Не предкновени бывайте и еллиномъ и іюдјемъ и церкви Божіей, [2] глаголеть божественное и поклоняемое слово апостольское. Сіе же како можетъ инако исправитись нами, аще не правовјрною и православною вјрою, и житіемъ честнымъ и богоугоднымъ и прилјжнымъ храненіемъ божественныхъ заповјдей Господа и Спаса нашего Ісуса Христа; по божественному бо Іякову, брату Божію, вјра кромј дјлъ благыхъ мертва естъ, [3] такожде и дјла кромј правыя вјры не полезна обоя. Подобаетъ бо человјку Божію совершенну быти въ обоихъ по великому Василію. Но сія убо сице. Понеже убо нјцыи, не вјмъ что ся имъ случися, еретика мене неповинна человјка называти не страшатся, и врага и измјнника богохранимыя державы русскія, яви ми ся нужно и праведно малыми о себј отвјщати, и яже о себј научити оклеветающыхъ мене неправеднымъ сицевымъ оклеветаніемъ, яко благодатію истиннаго Бога нашего Ісуса Христа и правовјренъ христіянинъ есмь по всему и богохранимыа державы русскыа доброхотјнъ и прилежнјйшій богомолець. Молю убо всякаго благочестиваго и православнаго священника же и князя разслушати отвјта моего съ приличнымъ христіяномъ благоразуміемъ и христоподобною кротостію, отринувши всякъ гнјвъ неправеденъ и ярость; понеже гнјвъ мужу въ правду Божію не содјловаетъ, [4] якоже глаголеть божественный Іяковъ, аделфофеи. [5] Идјже бо гнјвъ и ярость обладаютъ, ту и всякое души нестроеніе и безобразіе и безчиніе словесныя части душевныя, уму ослјпленну уже бывшу и омрачившуся бурею гнјвною. Обычною убо православною тишиною священныя любве и кротости разумы ваша освјтивше, подщитесь, аще чимъ гдј уклоняются отъ православныя вјры ли неразуміемъ, ли забвеніемъ, или ненаученіемъ ума своего и разума, исправите мене духомъ кротости [6] по божественному апостолу. Не стыжю бо ся исправленіемь, ниже отреваю è, но и вельми желаю его, и любезне воспріиму è, аки тверде наставляюще мене къ уповаемому благовјрнымъ небесному царствію.
Вјрую убо и исповјдую всею душею и языкомъ единаго Бога вышняго, содјтеля всјхъ, безначальна, присносущна, безконечна, въ тріехъ ѵпостасехъ, сирјчь во Отци и Сынј и святјмъ Дусј, нераздјльне раздјляема, источника и начало безначальное Сына и Духа Свята; Сыну убо роженнј и безначальне и присносущнј отъ Него рожаемому и въ своей ѵпостаси покланяемому и славословляемому, и святому Духу отъ того же Отца исходительне происходящу и въ своемъ ѵпостаси вјруемому и исповјдуемому, единаго Бога въ трехъ; Тому едино существо, едино божество, едино царьство, едино господьство, не раздјльне раздјляемо ѵпостаси, и соединяемо не смјсне пресущественнымъ божественнымъ существомъ. Сице убо имамъ и мудрствую, якоже вкратце рещи о святјй и единосущнјй и нераздјльней Троицј. Такожде вјрую и исповјдую ражаемаго безначальне и присносущне Сына и Бога Слова отъ безначальнаго Бога и Отца, благоволеніемъ Отчимь и осјненіемъ святаго Духа зачята бывша въ пречистыхъ ложеснахъ пресвятыя и приснодјвы Маріи Божіи Матери, происшедша изъ нея съ пріятою отъ пречистыхъ кровей ея плотію святою своею, человјка совершенна и Бога совершенна Того же, въ единомъ ѵпостаси и въ двою естеству и дјйствјхъ и воляхъ и суща и вјруема, ниже божеству Его въ человјчество преложившуся, ниже человјчеству въ божество премјнившуся. Такожде вјрую и исповјдую Того же нашего ради спасенія и крестъ и страсть и смерть и тридневное погребеніе волею претерпјвша и изволивша плотію своею, божественвому Его естеству кромј страсти всякія пребывшу: божественное бо естество высше отнюдъ всякыя тли и страсти есть, воскресша же изъ мертвыхъ въ третій день силою воздвигшаго Его Бога и Отца, и возшедша ва небеса съ пріятою своею святою плотію, нетлјннјй уже бывши и безстрастнјй, и сјдяща телеснј одесную Бога и Отца своего, и пакы грядуща съ славою судити живымъ и мертвымъ, иже и воздастъ комуждо по дјломъ его. Такожде вјрую и исповјдую всесвятаго Духа, Бога истинна въ своемъ ѵпостаси и суща и покланяема исходяща отъ Отца единаго, якоже божественный гласъ и тайное учительство предалъ есть намъ святымъ евангеліемь божественваго Іоанна. Больши того священнаго тайноучительства, еже о святомъ Дусј, ниже мудрствую, ниже учу отнюдъ ни единаго человјка, но вседушевно пребываю во всјхъ богословныхъ догматехъ и мудрованіихъ, ихъже предашя намъ самовидци и слугы Бога Слова и яже по нихъ вси вселенстіи собори богодухновенныхъ отець, ниже прилагая что къ нимъ отнюдъ, ниже улагая, [7] или пременяя ни едину іоту, ли черту, но всю православную вјру и богословіе ихъ соблюдаю въ сердци моемь цјлу и непремјнну. Такожде и церковная ихъ преданія, елика уставишя о поклоненіи сирјчь честныхъ иконъ, постјхже и о иноческомъ благочиніи же и устроеніи, и елика о божествфнныхъ пјніихъ и списанiя и преданiя святјй и апостольстјй и соборнјй церкви, и пріимаю и исповјдую и облобызаю всјмь сердцемь моимь. Еще къ симъ исповјдую и проповјдую себј же и всякому благовјрному преблагословенную Владычицу мою Богородицу, предстательницу и заступницу всјмъ православнымъ христіяномъ, по всему быти святую и пречистую и пренепорочную и Приснодјву, сирјчь и преже божественнаго и безсјменнаго рожества воплощшагося изъ нея и въ ней единороднаго Сына Божія, и въ самомъ рожествј и по рожествј, такожде пребывшу Дјву пречисту, ниже прежде безсјмяннаго зачатія Еммануиля искушеніе мужеское пріемшу, ниже по еже изъ нея рожествј Его. Никакоже не буди когда христіянину которому сицево что хульно мудрствовати отнюдъ о всесвятјй оной и пренепорочней приснодјвјй дјвици, честнјйши херувимъ и славнјйши безприкладно серафимъ. Толико убо о семъ, и да не многословіемъ стужаю благовјрнымъ ушесемъ вашымъ.
Таково убо вкратцј рещи, еже въ сердци и на языцј моемъ имамь и мудрствую о святјй и непорочней христіянстей вјрј право и неблазнено мудрованіе. Почему убо иному еретика мене называти нјцыи не ужасаются, да глаголютъ, да доведутъ, исправленія да сподобятъ мене въявј да обличятъ; не отрјваю исправленіе, не стыжуся обличеній, дондеже отъ отеческыя любве съ миромъ и кротостію происходятъ. Азъ благодатію Христовою всјми моими списаніи и самјмъ бывшимъ переводомъ и исправленіемъ божественныхъ книгъ вашихъ учю всякаго человјка прямо мудрствовати о воплощшемся Бозј Словј, сирјчь не глаголати Его единаго точію человјка по вашихъ чясословець, но Бога совершенна и человјка совершенна въ единомъ ѵпостаси, единого Богочеловјка. Такожде исповјдую всею душею Того же Богочеловјка, воскресша изъ мертвыхъ въ третій день, а не безконечною смертію умерша, якоже проповјдаютъ Его вездј, яже у васъ толкованная евангелія; азъ учу не создаена по Божеству Того же вјрити и проповјдати, а не убо созданна и сотворенна, якоже злочестивый Арій хуляше и вашя тріоди проповјдуютъ Его вездј, и правити ихъ не брежете. Азъ Того же единаго мудрствую и исповјдую отъ Отца безъ матери прежде всјхъ вјкъ рожденна, по божественному апостолу и всјхъ богодухновенныхъ богословцевъ, а не и Отца; Онъ бо [8] безматеренъ святыми писаніи нигдјже глаголется, ниже бо ражается, или бысть отъ иного коего старјйшаго себе существа; да исчезнетъ отъ православныхъ сицева хула. Безначаленъ бо Отець и не роженъ и безконеченъ, ниже самъ себе приведе въ божественное свое существо и ѵпостась, якоже нјцыи безумникы нечестивј мудрствуютъ; аще бо дадимъ сіе, послјдуетъ отъ нужи глаголати, яко не бј преждј, еже привести самъ себе въ бытіе, и сице возмнитца созданъ, и самъ себе вина и начало, и подъ время и подъ начало и конецъ, [9] Иже единый не созданъ, безначаленъ, присносущенъ, предвјченъ и безконеченъ вкупј съ происходящими отъ Него Сыномъ и Святымъ Духомъ. А яже по васъ [10] часословцы собезматерьня сыну проповјдуютъ Его втай, и вы таковую хулу презираете и не исправляете. Азъ моими списаніи всякую латынскую ересь и хулу іюдейскую и языческую обличаю, разоряю и развращаю, [11] якоже и самая моя писанія свидјтельствуютъ. Азъ тјми же моими списаніи себј же и всякому благовјрному иноку думаю жительствовати, и свое житіе устроити во святыхъ Божіихъ заповјдехъ и преданіихъ и уставјхъ, апостольскыхъ же и отеческыхъ , и да отступаютъ отъ всякаго лихоимственнаго рјзоиманія и неправды и хищенія чюжихъ имјній и трудовъ, яко сицевая творящіи не въ царство Божіе пріемлются, а въ безконечныя муки отсылаются страшнымъ Судіею по святыхъ евангеліихъ [12] и всјхъ святыхъ писаній. Аще сихъ ради тяжекъ являюся вамъ и наричюся еретикъ? Разсудите, аще праведно есть сицева страдати мнј отъ васъ и слышати, не повинну сущу, сирјчь елико о православной вјрј. А по житію моему и беззаконіемъ никтоже инъ грјшнјйши мене. Послухъ мнј Господь нашь Ісусъ Христосъ истинный Богъ, яко кромј множества моихъ беззаконій ничтоже ино не свјмъ себј ни хульно что о святјй и непорочнјй христіянстјй вјрј; ниже лукавое что умыслихъ и навјтное на котораго вјрна, аще и озлобивъ мене бысть, или озлобляя видится; заповјдь бо вјмъ Спасову, глаголющую: любите врагы вашя, благотворите ненавидящимъ васъ, молитесь о напастьствующихъ вамъ и гонящихъ вамъ, да яко сынове Вышняго будете. [13] Явј убо, яко супротивная святыя сея заповјди и творящіи и мудрствующіи не Вышняго сынове, но богоборца и человјконенавидца, бјса чяда и угодницы суть. Елма же [14] нјцыи, враждою ко мнј носими, предлагаютъ на оклеветаніе мое рјчь нјкую, емше ю изъ нјгоже азъ сотворихъ превода треоднаго и ею тщатся еретика мене показати; потребно судихъ малыми отвјщевати о себј, да не иніи въ томъ же имъ грјсј увязнутъ неправедно со осуждающими человјка неповинна. Начну же сице. Въ стихерахъ страшнаго съ плотію на небеса вознесенія Господа и Бога и Спаса нашего Ісуса Христа обрјтошя клеветникы мои рјчь нјкую неподобну, якоже имъ ся мнитъ: сјдјлъ еси, и другую: сјдјвъ, и глаголютъ: се Максимъ явј отлучаетъ еже одесную сјдалища Бога и Отца сопрестольна и соприсносущна Сына Его; сіе бо: сјдјлъ еси и сјдјвъ, помимошедшаго времяни есть, глаголють сказательна, а не настоящаго и всегдашняго; явленъ убо Максимъ есть отселе мудрствуя отгнана бывша Единороднаго еже одесную Бога и Отца сјдалища. Сія убо суть, яже на мене являютъ клеветникы мои умышленія и вины. Азъ же предъ свидјтелемь Богомь самјмъ, единемъ сердцевидцемь, предъ нимъже нјсть ни едина тварь утаена, отвјщеваю сице вамъ боголюбивјйшимъ со всею истиною, аще отнюдъ мудрствовахъ когда сицева хульна, или нынј мудрствую, или впредь мудрствовати хощу на Господа нашего Ісуса Христа, якоже клеветникы мои неправедно мене клевещутъ, да не дастъ Господь сподобитимися будущаго благовјрныхъ сообщенія и стоянія еже одесную страшнаго Судіи, егда пріидетъ судити живымъ и мертвымъ, но отлученъ да буду ликостоянія ихъ и вјчныя славы и веселія, и съ злочестивымъ Аріемъ осужденъ да буду въ огнь кромјшный. Азъ съ Павломъ божествевнымъ апостоломъ опасно проповјдаю и глаголю всею душею и языкомъ: Иже сый сiяніе славы Отча и образъ присносуществу Его и нося всяческая глаголомъ силы своея, собою очіщенiе сотворъ согрјшеній нашыхъ, сјдј одесную престола величествія въ вышнихъ, [15] и прочая; такожде по вся дни и нощы пою и глаголю со всјми вами благовјрными: и восшедша на небеса и сјдяща одесную Отца, и яже по сихъ; такожде и во вседневномъ славословіи пою, благословляю, славословлю и глаголю: Господи Боже, Агнець Божій, Сыне Отечь вземляй грјхи міра, помилуй насъ, вземляй грјхы міра, пріими молитвы нашя, сјдяй одесную Отца, помилуй насъ, и проч. Къ симъ же вјдомо да есть вамъ, боголюбивјйшимъ епископомъ и пресвјтлымъ княземъ и боляромъ, яко егда бываше мною грјшнымъ исправленіе тріодное, латынскою бесјдою [16] сказахъ è толмачемъ вашымъ Митј да Власу, занеже не у совершеннј изучившу ми ся вашей бесјдј; [17] аще убо хульно нјчто мнится вамъ въ реченіихъ тјхъ: сјдјлъ еси, сјдјвъ, имъ праведно есть вмјнити сицевое нелјпотное презрјніе, а не мнј; понеже азъ тогда не вјдахъ различіе сицевыхъ реченій. Аще бы вјдалъ бы, никакоже бы замолчалъ, но всяко исправилъ быхъ такову нелјпотную опись. Которая бо польза мнј отъ сихъ черныхъ рубищь и молитвъ и иноческаго жительства и многолјтныхъ сихъ скорбій моихъ, аще обрящуся хуля на Господа и Бога и Спаса моего Ісуса Христа, наньже уповахъ отъ младыхъ ногтей?
Молю убо ваше благовјріе: не внимайте сицевымъ клеветамъ неправеднымъ, и якоже благовјрніи подражатели милосердаго и человјколюбца Христа, разсудите прю мою, и покажите милость свою ко мнј бјдному и нищему богомольцу вашему. Азъ бо благодатію Господа нашего Ісуса Христа просвјщаемъ и наставляемъ, безпрестани всею душею молюся всјхъ Владыцј и Содјтелю о милости, животј, здравіи и спасеніи и временјхъ мирныхъ, и пребыти въ соблюденіи богохранимыя державы благовјрнаго великаго князя русскаго Іоанна Васильевича, и о братј его, князј Георгіи, десятижды по вся дни прекланяя немолчныя колјна моя о нихъ предъ царствующимъ на набесјхъ Господемъ нашимь и Богомъ Ісусъ Христомъ, иже и свидјтель ми есть, яко истину глаголю. Како убо нјцыи безъ правды оклеветающе мене измјнника и врага богохранимјй державј его называютъ? да не поставитъ имъ Господь Богъ сицевое прегрјшеніе! Не добро ни прилично есть священникомъ сущимъ священствующаго въ вышнихъ Господа Ісуса Христа Сына Божія яростію и гнјвомъ и памятозлобіемъ побјждатися и неправедне невавидјти и гонити враждебне неповинныя, и наипаче молящихся не престанно о васъ и Божіею ревностію отвјчающихъ и подвизающихся о истинј евангельстјй и благочиніи житія иноческаго. Аще же неугодна вамъ есть яже о истинј по Бозј ревность нашя и дерзновеніе, имъже дерзаемъ о Бозј уповающе на вашу и нашу православную вјру и любовь, почто и держите силою здј насъ? паче же кто васъ силою нудитъ въ чемъ? Но сами произволяете; намъ же нужа належитъ заповјдію Божіею проповјдати всјми усты вопрошающымъ насъ, яже о евангельстјй и апостольстјй истинј и отцепреданномъ извјстномъ иноческомъ житіи и узаконеніи. Речено бо есть небеснымъ царемъ Ісусъ Христомъ: вы, еже во тьмј слышасте, рцыте во свјтј, и, еже въ ухо речеся вамь, проповјдите на кровјхъ: и пакы: иже аще постыдится словесъ моихъ въ родј семъ [18] и прочая разумна суть господамъ моимъ. На чтоже и призываете мене здј изъ святыя горы? паче же почто и держите здј силою, понеже сущаго во мнј отчасти искуства святыхъ Писаній не требуете? Но молю вы: не смущайтеся о немъже глаголахъ, силою ми быти удержану отъ васъ; къ благовјрнымъ бо и православнымъ судіямъ и княземъ творю сій отвјтъ мой. Вјсте бо и сами добрј уставъ великаго перваго собора никейскаго, яко крјпко заповјдуетъ вездјсущимъ преосвјщеннымъ святителемъ не судити отнюдь кромј своихъ предјлъ и области, но всякому вјдати своея области. Аще убо или добръ азъ и правъ есмь о православной вјрј, или развратенъ, судилищу и разсзуду вселенскаго патріарха повиненъ есмь, а не святителю благовјрныя русскыя земли; грекъ бо азъ и въ гречестјй земли и родився и воспитанъ и постригся въ иноки. Сего ради и греческыя замли святителемъ повиненъ есмь по Божественнымъ правиломъ и уставомъ святыхъ соборъ. Лјпо убо есть вамъ правовјрнымъ сущимъ послушати и повинутися по всему Божественныыъ правиломъ и уставомъ святыхъ соборъ, да во всјхъ являетеся предъ Богомъ прави, а предъ людьми благохвальнiи и пречестніи. Аще ли же здј явихся есмь въ чемъ ни буди обидјвъ кого, или зла умыслихъ на благовјрнаго и преславнаго великаго князя русскаго, и доведутъ того клеветницы мои, не отрицаюся всякія смертныя казни, въ сладость воистинну претерплю всякія привременныя казни, да сподоблюся избыти вјчныхъ мукъ. Но уповаю на неизреченныхъ щедротъ Божіихъ, яко во всјхъ солгашя на мя, тогда оклеветавше мене; которыи же ни были, Богъ да проститъ ихъ. Но и о семъ толикъ отвјтъ довлјетъ. Азъ же, аще и не великъ есмь въ разумј и искуствј божественныхъ Писаній, обаче посланъ есмь здј отъ всесвятыя горы по вопросу и по грамотј благовјрнаго и приснопамятнаго великаго князя Василія Ивановича, всея Русіи, у негоже и преобильныя чести получихъ лјтъ 9, егоже повјленіемъ повинуяся не точію толкованіе псалтырное, дјло нарочито и всякія духовныя пользы и сладости исполнено, преведохъ отъ греческаго языка на русскій, но и ины богодухновенныя книги, различно разстлјнны отъ преписующихъ я, благодатію Христовою и содјтельствомъ святаго Параклита, предобрјйши исправихъ, яко и вамъ чаю господамъ моимъ вјдомо есть. Аще же нјгдј что или по забвенію, или по иному которому обстоянію, презрјно бысть мнј [19] и не добро преведено бывше видится вамъ, многа бо суть случающаяся на всякъ чась несовершенному сущу уму человјческому, ибо и забытіе омрачаетъ его и скорбь смущаетъ, есть же егда и ярость и гнјвъ и пьянство отемнјваетъ его; толикыми убо треволненіи обуреваемому немощному уму человјческому, аще что нјгдј презрјно бысть ему, не подобаетъ дивитися, ниже смущатися, ниже ересію осужати его, но паче ущедрити праведно есть и яже христоподобныя любве показати къ нему, и яже отъ него презрјнная ли по забвенію или по нјкоторому иному обстоянію, правити вкупј съ нимъ; понеже никтоже въ человјцјхъ совершенство когда получилъ есть, вси бо забвенію и невјдјнію подлежимъ, овы убо больше, овы же меньше, вси же другъ отъ друга требуемъ и совјта и помощи. Симъ убо сице ся имущимъ, праведно и преподобно есть вамъ подражати пастыря онаго преблагаго, иже, оставль 99, на горј, изыде на взысканіе заблудшаго, егоже и обрјтъ и вземъ на раму, возвращься, радуяся множае паче о немъ, нежели о 99, незаблудшихъ; оного убо милосердіе и кротость подражавше и вы, якоже честніи священницы его и тайноучители словесныхъ его овецъ, сложивше [20] всякое нелјпотное движеніе словесныя чясти душевныя, [21] молю ваше преподобіе, разорите еже на мя бјднаго многолјтное отвращеніе, [22] да не глаголю враждованіе, и покажите ко мнј окаянному яже любве и кротости Бога и Спаса всјхъ Ісуса Христа, да и вы явитеся во всјхъ подражатели Его и споспјшницы Ему во спасеніе заблужающихся, и прилјжни и тверди хранителіе священныя заповјди Его, сирјчь святыя и богоподражательныя и боготворныя любве, яже есть исполненіе всего закона по божественному Апостолу, еюже единою можно получити безконечнаго царствія небеснаго Владыки, Иже пріиде на землю, да спасетъ, а не погубитъ душя человјческыя: Тому слава въ вјкы вјкомъ, аминь.
Примјчанiя:
[1] Написано пр. Максимомъ въ заточеніи въ тверскомъ Отрочь-монастырј послј 1534 г.
[2] 1 Кор. 10: 32.
[3] Iак. 2: 20.
[4] Іак. 1: 20.
[5] Братъ Божій — αδελϕός Θεοῦ.
[6] Гал. 6: 1.
[7] отлагая.
[8] Богъ-Отецъ.
[9] Т. е. подчинится.
[10] У васъ.
[11] Отвергаю.
[12] По ученію св. евангелій.
[13] Матф. 5: 44.
[14] Такъ-какъ...
[15] Евр. 1: 3.
[16] на латинскомъ языкј.
[17] вашему языку.
[18] Матф. 10: 27.
[19] мною не досмотрјно.
[20] укротивши.
[21] т. е. ума.
[22] прекратите нерасположеніе ко мнј.
Печатается по изданiю: Сочиненiя преподобнаго Максима Грека, изданныя при Казанской Духовной Академiи. Часть первая: Догматико-полемическiя сочиненiя. – Изданiе второе. Казань: Типо-литографiя Императорскаго Университета, 1894. – с. 19-32.