1 ༡་ །ཡེ་ཤུ་མ་ཤི་ཀའི་ཞབས་ཕྱི་དང་ཨ༷་པོ་ཏོ་ལོ་པ་ཡིན་པའི་ཤི༷་མོན་པེ༷་ཏྲོ་ཡིས། ང་ཚོའི་ཨེ་ལོ་ཧིམ་དང་ང་ཚོའི་སྐྱབས་མགོན་ཡེ་ཤུ་མ་ཤི་ཀའི་ཐུགས་རྗེའི་ཞལ་ཆེའི་སྒོ་ནས་ང་ཚོ་དང་དད་པ་གཅིག་པ་ཐོབ་པ་རྣམས་ལ།"
2 ༢་ །ཨེ་ལོ་ཧིམ་དང་ང་ཚོའི་ཀྱུ་རི་བོ་ཡེ་ཤུ་རྟོགས་པའི་སྒོ་ནས་ཐུགས་རྗེ་དང་ཞི་བདེ་རྒྱས་པར་ཤོག་ཅིག།"
3 ༣་ །ཉིད་ཀྱི་དཔལ་བརྗིད་དང་མཆོག་ཏུ་གྱུར་པ་ལ་ཁོང་རྟོགས་པའི་སྒོ་ནས་ང་ཚོ་བོས་པར་མཛད་པའི་ཨེ་ལོ་ཧིམ་གྱིས། ཉིད་ཀྱི་སྟོབས་ཀྱིས་ཚེ་དང་དད་སེམས་ལ་གཏོགས་པ་ཐམས་ཅད་གནང་ངོ་།"
4 ༤་ །དེའི་སྒོ་ནས་ང་ཚོར་ཞལ་ཆད་ཤིན་ཏུ་ཆེ་ཞིང་རིན་ཆེན་རྣམས་མཛད་པས། འདོད་པའི་རྐྱེན་གྱིས་འཇིག་རྟེན་ནང་ཡོད་པའི་ངན་པ་ལས་ཁྱེད་ཐར་ཏེ། ཨེ་ལོ་ཧིམ་གྱི་ལུགས་ཀྱི་གཤིས་དང་ལྡན་པར་འགྱུར་རོ།"
5 ༥་ །དེའི་དོན་དུ་ཁྱེད་ཚོའི་དད་པ་ལ་དགེ་བ་དང་། དགེ་བ་ལ་ཤེས་རབ་དང་།"
6 ༦་ ཤེས་རབ་ལ་རང་ཚོད་གཟུང་བ་དང་། རང་ཚོད་གཟུང་བ་ལ་བཟོད་པ་དང་། བཟོད་པ་ལ་ཆོས་སེམས་དང་།"
7 ༧་ ཆོས་སེམས་ལ་སྤུན་དད་དང་། སྤུན་དད་ལ་བྱམས་པས་ཁ་སྐོང་བའི་ཕྱིར་བརྩོན་ཞིག"
8 ༨་ །དེ་རྣམས་ཁྱེད་ཚོར་ཡོད་དེ་འཕེལ་ན། ང་ཚོའི་ཀྱུ་རི་བོ་ཡེ་ཤུ་མ་ཤི་ཀ་རྟོགས་པའི་ནང་ནུས་པ་མེད་པ་དང་འབྲས་བུ་མེད་པར་མི་འགྱུར་རོ།"
9 ༩་ །དེ་རྣམས་མེད་པ་དེ་ལོང་བ་དང་། རྒྱང་མིག་མེད་པ་ཡིན་དེ། རང་གི་སྔར་ཀྱི་སྡིག་པ་འདག་པ་དེ་བརྗེད་དོ།"
10 ༡༠་ །དེའི་ཕྱིར་སྤུན་རྣམས། ཁྱེད་ཚོ་བོས་པ་དང་འདམས་པ་བརྟན་པོར་འགྱུར་བར་ལྷག་པར་བརྩོན་འགྲུས་བྱོས་ཤིག། དེ་བཞིན་བྱེད་ན་ནམ་ཡང་ལྷུང་བར་མི་འགྱུར་རོ།"
11 ༡༡་ །དེ་ལྟར་ང་ཚོའི་ཀྱུ་རི་བོ་དང་སྐྱབས་མགོན་ཡེ་ཤུ་མ་ཤི་ཀའི་མཐའ་མེད་པའི་རྒྱལ་ཁམས་ཀྱི་ནང་དུ་བཀུར་སྟི་དང་བཅས་འཇུག་པར་འགྱུར་རོ།།"
12 ༡༢་ །ཁྱེད་ཚོས་དེ་རྣམས་ཤེས་ཤིང་ཁྱེད་ཚོར་ཡོད་པའི་བདེན་པའི་ནང་བརྟན་ཀྱང་། ངས་རྒྱུན་དུ་དྲན་སྐུལ་བར་འདོད་དོ།"
13 ༡༣་ །ང་རང་གུར་འདི་ནང་ཡོད་རིང་ཁྱེད་ཚོར་དྲན་སྐུལ་བྱེད་ཅིང་གཉིད་དཀྲོག་པར་རིགས་སེམས་སོ།"
14 ༡༤་ །ང་ཚོའི་ཀྱུ་རི་བོ་ཡེ་ཤུ་མ་ཤི་ཀས་ང་ལ་གསུངས་པ་ལྟར། ངའི་གུར་འདི་རྡིབས་པའི་དུས་ཉེ་བ་ངས་ཤེས་སོ།"
15 ༡༥་ །ང་འདས་པའི་འོག་ཏུའང་ཁྱེད་ཚོས་དེ་རྣམས་དྲན་ཐུབ་པའི་ཐབས་བྱའོ།།"
16 ༡༦་ །ང་ཚོས་ཁྱེད་ཚོར་ཀྱུ་རི་བོ་ཡེ་ཤུ་མ་ཤི་ཀའི་དབང་དང་སླར་འབྱོན་པ་བཤད་པའི་ཚེ་མཁས་པས་སྒྲིགས་པའི་སྒྲུངས་མ་བཤད་པར། ཁོང་གི་ཆེ་བ་ང་ཚོས་མིག་གིས་མངོན་སུམ་དུ་མཇལ་དེ་བརྗོད་པ་ཡིན།"
17 ༡༧་ ཨེ་ལོ་ཧིམ་ཡབ་ཀྱི་ཕྱོགས་ནས་ཁོང་ལ་ཞེ་ས་དང་དཔལ་བྱུང་དུས་སུ། གཟི་བརྗིད་ཆེན་པོས་འདི་ནི་ང་རབ་ཏུ་དགའ་བའི་ངའི་སྲས་གཅིག་པོ་ཡིན་ཞེས་པའི་སྒྲ་བྱུང་བའི་ཚེ།"
18 ༡༨་ ང་ཚོ་ཁོང་དང་མཉམ་དུ་རི་དམ་པ་དེར་ཡོད་པས། ནམ་མཁའ་ནས་སྒྲ་དེ་ཐོས་སོ།"
19 ༡༩་ །ང་ཚོར་ལྷག་པར་ནན་ཏན་བྱེད་པའི་ལུང་བསྟན་ཡང་ཡོད། སྐྱ་རིངས་གཏོང་ཞིང་ཁྱེད་ཚོའི་སྙིང་གི་ནང་དུ་སྐར་ཆེན་ཤར་བའི་བར་དུ། མུན་པའི་ཁྲོད་དུ་འབར་བའི་སྣུམ་བཞུ་ལྟར་ལུང་བསྟན་དེ་ལ་དོ་སྣང་བྱེད་ན་ལེགས།"
20 ༢༠་ ལུང་བསྟན་གང་ཡང་མིའི་བསམ་པ་ལས་མ་བྱུང་བར། དམ་པའི་རུ་ཨག་གྱིས་སྐུལ་ཞིང་ཨེ་ལོ་ཧིམ་གྱི་ཕྱོགས་ནས་མིས་ལུང་དུ་བསྟན་པས།"
21 ༢༡་ དང་པོར་བི༷་བལ་གྱི་ལུང་བསྟན་གང་ལའང་རང་གང་དགའ་དོན་འགྲེལ་བྱེད་ཆོག་པ་ཞིག་མིན་པར་ཁྱེད་ཚོས་ཤེས་དགོས་སོ།། །།"
1 ༡་ །ཡི༷ས་ར་ཨེལ་གྱི་མི་སྡེའི་ནང་ཕ༷་རོ་པེ་ཏེ་པ་རྫུས་མའང་ཐོན་པ་ལྟར། ཁྱེད་ཚོའི་ནང་དུའང་སློབ་དཔོན་རྫུས་མ་འབྱུང་ཞིང་། འཕུང་དཀྲོལ་གྱི་ལྟ་ལོག་གསང་ཞིང་བཏོན་ཏེ། དེ་ཚོ་རིན་གྱིས་བླུས་པའི་དབང་བདག་པོ་ལ་རྒྱབ་ལོག་ཅིང་། རང་གི་ཐོག་ཏུ་འཕུང་དཀྲོལ་མྱུར་དུ་འདྲེན་པར་འགྱུར་རོ།"
2 ༢་ །ཡང་མི་མང་པོ་དེ་ཚོའི་འདོད་ཆགས་ཀྱི་དཔེའི་རྗེས་སུ་འབྲང་བའི་རྐྱེན་གྱིས་བདེན་པའི་ལམ་ལ་སྨད་པར་འགྱུར།"
3 ༣་ ནོར་བརྣབ་ཀྱིས་རྫུན་ཚིག་གི་ཁྱེད་ཚོར་མགོ་བསྐོར་བར་འགྱུར། དེ་ཚོར་བཀའ་ཆད་སྔར་ཐག་ཆོད་པ་དེ་མི་ཕོག་པར་མི་ལུས། དེ་ཚོའི་འཕུང་དཀྲོལ་འདས་པའང་མིན།"
4 ༤་ གལ་ཏེ་ཨེ་ལོ་ཧིམ་གྱིས་སྡིག་པ་བྱས་པའི་ཨ༷ན་ཇལ་ཡང་མ་བཏང་བར། ཞལ་ཆེའི་ཉིན་མོའི་བར་དུ་དམྱལ་བར་མུན་པའི་དོང་གི་ནང་དུ་དབྱུགས་ན།"
5 ༥་ སྡིག་ཅན་གྱི་འཇིག་རྟེན་ལ་ཆུ་ལོག་གནང་དུས་སུ། དྲང་བ་ཉིད་སྒྲོག་པ་པོ་ནི༷་ཨ་དང་གཞན་བདུན་སྐྱོབས་ཅིང་། སྔར་གྱི་འཇིག་རྟེན་མ་བཏང་བར་མེད་པར་མཛད་ན།"
6 ༦་ ཕྱི་རབས་ཀྱི་མི་ངན་པ་རྣམས་འཛེམ་པའི་ཕྱིར། ས༷་དོམ་དང་ག༷་མོ་རའི་གྲོང་ཁྱེར་ཐལ་བར་རློག་ཅིང་། སྟོངས་པའི་བཀའ་ཆད་གནང་ན།"
7 ༧་ ཡང་ལོ༷ད་དྲང་པོ་དེ་འདོད་ལོག་སྤྱོད་པའི་སྡིག་ཅན་རྣམས་ཀྱི་དཀྱིལ་དུ་གནས་ཏེ།"
8 ༨་ དེ་རྣམས་ཀྱི་མི་རིགས་པའི་སྤྱོད་པ་ཉིན་རེ་བཞིན་མཐོང་ཞིང་ཐོས་པས་མནར་བར་གྱུར་པ་ཁོ་སྐྱབས་པ་ཡིན་ན།"
9 ༩་ དེ་ནས་དད་པ་ཉམས་སད་ལས་སྐྱོབ་པ་དང་དད་པ་མེད་ཁྱད་པར་དུ་འདོད་ཆགས་ཀྱི་འདམ་དུ་ཚུད་པ་དང་དབང་ལ་མི་རྩི་བ་རྣམས། ཞལ་ཆེའི་ཉིན་མོའི་བར་དུ་ཆད་པའི་ནང་འཇོག་པའང་ཀྱུ་རི་བོས་མཁྱེན་ནོ།"
10 ༡༠་ །ཧམ་པ་དང་ང་རྒྱལ་ཅན་དེ་རྣམས་ནི། དཔལ་དང་ལྡན་པ་རྣམས་ལ་སྨད་པར་མི་འཇིགས་སོ།"
11 ༡༡་ ཨ༷ན་ཇལ་རྣམས་དབང་དང་སྟོབས་ཆེའང་ཀྱུ་རི་བོའི་དྲུང་དུ་དེ་རྣམས་ལ་མི་དམོད་དོ།"
12 ༡༢་ །དེ་རྣམས་བཟུང་ནས་གསོད་པར་འགྱུར་བའི་ཤེས་མེད་ཀྱི་དུད་འགྲོའི་གཤིས་དང་ལྡན་པ་དང་འདྲ་སྟེ། མི་ཤེས་པ་དེ་ལ་སྨད་པས་དུད་འགྲོ་དང་འདྲ་བར་འཕུང་བར་འགྱུར་ཞིང་།"
13 ༡༣་ ངན་པའི་ཕྱིར་ངན་པ་ཐོབ་པར་འགྱུར། ཉིན་མོར་བག་མེད་དུ་སྤྱོད་པ་སྐྱིད་པོར་རྩི་ཞིང་། ཁྱེད་ཚོ་མཉམ་མགྲོན་ལ་དེ་ཚོས་ཆོད་མི་ཤེས་པར་ལོངས་སྤྱོད་པ་རྨེ་གྲིབ་དང་སྐྱོན་ཅན་ཡིན་ནོ།"
14 ༡༤་ །ལོག་གཡེམ་གྱིས་གང་བའི་མིག་ལྟ་ཞིང་། སྡིག་པ་ལ་ངོམས་པ་མེད། མི་བརྟན་པ་རྣམས་བསླུ་ཞིང་། བརྣབ་སེམས་ལ་སྦྱངས་པའི་སྙིང་དང་ལྡན་ནོ། །དམོད་ཕོག་པ་དེ་རྣམས།"
15 ༡༥་ ལམ་དྲང་པོ་སྤངས་ཏེ་འཁྱར་བ་ཡིན། བེ༷་ཨོར་གྱི་བུ་བི༷ལ་ཨམ་གྱི་རྗེས་སུ་འབྲངས། དེ་མི་རིགས་པའི་འབྲས་བུ་ལ་ཆགས་པས།"
16 ༡༦་ བོང་བུ་ལྐུགས་པས་མིའི་སྐད་ནང་སྨྲ་ཞིང་ཕ༷་རོ་པེ་ཏེ་པ་དེ་སྨྱོ་འབོག་ལས་བཀག་ནས། ཁོའི་འགལ་སྐྱོན་ལ་ཁ་བཏང་ངོ་།"
17 ༡༧་ །དེ་རྣམས་ནི་ཆུ་མེད་པའི་ཁྲོན་པ་དང་། རླུང་གིས་པའི་རྨུགས་པ་སྟེ། དེ་རྣམས་ཀྱི་ཕྱིར་དུ་མུན་པའི་སྨག་རུམ་བཞག་ཡོད།"
18 ༡༨་ དེ་རྣམས་ཀྱིས་ང་རྒྱལ་གྱི་བླུན་གཏམ་སྒྲོག་ཅིང་། འཁྲུལ་བ་རྣམས་ཀྱི་དཀྱིལ་ལས་ཉེ་ཆར་ཐར་བ་རྣམས། ལུས་ཀྱི་འདོད་ཆགས་ཀྱིས་བསླུའོ།"
19 ༡༩་ །གཞན་ལ་ཐར་བའི་ཁ་ཆད་བྱེད་ཀྱང་རང་འཕུང་དཀྲོལ་གྱི་ཚེ་གཡོག་ཡིན་ནོ། །མི་ཞིག་གང་གི་དབང་དུ་སོང་བ་དེའི་ཚེ་གཡོག་ཡིན།"
20 ༢༠་ ང་ཚོའི་ཀྱུ་རི་བོ་དང་སྐྱབས་མགོན་ཡེ་ཤུ་མ་ཤི་ཀ་རྟོགས་པའི་སྒོ་ནས་འཇིག་རྟེན་གྱི་གྲིབ་ལས་ཐར་བའི་རྗེས་སུ། སླར་དེའི་ནང་འཚུད་ཅིང་དེའི་དབང་དུ་སོང་ན། གནས་ཚུལ་ཕྱི་མ་དེ་སྔ་མ་ལས་ཐུ་རུ་འགྲོ།"
21 ༢༡་ དེ་རྣམས་དྲང་བ་ཉིད་ཀྱི་ལམ་ཤེས་ནས་དམ་པའི་བཀའ་གནང་བ་དེ་ལ་རྒྱབ་ལོག་པ་བས། དེ་མ་ཤེས་པ་ཡིན་ན་དེ་རྣམས་ཀྱི་ཕྱིར་ལེགས་སོ།"
22 ༢༢་ །ཁྱི་ནི་རང་གི་སྐྱུག་པར་འཁོར། ཕག་མོ་བཀྲུས་ཀྱང་འདམ་ནང་འདྲེ། ཞེས་པའི་གཏམ་བདེན་པ་བཞིན་དེ་རྣམས་ལ་བྱུང་ངོ་།། །།"
1 ༡་ །གཅེས་པ་རྣམས། འདི་ངའི་ཡི་གེ་གཉིས་པ་ཡིན་ཅིང་། གཉིས་ཀའི་ནང་ཡིད་སྐུལ་གྱི་གྱི་ཚུལ་དུ་ཁྱེད་ཀྱི་སེམས་དག་པ་དེ་སློང་བ་ནི།"
2 ༢་ ཕ༷་རོ་པེ་ཏེ་པ་དམ་པ་རྣམས་ཀྱི་ལུང་བསྟན་དང་། ཀྱུ་རི་བོ་སྐྱབས་མགོན་གྱི་བཀའ་ཨ༷་པོ་ཏོ་ལོ་པ་རྒྱུད་དེ་གནང་བ་དྲན་པའི་ཕྱིར་དུ་ཡིན།"
3 ༣་ དང་པོར་འདི་ཤེས་པར་གྱིས་ཤིག། །དུས་ཀྱི་མཐའ་མར་རང་གི་འདོད་པ་བཞིན་འགྲོ་བའི་འཕྱ་མཁན་འབྱུང་བར་འགྱུར་ཞིང་།"
4 ༤་ ཕ་མེས་འདས་ཤིང་འཇིག་རྟེན་གྱི་ཐོག་མ་ནས་ཡོད་པ་ལྟར་ཐམས་ཅད་དེ་བཞིན་དུ་ཡོད་པས། ཁོང་འབྱོན་པའི་ཞལ་ཆད་ག་རེ་ཞེས་ཟེར་རོ།"
5 ༥་ །ཨེ་ལོ་ཧིམ་གྱི་བཀས་ནམ་མཁའ་ནི་སྔར་ནས་ཡོད་པ་དང་། ས་གཞི་ནི་ཆུ་ནས་བྱུང་ཞིང་ཆུ་ལ་རྟེན་ཏེ་གནས་སོ།"
6 ༦་ གང་ལ་རྟེན་ཏེ་གནས་པའི་འཇིག་རྟེན་དེ་ཆུས་བཀབ་ནས་མེད་པར་གྱུར་པ་དེ་ཚོས་ཤེས་བཞིན་དུ་རྗེད་པར་བྱེད་དོ།"
7 ༧་ །འོན་ཀྱང་ད་ལྟ་ཡོད་པའི་གནམ་དང་ས་མེས་སྲེག་པ་དང་། སྡིག་ཅན་གྱི་མི་ཚར་གཅོད་པའི་ཕྱིར། ཞལ་ཆེའི་ཉིན་མོའི་བར་བཀའ་དེ་ཀས། བསྲི་ཚགས་གནང་ནས་བཞག་གོ"
8 ༨་ །གཅེས་པ་རྣམས། ཀྱུ་རི་བོའི་གཟིགས་ངོར་ཉིན་གཅིག་ནི་ལོ་སྟོང་དང་ལོ་སྟོང་ནི་ཉིན་གཅིག་དང་འདྲ་བ་ཡིན་པ་མ་རྗེད་ཅིག"
9 ༩་ །ཁ་ཅིག་གིས་སེམས་ཀྱང་ཀྱུ་རི་བོས་ཉིད་ཀྱི་ཞལ་ཆད་ལ་བཤོལ་མི་འདེབས་ཤིང་། སུའང་འཇིག་པ་ལ་མི་དགྱེས་པར། ཐམས་ཅད་འགྱོད་ཚངས་སྐྱེད་པའི་ཕྱིར། ཁྱེད་ཚོའི་དོན་དུ་ཐུགས་སྣ་རིང་བར་མཛད་དོ།"
10 ༡༠་ །ཀྱུ་རི་བོའི་ཉིན་མོ་དེ་རྐུན་མ་དང་འདྲ་བར་འོང་བར་འགྱུར། དེའི་ཚོ་ལྡིར་སྒྲ་ཆེན་པོས་ནམ་མཁའ་ཡལ་བར་འགྱུར། འབྱུང་བཞི་མེས་འཇུ་བར་འགྱུར། ས་དང་ས་ལ་ཡོད་པ་ཐམས་ཅད་བསྲེག་པར་འགྱུར་རོ།།"
11 ༡༡་ །དེ་ལྟར་དེ་ཐམས་ཅད་ཞུ་རྒྱུ་ཡིན་པས།"
12 ༡༢་ ཁྱེད་ལ་སྤྱོད་ལམ་བཟང་པོ་དང་སེམས་དམ་པ་ཇི་ལྟ་བུ་ཞིག་ཡོད་དགོས། ནམ་མཁའ་འབར་ཞིང་འཇིག་ནས་འབྱུང་བཞི་མེས་ཞུ་བར་འགྱུར་བའི་ཨེ་ལོ་ཧིམ་གྱི་ཉིན་མོ་དེ་འོང་བའི་ཕྱིར་རིངས་ཤིང་སྒུག་པ་ཞིག་དགོས།"
13 ༡༣་ ང་ཚོ་ནི་ཁོང་གི་ཞལ་ཆད་བཞིན་དུ། དྲང་བ་ཉིད་བཞུགས་པའི་ནམ་མཁའ་གསར་བ་དང་ས་གཞི་གསར་བའི་ཕྱིར་སྒུག་གོ"
14 ༡༤་ །གཅེས་པ་རྣམས། ཁྱེད་ཚོ་དེའི་ཕྱིར་སྒུག་པས། ཁོང་གི་དྲུང་དུ་སྐྱོན་དང་རྨེ་བ་མེད་པར་ཞི་བདེ་དང་ལྡན་པ་འབྱུང་བར་བརྩོན་ཞིག"
15 ༡༥་ །ང་ཚོའི་ཀྱུ་རི་བོས་ཐུགས་སྣ་རིང་བར་མཛད་པ་དེ་ཐར་པ་རུ་རྩིས་ཤིག །ང་ཚོའི་གཅེས་པའི་སྤུན་པ༷འུ་ལུས་ཀྱང་ཁོང་ལ་གནང་བའི་ཤེས་རབ་དང་དཔགས་ནས་ཁྱེད་ཚོར་དེ་བཞིན་དུ།"
16 ༡༦་ ཕྲིན་ཡིག་ཐམས་ཅད་ཀྱི་ནང་འདིའི་ཕྲོས་བྱེད་ཅིང་བྲིས་པ་ཡིན། དེ་ཚོའི་ནང་ན་གོ་དཀའ་བ་ཁ་ཤས་ཡོད་དེ། བློ་གྲོས་མེད་ཅིང་བརྟན་པོ་མིན་པ་འགའ་རེས་ཡི་གེ་གཞན་ལ་བྱེད་པ་ལྟར་འདིའི་དོན་ཡང་འགྱུར་ནས་རང་འཕུང་བའི་རྒྱུར་བྱེད་དོ།"
17 ༡༧་ །དེའི་ཕྱིར་གཅེས་པ་རྣམས། འདི་རྣམས་ཁྱེད་ཚོས་སྔོན་དུ་ཤེས་པས། བཀའ་ཁྲིམས་མེད་པ་རྣམས་ཀྱི་འཁྲུལ་པའི་དབང་དུ་སོང་ནས་རང་གི་བརྟན་པ་མི་བརླག་པའི་ཕྱིར་གཅང་གྲུང་བྱོས་ཤིག"
18 ༡༨་ །ང་ཚོའི་ཀྱུ་རི་བོ་དང་སྐྱབས་མགོན་ཡེ་ཤུ་མ་ཤི་ཀའི་ཐུགས་རྗེ་དང་རྟོགས་པའི་ནང་ཆེར་སྐྱེད་ཅིག །ཁོང་ལ་ད་ལྟ་དང་མཐའ་མེད་པའི་ཉིན་མོའི་བར་དུ་བསྟོད་པ་འབྱུང་བར་ཤོག་ཅིག །ཨ༷་མེན།"