<h4>1</h4>
<p><sup>1</sup> Uito ti Iesui potmuꞌe sese Iuwãu.<p/>Koitywy aseꞌi pot areĩneꞌen uiporo kahato raꞌyn mote.<p/>Mesuwat uimiwan atipo­ꞌoro ewawi mana. Waku sese kahato en katu­pono saꞌa­wyꞌi Tupana eꞌairo temiit sese wo. Kuekatu atipo­ꞌoro uimi­kyꞌe koꞌi kape emẽpytꞌin kape. Pywo ti rat woro­ho­ꞌo­kyꞌe kahato eiperia. Yt uito yn i eikyꞌe maꞌato yne yne Iesui kuap haria eikyꞌe kahato wy Iesui pywo e hap ewy eikyꞌe urutoria."
<p><sup>2</sup> Tupana ehay pywuat sese eiam kahato aito mana. Miꞌi hawyi yt karãmuat i wati­waure mekewat pywuat e hap katu­pono toĩneꞌen aru wuatꞌi eꞌat pe aikai."
<p><sup>3</sup> Miꞌi hawyi ahẽtup kahato Aiꞌywot atipy piat kape iꞌewyte Haꞌyru Aipo­typot kape — Etum no uruepe egyiꞌat hap. Urukyꞌe ro yt kat saꞌup i are. Urueha­ky­ꞌeꞌi pote etum no urukyꞌe hap yt kat saꞌup i are. Urunug o woꞌo­wese haria wo are. Iꞌeywte urunug sehay pywuat kyꞌesat haria wo. Iꞌewyte woꞌo­kyꞌe haria wo are at kaꞌap ahẽtup Aiꞌywot kape.<p/>"
<p><sup>4</sup> Mana emẽpytꞌin koꞌi uimo­wepit kahato haria tukup­teꞌen katu­pono pywuat sehay upiaria kahato miꞌiria. Mekewat saꞌa­wy­ꞌiwuat Aiꞌywot ainãpin hap sese nug haria miꞌiria."
<p><sup>5</sup> Pyno ahenoi i raꞌyn epe mana mekewat saꞌa­wy­ꞌiwuat Tupana piat ainãpin hap sese. Mio tã e — Waku eiwo­ꞌo­kyꞌe yne e. Yt ipakup i raꞌyn wen maꞌato atiwan ne ewawi uimi­kyꞌe kahato en mote."
<p><sup>6</sup> Pyno waku yne saꞌa­wy­ꞌiwuat ainãpin hap aimikuap ok tã waku watunug. Karãpeĩ areꞌe ehepe — Toꞌiro wato­ꞌo­kyꞌe iꞌewyte areꞌe ehepe — Watunug yne yianmiat ainãpin hap aimikuap ok tã meimẽwat saꞌa­wy­ꞌiwuat miꞌi pote woꞌo­kyꞌe haria wo raꞌyn watoĩ­neꞌen."
<p><sup>7</sup> Taꞌi typyꞌi kahato ti mesu­wa­ro­tiaria aima­ꞌatꞌi maꞌatꞌi hanuaria. Wẽtup sehay wuat aimaꞌat reran haype — Iesui ti yt miit kawiat i iꞌatuꞌe saꞌag. Tupana yt tuwe­mo­herep miit no iꞌatuꞌe reran haype. Aika­ꞌiwat ewanĩ­kaptia ti miꞌiria."
<p><sup>8</sup> Waku aiweꞌeg wo o miꞌiria pupi katu­pono taꞌa­tu­ky­ꞌesat kahato watuwat iꞌatuehay upi. Watuwat miꞌiria ehay upi pote watoiat raꞌyn aimi­mohey Iesui etiat. Iꞌatuehay upi watuwat hawyi yt naku i pe wato­py­huꞌat. Yt kat i aipotpap hap saꞌup topy­huꞌat Tupana kaipyi. Miꞌiria ehay — Iesui ti yt miit puꞌi kawiat i yn iꞌatuꞌe ahepe. Tupana yt tuwe­puꞌi nug i iꞌatuꞌe ahepe saꞌag. Miꞌi hawyi watuwat iꞌatuehay upi hawyi yt kat i saꞌup toĩneꞌen aru Tupana kaipyi mekewat eꞌat pe mekewat aipotpap saꞌup."
<p><sup>9</sup> Yt naku i wahenoi iraniaꞌin me aiwa­nẽtup hap yt Aipo­typot Iesui e hap ewy i. Miꞌi tã watunug mote yt Tupana wanuat i wato­py­huꞌat. Maꞌato miitꞌin wati­ꞌa­tu­muꞌe Iesui e hap ewy imienoi ewy miꞌi pote toĩneꞌen Iꞌywot Haꞌyru aipyꞌa pe."
<p><sup>10</sup> Miꞌi hawyi putꞌokꞌe wẽtup ok aimuꞌe hat hawyi — Taꞌi wẽtup kawiat ti Iesui yt aipiit ewywuat i Iesui iꞌatuꞌe saꞌag. Miꞌiria putꞌokꞌe aiꞌyat okenꞌy­pyke hawyi — Wãi yt ereke teiꞌo waku watoꞌe tope."
<p><sup>11</sup> Maꞌato — Tupana epowyro ereꞌe pote miꞌi hawyi meiẽwat miit saꞌag ewy raꞌyn iwy ok wo raꞌyn erepy­huꞌat.<p/>"
<p><sup>12</sup> Iꞌatu kahato ti atiwan neran ewawi mana maꞌato waku ahenoi miꞌi koꞌi uiwẽ pyi areĩneꞌen ewywo hawyi. Maꞌato yt atunug neran koitywy uhehay uimiwan me. Areto teran ewawi mana hawyi miꞌi tote ahenoi uhehay sese epe mana. Iꞌewyte waku ehenoi ehay uhepe aiwo­ꞌoewa pe. Miꞌi hap eꞌat pe uimo­wepit hap sese toĩneꞌen."
<p><sup>13</sup> Pyno kuekatu atipo­ꞌoro ewawi mana. Iꞌewyte ekypyꞌyt mẽpytꞌin tipo­ꞌoro ewawi kuekatu. Waku raꞌyn uimiwan toran naꞌyn.<p/>Uito Iesui potmuꞌe Iuwãu"