1

¹ Жь Паwлос, хӧламе Мәсиһ ф Иса, шандитийер’а ф газикьри, бона бәлакьрьна wе Мьзгинийа ф Хwәдейә к’ьфшкьри,"

² йа кӧ Wи һе пешда ньвисаред ф пирозда бь заре ф п’ехәмбәред ф Хwә соз дабу."

³ Әва Мьзгинийа бона Кӧр’е ф Wи, Хӧдане ф мә Иса Мәсиһ ә, кӧ бь бәдәни жь зӧр’әта Даwьд ф бу у бь Р’ӧһ’е ф Пирозийе, гава жь мьрьне р’абу, qӧдрәтеда чаwа Кӧр’е ф Хwәде хӧйа бу."

⁴ "

⁵ Бь Wи мә к’әрәма ф шандитийе станд, wәки бона наве Wи һ’әму мьләта һин кьн, кӧ баwәр бькьн у гӧһдар бьн."

⁶ Һун жи нава wанда һатьнә газикьрьне, кӧ бьбьнә п’ара Иса Мәсиһ."

⁷ Жь wә һ’әмуйар’а, һ’ьзкьрийед Хwәдейә пирозбунер’а ф газикьри, кӧ Р’омайеда дьминьн, к’әрәм ф у ә’дьлайи бә, жь Хwәдейе Баве ф мә у Хӧдан Иса Мәсиһ."

⁸ Бәре пешьн әз бь дәсте Иса Мәсиһ бона wә һ’әмуйа р’азибуне дьдьмә Хwәдейе хwә, чьмки баwәрийа ф wә т’әмамийа дьнйайеда те готьне."

⁹ Хwәде шә’де мьн ә, әw Хwәдейе кӧ әз нава Мьзгинийа Кӧр’е Wида бь дьл у щан хӧламтийе дькьм, әз һәр гав wә бир тиньм"

¹⁰ у т’ьме нава дӧайед хwәда һиви дькьм, кӧ бь ә’мьре Хwәде щарәке р’е бьк’әвә мьн, сәр wәда бем."

¹¹ Чьмки әз гәләки һ’әйра дитьна wәда мә, wәки п’ешк’ешәкә ф р’ӧһ’ани бьгьһиньмә wә, кӧ һун баwәрийеда бьшьдьн."

¹² Аwа готи әз жи т’әви wә, әм дьл бьдьнә бәр һәв, бь wе баwәрийа мьн у wәйә һәр дӧ алийава."

¹³ Әз дьхwазьм кӧ һун заньбьн хушк-бьрано, wәки гәләк щара мьн хwәстийә бемә щәм wә, кӧ к’әда мьн нава wәда жи һәбә, чаwа нава нәщьһуйед ф майинда, ле һ’әта ньһа р’е нәк’әтийә мьн ."

¹⁴ Әз борщдаре һ’әму мьләта мә, һьн йе йунанед пешдачуйи у һьн жи йе мьләтед пашдамайи, дәйндаре сәрwахта у бефә’ма мә."

¹⁵ Аwа әз бь дьл у щан дьхwазьм Мьзгинийе бьдьмә wә жи, йед кӧ Р’омайеда дьминьн."

¹⁶ Бәле әз Мьзгинийе шәрм һ’әсаб накьм, чьмки әw qәwата Хwәде йә, бона хьлазбуна ф һ’әму баwәрмәнда, пешийе бона щьһуйа ф, паше нәщьһуйа ф."

¹⁷ Чьмки Мьзгини дьдә к’ьфше, кӧ Хwәде чаwа мәрьва ф р’аст һ’әсаб дькә, дькә кьрасе хwә , әв йәк жь сери һ’әта бьни бь баwәрийе йә, чаwа ньвисар ә: «Йе р’аст wе бьжи, чьмки баwәр дькә» ."

¹⁸ Хәзәба Хwәде жь ә’змен сәр һ’әму бехwәдети у нәһәqийа wан мәрьва хӧйа дьбә, к’ижан кӧ бь нәһәqийед хwә наһельн кӧ р’асти хӧйа бә."

¹⁹ Чьмки чь кӧ гәрәке бона Хwәде бьзаньбьн wанва ә’йан ә, чьмки Хwәде wанва ә’йан кьрийә."

²⁰ Р’аст жь ә’фьрандьна дьнйайеда һ’ӧнӧред Wийә нәхӧйа, аwа готи qӧдрәта Wийә һ’әта-һ’әтайе у Хwәдетийа Wи бь ә’фьрина хӧйа дьбьн, зәлал тенә дитьне. Бь ви аwайи кәс нькарә щабе бьдә."

²¹ Бәле wан Хwәде нас дькьр, ле пәсьне Wи нәдан чаwа Хwәде, нә жи жь Wи р’ази бун, ле бәле әw нава фькьред хwәда п’уч’ бун у жь дәст бефә’мийе шуна р’әшва чун."

²² Wана гот: «Әмә сәрwахт ьн», ле бефә’м дәрк’әтьн"

²³ у р’умәта Хwәдейе нәмьри шькьле мәрьве п’уч’и-мьри, тәйрәда, чарп’е у шулькийар’а гӧһер’ин ."

²⁴ Ләма жи Хwәде әw бь хwәстьна дьле wан данә дәсте һ’әрамийе ф, кӧ бәдәна хwә нава һәвда бьһ’әр’ьминьн."

²⁵ Wана р’астийа һьндава Хwәдеда дәрәwийер’а гӧһер’ин у сәре хwә ль бәр ә’фьрина данин, әw һ’әбандьн, нә кӧ Ә’фьрандаре һ’әта-һ’әтайе кӧ һежайи шькьрийе йә. Амин ф."

²⁶ Бона ве йәке Хwәде әw данә бенамусийе, һ’әта жьнед wан жи һ’әwщәтийа хwәйә ә’дәте дьне һ’әwщәтийа әк’сиә’дәтийер’а гӧһер’ин."

²⁷ Ӧса жи мера һ’әwщәтийа жьнайә ә’дәти һьштьн, пе тәмед хwәйә хьраб бь һәвр’а шәwьтин, мера т’әви мера р’обәти дькьр у һәqе жьр’ек’әтьна хwәйә qазьнщкьри һьлдьданә сәр хwә."

²⁸ У чаwа wана нәхwәст Хwәде занәбуна хwәда хwәйкьрана, Хwәде жи әw данә фькьред бет’әwшә, кӧ әwана тьштед нәщайиз бькьн."

²⁹ Әвана һәр нәһәqийе, нәqәнщийе , тьмайийе, хьрабийава т’ьжи нә: Бь һ’әвсудийе, меркӧжийе, бәрзәqийе ф, мьхәнәтийе, хернәхwазийева ф дагьрти, гьлигәр’о,"

³⁰ бӧхданбеж, нәхwәдеһ’ьз, бешәрм, позбьльнд, к’ӧбар-бабах, йе хьрабийе чедькә, нә гӧр’а ф де-бавада,"

³¹ бефә’м, беамьн, беисаф, бер’ә’м."

³² Бәле әвана һаш жь qануна Хwәде һәнә, кӧ йед ван тьшта дькьн һежайи мьрьне нә, ле бәле нә кӧ т’әне ван тьшта дькьн, ле һавьжийа хwә жь кьрийа жи тиньн."

2

¹ Аwа ә’вдо, дьхwази к’и би, гава лома дьки, тӧ нькари хwә бесущ ки. Чаwа лома хәлqе дьки, ӧса жи тӧ хwә ломәк’ар ф дьки, чьмки тӧ кӧ лома дьки, хут wан тьшта дьки ."

² Ле әм заньн кӧ диwана Хwәде wе бь р’астийе сәр wанда бе, йед кӧ тьштед ӧса дькьн."

³ Аwа ә’вдо, тӧ кӧ лома хwәйе ван кьра дьки у тӧ хwәха жи wан тьшта дьки, тә т’ьре ф те жь диwана Хwәде бьр’әви?"

⁴ Йан жи тӧ кӧ дәwләмәндтийа ширьнайи, бәрбьһери у сәбьра Wи беһӧрмәт дьки, тӧ ньзани кӧ ширьнайийа Хwәде тә дьбә бәрбь т’обәкьрьне ф?"

⁵ Ле тӧ бь сәрһ’ьшки у дьлкәвьрийа хwә хәзәбе сәр хwәда дьщьвини, бона Р’ожа Хәзәбе, гава диwана Хwәдейә һәq хӧйа бә."

⁶ Әwе wәкә ә’мәле һәр кәси бинә пешийа wан ."

⁷ Жийина һ’әта-һ’әтайе wе бьдә wан, йед кӧ т’ьме бь думька дьреж нава кьрьнед qәнщда нә, кӧ һӧрмәте, р’умәте у нәмьрийе дьхwазьн."

⁸ Ле һерс у хәзәбе сәр wанда бә, йед кӧ к’ара хwә дьгәр’ьн, дәст жь р’астийе кьрьнә у хwә данә хьрабийе."

⁹ Тәнгаси ф у зӧлме сәр wан һ’әмуйада бе, йед хьрабийе дькьн, пешийе сәр щьһуйа ф, паше сәр нәщьһуйа."

¹⁰ Ле һӧрмәт, р’умәт у ә’дьлайи wе wан һ’әмуйар’а бә, йед кӧ qәнщийе дькьн, пешийе щьһур’а у паше нәщьһур’а."

¹¹ Чьмки ль щәм Хwәде фьрqи т’ӧнә ."

¹² Әwед бейи Qануна Муса ф кӧ гӧнә ф дькьн, бейи Qанун жи wе ӧнда бьн, ле әwед хwәйиqанун кӧ гӧнә дькьн, бь Qануне жи wе диwана wан бьбә."

¹³ Чьмки нә кӧ әwед Qануне дьбьһен ль бәр Хwәде р’аст ф ьн, ле әwед кӧ Qануне дьqәдиньн wе р’аст бенә һ’әсабе."

¹⁴ Нәщьһуйед кӧ Qануна wан т’ӧнә, гава бе һ’әмде хwә хwәстьнед Qануне дьqәдиньн, бәле әwә бе Qанун ьн, хwәха бона хwә дьбьнә qанун."

¹⁵ Чьмки әвана дьдьнә к’ьфше, кӧ хwәстьна Qануне дьле ф wанда ньвисар ә. Исафа wан жи шә’дәтийа ве йәке дьдә у фькьред wан щарна ль wан нәһәq дькьн, щарна бесущ дькьн."

¹⁶ Wе Р’оже wе ӧса бә, гава Хwәде бь дәсте Мәсиһ Иса диwана тьштед мәрьвайә дьзива бькә, анәгори Мьзгинийа кӧ әз даннасин дькьм."

¹⁷ Аwа тӧ щьһу тейи һ’әсабе, тә хwә спартийә ф Qануне у бь Хwәдейе хwә дьфьр’и,"

¹⁸ хwәстьна Wи зани у жь Qануне һин буйи, qәнщи-хьрабийе жь һәв дәрдьхи."

¹⁹ У тӧ сәр хwә гӧман и, кӧ р’ебәре кора йи, р’онайийа бәр йед тә’рийеда,"

²⁰ ширәтк’аре бефә’ма, дәрсдаре хьшима. Тӧ хwәда жи гӧман и, кӧ бь Qануне хут тӧ хwәйе т’әрзе занәбуне у р’астийе йи."

²¹ Ле бәле аwа тӧ кӧ һәвале хwә һин дьки, хwәха хwә һин наки? Даннасин дьки, кӧ нәдьзьн, ле тӧ дьдьзи?"

²² Дьбежи: «Зьнийе нәкә», ле зьнийе дьки? Жь п’ута ф зьвер и, ле п’арьстгәһед ф wан т’алан дьки ?"

²³ Бь Qануне дьфьр’и, ле Qануне дьт’әр’ьбини, Хwәде беһӧрмәт дьки?"

²⁴ Чаwа ньвисар ә: «Р’уйе wә щьһуйада наве Хwәде нава нәщьһуйада те беһӧрмәткьрьне» ."

²⁵ Бәле к’ара сьнәтийе ф wе һәбә, һәгәр Qануне бьqәдини. Ле һәгәр тӧ Qануне дьт’әр’ьбини, сьнәтбуна тә дьбә бесьнәти."

²⁶ Ӧса жи, һәгәр йе нәсьнәткьри т’әмийед Qануне бьqәдинә, нәсьнәтийа wи wе сьнәти нәйе һ’әсабе?"

²⁷ У йе бьнйат’а хwәда нәсьнәткьри кӧ Qануне дьqәдинә, wе диwана тә бькә, кӧ тӧ хwәйе ньвисар у сьнәтийе йи, ле Qануне дьт’әр’ьбини."

²⁸ Чьмки щьһу нә әw ә, кӧ дәрвава йә у сьнәти нә әw ә, кӧ дәрвава сәр бәдәне йә."

²⁹ Ле щьһу әw ә, йе кӧ дьле хwәда щьһу йә у сьнәтийа р’аст дьле сьнәтбуйи йә, бь Р’ӧһ’, нә бь Qануна ньвисар. Йе һа, нә кӧ мәрьв п’әйе wи дьдьн, ле Хwәде ."

3

¹ Иди щьһу чьва зедә йә? Йан жи чь фәйда сьнәтийе һәйә?"

² Гәләки, бь һәр алийава. Бәре пешьн wе йәкева, кӧ готьнед Хwәде ль wан һатьнә спартьне."

³ Аwа һәгәр жь wан һьнәк амьн нәман, дьбә кӧ жь дәст беамьнийа wан Хwәде wе беамьн дәре?"

⁴ Т’ӧ щар! Дә бьра Хwәде р’аст бә у һ’әму мәрьв дәрәw, чаwа ньвисар ә:

«Wәки готьнед Хwәда Тӧ бесущ дәрейи

у диwана Хwәда Тӧ сәрк’әви» ."

⁵ Ле һәгәр нәһәqийа мә һәqийа Хwәде дьдә к’ьфше, әм чь бежьн? Wәки ӧса йә Хwәде нәһәq ә, кӧ хәзәбе тинә сәре мә? (Бь мәрьвайи хәбәр дьдьм)."

⁶ Т’ӧ щар! Һәгәр нә ӧса бә, Хwәде wе чаwа диwана дьне бькә?"

⁷ Ле һәгәр р’астийа Хwәде, бона р’умәта Wи, бь дәрәwийа мьн һе к’ьфш дьбә, ле иди чьма wе диwана мьн мина гӧнәк’арәки бе кьрьне?"

⁸ У гәло һәq ә кӧ әм аһа бежьн: «Хьрабийе бькьн, кӧ бьбә qәнщи», чаwа һьнәк шәр’а ль мә гьли дькьн, йане әм ӧса дьбежьн? Әw мәрьв wе р’аст сәр бәла хwә вәбьн."

⁹ Аwа әм иди чь бежьн? Әм щьһу тьштәкива жь нәщьһуйа четьр ьн? На хер! Чьмки мә иди жор да к’ьфше, чаwа щьһу, ӧса жи нәщьһу, һ’әму жи бьн һ’ӧкӧме гӧнәда ф нә."

¹⁰ Чаwа ньвисар ә:

«Йәки р’аст т’ӧнә, т’ӧ кәс т’ӧнә,

¹¹

кәсәк т’ӧнә, кӧ фә’м бькә,

кәсәк т’ӧнә, ль Хwәде бьгәр’ә.

¹²

Һ’әму бәндә хальфи ф нә,

бь һәвр’а т’әвайи бекер бунә,

йәки qәнщийе бькә т’ӧнә, т’ӧ кәс т’ӧнә.

¹³

Гәwрийа wанә т’ьрба вәкьри йә,

зьмане wанә дәрәwин ә ,

жә’ра мә’ра бьн заре wан ә .

¹⁴

Дәве wана т’ьжи ньфьр’ у тә’ли йә ,

¹⁵

ньге wанә хунр’етьнер’а дьләзинә.

¹⁶

Р’ийа wанә qәдә у бәла нә.

¹⁷

Р’ийа ә’дьлайийе наснәкьри нә ,

¹⁸

тьрса Хwәде ль бәр ч’ә’ва qәт т’ӧни нә »."

¹⁹ Аwа әм заньн Qанун чь кӧ дьбежә, wанар’а дьбежә, йед кӧ бьн һ’ӧкӧме Qанунеда нә, wәки һ’әму дәв бенә гьредане у т’әмамийа дьнйайе ль бәр диwана Хwәде щабдар бә."

²⁰ Чьмки бь кьред Qануне т’ӧ qул-бәндә wе ль бәр Хwәде р’аст ф дәрнәйе, ле бь Qануне гӧнә те наскьрьне."

²¹ Ле ньһа бейи Qануне, р’астһ’әсабкьрьна Хwәде хӧйа буйә, бона к’ижане Qанун у п’ехәмбәр жи шә’дәтийе дьдьн."

²² Әв ә р’астһ’әсабкьрьна Хwәде: К’и баwәрийа хwә Иса Мәсиһ тинә, Хwәде wан һ’әмуйа ль бәр Хwә р’аст һ’әсаб дькә . Фьрqи т’ӧнә,"

²³ чьмки һ’әмуйа гӧнә ф кьр у нәгьһиштьнә р’умәта Хwәде."

²⁴ Ле жь к’әрәма Wи, бь азакьрьна Мәсиһ Иса р’астһ’әсаббуне ф п’ешк’еш дьстиньн."

²⁵ Хwәде Әw к’ьфш кьрьбу, кӧ Әw бь хуна Хwә ль бәр гӧнед wан к’әвә, йед кӧ ве йәке баwәр бькьн. Хwәде әв йәка кьр, кӧ р’астһ’әсабкьрьна Хwә бьдә к’ьфше, чьмки Wи бь сәбьра Хwә гӧһ нәда wан гӧнед кӧ пешда һатьбунә кьрьне."

²⁶ Аwа готи Хwәде бь Иса әв йәк кьр, wәки р’астһ’әсабкьрьна ф Хwә ви зәманида бьдә к’ьфше, кӧ Хwәха р’аст ә у һәр кәсе кӧ баwәрийа хwә Иса тинә, wан р’аст ф һ’әсаб дькә."

²⁷ Аwа иди чь майә кӧ әм пе бьфьр’ьн? Һ’әму п’уч’ бу чу. Чьма п’уч’ бу? Чьмки әм Qануне дьqәдиньн? На хер, ле чьмки әм баwәр дькьн."

²⁸ Чьмки мәва фә’мдари йә, кӧ мәрьв бь баwәрийе р’аст һ’әсаб дьбә, бейи кьред Qануне."

²⁹ Йан Хwәде т’әне Хwәде щьһуйа йә? Нә йе нәщьһуйа йә? Бәле, йе нәщьһуйа йә жи,"

³⁰ чьмки Хwәде йәк ә у әw йед сьнәтбуйи бь баwәрийе р’аст һ’әсаб дькә у нәсьнәтбуйийа жи диса бь wе баwәрийе."

³¹ Wәки ӧса йә әм бь баwәрийе Qануне бәтал дькьн? Т’ӧ щар, ле әм Qануне мак дькьн."

4

¹ Әм иди чь бежьн бона Бьраһиме ф бавә’шире хwә, алийе бәдәнеда? Әwи чь дит?"

² Һәгәр Бьраһим бь кьред хwә р’аст һ’әсаб бьбуйа, һьнге дькарьбу бь кьред хwә бьфьр’ийа, ле нә ль бәр Хwәде."

³ Ле к’а ньвисар чь дьбежә? «Бьраһим Хwәде баwәр ф кьр у әw йәк жер’а р’асти һатә һ’әсабе» ."

⁴ Аwа һәгәр йәк шьхӧләки дькә, маше wи жер’а найе дайин чаwа п’ешк’еш, ле чаwа дәйн."

⁵ Ле һәгәр гӧмана йәки нә сәр шьхӧле wи йә, ле баwәрийа хwә Wи тинә, Йе кӧ нәп’ака бесущ дькә, бь ве баwәрийе әw р’аст һ’әсаб дьбә."

⁶ Даwьд жи аһа хwәзийа хwә ль wи мәрьви тинә, йе кӧ Хwәде бейи кьра wи р’аст һ’әсаб дькә.

⁷

«Хwәзи ль wан, кӧ нәһәqийед wан һатьнә бахшандьне

у гӧнед wан һатьнә ньхамтьне.

⁸

Хwәзи ль wи бәндәйи, кӧ Хӧдан wир’а гӧнә һ’әсаб накә». "

⁹ Гәло әва хwәзийа ль сьнәтбуйийа те дайине, йан нәсьнәтбуйийа? Чаwа мә гот, кӧ баwәрийа Бьраһим жер’а р’асти һатә һ’әсабе ."

¹⁰ Ле бәле к’әнге һатә һ’әсабе? Пәй сьнәтбунер’а, йан бәри сьнәтбуне? Нә кӧ пәй сьнәтбунер’а, ле бәри сьнәтбуне."

¹¹ У паше әwи сьнәтбун нишан станд, чаwа мора р’астһ’әсаббуне, бь wе баwәрийа хwәйә бәри сьнәтбуне. Бь ви аwайи Бьраһим бу баве һ’әму баwәрмәндед нәсьнәтбуйи, wәки әw жи р’аст бенә һ’әсабе "

¹² у ӧса жи бу баве сьнәтбуйийа, нә кӧ т’әне йе сьнәтбуйийа, ле йе wан жи, к’ижан п’ега wе баwәрийеда дьчьн, йа кӧ Бьраһиме баве мә һе бәри сьнәтбуне баwәр кьр."

¹³ Әw созе Бьраһим у зӧр’әта wир’а һатә дайине кӧ дьнйайе wар бьн, нә кӧ бь кьред Qануне бу, ле бь wе йәке бу, кӧ wи баwәр кьр у р’аст һатә һ’әсабе ."

¹⁴ Һәгәр т’әне әwед жь кьред Qануне бьбуна хwәйе wар, һьнге баwәри wе п’уч’ буйа у созе жи бәтал буйа ."

¹⁵ Чьмки Qанун һерсе р’адькә. Дәра кӧ qанун т’ӧнә, qанунт’әр’ьбандьн жи т’ӧнә."

¹⁶ Бь ви аwайи соз бь баwәрийе те стандьне, wәки соз бона һ’әму зӧр’әтед Бьраһим п’ешк’ешәкә әрекьри бә, нә кӧ т’әне бона wанә йед кӧ qануне дьqәдиньн, ле бона wан жи, йед кӧ мина Бьраһим баwәр дькьн. Чьмки Бьраһим баве мә һ’әмуйа йә ,"

¹⁷ чаwа ньвисар ә: «Мьн тӧ кьри баве гәләк мьләта» . Әw баве мә йә, ль бәр wи Хwәдейе кӧ әwи баwәр кьр, wәки Әw мьрийа сах дькә у гази тьштед т’ӧнәнә дькә, чаwа кӧ һәнә."

¹⁸ Wи щийе кӧ гӧман нәмабу, Бьраһим бь гӧман баwәр кьр, кӧ әwе бьбә баве гәләк мьләта, чаwа һатьбу готьне: «Зӧр’әта тәйе жи wе һаqаса бә» ."

¹⁹ У әw баwәрийеда сьст нәбу, нә һ’але qальбе хwәда ньһер’и, wәки иди мина мьрийа бу, (чьмки әw незики сәд сали бу) у нә жи бәт’ьна Сәрайейә мьри ньһер’и ."

²⁰ Ле баwәрийа хwә ль созе Хwәде ани у дӧдьли нәбу, бь баwәрийе сәр qәwата хwәда һат, шькьрийа хwә Хwәде ани"

²¹ у wе йәкеда баwәр бу, кӧ Йе соз дайә wе бинә сери ф жи."

²² Бона ве баwәрийе «жер’а р’асти һатә һ’әсабе» ."

²³ Ле әв готьн нә т’әне бона Бьраһим һатә ньвисаре, кӧ Хwәде әw р’аст һ’әсаб кьр,"

²⁴ ле бәле әw бона мә жи ньвисар ә. Р’астбуне мәр’а жи бе һ’әсабе, к’ижанед кӧ баwәрийа хwә Wи тиньн, Йе кӧ Хӧдане мә Иса жь мьрьне р’акьр."

²⁵ Иса бона нәһәqийед мә һатә кӧштьне у жь мьрьне р’абу, кӧ әм р’аст бенә һ’әсабе ."

5

¹ Аwа кӧ әм бь баwәрийе р’аст һатьнә һ’әсабе, ә’дьлайийа мә т’әви Хwәде һәйә бь сайа Хӧдане мә Иса Мәсиһ."

² Пе Wи мә бь баwәрийе мәщал дит т’әви wе к’әрәме бьн, к’ижанеда әм сәкьнинә. У бь wе гӧмана кӧ әме т’әви р’умәта Хwәде бьн дьфьр’ьн."

³ У нә т’әне бь ве йәке, ле әм бь тәнгасийед хwә жи дьфьр’ьн, чьмки әм заньн кӧ тәнгаси сәбьре тинә,"

⁴ сәбьр жи к’әтьн-р’абуне, к’әтьн-р’абун жи гӧмане."

⁵ У гӧман жи мә р’ур’әш накә, чьмки һ’ьзкьрьна Хwәде сәр мәда бь wи Р’ӧһ’е Пироз барийә, Йе кӧ мәр’а һатийә дайине."

⁶ Чьмки гава әмә һе беч’арә бун, Мәсиһ бона мә нәп’ака wәхтда мьр."

⁷ Дәгмә бона мәрьвәки р’аст йәк бьмьрә, бәлки бона мәрьвәки qәнщ йәке бьwерә бьмьрә,"

⁸ ле бәле Хwәде һ’ьзкьрьна Хwә һьндава мәда һьнге да к’ьфше, гава әмә һе гӧнәк’ар бун, Мәсиһ бона мә мьр."

⁹ Ньһа әм кӧ бь хуна Wи ль бәр Хwәде р’аст һ’әсаб бунә, һе чьqас зедә әме бь Wи жь хәзәбе хьлаз бьн."

¹⁰ Һәгәр әм т’әви Хwәде бь мьрьна Кӧр’е Wи ль һәв һатьн, гава әмә нәйар бун, ле һе чьqас зедә пе wе льһәвһатьне әме бь жийина Wи хьлаз бьн."

¹¹ У нә т’әне һаqас, ле бь Хwәде жи әм дьфьр’ьн, сайа Хӧдане хwә Иса Мәсиһ, бь К’ижани әм т’әви Хwәде ль һәв һатьнә."

¹² Аwа бь мәрьвәки гӧнә к’әтә дьне у жь гӧнә жи мьрьн һат. Бь ви аwайи мьрьн сәр һ’әму мәрьва бәла бу, чьмки һ’әмуйа жи гӧнә кьр ."

¹³ Бәри Qануне, дьнйайеда гӧнә һәбу, ле дәра кӧ qанун т’ӧнә, гӧнә найе һ’әсабе."

¹⁴ Ле бәле мьрьне жь Адәм ф гьрти һ’әта Муса һ’ӧкӧм кьр, һ’әта сәр wан жи, йед кӧ мина Адәм гӧр’а Хwәде дәрнәк’әтьн.

Адәм мина т’әрзәки Wи бу, Йе кӧ wе пәйр’а бьһата."

¹⁵ Ле п’ешк’еша Хwәде мина нәһәqийа Адәм нинә. Чьмки һәгәр бь нәһәqийа мәрьвәки гәләк мьрьн, һе чьqас зедә к’әрәма ф Хwәде у дайина кӧ бь к’әрәма Мәрьвәки, йане йа Иса Мәсиһ сәр гәләка зедә бу."

¹⁶ У п’ешк’еш нә ӧса йә, чаwа һәqе гӧне йәки, чьмки диwане бь гӧнәки сущдари ани, ле п’ешк’еше жь гәләк нәһәqийа бесущ кьр."

¹⁷ Чьмки һәгәр бь нәһәqийа мәрьвәки у р’уйе wида мьрьне һ’ӧкӧм кьр, чьqас зедә әwед кӧ к’әрәма Хwәдейә дәwләмәнд у р’астһ’әсаббуне п’ешк’еш дьстиньн wе жийинеда бь сайа Йәки, аwа готи Иса Мәсиһ п’адшатийе бькьн."

¹⁸ Аwа бь ви аwайи пе нәһәqике диwана т’әмамийа мәрьвайе бу, ӧса жи бь кьрьнәкә р’аст һ’әму мәрьв wе р’аст бенә һ’әсабе у жийине бьстиньн."

¹⁹ Чаwа бь нәгӧһдарийа йәки гәләк бунә гӧнәк’ар, ӧса жи бь гӧһдарийа Йәки гәләк wе р’аст бенә һ’әсабе."

²⁰ Ле бәле Qанун к’әтә наве, кӧ нәһәqи зедә бә, ле ль к’идәре гӧнә зедә бу, к’әрәм жи ль wьр һе зедә бу,"

²¹ wәки чаwа гӧнә бь мьрьне һ’ӧкӧм кьр, ӧса жи к’әрәма Хwәде бь р’астһ’әсабкьрьне һ’ӧкӧм бькә, мә бьбә бәрбь жийина ф һ’әта-һ’әтайе бь сайа Хӧдане мә Иса Мәсиһ."

6

¹ Ле әм ньһа чь бежьн? Әм нава гӧнада бьминьн, кӧ к’әрәма ф Хwәде сәр мәда зедә бә?"

² Т’ӧ щар! Әм кӧ һьндава гӧнада мьрьн, чаwа дькарьн һе нава wанда бьжин?"

³ Һун ньзаньн әм кӧ йәктийа Мәсиһ Исада һатьнә ньхӧмандьне ф, мьрьна Wида һатьнә ньхӧмандьне?"

⁴ Бь ньхӧмандьне әм иди т’әви мьрьна Wи бунә у т’әви Wи һатьнә дәфьнкьрьне ф, wәки чаwа Мәсиһ бь р’умәта Баве жь мьрьне р’абу, ӧса жи әме бькарьбьн жийина нуда бьжин ."

⁵ Чьмки һәгәр әм мина мьрьна Wи мьрьн т’әви Wи бун, әме ӧса жи мина р’абуна Wи жь мьрьне р’абьн."

⁶ Әм ве йәке заньн кӧ бьнйат’а мәйә кәвьн т’әви Wи хач ф бу, wәки qальбе гӧнәк’ар сәри һьлнәдә, кӧ жь вьр шунда әм нәбьнә хӧламед гӧнә."

⁷ Чьмки әwе кӧ мьрийә, әw жь гӧнә азабуйи йә."

⁸ Аwа һәгәр әм т’әви Мәсиһ мьрьнә, әм баwәр дькьн, кӧ әме т’әви Wи бьжин жи."

⁹ Чьмки әм заньн Мәсиһ кӧ жь мьрьне р’абуйә, иди намьрә, мьрьн сәр Wи иди һ’ӧкӧм накә."

¹⁰ Мьрьна Әw мьр, һьндава гӧнәда щарәке бона һәр т’ьм мьр, ле жийина кӧ ньһа дьжи, һьндава Хwәдеда дьжи."

¹¹ Ӧса жи һун хwә һьндава гӧнәда мьри һ’әсаб кьн, ле һьндава Хwәдеда сах, бь сайа Мәсиһ Иса."

¹² Аwа бьра иди гӧнә һ’ӧкӧми сәр qальбе wәйи п’уч’и-мьри нәкә, кӧ һун гӧр’а хwәстьнед wи бькьн."

¹³ У әндәмед qальбе хwә нәдьнә гӧнә кӧ бьбьнә һащәтед нәһәqийе, ле бәле хwә бьдьнә дәсте Хwәде, чаwа йәки жь мьрьне р’абуйи, бьра әндәмед wә бьбьнә һащәтед һәqийе, бона Хwәде."

¹⁴ У гӧнә wе сәрwертийе ль wә нәкә, чьмки һун нә бьн qанунеда нә, ле бьн к’әрәмеда."

¹⁵ Иди чь? Әм гӧна бькьн, чьмки нә бьн qанунеда нә, ле бьн к’әрәме? Т’ӧ щар!"

¹⁶ Һун һаqас тьшт ньзаньн кӧ һун бона хӧламтийе дәсте к’ева дьчьн у гӧр’а к’е дькьн, дьбьнә хӧламед wи? Һәгәр һун хӧламед гӧнә бьн, дьчьнә бәрбь мьрьне, ле һәгәр һун хӧламед Хwәде бьн, гӧр’а Wида бьн, дьчьнә бәрбь р’астһ’әсаббуне ф."

¹⁷ Ле шькьр жь Хwәде, һун кӧ wәхтәке хӧламед гӧнә бун, ле wә бь дьл у щан гӧра т’әрзе wе һинкьрьне кьр, йа кӧ wә хwә спарте."

¹⁸ Һун жь гӧнә аза бун у бунә хӧламед һәqийе."

¹⁹ (Әз мина ә’дәте мәрьвайе дьбежьм, бона бьнйат’а wәйә мәрьвайийә бет’аqәт.) Wә чаwа wәхтәке әндәмед хwә данә нәһәqийе кӧ бьбьнә хӧламед һ’әрамийе у нәһәqийе, ӧса жи ньһа әндәмед хwә бьдьнә һ’әлалийе ф кӧ бьбьнә хӧламед һәqийе."

²⁰ Гава һун хӧламед гӧнә бун, жь һәqийе аза бун."

²¹ Һьнге wә жь кьрьнед хwә чь бәр чьнин, бона к’ижана ньһа һун шәрм дькьн? Әw ахьрийе мерьв дьбьнә бәрбь мьрьне."

²² Ле ньһа һун жь гӧнә кӧ аза бун у бунә хӧламед Хwәде, бәре һ’әлалийе дьчьньн у ахьрийа wан жи жийина һ’әта-һ’әтайе йә."

²³ Чьмки маше гӧнә мьрьн ә, ле п’ешк’еша Хwәде жийина һ’әта-һ’әтайе йә, бь сайа Хӧдане мә Мәсиһ Иса."

7

¹ Һун р’ьнд фә’м дькьн хушк-бьрано, әзе ньһа дәрһәqа чьда wәр’а хәбәр дьм, чьмки әз т’әви wан хәбәр дьдьм, йед кӧ һаш жь qануне һәнә: Qанун сәр мерьв һаqас wәхт һ’ӧкӧм дькә, һ’әта кӧ мәрьв сах ә."

² Мәсәлә, жьна меркьри бь qануне мере хwәйи сахва гьредайи йә, ле һәгәр мер ле дьмьрә, әw һьнге жь wе qануна кӧ мерва гьредайи бу аза дьбә."

³ Аwа һәгәр мере wе һе сах бә әw бьбә жьна мерәки дьн, wе зьнек’ар бе һ’әсабе, ле һәгәр мер ле бьмьрә, әw жь wе qануне аза дьбә у зьнек’ар набә, һәгәр бьбә жьна мерәки дьн."

⁴ Ӧса жи һун хушк-бьрайед мьн, бь бәдәна Мәсиһ һьндава Qанунеда мьрьн, кӧ бьбьнә п’ара йәки дьн, Йе кӧ жь мьрьне р’абуйә, wәки һун Хwәдер’а бәр биньн."

⁵ Чьмки гава мә һе бь бьнйат’а мәрьвайе дьжит, тәме гӧна, кӧ жь Qануне сәри һьлдьдан, нава qальбед мәда йа хwә дькьрьн, кӧ әм бәре мьрьне бьдьн."

⁶ Ле ньһа әм һьндава Qанунеда мьрьн, жь wе хьлаз бун, бь к’ижане әм гьрти бун, кӧ әм бь жийина нуйә р’ӧһ’ани хӧламтийе Хwәдер’а бькьн, нә кӧ бь р’ийа Qануна ньвисар."

⁷ Аwа әм чь бежьн? Гәло Qанун гӧнә йә? На хер! Ле бәле мьне гӧнә нас нәкьра, һәгәр Qануне нибуйа. Мәсәлә, дьлһавьжи жи мьне ньзаньбуйа гӧнә йә, һәгәр Qануне нәготьбуйа: «Дьлһавьжийе нәкә» ."

⁸ Ле гӧнә жь т’әмийе мәщал станд, нава мьнда һәр щур’ә дьлһавьжи пешда анин. Чьмки бе qанун гӧнә мьри йә."

⁹ Әз хwәха wәхтәке бейи qанун сах бум, ле гава т’әми гьһиштә мьн, гӧнә сах бу"

¹⁰ у әз мьрьм. Әw т’әмийа кӧ wе жийин бьда мьн, һәма әw жи бу сәбәбе мьрьна мьн."

¹¹ Чьмки гӧнә жь т’әмийе мәщал станд әз хапандьм у бь wе кӧштьм."

¹² Аwа Qанун пироз ә у т’әмийа wе пироз, р’аст у qәнщ ә."

¹³ Wәки ӧса йә йа qәнщ мьнр’а бу мьрьн? На хер! Ле әв кьре гӧнә бу, кӧ бь йа qәнщ мьрьн сәр мьнда ани. Әв йәк аһа бу, wәки һ’ӧнӧре гӧнә к’ьфш бә у бь т’әмийе һе гӧнәк’арийа гӧнә к’ьфш бә."

¹⁴ Бәле әм заньн кӧ Qанун р’ӧһ’ани йә, ле әз хун у гошт ьм, хӧламәки гӧнәр’а фьроти."

¹⁵ Чьмки әз фә’м накьм чь дькьм. Нә кӧ wи тьшти дькьм, чь кӧ дьхwазьм, ле wи тьшти дькьм, чь кӧ бәр ч’ә’ве мьн р’әш ә ."

¹⁶ Ле һәгәр әз тьште нә бь дьле хwә дькьм, Qанунер’а qайл ьм, кӧ әw qәнщ ә."

¹⁷ Ле аwа нә кӧ әз wе йәке дькьм, ле бәле гӧне кӧ нава мьнда дьминә дькә."

¹⁸ Әз заньм кӧ нава мьнда, аwа готи бьнйат’а мьнда, т’ӧ тьште qәнщ наминә, чьмки хирәта мьн qәбул накә, ле әw йәк мьнр’а ль һәв найе."

¹⁹ Бәле wе qәнщийа кӧ дьхwазьм бькьм накьм, ле хьрабийа кӧ нахwазьм wе дькьм."

²⁰ Һәгәр әз wи тьште нә бь дьле хwә дькьм, иди нә кӧ әз дькьм, ле әw гӧне кӧ нава мьнда дьминә, әw дькә."

²¹ Аwа әз qанунәке дьбиньм: Гава дьхwазьм кӧ qәнщийе бькьм, бе һ’әмде мьн дьбә хьраби."

²² Әз бь к’урайийа дьле хwә qануна Хwәде бәгәм дькьм,"

²³ ле qанунәкә дьн нава хwәда дьбиньм кӧ мьqабьли wе qануна һ’ьше мьн бәгәм кьрийә дькә шәр’ у мьн дькә һесире qануна гӧна, йа кӧ нава мьнда йә."

²⁴ Әз чь мәрьвәки һесир-бәләнгаз ьм! К’и wе мьн жь дәсте ви qальбе п’уч’и-мьри хьлаз кә?"

²⁵ (Шькьр жь Хwәдер’а, бь сайа Хӧдане мә Иса Мәсиһ!)

Бь ви аwайи әз хwәха бь һ’ьш-аqьле хwә хӧламтийе qануна Хwәдер’а дькьм у бь qальбе хwә хӧламтийе qануна гӧнар’а дькьм."

8

¹ Ньһа иди диwана wан набә, йед кӧ т’әви Мәсиһ Иса бунә йәк ."

² Чьмки qануна Р’ӧһ’е кӧ жийине дьдә, бь сайа Мәсиһ Иса әз жь qануна гӧна у мьрьне хьлаз ф кьрьм."

³ Бәле чь кӧ Qануне жь дәст бет’аqәтийа бьнйат’а мәрьвайе нькарьбу бькьра, Хwәде әw йәк кьр, Кӧр’е Хwә дьлqе бьнйат’а мәрьвайийә гӧнәк’арда бона гӧна шанд. У аһа Әwи wе бьнйат’еда диwана гӧнә кьр,"

⁴ wәки р’астбуна т’әмийед Qануне нава мәда бе qәдандьне, әм кӧ бь бьнйат’а мәрьвайи нажин, ле бь Р’ӧһ’."

⁵ Йед кӧ ль гора бьнйат’а мәрьвайе дьжин, әw сәр тьштед бьнйат’а мәрьвайе дьфькьрьн, ле йед ль гора Р’ӧһ’ дьжин, әw сәр тьштед Р’ӧһ’ дьфькьрьн."

⁶ Ахьрийа фькьра бьнйат’а мәрьвайе мьрьн ә, ле ахьрийа фькьра Р’ӧһ’ жийин у ә’дьлайи йә."

⁷ Чьмки фькьра бьнйат’а мәрьвайе дьжмьне Хwәде йә, әw бәр qануна Хwәде хwә нашкенә, нә жи дькарә."

⁸ Әwед бь бьнйат’а мәрьвайе дьжин, нькарьн ль Хwәде хwәш бен."

⁹ Ле һун бь бьнйат’а мәрьвайи нажин, ле бь Р’ӧһ’ дьжин, һәгәр р’аст Р’ӧһ’е Хwәде нава wәда дьминә. Ле һәгәр Р’ӧһ’е Мәсиһ дьле йәкида т’ӧнә, әw нә п’ара Wи йә."

¹⁰ У һәгәр Мәсиһ дьле wәда йә, qальб мьри йә, чьмки wә гӧнә кьр, ле Р’ӧһ’ жийин ә бона wә, чьмки һун р’аст һатьнә һ’әсабе."

¹¹ У һәгәр әw Р’ӧһ’е кӧ Иса жь мьрьне р’акьр нава wәда дьжи, кӧ ӧса йә Әwе Мәсиһ жь мьрьне р’акьр, wе бь wи Р’ӧһ’е Хwәйи нава wәда, жийине бьдә qальбе wәйи п’уч’и-мьри жи."

¹² Бона ве йәке хушк-бьрано, әм дәйндар ьн, ле нә дәйндаред бьнйат’а мәрьвайе, кӧ ль гора wе бьжин."

¹³ Чьмки һәгәр һун ль гора бьнйат’а мәрьвайе бьжин, һуне бьмьрьн, ле һәгәр һун бь Р’ӧһ’ кьред бьнйат’а мәрьвайе бькӧжьн, һуне бьжин."

¹⁴ Әwед кӧ бь Р’ӧһ’е Хwәде тенә р’ебәрикьрьне, әw ьн лаwед Хwәде."

¹⁵ Чьмки wә р’ӧһ’әки ӧса нәстандийә, кӧ wә диса бькә хӧлам бьтьрсьн, ле wә әw Р’ӧһ’ стандийә, Йе кӧ wә дькә лаwед Хwәде, бь К’ижани гази Wи дькьн: «Абба ф!» аwа готи «Баво!» "

¹⁶ Һәма әw Р’ӧһ’ Хwәха т’әви р’ӧһ’е мә шә’дәтийе дьдә, кӧ әм зар’ед Хwәде нә."

¹⁷ У һәгәр зар’ ьн, ӧса жи хwәйиwар ьн, wаре Хwәде нә у т’әви wартийа Мәсиһ ьн. Бәле һәгәр әм т’әви щәфайе Мәсиһ бунә, әме т’әви р’умәта Wи бьн жи."

¹⁸ Әз аһа т’әхмин дькьм, кӧ щәфе мәйи ви зәмани, ль бәр р’умәта wе мәва ә’йан бә, нә т’ӧ тьшт ә."

¹⁹ Һ’әму ә’фьрин жи бе сәбьр ч’ә’вньһер’и хӧйабуна лаwед Хwәде нә."

²⁰ Бәле ә’фьрин жи бәр байе бәталийе к’әтьн, нә кӧ бь һ’әмде хwә, ле Хwәде әw данә ве йәке . Ле бәле әw гӧман һәбу,"

²¹ кӧ ә’фьрине хwәха жи жь wе хӧламтийа п’уч’ аза бьн у т’әви азайи у р’умәта зар’ед Хwәде бьн."

²² Чьмки әм заньн кӧ һ’әму ә’фьрин һ’әта ньһа бь һәвр’а дькьнә зарә-зар у мина еша к’ӧлфәте ф дьк’ьшиньн."

²³ У нә т’әне ә’фьрин, ле әм хwәха жи, кӧ мә чаwа бәре ф дәрәмәта пешьн Р’ӧһ’е Пироз станд, нава хwәда зарә-зар ьн у wе һивийе нә, һ’әта әм һәqе лаwтийа Хwәде бьстиньн, аwа готи әм бьгьһижьнә азайийа qальбе хwә ."

²⁴ Бәле ве гӧманеда әм хьлаз бун. Ле әw гӧмана кӧ те дитьне, әw нә гӧман ә, чьмки йәк чаwа дькарә гӧмана wи тьшти бә, к’ижан ль бәр ч’ә’ва йә?"

²⁵ Ле һәгәр гӧмана мә ль тьште нәдити йә, әм бь сәбьре һивийе бьминьн."

²⁶ Ӧса жи Р’ӧһ’е ф Пироз те һәwара бет’аqәтийа мә, чьмки әм ньзаньн гәрәке чаwа дӧа бькьн , ле Р’ӧһ’е Пироз Хwәха бь готьнед к’әсәрә найенә сәр зар-зьмана, бона мә лава-навчетийе дькә."

²⁷ У Йе дьла ә’нәнә дькә занә фькьра Р’ӧһ’е Пироз чь йә, чьмки Әw wәкә qьрара Хwәде бона мәрьвед Хwәде лава-навчетийе дькә."

²⁸ Әм заньн кӧ һәр тьштида Хwәде дькә кӧ wанр’а бьбә qәнщи, йед кӧ Wи һ’ьз дькьн у ль гора qаз-qӧдрәта Wи газикьри нә."

²⁹ Чьмки Хwәде к’ижан пешда бьжартьн, әw жи пешда к’ьфш кьрьн, кӧ бьбьнә мина Кӧр’е Wи, wәки Иса нава гәләк хушк-бьрада ньхӧри бә."

³⁰ К’ижан пешда к’ьфш кьрьн, гази wан жи кьр у гази к’ижана кьр, әw жи бесущ кьрьн у к’ижан бесущ кьрьн, әw жи хwәйир’умәт кьрьн."

³¹ Аwа әм чь бежьн бона ван тьшта? Һәгәр Хwәде пьшта мә йә, к’и дькарә мьqабьли мә бә?"

³² Әwе кӧ һ’әйфа Wи Кӧр’е Wи нәһат, ле бона мә һ’әмуйа да дәр, иди wе чаwа һәр тьшти т’әви Wи п’ешк’еши мә нәкә?"

³³ К’и дькарә бьжартийед Хwәде гӧнәк’ар кә? Хwәде йә, кӧ wан бесущ дькә."

³⁴ К’и дькарә wан нәһәq кә? Мәсиһ Иса йә кӧ бона wан мьр, ле бәле жь мьрьне р’абу жи у к’еләка ф Хwәдейә р’асте йә, бона мә лава-навчетийе дькә."

³⁵ Чь wе бькарьбә мә жь wе һ’ьзкьрьна Мәсиһ бьqәтинә? Дәрд-кӧл, тә’ли-тәнги, зерандьн, хәлайи-щәлайи, бесьт’ари, qәдә-бәла йан шур?"

³⁶ Чаwа ньвисар ә:

«Бона Тә әм һәр р’ож бәр мьрьне нә,

мина пәза сәржекьрьне һ’әсаб дьбьн» ."

³⁷ Ле әм нава ван һ’әму тьштада һе зедә сәрдьк’әвьн, бь сайа Әwи кӧ әм һ’ьз кьрьн."

³⁸ Чьмки әз ә’сәйи заньм кӧ нә мьрьн, нә жийин, нә мьлйак’әт ф, нә шәхсәк, нә тьштед һазьр, нә тьштед wе бен, нә т’ӧ qәwат,"

³⁹ нә йед жорьн, нә йед жерьн у нә жи ә’фьринәки майин дькарә мә жь һ’ьзкьрьна Хwәде бьqәтинә, йа кӧ бь дәсте Хӧдан Мәсиһ Иса п’ара мә к’әтийә."

9

¹ Әз бь Мәсиһ бе хельф р’аст дьбежьм у исафа ф мьн жи бь сайа Р’ӧһ’е Пироз мьнр’а шә’дәтийе дьдә,"

² кӧ әз гәләки бәр хwә дьк’әвьм у кӧла дьле мьн жи к’ур ә."

³ Чьмки мьн хwәха дьхwәст ньфьр’ ль мьн бьбуйа, т’ела мьн жь Мәсиһ бьqәтийа, бона мьләте мьни жь хун-гоште мьн,"

⁴ кӧ исраели ф нә. Ль wан дьк’әвә бьбьнә лаwед Хwәде, Хwәде р’умәта Хwә нишани wан да, пәйман ф т’әви wан гьредан, qанунед Хwә данә wан у кьрьнә хwәйед һ’әбандьн у созед дайи ."

⁵ Кал-бав жи жь wан ьн у Мәсиһ жи алийе хун у гоштда жь нав wан һат, кӧ сәр һ’әмуйар’а Хwәдейе һ’әта-һ’әтайейи һежайи шькьрийе йә. Амин."

⁶ Ле бәле наqәwьмә кӧ созе Хwәде хельф дәре, чьмки нә кӧ әw һ’әму нә исраели, йед кӧ жь Исраел дьне к’әтьнә"

⁷ у нә жи һ’әмуйед жь бәдәна Бьраһим бунә зар’ед wийә һәq-һ’әлал ьн, ле һатийә готьне: «Зӧр’әта тәйе Исһаqда ф бе навкьрьне» ."

⁸ Аwа готи зар’ед Хwәде нә әw ьн, йед кӧ жь бәдәна т’әбийәти нә, ле зар’ед создайи wе зӧр’әт бенә һ’әсабе."

⁹ Чьмки созе готи әв бу: «Саләкә дьн ви чахи әзе ль сәр тәда бем у кӧр’әке Сәрайер’а бьбә» ."

¹⁰ Ле нә т’әне әв бу, Р’евека ф жи бь дӧ кӧр’а жь бавәки һ’әмлә дәрк’әт, аwа готи жь баве мә Исһаq."

¹¹ Гава кӧр’ьк һе нәбьбун, һе qәнщи-хьраби нәкьрьбун, Р’евекайер’а һатә готьне: «Йе мәзьн wе хӧламтийе ль йе бьч’ук бькә». Әв йәк бу, wәки qьрара Хwәде wәкә бьжартьна Wи дәре, нә кӧ кьрава гьредайи бә, ле ль гора газийа Хwәде бә."

¹² "

¹³ Чаwа ньвисар ә: «Мьн Аqуб ф һ’ьз кьр, ле жь Әсаw ф чум» ."

¹⁴ Әм иди чь бежьн? Гәло нәһәqийа Хwәде һәйә? На хер!"

¹⁵ Чьмки Мусар’а дьбежә: «Әз к’ижани бемә р’ә’ме, Әзе бемә р’ә’ме у дьле Мьн сәр к’е бьшәwьтә, wе бьшәwьтә» ."

¹⁶ Әв йәк иди нә жь хwәстьн йан хирәта мерьв ә, ле жь р’ә’ма Хwәде йә."

¹⁷ Чьмки ньвисара пироз Фьрәwьнр’а ф дьбежә: «Бона wе йәке Мьн тӧ кьри п’адша, wәки qәwата Хwә бь тә бьдьмә к’ьфше у наве Мьн т’әмамийа дьнйайеда бе готьне» ."

¹⁸ Аwа Хwәде к’ижана дьхwазә те р’ә’ме у к’ижана дьхwазә wан сәрһ’ьшк дькә."

¹⁹ Кӧ ӧса йә те мьнр’а бежи: «Ле иди чьма Хwәде мә нәһәq дькә? К’и дькарә ль бәр qьрара Wи р’абә?»"

²⁰ Ле тӧ к’и йи, ә’вдо, кӧ ль бәр готьна Хwәде р’адьби? Гәло щер’ дькарә щер’кәрр’а бежә: «Тә чьма әз аһа чекьрьмә?» "

²¹ Чьма һ’ӧкӧме щер’кәр сәр ахе т’ӧнә кӧ жь wе һ’әр’ийа стьрайи һьн дәрданед ф бона р’умәте чекә, һьн жи бона бер’умәте?"

²² Ле чь ве йәкер’а һәйә, һәгәр Хwәде хwәст бәри к’ьфшкьрьна һерс у qәwата Хwә, бь думька дьреж гәләки сәбьра Хwә ль wан дәрданед һежайи һерсе бинә, йед кӧ ӧндабунер’а һазьр сәкьни нә? "

²³ Wи әв йәк кьр, wәки дәwләмәндтийа р’умәта Хwә wан дәрданар’а бьдә к’ьфше, йед кӧ бунә хwәйе ве р’ә’ме, к’ижан кӧ Wи пешда һазьр кьрьбун, wәки әw т’әви р’умәта Wи бьбуна."

²⁴ У әw дәрданед газикьри әм ьн, нә кӧ т’әне жь щьһуйа, ле жь нәщьһуйа жи,"

²⁵ чаwа к’ьтеба Һосейада Әw дьбежә:

«Щьмә’та кӧ нә щьмә’та Мьн ә, Әзе бежьме: ‹Щьмә’та Мьн›

у йа нә дәлал Әзе бежьме: ‹Дәлал›» .

²⁶

У «wе дәра кӧ wанр’а һатә готьне: ‹Һун нә щьмә’та Мьн ьн›,

һәма ль wьр жи әwе лаwед Хwәдейе сах бенә готьне» ."

²⁷ Ишайа ф жи бона Исраел дькә гази дьбежә:

«Һәгәр һ’әсабе зар’ед Исраел wәкә qума бә’ре бә, т’әне һьнәк wе же хьлаз бә.

²⁸

Чьмки Хӧдан wе кьн у кӧрт зутьре диwана дьне бькә». "

²⁹ У чаwа Ишайа бәри ве йәке гот: «Һәгәр Хӧдане Зор мәр’а зӧр’әт нәһьшта, әме бьк’әтана р’ожа Содоме ф у бьбуна мина Гоморайе» ."

³⁰ Әм иди чь бежьн? Нәщьһуйед кӧ пәй р’астһ’әсаббуне нәдьчун, гьһиштьнә р’астһ’әсаббуне, wе р’астһ’әсаббуна жь баwәрийе,"

³¹ ле Исраел кӧ пәй Qануне дьчу кӧ р’аст бе һ’әсабе, нәгьһиштә wе йәке."

³² Чьма? Чьмки әw нә кӧ бь баwәрийе бу, ле бь кьред хwә. У әw сәр кәвьре льк’ӧмандьнеда к’әт һол бу,"

³³ чаwа ньвисар ә:

«Ва Әз кәвьрәки льк’ӧмандьне Сийонеда ф датиньм,

зьнарәки же һолбуне

ле һәр кәсе кӧ баwәрийа хwә Wи бинә, wе шәрми нәбә» ."

10

¹ Хушк-бьрано! Дӧа у хwәстьна дьле мьн жь Хwәде бона хьлазбуна Исраеле йә."

² Әз шә’де wана мә, кӧ әw һьндава Хwәдеда хwәйихирәт ьн, ле әв йәк бе занәбун ә."

³ Wана фә’м нәкьр, кӧ Хwәде чаwа мерьв р’аст һ’әсаб дькә, хwәстьн бь щур’е хwә һ’име һәqийе дайньн у ль бәр һәqийа Хwәде та нәбун."

⁴ Чьмки бь Мәсиһ Qанун сәр һәвда һат, кӧ һәр баwәрмәнд бь wи р’аст бе һ’әсабе."

⁵ Бона wе р’астһ’әсаббуна жь Qануне Муса аһа дьньвисә: «Мәрьве кӧ Qануне бьqәдинә, бь wе жи әwе бьжи» ."

⁶ Ле р’астһ’әсаббуна кӧ жь баwәрийе йә, аһа дьбежә: «Дьле хwәда нәбежә: К’е wе р’абә ә’змен?» (аwа готи Мәсиһ жорда бинә),"

⁷ йан: «К’е wе һәр’ә дийаре мьрийа?» (аwа готи Мәсиһ жь нава мьрийа дәрхә)."

⁸ Ле бәле ньвисар чь дьбежә? «Хәбәра Хwәде ль щәм тә йә, ль сәр заре тә йә у дьле тәда йә» , (аwа готи әw хәбәра баwәрийе, йа кӧ әм даннасин дькьн)."

⁹ Һәгәр тӧ бь дәве хwә иqрар ф бьки, кӧ Иса Хӧдан ә у дьле хwәда баwәр бьки, кӧ Хwәде Әw жь нава мьрийа р’акьрийә, те хьлаз би."

¹⁰ Чьмки бь дьл йәк баwәр дькә, р’аст те һ’әсабе у бь дәв иqрар дькә, хьлаз дьбә."

¹¹ Чаwа ньвисар дьбежә: «Һәр кәсе кӧ баwәрийа хwә Wи бинә, wе шәрми нәбә» ."

¹² Ль вьр фьрqи т’ӧнә нава щьһу у нәщьһуйада, чьмки Хӧдане һ’әмуйа йәк ә, һьндава wан һ’әмуйада жи мәр’д ә, к’ижанед гази Wи дькьн."

¹³ Чьмки ньвисар дьбежә: «К’и гази наве Хӧдан кә, wе хьлаз бә» ."

¹⁴ Ле wе чаwа гази Wи кьн, һәгәр баwәрийа хwә Wи нәанинә? Йан wе чаwа баwәрийа хwә Wи биньн, һәгәр бона Wи нәбьһистьнә? Йан wе чаwа бьбьһен, һәгәр хәбәр даннасин нәбә?"

¹⁵ Йан wе чаwа хәбәре даннасин кьн, һәгәр нәйенә шандьне? Чаwа ньвисар ә: «Чьqаси һ’әwас ьн гавед йед мьзгинийа хере дьдьн!» "

¹⁶ Ле һ’әмуйа гӧр’а Мьзгинийе нәкьр, чьмки Ишайа дьбежә: «Хӧдан, к’е әw готьна кӧ мә гот баwәр кьр?» "

¹⁷ Аwа баwәри жь бьһистьне те у бьһистьн жи жь готьнед бона Мәсиһ."

¹⁸ Ле бәле әз дьпьрсьм: Гәло wана нә бьһист? Наqәwьмә. Чьмки ньвисар ә:

«Дәнге wан т’әмамийа ә’рде һьлда у хәбәра wан ль qӧлбед дьнйайе бәла бу» ."

¹⁹ Әз диса дьпьрсьм: Гәло Исраел пе нәһ’әсийа? Пешийе Муса дьбежә:

«Әзе бь мьләте нә мьләт һелана бьдьмә wә

у бь мьләтәки бефә’м һерса wә р’акьм» ."

²⁰ У Ишайа мерк’ими дьбежә:

«Әз wанва дәрк’әтьм, к’ижан ль Мьн нәдьгәр’ийан

у Әз wанва ә’йан бум, к’ижана бона Мьн нәдьпьрсин» ."

²¹ Ле бәле бона Исраеле дьбежә: «Т’әмамийа р’оже Мьн дәсте Хwә дьрежи мьләтәки сәрһ’ьшк у хwәсәрихwә кьр» ."

11

¹ Аwа әз дьпьрсьм: Гәло Хwәде дәст жь щьмә’та Хwә кьр? На хер! Әз хwәха жи исраели мә, жь зӧр’әта Бьраһим ьм, жь qәбила Бьнйамин ф ."

² Хwәде дәст жь щьмә’та Хwә нәкьр, к’ижан пешда бьжартьбу. Йан һун ньзаньн сәрһатийа Елйасда ф ньвисар чь дьбежә чаwа, wи шькийате ф Исраеле ль Хwәде дькьр дьгот?"

³ «Хӧдан, п’ехәмбәред Тә кӧштьн, горигәһед ф Тә хьраб кьрьн, т’әне әз мамә у пәй мьн жи к’әтьнә кӧ бькӧжьн» ."

⁴ Ле щаба Хwәде чь бу? «Мьн Хwәр’а һ’әфт һ’әзар мәри хwәй кьрьнә, йед кӧ ль бәр Баә’л ф чок нәданә» ."

⁵ Ӧса жи ньһа ви зәманида һьнәкә бь к’әрәма Хwәде бьжарти манә."

⁶ У һәгәр бь к’әрәме йә, иди нә жь кьра йә, һәгәр ӧса буйа, к’әрәм иди нәдьбу к’әрәм."

⁷ Иди чь? Исраел нәгьһиштә wе чь кӧ дьгәр’ийа, ле йед бьжарти гьһиштьне у йед майин кор бун,"

⁸ чаwа ньвисар ә:

«Хwәде шәвәр’әша кора ани сәр wан,

кӧ бь ч’ә’ва нәбиньн у бь гӧһа нәбьһен, һ’әта р’ожа иройин» ."

⁹ У Даwьд дьбежә:

«Дә бьра т’әхт-сьфьред wан ль wан бьбьнә т’ор’ у т’әләк,

qәдә-бәла жи һәqе wан бә.

¹⁰

Бьра ава р’әш бе сәр ч’ә’вед wан, нәбиньн

у пьшта wан т’ьме тәwийайи бә». "

¹¹ Аwа әз дьпьрсьм: Гәло әw жь р’е дәрк’әтьн, кӧ ӧнда бьн? На хер! Ле нәһәqийа wан бу сәбәбе хьлазбуна нәщьһуйа, кӧ позе wан жи бьшәwьтә."

¹² Һәгәр нәһәqийа wан бу сәбәб кӧ дьнйа дәwләти бә у к’әтьна wан бу сәбәб кӧ нәщьһу дәwләти бьн, ле wе һе чьqас к’ар бә гава т’әмамийа wан хьлаз бә!"

¹³ Ньһа әз wә нәщьһуйар’а дьбежьм: Бәле әз шандийе нәщьһуйа мә, qӧльхе хwә бьльнд дькьм,"

¹⁴ бәлки бькарьбьм позе йед жь хун у гоште хwә бьдьмә шәwате у жь wан һьнәка жи хьлаз кьм."

¹⁵ Чьмки һәгәр т’әхсирбуна ф wан бу сәбәбе льһәвһатьна дьнйайе т’әви Хwәде, иди ле qәбулбуна wане бьбә чь, һәгәр нә сахбуна мьрийа?"

¹⁶ Һәгәр гьрька һәвир, чаwа бәре ф дәрәмәта пешьн Хwәдер’а дайи һ’әлал ә, кӧ ӧса йә т’әмамийа шкәве пева һ’әлал ә . У һәгәр р’аw пироз ьн, ч’ьqьл жи пер’а пироз ьн."

¹⁷ Һәгәр жь wан ч’ьqьла һьнәк шкәстьн, ле тӧ, нәщьһу дара зәйт’унейә бәйани буйи, дәwса wан һати сәрвакьрьне у т’әви qьнйата р’аwед зәйт’уне буйи,"

¹⁸ тӧ дьле хwә ль wан ч’ьqьлед шкәсти ша нәкә. Ле һәгәр дьле хwә ша ки, бир бинә, wәки нә кӧ тә р’аw жор гьртьнә, ле р’аwа тӧ гьртийи."

¹⁹ Иди те бежи: «Ч’ьqьл шкәстьн, wәки әз бемә сәрвакьрьне»."

²⁰ Р’аст ә. Әwана жь дәст нәбаwәрийе шкәстьн у тә бь баwәрийе һ’им гьрт. К’ӧбар нәбә, ле бьтьрсә."

²¹ Чьмки һәгәр һ’әйфа Хwәде ч’ьqьлед бьнйат’и нәһат, һ’әйфа Wи wе тә жи нәйе."

²² Аwа дина хwә бьдә ширьнайи у һ’ьшкийа Хwәде, Әw һ’ьшк ә һьндава жь р’ек’әтийада у ширьн ә һьндава тәда, һәгәр нава ширьнайийеда бьмини. Ле һәгәр на, те жи бейи бьр’ине."

²³ Ле һәгәр щьһу нава нәбаwәрийеда нәминьн, wе бенә сәрвакьрьне, чьмки Хwәде диса дькарә wан сәрвакә."

²⁴ Чьмки һәгәр тӧ, нәщьһу wәки бьнйат’а хwәда ч’ьqьле зәйт’уна бәйани буйи у һати бьр’ин, сәр wе зәйт’уна qәнщә нә жь бьнйат’а хwә һати сәрвакьрьне, ле һе чьqас р’ьһ’әт әwе кӧ ч’ьqьлед бьнйат’и нә, wе сәр зәйт’уна хwә бенә сәрвакьрьне."

²⁵ Әз нахwазьм хушк-бьрано, кӧ һун һаш жь ве сӧр’е т’ӧнәбьн, кӧ һун хwә дәwса зана данәйньн. П’арәкә мьләте Исраеле wе сәрһ’ьшк бьминә, һ’әта һ’әсабе wан нәщьһуйед кӧ wе хьлаз бьн т’әмам бә."

²⁶ Бь ви аwайи т’әмамийа Исраеле wе хьлаз бә, чаwа ньвисар ә:

«Азакьр wе жь Сийоне бе

у бехwәдетийе жь Аqуб дур хә.

²⁷

У әв ә пәймана Мьнә т’әви wан,

гава Әз гӧнед wан һьлдьм» ."

²⁸ Мьзгинийе кӧ дьньһер’и, әwана дьжмьн ьн бона хатьре wә, ле бьжартьне кӧ дьньһер’и, әwана һ’ьзкьри нә, бона хатьре кал-бавед wан."

²⁹ Чьмки Хwәде к’ижана дьбьжерә у п’ешк’еша дьдә к’е, wе йәкеда нә п’ошман ә."

³⁰ Чаwа wә жи wәхтәке гӧһдарийа Хwәде нәдькьр, ле ньһа бь нәгӧһдарийа wана wә р’ә’м дит,"

³¹ ӧса жи әwана ньһа бунә нәгӧһдар, wәки бь р’ә’мдитьна wә әw жи р’ә’ме бьбиньн."

³² Чьмки Хwәде һ’әму кьрьнә гьртийед нәгӧһдарийе, wәки һ’әмуйа жи бе р’ә’ме."

³³ Чьqаси к’ур ьн дәwләмәндти, сәрwахти ф у занәбуна Хwәде! Qьраред Wи чьqаси жь һ’ьш-аqьла дур ьн у кәс сәрәдәрийе жь р’ийед Wи накә! "

³⁴ Чаwа ньвисар ә:

«К’е нета Хӧдан пе һ’әсийа?

Йан к’е бу ширәтк’аре Wи?

³⁵

Йан к’е пешда тьштәк дайә Wи,

wәки Әw диса ль wан вәгәр’инә?» "

³⁶ Чьмки һәр тьшт жь Wи, бь Wи у бона Wи нә. Шькьр жь Wир’а һ’әта-һ’әтайе. Амин ."

12

¹ Аwа әз һиви жь wә дькьм хушк-бьрано, бона wе дьлшәwатийа Хwәде, qальбе хwә дийари Хwәде кьн, чаwа qӧрбанәкә ф сахә дӧрӧфкьри, ль Wи qәбул, йа кӧ һ’әбандьна wәйә р’ӧһ’ани йә."

² У нәк’әвьнә кьрасе бәнде ве дьнйайе, ле бь нубуйина һ’ьше хwә wәрьнә гӧһастьне, wәки бьзаньбьн чь йә qьрара Хwәде, кӧ qәнщи, хwәши у к’амьли йә."

³ Әз бь wе к’әрәма кӧ Хwәде да мьн, wә һәр кәсир’а дьбежьм: Чьqас жь wә дьк’әвә, жь wе зедәтьр нәфькьрьн, ле сәр хwә бьн, бьра һәр кәс wәкә wе баwәрийа кӧ Хwәде п’арәвәкьр, бьфькьрә."

⁴ Чаwа qальбе мәда гәләк әндәм һәнә у һ’әму әндәм кьрәки накьн ,"

⁵ ӧса жи әм гәләк ьн, ле йәктийа Мәсиһда әм бәдәнәк ьн у һәр кәс жь мә әндәмед һәв ьн."

⁶ Аwа анәгори wе к’әрәма мәр’а һатийә дайине, п’ешк’ешед хwәйә щур’ә-щур’ә бьдьнә хәбате. Һәгәр п’ешк’еша п’ехәмбәртийе ф йә, бьра wәкә wе чапа баwәрийе бьдьнә хәбате,"

⁷ һәгәр хьзмәтк’ари йә, бьра нава хьзмәтк’арийеда бьн, һәгәр һинкьрьн ә, бьра пәй һинкьрьне бьн,"

⁸ йе дьл дьдә мерьв, бьра ль пәй wе йәке бә, әwе п’арәвәдькә, бьра бь мәр’дани бькә, әwе сәрwер ә, бьра хирәт бә, әwе qәнщийе дькә, бьра бь әшq у ша бькә."

⁹ Һ’ьзкьрьна wә һ’ьләк’ари нибә, жь хьрабийе зьвер бьн, хwә ль qәнщийе бьгьрьн."

¹⁰ Һ’ьзкьрьнеда чаwа хушк-бьра сәр һәв шәwат бьн, qәдьркьрьнеда жь һәвдӧ дәрбазтьр бьн,"

¹¹ хирәтеда хwәр’анәдити нибьн, р’ӧһ’е хwәда алав дьн, хьзмәтк’арийа Хӧдан бькьн,"

¹² бь гӧмане ша бьн, тәнгасийада сәбьр кьн, һәр гав дӧа бькьн,"

¹³ дәсте хwә дьрежи щьмә’та Хwәдейә дәсттәнг кьн, пәй меванһ’ьзийе бьн."

¹⁴ Йе wә дьзериньн һун дӧа wан бькьн, бәле дӧа бькьн у ньфьр’а ль wан нәкьн ."

¹⁵ Т’әви йед ша дьбьн ша бьн у т’әви йед дьгьрин бьгьрин."

¹⁶ Фькьра wә һәр кәси һьндава һәвда йәк бә, к’ӧбар-бабах нибьн, ле т’әви п’әришана ньмьз бьн, хwә дәwса зана данәйньн ."

¹⁷ Жь бәр хьрабийева хьрабийе ль т’ӧ кәси нәкьн. Чь ль бәр ч’ә’ве һ’әму мәрьва qәнщ ә, wе бькьн."

¹⁸ Чьqас жь дәст wә те, т’әви һ’әму мәрьва ә’дьлайийеда бьн."

¹⁹ Һ’әйфе һьлнәдьн, дәлално, ле щи бьдьнә һерса Хwәде, чьмки ньвисар ә: «Һ’әйфһьлдан дәсте Мьн ә, Әзе һ’әйфе һьлиньм, Хӧдан дьбежә» ."

²⁰ Ле бәле әв жи һәйә: «Һәгәр дьжмьне тә бьр’чи йә, нен бьде у һәгәр т’и йә, аве бьде, чьмки тӧ бь ве йәке пьриске егьр сәр сәре wи т’оп дьки» ."

²¹ Нәһелә хьраби сәр тә к’әвә, ле бь qәнщийе тӧ сәр хьрабийе к’әвә."

13

¹ Һәр мәрьвәк бьра гӧр’а wан һ’ӧкӧмәтийада бә, кӧ сәр wир’а нә, чьмки т’ӧ һ’ӧкӧмәти бейи дәстура Хwәде т’ӧнә у әwе кӧ һәнә жи, жь Хwәдеда нә."

² Аwа к’и кӧ бәр һ’ӧкӧмәтийе р’адьбә, әw бәр ә’мьре Хwәде р’адьбә у әwе кӧ р’адьбьн, диwана Хwәде сәр хwәда тиньн."

³ Чьмки сәрдар йед qәнщийе дькьн натьрсиньн, ле йед хьрабийе. Тӧ дьхwази жь һ’ӧкӧмәте нәтьрси? Хwә ль qәнщийе бьгьрә, те бьби ширьне wе."

⁴ Чьмки әw хьзмәтк’аре Хwәде йә бона qәнщийед тә. Ле һәгәр хwә ль хьрабийе бьгьри, же бьтьрсә, чьмки wи бадиһәwа ф шур гьренәдайә. Әw хьзмәтк’аре Хwәде йә, кӧ һерса Wи сәр wанда бьр’ежә, к’ижанед кӧ хьрабийе дькьн."

⁵ Ләма әм гәрәке гӧра һ’ӧкӧмәтада бьн, нә т’әне wәки әм ль бәр һерсе нәк’әвьн, ле бәле wәки исафа мә жи дьле мә р’ьһ’әт бьһелә."

⁶ Бона ве йәке жи һун хәрщ жи дьдьн, чьмки әw хӧламед Хwәде нә, борщдаред хәрщстандьне нә ."

⁷ Аwа к’ер’а чь дьк’әвә, ль wан вәгәр’иньн, к’ер’а хәрщ дьк’әвә, хәрщ бьдьне, к’ер’а сәләф дьк’әвьн, сәләфа бьдьне, жь к’е гәрәке бьтьрсьн, бьтьрсьн, к’ер’а qәдьр дьк’әвә, qәдьре wи бьгьрьн."

⁸ Т’ӧ тьштида дәйндаре т’ӧ кәси нәминьн, пештьри ль һәв һ’ьзкьрьне, чьмки к’и кӧ һәвале хwә һ’ьз дькә, т’әмамийа Qануне дьqәдинә."

⁹ Әв т’әмийед кӧ һәнә: «Зьнийе нәкә, нәкӧжә, нәдьзә, дьлһавьжийе нәкә» у һәр чь т’әмийед кӧ һәнә, дьк’әвьнә нава ве готьне: «Һәвале хwә wәкә хwә һ’ьз бькә» ."

¹⁰ Һ’ьзкьрьн хьрабийе ль һәвале хwә накә. Аwа һ’ьзкьрьн сәре Qануне дьгьрә."

¹¹ Ве йәке бькьн, чьмки һун заньн әв чь зәман ә. Ньһа иди wәхт ә һун жь хәwе һ’ьшйар бьн, чьмки ньһа хьлазбун һе незики мә йә, нә кӧ һьнге гава мә баwәр кьр."

¹² Шәв гәләк чуйә, сьбәһ незик буйә, аwа кьред тә’ристанийе әм жь хwә дур хьн у ч’әкед р’онайийе сәр хwәва кьн."

¹³ Ӧса бьжин чаwа р’онайа р’оже, бе куч’ьксантийе, сәрхwәшийе, бенамусийе, һ’әрамийе, шәр’удийе у һ’әвсудийе."

¹⁴ Ле Хӧдан Иса Мәсиһ ль хwә бькьн мәрт’ал у гӧһ нәдьнә wан хwәстьнед бьнйат’а хwәйә мәрьвайи."

14

¹ Әwе кӧ баwәрийеда сьст ә, qәбул кьн, ле нә кӧ бона бир-баwәрийа wи жер’а бьк’әвьнә дә’wе."

² Йәк баwәр дькә, кӧ һәр тьшти дькарә бьхwә, ле йе сьст ә, т’әне п’ьнщар’е дьхwә."

³ Әwе кӧ дьхwә, бьра йе нахwә беһӧрмәт нәкә у әwе кӧ нахwә, бьра лома йе дьхwә нәкә, чьмки Хwәде әw qәбул кьрийә."

⁴ Тӧ к’и йи кӧ лома хӧламе хәлqе дьки? Һәгәр сәкьни бә йан к’әти бә, әw ише Хwәйе wи йә. Ле wе бьсәкьнә, чьмки Хӧдан дькарә wи бьдә сәкьнандьне."

⁵ Йәк р’ожәке сәр р’оже дьнр’а дьгьрә, йәк жи һ’әму р’ожа wәкә һәв дьгьрә. Бьра һәр кәс фә’мина хwәда баwәр бә."

⁶ К’е р’ожәке хwәр’а ә’зиз һ’әсаб дькә, бона Хӧдан ә’зиз һ’әсаб дькә, ӧса жи әwе дьхwә бона Хӧдан дьхwә, чьмки шькьрийе дьдә Хwәде. У йе нахwә жи бона Хӧдан нахwә у шькьрийе дьдә Хwәде."

⁷ Жь мә тӧ кәс бона хwә нажи у т’ӧ кәс жи бона хwә намьрә."

⁸ Һәгәр әм дьжин, бона Хӧдан дьжин у һәгәр әм дьмьрьн бона Хӧдан дьмьрьн. Аwа һәгәр әм бьжин йан бьмьрьн, п’ара Хӧдан ьн."

⁹ Бона ве йәке жи Мәсиһ мьр у сах бу, wәки һьн һ’ӧкӧми сәр мьрийа бькә, һьн жи сәр зендийа."

¹⁰ Иди тӧ чьма лома бьре хwә дьки? Йан тӧ чьма бьре хwә беһӧрмәт дьки? Әм һ’әмуйе жи ль бәр диwана Хwәде бьсәкьньн ."

¹¹ Чьмки ньвисар ә: «Әз сахийа Хwә кьм, Хӧдан дьбежә, кӧ һәр чок wе ль бәр Мьн бьтәwә у һәр кәсе бежә: ‹Тӧ йи Хwәде›» ."

¹² Аwа жь мә һәр кәсе бона хwә щабе ль бәр Хwәде бьдә."

¹³ Дә иди әм лома һәвдӧ нәкьн, ле һун хwәр’а бьдьнә бәр һ’әсаба, чаwа бькьн кӧ ньг нәдьнә ль бәр бьра, кӧ нәльк’ӧмьн йан п’ьшк ф нәбьн."

¹⁴ Әз ве йәке заньм у Хӧдан Исада гӧман ьм, кӧ тьштәки жь хwә һ’әрам ф т’ӧнә, ле бона wи һ’әрам ә, йе кӧ һ’әрам һ’әсаб дькә."

¹⁵ Һәгәр бь хwарьна хwә тӧ дьле бьре хwә жь хwә дьһели, иди жийина тә нә бь һ’ьзкьрьне йә. Бь хwарьна хwә wи ӧнда нәкә, бона к’ижани Мәсиһ мьр."

¹⁶ Бьра әw тьштед кӧ тӧ бона хwә qәнщ дьбини, нәбә мә’ни кӧ хьраби бе готьне."

¹⁷ Чьмки П’адшатийа ф Хwәде хwарьн у вәхwарьнеда нинә, ле һәqи, ә’дьлайи у шабунеда йә, кӧ дайина Р’ӧһ’е Пироз ьн."

¹⁸ К’е бь ван хӧламтийе Мәсиһр’а дькә, әw ль Хwәде хwәш те у дьбә ширьне мәрьва."

¹⁹ Аwа әм һьндава һәвда сәр нета ә’дьлайийе у баwәри авакьрьне бьн."

²⁰ Р’уйе хwарьнеда шьхӧле Хwәде хьраб нәкьн. Һәр тьшт һ’әлал ә, т’әне бона wи мәрьви нә р’аст ә, йе кӧ бь хwарьна хwә дьбә байисе к’әтьна хәлqе."

²¹ Qәнщ ә нә гошт бьхwи, нә шәраве вәхwи у нә жи тьштәки ӧса бьки, кӧ бьре тә бьк’әвә."

²² Тӧ чаwа баwәр дьки, бьра нава тә у Хwәдеда бьминә. Хwәзи ль wи, йе кӧ бь ван тьштед кӧ фә’м дькә кӧ р’аст ьн, хwә гӧнәк’ар накә."

²³ Ле һәгәр йәк дьхwә дӧдьлийе дькә, диwане сәр хwәда тинә, чьмки бь баwәрийе нахwә. У һәр тьште кӧ нә бь баwәрийе йә, гӧнә йә."

15

¹ Әм кӧ баwәрийеда qәwат ьн, гәрәке бьк’әвьнә бьн баре сьста, нә кӧ әм ль хwә хwәш бен."

² Бьра жь мә һәр кәс алийе qәнщийеда ль һәвале хwә хwәш бе, кӧ баwәрийеда бьшьдә."

³ Чьмки Мәсиһ жи нә кӧ ль Хwә хwәш һат, ле чаwа ньвисар ә: «Әw qаред кӧ ль Тә дькьн, ль Мьн дькьн» ."

⁴ Ле чь кӧ пешда к’ьтебада һатә ньвисаре, бона һинбуна мә һатә ньвисаре, wәки әм бь сәбьре у wан готьнед ньвисарада кӧ бине дьдьнә бәр мә, хwәйигӧман бьн."

⁵ Дә бьра Хwәдейе сәбьре у бина ль бәр һәр кәси бьдә wә, кӧ һун һьндава һәвда сәр нетәке бьн, wәкә нәхш-т’әрзе Мәсиһ Иса,"

⁶ кӧ һун һ’әму бь дьл у зарәки шькьрийе бьдьнә Хwәдейе Баве Хӧдане мә Иса Мәсиһ."

⁷ Бона ве йәке бона шькьрийа Хwәде һәвдӧ qәбул кьн, чаwа Мәсиһ әм qәбул кьрьн."

⁸ Чьмки әз wәр’а дьбежьм, кӧ Мәсиһ бу хьзмәтк’аре щьһуйа, бона амьнийа Хwәде ә’йан кә, wәки әw созе кал-бавар’а һатийә дайине, мак кә"

⁹ у нәщьһу бона р’ә’ма Wи шькьрийе бьдьнә Хwәде. Чаwа ньвисар ә:

«Бона ве йәке Әзе нав нәщьһуйада пәсьне Тә бьдьм

у әшqи наве Тә бьстьрем» ."

¹⁰ У диса дьбежә:

«Гәли нәщьһуйа, ша бьн т’әви мьләте Wи!» "

¹¹ У диса дьбежә:

«Шькьрийе бьдьнә Хӧдан гәли нәщьһуйа

у пәсьне Wи бьдьн, һ’әму щьмә’тно» ."

¹² Ишайа жи дьбежә:

«Тамарәкә Йеша ф wе дәре,

бьбә мире нәщьһуйа

у нәщьһу wе гӧмана хwә бьдьнә сәр Wи» ."

¹³ Бьра Хwәдейе гӧмане дьле wә бь шабуне у ә’дьлайийева бьк’ьмк’ьминә, бона wе баwәрийа wә, wәки гӧмана wә бь qәwата Р’ӧһ’е Пироз зедә бә."

¹⁴ Әз хwәха wәда гӧман ьм хушк-бьрайед мьн, кӧ һун qәнщийада манә у занәбунева жи дагьрти нә, дькарьн һәвдӧ ширәт кьн."

¹⁵ Ле аликива мьн тӧрӧш кьр wәр’а ньвиси, кӧ wан тьшта бькьмә бира wә, бона wе к’әрәма кӧ жь Хwәдеда мьнр’а һатийә дайине,"

¹⁶ wәки әз нава нәщьһуйада бьбьмә бәрдәстийе Мәсиһ Иса. Әз нава Мьзгинидайина Хwәдеда мина к’аһинәки ф хьзмәтк’арийе дькьм, кӧ һ’әдибуна ф нәщьһуйа qәбул бә, бь Р’ӧһ’е Пироз бӧһӧрти-жьбарә бә."

¹⁷ Аwа әз дькарьм бь сайа Мәсиһ Иса пе хьзмәтк’арийа хwәйә бона Хwәде бьфьр’ьм."

¹⁸ Әз тӧрӧш накьм бона тьштәки ӧса хәбәр дьм, пештьри wан тьштед кӧ Мәсиһ бь дәсте мьн кьрьнә, бона гӧһдарийа нәщьһуйа, һәгәр бь хәбәра бә йан кьра бә,"

¹⁹ бь qәwата нишана у к’әрәмәта, бь qәwата Р’ӧһ’е Хwәде. У бь ви аwайи әз жь Оршәлиме ф гьрти һ’әта Илиркуме гәр’ийам, Мьзгинийа Мәсиһва т’ьжи кьр."

²⁰ Мьн дьщә’данд кӧ wан дәра Мьзгинийе даннасин кьм, к’идәред бона наве Мәсиһ нәһатьбу бьһистьне, wәки нәбә кӧ әз сәр һ’име һьнәкед дьн чекьм."

²¹ Ле бәле чаwа ньвисар ә:

«К’ижанар’а бона Wи нәһатийә готьне, wе бьбиньн

у к’ижана бона Wи нә бьһистийә, wе бьзаньбьн» ."

²² Ләма гәләк щара р’е нәдьк’әтә мьн сәр wәда бьһатама."

²³ Ле ньһа иди ван алийа щийе ӧса т’ӧнә п’егәһ ле нәк’әтьбә у әв чәнд сал ә әз дькьм бемә щәм wә,"

²⁴ гава һәр’ьмә Спанйайе. Аwа гӧмана мьн һәйә, кӧ әзе сәр р’ийа хwә сәрики ль wә хьм у жь wьр һун мьн вәр’екьн әз һәр’ьмә Спанйайе, гава бина мьн һьнәки пе wә дәре."

²⁵ Ле ньһа әз дьчьмә Оршәлиме, кӧ бь к’омәкдайине хьзмәтк’арийа щьмә’та Хwәде бькьм."

²⁶ Чьмки хушк-бьрайед Мәкәдонйайе у Ахайайе бь һәвр’а qайл бун, кӧ алик’арике бьдьнә щьмә’та Хwәдейә бәләнгаз, йед кӧ Оршәлимеда дьминьн."

²⁷ Әw qайл бун у дәйндаре wан ьн жи. Чьмки нәщьһуйа алийе р’ӧһ’анида к’омәк жь щьһуйа стандьн, гәрәке әw жи алийе һәбука ф дьнеда к’омәке бьдьнә wан."

²⁸ Аwа пәй ве кьрьнер’а, гава к’омәка т’опкьри бьгьһиньмә щи, әзе бем щәм wә, жь wьр дәрбази Спанйайе бьм."

²⁹ Әз заньм гава бемә щәм wә, әзе бь дәwләмәндтийа дӧа-дьрозгед Мәсиһ бем."

³⁰ Әз һиви жь wә дькьм хушк-бьрано, бь сайа Хӧдане мә Иса Мәсиһ у wе һ’ьзкьрьна жь Р’ӧһ’, wәки һун бь дӧайед хwәйә ль бәр Хwәде т’әви шәр’к’арийа мьн бьн."

³¹ Дӧа бькьн, wәки әз жь дәсте wан хьлаз бьм, йед кӧ Щьһустанеда ф нәбаwәр ьн у wәки хьзмәтк’арийа мьнә бона к’омәкдайине Оршәлимеда ль щьмә’та Хwәде хwәш бе."

³² У бь ви аwайи әзе бь ә’мьре Хwәде, бь дьләки ша бемә щәм wә у һьнәки т’әви wә һеса бьм."

³³ Дә бьра Хwәдейе ә’дьлайийе т’әви wә һ’әмуйа бә. Амин."

16

¹ Әз т’әмийа хушка Фойбе дьдьмә wә, йа кӧ бәрдәстийа щьвина Кәнхерйайе дькә."

² Һун wе бь наве Хӧдан qәбул кьн, чаwа ль щьмә’та Хwәде дьк’әвә у гава дьбә һ’әwще тьштәки, дәсте хwә дьрежи wе кьн, чьмки әwе жи хwәйити гәләка кьрийә у ӧса жи мьн."

³ Сьлаве бьдьнә Прьскилайе у Акила , һәвал-хәбатед мьнә шьхӧле Мәсиһ Исада."

⁴ Wана бона мьн дәст жь ә’мьре хwә к’ьшанд, нә кӧ т’әне әз жь wан р’ази мә, ле т’әмамийа щьвинед жь нәщьһуйа жи."

⁵ У ль щьвина мала wанда жи сьлав кьн.

Апенәтойе дәлале мьн жи сьлав кьн, кӧ Асйайеда баwәрмәнде Мәсиһи ф пешьн ә."

⁶ Сьлаве бьдьнә Мәрйәме, кӧ бона wә гәләк худан р’етийә."

⁷ Сьлаве бьдьнә Әндронико у Йунйасе пьсмам у һәвалед мьнә кәледа. Әw нава шандийада ә’йан ьн у бәри мьн баwәрийа хwә Мәсиһ анинә."

⁸ Сьлаве бьдьнә Әмплийато, дәлале мьни жь Хӧдан."

⁹ Сьлаве бьдьнә Урбано һәвал-хәбате мәйи шьхӧле Мәсиһда у Стахойе дәлале мьн."

¹⁰ Сьлаве бьдьнә Апелис, кӧ бона Мәсиһ йәки к’әти-р’абуйи йә. Сьлаве бьдьнә мала Аристополо."

¹¹ Сьлаве бьдьнә Һеродийоне пьсмаме мьн. Сьлаве бьдьнә wан, йед кӧ жь мала Нәркисо нә, нав баwәрийа Хӧданда нә."

¹² Сьлаве бьдьнә Тьрифенайе у Тьрифосайе, к’ижан бона наве Хӧдан дьхәбьтьн. Сьлаве бьдьнә Пәрсисейа дәлал, кӧ гәләки худан р’етийә бона Хӧдан."

¹³ Сьлаве бьдьнә Р’уфойе бьжартийе Хӧдан у дийа wи у ӧса жи чаwа дийа мьн."

¹⁴ Сьлаве бьдьнә Асинкрито, Флегон, Һәрмес, Патробас, Һәрмас у хушк-бьрайед майинә т’әви wан."

¹⁵ Сьлаве бьдьнә Филолого у Йулийа, Неройис у хушка wи, ӧса жи Олимпас у т’әмамийа щьмә’та Хwәдейә т’әви wан."

¹⁶ Сьлаве бьдьнә һәв бь р’амусана шире һ’әлал. Һ’әму щьвинед Мәсиһ ль wә сьлав дькьн."

¹⁷ Ньһа әз һиви жь wә дькьм хушк-бьрано, кӧ һун һ’әвза хwә жь wан бькьн, йед кӧ жь wе һинбуне дәр, йа кӧ һун һин бунә, щӧдәбуне пешда тиньн у хәлqе п’ьшк дькьн. Жь wан дур бьн."

¹⁸ Чьмки йед ӧса хӧламтийе ль Хӧдане мә, Мәсиһ накьн, ле зьке хwә дьч’ериньн. Бь заре хwәш у һ’ьләк’арийе, йед сахьке дьле хwә дьхапиньн."

¹⁹ Гӧһдарийа wә нав һ’әмуйада бь нав у дәнг ә у әз бона wә ша мә, ле дьхwазьм кӧ һун сәрwахт бьн һьндава qәнщийеда у дьлсах бьн һьндава хьрабийеда."

²⁰ У Хwәдейе ә’дьлайийе зутьрәке wе сәре мирещьн ф бьне ньгед wәда бьп’әлехә.

К’әрәма Хӧдане мә Иса Мәсиһ т’әви wә бә."

²¹ Тимот’ейойе һәвал-хәбате мьн ль wә сьлав дькә, ӧса жи Лукйо, Йасон у Соспатройе пьсмамед мьн."

²² Әз Тәртийо жи бь наве Хӧдан ль wә сьлав дькьм, йе кӧ әв нә’мә ньвиси."

²³ Гайос ль wә сьлав дькә, qонахе мьн у йе т’әмамийа щьвине. Ерастойе сәр хьзна бажер ль wә сьлав дькә у ӧса жи бьрайе Кьwарто."

²⁴ К’әрәма Хӧдане мә Иса Мәсиһ т’әви wә һ’әмуйа бә. Амин ."

²⁵ Ньһа шькьр жь Wир’а, Йе кӧ дькарә wә баwәрийеда бьшьдинә, wәкә wе Мьзгинийа кӧ әз бона Иса Мәсиһ даннасин дькьм, wәкә ашкәрәбуна wе сӧр’а кӧ һе дәwред бәрейә бьһӧрида вәшарти мабу,"

²⁶ ле ньһа бь ньвисаред п’ехәмбәра ә’йан бу у бь ә’мьре Хwәдейе һ’әта-һ’әтайе һатә наскьрьне, wәки һ’әму мьләт баwәр бькьн у гӧһдар бьн."

²⁷ Шькьр жь Хwәдейе т’әнейи сәрwахтр’а, бь сайа Иса Мәсиһ, һ’әта-һ’әтайе. Амин ."