1

¹ Pyno uito ti Iuwãu Iesui potmuꞌe sese Uito. Iꞌewyte imikyꞌe kahato uito. Waku kahato ti en mehĩ Kaiu. Miꞌi pote atipo­ꞌoro mesup uimiwan ewawi woro­kyꞌe kahato haype."

² Uheka­tuwy sese en. Miꞌi pote ahẽtup kahato Tupana pe ewawi — Etipoi­tyro kahato uiwy Kaiu are. Atiky­ꞌesat kahato ipiit ihãite hap aikotã ihãite topyꞌa pe Tupana wywo hap ewy are Tupana pe."

³ Gaꞌatpo putꞌok­ꞌi­ꞌa­tuꞌe meiũpe aiwy­riaꞌin Iesui mohey haria. Miꞌi hawyi taꞌa­tu­henoi sehay etiat aikotã Tupana ehay pywuat upi ereĩneꞌen motꞌi imohey hap ete hap etiat taꞌa­tu­henoi. Miꞌi hap atikuap hawyi uimo­wepit kahato en."

⁴ Karãpeĩ uimẽ­pytꞌin tukup­teꞌen pywuat sehay upi hap uimo­wepit kahato. Mesu­wa­rotiat yt kat i poꞌog uimo­wepit hap miꞌi kai. Atikuap uimẽ­pytꞌin hãpyk kahato tukup­teꞌen hawyi uimo­wepit hap sese toĩneꞌen.

"

⁵ Uiwy kahato en Kaiu. Waku ti ereĩneꞌen motꞌi Tupana potpap we. Iesui mohey haria eropat kahato hat en ereĩneꞌen. Iꞌewyte Iesui mohey hat yt emikuap koꞌi i eropat kahato hat en."

⁶ Miꞌi pote Iesui mohey haria meiũpe taꞌa­tu­henoi kahato toꞌope toꞌope aikotã ereĩneꞌen hap. — Woꞌo­pot­kyꞌe hat toĩneꞌen itote iꞌatuꞌe toꞌope toꞌope. Miꞌiria tuwat Iesui etiat enoi miitꞌin miat hamo wẽtup tawa piaria atumuꞌe hamo sakpuaria muꞌe hamo tuwat aru. Waku o eweiꞌa­tu­po­wyro o miꞌiria iꞌatu­potpap ete. Eweiꞌa­tu­po­wyro o iꞌatu­puꞌap saꞌup ete Tupana mõtypot hamo Tupana miky­ꞌesat nug hamo are."

⁷ Tuwat raꞌyn miꞌiria yt kat haꞌup wywo i. Iꞌewyte yt taꞌa­tu­ky­ꞌesat i saꞌup iraniaꞌin kaipyi yt Iesui mohey i haria kaipyi katu­pono Aipo­typot eropat haria miꞌiria pote. Miꞌi pote taꞌa­tu­ky­ꞌesat Iesui kaipyi yn iꞌatu­puꞌap saꞌup. Tuwat raꞌyn yt kat saꞌup wywo i Aika­ꞌiwat potpap nug hamo."

⁸ Aito ti Aipo­typot emiit miꞌi pote waku wati­ꞌa­tu­po­wyro hemiitꞌin Aika­ꞌiwat ehay sytpok haria. Miꞌiria wati­ꞌa­tu­po­wyro pote meiũran Aika­ꞌiwat tum ahepe iꞌatuwat iꞌatu­saꞌup ok tã tutum ahepe are. Katu­pono miꞌiria tuwat sehay pywuat sytpok hamo tuwat.

"

⁹ Saꞌa­wyꞌi atiwan uhehay Iesui mohey haria kape tawa piaria kape maꞌato itote uhyt Teotewe toĩneꞌen uhehay akit hat. — Yt watu­we­waure kaꞌa teiꞌo Iuwãu piat ainãpin hap kape e hat. Waku poꞌog uhehay kape eweiwa­nẽtup e hat toĩneꞌen itote. Katu­pono toiky­ꞌesat kahato tuwenug iꞌatu­ꞌakag wo. Miꞌi pote toipun uimiwan. Miꞌi pote areto ewawi hawyi ahenoi iminug saꞌag ehepe."

¹⁰ Putꞌok­ꞌare itote hawyi atiꞌa­piheg miꞌi. Ahenoi aru iminug saꞌag koꞌi. Ahenoi aru iꞌe hap heso hap koꞌi katu­pono ihay at kahato ahete yt pywo piat sehay i. Yt naku i kahato miꞌi. Toipyhyp Tupana Mipo­ꞌoro tehay sytpok hanuaria. Yt karãpe i — Ereke e Tupana ehay sytpok haria pe. Yt iwese hin i Iesui mohey haria ete. Yt toiky­ꞌesat i Iesui mohey haria eke toꞌyat piat hap. Yt toiky­ꞌesat i aimi­po­ꞌo­roria toꞌyat piat hap. Iꞌewyte yt toiky­ꞌesat i aimi­po­ꞌo­roria eke Iesui mohey haria yat piat hap. Wãiꞌe iꞌatu­puꞌap tote. Miꞌi hawyi karãpe aimi­po­ꞌo­roria tuwe­hytꞌok Tupana mõtypot yat pe hawyi tohytpok hytpok neꞌi. Yt iweꞌeg hin i. Miꞌi pote areto iꞌapiheg hamo."

¹¹ Uiwy are yt ereĩneꞌen teiꞌo miꞌi ewy neꞌi. Kat pote miꞌi saꞌag nug hat kahato are."

¹² Atiky­ꞌesat en wakuat nug hano ereĩneꞌen katu­pono wakuat nug hano yn Tupana wanuat. Uwe uwe inug saꞌag miꞌi hat yt Tupana kuap i hat sese. Yt karãpe i Tupana toĩneꞌen ipyꞌa pe. Maꞌato toĩneꞌen wẽtup ok eipy­ꞌa­setpe Temetiu e hap het rakat yne Iesui mohey haria mimõ­typot. Miꞌi wyti pywuat sehay iãꞌãkap yne pywuat sehay enoi haria mimõ­typot miꞌi. Iꞌewyte uimi­mõ­typot miꞌi. Uruimõ­typot kahato miꞌi are.

"

¹³ Ahenoi teran poꞌog poꞌog epe mehĩ Kaiu maꞌato yt atunug neran hin i popera tote."

^{14 (14-15)} Miꞌi pote areto irane meremo ewawi. Uhehay teran ewywo haype. — Tupana etum o uiwy Kaiu pe iwepit hap are Tupana pe. ¹⁵ Pyno yne meiũpiaria tipo­ꞌoro kuekatu e hap ewawi. Iꞌewyte uruipo­ꞌoro kuekatu e hap koꞌi ehowawi uruwy­riaꞌin itotiaria kape uruipo­ꞌoro uruepiat iꞌatu­kyꞌe haype. Pyno wuatꞌi aiwy­riaꞌin me atipo­ꞌoro uhehay — Woro­ho­ꞌo­kyꞌe kahato e hap atipo­ꞌoro are.

Toran naꞌyn uimiwan. Uito ti Iesui eropat hat Iuwãu. Uhet sese Iesui mikyꞌe."