1

¹ Әва ә’йантийа Иса Мәсиһ ә, к’ижан Хwәде да Wи, wәки әw wан тьштед кӧ гәрәке зутьрәке бьqәwьмьн, нишани хӧламед Wи кә. Иса пе дәсте мьлйак’әте ф Хwә шанд у ә’лами хӧламе Хwә Йуһ’әнна кьр."

² Йуһ’әнна жи шә’дәтийа һәр тьштед кӧ wи дитьбун да, аwа готи шә’дәтийа готьна Хwәде, ӧса жи шә’дәтийа ә’ламәтийа Иса Мәсиһә р’аст ."

³ Хwәзи ль wи, кӧ ве йәке бьхунә у хwәзи ль wан, йед кӧ ван хәбәред п’ехәмбәртийе ф бьбьһен у тьштед кӧ веда һатьнә ньвисаре дьле хwәда хwәй кьн, чьмки wәхт незик ә."

⁴ Жь Йуһ’әнна, һәр һ’әфт щьвинар’а ф, йед кӧ qәза Асйайеда нә:

К’әрәм ф у ә’дьлайийа Wи ль wә бә, Йе кӧ һәйә, Йе кӧ һәбу, Йе кӧ wе бе у жь һәр һ’әфт р’ӧһ’ед кӧ ль бәр т’әхте Wи нә ,"

⁵ ӧса жи жь Иса Мәсиһе шә’де амьн, Ньхӧрийе жь нава мьрийа у сәрwере п’адшед ә’рде.

Дә бьра р’умәт у qӧдрәт Wир’а бә һ’әта-һ’әтайе, Йе кӧ мә һ’ьз дькә у әм пе хуна Хwә жь гӧнед мә аза кьрьн у әм кьрьн к’аһинед ф п’адшатийе, wәки Баве ф Wи Хwәдер’а әм хьзмәтк’арийе бькьн. Амин!

⁶

"

⁷ Ва йә ә’wрава Әw те.

Һәр ч’ә’ве Wи бьбинә,

һ’әта әwед кӧ нәк’са Wи qӧл кьрьн жи.

Һ’әму мьләтед дьнйайе wе ль сәр Wи шин у к’әдәр бьн.

Бәле. Амин! "

⁸ «Әз Алфа ф у Омега мә», Хӧдан Хwәдейе ф Һ’әму Зорайийе дьбежә, Йе кӧ һәйә, Йе кӧ һәбу у Йе кӧ wе бе."

⁹ Әз, Йуһ’әннайе бьре wә мә, йәктийа Исада һәвал-п’аре wе тәнгасийе ф, п’адшатийа Wи у сәбьра wә мә. Әз бона хәбәра Хwәде у шә’дәтийа бона Иса wе гьраведа ф бум, кӧ жер’а Патмос дьбежьн."

¹⁰ Р’ожа ф Хӧданда Р’ӧһ’е ф Пироз һатә сәр мьн у мьн ль пьшт хwә дәнгәки бьльнди мина дәнге бор’ийе бьһист,"

¹¹ кӧ гот: «Чь тьште кӧ тӧ дьбини, к’ьтебеда бьньвисә у һәр һ’әфт щьвинар’а бьшинә, йед кӧ бажаред Әфәсе, Сьмирнайе, Пәргамайе, Тийатирайе, Сардәйсе, Фьладәлфйайе у Лаwдькйайеда нә»."

¹² Әз сәр wи дәнгида вәгәр’ийам кӧ бьбиньм, к’а к’и йә мьнр’а хәбәр дьдә у чахе кӧ әз вәгәр’ийам, мьн һ’әфт шәмданед зер’ин дитьн."

¹³ Нава wан шәмданада «йәки мина Кӧр’е ф Мерьв» һәбу, к’ьнщәкә дьрежә һ’әта ньга ле бу у мәлахтәки зер’ин ль синге Wи бу."

¹⁴ П’ор’е сәре Wи мина һьрийа qәрqаш у мина бәрфе сьпи бу, ч’ә’вед Wи жи мина алава егьр ."

¹⁵ Ньгед Wи мина сьфьре хаси жь к’ура агьр дәрхьсти, кӧ дьбьрьqә у дәнге Wи мина дәнге хӧлә-хӧла гәләк ава бу ."

¹⁶ Дәсте Wийи р’астеда һ’әфт стәйрк һәбун у жь дәве Wи шурәки дӧдәвийи туж дәрдьк’әт. Р’уйе Wи мина р’ойе бу кӧ т’әмамийа qәwата хwәва шәwq дьдә."

¹⁷ Чахе кӧ мьн Әw дит, мина йәки мьри к’әтьмә бәр ньгед Wи. Әwи дәсте Хwәйи р’асте дани сәр мьн у готә мьн: «Нәтьрсә, Әз ьм Йе Пешьн у Пашьн ."

¹⁸ Әз Йе сах ьм. Әз Йе мьри бум, ле ва йә әз сах ьм һ’әта-һ’әтайе. У Әз ьм хwәйе к’ьлитед Мьрьне у Дийаре Мьрийа ф."

¹⁹ Аwа бьньвисә чь кӧ тӧ дьбини, чь кӧ ньһа һәнә у чь wе паше бьбьн."

²⁰ Сӧр’а ван стәйрка, йед кӧ тә дәсте Мьни р’астеда дитьн, ӧса жи һәр һ’әфт шәмданед зер’ин әв ә: Әw һәр һ’әфт стәйрк, мьлйак’әтед һәр һ’әфт щьвина нә у әw һәр һ’әфт шәмдан, һәр һ’әфт щьвин ьн."

2

¹ Мьлйак’әте щьвина Әфәсер’а бьньвисә беже:

Әwи кӧ һ’әфт стәйрк дәсте Wийи р’астеда у нава һ’әфт шәмданед зер’инда дьгәр’ә, аһа дьбежә:"

² Әз һаш жь кьред тә, хәбата тә у сәбьра тә һәмә. Әз заньм кӧ тӧ нькари ль хьраба т’ә’мул ки. Тә әw жи щер’ьбандьн ф, йед кӧ хwә шанди ф һ’әсаб дькьн, ле р’аст нә ӧса нә, тә дит кӧ әw дәрәwин ьн."

³ Сәбьра тә һәйә, бона наве Мьн тә щәфа к’ьшанд у нәwәстийайи."

⁴ Ле газьнәкә Мьн ль тә һәйә, кӧ тӧ мина бәре Мьн һ’ьз наки."

⁵ Аwа ньһа бинә бира хwә, кӧ тӧ жь к’ӧ дәре к’әтийи у жь гӧнәкьрьне вәгәр’ә, кьред хwәйә пешийе бькә. Һәгәр на, Әзе бемә щәм тә у шәмдана тә жь щийе wе һьлдьм."

⁶ Ле тьштәки р’ьнд ль щәм тә һәйә, кӧ дьжәни wан кьред николойийа, чаwа кӧ Әз жи дьжәньме."

⁷ Гӧһе к’е һәйә бьра бьбьһе, кӧ Р’ӧһ’ чь дьбежә щьвина. Әwе кӧ сәрк’әвә, Әзе изьне бьдьмә wи, wәки жь wе дара жийине бьхwә, йа кӧ бӧһьшта Хwәдеда йә ."

⁸ Мьлйак’әте щьвина Сьмирнайер’а бьньвисә беже:

Әwи Пешьн у Пашьн, Йе кӧ мьр у жь нава мьрийа р’абу аһа дьбежә:"

⁹ Әз һаш жь тәнгаси у бәләнгазийа тә һәмә, ле бәле тӧ дәwләти йи! Ӧса жи һаш жь бӧхданед wан һәмә, йед кӧ хwәр’а дьбежьн: ‹Әмә щьһу ф нә›. Әw нә щьһу нә, ле әw жь к’ьништа ф мирещьн ф ьн."

¹⁰ Жь wан тәнгасийа нәтьрсә, к’ижане бенә сәре тә. Ва мирещьн wе жь wә һьнәка бавежә кәле, wәки һун бенә щер’ьбандьне у һуне дәһә р’ожа щәфе бьк’ьшиньн. Һ’әта мьрьне амьн бьминә, Әзе т’аще ф жийине бьдьмә тә."

¹¹ Гӧһе к’е һәйә бьра бьбьһе, кӧ Р’ӧһ’ чь дьбежә щьвина. Әwе кӧ сәрк’әвә жь мьрьна дӧда wе qәт зьраре нәбинә."

¹² Мьлйак’әте щьвина Пәргамайер’а бьньвисә беже:

Әwе кӧ шуре Wийи дӧдәвийи туж һәйә аһа дьбежә:"

¹³ Әз һаш жь тә һәмә кӧ тӧ ль к’ӧ дәре дьмини, аwа готи ль wи щийе кӧ т’әхте мирещьн ле йә. Тӧ наве Мьн qәwин дьгьри у тә баwәрийа ф хwәйә һьндава Мьнда wан р’ожа жи инк’ар ф нәкьр, гава шә’де Мьни амьн Антипас нава wәда һатә кӧштьне, wи щийе кӧ мирещьн ле дьминә."

¹⁴ Ле газьнәкә Мьн ль тә һәйә, кӧ ль wе дәре һьнәк мәрьвед тә һәнә, кӧ пәй һинкьрьна wи Бьлами ф дьчьн, йе кӧ Балаq һин кьр, кӧ зар’ед Исраел ф жь р’е дәрхә, wәки әw qӧрбанед ф п’ута бьхwьн у бенамусийе бькьн ."

¹⁵ Ӧса жи һьнәк мәрьвед тә жи һәнә кӧ пәй һинкьрьна николойийа дьчьн."

¹⁶ Аwа жь гӧнәкьрьне вәгәр’ә, һәгәр на, Әзе зутьре бемә щәм тә у пе шуре дәве Хwә т’әви wан мәрьва шәр’ кьм."

¹⁷ Гӧһе к’е һәйә бьра бьбьһе, кӧ Р’ӧһ’ чь дьбежә щьвина. Әwе кӧ сәрк’әвә Әзе жь wи манайе ф вәшарти бьдьмә wи у ӧса жи кәвьрәки сьпи бьдьме, кӧ wе навәки ну ль сәр кевьр ньвисар бә у т’ӧ кәсе wи нави ньзаньбә, пештьри йе кӧ wи кәвьри бьстинә ."

¹⁸ Мьлйак’әте щьвина Тийатирайер’а бьньвисә беже:

Кӧр’е ф Хwәде аһа дьбежә, Йе кӧ ч’ә’вед Wи мина алава егьр ьн у ньгед Wи мина wи сьфьре хаси кӧ дьбьрьqә:"

¹⁹ Әз һаш жь кьред тә, һ’ьзкьрьна тә, баwәрийа тә, хьзмәтк’ари у сәбьра тә һәмә. Әз заньм кӧ кьред тәйә пашwәхтийе жь йед пешийе зедәтьр ьн."

²⁰ Ле газьнәкә Мьн ль тә һәйә, кӧ тӧ wе жьне, Изабеле сәбьр дьки, кӧ хwә п’ехәмбәр һ’әсаб дькә. Әwа пе һинкьрьна хwә хӧламед Мьн жь р’е дәрдьхә, wәки бенамусийе бькьн у qӧрбанед п’ута бьхwьн."

²¹ Мьн wәхт да wе, wәки әw жь гӧнәкьрьне вәгәр’ә, ле әw нахwазә дәсте хwә жь бенамусийа хwә бькә."

²² Ва Әзе wе бавежьмә нава щи-ньвине у йед кӧ т’әви wе бенамусийе жи дькьн, бькьмә һ’аләки гьран, һәгәр жь кьред хwә вәнәгәр’ьн ф."

²³ Әзе зар’ед wе хьм, бькӧжьм у һ’әму щьвине бьзаньбьн кӧ Әз ьм, Йе дьл у нета ә’нәнә дькә. Әзе ль анәгори кьрьнед wә һәр йәки бьдьмә wә ."

²⁴ Ле бәле Әз wә, йед майинр’а дьбежьм кӧ Тийатирайеда нә, ле пәй ве һинкьрьне нәк’әтьнә, әw ‹Сӧр’ед мирещьнә к’ур› ньзаньн чаwа кӧ әw дьбежьн. Әз барәки дьн надьмә сәр мьле wә,"

²⁵ ле т’әне чи wә һәйә qәwин бьгьрьн, һ’әта кӧ Әз бем."

²⁶ Әwе кӧ сәрк’әвә у һ’әта хьлазийе кьред ль гора дьле Мьн бькә, Әзе wи һ’ӧкӧме сәр мьләта бьдьмә wи, к’ижан Мьн жь Баве Хwә һьлдайә

у әwе пе шьвдара һ’әсьни шьвантийе ль wан бькә,

мина фьраqед ч’ьни wе бьп’ьшьринә ."

²⁷ "

²⁸ У Әзе стәйрка сьбейә зу бьдьмә wи."

²⁹ Гӧһе к’е һәйә бьра бьбьһе, кӧ Р’ӧһ’ чь дьбежә щьвина."

3

¹ Мьлйак’әте щьвина Сардәйсер’а бьньвисә беже:

Әwи кӧ һ’әфт р’ӧһ’ед Хwәде у һ’әфт стәйркед Wи һәнә, аһа дьбежә: Әз һаш жь кьред тә һәмә, наве тә һәйә йане тӧ сах и, ле р’аст тӧ мьри йи."

² Һ’ьшйар бә у әwед кӧ манә ле ль бәр мьрьне нә, бькә бьра сәр хwәда бен, чьмки Мьн кьред тә ль бәр Хwәдейе Хwә гьһишти нәдитьн."

³ Дә бинә бира хwә кӧ тә чь стандийә у бьһистийә, гӧр’а ф wан тьшта бькә у т’обә ф кә. Ле һәгәр тӧ һ’ьшйар нәби, Әзе мина дьзәки сәр тәда бьгьрьм у те qәт ньзаньби кӧ Әзе к’ижан сьһ’әтеда сәр тәда бьгьрьм ."

⁴ Ле Сардәйседа чәнд кәсед тә һәнә кӧ wан к’ьнщед хwә нәләwьт’андьнә. Әwе бь к’ьнщед чилә-qәрqаш т’әви Мьн бьгәр’ьн, чьмки әwә һежа нә."

⁵ Әwе кӧ сәрк’әвә, әwе аһа к’ьнщед чилә-qәрqаш ль хwә wәргьрә. Әзе наве wи жь к’ьтеба жийине т’ӧ щар р’әсит нәкьм у наве wи ль бәр Баве Хwә у ль бәр мьлйак’әтед Wи ашкәрә кьм ."

⁶ Гӧһе к’е һәйә бьра бьбьһе, кӧ Р’ӧһ’ чь дьбежә щьвина."

⁷ Мьлйак’әте щьвина Фьладәлфйайер’а бьньвисә беже:

Әwи пироз ф, Әwи р’аст, аһа дьбежә, Йе кӧ хwәйе к’ьлита Даwьд ф ә, кӧ вәдькә у т’ӧ кәс нькарә дадә у дадьдә т’ӧ кәс нькарә вәкә :"

⁸ Әз һаш жь кьред тә һәмә. Ва Мьн дәрики вәкьри данийә бәр тә, кӧ т’ӧ кәс нькарә дадә. Әз заньм кӧ qәwата тә һьнәки һәйә у тә готьна Мьн хwәй кьр у наве Мьн инк’ар нәкьр."

⁹ Бьньһер’ә, һьнәкә жь к’ьништа мирещьн һәнә, йед кӧ дьбежьн: ‹Әмә щьһу ф нә›, ле р’аст нә щьһу нә, әw дәрәwа дькьн. Ва Әзе п’ейи сәр wан кьм, кӧ әw бен у ль бәр ньгед тә та бьн у бьзаньбьн Әз тә һ’ьз дькьм."

¹⁰ Тә кӧ т’әмийа Мьн хwәй кьр у сәбьр кьр, Әзе жи тә жь wи wәхте щер’ьбандьне хwәй кьм, йа кӧ wе бе сәр т’әмамийа дьнйайе, кӧ бьнәлийед ф ль р’убари дьне бьщер’ьбинә."

¹¹ Әзе зутьрәке бем, чи тә һәйә qәwин бьгьрә, wәки т’ӧ кәс т’аще тә нәстинә."

¹² Әwе кӧ сәрк’әвә Әзе wи п’арьстгәһа ф Хwәдейе Хwәда бькьмә стун у әwе иди дәрнәк’әвә дәрва. Әзе ль сәр wи наве Хwәдейе Хwә, ӧса жи наве бажаре Хwәдейе Хwә, аwа готи наве Оршәлима ф ну бьньвисьм, йа кӧ жь Хwәдейе Мьн жь ә’змен wе бе хwаре у Әзе наве Хwәйи ну жи бьньвисьм ."

¹³ Гӧһе к’е һәйә бьра бьбьһе, кӧ Р’ӧһ’ чь дьбежә щьвина."

¹⁴ Мьлйак’әте щьвина Лаwдькйайер’а бьньвисә беже:

‹Йе Амин ф› аһа дьбежә, Әw шә’де р’аст у амьн, ч’ә’вканийа ә’фьрин у хӧльqийед Хwәде :"

¹⁵ Әз һаш жь кьред тә һәмә, тӧ нә сар и у нә жи гәрм и. Хwәзи тӧ йан сар буйайи йан жи гәрм."

¹⁶ Ле чьмки тӧ голи йи, нә сар и у нә жи гәрм, Әзе тә жь дәве хwә бьр’ежьм."

¹⁷ Тӧ дьбежи: ‹Әз дәwләти мә, wе йәкеда гәләк пешда чумә, qәт һ’әwще т’ӧ тьшти нимә›. Ле тӧ ньзани кӧ тӧ мә’рьм, р’әбән, бәләнгаз, кор у тә’зи йи."

¹⁸ Әз ве т’әмийе дьдьмә тә: Зер’е кӧ бь егьр һатийә сафикьрьне жь Мьн бьк’ьр’ә, wәки тӧ дәwләти би у к’ьнщед чилә-qәрqаш жь Мьн бьк’ьр’ә, кӧ ль хwә ки, wәки шәрма тә’зибуна тә бе ньхамтьне, ӧса жи дәрмане ч’ә’ва, кӧ ль ч’ә’вед хwә ди, wәки бьбини."

¹⁹ Әз к’ижана һ’ьз дькьм ль wан һьлтем ф у wан ширәт дькьм. Бона ве йәке хирәт кә у жь гӧнәкьрьне

вәгәр’ә! "

²⁰ Ва Әз ль бәр дәри сәкьни мә у ль дери дьхьм. Һәгәр йәк дәнге Мьн бьбьһе у дери ль Мьн вәкә, Әзе һәр’ьмә һьндӧр’, т’әви wи нан бьхwьм у әwе жи т’әви Мьн."

²¹ Әwе кӧ сәрк’әвә, Әзе дәстуре бьдьме кӧ т’әви Мьн сәр т’әхте Мьн р’уне, чаwа кӧ Әз сәрк’әтьм у т’әви Баве Хwә сәр т’әхте Wи р’уньштьм."

²² Гӧһе к’е һәйә бьра бьбьһе, кӧ Р’ӧһ’ чь дьбежә щьвина»."

4

¹ Пәй ван тьштар’а мьн дина хwә дайе, ва ә’зменда дәрик вәкьри йә. У әw дәнге кӧ мьн бәре мина дәнге бор’ийе бьһистьбу мьнр’а гот: «Р’абә wәрә ве жоре, Әзе wан тьштед кӧ гәрәке жь вьр шунда бьqәwьмьн, нишани тә кьм»."

² Һәма һьнге Р’ӧһ’е Пироз һатә сәр мьн, мьн дина хwә дайе, wе т’әхтәк ль ә’змен һәбу у йәк ль сәр т’әхт р’уньшти бу ."

³ У шәwqа диндара Йе р’уньшти мина йа кәвьре йаспис у сардийон бу. У к’әскәсоре жи дора т’әхт гьртьбу, мина ишьqа зьмруде ."

⁴ Ль дора wи т’әхти бист чар к’ӧрси һәбун у ль сәр wан к’ӧрсийа бист чар р’успи ф р’уньштьбун. К’ьнщед чилә-qәрqаш ль wан бун у т’ащед зер’ин жи ль сәре wан бун."

⁵ Жь т’әхт бьруск у дәнгед гӧр’инийа ә’wр-ә’змана дәрдьк’әтьн. Ль бәр т’әхт һ’әфт агьред алавпек’әти һәбун, кӧ әw һәр һ’әфт р’ӧһ’ед Хwәде нә ."

⁶ Ль бәр т’әхт тьштәки мина бә’рәкә шушә һәбу, кӧ мина хьрустале зәлал бу.

Ль дора т’әхт, һәр алики чар р’ӧһ’бәр һәбун, кӧ пешийе у пашийева ч’ә’вава т’ьжи бун."

⁷ Р’ӧһ’бәре пешьн мина шер бу, р’ӧһ’бәре дӧда мина щанәга бу, р’ӧһ’бәре сьсийа р’уйе wи мина р’уйе мәрьва бу у р’ӧһ’бәре чара жи мина тәйре симьр’и кӧ дьфьр’ә."

⁸ Һәр чар р’ӧһ’бәр жи шәш баски бун, сәр у бьнва ч’ә’вава хьт-хьти бун. У шәв у р’ож дәнге хwә нәдьбьр’ин дьготьн:

«Пироз, пироз, пироз,

Хӧдан Хwәдейе Һ’әму Зорайийе,

Йе кӧ һәбу, Йе кӧ һәйә у Йе кӧ wе бе» ."

⁹ Гава wан һәр чар р’ӧһ’бәра, р’умәт, һӧрмәт у шькьри дьданә Йе кӧ ль сәр т’әхт р’уньштийә у һ’әта-һ’әтайе Сах ә,"

¹⁰ әw һәр бист чар р’успи бәр Йе кӧ ль сәр т’әхт р’уньшти дәвәр’уйа дьчун, сәре хwә бәр Wи даданин, Йе кӧ һ’әта-һ’әтайе Сах ә у т’ащед хwә давитьнә бәр т’әхт у дьготьн: "

¹¹

«Йа Хӧдан Хwәдейе мә,

Тӧ һежа йи кӧ р’умәт, һӧрмәте у qәwате бьстини.

Чьмки Тә һәр тьшт ә’фьрандьн

у бь хwәстьна Тә әw ә’фьрин у һәнә»."

5

¹ Һьнге мьн дәсте Wийи р’астеда, Йе кӧ ль сәр т’әхт р’уньштьбу, к’ьтебәкә гӧломатккьри дит кӧ һәр дӧ алийава һатьбу ньвисаре у бь һ’әфт мора һатьбу моркьрьне ."

² Мьн дина хwә дайе, wе мьлйак’әтәки qәwат бь дәнгәки бьльнд дьгот: «К’и һежа йә кӧ моред ве к’ьтебе же р’акә у к’ьтебе вәкә?»"

³ Ле т’ӧ кәс т’ӧнәбу, нә ль ә’змен, нә ль сәр ә’рде у нә жи жь бьне ә’рде, кӧ бькарьбуйа әва к’ьтеба вәкьра ле бьньһер’ийа."

⁴ Әз жи к’әлә-к’әл дьгьрийам, кӧ йәки һежа нәһатә дитьне, wәки әw к’ьтеба вәкьра ле бьньһер’ийа."

⁵ Һьнге жь р’успийа йәки мьнр’а гот: «Нәгьри! Ва Шере жь qәбила Щьһуда ф, тамара Даwьд сәрк’әт у дькарә һәр һ’әфт моред wе к’ьтебе же р’акә у вәкә» ."

⁶ Һьнге мьн дина хwә дайе, wе говәка wи т’әхтида, к’ижан һәр чар р’ӧһ’бәр у р’успийа доре гьртьбун, Бәрхәк сәкьни бу, чаwа кӧ сәржекьри бә. Һ’әфт стьруйед Wи у һ’әфт ч’ә’вед Wи һәбун, Әw һәр һ’әфт р’ӧһ’ед Хwәде нә, кӧ ль т’әмамийа дьнйайе һатьнә шандьне ."

⁷ Әw һат у к’ьтеб жь дәсте Wийи р’асте, Йе кӧ ль сәр т’әхт р’уньштьбу һьлда."

⁸ Чахе Wи әw һьлда, әw һәр чар р’ӧһ’бәр у һәр бист чар р’успи ль бәр wи Бәрхи дәвәр’уйа чун. Дәсте һәр йәкида чәнг ф у т’асед зер’инә т’ьжи бьхур ф һәбун. Әw бьхур дӧайед щьмә’та Хwәде нә ."

⁹ У стьранәкә ну дьстьран дьготьн:

«Тӧ һежа йи, кӧ wе к’ьтебе һьлди

у моред wе же р’аки.

Чьмки Тӧ һати сәржекьрьне

у пе хуна хwә Тә мәрьв жь һәр бәрәке, жь һәр зьмани,

жь һәр щьмә’те у жь һәр мьләти к’ьр’ин бона Хwәде,

¹⁰

Тә әw кьрьн п’адшатийа к’аһина бона хьзмәтк’арийа Хwәде

у әwе ль сәр дьнйайе п’адшатийе бькьн» ."

¹¹ Һьнге мьн дина хwә дайе, мьн дәнге гәләк мьлйак’әта бьһист кӧ дора т’әхт, wан р’ӧһ’бәра у р’успийа гьртьбун. Р’әqәма wан дьгьһиштә бь һ’әзара у милийона."

¹² Бь дәнгәки бьльнд дьстьран дьготьн:

«Әw Бәрхе сәржекьри һежа йә

кӧ qәwате, дәwләмәндтийе,

сәрwахтийе ф, карине,

һӧрмәте, р’умәте у пәсьне бьстинә» ."

¹³ Мьн бьһист кӧ һәр ә’фьринед ль ә’змен, ль сәр ә’рде, йед бьн ә’рде, йед бә’реда у һ’әмуйед нава wанда, дьстьран:

«Бьра һ’әта-һ’әтайе пәсьн, һӧрмәт, р’умәт у qӧдрәт

ль Йе сәр т’әхт р’уньшти, ӧса жи ль wи Бәрхи бә!» "

¹⁴ У wан һәр чар р’ӧһ’бәра дьготьн: «Амин!» у р’успи дәвәр’уйа чун, сәре хwә бәр Wи данин."

6

¹ Һьнге мьн дина хwә дайе, wи Бәрхи морәкә жь wан һәр һ’әфт мора вәкьр у мьн жь wан һәр чар р’ӧһ’бәра дәнгәки мина дәнге гӧр’инийа ә’wра бьһист кӧ гот: «Wәрә»."

² Мьн дина хwә дайе, ва һәспәки боз хӧйа бу, дәсте йе лесийарбуйида тиркәванәк һәбу, т’ащәк wир’а һатә дайине у әw чаwа ә’гит чу, wәки сәрк’әвә."

³ Чахе Бәрх мора дӧда вәкьр, мьн бьһист кӧ р’ӧһ’бәре дӧда гот: «Wәрә»."

⁴ Һьнге һәспәки дьнейи р’әнге зәрда дәрк’әт у сийаре wир’а изьн һатә дайине, кӧ ә’дьлайийе жь дьнйайе һьлдә, wәки мәрьв һәвдӧ бькӧжьн. Шурәки мәзьн wир’а һатә дайине."

⁵ Чахе Wи мора сьсийа вәкьр, мьн бьһист кӧ р’ӧһ’бәре сьсийа гот: «Wәрә». Мьн дина хwә дайе, ва һәспәки р’әш у дәсте сийаре wида мезинәк һәбу."

⁶ Һьнге те бежи мьн дәнгәк бьһист, жь нава һәр чар р’ӧһ’бәра һат у гот: «Чапәкә гәньмә бьч’ук пе зивәки ф у се чапед бьч’ук щәһ пе зивәки . Ле зьраре нәдә зәйт’е у шәраве»."

⁷ Чахе Wи мора чара вәкьр, мьн дәнге р’ӧһ’бәре чара бьһист кӧ гот: «Wәрә»."

⁸ Мьн дина хwә дайе, ва һәспәки шиноqи, кӧ наве сийаре wи Мьрьн бу, Дийаре Мьрийа пәй wи дьһат. Һ’ӧкӧм wир’а һатә дайине сәр п’арәкә жь чар п’аред дьнйайе, wәки пе шур, хәлайийе, нәхwәшийа һ’ал у р’ә’wьред дьнйайе wан бькӧжә."

⁹ Чахе Wи мора пенща вәкьр, мьн бьн горигәһеда ф р’ӧһ’ед wан мәрьва дитьн, йед кӧ бона Хәбәра Хwәде у бона шә’дәтийа кӧ дабун һатьбунә кӧштьне."

¹⁰ Wан бь дәнгәки бьльнд кьрьнә гази у готьн: «Йа Хwәйи-Хӧдане пироз у р’аст! Те һ’әта к’әнге диwане нәки у һ’әйфа хуна мә жь бьнәлийед р’убари дьне һьлнәди?»"

¹¹ Һьнге жь wан һәр йәкир’а чӧхед чилә-qәрqаш һатьнә дайине у wанр’а һатә готьне, кӧ һьнәк wәхт жи һеса бьн, һ’әта кӧ һ’әсабе һәвал-хӧламед wан у хушк-бьред wанә кӧ wе мина wан бенә кӧштьне, т’әмам бә."

¹² Чахе Wи мора шәша вәкьр, мьн дина хwә дайе, ә’рд qайим һ’әжийа. Р’о мина к’ӧрхе ф жь пьр’ч’е чекьри р’әш бу у һив сәрда-педа бу мина хуне ."

¹³ Стәйркед ә’змен ӧса жорда к’әтьнә ә’рде, чаwа кӧ дара һежире жь бәр байе qайим дьһ’әжә у бәред wе же дьwарьн ."

¹⁴ Һьнге ә’зман бу мина к’ьтеба гӧломатккьри ль һәв һатә п’еч’ане, һьлк’ьшийа у һ’әму ч’ийа у гьрав жь щийед хwә һ’әжийан."

¹⁵ Wи чахи п’адшед дьнйайе, мәзьнед wе, сәрәскәред wе, дәwләтийед wе, ә’гитед wе у һ’әму мәрьвед хӧлам у аза хwә шкәфт у qәйед ч’ийада вәшартьн ,"

¹⁶ ч’ийа у qәйар’а дьготьн: «Сәр мәда бьк’әвьн у мә жь р’уйе Wи вәшерьн, Йе кӧ ль сәр т’әхт р’уньшти йә, ӧса жи жь хәзәба Бәрх ."

¹⁷ Чьмки р’ожа хәзәба wанә мәзьн һат у к’и дькарә тәйах кә?» "

7

¹ Пәй ве йәкер’а мьн дина хwә дайе, wе чар мьлйак’әт ль һәр чар qӧлбед дьнйайе сәкьни нә у байед һәр чар qӧлбед дьнйайе һ’ьшк гьртьнә, wәки ль ә’рде, бә’ре у т’ӧ даре нәхьн ."

² Һьнге мьн мьлйак’әтәки дьн жи дит кӧ жь р’оһьлате дьһат у мора wийә жь Хwәдейе Сах һәбу. Әwи бь дәнгәки бьльнд ль wан һәр чар мьлйак’әта кьрә гази, йед кӧ wанр’а һатьбу дайине, кӧ зьраре бьдьнә ә’рде у бә’ре, wанр’а гот:"

³ «Зьраре нәдьнә ә’рде, бә’ре у дара, һ’әта кӧ әм море ль ә’нийа хӧламед Хwәдейе хwә нәхьн» ."

⁴ Һьнге р’әqәма йед кӧ һатьбунә моркьрьне мьн бьһист: Жь һ’әму qәбилед ф зар’ед Исраел сәд чьл чар һ’әзар һатьбунә моркьрьне.

⁵

Жь qәбила Щьһуда донздәһ һ’әзар,

жь qәбила Р’убен донздәһ һ’әзар,

жь qәбила Гад донздәһ һ’әзар,

⁶

жь qәбила Ашер донздәһ һ’әзар,

жь qәбила Нәфтәли донздәһ һ’әзар,

жь qәбила Мьнашә донздәһ һ’әзар,

⁷

жь qәбила Шьмһ’ун донздәһ һ’әзар,

жь qәбила Леwи ф донздәһ һ’әзар,

жь qәбила Исахар донздәһ һ’әзар,

⁸

жь qәбила Зәбулон донздәһ һ’әзар,

жь qәбила Усьв ф донздәһ һ’әзар

у жь qәбила Бьнйамин ф донздәһ һ’әзар һатьбунә моркьрьне."

⁹ Пәй ве йәкер’а мьн дина хwә дайе, ва ә’лаләтәкә ӧса мәзьн, кӧ т’ӧ кәси нькарьбу бьжьмарта жь һәр мьләти, жь һәр бәрәке, жь һәр щьмә’те у жь һәр зьмани ль бәр т’әхт у wи Бәрхи сәкьни бун. Чӧхед чилә-qәрqаш ль wан бун у ч’ьqьлед хӧрма жи дәстед wанда бун,"

¹⁰ бь дәнгәки бьльнд дькьрьнә гази дьготьн:

«Хьлазбун ф жь дәсте Хwәдейе мә йә,

Йе кӧ ль сәр т’әхт р’уньшти йә

у жь дәсте wи Бәрхи йә»."

¹¹ Һьнге әw һ’әму мьлйак’әтед кӧ ль дора т’әхт, р’успийа у wан һәр чар р’ӧһ’бәра гьртьбун, бәр т’әхт дәвәр’уйа чунә ә’рде, сәре хwә бәр Хwәде данин"

¹² у готьн:

«Амин!

Пәсьн, р’умәт, сәрwахти,

шькьри, һӧрмәт, qәwат у зорайи

бьра һ’әта-һ’әтайе Хwәдейе мәр’а бә.

Амин!»"

¹³ Һьнге жь wан р’успийа йәки мьнр’а гот: «Әвед кӧ чӧхед чилә-qәрqаш wәргьрти нә, әw к’и нә у жь к’ӧ дәре һатьнә?»"

¹⁴ Мьн wир’а гот: «Әз хӧлам, әз ньзаньм, тӧ зани». Һьнге әwи мьнр’а гот: «Әвана әw ьн, йед кӧ жь wе тәнгасийа мәзьн һатьнә, чӧхед хwә пе хуна wи Бәрхи шуштьнә, чил-qәрqаш кьрьнә .

¹⁵

Ләма әwә ль бәр т’әхте Хwәде нә,

п’арьстгәһа Wида шәв у р’ож Wи дьһ’әбиньн.

Йе ль сәр т’әхт р’уньшти, wе коне Хwә ль сәр wан вәгьрә.

¹⁶

Әwе иди нә т’и бьн, нә бьр’чи бьн

у нә жи тә’в у гәрмайийе ль wан хә .

¹⁷

Чьмки әw Бәрхе кӧ говәка т’әхтда йә,

wе шьвантийе ль wан бькә,

wан бьбә сәр канийед ава жийине.

У Хwәде жи wе һ’әму һесьред ч’ә’вед wан паqьж кә» ."

8

¹ Чахе Әwи мора һ’әфта вәкьр, ә’зменда wәкә нив сьһ’әти һәр тьшт сәqьр’и."

² Һьнге мьн әw һәр һ’әфт мьлйак’әтед кӧ ль бәр Хwәде сәкьнибун дитьн, wанр’а һ’әфт бор’и һатьнә дайине."

³ Мьлйак’әтәки дьн бьхурданга зер’ин дестда һат, ль бәр горигәһа зер’ин сәкьни. Wир’а гәләк бьхур һатә дайине, wәки бь т’әви дӧайед щьмә’та Хwәде дайнә сәр горигәһа зер’инә ль бәр т’әхте Хwәде ."

⁴ Дуйе wе бьхуре т’әви дӧайед щьмә’та Хwәде жь дәсте wи мьлйак’әти бәрбь Хwәде бьльнд бу."

⁵ Паше мьлйак’әт әw бьхурданг һьлда, жь агьре горигәһева дагьрт авитә сәр ә’рде. Бу гӧр’инийа дәнгед ә’wра бьруске бьрq вәда у ә’рд һ’әжийа."

⁶ Һьнге wан һәр һ’әфт мьлйак’әтед кӧ һ’әфт бор’ийед wан һәбун к’аре хwә кьрьн, кӧ ль бор’ийа хьн."

⁷ Йе пешьн ль бор’ийе хьст, тәйрок у агьр хунева т’әвайи сәр ә’рдеда бари. У жь се п’ара п’арәкә ә’рде шәwьти, жь се п’ара п’арәкә дара шәwьти у һ’әму гиһайе шин шәwьти ."

⁸ Мьлйак’әте дӧда ль бор’ийе хьст, тьштәки мәзьни мина ч’ийаки агьр пек’әти һатә авитьне нава бә’ре. У жь се п’ара п’арәкә бә’ре бу хун,"

⁹ жь се п’ара п’арәкә һ’әйwанед бә’реда qьр’ бу у жь се п’ара п’арәкә гәмийа wеран бу."

¹⁰ Мьлйак’әте сьсийа ль бор’ийе хьст у стәйркәкә мәзьнә мина qәндила алав пек’әти жь ә’змен к’әтә сәр п’арәкә жь се п’аред ч’әма у авед канийа."

¹¹ Наве wе стәйрке Зьрич’к бу. Жь се п’ара п’арәкә ава бу зьрич’к у жь wе аве гәләк мәрьв мьрьн, чьмки әw ав тә’л бу."

¹² Мьлйак’әте чара ль бор’ийе хьст, жь се п’ара п’арәкә р’ойе, жь се п’ара п’арәкә һиве у жь се п’ара п’арәкә стәйрка дәрб стандьн, ӧса кӧ жь се п’ара п’арәкә wан qарийа у жь се п’ара п’арәкә р’оже р’онайи нәда, ӧса жи жь се п’ара п’арәкә шәве ."

¹³ Һьнге мьн дина хwә дайе, wе тәйрәки симьр’ жор ә’зменда дьфьр’и у мьн бьһист кӧ wи бь дәнгәки бьльнд гот: «Wәй, wәй, wәй ль сәре бьнәлийед ль р’убари дьне, кӧ wе бәр дәнге wан бор’ийед һәр се мьлйак’әтед майин к’әвьн, йед кӧ wе ль бор’ийа хьн»."

9

¹ Мьлйак’әте пенща ль бор’ийе хьст у мьн дина хwә дайе, ва стәйркәк жь ә’змен к’әтә сәр р’уйе ә’рде у к’ьлита дәре гәлийе ф һәй-wайе wе стәйркер’а һатә дайине."

² Әwе дәре гәлийе һәй-wайе вәкьр, жь гәли ду-духан дәрк’әт мина дуйе к’ура мәзьн у р’уйе р’ойе у һәwе гьрт ."

³ Жь wе ду-духане кӧли ф дәрк’әтьнә сәр р’уйе ә’рде, wанр’а qәwата мина qәwата дуп’ьшкед ә’рде һатә дайине ."

⁴ Wанр’а һатә готьне, кӧ зьраре нәдьнә гиһе ә’рде, нә жи т’ӧ шинайийе у даре, ле бьдьнә wан мәрьвед кӧ мора Хwәде ль сәр ә’нийа wан т’ӧнәйә ."

⁵ Wанр’а һатә дайине, кӧ wан нәкӧжьн, ле пенщ мәһа бьдьнә щәфе. Еша wан мина еша лехьстьна дупьшка бу."

⁶ Wан р’ожада мәрьве ль мьрьне бьгәр’ьн, ле wе qәт нәбиньн, әwе һ’әйра мьрьнеда бьн, ле мьрьне жь wан бьр’әвә ."

⁷ Qьлхе wан кӧлийа мина wан һәспа бун, йе кӧ бона шер’ тенә һазьркьрьне. Ль сәр сәре wан тьштед мина т’ащед зер’ин һәбун у р’уйе wан мина р’уйе мәрьва бун ."

⁸ П’ор’е сәре wан мина п’ор’е жьна бун у дьранед wан мина дьранед шера бун."

⁹ Еләкзьрьһ’ед ф wан һәбун, мина йед һ’әсьни, дәнге баскед wан мина дәнге wан ә’рәба бун, кӧ чаwа гәләк һәсп wан дьк’ьшиньн у дажонә нава шер’."

¹⁰ Мина дуп’ьшка жи поч’ед wан һәбун у сәр поч’а жи дәрзи, к’ижанада qәwата wан һәбу кӧ пенщ мәһа мерьв бьдьнә щәфе."

¹¹ Мьлйак’әте гәлийе һәй-wайе ль сәр wан п’адша бу, кӧ наве wи бь ибрани ф «Абадун» бу, бь йунани «Аполийон», кӧ те фә’мкьрьне: «Wеранкьр»."

¹² Wәйа пешьн дәрбаз бу. Жь вьр шунда ва дӧ wәйе жи бен."

¹³ Мьлйак’әте шәша ль бор’ийе хьст у мьн дәнгәк жь һәр чар стьруйед горигәһа зер’инә ль бәр Хwәде бьһист,"

¹⁴ кӧ готә wи мьлйак’әте шәша, йе кӧ бор’и дестда бу: «Wан һәр чар мьлйак’әтед кӧ ль бәр ч’әме Фьратейи мәзьн гьредайи нә вәкә»."

¹⁵ Һьнге әw һәр чар мьлйак’әт һатьнә бәр’дане, йед кӧ бона wе сьһ’әте, wе р’оже, wе мәһе у wе сале һатьбунә һазьркьрьне, wәки жь се п’ара п’арәкә мәрьвайе бькӧжьн."

¹⁶ Мьн р’әqәма ордийед сийари бьһист кӧ дӧсьд милийон бу."

¹⁷ Wе дитьнокеда һәсп у сийаред wан мьнва аһа хӧйа бун: Р’әнгед еләкзьрьһ’ед wан р’әнге сори мина егьр, ширки мина qалч’ич’әке, qич’ьки мина к’ьрк’утеда ф бун. Сәре һәспед wан мина сәре шера бун у жь дәве wан агьр, ду у к’ьрк’ут дәрдьк’әт."

¹⁸ Пе ван һәр се бәла, жь се п’ара п’арәкә мәрьвайе, пе агьр, ду у к’ьрк’ута кӧ жь дәве ван дәрдьк’әт һатьнә кӧштьне."

¹⁹ Чьмки qәwата һәспа дәв у делед wанда бун. Делед wан мина мә’ра бун у сәре wан һәбун, кӧ пе wан зьрар дьдан."

²⁰ Әw мәрьвед майинә кӧ пе ван бәла нәһатьнә кӧштьне, жь wан п’утед кӧ бь дәстед хwә чекьрьбун вәнәгәр’ийан. Wана дәсте хwә жь щьнһ’әбандьне ф, жь wан п’утед зер’ә, зивә, сьфьрә, кәвьрә, дарә кӧ набиньн, набьһен у нагәр’ьн нәк’ьшандьн ."

²¹ Ӧса жи жь кӧштьне, сербазийе ф, бенамусийе у дьзийа хwә вәнәгәр’ийан."

10

¹ Һьнге мьн мьлйак’әтәки дьнейи зор дит кӧ жь ә’змен дьһатә хwаре. Ә’wр ле wәргьрти бу у к’әскәсор ль сери бу, р’уйе wи мина р’ойе бу, ньгед wи жи мина стунед егьр бун."

² Дәсте wида к’ьтебәкә бьч’укә вәкьри һәбу, ньге хwәйи р’асте дани сәр бә’ре, ньге хwәйи ч’әпе жи дани сәр бәже ф"

³ у бь дәнге бьльнд мина мьр’инийа шер кьрә qар’ин. Чахе кӧ wи кьрә qар’ин, һәр һ’әфт гӧр’инийед ә’wра пе дәнгед хwә хәбәр дан."

⁴ Гава wан һәр һ’әфт гӧр’инийед ә’wра хәбәр дан, мьн кьр кӧ бьньвисьм, ле жь ә’змен дәнгәк һат у гот: «Әw тьштед кӧ һәр һ’әфт гӧр’инийед ә’wра готьн, wан ә’йан нәкә, нәньвисә»."

⁵ Һьнге әw мьлйак’әте кӧ мьн дитьбу, wәки wи ньгәк данибу сәр бә’ре у йәк жи сәр бәже, дәсте хwәйи р’асте бәрбь ә’змен бьльнд кьр"

⁶ у пе Әwи сонд хwар кӧ һ’әта-һ’әтайе Сах ә, аwа готи пе Wи Йе кӧ ә’зман, һ’әмуйед wеда, ә’рд, һ’әмуйед wеда у бә’р, һ’әмуйед wеда ә’фьрандьнә у гот: «Иди wәхте дәрәнги нәк’әвә."

⁷ Ле гава мьлйак’әте һ’әфта дәнг ль бор’ийе хә, һьнге wе әw сӧр’а т’ьвдира Хwәде бе сери, йа кӧ Wи ә’лами хӧламед Хwә п’ехәмбәра кьрьбу»."

⁸ Пәй ве йәкер’а wи дәнге кӧ мьн жь ә’змен бьһистьбу, диса т’әви мьн хәбәр да у гот: «Һәр’ә, wе к’ьтеба вәкьри жь дәсте wи мьлйак’әти һьлдә, йе кӧ ль сәр бә’ре у бәже сәкьни йә» ."

⁹ Әз жи чумә щәм wи мьлйак’әти у мьн жер’а гот: «К’а wе к’ьтеба бьч’ук бьдә мьн». Әwи мьнр’а гот: «Һан ве һьлдә у бьхwә. Әве нав-дьле тәда тә’л бә, ле дәве тәда wе мина һьнгьв ширьн бә»."

¹⁰ Һьнге мьн к’ьтеба бьч’ук жь дәсте мьлйак’әт һьлда у хwар. Дәве мьнда мина һьнгьв ширьн бу, ле чахе мьн әw хwар, мьн нав-дьле хwәда тә’лайи к’ьфш кьр."

¹¹ Wи чахи мьнр’а һатә готьне: «Гәрәке тӧ диса ль сәр гәләк щьмә’та, мьләта, зьмана у п’адша п’ехәмбәртийе бьки»."

11

¹ Һьнге qамишәки ф мина шьва мьнр’а һатә дайине у һатә готьне: «Р’абә, п’арьстгәһа Хwәде у горигәһе чап кә у йед кӧ теда дьһ’әбиньн жи бьжмьрә."

² Ле һ’әwша п’арьстгәһейә дәрва бьһелә у wе чап нәкә, чьмки әw п’утп’арьстар’а ф һатә дайине. Әwе Бажаре Пироз чьл дӧ мәһа бьн п’ийада п’епәс кьн ."

³ У Әзе т’әмийе бьдьмә дӧ шә’дед Хwә, әwе к’ӧрх хwәкьри һ’әзар дӧсьд шест р’ожи п’ехәмбәртийе бькьн»."

⁴ Әвана әw һәр дӧ даред зәйт’уне у һәр дӧ шәмдан ьн, йед кӧ ль бәр Хӧдане дьнйайе дьсәкьньн ."

⁵ Һәгәр мәрьвәк кӧ бьхwазә зьраре бьдә wан, агьр жь дәве wан дәрдьк’әвә, дьжмьнед wан һ’уфи хwә дькә. У һәгәр мәрьвәк бьхwазә зьраре бьдә wан, гәрәке әw хwәха ӧса бе кӧштьне."

⁶ Һ’ӧкӧме ван һәйә, кӧ р’ожед п’ехәмбәртийа хwәда ә’змен дадьн, wәки баран нәбарә. Ӧса жи һ’ӧкӧме wан ль сәр ава һәйә, кӧ wан бькьнә хун у к’әнге жи бьхwазьн, дькарьн һәр щур’ә бәла биньнә сәре дьне ."

⁷ Гава әwана шә’дәтийа хwә сәр һәвда биньн, һьнге әw щә’нәwьре кӧ жь гәлийе һәй-wайе дәрдьк’әвә, wе т’әви wан шәр’ кә, wан бьндәст кә у бькӧжә."

⁸ Щьнйазед wан wе ль сәр мәйдана wи бажаре мәзьн авити бьн, ль wи щийе кӧ Хӧдане wан һәр дӧйа һатә хачкьрьне ф, кӧ бь мә’на р’ӧһ’ани жер’а «Содом ф» у «Мьсьр ф» те готьне."

⁹ Жь һ’әму щьмә’та, бәрәка, зьмана у мьләта wе се р’ож у нива ль щьнйазед wан бьньһер’ьн у нәһельн кӧ щьнйазед wан бькьнә т’ьрба."

¹⁰ Бьнәлийед ль р’убари дьне wе дьле хwә ль wан ша кьн у ша бьн, хәлата жи һәвдӧр’а бьшиньн, чьмки ван һәр дӧ п’ехәмбәра щәфа дьданә йед кӧ ль сәр р’уйе ә’рде дьман."

¹¹ Пәй се р’ож у нивар’а Хwәде р’ӧһ’е жийине бәр wанда ани, әw р’абунә сәр п’ийа у хофәкә мәзьн к’әтә сәр йед кӧ әw дитьн."

¹² Һьнге wан һәр дӧйа дәнгәки бьльнд жь ә’змен бьһист кӧ wанр’а гот: «Wәрьнә ве жоре». У әwана бәр ч’ә’вед дьжмьнед хwә ә’wрава һьлк’ьшийанә ә’змен."

¹³ Wе сьһ’әте ә’рд qайим һ’әжийа, жь дәһә п’ара п’арәкә бажер һьлшийа у wе ә’рдһ’әжеда һ’әфт һ’әзар мәрьв мьрьн, йед майин жи ч’ә’втьрсийайи бун, шькьри дьданә Хwәдейе ә’змен."

¹⁴ Wәйа дӧда дәрбаз бу. Ва йә, йа сьсийа wе зутьре бе."

¹⁵ Мьлйак’әте һ’әфта ль бор’ийе хьст у ә’зменда дәнгед бьльнд һатьн кӧ дьготьн:

«П’адшатийа дьнйайе бу йа Хӧдане мә у Мәсиһе Wи,

Әwе һ’әта-һ’әтайе п’адшатийе бькә» ."

¹⁶ Әw һәр бист чар р’успийед кӧ ль бәр Хwәде сәр к’ӧрсийед хwә р’уньштьбун, хwә дәвәр’уйа авитьн, сәре хwә бәр Хwәде данин"

¹⁷ у готьн:

«Йа Хӧдан Хwәдейе Һ’әму Зорайийе,

Йе һәйи у Йе һәбуйи,

әм шькьрийе дьдьнә Тә,

кӧ Тә qәwата Хwәйә мәзьн станд

у дәст бь һ’ӧкӧме Хwә кьр .

¹⁸

П’утп’арьст qьлqьлин, ле хәзәба Тә һат.

Wәхт пер’а гьһиштийә, кӧ диwана мьрийа бьки,

хәлата бьди хӧламед Хwә, п’ехәмбәра у щьмә’та Хwә

ӧса жи йед кӧ жь Тә дьтьрсьн, жь бьч’ука һ’әта мәзьна.

Wәхт һат, кӧ qьр’а wан бини, йед кӧ дьне хьраб дькьн» ."

¹⁹ Пәй ве йәкер’а п’арьстгәһа Хwәдейә ә’змен вәбу у wеда Сьндоqа ф Пәймана Wи хӧйа бу. Бьруске бьрq дан, гӧр’инийа дәнгед ә’wра һатә бьһистьне, ә’рд һ’әжийа у тәйрок бари."

12

¹ Һьнге нишанәкә мәзьн ә’зменда хӧйа бу: К’ӧлфәтәке р’о ль хwә wәргьртьбу, һив бьне п’ийада у т’ащәки жь донздәһ стәйрка жи ль сери бу."

² Әw һ’әмлә бу у к’әтьбу бәр зар’е, еша хwә дьк’ьшанд у дькьрә qир’ин."

³ Пәй ве йәкер’а нишанәкә дьн жи ә’зменда хӧйа бу. Мьн дина хwә дайе, ва зийаки ф зәри мәзьн кӧ һ’әфт сәри у дәһә стьруйед wи һәбун у һ’әфт т’ащ жи ль сәред wи бун ."

⁴ Поч’а wи жь се п’ара п’арәкә стәйркед ә’змен к’ьшанд у авитә сәр ә’рде. Әw зийа ль бәр wе к’ӧлфәта ф кӧ к’әтьбу бәр зар’е сәкьни, кӧ һәма чаwа зар’ бьбә wе зар’е һ’уфи хwә кә."

⁵ Wе к’ӧлфәте зар’әкә кӧр’ин ани, кӧ wе бь шьвдара һ’әсьни шьвантийе ль һ’әму мьләта бькә. Ле зар’а wе һатә р’аһьштьне, ль щәм Хwәде у бәр т’әхте Wи ."

⁶ К’ӧлфәт жи р’әви бәр’ийе ф, ль wи щийе кӧ жь алийе Хwәдеда жер’а һатьбу һазьркьрьне, wәки әw ль wьр һ’әзар дӧсьд шест р’ожи бе хwәйкьрьне."

⁷ Һьнге ль ә’змен шәр’ дәст пе бу. Мьхайил мьлйак’әтед хwәва т’әви зийе шәр’ кьр, зийе жи мьлйак’әтед хwәва т’әви wан шәр’ кьр ."

⁸ Ле зийе да дәр, ә’зменда жи иди щи дәст wан нәк’әт,"

⁹ әw зийайе мәзьн жорда һатә авитьне. Әва әw мә’ре бәре бу, кӧ жер’а мирещьн у шәйт’ан дьбежьн, йе кӧ т’әмамийа дьне хальфандийә. Әw мьлйак’әтед хwәва жорда һатьнә авитьне сәр р’уйе ә’рде ."

¹⁰ Һьнге мьн ль ә’змен дәнгәки бьльнд бьһист кӧ гот: «Ньһа йә wәхте хьлазкьрьн ф, qәwат у п’адшатийа Хwәдейе мә, ӧса жи һ’ӧкӧме Мәсиһе Wи. Чьмки Әw хәйбкьре хушк-бьред мә жорда һатә авитьне, йе кӧ шәв у р’ож бәр Хwәдейе мә хәйба wан дькьр ."

¹¹ Әwана пе хуна Бәрх у хәбәра шә’дәтийа хwә сәр wи к’әтьн, ә’мьре хwә һ’әта мьрьне һ’ьз нәкьрьн."

¹² Аwа ша бьн, ә’зманно у йед кӧ wанда дьминьн. Ле wәй ль ә’рде у ль бә’ре, чьмки мирещьн жорда сәр wәда һатә авитьне у әw жь һерсе хwә дьхwә, кӧ занә wе һьндьки бьминә»."

¹³ Гава зийе дит кӧ әw жорда һатә авитьне сәр ә’рде, пәй wе к’ӧлфәте к’әт, йа кӧ зар’а кӧр’ин анибу."

¹⁴ Дӧ баскед тәйре симьр’ийә мәзьн wе к’ӧлфәтер’а һатьнә дайине, wәки бьфьр’ә һәр’ә бәр’ийе, wи щийе хwә, к’идәре жь зийе дур wе се сал у нива бьһата хwәйкьрьне."

¹⁵ Һьнге зийе жь дәве хwә мина ч’ем ав бәр’да пәй wе к’ӧлфәте, wәки wе пе лейе бьхәньqинә."

¹⁶ Ле ә’рде алик’арийа wе к’ӧлфәте кьр, дәве хwә вәкьр у әw ч’әме кӧ зийе жь дәве хwә бәр’дабу даqӧртанд."

¹⁷ Һьнге wи зийайи һерса хwә ль wе к’ӧлфәте р’акьр у чу, wәки шәр’е хwә т’әви wан зар’ед wейә майин бькә, йед кӧ т’әмийед Хwәде хwәй дькьн у шә’дәтийа бона Иса дьдьн ."

¹⁸ Зийа ль дәве бә’ре сәкьни."

13

¹ Һьнге мьн дина хwә дайе, ва щә’нәwьрәк жь бә’ре дәрдьк’әт. Һ’әфт сәред wи у дәһә стьруйед wи һәбун, ль сәр стьруйед wи дәһә т’ащ бун у ль сәр һәр һ’әфт сәред wи жи навед к’ьфьри-зьфьрийа бун."

² Әw щә’нәwьре кӧ мьн дит, мина пьльнг бу, ньгед wи мина ләпе һ’ьр’ч’а бун у дәве wи жи мина дәве шера бу. Ви зийайи qәwата хwә, т’әхте хwә у һ’ӧкӧме хwәйи мәзьн да wи щә’нәwьри."

³ Сәрики ви щә’нәwьри те бежи бьриндар ль бәр мьрьне бу, ле бьрина wи һатә qәнщкьрьне. У т’әмамийа дьнйайе сәр wи щә’нәwьри ә’щебмайи ма."

⁴ Wан сәре хwә ль бәр зийе данин, кӧ wи һ’ӧкӧме хwә да wи щә’нәwьри. Ӧса жи сәре хwә ль бәр щә’нәwьр данин у готьн: «Гәло к’и мина ви щә’нәwьри йә? У к’и дькарә т’әви ви шәр’ кә?»"

⁵ Әви щә’нәwьрир’а изьн һатә дайине кӧ дәве хwә бемә’рифәт вәкә у к’ьфьрийа бькә, ӧса жи wир’а һатә дайине, кӧ чьл дӧ мәһа бь һ’ӧкӧме хwә бькә ."

⁶ Әwи һьндава Хwәдеда дәве хwә хьраб вәкьр у наве Wи, коне Wи у йед кӧ ә’зменда дьминьн беһӧрмәт кьр."

⁷ Изьн wир’а һатә дайине, кӧ т’әви щьмә’та Хwәде шәр’ кә у сәрк’әвә. Ӧса жи һ’ӧкӧме ль сәр һәр бәрәке, щьмә’те, зьмани у мьләти wир’а һатә дайине."

⁸ Һ’әму бьнәлийед ль р’убари дьне wе сәре хwә ль бәр wи дайньн, навед к’ижана жь wәхте ә’фьрандьна дьнйайеда к’ьтеба жийинейә Бәрхе сәржекьрида нәһатьнә ньвисаре .

⁹

Гӧһе к’е һәйә бьра бьбьһе: "

¹⁰

Әwед кӧ йе дил к’әтьне нә, wе дил бьк’әвьн,

әwед кӧ йед бәр шур к’әтьне нә, әwе бәр шур к’әвьн .

Ль вьр wе сәбьр у баwәрийа щьмә’та Хwәде кер бе."

¹¹ Һьнге мьн дина хwә дайе, ва щә’нәwьрәки дьн жь ә’рде дәрдьк’әт, дӧ стьруйе wийә мина йе бәрха һәбун у мина зийе хәбәр дьда."

¹² Әви т’әмамийа һ’ӧкӧме щә’нәwьре пешьн ль бәр wи хwәха дьда хәбате у п’ейи сәр ә’рде у бьнәлийед wе дькьр, wәки сәре хwә ль бәр wи щә’нәwьре пешьн дайньн, йе кӧ бьрина wийә кӧ бәрбь мьрьне дьбьр һатьбу qәнщкьрьне."

¹³ Ви щә’нәwьри нишанед ӧса ә’щебә мәзьн дькьрьн, һ’әта кӧ агьр жи жь ә’змен ль бәр ч’ә’ве мәрьва давитә сәр ә’рде."

¹⁴ Әwи пе wан нишанед кӧ wир’а һатьбунә дайине, wәки ль бәр щә’нәwьре пешьн бькә, бьнәлийед ль р’убари дьне дьхальфандьн. Әwи wанр’а гот, кӧ һ’әйкәләки wи щә’нәwьри чекьн, йе кӧ бь шур һатьбу бьриндаркьрьне у диса сах бу."

¹⁵ Һ’ӧкӧм wир’а һатә дайине, wәки р’ӧһ’ бәр һ’әйкәле щә’нәwьрда бинә, кӧ һ’әйкәле щә’нәwьр хәбәр дә у бькарьбә әwед кӧ щә’нәwьр нәһ’әбиньн бьдә кӧштьне."

¹⁶ Әwи п’ейи сәр һ’әмуйа кьр, аwа готи бьч’ук у мәзьна, дәwләти у бәләнгаза, аза у хӧлама кӧ нишане бьдьнә сәр дәсте хwәйи р’асте йан ә’нийа хwә,"

¹⁷ wәки т’ӧ кәс нькарьбә нә бьк’ьр’ә, нә жи бьфьрошә, пештьри wи, йе кӧ нишана щә’нәwьр, аwа готи наве wи йан һ’әсабе наве wи сәр ә."

¹⁸ Ль вьр сәрwахти кер те: Һ’ьш-аqьле к’е һәйә, бьра һ’әсабе щә’нәwьр бьжмьрә, чьмки һ’әсабе мәрьвәки йә у һ’әсабе wи шәшсьд шест шәш ә."

14

¹ Паше мьн дина хwә дайе, ва Бәрх ль сәре ч’ийайе Сийоне ф сәкьни бу у сәд чьл чар һ’әзар мәрьв т’әви Wи бун, кӧ ль сәр ә’нийа wан наве Wи у наве Баве Wи ньвисар бун."

² Мьн жь ә’змен дәнгәк бьһист, мина дәнге гәләк ава у мина дәнге гӧр’инийа ә’wрайә qайим. Әw дәнге кӧ һатә мьн, мина дәнге мьqаме чәнгвана бу, кӧ ль чәнгед ф хwә дьхьн."

³ Wана ль бәр т’әхт у ль бәр wан һәр чар р’ӧһ’бәра у р’успийа стьранәкә ну дьстьра. Т’ӧ кәс нькарьбу wе стьране һин буйа, пештьри wан сәд чьл чар һ’әзаред кӧ жь дьнйайе һатьбунә к’ьр’ине."

⁴ Әвана әw ьн, йед кӧ сәре хwә жьнар’а данәнинә, әw йед бьк’ьр ф ьн. Әвана пәй Бәрх дьчьн, к’ӧда кӧ әw дьчә. Әвана жь нава мәрьва һатьнә к’ьр’ине, чаwа бәре ф дәрәмәта пешьн кӧ Хwәде у Бәрхр’а бенә дайине."

⁵ Дәрәw жь дәве wан дәрнәк’әтийә, әw беqӧсур ьн."

⁶ Һьнге мьн дина хwә дайе, ва мьлйак’әтәки дьн кӧ ә’зменда дьфьр’и у Мьзгинийа wийә һ’әта-һ’әтайе һәбу, wәки wе Мьзгинийе бьдә йед р’убари дьне, аwа готи һ’әму мьләта, бәрәка, зьмана у щьмә’та."

⁷ Wи бь дәнгәки бьльнд дьгот: «Жь Хwәде бьтьрсьн у шькьрийе бьдьнә Wи, чьмки сьһ’әта диwанкьрьна Wи пер’а гьһишт. Сәре хwә бәр Wи дайньн, Йе кӧ ә’рд у ә’зман, бә’р у авед канийа ә’фьрандьнә»."

⁸ Һьнге мьлйак’әтәки дьн пәй wи һат у гот: «Һьлшийа, wеран бу! Әw Бабилона ф мәзьн, йа кӧ әw шәрава qавийа ф хwәйә һар һ’әму мьләт данә вәхwарьне» ."

⁹ Пәй ве йәкер’а мьлйак’әтәки дьн жи пәй wан һат у бь дәнгәки бьльнд гот: «Әwе кӧ сәре хwә ль бәр щә’нәwьр у һ’әйкәле wи дайнә у нишана wи сәр ә’нийа хwә йан сәр дәсте хwә qәбул кә,"

¹⁰ әwе жь wе шәрава һерса Хwәде вәхwә, йа кӧ ав т’әвнәкьри йә, к’аса Wийә хәзәбеда дагьрти йә. Әwе ль бәр мьлйак’әтед пироз у ль бәр Бәрх агьр у к’ьрк’утеда щәфе бьк’ьшинә ."

¹¹ Дуйе щәфе wан wе һ’әта-һ’әтайе бьк’ьшә у шәв у р’ож wе р’ьһ’әтийа wан т’ӧнәбә, йед кӧ сәре хwә бәр щә’нәwьр у һ’әйкәле wи датиньн у нишана wи ль сәр wан ә»."

¹² Аwа ль вьр wе сәбьра щьмә’та Хwәде кер бе, йед кӧ т’әмийед Хwәде хwәй дькьн у һьндава Исада амьн ьн."

¹³ Һьнге мьн жь ә’змен дәнгәк бьһист кӧ гот: «Бьньвисә: Жь вьр шунда хwәзьли нә әw мәрьв, йед кӧ бона баwәрийа сәр Хӧдан wе бьмьрьн». Р’ӧһ’ дьбежә: «Бәле! Әwе жь хәбата хwә р’ьһ’әт бьн, чьмки кьред wан т’әви wан дьчьн»."

¹⁴ У мьн дина хwә дайе, ва ә’wрәки сьпи у «йәки мина кӧр’е ф мерьв» ль сәр wи ә’wри р’уньшти бу. Т’ащәки зер’ин ль сәре Wи бу у дә’сәкә туж жи дестда бу ."

¹⁵ Һьнге мьлйак’әтәки дьн жь п’арьстгәһе дәрк’әт, бь дәнгәки бьльнд ль Әwи кӧ ль сәр ә’wр р’уньшти бу кьрә гази у готе: «Дә’са Хwә бавеже бьдьру, чьмки әw сьһ’әта нандьруне ф һат, бәре ә’рде иди гьһиштийә» ."

¹⁶ Әwи кӧ ль сәр ә’wр р’уньшти бу дә’са Хwә авитә р’уйе ә’рде у ә’рд һатә дьруне."

¹⁷ Һьнге жь wе п’арьстгәһа ә’змен мьлйак’әтәки дьн дәрк’әт у дәсте wида жи дә’сәкә туж һәбу."

¹⁸ Wе һьнге жь горигәһе мьлйак’әтәки дьн дәрк’әт, кӧ һ’ӧкӧме wи ль сәр егьр һәбу, әwи бь дәнгәки бьльнд ль йе хwәйе дә’са туж кьрә гази у готе: «Дә’са хwәйә туж бавежә гушийед тьрийед ә’рде у бьчьнә, чьмки тьрийед wе иди гьһиштьнә»."

¹⁹ Wи мьлйак’әти жи дә’са хwә авитә ә’рде, тьрийед ә’рде чьнин у бона һ’ьнщьр’андьне авитә wи һ’әwзе мәзьни хәзәба Хwәде."

²⁰ Әw тьри wи һ’әwзида һатьнә һ’ьнщьр’андьне, кӧ жь бажер дәр бу у жь һ’әwз хун к’ьшийа, хуне авитә гәме һәспа, qаси һ’әзар шәшсьд мәйдани гьрт."

15

¹ Һьнге мьн ль ә’змен нишанәкә дьнә мәзьн у әщеб дит, һ’әфт мьлйак’әтед хwәйе һ’әфт бәлайед ахьрийе пе к’ижана wе хәзәба Хwәде бьһата сери."

² Wи чахи мьн тьштәки мина бә’рәкә шушә егьрва т’әвайи дит, ӧса жи әwед кӧ щә’нәwьр, һ’әйкәле wи у һ’әсабе наве wи бьндәст кьрьбун. Әвана сәр бә’ра шушә сәкьни бун, чәнгед кӧ Хwәде дабунә wан дәстед wанда бун"

³ у стьрана Мусайе ф хӧламе Хwәде у стьрана Бәрх дьстьран:

«Кьред Тә мәзьн у ә’щеб ьн

Хӧдан Хwәдейе Һ’әму Зорайийе!

Р’ийед Тә р’аст у сәр һәqийе нә,

йа П’адшайе мьләта .

⁴

Хӧдан, к’и жь Тә wе нәтьрсә

у р’умәте нәдә wи наве Тә?

Чьмки Тӧ т’әне Йе пироз и.

Һ’әму мьләте бәрбь Тә бен

у сәре хwә бәр Тә дайньн,

чьмки кьред Тәйә р’аст хӧйа бун» ."

⁵ Пәй ван тьштар’а мьн дина хwә дайе, ва п’арьстгәһа ә’змен вәбу, аwа готи Коне ф Шә’дәтийе."

⁶ Әw һәр һ’әфт мьлйак’әтед хwәйе һәр һ’әфт бәла жь п’арьстгәһе дәрк’әтьн. К’ьтанед паqьжә бьрqок ль wан бун у мәлахтед зер’ин ль сингед wан бун."

⁷ Һьнге жь һәр чар р’ӧһ’бәра йәки һ’әфт т’асед зер’инә хәзәба wи Хwәдейива т’ьжи, Йе кӧ һ’әта-һ’әтайе Сах ә, данә wан һәр һ’әфт мьлйак’әта."

⁸ П’арьстгәһ дуйе р’умәта Хwәде у qәwата Wива т’ьжи бу у т’ӧ кәс нькарьбу бьк’әта п’арьстгәһе, һ’әта кӧ һәр һ’әфт мьлйак’әта, һәр һ’әфт бәла нәанина сери ф ."

16

¹ Һьнге мьн дәнгәки бьльнд жь п’арьстгәһе бьһист кӧ готә һәр һ’әфт мьлйак’әта: «Һәр’ьн, һәр һ’әфт т’асед хәзәба Хwәде бьр’ежьнә сәр ә’рде»."

² Мьлйак’әте пешьн чу т’аса хwә р’етә сәр ә’рде, п’ьзькед п’исә хьраб ль сәр wан мәрьва дәрк’әтьн, йед кӧ нишана щә’нәwьр ль сәр wан бу у сәре хwә ль бәр һ’әйкәле wи данибун ."

³ Йе дӧда т’аса хwә р’етә сәр бә’ре, бә’р бу мина хуна мьрийа у һ’әму һ’әйwанед бә’реда qьр’ бун."

⁴ Йе сьсийа т’аса хwә р’етә сәр ч’әма у авед канийа, әw бунә хун ."

⁵ Wи чахи мьн дәнге мьлйак’әте ава бьһист кӧ гот:

«Тӧ сәр р’астийе йи,

Йе һәйи, Йе һәбуйи у Йе пироз и,

кӧ Тә диwанед бь ви аwайи кьрьн .

⁶

Чьмки wан хуна щьмә’та Хwәде у п’ехәмбәра р’ет

у Тә хун ль wан да вәхwарьне.

Р’аст әw хӧре ве йәке нә» ."

⁷ Һьнге мьн дәнге горигәһе бьһист, кӧ аһа гот:

«Бәле, йа Хӧдан Хwәдейе Һ’әму Зорайийе ,

диwанед Тә р’аст у һәq ьн»."

⁸ Мьлйак’әте чара т’аса хwә р’етә сәр р’ойе у wер’а һатә дайине, кӧ мәрьвайе бь егьр бьqәлинә."

⁹ Һьнге мәрьв жь дәст шәwата гәрмайийе һатьнә qәландьне у к’ьфьри наве Хwәде кьрьн, кӧ һ’ӧкӧме Wи ль сәр ван бәла һәйә. Ле әw жь кьред хwәйә хьраб вәнәгәр’ийан, wәки шькьри бьдана Wи."

¹⁰ Мьлйак’әте пенща т’аса хwә р’етә сәр т’әхте щә’нәwьр у тә’ристани һатә сәр п’адшатийа wи, жь еше мәрьва зьмане хwә дьгәстьн "

¹¹ у жь дәст еша у п’ьзька к’ьфьри ль Хwәдейе ә’змен кьрьн, ле жь кьред хwәйә хьраб вәнәгәр’ийан."

¹² Мьлйак’әте шәша т’аса хwә р’етә сәр ч’әме Фьратейи мәзьн, ава ч’ем ч’ькийа, wәки р’е бона п’адшед р’оһьлате бе һазьркьрьне ."

¹³ Һьнге мьн дина хwә дайе, ва се р’ӧһ’ед ф һ’әрамә ф мина бәqа, жь дәве wи зийайи, жь дәве щә’нәwьр у жь дәве п’ехәмбәре дәрәw дәрдьк’әтьн."

¹⁴ Әвана әw р’ӧһ’ед щьна бун, йед кӧ нишанед ә’щеб дькьн. Әw дьчьнә щәм һ’әму п’адшед дьнйайе, wәки wан бьщьвиньн, бона шәр’е wе Р’ожа Мәзьнә Хwәдейе Һ’әму Зорайийе."

¹⁵ «Ва йә Әзе мина дьза бем! Хwәзи ль wи, йе кӧ һ’ьшйар дьминә у к’ьнщед хwә хwәй дькә, wәки тә’зи нәгәр’ә у ә’йба wи хӧйа нәбә!»"

¹⁶ Һьнге wан р’ӧһ’а әw п’адша щьвандьнә wи щийи кӧ бь ибрани жер’а «Һармәгәдон» те готьне."

¹⁷ Мьлйак’әте һ’әфта т’аса хwә р’етә сәр һәwе у жь т’әхте п’арьстгәһе дәнгәки бьльнд дәрк’әт у гот: «Һатә сери!»"

¹⁸ Һьнге бьруске ле да, бу гӧр’инийа дәнге ә’wра у ә’рд ӧса qайим һ’әжийа, кӧ жь wе р’ожа инсан дьне к’әтийә һ’әта ньһа ә’рд аһа нәһ’әжийайә. Ә’рдһ’әж һаqас qайим бу!"

¹⁹ Бажаре мәзьн бу се п’ара у бажаред мьләта wеран бун. Бабилона мәзьн һатә бира Хwәде, wәки wе к’аса хwәйә шәрава хәзәба гьранва бьдә wе."

²⁰ Һ’әму гьрав бәтавәбун у ч’ийа иди нәһатьнә хӧйане."

²¹ Жь ә’змен тәйрока гьрә wәкә пенщи килограме сәр мәрьвада бари. Мәрьва жь дәст ледана тәйроке к’ьфьри ль Хwәде кьрьн, чьмки әва бәла гәләки гьран бу ."

17

¹ Жь wан һәр һ’әфт мьлйак’әтед кӧ хwәйе һәр һ’әфт т’аса бун, йәки һат т’әви мьн хәбәр да у гот: «Wәрә ве дәре, әз диwана wе qава бь нав у дәнг нишани тә кьм, йа кӧ ль сәр гәләк ава р’уньшти йә ."

² П’адшед дьнйайе т’әви ве qави кьрьн у бьнәлийед р’убари дьне пе шәрава qавийа wе сәрхwәш бун»."

³ Һьнге Р’ӧһ’е Пироз һатә сәр мьн, wи мьлйак’әти әз бьрьмә бәр’ике. Мьн дина хwә дайе, ва жьнәк ль сәр щә’нәwьрәки соре гәвәз сийар, кӧ сәрда-педа жь һәр алийава бь навед к’ьфьрийед һьндава Хwәдеда т’ьжи бун у һ’әфт сәред wи у дәһә стьруйед wи һәбун."

⁴ Әw к’ӧлфәта к’ьнща ширк ф у соре гәвәзва wәргьрти бу, пе зер’, кәвьред qимәт, лал у дӧр’ва ф хәмьли бу. К’асәкә зер’ин дәсте wеда бу, әw к’ас жи к’ьрети у мьр’дар’ийа qавийа wева дагьрти бу."

⁵ Ль сәр ә’нийа wе навәки сӧр’ ньвисар бу: БАБИЛОНА МӘЗЬН, МАКА QАВА У К’ЬРЕТИЙЕД ДЬНЙАЙЕ."

⁶ Мьн дина хwә дайе, wе әw к’ӧлфәта пе хуна щьмә’та Хwәде у пе хуна шә’дед Иса сәрхwәш буйә.

Гава кӧ мьн әw дит, әз гәләки ә’щебмайи мам."

⁷ Һьнге wи мьлйак’әти мьнр’а гот: «Тӧ чьма ә’щебмайи майи? Әзе сӧр’а wе к’ӧлфәте у сӧр’а wи щә’нәwьре кӧ әwа ле сийар ә, к’ижан кӧ һ’әфт сәред wи у дәһә стьруйед wи һәнә, тәр’а бежьм."

⁸ Әw щә’нәwьре кӧ тә дит, wәхтәке һәбу, ле ньһа т’ӧнә. Әwе зутьре жь гәлийе һәй-wайе дәрк’әвә у һәр’ә ӧнда бә. Бьнәлийед р’убари дьнейә кӧ навед wан жь wәхте ә’фьрандьна дьнйайеда к’ьтеба жийинеда нәһатьнә ньвисаре, wе ә’щебмайи бьминьн, гава wи щә’нәwьри бьбиньн, йе кӧ һәбу у ньһа т’ӧнә, ле wе һәбә."

⁹ Ль вьр һ’ьш-аqьл кер те. Әw һәр һ’әфт сәри, һ’әфт ч’ийа нә, сәр к’ижана әw к’ӧлфәт р’уньшти йә, ӧса жи һ’әфт п’адша нә."

¹⁰ Жь wан пенщ к’әтьнә, йәк һәйә, йе дьн һе нәһатийә у гава бе, гәрәке һьнәк wәхт бьминә."

¹¹ Әw щә’нәwьре кӧ wәхтәке һәбу у ньһа т’ӧнә, әw хwәха жи п’адше һ’әйшта йә. Әw йәки жь wан һәр һ’әфта йә у wе һәр’ә ӧнда бә."

¹² Әw һәр дәһә стьруйед кӧ тә дитьнә, дәһә п’адша нә, кӧ һе п’адшати нәстандьнә, ле бәле wе һ’ӧкӧм бьстиньн, кӧ т’әви щә’нәwьр бона сьһ’әтәке п’адшатийе бькьн ."

¹³ Мәрәме ван һәр дәһа йәк ә, әwе qәwат у һ’ӧкӧме хwә бьдьнә щә’нәwьр."

¹⁴ Әвана wе т’әви Бәрх шәр’ бькьн, ле Бәрх т’әви йед газикьри, бьжарти у амьна wе ль сәр wан бькарьбә, чьмки әw Бәрх Хӧдане хӧдана у П’адше п’адша йә»."

¹⁵ Һьнге мьлйак’әт мьнр’а гот: «Әw авед тә дитьн кӧ әwа qав ль сәр wан р’уньштийә, әw щьмә’т ьн, ә’лаләт ьн, мьләт у зьман ьн."

¹⁶ Әw һәр дәһә стьруйед кӧ тә дитьн, ӧса жи щә’нәwьр wе һәвр’а бьжәньнә йа qав. Әwе дәсте wе жь һәр тьшти бькьн, wе тә’зи кьн у гоште wе бьхwьн, егьрда бьшәwьтиньн."

¹⁷ Чьмки Хwәде әв йәк кьрә дьле wан, кӧ хwәстьна Wи бькьн у сәр нетәке бьн, п’адшатийа хwә бьдьнә щә’нәwьр, һ’әта кӧ хәбәред Хwәде бенә сери."

¹⁸ Әw жьна кӧ тә дит, әw бажаре мәзьн ә, йе кӧ п’адшатийе ль сәр п’адшед дьнйайе дькә»."

18

¹ Пәй ван тьштар’а мьн дина хwә дайе, wе мьлйак’әтәки дьн жь ә’змен дьһатә хwаре. Әw хwәйе һ’ӧкӧме мәзьн бу у жь диндара wи р’уйе ә’рде р’онайи бу."

² Әwи бь дәнгәки бьльнд кьрә гази у гот:

«Һьлшийа, wеран бу, Бабилона мәзьн!

Әw бу щи-wар, мьск’әне щьна

у сьт’ара һ’әму р’ӧһ’ед һ’әрам,

qәлетка һ’әму тәйрәдед нәп’акә мьр’дар’ .

³

Чьмки жь wе шәрава qавийа wейә һар

һ’әму мьләта һьлда вәхwар,

п’адшед дьнйайе т’әви wе qави кьрьн,

базьрганед дьнйайе жь агьре дьле wе дәwләти бун» ."

⁴ Ль вьр мьн жь ә’змен дәнгәки дьн бьһист кӧ гот:

«Жь нава wе дәрк’әвьн, щьмә’та Мьн,

wәки һун нәбьнә һәвал-п’аред гӧнед wе

у жь бәлайед wе п’аре нәстиньн .

⁵

Чьмки гӧнед wе сәр һәв щи бунә гьһиштьнә һ’әта ә’змен

у Хwәде нәр’астийед wе анинә бира Хwә .

⁶

Wе чь кьрьбә ӧса жи һун биньнә сәре wе

у ль анәгори кьред wе,

дӧ щар һаqаси ле вәгәр’иньн,

әw к’аса кӧ wе бона wә дагьрт,

һун дӧ щар тә’л ль wе бьдьнә вәхwарьне .

⁷

Чьqас р’умәта хwә бьльнд кьрийә

у к’ефа дьле хwә дәрбаз кьрийә,

һаqаси щәфа-шине сәрда биньн.

Чьмки дьле хwәда аһа дьбежә:

‹Әз чаwа п’адша р’уньшти мә,

у нә жьнәби мә,

т’ӧ щар әзе шине нәбиньм› .

⁸

Ләма жи нава р’ожәкеда wе бәлайед wе сәр wеда бен:

Нәхwәшийа һ’ал, шин у хәлайи у wе бьбә хӧре егьр.

Чьмки әw Хӧдан Хwәде qәwат ә, йе кӧ диwана wе дькә»."

⁹ П’адшед дьнйайе, йед кӧ пер’а qави у к’еф кьрьнә, гава дуйе шәwата wе бьбиньн, wе бьгьрин у сәр wе шине бькьн."

¹⁰ Жь тьрса щәфе wе, әwе ль дур бьсәкьньн у бежьн:

«Ах, ах бажаре мәзьн,

бажаре зор, Бабилон!

Диwана тә сьһ’әтәкеда сәр тәда һат» ."

¹¹ Базьрганед дьнйайе wе ль сәр wе бьгьрин у шине бькьн, чьмки иди т’ӧ кәсе тьштед wанә фьротане нәк’ьр’ә:"

¹² Һур-муред зер’, зив, кәвьред qимәт, лал-дӧр’, к’ьтане qимәт, п’арч’ед ширк ф, һәвьрмьш, п’арч’ед соре гәвәз, һәр дара бинхwәш у һәр тьштед жь qилед фила, тьштед жь даред һәрә qимәт, жь сьфьр, һ’әсьн у мәрмәр,"

¹³ ӧса жи дарчин ф, бьһарәта бинхwәш, бьхур, р’уне бинхwәш, бьхуре ф ә’рәби, шәрав, бьзьре зәйт’уне, аре хас, гәньм, дәwар, пәз, һәсп, ә’рәбә, хӧлам у р’ӧһ’ед инсен жи."

¹⁴ Базьргане бежьн: «Әw тьштед дьле тәдайә ширьн жь дәсте тә чун у һ’әму тьштед р’әwшә бьрqок жь тә бьрийан, иди т’ӧ щар әw дәст тә нак’әвьн»."

¹⁵ Әw базьрганед ван тьшта, йед кӧ пе Бабилоне дәwләти бьбун, wе жь тьрса щәфе wе дур бьсәкьньн бьгьрин, бавежьнә сәр wе"

¹⁶ у бежьн:

«Ах, ах бажаре мәзьн,

кӧ тә к’ьтане qимәт, п’арч’е ширк у соре гәвәз ль хwә wәргьртьбу

у бь зер’, кәвьре qимәт, лал-дӧр’ва хәмьли буйи!

¹⁷

Һаqас һәбук ф сьһ’әтәкеда п’уч’ бу чу».

Һ’әму сәрдаред гәмийа у сийаред гәмийа, гәмивана ф у һ’әмуйед кӧ пе хәбата сәр бә’ре ә’буре хwә дькьрьн, дур сәкьнин "

¹⁸ у чахе дуйе шәwата wи дитьн, кьрьнә qир’ин у готьн: «Гәло бажарәки дьн мина ви бажаре мәзьн һәбу?»"

¹⁹ Хwәли ль сәре хwә кьрьн, бь шин у гьри кьрьнә qир’ин у готьн:

«Ах, ах бажаре мәзьн,

wәки һ’әмуйед бә’редайә хwәйигәми

пе һәбука wийә хьнебуйи дәwләти бьбун,

чаwа сьһ’әтәкеда wеран бу чу!»

²⁰

Ә’змано, щьмә’та Хwәде, шанди у п’ехәмбәрно!

Дьле хwә ша кьн ль wи бажари,

кӧ Хwәде һ’әйфа wә жь wи һьлда."

²¹ Һьнге мьлйак’әтәки qәwат, кәвьрәк мина бәрашәки мәзьн һьлда, авитә бә’ре у гот:

«Бь ви аwайи жи бажаре мәзьн Бабилон wе qайим жорда бе авитьне

у иди т’ӧ щар wе хӧйа нәбә .

²²

Wе иди дәнге чәнг, сазбәнд, бьлурван у бор’иван

нав тәда т’ӧ щар нәйе бьһистьне.

Wе иди һостаки т’ӧ п’ешәйи ф

т’ӧ щар нав тәда хӧйа нәбә.

Wе иди дәнге бәраша жи

т’ӧ щар нав тәда нәйе бьһистьне .

²³

Wе иди ч’ьрусийа ч’ьре жи

т’ӧ щар нав тәда хӧйа нәбә

Wе иди дәнге бук-зә’ве жи

т’ӧ щар нав тәда нәйе бьһистьне.

Базьрганед тә гьрәгьред дьнйайе бун

у һ’әму мьләт бь сербазийа тә жь р’е хальфин ф ."

²⁴ У хуна п’ехәмбәр у щьмә’та Хwәде к’әтә стуйе wи бажари, бәле хуна wан һ’әмуйа кӧ ль сәр р’уйе ә’рде һатьнә р’етьне»."

19

¹ Пәй ван йәкар’а, мьн ль ә’змен дәнгәки бьльнд бьһист, мина дәнге ә’лаләтәкә гьран кӧ дьгот:

«Һалелуйа ф!

Хьлазбун, р’умәт у qәwат йед Хwәдейе мә нә!

²

Диwанед Wи р’аст у һәq ьн.

Әwи диwана wе qаве кьр

йа кӧ пе qавийа хwә дьне һ’әр’ьманд

у һ’әйфа хуна хӧламед Хwәде жь wе һьлда» ."

³ Щара дӧда готьн:

«Һалелуйа!

Һ’әта-һ’әтайе дуйе жь wе бьк’ьшә» ."

⁴ Һәр бист чар р’успи у һәр чар р’ӧһ’бәр дәвәр’уйа чун у сәре хwә ль бәр wи Хwәдейе ль сәр т’әхт р’уньшти данин у готьн:

«Амин, Һалелуйа!»"

⁵ Һьнге дәнгәк жь т’әхт һат у гот:

«Һ’әму хӧламед Wийә кӧ жь Wи хоф дькьн,

бьч’ук у мәзьн пәсьне Хwәдейе мә бьдьн» ."

⁶ Һьнге мьн дәнг бьһист, чаwа дәнге ә’лаләтәкә гьран, мина дәнге хӧлә-хӧла гәләк ава у мина дәнге гӧр’инийа ә’wрайә qайим кӧ дьготьн:

«Һалелуйа!

Чьмки Хӧдан Хwәдейе мәйи Һ’әму Зорайийе

дәст бь п’адшатийе кьр .

⁷

Әм Wир’а гӧл дьн у ша бьн

у шькьрийе бьдьнә Wи,

чьмки дә’wата Бәрх пер’а гьһишт

у дәргистийа Wи к’аре хwә кьрийә.

⁸

Бона ль хwәкьрьне

к’ьтане бьрqоки паqьж жер’а һатә дайине».

(Әw к’ьтан нишана кьрьнед щьмә’та Хwәдейә р’аст ьн.) "

⁹ Һьнге wи мьлйак’әти мьнр’а гот: «Бьньвисә: Хwәзи ль wан, кӧ бона шайийа дә’wата Бәрх һатьнә т’әглифкьрьне!» Сәрда зедә кьр гот: «Ай әв ьн хәбәред Хwәдейә р’аст» ."

¹⁰ Wи чахи әз дәвәр’у чумә ньга, кӧ сәре хwә ль бәр wи дайньм, ле әwи мьнр’а гот: «Ве йәке нәкә! Әз жи һәвал-хӧламәки мина тә у wан хушк-бьред тә мә, к’ижан ә’ламәтийа Исайә р’аст хwәй дькьн . Сәре хwә ль бәр Хwәде дайнә. Чьмки әw р’астийа кӧ Иса ә’лам кьр әw п’ехәмбәра дьдә хәбәрдане »."

¹¹ Һьнге мьн дина хwә дайе, ә’зман вәбу, ва йә һәспәки боз, кӧ сийаре Wир’а Амьн у Р’аст дьготьн. Әw диwанкьрьне у шәр’е Хwәда сәр р’астийе йә."

¹² Ч’ә’вед Wи мина алава егьр бун у гәләк т’ащ ль сәре Wи бун. Навәк сәр Wи ньвисар бу, кӧ пештьри Wи т’ӧ кәси ньзаньбу."

¹³ К’ьнщәкә хунеда кьри ле бу у наве Wи Хәбәра Хwәде бу ."

¹⁴ Ордийед ә’змен жи ль һәспед бозә сийар к’ьтанед чил-qәрqашә паqьж ль wан пәй Wи дьчун."

¹⁵ Жь дәве Wи шурәки туж дәрдьк’әт, wәки ль мьләта хә. Әwе пе шьвдара һ’әсьни шьвантийе ль wан бькә, wи һ’әwзе шәрава хәзәба Хwәдейе Һ’әму Зорайийеда wан бьһ’ьнщьр’инә."

¹⁶ Ль сәр к’ьнща Wи, сәр һета Wи навәк ньвисар бу: П’АДШЕ П’АДША У ХӦДАНЕ ХӦДАНА."

¹⁷ Һьнге мьн мьлйак’әтәк дит, әw ль сәр р’ойе сәкьни бу, бь дәнгәки бьльнд кьрә гази у готә һ’әму тәйрәдед кӧ һәwеда дьфьр’ьн: «Wәрьн бьщьвьнә шайийа Хwәдейә мәзьн ,"

¹⁸ wәки һун щьнйазед п’адша, сәрдара, мерхаса у бәрәт’ед һәспа, ӧса жи щьнйазед сийаред wан у һ’әму мәрьва, аза у хӧлама, бьч’ук у мәзьна бьхwьн»."

¹⁹ Һьнге мьн әw щә’нәwьр у п’адшед дьнйайе ордийед wанва ль щики щьвийайи дитьн, wәки шәр’е хwә т’әви Wи сийаре һәспе боз у ордийа Wива бькьн."

²⁰ Һьнге әw щә’нәwьр т’әви wи п’ехәмбәре дәрәw дил һатьнә гьртьне, йе кӧ ль бәр wи щә’нәwьри нишанед ә’щеб дькьрьн. Әwи бь wан кьра әw хальфандьн, йед кӧ нишана щә’нәwьр qәбул кьрьн у сәре хwә ль бәр һ’әйкәле wи данин. Щә’нәwьр у п’ехәмбәре дәрәw жи сахә-сах һатьнә авитьне нав гола агьре к’ьрк’утейи дьшьхӧлә."

²¹ Әwед майин жи пе wи шуре кӧ жь дәве Сийаре һәспе боз дәрдьк’әт, һатьнә кӧштьне у һ’әму тәйрәдә жь щьнйазед wан т’ер бун."

20

¹ Һьнге мьн дина хwә дайе, ва мьлйак’әтәк жь ә’змен дьһатә хwаре, к’ьлита гәлийе һәй-wайе у зьнщирәкә мәзьн дәсте wида бу."

² Әwи әw зийа гьрт, аwа готи әw мә’ре бәре, кӧ хwәха мирещьн у шәйт’ан ә у һ’әзар сали гьреда ."

³ Әwи әw авитә гәлийе һәй-wайе, сәр wи к’ьлит кьр у мор лехьст, wәки иди мьләта нәхальфинә, һ’әта һ’әзар сал т’әмам бә. Пәй wе йәкер’а әw гәрәке бона wәхтәки кьн бе бәр’дане."

⁴ Һьнге мьн к’ӧрси дитьн кӧ әw ль сәр wан р’уньштьн, к’ижанар’а һатә дайине, wәки диwане бькьн. Ӧса жи мьн р’ӧһ’ед wан дитьн, сәре к’ижана бона шә’дәтийа Иса у бона хәбәра Хwәде һатьбунә лехьстьне, к’ижана сәре хwә ль бәр щә’нәwьр у һ’әйкәле wи данәнибун у нә жи нишана wи һьлдабунә сәр ә’ни йан дәсте хwә. Әвана диса сах бун у т’әви Мәсиһ һ’әзар сали п’адшати кьрьн."

⁵ (Ле әw мьрийед майин сах нәбун, һ’әта һ’әзар сал т’әмам бу.) Әв ә р’абуна мьрийайә пешьн."

⁶ Хwәзьли у бӧһӧрти-жьбарә йә, әwе кӧ п’ара wи т’әви р’абуна мьрийайә пешьн һәйә. Мьрьна дӧда ль сәр wан һ’ӧкӧм накә, ле әwе бьбьнә к’аһинед Хwәде у Мәсиһ у wе т’әви Wи һ’әзар сали п’адшатийе бькьн."

⁷ Гава һ’әзар сал т’әмам бә, мирещьн wе жь зьндана хwә бе бәр’дане,"

⁸ әwе дәрк’әвә, wәки wан мьләтед һәр чар qӧлбед дьнеда, аwа готи Гог у Магоге бьхальфинә у wан бона шәр’ ль щики бьщьвинә. Р’әqәма wан wе мина qума дәве бә’ре бә ."

⁹ Әвана wе т’әмамийа ә’рде бәла бьн у дора wаргәһе ордийа щьмә’та Хwәде у бажаре һ’ьзкьри бьгьрьн. Ле жь ә’змен агьре бьбарә, wан һ’уфи хwә кә."

¹⁰ Әw мирещьне кӧ әw хальфандьн, wе бе авитьне нава гола агьре к’ьрк’уте, wи щийе кӧ щә’нәwьр у п’ехәмбәре дәрәw теда нә. Ль wьр wе шәв у р’ож, һ’әта-һ’әтайе бьчәрчьрьн."

¹¹ Һьнге мьн т’әхтәки мәзьни чили-qәрqаш дит у Йәк ль сәр р’уньштьбу. Ә’рд у ә’зман жь бәр Wи бәтавәбун у дәwса wан к’ьфш нәбу."

¹² Wе һьнге мьн мьрийед бьч’ук у мәзьн дитьн кӧ ль бәр т’әхт сәкьни бун. К’ьтеб вәбун у к’ьтебәкә дьн жи вәбу, аwа готи к’ьтеба жийине. Диwана мьрийа анәгори wан кьред wанә к’ьтебада ньвисар һатә кьрьне ."

¹³ Бә’ре мьрийед хwә дан, Мьрьне у Дийаре Мьрийа жи мьрийед хwә дан. Диwана һәр мәрьвәки жь wан анәгори кьрьнед wан һатә кьрьне ."

¹⁴ Һьнге Мьрьн у Дийаре Мьрийа һатьнә авитьне нава гола егьр. Әв гола егьр мьрьна дӧда йә."

¹⁵ У наве к’е ве к’ьтеба жийинеда ньвисар т’ӧнәбу, әw һатә авитьне нава гола егьр."

21

¹ Һьнге мьн ә’рд у ә’зманәки ну дитьн, чьмки ә’рд у ә’змане бәре дәрбаз бун у иди бә’р т’ӧнәбу ."

² Мьн дина хwә дайе, ва жь ә’змен Бажаре Пироз, Оршәлима ну мина букәкә хеликьри бона дәргистийе хwә хәмьли жь Хwәдеда дьһатә хwаре."

³ Мьн жь т’әхт дәнгәки бьльнд бьһист кӧ гот: «Ва йә коне Хwәде нава мәрьвада! Әwе Хwәха нав wанда бьжи, әwана wе бьбьнә щьмә’та Wи у Хwәде Хwәха жи wе т’әви wан бьминә, чаwа Хwәдейе wан . "

⁴ Әwе жь ч’ә’вед wан һ’әму һесьред wан паqьж кә у иди мьрьне т’ӧнәбә, нә шин, нә гьри, нә еш-ешук, чьмки тьштед бәре дәрбаз бун» ."

⁵ Һьнге Әwи ль сәр т’әхт р’уньшти гот: «Ва Әз һәр тьшти ну чедькьм». У мьнр’а гот: «Бьньвисә, чьмки әв хәбәрнә амьн у р’аст ьн»."

⁶ Ӧса жи готә мьн: «Һәр тьшт һатә сери. Әз ьм Алфа ф у Омега, Дәстпебун у Ахьри. Әзе йед т’и, жь канийа ава жийине беһәq бьдьмә вәхwарьне."

⁷ Әwе кӧ сәрк’әвә, һәр тьште п’ара wи бьк’әвьн, Әзе Хwәдейе wи бьм, әwе жи лаwе Мьн бә ."

⁸ Ле п’ара тьрсонәка, беамьна, к’ьрет-һ’әрама ф, меркӧжа, бенамуса, сербаза, п’утп’арьста у һ’әму дәрәwина wе гола агьре кӧ к’ьрк’утева дьшәwьтә бьк’әвә. Әв ә мьрьна дӧда»."

⁹ Мьлйак’әтәки жь wан һәр һ’әфт мьлйак’әта, йед кӧ һ’әфт т’асед wанә һ’әфт бәлайед хьлазийева т’ьжи һәбун, һат т’әви мьн хәбәр да у гот: «Wәрә ве дәре, әзе буке нишани тә кьм, дәргистийа Бәрх»."

¹⁰ Һьнге Р’ӧһ’е Пироз һатә сәр мьн, wи әз бьрьмә сәр ч’ийаки мәзьни бьльнд у Бажаре Пироз, Оршәлим нишани мьн да, кӧ жь ә’змен Хwәдеда дьһатә хwаре ."

¹¹ Р’умәта Хwәде нав wида шәwq дьда, әw р’онайи мина кәвьре qимәт бу, мина кәвьре йаспис, мина хьрустал бу."

¹² Сура wи мәзьн у бьльнд бу, донздәһ дәргәһи бу у ль бәр дәргәһа донздәһ мьлйак’әт һәбун. Ль сәр дәргәһа навед һәр донздәһ qәбилед зар’ед Исраел ньвисар бун ."

¹³ Жь алийе р’оһьлатева се дәргәһ, жь алийе бакӧрева се дәргәһ, жь алийе башурева ф се дәргәһ у жь алийе р’оавайева се дәргәһ һәбун."

¹⁴ Донздәһ һ’имед сура бажер һәбун, ль сәр wан һәр донздәһа навед һәр донздәһ шандийед Бәрх ньвисар бун."

¹⁵ Дәсте wи мьлйак’әтида, йе кӧ т’әви мьн хәбәр дьда бона чапкьрьне qамишәки зер’ин һәбу, wәки бажер, дәргәһед wи у сура wи чап кә."

¹⁶ Бажар чар гошә бу, дьрежайийа бажер wәкә бәрайийе бу. Әwи бажар бь wи qамиши чап кьр, донздәһ һ’әзар мәйдан дәрк’әт. Дьрежайи, бәрайи у бьльндайи wәкә һәв бун."

¹⁷ Мьлйак’әт сура бажер пе чапкьрьна мәрьвайе чап кьр, бьльндайийа wе бу сәд чьл чар зәнд ."

¹⁸ Әw сур жь кәвьре йаспис һатьбу чекьрьне у бажар хwәха жь зер’е хаси мина шушә зәлал бу ."

¹⁹ Һ’имед сура бажер бь һәр щур’ә кәвьред хасә qимәт һатьбунә хәмьландьне.

Һ’име пешьн йасписе сьпи бу,

йе дӧда сафире шин,

йе сьсийа халкедоне к’әске вәкьри,

йе чара зьмруде к’әск,

²⁰

йе пенща сардонуксе сор,

йе шәша сардийоне соре тә’ри,

йе һ’әфта кәвьре зер’ин,

йе һ’әйшта зьмруде шин,

йе нәһа топазе qич’ьк,

йе дәһа хьрисопрасе к’әск,

йе йанздәһа йаqуте ширк,

йе донздәһа аместисе ширке вәкьри ."

²¹ Һәр донздәһ дәргәһ донздәһ дӧр’ бун, һәр дәрик жь дӧр’әки бу у мәйдана бажер жь зер’е хаси мина шуше зәлал бу."

²² Мьн бажерда п’арьстгәһ нәдит, чьмки Хӧдан Хwәдейе Һ’әму Зорайийе у Бәрх п’арьстгәһа wи нә."

²³ Бажар нә һ’әwще тә’ве у һиве бу кӧ р’онайи бьдане, чьмки р’умәта Хwәде wи р’онайи дькә у Бәрх ч’ьра wи йә ."

²⁴ Мьләт wе р’онайа wида бьгәр’ьн у п’адшед дьнйайе wе р’әwш-р’умәта хwә биньнә нава wи ."

²⁵ Дәргәһед wи wе т’ӧ щар нәйенә гьртьне, чьмки ль wьр т’ьме wе р’ож бә, шәве т’ӧнәбә."

²⁶ Wе р’умәт у һӧрмәта мьләта биньнә нава wи."

²⁷ Qәт тьштәки һ’әрам wе нәк’әвә бажер, нә жи йед кӧ к’ьретийе у дәрәwа дькьн wе бьк’әвьне, т’әне әwед кӧ к’ьтеба Бәрхейә жийинеда һатьнә ньвисаре ."

22

¹ Паше wи мьлйак’әти ч’әмәки ава жийине, мина хьрустале зәлал нишани мьн кьр, кӧ жь т’әхте Хwәде у Бәрх дәрдьк’әт у нава мәйдана бажерва дьк’ьшийа."

² Ль һәр дӧ алийед ч’ем дара жийине һәбу, кӧ донздәһ щур’ә бәр дани у һәр мәһ бәре хwә дьда. Бәлгед ф wе даре бона qәнщбуна мьләта бун ."

³ Иди тьште ньфьр’лебуйи ль wьр wе т’ӧнәбә.

Т’әхте Хwәде у йе Бәрх wе нав бажерда бә у хӧламед Wи wе жер’а хьзмәтк’арийе бькьн."

⁴ Әwе р’уйе Wи бьбиньн у наве Wи wе ль сәр ә’нийа wан һәбә."

⁵ Иди шәве ль wьр т’ӧнәбә, wе р’онайа ч’ьре у р’ойе кер нәйен, чьмки Хӧдан Хwәде wе ль wан р’онайи кә у һ’әта-һ’әтайе п’адшатийе бькьн ."

⁶ Wи мьлйак’әти мьнр’а гот: «Әв хәбәрнә амьн у р’аст ьн. Хӧдан Хwәдейе кӧ Р’ӧһ’е Хwә дьдә п’ехәмбәра , мьлйак’әте Хwә шанд, wәки тьштед кӧ wе зутьре бьqәwьмьн нишани хӧламед Хwә кә»."

⁷ Иса дьбежә: «Ва йә Әзе зутьре бем.

Хwәзи ль wи, йе кӧ хәбәред п’ехәмбәртийед ве к’ьтебеда хwәй дькә!»"

⁸ Мьн Йуһ’әнна әв йәкана бьһистьн у дитьн. У чахе мьн әw бьһистьн у дитьн, дәвәр’у чумә ньге wи мьлйак’әти, йе кӧ әв тьшт нишани мьн кьрьн, wәки сәре хwә ль бәр wи дайньм."

⁹ Ле әwи мьнр’а гот: «Ве йәке нәкә! Әз жи һәвал-хӧламәки мина тә у wан бьред тә п’ехәмбәра у wан һ’әмуйа мә, йед кӧ хәбәред ве к’ьтебе хwәй дькьн. Сәре хwә ль бәр Хwәде дайнә»."

¹⁰ Сәрда жи мьнр’а гот: «Хәбәред п’ехәмбәртийейә ве к’ьтебеда вәнәшерә, чьмки wәхт незик ә."

¹¹ Әwе кӧ нәһәqийе дькә, бьра һе нәһәqийе бькә, әwе кӧ к’ьрет ә, бьра һе к’ьретийе бькә, әwе кӧ р’аст ә, бьра һе р’астийе бькә у әwе кӧ пироз ә, бьра һе пироз бә»."

¹² Иса дьбежә: «Ва йә Әзе зутьре бем у хәлата Мьн дәсте Мьнда йә, wәки анәгори кьрьнед һәр йәки бьдьмә wи ."

¹³ Әз ьм Алфа ф у Омега, Йе Пешьн у Йе Пашьн, Дәстпебун у Ахьри»."

¹⁴ Хwәзи ль wан, йед кӧ чӧхед хwә шуштьнә , wәки изьна wан һәбә, жь бәре дара жийине бьхwьн у дәргәһед бажерр’а бьк’әвьнә һьндӧр’! "

¹⁵ Ле сә-куч’ьк, сербаз, бенамус, меркӧж, п’утп’арьст у һәр кәсе кӧ дәрәwа һ’ьз дькә у дәрәwа дькә, әwе дәрва бьминә."

¹⁶ «Мьн, Иса, мьлйак’әте Хwә шанд, wәки шә’дәтийа ван тьшта нава щьвинада бьдә. Әз Тамар у Р’ьк’ьнйата ф Даwьд ьм у Әз Стәйрка Шәwqә Сьбәһе Зу мә» ."

¹⁷ Р’ӧһ’ у бук дьбежьн: «Wәрә!» Әwе кӧ дьбьһе бьра бежә: «Wәрә!» Әwе кӧ т’и йә бьра бе, әwе кӧ ава жийине дьхwазә бьра беһәq бьстинә ."

¹⁸ Әз шә’дәтийе дьдьмә һәр кәсе кӧ хәбәред п’ехәмбәртийейә ве к’ьтебеда дьбьһе: Һәгәр йәк тьштәки сәр ванда зедә кә, Хwәде жи ван бәлайед кӧ ве к’ьтебеда ньвисар ьн wе сәр wида зедә кә ."

¹⁹ У һәгәр йәк жь хәбәред п’ехәмбәртийейә ве к’ьтебеда тьштәки кем кә, Хwәде жи wе п’ара wи жь дара жийине у жь Бажаре Пироз кем кә, бона к’ижана ве к’ьтебеда ньвисар ьн."

²⁰ Әwи кӧ шә’дәтийа ван тьшта дьдә, дьбежә: «Бәле, Әзе зутьре бем». Амин! Wәрә, йа Хӧдан Иса."

²¹ К’әрәма Хӧдан Иса һ’әмуйар’а бә."