1

¹ Жь Паwлосе бь ә’мьре Хwәде шандийе ф Мәсиһ Иса бона wи созе жийине, йа кӧ бь сайа Мәсиһ Иса йә,"

² Тимот’ейойе лаwе хwәйи дәлалр’а:

Дә бьра р’ә’м, к’әрәм ф у ә’дьлайи жь Бав ф Хwәде у Мәсиһ Исайе Хӧдане ф мә ль тә бә."

³ Әз жь Хwәде р’ази мә, кӧ мина пешийед хwә бь исафа ф р’ьһ’әт Wир’а хӧламтийе дькьм, һәр гав шәв у р’ож нава дӧайед хwәда тә бир тиньм."

⁴ Гава әз һесьред тә тиньмә бира хwә, дьк’әвьмә дәмана дитьна тә, wәки шабун бьк’әвә дьле мьн."

⁵ Әз wе баwәрийа ф тәйә дьле сах тиньмә бира хwә, йа кӧ бәре щәм пирька тә Лойисе у дийа тә Әйньке һәбу у әз баwәр ьм, кӧ йа тә жи һәйә ."

⁶ Бона wе йәке әз дькьмә бира тә, кӧ тӧ агьре п’ешк’еша ф Хwәде һе гӧр’ ки, йа кӧ бь дәстданина мьн тәр’а һатә дайине."

⁷ Чьмки Хwәде р’ӧһ’әки тьрсе нәда мә, ле Йе qәwате, һ’ьзкьрьне у хwәгьртьне ."

⁸ Аwа шәрм нәкә, кӧ бона Хӧдане мә шә’дәтийе бьди, нә жи бона мьн шәрм бькә, кӧ әз бона наве Wи гьрти мә. Ле т’әви щәфайе Мьзгинийе бә, анәгори qәwата Хwәде.

⁹

Хwәде әм хьлаз ф кьрьн,

пирозийер’а ф гази кьрьн,

нә кӧ бона кьрьнед мә,

ле ль гора qьрар у к’әрәма ф Хwә.

Әва к’әрәма бь сайа Мәсиһ Иса,

әw һе дәwред бәреда

мәр’а һатә дайине.

¹⁰

Ле ньһа бь хӧйабуна Хьлазкьре ф мә

Мәсиһ Иса ә’йан бу, кӧ мьрьн бәтал кьр

у жийина бе мьрьн, бь Мьзгинийе р’онайи кьр."

¹¹ Ве Мьзгинийер’а әз даннасинкьр, шанди у дәрсдар һатьмә к’ьфшкьрьне"

¹² у ләма әз ви щәфайи дьк’ьшиньм. Ле әз шәрм накьм, чьмки заньм мьн баwәрийа хwә К’е анийә у гӧман ьм жи, кӧ Әwи чь кӧ спартийә ф мьн , wе һ’әта wе Р’оже жи хwәй кә."

¹³ Тӧ хwә ль wи нәхше һинкьрьна сахләм бьгьрә, йа кӧ тә жь мьн бьһист у нава wе баwәри у һ’ьзкьрьнеда бьминә, к’ижан жь Мәсиһ Иса п’ара мә к’әт."

¹⁴ Әw тьштед qәнщә кӧ ль тә һатьнә спартьне бь wи Р’ӧһ’е ф Пирози нава мәда хwәй кә."

¹⁵ Тӧ зани әwед кӧ qәза Асйайеда бун пьшта хwә данә мьн, Фугәло у Һермохенис жи т’әви wан."

¹⁶ Бьра Хӧдан р’ә’ма хwә ль мала Онисифоро бькә, чьмки әwи гәләк щара дьле мьн р’ьһ’әт кьр, жь гьртьна мьн шәрм нәдькьр,"

¹⁷ ле гава һатә Р’омайе, гәләки ль мьн гәр’ийа, һ’әта әз дитьм,"

¹⁸ (дә бьра Хӧдан бьде, кӧ әw wе Р’оже р’ә’ме жь Хӧдан бьбинә) у Әфәседа жи әwи чьqас мьнр’а хьзмәтк’ари кьр, тӧ р’ьнд зани."

2

¹ Аwа лаwе мьн, бь wе к’әрәма мәйә кӧ йәктийа Мәсиһ Исада йә qәwат бә."

² У әw тьштед кӧ тә ль бәр гәләк шә’да жь мьн бьһист, бьсперә ф wан мәрьвед ф амьн, йед кӧ wе бькарьбьн һьнәкед дьн һин кьн."

³ Аwа т’әви щәфе мә бә, мина әскәре Мәсиһ Исайи qәнщ."

⁴ Т’ӧ әскәр шьхӧле бьнәлитийева ф мьжул набә, wәки ль сәрәскәр хwәш бе."

⁵ Ләщк’арәк ф жи к’офийе ф настинә, һәгәр ль гора qәйдә нәк’әвә ләще."

⁶ У щотк’ар, кӧ щәфе дьк’ьшинә, гәрәке әw пешьн жь бәред ә’рде тә’м кә."

⁷ Бьзаньбә әз чь дьбежьм, чьмки Хӧдан һәр тьштида һ’ьш-аqьл wе бьдә тә."

⁸ Бир бинә wи Иса Мәсиһе жь мьрьне р’акьри, жь зӧр’әта Даwьд ф, ль гора wе Мьзгинийа әз даннасин дькьм."

⁹ Бона ве Мьзгинийе әз дьчәрчьрьм, һ’әта мина зӧлмк’арәки жи qәйдкьри мә, ле хәбәра Хwәде qәйдкьри нинә."

¹⁰ Ләма әз һәр тьшти тәйах дькьм, бона хатьре бьжартийа, кӧ әw жи wе хьлазбуна ф кӧ бь сайа Мәсиһ Иса йә, бьстиньн, бь р’умәта һ’әта-һ’әтайева т’әвайи."

¹¹ Ве готьнеда хельф т’ӧнә:

Һәгәр әм т’әви Wи мьрьн,

әме т’әви Wи бьжин жи.

¹²

Һәгәр әм тәйах кьн,

әме п’адшатийе жи т’әви Wи бькьн.

Һәгәр әм Wи инк’ар ф кьн,

Әwе жи мә инк’ар кә .

¹³

Һәгәр әм амьн нәминьн,

Әwе амьн бьминә,

чьмки Әw нькарә Хwә инк’ар кә ."

¹⁴ Ван тьшта бинә бира щьмә’те, ль бәр Хwәде бькә дәйне стуйе wан, кӧ сәр хәбәра һәвр’а нәк’әвьнә дә’wе. Әw кери т’ӧ кәси найе, т’әне мала гӧһдара хьраб дькә."

¹⁵ Бькә кӧ тӧ ль Хwәде хwәш бейи, п’аләки ӧса кӧ шәрм нәки, хәбәра р’астийе р’аст шьровәки."

¹⁶ Ле жь хәбәрданед һ’әрамә п’уч’ хwә дур бьгьрә, чьмки әвед кӧ хwә данә ве йәке, wе һе нәп’акийеда пешда һәр’ьн"

¹⁷ у хәбәред wан мина хьш-хьше п’әнщ дьдә. Һумәнайо у Фьлито жи жь wан ьн,"

¹⁸ йед кӧ жь р’астийе хальфинә ф у дьбежьн, кӧ р’абуна мьрийа иди буйә у баwәрийа һьнәка дәвәр’у дькьн."

¹⁹ Ле бәле һ’име кӧ Хwәде дани qәдим дьминә у әв мор сәр ә: «Хӧдан йед п’ара Хwә нас дькә» у «Һәр кәсед кӧ наве Хӧдан һьлданә сәр хwә, бьра әw жь нәһәqийе дур бьн»."

²⁰ Маләкә мәзьнда нә кӧ т’әне дәрданед ф зер’ у зив һәнә, ле йед жь дар у һ’әр’ийе жи һәнә, һьнәк бона дәрәщед бьльнд ьн, һьнәк жи бона дәрәщед ньмьз."

²¹ Аwа һәгәр йәк хwә жь wан тьштед нәщайиз паqьж кә, әwе бьбә дәрданәкә дәрәща бьльнд, бӧһӧрти-жьбарә, кери хwәйе хwә һати, бона һәр дәрәщед qәнщда һазьр."

²² Жь дьлхwәстьнед щаһьлтийе бьр’әвә, хwә ль һәqийе, баwәрийе, һ’ьзкьрьне, ә’дьлайийе бьгьрә, т’әви wан бә, йед кӧ бь дьле сах гази наве Хӧдан дькьн."

²³ Тӧ хwә жь дә’w-дозед ахмахә бефә’м дур бьгьрә, чьмки тӧ зани кӧ шәр’ жь wан пешда тен."

²⁴ Ль хӧламе Хӧдан нак’әвә, кӧ шәр’ бькә, ле һьндава һ’әмуйада бәрбьһер бә, бькарьбә һин кә у бинфьрә бә,"

²⁵ бь ширьнайи йед мьqабьл ширәт кә, бәлки Хwәде мәщале бьдә wан, кӧ жь гӧнәкьрьне вәгәр’ьн ф у р’астийе нас кьн."

²⁶ Һьнге әwе сәр һ’ьше хwәда бен, жь т’әләка wи мирещьн ф хьлаз бьн, к’ижани әw гьртьнә, кӧ ә’мьре wи бьqәдиньн."

3

¹ Ле ве йәке заньбә кӧ р’ожед ахьрийеда зәманед хьраб wе бен."

² Мәрьве бьбьнә хwәһ’ьз, п’әрәһ’ьз, к’ӧбар, бабах, бӧхданбеж, нә гӧр’а ф де-бавада, бешекьр, һ’әрам,"

³ дьлсар, бер’ә’м, бӧхданбеж, тәмсьст, зӧлмк’ар, нәйаред qәнщийе,"

⁴ нәмам, бәрзәq, хwәр’ази, р’ьһ’әтиһ’ьз, нә кӧ Хwәдеһ’ьз."

⁵ П’ьшке хwәденасийе wе ль wан к’әвә, ле wе qәwата wе инк’ар кьн. Тӧ хwә жь йед аһа дур бьгьрә."

⁶ Жь нава ванда йед ӧса һәнә, кӧ хwә вәдьдьзьнә мала, к’ӧлфәтед ф сәр’айә бьн баред гӧнада ф шәwьти дькьнә һесир, йед кӧ бь щур’ә-щур’ә тәмед хьрабва тенә бьрьне."

⁷ Әв к’ӧлфәтана һәр гав һин дьбьн, ле т’ӧ щар нькарьн р’астийе нас кьн."

⁸ Чаwа Йанис у Йамбрис мьqабьли Муса ф бун, ӧса жи әв мәрьвана мьqабьли р’астийе дьсәкьньн, мәрьвнә бь фькьред хwәда шуна р’әшва чуйи, баwәрийеда жи бекер ьн ."

⁹ Ле гәләки wе пешда нәчьн, чьмки бефә’мийа wан wе һ’әмуйава ә’йан бә, чаwа йа wан һәр дӧйа бу."

¹⁰ Ле тә насийа хwә дайә һинкьрьн, р’абун-р’уньштьн у нет-мәрәме мьн, баwәри, сәбьр у һ’ьзкьрьна мьн, бинфьрәйи,"

¹¹ зерандьн у щәфайед мьн. Тӧ зани ль Әнтакйайе, Qонйайе, Листрайе чь һатьнә сәре мьн: Мьн чь зерандьн к’ьшандьн! Ле Хӧдан әз жь һ’әмуйа хьлаз кьрьм ."

¹² Бәле һәр кәсе кӧ дьхwазә йәктийа Мәсиһ Исада бь хwәденаси бьжи wе бе зерандьне "

¹³ у мәрьвед хьрабә хwәйифел wе хьрабийеда пешда һәр’ьн, бьхальфиньн у бьхальфьн."

¹⁴ Ле тӧ, нава wан тьштада бьминә, чь кӧ һин буйи у wе баwәрийеда жи гӧман буйи. Тӧ зани жь к’ижана һин буйи,"

¹⁵ ӧса жи тӧ жь зар’отийа хwәда ньвисаред ф пироз зани, йед кӧ дькарьн тә сәрwахт кьн, wәки бь баwәрийа сәр Мәсиһ Иса хьлаз би."

¹⁶ Т’әмамийа ньвисаре жь бина бәр Хwәде йә у керһати йә бона һинкьрьне, леһьлатьне ф, р’асткьрьне у ширәткьрьна жийина һәqийеда,"

¹⁷ wәки мәрьве Хwәде бекемаси бә, бона һ’әму кьрьнед qәнщ һазьр сәкьни бә."

4

¹ Аwа ль бәр Хwәде у wи Мәсиһ Исайе кӧ wе диwана мьри у зендийа бькә, әз бь щамери дьбежьм, тӧ ль wе һатьн у П’адшатийа Wи ки:"

² Хәбәре даннасин кә, сәр wе нет-фькьре бә, һәгәр wәхтда бә, йан бе wәхт бә, ль шашийа һьле, пешийа нәһәqийе бьгьрә, дьл бьдә мәрьва, бь т’әмамийа сәбьре һин кә."

³ Чьмки зәмане бе, кӧ мәрьв wе гӧһ нәдьнә һинкьрьна сахләм, ле wе хwәстьнед дьле хwәр’а wан дәрсдара сәрһәв т’оп кьн, йед кӧ тьштед ль гӧһе wан хwәш те wе һин бькьн."

⁴ Wе гӧһе хwә жь р’астийе дагәр’иньн у пәй ч’ьловискийа к’әвьн."

⁵ Ле тӧ һәр тьштида сәрхwә бьминә, ль тәнгасийа ф сәбьр кә, кьре мьзгиндар ф бькә, qӧльхе хwә бьqәдинә."

⁶ Чьмки әз хwәха qӧрбанбунер’а ф иди сәр р’ож-р’ожа мә у wәхте чуйина мьн пер’а гьһиштийә."

⁷ Ләщеда әз qәнщ р’әвим, мьн р’ийа хwә qәданд, баwәри хwәй кьр."

⁸ У ньһа мьнр’а дьминә к’офийа һәqийейә сәрк’әтьне, йа кӧ Хӧдан, Һ’акьме р’аст wе бьдә мьн wе р’оже у нә т’әне мьн, ле wан һ’әмуйа жи, йед кӧ бь һ’ьзкьрьне һ’әйра хӧйабуна Wида нә."

⁹ Бькә кӧ зу бейи щәм мьн."

¹⁰ Димас кӧ дьнйа һ’ьз кьр әз һьштьм у чу Т’есалонике. Кьрәскис чу Галатйайе, Тито жи Далмәтйайе."

¹¹ Т’әне Луqа щәм мьн майә. Марqос һьлдә т’әви хwә бинә, чьмки ви qӧльхида ф әw кери мьн те."

¹² Тьхико, мьн шандә Әфәсе."

¹³ Тӧ гава бейи, wи qап’уте кӧ мьн Тройайеда щәм Карпос һьшт, т’әви хwә бинә, ӧса жи к’ьтебед гӧломатк, илаһи ф йед ч’әрм."

¹⁴ Скәндәре һ’әдад гәләк хьраби ль мьн кьр. Хӧдан wе wәкә кьрьнед wи бинә пешийа wи."

¹⁵ Тӧ жи һ’әвза хwә жь wи бькә, чьмки гәләки ль бәр готьна мә р’абу."

¹⁶ Щара пешьн, гава әз ль бәр диwане сәкьним, кәсәки пьшта мьн нәгьрт, һ’әмуйа әз һьштьм чун. Бьра әв йәк wанр’а гӧнә нәйе һ’әсабе!"

¹⁷ Ле Хӧдан т’әви мьн сәкьни у qәwат да мьн, wәки пе мьн Мьзгинидайин мийасәр бә у һ’әму нәщьһу ф бьбьһен у әз жь дәве шер хьлаз бум."

¹⁸ Хӧдан wе мьн жь һәр кьред хьраб хьлаз кә у сах-сьламәт бьгьһинә П’адшатийа Хwәйә ә’змана. Шькьр жь Wир’а һ’әта-һ’әтайе. Амин ф."

¹⁹ Сьлаве бьдә Прьскилайе у Акила, ӧса жи мала Онисифоро,"

²⁰ Ерасто ль Корьнт’е ма, Трофимо жи, мьн ль Миләтосе нәхwәш һьшт."

²¹ Бькә кӧ бәри зьвьстане бейи. Әйбуло, Пудес, Линос, Клаwдийа у һ’әму хушк-бьра ль тә сьлав дькьн."

²² Хӧдан т’әви р’ӧһ’е тә бә.

К’әрәма Хwәде wәр’а бә."