1

¹ Waku kahato en Wiremu. Uiwywuat Tupana kapiat ipotpap takat kahato en Wiremu. Meiũ ti areĩneꞌen morekuat pot pyhik hawe Iesui ehay moherep hap poꞌypyi. Koitywy ti atipo­ꞌoro uimiwan ewawi Wiremu. Uito ti Pauru iꞌewyte aiwy Timoteu tipo­ꞌoro tehay ewawi."

² Atikuap kahato ti Iesui mohey haria aikotã teꞌe­ru­wa­ꞌa­tunug kahato ti eꞌyat kape. Miꞌiria kape ti iꞌewyte kuekatu uiꞌe hap atipo­ꞌoro. Iꞌewyte uhekue­katu atipo­ꞌoro uheinyt Apia pe iꞌewyte aiwy ok Akipu e hap het rakat kape aiꞌe­wywuat Iesui esurara yt naku i moma hamuat rakat kape."

³ Koitywy ahẽtup kahato Aiꞌywot Tupana kape iꞌewyte Aipo­typot Iesui kape — Etum neꞌen neꞌi o Wire­muꞌin me egyiꞌat hap iꞌewyte etiꞌa­tu­mo­wepit miꞌiria are Tupana pe."

⁴ Taꞌi uhehay kahato ti Tupana kape mesuwe epowyro hamuat ahẽtup kahato uiwy Wiremu. Miꞌi atunug neran ne. Arehum kahato Tupana kape eupi are.

"

⁵ Koitywy ti ehay putꞌokꞌe raꞌyn uhete aikotã ikahu kahato ereĩneꞌen hap ete aikotã Tupana emiitꞌin kyꞌe kahato hat en Aipo­typot Iesui mohey hat sese raꞌyn erepy­huꞌat hap. Miꞌi hap atikuap taꞌyn mesuwe hawyi uimo­wepit kahato."

⁶ — Tupana atiky­ꞌesat kahato Wire­muꞌin wẽtup ehay yn Iesui mohey haria teꞌe­ro­py­huꞌat are Tupana kape. Atiky­ꞌesat kahato Wire­muꞌin wẽtup piit ewy yn tukup­teꞌen hamuat. Tupana urupo­wyro kahato En poꞌog poꞌog eminug ikahu kahato rakat kuap hamo Esaꞌyru Urupo­typot Iesui emiwan neꞌen neꞌi iꞌewywuat haria pe urunug Tupana are."

⁷ Uiwy Wiremu en urukyꞌe hap iꞌewyte uikyꞌe hap poꞌog uimo­wepit kahato hap topy­huꞌat. Uimo­wepit kahato meiũpe arewa­nẽtup ewawiat hawyi are. Yt uito yn i maꞌato yne Tupana emiitꞌin mowepit kahato hat en.

"

⁸ Pyno ahẽtup teran epe uimi­ky­ꞌesat iwatoꞌin nakat Wiremu maꞌato eykeꞌet ewy ahẽtup perupꞌi puo epe Iesui mohey haria aito pote. Yt atiꞌakit teran i uikyꞌe epiat hap uimiẽtup mo. Yt woro­mo­py­ꞌahak teran i egyiꞌat hap ete. Miꞌi pote etunug o epyꞌa pyi uikyꞌe hap wywo uimiẽtup hap atiky­ꞌesat."

⁹ Uito ti meiũ Iesui mohey haria apykok hanuaria akag wuat Tupana miꞌairo kahato. Miꞌi pytkai yt woro­po­ꞌoro i haty wo maꞌato perupꞌi puo yn ahẽtup epe uimi­ky­ꞌesat ekyꞌe popuo Iesui poꞌy­pywiat uipyhik pyi ahẽtup epe perupꞌi puo."

¹⁰ Areĩneꞌen meiũpiat woꞌo­pyhik hawiat turan ni putꞌokꞌe uhete saꞌa­wy­ꞌiwuat emiit emikyiꞌat wuatꞌi miitꞌin eropat reꞌen neꞌi hat Unesimu e hap eꞌatoiat hat putꞌokꞌe uhete. Miꞌi hawyi ti ahenoi tope Aipo­typot Iesui etiat miꞌi hawyi ti toto­mohey raꞌyn Iesui uhehay upi. Mio koitywy topy­huꞌat uhaꞌyru ewy raꞌyn pãi meiũpe are. Mio Iesui mohey hano raꞌyn topy­huꞌat. Miꞌi pote iꞌywot ewy areĩneꞌen katu­pono uimienoi kaipyi raꞌyn tuwe­mo­herep pakup i."

¹¹ Atikuap ti saꞌa­wyꞌi ti emiit no teꞌen neꞌi yt tuweꞌeg hin i rakat Unesimu toĩneꞌen maꞌato koitywy wakuat semiit no i raꞌyn topy­huꞌat. Uipo­wyro kahato hat wo raꞌyn ti mio topy­huꞌat. Ahemiit pakup mo raꞌyn ni toĩneꞌen."

¹² Pyno koitywy atipo­re­ra­ꞌaipok i raꞌyn ewawi maꞌato uiwak popuo atipo­ꞌoro ewawi katu­pono atikyꞌe kahato Unesimu."

¹³ Yt atipo­ꞌoro teran hin i wen maꞌato atiky­ꞌesat kahato uipo pe topy­huꞌat katu­pono waku kahato uheropat uipyhik hawiat turan Iesui poꞌy­pywiat uipyhik turan. En yt uwe i meiũpe pote uheropat emiit Unesimu."

¹⁴ Maꞌato atiky­ꞌesat emiky­ꞌesat yn atunug mehĩ. Yt kat i uhepiat epoꞌoro haty wo hap mywo ahẽtup. Waku topy­huꞌat uipo­wyro hano meiũpe wen maꞌato eꞌe hap yn atiky­ꞌesat."

¹⁵ Atikuap aikotã saꞌa­wyꞌi Unesimu eꞌatoiat rakano toĩneꞌen. Yt iweꞌeg hin i turan topopy eꞌyaty­pepyi maꞌato mesup atipo­re­ra­ꞌaipok ewawi emiit pakup mo raꞌyn. Unesimu taꞌaipok taꞌyn Tupana piat toto mopakup i hamo uiwa­nẽtup hawe are arewa­nẽtup. Miꞌi hawyi wuatꞌi eꞌat piat emiit nuat raꞌyn topy­huꞌat Unesimu."

¹⁶ Saꞌa­wyꞌi te ti ewat emiit sese toĩneꞌen maꞌato mio wyti poꞌog naꞌyn emiit no topy­huꞌat saꞌa­wy­ꞌiwuat kai. Aikotã eywyt ewy sese raꞌyn topy­huꞌat katu­pono Aika­ꞌiwat mohey hap kaipyi raꞌyn aheywyt no Tupana tunug. Uimi­kyꞌe kahato miꞌi kurum Unesimu. Meiũran ti aru poꞌog saꞌa­wy­ꞌiwuat emiit nuat hap kai topy­huꞌat katu­pono koitywy eywyt no raꞌyn topy­huꞌat Iesui mohey hap kaipyi raꞌyn."

¹⁷ Wiremu uikyꞌe apo en. Taꞌi atikuap uikyꞌe hap. Uheka­tuwy apo en. Hẽ ere pote waku — Ereke ro ere kurum Unesimu pe are aikotã — Ereke ro ere uhepe hap ewy o ere o miꞌi pe. Pyno etikyꞌe ro aru Unesimu uikyꞌe hap ewy mehĩ are."

¹⁸ Toĩneꞌen emaꞌat hap Unesimu minug mote waure wo ereĩneꞌen miꞌi hap ete emaꞌat hap kai. Toĩ epiat iwete­weru hap pote uito ahaꞌup nug iwete­weru hap ok tã ahaꞌup nug yne iwete­weru hap are."

¹⁹ Pyno ti uipo wo atunug uimiwan mesuwe uimi­po­ꞌoro ewawiat Unesimu wete­weru hap ahaꞌup nug yne uiꞌe hap. Uito ti Pauru uipo wo atiwan mesuwe uhet — Atum Unesimu wete­weru hap etiano Wiremu kape are. Uipo wo atopytyk uimiwan nuat mesuwe Pauru. Yt etiwaure teiꞌo maꞌato uhepiat ewete­weru iwato hap katu­pono saꞌa­wyꞌi uiwẽ kaipyi etikuap mesuwat wuatꞌi eꞌat piat ieĩneꞌen hap uhehay pyi mehĩ. Miꞌi tupono iwato kahato ewete­weru hap te yt kat saꞌup i etum pytkai."

²⁰ Miꞌi tupono ahẽtup ewawi uipyꞌa pyi etunug no Aika­ꞌiwat Iesui mõtypot hamuat. Uipo­wyro o mesuwat uimiẽtup ete. Miꞌi etunug mote uimo­wepit kahato katu­pono eheykeꞌet sese areĩneꞌen uito. Uheywyt en Aika­ꞌiwat Iesui mohey hap kaipyi."

²¹ Pyno woro­mohey kahato en Wiremu. Taꞌi arewa­nẽtup turan ti etunug aru mesuwat uimiẽtup ewy uimiwan miat ewy. Arewa­nẽtup etunug poꞌog aru uimiẽtup kai uikyꞌe epiat pote.

"

²² Uiwy Wiremu pyno etunug kahu o eꞌokipy uiwat i te uheiam mo itote katu­pono areto irane ewawi maꞌato mesup yt areto kuap i te. Atikuap taꞌyn aikotã eweiky­ꞌesat kahato uhewyry ehowawiat hap. Atikuap aikotã eiwe­hẽtup uhepiat ut hap Tupana kapiat — Etum o Pauru pe muꞌap kahu uruewawiat Tupana eiꞌe hap atikuap. Atiky­ꞌesat kahato Tupana tum eimiẽtup ewy are.

"

²³ Iꞌewyte ti toĩneꞌen meiũpe mipyhik aiwy Epawai e hap Iesui poꞌy­pywiat mipyhik. Epawai tuwe­kue­katu ipoꞌoro ewawi."

²⁴ Iꞌewyte aheka­tuwy Tupana potpap nug hat Maku tipo­ꞌoro teran ewawi kuekatu e hap. Mehĩ Aritaku iꞌewyte ewy uhyt Tema iꞌewyte ewy Iruka iꞌewyte kuekatu ehowawi ipoꞌoro. Miꞌiria meiũpe uipo­wyro kahato Tupana motpap nug hap ete."

²⁵ Mio tã are ahẽtup Aika­ꞌiwat Iesui pe — Ereĩneꞌen no aiwy Wire­muꞌin powyro kahato hamo are. Etum neꞌen neꞌi ro egyiꞌat hap ok tã iꞌatuepe are Aipo­typot pe. Mesup toran naꞌyn uimiwan ewawiat uiwy Wiremu.

Uito ti PAURU"