1

¹ Әз Паwлосе шанди ф, нә кӧ жь алийе мәрьвада йан бь дәсте мәрьва к’ьфшбуйи мә, ле бь дәсте Иса Мәсиһ у Бав ф Хwәде, Йе кӧ Әw жь мьрьне р’акьр,"

² әз бь һ’әму баwәрмәндава т’әвайи бәрбьр’и wә щьвинед ф Галатйайеда дьбьм."

³ Дә бьра к’әрәм ф у ә’дьлайийа Хwәде Баве мә у Хӧдан ф Иса Мәсиһ ль wә бә,"

⁴ Йе кӧ щанийа Хwә анәгори ә’мьре Баве мә Хwәде жь бәр гӧнед мәва да, wәки мә жь ви зәмане ньһайи хьраб хьлаз ф кә."

⁵ Шькьр жь Хwәдер’а һ’әта-һ’әтайе! Амин ф."

⁶ Әз ә’щебмайи дьминьм, кӧ һун ӧса зу пьшта хwә дьдьнә Хwәдейе кӧ бь сайа к’әрәма ф Мәсиһ гази wә кьр у бәре хwә дьдьнә мьзгиникә дьн."

⁷ Р’аст мьзгиникә дьн т’ӧнә, ле һьнәк һәнә wә т’әви һәв дькьн у дьхwазьн Мьзгинийа ф Мәсиһ бьгӧһезьн."

⁸ Ле һәгәр әм йан мьлйак’әтәк ф жи жь ә’змен бе, мьзгиникә ӧса бьдә wә, к’ижан кӧ нә мина wе Мьзгинийе йә, йа кӧ мә дайә wә, бьра ньфьр’ ль wи бә!"

⁹ Чаwа мә пешда гот, ньһа жи диса дьбежьм: Һәгәр йәк мьзгиникә нә мина wе Мьзгинийа кӧ wә qәбул кьр дьдә wә, бьра ньфьр’ ль wи бә!"

¹⁰ Чьма әз ньһа дькьм мәрьв жь мьн р’ази бьн, йан Хwәде? Йан гәло әз дькьм кӧ ль мәрьва хwәш бем? Һәгәр мьн һе бьхwәста әз ль мәрьва хwәш бьһатама, мьн нькарьбу әз бьбума хӧламе Мәсиһ."

¹¹ Әз ве йәке ль wә дьдьмә һ’әсандьне хушк-бьрано, кӧ әw Мьзгинийа мьн даннасин кьр, нә йа мәрьвайи йә."

¹² Мьн әw жь мәрьва нәстанд, нә жи жь кәсәки һин бум, ле Иса Мәсиһ мьнва ә’йан кьр."

¹³ Wә бона беп’әргалийа мьнә бәрейә нава щьһутийеда бьһистийә. Мьн беһ’әсаб щьвина Хwәде дьзеранд у дькьр кӧ wе хьраб кьм."

¹⁴ Әз нава щьһутийеда ф жь гәләк һәвалед хwәйә щьһу пешдатьр чубум, алийе р’аw-р’ьзьма ф кал-бавада жи гәләки хwәйихирәт бум ."

¹⁵ Ле гава Хwәде хwәст, (Йе кӧ әз бьжартьм, чахе әз һе зьке дийа хwәда бум у бь к’әрәма Хwә әз к’ьфш кьрьм),"

¹⁶ Кӧр’е Хwә мьнва ә’йан кьр, кӧ нава нәщьһуйада ф Wи даннасин кьм, һьнге мьн шеwьра хwә т’ӧ кәси нәкьр ,"

¹⁷ нә жи р’абумә Оршәлиме, щәм әwед кӧ бәри мьн бьбунә шанди, ле әз пер’а-пер’а чумә Ә’рәбьстане у диса вәгәр’ийамә Шаме."

¹⁸ Паше се сала шунда р’абумә Оршәлиме, кӧ Пәтрус ф бьбиньм у панздәһ р’ожа щәм wи мам ."

¹⁹ Ле бәле жь шандийед майин мьн т’ӧ кәс нәдит, пештьри Аqубе ф бьре Хӧдан."

²⁰ Чь кӧ wәр’а дьньвисьм, әз бәр Хwәде бехельф дьбежьм."

²¹ Паше чумә алийед Сурйайе у Киликйайе."

²² Ле щьвинед Мәсиһә Щьһустанеда ф әз р’у бь р’у нас нәдькьрьм."

²³ Wана т’әне бьһистьбу кӧ: «Әwе wәхтәке әм дьзерандьн, ньһа хwәха wе баwәрийе ф даннасин дькә, к’ижан wи wәхтәке дькьр кӧ хьраб кә»."

²⁴ У бона мьн шькьри дьданә Хwәде."

2

¹ Паше чардәһ сала шунда т’әви Барнабас ф диса р’абумә Оршәлиме, Тито жи мьн т’әви хwә бьр ."

² Әз чум, чьмки Хwәде бәр мьн вәкьр, кӧ һәр’ьм. У мьн әw Мьзгини ль wан да һ’әсандьне, йа кӧ әз нава нәщьһуйада даннасин дькьм, ле әв йәк мьн йед сәрәкәр’а башqә дьгот. Мьн нәхwәст кӧ әз бадиһәwа ф бьбәзьм йан бәзибьм."

³ Ле һ’әта Титойе т’әви мьн кӧ йунан бу, п’ейи сәр wи жи нәкьрьнә, кӧ бе сьнәткьрьне ф. Әв пьрс пешда һат,"

⁴ чьмки чәнд бьрайед дәрәw шулькинә нава мә, wәки щә’сусийе азайийа мә бькьн, йа кӧ бь сайа Мәсиһ Иса мә дәст анийә. Wана дьхwәст әм бькьрана бьндәст."

⁵ Ле мә qәт дәqәке жи гӧр’а ф wан нәкьр, кӧ р’астийа Мьзгинийе нава wәда һ’имгьрти бьминә."

⁶ Ле бона wан жи, йед кӧ сәрәкә к’ьфш дьбун, (qәт хәма мьн нинә, кӧ әw бәре чь бунә, Хwәде фьрqийе накә нава мәрьва), wан сәрәка жи т’ӧ тьште ну мьнр’а нәготьн."

⁷ Ле сәрбара-сәрда дитьн кӧ ль мьн һатийә спартьне, wәки әз Мьзгинийе бьдьмә нәщьһуйа , чаwа кӧ ль Пәтрус жи һатийә спартьне, wәки Мьзгинийе бьдә щьһуйа ф ."

⁸ Чьмки Хwәдейе кӧ Пәтрус кьрә шандийе щьһуйа, һәма Wи жи әз кьрьмә шандийе нәщьһуйа."

⁹ Гава Аqуб ф, Пәтрус у Йуһ’әннайе ф кӧ «Стун» дьһатьнә һ’әсабе, бона wе к’әрәма кӧ мьнр’а һатьбу дайине пе һ’әсийан, дәстед хwәйә р’асте чаwа нишана т’ьфаqийе ф данә мьн у Барнабас. Әw qайл бун, кӧ әм һәр’ьнә нава нәщьһуйа у әw жи һәр’ьнә нава щьһуйа."

¹⁰ Т’әне wан һиви кьр, кӧ әм бәләнгаза бир нәкьн, йа кӧ әз хwәха жи дәмана wе йәкеда мә."

¹¹ Ле гава Пәтрус һатә Әнтакйайе, әз ашкәрә мьqабьли wи р’абум, чьмки әwи шаш бу."

¹² Бәри һатьна чәнд мәрьвед кӧ Аqуб шандьбун, әwи т’әви нәщьһуйед баwәрмәнд нан дьхwар. Ле гава әwана һатьн, әwи хwә дьда алики у вәдьк’ьшийа, жь тьрса әwед кӧ дьготьн, гәрәке нәщьһу бенә сьнәткьрьне."

¹³ У щьһуйед баwәрмәндә майин жи т’әви wи дӧр’ути кьрьн, һ’әта кӧ Барнабас жи хальфи ф, к’әтә нава wе дӧр’утийа wан."

¹⁴ Ле гава мьн дит кӧ әwана нава р’астийа Мьзгинийеда наминьн, һьнге ль бәр һ’әмуйа мьн готә Пәтрус: «Һәгәр тӧ щьһу йи, мина йәки нәщьһу дьжийи у нә мина щьһуйа, тӧ чаwа дьки сәр нәщьһуйа, кӧ бьбьнә мина щьһуйа?»"

¹⁵ Әмә кӧ ә’сьле хwәда щьһу нә у нә жь «нәщьһуйед гӧнәк’ар ф» ьн,"

¹⁶ заньн кӧ мәрьв бь кьред Qануне нькарә р’аст бе һ’әсабе, ле т’әне бь Иса Мәсиһ баwәркьрьне. Мә жи Мәсиһ Иса баwәр кьр, wәки бь Мәсиһ баwәркьрьне әм р’аст бенә һ’әсабе, нә кӧ бь кьред Qануне, чьмки т’ӧ qул-бәндә бь кьред Qануне нькарә р’аст бе һ’әсабе ."

¹⁷ Аwа һәгәр әм дькьн бь Мәсиһ р’аст бенә һ’әсабе у wе гаве хӧйа бә, кӧ әм хwәха жи мина wан гӧнәк’ар ьн, һьнге Мәсиһ бу wәк’иле гӧна? Т’ӧ щар!"

¹⁸ Һәгәр әw тьштед мьн хьраб кьрьнә, диса дәстпедькьм чедькьм, әз нәһәqийа хwә дьдьмә избаткьрьне."

¹⁹ Чьмки әз бь Qануни бона Qануне мьрьм, wәки бона Хwәде бьжим. Әз т’әви Мәсиһ хач ф бум,"

²⁰ жь вьр шунда нә кӧ әз дьжим, ле Мәсиһ ә кӧ нава мьнда дьжи. У ньһа кӧ әз ви qальбида дьжим, бь Кӧр’е ф Хwәде баwәркьрьне дьжим, Йе кӧ әз һ’ьз кьрьм у щанийа Хwә бона мьн да дәр."

²¹ Әз к’әрәма ф Хwәде т’әхсир накьм, чьмки һәгәр р’астһ’әсаббун ф бь Qануне буйа, кӧ ӧса йә Мәсиһ бадиһәwа мьр."

3

¹ Гәли галатийед беһ’ьш! К’е сәре wә т’ьжи кьр? Нә ахьр Иса Мәсиһ ль бәр ч’ә’ве wә хачбуйи һатә дийаркьрьне?"

² Әз т’әне ве йәке дьхwазьм жь wә бьзаньбьм: Wә Р’ӧһ’е Хwәде бь Qанун qәдандьне станд, йан бь Мьзгини бьһистьне у баwәрийа хwә же анине?"

³ Чьма һун һаqас беһ’ьш ьн, кӧ wә бь Р’ӧһ’е Хwәде дәстпекьр у ньһа бь мәрьвайи хьлаз дькьн?"

⁴ Һаqас тьшт бадиһәwа һатьнә сәре wә? Наqәwьмә кӧ бадиһәwа бьн!"

⁵ Чьма әw Хwәдейе кӧ Р’ӧһ’е Хwә п’ешк’еши ф wә дькә у нава wәда к’әрәмәта дькә, бона Qанун qәдандьна wә дькә, йан бона кӧ wә Мьзгини бьһист у баwәрийа хwә же ани?"

⁶ Мәсәлә, бона Бьраһим ф аһа ньвисар ә: «Бьраһим Хwәде баwәр ф кьр у әw йәк жер’а р’асти һатә һ’әсабе» ."

⁷ Аwа заньбьн, йед кӧ баwәр дькьн әw ьн зар’ед Бьраһим ."

⁸ Ньвисаре һе пешда дабу к’ьфше, кӧ Хwәде нәщьһу бь баwәрийе ф wе р’аст һ’әсаб бькьрана у зува Мьзгини дабу Бьраһим кӧ: «Бь тә дӧайе һ’әму мьләта бьбә» ."

⁹ Аwа әwед кӧ баwәр дькьн, т’әви Бьраһиме баwәрмәнд дӧа ль wан те кьрьне."

¹⁰ Әwед кӧ хwә спартьнә ф кьред Qануне, әw бьне ньфьр’еда нә, чьмки ньвисар ә: «Ньфьр’ ль һәр кәси йә, йе кӧ нава һ’әму ньвисаред к’ьтеба Qанунеда наминә у наqәдинә» ."

¹¹ Ә’йан ә т’ӧ кәс бь Qануне нькарә ль бәр Хwәде р’аст ф бе һ’әсабе, чьмки ньвисар ә: «Йе р’аст wе бьжи, чьмки баwәр дькә» ."

¹² Ле Qанун бь баwәрийе нинә, ле бәле чаwа ньвисар дьбежә: «К’и кӧ т’әмийед Qануне бьqәдинә бь wан wе бьжи» ."

¹³ Мәсиһ әм жь wе ньфьр’а Qануне к’ьр’ин, әw дәwса мә к’әтә бьн wе ньфьр’е, чьмки ньвисар ә: «Ньфьр’ сәр йе дарва дардакьри йә» ."

¹⁴ Әв йәк бу, wәки бь Мәсиһ Иса дӧайе Бьраһим бе сәр нәщьһуйа, кӧ бь баwәрийе әм Р’ӧһ’е создайи бьстиньн."

¹⁵ Хушк-бьрано! Әз тиньмә сәр ә’дәте дьне. Һәгәр йәки wәсийәтәк ф т’әстиq кьрьбә, т’ӧ кәс нькарә wе бәтал кә, йан жи тьштәки дьн сәрда зедә кә."

¹⁶ Аwа әw соз Бьраһим у зӧр’әта wир’а һатьнә дайине. Ньвисареда найе готьне: «Зӧр’әтед тә» чаwа бона гәләка, ле бона йәки: «Зӧр’әта тә» у әw зӧр’әт Мәсиһ ә."

¹⁷ Аwа готи әз ве йәке дьбежьм, әw wәсийәта кӧ пешда жь Хwәдеда һатьбу т’әстиqкьрьне, Qануна кӧ чарсьд си сали шунда дәрк’әт, нькарә ӧса бькә, wәки wәсийәта создайи qәwата хwә ӧнда кә ."

¹⁸ Чьмки һәгәр wарти Qанунева гьредайи буйа, wе создайинева гьредайи нибуйа, ле Хwәде бь соз п’ешк’еши Бьраһим кьр ."

¹⁹ Иди мәрәме Qануне чь бу? Qанун сәрда зедә бу кӧ нәһәqи бе наскьрьне у гәрәке әw бьма һ’әта һатьна Зӧр’әта wи, к’ижанир’а соз дабу. Qанун жь алийе мьлйак’әтада, бь дәсте навчетийа йәки һатә дайине ."

²⁰ Бона wәсийәткьрьне навчети нә лазьм ә гава wәсийәт бь дәсте йәки те кьрьне у ль вьр әw йәк т’әне Хwәде йә."

²¹ Аwа Qанун мьqабьли созед Хwәде йә? Т’ӧ щар! Бәле һәгәр qанунәк һәбуйа, кӧ бькарьбуйа жийин бьда, һьнге ә’сәйи р’астһ’әсаббун wе бь qануне бьбуйа."

²² Ле ньвисар һ’әмуйа бьн һесиртийа гӧнәда ф дьдә к’ьфше, wәки чь кӧ бь Иса Мәсиһ баwәркьрьне һатьбунә создайине, баwәрмәндар’а бенә дайине."

²³ Бәри һатьна баwәрийе, әм бьн дәсте Qанунеда чаwа гьрти дьһатьнә хwәйикьрьне, һ’әта хӧйабуна wе баwәрийе кӧ wе бьһата."

²⁴ Бь ви аwайи Qанун бу т’әрбәтдаре ф мә у әм бәрбьр’и Мәсиһ анин , кӧ әм бь баwәрийе р’аст бенә һ’әсабе."

²⁵ Ле ньһа кӧ баwәри һат, әм иди нә бьн дәсте т’әрбәтдаре Qанунеда нә."

²⁶ Бь баwәрийе һун һ’әму йәктийа Мәсиһ Исада лаwед Хwәде нә ."

²⁷ Һун һ’әму кӧ йәктийа Мәсиһда һатьнә ньхӧмандьне ф, wә Мәсиһ сәр хwә wәргьртийә."

²⁸ Иди фьрqи нә нава щьһу у нәщьһуйада һәйә, нә нава хӧлам у азайада, нә жи нава мера у жьнада, чьмки һун һ’әму жи йәк ьн йәктийа Мәсиһ Исада."

²⁹ У һәгәр һун п’ара Мәсиһ ьн, wәки ӧса йә зӧр’әта Бьраһим ьн у wаред wи сози нә ."

4

¹ Аwа әз дьбежьм, wаре кӧ хwәйе һәр тьшти йә, ле һ’әта кӧ хьшим ә жь хӧлем найе фьрqикьрьне."

² Әw бьн дәсте хwәйкьрийа у хәмк’ешада йә, һ’әта wи wәхте кӧ баве к’ьфш кьрийә."

³ Ӧса жи әм гава һе р’ӧһ’анида «хьшим» бун, мә хӧламти сьхьред ф ве дьнйайер’а дькьрьн."

⁴ Ле гава wәхт пер’а гьһишт, Хwәде Кӧр’е Хwә шанд, кӧ жь к’ӧлфәте ф бу у к’әтә бьн Qануне,"

⁵ wәки йед бьн Qануне аза кә у әм жи һәqе лаwтийа Хwәде бьстиньн ."

⁶ Аwа һун кӧ лаwед Wи нә, Хwәде Р’ӧһ’е Кӧр’е Хwә шандә нава дьле мә, кӧ гази Хwәде дькә: «Абба ф!» аwа готи «Баво!»"

⁷ Бь ви аwайи иди тӧ нә хӧлам и, ле лаw и у һәгәр лаw и, ӧса жи Хwәде тӧ кьри wаре Хwә."

⁸ Бәре, гава wә Хwәде нас нәдькьр, wә хӧламти йед ӧсар’а дькьрьн, кӧ р’аст нә хwәде бун."

⁹ Ле ньһа кӧ wә Хwәде нас кьрийә, ле бәле Хwәде жи һун нас кьрьнә, һун чаwа диса вәдьгәр’ьнә сәр wан сьхьред ве дьнейә беqәwатә нә т’ӧ тьшт у диса дьхwазьн хӧламтийе wанр’а бькьн?"

¹⁰ Һун гӧһ дьдьнә р’ожед һ’әсаб, мәһа, р’ожгар у сала."

¹¹ Әз бона wә дьтьрсьм, кӧ әw шьхӧле мьн бона wә кьрийә дәйа һәр’ә."

¹² Әз һиви жь wә дькьм хушк-бьрано, бьбьнә мина мьн, чьмки әз жи мина wә бумә. Wә т’ӧ зийан нәдайә мьн."

¹³ Һун заньн кӧ щара пешьн бесьһ’әтийа qальбе мьн бу мә’ни, мьн Мьзгини да wә."

¹⁴ У чь кӧ һатә сәре qальбе мьн, әw йәк бу щер’ьбандьнәк ф бона wә, ле диса wә әз беһӧрмәт нәкьрьм йан пьшта хwә нәда мьн, ле wәкә мьлйак’әтәки Хwәде әз qәбул кьрьм у wәкә Мәсиһ Иса."

¹⁵ Әw шабуна wә чаwа бу? Әз wәкә шире хwә, һәгәр жь дәст wәва бьһата, wәйе ч’ә’ве хwә жи дәрхьста бьда мьн."

¹⁶ Иди әз бумә дьжмьне wә, wәки мьн wәр’а р’аст хәбәр дайә?"

¹⁷ Әwед майинә кӧ к’әтьнә дәмана wә, әw хера wә нахwазьн, ле бәле әwана дьхwазьн wә жь мьн бьqәтиньн, wәки һун бьк’әвьнә дәмана wан."

¹⁸ Qәнщ ә кӧ мәри дәмана qәнщийеда бә у нә кӧ т’әне гава әз нава wәда бьм, ле һәр гав."

¹⁹ Лаwед мьн, әз ньһа диса бона wә мина еша к’ӧлфәта дьк’ьшиньм, һ’әта кӧ Мәсиһ нава wәда бьгьһижә."

²⁰ Хwәзи әз ньһа ль щәм wә бума у мьн тьһәре хәбәрдана хwә бьгӧһаста, чьмки әз бона wә нава мьталада мә!"

²¹ Жь мьнр’а бежьн, һун кӧ дьхwазьн бьн Qанунеда бьн, wә нәбьһистийә Qанун чь дьбежә?"

²² Ньвисар ә кӧ: «Дӧ кӧр’ед Бьраһим һәбун, йәк жь щарийе бу, йәк жи жь жьна аза» ."

²³ Әwе жь щарийе бу, әw бь бьнйат’а мәрьвайе бьбу, ле әwе жь жьна аза бу, әw ль гора созе Хwәде бу."

²⁴ Әва йәка щур’әки майин те фә’мкьрьне, әв һәр дӧ жьн дӧ пәйман ф ьн: Йәк жь ч’ийайе Синайе ф, бона хӧламтийе тинә, әw Һащәр ф бу ."

²⁵ Һащәр Ә’рәбьстанеда те һ’әсабе ч’ийайе Синайе у һьмбәри Оршәлима ньһа дьбә, кӧ зар’ед хwәва хӧламтийе дькә."

²⁶ Ле йа аза, әw Оршәлима жорьн те һ’әсабе, кӧ әw дийа мә һ’әмуйа йә ."

²⁷ Чьмки ньвисар ә:

«Ша бә, безӧр’әта кӧ тә зар’ нәданин.

Бь әшq бьстьре, дәнг бьльнд кә,

кӧ еша зар’анине тә нәк’ьшанд.

Чьмки зар’ед тә мербәр’дайийе

wе жь зар’ед йа хwәйимер гәләктьр бьн» ."

²⁸ Аwа һун хушк-бьрано, мина Исһаq ф зар’ед wи сози нә ."

²⁹ Ле чаwа һьнге әwе жь мәрьвайе бьбу, йе жь алийе Р’ӧһ’да дьзеранд, ӧса жи ньһа ."

³⁰ Ле ньвисар чь дьбежә? «Әwе щарийе кӧр’е wева бәрде дәрхә, чьмки кӧр’е щарийе гәрәке т’әви кӧр’е жьна аза wар нәбә» ."

³¹ Аwа хушк-бьрано, әм нә зар’ед щарийе нә, ле зар’ед йа аза нә."

5

¹ Бона азайийе Мәсиһ әм аза кьрьнә! Wе азайийе qәwин бьгьрьн у диса нәк’әвьнә бьн wи нире хӧламтийе."

² Бьбьһен, әз Паwлос wәр’а дьбежьм: Һәгәр һун бьһельн кӧ һун бенә сьнәткьрьне, Мәсиһ т’ӧ к’аре надә wә."

³ Әз һәр мәрьвәкир’а диса мерк’ими дьбежьм, йе кӧ изьне дьдә хwә кӧ әw бе сьнәткьрьне, әw дәйндар ә кӧ т’әмамийа Qануне бьqәдинә."

⁴ У һәгәр һун бь Qанун qәдандьне дьхwазьн р’аст һ’әсаб бьн, wәки ӧса йә һун жь Мәсиһ qәтийайи нә у жь к’әрәме к’әти нә."

⁵ Ле чь жь мә дьк’әвә, әм бь сайа Р’ӧһ’е Пироз у пе баwәрийе һ’әйра wе р’астһ’әсаббунеда нә, йа кӧ әм теда гӧман ьн."

⁶ Чьмки йәктийа Мәсиһ Исада, нә сьнәткьрьн тьштәк ә, нә жи нәсьнәткьрьн, ле сәри баwәри йә кӧ бь һ’ьзкьрьне йа хwә дькә."

⁷ Һун р’ьнд пешда дьчун! К’е һун данә сәкьнандьне, кӧ ельми ф р’астийе нәбьн?"

⁸ Әва һелана нә жь Wи йә, Йе кӧ гази wә кьрийә."

⁹ «Һьнәк һәвиртьр’шк ф т’әмамийа һәвир һьлтинә» ."

¹⁰ Ле әз бь йәктийа мәйә Хӧданда wәда гӧман ьм, кӧ һуне тьштәки майин нәфькьрьн, ле әwе фькьред wә т’әви һәв дькә wе сәр бәла хwә вәбә, к’и жи һәбә."

¹¹ Ле әз хушк-бьрано, һәгәр һәла һе сьнәткьрьне даннасин дькьм, иди чьма темә зерандьне? Wәки ӧса йә гәрәке т’ӧ кәсе жь хаче Мәсиһ п’ьшк ф нәбуйа."

¹² Хwәзи йед кӧ фькьред wә т’әви һәв дькьн, хwәха хwә к’океда жи бьбьр’ийана!"

¹³ Һун азайийер’а һатьнә газикьрьне хушк-бьрано, ле т’әне әw азайийа wә бьра нәбә мәщала хwәстьна бьнйат’а инсен. Дәwса wе бь һ’ьзкьрьне һәвдӧр’а хӧламтийе бькьн."

¹⁴ Чьмки т’әмамийа Qануне бь ве готьне те сери: «Һәвале хwә wәкә хwә һ’ьз бькә» ."

¹⁵ Ле һәгәр һун дәв бавежьнә һәвдӧ, һәвдӧ бьхwьн, мьqати хwә бьн, кӧ к’ока һәвдӧ нәйньн."

¹⁶ Аwа әз дьбежьм, бь сайа Р’ӧһ’е ф Пироз бьмәшьн у һуне хwәстьнед бьнйат’а инсен нәкьн."

¹⁷ Чьмки хwәстьна бьнйат’а инсен мьqабьли Р’ӧһ’ ә, Р’ӧһ’ мьqабьли бьнйат’а инсен ә. Әв һәр дӧ ль һәв накьн, ләма һун нькарьн хwәстьнед хwә бькьн ."

¹⁸ Ле һәгәр һун бь Р’ӧһ’ тенә р’ебәрикьрьне, һун нак’әвьнә бьн дәсте Qануне."

¹⁹ Аwа кьред бьнйат’а инсен ә’йан ьн: Бенамуси, һ’әрами ф, толти,"

²⁰ п’утп’арьсти ф, пирәсерти, нәйарти, шәр’-дә’w, һ’әвсуди, һерск’әтьн, һәвр’ьк’и , дӧтирәти, щӧдәти,"

²¹ ч’ә’ве хьраб, меркӧжи , сәрхwәш, куч’ьксанти у чь кӧ мина ван ьн. Әз ньһа wәр’а дьбежьм, чаwа кӧ мьн пешда жи wәр’а готьбу, кӧ йед ван тьшта дькьн, П’адшатийа ф Хwәде wар набьн."

²² Ле бәред Р’ӧһ’ әв ьн: Һ’ьзкьрьн, шабун, ә’дьлайи, сәбьркьрьн, ширьнайи, qәнщи, амьни,"

²³ мьлукти, хwәгьртьн. Һьндава ван тьштада qанун т’ӧнә."

²⁴ У әwед кӧ п’ара Мәсиһ Иса нә, бьнйат’а хwә бь т’әви тәмед хьраб у һавьжийава сәр хач кӧштьнә."

²⁵ Әм кӧ бь сайа Р’ӧһ’ дьжин, бь р’ебәрийа Р’ӧһ’ бьмәшьн."

²⁶ Әм к’ӧбар нәбьн, агьре һәв гӧр’ нәкьн у һ’әвсудийе ль һәвдӧ нәкьн."

6

¹ Хушк-бьрано, һәгәр йәк нәһәqикеда бе гьртьне, һун кӧ р’ӧһ’ани нә, wи биньнә сәр р’ийа р’астийе, ле бь р’ӧһ’е мьлуктийе. Ле һаш жь хwә жи һәбьн, кӧ һун нәк’әвьнә щер’ьбандьне."

² Баред һәвдӧ һьлдьн у бь ви аwайи һуне qануна Мәсиһ бьqәдиньн."

³ Һәгәр йәк хwә дәwса тьштәки датинә у хwәха нә т’ӧ тьшт ә, әw хwәха хwә дьхапинә."

⁴ Бьра һәр кәс кьрьнед хwә бьдә сәр мезине у паши һьнге жь хwә р’ази бә, нә кӧ хwә һьмбәри һәвале хwә кә."

⁵ Чьмки һәр кәсе хӧрща хwә һьлгьрә."

⁶ Әwе һини хәбәра Хwәде дьбә, гәрәке һәр тьштед qәнщ т’әви дәрсдаре хwә п’ар кә."

⁷ Нәхапьн, Хwәде набә пек’әни. Чьмки мәрьв чь дьчинә, wе жи дьчьнә."

⁸ К’и кӧ бона бьнйат’а хwә дьчинә, әwе жь wе бьнйат’е мьрьне бьчьнә, ле к’и кӧ бона Р’ӧһ’ бьчинә, wе жь Р’ӧһ’ жийина ф һ’әта-һ’әтайе бьчьнә."

⁹ Жь qәнщикьрьне жи ащьз нәбьн, чьмки әме wәхтда бьчьньн һәгәр әм нәдьнә дәр."

¹⁰ Аwа һ’әта кӧ wәхт дәстед мәда йә, һ’әмуйар’а qәнщийе бькьн, илаһи ф нәфәред мала Хwәдер’а."

¹¹ Дина хwә бьдьне, әз бь чь һ’әрфед гьр ньһа wәр’а дьньвисьм."

¹² Әwед кӧ дьхwазьн жь дәрвава хwә бьдьнә к’ьфше, әw п’ейи сәр wә дькьн, кӧ һун бенә сьнәткьрьне. Ле әвана ве йәке дькьн, кӧ т’әне бона хаче Мәсиһ әw нәйенә зерандьне."

¹³ Әwед хwәйисьнәт хwәха Qануне хwәй накьн, ле дьхwазьн кӧ һун бенә сьнәткьрьне, wәки әw бь нишана qальбе wәйи мәрьвайи бьфьр’ьн."

¹⁴ Ле жь мьн нак’әвә кӧ әз бь тьштәки дьн бьфьр’ьм, пештьри бь хаче Хӧдане мә Иса Мәсиһ, бь к’ижани дьнйа бона мьн хачбуйи йә, әз жи бона дьнйайе."

¹⁵ Бәле нә сьнәткьрьн тьштәк ә, нә жи нәсьнәткьрьн, ле сәри әw ә, кӧ бьбьн ә’фьринәки ну."

¹⁶ Дә бьра ә’дьлайи у р’ә’м сәр wан һ’әмуйа бә, к’ижанед кӧ анәгори ве йәке дьжин у ӧса жи сәр Исраела ф Хwәде бә."

¹⁷ Жь вьр шунда бьра т’ӧ кәс зә’мәте нәдә мьн, чьмки мьн даха бьринед Иса һьлдайә сәр бәдәна хwә."

¹⁸ Дә бьра к’әрәма Хӧдане мә Иса Мәсиһ т’әви р’ӧһ’е wә бә хушк-бьрано. Амин."