1

¹ Жь Паwлосе хӧламе Хwәде у шандийе ф Иса Мәсиһ, бона пешдачуйина баwәрийа ф бьжартийед Хwәде у занәбуна сәр р’астийе, анәгори хwәденасийе,"

² ӧса жи бона wе гӧмана жийина ф һ’әта-һ’әтайе газикьри . Бона wе жийине, Хwәдейе хwәйе готьна Хwә, һе дәwред бәреда соз дайә"

³ у wәхте хwәда готьна Хwә бь даннасинийе да ә’йанкьрьне, йа кӧ ль мьн һатә спартьне ф, бь ә’мьре Хwәдейе Хьлазкьре ф мә."

⁴ Титор’а, лаwе хwәйи һәq-һ’әлали баwәрийа мәйә т’омәрида:

Дә бьра к’әрәм ф у ә’дьлайийа Хwәдейе Бав ф у Мәсиһ Иса Хьлазкьре ф мә ль тә бә."

⁵ Бона wе йәке мьн тӧ ль Кьретайе һьшти, wәки чь кемаси һәбьн бини сери ф у һәр бажарәкида бәрпьрсийара к’ьфш ки, чаwа мьн әв т’әми ль тә кьр:"

⁶ Гәрәке бәрпьрсийар беләк’ә бә, мере жьнәке бә, зар’ед wи баwәрмәнд бьн, йед кӧ бона авитийе йан жи бона нәгӧһдарийе нәк’әтьнә нава дәв-дьрана."

⁷ Бәле сәрwер чаwа малкьре Хwәде, гәрәке беләк’ә бә: Нә сәрһ’ьшк, нә һерс, нә пәй шәраве к’әти, нә сьр’тук, нә пәй к’әда һ’әрам ф,"

⁸ ле меванһ’ьз, херхwаз, аqьлда гьран, сәр һәqийе, Хwәдер’а дайи, хwәгьрти."

⁹ Гәрәке wе готьна амьн qәwин бьгьрә, чаwа кӧ һин буйә, wәки бькарьбә бь һинкьрьна сахләм дьл бьдә йед майин у шашийед мьqабьла бьдә р’уйе wан."

¹⁰ Йед хwәсәрихwә гәләк ьн, йед хәбәрп’уч’ у дәрәwин, илаһи ф әwед кӧ жь нава щьһуйада ф нә."

¹¹ Гәрәке дәнге йед ӧса бьдьнә бьр’ине, чьмки әw мала лап хьраб дькьн, тьштед нәщайиз һин дькьн у ве йәке бона к’ара хwәйә һ’әрам дькьн."

¹² Жь кьретийа һәма хут занәки wан жи готийә:

«Кьрети т’ьме дәрәwин ьн,

әw р’ә’wьред хьраб ьн,

у п’ьр’хӧред бехирәт ьн»."

¹³ Әв шә’дәтикә р’аст ә, ләма һ’ьшк ль wан һьле ф, кӧ сахләм бьн баwәрийеда"

¹⁴ у гӧһ нәдьнә ч’ьловискийед щьһуйа ф у т’әмийед wан мәрьвед ф кӧ жь р’астийе дагәр’ийанә."

¹⁵ Һәр тьшт һ’әлал ә бона һ’әлала, ле һ’әрам у нәбаwәрар’а тьштәки һ’әлал т’ӧнә, һ’әта аqьл у исафа ф wан жи һ’әр’ьминә."

¹⁶ Әw дьбежьн, кӧ Хwәде нас дькьн, ле бь кьред хwә Wи инк’ар ф дькьн, һ’әрам у хwәсәрихwә нә у һәр кьрьнәкә qәнщр’а бекер ьн."

2

¹ Ле тӧ, чь ль һинкьрьна сахләм дьк’әвә, һин кә."

² Каләмер бьра хwәгьрти, гьран у маqул бьн, баwәрийе, һ’ьзкьрьне у сәбьреда сәрхwә бьн."

³ Пирәжьн жи бьра ӧса п’әргал бьн, чаwа ль мәрьвед Хwәде дьк’әвә, нә бӧхданбеж, мела wан нә сәр вәхwарьне бә. Ле бьра хwәйед ширәтед qәнщ бьн,"

⁴ wәки жьнед щаһьл һин кьн, кӧ мер у зар’ед хwә һ’ьз бькьн,"

⁵ аqьлда гьран бьн, нав-намус, малкьр, һ’әйф, гӧр’а ф мере хwәда бьн, wәки хәбәра Хwәде нәйе беһӧрмәткьрьне."

⁶ Ӧса жи дьл бьдә хорта, кӧ аqьлда гьран бьн."

⁷ Һәр тьштида жи, тӧ хwәха бьбә т’әрзе кьрьнед qәнщ, нава һинкьрьнеда бедӧр’ути у маqул бә,"

⁸ бь хәбәред сахләмә бе кемаси, wәки йе мьqабьл шәрми бьминә у һьндава мәда тьштәки wийи готьне т’ӧнәбә."

⁹ Хӧлама ширәт кә, кӧ гӧр’а ахайед хwәда бьн у һәр тьштида ль wан хwәш бен, щаб-сабе wан нәдьн,"

¹⁰ дәстдьрежайийе нәкьн, ле амьнийа qәнщә т’ам нишани wан кьн, wәки һинкьрьна бона Хьлазкьре мә Хwәде, һәр алийава бьхәмьлиньн."

¹¹ Чьмки к’әрәма ф Хwәде бона хьлазбуна ф һ’әму мәрьва хӧйа бу,"

¹² Әw мә һин дькә, кӧ әм нәп’акийе у дьлһавьжийед дьнйайе инк’ар кьн у аqьлда гьран, бь һәqийе у хwәденасийе бьжин ль ве дьне,"

¹³ һивийа wе гӧмана хwәзьли, хӧйабуна р’умәта Хwәдейе мәзьн, Хьлазкьре мә Иса Мәсиһ бьн."

¹⁴ Әwи Хwә бона мә да дәр, кӧ мә жь һ’әму нәһәqийа хьлаз ф кә у паqьж кә, бькә щьмә’та Хwәйә хирәтк’ешед кьрьнед qәнщ."

¹⁵ Ван тьшта һин кә, бь т’әмамийа һ’ӧкӧме хwә дьл бьдә wан у ль wан һьле. Бьра т’ӧ кәс тә беһӧрмәт нәкә."

3

¹ Бькә бира щьмә’те, кӧ гӧр’а сәрwер у һ’ӧкӧмәта бькьн, гӧһдар бьн у бона һ’әму кьрьнед qәнщ һазьр сәкьни бьн."

² Һьндава т’ӧ кәсәкида хьраб хәбәр нәдьн, шәр’уд нибьн, ле мьлук бьн у ширьнайийа хwә һьндава һ’әму мәрьвада бьдьнә к’ьфше."

³ Чьмки әм жи wәхтәке бефә’м бун, хwәсәрихwә, хальфи ф у хӧламед щур’ә-щур’ә тәмед хьраб у к’ефа дьле хwә бун, мә нава хьрабийе у һ’әвсудийеда дьжит, әм мина мә’ре р’әш, ль бәр ч’ә’ве һәв р’әш бун."

⁴ Ле гава ширьнайи у һ’ьзкьрьна Хwәде, Хьлазкьре мә хӧйа бу,"

⁵ Wи әм хьлаз кьрьн. Нә кӧ бона wан кьрьнед р’астә кӧ мә кьрьн, ле ль гора р’ә’ма Хwә әм хьлаз кьрьн, бь шуштьне әм ну дьне к’әтьн у бь Р’ӧһ’е ф Пироз нуйәжийин бун ."

⁶ Wи Хwәдейи әw Р’ӧһ’ бь мәр’дани сәр мәда баранд, бь дәсте Иса Мәсиһе Хьлазкьре мә,"

⁷ wәки бь к’әрәма Wи әм р’аст ф бенә һ’әсабе у бь wе гӧмане жийина һ’әта-һ’әтайе wар бьн."

⁸ Ве готьнеда хельф т’ӧнә. У әз дьхwазьм кӧ тӧ ван тьшта ә’сәйи ки, wәки йед кӧ баwәрийа хwә Хwәде тиньн, хирәт кьн, тьштед qәнщ бькьн. Әвана мәрьвар’а qәнщ у к’ар ьн."

⁹ Ле тӧ хwә жь дә’w-дозед ахмахти, р’әqәма сьлсьләта ф, һәвр’ьк’ийе у шәр’-дә’wед ль сәр Qануне дур бьгьрә, чьмки әw бекер у бек’ар ьн."

¹⁰ Жь йе кӧ бет’ьфаqийе дькә, щарәке-дӧда ширәт кә дур к’әвә."

¹¹ Тӧ зани кӧ йе ӧса хальфи у гӧнәк’ар ф ә, әw хwәха диwане сәр хwәда тинә."

¹² Гава Артәмас йан Тьхико әз бьшиньмә щәм тә, бькә кӧ бейи Никополисе, щәм мьн, чьмки мьн qьрар да зьвьстана хwә ль wьр дәрбаз кьм."

¹³ Зенасе qанунзан ф у Аполо зу вәр’екә, ӧса бә кӧ әw р’ева кемасийа тьштәки нәбиньн."

¹⁴ Йед жь мә жи бьра һин бьн, пәй кьрьнед qәнщ бьн, wәки кери һ’әwщәтийа мәрьвайе бен у бе бәр нәбьн."

¹⁵ Һ’әмуйед т’әви мьн ль тә сьлав дькьн. Сьлаве бьдә wан, йед кӧ баwәрийеда мә һ’ьз дькьн.

К’әрәма Хwәде wә һ’әмуйар’а бә."