1

¹ Жь Паwлосе бь ә’мьре Хwәде шандийе ф Мәсиһ Иса,

wан мәрьвед ф Хwәдер’а, йед кӧ Әфәседа дьминьн у йәктийа Мәсиһ Исада амьн ьн:"

² Дә бьра к’әрәм ф у ә’дьлайийа Хwәдейе Баве ф мә у Хӧдан ф Иса Мәсиһ ль wә бә."

³ Шькьр жь Хwәдер’а, Баве Хӧдане мә Иса Мәсиһ,

кӧ пе һ’әму дӧа-дьрозгед р’ӧһ’анийә ль дийаре ә’змана йәктийа Мәсиһда дӧа ль мә кьрьн.

⁴

Бәри ә’фьрандьна дьнйайе Хwәде йәктийа Wида әм бьжартьн,

wәки әм пироз ф у беqӧсур бьн, ль бәр Wи һ’ьзкьрьнеда бьжин.

⁵

Әwи әм пешда к’ьфш кьрьбун,

чаwа ль qьрара Wи хwәш һат,

кӧ мә бь дәсте Иса Мәсиһ бькә лаwед Хwә .

⁶

Дә wәрьн әм пәсьне Wи бьдьн, бона wе к’әрәма ф Wийә хwәйир’умәт,

пе к’ижане йәктийа Һ’ьзкьрийе Хwәда qәнщи ль мә кьр.

⁷

Йәктийа Wида әм аза бунә бь хуна Wи,

аwа готи афубуна ф гӧна стандийә .

Әва йәка жь дәwләмәндтийа к’әрәма Wи йә,

⁸

йа кӧ Wи бь мәр’дани сәр мәда баранд,

пе һ’әму сәрwахти у фә’мдарийе.

⁹

Әwи сӧр’а хwәстьна Хwә мәва ә’йан кьр,

чаwа ль Wи хwәш һат, йа кӧ һе пешда qьрар кьрьбу,

wәки йәктийа Мәсиһда бинә сери,

¹⁰

кӧ гава wәхт пер’а бьгьһижә, әw т’ьвдир мийасәр бә,

һ’әму тьшт бьн сәрwертийа Мәсиһда гьредайи бьн,

һьн һәр тьштед ль ә’рде, һьн жи ль ә’змана.

¹¹

Чаwа Хwәде qьрара Хwәда пешда к’ьфш кьрьбу,

кӧ һәр тьшт ль гора хwәстьн у ә’мьре Wи бә,

әм щьһу ф йәктийа Мәсиһда п’ара Хwәде к’әтьнә,

¹²

wәки әм пәсьне р’умәта Wи бьдьн

кӧ мә пешда гӧмана хwә данийә сәр Мәсиһ.

¹³

Йәктийа Wида һун нәщьһу ф жи бунә п’ара Хwәде,

гава wә хәбәра р’астийе, аwа готи Мьзгинийа хьлазбуна ф хwә бьһист.

Wә баwәрийа ф хwә Wи ани

у бь Р’ӧһ’е ф Пирози создайи һатьнә моркьрьне.

¹⁴

Р’ӧһ’е Пироз чаwа бьһе ф һатийә дайине

һ’әта әм созе Хwәде wар бьн,

чахе Хwәде щьмә’та Хwә лап аза кә,

бона пәсьндайина р’умәта Хwә."

¹⁵ Бона ве йәке мьн жь һьнгева кӧ бона баwәрийа wәйә сәр Хӧдан Иса у әw һ’ьзкьрьна wәйә һьндава т’әмамийа щьмә’та Хwәдеда бьһистийә,"

¹⁶ бона wә мьн дәст жь шькьрдайине нәк’ьшандийә. Әз т’ьме нава дӧайед хwәда wә бир тиньм,"

¹⁷ wәки Хwәдейе Хӧдане мә Иса Мәсиһ, Баве хwәйир’умәт, Р’ӧһ’е сәрwахтийе у ә’йантийе бьдә wә, кӧ һун Wи т’ам нас бькьн."

¹⁸ Бьра ч’ә’вед р’ӧһ’е wә вәбьн, wәки һун фә’м бькьн, чь йә әw гӧмана кӧ Wи гази wә кьрийә у чь йә әw дәwләмәндтийа р’умәта Wи, йа кӧ щьмә’та Wи wе wар бә"

¹⁹ у чь йә әw qәwата Wийә мәзьнә беһьмбәр, йа кӧ нав мә баwәрмәндада дьхәбьтә. Әв ә әw qәwата Wийә зор,"

²⁰ йа кӧ Хwәде сәр Мәсиһ да хәбате, гава Әw жь нава мьрийа р’акьр у ль дийаре ә’змана к’еләка ф Хwәйә р’асте да р’уньштандьне ,"

²¹ Әw дани сәр һ’әму сәрwертийа, һ’ӧкӧмәтийа, qәwата, хӧдантийа у ӧса жи сәр һ’әму навед кӧ тенә һьлдане, нә кӧ т’әне ль ве дьне, ле wе дьне жи."

²² У Хwәде һәр тьшт кьрә бьн п’ийед Wи у Әw бона щьвине ф к’ьфш кьр чаwа сәрwере һәр тьшти ."

²³ Щьвин жи бәдәна Мәсиһ ә, т’әмамбуна Wи йә, кӧ Хwәха һәр тьшт ә, һәр тьшти т’әмам дькә."

2

¹ Һун жь дәст нәһәqи у гӧнед хwә мьри бун ,"

² гава һун пәй ә’дәтед ве дьне дьчун, ль гора хwәстьна мире сәрwертийа ве һәwе, wи р’ӧһ’е кӧ ньһа жи нава wан мәрьвада йа хwә дькә, йед кӧ нә гӧр’а ф Хwәдеда нә."

³ Әм һ’әму жи wәхтәке пәй wан тьшта дьчун, бь дьлһавьжийед бьнйат’а мәрьвайе дьжит у дьл у фькьред мәр’а чь дәрбаз дьбун мә әw дькьрьн у бьнйат’а хwәда жи һежайи хәзәба Хwәде бун, чаwа йед майин."

⁴ Ле Хwәдейе кӧ хwәйе р’ә’ма дәwләмәнд ә, бь һ’ьзкьрьна Хwәйә мәзьн, бь к’ижане әм һ’ьзкьрьн,"

⁵ гава әм һе жь дәст нәһәqийед хwә мьри бун, Әwи т’әви Мәсиһ әм сах кьрьн. Бь к’әрәме ф һун хьлазбуйи нә!"

⁶ Йәктийа Wида әм жь мьрьне р’акьрьн у т’әви Wи әм ль дийаре ә’змана данә р’уньштандьне, бь сайа Мәсиһ Иса."

⁷ Wи әв йәк кьр, wәки ль нава wан зәманед кӧ wе бен, дәwләмәндтийа к’әрәма Хwәйә беһьмбәр, һьндава мәда бь сайа Мәсиһ Иса, бь ширьнайи бьдә к’ьфше."

⁸ Чьмки бь к’әрәме һун хьлазбуйи нә, пе баwәрийе у әв йәк нә жь wә йә, ле дайина Хwәде йә."

⁹ Әв йәк нә жь кьрьна йә, wәки йәк п’әйе хwә бьдә."

¹⁰ Бәле әм чекьрийед Wи нә, йәктийа Мәсиһ Исада хӧльqи, бона кьрьнед qәнщ, йа кӧ Хwәде пешда һазьр кьр, кӧ әм wанда бьминьн."

¹¹ Һун кӧ ә’сьле хwәда нәщьһу нә у жь алийе щьһуйада «бе сьнәт ф» дьһатьнә һ’әсабе, йед кӧ хwәха хwә «сьнәткьри» һ’әсаб дькьрьн, бь сьнәтийа qальбә бь дәста кьри, аwа бир биньн кӧ һун һьнге чь бун."

¹² Һьнге һун бе Мәсиһ у хәриб бун һьндава бажарвантийа Исраелда ф у жь пәймана ф у созед wан дур бун у ве дьнеда жи бе гӧман у бе Хwәде бун."

¹³ Ле һун кӧ wәхтәке дури ван йәка бун, ньһа т’әви Мәсиһ Иса бунә, бь хуна Мәсиһ һун незик бунә."

¹⁴ Чьмки Әw ә ә’дьлайийа мә, кӧ һәр дӧ, щьһу у нәщьһу кьрьнә йәк. Әwи диwаре навбьр’ийе, аwа готи дьжмьнати бь бәдәна Хwә хьраб кьр"

¹⁵ у т’әми у ә’мьред Qануна ф Мусада ф бәтал кьрьн, wәки йәктийа Хwәда, жь һәр дӧйа щьһу у нәщьһу мәрьвәки ну бьхӧльqинә у бь ви аwайи бькә ә’дьлайи ."

¹⁶ У Мәсиһ бәдәнәкеда һәр дӧ т’әви Хwәде бь хаче ф Хwә ль һәв анин, чьмки бь wе кьрьне дьжмьнати к’окева р’акьр ."

¹⁷ У һат Мьзгинийа ә’дьлайийе да wә нәщьһуйед дури Хwәде у щьһуйед незики Wи ."

¹⁸ Чьмки бь сайа Wи, изьна мә һәр дӧйа жи һәйә, бь Р’ӧһ’әки незики Баве бьн."

¹⁹ Аwа һун иди нә хәлq у хәриб ьн, ле бажарвантийа wә т’әви щьмә’та Хwәде йә у нәфәред мала Хwәде нә."

²⁰ Һун сәр wи р’ьк’ьне шандийа у п’ехәмбәра авакьри нә, кәвьре ә’нишка ф к’ижани Мәсиһ Иса Хwәха йә."

²¹ Бь Wи т’әмамийа авайи пева щи бь щи бона Хӧдан п’арьстгәһәкә ф пироз бьльнд дьбә."

²² Бь Wи һун жи бь һәвр’а тенә авакьрьне, чаwа хана Хwәде бь Р’ӧһ’е Пироз."

3

¹ Бона ве йәке әз Паwлос бона Мәсиһ Иса гьрти мә, бона wә нәщьһуйа..."

² Гәрәке wә бьһистьбә, кӧ әв wәк’илтийа к’әрәма Хwәде бона wә мьнр’а һатийә дайине."

³ Әв сӧр’а бь дайинәке ль бәр мьн һатә вәкьрьне. Мьн ль жоре кьн wәр’а ньвиси"

⁴ у гава һун бьхуньн, һуне бькарьбьн бьзаньбьн кӧ әз чаwа сӧр’а Мәсиһ фә’м дькьм ."

⁵ Әва сӧр’а дәwред бьһӧрида ль бәр бәндед дьне вәнәбуйә, чаwа ньһа бь Р’ӧһ’е Пироз ль бәр шанди у п’ехәмбәред Wийә пироз вәбуйә."

⁶ Әва сӧр’а вәбу, wәки нәщьһу пе Мьзгинийе т’әви Исраеле wар бьн, бьбьнә бәдәнәк у хwәйип’аред созе Wи бьн, бь сайа Мәсиһ Иса."

⁷ Әз бумә бәрдәстийе ве Мьзгинийе, анәгори дайина жь к’әрәма Хwәде, йа кӧ бь кьрьна qәwата Wи мьнр’а һатийә дайине."

⁸ Бәле әз кӧ жь нава щьмә’та Хwәдеда жь йе һәри бьч’ук кемтьр ьм, ле әв к’әрәм мьнр’а һатийә дайине, кӧ нава нәщьһуйада дәwләмәндтийа Мәсиһә нә ль бәр һ’ьша даннасин кьм"

⁹ у ль бәр һ’әмуйа вәкьм, кӧ чаwа т’ьвдира сӧр’а Хwәде те хәбате, йа кӧ һе дәwред бәреда щәм Хwәдейе кӧ һәр тьшт ә’фьрандийә, вәшарти мабу."

¹⁰ Мәрәме Хwәде әв бу, wәки ньһа сәрwахтийа Хwәйә щур’ә-щур’ә, бь дәсте щьвине ф ль сәрwерти у һ’ӧкӧмәтед дийаред ә’зманава ә’йан бькә,"

¹¹ анәгори qьрара Wийә һе дәwред бәреда, йа кӧ Wи бь дәсте Мәсиһ Иса, Хӧдане мә кьр."

¹² Йәктийа Мәсиһда у пе wе баwәрийа мәйә сәр Wи әм дькарьн бь мерк’ими у р’увәкьри незики Хwәде бьн."

¹³ Аwа әз жь wә һиви дькьм, кӧ һун бәр хwә нәк’әвьн, бона wан щәфайед кӧ әз бона wә дьк’ьшиньм. Әвана бона р’умәта wә нә."

¹⁴ Бона ве йәке әз ль бәр Бав чок дьдьм,"

¹⁵ жь к’ижани һәр qәбиләкә ә’рд у ә’змана наве хwә дьстинә."

¹⁶ Дә бьра Әw wәкә дәwләмәндтийа р’умәта Хwә qәwате бь сайа Р’ӧһ’е Хwә бьдә wә, кӧ һун к’урайийа дьле хwәда бьшьдьн,"

¹⁷ бь баwәрийе Мәсиһ дьле wәда бьжи у һун һ’ьзкьрьнеда р’аw ф у р’ьк’ьне хwә бавежьн,"

¹⁸ кӧ т’әви т’әмамийа щьмә’та Хwәде бькарьбьн фә’м бькьн, кӧ бәрайи, дьрежайи, бьльндайи у к’урайийа һ’ьзкьрьна Мәсиһ чь йә."

¹⁹ Бәле бьра һун һ’ьзкьрьна Мәсиһ нас кьн, йа кӧ жь һәр һ’ьш-аqьли зедәтьр ә, wәки һун т’әмамийа Хwәдева т’ьжи бьн."

²⁰ Аwа шькьр жь Wир’а бә, Йе кӧ дькарә һәр тьшти һе зедә кә, нә чаwа әм дьхwазьн йан дьфькьрьн, бь wе qәwата кӧ нава мәда дьхәбьтә,"

²¹ шькьр жь Wир’а нава щьвинеда, бь сайа Мәсиһ Иса, һ’әму зәманида, һ’әта-һ’әтайе! Амин ф."

4

¹ Аwа әзи гьртийе бона наве Хӧдан, һиви жь wә дькьм, кӧ һун ӧса бьжин, чаwа лайиqи wе газийе йә, к’ижанер’а һун һатьнә газикьрьне."

² Һун бь т’әмамийа мьлуктийе у шкәсти, бь сәбьре һ’ьзкьрьнеда ль бәр һәв дахьн ."

³ Бьщә’диньн, кӧ йәктийа Р’ӧһ’ пе һәвгьредана ә’дьлайийе хwәй кьн."

⁴ Чаwа бәдән йәк ә у Р’ӧһ’ йәк ә, һун жи гӧманәкер’а һатьнә газикьрьне."

⁵ Хӧдан йәк ә, баwәри ф йәк ә, ньхӧмандьн ф йәк ә,"

⁶ Хwәде йәк ә, Әw Баве һ’әмуйа йә, кӧ сәр һ’әмуйар’а йә, бь һ’әмуйа йа Хwә дькә у нава һ’әмуйада йә."

⁷ Бәле жь мә һәр кәсир’а жи к’әрәм һатийә дайине, чаwа Мәсиһ п’арәвәкьр."

⁸ Бона ве йәке те готьне:

«Гава һьлк’ьшийа чу жоре,

һесир т’әви Хwә бьрьн

у п’ешк’еш ф данә мәрьва» ."

⁹ Әв «һьлк’ьшийа» чь те һ’әсабе? Дьхwазә бежә, кӧ Әw пешда бәржери wе дьнйа жерьн бу."

¹⁰ Әwе кӧ бәржер бу, һәма Әw ә, Йе кӧ Хwә да феза һ’әму ә’змана, wәки һәр тьшти һ’ьзурийа Хwәва т’ьжи кә."

¹¹ Әва Әw бу, Йе кӧ п’ешк’еш данә мәрьва, кӧ һьнәк бьбьнә шанди, һьнәк п’ехәмбәр, һьнәк мьзгиндар, һьнәк жи сә’ви у дәрсдар."

¹² Әwи әв йәк кьр, wәки щьмә’та Хwәде шьхӧлед хьзмәтк’арийер’а һазьр бә, бона авабуна бәдәна Мәсиһ,"

¹³ һ’әта кӧ әм һ’әму жи бьгьһижьнә wе йәке, кӧ баwәрийе у Кӧр’е ф Хwәде наскьрьнеда т’ьфаq ф бьн, бьбьнә мәрьвед гьһишти, т’ам wәкә бәжьн-бала Мәсиһ."

¹⁴ Wәки ӧса йә жь вьр шунда әм нәбьнә мина зар’ока кӧ жь пела вьрда-wеда дьк’әвьн у бь дәрәwед мәрьва бәр байе һәр һинкьрьнәке дьк’әвьн, йед кӧ бь фелбазийа дьхапиньн у дьхальфиньн ф."

¹⁵ Ле р’астийе пе һ’ьзкьрьне бежьн , һәр алийада бьгьһижьнә сери, кӧ Мәсиһ ә."

¹⁶ Жь Wи т’әмамийа бәдәне һәвва нә у һ’әму жи бь алик’арийа һәр севькәке һәвва гьредайи йә. У гава һәр п’арәкә бәдәне шьхӧле хwә дькә, һ’ьзкьрьнеда хwәха дьгьһижә у мәзьн дьбә ."

¹⁷ Аwа әз ве йәке мерк’ими дьбежьм у бь наве Хӧдан т’әми ль wә дькьм, кӧ һун иди т’ӧ щара wе р’еда нәчьн, чаwа п’утп’арьст ф бь фькьред хwәйә п’уч’ дьчьн."

¹⁸ Әwана фә’мед хwәда шуна р’әшва чун у жь жийина Хwәде дур к’әтьнә, жь дәст нәзанийа нава хwә у сәрһ’ьшкийа хwә."

¹⁹ Шәрма р’уйе хwә ӧнда кьрьнә у ӧса хwә данә дохине, һ’әта кӧ һәр щур’ә кьрьнед һ’әрам ф дькьн у т’ер набьн."

²⁰ Ле wә Мәсиһ ӧса нас нәкьр!"

²¹ Бәле wә бона Wи бьһистийә жи у чаwа йед п’ара Иса, һун wе р’астийа нава Wида һин бунә."

²² Дә һун хәйсәте хwәйи бәре жь хwә дур хьн, wи мәрьве кәвьни кӧ бь һавьжийед һ’ьләк’арва дерьсбуйи йә "

²³ у бь р’ӧһ’ у фькьред хwәда нуйәжийин бьн,"

²⁴ мәрьве ну ль сәр хwә wәргьрьн, кӧ кьрасе Хwәдеда бь һәqи у һ’әлалийа бе qәлпи хӧльqи йә ."

²⁵ Аwа дәрәwа жь хwә дур хьн, жь wә һәр йәк һәвале хwәр’а р’аст хәбәр дә , чьмки әм бь һәвр’а әндәмед Бәдәна Мәсиһ нә."

²⁶ Һәгәр һун һерс к’әвьн, гӧна нәкьн , бьра р’о сәр һерса wәр’а нәчә ава"

²⁷ у щи нәдьнә мирещьн ф."

²⁸ Әwе кӧ дьзийе дькә, бьра иди нәдьзә, ле бь худана хwәйә һ’әлал бь дәстед хwә бьхәбьтә, кӧ бькарьбә дәст бавежә к’әтийа жи."

²⁹ Бьра жь дәве wә qәт хәбәрәкә хьраб дәрнәйе, пештьри тьштед кӧ кери гӧһдара тен у к’аре дьдьнә wан."

³⁰ У Р’ӧһ’е Хwәдейи Пироз нәешиньн, бь К’ижани һун бона Р’ожа Азайийе һатьнә моркьрьне."

³¹ Дә бьра һәр тә’лайи, һерс, бәрзәqи ф, qар’ә-qар’ у готьнед нәр’еда жь wә дур бьн т’әви һәр щур’ә к’ин-бохийева."

³² У һәвр’а ширьн у дьлшәwат бьн, ль һәв бьбахшиньн, чаwа Хwәде бь Мәсиһ бахшандә wә."

5

¹ Аwа ч’ә’в бьдьнә Хwәде, чаwа зар’ед һ’ьзкьри"

² у хwә ль һ’ьзкьрьне бьгьрьн, чаwа Мәсиһ жи әм һ’ьз кьрьн у жийина Хwә бона мә да, Хwәдер’а бу һ’әди ф у qӧрбана ф бинхwәш."

³ Ле һ’әта наве qавийе ф у һәр һ’әрамийе, йан тьмайе жи гәрәке нава wәда нәйе һьлдане, чаwа ль щьмә’та Хwәде нак’әвә."

⁴ Ӧса жи готьнед бемә’рифәти, йан бефә’ми, йан һ’әнәкед qәлпе хьраб, кӧ ль wә нак’әвьн, бьра жь дәве wә дәрнәйен, ле дәwсе шькьрдари."

⁵ Һун ве йәке заньбьн кӧ т’ӧ qав, йан һ’әрам, йан тьмак’ар (кӧ п’утп’арьст ф ә) П’адшатийа Мәсиһ у Хwәдеда wар набә."

⁶ Бьра т’ӧ кәс бь хәбәред п’уч’ wә нәхапинә, чьмки бона ван тьшта һерса Хwәде ль wан мәрьвед нәгӧһдар р’адьбә."

⁷ Аwа һун т’әви йед ӧса нәбьн!"

⁸ Һун жи wәхтәке тә’ри бун, ле ньһа һун кӧ п’ара Хӧдан ьн, р’онайи нә. Аwа мина зар’ед р’онайе бьжин,"

⁹ (чьмки бәре р’онайийе жь һәр qәнщийе, һәqийе у р’астийе дьбә)"

¹⁰ у бьзаньбьн кӧ чь ль Хӧдан хwәш те."

¹¹ Т’әви wан кьред бебәрә тә’рийе нәбьн, ле wан сәр аве хьн,"

¹² чьмки бона wан тьштед кӧ әwана бь дьзива дькьн шәрм ә жи кӧ бе хәбәрдане."

¹³ Ле гава һәр тьшт те бәр р’онайе, ашкәрә дьбә,"

¹⁴ чьмки һәр тьште кӧ ашкәрә дьбә, дьбә р’онайи. Бона ве йәке һатийә готьне:

«Хәwьхийо, һ’ьшйар бә!

Жь нав мьрийа р’абә

у Мәсиһ wе тә р’онайи кә» ."

¹⁵ Аwа бьньһер’ьн кӧ һун ньге хwә фәсал бавежьн, нәбьнә мина бефә’ма, ле мина сәрwахта."

¹⁶ Дәст бьдьнә бәр wәхт, чьмки зәмани хьраб ә ."

¹⁷ Бона ве йәке бефә’м нибьн, ле бәле бьзаньбьн чь йә qьрара Хӧдан."

¹⁸ У бь шәраве сәрхwәш нәбьн, кӧ ә’мьре мерьв п’уч’ дькә, ле бь Р’ӧһ’е Пирозва т’ьжи бьн."

¹⁹ Зәбур ф у дьрозга, стьранед р’ӧһ’ани һәвдӧр’а бежьн, бьстьрен у дьле хwәда Хӧданр’а бьловиньн ."

²⁰ Һәр гав бона һәр тьшти р’азибуне бьдьнә Бав Хwәде, бь наве Хӧдане мә Иса Мәсиһ."

²¹ Бь хофа Мәсиһә нава хwәда ль бәр һәвдӧ хwә бьшкеньн."

²² К’ӧлфәтно, ӧса хwә ль бәр меред хwә бьшкеньн, чаwа ль бәр Хӧдан ,"

²³ чьмки мер сәре жьне йә, чаwа Мәсиһ жи сәре щьвине ф йә у Хwәха Хьлазкьре ф бәдәна Хwә йә."

²⁴ У чаwа щьвин ль бәр Мәсиһ хwә дьшкенә, бьра ӧса жи жьн һәр тьштида бәр мере хwә шкәсти бә."

²⁵ Мерно, жьнед хwә һ’ьз бькьн, чаwа кӧ Мәсиһ щьвин һ’ьз кьр у жийина Хwә бәр wева да ,"

²⁶ wәки wе бь хәбәре бӧһӧрти-жьбарә кә, пе аве бьшо ,"

²⁷ кӧ щьвине ль бәр Хwә qәшәнг бьдә сәкьнандьне, кӧ т’ӧ ләк’ә йан qәрч’ьмок, йан тьштәки мина ван сәр т’ӧнәбә, ле паqьж у беqӧсур бә."

²⁸ Ӧса жи гәрәке мер жьна хwә һ’ьз бькә, чаwа бәдәна хwә. Йе кӧ жьна хwә һ’ьз дькә, әw хwә һ’ьз дькә."

²⁹ Чьмки бәдәна т’ӧ кәси бәр ч’ә’ве wи нә р’әш ә, ле wе т’ер дькә у хwәй дькә, чаwа Мәсиһ жи щьвине,"

³⁰ чьмки әм әндәмед бәдәна Wи нә."

³¹ Чаwа ньвисар ә:

«Бона ве йәке мер wе де у баве хwә бьһелә, хwә ль жьне бьгьрә у һәр дӧ wе бьбьнә бәдәнәк» ."

³² Әва сӧр’а к’ур ә, ле әз готьна хwә тиньмә сәр Мәсиһ у щьвине."

³³ Бәле жь wә һәр кәс жи бьра жьна хwә һ’ьз бькә чаwа хwә у жьн жь мере хwә хоф бькә."

6

¹ Зар’но, чаwа баwәрмәндед Хӧдан гӧр’а де у баве хwәда бьн, чьмки әв йәк р’аст ә ."

² «Qәдьре де у баве хwә бьгьрә» кӧ әв ә т’әмийа пешьн т’әви создайине,"

³ «wәки чәрха тә р’аст бә у сәр ә’рде ә’мьре тә дьреж бә» ."

⁴ У һун бавно, зар’ед хwә һерс нәехьн, ле wан бь ширәт у һинкьрьна Хӧдан мәзьн кьн ."

⁵ Хӧламно, бь хоф у тьрс, дьле сах гӧр’а хwәйийед хwәйә ве дьнеда бьн, чаwа гӧр’а Мәсиһда ,"

⁶ нә кӧ бь хӧламтийа ль бәр ч’ә’ва, кӧ ль мәрьва хwәш бен, ле чаwа хӧламед Мәсиһ бь дьл qьрара Хwәде бьqәдиньн."

⁷ Бь р’әзәдьли хӧламтийе бькьн, чаwа Хӧданр’а, нә кӧ мәрьвар’а."

⁸ Һун заньн кӧ һәр кәс, һәгәр хӧлам бә, һәгәр аза, чь qәнщийе кӧ бькә, wәкә wе жи wе жь Хӧдан бьстинә."

⁹ Һун жи хwәйино, һьндава wанда ӧса бьн. Дәст жь гәф-гӧр’ийе бькьн. Һун заньн кӧ Хwәйе wан жи, Йе wә жи ль ә’змана йә у щәм Wи т’ӧ фьрqи т’ӧнә ."

¹⁰ Һәйнәсәр, йәктийа Хӧданда qәwат бьн, бь зорайийа qәwата Wи."

¹¹ Һәр ч’әке Хwәде ль хwә кьн, кӧ һун бькарьбьн мьqабьли һ’ӧнӧред мирещьн ф бьсәкьньн."

¹² Чьмки шәр’е мә нә мьqабьли хун у гошт ә, ле мьqабьли сәрwерти у һ’ӧкӧмәтийа йә, мьqабьли миред ве дьнйа тә’ри йә у мьqабьли ордийед р’ӧһ’анийә хьрабә ль дийаре ә’змана нә."

¹³ Бона ве йәке ч’әкед Хwәде һьлдьн, кӧ һун бькарьбьн ль бәр р’ожа охьрме гьран бьсәкьньн у пьшти кьрьна һәр тьштир’а, щийе хwәда qәwин бьсәкьньн."

¹⁴ Аwа щийе хwәда бьсәкьньн, р’астийе мина к’әмбәре ль пьшта хwә бьшьдиньн, һәqийе мина зьрьһ’е ль синге хwә wәргьрьн "

¹⁵ у сол ньгед wәда, бона Мьзгинийа ә’дьлайийе һазьр сәкьни бьн ."

¹⁶ Ль сәр һәр тьштир’а жи баwәрийе мина мәрт’але бьгьрьнә хwә, бь к’ижане һуне бькарьбьн һ’әму тиред агьрийә кӧ йе Хьраб давежә, бьтәмьриньн."

¹⁷ У хьлазбуне мина к’ӧмзьрьһ’е һьлдьн, мина шур жи хәбәра Хwәде, кӧ жь Р’ӧһ’е Пироз ә ."

¹⁸ Бь һ’әму дӧа у р’әща һәр гав дӧа бькьн пе Р’ӧһ’е Пироз. Сәр ве йәке һ’ьшйар бьминьн у бона т’әмамийа щьмә’та Хwәде т’ьме дӧа бькьн."

¹⁹ У бона мьн жи дӧа бькьн, кӧ гава әз хәбәр дьм, готьнәк мьнр’а бе дайине, wәки мерк’ими сӧр’а Мьзгинийе ә’йан кьм,"

²⁰ бона К’ижане әз бь ван qәйде хwә qасьдийе дькьм. Дӧа бькьн, wәки әз бона Wе тӧрӧш кьм хәбәр дьм, чаwа лазьм ә."

²¹ Wәки һун жи бона мьн бьзаньбьн, һаш жь һ’ал-һ’әwале мьн һәбьн, Тьхикойе бьрайе дәлал у qӧльхк’аре амьн йәктийа Хӧданда wе һәр тьшти wәр’а бежә."

²² Әз бона wе йәке wи сәр wәда дьшиньм, wәки һун һаш жь мә һәбьн у әw бь ве йәке дьл бьдә wә."

²³ Дә бьра ә’дьлайи у һ’ьзкьрьн баwәрийева т’әвайи жь Бав Хwәде у Хӧдан Иса Мәсиһ ль хушк-бьра бә."

²⁴ Бьра к’әрәм т’әви wан һ’әмуйа бә, йед кӧ бь һ’ьзкьрьна бе хьлази Хӧдане мә Иса Мәсиһ һ’ьз дькьн."