1

¹ Uiwy­riaꞌin Tawa Tesa­ro­nika piaria koitywy Uito Pauru atipo­ꞌoro uimiwan ehowawi iꞌewyte aiwy Sira aiwy Timo­teuꞌin wywo kuekatu uruꞌe hap uruipo­ꞌoro ehowawi Aiꞌywot Tupana mẽpytꞌin Aika­ꞌiwat Iesui emiitꞌin torania kape.

"

² Uruhẽtup kahato ehupi — Tupana urutoꞌe etum no aiwy­riaꞌin me yt kat saꞌup i egyiꞌat hap iꞌewyte iꞌatu­wo­ꞌo­wese hamuat etum kahato urutoꞌe Aiꞌywot kape Aipo­typot Aika­ꞌiwat Iesui kape uruhẽtup.

"

³ Uruwy­riaꞌin karãpe urutu­we­kue­katu ehowawi turan — Waku kahato En Tupana uruꞌe hap yn topy­huꞌat. Tupana urutu­wehum kahato eete katu­pono itag naꞌyn poꞌog poꞌog iꞌatukai emohey hap urutoꞌe. Koitywy woꞌo­kyꞌe kahato haria wo raꞌyn tukup­teꞌen waku kahato urutoꞌe. Miꞌi tupono ehewaku hap upi urutu­wehum at kaꞌap Tupana ete."

⁴ Iraniaꞌin itotiaria toꞌo­ky­ryꞌi kahato ehete. Iesui mohey ehepiat pote ehatyꞌi hatyꞌi kahato. Taꞌa­tu­ky­ꞌesat kahato waure­ꞌeiꞌe Tupana etiat hap. Yt ikahu hin i iꞌatuꞌe ehepe maꞌato yt eweiwaure teran hin i Iesui mohey ehepiat hap. Miꞌi pote iraniaꞌin me uruhenoi — Meiẽ miꞌiria tawa Tesa­ro­nika piaria waku kahato rakaria urutoꞌe. Yt taꞌa­tu­ꞌatoiat hin i Iesui mohey taꞌa­tuepiat hap taꞌa­tu­sa­tyꞌi satyꞌi pytkai urutoꞌe. Mio tã urutoꞌe yn iraniaꞌin tawa piaria imohey haria puo."

⁵ Eweikuap kat pote eweho­ꞌopot hap. Taꞌi Tupana mẽpytꞌin eipe pote — Waku kahato eipe e Tupana. Taꞌi ehewaku hap putꞌokꞌe uiꞌya­typiat wuatꞌi eꞌat piat eikup­teꞌen hamo. Katu­pono iꞌatu­mi­ky­ryꞌi pytkai yt uiꞌatoiat hin i eipe e aru Tupana ehepe."

⁶ Tupana tomo­herep hãpyk kahato wakuap sio yt hap. Miꞌi tupono ti yt toiwaure hin i ehetiat miky­ryꞌi haria. Toiꞌa­tu­po­re­ra­ꞌaipok iꞌatu­pot­sa­tyꞌi satyꞌi hap eimo­so­ꞌopot hap kaipyi."

⁷ Miꞌi hawyi ti aru Tupana timonik yne raꞌyn hoꞌopot ehepiat hap. Iꞌewyte uruwat miitꞌin miky­ryꞌi hap monik hamo. Tut Aipo­typot Iesui atipy kaipyi. Tuwe­mo­herep temiitꞌin hesaika rakaria atipy piaria wywo."

⁸ Ehatyꞌi hatyꞌi haria apiheg hamo tut. Yt Tupana kuap i haria apiheg hamo tut. Aika­ꞌiwat woꞌo­nãpin wakuap yt nug i haria apiheg hamo tut. Atipy kaipyi Iesui aria wo toiꞌa­tu­ꞌa­piheg irane miꞌiria."

⁹ Miꞌi hawyi miꞌiria ewywuaria toiꞌa­tu­ꞌa­piheg aru wuatꞌi eꞌat piat iꞌatu­moe­wasat hamo. — Eweiwat ro aikope yt uiꞌa­kasa i hap kape. Eweiwat ro woꞌo­pugha hap kape. Yt karãpe i aru uikahu hap mõtypot hap kape eweiꞌa­kasa. Yt karãpe i ti aru uhesaika hap Morekuat nuat uheĩneꞌen hap kape eweiꞌa­kasa e."

¹⁰ Karãpe taꞌaipok i raꞌyn miꞌi hap eꞌat pe ti aru imohey haria hemiitꞌin torania imõtypot kahato Taꞌa­tu­po­rekuat koro. Miꞌi hap eꞌat pe eipe iꞌewyte eweimõ­typot kahato wy katu­pono uruꞌe hap mohey kahato haria eweikup­teꞌen.

"

¹¹ Miꞌi tupono uruhẽtup kahato wuatꞌi eꞌat pe ehupi — Tupana uruiky­ꞌesat hãpyk kahato gupteꞌen haria wo emohey haria tawa Tesa­ro­nika piaria urutoꞌe. Yt wẽtup ok i toĩneꞌen itote ewemõti ehay pupiat hat urutoꞌe. Etum iꞌatuepe esaika hap emiky­ꞌesat wakuap yn nug hamuat hap urutoꞌe. Uruꞌywot miꞌiria Esaꞌyru mohey haria sese miꞌi tupono poꞌog uruiky­ꞌesat iꞌatue­hãite imohey hap etiat hap urutoꞌe."

¹² Miꞌi tã taꞌa­tunug itote pote iraniaꞌin itotiaria yt toꞌo­ky­ryꞌi hin i Uruka­ꞌiwat Iesui set ete. Emõtypot kahato itote iraniaꞌin Papai urutoꞌe. Iꞌewyte emiꞌa­tu­mõ­ty­poria wo tukup­teꞌen emohey haria itotiaria Papai urutoꞌe. Miꞌi hap uruhẽtup ewawi etum neꞌen neꞌi hamuat hap Uruka­ꞌiwat Urupo­rekuat Iesui egyiꞌat hap kaipyi uruhẽtup Kahato wuatꞌi eꞌat pe ehupi uruto Pauruꞌin.

"

2

¹ Pyno uruwy­riaꞌin koitywy uruhenoi pakup i teran ehepe Aipo­typot Aika­ꞌiwat Iesui aipok hap etiat aikotã aikotã aiꞌa­tunug tuwe­wawi hap etiat uruhenoi teran ehepe."

² Iraniaꞌin woꞌo­muꞌe haria ti — Tut kahu raꞌyn ti Iesui iꞌatuꞌe aimuꞌe yt pywo pe i maꞌato. Tut kahu raꞌyn ti e ti Pauru miwan me iꞌatuꞌe eimo­ꞌa­kagꞌaia teran haype. Yt eweiꞌa­tuehay mohey teiꞌo mio tã e haria — Pywo ti Tupana ehay wahenoi iꞌatuꞌe haty wo pytkai. Yt iꞌatu­mi­ma­ꞌaria wo teiꞌo eweikup­teꞌen."

³ Aiweꞌeg wo o aimaꞌat iꞌatuepiat hap pupi katu­pono yt tut i te rat Iesui. Yt heꞌat i te katu­pono ti aru Iesui mohey haria sok ihay atoiat haria tukup­teꞌen aru hut hap owakai. Iꞌewyte hut hap eꞌyianme ti aru tuwe­mo­herep Tupana ewanĩkap mekewat ahiagnia akag. Miꞌi ti yne saꞌag eiam tuwe­mo­herep Iesui eꞌyianmete."

⁴ Miꞌi miit ti aru Tupana mohey hap moma miitꞌin kaipywiat hat. Miꞌi ti wuatꞌi puo Tupana kuap haria ewanĩkap mo toĩneꞌen — Uito ti wuatꞌi Tupana kawiat poꞌog nakat e. Miꞌi hawyi ti aru teke Tupana mõtypot yat koro pe tawa Ieru­sarẽi me taꞌapyk Tupana eiam note — Uito ti Tupana toꞌe hamo."

⁵ Yt eiwa­tetup i raꞌyn apo karania wo neꞌi raꞌyn ahenoi ehepe miꞌi miit etiat pytkai are."

⁶ Maꞌato yt tuwe­mo­herep kuap i te katu­pono topyhyp hawe te toĩneꞌen. Watikuap kahato raꞌyn ti uwe ipyhyp hat. Maꞌato meiũran teꞌat putꞌokꞌe raꞌyn hawyi ti tuwe­mo­herep hamuat wuatꞌi saꞌag sepap nug hat koro Iesui ut hap eꞌyianmete tuwe­mo­herep."

⁷ Koitywy yt herep wyi i te ipotpap saꞌag nug hap ete. Hemiit yn heremo. Migꞌi pyi ipotpap maꞌato meiũran ti herep wyi hamuat raꞌyn ipotpap. Maꞌato koitywy yt tuwe­mo­herep kuap i te hewãi hat toĩneꞌen ne pote."

⁸ Miꞌi hawyi tuwe­mo­herep mekewat saꞌag nug hat koro maꞌato Aipo­typot Iesui ti aru iꞌauka wẽtup tehay wo yn topyhu wo yn teẽtyhot kahato wywo tut hap eꞌat pe."

⁹ Miꞌi miit saꞌag tuwe­moe­saika ahiag esaika hamo iwemo­herep hap putꞌokꞌe turan. Miꞌi hawyi ti aru miitꞌin maꞌat hap iwato kahato tutunug tesaika hap moherep hamo. Topo wo yt uwe miitꞌin minug ewy i tutunug miitꞌin miat tomõ­typot hamo teso hap koꞌi. Miꞌi hawyi miitꞌin teꞌe­ru­wa­nẽtup kahato iminug koꞌi kape — Aikotã som tutunug iꞌatuꞌe aru."

¹⁰ Miꞌi hawyi ti aru hoꞌo­wasat rakaria wo miitꞌin toiꞌa­tu­maꞌat kahato raꞌyn mekewat topo wuat tominug wo yt miitꞌin minug kuap i wo. Miꞌi hawyi imimaꞌat koꞌi tuwe­hytꞌok yne aria pe katu­pono taꞌa­tu­mohey kahato raꞌyn heso hap koꞌi poꞌog pywuat sese sehay kai. Yt taꞌa­tu­ky­ꞌesat i poꞌog taꞌa­tue­ha­kye­raꞌat hanuat Tupana miium."

¹¹ Yt taꞌa­tu­ky­ꞌesat i pywuat sehay pote miꞌi hawyi Tupana tiꞌa­tu­po­ꞌoro heso rakaria iꞌatu­muꞌe hamo. Miꞌi hawyi heso rakaria pe yn pywo iꞌatuꞌe."

¹² Miꞌi tupono tukup­teꞌen miꞌi haria wuatꞌi eꞌat pe Tupana miꞌa­piheg wo katu­pono taꞌa­tupun naꞌyn pywuat sehay iꞌewyte taꞌa­tu­ky­ꞌesat taꞌa­tunug saꞌag hap yn.

"

¹³ Uruwy­riaꞌin Tupana miꞌa­tu­ky­ꞌeria kahato eipe. Taꞌi urutu­wehum kahato Tupana ete wuatꞌi eꞌat pe uruwa­tetup ehowawiat hawyi katu­pono Tupana miꞌai­roria raꞌyn eipe. Tutum naꞌyn ni eheha­kye­raꞌat hap ehepe pywuat sese tomohey hap upi. Miꞌi hawyi mio Tupana Pãꞌãu esaika hap wywo yn naꞌyn eweikup­teꞌen. Miꞌi hap ete urutu­wehum kahato Tupana kape uruwy­riaꞌin urutoꞌe."

¹⁴ Saꞌa­wyꞌi woro­ho­ꞌo­muꞌe mekewat sehay wakuano miꞌi hawyi eweikup­teꞌen imohey haria wo. Miꞌi hap eꞌat pe toꞌe Tupana ehepe — Pyno woro­ho­ꞌonug eipe ikahu rakaria wo aikotã Uhaꞌyru ewywuat no."

¹⁵ Miꞌi tupono uruwy­riaꞌin waku kahato ti motꞌi mekewat sehay pywuat eweimohey mekewat uruwẽ pywiat sehay urumiwan urumienoi koꞌi."

¹⁶ Uruhẽtup kahato Aipo­typot Aika­ꞌiwat Iesui pe iꞌewyte Aiꞌywot hegyiꞌat rakat kape — Etiꞌa­tu­moe­saika ro emohey haria tawa Tesa­ro­nika piaria yt kat pupiat i iꞌatu­wuwu hamo urutoꞌe. Etiꞌa­tu­moe­saika ro miꞌiria wakuap nug hamo iꞌewyte wakuap enoi hamo."

¹⁷ Miꞌi yn uruhẽtup kahato aimie­katup kape yt kat pupiat i eikenꞌẽ hamuat hap ium hat kape uruhẽtup uruto Pauruꞌin.

"

3

¹ Uruwy­riaꞌin miꞌi tupono waku ewehẽtup Tupana kape urupo­wyro ihay sytpok merepꞌi ran hamuat hap aikotã waku hamuat hap aikotã eiꞌe­wywuat miitꞌin ewaku kahato hamuat hap waku ewehẽtup."

² Ewehẽtup o yt nakuaria i po pywiat hesoꞌok takaria po pywiat Tupana piat urueha­kye­raꞌat hamuat hap. Katu­pono yt imohey yne i haria tukup­teꞌen mesuwat yi tote."

³ Aika­ꞌiwat wyti temiit yt atoiat hat i toĩneꞌen maꞌato aimoe­saika kahato hano toĩneꞌen Aika­ꞌiwat. Aika­wiano kahato ti ahiagnia akag mupi."

⁴ Koitywy eipe uruiꞌa­tu­mohey kahato Aika­ꞌiwat mohey kahato rakaria eipe pote. Tohenoi raꞌyn uruepe imohey ehepiat hap. Miꞌi pote uruiꞌa­tu­mohey kahato eipe urumienoi nug yne mũki­ꞌite mesup hamuat hap katu­pono uruhẽtup kahato ehupi."

⁵ — Uruka­ꞌiwat urutoꞌe etiꞌa­tu­mo­herep tawa Tesa­ro­nika piaria pe aikotã aikotã etiꞌa­tu­kyꞌe kahato hap uruiky­ꞌesat. Taꞌa­tukuap taꞌa­tu­pyꞌa pe epiat taꞌa­tu­kyꞌe hap aikotã Esaꞌyru Uruka­ꞌiwat iperupꞌi kahato tepiat hoꞌopot hap koꞌi ete. Motꞌi kahato hap ewy etiꞌa­tu­moe­saika iꞌatu­wa­nẽtup hawe iꞌatupiit pe urutoꞌe.

"

⁶ Uruwy­riaꞌin tukup­teꞌen aipy­ꞌa­setpe iperup kahato rakaria — Uito ti Iesui mohey hat e haria pytkai. Miꞌiria ti yt ipotpap teran i rakaria wo gupteꞌen haria. Miꞌiria ti tukup­teꞌen eipy­ꞌa­setpe — Yt atunug neran Pauru mienoi e haria. Miꞌi haria o yt ewetunug neiꞌo eiwy wo."

⁷ Eweikuap taꞌyn ipotpap takaria wo urukup­teꞌen hap miꞌi tupono waku ewehãꞌãg uruꞌe­wywuat hap urutoꞌe. Pyno uruiãꞌãkap wo eweikup­teꞌen itote urusai­pe­piano urueiam mo uruꞌe­wywuat hewyry rakaria wo eweikup­teꞌen."

⁸ Yt uwe yat upi i uruesyꞌat urutoꞌe putꞌok­ꞌu­ru­toꞌe turan katu­pono uruewyry hap upi taꞌi urumi­saꞌup nug kaipyi yn urutenuk. Taꞌi motpap urutunug uruepiat turan urusero kahato wãtym muo ihotꞌok puo. Miꞌi kaipyi ti uruipuẽti urumiꞌu saꞌup koꞌi iꞌewyte uruesokpe urueka­reꞌen saꞌup koꞌi urutoꞌe. Yt uruiky­ꞌesat hin i urutu­we­te­weru ehepiat hap."

⁹ Iꞌewyte eimuꞌe saꞌup yt uruhe­katup hin i eikaipyi. Uruhẽtup teran pote uruhẽtup kuap maꞌato yt urutunug i miꞌi tã. Waku eweikup­teꞌen ipotpap kahato rakaria wo uruꞌewy."

¹⁰ Katu­pono urutu­kup­teꞌen eipy­ꞌa­setpiat turan mio tã urutoꞌe yt ipotpap teran i rakat pe. Pyno yt naku i miꞌi hat pe wahoꞌoium imiꞌu wo urutoꞌe. Waku merup wuaria hesyꞌat rakaria wo teꞌe­ro­py­huꞌat urutoꞌe.

"

¹¹ Maꞌato tukup­teꞌen Iesui mohey haria eipy­ꞌa­set­piaria yt ipotpap takaria i yt woꞌo­po­wyro teran i haria. Pyno miꞌi haria pe waku wãiwa­toꞌe. Iꞌewyte woꞌoe­re­mõ­pusu hap ete yn iꞌatu­potpap taꞌa­tue­wyry hap upi taꞌa­tunug. Miꞌiria pe waku wãiwa­toꞌe."

¹² Miꞌi tupono waku wãiwa­toꞌe iperup takaria pe. Aika­ꞌiwat Aipo­typot Iesui yt tiky­ꞌesat i sẽtup i sẽtup i e haria wo watoĩ­neꞌen hap waku watoꞌe miꞌi hat pe. Iesui tiky­ꞌesat watoiat mekewat aipot­ꞌe­re­mo­pusu hap hawyi waku aiwe­potpap aimo­sakup i hap aiwe­mo­sero hap kaipyi yn waku aimiꞌu ahekat toĩneꞌen waku watoꞌe aiwo­ꞌope."

¹³ Uruwy­riaꞌin yt naku i kahato aipohep ahero pytkai yt naku i aipohep wakuap nug hap ete pyi.

"

¹⁴ Iꞌewyte toĩneꞌen mote wẽtup ok eipy­ꞌa­setpe — Yt atiky­ꞌesat i Pauruꞌin piat uinãpin hap e hat waku yt eiwehik teiꞌo miꞌi tã hat ete. Miꞌi tã watunug hawyi mono teꞌe­ru­we­mõti raꞌyn hawyi tuwat urumienoi kape i raꞌyn toꞌe haype."

¹⁵ Maꞌato yt naku i eweiꞌe — Koitywy en uhewa­nĩkap taꞌyn yt naku i mio tã eweiꞌe miꞌi miit pe maꞌato waku eweinãpin perupꞌi popuo aikotã aheywyt aheinyt nãpin hap ewy."

¹⁶ Aiwo­ꞌo­mo­wese hap nug hat sese ti Aipo­typot. Miꞌi pe uruhẽtup kahato — Etum o aiwy­riaꞌin tawa Tesa­ro­nika piaria pe toꞌo­wese wuatꞌi eꞌat piat hamuat hap urutoꞌe. Karãpe iꞌatu­satek turan etum o iꞌatu­mo­wepit hap iꞌewyte iꞌatue­hãite hap. Ereĩneꞌen wuatꞌi eꞌat pe iꞌatu­py­ꞌa­setpe urutoꞌe uruhẽtup Tupana pe ehupi uruwy­riaꞌin."

¹⁷ Pyno mesup kurin atiwan uiwewi uipo wuat mesuwat Pauru piat mienoi sese moherep hamo. Pywuat uiat yne uimienoi sehay toĩneꞌen mesuwe hap kuap hamo uhet Pauru e hap atiwan."

¹⁸ — Uika­ꞌiwat Uipo­typot Iesui etiꞌa­tu­kyꞌe teꞌen neꞌi o aiwy­riaꞌin tawa Tesa­ro­nika piaria areꞌe yn ahẽtup yn ehupi Aika­ꞌiwat pe.

Waku raꞌyn uhehay. Toran naꞌyn.

Uito ti Pauru hawyi mehĩ Sira hawyi mehĩ Timoteu Iesui potpo­ꞌo­roria uruto."