1

¹ Жь Паwлос, Силас у Тимот’ейо,

щьвина ф Т’есалоникийар’а, йа кӧ п’ара Бав ф Хwәде у Хӧдан ф Иса Мәсиһ ә:

Дә бьра к’әрәм ф у ә’дьлайи ль wә бә."

² Әм һәр гав бона wә һ’әмуйа р’азибуна хwә дьдьнә Хwәде, нава дӧайед хwәда т’ьме wә бир тиньн."

³ Әм кьред баwәрийа ф wә, хәбата wәйә жь һ’ьзкьрьне у сәбьра wе гӧмана wәйә сәр Хӧдане ф мә Иса Мәсиһ тиньнә бира хwә ль бәр Хwәде, Баве мә."

⁴ Әм заньн хушк-бьрано, кӧ һун Хwәдеда һ’ьзкьри у бьжарти нә,"

⁵ чьмки Мьзгинидайина мә нә кӧ т’әне бь хәбәре wәр’а һатә дайине, ле ӧса жи бь qәwате, бь Р’ӧһ’е ф Пироз у бе шькийе. Һун заньн әм бона wә нава wәда чаwа бунә."

⁶ У wә жи ч’ә’в да мә у Хӧдан, нава гәләк тәнгасийада ф хәбәр qәбул кьр, бь әшqа Р’ӧһ’е Пироз ша бун ."

⁷ Бь ви аwайи һун бона һ’әму баwәрмәндед Мәкәдонйайе у Ахайайе бунә нәхшәк."

⁸ Чьмки әw хәбәра дәрһәqа Хӧданда жь wә дәрк’әт бәла бу, нә кӧ т’әне нава Мәкәдонйайе у Ахайайеда, ле бәле бона wе баwәрийа wәйә сәр Хwәде, һәр дәра бәла буйә, ӧса кӧ иди нә һ’әwщә йә кӧ әм тьштәки сәрда зедә кьн."

⁹ Чьмки әwана бона мә дьбежьн, кӧ wә чаwа әм qәбул кьрьнә у чаwа һун жь п’ута ль Хwәде вәгәр’ийанә, кӧ хӧламтийе Хwәдейе сах у р’астр’а бькьн"

¹⁰ у жь ә’змана һивийа һатьна Кӧр’е Wи бьн, к’ижан кӧ Wи жь нава мьрийа р’акьр, Исайе кӧ мә жь хәзәба те хьлаз ф дькә."

2

¹ Һун хwәха жи заньн хушк-бьрано, кӧ әм бадиһәwа ф нәһатьнә щәм wә."

² Мә пешийе Филипйайеда щәфа к’ьшандьбу у һатьбунә р’әзилкьрьне, чаwа һун заньн, паше мә бь qәwата Хwәдейе хwә диса тӧрӧш кьр, нава wе мьqабьлийа гьранда Мьзгинийа Хwәде wәр’а бежьн ."

³ Ве һивикьрьна мәда нә тьштәки хельф һәйә, нә һ’әрами ф у нә жи фелбази."

⁴ Ле чаwа Хwәде әм лайиqи ве йәке кьрьн у Мьзгинидайин спартә ф мә, әм ӧса хәбәр дьдьн. Әм ӧса накьн кӧ ль мәрьва ф хwәш бен, ле ль Хwәде, Йе кӧ дьле мә ә’нәнә дькә."

⁵ Мә готьнед хwәда һ’ьләк’ари нәкьрьн, чаwа һун заньн, нә жи пәй тьмайа т’әркәльпаскьри к’әтьн. Хwәде шә’дә йә!"

⁶ Нә жи әм наве хwә гәр’ийан, нә нава wәда, нә нава йед майинда,"

⁷ бәле мә дькарьбу чаwа шандийед ф Мәсиһ сәр wә бьбуна баргьрани. Ле бәле әм нава wәда р’унәрм бунә, чаwа кәваник кӧ зар’ед хwәр’а дьр’ьщьфә."

⁸ Ӧса жи дьле мә сәр wә дьшәwьти, һ’әта кӧ мә дьхwәст нә кӧ т’әне Мьзгинийа Хwәде бьда wә, ле ә’мьре хwә жи, чьмки һун бьбунә дәлалийед мә."

⁹ Әw хәбат у щәфе мә те бира wә хушк-бьрано? Әм шәв у р’ож дьхәбьтин, кӧ сәр wә т’ӧ кәси нәбьнә баргьрани, гава мә Мьзгинийа Хwәде wәр’а даннасин кьр."

¹⁰ Һун хwәха шә’дә нә, ӧса жи Хwәде, кӧ әм т’әви wә баwәрмәнда чаwа һ’әлал, р’аст у беqӧсур р’абун-р’уньштьн."

¹¹ Һун п’ак заньн әм һьндава wә һәр кәсида ӧса бунә, чаwа бав һьндава зар’ед хwәда."

¹² Мә дьл дьда wә, ль бәр дьле wәда дьһатьн у лава жь wә дькьр, кӧ һун лайиqи Wи Хwәдейи бьмәшьн, Йе кӧ һун гази П’адшати у р’умәта Хwә кьрьнә."

¹³ У бона ве йәке жи әм һәр гав р’азибуне дьдьнә Хwәде: Гава wә жь мә хәбәра Хwәде бьһист, wә нә кӧ чаwа хәбәра мәрьвайе, ле чаwа хәбәра Хwәде qәбул кьр, р’аст жи ӧса йә, кӧ нава wә баwәрмәндада Йа хwә дькә."

¹⁴ Чьмки һун жи хушк-бьрано, к’әтьнә һ’але wан щьвинед Хwәдейә п’ара Мәсиһ Иса, кӧ ль Щьһустане ф нә, wә жи хут әw щәфа дәсте мьләте хwәда к’ьшандьн, чаwа wан жи дәсте wан щьһуйада ф ,"

¹⁵ йед кӧ һьн Хӧдан Иса, һьн жи п’ехәмбәр кӧштьн у әм жи зерандьн. Әвана ль Хwәде хwәш найен у мьqабьли дьне-ә’ламе нә!"

¹⁶ Вана дькьр, wәки әм нәщьһуйар’а ф хәбәр нәдьн, кӧ әw хьлаз ф бьн. Бь ве йәке һәр гав к’аса хwәйә гӧна дадьгьртьн у һәйнәсәр хәзәб анинә сәре хwә."

¹⁷ Ле әм хушк-бьрано, р’аст ә дәмәкә кьн р’у бь р’у жь һәв хәриб к’әтьн, (ле нә бь дьла), әм һе к’әтьнә дәмана дитьна р’уйе wә."

¹⁸ Мә хwәст әм бьһатана щәм wә, мьн Паwлос хwәха жи хwәст чәнд щара бем, ле мирещьн ф р’е нәда мә."

¹⁹ Бәле к’и йә гӧмана мә, йан жи шабун, йан әw к’офийа ф әм пе дьфьр’ьн, бәр Хӧдане мә Иса, wи зәмане һатьна Wида, һәгәр нә һун?"

²⁰ Р’аст һун ьн әw р’успити у шабуна мә."

3

¹ Һәйнәсәр, мә иди нькарьбу сәбьр бькьра. Әм шеwьрин, кӧ әм т’әне бьминьнә Ат’инайе "

² у Тимот’ейойе бьрайе мә, йе кӧ т’әви мә бона Хwәде , Мьзгинийа Мәсиһда дьхәбьтә, сәр wәда бьшиньн, кӧ баwәрийа wә qәwин кә у дьл бьдә wә,"

³ wәки ван тәнгасийада т’ӧ кәс жь wә нәльк’ӧмә. Чьмки һун хwәха заньн кӧ әв йәкана бона мә нә."

⁴ Бәле гава әм щәм wә бун, мә һе һьнгеда wәр’а дьгот, кӧ әме р’асти тәнгасийа бен у ӧса жи бу, чаwа һун заньн."

⁵ Бона ве йәке мьн иди сәбьр нәкьр, Тимот’ейо шанд, wәки әз һаш жь баwәрийа wә һәбьм, кӧ нәбә Щер’ьбандкьр һун щер’ьбандьбьн ф у щәфе мә дәйа һәр’ә."

⁶ Ле ньһа Тимот’ейо жь щәм wә сәр мәда вәгәр’ийа у мьзгинийа баwәри у һ’ьзкьрьна wә да мә. Wи гот, кӧ wә әм хwәш бира хwәда хwәй кьрьнә у һ’әйра мәда нә, чаwа әм жи йа wәда ."

⁷ Аwа хушк-бьрано, нава һ’әму тә’ли у тәнгийед мәда бь әшqи wе баwәрийа wә бин һатә бәр мә,"

⁸ чьмки гава һун р’ийа Хӧданда мьqәр’м дьминьн, бин жи те бәр мә."

⁹ Әм чь р’азибуне дькарьн бьдьнә Хwәде бона wә у wан һ’әму шабуна, кӧ әм бона wә ль бәр Хwәдейе хwә ша дьбьн?"

¹⁰ Әм шәв у р’ож бь дьл у щан р’әща дькьн, кӧ р’уйе wә бьбиньн у кемасийа баwәрийа wә т’ьжи кьн."

¹¹ Дә бьра Хwәде, Баве мә хwәха у Хӧдане мә Иса р’ийа мә р’аст кә, әм бенә щәм wә."

¹² Бьра Хӧдан һ’ьзкьрьна wә һьндава һәв у һ’әмуйед майинда бьгьһинә у зедә кә, чаwа йа мә жи һьндава wәда һәйә."

¹³ Дә бьра Әw дьле wә бьшьдинә, wәки һун пирозийеда ф беqӧсур бьн, ль бәр Хwәде Баве мә, wәхте һатьна Хӧдане мә Иса, һ’әму пирозед Хwәва т’әвайи."

4

¹ Һәйнәсәр хушк-бьрано, әм бь наве Хӧдан Иса һиви у р’әща жь wә дькьн, кӧ һун чаwа жь мә һин бун ӧса бьмәшьн, кӧ ль Хwәде хwәш бен, чаwа дьчьн жи у wе йәкеда һе пешда һәр’ьн."

² Чьмки һун заньн мә бь сайа Хӧдан Иса чь т’әми данә wә."

³ Хwәстьна Хwәде әw ә, кӧ һун һ’әлал бьн, жь qавийе ф дур бьн."

⁴ Бьра жь wә һәр кәс жи заньбә qальбе хwә һ’әлал у бь намуси хwәй кә ,"

⁵ нә бь хwәстьна тәме хьраб, мина п’утп’арьста ф, йед кӧ Хwәде нас накьн."

⁶ Бьра нәбә кӧ йәк wе йәкеда жь ә’сьлтийе дәре у намуса хушк-бьрар’а бьлизә. Хӧдане бона ван һ’әму тьшта һ’әйфе жь мәрьва һьлдә, чаwа мә әв йәк пешда wәр’а гот у бь мә’рифәти т’әми ль wә кьр."

⁷ Чьмки Хwәде гази мә ль һ’әрамийе нәкьрийә, ле ль һ’әлалийе."

⁸ Аwа к’и ве т’әмийа һ’әлалийе т’әхсир дькә әw мерьв т’әхсир накә, ле Хwәде, Йе кӧ Р’ӧһ’е Хwәйи Пироз жи дьдә wә."

⁹ Ле бона һ’ьзкьрьна һьндава хушк-бьрада, тьштәки мә т’ӧнә wәр’а бьньвисьн, чьмки һун хwәха жь Хwәде һин бунә, кӧ һәв һ’ьз бькьн."

¹⁰ У һун иди wе һ’ьзкьрьне һьндава һ’әму хушк-бьрайед т’әмамийа Мәкәдонйайеда дьдьнә к’ьфше. Ле әм һиви жь wә дькьн хушк-бьрано, кӧ һун wе йәкеда һе пешда һәр’ьн."

¹¹ Бькьн кӧ һун гьран-сәqьр’и бьжин у жь wә һәр кәс шьхӧле хwәва мьжул бә у бь дәсте хwә бьхәбьтә, чаwа мә т’әми ль wә кьр,"

¹² wәки п’әргалийа wә т’әви йед дәрва мә’рифәти бә у һун һ’әwще тьштәки нәбьн."

¹³ Хушк-бьрано, әм дьхwазьн кӧ һун дәрһәqа мьрийада заньбьн, wәки бәр хwә нәк’әвьн, мина әwед бе гӧман."

¹⁴ Аwа һәгәр әм баwәр дькьн, кӧ Иса мьр у жь мьрьне р’абу, ӧса жи Хwәде wе мьрийед сәр баwәрийа Иса т’әви Wи вәгәр’инә."

¹⁵ Әм ве йәке бь готьна Хӧдан wәр’а дьбежьн: Әм кӧ һ’әта һатьна Хӧдан бьжин сах бьминьн, т’ӧ щар пешийа мьрийа нак’әвьн ."

¹⁶ Хӧдане хwәха бь ә’ламәтикә фәрмани, бь дәнге сәрәкмьлйак’әт ф у лехьстьна бор’ийа Хwәде жь ә’змен бе хwаре у әw мьрийед кӧ баwәрийа хwә Мәсиһ анибун, wе пешийе жь мьрьне р’абьн,"

¹⁷ паше, әм кӧ сах манә, т’әви wан ә’wрава бенә р’аһьштьне, һәwеда р’асти Хӧдан бен у бь ви аwайи әме һ’әта-һ’әтайе т’әви Хӧдан бьн."

¹⁸ Аwа бь ван хәбәра бәр дьле һәвда wәрьн."

5

¹ Ле бона wәхт у зәмана хушк-бьрано, нә һ’әwщә йә әм тьштәки wәр’а бьньвисьн,"

² чьмки һун хwәха п’ак заньн кӧ Р’ожа ф Хӧдан wе мина дьзе шәве бе ."

³ Гава бежьн: «Дьне сәqьр’и у бехофи йә», һьнге хәзәбе ньшкева сәр wанда бе, мина еша к’ӧлфәта ф һ’әмлә у wе нькарьбьн qәт же хьлаз бьн."

⁴ Ле һун хушк-бьрано, тә’рийеда ниньн кӧ әw Р’ож мина дьзәки сәр wәда бьгьрә."

⁵ Һун һ’әму жи зар’ед р’онайийе нә у зар’ед р’оже нә. Әм нә йед шәве нә, нә жи йед тә’рийе нә."

⁶ Аwа әм хәwеда нәминьн мина йед майин, ле һ’ьшйар у сәрхwә бьн."

⁷ Чьмки әwед кӧ р’адьзен, шәве р’адьзен у әwед кӧ сәрхwәш дьбьн, шәве сәрхwәш дьбьн."

⁸ Ле әм кӧ йед р’оже нә, гәрәке сәрхwә бьн: Зьрьһ’а баwәрийе у һ’ьзкьрьне ль хwә wәргьрьн, к’ӧмзьрьһ’е гӧмана хьлазбуне жи бьдьнә сәре хwә ."

⁹ Хwәде әм бона хәзәбе к’ьфш нәкьрьнә, ле wәки хьлазбуне бьстиньн, бь дәсте Хӧдане мә Иса Мәсиһ."

¹⁰ Әw бона мә мьр, wәки әм һәгәр сах бьн йан мьри бьн, т’әви Wи бьжин."

¹¹ Бона ве йәке дьл бьдьнә һәв у алик’арийа һәвдӧ бькьн, чаwа һун дькьн жи."

¹² Әм һиви жь wә дькьн хушк-бьрано, qәдьре wан бьгьрьн, йед кӧ нава wәда дьхәбьтьн, жийина хwәденасийеда сә’витийе ль wә дькьн у wә ширәт дькьн."

¹³ Qәдьре wана бь һ’ьзкьрьне һе бьльнд бьгьрьн бона шьхӧле wан. Һәвр’а т’ьфаq ф бьн."

¹⁴ Әм һиви жь wә дькьн хушк-бьрано,

йед беп’әргалә бехирәт ширәт кьн,

дьл бьдьнә бәр тьрсонәка,

кери к’әтийа wәрьн,

һьндава һ’әмуйада сәбьра wә һәбә."

¹⁵ Һаш жь хwә һәбьн, нәбә кӧ йәк жь бәр хьрабийева хьрабийе бькә, ле һәр гав сәр нета qәнщийе бьн, һьн бона һәв, һьн жи бона һ’әмуйа.

¹⁶

Һәр т’ьм ша бьн,

¹⁷

һәр гав дӧа бькьн,

¹⁸

һәр тьштида р’азибуне бьдьн, чьмки әв ә хwәстьна Хwәде бь сайа Мәсиһ Иса бона wә.

¹⁹

Р’ӧһ’е Пироз нәтәмьриньн.

²⁰

П’ехәмбәртийа ф бер’умәт нәкьн.

²¹

Һәр тьшти бьщер’ьбиньн, тьштед qәнщ qәwин бьгьрьн.

²²

Жь һәр щур’ә хьрабийе дур к’әвьн."

²³ Дә бьра Хwәдейе кӧ ә’дьлайийе дьдә, Хwәха wә лап бӧһӧрти-жьбарә кә, т’әмамийа р’ӧһ’, ньфус у qальбе wә беqӧсур хwәй кә, һ’әта һатьна Хӧдане мә Иса Мәсиһ."

²⁴ Амьн ә Әwи кӧ гази wә дькә, wе мийасәр кә жи."

²⁵ Хушк-бьрано, бона мә жи дӧа бькьн."

²⁶ Сьлаве бьдьнә һ’әму хушк-бьра, бь р’амусана шире һ’әлал."

²⁷ Әз ль бәр Хӧдан дькьмә дәйне стуйе wә, кӧ һун ве нә’ме бәр һ’әму хушк-бьра бьхуньн."

²⁸ К’әрәма Хӧдане мә Иса Мәсиһ wәр’а бә."