1

¹ Жь Паwлос, Силас у Тимот’ейо,

щьвина Т’есалоникийар’а, йа кӧ п’ара Баве ф мә Хwәде у Хӧдан ф Иса Мәсиһ ә:"

² Дә бьра к’әрәм ф у ә’дьлайийа Хwәде, Баве мә у Хӧдан Иса Мәсиһ ль wә бә."

³ Әм дәйндар ьн, кӧ һәр гав бона wә р’азибуне бьдьнә Хwәде хушк-бьрано у әв йәк һәq ә жи, чьмки баwәрийа ф wә р’ьнд дьгьһижә у һ’ьзкьрьна wә һьндава һәвда зедә дьбә."

⁴ Ләма әм хwәха жи нава щьвинед Хwәдеда пе wә дьфьр’ьн, бона сәбьр у баwәрийа wә, чьмки һун wан һ’әму зерандьн у тәнгасийа ф дьк’ьшиньн, йед кӧ тенә сәре wә."

⁵ Әв йәк избат дькә, кӧ диwана Хwәде р’аст ә. У бь ви аwайи һуне һежайи П’адшатийа ф Хwәде бьн, бона к’ижане жи һун wан тә’ли-тәнгийа дьбиньн."

⁶ Бәле әв ә һәqийа Хwәде: Йед тәнгасийе дьдьнә wә, Хwәде жи wе wан бьдә тәнгасийе"

⁷ у йед жь wә тәнгасийеда нә, т’әви мә бьдә һесакьрьне. Әве аһа бә, гава Хӧдан Иса т’әви мьлйак’әтед ф Хwәйә зор жь ә’зменва бь к’ура егьр хӧйа бә,"

⁸ wәки һ’әйфе жь wан һьлдә, йед кӧ нахwазьн Хwәде нас кьн у гӧр’а ф Мьзгинийа Хӧдане мә Иса накьн."

⁹ Әwе бәла хwә жь wеранбуна һ’әта-һ’әтайе бьбиньн, жь һ’ьзура Хӧдан у р’умәта qәwата Wи бенә авитьне,"

¹⁰ гава wе Р’оже Әw бе, wәки нава щьмә’та Хwәда бе пәсьндайине у һ’әму баwәрмәнд wе һ’әйр-һ’ӧжмәк’ар бьн. Һуне жи нава wанда бьн, чьмки wә баwәрийа хwә шә’дәтийа мә ани."

¹¹ Бона ве йәке әм һәр гав бона wә дӧа дькьн, кӧ Хwәдейе мә, wә һежайи wе газийе кә у һ’әму нет-мәрәмед wәйә qәнщ у кьрьнед wәйә жь баwәрийе бь qәwате бинә сери ф."

¹² Бь ви аwайи wе пәсьне наве Хӧдане мә Иса ль нава wәда бе дайине у һуне жи нава Wида бенә пәсьндайине, ль гора к’әрәма ф Хwәдейе мә у Хӧдан Иса Мәсиһ."

2

¹ Әм һиви жь wә дькьн хушк-бьрано, бона һатьна Хӧдане мә Иса Мәсиһ у т’опбуна мәйә щәм Wи ,"

² һун фькьре хwәда зу шаш нәбьн у хwә ӧнда нәкьн, нә пе п’ехәмбәртийе ф, нә пе готьне, нә жи пе нә’ма йанчийә ф мә ньвисибә: «Ва йә Р’ожа Хӧдан иди һатийә» ."

³ Бьра т’ӧ кәс wә т’ӧ тьштива нәхапинә, чьмки әw Р’ож найе, һ’әта кӧ р’абәрибун пешда нәйе у әw Мәрьве Нәһәqийейи п’ара щә’ньме ф к’ьфш нәбә."

⁴ Әwе мьqабьли һәр тьштед кӧ хwәде тенә һ’әсабе йан тенә һ’әбандьне бьсәкьнә у хwә сәр һәр тьштир’а бьгьрә, һ’әта кӧ п’арьстгәһа ф Хwәдеда жи wе р’уне у ә’лам кә, кӧ хwәха Хwәде йә ."

⁵ Гәло найе бира wә, гава әзи һе щәм wә бум, мьн әв тьштана wәр’а дьготьн?"

⁶ У һун заньн кӧ ньһа чь наһелә әw хӧйа бә, wәки әw wәхте к’ьфшкьрида хӧйа бә."

⁷ Чьмки Сӧр’а Нәһәqийе иди йа хwә дькә, ле әwе кӧ ньһа наһелә, wе нәһелә һ’әта кӧ хwәха жь наве бе һьлдане."

⁸ У паше Әwе Нәһәqийе wе к’ьфш бә, кӧ Хӧдан Исайе бь һӧлма дәве Хwә wи ӧнда кә у бь хӧйабуна шәwqа Хwәва wи к’ӧта кә ."

⁹ Һатьна Йе Нәһәqийе wе бь qәwата мирещьн ф бә, һ’әта һ’ӧнӧре wи һәбә wе нишан у к’әрәмәтед дәрәw бькә "

¹⁰ у йед кӧ ӧнда дьбьн бь һәр щур’ә нәһәqийа бьхапинә. Әwана ӧнда дьбьн, чьмки wана р’асти һ’ьз нәкьр у qәбул нәкьр кӧ хьлаз бьн."

¹¹ Ләма жи Хwәде хальфандьнәкә зор сәр wанда дьшинә, кӧ әw дәрәwийе баwәр бькьн,"

¹² wәки диwана wан һәр кәси бьбә, йед кӧ р’асти баwәр нәкьрьнә, ле к’ефа wан нәһәqийер’а һат."

¹³ Ле әм гәрәке һәр т’ьм бона wә жь Хwәде р’ази бьн, хушк-бьрайед жь алийе Хӧданда һ’ьзкьри. Чьмки Хwәде сәре-серида һун бьжартьн, wәки бь Р’ӧһ’ бенә бӧһӧрти-жьбарәкьрьне , р’астийе баwәр бькьн у хьлаз бьн."

¹⁴ Wе йәкер’а Әwи бь Мьзгинидайина мә гази wә кьр, кӧ бь ви аwайи һун р’умәта Хӧдане мә Иса Мәсиһ бьстиньн."

¹⁵ Аwа хушк-бьрано, ньг бьдьн ә’рде у wан р’аw-р’ьзьма ф qәwин бьгьрьн, йед кӧ һун һин бунә, һәгәр бь готьнед мә бә, йан бь нә’мед мә бә."

¹⁶ Дә Хӧдане мә Иса Мәсиһ Хwәха у Баве мә Хwәде, Йе кӧ әм һ’ьз кьрьн у бь к’әрәме дьлдайинәкә һ’әта-һ’әтайе у гӧманәкә qәнщ да мә,"

¹⁷ бьра дьл бьдә wә у wә нава һ’әму кьра у готьнед qәнщда бьшьдинә."

3

¹ Һәйнәсәр хушк-бьрано, бона мә дӧа бькьн, wәки хәбәра Хӧдан зу пешда һәр’ә у бе пәсьндайине, чаwа нава wәда бу."

² Дӧа бькьн, wәки әм жь мәрьвед ф нәһәq у хьраб хьлаз бьн, чьмки һәр кәс Мьзгинийеда амьн нинә."

³ Ле Хӧдан Хwәха амьн ә, wе wә бьшьдинә у жь йе Хьраб хwәй кә."

⁴ Әм бь сайа Хӧдан wәда гӧман ьн, кӧ мә чь т’әми данә wә, һун дьqәдиньн у һуне бьqәдиньн жи."

⁵ Дә бьра Хӧдан мела wә бьдә сәр һ’ьзкьрьна Хwәде у сәбьра Мәсиһ."

⁶ Әм т’әми ль wә дькьн хушк-бьрано, бь наве Хӧдане хwә Иса Мәсиһ, кӧ һун хwә жь һәр хушк-бьрайе беп’әргалә бехирәт дур бьгьрьн, йед кӧ wан р’аw-р’ьзьмед мә данә wә наqәдиньн."

⁷ Һун хwәха заньн кӧ гәрәке һун ч’ә’в бьдьнә мә, чьмки әм нава wәда беп’әргал-бехирәт нибунә,"

⁸ нә жи нане т’ӧ кәси бе һәq хwарийә, ле бь худана ә’нийа хwә шәв у р’ож дьхәбьтин, дьчәрчьрин, wәки сәр wә т’ӧ кәси нәбьнә баргьрани."

⁹ Нә кӧ изьна мә т’ӧнәбу, ле мә нәхше хwә нишани wә кьр, кӧ һун ч’ә’в бьдьнә мә."

¹⁰ Чьмки гава әм һе щәм wә бун жи, мә әв йәк wәр’а дьгот: «К’и нахwазә бьхәбьтә, бьра нәхwә жи»."

¹¹ Бәле әм дьбьһен кӧ нава wәда һьнәк беп’әргал-бехирәт дьжин, нә шьхӧлк’аре хwә нә, ле т’әви шьхӧле хәлqе дьбьн."

¹² Әм бь наве Хӧдан Иса Мәсиһ т’әми у һиви жь йед ӧса дькьн, кӧ бь мә’рифәти бьхәбьтьн у нане хwә бьхwьн."

¹³ Ле һун хушк-бьрано, жь qәнщикьрьне нәwәстьн."

¹⁴ Һәгәр йәк гӧһдарийа готьнед мәйә ве нә’меда нәкә, wи р’ач’ә’в кьн у һәвалтийе wир’а нәкьн, кӧ шәрм бькә."

¹⁵ Ле нәбә кӧ бь ч’ә’ве хьраб ль wи бьньһер’ьн, ле мина бьра ширәт кьн."

¹⁶ Дә бьра Хӧдане ә’дьлайийе хwәха, һәр гав, һәр алийива ә’дьлайийе бьдә wә. Хӧдан т’әви wә һ’әмуйа бә."

¹⁷ Әва сьлава бь дәсте мьн Паwлос ә, чаwа нишана һ’әму нә’мед мьн. Әз аһа дьньвисьм."

¹⁸ К’әрәма Хӧдане мә Иса Мәсиһ т’әви wә һ’әмуйа бә."