1

¹ Жь Паwлосе кӧ бь ә’мьре Хwәде шандитийа ф Мәсиһ Исар’а газикьри, т’әви Состенисе бьра,"

² щьвина ф Хwәдейә Корьнт’ер’а, бӧһӧрти-жьбарәбуйийед йәктийа Мәсиһ Исада, йед пирозбунер’а ф газикьри, т’әви wан һ’әмуйед кӧ һәр дәра гази наве Хӧдане ф мә Иса Мәсиһ дькьн, Әw Хӧдане wан у мә йә:"

³ Дә бьра к’әрәм ф у ә’дьлайийа Хwәдейе Баве ф мә у Хӧдан Иса Мәсиһ ль wә бә."

⁴ Әз һәр гав бона wә шькьрийе дьдьмә Хwәдейе хwә, бона wе к’әрәма ф Wи, йа кӧ бь сайа Мәсиһ Иса wәр’а һатийә дайине."

⁵ Бәле һун бь йәктийа Wи һәр тьштида дәwләти бун, һәр хәбәрдане у һәр занәбунеда."

⁶ Һинкьрьна дәрһәqа Мәсиһда нава wәда һ’име хwә ӧса гьртийә,"

⁷ кӧ һун кемасийа т’ӧ п’ешк’еше ф нак’ьшиньн, гава һивийа хӧйабуна Хӧдане мә Иса Мәсиһ ьн."

⁸ Әwе wә һ’әта хьлазийе һ’имгьрти хwәй кә, кӧ һун Р’ожа һатьна Хӧдане мә Иса Мәсиһ беләк’ә бьн."

⁹ Амьн ә әw Хwәдейе кӧ гази wә кьр, wәки һун т’әви Кӧр’е Wи Иса Мәсиһе Хӧдане мә бьн."

¹⁰ Дә әз иди һиви жь wә дькьм хушк-бьрано, бь наве Хӧдане мә Иса Мәсиһ, бьра готьна wә һ’әмуйа йәк бә у дӧтирәти нава wәда т’ӧнәбьн, ле һ’әму жи бь һәвр’а бьн у сәр нет-мәрәмәки бьн."

¹¹ Чьмки мьн сальхе wә жь мала Хьлойе һьлда хушк-бьрано, кӧ нава wәда дә’w-доз һәнә."

¹² Аwа готи дьхwазьм бежьм, wәки нава wәда йәк дьбежә: «Әз Паwлоси мә», йәк дьбежә: «Әз Аполойи мә», йәк жи дьбежә: «Әз Пәтруси ф мә» у йәки дьн жи дьбежә: «Әз Мәсиһи мә»."

¹³ Чьма Мәсиһ п’арәвәбуйи йә? Чьма Паwлос бона wә хач ф буйә? Йан бь наве Паwлос һун пе аве һатьнә ньхӧмандьне ф?"

¹⁴ Әз жь Хwәде р’ази мә, кӧ мьн жь wә т’ӧ кәс нәньхӧманд, пештьри Кьриспо у Гайос."

¹⁵ Ньһа т’ӧ кәс нькарә бежә, кӧ һун бь наве мьн һатьнә ньхӧмандьне."

¹⁶ (Р’аст ә мьн мала Стәйфан жи ньхӧманд. Ле wәки майин найе бира мьн, кӧ мьн йәки дьн ньхӧмандьбә.)"

¹⁷ Чьмки Мәсиһ әз ньхӧмандьнер’а нәшандьм, ле Мьзгинидайинер’а ф у әз ве йәке надьмә зора хәбәрдана зьмен, кӧ нәбә qәwата хаче Мәсиһ бәр тьштәки нәйе һ’әсабе."

¹⁸ Р’аст ә һинкьрьна дәрһәqа хачда ӧндабуйийар’а беһ’ьши йә, ле мә хьлазбуйийар’а ф, qәwата Хwәде йә."

¹⁹ Чаwа ньвисар ә:

«Әзе сәрwахтийа ф сәрwахта ӧнда кьм

у билантийа ф билана бәтал кьм» ."

²⁰ К’анен сәрwахт? К’анен занә? К’анен аqьлмәндед ве дьнйайе? Нә сәрwахтийа ве дьнйайе Хwәде кьрә беһ’ьши?"

²¹ Чьмки сәрwахтийа Хwәде нәһьшт кӧ дьнйа бь сәрwахтийа хwә Wи нас кә, ле ль Хwәде хwәш һат, бь wе һинкьрьна «беһ’ьши» йед кӧ баwәр дькьн хьлаз ф кә."

²² Щьһу ф к’әрәмәта дьхwазьн у йунан жи сәрwахтийе дьгәр’ьн."

²³ Ле әм, Мәсиһе хачбуйи даннасин дькьн, щьһуйар’а п’ьшкбун ф ә, нәщьһуйар’а ф жи беһ’ьши,"

²⁴ ле бона йед кӧ Хwәде гази wан дькә, һәгәр щьһу бьн, һәгәр нәщьһу, әw хәбәр Мәсиһ ә, qәwата Хwәде у сәрwахтийа Хwәде."

²⁵ Чьмки әw кьред Хwәдейә кӧ бәр ч’ә’ве мәрьва ф беһ’ьши хӧйа дьбьн, әw жь сәрwахтийа мәрьвайе сәрwахттьр ьн у бәр ч’ә’ве мәрьва чьqас сьстийа Хwәде хӧйа дьбә, әw жь qәwата мәрьвайе qәwаттьр ә ."

²⁶ Дина хwә бьдьне хушк-бьрано, һун к’и бунә кӧ Хwәдеда һатьнә газикьрьне: Алийе дьнеда жь wә гәләк нә сәрwахт бунә, жь wә гәләк дьнеда нә зор бунә у нә жи жь wә гәләк малед р’әнгинда бунә."

²⁷ Ле Хwәде беһ’ьшед дьне бьжартьн, wәки сәрwахта бьдә шәрме у сьстед дьне бьжартьн, wәки йед qәwат бьдә шәрме"

²⁸ у Хwәде йед дьнебехәбәрә бер’умәт у йед нә т’ӧ тьшт бьжартьн, кӧ һәйинед бәрбьч’ә’в р’әт кә һәр’ә,"

²⁹ wәки т’ӧ qул-бәндә ль бәр Хwәде пе хwә нәфьр’ә."

³⁰ Әwи һун т’әви Мәсиһ Иса кьрьн у Мәсиһ бона мә кьрә сәрwахти. Әм бь Wи р’аст ф тенә һ’әсабе, пироз ф у аза дьбьн."

³¹ Аwа чаwа ньвисар ә: «Йе кӧ дьфьр’ә, бьра бь Хӧдан бьфьр’ә» ."

2

¹ Әз жи гава һатьмә щәм wә хушк-бьрано, әз бь хәбәр йан сәрwахтийа к’әмалә гьран нәһатьм сӧр’а Хwәде wәва ә’йан кьм."

² Чьмки гава әз нава wәда бум, мьн нета хwәда данәни кӧ тьштәки дьн һин кьм , пештьри Иса Мәсиһ у Әw жи Йе хачбуйи."

³ Әз хwәха һ’аләки сьстда, бь хоф у тьрс нава wәда бум."

⁴ У готьн у һинкьрьна мьн, нә кӧ бь хәбәред сәрwахтийа мәрьвайийә зархwәшийе бу, ле бь избатийа qәwата Р’ӧһ’е ф Пироз бу ."

⁵ Әв йәк аһа бу, wәки баwәрийа ф wә бь сәрwахтийа мәрьвайе нибә, ле бь qәwата Хwәде бә."

⁶ Ле бәле дәрһәqа сәрwахтийеда әм йед р’ӧһ’анийә гьһиштир’а хәбәр дьдьн, ле нә сәрwахтийа ве дьне у нә жи йа сәрwеред ве дьне, кӧ һ’ӧкӧме wан бәтал дьбә."

⁷ Ле әм дәрһәqа сәрwахтийа Хwәдейә сӧр’ә вәшартида хәбәр дьдьн, йа кӧ Хwәде һе бәри ә’фьрандьна дьнйайе, бона р’умәта мә qьрар кьр."

⁸ Жь сәрwеред ве дьнйайе т’ӧ кәси әв сәрwахтийа фә’м нәкьр, чьмки һәгәр фә’м бькьрана, wе Хӧдане р’умәте хач нәкьрана."

⁹ Ле чаwа ньвисар ә:

«Әw тьштед кӧ ч’ә’ва нәдитьнә у гӧһа нәбьһистьнә,

дьле ф мерьвр’а дәрбаз нәбунә,

Хwәде бона wан һазьр кьрьнә, йед кӧ Wи һ’ьз дькьн» ."

¹⁰ Ле бәле Хwәде бь Р’ӧһ’е Хwә әв йәк ль бәр мә вәкьр. Чьмки Р’ӧһ’ һәр тьшти ә’нәнә дькә, һ’әта нет-мәрәмед Хwәдейә к’ур жи."

¹¹ К’и һаш жь кел-мә’нийед мерьв һәйә, пештьри wи р’ӧһ’е нава wида? Ӧса жи кәс һаш жь йа Хwәде т’ӧнә, пештьри Р’ӧһ’е Хwәде."

¹² Мә нә кӧ р’ӧһ’е ве дьнйайе стандийә, ле әw Р’ӧһ’е жь Хwәде, wәки әм wан тьштед жь Хwәдеда мәр’а дайи фә’м бькьн."

¹³ Әм бона ван тьшта бь готьнед жь сәрwахтийа мәрьвайе һинбуйи хәбәр надьн, ле бь готьнед һинкьрьна жь Р’ӧһ’е Хwәде хәбәр дьдьн, тьштед р’ӧһ’ани wанр’а шьровәдькьн, йед кӧ хwәйи-Р’ӧһ’е Хwәде нә ."

¹⁴ Ле мәрьве нәхwәйи-Р’ӧһ’ wан тьштед Р’ӧһ’е Хwәде qәбул накә, бь йа wи әв йәкана беһ’ьши нә у нькарә жи фә’м бькә, чьмки һ’але wан тьшта бь р’ӧһ’ани тенә ә’нәнәкьрьне."

¹⁵ Ле йе хwәйи-Р’ӧһ’е Хwәде һәр тьшти ә’нәнә дькә, ле бәле хwәха жь кәсәки найе ә’нәнәкьрьне."

¹⁶ Чаwа ньвисар ә: «К’е нет-фькьра Хӧдан пе һ’әсийа, кӧ ширәтәке бьдә Wи?» Ле нет-фькьра Мәсиһ сәре мәда йә."

3

¹ Ле мьн хушк-бьрано, нькарьбу т’әви wә хәбәр да чаwа т’әви йед хwәйи-Р’ӧһ’е Хwәде, ле чаwа т’әви бәндед ве дьне, чаwа т’әви хьшимед баwәрийа Мәсиһда."

² Мьн шир да wә, ле нә кӧ хwарьна гьран, чьмки wә һе нькарьбу бьхwара. У һун ньһа жи нькарьн бьхwьн,"

³ чьмки һун һәла һе мина бәндед ве дьне нә. Һ’әта кӧ нава wәда һ’әвсуди у һәвр’ьк’и һәнә, гәло әв йәкана нә мәрьвайи нә? У һун мина бәндед ве дьне нажин?"

⁴ Мәсәлә кӧ гава йәк дьбежә: «Әз Паwлоси мә» у йе дьн: «Әз Аполойи мә», һун нә мина бәндед ве дьне нә?"

⁵ Иди к’и йә Аполо? К’и йә Паwлос? Әw qӧльхк’аред Хwәде нә, бь к’ижана wә баwәр кьр. Хӧдан чьqас шьхӧл дайә wан һәр кәси, һаqаси жи дькьн."

⁶ Мьн дач’ьканд, Аполо авда, ле Хwәде гиһанд ."

⁷ Аwа нә йе дач’ьканд тьштәк ә, нә жи йе авда, ле йе гиһанд, кӧ Хwәде йә."

⁸ Йе дач’ьканд у йе авда йәк ьн у һәр кәсе һәqе хwә бьстинә, wәкә хәбата хwә."

⁹ Чьмки әм т’әвайи бона Хwәде дьхәбьтьн, һун жи зәвийа Хwәде нә, авайийе Хwәде нә."

¹⁰ Мьн жи wәкә wе к’әрәма кӧ Хwәде да мьн, мина чирәдәстәки ф сәрwахт һ’им авит, ле йәки дьн сәр чедькә. Ле бәле т’әне бьра һәр кәс һаш жь хwә һәбә, чаwа чедькә."

¹¹ Чьмки һ’имәки дьн кәсәк нькарә бавежә, пештьри йе авити, кӧ Иса Мәсиһ ә."

¹² Ль сәр ви һ’ими йәк дькарә бь зер’, зив, кәвьред qимәт, дар, гиһе, йан кайе чекә,"

¹³ ле бь чь тьшти жи чекә, шьхӧле һәр кәси wе ә’йан бә, чьмки әw Р’ож wе бьдә к’ьфше, әwе бь егьр ә’йан бә у кьре һәр кәси чь һ’алида бә, агьре бьщер’ьбинә ф."

¹⁴ Һәгәр шьхӧле йәки сәр ви һ’име чекьри бьминә, әwе һәq бьстинә,"

¹⁵ ле һәгәр шьхӧле йәки бьшәwьтә, әwе зийане бьк’ьшинә, ле хwәха wе хьлаз бә, чаwа йәки нава егьрр’а дәрбазбуйи."

¹⁶ Чьма һун ньзаньн кӧ һун п’арьстгәһа ф Хwәде нә у Р’ӧһ’е Хwәде нава wәда дьминә? "

¹⁷ Һәгәр йәк п’арьстгәһа Хwәде wеран кә, Хwәде жи wе wи wеран кә, чьмки п’арьстгәһа Хwәде пироз ә у һун ьн әw п’арьстгәһ."

¹⁸ Бьра т’ӧ кәс хwә нәхапинә. Һәгәр йәк жь wә ль гора qәйдед ве дьнйайе хwә сәрwахт дьбинә, бьра бьбә беһ’ьш, wәки бьбә сәрwахт."

¹⁹ Чьмки сәрwахтийа ве дьнйайе ль бәр Хwәде беһ’ьши йә. Чаwа ньвисар ә: «Әw сәрwахта нава һ’ьләк’арийа wанда дьгьрә» "

²⁰ у диса: «Хӧдан занә кӧ шеwьред сәрwахта п’уч’ ьн» ."

²¹ Дә бьра иди т’ӧ кәс пе мәрьва нәфьр’ә! Бәле һәр тьшт жи п’ара wә нә."

²² Паwлос, Аполо, Пәтрус , дьнйа, жийин, мьрьн, тьштед кӧ ньһа һәнә, йан йед wе бен, һәр тьшт п’ара wә нә,"

²³ һун жи п’ара Мәсиһ ьн у Мәсиһ жи п’ара Хwәде йә!"

4

¹ Аwа гәрәке мәрьв мә ӧса һ’әсаб кьн, чаwа бәрдәстийед Мәсиһ у wәк’илед сӧр’ед Хwәде."

² Жь wәк’ил жи дьк’әвә кӧ әw амьн бә."

³ Ле бона мьн әв йәк нә т’ӧ тьшт ә, кӧ фькьред wә йан йед диwана мәрьвайе сәр мьн чь нә, әз хwәха жи лома ль хwә накьм."

⁴ Исафа мьн р’ьһ’әт ә, нә кӧ бь ве йәке әз хwә софи дькьм, ле һ’акьме мьн Хӧдан ә."

⁵ Аwа жь wәхт зутьр лома нәкьн, һ’әта һатьна Хӧдан. Әwе тьштед тә’рийеда вәшарти дәрхә р’онайе у шеwьред дьла ф бьдә ә’йанкьрьне. У һьнге һәр кәсе qимәте хwә жь Хwәде бьстинә."

⁶ Әв йәкана хушк-бьрано, мьн бона wә анинә сәр хwә у Аполо, wәки һун ве йәке жь мә һин бьн: «Жь ньвисаре дәрнәйен». Һьнге жь wә т’ӧ кәс wе йәк пе йәки нәфьр’ә."

⁷ К’и тә жь хәлqе фьрqи дькә? Чи тә һәйә, кӧ тә п’ешк’еш ф нәстандийә? Ле wәки тә стандийә, чьма п’әйе хwә дьди чаwа тә нәстандьбә?"

⁸ Һун иди т’ер бунә, иди һ’ьр’ бунә! Бейи мә иди бунә п’адша! Ах хwәзи һун бьбуна п’адша, әме жи т’әви wә бьбуна п’адша!"

⁹ Чьмки әз т’әхмин дькьм, кӧ Хwәде әм шанди авитьнә пашийа к’оч’а, чаwа жь мьрьнер’а дайи. Әм дьнеда бунә итойин ф, һьн ль бәр мьлйак’әта ф, һьн жи бәр мәрьва."

¹⁰ Әм беһ’ьш ьн бона Мәсиһ, ле һун сәрwахт ьн йәктийа Мәсиһда! Әмә сьст ьн, ле һунә qәwат! Һунә хwәйир’умәт ьн, ле әмә бер’умәт!"

¹¹ Һ’әта ньһа жи әм бьр’чи дьминьн, т’и дьминьн, бе сьт’ар дьбьн, тенә к’ӧтане у дәро-дәр дьбьн."

¹² Әм бь дәсте хwә дьхәбьтьн, бь худана хwә дьжин. Гава мә р’әзил дькьн, әм дӧа ль wан дькьн, гава мә дьзериньн, әм сәбьр дькьн,"

¹³ гава наве мәр’а дьлизьн, әм ль бәр wан дадьхьн. Әм бунә гәмара ве дьнйайе, һ’әта ньһа жи һәр тьштида бунә хwәли!"

¹⁴ Әз ве йәке wәр’а дьньвисьм, нә кӧ wә бьдьмә шәрме, ле wәки wә мина зар’ед хwәйә дәлал ширәт кьм."

¹⁵ Һәгәр wе жийина wәйә т’әви Мәсиһда бь һ’әзара т’әрбәтдаред ф wә һәбьн, ле т’әне бавәки wә һәйә, чьмки wе жийина wәйә т’әви Мәсиһ Исада һун жь мьн бь Мьзгинидайине дьне к’әтьн."

¹⁶ Аwа һиви жь wә дькьм, ч’ә’в бьдьнә мьн . "

¹⁷ Бона ве йәке мьн Тимот’ейо сәр wәда шанд, лаwе хwәйи дәлал у һьндава Хӧданда амьн. Әwе wан р’е-дьрбед мьнә Мәсиһ Исада гьрти бькә бира wә, кӧ әз чаwа ль һәр дәра, һ’әму щьвина һин дькьм."

¹⁸ Һьнәк жь wә бабах бунә, wан т’ьре ф әзе нәйемә щәм wә."

¹⁹ Ле әзе зутьрәке сәр wәда бем, һәгәр Хӧдан һ’ьз бькә у әзе нә кӧ ль готьнед бабаха бьньһер’ьм, ле һ’ӧнӧред wан."

²⁰ Чьмки П’адшатийа ф Хwәде нә кӧ хәбәрданеда йә, ле һ’ӧнӧрда йә."

²¹ Һун чаwа дьхwазьн? Әз бь к’ӧлме сәр wәда бем, йан бь һ’ьзкьрьне у бәрбьһерийе?"

5

¹ Дәнг һәйә кӧ нава wәда бенамуси жи һәйә у әw жи бенамусикә ӧса, wәки нава п’утп’арьстада ф жи т’ӧнә, кӧ йәк дәст давежә демар’ийа хwә ."

² У һун жь к’ӧбарийе һ’ьр’ бунә! Нә гәрәке wә шин бькьра у йе хwәйе ви кьри жь нава хwә дәрхьста?"

³ Ле бәле чаwа әз бәдәни нә нава wәда мә, ле р’ӧһ’е хwәда һазьр ьм у чаwа йәки һазьр, мьн иди бона йе ви тьшти дькә qьрара хwә бь наве Хӧдане мә Иса дайә. Гава һун щики дьщьвьн, р’ӧһ’е мьн жи т’әви wә, бь qәwата Хӧдане мә Иса"

⁴ "

⁵ wи мәрьви бьдьнә дәсте мирещьн ф, кӧ qальбе wи ӧнда бә у р’ӧһ’е wи хьлаз бә Р’ожа ф Хӧданда."

⁶ Нә qәнщ ә кӧ һун фьр’наq дьбьн! Гәло һун ньзаньн кӧ һьнәк һәвиртьр’шк ф т’әмамийа шкәве һьлтинә?"

⁷ Ви һәвиртьр’шке кәвьн жь хwә дур хьн, кӧ һун бьбьнә һәвире нуйи бе һәвиртьр’шк, чаwа һун ӧса нә жи. Чьмки Бәрхе мәйи Щәжьна Дәрбазбуне ф, аwа готи Мәсиһ бона мә һатә сәржекьрьне."

⁸ Дә әм ве щәжьне дәрбаз кьн, нә кӧ бь һәвиртьр’шке кәвьни нәһәqийе у хьрабийе, ле бь нане бе һәвиртьр’шк, бь нане һ’әлалийе у р’астийе ."

⁹ Мьн wәр’а нә’меда ньвисибу, кӧ т’әви qава ф нәбьн."

¹⁰ Нә кӧ готьна мьн дәрһәqа qава, тьмак’ара, т’аланкьр йан п’утп’арьстед ве дьнеда бу. Һәгәр ӧса буйа, гәрәке һун лап жь дьне дәрк’әтана."

¹¹ Ле бәле мьн wәр’а ньвиси, кӧ һун т’әви wи нәбьн, йе кӧ наве хwәденасийе сәр ә, ле qав ә, тьма йә, п’утп’арьст ә, бӧхданбеж ә, сәрхwәш ә, йан жи т’аланкьр ә. Т’әви йе ӧса һ’әта нен жи нәхwьн!"

¹² Чи мьнр’а йә әз диwана йед жь щьвине дәр бькьм? Хwәде wе диwана wан бькә. Ле диwана йед щьвинеда дәстед wәда йә. Аwа чаwа ньвисар ә: «Мәрьве хьраб жь нава хwә дәрхьн» ."

¹³ "

6

¹ Гәло әва к’аре кьрьне йә, гава йәк жь wә, нава wи у бьре wида дә’w-доз пешда те, тӧрӧш дькә ль бәр нәп’ака wе йәке дьдә сафикьрьне, нә кӧ ль бәр щьмә’та Хwәде?"

² Чьма һун ньзаньн кӧ щьмә’та Хwәде wе диwана дьне бькә? У һәгәр бь дәсте wә wе диwана дьнйайе бе кьрьне, гәло һун нькарьн ван пьрсед сьвьк жи сафи кьн?"

³ Чьма һун ньзаньн кӧ әме диwана мьлйак’әта жи бькьн? Иди к’ӧ дьминә диwана пьрсед ве дьнйайе нәкьн?"

⁴ Аwа һәгәр нава wәда пьрсед ве дьнейә сафикьрьне һәбьн, һун чаwа дькарьн һ’акьмтийе бьдьнә дәсте йед ӧса, кӧ жь алийе щьвинеда нә т’ӧ тьшт ьн?"

⁵ Әз аһа дьбежьм, кӧ һун шәрм бькьн! Гәло нава wәда йәки сәрwахт т’ӧнә, кӧ бькарьбә нава бьрада сәрәдәрийе бькә?"

⁶ Ле бьра бьрер’а дьк’әвә дә’w-дозе, әw жи ль бәр нәбаwәра!"

⁷ Wә р’асти ве йәкеда лап дайә дәр, кӧ һун һәвр’а дьк’әвьнә дәргәһ-диwана. Гәло һе qәнщ нинә, кӧ һун бенә нәһәqкьрьне? Гәло һе qәнщ нинә, кӧ һун бенә шеландьне?"

⁸ Ле һун нәһәqийе дькьн у дьшелиньн, әw жи хушк-бьра!"

⁹ Чьма һун ньзаньн кӧ йед нәһәq wе П’адшатийа Хwәде wар нәбьн? Нәхапьн! Нә бенамус, нә п’утп’арьст, нә зьнек’ар, нә жьнед һәвр'а дьбьн р'обәт, нә меред һәвр'а дьбьн р'обәт, "

¹⁰ нә дьз, нә тьмак’ар, нә сәрхwәш, нә бӧхданбеж, нә жи т’аланкьр П’адшатийа Хwәде wе wар нәбә."

¹¹ У жь wә һьнәк ӧса бун. Ле һун жь гӧна һатьнә шуштьне, һун һатьнә бӧһӧрти-жьбарәкьрьне, һун р’аст ф һатьнә һ’әсабе бь наве Хӧдан Иса Мәсиһ у бь Р’ӧһ’е Хwәдейе мә."

¹² Дьбежьн: «Һәр тьшт мьнр’а ә’дәт ә», бәле, ле һәр тьшт нә к’ар ә. «Һәр тьшт мьнр’а ә’дәт ә», ле т’ӧ тьшт гәрәке һ’ӧкӧми сәр мьн нәкә."

¹³ Дьбежьн: «Хwарьн бона зьк ә, зьк жи бона хwарьне йә», ле Хwәде һәр дӧйа жи wе ӧнда кә. Ле бәдән нә бона qавийе йә, ле бона хьзмәтк’арийа Хӧдан ә у Хӧдан жи бона бәдәне хәм дькә."

¹⁴ У Хwәдейе кӧ Хӧдан жь мьрьне р’акьр, wе мә жи жь мьрьне р’акә бь qәwата Хwә."

¹⁵ Чьма һун ньзаньн кӧ бәдәнед wә әндәмед Мәсиһ ьн? Әз әндәмед Мәсиһ һьлдьм т’әви qава кьм? Т’ӧ щар!"

¹⁶ Йан һун ньзаньн йе кӧ т’әви qава дьбә, т’әви wе дьбә бәдәнәк? Чаwа ньвисар дьбежә: «Һәр дӧ wе бьбьнә бәдәнәк» ."

¹⁷ Ле әwе кӧ т’әви Хӧдан дьбә, дьбә р’ӧһ’әк."

¹⁸ Жь qавийе бьр’әвьн! Һ’әму гӧнед майинә кӧ мәрьв дькә, жь бәдәне дәр ә, ле әwе кӧ qавийе дькә, мьqабьли бәдәна хwә гӧна дькә."

¹⁹ Чьма һун ньзаньн кӧ бәдәнед wә п’арьстгәһа Р’ӧһ’е ф Пироз ьн, кӧ нава wәда йә, К’ижан wә жь Хwәде станд? Һун нә хwәйийе сәре хwә нә ."

²⁰ Һун бь qимәтәки бьһа һатьнә к’ьр’ине. Бона ве йәке бькьн кӧ пе бәдәна wә шькьри Хwәдер’а бе дайине ."

7

¹ Ле ньһа дәрһәqа wан пьрсед кӧ wә мьнр’а ньвисин: «Qәнщ ә wәки мер незики жьне нәбә?» "

² Ле бона кӧ пешийа һәр щур’ә qавийе бе гьртьне, бьра мер бе жьн нәбә у жьн жи бе мер."

³ Мер бьра дәйне жьне бьде, жьн жи дәйне мер."

⁴ Жьн нә хwәйа qальбе хwә йә, ле мер, ӧса жи мер нә хwәйе qальбе хwә йә, ле жьн."

⁵ Жь һәвдӧ на-на нәкьн, пештьри wе дәме, гава һун бь һәвр’а бона wәхтәке т’ьфаq ф qьрар дькьн wәки хwә бьдьнә дӧакьрьне , ле паше диса ль һәв вәгәр’ьн, кӧ мирещьн wә нәщер’ьбинә ф жь дәст бет’аwийа wә."

⁶ Әз ве йәке дьһельмә сәр әхтәрийа wә, нә кӧ ә’мьр дькьм."

⁷ Р’аст ә, мьн дьхwәст кӧ һ’әму мәрьв мина мьн буна, ле һәр мәрьвәкир’а дайинәкә жь Хwәде һәйә, йәк һа йә, йәк жи аһа йә."

⁸ Ле йед бе жьн у жьнәбийар’а әз дьбежьм: Qәнщ ә кӧ әw мина мьн бьминьн."

⁹ Ле һәгәр хwә зәфт накьн, бьра бьзәwьщьн-мер кьн, чьмки qәнщ ә кӧ әw бьзәwьщьн-мер кьн, нә кӧ хwәда бьшәwьтьн."

¹⁰ Ле йед зәwьщи-меркьрир’а, нә кӧ әз ә’мьр дькьм, ле бәле Хӧдан: Бьра жьн жь мер нәqәтә ,"

¹¹ һәгәр бьqәтә жи, бьра мер нәкә йан жи мере хwәр’а ль һәв бе. У мер жи бьра жьна хwә бәр’нәдә."

¹² Ле йед майинр’а әз дьбежьм, нә кӧ Хӧдан: Һәгәр жьна бьраки нәбаwәр бә у бьхwазә т’әви wи бьминә, бьра wе бәр’нәдә."

¹³ У жьнәкә кӧ мере wе нәбаwәр бә у әw бьхwазә т’әви wе бьминә, бьра жь wи нәqәтә."

¹⁴ Чьмки мере нәбаwәр бь жьна баwәрмәнд һ’әлал дьбә у жьна нәбаwәр жи бь мере баwәрмәнд һ’әлал дьбә. Һәгәр ӧса нибуйа, зар’ед wәйе һ’әрам ф буна, ле ньһа һ’әлал ьн."

¹⁵ Ле һәгәр нәбаwәр бьqәтә, бьра бьqәтә. Хушк йан бьра ве дәрәщеда аза йә. Бәле Хwәде гази wә ә’дьлайийе кьр."

¹⁶ Тӧ чь зани к’ӧлфәте ф, бәлки те мере хwә хьлаз ки? Йан жи тӧ чь зани меро, бәлки те к’ӧлфәта хwә хьлаз ки?"

¹⁷ Wәки дьн әз дьбежьм: Хӧдан чаwа п’ара һәр кәси да у чаwа Хwәде гази һәр кәси кьр, бьра wәкә wе йәке жи бьжи. Әв ә т’әмийа кӧ әз дьдьмә һ’әму щьвина."

¹⁸ Һәгәр йәк сьнәткьри ф бу гава һатә газикьрьне, бьра сьнәтбуна хwә иди нәгӧһезә. Һәгәр йәк нәсьнәткьри бу гава һатә газикьрьне, бьра иди сьнәт нәбә."

¹⁹ Нә сьнәтбун тьштәк ә у нә жи нәсьнәтбун, ле сәри т’әмийед Хwәде qәдандьн ә."

²⁰ К’и чь һ’алида бу гава Хwәде гази кьре, бьра нава wеда жи бьминә."

²¹ Хӧлам буйи гава һати газикьрьне? Хәм нәкә. Ле һәгәр дькари аза би, wе мәщале жь дәсте хwә нәкә."

²² Чьмки әw хӧламе кӧ һатә газикьрьне, wәки бьбә п’ара Хӧдан, әw азайе Хӧдан ә, ӧса жи әwе кӧ аза бу гава һатә газикьрьне, әw хӧламе Мәсиһ ә."

²³ Һун бь qимәтәки бьһа һатьнә к’ьр’ине, нәбьнә хӧламед мәрьва."

²⁴ Хушк-бьрано, к’и чь һ’алида һатә газикьрьне, бьра нава wеда жи ль бәр Хwәде бьминә."

²⁵ Ле ньһа чь жь qиз у хорта дьк’әвә, мьн дәрһәqа wанда ә’мьр жь Хӧдан нәстандийә, ле т’әне әз фькьра хwә дьбежьм, чаwа йәки жь Хӧдан р’ә’м станди кӧ һьндава Wида амьн ә."

²⁶ Әз бона тәнгасийа ф ньһа аһа р’е тер’а дьбиньм кӧ мәрьв чь дәрәщеда йә, бьра ӧса жи бьминә."

²⁷ Жьнева гьредайи йи? Нәкә кӧ же бьqәти. Бе жьн и? Жьне нәгәр’ә."

²⁸ Ле һәгәр бьзәwьщи, гӧнә ф наки у һәгәр qиз мер кә, гӧнә накә. Ле йед ӧса wе р’асти охьрмед гьран бен, әз дьхwазьм wә жь wе йәке хwәй кьм."

²⁹ Әз wәр’а дьбежьм бьрано: Wәхт һьндьк майә. Жь вьр шунда әwе кӧ жьна wи һәйә бьра ӧса бә чаwа йе бе жьн,"

³⁰ әwе кӧ дьгьри чаwа йе нагьри, әwе кӧ ша дьбә чаwа йе ша набә, әwе кӧ дьк’ьр’ә чаwа нә хwәйе wан тьшта бә,"

³¹ у әwе кӧ шьхӧле дьнева мьжул дьбә чаwа йе пева мьжул набә, чьмки әв дьнйа ә’йан дәрбаз дьбә."

³² Ле әз дьхwазьм кӧ һун жь хәма дур бьн. Йе нәзәwьщи шьхӧлед Хӧданва гиро йә, кӧ чаwа бькә ль Хӧдан хwәш бе."

³³ Ле йе зәwьщи хәмед дьнева гиро йә, кӧ чаwа бькә ль жьна хwә хwәш бе"

³⁴ у сәр дӧ р’ийа сәкьни йә. Жьна бемер йан qиз шьхӧлед Хӧданва гиро йә . Мәрәме wе әw ә, кӧ әw р’ӧһ’ у qальбе хwәда бӧһӧрти-жьбарә бә, ле йа меркьри хәмед дьнева гиро йә, кӧ чаwа бькә ль мере хwә хwәш бе."

³⁵ Әз ван тьшта бона к’ара wә дьбежьм, нә кӧ бар дьдьмә сәр мьле wә, ле дьхwазьм wәки һун бь т’әрбәт у бь дьл у щан шьхӧлед Хӧданва гиро бьн."

³⁶ Ле һәгәр йәк фә’м дькә, wәки һьндава дәргистийа хwәда р’астийе накә, тәме wи жи хьраб буйә кӧ гәрәке бьзәwьщә, бьра ӧса бькә чаwа дьхwазә, гӧнә накә, бьра һәвдӧ бьстиньн."

³⁷ Ле әwе кӧ гьрани сәр wи т’ӧнә, ле ль тәме хwә дькарә у дьле хwәда qьрар кьрийә кӧ дәргистийа хwә ӧса хwәй кә чаwа бәре, әw тьштәки qәнщ дькә."

³⁸ Аwа йе дәргистийа хwә дьстинә, qәнщ дькә, ле йе кӧ wе бьк’ьр дьһелә, һе qәнщ дькә ."

³⁹ Жьн нә хwәсәрихwә йә һ’әта кӧ мере wе сах ә, ле һәгәр мер ле бьмьрә, әw аза йә, т’әви к’е бьхwазә дькарә мер кә, т’әне баwәрмәнде Хӧдан бә."

⁴⁰ Ле әwе һе хwәзьли бә, кӧ ӧса бьминә. Әв ә фькьра мьн у т’әхмина мьн Р’ӧһ’е Хwәде нава мьнда һәйә."

8

¹ Ле ньһа чь кӧ жь пьрса qӧрбанед п’ута дьк’әвә: Фә’мдари йә кӧ занәбуна мә һәр кәси жи һәйә. Занәбун п’ьшька мерьв дьwәрьминә, ле һ’ьзкьрьн ава дькә."

² Һәгәр йәк т’әхмин дькә, кӧ әw тьштәки занә, әw р’аст һе тьштәки ӧса ньзанә чаwа кӧ лазьм ә бьзаньбә."

³ Ле һәгәр йәк Хwәде һ’ьз дькә, әw жь алийе Wива наскьри йә."

⁴ Аwа дәрһәqа wан qӧрбанед п’утайә кӧ мәри дьхwьн: Әм заньн кӧ п’ут һәйина хwәва п’уч’ ьн у Хwәдеки дьн т’ӧнә, пештьри йәки ."

⁵ Һәгәр бь навед дьн жи хwәде һәбьн, йан ль ә’рде йан ль ә’змен, чаwа беһ’әсаб хwәде у беһ’әсаб хӧдан һәнә жи,"

⁶ ле бона мә т’әне Хwәдек һәйә, Бав, Ә’фьрандаре һәр тьшти, әм жи бона Wи һәнә у т’әне Хӧданәк һәйә, Иса Мәсиһ, бь К’ижани һәр тьшт хӧльqи нә у бь сайа Wи әм һәнә."

⁷ Ле әв занәбун щәм һәр кәси т’ӧнә. Һ’әта ньһа һе дьле һьнәка пәй п’утп’арьстийе йә, кӧ гава wи гошти дьхwьн, һ’әсаб дькьн чаwа qӧрбанед п’ута у хwә дьһ’әр’ьминьн, чьмки исафа ф хwәйә сьстда фькара дькә."

⁸ Ле бәле хwарьн мә ль бәр Хwәде надә сәкьнандьне. Һәгәр әм бьхwьн, тьштәки зедә накьн у һәгәр нәхwьн, тьштәки жи кем накьн."

⁹ Ле һаш жь хwә һәбьн, нәбә кӧ әw азайа wә бьбә кәвьрәк ль бәр ньге сьста."

¹⁰ Әм бежьн, һәгәр мәрьвәки кӧ исафа хwәйә сьстда фькара дькә тә бьбинә, wәки тӧ «хwәйизанәбун» и у ль сьфра п’арьстгәһа п’утда р’уньшти йи, нә әw кьре тә wе дьл бьдә wи, кӧ әw жи qӧрбанед п’утп’арьстийе бьхwә?"

¹¹ У жь дәст wе «занәбуна» тә, бьре тәйи сьст, бона к’ижани Мәсиһ мьр, wе ӧнда бә."

¹² Бь ви аwайи, гава тӧ нәһәqийе ль хушк-бьред хwә дьки у исафа wанә сьст бьриндар дьки, ль бәр Мәсиһ нәһәqийе дьки."

¹³ Аwа һәгәр хwарьн дьбә кәвьре ль бәр п’ийе бьре мьн, гәрәке иди т’ӧ щар әз гошт нәхwьм, wәки бьре хwә п’ьшк ф нәкьм."

9

¹ Нә әз аза мә? Нә әз шанди мә? Нә мьн Хӧдане мә Иса бь ч’ә’ва дит? Нә һун пе худана мьн п’ара Хӧдан к’әтьн?"

² Һәгәр әз шандийе һьнәкед майин нибьм, ле бәле бе шьк шандийе wә мә! Чьмки мора шандитийа мьн һун ьн, кӧ п’ара Хӧдан к’әтьн."

³ Щаба мьн бона йед кӧ дькьн жь мьн гьлийа бьк’ьшиньн әв ә:"

⁴ Гәло изьна мә т’ӧнә әм жь бәр хәбата хwәва бьхwьн у вәхwьн?"

⁵ Гәло изьна мә т’ӧнә әм к’ӧлфәтәкә баwәрийеда т’әви хwә бьгәр’иньн, чаwа шандийед дьн, бьрайед Хӧдан у Пәтрус дькьн."

⁶ Йан гәрәке әз у Барнабас ф т’әне бьхәбьтьн сәре хwә хwәй кьн?"

⁷ К’ижан әскәр жь к’исе хwә әскәрийе дькә? К’и р’әз ф датинә у бәре wе нахwә йан йе ль бәр пез ә шире пез вәнахwә?"

⁸ Әз ван тьшта бь мәрьвайи набежьм. Нә Qанун жи wе йәке дьбежә?"

⁹ Чаwа Qануна ф Мусада ф ньвисар ә: «Дәве гайе бедәреда дьхәбьтә гьренәдә» . Гәло хәма Хwәде бона га йә?"

¹⁰ Йан wе йәке бона мә дьбежә? Бәле, әв йәк бона мә һатә ньвисаре, wәки әwе кӧ щоте хwә дькә, гәрәке бь гӧман щот кә у йе кам дькә, гәрәке гӧман бә, кӧ wе к’әда хwә бьхwә жи."

¹¹ Һәгәр мә нава wәда тьштед р’ӧһ’ани чандьн, гәло тьштәки мәзьн ә, кӧ жь wә тьштед ве дьне бьдьрун?"

¹² Һәгәр изьна һьнәкед дьн һәйә к’аре жь wә бьбиньн, нә йа мә һе зедә һәйә?

Ле мә әв изьн пек нәани. Сәрда жи ль һәр тьшти сәбьр кьр, кӧ нәбьнә пешибьр’е Мьзгинийа ф Мәсиһ."

¹³ Һун ньзаньн әwед кӧ п’арьстгәһеда дьхәбьтьн жь п’арьстгәһе жи дьхwьн? У әwед хьзмәтк’арийа горигәһе ф дькьн, жь горигәһе жи п’ара хwә дьстиньн ."

¹⁴ Ӧса жи Хӧдан ә’мьр кьр, кӧ йед Мьзгинийе даннасин дькьн, жь Мьзгинийе бьжин ."

¹⁵ Ле мьн жь ван изьна qәт йәк пек нәани, нә жи ньһа дьньвисьм кӧ ван изьна пек биньм. Дә бьра әз бьмьрьм, нә кӧ йәк р’успитийа мьн бәтал кә."

¹⁶ Бәле әз нькарьм п’әйа бьдьмә хwә һәгәр әз Мьзгинийе даннасин кьм, чьмки әв дәйне стуйе мьн ә. Wәй ль мьн һәгәр әз Мьзгинийе даннасин нәкьм!"

¹⁷ У һәгәр мьн әв йәка бь һ’әмде хwә бькьра, һьнге хәлата мьне һәбуйа, ле әз ве йәке нә бь һ’әмде хwә дькьм, чьмки әва qӧльхәк ә ль мьн һатийә спартьне."

¹⁸ Аwа иди чь йә хәлата мьн? Әв ә, кӧ әз даннасинийа хwәда Мьзгинийе бе һәq бьдьм, изьна хwә Мьзгинидайинеда бь зора хwә пек нәйньм."

¹⁹ Р’аст ә әз жь һәр кәси аза мә, ле әз диса хwә дькьмә хӧламе һ’әмуйа, wәки һе гәләка qазьнщ кьм."

²⁰ Бона щьһуйа, дьбьмә мина щьһуйа, wәки щьһуйа qазьнщ кьм. Аwа готи бона йед бьн Qануна Мусада, дьбьмә мина йед бьн Qануне, wәки йед бьн Qанунеда qазьнщ кьм, (ле нә кӧ әз бьн Qанунеда мә)."

²¹ Бона йед бе Qанун, дьбьмә мина йед бе Qанун, wәки йед бе Qанун жи qазьнщ кьм, (нә кӧ әз бе qануна Хwәде мә, ле әз бьн qануна Мәсиһда мә)."

²² Бона сьста дьбьмә мина сьста, wәки йед сьст qазьнщ кьм. Бона һ’әмуйа әз дьк’әвьмә һ’але һәр кәси, wәки һәр дәрәщада бькарьбьм һьнәка хьлаз кьм."

²³ Ван һ’әму тьшта әз иди бона Мьзгинийе дькьм, wәки әз бьбьмә һәвал-п’аре дӧа-дьрозгед сәр wе."

²⁴ Һун ньзаньн йед ләщмәйданеда нә, һ’әму жи дьр’әвьн, ле т’әне йәк хәлате дьстинә? Ӧса бьр’әвьн, кӧ һун бьстиньн."

²⁵ Әwед кӧ дьк’әвьнә ләще, хwә һини гәләк тьшти дькьн, wәки wе к’офийа ф кӧ дьч’ьлмьсә бьстиньн, ле кьрьна мә бона к’офийа һ’әта-һ’әтайе йә."

²⁶ Бона wе йәке әз ӧса нар’әвьм чаwа йед бемәрәм, йан жи бь к’ӧлма һәр’ьмә бе."

²⁷ Ле әз зордарийе qальбе хwә дькьм у wе зәфт дькьм, кӧ нәбә хәлqе гази ләще кьм, ле әw хwәха жь дәст мьн һәр’ә."

10

¹ Нахwазьм хушк-бьрано, кӧ һун ньзаньбьн wәки кал-бавед мә һ’әму жи бьн сийа ә’wрда бун у һ’әму жи Бә’ра Сорр’а дәрбаз бун ."

² Һ’әму жи т’әви Муса бунә йәк, ә’wр у бә’реда һатьнә ньхӧмандьне ф."

³ Һ’әмуйа жи хут әw хwарьна р’ӧһ’ани хwар "

⁴ у һ’әмуйа жи хут әw вәхwарьна р’ӧһ’ани вәхwар, чьмки жь wи Qәйайе р’ӧһ’ани вәдьхwарьн, Йе кӧ т’әви wан дьчу у әw Qәйа Мәсиһ бу ."

⁵ Ле Хwәде гәләкед жь wан бәгәм нәкьрьн, ләма щьнйазед wан бәр’ийеда ф һәр дәра к’әти ман ."

⁶ Иди әw тьшт бона мә бунә мәсәлед готи, wәки әм һавьжийа хwә жь тьштед хьраб нәйньн, чаwа wан дьлһавьжи кьр ."

⁷ Нә жи бьбьн п’утп’арьст, чаwа жь wан һьнәк бун, бона к’ижана ньвисар ә: «Щьмә’те р’уньшт хwар, вәхwар у р’абун намуса һәвр’а листьн» ."

⁸ Әм qавийе нәкьн, чаwа жь wан һьнәка qави кьр у р’ожәкеда бист се һ’әзар мәри к’әтьн qьр’ бун ."

⁹ Мәсиһ нәщер’ьбиньн, чаwа жь wан һьнәка щер’ьбанд у бь мә’ра һатьнә ледане мьрьн ."

¹⁰ У бина хwә тәнг нәкьн, чаwа жь wан һьнәка бинтәнги кьрьн у бь дәсте мьлйак’әте мьрьне к’ока wан һат ."

¹¹ Әв һ’әму тьшт чаwа мәсәлед готи дьһатьнә сәре wан, ле бона мә кӧ әм ахьрийа ван дәwрада дьжин, чаwа ширәт һатьнә ньвисаре."

¹² Аwа к’и дьфькьрә кӧ әw мьqәр’м сәкьни йә, бьра һаш жь хwә һәбә кӧ нәк’әвә."

¹³ Щер’ьбандьнед ӧса найенә сәре wә, пештьри wан щер’ьбандьнед кӧ тенә сәре мәрьвед майин. Ле Хwәде амьн ә, Әw наһелә кӧ һун жь qәwата хwә дәр бенә щер’ьбандьне. Әwе щер’ьбандьнеда дәлиләке жи бькә, кӧ һун бькарьбьн тәйах кьн ."

¹⁴ Аwа дәлалед мьн, жь п’утп’арьстийе бьр’әвьн."

¹⁵ Әз чаwа т’әви сәрwахта хәбәр дьдьм. Һун хwәха бьдьнә бәр һ’әсаба, әз чь дьбежьм."

¹⁶ Әw к’аса Шива Хӧдан, йа кӧ әм пе шькьрийе дьдьн, нә һәләqәтийа хуна Мәсиһ ә? Әw нане кӧ әм кәрдькьн, нә һәләqәтийа бәдәна Мәсиһ ә? "

¹⁷ Нанәк һәйә, ләма әм һ’әму жи бәдәнәк ьн, чьмки әм һ’әму жи жь wи нани кәрдькьн."

¹⁸ Дина хwә бьдьнә щьмә’та Исраеле: Әwед кӧ qӧрбана дьхwьн, т’әви wе п’ара горигәһе набьн? "

¹⁹ Бәле әз чь бежьм? Гәло п’ут жь хwә тьштәк ә, йан qӧрбанед п’утар’а тенә дайине бәрга тьштәки дьгьрьн?"

²⁰ На хер! Ле готьна мьн әв ә, кӧ әw тьштед п’утп’арьст дькьнә qӧрбан, щьнар’а ф дькьн, нә кӧ Хwәдер’а. У әз нахwазьм кӧ һәләqәтийа wә т’әви щьна һәбә ."

²¹ Һун нькарьн һьн к’аса Хӧдан вәхwьн, һьн жи к’аса щьна. Һун нькарьн һьн жь сьфра Хӧдан бьхwьн, һьн жи жь сьфра щьна."

²² Йан әм бькьн кӧ хирәта Хӧдан qәбул нәкә? Чьма әм жь Wи qәwаттьр ьн?"

²³ Дьбежьн: «Һәр тьшт ә’дәт ә», бәле, ле һәр тьшт нә к’ар ә. «Һәр тьшт ә’дәт ә», ле һәр тьшт ава накә."

²⁴ Нәбә кӧ йәк к’ара хwә бьгәр’ә, ле йа һәвале хwә."

²⁵ Чь кӧ qәсабханада те фьротане бьхwьн, пәй пьрс-пьрсийара нәк’әвьн, бона фькаркьрьна исафе."

²⁶ Чаwа ньвисар ә: «Дьнйа бь хер-хьзна хwәва йа Хӧдан ә» ."

²⁷ Һәгәр жь нәбаwәра йәк wә т’әглиф кә у һун бьхwазьн һәр’ьн, чь бьдьнә бәр wә бьхwьн, пәй пьрс-пьрсийара нәк’әвьн, бона фькаркьрьна исафе."

²⁸ (Ле һәгәр йәк wәр’а бежә: «Әва qӧрбан ә», иди нәхwьн бона йе кӧ һун пе һ’әсандьн у бона фькаркьрьна исафе."

²⁹ Готьна мьн нә бона фькара исафа wә йә, ле йа һәвале wә.) Чьма гәрәке азайийа мьн бона фькара исафа йәки майин бе ломәк’аркьрьне ф?"

³⁰ Һәгәр әз шькьрийе дьдьмә Хwәде дьхwьм, чьма бона wе йәке хәйба мьн дькьн, wәки әз шькьрийа хwә Хwәде тиньм?"

³¹ Аwа һәгәр һун бьхwьн, вәхwьн, йан чь шьхӧли кӧ һун бькьн, һәр тьшти бона шькьрдайина Хwәде бькьн."

³² Нә ньг бавежьнә бәр щьһуйа, нә бәр нәщьһуйа, нә жи бәр щьвина Хwәде,"

³³ чаwа әз жи һәр алийава ль һ’әмуйа хwәш тем у к’ара хwә нагәр’ьм, ле йа гәләка, wәки хьлаз бьн."

11

¹ Ч’ә’в бьдьнә мьн, чаwа әз жи ч’ә’в дьдьмә Мәсиһ ."

² Әз п’әйе wә дьдьм, wәки һун һ’әму дәрәщада мьн бир тиньн у әw р’аw-р’ьзьмед ф кӧ мьн данә wә пек тиньн."

³ Ле әз дьхwазьм кӧ һун заньбьн wәки сәре һәр мери Мәсиһ ә, сәре жьне мер ә у сәре Мәсиһ Хwәде йә."

⁴ Һәр мере кӧ сәрньхамти дӧа йан п’ехәмбәртийе ф дькә, әw сәре хwә беһӧрмәт дькә."

⁵ У һәр к’ӧлфәта кӧ сәрqот дӧа йан п’ехәмбәртийе дькә, әw сәре хwә беһӧрмәт дькә. Әw дьбә мина йәкә п’ор’кӧр’кьри."

⁶ Аwа готи, һәгәр к’ӧлфәт сәре хwә нәньхемә, бьра п’ор’е хwә жи бьбьр’ә. Ле һәгәр к’ӧлфәтер’а ә’йб ә, кӧ п’ор’е хwә бьбьр’ә йан бьдә бәр дузан, кӧ ӧса йә бьра сәре хwә бьньхемә."

⁷ Нә щайиз ә мер сәре хwә бьньхемә, чьмки әw сурәт у р’умәта Хwәде йә, ле жьн р’умәта мер ә."

⁸ (Чьмки нә кӧ мер жь жьне йә, ле жьн жь мер ә "

⁹ у мер бона жьне нәхӧльqи, ле жьн бона мер.)"

¹⁰ Бона ве йәке гәрәке к’ӧлфәт сәре хwә бьньхемә, чаwа нишана бьн һ’ӧкӧмда, бона мьлйак’әтед кӧ дьбиньн ."

¹¹ Ле бәле йәктийа Хӧданда нә жьн бе мер дьбә, нә жи мер бе жьн."

¹² Чьмки чаwа жьн жь мер ә, ӧса жи мер жь жьне йә, ле һ’әму жи жь Хwәде нә."

¹³ Һун хwәха бьдьнә бәр һ’ьша, гәло жь к’ӧлфәте дьк’әвә, wәки сәрqот бәр Хwәде дӧа бькә?"

¹⁴ Нә т’әбийәт жи wә һин дькә, кӧ п’ор’е дьреж р’әwша мер давежә?"

¹⁵ Ле р’әwша жьне п’ор’е дьреж ә, чьмки әw п’ор’ жер’а бона ньхамтьне һатийә дайине."

¹⁶ Ле һәгәр йәк бьхwазә ве йәкер’а бьк’әвә дә’wе, ә’дәтәки мәйи дьн т’ӧнә у нә жи йе щьвинед Хwәде."

¹⁷ Ле ве т’әмийеда әз п’әйе wә надьм, чьмки гава һун дьщьвьн, әw набә к’ара wә, ле зийана wә."

¹⁸ Бәри һәр тьшти, әз дьбьһем, гава кӧ һун дьщьвьнә щьвине, нава wәда дьбә дӧтирәти у кем-зедә әз баwәр дькьм."

¹⁹ Бәле, ә’сәйи дӧтирәти wе бьк’әвә нава wә, wәки йед нава wәдайә жьбарә к’ьфш бьн."

²⁰ Аwа һун кӧ дьщьвьнә щики, әва набә шива Хӧдан кӧ һун дьхwьн,"

²¹ чьмки гава һәр йәк жь wә дьхwә, һ’әщә-һ’әща wи йә сәр шиве дьк’әвә. Йәк бьр’чи дьминә у йе дьн к’ефхwәш дьбә."

²² Чьма малед wә т’ӧнәнә, кӧ һун wанда бьхwьн у вәхwьн? Йан чьма щьвина Хwәде беһӧрмәт дькьн у дәсттәнга дьдьнә шәрме? Әз чь wәр’а бежьм? П’әйе wә бьдьм бона ве йәке? Әз ве йәке нькарьм!"

²³ Мьн әв йәк жь Хӧдан станд у да wә, кӧ Хӧдан Иса wе шәва кӧ һатә нәмамкьрьне, нан һьлда"

²⁴ шькьри да, кәркьр у гот: «Әва бәдәна Мьн ә бона wә. Ве йәке бона биранина Мьн бькьн»."

²⁵ Ӧса жи к’ас пәй шивер’а һьлда у гот: «Әва к’аса пәймана ф ну йә, пе хуна Мьн гьредайи. Ве йәке бона биранина Мьн бькьн, чь щар гава һун же вәхwьн» ."

²⁶ Һәр щар, гава һун ви нани бьхwьн у жь ве к’асе вәхwьн, мьрьна Хӧдан бькьнә дәнги, һ’әта һатьна Wи."

²⁷ Аwа к’и бь нәлайиqи нане Хӧдан бьхwә йан к’аса Wи вәхwә, wе дәйндаре бәдән у хуна Wи бә."

²⁸ Ләма бьра мәрьв пешийе дьле хwә бьньһер’ә у паше жь wи нани бьхwә у жь wе к’асе вәхwә."

²⁹ Чьмки к’и бьхwә у вәхwә у фә’мина бәдәна Хӧдан ньзаньбә, әw диwана хwә дьхwә у вәдьхwә."

³⁰ Ләма жи нава wәда гәләк нәхwәш у хwәйизәдә һәнә у һьнәк жи мьрьнә."

³¹ Ле һәгәр мә диwана хwә бькьра, диwана мәйе нәһата кьрьне,"

³² ле гава диwана мә бьбә, әм жь Хӧдан тенә ширәткьрьне, wәки диwана мә т’әви дьнйайе нәбә."

³³ Аwа хушк-бьрайед мьн, гава бона шива Хӧдан бьщьвьн, һивийа һәвдӧ бьсәкьньн."

³⁴ Ле һәгәр йәк бьр’чи йә, бьра мала хwәда бьхwә, кӧ нәбә, гава һун бьщьвьн, диwане сәр хwәда биньн. Бона пьрсед майин, гава бем әзе һьнге сафи кьм."

12

¹ Ле ньһа чь жь п’ешк’ешед Р’ӧһ’ани дьк’әвә хушк-бьрано, әз нахwазьм кӧ һун нәзан бьн."

² Wәва ә’йан ә гава һун п’утп’арьст бун, һун ӧса пәй п’утед кәр’ә лал к’әтьбун, һәр алийава к’әтьбунә бьн qолед wан."

³ Бона ве йәке жи әз wәр’а дьбежьм, т’ӧ кәс т’ӧнә кӧ бь р’ебәрийа Р’ӧһ’е Хwәде хәбәр дә у бежә: «Бьра ньфьр’ ль Иса бә». У кәсәк жи нькарә бежә: «Иса Хӧдан ә», һәгәр нә бь р’ебәрийа Р’ӧһ’е Пироз."

⁴ Аwа щур’ә-щур’ә п’ешк’ешед Р’ӧһ’ани һәнә, ле хут дайина wи Р’ӧһ’и нә ,"

⁵ щур’ә-щур’ә qӧльх жи һәнә, ле һәма wи Хӧданир’а qӧльх дькьн,"

⁶ ӧса жи щур’ә-щур’ә карин һәнә, ле хут әw Хwәде йә, кӧ ван дайинада карине дьдә һәр кәси."

⁷ Ле һәр кәсир’а Р’ӧһ’ бона к’ара һ’әмуйа хӧйа дьбә."

⁸ Йәкир’а жь Р’ӧһ’ хәбәра сәрwахтийе те дайине, йәкир’а хәбәра занәбуне хут жь wи Р’ӧһ’и,"

⁹ йәки дьнр’а баwәри ф хут жь wи Р’ӧһ’и, йәки дьнр’а п’ешк’ешед нәхwәшqәнщкьрьне хут жь wи Р’ӧһ’и,"

¹⁰ йәки дьнр’а qәwат, wәки к’әрәмәта бькә, йәки дьнр’а п’ехәмбәрти , йәки дьнр’а фә’мина кӧ р’ӧһ’а жь һәв дәрхә, йәки дьнр’а зьманед хәриб, йәкир’а жи шьровәкьрьна wан зьмана."

¹¹ Әв һ’әму жи хут Хwәха әw Р’ӧһ’ дькә у һәр кәсир’а башqә-башqә п’арәвәдькә, чаwа кӧ дьхwазә."

¹² Чаwа бәдән йәк ә у гәләк әндәмед wе һәнә, ле диса әw һ’әму һәвр’а бәдәнәк ьн, ӧса жи Мәсиһ ә."

¹³ Р’аст ӧса жи йәктийа Р’ӧһ’әкида әм һ’әму һатьнә ньхӧмандьне ф, кӧ бьбьнә бәдәнәк, һьн щьһу һьн нәщьһу, һьн хӧлам һьн аза у әм һ’әму жи жь wи Р’ӧһ’и данә вәхwарьне."

¹⁴ Бәле бәдән нә т’әне әндәмәк ә, ле жь гәләка йә."

¹⁵ Һәгәр ньг бежә: «Әз нә жь бәдәне мә, чьмки әз нә дәст ьм», гәло әва мә’ни йә, кӧ әw нә жь бәдәне йә?"

¹⁶ У һәгәр гӧһ бежә: «Әз нә жь бәдәне мә, чьмки әз нә ч’ә’в ьм», гәло әва мә’ни йә, кӧ әw нә жь бәдәне йә?"

¹⁷ Һәгәр т’әмамийа бәдәне ч’ә’в буйа, ле бьһистьне ль к’ӧ буйа? Һәгәр һ’әму бәдән гӧһ буйа, бинһьлдане ль кӧ буйа?"

¹⁸ Ле р’аст Хwәде әw әндәм йәко-йәко бәдәнәкеда щи кьрьн, чаwа Wи хwәст."

¹⁹ Һәгәр һ’әму әндәмәк буна, бәдәне ль кӧ буйа?"

²⁰ Ле р’аст ньһа әндәм гәләк ьн, ле бәдән йәк ә."

²¹ Ч’ә’в нькарә бежә дәст: «Тӧ кери мьн найейи!» У нә жи сәри ньгар’а дькарә бежә: «Һун кери мьн найен!»"

²² Ле сәрда әw әндәмед бәдәнейә кӧ сьст к’ьфш дьбьн, әw һе фәрз ьн"

²³ у әw әндәмед бәдәнейә беqәдьр тенә һ’әсабе, әм һе qәдьре wан заньн у йед ә’йбә нава wеда, әм һе бь т’әрбәт дьньхемьн,"

²⁴ ле әндәмед мәйә беә’йб нә һ’әwще wе йәке нә. Ле Хwәде бәдән һәвва кьр, кӧ йе беqәдьр һе qәдьр бьстинә,"

²⁵ wәки дӧтирәти нәк’әвә нава бәдәне, ле һ’әму әндәм жь һәвдӧр’а шәwат бьн."

²⁶ Ләма, гава әндәмәк еше дьк’ьшинә, һ’әму әндәм һәвр’а дешьн, ле гава әндәмәк те пәсьндайине, һ’әму әндәм т’әви wе ша дьбьн."

²⁷ Аwа һун бәдәна Мәсиһ ьн у һәр йәк жь wә әндәмәки бәдәна Wи йә."

²⁸ У Хwәде пешийе һьнәк щьвинеда кьрьнә шанди, йа дӧда п’ехәмбәр ф, йа сьсийа дәрсдар, паше йед к’әрәмәткьр, пәйр’а йед хwәйийе п’ешк’ешед нәхwәшqәнщкьрьне, к’омәкдарийе, сә’витийе у йед зьманед хәриб ."

²⁹ Чьма һ’әму шанди нә? Чьма һ’әму п’ехәмбәр ьн? Чьма һ’әму дәрсдар ьн? Чьма һ’әму к’әрәмәта дькьн?"

³⁰ Чьма һ’әму хwәйийе п’ешк’ешед нәхwәшqәнщкьрьне нә? Чьма һ’әму бь зьманед хәриб хәбәр дьдьн? Чьма һ’әму зьмана шьровәдькьн?"

³¹ Дә һун һ’әйра п’ешк’ешед һе мәзьнда бьн.

Ле әзе р’екә һәрә qәнщ жи нишани wә кьм."

13

¹ Һәгәр әз бь зьманед мәрьва йан мьлйак’әта хәбәр дьм, ле дьле мьнда һ’ьзкьрьн т’ӧнәбә, әзе бьбьмә мина wи зәнгьле кӧ дькә зьнгин йан жи болмед сьфрә кӧ дькьнә шьнгин."

² Һәгәр п’ешк’еша п’ехәмбәртийе мьнр’а һәбә у сәр һ’әму сӧр’а вәбьм, һ’әму занәбуне фә’м бькьм у һәгәр баwәрийа мьн жи һаqас һәбә, һ’әта ч’ийа жи жь щи бьгӧһезьм, ле һ’ьзкьрьн дьле мьнда т’ӧнәбә, әз нә т’ӧ тьшт ьм ."

³ У һәгәр һәбука хwә пева бәлайи бәләнгаза кьм у бәдәна хwә жи бьдьмә дәр бона шәwьтандьне, ле һ’ьзкьрьн дьле мьнда т’ӧнәбә, т’ӧ к’ар нагьһижә мьн."

⁴ Һ’ьзкьрьн думькдьреж у ширьн ә, һ’ьзкьрьн һ’әвсудийе накә, һ’ьзкьрьн к’ӧбар набә, п’ьшька хwәда наwәрьмә,"

⁵ беп’әргал нинә, йа хwә нагәр’ә, зу һерс нак’әвә, к’ине нажо,"

⁶ дьле хwә ль нәһәqийе ша накә, ле р’астийер’а ша дьбә."

⁷ Һ’ьзкьрьн һәр гав дадьхә, һәр гав баwәр дькә, һәр гав хwәйигӧман ә, һәр гав сәбьр дькә."

⁸ Һ’ьзкьрьн т’ӧ щар к’ӧта набә. Һәгәр п’ехәмбәрти һәбьн, wе бәтал бьн, һәгәр зьманед хәриб һәбьн, wе дәнгед wан бенә бьр’ине, һәгәр занәбун һәбә, wе дәрбаз бә һәр’ә."

⁹ Бәле әм жь п’ьр’и-һьндьки заньн у жь п’ьр’и-һьндьки п’ехәмбәртийе дькьн."

¹⁰ Ле гава к’амьлти бе, һьнге нәк’амьлти wе дәрбаз бә һәр’ә."

¹¹ Гава әз зар’ бум, мьн мина зар’а хәбәр дьда, мина зар’а дьфькьрим, мина зар’а дьда бәр һ’әсеб. Гава әз мәзьн бум, әw тьштед зар’отийе мьн жь хwә дур хьстьн."

¹² Ньһа әм чаwа qәрәт’уки нәйнькеда дьбиньн, ле һьнге әме р’у бь р’у бьбиньн. Ньһа әз жь п’ьр’и-һьндьки заньм, ле һьнге әзе т’ам нас бькьм, чаwа әз һатьмә наскьрьне."

¹³ Аwа ньһа әв һәрсек дьминьн: Баwәри, гӧман у һ’ьзкьрьн. Ле һ’ьзкьрьн сәр wанр’а йә."

14

¹ Дәмана һ’ьзкьрьнеда бьн у һ’әйра п’ешк’ешед р’ӧһ’анида бьн, илаһи п’ехәмбәртикьрьне."

² Әwе кӧ бь зьмане хәриб хәбәр дьдә, әw нә кӧ мерьвр’а хәбәр дьдә, ле Хwәдер’а, чьмки кәсәк Wи фә’м накә. Әw бь qәwата Р’ӧһ’ сӧр’а дьбежә."

³ Ле бәле йе кӧ п’ехәмбәртийе дькә, әw мерьвр’а хәбәр дьдә, баwәрийа wан ава дькә, дьл дьдә бәр wан у бәр дьле wанда те."

⁴ Әwе кӧ бь зьманед хәриб хәбәр дьдә, т’әне баwәрийа хwә ава дькә, ле әwе кӧ п’ехәмбәртийе дькә, щьвине пева ава дькә."

⁵ Әз дьхwазьм кӧ һун һ’әму жи бь зьманед хәриб хәбәр дьн, ле әз һе дьхwазьм кӧ һун п’ехәмбәртийе бькьн, чьмки йе п’ехәмбәртийе дькә, жь йед бь зьманед хәриб хәбәр дьдә четьр ә, пештьри wи wәхте кӧ те шьровәкьрьне, wәки щьвин бе авакьрьне."

⁶ Аwа хушк-бьрано, һәгәр әз бемә щәм wә бь зьманед хәриб хәбәр дьм, әзе чь к’аре бьдьмә wә? Т’ӧ к’аре надьм һәгәр әз ә’йантийе, йан занәбуне, йан п’ехәмбәртийе, йан һинкьрьне wәр’а нәйньм?"

⁷ Һащәтед нәбинбәрә кӧ дәнг дәрдьхьн, әм бежьн бьлур бә, йан чәнг ф, һәгәр дәнге wан нәзәлал бә, wе чаwа заньбьн чь мьqам те лехьстьне?"

⁸ Йан жи, һәгәр бор’и дәнгәки нәнас дәрхә, к’е wе к’аре хwә ль шер’ бькә?"

⁹ Ӧса жи һун, һәгәр бь зьмен хәбәрәкә фә’мдари нәбежьн, wе чаwа бьзаньбьн һун чь дьбежьн? Хәбәрдана wәйе мина байе сар бә."

¹⁰ К’ьфш ә кӧ дьнйайеда чьqас щур’ә-щур’ә зьман һәнә, ле жь wан йәк жи бе фә’мин нинә."

¹¹ Ле, һәгәр әз зьманәки фә’м накьм, әз бона йе wи зьмани хәбәр дьдә хәриб ьм у йе хәбәр дьдә жи бона мьн хәриб ә."

¹² Ӧса жи һун кӧ һ’әйра п’ешк’ешед р’ӧһ’анида нә, нава wан п’ешк’ешада һе пешда һәр’ьн, к’ижан щьвине ава дькьн."

¹³ Бона ве йәке әwе кӧ бь зьманед хәриб хәбәр дьдә, бьра дӧа бькә кӧ шьровәкә жи."

¹⁴ Чьмки гава әз бь зьманед хәриб дӧа дькьм, әw р’ӧһ’е мьн дӧа дькә, ле һ’ьше мьнда тьшт р’унани."

¹⁵ Әз чь бькьм? Әзе һьн бь р’ӧһ’е хwә дӧа бькьм, һьн жи бь һ’ьше хwә, һьн бь р’ӧһ’е хwә бьстьрем, һьн жи бь һ’ьше хwә."

¹⁶ Һәгәр тӧ бь р’ӧһ’е хwә шькьрийе бьди, әwе кӧ мина нәзана сәкьни йә, wе чаwа р’азидарийа тәр’а qайл бә бежә: «Амин ф»? Әw qәт фә’м накә жи, тӧ чь дьбежи."

¹⁷ Бәле тӧ р’ьнд р’азибуне дьди, ле баwәрийа йе дьн найе авакьрьне."

¹⁸ Әз жь Хwәдейе хwә р’ази мә, кӧ жь wә һ’әмуйа зә’фтьр бь зьманед хәриб хәбәр дьдьм."

¹⁹ Ле бәле щьвинеда әз һе дьхwазьм пенщ хәбәред фә’мдари бежьм, wәки һьнәкед дьн жи һин бькьм, нә кӧ бь һ’әзара хәбәред хәриб."

²⁰ Хушк-бьрано, һ’ьше хwәда зар’ нибьн! Һьндава хьрабийеда мина зар’а бьн, ле һ’ьше хwәда гьһишти бьн."

²¹ Qанунеда ньвисар ә:

«Әзе бь мәрьвед хwәйе зьманед хәриб у заред ф хәриба ве щьмә’тер’а хәбәр дьм,

ле бәле wе һьнге жи гӧһдарийа Мьн нәкьн, Хӧдан дьбежә» ."

²² Аwа п’ешк’еша зьманед хәриб нишанәк ә, нә кӧ бона баwәрмәнда, ле бона нәбаwәра у п’ехәмбәрти жи нә кӧ бона нәбаwәра йә, ле бона баwәрмәнда ."

²³ Һәгәр т’әмамийа щьвине пева бьщьвә у һ’әму жи зьманед хәриб хәбәр дьн, һьнге һьнәкә нәзан йан нәбаwәр бьк’әвьнә һьндӧр’, wе нәбежьн: «Әвана дин бунә»?"

²⁴ Ле һәгәр һ’әму жи п’ехәмбәртийе бькьн, һьнге йәки нәбаwәр йан нәзан бьк’әвә һьндӧр’, wе жь һ’әму готьнед wан хwә мӧкӧр’ бе у бе гӧнәк’аркьрьне ф,"

²⁵ сӧр’ед дьле wида жи wе бенә ә’йанкьрьне у дәвәр’у ль бәр Хwәде бьк’әвә, wи бьһ’әбинә у дәнг һьлдә бежә: «Р’асти жи Хwәде нав wәда йә!»"

²⁶ Әм иди чаwа бькьн гәли хушк-бьра? Гава һун дьщьвьнә щики, һәр кәсе жь wә чи wи һәбә, һәгәр к’ӧлам бә, һинкьрьн бә, ә’йанти бә, хәбәрдана зьманед хәриб бә, шьровәкьрьна зьманед хәриб бә, бьра һ’әму жи бона авабуна щьвине бьн."

²⁷ Һәгәр йәк бь зьмане хәриб хәбәр дьдә, бьра дӧдӧ бьн, йан йа лапә зә’ф сьсе, ле бьра йәк пәй йәкир’а хәбәр дә у йәк жи шьровәкә."

²⁸ Ле һәгәр кәсәк т’ӧнә кӧ шьровәкә, бьра әw щьвинеда дәнге хwә нәкә, т’әне бәр хwәда Хwәдер’а хәбәр дә."

²⁹ У жь п’ехәмбәра жи бьра дӧдӧ бьн, йан йа лапә зә’ф сьсе хәбәр дьн у йед дьн бьра ә’нәнә кьн."

³⁰ Ле һәгәр ль бәр йәки жь нава р’уньштийа жи тьштәк вәбә, иди бьра йе пешьн дәнге хwә бьбьр’ә."

³¹ Чьмки һун һ’әму жи, йәк пәй йәкир’а дькарьн п’ехәмбәртийе бькьн, wәки һ’әму жи һин бьн у һ’әму жи дьл бьстиньн."

³² У р’ӧһ’ед п’ехәмбәра бьн сә’витийа п’ехәмбәрада нә,"

³³ чьмки Хwәде нә Хwәдейе беп’әргалийе йә, ле Йе ә’дьлайийе йә.

Чаwа нава һ’әму щьвинед щьмә’та Хwәдеда ,"

³⁴ бьра жьнед wә щьвинеда хwә кәр’ кьн, чьмки изьна wан т’ӧнә хәбәр дьн, ле бьра гӧһдар бьн, чаwа Qанун жи дьбежә."

³⁵ Ле һәгәр әw тьштәки дьхwазьн бьзаньбьн, бьра ль мале жь меред хwә бьпьрсьн, чьмки нә щайиз ә кӧ жьн щьвинеда хәбәр дә."

³⁶ Т’ӧ хәбәра Хwәде жь wә дәрк’әт? Йан т’әне гьһиштә wә?"

³⁷ Һәгәр йәк дьфькьрә, кӧ хwәха п’ехәмбәр ә йан р’ӧһ’ани йә, бьра заньбә чь кӧ мьн wәр’а ньвисин, т’әмийа Хӧдан ә."

³⁸ Ле һәгәр йәк гӧһ надә ван тьшта, һун жи гӧһ нәдьнә wи."

³⁹ Аwа хушк-бьрано, һ’әйра п’ехәмбәртикьрьнеда бьн у дәнге йед бь зьманед хәриб хәбәр дьдьн нәдьнә бьр’ине."

⁴⁰ Т’әне һәр тьшт бьра бь т’әрбәт, щи бь щи у маqули бә."

15

¹ Әз wе Мьзгинийе ф дьхwазьм биньмә бира wә хушк-бьрано, йа кӧ мьн wәр’а даннасин кьр у wә qәбул кьр, сәр wе жи сәкьнинә."

² Бь wе жи һун хьлаз дьбьн, һәгәр wе хәбәре, йа кӧ мьн wәр’а даннасин кьр, qәwин бьгьрьн. Һәгәр на, баwәрийа wәйе бадиһәwа ф бә."

³ Мьн әв йәка сәр һәр тьштир’а, чаwа станд, ӧса жи да wә, кӧ Мәсиһ бона гӧнед мә мьр, ль гора ньвисара "

⁴ у һатә дәфьнкьрьне ф, р’ожа сьсийа Әw Хwәдеда жь мьрьне р’абу ль гора ньвисара ,"

⁵ Пәтрусва хӧйа бу, пәйр’а һәр донздәһ шандийава ."

⁶ Паше щарәкер’а пенсьд хушк-бьрайи зедәтьрва хӧйа бу, жь wан гәләк һ’әта ньһа сах ьн, ле һьнәк жи мьрьнә."

⁷ Паше Аqубва ф хӧйа бу, пәйр’а һ’әму шандийава."

⁸ Ахьрийе, пәй һ’әмуйар’а мьнва хӧйа бу, чаwа йәки нә сәре хwә жь дийа хwә буйи ."

⁹ Чьмки әз жь шандийа йе һәри паш ьм, кӧ нә лайиq ьм шанди жи бемә готьне, чьмки мьн щьвина Хwәде зеранд ."

¹⁰ Ле әз бь к’әрәма Хwәде мә чь жи һәмә у к’әрәма Wи кӧ бь мьнр’а йә, бош-бәтал нибу. Ле сәрда әз жь wан һ’әму шандийа зә’фтьр хәбьтим у нә кӧ әз бум, ле к’әрәма Хwәдейә кӧ бь мьнр’а йә."

¹¹ Аwа һәгәр әз бьм, йан әw бьн, әм һ’әму жи аһа даннасин дькьн у wә аһа жи баwәр кьрийә."

¹² Аwа һәгәр әм даннасин дькьн, кӧ Мәсиһ жь мьрьне р’абуйә, чаwа жь wә һьнәк дьбежьн, кӧ р’абуна мьрийа т’ӧнә?"

¹³ Һәгәр р’абуна мьрийа т’ӧнә, кӧ ӧса йә Мәсиһ жи жь мьрьне р’анәбуйә."

¹⁴ У һәгәр Мәсиһ жь мьрьне р’анәбуйә, кӧ ӧса йә даннасинийа мә жи бош-бәтал ә у баwәрийа wә жи бош-бәтал ә."

¹⁵ У әме жи бьбьнә шә’дед Хwәдейә дәрәw, чьмки мә бона Хwәде шә’дәти да, кӧ Әwи Мәсиһ жь мьрьне р’акьр, ле һәгәр мьрийе р’анәбьн, кӧ ӧса йә Әw жи жь мьрьне р’анәкьрийә."

¹⁶ Чьмки һәгәр мьрийе р’анәбьн, кӧ ӧса йә Мәсиһ жи жь мьрьне р’анәбуйә."

¹⁷ У һәгәр Мәсиһ жь мьрьне р’анәбуйә, wәки ӧса йә баwәрийа wә бадиһәwа йә, һәла һе һунә нава гӧнед хwәда нә"

¹⁸ у әwед баwәрийа Мәсиһда жи мьрьнә ӧнда бунә."

¹⁹ Һәгәр т’әне әм бона ве жийине гӧмана хwә Мәсиһ тиньн, кӧ ӧса йә әм жь һ’әму мәрьва мә’рьмтьр ьн."

²⁰ Ле р’аст Мәсиһ жь мьрьне р’абуйә, чаwа бәре ф дәрәмәта пешьн жь нава мьрийа р’абуйи."

²¹ Мьрьн р’уйе мәрьвәкида бу, бь мәрьвәки жи wе р’абуна мьрийа бьбә."

²² Чаwа һ’әмуйед жь Адәм ф буйи дьмьрьн, ӧса жи һ’әмуйед жь Мәсиһ буйи wе сах бьн."

²³ Ле һәр кәс дора хwәда: Пешийе Мәсиһ чаwа бәре дәрәмәта пешьн, паше йед п’ара Мәсиһ, wәхте һатьна Wида."

²⁴ Һьнге ахьри wе бе, гава к’ока һәр сәрwертийе, һ’ӧкӧмәтийе у qәwате бинә у п’адшатийе бьдә дәсте Бав Хwәде."

²⁵ Чьмки Әw гәрәке п’адшатийе бькә, һ’әта кӧ Хwәде һ’әму дьжмьна бькә бьне п’ийед Wи ."

²⁶ Дьжмьне хьлазийе кӧ wе к’оке ле бинә, мьрьн хwәха йә,"

²⁷ чьмки ньвисар дьбежә: «Хwәде һәр тьшт бьне п’ийада ельми ф Wи кьр». Ле гава те готьне «һәр тьшт» ельми Wи кьр, фә’мдари йә, пештьри Wи Хwәдейи, Йе кӧ һәр тьшт ельми Wи кьр ."

²⁸ У гава һәр тьшт ельми Wи бьн, һьнге Кӧр’ Хwәха жи wе ельми Wи Хwәдейи бә, Йе кӧ һәр тьшт ельми Wи кьр, wәки һәр тьштида Әw бьбә Хwәдейе һәр тьшти."

²⁹ Wәки дьн готи, әwед кӧ бона мьрийа тенә ньхӧмандьне wе чь бькьн? Һәгәр мьрийе т’ӧ щар р’анәбьн, иди чьма бона мьрийа тенә ньхӧмандьне?"

³⁰ Чьма әм жи һәр гав хwә давежьнә сәр села сор?"

³¹ Әw фьр’наqбуна мьн шә’дә йә, хушк-бьрано, йа кӧ әз пе wә фьр’наq дьбьм йәктийа Мәсиһ Исайе Хӧдане мәда, әз һәр р’ож дәст жь ә’мьре хwә дьк’ьшиньм."

³² Һәгәр мьн Әфәседа шәр’е хwә дәрәща мәрьвайеда т’әви «сә’ва» кьр, чь к’әтә к’исе мьн? Һәгәр р’абуна мьрийа wе т’ӧнәбә, дә иди «әм бьхwьн-вәхwьн, чьмки әме сьбе бьмьрьн» , чаwа һьнәк дьбежьн."

³³ Нәхапьн! «Һәвалтийа хьраб мәрьве хwәйип’әргал хьраб дькә» ."

³⁴ Р’аст бьфькьрьн, сәр һ’ьше хwәда wәрьн, иди гӧна нәкьн, чьмки һьнәк жь wә һе Хwәде нас накьн, әз ве йәке дьбежьм, кӧ һун шәрм бькьн."

³⁵ Ле бәле йәке бежә: «Мьри чаwа дькарьн р’абьн у qальбе wане чаwа бә?»"

³⁶ Сәре аqьл! Әw т’охьме кӧ тӧ дьчини, һ’әта «нәмьрә» жийинер’а шин набә."

³⁷ У әw тьште кӧ тӧ дьчини, нә кӧ wи qальби дьчини, к’ижан кӧ wе бьгьһижә, ле һ’әбәкә садә йә, мәсәлә гәньм, йан жи жь т’охьмед майин."

³⁸ У Хwәде qальб дьдә wи т’охьми, чаwа кӧ дьхwазә у һәр т’охьмәк qальбе хwә дьстинә."

³⁹ Һ’әму qальб хун-гоштәк ниньн, qальбе мерьв башqә йә у qальбе һ’әйwен башqә, йе тәйрәда башqә йә, йе мә’сийа жи башqә."

⁴⁰ Qальбед ль ә’змен жи һәнә, qальбед ль дьне жи һәнә, ле р’әwша йед ә’змен башqә йә у йед дьне башqә."

⁴¹ Р’әwша тә’ве башqә йә, р’әwша һиве башqә у р’әwша стәйрка жи башqә йә у һәр стәйркәк бь р’әwша хwә жь һәв тенә фьрqикьрьне."

⁴² Бь ви аwайи жи р’абуна мьрийа йә: Qальбе дерьс те чандьне, йе нәдерьс wе р’абә."

⁴³ Әw бер’әwш те чандьне, бь р’әwше wе р’абә, әw бет’аqәтийе те чандьне, бь qәwате wе р’абә."

⁴⁴ Qальбе бинбәр те чандьне у qальбе р’ӧһ’ани wе р’абә.

Чаwа кӧ qальбе бинбәр һәйә, ӧса жи qальбе р’ӧһ’ани һәйә."

⁴⁵ Аһа жи ньвисар ә: «Мәрьве пешьн Адәм ф, бу бинбәрәки сах» , ле Адәме пашьн бу р’ӧһ’әки жийиндайине."

⁴⁶ Ле бәле пешийе йе р’ӧһ’ани нәбу, ле йе бинбәр, паше йе р’ӧһ’ани."

⁴⁷ Мәрьве пешьн жь хwәлийа ә’рде бу, мәрьве дӧда жь ә’змен бу."

⁴⁸ Чаwа йе жь хwәлийе бу, ӧса жи йед жь хwәлийе нә, чаwа йе жь ә’змен ә, ӧса жи йед жь ә’змен ьн."

⁴⁹ У мә чаwа кьрасе йе жь хwәлийе ль хwә кьрийә, әме ӧса жи кьрасе йе жь ә’змен ль хwә кьн."

⁵⁰ Готьна мьн әв ә хушк-бьрано, wәки хун у гошт ль П’адшатийа Хwәде нькарьн wар бьн, нә жи дерьсбун wе ль нәдерьсбуне wар бә."

⁵¹ К’а бьбьһен, әз сӧр’әке wәр’а бежьм: Әм һ’әмуйе нәмьрьн, ле әм һ’әмуйе жи бенә гӧһастьне ,"

⁵² ньшкева, чаwа ч’ә’ве хwә бьгьри-вәки, дәма бор’ийа ахьрийе бе ледане. Чьмки гава бор’и бе ледане, мьри wе нәдерьсбуйи р’абьн, әме жи бенә гӧһастьне."

⁵³ Чьмки гәрәке әви дерьс нәдерьсийе ль хwә wәргьрә у әви мьри нәмьрийе ль хwә wәргьрә."

⁵⁴ Ле гава әви дерьс нәдерьсийе ль хwә wәргьрә у әви мьри нәмьрийе ль хwә wәргьрә, һьнге әw готьне бе сери, кӧ ньвисар ә:

«Сәрк’әтьне мьрьн һ’уфи хwә кьр» .

⁵⁵

«Мьрьн, к’ане qиле жә’ра тә?

Мьрьн, к’ане сәрк’әтьна тә?» "

⁵⁶ Qиле мьрьне гӧнә йә у qәwата гӧна жь Qануне йә."

⁵⁷ Ле шькьр жь Хwәде, кӧ әм бь дәсте Хӧдане мә Иса Мәсиһ сәр хьстьн."

⁵⁸ Аwа хушк-бьрайед мьнә дәлал, qәwин бьминьн, жь щийе хwә нәһ’әжьн, һәр гав шьхӧле Хӧданда пешда һәр’ьн, бьзаньбьн хәбата wә бош-бәтал нинә ль бәр Хӧдан."

16

¹ Ле ньһа дәрһәqа к’омәкт’опкьрьна бона щьмә’та Хwәде, мьн чаwа т’әми да щьвинед Галатйайе, һун жи ӧса бькьн:"

² Һәр йәкшәм, дәсте жь wә һәр кәсива чьqас те, бьра тьштәки дәсте хwәр’а паш хә, нәбә кӧ гава әз бем, һьнге бе т’опкьрьне."

³ У гава әз бем, һун жи р’е к’ижанар’а дьбиньн, әзе пе дәсте wан, бь ньвисар п’ешк’ешед wә бьшиньмә Оршәлиме ф."

⁴ У һәгәр мьнр’а жи бьк’әвә, кӧ әз һәр’ьм, иди әwе т’әви мьн бен."

⁵ Пәй чуйина qәза Мәкәдонйайер’а, әзе сәрики ль wә хьм, чьмки әзе Мәкәдонйайер’а дәрбаз бьм."

⁶ Дьбә кӧ ль щәм wә бьминьм, йан жи зьвьстана хwә wьр дәрбаз кьм у һьнге һун дькарьн мьн вәр’екьн, әз к’ӧда кӧ һәр’ьм."

⁷ Чьмки әз ньһа нахwазьм кӧ wә сәр р’ийа хwә бьбиньм һәр’ьм, ле әз гӧман ьм кӧ хеләке щәм wә бьминьм, һәгәр Хӧдан һ’ьз бькә."

⁸ Ле ньһа әзе һ’әта Р’ожа ф Пенщийә һ’әсаб, ль Әфәсе бьминьм,"

⁹ чьмки дәргәһәки херейи мәзьн ль бәр мьн вәбуйә у пәйк’әтийед мьн гәләк ьн."

¹⁰ Һәгәр Тимот’ейо бе щәм wә, ӧса бькьн кӧ әw жь wә вәнәк’ьшә, чьмки әw жи бона Хӧдан дьхәбьтә, чаwа әз."

¹¹ Ӧса бьра тӧ кәс wи беqәдьр нәкә. Wи бь хер-сьламәт вәр’екьн, wәки бе щәм мьн, чьмки әз һивийа wи у бьрайед т’әви wи мә."

¹² Ле дәрһәqа Аполойе бьрада, мьн гәләки лава же кьр, кӧ т’әви бьра сәр wәда бьһата, ле нета wи һатьне ньһа qәт т’ӧнәбу, ле wе бе, гава мәщал бьк’әве."

¹³ Һ’ьшйар бьминьн, баwәрийеда һ’имгьрти бьн, ә’гит бьн, бьшьдьн,"

¹⁴ бьра һәр кьрьнед wә бь һ’ьзкьрьне бьн."

¹⁵ Ньһа һун заньн кӧ Стефанас мала хwәва баwәрмәндед qәза Ахайайейә пешьн ә у wан хwә данә хьзмәтк’арийа щьмә’та Хwәде. Иди әз һиви жь wә дькьм хушк-бьрано,"

¹⁶ кӧ һун гӧр’а ф йед ӧсада бьн, ӧса жи гӧр’а wан һ’әмуйада, йед кӧ т’әви шьхӧле ве хәбате дьбьн."

¹⁷ Әз бона һатьна Стефанас, Фортунато у Ахайико ша мә, баре дьле мьнда wана дәwса wә гьрт,"

¹⁸ бь wе йәке дьле мьн у wә жи р’ьһ’әт кьрьн. Qәдьре йед ӧса бьгьрьн."

¹⁹ Щьвинед qәза Асйайеда ль wә сьлав дькьн. Акила у Прьскила т’әви щьвина мала хwәда гәләки йәктийа Хӧданда ль wә сьлав дькьн."

²⁰ Һ’әму хушк-бьрайед вьр ль wә сьлав дькьн. Бь р’амусана шире һ’әлал ль һәвдӧ сьлав кьн."

²¹ Әв сьлав, бь дәстньвисара мьн Паwлос ә."

²² Һәгәр йәк Хӧдан һ’ьз накә, бьра ньфьр’ ль wи бә. «Маранат’а »."

²³ К’әрәма Хӧдан Иса ль wә бә."

²⁴ Әз wә п’ара Мәсиһ Иса к’әтийа һ’ьз дькьм."