[1]

Господь и Богъ и Спасъ нашь Ісусъ Христосъ, къ прочимъ многымъ спасительнымъ завјщаніомъ и велјніомъ своимъ, имиже и въ нихже наставляетъ насъ, вјрующихъ въ Него, на путь всякого твердаго и неблазненаго богоразуміа, приложилъ и сіе, рекъ: внемлите отъ лживыхъ пророковъ, иже приходятъ къ вамъ въ кожахъ овчіихъ, внутрь же суть волцы хищницы [2]. Таже, учя насъ человјколюбивый, и како ихъ познаимъ и соблюдаимся невредиміи отъ нихъ, приглаголетъ: отъ плодовъ ихъ познаете ихъ, лживыхъ пророковъ именуя, лживыхъ учителей, еже есть еретиковъ, глаголющихъ отъ чрева своего, а не по евангельскому законоположенію и богословію, иже преухыщреннымъ суесловіемъ прельщаютъ сердця простыхъ. Плоды же ихъ неточію дјла и словеса ихъ, но и та сама сокровенная подъ черниломъ во глубинј развратная ученія ихъ. Согласно же Спасу вјщаетъ и божественный апостолъ Павелъ глаголя о тјхъ же, во второмъ посланіи, еже к Коринфяномъ: сіцевіи же суть лживи апостоли дјлателіе льстиви преобразуеми въ апостолјхъ Христовыхъ, и прочая. Такова познаваю и льстиваго Николая нјмчина, иже споживј лјта доволна съ благочестивымъ языкомъ русскымъ, и всякымъ образомъ подщася прельстити ихъ отъ православныя вјры, отцы преданныя имъ, иже къ прочимъ своимъ лукавствомъ и слово счинилъ бытто [3] о соединеніи русакомъ и латыномъ, единј быти тщася показати вјрј обоимъ, и сіе утвержаетъ тјмъ, еже обоимъ глаголати Христа Сына Божія и Бога истинна, и еже тјмъ же крещеніемъ во трехъ погруженіихъ совершатися, и яко во имя Отца и Сына и Святаго Духа, и яко въ водј, а не во иной вещи, и яко едино исповјданіе вјры и обои проповјдуютъ. Таже и лишшее тщася утвердити сіе, яко латынская Церковь во всјхъ правј проповјдуетъ таинство благочестія, глаголетъ, якоже имъже образомъ пріатъ отъ самјхъ святыхъ апостолъ и богодохновенныхъ отецъ, тјмже образомъ и соблюдаетъ непретворна богословна учителства, сирјчь, догматы православныя вјры, и ничтоже отнюдь не премјнила. И аще по истинј сице латынская Церкви мудръствоваше и управляшеся, якоже Николай прелестникъ софистъ утвержаетъ, лјпо бы убо было всяко и нужно намъ соединятися имъ братскы, всяко прјніе и сваръ отложившимъ, и миръ и единомысліе возлюбити. Понеже убо во многихъ является лжущъ Николай, и наипаче въ нихже глаголетъ латынскую Церковь соблюдающу вся непретворна преданыя ей отъ святыхъ апостолъ и богодохновенныхъ отецъ, богословны догматы и таиньства, ихже той члены наричетъ, пріиди нынј, съ Богомъ помощникомъ, разсмотримъ и уразумјимъ съ прилјжаніемъ Николаева софистика оправданіа и изобличенна евангельскою истинною, лжива суща. Не пріимаимъ ихъ отнюдь въ мыслехъ нашыхъ, но отвергше я, акы блазняща насъ отъ правыя и неблазненыя, отцы преданныя, вјры нашея, да пребываемъ не отступни, въ нихьже научихомся отъ самјхъ святыхъ апостолъ и преподобныхъ и богоносныхъ отецъ нашихъ.

Но время уже начати мнј стязаній, яже къ нему. Начну же отънюдуже и онъ начинаетъ. Добро, о Николае! и зјло добро и спасительно есть, еже промежу вамъ и намъ соединеніе и единомысліе; сего бо кромј не можемъ имјти Спаса Христа посреди насъ. Самъ бо глаголетъ: идјже бо аще будутъ два или три собрани во имя Мое, тамо есмь посреди ихъ [4]. Но ниже исповјдати Всесвятую Троицу можемъ, аще не имамы другъ ко другу чисту и совершенну любовь, якоже іерей возглашаетъ намъ отъ божественнаго олтаря, во время священныа литоргіи, иже глаголетъ: возлюбимъ другъ друга, да единомысліемъ исповјмы Отца и Сына и Святаго Духа, Троицу единосущную и нераздјлимую. Но, о премудреишій Николае! аще весьма хощете намъ поистиннј соединитися съ вами, преже соединитеся сами вы съ богоглаголивыми апостолы и собравшимися во Святјмъ Дусј седмыми Вселенскыми Соборы, иже изрядну апостольскую догму, глаголю же о присносущнемъ происхожденіи Божественнаго Утјшителя, преступисте и приложисте во священномъ символј православныя вјры, глаголюще: иже отъ Отца и Сына исходитъ, супротивно всјмъ вкупј восточнымъ богодохновеннымъ богословцомъ и самјмъ святымъ апостоломъ. Сіе мудръствующе и учяще, и не трепещете страшныхъ онјхъ проклинаній священныхъ соборовъ, въ нихъже и сами блаженјйшіи архиереи римстіи, вкупј съ прочими четырьми патріархи, утвержаху во Святјмъ Дусј православную вјру. Како убо глаголеши ты, яко латынская Церковь соблюдаетъ прилјжно православную вјру, якоже и пріятъ ю изъ начала отъ самјхъ апостолъ и святыхъ отецъ? кый апостолъ или евангелистъ сіе предаетъ? или которіи святіи отцы, вкупј собравшеся, сіе приложишя во священомъ символј? никакоже сіе покажеши; сопротивно же паче обрящешъ сіе отречено суще, и мудръствующихъ сіе подлагаемыхъ анафемј. Наипаче третій Соборъ, емуже начальникъ бј священный Кирилъ патріархъ александрьскый, иже исполнилъ богословіе, еже о Святјмъ Дусј, и запечатлј è съ святымъ Соборомъ, иже не точію мнј и тебј не велитъ приложити что отнюдь къ еже что отъ него запечатлјнному священному символу, ниже премјнити, ниже уложити ни едино реченіе, но ниже себј велитъ дерзнути сицево что въ священномъ символј, иже и глаголетъ съ святымъ Соборомъ: аще же кто послј насъ дерзнетъ, рече, таково что, да будетъ анафема, сирјчь проклятъ. Что противу сихъ глаголеши, о Николае? или не вјриши симъ, акы какъбы недобрј уставленымъ святымъ Соборомъ? И аще не имеши вјры симъ, ниже пріемлеши я, что ино речемъ о тебј, развј, яко бјснуешися? Вјриши ли, о Николае, яко Духомъ Святымъ собрашяся богоносніи они свјтильникы и Божественнымъ Духомъ учими богословишя и уставишя добрј и запечатлјшя священный символъ непорочныя нашеа православныя вјры? Аще убо вјру имаши, отступися прочее латыньскаго сего преслушанія и непокорства, инъже недугуетъ съ тобою вкупј латынская Церковь, и исповјдуй со всјми древними соборы, яко отъ Отца единого происходитъ существеннј Всесвятый Духъ, якоже самъ собезначалный и сприсносущный Отцу Сынъ и Слово научилъ есть сіе святымъ евангеліемъ, еже отъ Іоанна, рекъ своимъ ученикомъ: егда же пріидетъ Утјшитель, Егоже Азъ послю отъ Отца, Духъ истинный, иже отъ Отца происходитъ, и прочяа [5]. Пріими сіе тайно богословіе, произшедше отъ самјхъ неложныхъ устъ Христа Бога нашего и вашего; пріими сіе учительство со всякою вјрою и благоговјинствомъ, царствіе Божіе иносказательнј именуемо, зане въ самый животъ вводитъ насъ; пріими сіе тайноученіе, акы дјтищъ беззлобивъ пріимаетъ, яже учителя своего, ученіа, да сподобишися внити въ не. Аще бо, рече, не пріимјте царствіе Божіе, якоже дјти, не имате внити въ не [6]. Вышша себе не взыскуимъ, братіе, да удовлимся откровенными намъ отъ Духа Святаго самимъ Спасомъ и Вселенскыми Соборы. Нјсть, рече, ученикъ вышше учителя своего, ни рабъ выше своего владыкы; довольно, рече, ученику, да будетъ якоже учитель его, и прочяя. Мы отъ сея Владычнія поклоняемыя притчи просвјщаеми, и блаженнаго апостола Павла послушающе, заповјдующаго намъ не мудръствовати паче, еже подобаетъ мудръствовати, сирјчь паче писанныхъ откровенныхъ Святымъ Духомъ, но мудръствовати, яко цјломудръствовати, сирјчь познавающимъ худость нашихъ помыслъ пребывати внутрь уставъ смиреномудрія, да пребываимъ убо тверди и непоступни внутрь уставъ изложеныя благочестивыя вјры отъ святыхъ апостолъ и священныхъ соборъ, и далје сихъ ниже возводимся, ниже возносимся. Вы же, латына, претворяюще и разстлјвающе неточію изложенное отъ нихъ неблазненно исповјданіе православныя вјры, но и многа священная ихъ преданія церковная, достойни есте нарицатися неточію раскольникы, но отчасти еретикы, акы преступникы апостольскыхъ и отечьскыхъ правилъ же и преданій. Глаголютъ бо благочестивыхъ царей законъ и уставъ церковный: еретикъ есть и казнемъ, яже на еретикы, подлежитъ, иже аще и малјйше что предвигаетъ отъ православныя вјры. Вы же, большую тайну Живоначалныя и Пресвятыя Троицы предвигающе, и два начала проповјдующе непостижимаго исхоженія Всесвятаго Духа, кромј всјхъ восточныхъ богодохновенныхъ учителей, къ симъ же и многыя уставы церковныя и апостольская преданіа преступающе, ихже и перво и величайше прегрјшеніе есть, еже опрјснокы приносити въ святую службу, согласна мудръствующе проклятому Аполлинарію, отгнавшу просфоры и квасъ и соль, акы овому убо образующу душу, овјмъ же сказующымъ умъ, ихже лишаше треклятый Господа нашего Iсуса Христа, глаголя его оболкшася въ плоть едину бездушну и безумну. Сея же хулы что можетъ быти хулнје? еяже и вы причястникы есте, приносящеи вы, подобнј оному проклятому, опрјснокы, и тойже оному анафемј подлежите и вы, акы тоже ему и не хотяще и вы проповјдующе опрјсночнымъ приношеніемъ вашимъ.

Оставлю считати прочяа вашя преступленіа многа и странны уставы, еликы сами собою замыслили, кромј всякого и закона церковнаго и апостольскаго преданіа: еда не тјмже еретическымъ епитиміамъ себе повинныхъ сотворили? Толика убо и толь веліа беззаконнующимъ вамъ, како мы сообщимся съ вами, дондеже со рвеніемъ пребываете въ нихъ неотступно? Нјсть праведно ни на пользю душевну намъ сицевое другъ ко другу сообщеніе. И не глаголи намъ многокозненнымъ хытрословіемъ, яко тоже крещеніе, таже вјра русакомъ и латыномъ. Слыши же внятно и разумјй прямо: еретикы, иже отъ Навата презвитера бывша римскаго, наватіане нарицаеми, ниже о крещеніи, ниже о таинствј православныя вјры, ниже о иномъ коемъ законј церковнјмъ, но зане точію дарованное отъ человјколюбія Спаса Христа грјшникомъ покаяніе отрицаху и не пріимаху на покаяніе обращающихся, иже въ гоненіи Христа отвергошяся, за то едино отриновени бышя отъ всего Собора православныхъ и прокляти были. Павелъ же божественый апостолъ, къ Галатомъ пишà, вопіетъ не обинуяся: аще кто благовјствуетъ вамъ паче, еже пріасте отъ насъ, аще и ангелъ есть съ небесе благовјствуя вамъ, да будетъ проклятъ [7]. Тойже тјмъ же объявительнј свидјтелствуетъ, глаголя: аще обрјзаетеся, Христосъ ничимъже пользуетъ васъ. Аще и вся правј дјйствовахуся у нихъ и крещеніе и исповјданіе христіянскыя вјры и весь церковный уставъ и чинъ, но понеже пріашя, еже по Моисеову преданію обрјзаніе и нјкыхъ иныхъ обычаевъ іудейскыхъ, отринулъ ихъ апостолъ, рекъ: упразднистеся отъ Христа, елицы въ законј оправдаетеся, благодати отпадосте [8]. Разумјеши ли, о Николае, коль естъ сильно еже богопроповјдника о правјй вјрј прилјжаніе? Своя ученикы отринулъ, елма слышалъ ихъ малымъ чимъ уклонившихъся отъ евангельскыя истины и свободы, рекъ: упразднистеся отъ Христа, елицы въ законј оправдаетеся. Сіе же: упразднистеся, что ино сказуетъ, точію отпадосте благодати Христовы и сыновленія. Ты же неточію священный символъ православныя вјры разтливъ, но еще и иныхъ многыхъ апостольскыхъ и церковныхъ преданій преступая, влечеши насъ къ соединенію съ вами многокознеными хитрословіи и различными пестрословіи. Тому же божественому апостолу Павлу завјщавающу намъ крјпцј отлучатися неточію отъ чюжая учащихъ, но отъ всякаго брата именуемаго, по апостольскому же ученію и преданію не ходящаго, съ таковымъ, рече, ни ясти. Или не Павелъ сіа пишетъ Коринфяномъ глаголя: нынј же писалъ вамъ не смјшатися; аще нјкый братъ именуемъ будетъ блудникъ, или лихоимецъ, или идолослужитель, или піаница, или хыщникъ, съ таковымъ ниже ясти [9]; и пакы: измјте лукаваго отъ среды васъ. Сему свјтильнику мы грекы и руси иверяне и болгары и сербове и волохи и иніи языцы, немало покаряющеся, и якоже дјти беззлобиви послушающе, отлучяемся отъ васъ латынехъ, по божественой ревности и желанію вјчныя жизни, а не по гордости фарисейстей и кыченію суетному, якоже ты, оклеветая насъ, являешися симъ многоплетеннымъ и многокозненнымъ списаніемъ своимъ, въ немъже и нјкыя обдержатся нелјпотныя учителскія твоя повјсти, непросвјщенныя мысли изобрјтенія. Како бо нелјпотно и отринуто и мерзко благочестивому слуху, еже глаголати сатаниньскымъ дјйствомъ ослјпленныхъ бывшихъ Луку и Клеопу божественыхъ апостолъ, идущихъ во Еммаусъ? Откуду имаши сіе пріемъ? или кое богодохновенно толкованіе отеческое научило тя есть сему, яко сатаниньскымъ дјйствомъ, а не Божественнымъ строеніемъ, провосходящимъ всякого ума человјчя, очеса ихъ удержашеся, да не познаютъ Iсуса, якоже и очи блаженныя Маріи Магдалины видјвша Его предстояща, и не познавши глаголаше къ Нему, акы къ вертоградарю: Господи, аще ты еси взялъ Его, рцы ми, гдј еси положилъ Его. Еда мудръствуеши, Николае, яко и очеса ея сатана поразилъ слјпотою? Оле твоего не наказаннаго ума, паче же хульнаго! Божественнымъ смотреніемъ, невјдомымъ намъ, удержашася очеса учениковъ, о Николае, а не по сатанинскому дјйству. Идјже бо Божіе пришествіе и бесјда Владычня, о Николае, оттуду избјже и исчезе всяко дјйство сатанинско и кознь. Подобно сему твоему нелјпотному толкованію и ино нјчто повјствуеши чюже и невјдомо соборнјй и апостольстей святјй Церкви. Глаголеши бо, яко божественніи апостоли собравшеся изложишя уставъ и исповјданіе православныя вјры, единому комуждо ихъ чясть нјкую изрекшу, въ которомъ же градј или странј, и когда ея изложишя, или кая богодохновенная книга сіе предала вамъ, не изъяснилъ еси намъ, убоявся всяко якоже мнитмися обличенія, еже отъ благочестивыхъ, нигдјже бо обрјтается писаное у насъ правовјрныхъ таково. Сіе же и зјло вјдомо есть всјмъ вездј сущимъ правовјрнымъ, яко первый, иже во Святјмъ Дусј собравшійся въ Никеи священный Соборъ 318 богоносныхъ отецъ на злочестиваго Арія, создана Бога Слова глаголющаго, изложишя уставъ православныя вјры богословивше краткыми словесы велію тайну Всесвятыя и поклоняемыя Троиця и смотреніе вочеловјченія Бога Слова. О Святјмъ же Дусј толико точію рекше: вјруемъ и во Святый Духъ. И понеже по лјтехъ нјкыхъ явися духоборный Македоній, хуля на Святый Духъ, созданъ ѝ мыудръствуя, по нужи собрася вторый вселеньскый Соборъ 150 богоносныхъ отецъ въ Констянтинј градј, при великомъ цари Ѳеодосіи, приложилъ во священномъ символј еже о Святјмъ Дусј богословіе. Третій же святый Соборъ иже во Ефесј, емуже бј начальникъ священный Кирилъ патріархъ александрьскый, запечатлј клятвами страшнјйшими предизложенную вјру бывшими преже его двоими вселенскыми Соборы, дабы никтоже къ тому дерзнулъ претворити ни единое реченіе, ниже приложити что въ предизложенный символъ, ниже уложити у него [10]. Сице мы прочитаемъ въ дјяніихъ священныхъ Соборъ, и сице держимъ и вјруемъ и проповјдуемъ, желающе наслјдницы быти со святыми седьмыми Соборы вјчныхъ благъ и благословенія, а не съ вами, преступникы, вјчныя клятвы и осуженія. А еже отъ тебе повјствуемо, о Николае, ниже видјхомъ написано отнюдъ въ книзј которјй православнјй, ниже слышахомъ сіе отъ иного коего даже и до сего. Буди же тако якоже ты утвержаеши, яко святіи апостоли преже святаго Собора никейскаго изложишя уставъ православныя вјры, чесо ради ты, Николае, преступаеши безъума священное ихъ о Святјмь Дусј богословіе, и не якоже они богословиша держиши è? Они рјшя по твоей повјсти Варфоломјемъ апостоломъ: вјруемъ и во Святый Духъ, и далје сего не проидошя. Такоже послј ихъ священный никейскый Соборъ подобнј имъ изложишя, ничтоже приложше; таже третій Соборъ святыхъ отецъ приложишя во священномъ символј совершенное богословіе, еже о Святјмъ Дусј, прирекше: и въ Святыи Духъ Господень животворящъ, отъ Отца исходящь, якоже самъ единородный Сынъ Божій Iсусъ Христосъ, богословилъ гласомъ святаго Іоанна евангелиста. Ты же, акы и самехъ святыхъ апостолъ, и священныхъ тріехъ соборъ, и самого Единороднаго вышше вознесеся крылы таинственнаго богословія, дерзнулъ еси собою приложити къ неблазненному ихъ богословію глаголя: и въ Духа Святаго отъ Отца и Сына исходящаго, и сице являешися лжущъ сугубымъ лганіемъ. Единымъ убо глаголя, яко имъже образомъ пріятъ латынская Церковь отъ самехъ святыхъ апостолъ, сице и соблюдаетъ непретворенъ священный символъ православныя вјры, и се изобличенъ еси лжущъ, приложила бо отъ себе еже и отъ Сына, преступивши апостольскыхъ и отеческыхъ завјщаній и клятвъ, и бысть подвинна соборнјй анафемј. Другымъ лжеши объявленне, два начала проповјдуя присносущнаго и непостижимаго исхоженія Святаго Духа, еже есть хульно. Аще бо два испущателя Духу Святому Отецъ и Сынъ, то убо и два начала Божеству Святаго Параклита, еже есть ложно и сопротивно евангельскымъ и отеческымъ таинственнымъ богословіемъ. Единъ бо источникъ Божеству и Сына и Духа Святаго, Отецъ есть по изящному богодохновенному богословцу Ареопагитскому Діонисію и по всјмъ вкупј святыхъ отецъ. В сихъ убо изобличенъ лжущъ, престани прочее досаждая православнымъ людемъ рускымъ, глаголя не по разумію истины отлучити себе сообщенія латынскаго, не по разумію, Николае, ниже по суетному рвенію, но по послушанію глаголющаго богодохновеннаго богословца Іоанна, завјщавающаго намъ крјпцј и глаголющаго: всякъ преступаяй и не пребываяй во ученіи Христовј, Бога не имать, пребываяй во ученіи Христовј сей и Отца и Сына имать [11]. Таже приводитъ глаголя: аще кто грядетъ къ вамъ и ученія сего не приноситъ, не пріимайте его въ домъ, и радоватися ему не глаголите, глаголяй бо ему радоватися, сообјщникъ есть дјломъ его лукавымъ. Разумјй, о Николае, силу евангельскыя сея рјчи, и сложи всяко прјніе суетно и упрямство; неточію бо просто еретика глаголетъ преступающаго и не пребывающаго во ученіи Христовј, но и безбожника его явј именуетъ. Вы же глаголеми латыня, преступающе Христово, еже о происхожденіи Святаго Духа, ученіе, и прилагающе отъ себе во священномъ символј вјры еже и отъ Сына, како наречетеся прочее христіане православніи, елма богословіе Спаса Христа преступисте и безъ боязни глаголете: и въ Духа Святаго отъ Отца и Сына исходящаго. Сіе Единородному не прирекшу, но точію Отца испущателя объявилъ, а не и себе. Аще убо по истинј, а не по лицемјрію желаете еже съ нами соединенія, изрините отъ среды насъ и васъ разлучающее средостјніе оплоты, глаголю же лишнее сіе хульное приложеніе. Мечите [12] приносимыя опрјснокы въ таинственную жертву по ереснику Аполлинарію, отступите отъ губительныя оригенскія ереси, яже огнемъ чистительнымъ во обхоженіи многыхъ лјтъ очищаетъ душя всякыми грјхы насыпаны, и тако оттуду препосылаетъ я; въ жизнь вјчную. Сіе бо ученіе неточію лјнивыхъ творитъ многыхъ на исправленіе согрјшеній своихъ тјмъ, еже чаяти себј очищеніе по смерти въ чистительномъ огни, но еще и слово, еже есть о праведнјмъ судј, развращаетъ. Аще бо вси, иже во христіянстей вјрј согрјшиша лютыя грјхы, во огни очистившеся, въ безконечную жизнь преходятъ, по Оригену и по васъ, которіи ошую праведнаго Судіи стояще, услышятъ горкый онъ отвјтъ: идите отъ Мене проклятіи во огнь кромјшный уготованный діяволу и аггеломъ его, и прочаа [13]. Не бо нечестивіи аки суровіи и безчеловјчніи и немилостивіи отъ праведнаго Судіи отринутся: они бо акы беззаконно согрјшиша, беззаконно и погыбнутъ, свидјтельствуетъ святый Павелъ апостолъ. Явлено же пакы сіе и отъ глаголющихъ въ день судный, акы оправдающихъ себе стояще ошую страшнаго Судіи: Господи, не о имени ли Твоемъ бјсы изгнахомъ, и о имени Твоемъ пророчествовахомъ, и о имени Твоемъ силы многы сътворихомъ, иже и противу услышятъ отъ праведнаго Судіи: отступите отъ Мене дјлателіе беззаконію; аминь глаголю вамъ: николиже познахъ васъ. Зрите, како явьственнј отъ сихъ евангельскыхъ рјчей обличается, яко лжина есть, иже по Оригенј и по васъ латынехъ, чистительный огнь. Аще бо вси христіяне грјшникы очищахуся отъ своихъ грјхъ во огни чистительномъ по смерти, никакоже бышя были невјдоми отъ праведнаго Судіи створшеи о имени Его силы многы, сирјчь чюдеса предивна, ни дјлателіе беззаконію именовахуся отъ Него.

Хотјлъ бы и прочаа вашя нова преступленіа изобличити, елика вы отъ себе умыслисте во святыхъ таиньствехъ и во священническый чинъ и въ прочій церковный уставъ, и елико вы мудръствуете и творите кромј апостольскыхъ правилъ и уставленій и Вселенскыхъ седми Соборъ; но волею сихъ преминую ихъ, акы вјдомыхъ сущихъ всјмъ православнымъ христіяномъ, отъ нихъже иніи стари списателіе изобличишя ихъ и писанію предали. Елма же убо и инъ нјкій указъ предлагаеши преухыщренъ показателенъ подобающаго быти соединенія всјмъ вјрнымъ, и глаголеши, яко сего ради Спасъ всјхъ въ хлјбј и винј предалъ таинственную свою жертву, зане хлјбъ отъ многыхъ зеренъ состоится, такожде и вино отъ многыхъ зеренъ гроздіихъ сътворяется. Противу сего преухыщреннаго мудрословіа твоего отвјщаемъ: иже по насъ приносимый хлјбъ, сирјчь еже по Бозј есть соединеніе грековъ, русаковъ, иверяновъ, болгаровъ, сербовъ, волоховъ и иныхъ многыхъ языкъ — отъ пшеничьныхъ единыхъ зеренъ сотворяемъ, сирјчь отъ правыхъ апостольскыхъ ученій и отеческыхъ правилъ и преданій, — чистјйшій дјлавшему его небесному Хлјботворцу благопріатенъ есть и зјло сладчайшъ испеченъ невещественымъ огнемъ божественаго Параклита. А иже по васъ латынехъ хлјбъ, сирјчь еже по васъ соединеніе, не отъ единыя пшеницы зеренъ, но отъ различныхъ сјменъ состоится, глаголю же отъ ячмени, проса, ржы и овся. Разумјваяй да разумјетъ слово крыто. Не прельщай убо насъ преиспестренными многыми хитрословіи. Оно же буди вјдый Николае, яко елицехъ реченій евангельскыхъ и апостольскыхъ приводиши въ своемъ писаніи на похвалу убо и хваленіе ваше, а намъ поносъ и осужденіе, въ сихъ васъ наипаче праведный Судія осудитъ, поелико супротивно носитеся апостольскыхъ правилъ и отеческыхъ преданій, и зане, еже добрј и богоугоднј составлено тјло Христово, глаголю же соборную Церковь, разколисте и разтерзаете всяческыми странными и нелјпотными новыми вашими ученіи. Но и о семъ убо толика довлјютъ главизна нашыхъ отвјтовъ противу списаннаго тобою на насъ со многымъ коварствомъ поученія, бытто соединительнаго, паче же развращенія. Слыши Николае и весь, иже о папј вашемъ священническый причетъ и многое множество сущихъ у васъ учителей и философовъ, яко мы повинующеся Господу Богу нашему, повелјвающу: аще не обратитеся и будете якоже дјти, не имате внити въ царствіе Божіе [14], и пакы: аще кто не пріиметъ царствіе Божіе, якоже дјтищъ, не можетъ внити въ не, — симъ двоимъ заповјдемъ повинующеся, мы держимъ вся благочестіа тайны и богословная догмата апостольскыхъ и отеческыхъ церковныхъ преданій, царствіе Божіе приточнј глаголема вся вкупј пріемлемъ и соблюдаемъ непремјнна, якоже дјти малы пріимаютъ ученія отъ своихъ учителей безъ сумнјнія, и вышше нашея немощи не пытуимъ таинственную силу ихъ, послушающе завјщавающаго: вышшая себе не ищи. Яко убо единъ Богъ есть безначаленъ и безконеченъ присносущенъ Святая Троиця, вјмы и вјруемъ, и исповјдуемъ и сердцемъ и усты, и яко отъ Бога и Отца Сынъ раждается и Духъ Святый исходитъ, и вјмы и вјруемъ. Образъ же рожденію и исхожденію ниже ищемъ достигнути но ни можемъ. Сія бо отнюдь неизреченна и непостижима суть всякому созданному естеству. Благоизволите убо и вы возвратитися въ немъже имјсте изначала съ нами правое исповјданіе вјры и соединеніе богоугодное, отъ негоже злј отпадосте, побјждени бысте лукавымъ духомъ славолюбія и самоугодія. Аще же не хощете пріимати братскы приносимый вамъ отъ насъ по любви духовный сей совјтъ спасительный, — мы отступити отъ преданныя намъ отъ святыхъ апостолъ и Вселенскыхъ Соборъ православныя вјры, и соглашати съ вами, во всјхъ безпутіихъ заблужшими, никако терпимъ. Вјмы бо глаголющаго: изыдјте отъ среды ихъ, и отлучитеся и нечистотј не коснитеся. Ельма лучши есть похвально распряженіе соединенія, отлучающаго отъ Бога. Тому слава въ вјкы, аминь.

Примјчанiя:
[1] Предъ этимъ словомъ Максима Грека въ рукописяхъ помјщается слјдующее Сказаніе о Николај нјмчинј: «Сей Николай Булевъ бысть въ богоспасеномъ градј Москвј долго время, въ лјтехъ осмыя тысящи, во дни благочестиваго государя, великого князя Василіа Ивановичя всея Росіи, и отъ государя превелію честь получилъ, врачевскыя ради хытрости. И коварственнымъ замысломъ своимъ счинилъ самъ слово и всякаго лукавства наполнилъ, о соединеніи вјры греческой и римской. Вјру убо нашу христіянскую хвалитъ ухыщреніемъ словесъ своихъ, ересей же латынскыхъ въ нихъже разлучаемся отъ нихъ, утаилъ лукавый, и ничтоже отъ нихъ писалъ. Максимъ же инокъ, увјдјвъ его прелестное списаніе, и вооружися противъ козней его благодатію Святаго Духа, и написа слово сіе».
[2] Матф. 7, 15.
[3] будто.
[4] Матф. 18, 20.
[5] Іоан. 15, 26.
[6] Матф. 18, 3.
[7] Гал. 1, 8.
[8] Гал. 5, 4.
[9] 1 Кор. 5, 11.
[10] отложить отъ него.
[11] 2 Іоан. 1, 9.
[12] отбросьте.
[13] Матф. 25, 41.
[14] Матф. 18, 3.

Печатается по изданiю: Сочиненiя преподобнаго Максима Грека, изданныя при Казанской Духовной Академiи. Часть первая: Догматико-полемическiя сочиненiя. – Изданiе второе. Казань: Типо-литографiя Императорскаго Университета, 1894. – с. 171-186.