1

¹ Жь Паwлосе бь ә’мьре Хwәде шандийе ф Мәсиһ Иса у Тимот’ейойе бьрайе мә,

щьвина ф Хwәдейә Корьнт’ер’а у wе т’әмамийа щьмә’та Хwәдер’а, йа кӧ т’әвайийа qәза Ахайайеда йә:"

² Дә бьра к’әрәм ф у ә’дьлайийа Баве ф мә Хwәде у Хӧдан ф Иса Мәсиһ ль wә бә."

³ Шькьр Хwәдейе Баве Хӧдане мә Иса Мәсиһр’а, Баве дьлшәwатийе у Хwәдейе һ’әму бәрдьлийе ф."

⁴ Әw нава һ’әму тә’ли-тәнгийада дьл дьдә бәр мә, wәки әм жи бькарьбьн дьл бьдьнә бәр wан, йед кӧ нава һәр щур’ә тә’ли-тәнгийада нә, бь wе бәрдьлийе, пе к’ижане әм хwәха жь Хwәде тенә бәрдьликьрьне."

⁵ Бәле чаwа әм т’әви wан щәфайед Мәсиһә гәләк дьбьн, ӧса жи гәләки бь дәсте Мәсиһ бәр дьле мәда те һатьне."

⁶ Һәгәр әм тә’ли-тәнгийада нә, әw бона бәрдьли у хьлазбуна ф wә йә у һәгәр әм бәрдьликьри нә, әw бона wе бәрдьлийа wә йә, кӧ һун бькарьбьн бь сәбьре wан тә’ли-тәнгийа бьк’ьшиньн, к’ижана әм жи дьк’ьшиньн."

⁷ У әм wәда ә’сәйи гӧман ьн, чьмки әм заньн кӧ һун чаwа т’әви щәфайед мә нә, ӧса жи т’әви бәрдьлийа мә нә."

⁸ Әм нахwазьн кӧ һун һаш жь wан тә’ли-тәнгийа т’ӧнәбьн хушк-бьрано, йед кӧ мә qәза Асйайеда к’ьшандьн. Әм жь qәwата хwә дәр һаqаси к’әтьнә бьн баред гьран, һ’әта кӧ мә дәсте хwә жь ә’мьре хwә жи к’ьшанд."

⁹ Бәле мә хwәр’а qьрара мьрьне һ’әсаб кьр, ле әв йәк бу wәки әм гӧмана хwә нәдьнә сәр хwә, ле сәр Хwәде, Йе кӧ мьрийа жь гор’а р’адькә."

¹⁰ Жь дәсте wе мьрьна тьрс у хоф Әwи әм хьлаз ф кьрьн у wе хьлаз кә жи. У гӧмана мә һәйә кӧ wе диса мә хьлаз кә,"

¹¹ бь алик’арийа wан дӧайед кӧ һун бона мә дькьн. Бь ви аwайи бь сайа дӧайед гәләка к’әрәм ф wе мәр’а бе дайине у гәләке бона мә шькьрийе бьдьнә Хwәде."

¹² Р’успитийа мә әв ә: Исафа мә шә’дәтийе дьдә, wәки мә бь дьле сах у вәкьри жь Хwәдеда ль ве дьне ә’мьре хwә дәрбаз кьр, илаһи ф һьндава wәда, нә кӧ бь сәрwахтийа ф мәрьвайийе ф, ле бь к’әрәма Хwәде."

¹³ Әм тьштәки дьн wәр’а наньвисьн, пештьри wан тьштед кӧ һун дькарьн бьхуньн у фә’м бькьн у әз гӧман ьм кӧ һуне т’ам фә’м бькьн,"

¹⁴ чаwа жь п’ьр’и-һьндьки wә әм фә’м кьрьнә, wәки һун бьгьһижьнә wе фә’мине кӧ әм р’успитийа wә нә, чаwа һун жи йа мә нә, Р’ожа һатьна Хӧдан Иса."

¹⁵ Мьн бь ве гӧмане шеwьра хwә кьр, пешийе бьһатама щәм wә, кӧ wә дӧ щара к’әрәм бьстанда,"

¹⁶ аwа готи сәрик бьда wә, жь щәм wә бьчума Мәкәдонйайе у жь Мәкәдонйайе жи диса сәр wәда вәгәр’ийама, кӧ wә жи әз ль алийе Щьһустанеда ф вәр’екьрама ."

¹⁷ Гава әз аһа дьшеwьрим, гәло мьн сьвькайи кьр? Йан шеwьра хwәда мина бәнде ве дьнйайе шеwьрим, кӧ «Бәле» у «На»-йа мьн сьбәһ-евар нәбә йәк?"

¹⁸ Ле Хwәде шә’дә йә, кӧ созе мә wәр’а нәбуйә «Бәле» у паше «На»."

¹⁹ Чьмки Кӧр’е ф Хwәде, Иса Мәсиһ кӧ пе мә wәр’а һатә даннасинкьрьне, (бь мьн, Силас у Тимот’ейо), «Бәле» у «На» нәбу, ле нава Wида т’ьме «Бәле» йә."

²⁰ Чьмки һ’әму созед Хwәде бь Иса Мәсиһ «Бәле» нә, ләма жи әм бь Wи «Амин ф» дьбежьн, бона р’умәта Хwәде."

²¹ У Хwәде йә, йе кӧ әм wәва т’әвайи йәктийа Мәсиһда һ’имгьрти кьрьн. Хут Wи әм к’ьфш кьрьн"

²² у мора Хwә дани сәр мә, Р’ӧһ’е ф Пироз кьрә дьле мә чаwа бьһе ф жь бәр созе Хwәва."

²³ Ле сәр мьнр’а Хwәде шә’дә йә, кӧ мьн qемиши wә нәкьр, кӧ нәһатьмә Корьнт’е."

²⁴ Әм һ’ӧкӧми сәр баwәрийа ф wә накьн, чьмки һун баwәрийеда шьдийайи нә, ле әм т’әви wә дьхәбьтьн бона шабуна wә."

2

¹ Аwа мьн хwәха хwәр’а qьрар кьр кӧ диса нәйем дьле wә бешиньм."

² Чьмки һәгәр әз дьле wә бешиньм, иди к’е wе дьле мьн ша кә, пештьри әwед кӧ мьн дьле wан ешандьнә?"

³ Мьн әw йәк нә’ма хwәда ньвисибу, кӧ нәбә гава әз бем, йед кӧ гәрәке мьн ша кьн, әw дьле мьн бешиньн. Чьмки әз wә һ’әмуйада гӧман ьм, кӧ шабуна мьн шабуна wә һ’әмуйа йә."

⁴ Мьн бь гәләк һесьра, бь гәләк к’әдәр у к’әсәра дьле хwә wәр’а ньвиси, wәки һун нә кӧ ль бәр хwә к’әвьн, ле wәки wе к’урайийа һ’ьзкьрьна мьнә һьндава хwәда фә’м бькьн."

⁵ Аwа һәгәр йәки дьлеши кьр, нә кӧ т’әне дьле мьн ешанд, ле йе һьнәка жи, wәки гәләки зедә нәкьм, нәбежьм йе wә һ’әмуйа жи."

⁶ Әw щәза бәси wи мәрьви йә, кӧ жь wә гәләка wир’а һатийә дайине."

⁷ Ле ньһа һун гәрәке бьбахшиньнә wи у ль бәр дьле wида бен, wәки к’әрби бәрхwәк’әтьне хwә ӧнда нәкә."

⁸ Аwа әз һиви жь wә дькьм, һ’ьзкьрьна хwә һьндава wида мак кьн."

⁹ Һәма бона wе йәке жи мьн ньвисийә, wәки wә бьщер’ьбиньм ф бьзаньбьм к’а һун һәр тьштида гӧһдар ьн."

¹⁰ Һәгәр һун тьштәки дьбахшиньнә йәки, әз жи т’әви wә мә. У һәгәр тьштәки бахшандьне һәбә, бона wә ль бәр диндара Мәсиһ дьбахшиньм,"

¹¹ wәки мирещьн ф пьште ль мә нәшкенә, чьмки әм һаш жь һ’ӧнӧред wи һәнә."

¹² Гава әз бона Мьзгинидайина ф Мәсиһ гьһиштьмә Тройайе, мьн дит кӧ Хӧдан дәрик ль бәр мьн вәкьрийә."

¹³ Ле дьле мьн нә р’ьһ’әт бу, чьмки мьн бьре хwә Тито ль wьр нәдит. Һьнге мьн хатьре хwә жь wан хwәст, чумә qәза Мәкәдонйайе ."

¹⁴ Ле шькьр жь Хwәде, кӧ т’ьме мә п’ега к’ома Мәсиһә сәрк’әтьнеда пешда дьбә у бина наскьрьна хwә бь мә һәр дәра бәла дькә."

¹⁵ Чьмки әм бина Мәсиһә хwәш ьн ль бәр Хwәде, һьн нава хьлазбуйийада, һьн нава ӧндабуйийада."

¹⁶ Бона һьнәка әм бина мьрьне нә, кӧ wан бәрбь мьрьне дьбә у бона һьнәка жи бина жийине, кӧ wан бәрбь жийине дьбә. У к’и дькарә ви бари һьлдә?"

¹⁷ Әм нә мина һьнәка нә, йед кӧ хәбәра Хwәде к’ара хwәва гьредьдьн, ле бәле әм чаwа мәрьвнә жь Хwәдеда шанди, ль бәр Хwәде бь һәләqәтийа Мәсиһ пе сьтqе дьле р’аст хәбәр дьдьн."

3

¹ Гәло әм диса вәдьгәр’ьн, хwәха пәсьне хwә бьдьн? Йан мина һьнәка мәр’а лазьм ә әм шә’дәнә’ма сәр wәда бьшиньн, йан жь wә бьстиньн?"

² Нә һун ьн шә’дәнә’мед мә дьле мәда ньвисар, алийе һәр мәрьвида наскьри у хwәнди?"

³ К’ьфш ә кӧ һун нә’ма Мәсиһ ьн бь хьзмәтк’арийа мә ньвисар, нә кӧ бь һ’ӧбьре, ле бь Р’ӧһ’е Хwәдейе сах, нә кӧ сәр сәлед кәвьри, ле сәр т’әхтед дьле хун у гошт ."

⁴ Әм ве йәке Хwәдеда гӧман ьн бь сайа Мәсиһ."

⁵ Нә кӧ әм жь хwә һ’әсаб дькьн кӧ әм лайиqи ве кьрьне нә, ле карина мә жь Хwәде йә."

⁶ Әwи әw карин да мә, wәки әм бьбьнә qӧльхк’аред пәймана ф ну, нә кӧ йе ньвисаре, ле йе Р’ӧһ’, чьмки qануна ньвисар дькӧжә, ле Р’ӧһ’ дьдә жийине."

⁷ Аwа һәгәр әw qӧльхе кӧ сәр кәвьра бь һ’әрфа к’олайи бу у ахьрийе мьрьне пешда тинә һаqас хwәйир’умәт бу, wәки зар’ед Исраел ф нькарьбун р’уйе Муса ф бьньһер’ийана, жь дәст wе шәwqа р’уйе wийи кӧ диса wе дәрбаз буйа бьчуйа ,"

⁸ ле бәле qӧльхе Р’ӧһ’ wе һе чьqас хwәйир’умәт бә?"

⁹ Чьмки һәгәр әw qӧльхе кӧ ахьрийе диwан сәр мәрьвада дани, һаqас хwәйир’умәт бу, һе чьqас зедә wе хwәйир’умәт бә әw qӧльхе кӧ мәрьв пе бесущ дьбьн."

¹⁰ Бәле йе кӧ хwәйир’умәт бу, әw бер’умәт дәрк’әт жь бәр wе р’умәта кӧ сәр wер’а бу."

¹¹ Һәгәр qӧльхе кӧ wе дәрбаз бьбуйа бьчуйа хwәйир’умәт бу, иди йе кӧ wе бьминә, һе чьqас хwәйир’умәт ә!"

¹² Аwа әм хwәйе ве гӧмане нә, ләма хәбәрдана хwәда мерк’ими нә."

¹³ Әм нә мина Муса нә, чаwа wи хели авитьбу сәр р’уйе хwә, wәки зар’ед Исраел һ’әта хьлазийе әw р’умәта wе дәрбаз буйа нәдитана ."

¹⁴ Бәле әw сәwдайе хwәда фә’мәкори бун у һ’әта иро жи гава пәймана кәвьн дьхуньн, хут әw хели сәр фә’ме wан дьминә. Әw һьнге те һьлдане, гава әw дьбьнә п’ара Мәсиһ."

¹⁵ Бәле һ’әта иро жи, гава Qануна ф Муса дьхуньн, хели сәр фә’ме wан дьминә,"

¹⁶ ле гава йәк ль Хӧдан вәгәр’ә, һьнге «әw хели те һьлдане» ."

¹⁷ У әw Хӧдан Р’ӧһ’ ә у Р’ӧһ’е Хӧдан ль к’ӧ дәре бә, ль wе дәре жи азайи һәйә."

¹⁸ Аwа әм һ’әму жи р’уки бехеликьри мина нәйньке шәwqа р’умәта Хӧдан вәдьгәр’иньн у әм бь дәрәщед р’умәт бь р’умәте тенә гӧһастьне, дьбьнә хут әw сурәте Wи, әв йәк бь алик’арийа Хӧдан ә, кӧ хwәха Р’ӧһ’ ә."

4

¹ Бона ве йәке әм жь ви qӧльхи вәнак’ьшьн, йа кӧ мә бь р’ә’ма Хwәде стандийә."

² Ле бәле әм жь тьштед ә’йбә дьзива дур ьн у фелбазийа накьн, хәбәра Хwәдеда qәлпийе накьн. Ле сәрда әм р’астийе ә’йан дькьн у бь ви аwайи хwә дийари исафа ф һәр мәрьви дькьн ль бәр Хwәде."

³ Ле һәгәр әв Мьзгинийа кӧ әм дьдьн вәшарти йә жи, әw ль бәр ӧндабуйийа вәшарти йә."

⁴ Мире ве дьнйайейи нәһәq шәвәр’әша кора анийә сәр фә’ме нәбаwәра, wәки р’онайа Мьзгинийа р’умәта Мәсиһ нәдә сәр wан, Йе кӧ сурәте Хwәде йә."

⁵ Әм нә кӧ хwә даннасин дькьн, ле Иса Мәсиһ чаwа Хӧдан у хwә жи чаwа хӧламед wә, бона Иса."

⁶ Wи Хwәдейе кӧ гот: «Бьра жь тә’рийе р’онайи дәре» , Wи хwәха дьле мәда шәwq да, wәки әм р’умәта Хwәде нас кьн, бь wе шәwqа кӧ жь р’уйе Мәсиһ дәрте."

⁷ Ле әв хьзнә нава мә дәрданед һ’әр’ида һәйә, wәки бе к’ьфше кӧ зорайийа qәwате жь Хwәде йә, нә кӧ жь мә."

⁸ Әм һәр алийава тә’ли-тәнгийада нә, ле нав дәст-п’ийе тәнгасийада ф начьн, дәрәще бегӧманда нә, ле бегӧман ниньн,"

⁹ хwәйинәйар ьн, ле нә бейар ьн, ледайи-к’әти нә, ле нә ӧндабуйи нә."

¹⁰ Һәр гав әм мьрьна Иса бәдәнед хwәда дьбьн, wәки жийина Иса жи бәдәна мәда к’ьфш бә."

¹¹ Чьмки әмә кӧ сах ьн, бона Иса мьрьнер’а тенә дайине, wәки жийина Иса жи qальбе мәйи мьрида к’ьфш бә."

¹² Аwа мьрьн нава мәда йа хwә дькә, ле жийин нава wәда."

¹³ Чаwа ньвисар ә: «Мьн баwәр кьр, ләма хәбәр да» . Хут бь wи р’ӧһ’е баwәрийе әм жи баwәр дькьн у ләма хәбәр дьдьн."

¹⁴ Әм заньн Әwе кӧ Хӧдан Иса жь мьрьне р’акьр, wе мә жи т’әви Иса жь мьрьне р’акә у мә т’әви wә бәр хwә бьдә сәкьнандьне."

¹⁵ Бәле әв һ’әму бона wә йә, кӧ гава к’әрәм һе сәр гәләкада бьр’ьжә, шькьрдарийа р’умәта Хwәде жи һе зедә бә."

¹⁶ Ләма әм жь ве йәке вәнак’ьшьн. Бәле әм жь дәрвава дерьс дьбьн дьчьн, ле дьлда р’ож бь р’ож нуйәжийин дьбьн."

¹⁷ Чьмки щәфед мәйә дәм-дәмә сьвьк мә дькьнә хwәйийе р’умәта гьранә һ’әта-һ’әтайейә бе һьмбәр."

¹⁸ Аwа әм дина хwә надьнә тьштед хӧйа дьбьн, ле йед нәхӧйа, чьмки тьштед хӧйа бона wәхтәки нә, ле йед нәхӧйа һ’әта-һ’әтайи нә."

5

¹ Чьмки әм заньн, һәгәр qальбе мәйи ахин мина коне фьрари хьраб бә, маләкә мәйә һ’әта-һ’әтайе ль ә’змана һәйә, йа кӧ бе дәст жь Хwәдеда чекьри йә."

² У бәле әм ви конида дьнә’льн, һ’әйра wе йәкеда нә, кӧ мала хwәйә ә’змани ль хwә wәргьрьн,"

³ wәки, гава әм wе хwә wәргьрьн, бе сьт’ар к’ьфш нәбьн."

⁴ Бәле һ’әта кӧ әм ви конида дьминьн, бьн баре гьранда дьнә’льн, нә кӧ әм дьхwазьн ви жь хwә бехьн, ле йа ә’змани сәр хwә wәргьрьн, wәки йе хwәйимьрьн wе жийинеда бәтавәбә ф һәрә."

⁵ Хwәде Хwәха әм ве йәкер’а һазьр кьрьнә у Р’ӧһ’е Хwә чаwа бьһе ф жь бәр созе Хwәва да мә."

⁶ Аwа әм һәр гав ве йәкеда ә’сәйи гӧман ьн. Әм заньн һ’әта әм ви qальбида дьминьн жь Хӧдан дур ьн,"

⁷ чьмки әм бь баwәрийе дьжин, нә кӧ бь дитьна ч’ә’ва."

⁸ У гӧмана мәйә ә’сәйи һәйә у һе дьхwазьн жь ви qальби дәрен ль щәм Хӧдан бьһеwьрьн."

⁹ Бона ве йәке әм дьщә’диньн, кӧ һәгәр әм бьминьн йан дәрен, т’әне ль Wи хwәш бен."

¹⁰ Чьмки гәрәке әм һ’әму жи ль бәр диwана Мәсиһ бьсәкьньн, wәки һәр кәс wәкә wан ә’мәлед qальбе хwәда кьри бьстинә, чь кӧ кьрьбә, qәнщи йан хьраби ."

¹¹ Аwа әм кӧ һаш жь хофа Хӧдан һәнә, дькьн кӧ мәрьва биньнә р’айе. У әм Хwәдева жи ә’йан ьн, гӧман һәйә, кӧ әм исафа wәва жи ә’йан ьн."

¹² Нә кӧ әм бәр wә диса пәсьне хwә дьдьн, ле мәщале дьдьнә wә, кӧ һун бь мә бьфьр’ьн, wәки тьштәки wәйи готьне wанр’а һәбә, йед кӧ бь дитьна ч’ә’ва дьфьр’ьн, нә кӧ бь йа дьлада."

¹³ Һәгәр мә һ’ьше хwә ӧнда кьрийә, әw бона Хwәде йә, ле һәгәр әм сәр һ’ьше хwә нә, әw бона wә йә."

¹⁴ Һ’ьзкьрьна Мәсиһә һьндава мәда п’ейи сәр мә дькә, чьмки әм фә’м дькьн, кӧ йәк бона һ’әмуйа мьрийә, кӧ ӧса йә һ’әму жи мьрьнә."

¹⁵ Мәсиһ бона һ’әмуйа мьр, wәки әwед сах бона хwә сах нибьн, ле бона Wи, Йе кӧ бона wан мьр у жь мьрьне р’абу."

¹⁶ Чь ль мә дьк’әвә, әм иди ньһа кәсәки бь тьһәре мәрьвайи наньһер’ьн. Р’аст ә wәхтәке мә бь тьһәре мәрьвайи Мәсиһ ньһер’и, ле ньһа иди әм ӧса наньһер’ьн."

¹⁷ Аwа һәгәр йәк йәктийа Мәсиһда йә, әw ә’фьринәки ну йә, тьштед кәвьн дәрбаз бун чун у ва йед ну һатьн."

¹⁸ Әв һәр тьшт жь Хwәдеда нә, кӧ әм бь Мәсиһ т’әви Хwә ль һәв анин у qӧльхе льһәванине да мә."

¹⁹ Аwа готи Хwәде бь Мәсиһ дьнйа т’әви Хwә ль һәв ани, нәһәqийед wан wанр’а нәһәqи һ’әсаб нәкьрьн у готьна льһәванине спартә ф мә."

²⁰ Аwа әм жь алийе Мәсиһда qасьдийе дькьн, чаwа кӧ Хwәде бь мә һиви жь wә дькә: Әм алийе Мәсиһда р’әща жь wә дькьн, т’әви Хwәде ль һәв wәрьн!"

²¹ Әwи кӧ һәләqәтийа Wи т’әви гӧна т’ӧнәбу, Хwәде Әw бона мә кьрә һәвал-п’аре гӧна , wәки әм йәктийа Wида бьбьнә һәвал-п’аред р’астийа ф Хwәде."

6

¹ Әм жи чаwа һәвал-хәбатед Хwәде иди һиви жь wә дькьн, йед кӧ к’әрәма Хwәде стандьнә, нәһельн кӧ әw к’әрәм бефәйдә бә."

² Чьмки Хwәде дьбежә:

«Дәма р’ә’м-к’әрәме Мьн дәнге тә бьһист

у р’ожа хьлазбунеда һатьмә һәwара тә» .

Ва ньһа йә дәма р’ә’м-к’әрәме! Ва ньһа йә р’ожа хьлазбуне!"

³ Әм дькьн т’ӧ тьштида нәбьнә байисе к’әтьна т’ӧ кәси, wәки qӧльхе мә нәйе ломәк’аркьрьне ф."

⁴ Ле һәр тьштида әм хwә бь сәбьра хwәйә мәзьн дьдьнә к’ьфше, чаwа qӧльхк’аред Хwәде: Тә’ли-тәнгийада, һесири-бәләнгазийа у дәрд-кӧлада,"

⁵ леданада, кәлада ф у һәр алийава һ’ьщумкьри, к’әсьри, бехәw, бьр’чи ,"

⁶ бь ньхта һ’әлал, бь занәбуне, бь дьле фьрә, бь ширьнайийе, бь Р’ӧһ’е Пироз у бь һ’ьзкьрьна беһ’ьләк’ари,"

⁷ бь готьна р’астийе у qәwата Хwәде. Әм бь дәсте ч’әп у р’асте жи р’астһ’әсабунева сильһ’кьри нә,"

⁸ һӧрмәте у беһӧрмәтийеда, qәдьр у р’әзилийеда. Мә һ’әсаб дькьн чаwа йед дәрәwин, ле әм сәр р’астийе нә,"

⁹ мә һ’әсаб дькьн чаwа йед нәнас, ле йед бь нав у дәнг ьн, чаwа йед мьри, ле ва йә әмә сах ьн, чаwа щәза станди, ле нәкӧшти нә,"

¹⁰ әм чаwа йед зәлулийеда нә, ле әм һәр т’ьм ша нә, чаwа йед бәләнгаз, ле әм гәләка дәwләти дькьн, чаwа к’ьфш дьбә йане тьштәки мә т’ӧнә, ле һәр тьштед мә һәнә."

¹¹ Мә вәкьри wәр’а хәбәр дайә гәли корьнт’ийа, дьле мә жи һьндава wәда фьрә йә."

¹² Һун жь алийе мәда бинтәнг набьн, ле һун бина хwә ль хwә тәнг дькьн."

¹³ Әз чаwа т’әви зар’ед хwә хәбәр дьдьм, һун жи wәкә wе йәке ль мә вәгәр’иньн у дьле хwә мәр’а вәкьн."

¹⁴ Т’әви нәбаwәра нәк’әвьнә бьне нирәки. Чь к’аре һәqийе т’әви нәһәqийе һәйә? Йан чь һәләqәтийа р’онайе т’әви тә’рийе?"

¹⁵ У чь т’ьфаqийа ф Мәсиһ т’әви щьн ф һәйә? Йан чь п’ар нава баwәрмәнда у нәбаwәрада һәйә?"

¹⁶ Йан жи чь һәвалтийа п’арьстгәһа ф Хwәде т’әви йа п’ута һәйә? Чьмки әм п’арьстгәһа Хwәдейе сах ьн! Чаwа Хwәде гот:

«Әзе нава wанда бьминьм,

нава wанда бьмәшьм,

Хwәдейе wан бьм

у әwе жи щьмә’та Мьн бьн» .

¹⁷

Бона ве йәке «Хӧдан дьбежә:

Дә р’абьн жь нава wан дәрен, щӧдә бьн.

Ль тьштед һ’әрам ф нәк’әвьн,

у Әзе wә qәбул кьм ,

¹⁸

Баве wә бьм,

һуне жи кӧр’ у qизед Мьн бьн,

Хӧдане Һ’әму Зорайийе дьбежә ».

 "

7

¹ Әм кӧ хwәйе ван соза нә дәлално, дә әм хwә жь һ’әму к’ьретийа qальб у р’ӧһ’е хwә паqьж кьн у бь хофа Хwәде лап бӧһӧрти-жьбарә бьн."

² Мә дьле хwәда щи кьн! Мә нәһәqи т’ӧ кәси нәкьрийә, зийан нәдайә т’ӧ кәси у кәсәк к’ара хwәр’а нәдайә хәбате."

³ Әз ве йәке набежьм кӧ wә нәһәq кьм, ле чаwа мьн пешда готийә, һун дьле мәда нә, һәгәр әм бьмьрьн йан бьжин әм т’әви wә нә."

⁴ Әз гәләки wәда гӧман ьм, гәләки пе wә фьр’наq дьбьм! Нава һ’әму тә’ли-тәнгийед мәда бәрдьлийа wә жь сәре мьн зедәтьр ә у шабунеда к’ьм-к’ьми мә."

⁵ Бәле гава әм гьһиштьнә Мәкәдонйайе, мә qәт р’ьһ’әти нәдит, ле мә һ’әму алийава тә’ли-тәнги к’ьшандьн, дор-бәра шәр’-дә’w бун, дьлада жи хәм у дәрд бун."

⁶ Ле Хwәдейе кӧ бәр дьле шкәстийада те, бь һатьна Тито дьл да бәр мә"

⁷ у нә кӧ т’әне пе һатьна wи, ле бь wе йәке жи, кӧ чаwа wә дьл дабу бәр wи. Әwи мәр’а гьли кьр, кӧ һун чьqаси дәмана мьнда нә, шин у гьри нә у хирәта мьн дьк’ьшиньн. Бь ве йәке дьле мьн һе шабун к’әте."

⁸ Бәле һәгәр мьн пе wе нә’ме дьле wә ешанд, әз нә п’ошман ьм. Р’аст ә әз п’ошман бум, гава мьн дит кӧ wе нә’ме һьнәк wәхт дьле wә ешанд."

⁹ Ле ньһа әз ша мә, нә кӧ бона wе йәке кӧ һун бәр хwә к’әтьнә, ле чьмки һун бона т’обәкьрьне ф бәр хwә к’әтьн. Һун ль гора хwәстьна Хwәде бәр хwә к’әтьн, ӧса кӧ wә т’ӧ зийан жь мә нәдит."

¹⁰ Бәрхwәк’әтьна ль гора хwәстьна Хwәде мерьв бәрбь т’обәйийе дьбә кӧ хьлаз кә у п’ошмани теда т’ӧнә, ле бәрхwәк’әтьна жь ве дьнйайе бәрбь мьрьне дьбә."

¹¹ Дә дина хwә бьдьнә wе бәрхwәк’әтьна ль гора хwәстьна Хwәде кӧ чьqас к’ар да wә: Wә чаwа щә’данд бь р’успити щаба хwә да! Чь һерс, чь хоф, чь һ’ьзрәт, чь хирәт, чь щәзадайина бона нәһәqийе! Wә һ’әму алийава хwә да к’ьфше, кӧ һун ван йәкада сәр ньхта һ’әлал ьн."

¹² Аwа әw нә’ма кӧ мьн wәр’а ньвиси, нә бона wи бу, йе кӧ нәһәqи кьр у нә бона йе һатә нәһәqкьрьне, ле бәле wәки әw дәмана wәйә һьндава мәда ль бәр Хwәде ә’йан бә."

¹³ Бона ве йәке дьл һатә бәр мә.

Пештьри wе бәрдьлһатьнеда, һе гәләки дьл һатә бәр мә бона шабуна Тито, чьмки wә һ’әмуйа дьле wи р’ьһ’әт кьрьбу."

¹⁴ Ль бәр wи әз пе wә фьр’наq бум у әз р’ур’әш дәрнәк’әтьм. Ле чаwа һәр тьште кӧ мә wәр’а гот р’аст бу, ӧса жи әw фьр’наqийа мәйә бәр Тито р’аст дәрк’әт."

¹⁵ У дьле wи һе сәр wә гәрм буйә, гава бона гӧһдарийа wә һ’әмуйа бир тинә, кӧ wә чаwа бь хоф у тьрс әw qәбул кьрийә."

¹⁶ Әз ша мә, кӧ һәр тьштида wәда гӧман ьм."

8

¹ Ижар хушк-бьрано, әм wе к’әрәма Хwәде wәва дьдьнә һ’әсандьне, йа кӧ щьвинед Мәкәдонйайер’а һатийә дайине ."

² Нава wе һесири-бәләнгазийа кӧ пе һатьнә щер’ьбандьне у нава к’әсибийа хwәйә гьранда жи, шабуна wан һе зедә бу у һе хwә данә мәр’данийе."

³ Әз шә’дә мә, кӧ wана wәкә qәwата хwә у жь qәwата хwә зедәтьр жи бь р’әзәдьли дьдан,"

⁴ гәләки һиви жи дькьрьн, кӧ әм qәдьре wан бьгьрьн, бьһельн кӧ әw т’әви ве к’омәкдайина бона щьмә’та Хwәде бьн."

⁵ У нә һаqас чьqас кӧ гӧмана мә һәбу, ле щанийа хwә пева пешийе данә Хӧдан у паше мә, бь ә’мьре Хwәде."

⁶ Иди һьнге мә жь Тито һиви кьр, кӧ әw wи шьхӧле qәнщи кӧ нава wәда дәстпекьр, хьлаз кә жи."

⁷ Чаwа һун һәр тьштида т’ерә-т’ьжи нә, баwәрийе, хәбәрдане, занәбуне, т’әмамийа хирәтеда у wе һ’ьзкьрьна хwәйә һьндава мәда, ӧса жи ви шьхӧле qәнщда т’ер-т’ьжи бьн."

⁸ Әз ве хәбәрданеда ә’мьри сәр wә накьм, ле wәки һун ч’ә’в бьдьнә хирәта һьнәкед дьн бона к’омәкдайине, дьхwазьм wә бьщер’ьбиньм, к’а һун һ’ьзкьрьнеда чьqас ширһ’әлал ьн."

⁹ Чьмки һун к’әрәма Хӧдане мә Иса Мәсиһ заньн: Р’аст ә Әw йәки дәwләти бу, ле бона wә к’әсиб бу, wәки һун бь к’әсиббуна Wи дәwләти бьн."

¹⁰ Әз ве йәкеда фькьра хwә wәр’а дьбежьм: Әв йәк бона к’ара wә йә, чьмки һе сала парва нә кӧ т’әне wә пешийе дәстпекьр wе йәке бькьн, ле ӧса жи һун пешийе wе йәкер’а р’ази бун."

¹¹ Дә ижар ве кьрьна хwә биньнә сери ф, wәки р’әзәдьлийа хwәда чьqас хирәт дькьн, һаqас жи биньнә сери, wәкә qәwата хwә."

¹² Чьмки һәгәр һун бь р’әзәдьли к’омәке бьдьн, әw wәкә wе йәке qәбул ә, чьqас дәсте к’ева те, ле нә wәкә wе йәке, кӧ дестда т’ӧнә."

¹³ Әз нә кӧ фьреqәтийа һьнәка дьхwазьм у тәнгасийа wә, ле wәки һәр тьшт wәкә һәв бә."

¹⁴ Ньһа зедәйа wә дькарә кемасийа wан т’ьжи кә у р’ожәке жи зедәйа wане кемасийа wә т’ьжи кә. Бь ви аwайи wе wәкә һәв дәре,"

¹⁵ чаwа ньвисар ә:

«К’е гәләк т’оп кьр, зедә нәбу

у к’е һьндьк т’оп кьр, кем нәбу» ."

¹⁶ Шькьр жь Хwәде кӧ әw хирәт да Тито жи, кӧ али wә бькә."

¹⁷ Әw нә кӧ т’әне һивикьрьна мәр’а р’ази бу, ле хирәта wи жи qәбул нәкьр, хwәст бь р’әзәдьли бе щәм wә."

¹⁸ Т’әви wи әм wи бьрайи дьшиньн, йе кӧ һ’әму щьвинада бона Мьзгинидайине пәсьне wи дьдьн"

¹⁹ у нә кӧ т’әне һаqас, ле ӧса жи жь алийе щьвинада һатә бьжартьне, кӧ бьбә һәвале wе р’еwитийа кӧ әм к’омәкдайинер’а qӧльх дькьн, бона р’умәта Хӧдан у wәки әм дьлхwәстьна хwә жи ве йәкеда бьдьнә к’ьфше."

²⁰ Әм һ’әвза хwә жь ве йәке жи дькьн, кӧ нәбә йәк ви qӧльхе мәйи мәр’ддайинеда мә ломәк’ар кә."

²¹ Чьмки әм дькьн р’аст дәрен, нә кӧ т’әне ль бәр Хӧдан, ле ль бәр мәрьва жи."

²² Әм т’әви wан һәр дӧ бьра, бьраки хwәйи дьн жи дьшиньн, йе кӧ мә гәләк тьштида әw щер’ьбандийә у т’ьме жи хирәтк’еш дитийә у ньһа жи һе хирәтк’еш ә һьндава wәда, чьмки әw гәләки wәда гӧман ә."

²³ Һәгәр пьрс бе сәр Тито, әw һәвал у хәбатк’аре т’әви мьн ә бона wә. Ле һәгәр бе сәр wан һәр дӧ бьрайед мә, әwана жь алийе щьвинеда шанди нә, бона р’умәта Мәсиһ дьхәбьтьн."

²⁴ Аwа һ’ьзкьрьна хwә у әw пәсьне кӧ мә бона wә дайә, wанр’а бьдьнә избаткьрьне, wәки һ’әму щьвин wе йәке бьбиньн.

 "

9

¹ Дәрһәqа к’омәкдайина щьмә’та Хwәдеда әв тьштәки зедә йә, кӧ әз wәр’а бьньвисьм."

² Чьмки әз wе р’әзәдьлийа wә заньм у нава мәкәдонийада пе wә фьр’наq дьбьм дьбежьм, кӧ wә баwәрмәндед qәза Ахайайе һе сала парва к’аре хwә к’омәкдайине кьрийә у әв хирәтк’ешийа wә, гәләк жь нав wанда ләqандьнә."

³ У әз жи wан бьрайед хwә дьшиньм, wәки фьр’наqийа мьнә һьндава wәда, wе йәкеда бәтал дәрнәйе, ле һун ӧса һазьр бьн, чаwа мьн wанр’а готийә,"

⁴ кӧ нәбә һәгәр мәкәдони т’әви мьн бен у бьбиньн һун нә һазьр ьн, әм шәрми бьн (нахwазьм бежьм һун жи) wе гӧманеда, йа кӧ әм wәда гӧман бун."

⁵ Ләма жи мьн р’е тер’а дит, һиви жь бьра кьр, кӧ бәри мьн бенә щәм wә у т’ьвдарәке wе п’ешк’еша ф гӧмрә, йа кӧ wә соз дабу бьбиньн. Һьнге әwе бь р’әзәдьлийе һазьр бә, нә кӧ бь дәсте зоре."

⁶ Ве йәке бир нәкьн: Йе дәст дьдә бәр чандьне, wе һьндьки жи бьдьру, ле йе дәст надә бәр чандьне, wе гӧмрә жи бьдьру."

⁷ Дьле һәр кәсир’а чьqас дәрбаз дьбә, бьра һаqаси жи бьдә, нә кӧ бьдә ле дьле wи пәй бә йан бь борщдарийе бә, чьмки Хwәде йе бь дьл у әшq дьдә һ’ьз дькә."

⁸ Хwәде дькарә һ’әму алийава сәр wәда бьбаринә, wәки һәр алийада һәр гав һ’әму тьштед wәйә керһати һәбьн у зедә бә жи бона һәр кьрьнед qәнщ."

⁹ Чаwа ньвисар ә:

«Wи гӧмрә да бәләнгаза,

qәнщикьрьна Wи һ’әта-һ’әтайе дьминә» ."

¹⁰ Әwе кӧ т’охьм дьдә т’охьмр’әш ф у нан жи бона хwарьне, wе т’охьм п’ешк’еши wә кә у зедә кә, бәред qәнщикьрьна wә жи бьгьһинә ."

¹¹ Һуне һәр тьштива дәwләти бьн, wәки һәр алийава мәр’д бьн у әw qәнщийед һун бь дәсте мә дькьн, бьбьнә мә’ни кӧ шькьрийе бьдьнә Хwәде."

¹² У гава һун ви qӧльхи дькьн, нә кӧ т’әне кемасийа щьмә’та Хwәде т’ьжи дькьн, ле әв йәк дькә кӧ Хwәдер’а һе шькьрдайин зедә бә."

¹³ Әв кьрьна wә р’астийа баwәрийа wә избат дькә, бь ви аwайи шькьрийа хwә Хwәде тиньн бона гӧһдарикьрьна Мьзгинийа Мәсиһә кӧ һун иqрар ф дькьн у бона wе мәр’данийа wә, кӧ һун алик’арийа wан у һ’әмуйа дькьн."

¹⁴ У әwе бона wә дӧа бькьн, һ’әйра wәда бьн, бона wе к’әрәма Хwәдейә сәр к’әрәма, йа кӧ wәр’а һатийә дайине."

¹⁵ Шькьр жь Хwәде бона wе дайина wийә кӧ найе готьн!"

10

¹ Әз, Паwлос хwәха һиви жь wә дькьм, бь мьлукти у ширьнайийа Мәсиһ, чаwа те готьне кӧ әз р’у бь р’у нава wәда мина бәрхәки мә, ле дурва һьндава wәда мина шерәки мә."

² Әз р’әща дькьм, ӧса нәкьн кӧ гава бем жи бьбьмә шер, чьмки әз ә’сәйи заньм кӧ әз дькарьм тӧрӧш кьм һьндава wанда жи һ’ьшк бьм, йед кӧ бона мә ӧса дьфькьрьн, йанчийә ф әм бь мәрьвайи дькьн."

³ Бәле р’аст ә әм мәрьв ьн, ле бь мәрьвайи әскәрийе накьн."

⁴ Ч’әкед әскәрийа мә, нә йе мәрьвайи нә, ле йед qәwатә жь Хwәде нә, бона wеранкьрьна т’ә’бийа."

⁵ Әм wан шеwьра у һ’әму бьльндщийед к’ӧбарийейә мьqабьли занәбуна Хwәде бәтал дькьн у һ’әму фькьра дькьнә һесир, ельми ф Мәсиһ дькьн."

⁶ Әм һазьр ьн щәза бьдьнә һ’әму нәгӧһдара, гава гӧһдарийа wә т’ам бә."

⁷ Һун р’әнг-р’уйа дьньһер’ьн. К’и хwәда гӧман ә, кӧ әw п’ара Мәсиһ ә? Бьра ве жи бьфькьрә, кӧ чаwа әw п’ара Мәсиһ ә, ӧса жи әм ьн."

⁸ Чьмки һәгәр әз һьнәки жи зедә дьфьр’ьм, бона wе һ’ӧкӧмдарийа кӧ Хӧдан да мә, тьштәки шәрмийе теда т’ӧнә, әw бона авабуна баwәрийа wә йә, нә кӧ хьраббуне."

⁹ Аwа әз дькьм кӧ ӧса к’ьфш нәбә, йане әз бь нә’мәйед хwә wә дьтьрсиньм."

¹⁰ Чаwа һьнәк дьбежьн: «Нә’мәйед wи һ’ьшк ьн у бь qәwат ьн, ле әw диндара хwәва бәләнгазәк ә у хәбәрданеда жи йәки пенәбуйи йә»."

¹¹ Йед ӧса бьра фә’м бькьн, әм дурва бь хәбәр у нә’мәйед хwәва чаwа нә, незик кьред хwәда жи ӧса нә."

¹² Р’аст әм нәwерьн, хwә сәр мезине бьк’ьшиньн у һьмбәри wан кьн, йед кӧ хwәха пәсьне хwә дьдьн. Әwана надьнә бәр һ’ьше хwә, гава нава хwәда хwә пе һәв чап дькьн у хwә дьдьнә бәр һәв."

¹³ Ле чь жь п’әйдайина мә дьк’әвә, әм ньге хwә жь бәр’а хwә дьрежтьр накьн, ле wәкә wи синоре дайи, чьqас Хwәде кьрә п’ара мә, кӧ дьгьһижә һ’әта щәм wә."

¹⁴ Әм жь синор дәр гавәкә хwә навежьн, чаwа һе нәгьһиштьбьнә щәм wә, чьмки гава р’астийе к’әвә әм бь Мьзгинидайина Мәсиһ иди гьһиштьнә һ’әта щәм wә."

¹⁵ Әм жь синор дәрнайен у пе хәбата һьнәкед дьн нафьр’ьн. Ле әм wе гӧмане нә, кӧ баwәрийа wә бьгьһижә, wәкә wе дайина кӧ мә стандийә, хәбата мә жи нава wәда һе зедә бәрфьрә бә."

¹⁶ Әм дьхwазьн кӧ жь wә wедатьр дәрбаз бьн, Мьзгинийе щийед дьн жи даннасин кьн, нә кӧ әм бь кьре йәки дьн бьфьр’ьн, йе кӧ синоре хwәда кьрийә."

¹⁷ Ле чаwа ньвисар ә: «Йе кӧ дьфьр’ә, бьра пе Хӧдан бьфьр’ә» ."

¹⁸ Чьмки нә кӧ әwе п’әйе хwә дьдә, ль Хӧдан qәбул ә, ле йе кӧ Хӧдан п’әйе wи дьдә."

11

¹ Әз дьхwазьм кӧ һун бькарьбьн һьнәки беһ’ьшийа мьн бьбьһерьн! Ле бькьн кӧ бьбьһерьн жи!"

² Әз к’ӧмр’әшийе wә дькьм, бь wе к’ӧмр’әшийа ф Хwәде. Чьмки мьн һун йәкир’а, аwа готи Мәсиһр’а нишан кьрьн, wәки wә мина qизәкә бьк’ьр ф ль бәр Wи бьдьмә сәкьнандьне."

³ Ле т’әне әз дьтьрсьм, тӧwәрә чаwа мә’р бь фелбазийа хwә Һеwа хапанд, ӧса жи әw һ’ьше wә бьчәлqинә у һун дәсте хwә жь ширһ’әлали у дьлсахийа хwәйә һьндава Мәсиһда бькьн ."

⁴ Гава йәк те у Исаки дьн даннасин дькә, к’ижан мә даннасин нәкьрийә, йан р’ӧһ’әки дьн һун дьстиньн, к’ижан wә жь мә нәстандийә, йан мьзгиникә дьн дьдә, кӧ мә нәдайә wә, һун ван тьшта р’ьнд дьбьн."

⁵ Ле бь т’әхмина мьн әз т’ӧ тьштива жь wан шандийед ә’йанә һа кемтьр ниньм!"

⁶ Дьбә әз хәбәрданеда нә сәр хwә мә, ле нә алийе занәбунеда. Мә әв йәк һ’әму алийава һәр тьштида нишани wә дайә."

⁷ Гәло мьн гӧнә кьр ф, кӧ Мьзгинийа Хwәде бе һәq да wә, хwә жи бәр wә шкенанд, кӧ һун бьльнд бьн?"

⁸ Мьн щьвинед майин т’алан кьрьн жь бәр һәqе хwәва, wәки хьзмәтк’арийе wәр’а бькьм."

⁹ У гава әз ль щәм wә бумә һ’әwще тьштәки, мьн гьрани нәда жь wә т’ӧ кәси, чьмки әw баwәрмәндед кӧ жь Мәкәдонйайе һатьбун, чь кемасийед мьн һәбун, wана дәсте хwә дьрежи мьн кьр. Бәле мьн һәр алийава кьрийә кӧ гьранийе нәдьмә wә у дькьм кӧ нәдьм жи ."

¹⁰ Бь wе р’астийа Мәсиһ, йа кӧ нава мьнда йә, р’успитийа мьн wе дор-бәред qәза Ахайайеда жи бәтал дәрнәйе."

¹¹ Чьма әз аһа дькьм? Әз wә һ’ьз накьм? Wе йәке Хwәде занә!"

¹² У әз чаwа дькьм, әзе ӧса жи бькьм, wәки р’е нәк’әвә wан, йед кӧ мә’нийа дьгәр’ьн, wәки п’әйе хwә бьдьн, йанчийә әw жи мина мә дьхәбьтьн."

¹³ Ле на, йед ӧса шандийед дәрәw ьн, п’алед qәлп ьн, хwә дькьнә дьлqе шандийед Мәсиһә р’аст."

¹⁴ У әв йәк нә тьштәки ә’щебмайине йә! Мирещьн хwәха жи хwә дькә дьлqе мьлйак’әте ф р’онайийе."

¹⁵ Һьлбәт нә тьштәки мәзьн ә, кӧ хьзмәтк’аред wи жи бьк’әвьнә дьлqе хьзмәтк’аред һәqийе. Ахьрийа wане wәкә ә’мәлед wан бә."

¹⁶ Диса дьбежьм, бьра т’ӧ кәс мьн беһ’ьш һ’әсаб нәкә. Ле һәгәр һун дькьн жи, иди бьра мьн мина йәки беһ’ьш qәбул кьн, кӧ әз жи һьнәки п’әйа бемә хwә."

¹⁷ Чь кӧ дьбежьм, р’аст ә ль Хӧдан хwәш найе, ле чаwа йәки бе һ’әмди хwә, бәр байе наве хwә к’әти."

¹⁸ Гәләк бь мәрьвайи п’әйе хwә дьдьн, әзе жи п’әйа бемә хwә."

¹⁹ Һун мәрьвнә сәрwахт ьн, ләма бь дьләки ша ль беһ’ьша сәбьр дькьн!"

²⁰ Бәле, һун сәбьр дькьн, гава йәк wә дькә хӧлам, йан һәбука ф wә дьхwә, йан wә к’ара хwәр’а дьдә хәбате, йан сәр wәр’а к’ӧбар дьбә, йан р’уйе wә дьхә."

²¹ Әз бь шәрмийе дьбежьм, кӧ әм wе йәкеда пенәбуйи бун!

Һәгәр йәк р’уйе wи дьгьрә бь тьштәки бьфьр’ә, р’уйе мьн жи дьгьрә, (әз ве йәке жь бефә’мийа хwә дьбежьм)."

²² Әwана ибрани ф нә? Әз жи. Исраели нә? Әз жи. Жь р’ьк’ьнйата Бьраһим ф ьн? Әз жи."

²³ Qӧльхк’аред Мәсиһ ьн? (Беһ’ьши хәбәр дьдьм), әз һе жь wан зедәтьр ьм! Жь wан зә’фтьр хәбьтимә, жь wан зә’фтьр к’әтьмә кәла, жь wан зә’фтьр ледан хwарийә, гәләк щара һ’әта бәр дәре мьрьне жи чумә."

²⁴ Бь дәсте щьһуйа ф пенщ щара, жь чьли йәк кем, бь qамчийа һатьмә ледане ,"

²⁵ се щара бь дәсте р’омийа бь шьва һатьмә ледане, щарәке әз дамә бәр кәвьра, се щара р’асти гәмиwәлгәр’андьне һатьмә, шәв у р’ожәке бә’реда мамә ."

²⁶ Гәләк р’еwитийед хwәда нава щур’ә-щур’ә qәдә-бәлада бумә: Жь ч’әма, жь р’ебьр’а, жь мьләте хwә, жь нәщьһуйа ф, бажерда, чол-бәстада, сәр бә’ре, жь бьрайед дәрәw ."

²⁷ Дьхәбьтим, дьчәрчьрим, гәләк щара хәwе шәва нәдькьр, т’и-бьр’чи, гәләк щара бе нан, сәрме у бесьт’арийеда бум."

²⁸ Пештьри тьштед майин, хәмед һ’әму щьвинайә һәр р’ож жи сәр мьн т’оп дьбьн."

²⁹ Гава йәк сәр һ’але хwәда дьгьри, әз жи т’әви wи дьгьрим! Гава йәк жь р’е те дәрхьстьне, дьле мьн жи дьqьлqьлә!"

³⁰ Һәгәр лазьм бә әз п’әйе хwә бьдьм, әзе сәр һ’алед хwәйә сьст п’әйа бемә хwә."

³¹ Хwәдейе Баве Хӧдан Иса, кӧ һ’әта-һ’әтайе һежайи шькьрийе йә, занә кӧ әз дәрәwа накьм."

³² Бажаре Шамеда wәлийе ф бәрдәстийе Аретас п’адша, бона кӧ мьн бьгьрә, нобәдар дабунә бәр дәргәһед бажер ,"

³³ әз пе сәпәте п’әнщәрәкер’а сурева дахьстьмә хwаре у жь дәсте wи р’әвим."

12

¹ Мьн дьк’әвә әз п’әйа бьдьмә хwә, ле р’асти к’ара wе т’ӧнә. Ле бәле әзе ньһа дәрбази сәр wан дитьн у ә’йантийа бьм, йед кӧ Хӧдан нишани мьн данә."

² Әз баwәрмәндәки Мәсиһ нас дькьм, чардәһ сал пешда, (ньзаньм qальбда бу, ньзаньм бе qальб бу, әw Хwәде занә), һ’әта ә’змане сьсийа һатә һьлатьне."

³ У әз заньм кӧ әв мәрьва, (qальбда бу, бе qальб бу, әз ньзаньм, wе йәке Хwәде занә),"

⁴ һ’әта бӧһьште ф һатә һьлатьне у тьштед найенә готьне бьһистьн кӧ жь мерьв нак’әвә бона wан тьшта хәбәр дә жи."

⁵ Әзе бона йе һа п’әйа бемә хwә, ле бона хwә п’әйа надьмә хwә, пештьри сәр һ’але сьстийед хwә."

⁶ Ле һәгәр әз бьхwазьм жи п’әйе хwә бьдьм, әв нә беһ’ьши йә, чьмки әз р’астийе дьбежьм. Ле әз хwә дьгьрьм, кӧ нәбә йәк сәр мьн тьштәки зедә бьфькьрә, пештьри тьште кӧ жь мьн дьбьһе йан дьбинә."

⁷ У wәки нәбә әз бона гәләк ә’йантийед нәбәрһ’ьша к’ӧбар бьм, бәлакә мина дәрзике qальбе мьнда мьнр’а һатә дайине, мьлйак’әтәки жь мирещьн, кӧ т’әпа бе мьн, wәки әз к’ӧбар нәбьм."

⁸ Бона ве йәке мьн се щара һиви жь Хӧдан кьр, кӧ ве йәке жь мьн дур хә,"

⁹ ле Әwи мьнр’а гот: «К’әрәма Мьн бәси тә йә, чьмки qәwата Мьн сьстийада мийасәр дьбә». Аwа әзе бь дьләки ша һ’але сьстийед хwәда бьфьр’ьм, wәки qәwата Мәсиһ нава мьнда бә."

¹⁰ Ләма жи әз бона наве Мәсиһ сьстийа, qара, һесири-бәләнгазийа, зерандьна у тә’ли-тәнгийа бәгәм дькьм, чьмки гава әз сьст дьбьм, һьнге qәwат дьбьм."

¹¹ Р’асти мьн беһ’ьши кьр кӧ п’әйе хwә да, ле wә п’ейи сәр мьн кьр! Гәрәке wә п’әйе мьн бьда. Әз т’ӧ тьштива жь wан шандийед wәйә ә’йан кемтьр нимә, ле әз хwәха жи нә т’ӧ тьшт ьм."

¹² Нишанед шандитийа р’аст, аwа готи нишан, к’әрәмәт у кьред qәwат, нава wәда бь т’әмамийа сәбьре һатьнә кьрьне."

¹³ Мьн чь тьштива qәдьре wә жь qәдьре щьвинед майин кемтьр гьртийә, пештьри wе йәке кӧ мьн гьрани нәда wә? Бьбахшиньнә мьн ве нәһәqийе!"

¹⁴ Әва се щар ә әз к’аре хwә дькьм, кӧ сәр wәда бем. У әз гьранийе надьмә wә. Ч’ә’ве мьн нә ль һәбука wә йә, ле ль wә йә! Чьмки нә кӧ гәрәке зар’ бона де-бава бькьн, ле де-бав бона зар’а."

¹⁵ Әзе бь дьләки ша, хwә жи у мал-һ’але хwә жи бона wә бьдьм. Һәгәр әз һе гәләки wә һ’ьз бькьм, гәло һуне мьн һьндьки һ’ьз бькьн?"

¹⁶ Әм һа һьлдьн, кӧ мьн гьрани нәдайә wә, ле бь йа һьнәка әзи һ’ьләк’ар бумә у бь фелбазийа хwә һун авитьнә т’әләка хwә."

¹⁷ Гәло мьн бь дәсте әwед кӧ мьн сәр wәда шандьн, һун к’ара хwәр’а данә хәбате?"

¹⁸ Мьн һиви жь Тито кьр у әw бьра т’әви wи шанд. Гәло Тито һун к’ара хwәр’а данә хәбате? Мә бь р’ӧһ’әки нәдькьр? Әм р’екеда нәдьчун?"

¹⁹ Дьбә кӧ һун т’әмамийа ви wәхтида дьфькьрьн, кӧ әм дьхwазьн хwә ль бәр wә р’успи кьн? На! Ле ль бәр Хwәде әм йәктийа Мәсиһда хәбәр дьдьн у һәр тьшти дәлално, бона к’ара wә дьбежьн."

²⁰ Әз дьтьрсьм, гава әз бем, тӧwәрә wә ӧса нәбиньм, чаwа әз дьхwазьм у һун жи мьн ӧса нәбиньн, чаwа һун дьхwазьн. Дьтьрсьм кӧ һе нава wәда шәр’-дә’w һәбьн, һ’әвсуди, һерск’әтьн, һәвр’ьк’и , хәйб, бӧхдан, к’ӧбар-бабахи у бет’әрбәти."

²¹ Дьтьрсьм, кӧ гава әз диса сәр wәда бем, Хwәдейе мьн сәре мьн ль бәр wә бәржер кә у бона гәләка шине бькьм, к’ижана пешда гӧнә кьрьнә у жь кьред һ’әрамийе, бенамусийе у толтийе т’обә нәкьрьбьн."

13

¹ Әва щара сьсийа йә әзе сәр wәда бем. Чаwа ньвисар ә: «Гәрәке бь дәве дӧ йан се шә’да һәр тьшт бе ә’сәйикьрьне» ."

² Мьн бәре готийә у ньһа жи дьбежьм, чаwа щара дӧда нава wәда һазьр бум, ньһа жи диса дурва wанр’а дьньвисьм, йед кӧ пешда гӧнә кьрьнә у ӧса жи һ’әмуйар’а: Гава диса бем, иди әз надьмә хатьре т’ӧ кәси,"

³ чьмки һун к’әтьнә бьн ә’нәна, кӧ бьзаньбьн, гәло Мәсиһ пе мьн хәбәр дьдә. Әw һьндава wәда нә сьст ә, ле нава wәда qәwат ә."

⁴ Р’аст ә Әw бь сьстийе һатә хачкьрьне ф, ле бь qәwата Хwәде сах ә. Әм йәктийа Wида сьст дьбьн, ле бь qәwата Хwәде һьндава wәда әме бьжин т’әви Wи."

⁵ Һун дьле хwә бьщер’ьбиньн, к’а һун нава баwәрийеда нә? Хwә ә’нәнә кьн. Һун фә’м накьн, кӧ Иса Мәсиһ нава wәда йә, т’әне щер’ьбандьнеда һун пенәбуйи нибьн?"

⁶ Ле гӧман һәйә, кӧ һуне фә’м бькьн, кӧ әм нә пенәбуйи нә."

⁷ Ле әм дӧа жь Хwәде дькьн, кӧ һун хьрабийе нәкьн, нә кӧ wәки әм щер’ьбандьнеда qәнщ к’ьфш бьн, ле wәки һун qәнщийе бькьн, һәгәр әм пенәбуйи жи к’ьфш бьн."

⁸ Чьмки әм нькарьн тьштәки ль р’астийе бькьн, ле т’әне бона к’ара wе."

⁹ Әм ша дьбьн, гава әм сьст дьбьн у һун qәwат дьбьн. У әм жи бона wә дӧа дькьн, wәки һун т’ам бьгьһижьн."

¹⁰ Бона ван йәка әз дурва wәр’а дьньвисьм, кӧ нәбә гава әз бем, һьндава wәда һ’ьшкийе бькьм бь wи һ’ӧкӧме кӧ Хӧдан дайә мьн, йа кӧ бона авакьрьне йә, нә бона хьрабкьрьне."

¹¹ Һәйнәсәр хушк-бьрано, хwәш бьн! Сәр хwәда wәрьн, дьл бьдьнә һәвдӧ, сәр нетәке бьн, ль пәй ә’дьлайийе бьн у Хwәдейе һ’ьзкьрьне у ә’дьлайийе wе т’әви wә бә."

¹² Сьлаве бьдьнә һәв бь р’амусана шире һ’әлал. Т’әмамийа щьмә’та Хwәде ль wә сьлав дькә."

¹³ К’әрәма Хӧдан Иса Мәсиһ, һ’ьзкьрьна Хwәде у һәләqәтийа Р’ӧһ’е Пироз т’әви wә һ’әмуйа бә."