гробъ? [11] Аще бы не была зјло любима и пречестна Царю всјмъ вещь, сложный отъ персти и души, [12] ниже создалъ бы его по Божественному образу своему и подобію, ниже пакы согрјшша пощадјлъ бы его всяко, но, или истребилъ бы его абіе, или затворилъ бы въ нерјшимыхъ узахъ преисподнихъ мукъ, ниже его ради очищаше всю землю бесчислеными водами, и потопляше убо весь родъ вкупј человјковъ и скотовъ безсловесныхъ, оставивъ имъ мало сјмя въ кивотј древянј , ниже бы Египта казнилъ губительными ранами и потопляше убо Фараона со всјмъ его воинствомъ, ниже безчислена и предивна чюдеса о насъ сотворилъ бы убо, елика показа въ родјхъ древнихъ, имиже явј показа, елико промышленіе имать и Божественно любленіе къ созданію своему. Зјло убо лјпо бј и нужно всјмъ Царю о толь благороднемъ созданіи своемъ, бјсы же губительными прельщеннјмъ бывшемъ, терпјти вся, елика въ человјчестјй плоти своей пострада волею, не да точію покажеть свою, юже изъначала имјяше, неисчетную любовь къ человјкомъ, но да и, понеже пресущное Божественное существо неприступно есть отнюдъ и невидимо, веселіе довольно преподобніи стяжаваютъ зряще въ человјческомъ образј Господа своего блестяща имъ испущаемыми непрестанно молніи отъ Божественнаго и присносущнаго свјта, егоже ради наипаче воспріятъ человјческый зракъ; быти убо хотяше воистину несовершено даемое тогда праведнымъ даяніе благъ вјчныхъ, якоже и објдующимъ у нјкоего великаго царя и предобрјйшихъ убо вкушающымъ снјдей, лишеннымъ же царскаго зрјнія и вјщанія, уметы вся имъ и плевы являются, аще и сладчяйша суть снјдаемая и піемая, и исполнени суть печяли мысли ихъ. Но сія убо, елико возможе человјческый немощный разумъ, предложилъ есть вамъ на увјреніе истины; а неложно виновно есть [13] толикому человјколюбію Его, якоже Ему изволити и страсть и смерть и гробъ, [14] Той самъ совершенно вјсть; понеже никтоже позна умъ Вышняго, Божественное слово вопіетъ. Но ниже хульное, якоже вы глаголете, но и зјло достохвально и есть и судится отъ всјхъ благоразумныхъ, еже согласно мудрствовати вкупј съ богодухновенными пророчествіи о крайнјшей Божіей любви, ейже познаніе извјстно [15] и всемудрое дјло есть смерть, юже волею пріятъ на крестј, смертію убо человјческое, а воскресеніемъ изъ мертвыхъ увјряя [16] свое Божественное естество. Неправедно убо есть отнюдь мудрствовати оно о Немъ, Егоже всесильному мановенію всяческая повинуются, яко за еже не имјти Ему инъ образъ исцјленія, [17] за то потребова таковаго худаго исцјленія, егоже худое и несильное явися мудрјйшее всякоя премудрости и всякыя силы сильнјйшее. Но хотя дјломь увјщевати насъ смирена мудрствовати и о самјй жизни удобь нерадјти и Божественныя любве ничтоже ино мнјти выше и лучшее, изволилъ есть и страдати на крестј, и погребенъ быти, всјмъ желающымъ яже въ будущемъ благая предложивъ Себе [18] образъ и указъ житія совершеннаго; пресвјтлыхъ бо вјнець и предивныхъ почестей трудомъ величайшимъ, глаголютъ, подобаетъ стяжавати. Кыя же больши почести могутъ быти мыслящимъ добрј паче жизни вјчныя и некончяемаго Божія царствія, ихже получити не возможно инако, но точію многыми поты и труды зельнјйшими? Но сія убо сице. Васъ же, понеже ничтоже ино не повинуетъ славити Христа Бога Царя, поне [19] многолјтный сей, иже на вы Божій гнјвъ, иже послјдними лютыми и всякымъ безчестіемъ разсјянныхъ во всјхъ языцјхъ озлобляетъ васъ, да увјщеваетъ неразумныя вашя мысли, не лестца, якоже вы хулите, о богомерзстіи, ниже злодјя, ниже Божіимъ заповјдемъ противящася, но самого преславнаго Божія Сына возлюбленнаго безчестною смертію сея жизни извести, Егоже пролитая неповинная кровь, юже взясте на главахъ вашихъ и на чядахъ вашихъ, всегда гонитъ вы. Аще бо лестьца и злодјя, якоже вы хулите, убили бысте, воистину возвысилъ бы убо васъ Богъ зјло велелјпнј, и множайши пророки паче, нежели преже, послалъ бы вамъ, и вашея державы наибольше утвердилъ бы; неложно бо објтовавіе Его, еже глаголетъ: прославляющая Мя и Азъ прославлю, а безчествующіи Мя прімутъ безчестіе; [20] егоже искуство [21] уже пріясте на многа лјта всјхъ вкупј и отечества, и державы, и пресловутаго храма вашего лишени бывше, и самыя свыше на вы посылаемыя Божія пророческія благодате, еяже прегрјшивше, жилища прочее явистеся всякыя злобы и бјсовскыя прелести. Къ симъ же и оно подобаетъ трезвенымъ разумомъ разсуждати и богомудренымъ мјриломъ прилежнј разсмотрити, яко аще не сей бы былъ предпроповјданный Мессія, и аще, якоже вы хулите, льстець, а не Богъ крјпкый бы былъ, ниже о Немъ богодохновенная пророчества вся имјшя были неблазнено сбытіе свое, ниже разорити храмъ и градъ вашъ, якоже прореклъ есть, возмоглъ бы и васъ самјхъ злј погубити, ниже во благовјріе разногласная колјна человјковъ призывати и мглу истуканныхъ [22] отгнати. Сія же единому Богу возможна точію, отъ человјкъ же ни единому. Колицы бо многажды всякыя премудрости исполненіи, еще же и высотою царскою обложени, тщашяся своихъ единоплеменникъ подъ своимъ закономъ, ихъже сами умыслишя своею мудростію, подвести, и едва возмогошя единъ языкъ на мало лјтъ число подвести подъ игомъ своихъ законовъ; Христосъ же Царь мой, гонимь отъ всјхъ, бјжа, умирая и осужаемь, съ двјма-надјсять точію мужи безкнижными, ничтоже ино вјдущими, точію ловъ рыбный, не единъ языкъ, ни два, но елику землю обтекаетъ огнеобразное солнце и океянъ окружаетъ, въ свјтъ благовјрія и дјла правды приведе, отстави отъ идолослуженія и всякыя злобы, ни мечь, ни копіе, ни щитъ, ни броня вземъ ниже ухыщренными дјйствовавъ лестьми, но глаголы нехитростными и чюдесы предивными всјмъ предлагая слово благовјрія. И еже есть достойно великаго удивленія, яко совершеннаго цјломудрія крайнјйшія правды [23] тјмъ дая, и соблюдающымъ убо сія непорочно жизнь објщавая и царство небесное, а преступающымъ пакы претя огнемъ, выну палящимъ, и преисподними различными муками, не точію не ужасилъ есть ихъ , но и толь благопокоривыхъ имјлъ ихъ къ своимъ заповјдемъ, яко и горчяйшимъ мукамъ онемъ тјлеса своя мощно предати. И бј тогда видјти умиленое вкупј нјкое и предивное зрјніе, христоборцевъ убо аки звјрей сыроядцевъ вјрнымъ [24] нападающихъ, вјрныхъ же паки мечемь умилено закалаемыхъ и огнемь жегомыхъ, возрастъ всякъ и родъ за Христа, якоже и младыя дјти и дјвы дерзати на горыя мукы и самыя смерти, теплјйшимъ Христовымъ одержимыя раченіемъ. Како же сія, аще не всесиленъ Богъ бј Христосъ, удобь сотворилъ бы вскоре по всей вселеннјй? Како же ся разорила бы и изчезла, искоренився вкупј отвсюду идольская прелесть? Како, еже преже гнушаемое и проклятое и ненавидимое, аки смертное орудіе, крестообразное древо, нынј многожелаемо и всечестно есть покланяніе и почитаніе? Зане жизни подательно и безчисленыхъ благъ; мертвыя бо абіе возставляетъ образуемо, [25] и болјзни исцјлјваетъ и недугы всякія, и полки губительныхъ бјсовъ далече прогоняетъ, и оружіе во бранјхъ крјпчайше есть. Кто же укрјпивый сіе сицјвыыи крјпчайшими силами и всјмъ вкупј вјрнымъ многожелаемо показа, яко и самјмъ царемъ съ желаніемъ многымъ на своихъ главахъ пріимати то, начертаемо рукою Божіихъ служителей? точію Той самъ всесильный Божій Сынъ Ісусъ Христосъ, иже на томъ плотію издше, яко человјкъ, имя же Его страшное призываемо абіе отгонитъ вся злое крестообразнымъ знаменіемъ. Да поется убо и покланяемъ да бываетъ Той, иже яко Богъ царствуя надо всјми и человјкъ совершенъ, виже естеству человјческому въ Божество преложившуся, виже паки въ онь Божественному естеству, во отъ обоихъ едивъ составъ, едино не смјсно раствореніе, истиненъ же человјкъ и Богъ, въ вышнихъ царствуя, равенъ сый по всему ражающу же Его Уму, иже выше всякаго ума и слова есть, судія же грядый страшнјйшій да чаемъ есть дјломъ и умышленіемъ и словесемь нашимь. Да отвержемъ убо отъ сердецъ нашихъ всякое безумеое ослушаніе и плотолюбивую похоть! Судію да умолимъ истинымъ покаяніемъ, отступивше всяческая злобы нашея; священныя же любве, милости же и правды и цјломудрія добраго крјпко да держимся всегда, понеже вјра, не причястна благыхъ дјлъ, мертва есть [26] якоже слышимъ, якоже и тјло, разлучившееся души.
Примјчанiя:
[1] Слово это и слјдующія за нимъ два сочиненія противъ іудеевъ написаны преп. Максимомъ прежде 1525 г.
[2] положенъ.
[3] Вмјсто: сущихъ.
[4] Въ друг. рукоп.: явльшимся.
[5] Т.- е. узнать о прекращеніи бјдствій своего народа.
[6] У пророка Даніила 9: 24, это мјсто читается такъ: семьдесятъ седминъ сократишася о людехъ твоихъ и о градј твоемъ святјмъ... и запечатается и видјніе, и пророкъ, и помажется Святый святыхъ.
[7] Исаіи 9: 6.
[8] порядка въ совершеніи нашего спасенія.
[9] предсказывающаго.
[10] Разумјется борьба Іакова съ Богомъ. Быт. 32: 24-31.
[11] т. е. претерпјть.
[12] т. е. человјкъ.
[13] а точную причину столь великаго человјколюбія.
[14] т. е. претерпјть.
[15] которая ясно познается изъ смерти...
[16] доказывая.
[17] спасенія міра.
[18] показавъ въ Себј.
[19] по крайней мјрј.
[20] Ис. 53, 5.
[21] исполненіе.
[22] идоловъ.
[23] крайне строгія заповјди.
[24] на вјрныхь.
[25] изображеніемь креста.
[26] Iак. 2: 20.
Печатается по изданiю: Сочиненiя преподобнаго Максима Грека, изданныя при Казанской Духовной Академiи. Часть первая: Догматико-полемическiя сочиненiя. – Изданiе второе. Казань: Типо-литографiя Императорскаго Университета, 1894. – с. 32-42.