1

¹ Жь Паwлосе бь ә’мьре Хwәде шандийе ф Мәсиһ Иса у жь Тимот’ейойе бьра,"

² щьмә’та Хwәдер’а, wан хушк-бьрайед амьнә йәктийа Мәсиһда кӧ Колосйайеда дьминьн:

Дә бьра к’әрәм ф у ә’дьлайийа Хwәдейе Баве ф мә ль wә бә."

³ Әм т’ьме гава бона wә дӧа дькьн, шькьрийа хwә ль Хwәдейе Баве Хӧдане ф хwә Иса Мәсиһ тиньн,"

⁴ чьмки мә бона wе баwәрийа ф wәйә сәр Мәсиһ Иса у wе һ’ьзкьрьна wәйә һьндава т’әмамийа щьмә’та Хwәдеда бьһистийә."

⁵ Әв йәк жь ве гӧмане те, йа кӧ ә’зманада wәр’а те хwәйикьрьне, бона к’ижане wә бьһистийә, гава пешда хәбәра Мьзгинийейә р’аст"

⁶ гьһиштә wә. У әw Мьзгини т’әмамийа дьнйайеда дьгьһижә у бәр дьдә, чаwа нава wәда жи жь wе р’ожеда, гава wә бьһист у к’әрәма ф Хwәде т’әмамийа р’астийа wева нас кьр."

⁷ Һун ве йәке жь һәвалхӧламе мәйи һ’ьзкьри Епафрас һин бунә, кӧ һьндава мәда бәрдәстики Мәсиһи ф амьн ә."

⁸ Әwи бона wе һ’ьзкьрьна кӧ Р’ӧһ’ дайә wә мәр’а гот."

⁹ Бона wе йәке жи жь wе р’ожеда гьрти, гава мә бона wә бьһист, мә дәст жь дӧа у һивикьрьне нәк’ьшандийә, wәки һун занәбуна ә’мьре Хwәдеда гьһишти бьн, бь һ’әму сәрwахти ф у занәбуна р’ӧһ’анива т’ьжи бьн,"

¹⁰ wәки һун бькарьбьн хwә ӧса хwәй кьн, чаwа лайиqи Хӧдан ә, һәр алийава ль Wи хwәш бен, һәр qәнщикьрьнеда хwәйибәр бьн, бь занәбуна Хwәде бьгьһижьн."

¹¹ Бьра һун анәгори т’әмамийа wе qәwата Wийә кӧ жь зорайийа Wийә хwәйир’умәт те qәwат бьн, кӧ һун һәр тьштида бь думька дьреж сәбьр бькьн. Бь әшq"

¹² шькьрийа хwә бьдьнә Баве , кӧ һун лайиqи ве йәке кьрьнә, wәки һун П’адшатийа р’онайеда т’әви щьмә’та Wи бьбьнә хwәйип’ар."

¹³ Әwи әм жь һ’ӧкӧмәтийа тә’ристанийе хьлаз ф кьрьн у щи-гӧһасти П’адшатийа Кӧр’е Хwәйи һ’ьзкьри кьрьн,"

¹⁴ пе к’ижани әм аза бун, аwа готи мә бахшандьна гӧна станд ."

¹⁵ Әw ә сурәте Хwәдейе кӧ хӧйа набә,

Әw Ньхӧрийе сәр һ’әму ә’фьринар’а .

¹⁶

Чьмки бь дәсте Wи һәр тьштед ль ә’рд у ә’змана ә’фьринә,

чь кӧ хӧйа дьбьн, чь кӧ хӧйа набьн,

һәгәр к’ӧрси йан хӧданти бьн,

һәгәр сәрwерти йан һ’ӧкӧмәти бьн,

һәр тьшт бь дәсте Wи у бона Wи ә’фьринә.

¹⁷

Әw бәри һәр тьшти һәбу

у һәр тьшт бь сайа сәре Wи щийе хwәда дьминьн.

¹⁸

Әw ә сәре Бәдәне, аwа готи сәре щьвине ф,

дәстпебуна wе у ньхӧрийе жь нава мьрийа ,

wәки һәр тьштида Әw бьбә Йе пеш.

¹⁹

Чьмки ль Хwәде хwәш һат, кӧ т’әмамийа бьнйат’а хwәдетийе нава Wида бә

²⁰

у бь Wи һәр тьшти т’әви Хwә ль һәв бинә,

һәгәр ль сәр ә’рде бә, йан жи ль ә’змана бә ,

бь wе хуна Wийә сәр хаче ф р’ьжийайи ә’дьлайийе бькә."

²¹ Һун жи кӧ wәхтәке жь дәст фькьр у кьрьнед хwәйә хьраб, хәриб у нәйаред Хwәде бун,"

²² ле ньһа Әwи бь мьрьна Мәсиһә бәдәни һун т’әви Хwә ль һәв анин, wәки wә ль бәр Хwә пироз ф, беләк’ә у бесущ бьдә сәкьнандьне."

²³ Ле т’әне гәрәке һун баwәрийеда һ’имгьрти qәwин бьминьн у жь wе гӧмана Мьзгинийе нәк’әвьн, йа кӧ wә бьһист у wан һ’әмуйар’а, йед кӧ бьн п’әр’е ә’зменда дьминьн һатә даннасинкьрьне. У әз, Паwлос бумә бәрдәстийе wе."

²⁴ Әз ньһа ван щәфайед хwәда, к’ижана кӧ бона wә дьк’ьшиньм, ша мә у wан тәнгасийед ф Мәсиһә майин бь щанийа хwә бона Бәдәна Wи, йа кӧ щьвин ф ә, т’әмам дькьм."

²⁵ Әз wе щьвинер’а бумә бәрдәсти, әв йәк алийе Хwәдеда чаwа дәйн к’әтә стуйе мьн, wәки готьна Хwәде т’әмамийе пева бьгьһиньмә wә,"

²⁶ әw сӧр’а кӧ жь дәwр у qӧр’нада вәшарти бу, ле ньһа щьмә’та Wива ә’йан бу."

²⁷ Хwәде хwәст ль бәр щьмә’та Хwә вәкә, кӧ чь дәwләмәндтикә хwәйир’умәт ве сӧр’еда бона һ’әму мьләта һәйә. У әw сӧр’ әв ә, кӧ Мәсиһ нава wәда йә, аwа готи һун гӧмана wе йәке нә, кӧ п’ара р’умәте бьн."

²⁸ Әм Wи даннасин дькьн, һәр кәси ширәт дькьн, һәр кәси бь һ’әму сәрwахтийе һин дькьн, wәки һәр кәси йәктийа Мәсиһда гьһишти ль бәр Хwәде бьдьнә сәкьнандьне."

²⁹ Бона wе йәке жи әз дьхәбьтьм у анәгори wе qәwата Wи шәр’е хwә дькьм, Йа кӧ нава мьнда бь зорайи йа Хwә дькә.

 "

2

¹ Әз дьхwазьм һун заньбьн кӧ әз чь шәр’и дькьм бона wә, йед Лаwдькйайе у һ’әмуйед кӧ р’у бь р’у әз нәдитьмә ."

² Әз аһа дькьм, wәки дьлшьдийайи бьн, һ’ьзкьрьнеда бьбьн йәк у бьгьһижьнә т’әмамийа дәwләмәндтийа фә’мдарийе. Һьнге әwе сӧр’а Хwәде нас кьн, кӧ Мәсиһ ә."

³ Әw ә к’ьлита һ’әму хьзна занәбуне у сәрwахтийа вәшарти."

⁴ Әз ве йәке дьбежьм, wәки т’ӧ кәс wә бь заре ширьн нәхальфинә ф."

⁵ Р’аст ә әз бәдәна хwәда жь wә дур ьм, ле р’ӧһ’е хwәда т’әви wә мә у әз ша мә кӧ п’әргалийа wәйә т’ьфаq ф у әw баwәрийа wәйә сәр Мәсиһ шьдийайи дьбиньм."

⁶ Аwа wә чаwа Хӧдан Мәсиһ Иса qәбул кьр, ӧса жи йәктийа Wида бьжин,"

⁷ р’аw ф авити, сәр Wи чекьри у баwәрийеда шьдийайи һ’имгьрти бьн, чаwа һун һатьнә һинкьрьне. У һәр гав бь дьле р’ази шькьрийе бьдьнә Wи."

⁸ Һаш жь хwә һәбьн, нәбә кӧ йәк бь сәрwахтийа дәрәwә п’уч’ дьле wә бькә һесир. Әw жь ә’дәтед мәрьва ф у сьхьред ф ве дьнйайе тен, нә жь Мәсиһ."

⁹ Чьмки т’әмамийа бьнйат’а Хwәдетийе нава Мәсиһе бәдәнида йә"

¹⁰ у һун жи йәктийа Wида гьһишти нә, кӧ сәре һ’әму сәрwертийа у һ’ӧкӧмәтийа йә."

¹¹ Йәктийа Wида һун бь сьнәта бе дәст жь алийе Мәсиһда дьле хwәда һатьнә сьнәткьрьне ф, жь бьнйат’а хwәйә гӧнәк’ар ф һатьнә бьр’ине."

¹² Гава һун пе аве һатьнә ньхӧмандьне ф, т’әви Wи һатьнә дәфьнкьрьне ф у бь wе ньхӧмандьне жи һун т’әви Wи жь мьрьне р’абун, чьмки wә баwәрийа хwә бь qәwата Wи Хwәдейи ани, Йе кӧ Мәсиһ жь мьрьне р’акьр ."

¹³ У һун wәхтәке бь р’ӧһ’ани нава нәһәqийа у бьнйат’а хwәйә гӧнәк’арә нәсьнәткьрида мьри бун, ле Хwәде һун т’әви Мәсиһ сах кьрьн. Әwи һ’әму нәһәqийед мә бахшандьнә мә "

¹⁴ у әw к’ахаза дәйнед мәйә кӧ бь qәйдә-qануни мьqабьли мә һатьбу ньвисаре р’әсит кьр, жь наве һьлда хачва мьх кьр ."

¹⁵ Бь wи хачи Мәсиһ ч’әкед сәрwер у һ’ӧкӧмәтед тә’ристанийе да данине, әw чаwа һесир пәй Хwә бьрьн, нава к’ома Хwәйә сәрк’әтида кьрьнә сосрәт."

¹⁶ Аwа гӧһ нәдьнә т’ӧ кәси, йед кӧ бона пьрса хwарьн, вәхwарьне йан жи бона пьрса щәжьна у щәжьнед һива ну ӧса жи р’ожед шәмийа, wә ломәк’ар ф дькьн ."

¹⁷ Әв һ’әму сийа wан тьшта нә, йед кӧ wе бен, ле р’асти Мәсиһ ә."

¹⁸ Нәбә кӧ йәк дәсте wә жь ләщхәлате бькә, йе кӧ бь хwәньмьзкьрьна һ’ьләк’ари, мьлйак’әт ф-һ’әбандьне у бь гиробуна дитьнед бәр ч’ә’ва мьжул ә. Йед ӧса бь фькьред п’уч’ә мәрьвайи п’ьшька хwәда дьwәрьмьн"

¹⁹ у хwә иди ль Сери нагьрьн, кӧ Мәсиһ ә. Бь Wи т’әмамийа бәдәне бь п’әвгьрек у севькава һәвва гьредайи те хwәйикьрьне у бь гиһандьна Хwәде дьгьһижә, ль гора хwәстьна Wи ."

²⁰ Аwа һәгәр һун т’әви Мәсиһ мьрьнә у жь сьхьред ве дьнйайе аза бунә, иди һун чьма мина бәре пәй ә’рф-ә’дәтед ве дьнйайе дьчьн? Һун чьма гӧһ дьдьнә т’әмийед аһа? Мәсәлә:"

²¹ «Незик нәбә, тә’м нәкә, ле нәк’әвә»."

²² Әв һ’әму мьжули жи wе п’уч’ бьн һәр’ьн, әвана жь т’әми у һинкьрьнед мәрьва нә."

²³ Фә’мдари йә кӧ әв ә’рф-ә’дәт чаwа сәрwахти хӧйа дьбьн, гава дькьнә стуйе хwә кӧ мьлйак’әта бьһ’әбиньн, хwә ньмьз кьн у бәдәна хwә бьдьнә щәфе, ле әв һ’әму мьqабьли бьнйат’а гӧнәк’ар т’ӧ тьшти накьн."

3

¹ Аwа кӧ һун т’әви Мәсиһ жь мьрьне р’абунә, кӧ ӧса йә ль тьштед жорьн бьгәр’ьн, wе дәра к’ӧ Мәсиһ ль мьле Хwәдейи р’асте р’уньшти йә ."

² Сәр тьштед жорьн бьфькьрьн, нә кӧ сәр тьштед ве дьнйайе."

³ Чьмки һун мьрьнә у ә’мьре wә т’әви Мәсиһ щәм Хwәде вәшарти йә."

⁴ Гава Мәсиһ, кӧ ә’мьре wә йә хӧйа бә, һуне жи һьнге т’әви Wи бь р’умәта Wи хӧйа бьн."

⁵ Аwа хwәстьнед дьле хwәйә ве дьне бькӧжьн: Бенамусийе, һ’әрамийе ф, тәме хьраб, дьлһавьжийа хьраб у тьмайе, кӧ п’утп’арьсти ф йә."

⁶ Әв ьн сәбәб кӧ хәзәба Хwәде wе сәр wан мәрьвед кӧ нә гӧр’а ф Wида нә бе."

⁷ Wә жи wәхтәке әw тьшт дькьрьн, гава wә нава wан кьред хьрабда дьжит."

⁸ Ле ньһа һун ван һ’әмуйа жь хwә дур хьн: Һерсе, бәрзәqийе ф, хьрабийе, тьштед нәбуйи у хәбәред нәщайиз жь дәве хwә."

⁹ Һәвдӧр’а дәрәwа нәкьн, чьмки wә мәрьве кәвьн кьред wива жь сәр хwә ехьстийә "

¹⁰ у әwи ну ль хwә кьрийә. Әw мәрьве ну р’ож бь р’ож анәгори сурәте Ә’фьрандаре хwә те нукьрьне, wәки Хwәде т’ам нас кә ."

¹¹ Иди фьрqи нә нава щьһу ф у нәщьһуйада ф һәйә, нә нава сьнәткьри у нәсьнәткьрийада, нә барбар у бәйанийада у нә жи хӧлам у азайада, ле сәри Мәсиһ ә у Мәсиһ ә нава һәр баwәрмәндида."

¹² Аwа чаwа щьмә’та Хwәдейә бьжартийә пироз у һ’ьзкьри, дьлшәwатийе, qәнщийе, мьлуктийе, бәрбьһерийе у сәбьре ль хwә wәргьрьн ."

¹³ Ль һәв сәбьр кьн у ль һәв бьбахшиньн, һәгәр газьне йәки ль һьндава йәкида һәбә. Чаwа Хӧдан бахшандә wә, һун жи ӧса бьбахшиньнә һәв ."

¹⁴ У сәр ван һ’әмуйада һ’ьзкьрьне ль хwә кьн, йа кӧ ван һ’әмуйа бь йәктийа т’ам һәвва гьредьдә."

¹⁵ Бьра ә’дьлайийа Мәсиһ сәрwертийе нет-фькьред wә бькә. Бона wе ә’дьлайийе һун һатьнә газикьрьне, кӧ бьбьнә мина бәдәнәке. У шекьрдар бьн."

¹⁶ Бьра хәбәра Мәсиһ бь дәwләмәндтийа хwәва нава wәда бьминә. Бь һ’әму сәрwахтийе ль һәв һин кьн у ширәт кьн, зәбура ф у һәр щур’ә стьранед р’ӧһ’ани бь шькьрдари дьле хwәда бона Хwәде бьстьрен ."

¹⁷ У чь жи кӧ һун бь хәбәра йан кьра бькьн, һәр тьшти бь сайа наве Хӧдан Иса бькьн, бь дәсте Wи шькьрийе бьдьнә Бав Хwәде."

¹⁸ К’ӧлфәтно, гӧр’а меред хwәда бьн, чаwа кӧ ль йәктийа Хӧдан дьк’әвә ."

¹⁹ Мерно, к’ӧлфәтед ф хwә һ’ьз бькьн, дьле wан нәешиньн ."

²⁰ Зар’но, һәр тьштида гӧр’а де у баве хwәда бьн, чьмки әw йәк ль Хӧдан хwәш те ."

²¹ Бавно, һерса зар’ед хwә р’анәкьн, wәки әw бәр хwә нәк’әвьн ."

²² Хӧламно, һәр тьштида гӧр’а хwәйийед хwәйә ве дьнеда бьн, нә кӧ бь һ’ьләк’арийе хwә бькьнә дьле мәрьва кӧ бенә к’ьфше, ле бь дьле сах у хофа Хӧдан хӧламтийе бькьн ."

²³ У чь жи бькьн, бь дьл у щан бькьн, чаwа бона Хӧдан, нә кӧ бона мәрьва."

²⁴ Заньбьн кӧ һуне жь Хӧдан бенә хәлаткьрьне, wаре жорьн бьстиньн. Чьмки Хӧдан Мәсиһр’а һун хӧламтийе дькьн."

²⁵ Ле йе нәһәq wе wәкә нәһәqийа хwә бьстинә, чьмки ль щәм Хwәде т’ӧ фьрqи т’ӧнә ."

4

¹ Хwәйино, хӧламед хwәр’а һәqийе у р’астийе бькьн. Бьзаньбьн кӧ Хwәйе wә жи ль ә’змен һәйә ."

² Һәр гав хwә бьдьнә дӧа, дӧакьрьнеда һ’ьшйар бьминьн, шькьрийа хwә ль Хwәде биньн."

³ Бона мә жи дӧа бькьн, wәки Хwәде дәри бона хәбәрдане ль бәр мә вәкә, кӧ әм сӧр’а Мәсиһ ә’лам кьн, бона к’ижане жи әз ван qәйдада мә."

⁴ Дӧа бькьн, кӧ әз wе ӧса зәлал бьдьмә ә’йанкьрьне, чаwа борще мьн әw гәрәке бе готьне."

⁵ Һьндава нәбаwәрада сәрwахт бьн у дәст бьдьнә бәр wәхт ."

⁶ Бьра хәбәрдана wә т’ьме мә’рифәти у хwекьри бә у бьзаньбьн кӧ чаwа щайиз ә щаба һәр кәси бьдьн."

⁷ Бона мьн Тьхико wе һәр тьшти wәр’а бежә. Әw бьраки дәлал ә, бәрдәстики амьн у һәвал-хӧламәки йәктийа Хӧданда йә."

⁸ Әз бона wе йәке wи сәр wәда дьшиньм, wәки һун һаш жь мә һәбьн у әw бь ве йәке дьл бьдә wә."

⁹ Әз wи т’әви бьрайе мәйи амьни дәлал Онисимо дьшиньм, кӧ әw жь wә йә жи. Әwана wәр’а wе бона һәр тьштед кӧ ль вьр дьqәwьмьн бежьн ."

¹⁰ Әристархойе һәвале мьни кәледа ль wә сьлав дькә, ӧса жи Марqосе пьсмаме Барнабас ф. (Бона wи wә т’әми стандийә. Гава бе щәм wә, wи qәбул кьн.)"

¹¹ У Исайе кӧ жер’а Йусто жи дьбежьн ль wә сьлав дькә. Әвана т’әне жь алийе баwәрмәндед щьһуйада ф бона П’адшатийа ф Хwәде т’әви шьхӧле мьн ьн у бина мьн бь wан дәрк’әтийә."

¹² Сьлаве Епафрасе хӧламе Мәсиһ Иса жи ль wә һәнә, кӧ әw йәк жь wә йә. Әw һәр гав бь дьл у щан бона wә дӧа дькә, wәки һун гьһишти мьqәр’м сәкьни бьн, т’әмамийа ә’мьре Хwәдеда баwәр бьн."

¹³ Әз шә’дә мә, кӧ әw гәләки бона wә, ӧса жи бона йед Лаwдькйайе у Һираполиседа хирәт дькә."

¹⁴ Луqайе дохторе дәлал ль wә сьлав дькә, ӧса жи Димас."

¹⁵ Сьлаве бьдьнә хушк-бьрайед Лаwдькйайе , Нимфаса хушк у щьвина мала wеда ."

¹⁶ Гава әва нә’ма нава wәда бе хwәндьне, ӧса бькьн кӧ щьвина Лаwдькйайеда жи бе хwәндьне у нә’ма лаwдькийар’а шанди жи һун бьхуньн."

¹⁷ У бежьнә Архипо: «Бона wи qӧльхе кӧ тә жь Хӧдан стандийә, мьqати хwә би, кӧ бини сери ф» ."

¹⁸ Әва сьлава мьн Паwлос ә, мьн бь дәсте хwә ньвиси. Qәйдед мьн бир нәкьн!

К’әрәма Хwәде wәр’а бә."