1

¹ Жь Паwлос у Тимот’ейойе хӧламед Мәсиһ Иса,

т’әмамийа щьмә’та Хwәдер’а, йед кӧ п’ара Мәсиһ Иса нә у ль алийед Филипйайе дьминьн, т’әвайийа бәрпьрсийар у бәрдәстийед щьвинева ф:"

² Дә бьра к’әрәм ф у ә’дьлайийа Хwәдейе Баве ф мә у Хӧдан ф Иса Мәсиһ ль wә бә."

³ Әз шькьрийа хwә Хwәдейе хwә тиньм гава һәр гав wә бир тиньм,"

⁴ т’ьме нава һ’әму дӧайед хwәда, бона wә һ’әмуйа бь дьле ша дӧа дькьм,"

⁵ чьмки һун р’ожа пешьнда һ’әта иро т’әви шьхӧле Мьзгинидайине бунә."

⁶ У әз ве йәкеда гӧман ьм, Әwе кӧ дьле wәда дәст бь шьхӧле Хwәйи qәнщ кьрийә, wе һ’әта Р’ожа һатьна Мәсиһ Иса жи бьгьһинә сери."

⁷ Һун дьле мьнда нә у һәq ә жи кӧ әз бона wә һ’әмуйа аһа бьфькьрьм. Чьмки һун һ’әму жи т’әви wе к’әрәме ф бунә, йа кӧ жь Хwәдеда мьнр’а һатийә дайине, чаwа әз ньһа qәйдада мә, ӧса жи бона Мьзгинийе сәкьни бум у мьн әw дьда маккьрьне."

⁸ Хwәде шә’де мьн ә, кӧ әз бь һ’ӧба Мәсиһ Иса чьqаси һ’әйра wә һ’әмуйада мә."

⁹ У әз ве дӧайе дькьм, кӧ һ’ьзкьрьна wә һе-һе бь занәбун у сәрwахтийа ф гьһиштива зедә бә,"

¹⁰ wәки к’ижан һәрә qәнщ ә, һун wе бьбьжерьн. Һьнге һуне Р’ожа һатьна Мәсиһда ширһ’әлал у беләк’ә бьн"

¹¹ у бь сайа Иса Мәсиһ бь бәред һәqийева т’ьжибуйи бьн, бона р’умәт у пәсьне Хwәде."

¹² Әз дьхwазьм кӧ һун бьзаньбьн хушк-бьрано, wәки чь кӧ һатә сәре мьн, әwе һе к’ар да пешдачуйина Мьзгинийе."

¹³ Аwа т’әвайийа к’ома к’оч’ьксәрева, ӧса жи һ’әмуйед майинва ә’йан ә кӧ әз бона наве Мәсиһ нава ван qәйдада мә."

¹⁴ У дьле п’ьр’анийа баwәрмәнда жи бь ван qәйдед мьн йәктийа Хӧданда шьдийан, кӧ һе бь мерк’ими хәбәра Хwәде бе хоф у тьрс бежьн."

¹⁵ Р’аст ә һьнәк жь һ’әвсудийе у мьхәнәтийе Мәсиһ даннасин дькьн, ле һьнәк жи жь нета qәнщийе."

¹⁶ Әвана жь һ’ьзкьрьне даннасин дькьн, чьмки әw заньн кӧ әз сәр ви qӧльхи ф һатьмә данине, кӧ пьштгьрийе Мьзгинийе бькьм."

¹⁷ Ле йед майин бона һәвр’ьк’ийе Мәсиһ даннасин дькьн, нә бь дьле р’аст. Әw дьфькьрьн, кӧ тәнгасийе ф сәр qәйдед мьнда зедә кьн."

¹⁸ Ле фьрqи т’ӧнә! Чаwа жи бьбә, һәгәр әwана бь qәлпийе йан бь р’астийе Мәсиһ даннасин дькьн, әз бь ве йәке ша мә. Бәле әзе ша бьм жи,"

¹⁹ чьмки әз заньм кӧ әв йәк wе ахьрийе ль бәр азабуна мьн к’әвә, бь дӧайед wә у алик’арийа Р’ӧһ’е Иса Мәсиһ."

²⁰ Әз гӧман у ч’ә’вньһер’ийа ве йәке мә, кӧ т’ӧ тьштива әзе шәрми нәминьм, ле бәле һе мерк’ими бьм, чаwа һәр гав ӧса жи ньһа пәсьне Мәсиһ бь qальбе мьн бе дайине, һәгәр бь мьрьна мьн бә, йан жи бь жийина мьн бә."

²¹ Чьмки бона мьн жийин Мәсиһ ә у мьрьн жи к’ар ә."

²² Һәгәр жийина ви qальбида һе к’аре дьдә шьхӧле мьн, әз ньзаньм к’ижани бьбьжерьм."

²³ К’әтьмә нава дӧ кәвьра: Әз һ’ьзрәт ьм кӧ жь ви qальби дәрем, һәр’ьмә щәм Мәсиһ, мьнр’а әва һе гәләки qәнщ ә,"

²⁴ ле майина мьнә ви qальбида һе бона к’ара wә йә."

²⁵ Әз ве йәке кӧ бе шьк баwәр дькьм, ләма жи заньм кӧ әзе бьминьм, т’әви wә һ’әмуйа бьм, wәки һун һе пешда һәр’ьн у баwәрийеда ф ша бьн."

²⁶ Аwа гава әз диса бемә щәм wә, һун пе мьн бь сайа Мәсиһ Иса һе фьр’наq бьн."

²⁷ Ле т’әне чаwа лайиqи Мьзгинийа Мәсиһ ә, һун хwә ӧса хwәй кьн, кӧ һәгәр сәр wәда бем у wә бьбиньм йан дурва бьбьһем бьзаньбьм кӧ wә бь р’ӧһ’ у дьләки пьшт дайә пьшта һәв, бона шәр’к’арийа баwәрийа Мьзгинийе сәкьни нә."

²⁸ Т’ӧ алийава жь пәйк’әтийед хwә вәнәк’ьшьн. Әв йәк нишанәкә ӧндабуна wан у хьлазбуна ф wә йә у әв жи жь Хwәде йә."

²⁹ Әва к’әрәма Хwәде бона хатьре Мәсиһ дайә wә, wәки нә кӧ т’әне һун баwәрийа хwә Wи биньн, ле бона Wи щәфе жи бьк’ьшиньн."

³⁰ Ньһа жи һун нава wи шәр’ида нә, к’ижан кӧ wә сәр мьн дит у ньһа бона мьн дьбьһен ."

2

¹ Аwа һәгәр т’әвбуна wәйә т’әви Мәсиһ бина бәр wә йә, һәгәр һ’ьзкьрьна Wи дьл дьдә бәр wә, һәгәр Р’ӧһ’е ф Пироз wә дькә йәк , һәгәр дьлшәwати у р’ә’ма wә һәйә,"

² әшqа дьле мьн бь т’ьфаqа ф хwә һун бьгьһиньнә сери: Бьра әw һ’ьзкьрьна нава wәда бә у сәр нет у фькьрәке бьн."

³ Тьштәки бь һәвр’ьк’ийе нәкьн у ль наве хwә нәгәр’ьн, ле жь wә һәр йәк бь мьлуктийе һәвале хwә сәр хwәр’а бьгьрә."

⁴ Т’әне ль к’ара хwә нәгәр’ьн, ле бьра һәр кәс ль к’ара һәвале хwә жи бьгәр’ә."

⁵ Мәсиһ Иса сәр чь нет-фькьре бу, жь wә һәр кәс жи ӧса бьфькьрә: "

⁶

Әw кӧ бьнйат’а Хwәда Хwәде бу,

пәй wе йәке нәк’әт, кӧ бьма wәкә Хwәде,

⁷

ле Хwәха Хwә шкенанд,

к’әтә бьнйат’а хӧламәки

у бу мина мәрьва ф,

к’әтә дьлqе инсен.

⁸

Әwи Хwә ньмьз кьр,

һ’әта мьрьнер’а жи qайл бу,

әw жи мьрьна сәр хаче ф.

⁹

Бона ве йәке Хwәде Әw һе бьльнд кьр

у навәки ӧса п’ешк’еши ф Wи кьр,

кӧ жь һ’әму нава бьльндтьр ә,

¹⁰

wәки һәр чок ль бәр наве Иса бьтәwә,

һәгәр ль ә’змен бә,

һәгәр сәр дьне бә,

һәгәр ль дийаре ф мьрийа бә

¹¹

у һәр зар-зьман иqрар ф кә,

кӧ Иса Мәсиһ Хӧдан ә,

бона р’умәта Бав Хwәде ."

¹² Аwа дәлалийед мьнно, чаwа әз нава wәда бум һун т’ьме гӧһдар бун, ньһа һе гәләки гӧһдар бьн, гава нә нава wәда мә. Бона хьлазбуна хwә бь хоф у тьрс бьхәбьтьн, кӧ wе йәке бьгьһиньнә сери,"

¹³ чьмки Хwәде Хwәха ве йәке дькә дьле wә, кӧ һун дьхwазьн у дькьн, чаwа ль Wи хwәш те."

¹⁴ Һәр тьшти бе бинтәнги у бе шәр’ у дә’w бькьн,"

¹⁵ wәки һун нава ви ньсьле ф нәһәq у хальфида ф беләк’ә у беqӧсур, зар’ед Хwәдейә бесущ бьн. Нава ванда шәwq бьдьн мина р’онайед ә’змана ,"

¹⁶ чаwа йед хәбәра жийине һьлгьрти. Әзе һьнге Р’ожа һатьна Мәсиһ р’успи бьм, кӧ бадиһәwа ф нәбәзимә у бадиһәwа нәхәбьтимә."

¹⁷ Бәле һәгәр щи бе кӧ хуна мьн сәр wе баwәрийа wәда бе р’етьне, йа кӧ хьзмәтк’арийа wәда чаwа qӧрбан ф Хwәдер’а те дайине, әзе ша бьм у т’әви әшqа wә бьм."

¹⁸ Ӧса жи һун ша бьн, т’әви әшqа мьн бьн."

¹⁹ Гӧмана мьн сәр Иса Хӧдан һәйә, кӧ әзе зутьрәке Тимот’ейо сәр wәда бьшиньм, кӧ дьле мьн р’ьһ’әт бә, гава әз һ’але wә пе бьһ’әсьм."

²⁰ Әз дьле хwәр’а йәки мина wи набиньм, кӧ бона һ’але wә мина пешәwьтики хәм бьхwә."

²¹ Чьмки йед майин һәр кәс ль пәй к’ара хwә к’әтийә, нә кӧ йа Иса Мәсиһ."

²² Ле һун хwәха заньн кӧ әw йәки чаwайи щер’ьбанди ф йә у хwәха т’әви мьн Мьзгинидайинер’а ӧса хьзмәти кьр, чаwа кӧр’ бавер’а."

²³ Аwа нета мьн һәйә, кӧ әз әwи зу бьшиньмә щәм wә, гава әз һаш жь һ’ал-һ’әwале хwә һәбьм."

²⁴ У әз Хӧданда гӧман ьм, кӧ әзе хwәха жи зутьрәке сәр wәда бем."

²⁵ Ле мьн ӧса р’е тер’а дит, wәки әз wи бьрайе мә Епафродито бьшиньмә щәм wә, йе кӧ т’әви мьн хәбьти у шәр’е хwә кьр, к’ижан wә шандьбу кӧ к’омәк бьда мьн."

²⁶ Әwи жи гәләки бира wә кьрийә у бәр хwә дьк’әвә, wәки wә бона нәхwәшийа wи бьһистийә."

²⁷ Р’асти жи әw нәхwәш к’әт, чу бәр дәре мьрьне. Ле Хwәде ль wи һатә р’ә’ме, нә кӧ т’әне ль wи, ле ӧса жи ль мьн, wәки сәр к’әдәре к’әдәр сәр мьнда нәйе."

²⁸ Бона ве йәке әз wи бь дьл дьшиньм, wәки һун wи бьбиньн, диса ша бьн у әз бәр хwә нәк’әвьм."

²⁹ Аwа бона хатьре наве Хӧдан әwи бь т’әмамийа әшqа дьле хwә qәбул кьн. Qәдьре йед мина wи гьран бьгьрьн,"

³⁰ чьмки әw бона шьхӧле Мәсиһ һ’әта бәр дәре мьрьне жи чу у дәсте хwә жь ә’мьре хwә жи к’ьшанд, wәки дәwса wе хьзмәтк’арийа кӧ wәйе мьнр’а бькьра әwи хwәха бькьра."

3

¹ Һәйнәсәр хушк-бьрайед мьн, бь Хӧдан ша бьн! Әз ащьз набьм кӧ диса wан тьшта wәр’а дьньвисьм, ле әw бона бехофийа wә йә."

² Һ’әвза хwә жь «сә-куч’ька» бькьн, һ’әвза хwә жь п’алед хьраб бькьн, һ’әвза хwә жь wан бькьн, йед кӧ qальб дьбьр’ьн, сьнәт ф дькьн."

³ Чьмки сьнәтийа р’аст йа мә йә, кӧ бь Р’ӧһ’е Хwәде әм дьһ’әбиньн у бь Мәсиһ Иса дьфьр’ьн. Гӧмана мә нә сәр нав-нишанед qальб ә,"

⁴ ле р’аст бежьм әз дькарьм гӧмана хwә бьдьмә сәр wан нав-нишанед qальб. Һәгәр йәк дьфькьрә, кӧ гӧмана wи сәр qальб һәйә, йа мьн һе зедә һәйә."

⁵ Р’ожа һ’әйшта сьнәт бумә, жь р’ьк’ьнйата Исраел ф ьм, жь qәбила Бьнйамин ф, ибрани ф мә у кӧр’е ибранийа, алийе Qанунеда ферьси ф ,"

⁶ мьн к’әрби хирәте щьвина Хwәде дьзеранд, һьндава wе р’астбуна кӧ жь Qануне те әз беләк’ә бум ."

⁷ Ле чь кӧ к’ара мьн бу, мьн бона Мәсиһ зийан һ’әсаб кьрийә."

⁸ У сәрда жи әз һәр тьшти зийан һ’әсаб дькьм у һьмбәри ве йәке накьм, кӧ Хӧдане хwә Мәсиһ Иса нас бькьм, кӧ к’ара сәр к’ара йә! Бона хатьре Wи әз жь һәр тьшти qәтийам у чаwа гәмар һ’әсаб дькьм, wәки Мәсиһ qазьнщ кьм"

⁹ у т’әви Wи бьбьмә йәк. Иди әв р’астийа ф мьн, нә кӧ жь qанунqәдандьна мьн те, ле жь Хwәде йә, йа кӧ һ’име wе жь баwәрийа сәр Мәсиһ ә."

¹⁰ Әз дьхwазьм Wи у qәwата р’абуна Wийә жь мьрьне нас кьм у т’әви щәфайед Wи бьм, бьк’әвьмә һ’але мьрьна Wи,"

¹¹ кӧ бь аwайики бькарьбьм бьгьһижьмә р’абуна мьрийа."

¹² Әз набежьм кӧ әз иди гьһиштьмә мәрәме хwә йан жи иди к’амьл бумә, ле әз пәй к’әтьмә, кӧ wе хәлате qазьнщ кьм, бона к’ижане Мәсиһ Иса әз qазьнщ кьрьмә."

¹³ Хушк-бьрано, әз хwә һ’әсаб накьм, кӧ мьн әw йәк qазьнщ кьрийә, ле сәри әw ә, кӧ әз тьштед пьшт хwәва һьшти бир бькьм, хwә бавежьмә йед пешийа хwә,"

¹⁴ дьщә’диньм бьгьһижьмә мәрәме хwә, wе ләщхәлата жорчуйине, аwа готи газийа Хwәдейә бь сайа Мәсиһ Иса бьстиньм."

¹⁵ Аwа жь мә һ’әмуйа, иди к’и «гьһишти» йә, гәрәке аһа бьфькьрә. Ле һәгәр тьштәки дьн жи дьле wәда һәбә, әwе йәке жи Хwәде wе бәр wә вәкә."

¹⁶ Ле т’әне әм гьһиштьнә чь дәрәще, анәгори wе йәке бьжин."

¹⁷ Ч’ә’в бьдьнә мьн хушк-бьрано у дина хwә бьдьнә wан, йед кӧ ӧса хwә хwәй дькьн, чаwа кӧ мә бь р’абун-р’уньштьна хwә нишани wә кьрийә ."

¹⁸ Чьмки гәләк жийина хwәда дьжмьнед хаче Мәсиһ ьн, бона к’ижана мьн гәләк щара wәр’а готийә, ньһа жи бь гьри дьбежьм."

¹⁹ Ахьрийа wан ӧндабун ә, хwәдейе wан зьке wан ә у кьред wанә шәрми жи р’умәта wан ә. Әwана т’әне сәр тьштед ве дьне дьфькьрьн."

²⁰ Ле wәлате мә ль ә’змана йә, жь к’ӧ әм ч’ә’вньһер’ийа Хьлазкьр ф, Хӧдан Иса Мәсиһ ьн."

²¹ Әwе qальбе мәйә т’әнгәзар бьгӧһезә у бькә мина qальбе Хwәйи хwәйир’умәт, бь wе qәwата кӧ дькарә һәр тьшти бькә бьндәсте Хwә."

4

¹ Ньһа хушк-бьрайед мьнә ширьн у һ’әйран, һун ьн шабун у к’офийа ф сәре мьн дәлално, йәктийа Хӧданда аһа qәwин бьминьн."

² Әз һиви жь Әйодийайе дькьм у һиви жь Сьнтихайе дькьм, чаwа т’әви Хӧдан йәкбуйи бьра ль һәв бен."

³ Бәле әз һиви жь тә жи дькьм һәвалбаре мьни амьн, тӧ жи али wан к’ӧлфәта ф бькә. Әвана т’әви мьн хәбата Мьзгинидайинеда худан р’етьнә, ӧса жи т’әви Клемес у һәвал-хәбатед мьнә майин, кӧ навед к’ижана к’ьтеба жийинеда ньвисар ьн."

⁴ Т’ьме пе Хӧдан ша бьн, диса дьбежьм т’ьме ша бьн!"

⁵ Бьра бәрбьһерийа wә һ’әму мәрьвава ә’йан бә. Хӧдан незик ә ."

⁶ Бона т’ӧ тьшти хәм нәкьн, ле хwәстьна wә бьра бь дӧа-дьрозга, р’азибунева т’әвайи, Хwәдева ә’йан бә."

⁷ У ә’дьлайийа Хwәде кӧ жь һәр һ’ьш-аqьли дәрбазтьр ә, wе дьл у фькьред wә йәктийа Мәсиһ Исада хwәй кә."

⁸ Һәйнәсәр хушк-бьрано, чь кӧ бь р’астийе йә, чь кӧ бь маqултийе йә, чь кӧ бь һәqийе йә, чь кӧ бь һ’әлалийе йә, чь кӧ бь хwәшийе йә, чь кӧ бь фьрасәтийе йә у һәр тьштед кӧ ә’сьли у лайиqи qәнщготьне нә, сәр ван тьшта бьфькьрьн."

⁹ Һун жь мьн чь һин бун, wә чь станд, чь бьһист у чь дит wе йәке бькьн у Хwәдейе ә’дьлайийе wе т’әви wә бә."

¹⁰ Әз бь сайа Хӧдан гәләки ша мә, кӧ wә пәй һаqас wәхтр’а әз бир аним, бона мьн хәм хwар. Бәле wә дькьр жи, ле мәщал нәдьк’әтә wә."

¹¹ Нә кӧ әз һ’әwще тьштәки мә кӧ ве йәке wәр’а дьбежьм. Әз һин бумә, кӧ һ’әму һ’алида р’ази бьм."

¹² Т’ӧнәбуне заньм, һәбуне заньм, әз һәр алийида у һәр һ’алида сәр ве сӧр’е вәбумә у һин бумә кӧ р’ази бьм, һәгәр т’ер бьм, һәгәр бьр’чи, йан һәбунеда бьм йан жи т’ӧнәбунеда."

¹³ Әз һәр тьшти бь сайа Wи дькарьм, Йе кӧ qәwате дьдә мьн."

¹⁴ Ле wә qәнщ кьр, кӧ тәнгасийа мьнда к’омәк да мьн."

¹⁵ У бәле һун жи заньн гәли филипийа, кӧ жь сәре даннасинийа Мьзгинийеда гава әз жь Мәкәдонйайе дәрк’әтьм, т’ӧ щьвине т’әвк’арийеда дәсте хwә дьрежи мьн нәкьр, пештьри wә."

¹⁶ Чьмки щарәке-дӧда әw тьштед мьнр’а керһати wә һ’әта Т’есалоникийе жи шандьн ."

¹⁷ Әз нә кӧ тьштәки п’ешк’еш дьхwазьм, ле дьхwазьм кӧ к’ар сәр һ’әсабе wәда зедә бә."

¹⁸ Мьн һәр тьшт стандийә у нава һәбунеда мә. Әw тьштед кӧ wә бь дәсте Епафродито мьнр’а шандьнә әw бәси мьн ьн. Әw дайина wә бинәкә хwәш ә, һ’әдийа ф qәбул у ль Хwәде хwәш ә."

¹⁹ У Хwәдейе мьн wе һ’әму кемасийед wә пе wе хьзна Хwәйә р’умәтә жь Мәсиһ Иса т’ьжи кә."

²⁰ Аwа шькьр жь Хwәде у Баве мә, һ’әта-һ’әтайе! Амин ф."

²¹ Т’әмамийа щьмә’та Хwәдейә п’ара Мәсиһ Иса сьлав кьн. Әw бьрайед кӧ т’әви мьн ьн ль wә сьлав дькьн."

²² Т’әмамийа щьмә’та Хwәде ль wә сьлав дькә, илаһи әwед кӧ жь мала Qәйсәр ф ьн."

²³ К’әрәма Хӧдан Иса Мәсиһ т’әви р’ӧһ’е wә бә ."