שמות

<title>שמות</title>
<h4>1</h4>
1," וְאִלֵּין, שְׁמָהָת בְּנֵי יִשְׂרָאֵל, דְּעָאלוּ, לְמִצְרָיִם:  עִם יַעֲקוֹב, גְּבַר וַאֲנָשׁ בֵּיתֵיהּ עָאלוּ.  
2," רְאוּבֵן שִׁמְעוֹן, לֵוִי וִיהוּדָה.  
3," יִשָּׂשכָר זְבוּלוּן, וּבִנְיָמִין.  
4," דָּן וְנַפְתָּלִי, גָּד וְאָשֵׁר.  
5," וַהֲוַאָה, כָּל נַפְשָׁתָא נָפְקֵי יִרְכָּא דְּיַעֲקוֹב--שִׁבְעִין נַפְשָׁן; וְיוֹסֵף, דַּהֲוָה בְּמִצְרָיִם.  
6," וּמִית יוֹסֵף וְכָל אֲחוֹהִי, וְכֹל דָּרָא הַהוּא.  
7," וּבְנֵי יִשְׂרָאֵל, נְפִישׁוּ וְאִתְיַלַּדוּ וּסְגִיאוּ וּתְקִיפוּ--לַחְדָּא לַחְדָּא; וְאִתְמְלִיאַת אַרְעָא, מִנְּהוֹן.  {פ} 
8," וְקָם מַלְכָּא חֲדַתָּא, עַל מִצְרָיִם, דְּלָא מְקַיֵּים, גְּזֵירַת יוֹסֵף.  
9," וַאֲמַר, לְעַמֵּיהּ:  הָא, עַמָּא בְּנֵי יִשְׂרָאֵל--סָגַן וְתָקְפִין, מִנַּנָא.  
10," הַבוּ נִתְחַכַּם, לְהוֹן:  דִּלְמָא יִסְגּוֹן, וִיהֵי אֲרֵי יְעָרְעִנַּנָא קְרָב וְיִתּוֹסְפוּן אַף אִנּוּן עַל סָנְאַנָא, וִיגִיחוּן בַּנָא קְרָב, וְיִסְּקוּן מִן אַרְעָא.  
11," וּמַנִּיאוּ עֲלֵיהוֹן שִׁלְטוֹנִין מַבְאֲשִׁין, בְּדִיל לְעַנּוֹאֵיהוֹן בְּפֻלְחָנְהוֹן; וּבְנוֹ קִרְוֵי בֵּית אוֹצְרֵי, לְפַרְעֹה--יָת פִּיתוֹם, וְיָת רַעַמְסֵס.  
12," וּכְמָא דִּמְעַנַּן לְהוֹן, כֵּין סָגַן וְכֵין תָּקְפִין; וְעַקַת לְמִצְרָאֵי, מִן קֳדָם בְּנֵי יִשְׂרָאֵל.  
13," וְאַפְלַחוּ מִצְרָאֵי יָת בְּנֵי יִשְׂרָאֵל, בְּקַשְׁיוּ.  
14," וְאַמַּרוּ יָת חַיֵּיהוֹן בְּפֻלְחָנָא קַשְׁיָא, בְּטִינָא וּבְלִבְנֵי, וּבְכָל פֻּלְחָנָא, בְּחַקְלָא--יָת, כָּל פֻּלְחָנְהוֹן, דְּאַפְלַחוּ בְּהוֹן, בְּקַשְׁיוּ.  
15," וַאֲמַר מַלְכָּא דְּמִצְרַיִם, לְחָיָתָא יְהוּדַיָתָא, דְּשׁוֹם חֲדָא שִׁפְרָה, וְשׁוֹם תִּנְיֵיתָא פּוּעָה.  
16," וַאֲמַר, כַּד תִּהְוְיָן מְיַלְּדָן יָת יְהוּדַיָתָא, וְתִחְזְיָן, עַל מַתְבְּרָא:  אִם בְּרָא הוּא וְתִקְטְלָן יָתֵיהּ, וְאִם בְּרַתָּא הִיא תְּקַיְּמוּנַּהּ.  
17," וּדְחִילָא חָיָתָא, מִן קֳדָם יְיָ, וְלָא עֲבַדָא, כְּמָא דְּמַלֵּיל עִמְּהוֹן מַלְכָּא דְּמִצְרָיִם; וְקַיִימָא, יָת בְּנַיָּא.  
18," וּקְרָא מַלְכָּא דְּמִצְרַיִם, לְחָיָתָא, וַאֲמַר לְהוֹן, מָדֵין עֲבַדְתִּין פִּתְגָמָא הָדֵין; וְקַיֵּימְתִּין, יָת בְּנַיָּא.  
19," וַאֲמַרָא חָיָתָא לְפַרְעֹה, אֲרֵי לָא כִּנְשַׁיָּא מִצְרַיָתָא יְהוּדַיָתָא:  אֲרֵי חַכִּימָן אִנִּין, עַד לָא עַאלַת לְוָתְהוֹן חָיְתָא יָלְדָן.  
20," וְאוֹטֵיב יְיָ, לְחָיָתָא; וּסְגִי עַמָּא וּתְקִיפוּ, לַחְדָּא.  
21," וַהֲוָה, כַּד דְּחִילָא חָיָתָא מִן קֳדָם יְיָ; וַעֲבַד לְהוֹן, בָּתִּין.  
22," וּפַקֵּיד פַּרְעֹה, לְכָל עַמֵּיהּ לְמֵימַר:  כָּל בְּרָא דְּיִתְיְלֵיד לִיהוּדָאֵי, בְּנַהְרָא תִּרְמוֹנֵיהּ, וְכָל בְּרַתָּא, תְּקַיְּמוּן.  {פ} 
<h4>2</h4>
1," וַאֲזַל גֻּבְרָא, מִדְּבֵית לֵוִי; וּנְסֵיב, יָת בַּת לֵוִי.  
2," וְעַדִּיאַת אִתְּתָא, וִילֵידַת בַּר; וַחֲזָת יָתֵיהּ אֲרֵי טָב הוּא, וְאַטְמַרְתֵּיהּ תְּלָתָא יַרְחִין.  
3," וְלָא יְכֵילַת עוֹד, לְאַטְמָרוּתֵיהּ, וּנְסֵיבַת לֵיהּ תֵּיבְתָא דְּגֹמֶא, וַחֲפָתַהּ בְּחֵימְרָא וּבְזִפְתָּא; וְשַׁוִּיאַת בַּהּ יָת רָבְיָא, וְשַׁוִּיתַהּ בְּיַעְרָא עַל כֵּיף נַהְרָא.  
4," וְאִתְעַתַּדַת אַחָתֵיהּ, מֵרַחִיק, לְמִדַּע, מָא יִתְעֲבֵיד לֵיהּ.  
5," וּנְחַתַת בַּת פַּרְעֹה לְמִסְחֵי עַל נַהְרָא, וְעוּלֵימְתַהָא מְהַלְּכָן עַל כֵּיף נַהְרָא; וַחֲזָת יָת תֵּיבְתָא בְּגוֹ יַעְרָא, וְאוֹשֵׁיטַת יָת אַמְּתַהּ וּנְסֵיבְתַּהּ.  
6," וּפְתַחַת וַחֲזָת יָת רָבְיָא, וְהָא עוּלֵימָא בָּכֵי; וְחַסַת עֲלוֹהִי--וַאֲמַרַת, מִבְּנֵי יְהוּדָאֵי הוּא דֵּין.  
7," וַאֲמַרַת אֲחָתֵיהּ, לְבַת פַּרְעֹה, הַאֵיזֵיל וְאֶקְרֵי לִיךְ אִתְּתָא מֵינִקְתָּא, מִן יְהוּדַיָתָא; וְתוֹנִיק לִיךְ, יָת רָבְיָא.  
8," וַאֲמַרַת לַהּ בַּת פַּרְעֹה, אִיזִילִי; וַאֲזַלַת, עוּלֵימְתָא, וּקְרָת, יָת אִמֵּיהּ דְּרָבְיָא.  
9," וַאֲמַרַת לַהּ בַּת פַּרְעֹה, הָלִיכִי יָת רָבְיָא הָדֵין וְאוֹנִיקִיהוּ לִי, וַאֲנָא, אֶתֵּין יָת אַגְרִיךְ; וּנְסֵיבַת אִתְּתָא רָבְיָא, וְאוֹנִיקְתֵּיהּ.  
10," וּרְבָא רָבְיָא, וְאֵיתִיתֵיהּ לְבַת פַּרְעֹה, וַהֲוָה לַהּ, לְבַר; וּקְרָת שְׁמֵיהּ, מֹשֶׁה, וַאֲמַרַת, אֲרֵי מִן מַיָּא שְׁחַלְתֵּיהּ.  
11," וַהֲוָה בְּיוֹמַיָּא הָאִנּוּן, וּרְבָא מֹשֶׁה וּנְפַק לְוָת אֲחוֹהִי, וַחֲזָא, בְּפֻלְחָנְהוֹן; וַחֲזָא גְּבַר מִצְרַאי, מָחֵי לִגְבַר יְהוּדַאי מֵאֲחוֹהִי.  
12," וְאִתְפְּנִי לְכָא וּלְכָא, וַחֲזָא אֲרֵי לֵית אֲנָשׁ; וּמְחָא, יָת מִצְרָאָה, וְטַמְרֵיהּ, בְּחָלָא.  
13," וּנְפַק בְּיוֹמָא תִּנְיָנָא, וְהָא תְּרֵין גֻּבְרִין יְהוּדָאִין נָצַן; וַאֲמַר, לְחַיָּבָא, לְמָא אַתְּ מָחֵי, לְחַבְרָךְ.  
14," וַאֲמַר מַאן שַׁוְיָךְ לִגְבַר רַב וְדַיָּן, עֲלַנָא--הַלְמִקְטְלִי אַתְּ אָמַר, כְּמָא דִּקְטַלְתָּא יָת מִצְרָאָה; וּדְחֵיל מֹשֶׁה וַאֲמַר, בְּקֻשְׁטָא אִתְיְדַע פִּתְגָמָא.  
15," וּשְׁמַע פַּרְעֹה יָת פִּתְגָמָא הָדֵין, וּבְעָא לְמִקְטַל יָת מֹשֶׁה; וַעֲרַק מֹשֶׁה מִן קֳדָם פַּרְעֹה, וִיתֵיב בְּאַרְעָא דְּמִדְיָן וִיתֵיב עַל בֵּירָא.  
16," וּלְרַבָּא דְּמִדְיָן, שְׁבַע בְּנָן; וַאֲתַאָה וּדְלַאָה, וּמְלַאָה יָת רָטַיָּא, לְאַשְׁקָאָה, עָנָא דַּאֲבוּהוֹן.  
17," וַאֲתוֹ רָעַיָּא, וּטְרַדוּנִין; וְקָם מֹשֶׁה וּפְרַקִנִּין, וְאַשְׁקִי יָת עָנְהוֹן.  
18," וַאֲתַאָה, לְוָת רְעוּאֵל אֲבוּהוֹן; וַאֲמַר, מָדֵין אוֹחִיתִין לְמֵיתֵי יוֹמָא דֵּין.  
19," וַאֲמַרָא--גֻּבְרָא מִצְרָאָה, שֵׁיזְבַנָא מִיְּדָא דְּרָעַיָּא; וְאַף מִדְלָא דְּלָא לַנָא, וְאַשְׁקִי יָת עָנָא.  
20," וַאֲמַר לִבְנָתֵיהּ, וְאָן הוּא; לְמָא דְּנָן שְׁבַקְתִּין יָת גֻּבְרָא, קְרַן לֵיהּ וְיֵיכוֹל לַחְמָא.  
21," וּצְבִי מֹשֶׁה, לְמִתַּב עִם גֻּבְרָא; וִיהַב יָת צִפּוֹרָה בְּרַתֵּיהּ, לְמֹשֶׁה.  
22," וִילֵידַת בַּר, וּקְרָא יָת שְׁמֵיהּ גֵּרְשׁוֹם:  אֲרֵי אֲמַר--דַּיָּר הֲוֵיתִי, בַּאֲרַע נֻכְרָאָה.  {פ} 
23," וַהֲוָה בְּיוֹמַיָּא סַגִּיאַיָּא הָאִנּוּן, וּמִית מַלְכָּא דְּמִצְרַיִם, וְאִתְאַנַּחוּ בְּנֵי יִשְׂרָאֵל מִן פֻּלְחָנָא דַּהֲוָה קְשֵׁי עֲלֵיהוֹן, וּזְעִיקוּ; וּסְלֵיקַת קְבִילַתְהוֹן לִקְדָם יְיָ, מִן פֻּלְחָנָא.  
24," וּשְׁמִיעַ קֳדָם יְיָ, יָת קְבִילַתְהוֹן; וּדְכִיר יְיָ יָת קְיָמֵיהּ, דְּעִם אַבְרָהָם דְּעִם יִצְחָק וּדְעִם יַעֲקוֹב.  
25," וּגְלֵי קֳדָם יְיָ, שִׁעְבּוּדָא דִּבְנֵי יִשְׂרָאֵל; וַאֲמַר בְּמֵימְרֵיהּ לְמִפְרַקְהוֹן, יְיָ.  {ס} 
<h4>3</h4>
1," וּמֹשֶׁה, הֲוָה רָעֵי יָת עָנָא דְּיִתְרוֹ חֲמוּהִי--רַבָּא דְּמִדְיָן; וְדַבַּר יָת עָנָא לַאֲתַר שְׁפַר רִעְיָא לְמַדְבְּרָא, וַאֲתָא לְטוּרָא דְּאִתְגְּלִי עֲלוֹהִי יְקָרָא דַּייָ לְחוֹרֵב.  
2," וְאִתְגְּלִי מַלְאֲכָא דַּייָ לֵיהּ, בְּשַׁלְהוֹבִית אִישָׁתָא--מִגּוֹ אֲסַנָּא; וַחֲזָא, וְהָא אֲסַנָּא בָּעַר בְּאִישָׁתָא, וַאֲסַנָּא, לָיְתוֹהִי מִתְאֲכִיל.  
3," וַאֲמַר מֹשֶׁה--אֶתְפְּנֵי כְּעַן וְאֶחְזֵי, יָת חֶזְוָנָא רַבָּא הָדֵין:  מָדֵין, לָא מִתּוֹקַד אֲסַנָּא.  
4," וַחֲזָא יְיָ, אֲרֵי אִתְפְּנֵי לְמִחְזֵי; וּקְרָא לֵיהּ יְיָ מִגּוֹ אֲסַנָּא, וַאֲמַר מֹשֶׁה מֹשֶׁה--וַאֲמַר הָאֲנָא.  
5," וַאֲמַר, לָא תִּקְרַב הָלְכָא; שְׁרִי סֵינָךְ, מֵעַל רַגְלָךְ--אֲרֵי אַתְרָא דְּאַתְּ קָאֵים עֲלוֹהִי, אֲתַר קַדִּישׁ הוּא.  
6," וַאֲמַר, אֲנָא אֱלָהָא דַּאֲבוּךְ, אֱלָהֵיהּ דְּאַבְרָהָם אֱלָהֵיהּ דְּיִצְחָק, וֵאלָהֵיהּ דְּיַעֲקוֹב; וּכְבַשִׁנּוּן מֹשֶׁה, לְאַפּוֹהִי, אֲרֵי דְּחֵיל, מִלְּאִסְתַּכָּלָא בְּצֵית יְקָרָא דַּייָ.  
7," וַאֲמַר יְיָ, מִגְלָא גְּלֵי קֳדָמַי שִׁעְבּוּד עַמִּי דִּבְמִצְרָיִם; וְיָת קְבִילַתְהוֹן שְׁמִיעַ קֳדָמַי מִן קֳדָם מַפְלְחֵיהוֹן, אֲרֵי גְּלֵי קֳדָמַי כֵּיבֵיהוֹן.  
8," וְאִתְגְּלִיתִי לְשֵׁיזָבוּתְהוֹן מִיְּדָא דְּמִצְרָאֵי, וּלְאַסָּקוּתְהוֹן מִן אַרְעָא הַהִיא, לַאֲרַע טָבָא וּפַתְיָא, לַאֲרַע עָבְדָא חֲלָב וּדְבָשׁ--לַאֲתַר כְּנַעֲנָאֵי, וְחִתָּאֵי, וֶאֱמוֹרָאֵי וּפְרִזָּאֵי, וְחִוָּאֵי וִיבוּסָאֵי.  
9," וּכְעַן, הָא קְבִילַת בְּנֵי יִשְׂרָאֵל עַאלַת לִקְדָמָי; וְאַף גְּלֵי קֳדָמַי, דֻּחְקָא, דְּמִצְרָאֵי, דָּחֲקִין לְהוֹן.  
10," וּכְעַן אֵיתַא, וְאֶשְׁלְחִנָּךְ לְוָת פַּרְעֹה; וְאַפֵּיק יָת עַמִּי בְּנֵי יִשְׂרָאֵל, מִמִּצְרָיִם.  
11," וַאֲמַר מֹשֶׁה, קֳדָם יְיָ, מַאן אֲנָא, אֲרֵי אֵיזֵיל לְוָת פַּרְעֹה; וַאֲרֵי אַפֵּיק יָת בְּנֵי יִשְׂרָאֵל, מִמִּצְרָיִם.  
12," וַאֲמַר, אֲרֵי יְהֵי מֵימְרִי בְּסַעֲדָךְ, וְדֵין לָךְ אָתָא, אֲרֵי אֲנָא שְׁלַחְתָּךְ:  בְּאַפָּקוּתָךְ יָת עַמָּא, מִמִּצְרַיִם, תִּפְלְחוּן קֳדָם יְיָ, עַל טוּרָא הָדֵין.  
13," וַאֲמַר מֹשֶׁה קֳדָם יְיָ, הָא אֲנָא אָתֵי לְוָת בְּנֵי יִשְׂרָאֵל, וְאֵימַר לְהוֹן, אֱלָהָא דַּאֲבָהָתְכוֹן שַׁלְחַנִי לְוָתְכוֹן; וְיֵימְרוּן לִי מַאן שְׁמֵיהּ, מָא אֵימַר לְהוֹן.  
14," וַאֲמַר יְיָ לְמֹשֶׁה, אֶהְיֶה אֲשֶׁר אֶהְיֶה; וַאֲמַר, כִּדְנָן תֵּימַר לִבְנֵי יִשְׂרָאֵל, אֶהְיֶה, שַׁלְחַנִי לְוָתְכוֹן.  
15," וַאֲמַר עוֹד יְיָ לְמֹשֶׁה, כִּדְנָן תֵּימַר לִבְנֵי יִשְׂרָאֵל, יְיָ אֱלָהָא דַּאֲבָהָתְכוֹן אֱלָהֵיהּ דְּאַבְרָהָם אֱלָהֵיהּ דְּיִצְחָק וֵאלָהֵיהּ דְּיַעֲקוֹב, שַׁלְחַנִי לְוָתְכוֹן; דֵּין שְׁמִי לְעָלַם, וְדֵין דֻּכְרָנִי לְכָל דָּר וְדָר.  
16," אִיזֵיל וְתִכְנוֹשׁ יָת סָבֵי יִשְׂרָאֵל, וְתֵימַר לְהוֹן יְיָ אֱלָהָא דַּאֲבָהָתְכוֹן אִתְגְּלִי לִי, אֱלָהֵיהּ דְּאַבְרָהָם יִצְחָק וְיַעֲקוֹב, לְמֵימַר:  מִדְכָר דְּכִירְנָא יָתְכוֹן, וְיָת דְּאִתְעֲבֵיד לְכוֹן בְּמִצְרָיִם.  
17," וַאֲמַרִית, אַסֵּיק יָתְכוֹן מִשִּׁעְבּוּד מִצְרָאֵי, לַאֲרַע כְּנַעֲנָאֵי וְחִתָּאֵי, וֶאֱמוֹרָאֵי וּפְרִזָּאֵי וְחִוָּאֵי וִיבוּסָאֵי--לַאֲרַע עָבְדָא חֲלָב, וּדְבָשׁ.  
18," וִיקַבְּלוּן, מִנָּךְ; וְתֵיתֵי אַתְּ וְסָבֵי יִשְׂרָאֵל לְוָת מַלְכָּא דְּמִצְרַיִם, וְתֵימְרוּן לֵיהּ יְיָ אֱלָהָא דִּיהוּדָאֵי אִתְקְרִי עֲלַנָא, וּכְעַן נֵיזֵיל כְּעַן מַהְלַךְ תְּלָתָא יוֹמִין בְּמַדְבְּרָא, וּנְדַבַּח קֳדָם יְיָ אֱלָהַנָא.  
19," וּקְדָמַי גְּלֵי--אֲרֵי לָא יִשְׁבּוֹק יָתְכוֹן מַלְכָּא דְּמִצְרַיִם, לְמֵיזַל:  וְלָא, מִן קֳדָם דְּחֵילֵיהּ תַּקִּיף.  
20," וְאֶשְׁלַח יָת מַחַת גְּבוּרְתִי, וְאֶמְחֵי יָת מִצְרָאֵי, בְּכֹל פְּרִישָׁתַי, דְּאַעֲבֵיד בֵּינֵיהוֹן; וּבָתַר כֵּין, יְשַׁלַּח יָתְכוֹן.  
21," וְאֶתֵּין יָת עַמָּא הָדֵין לְרַחֲמִין, בְּעֵינֵי מִצְרָאֵי; וִיהֵי אֲרֵי תְּהָכוּן, לָא תְּהָכוּן רֵיקָנִין.  
22," וְתִשְׁאַל אִתְּתָא מִשֵּׁיבָבְתַהּ וּמִקָּרִיבַת בֵּיתַהּ, מָנִין דִּכְסַף וּמָנִין דִּדְהַב וּלְבוּשִׁין; וּתְשַׁוּוֹן, עַל בְּנֵיכוֹן וְעַל בְּנָתְכוֹן, וּתְרוֹקְנוּן, יָת מִצְרָיִם.  
<h4>4</h4>
1," וַאֲתֵיב מֹשֶׁה, וַאֲמַר, וְהָא לָא יְהֵימְנוּן לִי, וְלָא יְקַבְּלוּן מִנִּי:  אֲרֵי יֵימְרוּן, לָא אִתְגְּלִי לָךְ יְיָ.  
2," וַאֲמַר לֵיהּ יְיָ, מָא דֵּין בִּידָךְ; וַאֲמַר, חֻטְרָא.  
3," וַאֲמַר רְמוֹהִי לְאַרְעָא, וּרְמָהִי לְאַרְעָא וַהֲוָה לְחִוְיָא; וַעֲרַק מֹשֶׁה, מִן קֳדָמוֹהִי.  
4," וַאֲמַר יְיָ, לְמֹשֶׁה, אוֹשֵׁיט יְדָךְ, וְאֵיחוֹד בְּדַנְבֵּיהּ; וְאוֹשֵׁיט יְדֵיהּ וְאַתְקֵיף בֵּיהּ, וַהֲוָה לְחֻטְרָא בִּידֵיהּ.  
5," בְּדִיל דִּיהֵימְנוּן, אֲרֵי אִתְגְּלִי לָךְ יְיָ אֱלָהָא דַּאֲבָהָתְהוֹן:  אֱלָהֵיהּ דְּאַבְרָהָם אֱלָהֵיהּ דְּיִצְחָק, וֵאלָהֵיהּ דְּיַעֲקוֹב.  
6," וַאֲמַר יְיָ לֵיהּ עוֹד, אַעֵיל כְּעַן יְדָךְ בְּעִטְפָךְ, וְאַעֵיל יְדֵיהּ, בְּעִטְפֵיהּ; וְאַפְּקַהּ, וְהָא יְדֵיהּ חָוְרָא כְּתַלְגָּא.  
7," וַאֲמַר, אֲתֵיב יְדָךְ לְעִטְפָךְ, וַאֲתֵיב יְדֵיהּ, לְעִטְפֵיהּ; וְאַפְּקַהּ, מֵעִטְפֵיהּ, וְהָא תַּבַת, הֲוָת כְּבִסְרֵיהּ.  
8," וִיהֵי, אִם לָא יְהֵימְנוּן לָךְ, וְלָא יְקַבְּלוּן, לְקָל אָתָא קַדְמָאָה--וִיהֵימְנוּן, לְקָל אָתָא בָּתְרָאָה.  
9," וִיהֵי אִם לָא יְהֵימְנוּן אַף לִתְרֵין אָתַיָּא הָאִלֵּין, וְלָא יְקַבְּלוּן מִנָּךְ--וְתִסַּב מִמַּיָּא דִּבְנַהְרָא, וְתֵישׁוֹד לְיַבֶּשְׁתָּא; וִיהוֹן מַיָּא דְּתִסַּב מִן נַהְרָא, וִיהוֹן לִדְמָא בְּיַבֶּשְׁתָּא.  
10," וַאֲמַר מֹשֶׁה קֳדָם יְיָ, בְּבָעוּ יְיָ, לָא גְּבַר דְּמִלּוּל אֲנָא אַף מֵאֶתְמָלִי אַף מִדְּקַמּוֹהִי, אַף מֵעִדָּן דְּמַלֵּילְתָּא עִם עַבְדָּךְ:  אֲרֵי יַקִּיר מַמְלַל וְעַמִּיק לִישָׁן, אֲנָא.  
11," וַאֲמַר יְיָ לֵיהּ, מַאן שַׁוִּי פֻּמָּא לַאֲנָשָׁא, אוֹ מַאן שַׁוִּי אִלֵּימָא, אוֹ חֶרְשָׁא אוֹ פְּתִיחָא אוֹ עֲוִירָא--הֲלָא אֲנָא, יְיָ.  
12," וּכְעַן, אִיזֵיל; וּמֵימְרִי יְהֵי עִם פֻּמָּךְ, וְאַלְּפִנָּךְ דִּתְמַלֵּיל.  
13," וַאֲמַר, בְּבָעוּ יְיָ; שְׁלַח כְּעַן, בְּיַד מַאן דְּכָשַׁר לְמִשְׁלַח.  
14," וּתְקֵיף רֻגְזָא דַּייָ בְּמֹשֶׁה, וַאֲמַר הֲלָא אַהֲרוֹן אֲחוּךְ לֵיוָאָה--גְּלֵי קֳדָמַי, אֲרֵי מַלָּלָא יְמַלֵּיל הוּא; וְאַף הָא הוּא נָפֵיק לְקַדָּמוּתָךְ, וְיִחְזֵינָךְ וְיִחְדֵּי בְּלִבֵּיהּ.  
15," וּתְמַלֵּיל עִמֵּיהּ, וּתְשַׁוֵּי יָת פִּתְגָמַיָּא בְּפֻמֵּיהּ; וּמֵימְרִי, יְהֵי עִם פֻּמָּךְ וְעִם פֻּמֵּיהּ, וְאַלֵּיף יָתְכוֹן, יָת דְּתַעְבְּדוּן.  
16," וִימַלֵּיל הוּא לָךְ, עִם עַמָּא; וִיהֵי הוּא יְהֵי לָךְ לִמְתֻרְגְּמָן, וְאַתְּ תְּהֵי לֵיהּ לְרָב.  
17," וְיָת חֻטְרָא הָדֵין, תִּסַּב בִּידָךְ, דְּתַעֲבֵיד בֵּיהּ, יָת אָתַיָּא.  {פ} 
18," וַאֲזַל מֹשֶׁה וְתָב לְוָת יֶתֶר חֲמוּהִי, וַאֲמַר לֵיהּ אֵיזֵיל כְּעַן וַאֲתוּב לְוָת אַחַי דִּבְמִצְרַיִם, וְאֶחְזֵי, הַעַד כְּעַן קַיָּמִין; וַאֲמַר יִתְרוֹ לְמֹשֶׁה, אִיזֵיל לִשְׁלָם.  
19," וַאֲמַר יְיָ לְמֹשֶׁה בְּמִדְיָן, אִיזֵיל תּוּב לְמִצְרָיִם:  אֲרֵי מִיתוּ, כָּל גֻּבְרַיָּא, דִּבְעוֹ, לְמִקְטְלָךְ.  
20," וּדְבַר מֹשֶׁה יָת אִתְּתֵיהּ וְיָת בְּנוֹהִי, וְאַרְכֵּיבִנּוּן עַל חֲמָרָא, וְתָב, לְאַרְעָא דְּמִצְרָיִם; וּנְסֵיב מֹשֶׁה יָת חֻטְרָא דְּאִתְעֲבִידוּ בֵּיהּ נִסִּין מִן קֳדָם יְיָ, בִּידֵיהּ.  
21," וַאֲמַר יְיָ, לְמֹשֶׁה, בִּמְהָכָךְ לִמְתָב לְמִצְרַיִם, חֲזִי כָּל מוֹפְתַיָּא דְּשַׁוִּיתִי בִּידָךְ וְתַעֲבֵידִנּוּן קֳדָם פַּרְעֹה; וַאֲנָא אֲתַקֵּיף יָת לִבֵּיהּ, וְלָא יְשַׁלַּח יָת עַמָּא.  
22," וְתֵימַר, לְפַרְעֹה:  כִּדְנָן אֲמַר יְיָ, בְּרִי בֻּכְרִי יִשְׂרָאֵל.  
23," וַאֲמַרִית לָךְ, שַׁלַּח יָת בְּרִי וְיִפְלַח קֳדָמַי, וּמְסָרֵיב אַתְּ, לְשַׁלָּחוּתֵיהּ--הָא אֲנָא קָטֵיל, יָת בְּרָךְ בֻּכְרָךְ.  
24," וַהֲוָה בְּאוֹרְחָא, בְּבֵית מְבָתָא; וְעָרַע בֵּיהּ מַלְאֲכָא דַּייָ, וּבְעָא לְמִקְטְלֵיהּ.  
25," וּנְסֵיבַת צִפּוֹרָה טִנָּרָא, וּגְזַרַת יָת עָרְלַת בְּרַהּ, וְקָרֵיבַת, לִקְדָמוֹהִי; וַאֲמַרַת, בִּדְמָא דִּמְהֻלְתָּא הָדֵין אִתְיְהֵיב חַתְנָא לַנָא.  
26," וְנָח, מִנֵּיהּ; בְּכֵין, אֲמַרַת, אִלּוּלֵי דְּמָא דִּמְהֻלְתָּא הָדֵין, אִתְחַיַּב חַתְנָא קְטוֹל.  {פ} 
27," וַאֲמַר יְיָ לְאַהֲרוֹן, אִיזֵיל לְקַדָּמוּת מֹשֶׁה לְמַדְבְּרָא; וַאֲזַל, וְעָרְעֵיהּ בְּטוּרָא דְּאִתְגְּלִי עֲלוֹהִי יְקָרָא דַּייָ--וְנַשֵּׁיק לֵיהּ.  
28," וְחַוִּי מֹשֶׁה לְאַהֲרוֹן, יָת כָּל פִּתְגָמַיָּא דַּייָ דְּשַׁלְחֵיהּ, וְיָת כָּל אָתַיָּא, דְּפַקְּדֵיהּ.  
29," וַאֲזַל מֹשֶׁה, וְאַהֲרוֹן; וּכְנַשׁוּ, יָת כָּל סָבֵי בְּנֵי יִשְׂרָאֵל.  
30," וּמַלֵּיל אַהֲרוֹן--יָת כָּל פִּתְגָמַיָּא, דְּמַלֵּיל יְיָ עִם מֹשֶׁה; וַעֲבַד אָתַיָּא, לְעֵינֵי עַמָּא.  
31," וְהֵימִין, עַמָּא; וּשְׁמַעוּ אֲרֵי דְּכִיר יְיָ יָת בְּנֵי יִשְׂרָאֵל, וַאֲרֵי גְּלֵי קֳדָמוֹהִי שִׁעְבּוּדְהוֹן, וּכְרַעוּ, וּסְגִידוּ.  
<h4>5</h4>
1," וּבָתָר כֵּין, עָאלוּ מֹשֶׁה וְאַהֲרוֹן, וַאֲמַרוּ, לְפַרְעֹה:  כִּדְנָן אֲמַר יְיָ, אֱלָהָא דְּיִשְׂרָאֵל, שַׁלַּח יָת עַמִּי, וְיֵיחֲגוּן קֳדָמַי בְּמַדְבְּרָא.  
2," וַאֲמַר פַּרְעֹה--שְׁמָא דַּייָ לָא אִתְגְּלִי לִי דַּאֲקַבֵּיל לְמֵימְרֵיהּ, לְשַׁלָּחָא יָת יִשְׂרָאֵל:  לָא אִתְגְּלִי לִי שְׁמָא דַּייָ, וְאַף יָת יִשְׂרָאֵל לָא אֲשַׁלַּח.  
3," וַאֲמַרוּ, אֱלָהָא דִּיהוּדָאֵי אִתְגְלִי עֲלַנָא; נֵיזֵיל כְּעַן מַהְלַךְ תְּלָתָא יוֹמִין בְּמַדְבְּרָא, וּנְדַבַּח קֳדָם יְיָ אֱלָהַנָא--דִּלְמָא יְעָרְעִנַּנָא, בְּמוֹת אוֹ בִּקְטוֹל.  
4," וַאֲמַר לְהוֹן, מַלְכָּא דְּמִצְרַיִם, לְמָא מֹשֶׁה וְאַהֲרוֹן, תְּבַטְּלוּן יָת עַמָּא מֵעֲבִידַתְהוֹן; אִיזִילוּ, לְפֻלְחָנְכוֹן.  
5," וַאֲמַר פַּרְעֹה, הָא מִדְּסַגִּיאִין כְּעַן עַמָּא דְּאַרְעָא; וּתְבַטְּלוּן יָתְהוֹן, מִפֻּלְחָנְהוֹן.  
6," וּפַקֵּיד פַּרְעֹה, בְּיוֹמָא הַהוּא, יָת שִׁלְטוֹנֵי עַמָּא, וְיָת סָרְכוֹהִי לְמֵימַר.  
7," לָא תֵּיסְפוּן לְמִתַּן תִּבְנָא לְעַמָּא, לְמִרְמֵי לִבְנִין--כְּמֵאֶתְמָלִי וּמִדְּקַמּוֹהִי:  אִנּוּן, יֵיזְלוּן, וִיגָבְבוּן לְהוֹן, תִּבְנָא.  
8," וְיָת סְכוֹם לִבְנַיָּא דְּאִנּוּן עָבְדִין מֵאֶתְמָלִי וּמִדְּקַמּוֹהִי, תְּמַנּוֹן עֲלֵיהוֹן--לָא תִּמְנְעוּן, מִנֵּיהּ:  אֲרֵי בַּטְלָנִין אִנּוּן--עַל כֵּין אִנּוּן מַצְוְחִין לְמֵימַר, נֵיזֵיל נְדַבַּח קֳדָם אֱלָהַנָא.  
9," יִתְקַף פֻּלְחָנָא עַל גֻּבְרַיָּא, וְיִתְעַסְּקוּן בַּהּ; וְלָא יִתְעַסְּקוּן, בְּפִתְגָמִין בְּטֵילִין.  
10," וּנְפַקוּ שִׁלְטוֹנֵי עַמָּא, וְסָרְכוֹהִי, וַאֲמַרוּ לְעַמָּא, לְמֵימַר:  כִּדְנָן אֲמַר פַּרְעֹה, לֵית אֲנָא יָהֵיב לְכוֹן תִּבְנָא.  
11," אַתּוּן, אִיזִילוּ סַבוּ לְכוֹן תִּבְנָא, מֵאֲתַר, דְּתַשְׁכְּחוּן:  אֲרֵי לָא יִתְמְנַע מִפֻּלְחָנְכוֹן, מִדָּעַם.  
12," וְאִתְבַּדַּר עַמָּא, בְּכָל אַרְעָא דְּמִצְרָיִם, לְגָבָבָא גִּלֵּי, לְתִבְנָא.  
13," וְשִׁלְטוֹנַיָּא, דָּחֲקִין לְמֵימַר:  אַשְׁלִימוּ עֲבִידַתְכוֹן פִּתְגָּם יוֹם בְּיוֹמֵיהּ, כְּמָא דַּהֲוֵיתוֹן עָבְדִין כַּד מִתְיְהֵיב לְכוֹן תִּבְנָא.  
14," וּלְקוֹ, סָרְכֵי בְּנֵי יִשְׂרָאֵל, דְּמַנִּיאוּ עֲלֵיהוֹן, שִׁלְטוֹנֵי פַּרְעֹה לְמֵימַר:  מָדֵין לָא אַשְׁלֵימְתּוּן גְּזֵירַתְכוֹן לְמִרְמֵי לִבְנִין, כְּמֵאֶתְמָלִי וּמִדְּקַמּוֹהִי--אַף תְּמָלִי, אַף יוֹמָא דֵּין.  
15," וַאֲתוֹ, סָרְכֵי בְּנֵי יִשְׂרָאֵל, וּצְוַחוּ קֳדָם פַּרְעֹה, לְמֵימַר:  לְמָא מִתְעֲבֵיד כְּדֵין, לְעַבְדָךְ.  
16," תִּבְנָא, לָא מִתְיְהֵיב לְעַבְדָךְ, וְלִבְנַיָּא אָמְרִין לַנָא, עֲבִידוּ; וְהָא עַבְדָךְ לָקַן, וְחָטַן עֲלֵיהוֹן עַמָּךְ.  
17," וַאֲמַר בַּטְלָנִין אַתּוּן, בַּטְלָנִין; עַל כֵּין אַתּוּן אָמְרִין, נֵיזֵיל נְדַבַּח קֳדָם יְיָ.  
18," וּכְעַן אִיזִילוּ פְּלַחוּ, וְתִבְנָא לָא יִתְיְהֵיב לְכוֹן; וּסְכוֹם לִבְנַיָּא, תִּתְּנוּן.  
19," וַחֲזוֹ סָרְכֵי בְּנֵי יִשְׂרָאֵל, יָתְהוֹן--בְּבִישׁ לְמֵימַר:  לָא תִּמְנְעוּן מִלִּבְנֵיכוֹן, פִּתְגָּם יוֹם בְּיוֹמֵיהּ.  
20," וְעָרַעוּ יָת מֹשֶׁה וְיָת אַהֲרוֹן, קָיְמִין לְקַדָּמוּתְהוֹן, בְּמִפַּקְהוֹן, מִלְּוָת פַּרְעֹה.  
21," וַאֲמַרוּ לְהוֹן, יִתְגְּלֵי יְיָ עֲלֵיכוֹן וְיִתְפְּרַע:  דְּאַבְאֵישְׁתּוּן יָת רֵיחַנָא, בְּעֵינֵי פַּרְעֹה וּבְעֵינֵי עַבְדּוֹהִי, לְמִתַּן חַרְבָּא בְּיַדְהוֹן, לְמִקְטְלַנָא.  
22," וְתָב מֹשֶׁה לִקְדָם יְיָ, וַאֲמַר:  יְיָ, לְמָא אַבְאֵישְׁתָּא לְעַמָּא הָדֵין--לְמָא דְּנָן, שְׁלַחְתָּנִי.  
23," וּמֵעִדָּן דְּעַאלִית לְוָת פַּרְעֹה, לְמַלָּלָא בִּשְׁמָךְ, אַבְאֵישׁ, לְעַמָּא הָדֵין; וְשֵׁיזָבָא לָא שֵׁיזֵיבְתָּא, יָת עַמָּךְ.  
<h4>6</h4>
1," וַאֲמַר יְיָ, לְמֹשֶׁה, כְּעַן תִּחְזֵי, דְּאַעֲבֵיד לְפַרְעֹה:  אֲרֵי בְּיַד תַּקִּיפָא, יְשַׁלְּחִנּוּן, וּבְיַד תַּקִּיפָא, יְתָרֵיכִנּוּן מֵאַרְעֵיהּ.  {ס} 
2," וּמַלֵּיל יְיָ, עִם מֹשֶׁה; וַאֲמַר לֵיהּ, אֲנָא יְיָ.  
3," וְאִתְגְּלִיתִי, לְאַבְרָהָם לְיִצְחָק וּלְיַעֲקוֹב--בְּאֵל שַׁדָּי; וּשְׁמִי יְיָ, לָא הוֹדַעִית לְהוֹן.  
4," וְאַף אֲקֵימִית יָת קְיָמִי עִמְּהוֹן, לְמִתַּן לְהוֹן יָת אַרְעָא דִּכְנָעַן--יָת אֲרַע תּוֹתָבוּתְהוֹן, דְּאִתּוֹתַבוּ בַּהּ.  
5," וְאַף קֳדָמַי שְׁמִיעַ, יָת קְבִילַת בְּנֵי יִשְׂרָאֵל, דְּמִצְרָאֵי, מַפְלְחִין בְּהוֹן; וּדְכִירְנָא, יָת קְיָמִי.  
6," בְּכֵין אֵימַר לִבְנֵי יִשְׂרָאֵל, אֲנָא יְיָ, וְאַפֵּיק יָתְכוֹן מִגּוֹ דְּחוֹק פֻּלְחַן מִצְרָאֵי, וַאֲשֵׁיזֵיב יָתְכוֹן מִפֻּלְחָנְהוֹן; וְאֶפְרוֹק יָתְכוֹן בִּדְרָע מְרָמַם, וּבְדִינִין רַבְרְבִין.  
7," וַאֲקָרֵיב יָתְכוֹן קֳדָמַי לְעַם, וְאֶהְוֵי לְכוֹן לֶאֱלָהּ; וְתִדְּעוּן, אֲרֵי אֲנָא יְיָ אֱלָהֲכוֹן, דְּאַפֵּיק יָתְכוֹן, מִגּוֹ דְּחוֹק פֻּלְחַן מִצְרָאֵי.  
8," וְאַעֵיל יָתְכוֹן, לְאַרְעָא, דְּקַיֵּימִית בְּמֵימְרִי, לְמִתַּן יָתַהּ לְאַבְרָהָם לְיִצְחָק וּלְיַעֲקוֹב; וְאֶתֵּין יָתַהּ לְכוֹן יְרֻתָּא, אֲנָא יְיָ.  
9," וּמַלֵּיל מֹשֶׁה כֵּין, עִם בְּנֵי יִשְׂרָאֵל; וְלָא קַבִּילוּ, מִן מֹשֶׁה, מֵעֲיָק רוּחַ, וּמִפֻּלְחָנָא דַּהֲוָה קְשֵׁי עֲלֵיהוֹן.  {פ} 
10," וּמַלֵּיל יְיָ, עִם מֹשֶׁה לְמֵימַר.  
11," עוֹל מַלֵּיל, עִם פַּרְעֹה מַלְכָּא דְּמִצְרָיִם; וִישַׁלַּח יָת בְּנֵי יִשְׂרָאֵל, מֵאַרְעֵיהּ.  
12," וּמַלֵּיל מֹשֶׁה, קֳדָם יְיָ לְמֵימַר:  הָא בְּנֵי יִשְׂרָאֵל, לָא קַבִּילוּ מִנִּי, וְאֵיכְדֵין יְקַבֵּיל מִנִּי פַּרְעֹה, וַאֲנָא יַקִּיר מַמְלַל.  {פ} 
13," וּמַלֵּיל יְיָ, עִם מֹשֶׁה וּלְאַהֲרוֹן, וּפַקֵּידִנּוּן לְוָת בְּנֵי יִשְׂרָאֵל, וּלְוָת פַּרְעֹה מַלְכָּא דְּמִצְרָיִם--לְאַפָּקָא יָת בְּנֵי יִשְׂרָאֵל, מֵאַרְעָא דְּמִצְרָיִם.  {ס} 
14," אִלֵּין, רֵישֵׁי בֵּית אֲבָהָתְהוֹן:  בְּנֵי רְאוּבֵן בֻּכְרָא דְּיִשְׂרָאֵל, חֲנוֹךְ וּפַלּוּא חֶצְרוֹן וְכַרְמִי--אִלֵּין, זַרְעֲיָת רְאוּבֵן.  
15," וּבְנֵי שִׁמְעוֹן, יְמוּאֵל וְיָמִין וְאֹהַד וְיָכִין וְצֹחַר, וְשָׁאוּל, בַּר כְּנַעֲנֵיתָא; אִלֵּין, זַרְעֲיָת שִׁמְעוֹן.  
16," וְאִלֵּין שְׁמָהָת בְּנֵי לֵוִי, לְתוֹלְדָתְהוֹן--גֵּרְשׁוֹן, וּקְהָת וּמְרָרִי; וּשְׁנֵי חַיֵּי לֵוִי, מְאָה וּתְלָתִין וּשְׁבַע שְׁנִין.  
17," בְּנֵי גֵּרְשׁוֹן לִבְנִי וְשִׁמְעִי, לְזַרְעֲיָתְהוֹן.  
18," וּבְנֵי קְהָת--עַמְרָם וְיִצְהָר, וְחֶבְרוֹן וְעֻזִּיאֵל; וּשְׁנֵי חַיֵּי קְהָת, מְאָה וּתְלָתִין וּתְלָת שְׁנִין.  
19," וּבְנֵי מְרָרִי, מַחְלִי וּמוּשִׁי; אִלֵּין זַרְעֲיָת לֵוִי, לְתוֹלְדָתְהוֹן.  
20," וּנְסֵיב עַמְרָם יָת יוֹכֶבֶד אֲחָת אֲבוּהִי, לֵיהּ לְאִתּוּ, וִילֵידַת לֵיהּ, יָת אַהֲרוֹן וְיָת מֹשֶׁה; וּשְׁנֵי חַיֵּי עַמְרָם, מְאָה וּתְלָתִין וּשְׁבַע שְׁנִין.  
21," וּבְנֵי, יִצְהָר--קֹרַח וָנֶפֶג, וְזִכְרִי.  
22," וּבְנֵי, עֻזִּיאֵל--מִישָׁאֵל וְאֶלְצָפָן, וְסִתְרִי.  
23," וּנְסֵיב אַהֲרוֹן יָת אֱלִישֶׁבַע בַּת עַמִּינָדָב, אֲחָתֵיהּ דְּנַחְשׁוֹן--לֵיהּ לְאִתּוּ; וִילֵידַת לֵיהּ, יָת נָדָב וְיָת אֲבִיהוּא, יָת אֶלְעָזָר, וְיָת אִיתָמָר.  
24," וּבְנֵי קֹרַח, אַסִּיר וְאֶלְקָנָה וַאֲבִיאָסָף; אִלֵּין, זַרְעֲיָת קֹרַח.  
25," וְאֶלְעָזָר בַּר אַהֲרוֹן נְסֵיב לֵיהּ מִבְּנָת פּוּטִיאֵל, לֵיהּ לְאִתּוּ, וִילֵידַת לֵיהּ, יָת פִּינְחָס; אִלֵּין, רֵישֵׁי אֲבָהָת לֵיוָאֵי--לְזַרְעֲיָתְהוֹן.  
26," הוּא אַהֲרוֹן, וּמֹשֶׁה--דַּאֲמַר יְיָ, לְהוֹן, אַפִּיקוּ יָת בְּנֵי יִשְׂרָאֵל מֵאַרְעָא דְּמִצְרַיִם, עַל חֵילֵיהוֹן.  
27," אִנּוּן, דִּמְמַלְּלִין עִם פַּרְעֹה מַלְכָּא דְּמִצְרַיִם, לְאַפָּקָא יָת בְּנֵי יִשְׂרָאֵל, מִמִּצְרָיִם; הוּא מֹשֶׁה, וְאַהֲרוֹן.  
28," וַהֲוָה, בְּיוֹמָא דְּמַלֵּיל יְיָ עִם מֹשֶׁה--בְּאַרְעָא דְּמִצְרָיִם.  {ס} 
29," וּמַלֵּיל יְיָ עִם מֹשֶׁה לְמֵימַר, אֲנָא יְיָ; מַלֵּיל, עִם פַּרְעֹה מַלְכָּא דְּמִצְרַיִם, יָת כָּל דַּאֲנָא, מְמַלֵּיל עִמָּךְ.  
30," וַאֲמַר מֹשֶׁה, קֳדָם יְיָ:  הָא אֲנָא, יַקִּיר מַמְלַל, וְאֵיכְדֵין, יְקַבֵּיל מִנִּי פַּרְעֹה.  {פ} 
<h4>7</h4>
1," וַאֲמַר יְיָ לְמֹשֶׁה, חֲזִי דְּמַנִּיתָךְ רָב לְפַרְעֹה; וְאַהֲרוֹן אֲחוּךְ, יְהֵי מְתֻרְגְּמָנָךְ.  
2," אַתְּ תְּמַלֵּיל, יָת כָּל דַּאֲפַקְּדִנָּךְ; וְאַהֲרוֹן אֲחוּךְ יְמַלֵּיל עִם פַּרְעֹה, וִישַׁלַּח יָת בְּנֵי יִשְׂרָאֵל מֵאַרְעֵיהּ.  
3," וַאֲנָא אַקְשֵׁי, יָת לִבָּא דְּפַרְעֹה; וְאַסְגֵּי יָת אָתְוָתַי וְיָת מוֹפְתַי, בְּאַרְעָא דְּמִצְרָיִם.  
4," וְלָא יְקַבֵּיל מִנְּכוֹן פַּרְעֹה, וְאֶתֵּין יָת מַחַת גְּבוּרְתִי בְּמִצְרָיִם; וְאַפֵּיק יָת חֵילַי יָת עַמִּי בְּנֵי יִשְׂרָאֵל, מֵאַרְעָא דְּמִצְרַיִם, בְּדִינִין, רַבְרְבִין.  
5," וְיִדְּעוּן מִצְרָאֵי אֲרֵי אֲנָא יְיָ, כַּד אֲרֵים יָת מַחַת גְּבוּרְתִי עַל מִצְרָיִם; וְאַפֵּיק יָת בְּנֵי יִשְׂרָאֵל, מִבֵּינֵיהוֹן.  
6," וַעֲבַד מֹשֶׁה, וְאַהֲרוֹן--כְּמָא דְּפַקֵּיד יְיָ יָתְהוֹן, כֵּין עֲבַדוּ.  
7," וּמֹשֶׁה, בַּר תְּמָנַן שְׁנִין, וְאַהֲרוֹן, בַּר תְּמָנַן וּתְלָת שְׁנִין--בְּמַלָּלוּתְהוֹן, עִם פַּרְעֹה.  {פ} 
8," וַאֲמַר יְיָ, לְמֹשֶׁה וּלְאַהֲרוֹן לְמֵימַר.  
9," אֲרֵי יְמַלֵּיל עִמְּכוֹן פַּרְעֹה לְמֵימַר, הַבוּ לְכוֹן אָתָא; וְתֵימַר לְאַהֲרוֹן, סַב יָת חֻטְרָךְ וּרְמִי קֳדָם פַּרְעֹה--יְהֵי לְתַנִּינָא.  
10," וְעָאל מֹשֶׁה וְאַהֲרוֹן, לְוָת פַּרְעֹה, וַעֲבַדוּ כֵּין, כְּמָא דְּפַקֵּיד יְיָ; וּרְמָא אַהֲרוֹן יָת חֻטְרֵיהּ, קֳדָם פַּרְעֹה וּקְדָם עַבְדּוֹהִי--וַהֲוָה לְתַנִּינָא.  
11," וּקְרָא, אַף פַּרְעֹה, לְחַכִּימַיָּא, וּלְחָרָשַׁיָּא; וַעֲבַדוּ אַף אִנּוּן חָרָשֵׁי מִצְרַיִם, בְּלַחֲשֵׁיהוֹן--כֵּין.  
12," וּרְמוֹ גְּבַר חֻטְרֵיהּ, וַהֲווֹ לְתַנִּינִין; וּבְלַע חֻטְרָא דְּאַהֲרוֹן, יָת חֻטְרֵיהוֹן.  
13," וְאִתַּקַּף לִבָּא דְּפַרְעֹה, וְלָא קַבֵּיל מִנְּהוֹן:  כְּמָא דְּמַלֵּיל יְיָ.  {ס} 
14," וַאֲמַר יְיָ לְמֹשֶׁה, אִתְיַקַּר לִבָּא דְּפַרְעֹה; סָרֵיב, לְשַׁלָּחָא עַמָּא.  
15," אִיזֵיל לְוָת פַּרְעֹה בְּצַפְרָא, הָא נָפֵיק לְמַיָּא, וְתִתְעַתַּד לְקַדָּמוּתֵיהּ, עַל כֵּיף נַהְרָא; וְחֻטְרָא דְּאִתְהֲפֵיךְ לְחִוְיָא, תִּסַּב בִּידָךְ.  
16," וְתֵימַר לֵיהּ, יְיָ אֱלָהָא דִּיהוּדָאֵי שַׁלְחַנִי לְוָתָךְ לְמֵימַר, שַׁלַּח יָת עַמִּי, וְיִפְלְחוּן קֳדָמַי בְּמַדְבְּרָא; וְהָא לָא קַבֵּילְתָּא, עַד כְּעַן.  
17," כִּדְנָן, אֲמַר יְיָ, בְּדָא תִּדַּע, אֲרֵי אֲנָא יְיָ:  הָא אֲנָא מָחֵי בְּחֻטְרָא דְּבִידִי, עַל מַיָּא דִּבְנַהְרָא--וְיִתְהַפְכוּן לִדְמָא.  
18," וְנוּנֵי דִּבְנַהְרָא יְמוּתוּן, וְיִסְרֵי נַהְרָא; וְיִלְאוֹן מִצְרָאֵי, לְמִשְׁתֵּי מַיָּא מִן נַהְרָא.  {ס} 
19," וַאֲמַר יְיָ לְמֹשֶׁה, אֵימַר לְאַהֲרוֹן סַב חֻטְרָךְ וַאֲרֵים יְדָךְ עַל מַיָּא דְּמִצְרָאֵי עַל נַהְרֵיהוֹן עַל אֲרִתֵּיהוֹן וְעַל אַגְמֵיהוֹן וְעַל כָּל בֵּית כְּנֵישָׁת מֵימֵיהוֹן--וִיהוֹן דְּמָא; וִיהֵי דְּמָא בְּכָל אַרְעָא דְּמִצְרַיִם, וּבְמָנֵי אָעָא וּבְמָנֵי אַבְנָא.  
20," וַעֲבַדוּ כֵּין מֹשֶׁה וְאַהֲרוֹן כְּמָא דְּפַקֵּיד יְיָ, וַאֲרֵים בְּחֻטְרָא וּמְחָא יָת מַיָּא דִּבְנַהְרָא, לְעֵינֵי פַּרְעֹה, וּלְעֵינֵי עַבְדּוֹהִי; וְאִתְהֲפִיכוּ כָּל מַיָּא דִּבְנַהְרָא, לִדְמָא.  
21," וְנוּנֵי דִּבְנַהְרָא מִיתוּ, וּסְרִי נַהְרָא, וְלָא יְכִילוּ מִצְרָאֵי, לְמִשְׁתֵּי מַיָּא מִן נַהְרָא; וַהֲוָה דְּמָא, בְּכָל אַרְעָא דְּמִצְרָיִם.  
22," וַעֲבַדוּ כֵּין חָרָשֵׁי מִצְרַיִם, בְּלַחֲשֵׁיהוֹן; וְאִתַּקַּף לִבָּא דְּפַרְעֹה וְלָא קַבֵּיל מִנְּהוֹן, כְּמָא דְּמַלֵּיל יְיָ.  
23," וְאִתְפְּנִי פַּרְעֹה, וְעָאל לְבֵיתֵיהּ; וְלָא שַׁוִּי לִבֵּיהּ, אַף לְדָא.  
24," וַחֲפַרוּ כָּל מִצְרָאֵי סַחְרָנוּת נַהְרָא, מַיָּא לְמִשְׁתֵּי:  אֲרֵי לָא יְכִילוּ לְמִשְׁתֵּי, מִמַּיָּא דִּבְנַהְרָא.  
25," וּשְׁלִימוּ, שִׁבְעָא יוֹמִין, בָּתַר דִּמְחָא יְיָ, יָת נַהְרָא.  {פ} 
<h4>8</h4>
1," וַאֲמַר יְיָ, לְמֹשֶׁה, אֵימַר לְאַהֲרוֹן אֲרֵים יָת יְדָךְ בְּחֻטְרָךְ, עַל נַהְרַיָּא עַל אֲרִתַּיָּא וְעַל אַגְמַיָּא; וְאַסֵּיק יָת עֻרְדְּעָנַיָּא, עַל אַרְעָא דְּמִצְרָיִם.  
2," וַאֲרֵים אַהֲרוֹן יָת יְדֵיהּ, עַל מַיָּא דְּמִצְרָאֵי; וּסְלִיקוּ, עֻרְדְּעָנַיָּא, וַחֲפוֹ, יָת אַרְעָא דְּמִצְרָיִם.  
3," וַעֲבַדוּ כֵּין חָרָשַׁיָּא, בְּלַחֲשֵׁיהוֹן; וְאַסִּיקוּ יָת עֻרְדְּעָנַיָּא, עַל אַרְעָא דְּמִצְרָיִם.  
4," וּקְרָא פַּרְעֹה לְמֹשֶׁה וּלְאַהֲרוֹן, וַאֲמַר צַלּוֹ קֳדָם יְיָ, וְיַעְדֵּי עֻרְדְּעָנַיָּא, מִנִּי וּמֵעַמִּי; וַאֲשַׁלַּח, יָת עַמָּא, וִידַבְּחוּן, קֳדָם יְיָ.  
5," וַאֲמַר מֹשֶׁה לְפַרְעֹה, שְׁאַל לָךְ גְּבוּרָא הַב לָךְ זְמָן, לְאִמַּתִּי אֲצַלֵּי עֲלָךְ וְעַל עַבְדָךְ וְעַל עַמָּךְ, לְשֵׁיצָאָה עֻרְדְּעָנַיָּא מִנָּךְ וּמִבָּתָּךְ:  לְחוֹד דִּבְנַהְרָא, יִשְׁתְּאֲרוּן.  
6," וַאֲמַר, לִמְחַר; וַאֲמַר, כְּפִתְגָמָךְ--בְּדִיל דְּתִדַּע, אֲרֵי לֵית כַּייָ אֱלָהַנָא.  
7," וְיִעְדּוֹן עֻרְדְּעָנַיָּא, מִנָּךְ וּמִבָּתָּךְ, וּמֵעַבְדָךְ, וּמֵעַמָּךְ:  לְחוֹד דִּבְנַהְרָא, יִשְׁתְּאַרוּן.  
8," וּנְפַק מֹשֶׁה וְאַהֲרוֹן, מִלְּוָת פַּרְעֹה; וְצַלִּי מֹשֶׁה קֳדָם יְיָ, עַל עֵיסַק עֻרְדְּעָנַיָּא דְּשַׁוִּי לְפַרְעֹה.  
9," וַעֲבַד יְיָ, כְּפִתְגָמָא דְּמֹשֶׁה; וּמִיתוּ, עֻרְדְּעָנַיָּא, מִן בָּתַּיָּא מִן דָּרָתָא, וּמִן חַקְלָתָא.  
10," וּכְנַשׁוּ יָתְהוֹן, דְּגוֹרִין דְּגוֹרִין; וּסְרִיאוּ, עַל אַרְעָא.  
11," וַחֲזָא פַּרְעֹה, אֲרֵי הֲוָת רְוַחְתָּא, וְיַקַּר יָת לִבֵּיהּ, וְלָא קַבֵּיל מִנְּהוֹן:  כְּמָא דְּמַלֵּיל יְיָ.  {ס} 
12," וַאֲמַר יְיָ, לְמֹשֶׁה, אֵימַר לְאַהֲרוֹן, אֲרֵים יָת חֻטְרָךְ וּמְחִי יָת עַפְרָא דְּאַרְעָא; וִיהֵי לְקַלְמְתָא, בְּכָל אַרְעָא דְּמִצְרָיִם.  
13," וַעֲבַדוּ כֵּין, וַאֲרֵים אַהֲרוֹן יָת יְדֵיהּ בְּחֻטְרֵיהּ וּמְחָא יָת עַפְרָא דְּאַרְעָא, וַהֲוָת קַלְמְתָא, בַּאֲנָשָׁא וּבִבְעִירָא:  כָּל עַפְרָא דְּאַרְעָא הֲוָת קַלְמְתָא, בְּכָל אַרְעָא דְּמִצְרָיִם.  
14," וַעֲבַדוּ כֵּין חָרָשַׁיָּא בְּלַחֲשֵׁיהוֹן לְאַפָּקָא יָת קַלְמְתָא, וְלָא יְכִילוּ; וַהֲוָת, קַלְמְתָא, בַּאֲנָשָׁא, וּבִבְעִירָא.  
15," וַאֲמַרוּ חָרָשַׁיָּא לְפַרְעֹה, מַחָא מִן קֳדָם יְיָ הִיא; וְאִתַּקַּף לִבָּא דְּפַרְעֹה וְלָא קַבֵּיל מִנְּהוֹן, כְּמָא דְּמַלֵּיל יְיָ.  {ס} 
16," וַאֲמַר יְיָ לְמֹשֶׁה, אַקְדֵּים בְּצַפְרָא וְאִתְעַתַּד קֳדָם פַּרְעֹה--הָא, נָפֵיק לְמַיָּא; וְתֵימַר לֵיהּ, כִּדְנָן אֲמַר יְיָ, שַׁלַּח עַמִּי, וְיִפְלְחוּן קֳדָמָי.  
17," אֲרֵי אִם לָיְתָךְ, מְשַׁלַּח יָת עַמִּי--הָאֲנָא מַשְׁלַח בָּךְ וּבְעַבְדָךְ וּבְעַמָּךְ וּבְבָתָּךְ, יָת עָרוֹבָא; וְיִתְמְלוֹן בָּתֵּי מִצְרַיִם, יָת עָרוֹבָא, וְאַף אַרְעָא, דְּאִנּוּן עֲלַהּ.  
18," וְאַפְרֵישׁ בְּיוֹמָא הַהוּא יָת אַרְעָא דְּגֹשֶׁן, דְּעַמִּי שָׁרֵי עֲלַהּ, בְּדִיל דְּלָא לְמִהְוֵי תַּמָּן, עָרוֹבָא--בְּדִיל דְּתִדַּע, אֲרֵי אֲנָא יְיָ שַׁלִּיט בְּגוֹ אַרְעָא.  
19," וַאֲשַׁוֵּי פֻּרְקָן לְעַמִּי, וְעַל עַמָּךְ אַיְתִי מַחָא; לִמְחַר יְהֵי, אָתָא הָדֵין.  
20," וַעֲבַד יְיָ, כֵּין, וַאֲתָא עָרוֹבָא תַּקִּיף, לְבֵית פַּרְעֹה וּלְבֵית עַבְדּוֹהִי; וּבְכָל אַרְעָא דְּמִצְרַיִם אִתְחַבַּלַת אַרְעָא, מִן קֳדָם עָרוֹבָא.  
21," וּקְרָא פַּרְעֹה, לְמֹשֶׁה וּלְאַהֲרוֹן; וַאֲמַר, אִיזִילוּ דַּבַּחוּ קֳדָם אֱלָהֲכוֹן--בְּאַרְעָא.  
22," וַאֲמַר מֹשֶׁה, לָא תָּקֵין לְמֶעֱבַד כֵּין, אֲרֵי בְּעִירָא דְּמִצְרָאֵי דָּחֲלִין לֵיהּ, מִנֵּיהּ אֲנַחְנָא נָסְבִין לְדַבָּחָא קֳדָם יְיָ אֱלָהַנָא:  הָא נְדַבַּח יָת בְּעִירָא דְּמִצְרָאֵי דָּחֲלִין לֵיהּ, וְאִנּוּן יְהוֹן חָזַן--הֲלָא יֵימְרוּן לְמִרְגְּמַנָא.  
23," מַהְלַךְ תְּלָתָא יוֹמִין, נֵיזֵיל בְּמַדְבְּרָא; וּנְדַבַּח קֳדָם יְיָ אֱלָהַנָא, כְּמָא דְּיֵימַר לַנָא.  
24," וַאֲמַר פַּרְעֹה, אֲנָא אֲשַׁלַּח יָתְכוֹן וּתְדַבְּחוּן קֳדָם יְיָ אֱלָהֲכוֹן בְּמַדְבְּרָא--לְחוֹד אַרְחָקָא לָא תְּרַחֲקוּן, לְמֵיזַל; צַלּוֹ, עֲלָי.  
25," וַאֲמַר מֹשֶׁה, הָא אֲנָא נָפֵיק מֵעִמָּךְ וַאֲצַלֵּי קֳדָם יְיָ, וְיִעְדֵּי עָרוֹבָא מִפַּרְעֹה מֵעַבְדּוֹהִי וּמֵעַמֵּיהּ, מְחַר:  לְחוֹד, לָא יוֹסֵיף פַּרְעֹה לְשַׁקָּרָא, בְּדִיל דְּלָא לְשַׁלָּחָא יָת עַמָּא, לְדַבָּחָא קֳדָם יְיָ.  
26," וּנְפַק מֹשֶׁה, מִלְּוָת פַּרְעֹה; וְצַלִּי, קֳדָם יְיָ.  
27," וַעֲבַד יְיָ, כְּפִתְגָמָא דְּמֹשֶׁה, וְאַעְדִּי עָרוֹבָא, מִפַּרְעֹה מֵעַבְדּוֹהִי וּמֵעַמֵּיהּ:  לָא אִשְׁתְּאַר, חַד.  
28," וְיַקַּר פַּרְעֹה יָת לִבֵּיהּ, אַף בְּזִמְנָא הָדָא; וְלָא שַׁלַּח, יָת עַמָּא.  {פ} 
29," - - - 
30," - - - 
31," - - - 
32," - - - 
<h4>9</h4>
1," וַאֲמַר יְיָ לְמֹשֶׁה, עוֹל לְוָת פַּרְעֹה; וּתְמַלֵּיל עִמֵּיהּ, כִּדְנָן אֲמַר יְיָ אֱלָהָא דִּיהוּדָאֵי, שַׁלַּח יָת עַמִּי, וְיִפְלְחוּן קֳדָמָי.  
2," אֲרֵי אִם מְסָרֵיב אַתְּ, לְשַׁלָּחָא, וְעַד כְּעַן אַתְּ, מַתְקֵיף בְּהוֹן.  
3," הָא מַחָא מִן קֳדָם יְיָ הָוְיָא, בִּבְעִירָךְ דִּבְחַקְלָא, בְּסוּסָוָתָא בִּחְמָרֵי בְּגַמְלֵי, בְּתוֹרֵי וּבְעָנָא--מוֹתָא, סַגִּי לַחְדָּא.  
4," וְיַפְרֵישׁ יְיָ--בֵּין בְּעִירָא דְּיִשְׂרָאֵל, וּבֵין בְּעִירָא דְּמִצְרָאֵי; וְלָא יְמוּת מִכּוֹלָא לִבְנֵי יִשְׂרָאֵל, מִדָּעַם.  
5," וְשַׁוִּי יְיָ, זִמְנָא לְמֵימַר:  מְחַר, יַעֲבֵיד יְיָ פִּתְגָמָא הָדֵין--בְּאַרְעָא.  
6," וַעֲבַד יְיָ יָת פִּתְגָמָא הָדֵין, בְּיוֹמָא דְּבָתְרוֹהִי, וּמִית, כֹּל בְּעִירָא דְּמִצְרָאֵי; וּמִבְּעִירָא דִּבְנֵי יִשְׂרָאֵל, לָא מִית חַד.  
7," וּשְׁלַח פַּרְעֹה--וְהָא לָא מִית מִבְּעִירָא דְּיִשְׂרָאֵל, עַד חַד; וְאִתְיַקַּר לִבָּא דְּפַרְעֹה, וְלָא שַׁלַּח יָת עַמָּא.  {פ} 
8," וַאֲמַר יְיָ, לְמֹשֶׁה וּלְאַהֲרוֹן, סַבוּ לְכוֹן מְלֵי חֻפְנֵיכוֹן, פִּיחַ דְּאַתּוּנָא; וְיִזְרְקִנֵּיהּ מֹשֶׁה לְצֵית שְׁמַיָּא, לְעֵינֵי פַּרְעֹה.  
9," וִיהֵי לְאַבְקָא, עַל כָּל אַרְעָא דְּמִצְרָיִם; וִיהֵי עַל אֲנָשָׁא וְעַל בְּעִירָא, לִשְׁחִין סָגֵי אֲבַעְבּוֹעֲיָן--בְּכָל אַרְעָא דְּמִצְרָיִם.  
10," וּנְסִיבוּ יָת פִּיחַ דְּאַתּוּנָא, וְקָמוּ קֳדָם פַּרְעֹה, וּזְרַק יָתֵיהּ מֹשֶׁה, לְצֵית שְׁמַיָּא; וַהֲוָה, שְׁחִין אֲבַעְבּוֹעֲיָן, סָגֵי, בַּאֲנָשָׁא וּבִבְעִירָא.  
11," וְלָא יְכִילוּ חָרָשַׁיָּא, לִמְקָם קֳדָם מֹשֶׁה--מִן קֳדָם שִׁחְנָא:  אֲרֵי הֲוָה שִׁחְנָא, בְּחָרָשַׁיָּא וּבְכָל מִצְרָאֵי.  
12," וְתַקֵּיף יְיָ יָת לִבָּא דְּפַרְעֹה, וְלָא קַבֵּיל מִנְּהוֹן:  כְּמָא דְּמַלֵּיל יְיָ, עִם מֹשֶׁה.  {ס} 
13," וַאֲמַר יְיָ, לְמֹשֶׁה, אַקְדֵּים בְּצַפְרָא, וְאִתְעַתַּד קֳדָם פַּרְעֹה; וְתֵימַר לֵיהּ, כִּדְנָן אֲמַר יְיָ אֱלָהָא דִּיהוּדָאֵי, שַׁלַּח יָת עַמִּי, וְיִפְלְחוּן קֳדָמָי.  
14," אֲרֵי בְּזִמְנָא הָדָא, אֲנָא שָׁלַח יָת כָּל מַחָתַי בְּלִבָּךְ, וּבְעַבְדָךְ, וּבְעַמָּךְ--בְּדִיל דְּתִדַּע, אֲרֵי לֵית דִּכְוָתִי בְּכָל אַרְעָא.  
15," אֲרֵי כְּעַן קָרִיב קֳדָמַי דִּשְׁלַחִית פּוֹן יָת מַחַת גְּבוּרְתִי, וּמְחֵית יָתָךְ וְיָת עַמָּךְ בְּמוֹתָא; וְאִשְׁתֵּיצִיתָא, מִן אַרְעָא.  
16," וּבְרַם, בְּדִיל דָּא קַיֵּימְתָּךְ, בְּדִיל, לְאַחְזָיוּתָךְ יָת חֵילִי; וּבְדִיל דִּיהוֹן מִשְׁתָּעַן גְּבוּרַת שְׁמִי, בְּכָל אַרְעָא.  
17," עַד כְּעַן, כְּבֵישְׁתְּ לֵיהּ בְּעַמִּי, בְּדִיל דְּלָא, לְשַׁלָּחוּתְהוֹן.  
18," הָאֲנָא מַחֵית בְּעִדָּנָא הָדֵין מְחַר, בַּרְדָּא תַּקִּיף לַחְדָּא, דְּלָא הֲוָה דִּכְוָתֵיהּ בְּמִצְרַיִם, לְמִן יוֹמָא דְּאִשְׁתַּכְלַלַת וְעַד כְּעַן.  
19," וּכְעַן, שְׁלַח כְּנוֹשׁ יָת בְּעִירָךְ, וְיָת כָּל דְּלָךְ, בְּחַקְלָא:  כָּל אֲנָשָׁא וּבְעִירָא דְּיִשְׁתְּכַח בְּחַקְלָא, וְלָא יִתְכְּנֵישׁ לְבֵיתָא--וְיֵיחוֹת עֲלֵיהוֹן בַּרְדָּא, וִימוּתוּן.  
20," דְּדָחֵיל מִפִּתְגָמָא דַּייָ, מֵעַבְדֵי פַּרְעֹה--כְּנַשׁ יָת עַבְדּוֹהִי וְיָת בִּעִירֵיהּ, לְבָתַּיָּא.  
21," וּדְלָא שַׁוִּי לִבֵּיהּ, לְפִתְגָמָא דַּייָ--שְׁבַק יָת עַבְדּוֹהִי וְיָת בְּעִירֵיהּ, בְּחַקְלָא.  {פ} 
22," וַאֲמַר יְיָ לְמֹשֶׁה, אֲרֵים יָת יְדָךְ עַל צֵית שְׁמַיָּא, וִיהֵי בַּרְדָּא, בְּכָל אַרְעָא דְּמִצְרָיִם:  עַל אֲנָשָׁא וְעַל בְּעִירָא, וְעַל כָּל עִסְבָּא דְּחַקְלָא--בְּאַרְעָא דְּמִצְרָיִם.  
23," וַאֲרֵים מֹשֶׁה יָת חֻטְרֵיהּ, עַל צֵית שְׁמַיָּא, וַייָ יְהַב קָלִין וּבְרַד, וּמְהַלְּכָא אִישָׁתָא עַל אַרְעָא; וְאַמְטַר יְיָ בַּרְדָּא, עַל אַרְעָא דְּמִצְרָיִם.  
24," וַהֲוָה בַּרְדָּא--וְאִישָׁתָא, מִשְׁתַּלְהֲבָא בְּגוֹ בַּרְדָּא:  תַּקִּיף לַחְדָּא--דְּלָא הֲוָה דִּכְוָתֵיהּ בְּכָל אַרְעָא דְּמִצְרַיִם, מֵעִדָּן דַּהֲוָת לְעַם.  
25," וּמְחָא בַּרְדָּא בְּכָל אַרְעָא דְּמִצְרַיִם, יָת כָּל דִּבְחַקְלָא, מֵאֲנָשָׁא, וְעַד בְּעִירָא; וְיָת כָּל עִסְבָּא דְּחַקְלָא מְחָא בַּרְדָּא, וְיָת כָּל אִילָנֵי חַקְלָא תַּבַּר.  
26," לְחוֹד בְּאַרְעָא דְּגֹשֶׁן, דְּתַמָּן בְּנֵי יִשְׂרָאֵל--לָא הֲוָה, בַּרְדָּא.  
27," וּשְׁלַח פַּרְעֹה, וּקְרָא לְמֹשֶׁה וּלְאַהֲרוֹן, וַאֲמַר לְהוֹן, חַבִית זִמְנָא הָדָא:  יְיָ, זַכָּאָה, וַאֲנָא וְעַמִּי, חַיָּבִין.  
28," צַלּוֹ, קֳדָם יְיָ, וְסַגִּי קֳדָמוֹהִי רְוַח, דְּלָא יְהוֹן עֲלַנָא קָלִין דִּלְוָט כְּאִלֵּין מִן קֳדָם יְיָ וּבְרַד; וַאֲשַׁלַּח יָתְכוֹן, וְלָא תֵּיסְפוּן לְאִתְעַכָּבָא.  
29," וַאֲמַר לֵיהּ, מֹשֶׁה, כְּמִפְּקִי מִן קַרְתָּא, אֶפְרוֹס יָת יְדַי בִּצְלוֹ קֳדָם יְיָ; קָלַיָּא יִתְמַנְעוּן, וּבַרְדָּא לָא יְהֵי עוֹד, בְּדִיל דְּתִדַּע, אֲרֵי דַּייָ אַרְעָא.  
30," וְאַתְּ, וְעַבְדָךְ:  יָדַעְנָא--אֲרֵי עַד כְּעַן לָא אִתְכְּנַעְתּוּן, מִן קֳדָם יְיָ אֱלֹהִים.  
31," וְכִתָּנָא וּסְעָרֵי, לְקוֹ:  אֲרֵי סְעָרַיָּא אֲבִיב, וְכִתָּנָא גַּבְעֻלִּין.  
32," וְחִטַּיָּא וְכוּנָתַיָּא, לָא לְקַאָה:  אֲרֵי אַפְלָתָא, אִנִּין.  
33," וּנְפַק מֹשֶׁה מִלְּוָת פַּרְעֹה, יָת קַרְתָּא, וּפְרַס יְדוֹהִי בִּצְלוֹ, קֳדָם יְיָ; וְאִתְמְנַעוּ קָלַיָּא וּבַרְדָּא, וּמִטְרָא דַּהֲוָה נָחֵית לָא מְטָא עַל אַרְעָא.  
34," וַחֲזָא פַּרְעֹה, אֲרֵי אִתְמְנַע מִטְרָא וּבַרְדָּא וְקָלַיָּא--וְאוֹסֵיף לְמִחְטֵי; וְיַקְּרֵיהּ לְלִבֵּיהּ, הוּא וְעַבְדּוֹהִי.  
35," וְאִתַּקַּף לִבָּא דְּפַרְעֹה, וְלָא שַׁלַּח יָת בְּנֵי יִשְׂרָאֵל:  כְּמָא דְּמַלֵּיל יְיָ, בִּידָא דְּמֹשֶׁה.  {פ} 
<h4>10</h4>
1," וַאֲמַר יְיָ לְמֹשֶׁה, עוֹל לְוָת פַּרְעֹה:  אֲרֵי אֲנָא יַקַּרִית יָת לִבֵּיהּ, וְיָת לִבָּא דְּעַבְדּוֹהִי, בְּדִיל לְשַׁוָּאָה אָתַי אִלֵּין, בֵּינֵיהוֹן.  
2," וּבְדִיל דְּתִשְׁתַּעֵי קֳדָם בְּרָךְ וּבַר בְּרָךְ, יָת נִסִּין דַּעֲבַדִית בְּמִצְרַיִם, וְיָת אָתְוָתַי, דְּשַׁוִּיתִי בְּהוֹן; וְתִדְּעוּן, אֲרֵי אֲנָא יְיָ.  
3," וְעָאל מֹשֶׁה וְאַהֲרוֹן, לְוָת פַּרְעֹה, וַאֲמַרוּ לֵיהּ כִּדְנָן אֲמַר יְיָ אֱלָהָא דִּיהוּדָאֵי, עַד אִמַּתִּי מְסָרֵיב אַתְּ לְאִתְכְּנָעָא מִן קֳדָמָי; שַׁלַּח עַמִּי, וְיִפְלְחוּן קֳדָמָי.  
4," אֲרֵי אִם מְסָרֵיב אַתְּ, לְשַׁלָּחָא יָת עַמִּי--הָאֲנָא מֵיתֵי מְחַר גּוֹבָא, בִּתְחוּמָךְ.  
5," וְיִחְפֵי יָת עֵין שִׁמְשָׁא דְּאַרְעָא, וְלָא יִכּוֹל לְמִחְזֵי יָת אַרְעָא; וְיֵיכוֹל יָת שְׁאָר שֵׁיזָבְתָא, דְּאִשְׁתְּאַרַת לְכוֹן מִן בַּרְדָּא, וְיֵיכוֹל יָת כָּל אִילָנָא, דְּאַצְמַח לְכוֹן מִן חַקְלָא.  
6," וְיִתְמְלוֹן בָּתָּךְ וּבָתֵּי כָּל עַבְדָךְ, וּבָתֵּי כָּל מִצְרָאֵי, דְּלָא חֲזוֹ אֲבָהָתָךְ וַאֲבָהָת אֲבָהָתָךְ, מִיּוֹם מִהְוֵיהוֹן עַל אַרְעָא עַד יוֹמָא הָדֵין; וְאִתְפְּנִי וּנְפַק, מִלְּוָת פַּרְעֹה.  
7," וַאֲמַרוּ עַבְדֵי פַּרְעֹה לֵיהּ, עַד אִמַּתִּי יְהֵי דֵּין לַנָא לְתַקְלָא--שַׁלַּח יָת גֻּבְרַיָּא, וְיִפְלְחוּן קֳדָם יְיָ אֱלָהֲהוֹן; הַעַד כְּעַן לָא יְדַעְתָּא, אֲרֵי אֲבַדַת מִצְרָיִם.  
8," וְאִתָּתַב יָת מֹשֶׁה וְיָת אַהֲרוֹן, לְוָת פַּרְעֹה, וַאֲמַר לְהוֹן, אִיזִילוּ פְּלַחוּ קֳדָם יְיָ אֱלָהֲכוֹן; מַאן וּמַאן, אָזְלִין.  
9," וַאֲמַר מֹשֶׁה, בְּעוּלֵימַנָא וּבְסָבַנָא נֵיזֵיל; בִּבְנַנָא וּבִבְנָתַנָא בְּעָנַנָא וּבְתוֹרַנָא, נֵיזֵיל--אֲרֵי חַגָּא קֳדָם יְיָ, לַנָא.  
10," וַאֲמַר לְהוֹן, יְהֵי כֵּין מֵימְרָא דַּייָ בְּסַעְדְּכוֹן, כַּד אֲשַׁלַּח יָתְכוֹן, וְיָת טַפְלְכוֹן; חֲזוֹ, אֲרֵי בִּישָׁא אַתּוּן סְבִירִין לְמֶעֱבַד לֵית קֳבֵיל אַפֵּיכוֹן לְאִסְתְּחָרָא.  
11," לָא כֵּין, אִיזִילוּ כְּעַן גֻּבְרַיָּא וּפְלַחוּ קֳדָם יְיָ--אֲרֵי יָתַהּ, אַתּוּן בָּעַן; וְתָרֵיךְ יָתְהוֹן, מִן קֳדָם פַּרְעֹה.  {ס} 
12," וַאֲמַר יְיָ לְמֹשֶׁה, אֲרֵים יְדָךְ עַל אַרְעָא דְּמִצְרַיִם וְיֵיתֵי גּוֹבָא, וְיִסַּק, עַל אַרְעָא דְּמִצְרָיִם; וְיֵיכוֹל יָת כָּל עִסְבָּא דְּאַרְעָא, יָת כָּל דְּאַשְׁאַר בַּרְדָּא.  
13," וַאֲרֵים מֹשֶׁה יָת חֻטְרֵיהּ, עַל אַרְעָא דְּמִצְרַיִם, וַייָ דַּבַּר רוּחַ קִדּוּמָא בְּאַרְעָא, כָּל יוֹמָא הַהוּא וְכָל לֵילְיָא; צַפְרָא הֲוָה--וְרוּחַ קִדּוּמָא, נְטַל יָת גּוֹבָא.  
14," וּסְלֵיק גּוֹבָא, עַל כָּל אַרְעָא דְּמִצְרַיִם, וּשְׁרָא, בְּכֹל תְּחוּם מִצְרָיִם:  תַּקִּיף לַחְדָּא--קֳדָמוֹהִי לָא הֲוָה כֵּין גּוֹבָא דִּכְוָתֵיהּ, וּבָתְרוֹהִי לָא יְהֵי כֵּין.  
15," וַחֲפָא יָת עֵין שִׁמְשָׁא דְּכָל אַרְעָא, וַחֲשׁוֹכַת אַרְעָא, וַאֲכַל יָת כָּל עִסְבָּא דְּאַרְעָא וְיָת כָּל פֵּירֵי אִילָנָא, דְּאַשְׁאַר בַּרְדָּא; וְלָא אִשְׁתְּאַר כָּל יָרוֹק בְּאִילָנָא וּבְעִסְבָּא דְּחַקְלָא, בְּכָל אַרְעָא דְּמִצְרָיִם.  
16," וְאוֹחִי פַּרְעֹה, לְמִקְרֵי לְמֹשֶׁה וּלְאַהֲרוֹן; וַאֲמַר, חַבִית קֳדָם יְיָ אֱלָהֲכוֹן--וּלְכוֹן.  
17," וּכְעַן, שְׁבוֹק כְּעַן לְחוֹבִי בְּרַם זִמְנָא הָדָא, וְצַלּוֹ, קֳדָם יְיָ אֱלָהֲכוֹן; וְיַעְדֵּי, מִנִּי, לְחוֹד, יָת מוֹתָא הָדֵין.  
18," וּנְפַק, מִלְּוָת פַּרְעֹה; וְצַלִּי, קֳדָם יְיָ.  
19," וַהֲפַךְ יְיָ רוּחַ מַעְרְבָא, תַּקִּיף לַחְדָּא, וּנְטַל יָת גּוֹבָא, וּרְמָהִי לְיַמָּא דְּסוּף:  לָא אִשְׁתְּאַר גּוֹבָא חַד, בְּכֹל תְּחוּם מִצְרָיִם.  
20," וְתַקֵּיף יְיָ, יָת לִבָּא דְּפַרְעֹה; וְלָא שַׁלַּח, יָת בְּנֵי יִשְׂרָאֵל.  {פ} 
21," וַאֲמַר יְיָ לְמֹשֶׁה, אֲרֵים יְדָךְ עַל צֵית שְׁמַיָּא, וִיהֵי חֲשׁוֹכָא, עַל אַרְעָא דְּמִצְרָיִם; בָּתַר דְּיִעְדֵּי, קְבַל לֵילְיָא.  
22," וַאֲרֵים מֹשֶׁה יָת יְדֵיהּ, עַל צֵית שְׁמַיָּא; וַהֲוָה חֲשׁוֹךְ קְבַל בְּכָל אַרְעָא דְּמִצְרַיִם, תְּלָתָא יוֹמִין.  
23," לָא חֲזוֹ גְּבַר יָת אֲחוּהִי, וְלָא קָמוּ אֲנָשׁ מִתְּחוֹתוֹהִי--תְּלָתָא יוֹמִין; וּלְכָל בְּנֵי יִשְׂרָאֵל הֲוָה נְהוֹרָא, בְּמוֹתְבָנֵיהוֹן.  
24," וּקְרָא פַּרְעֹה לְמֹשֶׁה, וַאֲמַר אִיזִילוּ פְּלַחוּ קֳדָם יְיָ--לְחוֹד עָנְכוֹן וְתוֹרֵיכוֹן, שְׁבוּקוּ:  אַף טַפְלְכוֹן, יֵיזֵיל עִמְּכוֹן.  
25," וַאֲמַר מֹשֶׁה, אַף אַתְּ תִּתֵּין בִּידַנָא נִכְסַת קֻדְשִׁין וַעֲלָוָן; וְנַעֲבֵיד, קֳדָם יְיָ אֱלָהַנָא.  
26," וְאַף בְּעִירַנָא יֵיזֵיל עִמַּנָא, לָא נַשְׁאַר מִנֵּיהּ מִדָּעַם--אֲרֵי מִנֵּיהּ אֲנַחְנָא נָסְבִין, לְמִפְלַח קֳדָם יְיָ אֱלָהַנָא; וַאֲנַחְנָא לֵית אֲנַחְנָא יָדְעִין, מָא נִפְלַח קֳדָם יְיָ, עַד מֵיתַנָא, לְתַמָּן.  
27," וְתַקֵּיף יְיָ, יָת לִבָּא דְּפַרְעֹה; וְלָא אֲבָא, לְשַׁלָּחוּתְהוֹן.  
28," וַאֲמַר לֵיהּ פַּרְעֹה, אִיזֵיל מֵעִלָּוָי; אִסְתְּמַר לָךְ, לָא תּוֹסֵיף לְמִחְזֵי אַפַּי--אֲרֵי בְּיוֹמָא דְּתִחְזֵי אַפַּי, תְּמוּת.  
29," וַאֲמַר מֹשֶׁה, יָאוּת מַלֵּילְתָּא:  לָא אוֹסֵיף עוֹד, לְמִחְזֵי אַפָּךְ.  {פ} 
<h4>11</h4>
1," וַאֲמַר יְיָ לְמֹשֶׁה, עוֹד מַכְתָּשׁ חַד אַיְתִי עַל פַּרְעֹה וְעַל מִצְרָאֵי--בָּתַר כֵּין, יְשַׁלַּח יָתְכוֹן מִכָּא:  כְּשַׁלָּחוּתֵיהּ--גְּמֵירָא, תָּרָכָא יְתָרֵיךְ יָתְכוֹן מִכָּא.  
2," מַלֵּיל כְּעַן, קֳדָם עַמָּא; וְיִשְׁאֲלוּן גְּבַר מִן חַבְרֵיהּ, וְאִתְּתָא מִן חֲבִרְתַּהּ, מָנִין דִּכְסַף, וּמָנִין דִּדְהַב.  
3," וִיהַב יְיָ יָת עַמָּא לְרַחֲמִין, בְּעֵינֵי מִצְרָאֵי; אַף גֻּבְרָא מֹשֶׁה, רַב לַחְדָּא בְּאַרְעָא דְּמִצְרַיִם, בְּעֵינֵי עַבְדֵי פַּרְעֹה, וּבְעֵינֵי עַמָּא.  {ס} 
4," וַאֲמַר מֹשֶׁה, כִּדְנָן אֲמַר יְיָ:  כְּפַלְגוּת לֵילְיָא, אֲנָא מִתְגְּלֵי בְּגוֹ מִצְרָיִם.  
5," וִימוּת כָּל בֻּכְרָא, בְּאַרְעָא דְּמִצְרַיִם--מִבֻּכְרָא דְּפַרְעֹה דַּעֲתִיד לְמִתַּב עַל כֻּרְסֵי מַלְכוּתֵיהּ, עַד בֻּכְרָא דְּאַמְתָּא דִּבְבָּתַר רִחְיָא; וְכֹל, בֻּכְרָא דִּבְעִירָא.  
6," וּתְהֵי צְוַחְתָּא רַבְּתָא, בְּכָל אַרְעָא דְּמִצְרָיִם, דִּכְוָתַהּ לָא הֲוָת, וְדִכְוָתַהּ לָא תּוֹסֵיף.  
7," וּלְכֹל בְּנֵי יִשְׂרָאֵל, לָא יַנְזֵיק כַּלְבָּא בְּלִישָׁנֵיהּ לְמִבַּח, לְמֵאֲנָשָׁא, וְעַד בְּעִירָא--בְּדִיל, דְּתִדְּעוּן, דְּיַפְרֵישׁ יְיָ, בֵּין מִצְרָאֵי וּבֵין יִשְׂרָאֵל.  
8," וְיֵיחֲתוּן כָּל עַבְדָךְ אִלֵּין לְוָתִי וְיִבְעוֹן מִנִּי לְמֵימַר, פּוֹק אַתְּ וְכָל עַמָּא דְּעִמָּךְ, וּבָתַר כֵּין, אֶפּוֹק; וּנְפַק מִלְּוָת פַּרְעֹה, בִּתְקוֹף רְגַז.  {ס} 
9," וַאֲמַר יְיָ לְמֹשֶׁה, לָא יְקַבֵּיל מִנְּכוֹן פַּרְעֹה--בְּדִיל לְאַסְגָּאָה מוֹפְתַי, בְּאַרְעָא דְּמִצְרָיִם.  
10," וּמֹשֶׁה וְאַהֲרוֹן, עֲבַדוּ יָת כָּל מוֹפְתַיָּא הָאִלֵּין--קֳדָם פַּרְעֹה; וְתַקֵּיף יְיָ יָת לִבָּא דְּפַרְעֹה, וְלָא שַׁלַּח יָת בְּנֵי יִשְׂרָאֵל מֵאַרְעֵיהּ.  {ס} 
<h4>12</h4>
1," וַאֲמַר יְיָ לְמֹשֶׁה וּלְאַהֲרוֹן, בְּאַרְעָא דְּמִצְרַיִם לְמֵימַר.  
2," יַרְחָא הָדֵין לְכוֹן, רֵישׁ יַרְחַיָּא:  קַדְמַאי הוּא לְכוֹן, לְיַרְחֵי שַׁתָּא.  
3," מַלִּילוּ, עִם כָּל כְּנִשְׁתָּא דְּיִשְׂרָאֵל לְמֵימַר, בְּעַסְרָא, לְיַרְחָא הָדֵין:  וְיִסְּבוּן לְהוֹן, גְּבַר אִמַּר לְבֵית אַבָּא--אִמְּרָא לְבֵיתָא.  
4," וְאִם זְעֵיר בֵּיתָא, מִלְּאִתְמְנָאָה עַל אִמְּרָא--וְיִסַּב הוּא וְשֵׁיבָבֵיהּ דְּקָרִיב לְבֵיתֵיהּ, בְּמִנְיַן נַפְשָׁתָא:  גְּבַר לְפֹם מֵיכְלֵיהּ, תִּתְמְנוֹן עַל אִמְּרָא.  
5," אִמַּר שְׁלִים דְּכַר בַּר שַׁתֵּיהּ, יְהֵי לְכוֹן; מִן אִמְּרַיָּא וּמִן בְּנֵי עִזַּיָּא, תִּסְּבוּן.  
6," וִיהֵי לְכוֹן לְמַטְּרָא, עַד אַרְבְּעַת עַסְרָא יוֹמָא לְיַרְחָא הָדֵין; וְיִכְּסוּן יָתֵיהּ, כֹּל קְהָלָא כְּנִשְׁתָּא דְּיִשְׂרָאֵל--בֵּין שִׁמְשַׁיָּא.  
7," וְיִסְּבוּן, מִן דְּמָא, וְיִתְּנוּן עַל תְּרֵין סִפַּיָּא, וְעַל שָׁקְפָא--עַל, בָּתַּיָּא, דְּיֵיכְלוּן יָתֵיהּ, בְּהוֹן.  
8," וְיֵיכְלוּן יָת בִּסְרָא, בְּלֵילְיָא הָדֵין:  טְוֵי נוּר וּפַטִּיר, עַל מְרָרִין יֵיכְלוּנֵּיהּ.  
9," לָא תֵּיכְלוּן מִנֵּיהּ כִּד חַי, וְאַף לָא כִּד בַּשָּׁלָא מְבֻשַּׁל בְּמַיָּא:  אֱלָהֵין טְוֵי נוּר, רֵישֵׁיהּ עַל כְּרָעוֹהִי וְעַל גַּוֵּיהּ.  
10," וְלָא תַּשְׁאֲרוּן מִנֵּיהּ, עַד צַפְרָא; וּדְיִשְׁתְּאַר מִנֵּיהּ עַד צַפְרָא, בְּנוּרָא תֵּיקְדוּן.  
11," וּכְדֵין, תֵּיכְלוּן יָתֵיהּ--חַרְצֵיכוֹן יְהוֹן אֲסִירִין, מְסָנֵיכוֹן בְּרַגְלֵיכוֹן וְחֻטְרֵיכוֹן בְּיַדְכוֹן; וְתֵיכְלוּן יָתֵיהּ בִּבְהִילוּ, פִּסְחָא הוּא קֳדָם יְיָ.  
12," וְאֶתְגְּלֵי בְּאַרְעָא דְּמִצְרַיִם, בְּלֵילְיָא הָדֵין, וְאֶקְטוֹל כָּל בֻּכְרָא בְּאַרְעָא דְּמִצְרַיִם, מֵאֲנָשָׁא וְעַד בְּעִירָא; וּבְכָל טָעֲוָת מִצְרָאֵי אַעֲבֵיד דִּינִין, אֲנָא יְיָ.  
13," וִיהֵי דְּמָא לְכוֹן לְאָת, עַל בָּתַּיָּא דְּאַתּוּן תַּמָּן, וְאֶחְזֵי יָת דְּמָא, וַאֲחוּס עֲלֵיכוֹן; וְלָא יְהֵי בְּכוֹן מוֹתָא לְחַבָּלָא, בְּמִקְטְלִי בְּאַרְעָא דְּמִצְרָיִם.  
14," וִיהֵי יוֹמָא הָדֵין לְכוֹן לְדֻכְרָנָא, וְתֵיחֲגוּן יָתֵיהּ חַגָּא קֳדָם יְיָ:  לְדָרֵיכוֹן, קְיָם עָלַם תֵּיחֲגוּנֵּיהּ.  
15," שִׁבְעָא יוֹמִין, פַּטִּירָא תֵּיכְלוּן--בְּרַם בְּיוֹמָא קַדְמָאָה, תְּבַטְּלוּן חֲמִירָא מִבָּתֵּיכוֹן:  אֲרֵי כָּל דְּיֵיכוֹל חֲמִיעַ, וְיִשְׁתֵּיצֵי אֲנָשָׁא הַהוּא מִיִּשְׂרָאֵל--מִיּוֹמָא קַדְמָאָה, עַד יוֹמָא שְׁבִיעָאָה.  
16," וּבְיוֹמָא קַדְמָאָה, מְעָרַע קַדִּישׁ, וּבְיוֹמָא שְׁבִיעָאָה, מְעָרַע קַדִּישׁ יְהֵי לְכוֹן:  כָּל עֲבִידָא, לָא יִתְעֲבֵיד בְּהוֹן--בְּרַם מָא דְּמִתְאֲכִיל לְכָל נְפַשׁ, הוּא בִּלְחוֹדוֹהִי יִתְעֲבֵיד לְכוֹן.  
17," וְתִטְּרוּן, יָת פַּטִּירָא, אֲרֵי בִּכְרַן יוֹמָא הָדֵין, אַפֵּיקִית יָת חֵילֵיכוֹן מֵאַרְעָא דְּמִצְרָיִם; וְתִטְּרוּן יָת יוֹמָא הָדֵין, לְדָרֵיכוֹן--קְיָם עָלַם.  
18," בְּנִיסָן בְּאַרְבְּעַת עַסְרָא יוֹמָא לְיַרְחָא, בְּרַמְשָׁא, תֵּיכְלוּן, פַּטִּירָא:  עַד יוֹמָא חַד וְעַסְרִין, לְיַרְחָא--בְּרַמְשָׁא.  
19," שִׁבְעָא יוֹמִין--חֲמִירָא, לָא יִשְׁתְּכַח בְּבָתֵּיכוֹן:  אֲרֵי כָּל דְּיֵיכוֹל מַחְמְעָא, וְיִשְׁתֵּיצֵי אֲנָשָׁא הַהוּא מִכְּנִשְׁתָּא דְּיִשְׂרָאֵל--בְּגִיּוֹרַיָּא, וּבְיַצִּיבַיָּא דְּאַרְעָא.  
20," כָּל מַחְמְעָא, לָא תֵּיכְלוּן; בְּכֹל, מוֹתְבָנֵיכוֹן, תֵּיכְלוּן, פַּטִּירָא.  {פ} 
21," וּקְרָא מֹשֶׁה לְכָל סָבֵי יִשְׂרָאֵל, וַאֲמַר לְהוֹן:  אִתְנְגִידוּ, וְסַבוּ לְכוֹן מִן בְּנֵי עָנָא לְזַרְעֲיָתְכוֹן--וְכוּסוּ פִּסְחָא.  
22," וְתִסְּבוּן אֲסָרַת אֵיזוֹבָא, וְתִטְבְּלוּן בִּדְמָא דִּבְמָנָא, וְתַדּוֹן לְשָׁקְפָא וְלִתְרֵין סִפַּיָּא, מִן דְּמָא דִּבְמָנָא; וְאַתּוּן, לָא תִּפְּקוּן אֲנָשׁ מִתְּרַע בֵּיתֵיהּ--עַד צַפְרָא.  
23," וְיִתְגְּלֵי יְיָ, לְמִמְחֵי יָת מִצְרָאֵי, וְיִחְזֵי יָת דְּמָא עַל שָׁקְפָא, וְעַל תְּרֵין סִפַּיָּא; וְיֵיחוּס יְיָ, עַל תַּרְעָא, וְלָא יִשְׁבּוֹק מְחַבְּלָא, לְמֵיעַל לְבָתֵּיכוֹן לְמִמְחֵי.  
24," וְתִטְּרוּן, יָת פִּתְגָמָא הָדֵין, לִקְיָם לָךְ וְלִבְנָךְ, עַד עָלְמָא.  
25," וִיהֵי אֲרֵי תֵּיעֲלוּן לְאַרְעָא, דְּיִתֵּין יְיָ לְכוֹן--כְּמָא דְּמַלֵּיל; וְתִטְּרוּן, יָת פֻּלְחָנָא הָדֵין.  
26," וִיהֵי, אֲרֵי יֵימְרוּן לְכוֹן בְּנֵיכוֹן:  מָא פֻּלְחָנָא הָדֵין, לְכוֹן.  
27," וְתֵימְרוּן דֵּיבַח חֲיָס הוּא קֳדָם יְיָ, דְּחָס עַל בָּתֵּי בְּנֵי יִשְׂרָאֵל בְּמִצְרַיִם, כַּד מְחָא יָת מִצְרָאֵי, וְיָת בָּתַּנָא שֵׁיזֵיב; וּכְרַע עַמָּא, וּסְגִידוּ.  
28," וַאֲזַלוּ וַעֲבַדוּ, בְּנֵי יִשְׂרָאֵל:  כְּמָא דְּפַקֵּיד יְיָ יָת מֹשֶׁה וְאַהֲרוֹן, כֵּין עֲבַדוּ.  {ס} 
29," וַהֲוָה בְּפַלְגוּת לֵילְיָא, וַייָ קְטַל כָּל בֻּכְרָא בְּאַרְעָא דְּמִצְרַיִם, מִבֻּכְרָא דְּפַרְעֹה דַּעֲתִיד לְמִתַּב עַל כֻּרְסֵי מַלְכוּתֵיהּ, עַד בֻּכְרָא דְּשִׁבְיָא דִּבְבֵית אֲסִירֵי; וְכֹל, בֻּכְרָא דִּבְעִירָא.  
30," וְקָם פַּרְעֹה בְּלֵילְיָא, הוּא וְכָל עַבְדּוֹהִי וְכָל מִצְרָאֵי, וַהֲוָת צְוַחְתָּא רַבְּתָא, בְּמִצְרָיִם:  אֲרֵי לֵית בֵּיתָא תַּמָּן, דְּלָא הֲוָה בֵּיהּ מִיתָא.  
31," וּקְרָא לְמֹשֶׁה וּלְאַהֲרוֹן בְּלֵילְיָא, וַאֲמַר קוּמוּ פּוּקוּ מִגּוֹ עַמִּי--אַף אַתּוּן, אַף בְּנֵי יִשְׂרָאֵל; וְאִיזִילוּ פְּלַחוּ קֳדָם יְיָ, כְּמָא דַּהֲוֵיתוֹן אָמְרִין.  
32," אַף עָנְכוֹן אַף תּוֹרֵיכוֹן דְּבַרוּ כְּמָא דְּמַלֵּילְתּוּן, וְאִיזִילוּ; וְצַלּוֹ, אַף עֲלָי.  
33," וּתְקִיפוּ מִצְרָאֵי עַל עַמָּא, לְאוֹחָאָה לְשַׁלָּחוּתְהוֹן מִן אַרְעָא:  אֲרֵי אֲמַרוּ, כֻּלַּנָא מָיְתִין.  
34," וּנְטַל עַמָּא יָת לֵישְׁהוֹן, עַד לָא חֲמַע; מוֹתַר אָצְוָתְהוֹן צְרִיר בִּלְבוּשֵׁיהוֹן, עַל כַּתְפֵיהוֹן.  
35," וּבְנֵי יִשְׂרָאֵל עֲבַדוּ, כְּפִתְגָמָא דְּמֹשֶׁה; וּשְׁאִילוּ, מְמִּצְרַיִם, מָנִין דִּכְסַף וּמָנִין דִּדְהַב, וּלְבוּשִׁין.  
36," וַייָ יְהַב יָת עַמָּא לְרַחֲמִין, בְּעֵינֵי מִצְרָאֵי--וְאַשְׁאִילוּנוּן; וְרוֹקִינוּ, יָת מִצְרָיִם.  {פ} 
37," וּנְטַלוּ בְּנֵי יִשְׂרָאֵל מֵרַעְמְסֵס, לְסֻכּוֹת, כְּשֵׁית מְאָה אַלְפִין גֻּבְרָא, רִגְלָאָה בָּר מִטַּפְלָא.  
38," וְאַף נֻכְרָאִין סַגִּיאִין, סְלִיקוּ עִמְּהוֹן, וְעָנָא וְתוֹרֵי, בְּעִירָא סַגִּי לַחְדָּא.  
39," וַאֲפוֹ יָת לֵישָׁא דְּאַפִּיקוּ מִמִּצְרַיִם, גְּרִיצָן פַּטִּירָן--אֲרֵי לָא חֲמַע:  אֲרֵי אִתָּרַכוּ מִמִּצְרַיִם, וְלָא יְכִילוּ לְאִתְעַכָּבָא, וְאַף זְוָדִין, לָא עֲבַדוּ לְהוֹן.  
40," וּמוֹתַב בְּנֵי יִשְׂרָאֵל, דִּיתִיבוּ בְּמִצְרָיִם--אַרְבַּע מְאָה, וּתְלָתִין שְׁנִין.  
41," וַהֲוָה, מִסּוֹף אַרְבַּע מְאָה, וּתְלָתִין, שְׁנִין; וַהֲוָה, בִּכְרַן יוֹמָא הָדֵין, נְפַקוּ כָּל חֵילַיָּא דַּייָ, מֵאַרְעָא דְּמִצְרָיִם.  
42," לֵילֵי נְטִיר הוּא קֳדָם יְיָ, לְאַפָּקוּתְהוֹן מֵאַרְעָא דְּמִצְרָיִם:  הוּא לֵילְיָא הָדֵין קֳדָם יְיָ, נְטִיר לְכָל בְּנֵי יִשְׂרָאֵל לְדָרֵיהוֹן.  {פ} 
43," וַאֲמַר יְיָ לְמֹשֶׁה וְאַהֲרוֹן, דָּא גְּזֵירַת פִּסְחָא:  כָּל בַּר יִשְׂרָאֵל דְּיִשְׁתַּמַּד, לָא יֵיכוֹל בֵּיהּ.  
44," וְכָל עֶבֶד גְּבַר, זְבִין כַּסְפָּא--וְתִגְזַר יָתֵיהּ, בְּכֵין יֵיכוֹל בֵּיהּ.  
45," תּוֹתָבָא וַאֲגִירָא, לָא יֵיכוֹל בֵּיהּ.  
46," בַּחֲבוּרָא חֲדָא יִתְאֲכִיל, לָא תַּפְּקוּן מִן בֵּיתָא מִן בִּסְרָא לְבָרָא; וְגַרְמָא, לָא תִּתְבְּרוּן בֵּיהּ.  
47," כָּל כְּנִשְׁתָּא דְּיִשְׂרָאֵל, יַעְבְּדוּן יָתֵיהּ.  
48," וַאֲרֵי יִתְגַיַּר עִמְּכוֹן גִּיּוֹרָא, וְיַעֲבֵיד פִּסְחָא קֳדָם יְיָ--מִגְזַר לֵיהּ כָּל דְּכוּרָא וּבְכֵין יִקְרַב לְמֶעְבְּדֵיהּ, וִיהֵי כְּיַצִּיבֵי אַרְעָא; וְכָל עַרְלָא, לָא יֵיכוֹל בֵּיהּ.  
49," אוֹרָיְתָא חֲדָא, תְּהֵי לְיַצִּיבַיָּא, וּלְגִיּוֹרַיָּא, דְּיִתְגַיְּרוּן בֵּינֵיכוֹן.  
50," וַעֲבַדוּ, כָּל בְּנֵי יִשְׂרָאֵל:  כְּמָא דְּפַקֵּיד יְיָ יָת מֹשֶׁה וְיָת אַהֲרוֹן, כֵּין עֲבַדוּ.  {ס} 
51," וַהֲוָה, בִּכְרַן יוֹמָא הָדֵין:  אַפֵּיק יְיָ יָת בְּנֵי יִשְׂרָאֵל, מֵאַרְעָא דְּמִצְרַיִם--עַל חֵילֵיהוֹן.  {פ} 
<h4>13</h4>
1," וּמַלֵּיל יְיָ, עִם מֹשֶׁה לְמֵימַר.  
2," אַקְדֵּישׁ קֳדָמַי כָּל בֻּכְרָא פָּתַח כָּל וַלְדָּא, בִּבְנֵי יִשְׂרָאֵל--בַּאֲנָשָׁא, וּבִבְעִירָא:  דִּילִי, הוּא.  
3," וַאֲמַר מֹשֶׁה לְעַמָּא, הֲווֹ דְּכִירִין יָת יוֹמָא הָדֵין דִּנְפַקְתּוּן מִמִּצְרַיִם מִבֵּית עַבְדּוּתָא, אֲרֵי בִּתְקוֹף יַד, אַפֵּיק יְיָ יָתְכוֹן מִכָּא; וְלָא יִתְאֲכִיל, חֲמִיעַ.  
4," יוֹמָא דֵּין, אַתּוּן נָפְקִין, בְּיַרְחָא, דַּאֲבִיבָא.  
5," וִיהֵי אֲרֵי יַעֵילִנָּךְ יְיָ לַאֲרַע כְּנַעֲנָאֵי וְחִתָּאֵי וֶאֱמוֹרָאֵי וְחִוָּאֵי וִיבוּסָאֵי, דְּקַיֵּים לַאֲבָהָתָךְ לְמִתַּן לָךְ, אֲרַע עָבְדָא חֲלָב, וּדְבַשׁ; וְתִפְלַח יָת פֻּלְחָנָא הָדָא, בְּיַרְחָא הָדֵין.  
6," שִׁבְעָא יוֹמִין, תֵּיכוֹל פַּטִּירָא; וּבְיוֹמָא, שְׁבִיעָאָה, חַגָּא, קֳדָם יְיָ.  
7," פַּטִּירָא, יִתְאֲכִיל, יָת, שִׁבְעָא יוֹמִין; וְלָא יִתַּחְזֵי לָךְ חֲמִיעַ, וְלָא יִתַּחְזֵי לָךְ חֲמִיר--בְּכָל תְּחוּמָךְ.  
8," וּתְחַוֵּי לִבְרָךְ, בְּיוֹמָא הַהוּא לְמֵימַר:  בְּדִיל דָּא, עֲבַד יְיָ לִי, בְּמִפְּקִי, מִמִּצְרָיִם.  
9," וִיהֵי לָךְ לְאָת עַל יְדָךְ, וּלְדֻכְרָן בֵּין עֵינָךְ, בְּדִיל דִּתְהֵי אוֹרָיְתָא דַּייָ, בְּפֻמָּךְ:  אֲרֵי בְּיַד תַּקִּיפָא, אַפְּקָךְ יְיָ מִמִּצְרָיִם.  
10," וְתִטַּר יָת קְיָמָא הָדֵין, בְּזִמְנֵיהּ, מִזְּמָן, לִזְמָן.  {פ} 
11," וִיהֵי אֲרֵי יַעֵילִנָּךְ יְיָ, לַאֲרַע כְּנַעֲנָאֵי, כְּמָא דְּקַיֵּים לָךְ, וְלַאֲבָהָתָךְ; וְיִתְּנַהּ, לָךְ.  
12," וְתַעְבַּר כָּל פָּתַח וַלְדָּא, קֳדָם יְיָ; וְכָל פָּתַח וְלַד בְּעִירָא, דִּיהוֹן לָךְ דִּכְרִין--תַּקְדֵּישׁ קֳדָם יְיָ.  
13," וְכָל בֻּכְרָא דִּחְמָרָא תִּפְרוּק בְּאִמְּרָא, וְאִם לָא תִּפְרוּק וְתִקְפֵיהּ; וְכֹל בֻּכְרָא דַּאֲנָשָׁא בִּבְנָךְ, תִּפְרוּק.  
14," וִיהֵי אֲרֵי יִשְׁאֲלִנָּךְ בְּרָךְ, מְחַר--לְמֵימַר מָא דָּא:  וְתֵימַר לֵיהּ--בִּתְקוֹף יַד אַפְּקַנָא יְיָ מִמִּצְרַיִם, מִבֵּית עַבְדּוּתָא.  
15," וַהֲוָה, כַּד אַקְשִׁי פַּרְעֹה לְשַׁלָּחוּתַנָא, וּקְטַל יְיָ כָּל בֻּכְרָא בְּאַרְעָא דְּמִצְרַיִם, מִבֻּכְרָא דַּאֲנָשָׁא וְעַד בֻּכְרָא דִּבְעִירָא; עַל כֵּין אֲנָא דָּבַח קֳדָם יְיָ, כָּל פָּתַח וְלַד דִּכְרַיָּא, וְכָל בֻּכְרָא דִּבְנַי, אֶפְרוּק.  
16," וִיהֵי לְאָת עַל יְדָךְ, וְלִתְפִלִּין בֵּין עֵינָךְ:  אֲרֵי בִּתְקוֹף יַד, אַפְּקַנָא יְיָ מִמִּצְרָיִם.  {ס} 
17," וַהֲוָה, כַּד שַׁלַּח פַּרְעֹה יָת עַמָּא, וְלָא דַּבַּרִנּוּן יְיָ אוֹרַח אֲרַע פְּלִשְׁתָּאֵי, אֲרֵי קָרִיבָא הִיא:  אֲרֵי אֲמַר יְיָ, דִּלְמָא יְזוּעוּן עַמָּא בְּמִחְזֵיהוֹן קְרָבָא--וִיתוּבוּן לְמִצְרָיִם.  
18," וְאַסְחַר יְיָ יָת עַמָּא אוֹרַח מַדְבְּרָא, לְיַמָּא דְּסוּף; וּמְזָרְזִין סְלִיקוּ בְּנֵי יִשְׂרָאֵל, מֵאַרְעָא דְּמִצְרָיִם.  
19," וַאַסֵּיק מֹשֶׁה יָת גַּרְמֵי יוֹסֵף, עִמֵּיהּ:  אֲרֵי אוֹמָאָה אוֹמִי יָת בְּנֵי יִשְׂרָאֵל, לְמֵימַר, מִדְכָר דְּכִיר יְיָ יָתְכוֹן, וְתַסְּקוּן יָת גַּרְמַי מִכָּא עִמְּכוֹן.  
20," וּנְטַלוּ, מִסֻּכּוֹת; וּשְׁרוֹ בְּאֵיתָם, בִּסְטַר מַדְבְּרָא.  
21," וַייָ מְדַבַּר קֳדָמֵיהוֹן בִּימָמָא בְּעַמּוּדָא דַּעֲנָנָא, לְדַבָּרוּתְהוֹן בְּאוֹרְחָא, וּבְלֵילְיָא בְּעַמּוּדָא דְּאִישָׁתָא, לְאַנְהָרָא לְהוֹן--לְמֵיזַל, בִּימָמָא וּבְלֵילְיָא.  
22," לָא עָדֵי עַמּוּדָא דַּעֲנָנָא, בִּימָמָא, וְאַף לָא עַמּוּדָא דְּאִישָׁתָא, בְּלֵילְיָא--מִן קֳדָם, עַמָּא.  {פ} 
<h4>14</h4>
1," וּמַלֵּיל יְיָ, עִם מֹשֶׁה לְמֵימַר.  
2," מַלֵּיל, עִם בְּנֵי יִשְׂרָאֵל, וִיתוּבוּן וְיִשְׁרוֹן קֳדָם פֹּם חִירָתָא, בֵּין מִגְדּוֹל וּבֵין יַמָּא:  קֳדָם בְּעֵיל צְפוֹן, לְקִבְלֵיהּ תִּשְׁרוֹן עַל יַמָּא.  
3," וְיֵימַר פַּרְעֹה עַל בְּנֵי יִשְׂרָאֵל, מְעֻרְבְּלִין אִנּוּן בְּאַרְעָא; אֲחַד עֲלֵיהוֹן, מַדְבְּרָא.  
4," וַאֲתַקֵּיף יָת לִבָּא דְּפַרְעֹה, וְיִרְדּוֹף בָּתְרֵיהוֹן, וְאֶתְיַקַּר בְּפַרְעֹה וּבְכָל מַשְׁרְיָתֵיהּ, וְיִדְּעוּן מִצְרָאֵי אֲרֵי אֲנָא יְיָ; וַעֲבַדוּ כֵּין.  
5," וְאִתְחַוַּא לְמַלְכָּא דְּמִצְרַיִם, אֲרֵי אֲזַל עַמָּא; וְאִתְהֲפֵיךְ לִבָּא דְּפַרְעֹה וְעַבְדּוֹהִי, בְּעַמָּא, וַאֲמַרוּ מָא דָּא עֲבַדְנָא, אֲרֵי שַׁלַּחְנָא יָת יִשְׂרָאֵל מִפֻּלְחָנַנָא.  
6," וְטַקֵּיס, יָת רְתִכֵּיהּ; וְיָת עַמֵּיהּ, דְּבַר עִמֵּיהּ.  
7," וּדְבַר, שֵׁית מְאָה רְתִכִּין בְּחִירָן, וְכֹל, רְתִכֵּי מִצְרָאֵי; וְגִבָּרִין, מְמֻנַּן עַל כֻּלְּהוֹן.  
8," וְתַקֵּיף יְיָ, יָת לִבָּא דְּפַרְעֹה מַלְכָּא דְּמִצְרַיִם, וּרְדַף, בָּתַר בְּנֵי יִשְׂרָאֵל; וּבְנֵי יִשְׂרָאֵל, נָפְקִין בְּרֵישׁ גְּלֵי.  
9," וּרְדַפוּ מִצְרָאֵי בָּתְרֵיהוֹן, וְאַדְבִּיקוּ יָתְהוֹן כַּד שְׁרַן עַל יַמָּא, כָּל סוּסָוָת רְתִכֵּי פַּרְעֹה, וּפָרָשׁוֹהִי וּמַשְׁרְיָתֵיהּ--עַל פֹּם, חִירָתָא, דִּקְדָם, בְּעֵיל צְפוֹן.  
10," וּפַרְעֹה, קְרֵיב; וּזְקַפוּ בְּנֵי יִשְׂרָאֵל יָת עֵינֵיהוֹן וְהָא מִצְרָאֵי נָטְלִין בָּתְרֵיהוֹן, וּדְחִילוּ לַחְדָּא, וּזְעִיקוּ בְּנֵי יִשְׂרָאֵל, קֳדָם יְיָ.  
11," וַאֲמַרוּ, לְמֹשֶׁה, הֲמִדְּלֵית קַבְרִין בְּמִצְרַיִם, דְּבַרְתַּנָא לִמְמָת בְּמַדְבְּרָא:  מָא דָּא עֲבַדְתְּ לַנָא, לְאַפָּקוּתַנָא מִמִּצְרָיִם.  
12," הֲלָא דֵּין פִּתְגָמָא, דְּמַלֵּילְנָא עִמָּךְ בְּמִצְרַיִם לְמֵימַר, שְׁבוֹק מִנַּנָא, וְנִפְלַח יָת מִצְרָאֵי:  אֲרֵי טָב לַנָא דְּנִפְלַח יָת מִצְרָאֵי, מִדִּנְמוּת בְּמַדְבְּרָא.  
13," וַאֲמַר מֹשֶׁה לְעַמָּא, לָא תִּדְחֲלוּן--אִתְעַתַּדוּ וַחֲזוֹ יָת פֻּרְקָנָא דַּייָ, דְּיַעֲבֵיד לְכוֹן יוֹמָא דֵּין:  אֲרֵי, דַּחֲזֵיתוֹן יָת מִצְרָאֵי יוֹמָא דֵּין--לָא תֵּיסְפוּן לְמִחְזֵיהוֹן עוֹד, עַד עָלְמָא.  
14," יְיָ, יְגִיחַ לְכוֹן קְרָב; וְאַתּוּן, תִּשְׁתְּקוּן.  {פ} 
15," וַאֲמַר יְיָ לְמֹשֶׁה, קַבֵּילִית צְלוֹתָךְ; מַלֵּיל עִם בְּנֵי יִשְׂרָאֵל, וְיִטְּלוּן.  
16," וְאַתְּ טוֹל יָת חֻטְרָךְ, וַאֲרֵים יָת יְדָךְ עַל יַמָּא--וּבַזַּעְהִי; וְיֵיעֲלוּן בְּנֵי יִשְׂרָאֵל בְּגוֹ יַמָּא, בְּיַבֶּשְׁתָּא.  
17," וַאֲנָא, הָאֲנָא מְתַקֵּיף יָת לִבָּא דְּמִצְרָאֵי, וְיֵיעֲלוּן, בָּתְרֵיהוֹן; וְאֶתְיַקַּר בְּפַרְעֹה וּבְכָל מַשְׁרְיָתֵיהּ, בִּרְתִכּוֹהִי וּבְפָרָשׁוֹהִי.  
18," וְיִדְּעוּן מִצְרָאֵי, אֲרֵי אֲנָא יְיָ, בְּאִתְיַקָּרוּתִי בְּפַרְעֹה, בִּרְתִכּוֹהִי וּבְפָרָשׁוֹהִי.  
19," וּנְטַל מַלְאֲכָא דַּייָ, דִּמְדַבַּר קֳדָם מַשְׁרִיתָא דְּיִשְׂרָאֵל, וַאֲתָא, מִבָּתְרֵיהוֹן; וּנְטַל עַמּוּדָא דַּעֲנָנָא, מִן קֳדָמֵיהוֹן, וּשְׁרָא, מִבָּתְרֵיהוֹן.  
20," וְעָאל בֵּין מַשְׁרִיתָא דְּמִצְרָאֵי, וּבֵין מַשְׁרִיתָא דְּיִשְׂרָאֵל, וַהֲוָה עֲנָנָא וְקַבְלָא לְמִצְרָאֵי, וּלְיִשְׂרָאֵל נָהַר כָּל לֵילְיָא; וְלָא אִתְקָרַבוּ דֵּין לְוָת דֵּין, כָּל לֵילְיָא.  
21," וַאֲרֵים מֹשֶׁה יָת יְדֵיהּ, עַל יַמָּא, וְדַבַּר יְיָ יָת יַמָּא בְּרוּחַ קִדּוּמָא תַּקִּיף כָּל לֵילְיָא, וְשַׁוִּי יָת יַמָּא לְיַבֶּשְׁתָּא; וְאִתְבְּזַעוּ, מַיָּא.  
22," וְעָאלוּ בְּנֵי יִשְׂרָאֵל בְּגוֹ יַמָּא, בְּיַבֶּשְׁתָּא; וּמַיָּא לְהוֹן שׁוּרִין, מִיַּמִּינְהוֹן וּמִסְּמָאלְהוֹן.  
23," וּרְדַפוּ מִצְרָאֵי, וְעָאלוּ בָּתְרֵיהוֹן--כֹּל סוּסָוָת פַּרְעֹה, רְתִכּוֹהִי וּפָרָשׁוֹהִי:  לְגוֹ, יַמָּא.  
24," וַהֲוָה, בְּמַטְּרַת צַפְרָא, וְאִסְתַּכִי יְיָ לְמַשְׁרִיתָא דְּמִצְרָאֵי, בְּעַמּוּדָא דְּאִישָׁתָא וַעֲנָנָא; וְשַׁגֵּישׁ, יָת מַשְׁרִיתָא דְּמִצְרָאֵי.  
25," וְאַעְדִּי, יָת גִּלְגְּלֵי רְתִכֵּיהוֹן, וּמְדַבְּרִין לְהוֹן, בִּתְקוֹף; וַאֲמַרוּ מִצְרָאֵי, נִעְרוֹק מִן קֳדָם יִשְׂרָאֵל--אֲרֵי דָּא הִיא גְּבוּרְתָא דַּייָ, דַּעֲבַד לְהוֹן קְרָבִין בְּמִצְרָיִם.  {פ} 
26," וַאֲמַר יְיָ לְמֹשֶׁה, אֲרֵים יָת יְדָךְ עַל יַמָּא; וִיתוּבוּן מַיָּא עַל מִצְרָאֵי, עַל רְתִכֵּיהוֹן וְעַל פָּרָשֵׁיהוֹן.  
27," וַאֲרֵים מֹשֶׁה יָת יְדֵיהּ עַל יַמָּא, וְתָב יַמָּא לְעִדָּן צַפְרָא לְתֻקְפֵיהּ, וּמִצְרָאֵי, עָרְקִין לְקַדָּמוּתֵיהּ; וְשַׁנֵּיק יְיָ יָת מִצְרָאֵי, בְּגוֹ יַמָּא.  
28," וְתָבוּ מַיָּא, וַחֲפוֹ יָת רְתִכַּיָּא וְיָת פָּרָשַׁיָּא, לְכֹל מַשְׁרְיָת פַּרְעֹה, דְּעָאלוּ בָּתְרֵיהוֹן בְּיַמָּא:  לָא אִשְׁתְּאַר בְּהוֹן, עַד חַד.  
29," וּבְנֵי יִשְׂרָאֵל הַלִּיכוּ בְּיַבֶּשְׁתָּא, בְּגוֹ יַמָּא; וּמַיָּא לְהוֹן שׁוּרִין, מִיַּמִּינְהוֹן וּמִסְּמָאלְהוֹן.  
30," וּפְרַק יְיָ בְּיוֹמָא הַהוּא, יָת יִשְׂרָאֵל--מִיְּדָא דְּמִצְרָאֵי; וַחֲזָא יִשְׂרָאֵל יָת מִצְרָאֵי, מָיְתִין עַל כֵּיף יַמָּא.  
31," וַחֲזָא יִשְׂרָאֵל יָת גְּבוּרַת יְדָא רַבְּתָא, דַּעֲבַד יְיָ בְּמִצְרָאֵי, וּדְחִילוּ עַמָּא, מִן קֳדָם יְיָ; וְהֵימִינוּ, בְּמֵימְרָא דַּייָ, וּבִנְבִיאוּת מֹשֶׁה, עַבְדֵּיהּ.  {ר}  {ש} 
<h4>15</h4>
1," בְּכֵין שַׁבַּח מֹשֶׁה וּבְנֵי יִשְׂרָאֵל יָת תֻּשְׁבַּחְתָּא הָדָא, קֳדָם יְיָ, וַאֲמַרוּ, לְמֵימַר:  נְשַׁבַּח וְנוֹדֵי קֳדָם יְיָ אֲרֵי אִתְגְּאִי עַל גֵּיוְתָנַיָּא וְגֵיאוּתָא דִּילֵיהּ הִיא, סוּסְיָא וְרָכְבֵיהּ רְמָא בְּיַמָּא.  
2," תֻּקְפִי וְתֻשְׁבַּחְתִּי דְּחִילָא יְיָ, אֲמַר בְּמֵימְרֵיהּ וַהֲוָה לִי לְפָרִיק; דֵּין אֱלָהִי וְאֶבְנֵי לֵיהּ מַקְדַּשׁ, אֱלָהָא דַּאֲבָהָתִי וְאֶפְלַח קֳדָמוֹהִי.  
3," יְיָ, מָארֵי נִצְחָן קְרָבַיָּא; יְיָ, שְׁמֵיהּ.  
4," רְתִכֵּי פַּרְעֹה וּמַשְׁרְיָתֵיהּ, שְׁדִי בְּיַמָּא; וּמִבְחַר גִּבָּרוֹהִי, אִטְּבַעוּ בְּיַמָּא דְּסוּף.  
5," תְּהוֹמַיָּא, חֲפוֹ עֲלֵיהוֹן; נְחַתוּ לְעֻמְקַיָּא, כְּאַבְנָא.  
6," יַמִּינָךְ יְיָ, אַדִּירָא בְּחֵילָא; יַמִּינָךְ יְיָ, תְּבַרַת סָנְאָה.  
7," וּבִסְגֵּי תֻּקְפָךְ, תַּבַּרְתָּנוּן לִדְקָמוּ עַל עַמָּךְ; שַׁלַּחְתְּ, רֻגְזָךְ--שֵׁיצֵינוּן, כְּנוּרָא לְקַשָּׁא.  
8," וּבְמֵימַר פֻּמָּךְ חֲכִימוּ מַיָּא, קָמוּ כְּשׁוּר אָזְלַיָּא; קְפוֹ תְּהוֹמֵי, בְּלִבָּא דְּיַמָּא.  
9," דַּהֲוָה אָמַר סָנְאָה אֶרְדּוֹף אַדְבֵּיק, אֲפַלֵּיג בִּזְּתָא; תִּסְבַּע מִנְּהוֹן נַפְשִׁי--אֶשְׁלוֹף חַרְבִּי, תְּשֵׁיצֵינוּן יְדִי.  
10," אֲמַרְתְּ בְּמֵימְרָךְ, חֲפָא עֲלֵיהוֹן יַמָּא; אִשְׁתְּקַעוּ, כַּאֲבָרָא, בְּמַיִין, תַּקִּיפִין.  
11," לֵית בָּר מִנָּךְ אַתְּ הוּא אֱלָהָא יְיָ, לֵית אֱלָהּ אֵלָא אַתְּ אַדִּיר בְּקֻדְשָׁא; דְּחִיל תֻּשְׁבְּחָן, עָבֵיד פְּרִישָׁן.  
12," אֲרֵימְתְּ, יַמִּינָךְ--בְּלַעַתְנוּן, אַרְעָא.  
13," דַּבַּרְהִי בְּטָבְוָתָךְ, לְעַמָּא דְּנָן דִּפְרַקְתָּא; דַּבַּרְהִי בְּתֻקְפָךְ, לְדֵירָא דְּקֻדְשָׁךְ.  
14," שְׁמַעוּ עַמְמַיָּא, וְזָעוּ; דַּחְלָא אֲחַדַתְנוּן, לְדַהֲווֹ יָתְבִין בִּפְלָשֶׁת.  
15," בְּכֵין אִתְבְּהִילוּ, רַבְרְבֵי אֱדוֹם--תַּקִּיפֵי מוֹאָב, אֲחַדִנּוּן רְתֵיתָא; אִתְּבַרוּ, כֹּל דַּהֲווֹ יָתְבִין בִּכְנָעַן.  
16," תִּפּוֹל עֲלֵיהוֹן אֵימְתָא וְדַחְלְתָא, בִּסְגֵּי תֻּקְפָךְ יִשְׁתְּקוּן כְּאַבְנָא:  עַד דְּיִעְבַּר עַמָּךְ יְיָ יָת אַרְנוֹנָא, עַד דְּיִעְבַּר עַמָּא דְּנָן דִּפְרַקְתָּא יָת יַרְדְּנָא.  
17," תַּעֵילִנּוּן, וְתַשְׁרֵינוּן בְּטוּרָא דְּאַחְסָנְתָךְ--אֲתַר לְבֵית שְׁכִינְתָךְ אַתְקֵינְתָּא, יְיָ; מַקְדְּשָׁא, יְיָ אַתְקְנָהִי יְדָךְ.  
18," יְיָ מַלְכוּתֵיהּ, לְעָלַם וּלְעָלְמֵי עָלְמַיָּא.  
19," אֲרֵי עָאלוּ סוּסָוָת פַּרְעֹה בִּרְתִכּוֹהִי וּבְפָרָשׁוֹהִי, בְּיַמָּא, וַאֲתֵיב יְיָ עֲלֵיהוֹן, יָת מֵי יַמָּא; וּבְנֵי יִשְׂרָאֵל הַלִּיכוּ בְּיַבֶּשְׁתָּא, בְּגוֹ יַמָּא.  {ר}  {ש} 
20," וּנְסֵיבַת מִרְיָם נְבִיאֲתָא אֲחָתֵיהּ דְּאַהֲרוֹן, יָת תֻּפָּא--בִּידַהּ; וּנְפַקָא כָּל נְשַׁיָּא בָּתְרַהָא, בְּתֻפִּין וּבְחִנְגִין.  
21," וּמְעַנְיָא לְהוֹן, מִרְיָם:  שַׁבַּחוּ וְאוֹדוֹ קֳדָם יְיָ אֲרֵי אִתְגְּאִי עַל גֵּיוְתָנַיָּא וְגֵיאוּתָא דִּילֵיהּ הִיא, סוּסְיָא וְרָכְבֵיהּ רְמָא בְּיַמָּא.  {ס} 
22," וְאַטֵּיל מֹשֶׁה יָת יִשְׂרָאֵל מִיַּמָּא דְּסוּף, וּנְפַקוּ לְמַדְבְּרָא דְּחַגְרָא; וַאֲזַלוּ תְּלָתָא יוֹמִין בְּמַדְבְּרָא, וְלָא אַשְׁכַּחוּ מַיָּא.  
23," וַאֲתוֹ לְמָרָה--וְלָא יְכִילוּ לְמִשְׁתֵּי מַיָּא מִמָּרָה, אֲרֵי מָרִירִין אִנּוּן; עַל כֵּין קְרָא שְׁמַהּ, מָרָה.  
24," וְאִתְרָעַמוּ עַמָּא עַל מֹשֶׁה לְמֵימַר, מָא נִשְׁתֵּי.  
25," וְצַלִּי קֳדָם יְיָ, וְאַלְּפֵיהּ יְיָ אָעָא, וּרְמָא לְמַיָּא, וּבְסִימוּ מַיָּא; תַּמָּן גְּזַר לֵיהּ קְיָם וְדִין, וְתַמָּן נַסְּיֵיהּ.  
26," וַאֲמַר אִם קַבָּלָא תְּקַבֵּיל לְמֵימְרָא דַּייָ אֱלָהָךְ, וּדְכָשַׁר קֳדָמוֹהִי תַּעֲבֵיד, וּתְצִית לְפִקּוֹדוֹהִי, וְתִטַּר כָּל קְיָמוֹהִי--כָּל מַרְעִין דְּשַׁוִּיתִי בְּמִצְרַיִם, לָא אֲשַׁוֵּינוּן עֲלָךְ, אֲרֵי אֲנָא יְיָ, אָסָךְ.  {ס} 
27," וַאֲתוֹ לְאֵילִים--וְתַמָּן תְּרֵי עֲסַר מַבּוּעִין דְּמַיִין, וְשִׁבְעִין דִּקְלִין; וּשְׁרוֹ תַּמָּן, עַל מַיָּא.  
<h4>16</h4>
1," וּנְטַלוּ, מֵאֵילִים, וַאֲתוֹ כָּל כְּנִשְׁתָּא דִּבְנֵי יִשְׂרָאֵל לְמַדְבְּרָא דְּסִין, דְּבֵין אֵילִים וּבֵין סִינָי--בַּחֲמֵישְׁתְּ עַסְרָא יוֹמָא לְיַרְחָא תִּנְיָנָא, לְמִפַּקְהוֹן מֵאַרְעָא דְּמִצְרָיִם.  
2," וְאִתְרָעַמוּ כָּל כְּנִשְׁתָּא דִּבְנֵי יִשְׂרָאֵל, עַל מֹשֶׁה וְעַל אַהֲרוֹן--בְּמַדְבְּרָא.  
3," וַאֲמַרוּ לְהוֹן בְּנֵי יִשְׂרָאֵל, לְוֵי דְּמֵיתְנָא קֳדָם יְיָ בְּאַרְעָא דְּמִצְרַיִם, כַּד הֲוֵינָא יָתְבִין עַל דּוּדֵי בִּסְרָא, כַּד הֲוֵינָא אָכְלִין לַחְמָא וְסָבְעִין:  אֲרֵי אַפֵּיקְתּוּן יָתַנָא לְמַדְבְּרָא הָדֵין, לְקַטָּלָא יָת כָּל קְהָלָא הָדֵין בְּכַפְנָא.  {ס} 
4," וַאֲמַר יְיָ לְמֹשֶׁה, הָאֲנָא מַחֵית לְכוֹן לַחְמָא מִן שְׁמַיָּא; וְיִפְּקוּן עַמָּא וְיִלְקְטוּן פִּתְגָם יוֹם בְּיוֹמֵיהּ, בְּדִיל דַּאֲנַסֵּינוּן הַיְהָכוּן בְּאוֹרָיְתִי אִם לָא.  
5," וִיהֵי בְּיוֹמָא שְׁתִיתָאָה, וִיתַקְּנוּן יָת דְּיַיְתוֹן; וִיהֵי עַל חַד תְּרֵין, עַל דְּיִלְקְטוּן יוֹם יוֹם.  
6," וַאֲמַר מֹשֶׁה וְאַהֲרוֹן, לְכָל בְּנֵי יִשְׂרָאֵל:  בְּרַמְשָׁא--וְתִדְּעוּן, אֲרֵי יְיָ אַפֵּיק יָתְכוֹן מֵאַרְעָא דְּמִצְרָיִם.  
7," וּבְצַפְרָא, וְתִחְזוֹן יָת יְקָרָא דַּייָ, בְּדִשְׁמִיעָן קֳדָמוֹהִי תֻּרְעֲמָתְכוֹן, עַל יְיָ; וְנַחְנָא מָא, אֲרֵי מִתְרָעֲמִתּוּן עֲלַנָא.  
8," וַאֲמַר מֹשֶׁה, בִּדְיִתֵּין יְיָ לְכוֹן בְּרַמְשָׁא בִּסְרָא לְמֵיכַל וְלַחְמָא בְּצַפְרָא לְמִסְבַּע, בְּדִשְׁמִיעָן קֳדָם יְיָ תֻּרְעֲמָתְכוֹן, דְּאַתּוּן מִתְרָעֲמִין עֲלוֹהִי; וְנַחְנָא מָא, לָא עֲלַנָא תֻּרְעֲמָתְכוֹן אֱלָהֵין עַל מֵימְרָא דַּייָ.  
9," וַאֲמַר מֹשֶׁה, לְאַהֲרוֹן, אֵימַר לְכָל כְּנִשְׁתָּא דִּבְנֵי יִשְׂרָאֵל, קְרוּבוּ קֳדָם יְיָ:  אֲרֵי שְׁמִיעָן קֳדָמוֹהִי, תֻּרְעֲמָתְכוֹן.  
10," וַהֲוָה, כַּד מַלֵּיל אַהֲרוֹן עִם כָּל כְּנִשְׁתָּא דִּבְנֵי יִשְׂרָאֵל, וְאִתְפְּנִיאוּ, לְמַדְבְּרָא; וְהָא יְקָרָא דַּייָ, אִתְגְּלִי בַּעֲנָנָא.  {פ} 
11," וּמַלֵּיל יְיָ, עִם מֹשֶׁה לְמֵימַר.  
12," שְׁמִיעַ קֳדָמַי, יָת תֻּרְעֲמָת בְּנֵי יִשְׂרָאֵל--מַלֵּיל עִמְּהוֹן לְמֵימַר בֵּין שִׁמְשַׁיָּא תֵּיכְלוּן בִּסְרָא, וּבְצַפְרָא תִּסְבְּעוּן לַחְמָא; וְתִדְּעוּן, אֲרֵי אֲנָא יְיָ אֱלָהֲכוֹן.  
13," וַהֲוָה בְּרַמְשָׁא--וּסְלֵיקַת שְׂלָיו, וַחֲפָת יָת מַשְׁרִיתָא; וּבְצַפְרָא, הֲוָת נָחֲתַת טַלָּא, סְחוֹר סְחוֹר, לְמַשְׁרִיתָא.  
14," וּסְלֵיקַת, נָחֲתַת טַלָּא; וְהָא עַל אַפֵּי מַדְבְּרָא, דַּעְדַּק מְקֻלַּף--דַּעְדַּק דְּגִיר כִּגְלִידָא, עַל אַרְעָא.  
15," וַחֲזוֹ בְּנֵי יִשְׂרָאֵל, וַאֲמַרוּ גְּבַר לְאַחוּהִי מַנָּא הוּא--אֲרֵי לָא יָדְעִין, מָא הוּא; וַאֲמַר מֹשֶׁה, לְהוֹן, הוּא לַחְמָא, דִּיהַב יְיָ לְכוֹן לְמֵיכַל.  
16," דֵּין פִּתְגָמָא, דְּפַקֵּיד יְיָ, לְקוּטוּ מִנֵּיהּ, גְּבַר לְפֹם מֵיכְלֵיהּ:  עֻמְרָא לְגֻלְגֻּלְתָּא, מִנְיַן נַפְשָׁתְכוֹן--גְּבַר לְדִבְמַשְׁכְּנֵיהּ, תִּסְּבוּן.  
17," וַעֲבַדוּ כֵּין, בְּנֵי יִשְׂרָאֵל; וּלְקַטוּ, דְּאַסְגִּי וּדְאַזְעַר.  
18," וְכָלוּ בְּעֻמְרָא--וְלָא אוֹתַר דְּאַסְגִּי, וּדְאַזְעַר לָא חֲסַר:  גְּבַר לְפֹם מֵיכְלֵיהּ, לְקַטוּ.  
19," וַאֲמַר מֹשֶׁה, לְהוֹן:  אֲנָשׁ, לָא יַשְׁאַר מִנֵּיהּ עַד צַפְרָא.  
20," וְלָא קַבִּילוּ מִן מֹשֶׁה, וְאַשְׁאַרוּ גֻּבְרַיָּא מִנֵּיהּ עַד צַפְרָא, וּרְחֵישׁ רִחְשָׁא, וּסְרִי; וּרְגֵיז עֲלֵיהוֹן, מֹשֶׁה.  
21," וּלְקַטוּ יָתֵיהּ בִּצְפַר בִּצְפַר, גְּבַר כְּפֹם מֵיכְלֵיהּ; וּמָא דְּמִשְׁתְּאַר מִנֵּיהּ עַל אַפֵּי חַקְלָא כַּד חֲמָא עֲלוֹהִי שִׁמְשָׁא, פָּשַׁר.  
22," וַהֲוָה בְּיוֹמָא שְׁתִיתָאָה, לְקַטוּ לַחְמָא עַל חַד תְּרֵין--תְּרֵין עֻמְרִין, לְחַד; וַאֲתוֹ כָּל רַבְרְבֵי כְּנִשְׁתָּא, וְחַוִּיאוּ לְמֹשֶׁה.  
23," וַאֲמַר לְהוֹן, הוּא דְּמַלֵּיל יְיָ--שַׁבָּא שַׁבָּתָא קֻדְשָׁא קֳדָם יְיָ, מְחַר:  יָת דְּאַתּוּן עֲתִידִין לְמֵיפָא אֵיפוֹ, וְיָת דְּאַתּוּן עֲתִידִין לְבַשָּׁלָא בַּשִּׁילוּ, וְיָת כָּל מוֹתָרָא, אַצְנַעוּ לְכוֹן לְמַטְּרָא עַד צַפְרָא.  
24," וְאַצְנַעוּ יָתֵיהּ עַד צַפְרָא, כְּמָא דְּפַקֵּיד מֹשֶׁה; וְלָא סְרִי, וְרִחְשָׁא לָא הֲוָת בֵּיהּ.  
25," וַאֲמַר מֹשֶׁה אִכְלוּהִי יוֹמָא דֵּין, אֲרֵי שַׁבְּתָא יוֹמָא דֵּין קֳדָם יְיָ:  יוֹמָא דֵּין, לָא תַּשְׁכְּחוּנֵּיהּ בְּחַקְלָא.  
26," שִׁתָּא יוֹמִין, תִּלְקְטוּנֵּיהּ; וּבְיוֹמָא שְׁבִיעָאָה שַׁבְּתָא, לָא יְהֵי בֵּיהּ.  
27," וַהֲוָה בְּיוֹמָא שְׁבִיעָאָה, נְפַקוּ מִן עַמָּא לְמִלְקַט; וְלָא, אַשְׁכַּחוּ.  {ס} 
28," וַאֲמַר יְיָ, לְמֹשֶׁה:  עַד אִמַּתִּי, אַתּוּן מְסָרְבִין, לְמִטַּר פִּקּוֹדַי, וְאוֹרָיְתָי.  
29," חֲזוֹ, אֲרֵי יְיָ יְהַב לְכוֹן שַׁבְּתָא--עַל כֵּין הוּא יָהֵיב לְכוֹן בְּיוֹמָא שְׁתִיתָאָה, לְחֵים תְּרֵין יוֹמִין; תִּיבוּ אֲנָשׁ תְּחוֹתוֹהִי, לָא יִפּוֹק אֲנָשׁ מֵאַתְרֵיהּ--בְּיוֹמָא שְׁבִיעָאָה.  
30," וּשְׁבַתוּ עַמָּא, בְּיוֹמָא שְׁבִיעָאָה.  
31," וּקְרוֹ בֵּית יִשְׂרָאֵל יָת שְׁמֵיהּ, מַנָּא; וְהוּא, כְּבַר זְרַע גִּדָּא חִיוָר, וְטַעֲמֵיהּ, כְּאִסְקְרִיטָוָן בִּדְבַשׁ.  
32," וַאֲמַר מֹשֶׁה, דֵּין פִּתְגָמָא דְּפַקֵּיד יְיָ--מְלֵי עֻמְרָא מִנֵּיהּ, לְמַטְּרָא לְדָרֵיכוֹן:  בְּדִיל דְּיִחְזוֹן יָת לַחְמָא, דְּאוֹכֵילִית יָתְכוֹן בְּמַדְבְּרָא, בְּאַפָּקוּתִי יָתְכוֹן, מֵאַרְעָא דְּמִצְרָיִם.  
33," וַאֲמַר מֹשֶׁה לְאַהֲרוֹן, סַב צְלוֹחִית חֲדָא, וְהַב תַּמָּן מְלֵי עֻמְרָא, מַנָּא; וְאַצְנַע יָתֵיהּ קֳדָם יְיָ, לְמַטְּרָא לְדָרֵיכוֹן.  
34," כְּמָא דְּפַקֵּיד יְיָ, לְמֹשֶׁה; וְאַצְנְעֵיהּ אַהֲרוֹן קֳדָם סָהֲדוּתָא, לְמַטְּרָא.  
35," וּבְנֵי יִשְׂרָאֵל, אֲכַלוּ יָת מַנָּא אַרְבְּעִין שְׁנִין--עַד דְּעָאלוּ, לַאֲרַע יָתֵיבְתָּא:  יָת מַנָּא, אֲכַלוּ--עַד דַּאֲתוֹ, לִסְיָפֵי אַרְעָא דִּכְנָעַן.  
36," וְעֻמְרָא, חַד מִן עַסְרָא בִּתְלָת סְאִין הוּא.  {פ} 
<h4>17</h4>
1," וּנְטַלוּ כָּל כְּנִשְׁתָּא דִּבְנֵי יִשְׂרָאֵל מִמַּדְבְּרָא דְּסִין, לְמַטְּלָנֵיהוֹן--עַל מֵימְרָא דַּייָ; וּשְׁרוֹ, בִּרְפִידִים, וְלֵית מַיָּא, לְמִשְׁתֵּי עַמָּא.  
2," וּנְצָא עַמָּא, עִם מֹשֶׁה, וַאֲמַרוּ, הַבוּ לַנָא מַיָּא וְנִשְׁתֵּי; וַאֲמַר לְהוֹן, מֹשֶׁה, מָא נָצַן אַתּוּן עִמִּי, מָא מְנַסַּן אַתּוּן קֳדָם יְיָ.  
3," וּצְהִי תַּמָּן עַמָּא לְמַיָּא, וְאִתְרָעַם עַמָּא עַל מֹשֶׁה; וַאֲמַר, לְמָא דְּנָן אַסֵּיקְתַּנָא מִמִּצְרַיִם, לְקַטָּלָא יָתִי וְיָת בְּנַי וְיָת בְּעִירַי, בְּצָהוּתָא.  
4," וְצַלִּי מֹשֶׁה קֳדָם יְיָ לְמֵימַר, מָא אַעֲבֵיד לְעַמָּא הָדֵין; עוֹד זְעֵיר פּוֹן, וְרַגְמוּנִי.  
5," וַאֲמַר יְיָ לְמֹשֶׁה, עֲבַר קֳדָם עַמָּא, וְסַב עִמָּךְ, מִסָּבֵי יִשְׂרָאֵל; וְחֻטְרָךְ, דִּמְחֵיתָא בֵּיהּ יָת נַהְרָא--סַב בִּידָךְ, וְתֵיזֵיל.  
6," הָאֲנָא קָאֵים קֳדָמָךְ תַּמָּן עַל טִנָּרָא, בְּחוֹרֵב, וְתִמְחֵי בְּטִנָּרָא וְיִפְּקוּן מִנֵּיהּ מַיָּא, וְיִשְׁתֵּי עַמָּא; וַעֲבַד כֵּין מֹשֶׁה, לְעֵינֵי סָבֵי יִשְׂרָאֵל.  
7," וּקְרָא שְׁמֵיהּ דְּאַתְרָא, נִסֵּיתָא וּמַצּוּתָא:  עַל דִּנְצוֹ בְּנֵי יִשְׂרָאֵל, וְעַל דְּנַסִּיאוּ קֳדָם יְיָ לְמֵימַר, הַאִית שְׁכִינְתָא דַּייָ בֵּינַנָא, אִם לָא.  {פ} 
8," וַאֲתָא, עֲמָלֵק; וַאֲגִיחַ קְרָבָא עִם יִשְׂרָאֵל, בִּרְפִידִים.  
9," וַאֲמַר מֹשֶׁה לִיהוֹשׁוּעַ בְּחַר לַנָא גֻּבְרִין, וּפוֹק אֲגִיחַ קְרָבָא בַּעֲמָלֵק; מְחַר, אֲנָא קָאֵים עַל רֵישׁ רָמְתָא, וְחֻטְרָא דְּאִתְעֲבִידוּ בֵּיהּ נִסִּין מִן קֳדָם יְיָ, בִּידִי.  
10," וַעֲבַד יְהוֹשׁוּעַ, כְּמָא דַּאֲמַר לֵיהּ מֹשֶׁה--לְאָגָחָא קְרָבָא, בַּעֲמָלֵק; וּמֹשֶׁה אַהֲרוֹן וְחוּר, סְלִיקוּ לְרֵישׁ רָמְתָא.  
11," וְהָוֵי, כַּד מָרֵים מֹשֶׁה יְדוֹהִי--מִתְגַּבְּרִין דְּבֵית יִשְׂרָאֵל; וְכַד מַנַּח יְדוֹהִי, מִתְגַּבְּרִין דְּבֵית עֲמָלֵק.  
12," וִידֵי מֹשֶׁה יְקַרָא, וּנְסִיבוּ אַבְנָא וְשַׁוִּיאוּ תְּחוֹתוֹהִי וִיתֵיב עֲלַהּ; וְאַהֲרוֹן וְחוּר סְעִידִין בִּידוֹהִי, מִכָּא חַד וּמִכָּא חַד, וַהֲוַאָה יְדוֹהִי פְּרִיסָן בִּצְלוֹ, עַד דְּעָאל שִׁמְשָׁא.  
13," וְתַבַּר יְהוֹשׁוּעַ יָת עֲמָלֵק וְיָת עַמֵּיהּ, לְפִתְגָם דְּחָרֶב.  {פ} 
14," וַאֲמַר יְיָ לְמֹשֶׁה, כְּתוֹב דָּא דֻּכְרָנָא בְּסִפְרָא, וְשַׁו, קֳדָם יְהוֹשׁוּעַ:  אֲרֵי מִמְחָא אֶמְחֵי יָת דֻּכְרָנֵיהּ דַּעֲמָלֵק, מִתְּחוֹת שְׁמַיָּא.  
15," וּבְנָא מֹשֶׁה, מַדְבְּחָא; וּפְלַח עֲלוֹהִי, קֳדָם יְיָ דַּעֲבַד לֵיהּ נִסִּין.  
16," וַאֲמַר, בִּשְׁבוּעָה אֲמִירָא דָּא מִן קֳדָם דְּחִילָא דִּשְׁכִינְתֵיהּ עַל כֻּרְסֵי יְקָרָא, דַּעֲתִיד דְּיִתָּגַח קְרָבָא קֳדָם יְיָ, בִּדְבֵית עֲמָלֵק--לְשֵׁיצָיוּתְהוֹן, מִדָּרֵי עָלְמָא.  {פ} 
<h4>18</h4>
1," וּשְׁמַע יִתְרוֹ רַבָּא דְּמִדְיָן, חֲמוּהִי דְּמֹשֶׁה, יָת כָּל דַּעֲבַד יְיָ לְמֹשֶׁה, וּלְיִשְׂרָאֵל עַמֵּיהּ:  אֲרֵי אַפֵּיק יְיָ יָת יִשְׂרָאֵל, מִמִּצְרָיִם.  
2," וּדְבַר, יִתְרוֹ חֲמוּהִי דְּמֹשֶׁה, יָת צִפּוֹרָה, אִתַּת מֹשֶׁה--בָּתַר, דְּשַׁלְּחַהּ.  
3," וְיָת, תְּרֵין בְּנַהָא:  דְּשׁוֹם חַד, גֵּרְשׁוֹם--אֲרֵי אֲמַר, דַּיָּר הֲוֵיתִי בַּאֲרַע נֻכְרָאָה.  
4," וְשׁוֹם חַד, אֱלִיעֶזֶר--אֲרֵי אֱלָהֵיהּ דְּאַבָּא הֲוָה בְּסַעֲדִי, וְשֵׁיזְבַנִי מֵחַרְבָּא דְּפַרְעֹה.  
5," וַאֲתָא יִתְרוֹ חֲמוּהִי דְּמֹשֶׁה, וּבְנוֹהִי וְאִתְּתֵיהּ--לְוָת מֹשֶׁה:  לְמַדְבְּרָא, דְּהוּא שָׁרֵי תַּמָּן--לְטוּרָא דְּאִתְגְּלִי עֲלוֹהִי יְקָרָא דַּייָ.  
6," וַאֲמַר, לְמֹשֶׁה, אֲנָא חֲמוּךְ יִתְרוֹ, אָתֵי לְוָתָךְ; וְאִתְּתָךְ--וּתְרֵין בְּנַהָא, עִמַּהּ.  
7," וּנְפַק מֹשֶׁה לְקַדָּמוּת חֲמוּהִי, וּסְגֵיד וְנַשֵּׁיק לֵיהּ, וּשְׁאִילוּ גְּבַר לְחַבְרֵיהּ, לִשְׁלָם; וְעָאלוּ, לְמַשְׁכְּנָא.  
8," וְאִשְׁתַּעִי מֹשֶׁה, לַחֲמוּהִי, יָת כָּל דַּעֲבַד יְיָ לְפַרְעֹה וּלְמִצְרָאֵי, עַל עֵיסַק יִשְׂרָאֵל:  יָת כָּל עָקְתָא דְּאַשְׁכַּחַתְנוּן בְּאוֹרְחָא, וְשֵׁיזֵיבִנּוּן יְיָ.  
9," וַחְדִּי יִתְרוֹ--עַל כָּל טָבְתָא, דַּעֲבַד יְיָ לְיִשְׂרָאֵל:  דְּשֵׁיזֵיבִנּוּן, מִיְּדָא דְּמִצְרָאֵי.  
10," וַאֲמַר, יִתְרוֹ, בְּרִיךְ יְיָ, דְּשֵׁיזֵיב יָתְכוֹן מִיְּדָא דְּמִצְרָאֵי וּמִיְּדָא דְּפַרְעֹה:  דְּשֵׁיזֵיב יָת עַמָּא, מִתְּחוֹת מַרְוַת מִצְרָאֵי.  
11," כְּעַן יָדַעְנָא, אֲרֵי רָב יְיָ וְלֵית אֱלָהּ בָּר מִנֵּיהּ:  אֲרֵי בְּפִתְגָמָא, דְּחַשִּׁיבוּ מִצְרָאֵי לִמְדָּן יָת יִשְׂרָאֵל בֵּיהּ דָּנִנּוּן.  
12," וְקָרֵיב יִתְרוֹ חֲמוּהִי דְּמֹשֶׁה, עֲלָוָן וְנִכְסַת קֻדְשִׁין--קֳדָם יְיָ; וַאֲתָא אַהֲרוֹן וְכֹל סָבֵי יִשְׂרָאֵל, לְמֵיכַל לַחְמָא עִם חֲמוּהִי דְּמֹשֶׁה--קֳדָם יְיָ.  
13," וַהֲוָה, בְּיוֹמָא דְּבָתְרוֹהִי, וִיתֵיב מֹשֶׁה, לִמְדָּן יָת עַמָּא; וְקָם עַמָּא עִלָּווֹהִי דְּמֹשֶׁה, מִן צַפְרָא עַד רַמְשָׁא.  
14," וַחֲזָא חֲמוּהִי דְּמֹשֶׁה, יָת כָּל דְּהוּא עָבֵיד לְעַמָּא; וַאֲמַר, מָא פִּתְגָמָא הָדֵין דְּאַתְּ עָבֵיד לְעַמָּא--מָדֵין אַתְּ יָתֵיב בִּלְחוֹדָךְ, וְכָל עַמָּא קָיְמִין עִלָּוָךְ מִן צַפְרָא עַד רַמְשָׁא.  
15," וַאֲמַר מֹשֶׁה, לַחֲמוּהִי:  אֲרֵי אָתַן לְוָתִי עַמָּא, לְמִתְבַּע אֻלְפָן מִן קֳדָם יְיָ.  
16," כַּד הָוֵי לְהוֹן דִּינָא, אָתַן לְוָתִי, וְדָאֵינְנָא, בֵּין גֻּבְרָא וּבֵין חַבְרֵיהּ; וּמְהוֹדַעְנָא לְהוֹן יָת קְיָמַיָּא דַּייָ, וְיָת אוֹרָיָתֵיהּ.  
17," וַאֲמַר חֲמוּהִי דְּמֹשֶׁה, לֵיהּ:  לָא תָּקֵין, פִּתְגָמָא, דְּאַתְּ, עָבֵיד.  
18," מִלְאָה תִּלְאֵי--אַף אַתְּ, אַף עַמָּא הָדֵין דְּעִמָּךְ:  אֲרֵי יַקִּיר מִנָּךְ פִּתְגָמָא, לָא תִּכּוֹל לְמֶעְבְּדֵיהּ בִּלְחוֹדָךְ.  
19," כְּעַן קַבֵּיל מִנִּי, אַמְלְכִנָּךְ, וִיהֵי מֵימְרָא דַּייָ, בְּסַעֲדָךְ; הֱוִי אַתְּ לְעַמָּא, תָּבַע אֻלְפָן מִן קֳדָם יְיָ, וּתְהֵי מֵיתֵי אַתְּ יָת פִּתְגָמַיָּא, לִקְדָם יְיָ.  
20," וְתַזְהַר יָתְהוֹן, יָת קְיָמַיָּא וְיָת אוֹרָיָתָא; וּתְהוֹדַע לְהוֹן, יָת אוֹרְחָא דִּיהָכוּן בַּהּ, וְיָת עוּבָדָא, דְּיַעְבְּדוּן.  
21," וְאַתְּ תִּחְזֵי מִכָּל עַמָּא גֻּבְרִין דְּחֵילָא דָּחֲלַיָּא דַּייָ, גֻּבְרִין דִּקְשׁוֹט--דְּסָנַן לְקַבָּלָא מָמוֹן; וּתְמַנֵּי עֲלֵיהוֹן, רַבָּנֵי אַלְפֵי רַבָּנֵי מָאוָתָא, רַבָּנֵי חַמְשִׁין, וְרַבָּנֵי עֲסוֹרְיָתָא.  
22," וִידִינוּן יָת עַמָּא, בְּכָל עִדָּן, וִיהֵי כָּל פִּתְגָם רַב יַיְתוֹן לְוָתָךְ, וְכָל פִּתְגָם זְעֵיר יְדִינוּן אִנּוּן; וְיֵיקְלוּן, מִנָּךְ, וִיסוֹבְרוּן, עִמָּךְ.  
23," אִם יָת פִּתְגָמָא הָדֵין, תַּעֲבֵיד, וִיפַקְּדִנָּךְ יְיָ, וְתִכּוֹל לִמְקָם; וְאַף כָּל עַמָּא הָדֵין, עַל אַתְרֵיהּ יְהָךְ בִּשְׁלָם.  
24," וְקַבֵּיל מֹשֶׁה, לְמֵימַר חֲמוּהִי; וַעֲבַד, כֹּל דַּאֲמַר.  
25," וּבְחַר מֹשֶׁה גֻּבְרִין דְּחֵילָא מִכָּל יִשְׂרָאֵל, וּמַנִּי יָתְהוֹן רֵישִׁין עַל עַמָּא--רַבָּנֵי אַלְפֵי רַבָּנֵי מָאוָתָא, רַבָּנֵי חַמְשִׁין וְרַבָּנֵי עֲסוֹרְיָתָא.  
26," וְדָיְנִין יָת עַמָּא, בְּכָל עִדָּן:  יָת פִּתְגָם קְשֵׁי מֵיתַן לְוָת מֹשֶׁה, וְכָל פִּתְגָם זְעֵיר דָּיְנִין אִנּוּן.  
27," וְשַׁלַּח מֹשֶׁה, יָת חֲמוּהִי; וַאֲזַל לֵיהּ, לְאַרְעֵיהּ.  {פ} 
<h4>19</h4>
1," בְּיַרְחָא, תְּלִיתָאָה, לְמִפַּק בְּנֵי יִשְׂרָאֵל, מֵאַרְעָא דְּמִצְרָיִם--בְּיוֹמָא הָדֵין, אֲתוֹ לְמַדְבְּרָא דְּסִינָי.  
2," וּנְטַלוּ מֵרְפִידִים, וַאֲתוֹ לְמַדְבְּרָא דְּסִינַי, וּשְׁרוֹ, בְּמַדְבְּרָא; וּשְׁרָא תַּמָּן יִשְׂרָאֵל, לָקֳבֵיל טוּרָא.  
3," וּמֹשֶׁה סְלֵיק, לִקְדָם יְיָ; וּקְרָא לֵיהּ יְיָ, מִן טוּרָא לְמֵימַר, כְּדֵין תֵּימַר לְבֵית יַעֲקוֹב, וּתְחַוֵּי לִבְנֵי יִשְׂרָאֵל.  
4," אַתּוּן חֲזֵיתוֹן, דַּעֲבַדִית לְמִצְרָאֵי; וְנַטֵּילִית יָתְכוֹן כִּד עַל גַּדְפֵּי נִשְׁרִין, וְקָרֵיבִית יָתְכוֹן לְפֻלְחָנִי.  
5," וּכְעַן, אִם קַבָּלָא תְּקַבְּלוּן לְמֵימְרִי, וְתִטְּרוּן, יָת קְיָמִי--וּתְהוֹן קֳדָמַי חַבִּיבִין מִכָּל עַמְמַיָּא, אֲרֵי דִּילִי כָּל אַרְעָא.  
6," וְאַתּוּן תְּהוֹן קֳדָמַי מַלְכִין כָּהֲנִין, וְעַם קַדִּישׁ:  אִלֵּין, פִּתְגָמַיָּא, דִּתְמַלֵּיל, עִם בְּנֵי יִשְׂרָאֵל.  
7," וַאֲתָא מֹשֶׁה, וּקְרָא לְסָבֵי עַמָּא; וְסַדַּר קֳדָמֵיהוֹן, יָת כָּל פִּתְגָמַיָּא הָאִלֵּין, דְּפַקְּדֵיהּ, יְיָ.  
8," וַאֲתִיבוּ כָּל עַמָּא כַּחְדָּא וַאֲמַרוּ, כֹּל דְּמַלֵּיל יְיָ נַעֲבֵיד; וַאֲתֵיב מֹשֶׁה יָת פִּתְגָמֵי עַמָּא, לִקְדָם יְיָ.  
9," וַאֲמַר יְיָ לְמֹשֶׁה, הָא אֲנָא מִתְגְּלֵי לָךְ בְּעֵיבָא דַּעֲנָנָא, בְּדִיל דְּיִשְׁמַע עַמָּא בְּמַלָּלוּתִי עִמָּךְ, וְאַף בָּךְ יְהֵימְנוּן לְעָלַם; וְחַוִּי מֹשֶׁה יָת פִּתְגָמֵי עַמָּא, לִקְדָם יְיָ.  
10," וַאֲמַר יְיָ לְמֹשֶׁה אִיזֵיל לְוָת עַמָּא, וּתְזָמֵינִנּוּן יוֹמָא דֵּין וּמְחַר; וִיחַוְּרוּן, לְבוּשֵׁיהוֹן.  
11," וִיהוֹן זְמִינִין, לְיוֹמָא תְּלִיתָאָה:  אֲרֵי בְּיוֹמָא תְּלִיתָאָה, יִתְגְּלֵי יְיָ לְעֵינֵי כָּל עַמָּא--עַל טוּרָא דְּסִינָי.  
12," וּתְתַּחֵים יָת עַמָּא סְחוֹר סְחוֹר לְמֵימַר, אִסְתְּמַרוּ לְכוֹן מִלְּמִסַּק בְּטוּרָא וּלְמִקְרַב בְּסוֹפֵיהּ:  כָּל דְּיִקְרַב בְּטוּרָא, אִתְקְטָלָא יִתְקְטִיל.  
13," לָא תִּקְרַב בֵּיהּ יַד, אֲרֵי אִתְרְגָמָא יִתְרְגֵים אוֹ אִשְׁתְּדָאָה יִשְׁתְּדֵי--אִם בְּעִירָא אִם אֲנָשָׁא, לָא יִתְקַיַּם; בְּמֵיגַד, שׁוֹפָרָא, אִנּוּן, מֻרְשַׁן לְמִסַּק בְּטוּרָא.  
14," וּנְחַת מֹשֶׁה מִן טוּרָא, לְוָת עַמָּא; וְזָמֵין, יָת עַמָּא, וְחַוַּרוּ, לְבוּשֵׁיהוֹן.  
15," וַאֲמַר, לְעַמָּא, הֲווֹ זְמִינִין, לִתְלָתָא יוֹמִין:  לָא תִּקְרְבוּן, לְצַד אִתְּתָא.  
16," וַהֲוָה בְּיוֹמָא תְּלִיתָאָה בְּמִהְוֵי צַפְרָא, וַהֲווֹ קָלִין וּבַרְקִין וַעֲנָנָא תַּקִּיף עַל טוּרָא, וְקָל שׁוֹפָרָא, תַּקִּיף לַחְדָּא; וְזָע כָּל עַמָּא, דִּבְמַשְׁרִיתָא.  
17," וְאַפֵּיק מֹשֶׁה יָת עַמָּא לְקַדָּמוּת מֵימְרָא דַּייָ, מִן מַשְׁרִיתָא; וְאִתְעַתַּדוּ, בְּשִׁפּוֹלֵי טוּרָא.  
18," וְטוּרָא דְּסִינַי, תָּנַן כֻּלֵּיהּ, מִן קֳדָם דְּאִתְגְּלִי עֲלוֹהִי יְיָ, בְּאִישָׁתָא; וּסְלֵיק תַּנְנֵיהּ כְּתַנְנָא דְּאַתּוּנָא, וְזָע כָּל טוּרָא לַחְדָּא.  
19," וַהֲוָה קָל שׁוֹפָרָא, אָזֵיל וְתָקֵיף לַחְדָּא; מֹשֶׁה מְמַלֵּיל, וּמִן קֳדָם יְיָ מִתְעֲנֵי לֵיהּ בְּקָל.  
20," וְאִתְגְּלִי יְיָ עַל טוּרָא דְּסִינַי, לְרֵישׁ טוּרָא; וּקְרָא יְיָ לְמֹשֶׁה לְרֵישׁ טוּרָא, וּסְלֵיק מֹשֶׁה.  
21," וַאֲמַר יְיָ לְמֹשֶׁה, חוֹת אַסְהֵיד בְּעַמָּא:  דִּלְמָא יְפַגְּרוּן קֳדָם יְיָ לְמִחְזֵי, וְיִפּוֹל מִנְּהוֹן סַגִּי.  
22," וְאַף כָּהֲנַיָּא דְּקָרִיבִין לְשַׁמָּשָׁא קֳדָם יְיָ, יִתְקַדְּשׁוּן:  דִּלְמָא יִקְטוֹל בְּהוֹן, יְיָ.  
23," וַאֲמַר מֹשֶׁה, קֳדָם יְיָ, לָא יִכּוֹל עַמָּא, לְמִסַּק לְטוּרָא דְּסִינָי:  אֲרֵי אַתְּ אַסְהֵידְתְּ בַּנָא, לְמֵימַר, תַּחֵים יָת טוּרָא, וְקַדֵּישְׁהִי.  
24," וַאֲמַר לֵיהּ יְיָ אִיזֵיל חוֹת, וְתִסַּק אַתְּ וְאַהֲרוֹן עִמָּךְ; וְכָהֲנַיָּא וְעַמָּא, לָא יְפַגְּרוּן לְמִסַּק לִקְדָם יְיָ--דִּלְמָא יִקְטוֹל בְּהוֹן.  
25," וּנְחַת מֹשֶׁה, לְוָת עַמָּא; וַאֲמַר, לְהוֹן.  {ס} 
<h4>20</h4>
1," וּמַלֵּיל יְיָ, יָת כָּל פִּתְגָמַיָּא הָאִלֵּין לְמֵימַר.  {ס} 
2," אֲנָא יְיָ אֱלָהָךְ, דְּאַפֵּיקְתָּךְ מֵאַרְעָא דְּמִצְרַיִם מִבֵּית עַבְדוּתָא:  לָא יִהְוֵי לָךְ אֱלָהּ אָחֳרָן, בָּר מִנִּי.  
3," לָא תַּעֲבֵיד לָךְ צֵילַם, וְכָל דְּמוּ, דְּבִשְׁמַיָּא מִלְּעֵילָא, וְדִבְאַרְעָא מִלְּרַע--וְדִבְמַיָּא, מִלְּרַע לְאַרְעָא.  
4," לָא תִּסְגּוֹד לְהוֹן, וְלָא תִּפְלְחִנִּין:  אֲרֵי אֲנָא יְיָ אֱלָהָךְ, אֵל קַנָּא--מַסְעַר חוֹבֵי אֲבָהָן עַל בְּנִין מָרָדִין עַל דָּר תְּלִיתַאי וְעַל דָּר רְבִיעַאי, לְסָנְאָי כַּד מַשְׁלְמִין בְּנַיָּא לְמִחְטֵי בָּתַר אֲבָהָתְהוֹן.  
5," וְעָבֵיד טֵיבוּ, לְאַלְפֵי דָּרִין--לְרָחֲמַי, וּלְנָטְרֵי פִּקּוֹדָי.  {ס} 
6," לָא תֵּימֵי בִּשְׁמָא דַּייָ אֱלָהָךְ, לְמַגָּנָא:  אֲרֵי לָא יְזַכֵּי יְיָ, יָת דְּיֵימֵי בִּשְׁמֵיהּ לְשִׁקְרָא.  {פ} 
7," הֱוִי דָּכִיר יָת יוֹמָא דְּשַׁבְּתָא, לְקַדָּשׁוּתֵיהּ.  
8," שִׁתָּא יוֹמִין תִּפְלַח, וְתַעֲבֵיד כָּל עֲבִידְתָךְ.  
9," וְיוֹמָא, שְׁבִיעָאָה--שַׁבְּתָא, קֳדָם יְיָ אֱלָהָךְ:  לָא תַּעֲבֵיד כָּל עֲבִידָא אַתְּ וּבְרָךְ וּבְרַתָּךְ, עַבְדָּךְ וְאַמְתָּךְ וּבְעִירָךְ, וְגִיּוֹרָךְ, דִּבְקִרְוָךְ.  
10," אֲרֵי שִׁתָּא יוֹמִין עֲבַד יְיָ יָת שְׁמַיָּא וְיָת אַרְעָא, יָת יַמָּא וְיָת כָּל דִּבְהוֹן, וְנָח, בְּיוֹמָא שְׁבִיעָאָה; עַל כֵּין, בָּרֵיךְ יְיָ יָת יוֹמָא דְּשַׁבְּתָא--וְקַדְּשֵׁיהּ.  {ס} 
11," יַקַּר יָת אֲבוּךְ, וְיָת אִמָּךְ--בְּדִיל, דְּיֵירְכוּן יוֹמָךְ, עַל אַרְעָא, דַּייָ אֱלָהָךְ יָהֵיב לָךְ.  {ס} 
12," לָא תִּקְטוּל נְפַשׁ,  {ס}  לָא תְּגוּף;  {ס}  לָא תִּגְנוּב,  {ס}  לָא תַּסְהֵיד בְּחַבְרָךְ סָהֲדוּתָא דְּשִׁקְרָא.  {ס} 
13," לָא תַּחְמֵיד, בֵּית חַבְרָךְ;  {ס}  לָא תַּחְמֵיד אִתַּת חַבְרָךְ, וְעַבְדֵּיהּ וְאַמְתֵּיהּ וְתוֹרֵיהּ וּחְמָרֵיהּ, וְכֹל, דִּלְחַבְרָךְ.  {פ} 
14," וְכָל עַמָּא חָזַן יָת קָלַיָּא וְיָת בָּעוֹרַיָּא, וְיָת קָל שׁוֹפָרָא, וְיָת טוּרָא, דְּתָנַן; וַחֲזָא עַמָּא וְזָעוּ, וְקָמוּ מֵרַחִיק.  
15," וַאֲמַרוּ, לְמֹשֶׁה, מַלֵּיל אַתְּ עִמַּנָא, וּנְקַבֵּיל; וְלָא יִתְמַלַּל עִמַּנָא מִן קֳדָם יְיָ, דִּלְמָא נְמוּת.  
16," וַאֲמַר מֹשֶׁה לְעַמָּא, לָא תִּדְחֲלוּן, אֲרֵי בְּדִיל לְנַסָּאָה יָתְכוֹן, אִתְגְּלִי לְכוֹן יְקָרָא דַּייָ; וּבְדִיל, דִּתְהֵי דַּחְלְתֵיהּ עַל אַפֵּיכוֹן--בְּדִיל דְּלָא תְּחוּבוּן.  
17," וְקָם עַמָּא, מֵרַחִיק; וּמֹשֶׁה קְרֵיב לְצַד אֲמִטְּתָא, דְּתַמָּן יְקָרָא דַּייָ.  {ס} 
18," וַאֲמַר יְיָ לְמֹשֶׁה, כִּדְנָן תֵּימַר לִבְנֵי יִשְׂרָאֵל:  אַתּוּן חֲזֵיתוֹן--אֲרֵי מִן שְׁמַיָּא, מַלֵּילִית עִמְּכוֹן.  
19," לָא תַּעְבְּדוּן, קֳדָמָי:  דַּחְלָן דִּכְסַף וְדַחְלָן דִּדְהַב, לָא תַּעְבְּדוּן לְכוֹן.  
20," מַדְבַּח אֲדַמְתָּא, תַּעֲבֵיד קֳדָמַי, וּתְהֵי דָּבַח עֲלוֹהִי יָת עֲלָוָתָךְ וְיָת נִכְסַת קֻדְשָׁךְ, מִן עָנָךְ וּמִן תּוֹרָךְ; בְּכָל אֲתַר דְּאַשְׁרֵי שְׁכִינְתִי, לְתַמָּן אֶשְׁלַח בִּרְכְתִי לָךְ וַאֲבָרְכִנָּךְ.  
21," וְאִם מַדְבַּח אַבְנִין תַּעֲבֵיד קֳדָמַי, לָא תִּבְנֵי יָתְהוֹן פְּסִילָן:  דִּלְמָא תְּרִים חַרְבָּךְ עֲלַהּ, וְתַחֲלִנַּהּ.  
22," וְלָא תִּסַּק בְּדַרְגִּין, עַל מַדְבְּחִי:  דְּלָא תִּתְגַּלֵּי עַרְיְתָךְ, עֲלוֹהִי.  {פ} 
23," - - - 
24," - - - 
25," - - - 
26," - - - 
<h4>21</h4>
1," וְאִלֵּין, דִּינַיָּא, דְּתַסְדַּר, קֳדָמֵיהוֹן.  
2," אֲרֵי תִּזְבּוֹן עַבְדָּא בַּר יִשְׂרָאֵל, שֵׁית שְׁנִין יִפְלַח; וּבִשְׁבִיעֵיתָא--יִפּוֹק לְבַר חוֹרִין, מַגָּן.  
3," אִם בִּלְחוֹדוֹהִי יֵיעוֹל, בִּלְחוֹדוֹהִי יִפּוֹק; אִם בְּעֵיל אִתְּתָא הוּא, וְתִפּוֹק אִתְּתֵיהּ עִמֵּיהּ.  
4," אִם רִבּוֹנֵיהּ יִתֵּין לֵיהּ אִתְּתָא, וּתְלִיד לֵיהּ בְּנִין אוֹ בְּנָן--אִתְּתָא וּבְנַהָא, תְּהֵי לְרִבּוֹנַהּ, וְהוּא, יִפּוֹק בִּלְחוֹדוֹהִי.  
5," וְאִם מֵימָר יֵימַר, עַבְדָּא, רָחֵימְנָא יָת רִבּוֹנִי, יָת אִתְּתִי וְיָת בְּנָי; לָא אֶפּוֹק, בַּר חוֹרִין.  
6," וִיקָרְבִנֵּיהּ רִבּוֹנֵיהּ, לִקְדָם דַּיָּנַיָּא, וִיקָרְבִנֵּיהּ לְוָת דַּשָּׁא, אוֹ דִּלְוָת מְזוּזְתָא; וְיַרְצַע רִבּוֹנֵיהּ יָת אֻדְנֵיהּ בְּמַרְצְעָא, וִיהֵי לֵיהּ עֶבֶד פָּלַח לְעָלַם.  {ס} 
7," וַאֲרֵי יְזַבֵּין גְּבַר יָת בְּרַתֵּיהּ, לְאַמְהוּ--לָא תִּפּוֹק, כְּמַפְּקָנוּת עַבְדַיָּא.  
8," אִם בִּישָׁת בְּעֵינֵי רִבּוֹנַהּ, דִּיקַיְּמַהּ לֵיהּ--וְיִפְרְקִנַּהּ:  לִגְבַר אָחֳרָן לֵית לֵיהּ רְשׁוּ לְזַבּוֹנַהּ, בְּמִשְׁלְטֵיהּ בַּהּ.  
9," וְאִם לִבְרֵיהּ, יְקַיְּמִנַּהּ--כְּהִלְכָּת בְּנָת יִשְׂרָאֵל, יַעֲבֵיד לַהּ.  
10," אִם אֻחְרָנְתָא, יִסַּב לֵיהּ--זִיּוּנַהּ כְּסוּתַהּ וְעָנְתַהּ, לָא יִמְנַע.  
11," וְאִם תְּלָת אִלֵּין--לָא יַעֲבֵיד, לַהּ:  וְתִפּוֹק מַגָּן, דְּלָא כְּסַף.  {ס} 
12," דְּיִמְחֵי לַאֲנָשׁ וְיִקְטְלִנֵּיהּ, אִתְקְטָלָא יִתְקְטִיל.  
13," וּדְלָא כְּמַן לֵיהּ, וּמִן קֳדָם יְיָ אִתְמְסַר לִידֵיהּ--וַאֲשַׁוֵּי לָךְ אֲתַר, דְּיִעְרוֹק לְתַמָּן.  {ס} 
14," וַאֲרֵי יַרְשַׁע גְּבַר עַל חַבְרֵיהּ, לְמִקְטְלֵיהּ בִּנְכִילוּ--מִן מַדְבְּחִי, תִּדְבְּרִנֵּיהּ לְמִקְטַל.  {ס} 
15," וּדְיִמְחֵי לַאֲבוּהִי וּלְאִמֵּיהּ, אִתְקְטָלָא יִתְקְטִיל.  {ס} 
16," וּדְיִגְנוֹב נַפְשָׁא מִבְּנֵי יִשְׂרָאֵל וִיזַבְּנִנֵּיהּ וְיִשְׁתְּכַח בִּידֵיהּ, אִתְקְטָלָא יִתְקְטִיל.  {ס} 
17," וְדִילוּט לַאֲבוּהִי וּלְאִמֵּיהּ, אִתְקְטָלָא יִתְקְטִיל.  {ס} 
18," וַאֲרֵי יִנְצוֹן גֻּבְרִין--וְיִמְחֵי גְּבַר יָת חַבְרֵיהּ, בְּאַבְנָא אוֹ בְּכֻרְמֵיזָא; וְלָא יְמוּת, וְיִפּוֹל לְבֻטְלָן.  
19," אִם יְקוּם וִיהַלֵּיךְ בְּבָרָא, עַל בָּרְיֵיהּ--וִיהֵי זָכָא מָחְיָא:  לְחוֹד בֻּטְלָנֵיהּ יִתֵּין, וַאֲגַר אַסְיָא יְשַׁלֵּים.  {ס} 
20," וַאֲרֵי יִמְחֵי גְּבַר יָת עַבְדֵּיהּ אוֹ יָת אַמְתֵּיהּ, בְּשֻׁלְטָן, וִימוּת, תְּחוֹת יְדֵיהּ--אִתְּדָנָא, יִתְּדָן.  
21," בְּרַם אִם יוֹמָא אוֹ תְּרֵין יוֹמִין, יִתְקַיַּם--לָא יִתְּדָן, אֲרֵי כַּסְפֵּיהּ הוּא.  {ס} 
22," וַאֲרֵי יִנְצוֹן גֻּבְרִין, וְיִמְחוֹן אִתְּתָא מְעַדְּיָא וְיִפְּקוּן וַלְדַּהָא, וְלָא יְהֵי, מוֹתָא--אִתְגְּבָאָה יִתְגְּבֵי, כְּמָא דִּישַׁוֵּי עֲלוֹהִי בַּעְלַהּ דְּאִתְּתָא, וְיִתֵּין, מִמֵּימַר דַּיָּנַיָּא.  
23," וְאִם מוֹתָא, יְהֵי--וְתִתֵּין נַפְשָׁא, חֲלָף נַפְשָׁא.  
24," עֵינָא חֲלָף עֵינָא, שִׁנָּא חֲלָף שִׁנָּא, יְדָא חֲלָף יְדָא, רִגְלָא חֲלָף רִגְלָא.  
25," כְּוַאָה חֲלָף כְּוַאָה, פִּדְעָא חֲלָף פִּדְעָא, מַשְׁקוֹפִי, חֲלָף מַשְׁקוֹפִי.  {ס} 
26," וַאֲרֵי יִמְחֵי גְּבַר יָת עֵינָא דְּעַבְדֵּיהּ, אוֹ יָת עֵינָא דְּאַמְתֵּיהּ--וִיחַבְּלִנַּהּ:  לְבַר חוֹרִין יִפְטְרִנֵּיהּ, חֲלָף עֵינֵיהּ.  
27," וְאִם שִׁנָּא דְּעַבְדֵּיהּ אוֹ שִׁנָּא דְּאַמְתֵּיהּ, יַפִּיל--לְבַר חוֹרִין יִפְטְרִנֵּיהּ, חֲלָף שִׁנֵּיהּ.  {פ} 
28," וַאֲרֵי יִגַּח תּוֹרָא יָת גֻּבְרָא אוֹ יָת אִתְּתָא, וִימוּת--אִתְרְגָמָא יִתְרְגֵים תּוֹרָא, וְלָא יִתְאֲכִיל יָת בִּסְרֵיהּ, וּמָרֵיהּ דְּתוֹרָא, יְהֵי זָכָא.  
29," וְאִם תּוֹר נַגָּח הוּא מֵאֶתְמָלִי וּמִדְּקַמּוֹהִי, וְאִתַּסְהַד בְּמָרֵיהּ וְלָא נַטְרֵיהּ, וְיִקְטוֹל גְּבַר, אוֹ אִתָּא--תּוֹרָא, יִתְרְגֵים, וְאַף מָרֵיהּ, יִתְקְטִיל.  
30," אִם מָמוֹן, יְשַׁוּוֹן עֲלוֹהִי--וְיִתֵּין פֻּרְקַן נַפְשֵׁיהּ, כְּכֹל דִּישַׁוּוֹן עֲלוֹהִי.  
31," אוֹ לְבַר יִשְׂרָאֵל יִגַּח תּוֹרָא, אוֹ לְבַת יִשְׂרָאֵל יִגַּח--כְּדִינָא הָדֵין, יִתְעֲבֵיד לֵיהּ.  
32," אִם לְעַבְדָּא יִגַּח תּוֹרָא, אוֹ לְאַמְתָּא--כַּסְפָּא תְּלָתִין סִלְעִין, יִתֵּין לְרִבּוֹנֵיהּ, וְתוֹרָא, יִתְרְגֵים.  {ס} 
33," וַאֲרֵי יִפְתַּח גְּבַר גּוּב, אוֹ אֲרֵי יִכְרֵי גְּבַר גּוּב--וְלָא יְכַסֵּינֵיהּ; וְיִפּוֹל תַּמָּן תּוֹרָא, אוֹ חֲמָרָא.  
34," מָרֵיהּ דְּגֻבָּא יְשַׁלֵּים, כַּסְפָּא יָתִיב לְמָרוֹהִי; וּמִיתָא, יְהֵי דִּילֵיהּ.  {ס} 
35," וַאֲרֵי יִגּוֹף תּוֹר דִּגְבַר יָת תּוֹרָא דְּחַבְרֵיהּ, וִימוּת--וִיזַבְּנוּן יָת תּוֹרָא חַיָא, וְיִפְלְגוּן יָת כַּסְפֵּיהּ, וְאַף יָת דְּמֵי מִיתָא, יִפְלְגוּן.  
36," אוֹ אִתְיְדַע, אֲרֵי תּוֹר נַגָּח הוּא מֵאֶתְמָלִי וּמִדְּקַמּוֹהִי, וְלָא נַטְרֵיהּ, מָרֵיהּ--שַׁלָּמָא יְשַׁלֵּים תּוֹרָא חֲלָף תּוֹרָא, וּמִיתָא יְהֵי דִּילֵיהּ.  {ס} 
<h4>22</h4>
1," אִם בְּמַחְתַּרְתָּא יִשְׁתְּכַח גַּנָּבָא, וְיִתְמְחֵי וִימוּת--לֵית לֵיהּ, דַּם.  
2," אִם עֵינָא דְּסָהֲדַיָּא נְפַלַת עֲלוֹהִי, דְּמָא לֵיהּ:  שַׁלָּמָא יְשַׁלֵּים--אִם לֵית לֵיהּ, וְיִזְדַּבַּן בִּגְנֻבְתֵּיהּ.  
3," אִם אִשְׁתְּכָחָא תִּשְׁתְּכַח בִּידֵיהּ גְּנֻבְתָּא, מִתּוֹר עַד חֲמָר עַד אִמַּר--אִנּוּן חַיִּין:  עַל חַד תְּרֵין, יְשַׁלֵּים.  {ס} 
4," אֲרֵי יוֹכֵיל גְּבַר, חֲקַל אוֹ כְּרַם, וִישַׁלַּח יָת בְּעִירֵיהּ, וְיֵיכוֹל בַּחֲקַל אָחֳרָן--שְׁפַר חַקְלֵיהּ וּשְׁפַר כַּרְמֵיהּ, יְשַׁלֵּים.  {ס} 
5," אֲרֵי יִתַּפַּק נוּר וְיַשְׁכַּח כֻּבִּין, וְיֵיכוֹל גְּדִישִׁין, אוֹ קָמָא, אוֹ חֲקַל--שַׁלָּמָא יְשַׁלֵּים, דְּאַדְלֵיק יָת דְּלֵיקְתָא.  {ס} 
6," אֲרֵי יִתֵּין גְּבַר לְחַבְרֵיהּ כְּסַף אוֹ מָנִין, לְמִטַּר, וְיִתְגַּנְּבוּן, מִבֵּית גֻּבְרָא--אִם יִשְׁתְּכַח גַּנָּבָא, יְשַׁלֵּים עַל חַד תְּרֵין.  
7," אִם לָא יִשְׁתְּכַח גַּנָּבָא, וְיִתְקָרַב מָרֵיהּ דְּבֵיתָא לִקְדָם דַּיָּנַיָּא:  אִם לָא אוֹשֵׁיט יְדֵיהּ, בְּמָא דִּמְסַר לֵיהּ חַבְרֵיהּ.  
8," עַל כָּל פִּתְגָם דְּחוֹב עַל תּוֹר עַל חֲמָר עַל אִמַּר עַל כְּסוּ עַל כָּל אֲבֵידְתָא, דְּיֵימַר אֲרֵי הוּא דֵּין--לִקְדָם דַּיָּנַיָּא, יֵיעוֹל דִּין תַּרְוֵיהוֹן:  דִּיחַיְּבוּן דַּיָּנַיָּא, יְשַׁלֵּים עַל חַד תְּרֵין לְחַבְרֵיהּ.  {ס} 
9," אֲרֵי יִתֵּין גְּבַר לְחַבְרֵיהּ חֲמָר אוֹ תּוֹר אוֹ אִמַּר, וְכָל בְּעִירָא--לְמִטַּר; וּמִית אוֹ אִתְּבַר אוֹ אִשְׁתְּבִי, לֵית דְּחָזֵי.  
10," מוֹמָתָא דַּייָ, תְּהֵי בֵּין תַּרְוֵיהוֹן--אִם לָא אוֹשֵׁיט יְדֵיהּ, בְּמָא דִּמְסַר לֵיהּ חַבְרֵיהּ; וִיקַבֵּיל מָרֵיהּ מִנֵּיהּ מוֹמָתָא, וְלָא יְשַׁלֵּים.  
11," וְאִם אִתְגְּנָבָא יִתְגְּנֵיב, מֵעִמֵּיהּ--יְשַׁלֵּים, לְמָרוֹהִי.  
12," אִם אִתְּבָרָא יִתְּבַר, יַיְתֵי סָהֲדִין:  דִּתְבִיר, לָא יְשַׁלֵּים.  {פ} 
13," וַאֲרֵי יִשְׁאַל גְּבַר מִן חַבְרֵיהּ, וְיִתְּבַר אוֹ יְמוּת; מָרֵיהּ לֵית עִמֵּיהּ, שַׁלָּמָא יְשַׁלֵּים.  
14," אִם מָרֵיהּ עִמֵּיהּ, לָא יְשַׁלֵּים:  אִם אֲגִירָא הוּא, עָאל בְּאַגְרֵיהּ.  {ס} 
15," וַאֲרֵי יְשַׁדֵּיל גְּבַר, בְּתוּלְתָא דְּלָא מְאָרְסָא--וְיִשְׁכּוֹב עִמַּהּ:  קַיָּמָא יְקַיְּמִנַּהּ לֵיהּ, לְאִתּוּ.  
16," אִם מִצְבָּא לָא יִצְבֵּי אֲבוּהָא, לְמִתְּנַהּ לֵיהּ--כַּסְפָּא יִתְקוּל, כְּמֻהְרֵי בְּתוּלָתָא.  {ס} 
17," חָרָשָׁא, לָא תַּחֵי.  
18," כָּל דְּיִשְׁכּוֹב עִם בְּעִירָא, אִתְקְטָלָא יִתְקְטִיל.  {ס} 
19," דִּידַבַּח לְטָעֲוָת עַמְמַיָּא, יִתְקְטִיל--אֱלָהֵין לִשְׁמָא דַּייָ, בִּלְחוֹדוֹהִי.  
20," וּלְגִיּוֹרָא לָא תּוֹנוֹן, וְלָא תָּעִיקוּן:  אֲרֵי דַּיָּרִין הֲוֵיתוֹן, בְּאַרְעָא דְּמִצְרָיִם.  
21," כָּל אַרְמְלָא וְיִיתַם, לָא תְּעַנּוֹן.  
22," אִם עַנָּאָה תְּעַנֵּי, יָתֵיהּ--אֲרֵי אִם מִקְבָּל יִקְבַּל קֳדָמַי, קַבָּלָא אֲקַבֵּיל קְבִילְתֵיהּ.  
23," וְיִתְקַף רֻגְזִי, וְאֶקְטוֹל יָתְכוֹן בְּחַרְבָּא; וְיִהְוְיָן נְשֵׁיכוֹן אַרְמְלָן, וּבְנֵיכוֹן יַתְמִין.  {פ} 
24," אִם כַּסְפָּא תּוֹזֵיף בְּעַמִּי, לְעַנְיָא דְּעִמָּךְ--לָא תְּהֵי לֵיהּ, כְּרָשְׁיָא; לָא תְּשַׁוּוֹן עֲלוֹהִי, חִיבֻלְיָא.  
25," אִם מִשְׁכּוֹנָא תִּסַּב, כְּסוּתָא דְּחַבְרָךְ--עַד מֵיעַל שִׁמְשָׁא, תָּתִיבִנֵּיהּ לֵיהּ.  
26," אֲרֵי הִיא כְּסוּתֵיהּ בִּלְחוֹדַהּ, הִיא תֻּתְבֵּיהּ לְמַשְׁכֵּיהּ; בְּמָא יִשְׁכּוֹב--וִיהֵי אֲרֵי יִקְבַּל קֳדָמַי, וַאֲקַבֵּיל קְבִילְתֵיהּ אֲרֵי חַנָּנָא אֲנָא.  {ס} 
27," דַּיָּנָא, לָא תַּקִיל; וְרַבָּא בְּעַמָּךְ, לָא תְּלוּט.  
28," בִּכּוּרָךְ וְדִמְעָךְ, לָא תְּאַחַר; בֻּכְרָא דִּבְנָךְ, תַּפְרֵישׁ קֳדָמָי.  
29," כֵּין תַּעֲבֵיד לְתוֹרָךְ, לְעָנָךְ:  שִׁבְעָא יוֹמִין יְהֵי עִם אִמֵּיהּ, בְּיוֹמָא תְּמִינָאָה תַּפְרְשִׁנֵּיהּ קֳדָמָי.  
30," וַאֲנָשִׁין קַדִּישִׁין, תְּהוֹן קֳדָמָי; וּבְסַר תְּלִישׁ מִן חֵיוָא חַיָא לָא תֵּיכְלוּן, לְכַלְבָּא תִּרְמוֹן יָתֵיהּ.  {ס} 
31," - - - 
<h4>23</h4>
1," לָא תְּקַבֵּיל, שֵׁימַע דִּשְׁקַר; לָא תְּשַׁוֵּי יְדָךְ עִם חַיָּבָא, לְמִהְוֵי לֵיהּ סָהִיד שַׁקָּר.  
2," לָא תְּהֵי בָּתַר סַגִּיאֵי, לְאַבְאָשָׁא; וְלָא תִּתְמְנַע מִלְּאַלָּפָא מָא דִּבְעֵינָךְ עַל דִּינָא, בָּתַר סַגִּיאֵי--שַׁלֵּים דִּינָא.  
3," וְעַל מִסְכֵּינָא, לָא תְּרַחֵים בְּדִינֵיהּ.  {ס} 
4," אֲרֵי תְּעָרַע תּוֹרָא דְּסָנְאָךְ, אוֹ חֲמָרֵיהּ--דְּטָעֵי:  אָתָבָא תָּתִיבִנֵּיהּ, לֵיהּ.  {ס} 
5," אֲרֵי תִּחְזֵי חֲמָרָא דְּסָנְאָךְ, רְבִיעַ תְּחוֹת טֻעְנֵיהּ, וְתִתְמְנַע, מִלְּמִשְׁקַל לֵיהּ--מִשְׁבָּק תִּשְׁבּוֹק מָא דִּבְלִבָּךְ עֲלוֹהִי, וּתְפָרֵיק עִמֵּיהּ.  {ס} 
6," לָא תַּצְלֵי דִּין מִסְכֵּינָךְ, בְּדִינֵיהּ.  
7," מִפִּתְגָמָא דְּשִׁקְרָא, הֱוִי רַחִיק; וְדִזְכֵּי וְדִנְפַק דְּכֵי מִן דִּינָא לָא תִּקְטוּל, אֲרֵי לָא אֲזַכֵּי חַיָּבָא.  
8," וְשֻׁחְדָּא, לָא תְּקַבֵּיל:  אֲרֵי שֻׁחְדָּא מְעַוַּר עֵינֵי חַכִּימִין, וּמְקַלְקֵיל פִּתְגָמִין תְּרִיצִין.  
9," וּלְגִיּוֹרָא, לָא תָּעִיקוּן; וְאַתּוּן, יְדַעְתּוּן יָת נַפְשָׁא דְּגִיּוֹרָא--אֲרֵי דַּיָּרִין הֲוֵיתוֹן, בְּאַרְעָא דְּמִצְרָיִם.  
10," וְשֵׁית שְׁנִין, תִּזְרַע יָת אַרְעָךְ; וְתִכְנוֹשׁ, יָת עֲלַלְתַּהּ.  
11," וּשְׁבִיעֵיתָא תִּשְׁמְטִנַּהּ וְתִרְטְשִׁנַּהּ, וְיֵיכְלוּן מִסְכֵּינֵי עַמָּךְ, וּשְׁאָרְהוֹן, תֵּיכוֹל חַיַּת בָּרָא; כֵּין תַּעֲבֵיד לְכַרְמָךְ, לְזֵיתָךְ.  
12," שִׁתָּא יוֹמִין תַּעֲבֵיד עוּבָדָךְ, וּבְיוֹמָא שְׁבִיעָאָה תְּנוּחַ--בְּדִיל דִּינוּחַ, תּוֹרָךְ וּחְמָרָךְ, וְיִשְׁקוֹט בַּר אַמְתָּךְ, וְגִיּוֹרָא.  
13," וּבְכֹל דַּאֲמַרִית לְכוֹן, תִּסְתַּמְרוּן; וְשׁוֹם טָעֲוָת עַמְמַיָּא לָא תִּדְכְרוּן, לָא יִשְׁתְּמַע עַל פֻּמְּכוֹן.  
14," תְּלָת זִמְנִין, תֵּיחֲגוּן קֳדָמַי בְּשַׁתָּא.  
15," יָת חַגָּא דְּפַטִּירַיָּא, תִּטַּר--שִׁבְעָא יוֹמִין תֵּיכוֹל פַּטִּירָא כְּמָא דְּפַקֵּידְתָּךְ לִזְמַן יַרְחָא דַּאֲבִיבָא, אֲרֵי בֵּיהּ נְפַקְתָּא מִמִּצְרָיִם; וְלָא יִתַּחְזוֹן קֳדָמַי, רֵיקָנִין.  
16," וְחַגָּא דִּחְצָדָא בִּכּוּרֵי עוּבָדָךְ, דְּתִזְרַע בְּחַקְלָא; וְחַגָּא דִּכְנָשָׁא בְּמִפְּקַהּ דְּשַׁתָּא, בְּמִכְנְשָׁךְ יָת עוּבָדָךְ מִן חַקְלָא.  
17," תְּלָת זִמְנִין, בְּשַׁתָּא--יִתַּחְזוֹן, כָּל דְּכוּרָךְ, קֳדָם, רִבּוֹן עָלְמָא יְיָ.  
18," לָא תִּכּוֹס עַל חֲמִיעַ, דַּם פִּסְחִי; וְלָא יְבִיתוּן בָּר מִמַּדְבְּחָא תַּרְבֵּי נִכְסַת חַגָּא, עַד צַפְרָא.  
19," רֵישׁ, בִּכּוּרֵי אַרְעָךְ, תַּיְתֵי, לְבֵית מַקְדְּשָׁא דַּייָ אֱלָהָךְ; לָא תֵּיכְלוּן בְּסַר, בַּחֲלַב.  {פ} 
20," הָא אֲנָא שָׁלַח מַלְאֲכָא, קֳדָמָךְ, לְמִטְּרָךְ, בְּאוֹרְחָא; וּלְאַעָלוּתָךְ, לְאַתְרָא דְּאַתְקֵינִית.  
21," אִסְתְּמַר מִן קֳדָמוֹהִי וְקַבֵּיל לְמֵימְרֵיהּ, לָא תְּסָרֵיב לְקִבְלֵיהּ:  אֲרֵי לָא יִשְׁבּוֹק לְחוֹבֵיכוֹן, אֲרֵי בִּשְׁמִי מֵימְרֵיהּ.  
22," אֲרֵי אִם קַבָּלָא תְּקַבֵּיל, לְמֵימְרֵיהּ, וְתַעֲבֵיד, כֹּל דַּאֲמַלֵּיל--וְאֶסְנֵי, יָת סָנְאָךְ, וְאַעִיק, לְדִמְעִיקִין לָךְ.  
23," אֲרֵי יְהָךְ מַלְאֲכִי, קֳדָמָךְ, וְיַעֵילִנָּךְ לְוָת אֱמוֹרָאֵי וְחִתָּאֵי, וּפְרִזָּאֵי וּכְנַעֲנָאֵי חִוָּאֵי וִיבוּסָאֵי; וַאֲשֵׁיצֵינוּן.  
24," לָא תִּסְגּוֹד לְטָעֲוָתְהוֹן וְלָא תִּפְלְחִנִּין, וְלָא תַּעֲבֵיד כְּעוּבָדֵיהוֹן:  אֲרֵי פַּגָּרָא תְּפַגְּרִנּוּן, וְתַבָּרָא תְּתַבַּר קָמָתְהוֹן.  
25," וְתִפְלְחוּן, קֳדָם יְיָ אֱלָהֲכוֹן, וִיבָרֵיךְ יָת מֵיכְלָךְ, וְיָת מִשְׁתְּיָךְ; וְאַעְדֵּי מַרְעִין בִּישִׁין, מִבֵּינָךְ.  {ס} 
26," לָא תְּהֵי תָּכְלָא וְעַקְרָא, בְּאַרְעָךְ; יָת מִנְיַן יוֹמָךְ, אַשְׁלֵים.  
27," יָת אֵימְתִי, אֲשַׁלַּח קֳדָמָךְ, וַאֲשַׁגֵּישׁ יָת כָּל עַמָּא, דְּאַתְּ אָתֵי לְאָגָחָא קְרָבָא בְּהוֹן; וְאֶמְסַר יָת כָּל בַּעֲלֵי דְּבָבָךְ קֳדָמָךְ, מַחְזְרֵי קְדָל.  
28," וְאֶשְׁלַח יָת עָרָעִיתָא, קֳדָמָךְ; וּתְתָרֵיךְ, יָת חִוָּאֵי יָת כְּנַעֲנָאֵי וְיָת חִתָּאֵי--מִן קֳדָמָךְ.  
29," לָא אֲתָרֵיכִנּוּן מִן קֳדָמָךְ, בְּשַׁתָּא חֲדָא:  דִּלְמָא תְּהֵי אַרְעָא צָדְיָא, וְתִסְגֵּי עֲלָךְ חַיַּת בָּרָא.  
30," זְעֵיר זְעֵיר אֲתָרֵיכִנּוּן, מִן קֳדָמָךְ, עַד דְּתִסְגֵּי, וְתַחְסֵין יָת אַרְעָא.  
31," וַאֲשַׁוֵּי יָת תְּחוּמָךְ, מִיַּמָּא דְּסוּף וְעַד יַמָּא דִּפְלִשְׁתָּאֵי, וּמִמַּדְבְּרָא, עַד פְּרָת:  אֲרֵי אֶמְסַר בְּיַדְכוֹן, יָת יָתְבֵי אַרְעָא, וּתְתָרֵיכִנּוּן, מִן קֳדָמָךְ.  
32," לָא תִּגְזַר לְהוֹן וּלְטָעֲוָתְהוֹן, קְיָם.  
33," לָא יִתְּבוּן בְּאַרְעָךְ, דִּלְמָא יְחַיְּבוּן יָתָךְ קֳדָמָי:  אֲרֵי תִּפְלַח יָת טָעֲוָתְהוֹן, אֲרֵי יְהוֹן לָךְ לְתַקְלָא.  {פ} 
<h4>24</h4>
1," וּלְמֹשֶׁה אֲמַר סַק לִקְדָם יְיָ, אַתְּ וְאַהֲרוֹן נָדָב וַאֲבִיהוּא, וְשִׁבְעִין, מִסָּבֵי יִשְׂרָאֵל; וְתִסְגְּדוּן, מֵרַחִיק.  
2," וְיִתְקָרַב מֹשֶׁה בִּלְחוֹדוֹהִי לִקְדָם יְיָ, וְאִנּוּן לָא יִתְקָרְבוּן; וְעַמָּא, לָא יִסְּקוּן עִמֵּיהּ.  
3," וַאֲתָא מֹשֶׁה, וְאִשְׁתַּעִי לְעַמָּא יָת כָּל פִּתְגָמַיָּא דַּייָ, וְיָת, כָּל דִּינַיָּא; וַאֲתֵיב כָּל עַמָּא קָלָא חַד, וַאֲמַרוּ, כָּל פִּתְגָמַיָּא דְּמַלֵּיל יְיָ, נַעֲבֵיד.  
4," וּכְתַב מֹשֶׁה, יָת כָּל פִּתְגָמַיָּא דַּייָ, וְאַקְדֵּים בְּצַפְרָא, וּבְנָא מַדְבְּחָא בְּשִׁפּוֹלֵי טוּרָא; וְתַרְתַּא עַסְרֵי קָמָא, לִתְרֵי עֲסַר שִׁבְטַיָּא דְּיִשְׂרָאֵל.  
5," וּשְׁלַח, יָת בְּכוֹרֵי בְּנֵי יִשְׂרָאֵל, וְאַסִּיקוּ, עֲלָוָן; וְנַכִּיסוּ נִכְסַת קֻדְשִׁין, קֳדָם יְיָ--תּוֹרִין.  
6," וּנְסֵיב מֹשֶׁה פַּלְגוּת דְּמָא, וְשַׁוִּי בְּמִזְרְקַיָּא; וּפַלְגוּת דְּמָא, זְרַק עַל מַדְבְּחָא.  
7," וּנְסֵיב סִפְרָא דִּקְיָמָא, וּקְרָא קֳדָם עַמָּא; וַאֲמַרוּ, כֹּל דְּמַלֵּיל יְיָ נַעֲבֵיד וּנְקַבֵּיל.  
8," וּנְסֵיב מֹשֶׁה יָת דְּמָא, וּזְרַק עַל מַדְבְּחָא לְכַפָּרָא עַל עַמָּא; וַאֲמַר, הָא דֵּין דַּם קְיָמָא דִּגְזַר יְיָ עִמְּכוֹן, עַל כָּל פִּתְגָמַיָּא, הָאִלֵּין.  
9," וּסְלֵיק מֹשֶׁה, וְאַהֲרוֹן--נָדָב, וַאֲבִיהוּא, וְשִׁבְעִין, מִסָּבֵי יִשְׂרָאֵל.  
10," וַחֲזוֹ, יָת יְקָר אֱלָהָא דְּיִשְׂרָאֵל; וּתְחוֹת כֻּרְסֵי יְקָרֵיהּ, כְּעוֹבָד אֶבֶן טָבָא, וּכְמִחְזֵי שְׁמַיָּא, לְבָרִירוּ.  
11," וּלְרַבְרְבֵי בְּנֵי יִשְׂרָאֵל, לָא הֲוָה נִזְקָא; וַחֲזוֹ, יָת יְקָרָא דַּייָ, וַהֲווֹ חָדַן בְּקֻרְבָּנֵיהוֹן דְּאִתְקַבַּלוּ כְּאִלּוּ אָכְלִין, וְשָׁתַן.  {ס} 
12," וַאֲמַר יְיָ לְמֹשֶׁה, סַק לִקְדָמַי לְטוּרָא--וִהְוִי תַּמָּן; וְאֶתֵּין לָךְ יָת לוּחֵי אַבְנָא, וְאוֹרָיְתָא וְתַפְקֵידְתָּא, דִּכְתַבִית, לְאַלּוֹפֵיהוֹן.  
13," וְקָם מֹשֶׁה, וִיהוֹשׁוּעַ מְשֻׁמְשָׁנֵיהּ; וּסְלֵיק מֹשֶׁה, לְטוּרָא דְּאִתְגְּלִי עֲלוֹהִי יְקָרָא דַּייָ.  
14," וּלְסָבַיָּא אֲמַר אוֹרִיכוּ לַנָא הָכָא, עַד דִּנְתוּב לְוָתְכוֹן; וְהָא אַהֲרוֹן וְחוּר עִמְּכוֹן, מַאן דְּאִית לֵיהּ דִּינָא יִתְקָרַב לִקְדָמֵיהוֹן.  
15," וּסְלֵיק מֹשֶׁה, לְטוּרָא; וַחֲפָא עֲנָנָא, יָת טוּרָא.  
16," וּשְׁרָא יְקָרָא דַּייָ עַל טוּרָא דְּסִינַי, וַחֲפָהִי עֲנָנָא שִׁתָּא יוֹמִין; וּקְרָא לְמֹשֶׁה בְּיוֹמָא שְׁבִיעָאָה, מִגּוֹ עֲנָנָא.  
17," וְחֵיזוּ יְקָרָא דַּייָ, כְּאִישָׁא אָכְלָא בְּרֵישׁ טוּרָא, לְעֵינֵי, בְּנֵי יִשְׂרָאֵל.  
18," וְעָאל מֹשֶׁה בְּגוֹ עֲנָנָא, וּסְלֵיק לְטוּרָא; וַהֲוָה מֹשֶׁה, בְּטוּרָא, אַרְבְּעִין יְמָמִין, וְאַרְבְּעִין לֵילָוָן.  {פ} 
<h4>25</h4>
1," וּמַלֵּיל יְיָ, עִם מֹשֶׁה לְמֵימַר.  
2," מַלֵּיל עִם בְּנֵי יִשְׂרָאֵל, וְיַפְרְשׁוּן קֳדָמַי אַפְרָשׁוּתָא:  מִן כָּל גְּבַר דְּיִתְרְעֵי לִבֵּיהּ, תִּסְּבוּן יָת אַפְרָשׁוּתִי.  
3," וְדָא, אַפְרָשׁוּתָא, דְּתִסְּבְוּן, מִנְּהוֹן:  דַּהְבָּא וְכַסְפָּא, וּנְחָשָׁא.  
4," וְתַכְלָא וְאַרְגְּוָנָא וּצְבַע זְהוֹרִי, וּבוּץ וּמַעְזֵי.  
5," וּמַשְׁכֵּי דְּדִכְרֵי מְסֻמְּקֵי וּמַשְׁכֵּי סָסְגוֹנָא, וְאָעֵי שִׁטִּין.  
6," מִשְׁחָא, לְאַנְהָרוּתָא; בֻּסְמַיָּא לִמְשַׁח רְבוּתָא, וְלִקְטֹרֶת בֻּסְמַיָּא.  
7," אַבְנֵי בֻּרְלָא, וְאַבְנֵי אַשְׁלָמוּתָא, לְשַׁקָּעָא בְּאֵיפוֹדָא, וּבְחֻשְׁנָא.  
8," וְיַעְבְּדוּן קֳדָמַי, מַקְדַּשׁ; וְאַשְׁרֵי שְׁכִינְתִי, בֵּינֵיהוֹן.  
9," כְּכֹל, דַּאֲנָא מַחְזֵי יָתָךְ, יָת דְּמוּת מַשְׁכְּנָא, וְיָת דְּמוּת כָּל מָנוֹהִי; וְכֵין, תַּעְבְּדוּן.  {ס} 
10," וְיַעְבְּדוּן אֲרוֹנָא, דְּאָעֵי שִׁטִּין:  תַּרְתֵּין אַמִּין וּפַלְגָּא אֻרְכֵּיהּ, וְאַמְּתָא וּפַלְגָּא פֻּתְיֵיהּ, וְאַמְּתָא וּפַלְגָּא, רוּמֵיהּ.  
11," וְתִחְפֵי יָתֵיהּ דְּהַב דְּכֵי, מִגָּיו וּמִבַּרָא תִּחְפֵינֵיהּ; וְתַעֲבֵיד עֲלוֹהִי זִיר דִּדְהַב, סְחוֹר סְחוֹר.  
12," וְתַתֵּיךְ לֵיהּ, אַרְבַּע עִזְקָן דִּדְהַב, וְתִתֵּין, עַל אַרְבַּע זָוְיָתֵיהּ; וְתַרְתֵּין עִזְקָן, עַל סִטְרֵיהּ חַד, וְתַרְתֵּין עִזְקָן, עַל סִטְרֵיהּ תִּנְיָנָא.  
13," וְתַעֲבֵיד אֲרִיחֵי, דְּאָעֵי שִׁטִּין; וְתִחְפֵי יָתְהוֹן, דַּהְבָּא.  
14," וְתַעֵיל יָת אֲרִיחַיָּא בְּעִזְקָתָא, עַל סִטְרֵי אֲרוֹנָא, לְמִטַּל יָת אֲרוֹנָא, בְּהוֹן.  
15," בְּעִזְקָת, אֲרוֹנָא, יְהוֹן, אֲרִיחַיָּא:  לָא יִעְדּוֹן, מִנֵּיהּ.  
16," וְתִתֵּין, בַּאֲרוֹנָא--יָת, סָהֲדוּתָא, דְּאֶתֵּין, לָךְ.  
17," וְתַעֲבֵיד כָּפֻרְתָּא, דִּדְהַב דְּכֵי:  תַּרְתֵּין אַמִּין וּפַלְגָּא אֻרְכַּהּ, וְאַמְּתָא וּפַלְגָּא פֻּתְיַהּ.  
18," וְתַעֲבֵיד תְּרֵין כְּרוּבִין, דִּדְהַב; נְגִיד תַּעֲבֵיד יָתְהוֹן, מִתְּרֵין סִטְרֵי כָּפֻרְתָּא.  
19," וַעֲבֵיד כְּרוּבָא חַד מִסִּטְרָא, מִכָּא, וּכְרוּבָא חַד מִסִּטְרָא, מִכָּא; מִן כָּפֻרְתָּא תַּעְבְּדוּן יָת כְּרוּבַיָּא, עַל תְּרֵין סִטְרוֹהִי.  
20," וִיהוֹן כְּרוּבַיָּא פְּרִיסִין גַּדְפֵּיהוֹן לְעֵילָא, מְטַלַּן בְּגַדְפֵּיהוֹן עַל כָּפֻרְתָּא, וְאַפֵּיהוֹן, חַד לָקֳבֵיל חַד; לָקֳבֵיל כָּפֻרְתָּא--יְהוֹן, אַפֵּי כְּרוּבַיָּא.  
21," וְתִתֵּין יָת כָּפֻרְתָּא עַל אֲרוֹנָא, מִלְּעֵילָא; וּבַאֲרוֹנָא--תִּתֵּין יָת סָהֲדוּתָא, דְּאֶתֵּין לָךְ.  
22," וַאֲזָמֵין מֵימְרִי לָךְ, תַּמָּן, וַאֲמַלֵּיל עִמָּךְ מֵעִלָּוֵי כָּפֻרְתָּא מִבֵּין תְּרֵין כְּרוּבַיָּא, דְּעַל אֲרוֹנָא דְּסָהֲדוּתָא--יָת כָּל דַּאֲפַקֵּיד יָתָךְ, לְוָת בְּנֵי יִשְׂרָאֵל.  {פ} 
23," וְתַעֲבֵיד פָּתוּרָא, דְּאָעֵי שִׁטִּין:  תַּרְתֵּין אַמִּין אֻרְכֵּיהּ וְאַמְּתָא פֻּתְיֵיהּ, וְאַמְּתָא וּפַלְגָּא רוּמֵיהּ.  
24," וְתִחְפֵי יָתֵיהּ, דְּהַב דְּכֵי; וְתַעֲבֵיד לֵיהּ זִיר דִּדְהַב, סְחוֹר סְחוֹר.  
25," וְתַעֲבֵיד לֵיהּ גְּדָנְפָא רוּמֵיהּ פֻּשְׁכָּא, סְחוֹר סְחוֹר; וְתַעֲבֵיד זִיר דִּדְהַב לִגְדָנְפֵיהּ, סְחוֹר סְחוֹר.  
26," וְתַעֲבֵיד לֵיהּ, אַרְבַּע עִזְקָן דִּדְהַב; וְתִתֵּין, יָת עִזְקָתָא, עַל אַרְבַּע זָוְיָתָא, דִּלְאַרְבַּע רַגְלוֹהִי.  
27," לָקֳבֵיל, גְּדָנְפָא, יִהְוְיָן, עִזְקָתָא--לְאַתְרָא לַאֲרִיחַיָּא, לְמִטַּל יָת פָּתוּרָא.  
28," וְתַעֲבֵיד יָת אֲרִיחַיָּא דְּאָעֵי שִׁטִּין, וְתִחְפֵי יָתְהוֹן דַּהְבָּא; וִיהוֹן נָטְלִין בְּהוֹן, יָת פָּתוּרָא.  
29," וְתַעֲבֵיד מְגִסּוֹהִי וּבָזִכּוֹהִי, וְקָסְוָתֵיהּ וּמְכִילָתֵיהּ, דִּיִתְנַסַּךְ, בְּהוֹן; דְּהַב דְּכֵי, תַּעֲבֵיד יָתְהוֹן.  
30," וְתִתֵּין עַל פָּתוּרָא לְחֵים אַפַּיָּא, קֳדָמַי תְּדִירָא.  {פ} 
31," וְתַעֲבֵיד מְנָרְתָא, דִּדְהַב דְּכֵי; נְגִיד תִּתְעֲבֵיד מְנָרְתָא, שִׁדַּהּ וּקְנַהּ, כַּלִּידַהָא חַזּוּרַהָא וְשׁוֹשַׁנַּהָא, מִנַּהּ יְהוֹן.  
32," וְשִׁתָּא קְנִין, נָפְקִין מִסִּטְרַהָא:  תְּלָתָא קְנֵי מְנָרְתָא, מִסִּטְרַהּ חַד, וּתְלָתָא קְנֵי מְנָרְתָא, מִסִּטְרַהּ תִּנְיָנָא.  
33," תְּלָתָא כַּלִּידִין מְצָיְרִין בְּקַנְיָא חַד, חַזּוּר וְשׁוֹשָׁן, וּתְלָתָא כַּלִּידִין מְצָיְרִין בְּקַנְיָא חַד, חַזּוּר וְשׁוֹשָׁן; כֵּין לְשִׁתָּא קְנִין, דְּנָפְקִין מִן מְנָרְתָא.  
34," וּבִמְנָרְתָא, אַרְבְּעָא כַּלִּידִין:  מְצָיְרִין--חַזּוּרַהָא, וְשׁוֹשַׁנַּהָא.  
35," וְחַזּוּר תְּחוֹת תְּרֵין קְנִין דְּמִנַּהּ, וְחַזּוּר תְּחוֹת תְּרֵין קְנִין דְּמִנַּהּ, וְחַזּוּר, תְּחוֹת תְּרֵין קְנִין דְּמִנַּהּ--לְשִׁתָּא, קְנִין, דְּנָפְקִין, מִן מְנָרְתָא.  
36," חַזּוּרֵיהוֹן וּקְנֵיהוֹן, מִנַּהּ יְהוֹן; כֻּלַּהּ נְגִידָא חֲדָא, דִּדְהַב דְּכֵי.  
37," וְתַעֲבֵיד יָת בּוֹצִינַהָא, שִׁבְעָא; וְתַדְלֵיק, יָת בּוֹצִינַהָא, וִיהוֹן מְנָהֲרִין, לָקֳבֵיל אַפַּהָא.  
38," וְצֵיבְתַהָא וּמַחְתְּיָתַהָא, דִּדְהַב דְּכֵי.  
39," כַּכְּרָא דְּדַהְבָּא דָּכְיָא, יַעֲבֵיד יָתַהּ--יָת כָּל מָנַיָּא, הָאִלֵּין.  
40," וַחְזִי, וַעֲבֵיד:  בִּדְמוּתְהוֹן--דְּאַתְּ מִתַּחְזֵי, בְּטוּרָא.  {ס} 
<h4>26</h4>
1," וְיָת מַשְׁכְּנָא תַּעֲבֵיד, עֲסַר יְרִיעָן:  דְּבוּץ שְׁזִיר, וְתַכְלָא וְאַרְגְּוָנָא וּצְבַע זְהוֹרִי--צוּרַת כְּרוּבִין עוֹבָד אֻמָּן, תַּעֲבֵיד יָתְהוֹן.  
2," אֻרְכָּא דִּירִיעֲתָא חֲדָא, עַסְרִין וְתַמְנֵי אַמִּין, וּפֻתְיָא אַרְבַּע אַמִּין, דִּירִיעֲתָא חֲדָא; מִשְׁחֲתָא חֲדָא, לְכָל יְרִיעָתָא.  
3," חֲמֵישׁ יְרִיעָן, יִהְוְיָן מְלָפְפָן, חֲדָא, עִם חֲדָא; וַחֲמֵישׁ יְרִיעָן מְלָפְפָן, חֲדָא עִם חֲדָא.  
4," וְתַעֲבֵיד עֲנֻבִּין דְּתַכְלָא, עַל סִפְתָּא דִּירִיעֲתָא חֲדָא, מִסִּטְרָא, בֵּית לוֹפֵי; וְכֵין תַּעֲבֵיד, בְּסִפְתָּא דִּירִיעֲתָא, בְּסִטְרָא, בֵּית לוֹפֵי תִּנְיָנָא.  
5," חַמְשִׁין עֲנֻבִּין, תַּעֲבֵיד בִּירִיעֲתָא חֲדָא, וְחַמְשִׁין עֲנֻבִּין תַּעֲבֵיד בְּסִטְרָא דִּירִיעֲתָא, דְּבֵית לוֹפֵי תִּנְיָנָא:  מַכְוְנָן, עֲנֻבַּיָּא, חֲדָא, לָקֳבֵיל חֲדָא.  
6," וְתַעֲבֵיד, חַמְשִׁין פֻּרְפִין דִּדְהַב; וּתְלָפֵיף יָת יְרִיעָתָא חֲדָא עִם חֲדָא, בְּפֻרְפַיָּא, וִיהֵי מַשְׁכְּנָא, חַד.  
7," וְתַעֲבֵיד יְרִיעָן דְּמַעְזֵי, לִפְרָסָא עַל מַשְׁכְּנָא; חֲדָא עַסְרֵי יְרִיעָן, תַּעֲבֵיד יָתְהוֹן.  
8," אֻרְכָּא דִּירִיעֲתָא חֲדָא, תְּלָתִין אַמִּין, וּפֻתְיָא אַרְבַּע אַמִּין, דִּירִיעֲתָא חֲדָא; מִשְׁחֲתָא חֲדָא, לַחֲדָא עַסְרֵי יְרִיעָן.  
9," וּתְלָפֵיף יָת חֲמֵישׁ יְרִיעָן, לְחוֹד, וְיָת שֵׁית יְרִיעָן, לְחוֹד; וְתַעֵיף יָת יְרִיעֲתָא שְׁתִיתֵיתָא, לָקֳבֵיל אַפֵּי מַשְׁכְּנָא.  
10," וְתַעֲבֵיד חַמְשִׁין עֲנֻבִּין, עַל סִפְתָּא דִּירִיעֲתָא חֲדָא, בְּסִטְרָא, בֵּית לוֹפֵי; וְחַמְשִׁין עֲנֻבִּין, עַל סִפְתָּא דִּירִיעֲתָא, דְּבֵית לוֹפֵי, תִּנְיָנָא.  
11," וְתַעֲבֵיד פֻּרְפִין דִּנְחָשׁ, חַמְשִׁין; וְתַעֵיל יָת פֻּרְפַיָּא בַּעֲנֻבַּיָּא, וּתְלָפֵיף יָת מַשְׁכְּנָא וִיהֵי חַד.  
12," וְסִרְחָא, דְּיַתִּיר, בִּירִיעָת, מַשְׁכְּנָא--פַּלְגוּת יְרִיעֲתָא, דְּיָתְרָא, תִּסְרַח, עַל אֲחוֹרֵי מַשְׁכְּנָא.  
13," וְאַמְּתָא מִכָּא וְאַמְּתָא מִכָּא, בִּדְיַתִּיר, בְּאֹרֶךְ, יְרִיעָת מַשְׁכְּנָא:  יְהֵי סְרִיחַ עַל סִטְרֵי מַשְׁכְּנָא, מִכָּא וּמִכָּא--לְכַסָּיוּתֵיהּ.  
14," וְתַעֲבֵיד חוּפָאָה לְמַשְׁכְּנָא, דְּמַשְׁכֵּי דִּכְרֵי מְסֻמְּקֵי, וְחוּפָאָה דְּמַשְׁכֵּי סָסְגוֹנָא, מִלְּעֵילָא.  {פ} 
15," וְתַעֲבֵיד יָת דַּפַּיָּא, לְמַשְׁכְּנָא, דְּאָעֵי שִׁטִּין, קָיְמִין.  
16," עֲסַר אַמִּין, אֻרְכָּא דְּדַפָּא; וְאַמְּתָא וּפַלְגוּת אַמְּתָא, פֻּתְיָא דְּדַפָּא חַד.  
17," תְּרֵין צִירִין, לְדַפָּא חַד--מְשֻׁלְּבִין, חַד לָקֳבֵיל חַד; כֵּין תַּעֲבֵיד, לְכֹל דַּפֵּי מַשְׁכְּנָא.  
18," וְתַעֲבֵיד יָת דַּפַּיָּא, לְמַשְׁכְּנָא, עַסְרִין דַּפִּין, לְרוּחַ עֵיבַר דָּרוֹמָא.  
19," וְאַרְבְּעִין, סָמְכִין דִּכְסַף, תַּעֲבֵיד, תְּחוֹת עַסְרִין דַּפִּין:  תְּרֵין סָמְכִין תְּחוֹת דַּפָּא חַד, לִתְרֵין צִירוֹהִי, וּתְרֵין סָמְכִין תְּחוֹת דַּפָּא חַד, לִתְרֵין צִירוֹהִי.  
20," וְלִסְטַר מַשְׁכְּנָא תִּנְיָנָא, לְרוּחַ צִפּוּנָא, עַסְרִין, דַּפִּין.  
21," וְאַרְבְּעִין סָמְכֵיהוֹן, דִּכְסַף:  תְּרֵין סָמְכִין, תְּחוֹת דַּפָּא חַד, וּתְרֵין סָמְכִין, תְּחוֹת דַּפָּא חַד.  
22," וְלִסְיָפֵי מַשְׁכְּנָא, מַעְרְבָא, תַּעֲבֵיד, שִׁתָּא דַּפִּין.  
23," וּתְרֵין דַּפִּין תַּעֲבֵיד, לְזָוְיָת מַשְׁכְּנָא--בְּסוֹפְהוֹן.  
24," וִיהוֹן מַכְוְנִין, מִלְּרַע, וְכַחְדָּא יְהוֹן מַכְוְנִין עַל רֵישֵׁיהוֹן, לְעִזְקְתָא חֲדָא; כֵּין יְהֵי לְתַרְוֵיהוֹן, לְתַרְתֵּין זָוְיָן יְהוֹן.  
25," וִיהוֹן, תְּמָנְיָא דַּפִּין, וְסָמְכֵיהוֹן דִּכְסַף, שִׁתַּת עֲסַר סָמְכִין:  תְּרֵין סָמְכִין, תְּחוֹת דַּפָּא חַד, וּתְרֵין סָמְכִין, תְּחוֹת דַּפָּא חַד.  
26," וְתַעֲבֵיד עָבְרֵי, דְּאָעֵי שִׁטִּין, חַמְשָׁא, לְדַפֵּי סְטַר מַשְׁכְּנָא חַד.  
27," וְחַמְשָׁא עָבְרִין, לְדַפֵּי סְטַר מַשְׁכְּנָא תִּנְיָנָא; וְחַמְשָׁא עָבְרִין, לְדַפֵּי סְטַר מַשְׁכְּנָא, לְסוֹפְהוֹן, מַעְרְבָא.  
28," וְעָבְרָא מְצִיעָאָה, בְּגוֹ דַּפַּיָּא, מַעְבַּר, מִן סְיָפֵי לִסְיָפֵי.  
29," וְיָת דַּפַּיָּא תִּחְפֵי דַּהְבָּא, וְיָת עִזְקָתְהוֹן תַּעֲבֵיד דַּהְבָּא--אַתְרָא, לְעָבְרַיָּא; וְתִחְפֵי יָת עָבְרַיָּא, דַּהְבָּא.  
30," וּתְקִים, יָת מַשְׁכְּנָא:  כְּהִלְכְּתֵיהּ--דְּאִתַּחְזִיתָא, בְּטוּרָא.  {ס} 
31," וְתַעֲבֵיד פָּרֻכְתָּא, דְּתַכְלָא וְאַרְגְּוָנָא וּצְבַע זְהוֹרִי--וּבוּץ שְׁזִיר; עוֹבָד אֻמָּן יַעֲבֵיד יָתַהּ, צוּרַת כְּרוּבִין.  
32," וְתִתֵּין יָתַהּ, עַל אַרְבְּעָא עַמּוּדֵי שִׁטִּין, מְחֻפַּן דַּהְבָּא, וָוֵיהוֹן דַּהְבָּא--עַל אַרְבְּעָא, סָמְכִין דִּכְסַף.  
33," וְתִתֵּין יָת פָּרֻכְתָּא, תְּחוֹת פֻּרְפַיָּא, וְתַעֵיל לְתַמָּן מִגָּיו לְפָרֻכְתָּא, יָת אֲרוֹנָא דְּסָהֲדוּתָא; וְתַפְרֵישׁ פָּרֻכְתָּא, לְכוֹן, בֵּין קֻדְשָׁא, וּבֵין קֹדֶשׁ קֻדְשַׁיָּא.  
34," וְתִתֵּין, יָת כָּפֻרְתָּא, עַל, אֲרוֹנָא דְּסָהֲדוּתָא--בְּקֹדֶשׁ, קֻדְשַׁיָּא.  
35," וּתְשַׁוֵּי יָת פָּתוּרָא, מִבַּרָא לְפָרֻכְתָּא, וְיָת מְנָרְתָא לָקֳבֵיל פָּתוּרָא, עַל סְטַר מַשְׁכְּנָא דָּרוֹמָא; וּפָתוּרָא--תִּתֵּין, עַל סְטַר צִפּוּנָא.  
36," וְתַעֲבֵיד פְּרָסָא לִתְרַע מַשְׁכְּנָא, תַּכְלָא וְאַרְגְּוָנָא וּצְבַע זְהוֹרִי וּבוּץ שְׁזִיר, עוֹבָד, צַיָּר.  
37," וְתַעֲבֵיד לִפְרָסָא, חַמְשָׁא עַמּוּדֵי שִׁטִּין, וְתִחְפֵי יָתְהוֹן דַּהְבָּא, וָוֵיהוֹן דַּהְבָּא; וְתַתֵּיךְ לְהוֹן, חַמְשָׁא סָמְכִין דִּנְחָשָׁא.  {ס} 
<h4>27</h4>
1," וְתַעֲבֵיד יָת מַדְבְּחָא, דְּאָעֵי שִׁטִּין:  חֲמֵישׁ אַמִּין אֻרְכָּא וַחֲמֵישׁ אַמִּין פֻּתְיָא, מְרֻבַּע יְהֵי מַדְבְּחָא, וּתְלָת אַמִּין, רוּמֵיהּ.  
2," וְתַעֲבֵיד קַרְנוֹהִי, עַל אַרְבַּע זָוְיָתֵיהּ--מִנֵּיהּ, יִהְוְיָן קַרְנוֹהִי; וְתִחְפֵי יָתֵיהּ, נְחָשָׁא.  
3," וְתַעֲבֵיד פְּסַכְתֵּירְוָתֵיהּ, לְמִסְפֵּי קִטְמֵיהּ, וּמַגְרוֹפְיָתֵיהּ וּמִזְרְקוֹהִי, וְצִנּוֹרְיָתֵיהּ וּמַחְתְּיָתֵיהּ; לְכָל מָנוֹהִי, תַּעֲבֵיד נְחָשָׁא.  
4," וְתַעֲבֵיד לֵיהּ סְרָדָא, עוֹבָד מְצָדְתָא דִּנְחָשָׁא; וְתַעֲבֵיד עַל מְצָדְתָא, אַרְבַּע עִזְקָן דִּנְחָשָׁא, עַל, אַרְבְּעָא סִטְרוֹהִי.  
5," וְתִתֵּין יָתַהּ, תְּחוֹת סוֹבֵיבָא דְּמַדְבְּחָא--מִלְּרַע; וּתְהֵי מְצָדְתָא, עַד פַּלְגוּת מַדְבְּחָא.  
6," וְתַעֲבֵיד אֲרִיחַיָּא לְמַדְבְּחָא, אֲרִיחֵי דְּאָעֵי שִׁטִּין; וְתִחְפֵי יָתְהוֹן, נְחָשָׁא.  
7," וְיַעֵיל יָת אֲרִיחוֹהִי, בְּעִזְקָתָא; וִיהוֹן אֲרִיחַיָּא, עַל תְּרֵין סִטְרֵי מַדְבְּחָא--בְּמִטַּל יָתֵיהּ.  
8," חֲלִיל לוּחִין, תַּעֲבֵיד יָתֵיהּ:  כְּמָא דְּאַחְזִי יָתָךְ בְּטוּרָא, כֵּין יַעְבְּדוּן.  {ס} 
9," וְתַעֲבֵיד, יָת דָּרַת מַשְׁכְּנָא--לְרוּחַ עֵיבַר דָּרוֹמָא סְרָדֵי לְדָרְתָא דְּבוּץ שְׁזִיר, מְאָה אַמִּין אֻרְכָּא, לְרוּחָא, חֲדָא.  
10," וְעַמּוּדוֹהִי עַסְרִין, וְסָמְכֵיהוֹן עַסְרִין דִּנְחָשָׁא; וָוֵי עַמּוּדַיָּא וְכִבּוּשֵׁיהוֹן, כְּסַף.  
11," וְכֵין לְרוּחַ צִפּוּנָא בְּאֻרְכָּא, סְרָדֵי מְאָה אֻרְכָּא; וְעַמּוּדוֹהִי עַסְרִין, וְסָמְכֵיהוֹן עַסְרִין דִּנְחָשָׁא, וָוֵי עַמּוּדַיָּא וְכִבּוּשֵׁיהוֹן, כְּסַף.  
12," וּפֻתְיָא דְּדָרְתָא לְרוּחַ מַעְרְבָא, סְרָדֵי חַמְשִׁין אַמִּין; עַמּוּדֵיהוֹן עַסְרָא, וְסָמְכֵיהוֹן עַסְרָא.  
13," וּפֻתְיָא דְּדָרְתָא, לְרוּחַ קִדּוּמָא מַדְנְחָא--חַמְשִׁין אַמִּין.  
14," וַחֲמֵישׁ עַסְרֵי אַמִּין סְרָדֵי, לְעִבְרָא; עַמּוּדֵיהוֹן תְּלָתָא, וְסָמְכֵיהוֹן תְּלָתָא.  
15," וּלְעִבְרָא, תִּנְיָנָא--חֲמֵישׁ עַסְרֵי, סְרָדִין; עַמּוּדֵיהוֹן תְּלָתָא, וְסָמְכֵיהוֹן תְּלָתָא.  
16," וְלִתְרַע דָּרְתָא פְּרָסָא עַסְרִין אַמִּין, דְּתַכְלָא וְאַרְגְּוָנָא וּצְבַע זְהוֹרִי וּבוּץ שְׁזִיר--עוֹבָד צַיָּר; עַמּוּדֵיהוֹן, אַרְבְּעָא, וְסָמְכֵיהוֹן, אַרְבְּעָא.  
17," כָּל עַמּוּדֵי דָּרְתָא סְחוֹר סְחוֹר מְכֻבְּשִׁין כְּסַף, וָוֵיהוֹן כְּסַף; וְסָמְכֵיהוֹן, דִּנְחָשָׁא.  
18," אֻרְכָּא דְּדָרְתָא מְאָה אַמִּין וּפֻתְיָא חַמְשִׁין בְּחַמְשִׁין, וְרוּמָא חֲמֵישׁ אַמִּין--דְּבוּץ שְׁזִיר; וְסָמְכֵיהוֹן, דִּנְחָשָׁא.  
19," לְכֹל מָנֵי מַשְׁכְּנָא, בְּכֹל פֻּלְחָנֵיהּ, וְכָל סִכּוֹהִי וְכָל סִכֵּי דָּרְתָא, דִּנְחָשָׁא.  {ס} 
20," וְאַתְּ תְּפַקֵּיד יָת בְּנֵי יִשְׂרָאֵל, וְיִסְּבוּן לָךְ מְשַׁח זֵיתָא דָּכְיָא כָּתִישָׁא--לְאַנְהָרָא:  לְאַדְלָקָא בּוֹצִינַיָּא, תְּדִירָא.  
21," בְּמַשְׁכַּן זִמְנָא מִבַּרָא לְפָרֻכְתָּא דְּעַל סָהֲדוּתָא, יַסְדַּר יָתֵיהּ אַהֲרוֹן וּבְנוֹהִי מֵרַמְשָׁא עַד צַפְרָא--קֳדָם יְיָ:  קְיָם עָלַם לְדָרֵיהוֹן, מִן בְּנֵי יִשְׂרָאֵל.  {ס} 
<h4>28</h4>
1," וְאַתְּ קָרֵיב לְוָתָךְ יָת אַהֲרוֹן אֲחוּךְ וְיָת בְּנוֹהִי עִמֵּיהּ, מִגּוֹ בְּנֵי יִשְׂרָאֵל--לְשַׁמָּשָׁא קֳדָמָי:  אַהֲרוֹן--נָדָב וַאֲבִיהוּא אֶלְעָזָר וְאִיתָמָר, בְּנֵי אַהֲרוֹן.  
2," וְתַעֲבֵיד לְבוּשֵׁי קֻדְשָׁא, לְאַהֲרוֹן אֲחוּךְ, לִיקָר, וּלְתֻשְׁבְּחָא.  
3," וְאַתְּ, תְּמַלֵּיל עִם כָּל חַכִּימֵי לִבָּא, דְּאַשְׁלֵימִית עִמְּהוֹן, רוּחַ חָכְמָא; וְיַעְבְּדוּן יָת לְבוּשֵׁי אַהֲרוֹן, לְקַדָּשׁוּתֵיהּ--לְשַׁמָּשָׁא קֳדָמָי.  
4," וְאִלֵּין לְבוּשַׁיָּא דְּיַעְבְּדוּן, חֻשְׁנָא וְאֵיפוֹדָא וּמְעִילָא, וְכִתּוּנִין מְרַמְּצָן, מַצְנְפָן וְהִמְיָנִין; וְיַעְבְּדוּן לְבוּשֵׁי קֻדְשָׁא לְאַהֲרוֹן אֲחוּךְ, וְלִבְנוֹהִי--לְשַׁמָּשָׁא קֳדָמָי.  
5," וְאִנּוּן יִסְּבוּן יָת דַּהְבָּא, וְיָת תַּכְלָא וְיָת אַרְגְּוָנָא, וְיָת צְבַע זְהוֹרִי, וְיָת בּוּצָא.  {פ} 
6," וְיַעְבְּדוּן, יָת אֵיפוֹדָא:  דַּהְבָּא תַּכְלָא וְאַרְגְּוָנָא צְבַע זְהוֹרִי, וּבוּץ שְׁזִיר--עוֹבָד אֻמָּן.  
7," תְּרֵין כִּתְפִין מְלָפְפָן, יְהוֹן לֵיהּ עַל תְּרֵין סִטְרוֹהִי--וְיִתְלָפַף.  
8," וְהִמְיַן תִּקּוּנֵיהּ דַּעֲלוֹהִי, כְּעוֹבָדֵיהּ מִנֵּיהּ יְהֵי:  דַּהְבָּא, תַּכְלָא וְאַרְגְּוָנָא וּצְבַע זְהוֹרִי--וּבוּץ שְׁזִיר.  
9," וְתִסַּב, יָת תַּרְתֵּין אַבְנֵי בֻּרְלָא; וְתִגְלוֹף עֲלֵיהוֹן, שְׁמָהָת בְּנֵי יִשְׂרָאֵל.  
10," שִׁתָּא, מִשְּׁמָהָתְהוֹן, עַל, אַבְנָא חֲדָא; וְיָת שְׁמָהָת שִׁתָּא דְּאִשְׁתְּאַרוּ, עַל אַבְנָא תִּנְיֵיתָא--כְּתוֹלְדָתְהוֹן.  
11," עוֹבָד אֻמָּן, אֶבֶן טָבָא--כְּתָב מְפָרַשׁ כִּגְלָף דְּעִזְקָא תִּגְלוֹף יָת תַּרְתֵּין אַבְנַיָּא, עַל שְׁמָהָת בְּנֵי יִשְׂרָאֵל; מְשַׁקְּעָן מְרַמְּצָן דִּדְהַב, תַּעֲבֵיד יָתְהוֹן.  
12," וּתְשַׁוֵּי יָת תַּרְתֵּין אַבְנַיָּא, עַל כִּתְפֵי אֵיפוֹדָא, אַבְנֵי דֻּכְרָנָא, לִבְנֵי יִשְׂרָאֵל; וְיִטּוֹל אַהֲרוֹן יָת שְׁמָהָתְהוֹן קֳדָם יְיָ, עַל תְּרֵין כִּתְפוֹהִי--לְדֻכְרָנָא.  {ס} 
13," וְתַעֲבֵיד מְרַמְּצָן, דִּדְהַב.  
14," וְתַרְתֵּין תִּכִּין דִּדְהַב דְּכֵי, מְתַחֲמָן תַּעֲבֵיד יָתְהוֹן עוֹבָד גְּדִילוּ; וְתִתֵּין יָת תִּכַּיָּא גְּדִילָתָא, עַל מְרַמְּצָתָא.  {ס} 
15," וְתַעֲבֵיד חֹשֶׁן דִּינָא, עוֹבָד אֻמָּן--כְּעוֹבָד אֵיפוֹדָא, תַּעְבְּדִנֵּיהּ; דַּהְבָּא תַּכְלָא וְאַרְגְּוָנָא וּצְבַע זְהוֹרִי, וּבוּץ שְׁזִיר--תַּעֲבֵיד יָתֵיהּ.  
16," מְרֻבַּע יְהֵי, עִיף; זַרְתָּא אֻרְכֵּיהּ, וְזַרְתָּא פֻּתְיֵיהּ.  
17," וְתַשְׁלֵים בֵּיהּ אַשְׁלָמוּת אַבְנָא, אַרְבְּעָא סִדְרִין דְּאֶבֶן טָבָא:  סִדְרָא קַדְמָאָה, סָמְקָן יָרְקָן וּבָרְקָן--סִדְרָא, חַד.  
18," וְסִדְרָא, תִּנְיָנָא--אִזְמַרַגְדִּין שַׁבְזֵיז, וְסַבְהֲלוֹם.  
19," וְסִדְרָא, תְּלִיתָאָה--קַנְכֵּירִי טְרַקְיָא, וְעֵין עִגְלָא.  
20," וְסִדְרָא, רְבִיעָאָה--כְּרוּם יַמָּא וּבֻרְלָא, וּפַנְתֵּירִי; מְרַמְּצָן בִּדְהַב יְהוֹן, בְּאַשְׁלָמוּתְהוֹן.  
21," וְאַבְנַיָּא יִהְוְיָן עַל שְׁמָהָת בְּנֵי יִשְׂרָאֵל, תַּרְתַּא עַסְרֵי--עַל שְׁמָהָתְהוֹן; כְּתָב מְפָרַשׁ כִּגְלָף דְּעִזְקָא, גְּבַר עַל שְׁמֵיהּ, יִהְוְיָן, לִתְרֵי עֲסַר שִׁבְטִין.  
22," וְתַעֲבֵיד עַל חֻשְׁנָא תִּכִּין מְתַחֲמָן, עוֹבָד גְּדִילוּ, דִּדְהַב, דְּכֵי.  
23," וְתַעֲבֵיד, עַל חֻשְׁנָא, תַּרְתֵּין, עִזְקָן דִּדְהַב; וְתִתֵּין, יָת תַּרְתֵּין עִזְקָתָא, עַל תְּרֵין, סִטְרֵי חֻשְׁנָא.  
24," וְתִתֵּין, יָת תַּרְתֵּין גְּדִילָן דִּדְהַב, עַל תַּרְתֵּין, עִזְקָתָא--בְּסִטְרֵי, חֻשְׁנָא.  
25," וְיָת תַּרְתֵּין גְּדִילָן דְּעַל תְּרֵין סִטְרוֹהִי, תִּתֵּין עַל תַּרְתֵּין מְרַמְּצָתָא; וְתִתֵּין עַל כִּתְפֵי אֵיפוֹדָא, לָקֳבֵיל אַפּוֹהִי.  
26," וְתַעֲבֵיד, תַּרְתֵּין עִזְקָן דִּדְהַב, וּתְשַׁוֵּי יָתְהוֹן, עַל תְּרֵין סִטְרֵי חֻשְׁנָא--עַל סִפְתֵּיהּ, דִּלְעִבְרָא דְּאֵיפוֹדָא לְגָיו.  
27," וְתַעֲבֵיד, תַּרְתֵּין עִזְקָן דִּדְהַב, וְתִתֵּין יָתְהוֹן עַל תְּרֵין כִּתְפֵי אֵיפוֹדָא מִלְּרַע מִלָּקֳבֵיל אַפּוֹהִי, לָקֳבֵיל בֵּית לוֹפִי--מֵעִלָּוֵי, לְהִמְיַן אֵיפוֹדָא.  
28," וְיַחֲדוּן יָת חֻשְׁנָא מֵעִזְקָתֵיהּ לְעִזְקָת אֵיפוֹדָא, בְּחוּטָא דִּתְכִילְתָא, לְמִהְוֵי, עַל הִמְיַן אֵיפוֹדָא; וְלָא יִתְפָּרַק חֻשְׁנָא, מֵעִלָּוֵי אֵיפוֹדָא.  
29," וְיִטּוֹל אַהֲרוֹן יָת שְׁמָהָת בְּנֵי יִשְׂרָאֵל בְּחֹשֶׁן דִּינָא, עַל לִבֵּיהּ--בְּמֵיעֲלֵיהּ לְקֻדְשָׁא:  לְדֻכְרָנָא קֳדָם יְיָ, תְּדִירָא.  
30," וְתִתֵּין בְּחֹשֶׁן דִּינָא, יָת אוּרַיָּא וְיָת תֻּמַּיָּא, וִיהוֹן עַל לִבָּא דְּאַהֲרוֹן, בְּמֵיעֲלֵיהּ לִקְדָם יְיָ; וְיִטּוֹל אַהֲרוֹן יָת דִּין בְּנֵי יִשְׂרָאֵל עַל לִבֵּיהּ, קֳדָם יְיָ--תְּדִירָא.  {ס} 
31," וְתַעֲבֵיד יָת מְעִיל אֵיפוֹדָא, גְּמִיר תַּכְלָא.  
32," וִיהֵי פֻּמֵּיהּ, כְּפִיל לְגַוֵּיהּ; תּוּרָא יְהֵי מַקַּף לְפֻמֵּיהּ סְחוֹר סְחוֹר עוֹבָד מָחֵי, כְּפֹם שִׁרְיָן יְהֵי לֵיהּ--דְּלָא יִתְבְּזַע.  
33," וְתַעֲבֵיד עַל שִׁפּוֹלוֹהִי, רִמּוֹנֵי תַּכְלָא וְאַרְגְּוָנָא וּצְבַע זְהוֹרִי--עַל שִׁפּוֹלוֹהִי, סְחוֹר סְחוֹר; וְזַגִּין דִּדְהַב בֵּינֵיהוֹן, סְחוֹר סְחוֹר.  
34," זַגָּא דְּדַהְבָּא וְרִמּוֹנָא, זַגָּא דְּדַהְבָּא וְרִמּוֹנָא, עַל שִׁפּוֹלֵי מְעִילָא, סְחוֹר סְחוֹר.  
35," וִיהֵי עַל אַהֲרוֹן, לְשַׁמָּשָׁא; וְיִשְׁתְּמַע קָלֵיהּ בְּמֵיעֲלֵיהּ לְקֻדְשָׁא לִקְדָם יְיָ, וּבְמִפְּקֵיהּ--וְלָא יְמוּת.  {ס} 
36," וְתַעֲבֵיד צִיצָא, דִּדְהַב דְּכֵי; וְתִגְלוֹף עֲלוֹהִי כְּתָב מְפָרַשׁ, קֹדֶשׁ לַייָ.  
37," וּתְשַׁוֵּי יָתֵיהּ עַל חוּטָא דִּתְכִילְתָא, וִיהֵי עַל מַצְנַפְתָּא; לָקֳבֵיל אַפֵּי מַצְנַפְתָּא, יְהֵי.  
38," וִיהֵי, עַל בֵּית עֵינוֹהִי דְּאַהֲרוֹן, וְיִטּוֹל אַהֲרוֹן יָת עֲוָיָת קֻדְשַׁיָּא דְּיַקְדְּשׁוּן בְּנֵי יִשְׂרָאֵל, לְכל מַתְּנָת קֻדְשֵׁיהוֹן; וִיהֵי עַל בֵּית עֵינוֹהִי תְּדִירָא, לְרַעֲוָא לְהוֹן קֳדָם יְיָ.  
39," וּתְרַמֵּיץ כִּתּוּנָא דְּבוּצָא, וְתַעֲבֵיד מַצְנַפְתָּא דְּבוּצָא; וְהִמְיָן תַּעֲבֵיד, עוֹבָד צַיָּר.  
40," וְלִבְנֵי אַהֲרוֹן תַּעֲבֵיד כִּתּוּנִין, וְתַעֲבֵיד לְהוֹן הִמְיָנִין; וְקוֹבְעִין תַּעֲבֵיד לְהוֹן, לִיקָר וּלְתֻשְׁבְּחָא.  
41," וְתַלְבֵּישׁ יָתְהוֹן יָת אַהֲרוֹן אֲחוּךְ, וְיָת בְּנוֹהִי עִמֵּיהּ; וּתְרַבֵּי יָתְהוֹן וּתְקָרֵיב יָת קֻרְבָּנְהוֹן, וּתְקַדֵּישׁ יָתְהוֹן--וִישַׁמְּשׁוּן קֳדָמָי.  
42," וַעֲבֵיד לְהוֹן מִכְנְסִין דְּבוּץ, לְכַסָּאָה בְּסַר עֶרְיָא; מֵחַרְצִין וְעַד יִרְכָן, יְהוֹן.  
43," וִיהוֹן עַל אַהֲרוֹן וְעַל בְּנוֹהִי בְּמֵיעַלְהוֹן לְמַשְׁכַּן זִמְנָא, אוֹ בְּמִקְרַבְהוֹן לְמַדְבְּחָא לְשַׁמָּשָׁא בְּקֻדְשָׁא, וְלָא יְקַבְּלוּן חוֹבָא, וְלָא יְמוּתוּן:  קְיָם עָלַם לֵיהּ, וְלִבְנוֹהִי בָּתְרוֹהִי.  {ס} 
<h4>29</h4>
1," וְדֵין פִּתְגָמָא דְּתַעֲבֵיד לְהוֹן, לְקַדָּשָׁא יָתְהוֹן--לְשַׁמָּשָׁא קֳדָמָי:  סַב תּוֹר חַד בַּר תּוֹרֵי, וְדִכְרִין תְּרֵין--שַׁלְמִין.  
2," וּלְחֵים פַּטִּיר, וּגְרִיצָן פַּטִּירָן דְּפִילָן בִּמְשַׁח, וְאֶסְפּוֹגִין פַּטִּירִין, דִּמְשִׁיחִין בִּמְשַׁח; סֹלֶת דְּחִטִּין, תַּעֲבֵיד יָתְהוֹן.  
3," וְתִתֵּין יָתְהוֹן עַל סַלָּא חַד, וּתְקָרֵיב יָתְהוֹן בְּסַלָּא; וְיָת תּוֹרָא--וְיָת, תְּרֵין דִּכְרִין.  
4," וְיָת אַהֲרוֹן וְיָת בְּנוֹהִי תְּקָרֵיב, לִתְרַע מַשְׁכַּן זִמְנָא; וְתַסְחֵי יָתְהוֹן, בְּמַיָּא.  
5," וְתִסַּב יָת לְבוּשַׁיָּא, וְתַלְבֵּישׁ יָת אַהֲרוֹן יָת כִּתּוּנָא, וְיָת מְעִיל אֵיפוֹדָא, וְיָת אֵיפוֹדָא וְיָת חֻשְׁנָא; וְתַתְקֵין לֵיהּ, בְּהִמְיַן אֵיפוֹדָא.  
6," וּתְשַׁוֵּי מַצְנַפְתָּא, עַל רֵישֵׁיהּ; וְתִתֵּין יָת כְּלִילָא דְּקֻדְשָׁא, עַל מַצְנַפְתָּא.  
7," וְתִסַּב יָת מִשְׁחָא דִּרְבוּתָא, וּתְרִיק עַל רֵישֵׁיהּ; וּתְרַבִּי, יָתֵיהּ.  
8," וְיָת בְּנוֹהִי, תְּקָרֵיב; וְתַלְבֵּישִׁנּוּן, כִּתּוּנִין.  
9," וּתְזָרֵיז יָתְהוֹן הִמְיָנִין אַהֲרוֹן וּבְנוֹהִי, וְתַתְקֵין לְהוֹן קוֹבְעִין, וּתְהֵי לְהוֹן כְּהֻנְּתָא, לִקְיָם עָלַם; וּתְקָרֵיב קֻרְבָּנָא דְּאַהֲרוֹן, וְקֻרְבָּנָא דִּבְנוֹהִי.  
10," וּתְקָרֵיב, יָת תּוֹרָא, לִקְדָם, מַשְׁכַּן זִמְנָא; וְיִסְמוֹךְ אַהֲרוֹן וּבְנוֹהִי יָת יְדֵיהוֹן, עַל רֵישׁ תּוֹרָא.  
11," וְתִכּוֹס יָת תּוֹרָא, קֳדָם יְיָ, בִּתְרַע, מַשְׁכַּן זִמְנָא.  
12," וְתִסַּב מִדְּמָא דְּתוֹרָא, וְתִתֵּין עַל קַרְנָת מַדְבְּחָא בְּאֶצְבְּעָךְ; וְיָת כָּל דְּמָא תִּשְׁפּוֹךְ, לִיסוֹדָא דְּמַדְבְּחָא.  
13," וְתִסַּב, יָת כָּל תַּרְבָּא דְּחָפֵי יָת גַּוָּא, וְיָת חַצְרָא דְּעַל כַּבְדָּא, וְיָת תַּרְתֵּין כּוֹלְיָן וְיָת תַּרְבָּא דַּעֲלֵיהוֹן; וְתַסֵּיק, לְמַדְבְּחָא.  
14," וְיָת בְּסַר תּוֹרָא, וְיָת מַשְׁכֵּיהּ וְיָת אֻכְלֵיהּ, תּוֹקֵיד בְּנוּרָא, מִבַּרָא לְמַשְׁרִיתָא:  חַטָּתָא, הוּא.  
15," וְיָת דִּכְרָא חַד, תִּסַּב; וְיִסְמְכוּן אַהֲרוֹן וּבְנוֹהִי, יָת יְדֵיהוֹן--עַל רֵישׁ דִּכְרָא.  
16," וְתִכּוֹס, יָת דִּכְרָא; וְתִסַּב, יָת דְּמֵיהּ, וְתִזְרוֹק עַל מַדְבְּחָא, סְחוֹר סְחוֹר.  
17," וְיָת דִּכְרָא--תְּפַלֵּיג, לְאֶבְרוֹהִי; וּתְחַלֵּיל גַּוֵּיהּ וּכְרָעוֹהִי, וְתִתֵּין עַל אֶבְרוֹהִי וְעַל רֵישֵׁיהּ.  
18," וְתַסֵּיק יָת כָּל דִּכְרָא לְמַדְבְּחָא, עֲלָתָא הוּא קֳדָם יְיָ; לְאִתְקַבָּלָא בְּרַעֲוָא, קֻרְבָּנָא קֳדָם יְיָ הוּא.  
19," וְתִסַּב, יָת דִּכְרָא תִּנְיָנָא; וְיִסְמוֹךְ אַהֲרוֹן וּבְנוֹהִי יָת יְדֵיהוֹן, עַל רֵישׁ דִּכְרָא.  
20," וְתִכּוֹס יָת דִּכְרָא, וְתִסַּב מִדְּמֵיהּ וְתִתֵּין עַל רוּם אֻדְנָא דְּאַהֲרוֹן וְעַל רוּם אֻדְנָא דִּבְנוֹהִי דְּיַמִּינָא, וְעַל אִלְיוֹן יַדְהוֹן דְּיַמִּינָא, וְעַל אִלְיוֹן רַגְלְהוֹן דְּיַמִּינָא; וְתִזְרוֹק יָת דְּמָא עַל מַדְבְּחָא, סְחוֹר סְחוֹר.  
21," וְתִסַּב מִן דְּמָא דְּעַל מַדְבְּחָא, וּמִמִּשְׁחָא דִּרְבוּתָא, וְתַדֵּי עַל אַהֲרוֹן וְעַל לְבוּשׁוֹהִי, וְעַל בְּנוֹהִי וְעַל לְבוּשֵׁי בְּנוֹהִי עִמֵּיהּ; וְיִתְקַדַּשׁ הוּא וּלְבוּשׁוֹהִי, וּבְנוֹהִי וּלְבוּשֵׁי בְּנוֹהִי עִמֵּיהּ.  
22," וְתִסַּב מִן דִּכְרָא תַּרְבָּא וְאַלְיְתָא וְיָת תַּרְבָּא דְּחָפֵי יָת גַּוָּא, וְיָת חֲצַר כַּבְדָּא וְיָת תַּרְתֵּין כּוֹלְיָן וְיָת תַּרְבָּא דַּעֲלֵיהוֹן, וְיָת, שָׁקָא דְּיַמִּינָא:  אֲרֵי דְּכַר קֻרְבָּנַיָּא, הוּא.  
23," וּפִתָּא דִּלְחֵים חֲדָא, וּגְרִיצְתָא דִּלְחֵים מְשַׁח חֲדָא--וְאֶסְפּוֹג חַד:  מִסַּלָּא, דְּפַטִּירַיָּא--דִּקְדָם יְיָ.  
24," וּתְשַׁוֵּי כּוֹלָא--עַל יְדֵי אַהֲרוֹן, וְעַל יְדֵי בְּנוֹהִי; וּתְרִים יָתְהוֹן אֲרָמָא, קֳדָם יְיָ.  
25," וְתִסַּב יָתְהוֹן מִיַּדְהוֹן, וְתַסֵּיק לְמַדְבְּחָא עַל עֲלָתָא; לְאִתְקַבָּלָא בְּרַעֲוָא קֳדָם יְיָ, קֻרְבָּנָא הוּא קֳדָם יְיָ.  
26," וְתִסַּב יָת חֶדְיָא, מִדְּכַר קֻרְבָּנַיָּא דִּלְאַהֲרוֹן, וּתְרִים יָתֵיהּ אֲרָמָא, קֳדָם יְיָ; וִיהֵי לָךְ, לֻחְלָק.  
27," וּתְקַדֵּישׁ יָת חֶדְיָא דַּאֲרָמוּתָא, וְיָת שָׁקָא דְּאַפְרָשׁוּתָא, דְּאִתָּרַם, וּדְאִתַּפְרַשׁ:  מִדְּכַר, קֻרְבָּנַיָּא--מִדִּלְאַהֲרוֹן, וּמִדִּלְבְּנוֹהִי.  
28," וִיהֵי לְאַהֲרוֹן וְלִבְנוֹהִי לִקְיָם עָלַם, מִן בְּנֵי יִשְׂרָאֵל, אֲרֵי אַפְרָשׁוּתָא, הוּא; וְאַפְרָשׁוּתָא יְהֵי מִן בְּנֵי יִשְׂרָאֵל, מִנִּכְסַת קֻדְשֵׁיהוֹן--אַפְרָשׁוּתְהוֹן, קֳדָם יְיָ.  
29," וּלְבוּשֵׁי קֻדְשָׁא דִּלְאַהֲרוֹן, יְהוֹן לִבְנוֹהִי בָּתְרוֹהִי, לְרַבָּאָה בְּהוֹן, וּלְקָרָבָא בְּהוֹן יָת קֻרְבָּנְהוֹן.  
30," שִׁבְעָא יוֹמִין, יִלְבְּשִׁנּוּן כָּהֲנָא תְּחוֹתוֹהִי--מִבְּנוֹהִי:  דְּיֵיעוֹל לְמַשְׁכַּן זִמְנָא, לְשַׁמָּשָׁא בְּקֻדְשָׁא.  
31," וְיָת דְּכַר קֻרְבָּנַיָּא, תִּסַּב; וּתְבַשֵּׁיל יָת בִּסְרֵיהּ, בַּאֲתַר קַדִּישׁ.  
32," וְיֵיכוֹל אַהֲרוֹן וּבְנוֹהִי יָת בְּסַר דִּכְרָא, וְיָת לַחְמָא דִּבְסַלָּא, בִּתְרַע, מַשְׁכַּן זִמְנָא.  
33," וְיֵיכְלוּן יָתְהוֹן דְּאִתְכַּפַּר בְּהוֹן, לְקָרָבָא יָת קֻרְבָּנְהוֹן לְקַדָּשָׁא יָתְהוֹן; וְחִילוֹנַי לָא יֵיכוֹל, אֲרֵי קֻדְשָׁא אִנּוּן.  
34," וְאִם יִשְׁתְּאַר מִבְּסַר קֻרְבָּנַיָּא, וּמִן לַחְמָא--עַד צַפְרָא:  וְתוֹקֵיד יָת דְּאִשְׁתְּאַר בְּנוּרָא, לָא יִתְאֲכִיל אֲרֵי קֻדְשָׁא הוּא.  
35," וְתַעֲבֵיד לְאַהֲרוֹן וְלִבְנוֹהִי, כְּדֵין, כְּכֹל דְּפַקֵּידִית, יָתָךְ; שִׁבְעָא יוֹמִין, תְּקָרֵיב קֻרְבָּנְהוֹן.  
36," וְתוֹרָא דְּחַטָּתָא תַּעֲבֵיד לְיוֹמָא, עַל כִּפּוּרַיָּא, וּתְדַכֵּי עַל מַדְבְּחָא, בְּכַפָּרוּתָךְ עֲלוֹהִי; וּתְרַבֵּי יָתֵיהּ, לְקַדָּשׁוּתֵיהּ.  
37," שִׁבְעָא יוֹמִין, תְּכַפַּר עַל מַדְבְּחָא, וּתְקַדֵּישׁ, יָתֵיהּ; וִיהֵי מַדְבְּחָא קֹדֶשׁ קֻדְשִׁין, כָּל דְּיִקְרַב בְּמַדְבְּחָא יִתְקַדַּשׁ.  {ס} 
38," וְדֵין, דְּתַעֲבֵיד עַל מַדְבְּחָא:  אִמְּרִין בְּנֵי שְׁנָא תְּרֵין לְיוֹמָא, תְּדִירָא.  
39," יָת אִמְּרָא חַד, תַּעֲבֵיד בְּצַפְרָא; וְיָת אִמְּרָא תִּנְיָנָא, תַּעֲבֵיד בֵּין שִׁמְשַׁיָּא.  
40," וְעֶסְרוֹנָא סֻלְתָּא דְּפִיל בִּמְשַׁח כָּתִישָׁא, רַבְעוּת הִינָא, וְנִסְכָּא, רַבְעוּת הִינָא חַמְרָא--לְאִמְּרָא, חַד.  
41," וְיָת אִמְּרָא תִּנְיָנָא, תַּעֲבֵיד בֵּין שִׁמְשַׁיָּא:  כְּמִנְחַת צַפְרָא וּכְנִסְכַּהּ, תַּעֲבֵיד לַהּ, לְאִתְקַבָּלָא בְּרַעֲוָא, קֻרְבָּנָא קֳדָם יְיָ.  
42," עֲלַת תְּדִירָא לְדָרֵיכוֹן, בִּתְרַע מַשְׁכַּן זִמְנָא קֳדָם יְיָ, דַּאֲזָמֵין מֵימְרִי לְכוֹן תַּמָּן, לְמַלָּלָא עִמָּךְ תַּמָּן.  
43," וַאֲזָמֵין מֵימְרִי תַּמָּן, לִבְנֵי יִשְׂרָאֵל; וְאֶתְקַדַּשׁ, בִּיקָרִי.  
44," וַאֲקַדֵּישׁ יָת מַשְׁכַּן זִמְנָא, וְיָת מַדְבְּחָא; וְיָת אַהֲרוֹן וְיָת בְּנוֹהִי אֲקַדֵּישׁ, לְשַׁמָּשָׁא קֳדָמָי.  
45," וְאַשְׁרֵי שְׁכִינְתִי, בְּגוֹ בְּנֵי יִשְׂרָאֵל; וְאֶהְוֵי לְהוֹן, לֶאֱלָהּ.  
46," וְיִדְּעוּן, אֲרֵי אֲנָא יְיָ אֱלָהֲהוֹן, דְּאַפֵּיקִית יָתְהוֹן מֵאַרְעָא דְּמִצְרַיִם, לְאַשְׁרָאָה שְׁכִינְתִי בֵּינֵיהוֹן:  אֲנָא, יְיָ אֱלָהֲהוֹן.  {פ} 
<h4>30</h4>
1," וְתַעֲבֵיד מַדְבְּחָא, לְאַקְטָרָא עֲלוֹהִי קְטֹרֶת בֻּסְמִין; דְּאָעֵי שִׁטִּין, תַּעֲבֵיד יָתֵיהּ.  
2," אַמְּתָא אֻרְכֵּיהּ וְאַמְּתָא פֻּתְיֵיהּ, מְרֻבַּע יְהֵי, וְתַרְתֵּין אַמִּין, רוּמֵיהּ; מִנֵּיהּ, קַרְנוֹהִי.  
3," וְתִחְפֵי יָתֵיהּ דְּהַב דְּכֵי, יָת אִגָּרֵיהּ וְיָת כֻּתְלוֹהִי סְחוֹר סְחוֹר--וְיָת קַרְנוֹהִי; וְתַעֲבֵיד לֵיהּ זִיר דִּדְהַב, סְחוֹר סְחוֹר.  
4," וְתַרְתֵּין עִזְקָן דִּדְהַב תַּעֲבֵיד לֵיהּ מִלְּרַע לְזֵירֵיהּ, עַל תַּרְתֵּין זָוְיָתֵיהּ--תַּעֲבֵיד, עַל תְּרֵין סִטְרוֹהִי; וִיהֵי לְאַתְרָא לַאֲרִיחַיָּא, לְמִטַּל יָתֵיהּ בְּהוֹן.  
5," וְתַעֲבֵיד יָת אֲרִיחַיָּא, דְּאָעֵי שִׁטִּין; וְתִחְפֵי יָתְהוֹן, דַּהְבָּא.  
6," וְתִתֵּין יָתֵיהּ קֳדָם פָּרֻכְתָּא, דְּעַל אֲרוֹנָא דְּסָהֲדוּתָא--קֳדָם כָּפֻרְתָּא, דְּעַל סָהֲדוּתָא, דַּאֲזָמֵין מֵימְרִי לָךְ, תַּמָּן.  
7," וְיַקְטַר עֲלוֹהִי אַהֲרוֹן, קְטֹרֶת בֻּסְמִין; בִּצְפַר בִּצְפַר, בְּאַתְקָנוּתֵיהּ יָת בּוֹצִינַיָּא--יַקְטְרִנַּהּ.  
8," וּבְאַדְלָקוּת אַהֲרוֹן יָת בּוֹצִינַיָּא בֵּין שִׁמְשַׁיָּא, יַקְטְרִנַּהּ--קְטֹרֶת בֻּסְמִין תְּדִירָא קֳדָם יְיָ, לְדָרֵיכוֹן.  
9," לָא תַּסְּקוּן עֲלוֹהִי קְטֹרֶת בֻּסְמִין נֻכְרָאִין, וַעֲלָתָא וּמִנְחָתָא; וְנִסְכָּא, לָא תְּנַסְּכוּן עֲלוֹהִי.  
10," וִיכַפַּר אַהֲרוֹן עַל קַרְנָתֵיהּ, חֲדָא בְּשַׁתָּא:  מִדַּם חַטַּאת כִּפּוּרַיָּא, חֲדָא בְּשַׁתָּא יְכַפַּר עֲלוֹהִי לְדָרֵיכוֹן--קֹדֶשׁ קֻדְשִׁין הוּא, קֳדָם יְיָ.  {פ} 
11," וּמַלֵּיל יְיָ, עִם מֹשֶׁה לְמֵימַר.  
12," אֲרֵי תְּקַבֵּיל יָת חֻשְׁבַּן בְּנֵי יִשְׂרָאֵל, לְמִנְיָנֵיהוֹן, וְיִתְּנוּן גְּבַר פֻּרְקַן נַפְשֵׁיהּ קֳדָם יְיָ, כַּד תִּמְנֵי יָתְהוֹן; וְלָא יְהֵי בְּהוֹן מוֹתָא, כַּד תִּמְנֵי יָתְהוֹן.  
13," דֵּין יִתְּנוּן, כָּל דְּעָבַר עַל מִנְיָנַיָּא--פַּלְגוּת סִלְעָא, בְּסִלְעֵי קֻדְשָׁא:  עַסְרִין מָעִין, סִלְעָא--פַּלְגוּת סִלְעָא, אַפְרָשׁוּתָא קֳדָם יְיָ.  
14," כֹּל, דְּעָבַר עַל מִנְיָנַיָּא, מִבַּר עַסְרִין שְׁנִין, וּלְעֵילָא--יִתֵּין, אַפְרָשׁוּתָא קֳדָם יְיָ.  
15," דְּעַתִּיר לָא יַסְגֵּי, וּדְמִסְכֵּין לָא יַזְעַר, מִפַּלְגוּת, סִלְעָא--לְמִתַּן יָת אַפְרָשׁוּתָא קֳדָם יְיָ, לְכַפָּרָא עַל נַפְשָׁתְכוֹן.  
16," וְתִסַּב יָת כְּסַף כִּפּוּרַיָּא, מִן בְּנֵי יִשְׂרָאֵל, וְתִתֵּין יָתֵיהּ, עַל פֻּלְחַן מַשְׁכַּן זִמְנָא; וִיהֵי לִבְנֵי יִשְׂרָאֵל לְדֻכְרָנָא קֳדָם יְיָ, לְכַפָּרָא עַל נַפְשָׁתְכוֹן.  {פ} 
17," וּמַלֵּיל יְיָ, עִם מֹשֶׁה לְמֵימַר.  
18," וְתַעֲבֵיד כִּיּוֹרָא דִּנְחָשָׁא, וּבְסִיסֵיהּ דִּנְחָשָׁא--לְקִדּוּשׁ; וְתִתֵּין יָתֵיהּ, בֵּין מַשְׁכַּן זִמְנָא וּבֵין מַדְבְּחָא, וְתִתֵּין תַּמָּן, מַיָּא.  
19," וִיקַדְּשׁוּן אַהֲרוֹן וּבְנוֹהִי, מִנֵּיהּ, יָת יְדֵיהוֹן, וְיָת רַגְלֵיהוֹן.  
20," בְּמֵיעַלְהוֹן לְמַשְׁכַּן זִמְנָא, יְקַדְּשׁוּן מַיָּא--וְלָא יְמוּתוּן; אוֹ בְּמִקְרַבְהוֹן לְמַדְבְּחָא לְשַׁמָּשָׁא, לְאַסָּקָא קֻרְבָּנָא קֳדָם יְיָ.  
21," וִיקַדְּשׁוּן יְדֵיהוֹן וְרַגְלֵיהוֹן, וְלָא יְמוּתוּן; וּתְהֵי לְהוֹן קְיָם עָלַם לֵיהּ וְלִבְנוֹהִי, לְדָרֵיהוֹן.  {פ} 
22," וּמַלֵּיל יְיָ, עִם מֹשֶׁה לְמֵימַר.  
23," וְאַתְּ סַב לָךְ, בֻּסְמִין רֵישָׁא, מֵירָא דָּכְיָא מַתְקַל חֲמֵישׁ מְאָה, וְקִנְּמָן בְּשַׂם פַּלְגוּתֵיהּ מַתְקַל מָאתַן וְחַמְשִׁין; וּקְנֵי בֻּסְמָא, מַתְקַל מָאתַן וְחַמְשִׁין.  
24," וּקְצִיעֲתָא, מַתְקַל חֲמֵישׁ מְאָה בְּסִלְעֵי קֻדְשָׁא; וּמְשַׁח זֵיתָא, מְלֵי הִינָא.  
25," וְתַעֲבֵיד יָתֵיהּ, מְשַׁח רְבוּת קֻדְשָׁא--בֹּסֶם מְבֻסַּם, עוֹבָד בֻּסְמָנוּ; מְשַׁח רְבוּת קֻדְשָׁא, יְהֵי.  
26," וּתְרַבֵּי בֵּיהּ, יָת מַשְׁכַּן זִמְנָא, וְיָת, אֲרוֹנָא דְּסָהֲדוּתָא.  
27," וְיָת פָּתוּרָא, וְיָת כָּל מָנוֹהִי, וְיָת מְנָרְתָא, וְיָת מָנַהָא; וְיָת, מַדְבְּחָא דִּקְטֹרֶת בֻּסְמַיָּא.  
28," וְיָת מַדְבְּחָא דַּעֲלָתָא, וְיָת כָּל מָנוֹהִי; וְיָת כִּיּוֹרָא, וְיָת בְּסִיסֵיהּ.  
29," וּתְקַדֵּישׁ יָתְהוֹן, וִיהוֹן קֹדֶשׁ קֻדְשִׁין; כָּל דְּיִקְרַב בְּהוֹן, יִתְקַדַּשׁ.  
30," וְיָת אַהֲרוֹן וְיָת בְּנוֹהִי, תְּרַבֵּי; וּתְקַדֵּישׁ יָתְהוֹן, לְשַׁמָּשָׁא קֳדָמָי.  
31," וְעִם בְּנֵי יִשְׂרָאֵל, תְּמַלֵּיל לְמֵימַר:  מְשַׁח רְבוּת קֻדְשָׁא יְהֵי דֵּין, קֳדָמַי--לְדָרֵיכוֹן.  
32," עַל בִּסְרָא דַּאֲנָשָׁא, לָא יִתַּסַּךְ, וּבִדְמוּתֵיהּ, לָא תַּעְבְּדוּן כְּוָתֵיהּ; קֻדְשָׁא הוּא, קֻדְשָׁא יְהֵי לְכוֹן.  
33," גְּבַר דִּיבַסֵּים דִּכְוָתֵיהּ, וּדְיִתֵּין מִנֵּיהּ עַל חִילוֹנַי--וְיִשְׁתֵּיצֵי, מֵעַמֵּיהּ.  {ס} 
34," וַאֲמַר יְיָ לְמֹשֶׁה סַב לָךְ בֻּסְמִין, נָטוֹפָא וְטֻפְרָא וְחֶלְבּוֹנְתָא, בֻּסְמִין, וּלְבוֹנְתָא דָּכִיתָא:  מַתְקַל בְּמַתְקַל, יְהֵי.  
35," וְתַעֲבֵיד יָתַהּ קְטֹרֶת בֻּסְמִין, בֹּסֶם עוֹבָד בֻּסְמָנוּ, מְעָרַב, דְּכֵי לְקֻדְשָׁא.  
36," וְתִשְׁחוֹק מִנַּהּ, וְתַדֵּיק, וְתִתֵּין מִנַּהּ קֳדָם סָהֲדוּתָא בְּמַשְׁכַּן זִמְנָא, דַּאֲזָמֵין מֵימְרִי לָךְ תַּמָּן; קֹדֶשׁ קֻדְשִׁין, תְּהֵי לְכוֹן.  
37," וּקְטֹרֶת בֻּסְמִין, דְּתַעֲבֵיד--בִּדְמוּתַהּ, לָא תַּעְבְּדוּן לְכוֹן; קֻדְשָׁא תְּהֵי לָךְ, קֳדָם יְיָ.  
38," גְּבַר דְּיַעֲבֵיד דִּכְוָתַהּ, לְאָרָחָא בַּהּ--וְיִשְׁתֵּיצֵי, מֵעַמֵּיהּ.  {ס} 
<h4>31</h4>
1," וּמַלֵּיל יְיָ, עִם מֹשֶׁה לְמֵימַר.  
2," חֲזִי, דְּרַבִּיתִי בְּשׁוֹם, בְּצַלְאֵל בַּר אוּרִי בַּר חוּר, לְשִׁבְטָא דִּיהוּדָה.  
3," וְאַשְׁלֵימִית עִמֵּיהּ, רוּחַ מִן קֳדָם יְיָ, בְּחָכְמָא וּבְסֻכְלְתָנוּ וּבְמַדַּע, וּבְכָל עֲבִידָא.  
4," לְאַלָּפָא, אֻמָּנְוָן; לְמֶעֱבַד בְּדַהְבָּא וּבְכַסְפָּא, וּבִנְחָשָׁא.  
5," וּבְאֻמָּנוּת אֶבֶן טָבָא לְאַשְׁלָמָא, וּבְנַגָּרוּת אָעָא; לְמֶעֱבַד, בְּכָל עֲבִידָא.  
6," וַאֲנָא הָא יְהַבִית עִמֵּיהּ, יָת אָהֳלִיאָב בַּר אֲחִיסָמָךְ לְשִׁבְטָא דְּדָן, וּבְלֵב כָּל חַכִּימֵי לִבָּא, יְהַבִית חָכְמְתָא; וְיַעְבְּדוּן, יָת כָּל דְּפַקֵּידְתָּךְ.  
7," יָת מַשְׁכַּן זִמְנָא, וְיָת אֲרוֹנָא לְסָהֲדוּתָא, וְיָת כָּפֻרְתָּא, דַּעֲלוֹהִי; וְיָת, כָּל מָנֵי מַשְׁכְּנָא.  
8," וְיָת פָּתוּרָא, וְיָת מָנוֹהִי, וְיָת מְנָרְתָא דָּכִיתָא, וְיָת כָּל מָנַהָא; וְיָת, מַדְבְּחָא דִּקְטֹרֶת בֻּסְמַיָּא.  
9," וְיָת מַדְבְּחָא דַּעֲלָתָא, וְיָת כָּל מָנוֹהִי; וְיָת כִּיּוֹרָא, וְיָת בְּסִיסֵיהּ.  
10," וְיָת, לְבוּשֵׁי שִׁמּוּשָׁא; וְיָת לְבוּשֵׁי קֻדְשָׁא לְאַהֲרוֹן כָּהֲנָא, וְיָת לְבוּשֵׁי בְּנוֹהִי לְשַׁמָּשָׁא.  
11," וְיָת מִשְׁחָא דִּרְבוּתָא וְיָת קְטֹרֶת בֻּסְמַיָּא, לְקֻדְשָׁא:  כְּכֹל דְּפַקֵּידְתָּךְ, יַעְבְּדוּן.  {פ} 
12," וַאֲמַר יְיָ, לְמֹשֶׁה לְמֵימַר.  
13," וְאַתְּ מַלֵּיל עִם בְּנֵי יִשְׂרָאֵל, לְמֵימַר, בְּרַם יָת יוֹמֵי שַׁבַּיָּא דִּילִי, תִּטְּרוּן:  אֲרֵי אָת הִיא בֵּין מֵימְרִי וּבֵינֵיכוֹן, לְדָרֵיכוֹן--לְמִדַּע, אֲרֵי אֲנָא יְיָ מְקַדִּשְׁכוֹן.  
14," וְתִטְּרוּן, יָת שַׁבְּתָא, אֲרֵי קֻדְשָׁא הִיא, לְכוֹן; דְּיַחֲלִנַּהּ, אִתְקְטָלָא יִתְקְטִיל--אֲרֵי כָּל דְּיַעֲבֵיד בַּהּ עֲבִידְתָא, וְיִשְׁתֵּיצֵי אֲנָשָׁא הַהוּא מִגּוֹ עַמֵּיהּ.  
15," שִׁתָּא יוֹמִין, תִּתְעֲבֵיד עֲבִידְתָא, וּבְיוֹמָא שְׁבִיעָאָה שַׁבָּא שַׁבָּתָא קֻדְשָׁא, קֳדָם יְיָ; כָּל דְּיַעֲבֵיד עֲבִידְתָא בְּיוֹמָא דְּשַׁבְּתָא, אִתְקְטָלָא יִתְקְטִיל.  
16," וְיִטְּרוּן בְּנֵי יִשְׂרָאֵל, יָת שַׁבְּתָא, לְמֶעֱבַד יָת שַׁבְּתָא לְדָרֵיהוֹן, קְיָם עָלַם.  
17," בֵּין מֵימְרִי, וּבֵין בְּנֵי יִשְׂרָאֵל--אָת הִיא, לְעָלַם:  אֲרֵי שִׁתָּא יוֹמִין, עֲבַד יְיָ יָת שְׁמַיָּא וְיָת אַרְעָא, וּבְיוֹמָא שְׁבִיעָאָה, שְׁבַת וְנָח.  {ס} 
18," וִיהַב לְמֹשֶׁה, כַּד שֵׁיצֵי לְמַלָּלָא עִמֵּיהּ בְּטוּרָא דְּסִינַי, תְּרֵין, לוּחֵי סָהֲדוּתָא--לוּחֵי אַבְנָא, כְּתִיבִין בְּאֶצְבְּעָא דַּייָ.  
<h4>32</h4>
1," וַחֲזָא עַמָּא, אֲרֵי אוֹחַר מֹשֶׁה לְמֵיחַת מִן טוּרָא; וְאִתְכְּנִישׁ עַמָּא עַל אַהֲרוֹן, וַאֲמַרוּ לֵיהּ קוּם עֲבֵיד לַנָא דַּחְלָן דִּיהָכוּן קֳדָמַנָא--אֲרֵי דֵּין מֹשֶׁה גֻּבְרָא דְּאַסְּקַנָא מֵאַרְעָא דְּמִצְרַיִם, לָא יְדַעְנָא מָא הֲוָה לֵיהּ.  
2," וַאֲמַר לְהוֹן, אַהֲרוֹן, פָּרִיקוּ קְדָשֵׁי דְּדַהְבָּא, דִּבְאֻדְנֵי נְשֵׁיכוֹן בְּנֵיכוֹן וּבְנָתְכוֹן; וְאֵיתוֹ, לְוָתִי.  
3," וּפָרִיקוּ, כָּל עַמָּא, יָת קְדָשֵׁי דְּדַהְבָּא, דִּבְאֻדְנֵיהוֹן; וְאֵיתִיאוּ, לְוָת אַהֲרוֹן.  
4," וּנְסֵיב מִיַּדְהוֹן, וְצָר יָתֵיהּ בְּזִיפָא, וְעַבְדֵיהּ, עֵיגֶל מַתְּכָא; וַאֲמַרוּ--אִלֵּין דַּחְלָתָךְ יִשְׂרָאֵל, דְּאַסְּקוּךְ מֵאַרְעָא דְּמִצְרָיִם.  
5," וַחֲזָא אַהֲרוֹן, וּבְנָא מַדְבְּחָא קֳדָמוֹהִי; וּקְרָא אַהֲרוֹן וַאֲמַר, חַגָּא קֳדָם יְיָ מְחַר.  
6," וְאַקְדִּימוּ, בְּיוֹמָא דְּבָתְרוֹהִי, וְאַסִּיקוּ עֲלָוָן, וְקָרִיבוּ נִכְסָן; וְאַסְחַר עַמָּא לְמֵיכַל וּלְמִשְׁתֵּי, וְקָמוּ לְחַיָּכָא.  {פ} 
7," וּמַלֵּיל יְיָ, עִם מֹשֶׁה:  אִיזֵיל חוֹת--אֲרֵי חַבֵּיל עַמָּךְ, דְּאַסֵּיקְתָּא מֵאַרְעָא דְּמִצְרָיִם.  
8," סְטוֹ בִּפְרִיעַ, מִן אוֹרְחָא דְּפַקֵּידְתִּנּוּן--עֲבַדוּ לְהוֹן, עֵיגֶל מַתְּכָא; וּסְגִידוּ לֵיהּ, וְדַבַּחוּ לֵיהּ, וַאֲמַרוּ, אִלֵּין דַּחְלָתָךְ יִשְׂרָאֵל דְּאַסְּקוּךְ מֵאַרְעָא דְּמִצְרָיִם.  
9," וַאֲמַר יְיָ, לְמֹשֶׁה:  גְּלֵי קֳדָמַי עַמָּא הָדֵין, וְהָא עַם קְשֵׁי קְדָל הוּא.  
10," וּכְעַן אָנַח בָּעוּתָךְ מִן קֳדָמַי, וְיִתְקַף רֻגְזִי בְּהוֹן וַאֲשֵׁיצֵינוּן; וְאַעֲבֵיד יָתָךְ, לְעַם סַגִּי.  
11," וְצַלִּי מֹשֶׁה, קֳדָם יְיָ אֱלָהֵיהּ; וַאֲמַר, לְמָא יְיָ יִתְקַף רֻגְזָךְ בְּעַמָּךְ, דְּאַפֵּיקְתָּא מֵאַרְעָא דְּמִצְרַיִם, בְּחֵיל רַב וּבְיַד תַּקִּיפָא.  
12," לְמָא יֵימְרוּן מִצְרָאֵי לְמֵימַר, בְּבִישָׁא אַפֵּיקִנּוּן לְקַטָּלָא יָתְהוֹן בֵּינֵי טוּרַיָּא, וּלְשֵׁיצָיוּתְהוֹן, מֵעַל אַפֵּי אַרְעָא; תּוּב מִתְּקוֹף רֻגְזָךְ, תּוּב מִן בִּשְׁתָּא דְּמַלֵּילְתָּא לְמֶעֱבַד לְעַמָּךְ.  
13," אִדְּכַר לְאַבְרָהָם לְיִצְחָק וּלְיִשְׂרָאֵל עַבְדָךְ, דְּקַיֵּימְתָּא לְהוֹן בְּמֵימְרָךְ, וּמַלֵּילְתָּא עִמְּהוֹן, אַסְגֵּי יָת בְּנֵיכוֹן כְּכוֹכְבֵי שְׁמַיָּא; וְכָל אַרְעָא הָדָא דַּאֲמַרִית, אֶתֵּין לִבְנֵיכוֹן, וְיַחְסְנוּן, לְעָלַם.  
14," וְתָב, יְיָ, מִן בִּשְׁתָּא, דְּמַלֵּיל לְמֶעֱבַד לְעַמֵּיהּ.  {פ} 
15," וְאִתְפְּנִי וּנְחַת מֹשֶׁה, מִן טוּרָא, וּתְרֵין לוּחֵי סָהֲדוּתָא, בִּידֵיהּ:  לוּחֵי, כְּתִיבִין מִתְּרֵין עֶבְרֵיהוֹן--מִכָּא וּמִכָּא, אִנּוּן כְּתִיבִין.  
16," וְלוּחַיָּא--עוּבָדָא דַּייָ, אִנּוּן; וּכְתָבָא, כְּתָבָא דַּייָ הוּא--מְפָרַשׁ, עַל לוּחַיָּא.  
17," וּשְׁמַע יְהוֹשׁוּעַ יָת קָל עַמָּא, כַּד מְיַבְּבִין; וַאֲמַר, לְמֹשֶׁה, קָל קְרָבָא, בְּמַשְׁרִיתָא.  
18," וַאֲמַר, לָא קָל גִּבָּרִין דְּנָצְחִין בִּקְרָבָא, וְאַף לָא קָל, חַלָּשִׁין דְּמִתַּבְּרִין; קָל דִּמְחָיְכִין, אֲנָא שָׁמַע.  
19," וַהֲוָה, כַּד קְרֵיב לְמַשְׁרִיתָא, וַחֲזָא יָת עִגְלָא, וְחִנְגִין; וּתְקֵיף רֻגְזָא דְּמֹשֶׁה, וּרְמָא מִידוֹהִי יָת לוּחַיָּא, וְתַבַּר יָתְהוֹן, בְּשִׁפּוֹלֵי טוּרָא.  
20," וּנְסֵיב יָת עִגְלָא דַּעֲבַדוּ, וְאוֹקֵיד בְּנוּרָא, וְשָׁף, עַד דַּהֲוָה דַּקִיק; וּדְרָא עַל אַפֵּי מַיָּא, וְאַשְׁקִי יָת בְּנֵי יִשְׂרָאֵל.  
21," וַאֲמַר מֹשֶׁה לְאַהֲרוֹן, מָא עֲבַד לָךְ עַמָּא הָדֵין:  אֲרֵי אֵיתִיתָא עֲלוֹהִי, חוֹבָא רַבָּא.  
22," וַאֲמַר אַהֲרוֹן, לָא יִתְקַף רֻגְזָא דְּרִבּוֹנִי; אַתְּ יְדַעְתְּ יָת עַמָּא, אֲרֵי בְּבִישׁ הוּא.  
23," וַאֲמַרוּ לִי--עֲבֵיד לַנָא דַּחְלָן, דִּיהָכוּן קֳדָמַנָא:  אֲרֵי דֵּין מֹשֶׁה גֻּבְרָא, דְּאַסְּקַנָא מֵאַרְעָא דְּמִצְרַיִם--לָא יְדַעְנָא, מָא הֲוָה לֵיהּ.  
24," וַאֲמַרִית לְהוֹן לְמַאן דַּהְבָּא, פָּרִיקוּ וִיהַבוּ לִי; וּרְמֵיתֵיהּ בְּנוּרָא, וּנְפַק עִגְלָא הָדֵין.  
25," וַחֲזָא מֹשֶׁה יָת עַמָּא, אֲרֵי בְּטִיל הוּא:  אֲרֵי בַּטֵּילִנּוּן אַהֲרוֹן, לְאַסָּבוּתְהוֹן שׁוֹם בִּישׁ בְּדָרֵיהוֹן.  
26," וְקָם מֹשֶׁה, בִּתְרַע מַשְׁרִיתָא, וַאֲמַר, מַאן דָּחֲלַיָּא דַּייָ יֵיתוֹן לְוָתִי; וְאִתְכְּנִישׁוּ לְוָתֵיהּ, כָּל בְּנֵי לֵוִי.  
27," וַאֲמַר לְהוֹן, כִּדְנָן אֲמַר יְיָ אֱלָהָא דְּיִשְׂרָאֵל, שַׁוּוֹ גְּבַר חַרְבֵּיהּ, עַל יִרְכֵּיהּ; עֵיבַרוּ וְתוּבוּ מִתְּרַע לִתְרַע, בְּמַשְׁרִיתָא, וּקְטוּלוּ גְּבַר יָת אֲחוּהִי וּגְבַר יָת חַבְרֵיהּ, וַאֲנָשׁ יָת קָרִיבֵיהּ.  
28," וַעֲבַדוּ בְּנֵי לֵוִי, כְּפִתְגָמָא דְּמֹשֶׁה; וּנְפַל מִן עַמָּא בְּיוֹמָא הַהוּא, כִּתְלָתָא אַלְפִין גֻּבְרָא.  
29," וַאֲמַר מֹשֶׁה, קָרִיבוּ יַדְכוֹן יוֹמָא דֵּין קֻרְבָּנָא קֳדָם יְיָ, אֲרֵי גְּבַר בִּבְרֵיהּ, וּבַאֲחוּהִי--וּלְאֵיתָאָה עֲלֵיכוֹן יוֹמָא דֵּין, בִּרְכָן.  
30," וַהֲוָה, בְּיוֹמָא דְּבָתְרוֹהִי, וַאֲמַר מֹשֶׁה לְעַמָּא, אַתּוּן חַבְתּוּן חוֹבָא רַבָּא; וּכְעַן אֶסַּק לִקְדָם יְיָ, מָאִם אֲכַפַּר עַל חוֹבֵיכוֹן.  
31," וְתָב מֹשֶׁה לִקְדָם יְיָ, וַאֲמַר:  בְּבָעוּ, חָב עַמָּא הָדֵין חוֹבָא רַבָּא, וַעֲבַדוּ לְהוֹן, דַּחְלָן דִּדְהַב.  
32," וּכְעַן, אִם שְׁבַקְתְּ לְחוֹבֵיהוֹן; וְאִם לָא--מְחֵינִי כְּעַן, מִסִּפְרָךְ דִּכְתַבְתָּא.  
33," וַאֲמַר יְיָ, לְמֹשֶׁה:  מַאן דְּחָב קֳדָמַי, אֶמְחֵינֵיהּ מִסִּפְרִי.  
34," וּכְעַן אִיזֵיל דַּבַּר יָת עַמָּא, לְאַתְרָא דְּמַלֵּילִית לָךְ--הָא מַלְאֲכִי, יְהָךְ קֳדָמָךְ; וּבְיוֹם אַסְעָרוּתִי, וְאַסְעַר עֲלֵיהוֹן חוֹבֵיהוֹן.  
35," וּמְחָא יְיָ, יָת עַמָּא, עַל דְּאִשְׁתַּעֲבַדוּ לְעִגְלָא, דַּעֲבַד אַהֲרוֹן.  {ס} 
<h4>33</h4>
1," וּמַלֵּיל יְיָ עִם מֹשֶׁה, אִיזֵיל סַק מִכָּא--אַתְּ וְעַמָּא, דְּאַסֵּיקְתָּא מֵאַרְעָא דְּמִצְרָיִם:  לְאַרְעָא, דְּקַיֵּימִית לְאַבְרָהָם לְיִצְחָק וּלְיַעֲקוֹב לְמֵימַר, לִבְנָךְ, אֶתְּנִנַּהּ.  
2," וְאֶשְׁלַח קֳדָמָךְ, מַלְאֲכָא; וַאֲתָרֵיךְ, יָת כְּנַעֲנָאֵי אֱמוֹרָאֵי, וְחִתָּאֵי וּפְרִזָּאֵי, חִוָּאֵי וִיבוּסָאֵי.  
3," לַאֲרַע עָבְדָא חֲלָב, וּדְבָשׁ:  אֲרֵי לָא אֲסַלֵּיק שְׁכִינְתִי מִבֵּינָךְ, אֲרֵי עַם קְשֵׁי קְדָל אַתְּ--דִּלְמָא אֲשֵׁיצֵינָךְ, בְּאוֹרְחָא.  
4," וּשְׁמַע עַמָּא, יָת פִּתְגָמָא בִּישָׁא הָדֵין--וְאִתְאַבַּלוּ; וְלָא שַׁוּוֹ גְּבַר תִּקּוּן זֵינֵיהּ, עֲלוֹהִי.  
5," וַאֲמַר יְיָ לְמֹשֶׁה, אֵימַר לִבְנֵי יִשְׂרָאֵל אַתּוּן עַם קְשֵׁי קְדָל--שָׁעָה חֲדָא אֲסַלֵּיק שְׁכִינְתִי מִבֵּינָךְ, וַאֲשֵׁיצֵינָךְ; וּכְעַן, אַעְדְּ תִּקּוּן זֵינָךְ מִנָּךְ--גְּלֵי קֳדָמַי, מָא אַעֲבֵיד לָךְ.  
6," וְאַעְדּוֹ בְּנֵי יִשְׂרָאֵל יָת תִּקּוּן זֵינְהוֹן, מִטּוּרָא דְּחוֹרֵב.  
7," וּמֹשֶׁה נָסֵיב יָת מַשְׁכְּנָא וּפַרְסֵיהּ לֵיהּ מִבַּרָא לְמַשְׁרִיתָא, אַרְחֵיק מִן מַשְׁרִיתָא, וְקָרֵי לֵיהּ, מַשְׁכַּן בֵּית אֻלְפָנָא; וְהָוֵי, כָּל דְּתָבַע אֻלְפָן מִן קֳדָם יְיָ, נָפֵיק לְמַשְׁכַּן בֵּית אֻלְפָנָא, דְּמִבַּרָא לְמַשְׁרִיתָא.  
8," וְהָוֵי, כַּד נָפֵיק מֹשֶׁה לְמַשְׁכְּנָא, קָיְמִין כָּל עַמָּא, וּמִתְעַתְּדִין גְּבַר בִּתְרַע מַשְׁכְּנֵיהּ; וּמִסְתַּכְּלִין אֲחוֹרֵי מֹשֶׁה, עַד דְּעָלֵיל לְמַשְׁכְּנָא.  
9," וְהָוֵי, כַּד עָלֵיל מֹשֶׁה לְמַשְׁכְּנָא, נָחֵית עַמּוּדָא דַּעֲנָנָא, וְקָאֵים בִּתְרַע מַשְׁכְּנָא; וּמִתְמַלַּל, עִם מֹשֶׁה.  
10," וְחָזַן כָּל עַמָּא יָת עַמּוּדָא דַּעֲנָנָא, קָאֵים בִּתְרַע מַשְׁכְּנָא; וְקָיְמִין כָּל עַמָּא וְסָגְדִין, גְּבַר בִּתְרַע מַשְׁכְּנֵיהּ.  
11," וּמְמַלֵּיל יְיָ עִם מֹשֶׁה מַמְלַל עִם מַמְלַל, כְּמָא דִּימַלֵּיל גֻּבְרָא עִם חַבְרֵיהּ; וְתָאֵיב, לְמַשְׁרִיתָא, וּמְשֻׁמְשָׁנֵיהּ יְהוֹשׁוּעַ בַּר נוּן עוּלֵימָא, לָא עָדֵי מִגּוֹ מַשְׁכְּנָא.  {פ} 
12," וַאֲמַר מֹשֶׁה קֳדָם יְיָ, חֲזִי דְּאַתְּ אָמַר לִי אַסֵּיק יָת עַמָּא הָדֵין, וְאַתְּ לָא הוֹדַעְתַּנִי, יָת דְּתִשְׁלַח עִמִּי; וְאַתְּ אֲמַרְתְּ רַבִּיתָךְ בְּשׁוֹם, וְאַף אַשְׁכַּחְתָּא רַחֲמִין קֳדָמָי.  
13," וּכְעַן אִם כְּעַן אַשְׁכַּחִית רַחֲמִין קֳדָמָךְ, הוֹדַעְנִי כְּעַן יָת אוֹרַח טוּבָךְ, וְאֶדַּע רַחֲמָךְ, בְּדִיל דְּאַשְׁכַּח רַחֲמִין קֳדָמָךְ; וּגְלֵי קֳדָמָךְ, אֲרֵי עַמָּךְ עַמָּא הָדֵין.  
14," וַאֲמַר:  שְׁכִינְתִי תְּהָךְ, וַאֲנִיחַ לָךְ.  
15," וַאֲמַר, קֳדָמוֹהִי:  אִם לֵית שְׁכִינְתָךְ מְהַלְּכָא בֵּינַנָא, לָא תַּסְּקִנַּנָא מִכָּא.  
16," וּבְמָא יִתְיְדַע הָכָא, אֲרֵי אַשְׁכַּחִית רַחֲמִין קֳדָמָךְ אֲנָא וְעַמָּךְ--הֲלָא, בִּמְהָךְ שְׁכִינְתָךְ עִמַּנָא; וְיִתְעַבְדָן לַנָא פְּרִישָׁן, לִי וּלְעַמָּךְ, מְשֻׁנַּי מִכָּל עַמָּא, דְּעַל אַפֵּי אַרְעָא.  {פ} 
17," וַאֲמַר יְיָ לְמֹשֶׁה, אַף יָת פִּתְגָמָא הָדֵין דְּמַלֵּילְתָּא אַעֲבֵיד:  אֲרֵי אַשְׁכַּחְתָּא רַחֲמִין קֳדָמַי, וְרַבִּיתָךְ בְּשׁוֹם.  
18," וַאֲמַר:  אַחְזִינִי כְּעַן, יָת יְקָרָךְ.  
19," וַאֲמַר, אֲנָא אַעְבַּר כָּל טוּבִי עַל אַפָּךְ, וְאֶקְרֵי בִּשְׁמָא דַּייָ, קֳדָמָךְ; וַאֲחוּן לְמַאן דַּאֲחוּן, וַאֲרַחֵים עַל מַאן דַּאֲרַחֵים.  
20," וַאֲמַר, לָא תִּכּוֹל לְמִחְזֵי יָת אַפֵּי שְׁכִינְתִי:  אֲרֵי לָא יִחְזֵינַנִי אֲנָשָׁא, וְיִתְקַיַּם.  
21," וַאֲמַר יְיָ, הָא אֲתַר מְתֻקַּן קֳדָמָי; וְתִתְעַתַּד, עַל טִנָּרָא.  
22," וִיהֵי בְּמִעְבַּר יְקָרִי, וַאֲשַׁוֵּינָךְ בִּמְעָרַת טִנָּרָא; וְאַגֵּין בְּמֵימְרִי עֲלָךְ, עַד דְּאֶעְבַּר.  
23," וְאֶעְדֵּי, יָת דִּבְרַת יְקָרִי, וְתִחְזֵי, יָת דְּבָתְרָי; וְדִקְדָמַי, לָא יִתַּחְזוֹן.  {פ} 
<h4>34</h4>
1," וַאֲמַר יְיָ לְמֹשֶׁה, פְּסָל לָךְ תְּרֵין לוּחֵי אַבְנַיָּא כְּקַדְמָאֵי; וְאֶכְתּוֹב, עַל לוּחַיָּא, יָת פִּתְגָמַיָּא, דַּהֲווֹ עַל לוּחַיָּא קַדְמָאֵי דְּתַבַּרְתָּא.  
2," וִהְוִי זְמִין, לְצַפְרָא; וְתִסַּק בְּצַפְרָא לְטוּרָא דְּסִינַי, וְתִתְעַתַּד קֳדָמַי תַּמָּן עַל רֵישׁ טוּרָא.  
3," וַאֲנָשׁ לָא יִסַּק עִמָּךְ, וְאַף אֲנָשׁ לָא יִתַּחְזֵי בְּכָל טוּרָא; אַף עָנָא וְתוֹרֵי לָא יִרְעוֹן, לָקֳבֵיל טוּרָא הַהוּא.  
4," וּפְסַל תְּרֵין לוּחֵי אַבְנַיָּא כְּקַדְמָאֵי, וְאַקְדֵּים מֹשֶׁה בְּצַפְרָא וּסְלֵיק לְטוּרָא דְּסִינַי, כְּמָא דְּפַקֵּיד יְיָ, יָתֵיהּ; וּנְסֵיב בִּידֵיהּ, תְּרֵין לוּחֵי אַבְנַיָּא.  
5," וְאִתְגְּלִי יְיָ בַּעֲנָנָא, וְאִתְעַתַּד עִמֵּיהּ תַּמָּן; וּקְרָא בְּשְׁמָא, דַּייָ.  
6," וְאַעְבַּר יְיָ שְׁכִינְתֵיהּ עַל אַפּוֹהִי, וּקְרָא, יְיָ יְיָ, אֱלָהָא רַחְמָנָא וְחַנָּנָא--מַרְחֵיק רְגַז, וּמַסְגֵּי לְמֶעֱבַד טָבְוָן וּקְשׁוֹט.  
7," נָטֵיר טִיבוּ לְאַלְפֵי דָּרִין, שָׁבֵיק לַעֲוָיָן וְלִמְרוֹד וּלְחוֹבִין; סָלַח לִדְתָּיְבִין לְאוֹרָיְתֵיהּ, וְלִדְלָא תָּיְבִין לָא מְזַכֵּי--מַסְעַר חוֹבֵי אֲבָהָן עַל בְּנִין וְעַל בְּנֵי בְּנִין מָרָדִין, עַל דָּר תְּלִיתַאי וְעַל דָּר רְבִיעָאי.  
8," וְאוֹחִי, מֹשֶׁה; וּכְרַע עַל אַרְעָא, וּסְגֵיד.  
9," וַאֲמַר אִם כְּעַן אַשְׁכַּחִית רַחֲמִין קֳדָמָךְ, יְיָ, תְּהָךְ כְּעַן שְׁכִינְתָא דַּייָ, בֵּינַנָא:  אֲרֵי עַם קְשֵׁי קְדָל הוּא, וְתִשְׁבּוֹק לְחוֹבַנָא וְלִחְטָאַנָא וְתַחְסְנִנַּנָא.  
10," וַאֲמַר, הָא אֲנָא גָּזַר קְיָם, קֳדָם כָּל עַמָּךְ אַעֲבֵיד פְּרִישָׁן, דְּלָא אִתְבְּרִיאוּ בְּכָל אַרְעָא וּבְכָל עַמְמַיָּא; וְיִחְזֵי כָּל עַמָּא דְּאַתְּ בֵּינֵיהוֹן יָת עוּבָדָא דַּייָ, אֲרֵי דְּחִיל הוּא, דַּאֲנָא, עָבֵיד עִמָּךְ.  
11," טַר לָךְ--יָת דַּאֲנָא, מְפַקְּדָךְ יוֹמָא דֵּין; הָאֲנָא מְתָרֵיךְ מִן קֳדָמָךְ, יָת אֱמוֹרָאֵי וּכְנַעֲנָאֵי, וְחִתָּאֵי וּפְרִזָּאֵי, וְחִוָּאֵי וִיבוּסָאֵי.  
12," אִסְתְּמַר לָךְ, דִּלְמָא תִּגְזַר קְיָם לְיָתֵיב אַרְעָא, דְּאַתְּ, עָלֵיל עֲלַהּ:  דִּלְמָא יְהֵי לְתַקְלָא, בֵּינָךְ.  
13," אֲרֵי יָת אֵיגוֹרֵיהוֹן תְּתָרְעוּן, וְיָת קָמָתְהוֹן תְּתַבְּרוּן; וְיָת אֲשֵׁירֵיהוֹן, תְּקָצְצוּן.  
14," אֲרֵי לָא תִּסְגּוֹד, לְטָעֲוָת עַמְמַיָּא:  אֲרֵי יְיָ קַנָּא שְׁמֵיהּ, אֵל קַנָּא הוּא.  
15," דִּלְמָא תִּגְזַר קְיָם, לְיָתֵיב אַרְעָא; וְיִטְעוֹן בָּתַר טָעֲוָתְהוֹן, וִידַבְּחוּן לְטָעֲוָתְהוֹן, וְיִקְרוֹן לָךְ, וְתֵיכוֹל מִדִּבְחֵיהוֹן.  
16," וְתִסַּב מִבְּנָתְהוֹן, לִבְנָךְ; וְיִטְעוֹן בְּנָתְהוֹן, בָּתַר טָעֲוָתְהוֹן, וְיַטְעֲיָן יָת בְּנָךְ, בָּתַר טָעֲוָתְהוֹן.  
17," דַּחְלָן דְּמַתְּכָא, לָא תַּעֲבֵיד לָךְ.  
18," יָת חַגָּא דְּפַטִּירַיָּא, תִּטַּר--שִׁבְעָא יוֹמִין תֵּיכוֹל פַּטִּירָא דְּפַקֵּידְתָּךְ, לִזְמַן יַרְחָא דַּאֲבִיבָא:  אֲרֵי בְּיַרְחָא דַּאֲבִיבָא, נְפַקְתָּא מִמִּצְרָיִם.  
19," כָּל פָּתַח וַלְדָּא, דִּילִי הוּא; וְכָל בְּעִירָךְ דִּכְרִין תַּקְדֵּישׁ, בְּכוֹר תּוֹר וְאִמַּר.  
20," וּבֻכְרָא דִּחְמָרָא תִּפְרוּק בְּאִמְּרָא, וְאִם לָא תִּפְרוּק וְתִקְפֵיהּ; כֹּל בֻּכְרָא דִּבְנָךְ תִּפְרוּק, וְלָא יִתַּחְזוֹן קֳדָמַי רֵיקָנִין.  
21," שִׁתָּא יוֹמִין תִּפְלַח, וּבְיוֹמָא שְׁבִיעָאָה תְּנוּחַ; בִּזְרוּעָא וּבִחְצָדָא, תְּנוּחַ.  
22," וְחַגָּא דְּשָׁבוּעַיָּא תַּעֲבֵיד לָךְ, בִּכּוּרֵי חֲצָד חִטִּין; וְחַגָּא, דִּכְנָשָׁא--בְּמִפְּקַהּ, דְּשַׁתָּא.  
23," תְּלָת זִמְנִין, בְּשַׁתָּא--יִתַּחְזוֹן, כָּל דְּכוּרָךְ, קֳדָם רִבּוֹן עָלְמָא יְיָ, אֱלָהָא דְּיִשְׂרָאֵל.  
24," אֲרֵי אֲתָרֵיךְ עַמְמִין מִן קֳדָמָךְ, וְאַפְתֵּי יָת תְּחוּמָךְ; וְלָא יְחַמֵּיד אֲנָשׁ, יָת אַרְעָךְ, בְּמִסְּקָךְ לְאִתַּחְזָאָה קֳדָם יְיָ אֱלָהָךְ, תְּלָת זִמְנִין בְּשַׁתָּא.  
25," לָא תִּכּוֹס עַל חֲמִיעַ, דַּם פִּסְחִי; וְלָא יְבִיתוּן לְצַפְרָא, תַּרְבֵּי נִכְסַת חַגָּא דְּפִסְחָא.  
26," רֵישׁ, בִּכּוּרֵי אַרְעָךְ, תַּיְתֵי, לְבֵית מַקְדְּשָׁא דַּייָ אֱלָהָךְ; לָא תֵּיכְלוּן בְּסַר, בַּחֲלַב.  {פ} 
27," וַאֲמַר יְיָ לְמֹשֶׁה, כְּתוֹב לָךְ יָת פִּתְגָמַיָּא הָאִלֵּין:  אֲרֵי עַל מֵימַר פִּתְגָמַיָּא הָאִלֵּין, גְּזַרִית עִמָּךְ קְיָם--וְעִם יִשְׂרָאֵל.  
28," וַהֲוָה תַּמָּן קֳדָם יְיָ, אַרְבְּעִין יְמָמִין וְאַרְבְּעִין לֵילָוָן--לַחְמָא לָא אֲכַל, וּמַיָּא לָא שְׁתִי; וּכְתַב עַל לוּחַיָּא, יָת פִּתְגָמֵי קְיָמָא--עַסְרָא, פִּתְגָמִין.  
29," וַהֲוָה, כַּד נְחַת מֹשֶׁה מִטּוּרָא דְּסִינַי, וּתְרֵין לוּחֵי דְּסָהֲדוּתָא בִּידָא דְּמֹשֶׁה, בְּמֵיחֲתֵיהּ מִן טוּרָא; וּמֹשֶׁה לָא יְדַע, אֲרֵי סְגִי זִיו יְקָרָא דְּאַפּוֹהִי--בְּמַלָּלוּתֵיהּ עִמֵּיהּ.  
30," וַחֲזָא אַהֲרוֹן וְכָל בְּנֵי יִשְׂרָאֵל, יָת מֹשֶׁה, וְהָא סְגִי, זִיו יְקָרָא דְּאַפּוֹהִי; וּדְחִילוּ, מִלְּאִתְקָרָבָא לְוָתֵיהּ.  
31," וּקְרָא לְהוֹן מֹשֶׁה, וְתָבוּ לְוָתֵיהּ אַהֲרוֹן וְכָל רַבְרְבַיָּא בִּכְנִשְׁתָּא; וּמַלֵּיל מֹשֶׁה, עִמְּהוֹן.  
32," וּבָתַר כֵּין אִתְקָרַבוּ, כָּל בְּנֵי יִשְׂרָאֵל; וּפַקֵידִנּוּן--יָת כָּל דְּמַלֵּיל יְיָ עִמֵּיהּ, בְּטוּרָא דְּסִינָי.  
33," וְשֵׁיצֵי מֹשֶׁה, מִלְּמַלָּלָא עִמְּהוֹן; וִיהַב עַל אַפּוֹהִי, בֵּית אַפֵּי.  
34," וְכַד עָלֵיל מֹשֶׁה לִקֳדָם יְיָ, לְמַלָּלָא עִמֵּיהּ, מַעְדֵּי יָת בֵּית אַפֵּי, עַד מִפְּקֵיהּ; וְנָפֵיק, וּמְמַלֵּיל עִם בְּנֵי יִשְׂרָאֵל, יָת, דְּמִתְפַּקַּד.  
35," וְחָזַן בְּנֵי יִשְׂרָאֵל, יָת אַפֵּי מֹשֶׁה, אֲרֵי סְגִי, זִיו יְקָרָא דְּאַפֵּי מֹשֶׁה; וּמְתִיב מֹשֶׁה יָת בֵּית אַפֵּי עַל אַפּוֹהִי, עַד דְּעָלֵיל לְמַלָּלָא עִמֵּיהּ.  {ס} 
<h4>35</h4>
1," וּכְנַשׁ מֹשֶׁה, יָת כָּל כְּנִשְׁתָּא דִּבְנֵי יִשְׂרָאֵל--וַאֲמַר לְהוֹן:  אִלֵּין, פִּתְגָמַיָּא, דְּפַקֵּיד יְיָ, לְמֶעֱבַד יָתְהוֹן.  
2," שִׁתָּא יוֹמִין, תִּתְעֲבֵיד עֲבִידְתָא, וּבְיוֹמָא שְׁבִיעָאָה יְהֵי לְכוֹן קֻדְשָׁא שַׁבָּא שַׁבְּתָא, קֳדָם יְיָ; כָּל דְּיַעֲבֵיד בֵּיהּ עֲבִידְתָא, יִתְקְטִיל.  
3," לָא תְּבַעֲרוּן אִישָׁתָא, בְּכֹל מוֹתְבָנֵיכוֹן, בְּיוֹמָא, דְּשַׁבְּתָא.  {פ} 
4," וַאֲמַר מֹשֶׁה, לְכָל כְּנִשְׁתָּא דִּבְנֵי יִשְׂרָאֵל לְמֵימַר:  דֵּין פִּתְגָמָא, דְּפַקֵּיד יְיָ לְמֵימַר.  
5," סַבוּ מִנְּכוֹן אַפְרָשׁוּתָא, קֳדָם יְיָ, כֹּל דְּיִתְרְעֵי לִבֵּיהּ, יַיְתֵי יָת אַפְרָשׁוּתָא קֳדָם יְיָ:  דַּהְבָּא וְכַסְפָּא, וּנְחָשָׁא.  
6," וְתַכְלָא וְאַרְגְּוָנָא וּצְבַע זְהוֹרִי, וּבוּץ וּמַעְזֵי.  
7," וּמַשְׁכֵּי דְּדִכְרֵי מְסֻמְּקֵי וּמַשְׁכֵּי סָסְגוֹנָא, וְאָעֵי שִׁטִּין.  
8," וּמִשְׁחָא, לְאַנְהָרוּתָא; וּבֻסְמַיָּא לִמְשַׁח רְבוּתָא, וְלִקְטֹרֶת בֻּסְמַיָּא.  
9," וְאַבְנֵי בֻּרְלָא--וְאַבְנֵי, אַשְׁלָמוּתָא:  לְשַׁקָּעָא בְּאֵיפוֹדָא, וּבְחֻשְׁנָא.  
10," וְכָל חַכִּימֵי לִבָּא, דִּבְכוֹן, יֵיתוֹן וְיַעְבְּדוּן, יָת כָּל דְּפַקֵּיד יְיָ.  
11," יָת מַשְׁכְּנָא--יָת פְּרָסֵיהּ, וְיָת חוּפָאֵיהּ; פֻּרְפוֹהִי, דַּפּוֹהִי, עָבְרוֹהִי, עַמּוּדוֹהִי וְסָמְכוֹהִי.  
12," יָת אֲרוֹנָא וְיָת אֲרִיחוֹהִי, יָת כָּפֻרְתָּא; וְיָת, פָּרֻכְתָּא דִּפְרָסָא.  
13," יָת פָּתוּרָא וְיָת אֲרִיחוֹהִי, וְיָת כָּל מָנוֹהִי; וְיָת, לְחֵים אַפַּיָּא.  
14," וְיָת מְנָרְתָא דְּאַנְהוֹרִי וְיָת מָנַהָא, וְיָת בּוֹצִינַהָא; וְיָת, מִשְׁחָא דְּאַנְהָרוּתָא.  
15," וְיָת מַדְבְּחָא דִּקְטֹרֶת בֻּסְמַיָּא, וְיָת אֲרִיחוֹהִי, וְיָת מִשְׁחָא דִּרְבוּתָא, וְיָת קְטֹרֶת בֻּסְמַיָּא; וְיָת פְּרָסָא דְּתַרְעָא, לִתְרַע מַשְׁכְּנָא.  
16," יָת מַדְבְּחָא דַּעֲלָתָא, וְיָת סְרָדָא דִּנְחָשָׁא דִּילֵיהּ, יָת אֲרִיחוֹהִי, וְיָת כָּל מָנוֹהִי; יָת כִּיּוֹרָא, וְיָת בְּסִיסֵיהּ.  
17," יָת סְרָדֵי דָּרְתָא, יָת עַמּוּדוֹהִי וְיָת סָמְכַהָא; וְיָת, פְּרָסָא דִּתְרַע דָּרְתָא.  
18," יָת סִכֵּי מַשְׁכְּנָא וְיָת סִכֵּי דָּרְתָא, וְיָת אֲטוּנֵיהוֹן.  
19," יָת לְבוּשֵׁי שִׁמּוּשָׁא, לְשַׁמָּשָׁא בְּקֻדְשָׁא:  יָת לְבוּשֵׁי קֻדְשָׁא לְאַהֲרוֹן כָּהֲנָא, וְיָת לְבוּשֵׁי בְּנוֹהִי לְשַׁמָּשָׁא.  
20," וּנְפַקוּ כָּל כְּנִשְׁתָּא דִּבְנֵי יִשְׂרָאֵל, מִן קֳדָם מֹשֶׁה.  
21," וַאֲתוֹ, כָּל גְּבַר דְּאִתְרְעִי לִבֵּיהּ; וְכֹל דְּאַשְׁלֵימַת רוּחֵיהּ עִמֵּיהּ, אֵיתִיאוּ יָת אַפְרָשׁוּתָא קֳדָם יְיָ לַעֲבִידַת מַשְׁכַּן זִמְנָא וּלְכָל פֻּלְחָנֵיהּ, וְלִלְבוּשֵׁי, קֻדְשָׁא.  
22," וּמֵיתַן גֻּבְרַיָּא, עַל נְשַׁיָּא; כֹּל דְּאִתְרְעִי לִבֵּיהּ, אֵיתִיאוּ שֵׁירִין וְשַׁבִּין וְעִזְקָן וּמָחוֹךְ כָּל מָן דִּדְהַב, וְכָל גְּבַר, דַּאֲרֵים אֲרָמוּת דַּהְבָּא קֳדָם יְיָ.  
23," וְכָל גְּבַר דְּאִשְׁתְּכַח עִמֵּיהּ, תַּכְלָא וְאַרְגְּוָנָא וּצְבַע זְהוֹרִי--וּבוּץ וּמַעְזֵי; וּמַשְׁכֵּי דְּדִכְרֵי מְסֻמְּקֵי וּמַשְׁכֵּי סָסְגוֹנָא, אֵיתִיאוּ.  
24," כָּל דַּאֲרֵים, אֲרָמוּת כְּסַף וּנְחָשׁ, אֵיתִיאוּ, יָת אַפְרָשׁוּתָא קֳדָם יְיָ; וְכֹל דְּאִשְׁתְּכַח עִמֵּיהּ אָעֵי שִׁטִּין, לְכָל עֲבִידַת פֻּלְחָנָא--אֵיתִיאוּ.  
25," וְכָל אִתְּתָא חַכִּימַת לִבָּא, בִּידַהָא עָזְלָא; וּמֵיתַן כִּד עֲזִיל, יָת תַּכְלָא וְיָת אַרְגְּוָנָא, וְיָת צְבַע זְהוֹרִי, וְיָת בּוּצָא.  
26," וְכָל נְשַׁיָּא--דְּאִתְרְעִי לִבְּהוֹן עִמְּהוֹן, בְּחָכְמָא:  עָזְלָן, יָת מַעַזְיָא.  
27," וְרַבְרְבַיָּא אֵיתִיאוּ--יָת אַבְנֵי בֻּרְלָא, וְיָת אַבְנֵי אַשְׁלָמוּתָא:  לְשַׁקָּעָא בְּאֵיפוֹדָא, וּבְחֻשְׁנָא.  
28," וְיָת בֻּסְמָא, וְיָת מִשְׁחָא:  לְאַנְהָרוּתָא--וְלִמְשַׁח רְבוּתָא, וְלִקְטֹרֶת בֻּסְמַיָּא.  
29," כּל גְּבַר וְאִתָּא, דְּאִתְרְעִי לִבְּהוֹן עִמְּהוֹן, לְאֵיתָאָה לְכָל עֲבִידְתָא, דְּפַקֵּיד יְיָ לְמֶעֱבַד בִּידָא דְּמֹשֶׁה--אֵיתִיאוּ בְּנֵי יִשְׂרָאֵל נְדַבְתָּא, קֳדָם יְיָ.  {פ} 
30," וַאֲמַר מֹשֶׁה לִבְנֵי יִשְׂרָאֵל, חֲזוֹ דְּרַבִּי יְיָ בְּשׁוֹם, בְּצַלְאֵל בַּר אוּרִי בַּר חוּר, לְשִׁבְטָא דִּיהוּדָה.  
31," וְאַשְׁלֵים עִמֵּיהּ, רוּחַ מִן קֳדָם יְיָ, בְּחָכְמָא בְּסֻכְלְתָנוּ וּבְמַדַּע, וּבְכָל עֲבִידָא.  
32," וּלְאַלָּפָא, אֻמָּנְוָן--לְמֶעֱבַד בְּדַהְבָּא וּבְכַסְפָּא, וּבִנְחָשָׁא.  
33," וּבְאֻמָּנוּת אֶבֶן טָבָא לְאַשְׁלָמָא, וּבְנַגָּרוּת אָעָא; לְמֶעֱבַד, בְּכָל עֲבִידַת אֻמָּנְוָן.  
34," וּלְאַלָּפָא, יְהַב בְּלִבֵּיהּ:  הוּא, וְאָהֳלִיאָב בַּר אֲחִיסָמָךְ לְשִׁבְטָא דְּדָן.  
35," אַשְׁלֵים עִמְּהוֹן חַכִּימוּת לִבָּא, לְמֶעֱבַד כָּל עֲבִידַת נַגָּר וְאֻמָּן, וְצַיָּר בְּתַכְלָא וּבְאַרְגְּוָנָא בִּצְבַע זְהוֹרִי וּבְבוּצָא, וּמָחֵי; עָבְדֵי, כָּל עֲבִידָא, וּמַלְּפֵי, אֻמָּנְוָן.  
<h4>36</h4>
1," וְיַעֲבֵיד בְּצַלְאֵל וְאָהֳלִיאָב וְכֹל גְּבַר חַכִּים לִבָּא, דִּיהַב יְיָ חָכְמְתָא וְסֻכְלְתָנוּתָא בְּהוֹן, לְמִדַּע לְמֶעֱבַד, יָת כָּל עֲבִידַת פֻּלְחַן קֻדְשָׁא--לְכָל דְּפַקֵּיד, יְיָ.  
2," וּקְרָא מֹשֶׁה, לִבְצַלְאֵל וּלְאָהֳלִיאָב, וּלְכָל גְּבַר חַכִּים לִבָּא, דִּיהַב יְיָ חָכְמְתָא בְּלִבֵּיהּ--כֹּל דְּאִתְרְעִי לִבֵּיהּ, לְמִקְרַב לַעֲבִידְתָא לְמֶעֱבַד יָתַהּ.  
3," וּנְסִיבוּ מִן קֳדָם מֹשֶׁה, יָת כָּל אַפְרָשׁוּתָא דְּאֵיתִיאוּ בְּנֵי יִשְׂרָאֵל לַעֲבִידַת פֻּלְחַן קֻדְשָׁא--לְמֶעֱבַד יָתַהּ; וְאִנּוּן מֵיתַן לֵיהּ עוֹד, נְדַבְתָּא--בִּצְפַר בִּצְפַר.  
4," וַאֲתוֹ, כָּל חַכִּימַיָּא, דְּעָבְדִין, יָת כָּל עֲבִידַת קֻדְשָׁא--גְּבַר גְּבַר מֵעֲבִידְתֵיהּ, דְּאִנּוּן עָבְדִין.  
5," וַאֲמַרוּ לְמֹשֶׁה לְמֵימַר, מַסְגַּן עַמָּא לְאֵיתָאָה, מִסַּת פֻּלְחָנָא לַעֲבִידְתָא, דְּפַקֵּיד יְיָ לְמֶעֱבַד יָתַהּ.  
6," וּפַקֵּיד מֹשֶׁה, וְאַעְבַּרוּ כָּרוֹז בְּמַשְׁרִיתָא לְמֵימַר, גְּבַר וְאִתָּא לָא יַעְבְּדוּן עוֹד עֲבִידְתָא, לְאַפְרָשׁוּת קֻדְשָׁא; וּפְסַק עַמָּא, מִלְּאֵיתָאָה.  
7," וַעֲבִידְתָא, הֲוָת מִסַּת לְכָל עֲבִידְתָא--לְמֶעֱבַד יָתַהּ; וִיתַרַת.  {ס} 
8," וַעֲבַדוּ כָּל חַכִּימֵי לִבָּא בְּעָבְדֵי עֲבִידְתָא, יָת מַשְׁכְּנָא--עֲסַר יְרִיעָן:  דְּבוּץ שְׁזִיר, וְתַכְלָא וְאַרְגְּוָנָא וּצְבַע זְהוֹרִי--צוּרַת כְּרוּבִין עוֹבָד אֻמָּן, עֲבַד יָתְהוֹן.  
9," אֻרְכָּא דִּירִיעֲתָא חֲדָא, עַסְרִין וְתַמְנֵי אַמִּין, וּפֻתְיָא אַרְבַּע אַמִּין, דִּירִיעֲתָא חֲדָא:  מִשְׁחֲתָא חֲדָא, לְכָל יְרִיעָתָא.  
10," וְלָפֵיף יָת חֲמֵישׁ יְרִיעָן, חֲדָא עִם חֲדָא; וַחֲמֵישׁ יְרִיעָן לָפֵיף, חֲדָא עִם חֲדָא.  
11," וַעֲבַד עֲנֻבִּין דְּתַכְלָא, עַל סִפְתָּא דִּירִיעֲתָא חֲדָא, מִסִּטְרָא, בֵּית לוֹפֵי; כֵּין עֲבַד, בְּסִפְתָּא דִּירִיעֲתָא, בִּסְטָרא, בֵּית לוֹפִי תִּנְיָנָא.  
12," חַמְשִׁין עֲנֻבִּין, עֲבַד בִּירִיעֲתָא חֲדָא, וְחַמְשִׁין עֲנֻבִּין עֲבַד בְּסִטְרָא דִּירִיעֲתָא, דְּבֵית לוֹפֵי תִּנְיָנָא:  מַכְוְנָן, עֲנֻבַּיָּא--חֲדָא, לָקֳבֵיל חֲדָא.  
13," וַעֲבַד, חַמְשִׁין פֻּרְפִין דִּדְהַב; וְלָפֵיף יָת יְרִיעָתָא חֲדָא עִם חֲדָא, בְּפֻרְפַיָּא, וַהֲוָה מַשְׁכְּנָא, חַד.  {פ} 
14," וַעֲבַד יְרִיעָן דְּמַעְזֵי, לִפְרָסָא עַל מַשְׁכְּנָא:  חֲדָא עַסְרֵי יְרִיעָן, עֲבַד יָתְהוֹן.  
15," אֻרְכָּא דִּירִיעֲתָא חֲדָא, תְּלָתִין אַמִּין, וְאַרְבַּע אַמִּין, פֻּתְיָא דִּירִיעֲתָא חֲדָא:  מִשְׁחֲתָא חֲדָא, לַחֲדָא עַסְרֵי יְרִיעָן.  
16," וְלָפֵיף יָת חֲמֵישׁ יְרִיעָן, לְחוֹד; וְיָת שֵׁית יְרִיעָן, לְחוֹד.  
17," וַעֲבַד עֲנֻבִּין חַמְשִׁין, עַל סִפְתָּא דִּירִיעֲתָא, בְּסִטְרָא, בֵּית לוֹפֵי; וְחַמְשִׁין עֲנֻבִּין, עֲבַד עַל סִפְתָא דִּירִיעֲתָא, דְּבֵית לוֹפֵי, תִּנְיָנָא.  
18," וַעֲבַד פֻּרְפִין דִּנְחָשׁ, חַמְשִׁין, לְלָפָפָא יָת מַשְׁכְּנָא, לְמִהְוֵי חַד.  
19," וַעֲבַד חוּפָאָה לְמַשְׁכְּנָא, דְּמַשְׁכֵּי דִּכְרֵי מְסֻמְּקֵי, וְחוּפָאָה דְּמַשְׁכֵּי סָסְגוֹנָא, מִלְּעֵילָא.  {ס} 
20," וַעֲבַד יָת דַּפַּיָּא, לְמַשְׁכְּנָא, דְּאָעֵי שִׁטִּין, קָיְמִין.  
21," עֲסַר אַמִּין, אֻרְכָּא דְּדַפָּא; וְאַמְּתָא וּפַלְגוּת אַמְּתָא, פֻּתְיָא דְּדַפָּא חַד.  
22," תְּרֵין צִירִין, לְדַפָּא חַד, מְשֻׁלְּבִין, חַד לָקֳבֵיל חַד; כֵּין עֲבַד, לְכֹל דַּפֵּי מַשְׁכְּנָא.  
23," וַעֲבַד יָת דַּפַּיָּא, לְמַשְׁכְּנָא:  עַסְרִין דַּפִּין, לְרוּחַ עֵיבַר דָּרוֹמָא.  
24," וְאַרְבְּעִין, סָמְכִין דִּכְסַף--עֲבַד, תְּחוֹת עַסְרִין דַּפִּין:  תְּרֵין סָמְכִין תְּחוֹת דַּפָּא חַד, לִתְרֵין צִירוֹהִי, וּתְרֵין סָמְכִין תְּחוֹת דַּפָּא חַד, לִתְרֵין צִירוֹהִי.  
25," וְלִסְטַר מַשְׁכְּנָא תִּנְיָנָא, לְרוּחַ צִפּוּנָא, עֲבַד, עַסְרִין דַּפִּין.  
26," וְאַרְבְּעִין סָמְכֵיהוֹן, דִּכְסַף--תְּרֵין סָמְכִין, תְּחוֹת דַּפָּא חַד, וּתְרֵין סָמְכִין, תְּחוֹת דַּפָּא חַד.  
27," וְלִסְיָפֵי מַשְׁכְּנָא, מַעְרְבָא, עֲבַד, שִׁתָּא דַּפִּין.  
28," וּתְרֵין דַּפִּין עֲבַד, לְזָוְיָת מַשְׁכְּנָא--בְּסוֹפְהוֹן.  
29," וַהֲווֹ מַכְוְנִין, מִלְּרַע, וְכַחְדָּא הֲווֹ מַכְוְנִין בְּרֵישֵׁיהוֹן, לְעִזְקְתָא חַדָא; כֵּין עֲבַד לְתַרְוֵיהוֹן, לְתַרְתֵּין זָוְיָן.  
30," וַהֲווֹ, תְּמָנְיָא דַּפִּין, וְסָמְכֵיהוֹן דִּכְסַף, שִׁתַּת עֲסַר סָמְכִין--תְּרֵין סָמְכִין תְּרֵין סָמְכִין, תְּחוֹת דַּפָּא חַד.  
31," וַעֲבַד עָבְרֵי, דְּאָעֵי שִׁטִּין--חַמְשָׁא, לְדַפֵּי סְטַר מַשְׁכְּנָא חַד.  
32," וְחַמְשָׁא עָבְרִין, לְדַפֵּי סְטַר מַשְׁכְּנָא תִּנְיָנָא; וְחַמְשָׁא עָבְרִין לְדַפֵּי מַשְׁכְּנָא, לְסוֹפְהוֹן מַעְרְבָא.  
33," וַעֲבַד, יָת עָבְרָא מְצִיעָאָה, לְאַעְבָּרָא בְּגוֹ דַּפַּיָּא, מִן סְיָפֵי לִסְיָפֵי.  
34," וְיָת דַּפַּיָּא חֲפָא דַּהְבָּא, וְיָת עִזְקָתְהוֹן עֲבַד דַּהְבָּא--אַתְרָא, לְעָבְרַיָּא; וַחֲפָא יָת עָבְרַיָּא, דַּהְבָּא.  
35," וַעֲבַד, יָת פָּרֻכְתָּא, דְּתַכְלָא וְאַרְגְּוָנָא וּצְבַע זְהוֹרִי, וּבוּץ שְׁזִיר; עוֹבָד אֻמָּן עֲבַד יָתַהּ, צוּרַת כְּרוּבִין.  
36," וַעֲבַד לַהּ, אַרְבְּעָא עַמּוּדֵי שִׁטִּין, וַחֲפָנוּן דַּהְבָּא, וָוֵיהוֹן דַּהְבָּא; וְאַתֵּיךְ לְהוֹן, אַרְבְּעָא סָמְכִין דִּכְסַף.  
37," וַעֲבַד פְּרָסָא לִתְרַע מַשְׁכְּנָא, דְּתַכְלָא וְאַרְגְּוָנָא וּצְבַע זְהוֹרִי וּבוּץ שְׁזִיר, עוֹבָד, צַיָּר.  
38," וְיָת עַמּוּדוֹהִי חַמְשָׁא וְיָת וָוֵיהוֹן, וְחַפִּי רֵישֵׁיהוֹן וְכִבּוּשֵׁיהוֹן דַּהְבָּא; וְסָמְכֵיהוֹן חַמְשָׁא, דִּנְחָשָׁא.  {פ} 
<h4>37</h4>
1," וַעֲבַד בְּצַלְאֵל יָת אֲרוֹנָא, דְּאָעֵי שִׁטִּין:  תַּרְתֵּין אַמִּין וּפַלְגָּא אֻרְכֵּיהּ, וְאַמְּתָא וּפַלְגָּא פֻּתְיֵיהּ, וְאַמְּתָא וּפַלְגָּא, רוּמֵיהּ.  
2," וַחֲפָהִי דְּהַב דְּכֵי, מִגָּיו וּמִבַּרָא; וַעֲבַד לֵיהּ זִיר דִּדְהַב, סְחוֹר סְחוֹר.  
3," וְאַתֵּיךְ לֵיהּ, אַרְבַּע עִזְקָן דִּדְהַב, עַל, אַרְבַּע זָוְיָתֵיהּ; וְתַרְתֵּין עִזְקָן, עַל סִטְרֵיהּ חַד, וְתַרְתֵּין עִזְקָן, עַל סִטְרֵיהּ תִּנְיָנָא.  
4," וַעֲבַד אֲרִיחֵי, דְּאָעֵי שִׁטִּין; וַחֲפָא יָתְהוֹן, דַּהְבָּא.  
5," וְאַעֵיל יָת אֲרִיחַיָּא בְּעִזְקָתָא, עַל סִטְרֵי אֲרוֹנָא, לְמִטַּל, יָת אֲרוֹנָא.  
6," וַעֲבַד כָּפֻרְתָּא, דִּדְהַב דְּכֵי:  תַּרְתֵּין אַמִּין וּפַלְגָּא אֻרְכַּהּ, וְאַמְּתָא וּפַלְגָּא פֻּתְיַהּ.  
7," וַעֲבַד תְּרֵין כְּרוּבִין, דִּדְהַב; נְגִיד עֲבַד יָתְהוֹן, מִתְּרֵין סִטְרֵי כָּפֻרְתָּא.  
8," כְּרוּבָא חַד מִסִּטְרָא מִכָּא, וּכְרוּבָא חַד מִסִּטְרָא מִכָּא; מִן כָּפֻרְתָּא עֲבַד יָת כְּרוּבַיָּא, מִתְּרֵין סִטְרוֹהִי.  
9," וַהֲווֹ כְּרוּבַיָּא פְּרִיסִין גַּדְפֵּיהוֹן לְעֵילָא, מְטַלַּן בְּגַדְפֵּיהוֹן עַל כָּפֻרְתָּא, וְאַפֵּיהוֹן, חַד לָקֳבֵיל חַד; לָקֳבֵיל כָּפֻרְתָּא--הֲווֹ, אַפֵּי כְּרוּבַיָּא.  {פ} 
10," וַעֲבַד יָת פָּתוּרָא, דְּאָעֵי שִׁטִּין:  תַּרְתֵּין אַמִּין אֻרְכֵּיהּ וְאַמְּתָא פֻּתְיֵיהּ, וְאַמְּתָא וּפַלְגָּא רוּמֵיהּ.  
11," וַחֲפָא יָתֵיהּ, דְּהַב דְּכֵי; וַעֲבַד לֵיהּ זִיר דִּדְהַב, סְחוֹר סְחוֹר.  
12," וַעֲבַד לֵיהּ גְּדָנְפָא רוּמֵיהּ פֻּשְׁכָּא, סְחוֹר סְחוֹר; וַעֲבַד זִיר דִּדְהַב לִגְדָנְפֵיהּ, סְחוֹר סְחוֹר.  
13," וְאַתֵּיךְ לֵיהּ, אַרְבַּע עִזְקָן דִּדְהַב; וִיהַב, יָת עִזְקָתָא, עַל אַרְבַּע זָוְיָתָא, דִּלְאַרְבַּע רַגְלוֹהִי.  
14," לָקֳבֵיל, גְּדָנְפָא, הֲוַאָה, עִזְקָתָא; אַתְרָא, לַאֲרִיחַיָּא, לְמִטַּל, יָת פָּתוּרָא.  
15," וַעֲבַד יָת אֲרִיחַיָּא דְּאָעֵי שִׁטִּין, וַחֲפָא יָתְהוֹן דַּהְבָּא, לְמִטַּל, יָת פָּתוּרָא.  
16," וַעֲבַד יָת מָנַיָּא דְּעַל פָּתוּרָא, יָת מְגִסּוֹהִי וְיָת בָּזִכּוֹהִי וְיָת מְכִילָתֵיהּ, וְיָת קָסְוָתָא, דְּיִתְנַסַּךְ בְּהוֹן--דִּדְהַב, דְּכֵי.  {פ} 
17," וַעֲבַד יָת מְנָרְתָא, דִּדְהַב דְּכֵי; נְגִיד עֲבַד יָת מְנָרְתָא, שִׁדַּהּ וּקְנַהּ--כַּלִּידַהָא חַזּוּרַהָא וְשׁוֹשַׁנַּהָא, מִנַּהּ הֲווֹ.  
18," ושִׁתָּא קְנִין, נָפְקִין מִסִּטְרַהָא:  תְּלָתָא קְנֵי מְנָרְתָא, מִסִּטְרַהּ חַד, וּתְלָתָא קְנֵי מְנָרְתָא, מִסִּטְרַהּ תִּנְיָנָא.  
19," תְּלָתָא כַּלִּידִין מְצָיְרִין בְּקַנְיָא חַד, חַזּוּר וְשׁוֹשָׁן, וּתְלָתָא כַּלִּידִין מְצָיְרִין בְּקַנְיָא חַד, חַזּוּר וְשׁוֹשָׁן; כֵּין לְשִׁתָּא קְנִין, דְּנָפְקִין מִן מְנָרְתָא.  
20," וּבִמְנָרְתָא, אַרְבְּעָא כַּלִּידִין:  מְצָיְרִין--חַזּוּרַהָא, וְשׁוֹשַׁנַּהָא.  
21," וְחַזּוּר תְּחוֹת תְּרֵין קְנִין דְּמִנַּהּ, וְחַזּוּר תְּחוֹת תְּרֵין קְנִין דְּמִנַּהּ, וְחַזּוּר, תְּחוֹת תְּרֵין קְנִין דְּמִנַּהּ--לְשִׁתָּא, קְנִין, דְּנָפְקִין, מִנַּהּ.  
22," חַזּוּרֵיהוֹן וּקְנֵיהוֹן, מִנַּהּ הֲווֹ; כֻּלַּהּ נְגִידָא חֲדָא, דִּדְהַב דְּכֵי.  
23," וַעֲבַד יָת בּוֹצִינַהָא, שִׁבְעָא; וְצֵיבְתַהָא וּמַחְתְּיָתַהָא, דִּדְהַב דְּכֵי.  
24," כַּכְּרָא דְּדַהְבָּא דָּכְיָא, עֲבַד יָתַהּ, וְיָת, כָּל מָנַהָא.  {פ} 
25," וַעֲבַד יָת מַדְבְּחָא דִּקְטֹרֶת בֻּסְמַיָּא, דְּאָעֵי שִׁטִּין:  אַמְּתָא אֻרְכֵּיהּ וְאַמְּתָא פֻּתְיֵיהּ מְרֻבַּע, וְתַרְתֵּין אַמִּין רוּמֵיהּ--מִנֵּיהּ, הֲוַאָה קַרְנוֹהִי.  
26," וַחֲפָא יָתֵיהּ דְּהַב דְּכֵי, יָת אִגָּרֵיהּ וְיָת כֻּתְלוֹהִי סְחוֹר סְחוֹר--וְיָת קַרְנוֹהִי; וַעֲבַד לֵיהּ זִיר דִּדְהַב, סְחוֹר סְחוֹר.  
27," וְתַרְתֵּין עִזְקָן דִּדְהַב עֲבַד לֵיהּ מִלְּרַע לְזֵירֵיהּ, עַל תַּרְתֵּין זָוְיָתֵיהּ, עַל, תְּרֵין סִטְרוֹהִי--לְאַתְרָא לַאֲרִיחַיָּא, לְמִטַּל יָתֵיהּ בְּהוֹן.  
28," וַעֲבַד יָת אֲרִיחַיָּא, דְּאָעֵי שִׁטִּין; וַחֲפָא יָתְהוֹן, דַּהְבָּא.  
29," וַעֲבַד יָת מִשְׁחָא דִּרְבוּתָא, קֻדְשָׁא, וְיָת קְטֹרֶת בֻּסְמַיָּא, דְּכֵי--עוֹבָד, בֻּסְמָנוּ.  {ס} 
<h4>38</h4>
1," וַעֲבַד יָת מַדְבְּחָא דַּעֲלָתָא, דְּאָעֵי שִׁטִּין:  חֲמֵישׁ אַמִּין אֻרְכֵּיהּ וַחֲמֵישׁ אַמִּין פֻּתְיֵיהּ, מְרֻבַּע, וּתְלָת אַמִּין, רוּמֵיהּ.  
2," וַעֲבַד קַרְנוֹהִי, עַל אַרְבַּע זָוְיָתֵיהּ--מִנֵּיהּ, הֲוָאָה קַרְנוֹהִי; וַחֲפָא יָתֵיהּ, נְחָשָׁא.  
3," וַעֲבַד יָת כָּל מָנֵי מַדְבְּחָא, יָת פְּסַכְתֵּירְוָתָא וְיָת מַגְרוֹפְיָתָא וְיָת מִזְרְקַיָּא, יָת צִנּוֹרְיָתָא, וְיָת מַחְתְּיָתָא; כָּל מָנוֹהִי, עֲבַד נְחָשָׁא.  
4," וַעֲבַד לְמַדְבְּחָא סְרָדָא, עוֹבָד מְצָדְתָא דִּנְחָשָׁא, תְּחוֹת סוֹבֵיבֵיהּ מִלְּרַע, עַד פַּלְגֵּיהּ.  
5," וְאַתֵּיךְ אַרְבַּע עִזְקָן, בְּאַרְבַּע זָוְיָתָא--לִסְרָדָא דִּנְחָשָׁא:  אַתְרָא, לַאֲרִיחַיָּא.  
6," וַעֲבַד יָת אֲרִיחַיָּא, דְּאָעֵי שִׁטִּין; וַחֲפָא יָתְהוֹן, נְחָשָׁא.  
7," וְאַעֵיל יָת אֲרִיחַיָּא בְּעִזְקָתָא, עַל סִטְרֵי מַדְבְּחָא, לְמִטַּל יָתֵיהּ, בְּהוֹן; חֲלִיל לוּחִין, עֲבַד יָתֵיהּ.  {ס} 
8," וַעֲבַד, יָת כִּיּוֹרָא דִּנְחָשָׁא, וְיָת, בְּסִיסֵיהּ דִּנְחָשָׁא--בְּמִחְזְיָת, נְשַׁיָּא, דְּאָתְיָן לְצַלָּאָה, בִּתְרַע מַשְׁכַּן זִמְנָא.  {ס} 
9," וַעֲבַד, יָת דָּרְתָא:  לְרוּחַ עֵיבַר דָּרוֹמָא, סְרָדֵי דָּרְתָא דְּבוּץ שְׁזִיר, מְאָה, אַמִּין.  
10," עַמּוּדֵיהוֹן עַסְרִין, וְסָמְכֵיהוֹן עַסְרִין דִּנְחָשָׁא; וָוֵי עַמּוּדַיָּא וְכִבּוּשֵׁיהוֹן, כְּסַף.  
11," וּלְרוּחַ צִפּוּנָא, מְאָה אַמִּין--עַמּוּדֵיהוֹן עַסְרִין, וְסָמְכֵיהוֹן עַסְרִין דִּנְחָשָׁא; וָוֵי עַמּוּדַיָּא וְכִבּוּשֵׁיהוֹן, כְּסַף.  
12," וּלְרוּחַ מַעְרָבָא, סְרָדֵי חַמְשִׁין אַמִּין--עַמּוּדֵיהוֹן עַסְרָא, וְסָמְכֵיהוֹן עַסְרָא; וָוֵי עַמּוּדַיָּא וְכִבּוּשֵׁיהוֹן, כְּסַף.  
13," וּלְרוּחַ קִדּוּמָא מַדְנְחָא, חַמְשִׁין אַמִּין.  
14," סְרָדֵי חֲמֵישׁ עַסְרֵי אַמִּין, לְעִבְרָא; עַמּוּדֵיהוֹן תְּלָתָא, וְסָמְכֵיהוֹן תְּלָתָא.  
15," וּלְעִבְרָא תִּנְיָנָא, מִכָּא וּמִכָּא לִתְרַע דָּרְתָא, סְרָדֵי, חֲמֵישׁ עַסְרֵי אַמִּין; עַמּוּדֵיהוֹן תְּלָתָא, וְסָמְכֵיהוֹן תְּלָתָא.  
16," כָּל סְרָדֵי דָּרְתָא סְחוֹר סְחוֹר, דְּבוּץ שְׁזִיר.  
17," וְסָמְכַיָּא לְעַמּוּדַיָּא, דִּנְחָשָׁא, וָוֵי עַמּוּדַיָּא וְכִבּוּשֵׁיהוֹן כְּסַף, וְחִפּוּי רֵישֵׁיהוֹן כְּסַף; וְאִנּוּן מְכֻבְּשִׁין כְּסַף, כֹּל עַמּוּדֵי דָּרְתָא.  
18," וּפְרָסָא דִּתְרַע דָּרְתָא, עוֹבָד צַיָּר--דְּתַכְלָא וְאַרְגְּוָנָא וּצְבַע זְהוֹרִי, וּבוּץ שְׁזִיר; וְעַסְרִין אַמִּין, אֻרְכָּא, וְרוּמָא בְּפֻתְיָא חֲמֵישׁ אַמִּין, לָקֳבֵיל סְרָדֵי דָּרְתָא.  
19," וְעַמּוּדֵיהוֹן, אַרְבְּעָא, וְסָמְכֵיהוֹן אַרְבְּעָא, דִּנְחָשָׁא; וָוֵיהוֹן כְּסַף, וְחִפּוּי רֵישֵׁיהוֹן וְכִבּוּשֵׁיהוֹן כְּסַף.  
20," וְכָל סִכַּיָּא לְמַשְׁכְּנָא וּלְדָרְתָא, סְחוֹר סְחוֹר--דִּנְחָשָׁא.  {ס} 
21," אִלֵּין מִנְיָנֵי מַשְׁכְּנָא מַשְׁכְּנָא דְּסָהֲדוּתָא, דְּאִתְמְנִיאוּ עַל מֵימְרָא דְּמֹשֶׁה:  פֻּלְחַן, לֵיוָאֵי, בִּידָא דְּאִיתָמָר, בַּר אַהֲרוֹן כָּהֲנָא.  
22," וּבְצַלְאֵל בַּר אוּרִי בַּר חוּר, לְשִׁבְטָא דִּיהוּדָה, עֲבַד, יָת כָּל דְּפַקֵּיד יְיָ יָת מֹשֶׁה.  
23," וְעִמֵּיהּ, אָהֳלִיאָב בַּר אֲחִיסָמָךְ לְשִׁבְטָא דְּדָן--נַגָּר וְאֻמָּן; וְצַיָּר, בְּתַכְלָא וּבְאַרְגְּוָנָא, וּבִצְבַע זְהוֹרִי, וּבְבוּצָא.  {ס} 
24," כָּל דַּהְבָּא, דְּאִתְעֲבֵיד לַעֲבִידְתָא, בְּכֹל, עֲבִידַת קֻדְשָׁא--וַהֲוָה דְּהַב אֲרָמוּתָא, עַסְרִין וּתְשַׁע כַּכְּרִין, וּשְׁבַע מְאָה וּתְלָתִין סִלְעִין, בְּסִלְעֵי קֻדְשָׁא.  
25," וּכְסַף מִנְיָנֵי כְּנִשְׁתָּא, מְאָה כַּכְּרִין; וְאֶלֶף וּשְׁבַע מְאָה וְשִׁבְעִין וַחֲמֵישׁ, סִלְעִין--בְּסִלְעֵי קֻדְשָׁא.  
26," תִּקְלָא, לְגֻלְגֻּלְתָּא, פַּלְגוּת סִלְעָא, בְּסִלְעֵי קֻדְשָׁא--לְכֹל דְּעָבַר עַל מִנְיָנַיָּא, מִבַּר עַסְרִין שְׁנִין וּלְעֵילָא, לְשֵׁית מְאָה וּתְלָתָא אַלְפִין, וַחֲמֵישׁ מְאָה וְחַמְשִׁין.  
27," וַהֲוָאָה, מְאָה כַּכְּרֵי כַּסְפָּא, לְאַתָּכָא יָת סָמְכֵי קֻדְשָׁא, וְיָת סָמְכֵי פָּרֻכְתָּא:  מְאָה סָמְכִין לִמְאָה כַּכְּרִין, כַּכְּרָא לְסָמְכָא.  
28," וְיָת אֶלֶף וּשְׁבַע מְאָה, וְשִׁבְעִין וַחֲמֵישּׁ, עֲבַד וָוִין, לְעַמּוּדַיָּא; וְחַפִּי רֵישֵׁיהוֹן, וְכַבֵּישׁ יָתְהוֹן.  
29," וּנְחָשׁ אֲרָמוּתָא, שִׁבְעִין כַּכְּרִין, וּתְרֵין אַלְפִין וְאַרְבַּע מְאָה, סִלְעִין.  
30," וַעֲבַד בַּהּ, יָת סָמְכֵי תְּרַע מַשְׁכַּן זִמְנָא, וְיָת מַדְבְּחָא דִּנְחָשָׁא, וְיָת סְרָדָא דִּנְחָשָׁא דִּילֵיהּ; וְיָת, כָּל מָנֵי מַדְבְּחָא.  
31," וְיָת סָמְכֵי דָּרְתָא סְחוֹר סְחוֹר, וְיָת סָמְכֵי תְּרַע דָּרְתָא; וְיָת כָּל סִכֵּי מַשְׁכְּנָא וְיָת כָּל סִכֵּי דָּרְתָא, סְחוֹר סְחוֹר.  
<h4>39</h4>
1," וּמִן תַּכְלָא וְאַרְגְּוָנָא וּצְבַע זְהוֹרִי, עֲבַדוּ לְבוּשֵׁי שִׁמּוּשָׁא לְשַׁמָּשָׁא בְּקֻדְשָׁא; וַעֲבַדוּ יָת לְבוּשֵׁי קֻדְשָׁא, דִּלְאַהֲרוֹן, כְּמָא דְּפַקֵּיד יְיָ, יָת מֹשֶׁה.  {פ} 
2," וַעֲבַד, יָת אֵיפוֹדָא:  דַּהְבָּא, תַּכְלָא וְאַרְגְּוָנָא וּצְבַע זְהוֹרִי--וּבוּץ שְׁזִיר.  
3," וְרַדִידוּ יָת טַסֵי דְּדַהְבָּא, וְקַצִּיצוּ חוּטִין, לְמֶעֱבַד בְּגוֹ תַּכְלָא וּבְגוֹ אַרְגְּוָנָא, וּבְגוֹ צְבַע זְהוֹרִי וּבְגוֹ בּוּצָא--עוֹבָד, אֻמָּן.  
4," כִּתְפִין עֲבַדוּ לֵיהּ, מְלָפְפָן--עַל תְּרֵין סִטְרוֹהִי, מְלָפַף.  
5," וְהִמְיַן תִּקּוּנֵיהּ דַּעֲלוֹהִי, מִנֵּיהּ הוּא כְּעוֹבָדוֹהִי, דַּהְבָּא תַּכְלָא וְאַרְגְּוָנָא וּצְבַע זְהוֹרִי, וּבוּץ שְׁזִיר--כְּמָא דְּפַקֵּיד יְיָ, יָת מֹשֶׁה.  {ס} 
6," וַעֲבַדוּ יָת אַבְנֵי בֻּרְלָא, מְשַׁקְּעָן מְרַמְּצָן דִּדְהַב, גְּלִיפָן כְּתָב מְפָרַשׁ, עַל שְׁמָהָת בְּנֵי יִשְׂרָאֵל.  
7," וְשַׁוִּי יָתְהוֹן, עַל כִּתְפֵי אֵיפוֹדָא--אַבְנֵי דֻּכְרָנָא, לִבְנֵי יִשְׂרָאֵל:  כְּמָא דְּפַקֵּיד יְיָ, יָת מֹשֶׁה.  {פ} 
8," וַעֲבַד יָת חֻשְׁנָא עוֹבָד אֻמָּן, כְּעוֹבָד אֵיפוֹדָא:  דַּהְבָּא, תַּכְלָא וְאַרְגְּוָנָא וּצְבַע זְהוֹרִי--וּבוּץ שְׁזִיר.  
9," מְרֻבַּע הֲוָה עִיף, עֲבַדוּ יָת חֻשְׁנָא--זַרְתָּא אֻרְכֵּיהּ וְזַרְתָּא פֻּתְיֵיהּ, עִיף.  
10," וְאַשְׁלִימוּ בֵּיהּ--אַרְבְּעָא, סִדְרִין דְּאֶבֶן טָבָא:  סִדְרָא קַדְמָאָה, סָמְקָן יָרְקָן וּבָרְקָן--סִדְרָא, חַד.  
11," וְסִדְרָא, תִּנְיָנָא--אִזְמַרַגְדִּין שַׁבְזֵיז, וְסַבְהֲלוֹם.  
12," וְסִדְרָא, תְּלִיתָאָה--קַנְכֵּירִי טְרַקְיָא, וְעֵין עִגְלָא.  
13," וְסִדְרָא, רְבִיעָאָה--כְּרוּם יַמָּא וּבֻרְלָא, וּפַנְתֵּירִי:  מְשַׁקְּעָן מְרַמְּצָן בִּדְהַב, בְּאַשְׁלָמוּתְהוֹן.  
14," וְאַבְנַיָּא עַל שְׁמָהָת בְּנֵי יִשְׂרָאֵל אִנִּין, תַּרְתַּא עַסְרֵי--עַל שְׁמָהָתְהוֹן:  כְּתָב מְפָרַשׁ כִּגְלָף דְּעִזְקָא גְּבַר עַל שְׁמֵיהּ, לִתְרֵי עֲסַר שִׁבְטִין.  
15," וַעֲבַדוּ עַל חֻשְׁנָא תִּכִּין מְתַחֲמָן, עוֹבָד גְּדִילוּ, דִּדְהַב, דְּכֵי.  
16," וַעֲבַדוּ, תַּרְתֵּין מְרַמְּצָן דִּדְהַב, וְתַרְתֵּין, עִזְקָן דִּדְהַב; וִיהַבוּ, יָת תַּרְתֵּין עִזְקָתָא, עַל תְּרֵין, סִטְרֵי חֻשְׁנָא.  
17," וִיהַבוּ, תַּרְתֵּין גְּדִילָן דִּדְהַב, עַל תַּרְתֵּין, עִזְקָתָא--עַל סִטְרֵי, חֻשְׁנָא.  
18," וְיָת תַּרְתֵּין גְּדִילָן דְּעַל תְּרֵין סִטְרוֹהִי, יְהַבוּ עַל תַּרְתֵּין מְרַמְּצָתָא; וִיהַבוּנִין עַל כִּתְפֵי אֵיפוֹדָא, לָקֳבֵיל אַפּוֹהִי.  
19," וַעֲבַדוּ, תַּרְתֵּין עִזְקָן דִּדְהַב, וְשַׁוִּיאוּ, עַל תְּרֵין סִטְרֵי חֻשְׁנָא:  עַל סִפְתֵּיהּ--דִּלְעִבְרָא דְּאֵיפוֹדָא, לְגָיו.  
20," וַעֲבַדוּ, תַּרְתֵּין עִזְקָן דִּדְהַב, וִיהַבוּנִין עַל תְּרֵין כִּתְפֵי אֵיפוֹדָא מִלְּרַע מִלָּקֳבֵיל אַפּוֹהִי, לָקֳבֵיל בֵּית לוֹפֵי--מֵעִלָּוֵי, לְהִמְיַן אֵיפוֹדָא.  
21," וַאֲחַדוּ יָת חֻשְׁנָא מֵעִזְקָתֵיהּ לְעִזְקָת אֵיפוֹדָא בְּחוּטָא דִּתְכִילְתָא, לְמִהְוֵי עַל הִמְיַן אֵיפוֹדָא, וְלָא יִתְפָּרַק חֻשְׁנָא, מֵעִלָּוֵי אֵיפוֹדָא--כְּמָא דְּפַקֵּיד יְיָ, יָת מֹשֶׁה.  {פ} 
22," וַעֲבַד יָת מְעִיל אֵיפוֹדָא, עוֹבָד מָחֵי, גְּמִיר, תַּכְלָא.  
23," וּפֻמֵּיהּ דִּמְעִילָא כְּפִיל לְגַוֵּיהּ, כְּפֹם שִׁרְיָן; תּוּרָא מַקַּף לְפֻמֵּיהּ סְחוֹר סְחוֹר, לָא יִתְבְּזַע.  
24," וַעֲבַדוּ, עַל שִׁפּוֹלֵי מְעִילָא, רִמּוֹנֵי, תַּכְלָא וְאַרְגְּוָנָא וּצְבַע זְהוֹרִי--שְׁזִיר.  
25," וַעֲבַדוּ זַגִּין, דִּדְהַב דְּכֵי; וִיהַבוּ יָת זַגַּיָּא בְּגוֹ רִמּוֹנַיָּא, עַל שִׁפּוֹלֵי מְעִילָא סְחוֹר סְחוֹר--בְּגוֹ, רִמּוֹנַיָּא.  
26," זַגָּא וְרִמּוֹנָא זַגָּא וְרִמּוֹנָא, עַל שִׁפּוֹלֵי מְעִילָא סְחוֹר סְחוֹר, לְשַׁמָּשָׁא, כְּמָא דְּפַקֵּיד יְיָ יָת מֹשֶׁה.  {ס} 
27," וַעֲבַדוּ יָת כִּתּוּנִין דְּבוּצָא, עוֹבָד מָחֵי, לְאַהֲרוֹן, וְלִבְנוֹהִי.  
28," וְיָת מַצְנַפְתָּא דְּבוּצָא, וְיָת שְׁבָח קוֹבְעַיָּא דְּבוּצָא, וְיָת מִכְנְסֵי בּוּצָא, דְּבוּץ שְׁזִיר.  
29," וְיָת הִמְיָנָא דְּבוּץ שְׁזִיר, וְתַכְלָא וְאַרְגְּוָנָא וּצְבַע זְהוֹרִי--עוֹבָד צַיָּר:  כְּמָא דְּפַקֵּיד יְיָ, יָת מֹשֶׁה.  {ס} 
30," וַעֲבַדוּ יָת צִיצָא כְּלִילָא דְּקֻדְשָׁא, דִּדְהַב דְּכֵי; וּכְתַבוּ עֲלוֹהִי, כְּתָב מְפָרַשׁ--קֹדֶשׁ, לַייָ.  
31," וִיהַבוּ עֲלוֹהִי חוּטָא דִּתְכִילְתָא, לְמִתַּן עַל מַצְנַפְתָּא מִלְּעֵילָא, כְּמָא דְּפַקֵּיד יְיָ, יָת מֹשֶׁה.  {ס} 
32," וּשְׁלֵימַת--כָּל עֲבִידַת, מַשְׁכְּנָא מַשְׁכַּן זִמְנָא; וַעֲבַדוּ, בְּנֵי יִשְׂרָאֵל--כְּכֹל דְּפַקֵּיד יְיָ יָת מֹשֶׁה, כֵּין עֲבַדוּ.  {פ} 
33," וְאֵיתִיאוּ יָת מַשְׁכְּנָא לְוָת מֹשֶׁה, יָת מַשְׁכְּנָא וְיָת כָּל מָנוֹהִי, פֻּרְפוֹהִי דַּפּוֹהִי, עָבְרוֹהִי וְעַמּוּדוֹהִי וְסָמְכוֹהִי.  
34," וְיָת חוּפָאָה דְּמַשְׁכֵּי דִּכְרֵי, מְסֻמְּקֵי, וְיָת חוּפָאָה, דְּמַשְׁכֵּי סָסְגוֹנָא; וְיָת, פָּרֻכְתָּא דִּפְרָסָא.  
35," יָת אֲרוֹנָא דְּסָהֲדוּתָא, וְיָת אֲרִיחוֹהִי; וְיָת, כָּפֻרְתָּא.  
36," יָת פָּתוּרָא, יָת כָּל מָנוֹהִי, וְיָת, לְחֵים אַפַּיָּא.  
37," יָת מְנָרְתָא דָּכִיתָא יָת בּוֹצִינַהָא, בּוֹצִינֵי סִדְרָא--וְיָת כָּל מָנַהָא; וְיָת מִשְׁחָא, דְּאַנְהָרוּתָא.  
38," וְיָת, מַדְבְּחָא דְּדַהְבָּא, וְיָת מִשְׁחָא דִּרְבוּתָא, וְיָת קְטֹרֶת בֻּסְמַיָּא; וְיָת, פְּרָסָא דִּתְרַע מַשְׁכְּנָא.  
39," יָת מַדְבְּחָא דִּנְחָשָׁא, וְיָת סְרָדָא דִּנְחָשָׁא דִּילֵיהּ, יָת אֲרִיחוֹהִי, וְיָת כָּל מָנוֹהִי; יָת כִּיּוֹרָא, וְיָת בְּסִיסֵיהּ.  
40," יָת סְרָדֵי דָּרְתָא יָת עַמּוּדַהָא וְיָת סָמְכַהָא, וְיָת פְּרָסָא לִתְרַע דָּרְתָא, יָת אַטּוּנוֹהִי, וְסִכַּהָא; וְיָת, כָּל מָנֵי פֻּלְחַן מַשְׁכְּנָא--לְמַשְׁכַּן זִמְנָא.  
41," יָת לְבוּשֵׁי שִׁמּוּשָׁא, לְשַׁמָּשָׁא בְּקֻדְשָׁא; יָת לְבוּשֵׁי קֻדְשָׁא לְאַהֲרוֹן כָּהֲנָא, וְיָת לְבוּשֵׁי בְּנוֹהִי לְשַׁמָּשָׁא.  
42," כְּכֹל דְּפַקֵּיד יְיָ, יָת מֹשֶׁה:  כֵּין עֲבַדוּ בְּנֵי יִשְׂרָאֵל, יָת כָּל פֻּלְחָנָא.  
43," וַחֲזָא מֹשֶׁה יָת כָּל עֲבִידְתָא, וְהָא עֲבַדוּ יָתַהּ--כְּמָא דְּפַקֵּיד יְיָ, כֵּין עֲבַדוּ; וּבָרֵיךְ יָתְהוֹן, מֹשֶׁה.  {פ} 
<h4>40</h4>
1," וּמַלֵּיל יְיָ, עִם מֹשֶׁה לְמֵימַר.  
2," בְּיוֹם יַרְחָא קַדְמָאָה, בְּחַד לְיַרְחָא, תְּקִים, יָת מַשְׁכְּנָא מַשְׁכַּן זִמְנָא.  
3," וּתְשַׁוֵּי תַּמָּן, יָת אֲרוֹנָא דְּסָהֲדוּתָא; וְתַטֵּיל עַל אֲרוֹנָא, יָת פָּרֻכְתָּא.  
4," וְתַעֵיל, יָת פָּתוּרָא, וְתַסְדֵּר, יָת סִדְרֵיהּ; וְתַעֵיל, יָת מְנָרְתָא, וְתַדְלֵיק, יָת בּוֹצִינַהָא.  
5," וְתִתֵּין יָת מַדְבְּחָא דְּדַהְבָּא, לִקְטֹרֶת בֻּסְמַיָּא, קֳדָם, אֲרוֹנָא דְּסָהֲדוּתָא; וּתְשַׁוֵּי יָת פְּרָסָא דְּתַרְעָא, לְמַשְׁכְּנָא.  
6," וְתִתֵּין, יָת מַדְבְּחָא דַּעֲלָתָא, קֳדָם, תְּרַע מַשְׁכְּנָא מַשְׁכַּן זִמְנָא.  
7," וְתִתֵּין, יָת כִּיּוֹרָא, בֵּין מַשְׁכַּן זִמְנָא, וּבֵין מַדְבְּחָא; וְתִתֵּין תַּמָּן, מַיָּא.  
8," וּתְשַׁוֵּי יָת דָּרְתָא, סְחוֹר סְחוֹר; וְתִתֵּין, יָת פְּרָסָא דִּתְרַע דָּרְתָא.  
9," וְתִסַּב יָת מִשְׁחָא דִּרְבוּתָא, וּתְרַבֵּי יָת מַשְׁכְּנָא וְיָת כָּל דְּבֵיהּ; וּתְקַדֵּישׁ יָתֵיהּ וְיָת כָּל מָנוֹהִי, וִיהֵי קֻדְשָׁא.  
10," וּתְרַבֵּי יָת מַדְבְּחָא דַּעֲלָתָא, וְיָת כָּל מָנוֹהִי; וּתְקַדֵּשׁ, יָת מַדְבְּחָא, וִיהֵי מַדְבְּחָא, קֹדֶשׁ קֻדְשִׁין.  
11," וּתְרַבֵּי יָת כִּיּוֹרָא, וְיָת בְּסִיסֵיהּ; וּתְקַדֵּישׁ, יָתֵיהּ.  
12," וּתְקָרֵיב יָת אַהֲרוֹן וְיָת בְּנוֹהִי, לִתְרַע מַשְׁכַּן זִמְנָא; וְתַסְחֵי יָתְהוֹן, בְּמַיָּא.  
13," וְתַלְבֵּישׁ, יָת אַהֲרוֹן, יָת, לְבוּשֵׁי קֻדְשָׁא; וּתְרַבֵּי יָתֵיהּ וּתְקַדֵּישׁ יָתֵיהּ, וִישַׁמֵּישׁ קֳדָמָי.  
14," וְיָת בְּנוֹהִי, תְּקָרֵיב; וְתַלְבֵּישׁ יָתְהוֹן, כִּתּוּנִין.  
15," וּתְרַבֵּי יָתְהוֹן, כְּמָא דְּרַבִּיתָא יָת אֲבוּהוֹן, וִישַׁמְּשׁוּן, קֳדָמָי; וּתְהֵי לְמִהְוֵי לְהוֹן רְבוּתְהוֹן, לִכְהֻנַּת עָלַם--לְדָרֵיהוֹן.  
16," וַעֲבַד, מֹשֶׁה:  כְּכֹל דְּפַקֵּיד יְיָ, יָתֵיהּ--כֵּין עֲבַד.  {ס} 
17," וַהֲוָה בְּיַרְחָא קַדְמָאָה, בְּשַׁתָּא תִּנְיֵיתָא--בְּחַד לְיַרְחָא:  אִתָּקַם, מַשְׁכְּנָא.  
18," וַאֲקֵים מֹשֶׁה יָת מַשְׁכְּנָא, וִיהַב יָת סָמְכוֹהִי, וְשַׁוִּי יָת דַּפּוֹהִי, וִיהַב יָת עָבְרוֹהִי; וַאֲקֵים, יָת עַמּוּדוֹהִי.  
19," וּפְרַס יָת פְּרָסָא, עַל מַשְׁכְּנָא, וְשַׁוִּי יָת חוּפָאָה דְּמַשְׁכְּנָא עֲלוֹהִי, מִלְּעֵילָא--כְּמָא דְּפַקֵּיד יְיָ, יָת מֹשֶׁה.  {ס} 
20," וּנְסֵיב וִיהַב יָת סָהֲדוּתָא, בַּאֲרוֹנָא, וְשַׁוִּי יָת אֲרִיחַיָּא, עַל אֲרוֹנָא; וִיהַב יָת כָּפֻרְתָּא עַל אֲרוֹנָא, מִלְּעֵילָא.  
21," וְאַעֵיל יָת אֲרוֹנָא, לְמַשְׁכְּנָא, וְשַׁוִּי יָת פָּרֻכְתָּא דִּפְרָסָא, וְאַטֵּיל עַל אֲרוֹנָא דְּסָהֲדוּתָא--כְּמָא דְּפַקֵּיד יְיָ, יָת מֹשֶׁה.  {ס} 
22," וִיהַב יָת פָּתוּרָא בְּמַשְׁכַּן זִמְנָא, עַל שִׁדָּא דְּמַשְׁכְּנָא צִפּוּנָא, מִבַּרָא, לְפָרֻכְתָּא.  
23," וְסַדַּר עֲלוֹהִי סִדְרִין דִּלְחֵים, קֳדָם יְיָ--כְּמָא דְּפַקֵּיד יְיָ, יָת מֹשֶׁה.  {ס} 
24," וְשַׁוִּי יָת מְנָרְתָא בְּמַשְׁכַּן זִמְנָא, לָקֳבֵיל פָּתוּרָא, עַל שִׁדָּא דְּמַשְׁכְּנָא, דָּרוֹמָא.  
25," וְאַדְלֵיק בּוֹצִינַיָּא, קֳדָם יְיָ--כְּמָא דְּפַקֵּיד יְיָ, יָת מֹשֶׁה.  {ס} 
26," וְשַׁוִּי יָת מַדְבְּחָא דְּדַהְבָּא, בְּמַשְׁכַּן זִמְנָא, קֳדָם, פָּרֻכְתָּא.  
27," וְאַקְטַר עֲלוֹהִי, קְטֹרֶת בֻּסְמִין--כְּמָא דְּפַקֵּיד יְיָ, יָת מֹשֶׁה.  {ס} 
28," וְשַׁוִּי יָת פְּרָסָא דְּתַרְעָא, לְמַשְׁכְּנָא.  
29," וְיָת, מַדְבְּחָא דַּעֲלָתָא, שַׁוִּי, בִּתְרַע מַשְׁכְּנָא מַשְׁכַּן זִמְנָא; וְאַסֵּיק עֲלוֹהִי, יָת עֲלָתָא וְיָת מִנְחָתָא--כְּמָא דְּפַקֵּיד יְיָ, יָת מֹשֶׁה.  {ס} 
30," וְשַׁוִּי, יָת כִּיּוֹרָא, בֵּין מַשְׁכַּן זִמְנָא, וּבֵין מַדְבְּחָא; וִיהַב תַּמָּן מַיָּא, לְקִדּוּשׁ.  
31," וּמְקַדְּשִׁין מִנֵּיהּ, מֹשֶׁה וְאַהֲרוֹן וּבְנוֹהִי, יָת יְדֵיהוֹן, וְיָת רַגְלֵיהוֹן.  
32," בְּמֵיעַלְהוֹן לְמַשְׁכַּן זִמְנָא, וּבְמִקְרַבְהוֹן לְמַדְבְּחָא--מְקַדְּשִׁין:  כְּמָא דְּפַקֵּיד יְיָ, יָת מֹשֶׁה.  {ס} 
33," וַאֲקֵים יָת דָּרְתָא, סְחוֹר סְחוֹר לְמַשְׁכְּנָא וּלְמַדְבְּחָא, וִיהַב, יָת פְּרָסָא דִּתְרַע דָּרְתָא; וְשֵׁיצִי מֹשֶׁה, יָת עֲבִידְתָא.  {פ} 
34," וַחֲפָא עֲנָנָא, יָת מַשְׁכַּן זִמְנָא; וִיקָרָא דַּייָ, אִתְמְלִי יָת מַשְׁכְּנָא.  
35," וְלָא יָכֵיל מֹשֶׁה, לְמֵיעַל לְמַשְׁכַּן זִמְנָא--אֲרֵי שְׁרָא עֲלוֹהִי, עֲנָנָא; וִיקָרָא דַּייָ, אִתְמְלִי יָת מַשְׁכְּנָא.  
36," וּבְאִסְתַּלָּקוּת עֲנָנָא מֵעִלָּוֵי מַשְׁכְּנָא, נָטְלִין בְּנֵי יִשְׂרָאֵל, בְּכֹל, מַטְּלָנֵיהוֹן.  
37," וְאִם לָא מִסְתַּלַּק, עֲנָנָא--וְלָא נָטְלִין, עַד יוֹם אִסְתַּלָּקוּתֵיהּ.  
38," אֲרֵי עֲנַן יְקָרָא דַּייָ עַל מַשְׁכְּנָא, בִּימָמָא, וְחֵיזוּ אִישָׁתָא, הָוֵי בְּלֵילְיָא בֵּיהּ--לְעֵינֵי כָּל בֵּית יִשְׂרָאֵל, בְּכָל מַטְּלָנֵיהוֹן.  {ש}