1

¹ Жь Паwлос, шандийе ф Мәсиһ Иса, бь ә’мьре Хwәдейе Хьлазкьре ф мә у Мәсиһ Исайе гӧмана мә,"

² Тимот’ейойе лаwе хwәйи баwәрийедайи ф һәq-һ’әлалр’а:

Дә бьра р’ә’м, к’әрәм ф у ә’дьлайи жь Бав ф Хwәде у Мәсиһ Исайе Хӧдане ф мә ль тә бә."

³ Гава әз дьчумә Мәкәдонйайе, мьн һиви жь тә кьр, кӧ ль Әфәсе бьмини, wәки т’әмийе бьди чәнд кәса, кӧ һинкьрьна нәр’аст һин нәкьн"

⁴ у гӧһ нәдьнә ч’ьловискийа у р’әqәма сьлсьләта ф кӧ хьлазийа wан т’ӧнә. Әв йәк һе шәр’-дә’wа т’әвр’адькә, нә кӧ т’ьвдира Хwәдейә кӧ бь баwәрийе те наскьрьне мийасәр дькә."

⁵ Сәре т’әмийе һ’ьзкьрьн ә, кӧ жь дьле сах, бь исафа ф р’ьһ’әт у жь баwәрийа бедӧр’ути йә."

⁶ Һьнәк же дагәр’ийан у пәй готьнед п’уч’ к’әтьн."

⁷ Дьхwазьн бьбьнә дәрсдаред Qануне, ле әw хwәха жи ньзаньн чь дьбежьн, нә жи wан тьштед кӧ дьдьнә зора хwә фә’м дькьн."

⁸ Әм заньн кӧ Qанун qәнщ ә, һәгәр йәк бь qануни wе бьqәдинә."

⁹ Бәле фә’мдари йә, кӧ qанун бона р’аста найе дайине, ле бона нәһәq у сәрһ’ьшка, бона нәп’ак у гӧнәк’ара ф, бона мьр’дар’ у һ’әрама ф, бона бавкӧж у декӧжа, бона меркӧжа,"

¹⁰ бенамуса, к’она, дьзед мәрийа, дәрәwин у шә’дәдәрәwа йә у бона һәр кәсед дьнә кӧ тьштед мьqабьли һинкьрьна сахләм дькьн."

¹¹ Әв һинкьрьн ль Мьзгинийа хwәйир’умәтә Хwәдейе һежайи шькьрийе дьгьрә, к’ижан ль мьн һатийә спартьне ф."

¹² Әз жь Мәсиһ Исайе Хӧдане мә р’ази мә, Йе кӧ qәwат да мьн, әз амьн һ’әсаб кьрьм, данимә сәр ве хьзмәтк’арийе."

¹³ Мьн жи бәре Әw беһӧрмәт дькьр, дьзеранд у нәйарти ль Wи дькьр, ле р’ә’м ль мьн бу, чьмки мьн нәбаwәрийеда бь нәзанийа хwә кьрьн ."

¹⁴ К’әрәма ф Хӧдане мә п’ьр’ сәр мьнда р’ьжийа, т’әви баwәри у һ’ьзкьрьна Мәсиһ Иса."

¹⁵ Ве готьнеда хельф т’ӧнә у лап һежайи qәбулкьрьне йә, кӧ: «Мәсиһ Иса һатә дьне, гӧнәк’ара хьлаз ф бькә», сәре к’ижана әз ьм."

¹⁶ Ле бона wе йәке р’ә’м ль мьн бу, wәки Мәсиһ Иса сәр мьн, чаwа сәре гӧнәк’ара т’әмамийа сәбьра Хwә бьдә к’ьфше, чаwа нәхшәк бона wан, йед кӧ wе баwәрийа хwә Wи биньн, жийина ф һ’әта-һ’әтайе бьстиньн."

¹⁷ Аwа бьра wи П’адшайе һ’әта-һ’әтайейи нәмьри у нәхӧйа, Хwәдейе бешьрики-беһәвалр’а һӧрмәт у р’умәт бә һ’әта-һ’әтайе! Амин ф."

¹⁸ Ве т’әмийе әз дьдьмә тә, лаwе мьн Тимот’ейо, ль гора wан п’ехәмбәртийед ф кӧ пешда бона тә бун, wәки тӧ бь wан шәр’е хwәйи qәнщ бьки,"

¹⁹ дәст жь баwәрийе нәкә у исафа хwә р’ьһ’әт хwәй кә. Һьнәка әв йәк жь хwә дур хьстьнә, дәwра баwәрийа хwә wәлгәр’андьн."

²⁰ Жь wан бун, Һумәнайо у Скәндәр, йед кӧ мьн данә дәсте мирещьн ф, wәки әw һин бьн р’астийа Хwәде беһӧрмәт нәкьн."

2

¹ Аwа әз һиви дькьм, бәри һәр тьшти бона һ’әму мәрьва ф дӧа бькьн, р’әща кьн, лава кьн, р’азибуне бьдьн,"

² ӧса жи бона п’адша у һ’әму сәрwера, wәки әм жийинәкә ә’дьл у сәqьр’и дәрбаз кьн, бь т’әмамийа хwәденасийе у маqулийе."

³ Ль бәр Хwәдейе Хьлазкьре мә әв ә qәнщ у ль Wи хwәш,"

⁴ кӧ дьхwазә һ’әму мәрьв хьлаз бьн у р’астийе нас кьн ."

⁵ Чьмки Хwәдек һәйә у нава Хwәде у мәрьвада жи навчетик, Мәсиһ Исайе Мәрьв,"

⁶ кӧ Хwә жь бәр к’ьр’ина гьшкава да. Әв йәк р’аст wәхтда бу избати, кӧ Хwәде дьхwазә һ’әму хьлаз бьн."

⁷ У бона ве йәке әз даннасинкьр у шанди һатьмә к’ьфшкьрьне, (әз р’аст дьбежьм, дәрәwа накьм), нәщьһуйар’а бумә дәрсдаре баwәрийе у р’астийе."

⁸ Аwа әз дьхwазьм кӧ мер һәр дәра дәстед хwәйә һ’әлал бьльнд кьн, бе һерс у бе шәр’-дә’w дӧа бькьн."

⁹ Ӧса жи бьра к’ӧлфәт ф бь к’ьнщед лайиq, шәрме у бәрбьһерийе хwә бьхәмьлиньн, нә кӧ бь гӧли-гӧжанга, йан зер’, йан бь дӧр’а ф, йан жи бь к’ьнщед бьһа ,"

¹⁰ ле бь кьред qәнщ, чаwа ль wан к’ӧлфәта дьк’әвә, йед кӧ наве хwәденасийе һьлданә сәр хwә."

¹¹ Бьра к’ӧлфәт кәр’ һин бә, бь т’әмамийа гӧһдарийе."

¹² Әз изьне надьмә к’ӧлфәт, кӧ һин бькә, нә жи һ’ӧкӧми сәр мер бькә, ле бьра дәнг нәкә."

¹³ Чьмки пешийе Адәм ф хӧльqи, паше Һеwа "

¹⁴ у Адәм нәхапийа, ле жьн хапийа у нәһәqи кьр."

¹⁵ Ле жьн һ’але зар’анинеда жи wе хьлаз бә , һәгәр бь бәрбьһерийе нава баwәрийе, һ’ьзкьрьне у паqьжайийеда бьминьн."

3

¹ Ве готьнеда хельф т’ӧнә: Һәгәр тәме йәки ль сәрwертийе һәйә, әw шьхӧләки qәнщ дьхwазә."

² Аwа сәрwер гәрәке беqӧсур бә, мере жьнәке бә, хwәгьрти, аqьлда гьран, маqул, меванһ’ьз, һинкьрьнеда сәрхwә бә ,"

³ нә сәрхwәш, нә сьр’тук, ле бәрбьһер, нә шәр’уд, нә п’әрәһ’ьз."

⁴ Бьра малхетийе р’ьнд ль мала хwә бькә, зар’ед хwә гӧр’а ф хwәда һәр алийава маqулийеда мәзьн кә."

⁵ (Чьмки һәгәр йәк ньзанә малхетийе ль мала хwә бькә, wе чаwа бькарьбә щьвина ф Хwәде хwәй кә?)"

⁶ Бьра нә жи баwәрмәнде ну бә, кӧ нәбә к’ӧбар бә, диwана wи жи мина йа мирещьн бе кьрьне."

⁷ Wәки дьн жи гәрәке qәдьре wи щәм йед жь щьвине дәр жи һәбә, кӧ нәбә бе р’әзилкьрьне у бьк’әвә т’әләка мирещьн."

⁸ Ӧса жи бьра бәрдәсти гьран бьн, хәбәрданеда дӧр’утийе нәкьн, хwә нәдьнә шәраве, пәй к’әда һ’әрам нәк’әвьн."

⁹ Р’астийа баwәрийейә ә’йанбуйи бь исафа р’ьһ’әт хwәй кьн."

¹⁰ У әвана жи бьра пешда бенә щер’ьбандьне ф, һәгәр тьштәк сәр wан т’ӧнәбә, һьнге бьра бәрдәстийе бькьн."

¹¹ Ӧса жи бьра жьнед wан гьран, нә бӧхданбеж, ле хwәгьрти, һәр тьштида амьн бьн."

¹² Бәрдәсти гәрәке мере жьнәке бә, qәнщ малхетийе ль зар’ у мала хwә бькә."

¹³ Әwед кӧ р’ьнд бәрдәстийе дькьн, хwәр’а дәрәщәкә бьльнд qазьнщ дькьн у сәрбәстикә ф мәзьн дәст тиньн бона баwәрийа Мәсиһ Иса."

¹⁴ Әз кӧ ван тьшта тәр’а дьньвисьм, гӧман һәйә әзе зутьрәке сәр тәда бем."

¹⁵ Ле һәгәр әз дәрәнги жи бьк’әвьм, те заньби гәрәке чаwа мала Хwәдеда р’абьн-р’унен, йа кӧ щьвина Хwәдейе сах ә, стун у һ’име р’астийе йә."

¹⁶ Бе хәбәрдан, гәләки к’ур ә сӧр’а хwәдеп’арьстийа мә:

Әw бь бәдәни хӧйа бу,

бь Р’ӧһ’ р’астийа Wи һатә избаткьрьне,

мьлйак’әтава ф һатә дитьне,

нав мьләта һатә даннасинкьрьне,

дьнйайеда һатә баwәркьрьне

у р’умәтер’а һатә һьлатьне."

4

¹ Р’ӧһ’ ашкәрә дьбежә, кӧ р’ожед ахьрийеда һьнәк wе жь баwәрийе бьк’әвьн, гӧһ бьдьнә р’ӧһ’ед дәрәwин у һинкьрьнед щьна ф."

² Әw һинкьрьн бь дӧр’утийа дәрәwина дьбьн, исафа к’ижана к’ьзьри йә."

³ Әw мәрьв һ’ал-зәwаще дьдьнә һьлдане, жь wан хwарьна пашда дьдьнә гьртьне, к’ижан Хwәде әw бона баwәрмәнд у р’астинаскьрийа ә’фьрандьнә, кӧ бь р’азибуне бьхwьн."

⁴ Һәр тьште кӧ Хwәде ә’фьрандийә qәнщ ә у тьштәки һ’әрам теда т’ӧнә, һәгәр бь р’азибун те qәбулкьрьне,"

⁵ чьмки бь хәбәра Хwәде у дӧа qәбул дьбә."

⁶ Һәгәр тӧ ван ширәта бьди хушк-бьра, те бьби qӧльхк’аре Мәсиһ Исайи qәнщ, чаwа тӧ хwәха жи бь wан готьнед баwәрийе у һинбуна qәнщә кӧ тӧ пәй чуйи, qьнйат дьби."

⁷ Хwә жь ч’ьловискийед пирайә һ’әрам дур хwәй кә. Хwә хwәденасийеда һиндар ф кә."

⁸ Һиндарийа qальб кери һьндьк тьшти те, ле йа хwәденасийе кери һәр тьшти те, созе wе һьн ль ве дьне һәйә, һьн жи ль wе дьне."

⁹ Ве готьнеда хельф т’ӧнә у лап һежайи qәбулкьрьне йә."

¹⁰ Бона ве йәке әм дьхәбьтьн у дьчәрчьрьн, чьмки әм гӧмана хwә ль Хwәдейе сах тиньн, кӧ Хьлазкьре һ’әму мәрьва йә, илаһи ф Йе баwәрмәнда."

¹¹ Т’әмийа ван тьшта бьдә у һин кә."

¹² Нәбә кӧ йәк щаһьлтийа тә беһӧрмәт кә, ле тӧ баwәрмәндар’а бьбә нәхшәк, хәбәрданеда, р’абун-р’уньштьнеда, һ’ьзкьрьнеда, баwәрийе у һ’әлалийеда."

¹³ Һ’әта һатьна мьн хwә бьдә wе йәке, кӧ щьмә’тер’а ньвисаред ф пироз бьхуни, ширәт ки, һин ки."

¹⁴ Һьндава wе п’ешк’еша ф хwәйә р’ӧһ’анида бе хәм нибә, йа кӧ бь п’ехәмбәртийе тәр’а һатийә дайине, гава бәрпьрсийара дәсте хwә данинә сәр тә."

¹⁵ Гӧһе тә сәр wан тьшта бә у нава wанда бьминә, wәки пешдачуйина тә һ’әмуйава ә’йан бә."

¹⁶ Һаш жь хwә у һинкьрьна хwә һәбә. Һәр гав нава wанда бьминә, чьмки бь ви тьһәри те хwә жи хьлаз ки у wан жи, к’ижанед гӧһдарийа тә дькьн."

5

¹ Дьле каләмера нәешинә, ле дьл бьдә wан, чаwа баве хwә. Щаһьла чаwа бьрайед хwә һ’әсаб кә ,"

² пира чаwа дийа хwә, к’ӧлфәтед щаһьл чаwа хушкед хwә, wәкә шире һ’әлал."

³ Qәдьре жьнәбийа бьгьрә, йед кӧ бь ә’дәти жьнәби нә."

⁴ Ле һәгәр зар’ йан нәвийед жьнәбике һәбьн, бьра әw зар’ пешийе мала хwәда һин бьн чаwа хwәденасийа хwә бьдьнә к’ьфше у бь ви тьһәри дәйне де у баве хwә вәгәр’иньн, чьмки әв йәк ль Хwәде хwәш те."

⁵ Жьнәбийа ә’дәти әw ә, йа кӧ т’әне майә у гӧмана хwә данийә сәр Хwәде, шәв у р’ожед хwә бь дӧа у р’әща дәрбаз дькә."

⁶ Ле йа кӧ к’ефа дьле хwәр’а йә, мьрийа нәч’ә’лкьри йә."

⁷ Ван тьшта т’әми кә, wәки беләк’ә бьн."

⁸ Ле һәгәр мәрьвәк бона хwәхатийа хwә, илаһи бона мала хwә хәм накә, әwи баwәри инк’ар ф кьрийә у жь нәбаwәра жи хьрабтьр ә."

⁹ Бьра наве wе дәфт’әра жьнәбийада бе ньвисаре, к’ижан жь шест сали кемтьр нинә, щарәке жи меркьри буйә,"

¹⁰ бь кьрьнед qәнщва жи бәрбьч’ә’в ә: Мәсәлә, зар’ мәзьн кьрьбьн, меван qәбул кьрьбьн, ньгед баwәрмәнда шуштьбьн, дәст авитьбә к’әтийа у бона һәр шьхӧле qәнщ жи һазьр сәкьни йә."

¹¹ Ле жьнәбийед щаһьл qәбул нәкә, чьмки гава әвана тәме хwә хьраб дькьн, бәре хwә жь Мәсиһ дьгӧһезьн, дьхwазьн мер кьн"

¹² у бь ви аwайи әви сущи һьлтиньнә сәр хwә, чьмки созе бәре данә алики. "

¹³ Сәрда жи мал бь мал дьгәр’ьн, хwәр’анәдити һин дьбьн, нә т’әне хwәр’анәдити нә, ӧса жи гьлигәр’о, т’әви шьхӧле хәлqе дьбьн у тьштед нәщайиз хәбәр дьдьн."

¹⁴ Аwа әз дьхwазьм кӧ жьнәбийед щаһьл мер кьн, зар’а биньн у малкьр бьн, wәки зьмен нәкьнә дәве нәйара."

¹⁵ Чьмки иди һьнәк жьнәбийед щаһьл хальфин ф, пәй мирещьн чун."

¹⁶ Һәгәр жьнәбийед баwәрмәндәке һәбьн, бьра әw алик’арийа wан бькә у щьвине баргьран нәкә, wәки щьвин бькарьбә алик’арийа жьнәбийед ә’дәти бькә."

¹⁷ Әw бәрпьрсийаред кӧ сәрwертийе р’ьнд дькьн, бьра дӧбарә һежайи qәдьр бьн, илаһи әwед кӧ хәбәрдан у һинкьрьнеда дьхәбьтьн."

¹⁸ Чьмки ньвисар дьбежә: «Дәве гайе бедәреда дьхәбьтә гьренәдә» у «П’алә һежайи һәqе хwә йә» ."

¹⁹ Хәйба һьндава бәрпьрсийарда баwәр нәкә, һәгәр дӧ йан се шә’дә т’ӧнәбьн ."

²⁰ Бәрпьрсийаред кӧ нава гӧнада дьминьн, ль бәр һ’әмуйа ле һьле ф, wәки йед майин жи бьтьрсьн."

²¹ Әз ль бәр Хwәде, Мәсиһ Иса у мьлйак’әтед бьжарти дькьмә дәйне стуйе тә, кӧ тӧ ван ширәта бе т’агери ф хwәй ки, тьштәки бь фьрqийе нәки."

²² Дәсте хwә зу данәйнә сәр йәки бона хьзмәтк’арийа Хӧдан, нә жи т’әви гӧнед йед майин би. Хwә паqьж хwәй кә ."

²³ Жь вьр шунда т’әне аве вәнәхwә, ле һьнәки жи шәраве т’әв кә, бона щийе мәһ’андьна хwарьне, кӧ зу-зу нәхwәш дьк’әви."

²⁴ Һьнәк һәнә, кӧ гӧнед wан к’ьфш ьн у р’аст wан дьбьнә бәр диwане, ле гӧнед һьнәка жи паше wе к’ьфш бьн."

²⁵ Ӧса жи кьрьнед qәнщ к’ьфш ьн у әw кьрьнед кӧ нә к’ьфш ьн, әw жи вәшарти наминьн."

6

¹ Әwед кӧ бьн нире хӧламтийеда нә, бьра ахайед хwә һ’әсаб кьн чаwа һежайи qәдьре бьльнд, wәки наве Хwәде у һинкьрьна мә нәйе беһӧрмәткьрьне."

² Ахайед к’ейә баwәрмәнд һәнә, бьра wан беһӧрмәт нәкьн, чьмки әw бьрайед һәв ьн. Ле бьра хӧлам һе р’ьнд хӧламтийе бькьн, чьмки йед кӧ к’аре жь хьзмәтк’арийа хӧлама дьстиньн, баwәрмәнд ьн у дәлал ьн."

³ Һәгәр йәк тьштәки дьн һин бькә у готьнед Хӧдане мә Иса Мәсиһә сахләм у һинкьрьна хwәдеп’арьстийа мә нә qайл ә,"

⁴ әw йәки к’ӧбар ә у тьштәки ньзанә. Әw нәхwәшийа шәр’ у дә’wава гьрти йә, жь wе жи пешда тен: Һ’әвсуди, нәйарти, готьнед нәр’еда, шькед хьраб"

⁵ у шәр’уди. Әв һ’әму тьшт жь нава мәрьвед qафсәqәт у жь р’астийе шуна р’әшва чуйи пешда тен. Әвана хwәденасийе һ’әсаб дькьн, чаwа канийа к’аре."

⁶ Бәле хwәденаси к’ара сәр к’аре йә, һәгәр бь р’азибуне бә."

⁷ Мә т’ӧ тьшт нәанийә дьне у әме нькарьбьн т’ӧ тьшти жи бьбьн ."

⁸ Ле к’ьнщ у хӧрәке мә һәбьн, бь wан әм р’ази бьн ."

⁹ Ле әwед кӧ дьхwазьн дәwләти бьн, тенә щер’ьбандьне, дьк’әвьнә т’әләка у гәләк тәмед ахмах у зийанк’ар, к’ижан мерьв нӧqи мират’ийе у wеранбуне дькьн ."

¹⁰ Чьмки п’әрәһ’ьзи каникә һәр щур’ә хьрабийе йә. Һьнәка хwә данә wе, жь баwәрийе хальфин у хwә кьрьнә хwәйе кӧл у дәрда."

¹¹ Ле тӧ, мәрьве Хwәде жь ван тьшта бьр’әвә у пәй һәqийе, хwәденасийе, баwәрийе, һ’ьзкьрьне, сәбьре у мьлуктийе һәр’ә."

¹² Ләща баwәрийеда qәнщ бьр’әвә, жийина һ’әта-һ’әтайе qазьнщ кә, к’ижанер’а тӧ һати газикьрьне у ль бәр гәләк шә’да тә әw иqрара ф qәнщ иqрар кьр."

¹³ Ль бәр Хwәдейе кӧ ә’мьр дьдә һ’әму ә’фьрина у ль бәр Мәсиһ Исайе кӧ ль бәр Пилатойе ф Понтийо шә’дәтийа иqрара qәнщ да, әз т’әмийе дьдьм тә ,"

¹⁴ кӧ тӧ ве т’әмийе беләк’ә у беqӧсур хwәй ки, һ’әта хӧйабуна Хӧдане мә Иса Мәсиһ."

¹⁵ Хӧйабуна Wи wе wәхте хwәда жь алийе Йе һежайи шькьрийе у Т’әнейи qәwат, П’адшайе п’адшайа у Хӧдане хӧданада ә’йан бә."

¹⁶ Т’әне Әwи нәмьри йә, нава р’онайийеда йә, кӧ т’ӧ кәс нькарә незик бе. Т’ӧ qул-бәнда Әw нәдитийә у нә жи дькарә бьбинә. Qәдьр у qӧдрәта һ’әта-һ’әтайе Wир’а бә! Амин ."

¹⁷ Т’әмийе бьдә дәwләтийед ве дьне, бьра бабах нәбьн у гӧмана хwә нәдьнә сәр һәбука ф п’уч’ә дәрәw, ле ль сәр Хwәдейе кӧ һәр тьшти бь мәр’дани дьдә мә, wәки әм мьраз пе бькьн ."

¹⁸ Бьра qәнщийа бькьн, бь кьрьнед qәнщ дәwләти бьн, мәр’д бьн у п’арәвәкьрьнер’а жи һазьр."

¹⁹ Бь ви тьһәри әwе хwәр’а хьзнәке т’оп кьн, һ’имәки qәнщ бона ахрәте, wәки wе жийина кӧ р’асти жийин ә qазьнщ кьн."

²⁰ Тимот’ейо! Чь кӧ ль тә һатә спартьне хwәй кә. Жь готьнед п’уч’ә һ’әрам у шәр’-дә’wа дур бә, кӧ бь дәрәw наве «занәбун» данә сәр."

²¹ Һьнәка хwә данә ве йәке у бь ви аwайи жь баwәрийе хальфин.

К’әрәма Хwәде wәр’а бә."