1

¹ Әм сәр wе йәке wәр’а дьбежьн, чь кӧ сәре серида һәбу, мә әw йәк бьһист, бь ч’ә’ве хwә дит, ль Wи ньһер’и у дәст данә Wи: Әw Хәбәра жийине йә ."

² Жийин ә’йан бу, мә әw дит, әм шә’дәтийе дьдьн у бона wе жийина ф һ’әта-һ’әтайе wәр’а дьбежьн, йа кӧ щәм Баве ф бу у мәва ә’йан бу ."

³ Әw тьште кӧ мә дит у бьһист әм wәр’а жи дьбежьн, wәки һун жи мәва т’әвгьредайи бьн у әв т’әвгьредана мә жи т’әви Бав у Кӧр’е Wи Иса Мәсиһ ә."

⁴ Әм ван тьшта wәр’а дьньвисьн, wәки шабуна мә т’әмам бә."

⁵ Әв ә әw готьна кӧ мә жь Wи бьһист у ә’лами wә дькьн, кӧ Хwәде р’онайи йә у т’ӧ тә’ри Wида т’ӧнә."

⁶ Һәгәр әм бежьн: «Әм Хwәдева т’әвгьредайи нә», ле тә’рийеда бьгәр’ьн, әм дәрәwа дькьн у р’астийе накьн."

⁷ Ле һәгәр әм р’онайеда бьгәр’ьн, чаwа кӧ Әw р’онайеда йә, әме һәвва т’әвгьредайи бьн у хуна Исайе Кӧр’е Wи wе мә жь һ’әму гӧна ф паqьж кә."

⁸ Һәгәр әм бежьн: «Гӧне ф мә т’ӧнә», әм хwәха хwә дьхапиньн у р’асти нава мәда т’ӧнә."

⁹ Ле һәгәр әм гӧнед хwә бьдьнә р’уйе хwә, Әw хwәйе созе Хwә йә у һәqийе дькә, wе гӧнед мә бьбахшинә у мә жь һ’әму нәһәqийа паqьж кә."

¹⁰ Һәгәр әм бежьн: «Мә гӧнә нәкьрийә», әм Wи дәрәwин дәрдьхьн у хәбәра Wи нава мәда т’ӧнә."

2

¹ Зар’окед мьн, әз ве йәке wәр’а дьньвисьм, wәки һун гӧна нәкьн, ле һәгәр йәк гӧнә бькә, ль щәм Баве пьштгьре мә, Иса Мәсиһ, Йе Һәq һәйә."

² Әw ә мәщала бахшандьна гӧнед мә у нә кӧ т’әне гӧнед мә, ле гӧнед т’әмамийа дьнйайе жи."

³ Бь wе йәке әм заньн кӧ әм Wи нас дькьн, һәгәр әм т’әмийед Wи хwәй кьн."

⁴ Йе кӧ дьбежә: «Әз Wи нас дькьм», ле т’әмийед Wи наqәдинә, әw дәрәwин ә у р’асти нава wида т’ӧнәйә."

⁵ Ле йе кӧ готьна Wи дьqәдинә, һ’ьзкьрьна Хwәде р’аст нава wида т’әмам ә. Бь ве йәке әм заньн кӧ әм нава Wида нә:"

⁶ Әwе кӧ дьбежә: «Әз нава Wида мә», гәрәке ӧса бьжи, чаwа Иса жит."

⁷ Дәлално, нә кӧ т’әмикә ну әз wәр’а дьньвисьм, ле wе т’әмийа кәвьнә кӧ һун бәре пешда заньн. Т’әмийа кәвьн әw хәбәр ә, йа кӧ wә пешда бьһистийә ."

⁸ Ле бәле т’әмикә ну әз wәр’а дьньвисьм, кӧ р’астийа wе йәке чаwа нава Wида хӧйа дьбә, ӧса жи нава wәда. Чьмки тә’ри дәрбаз дьбә у р’онайа р’аст иди р’онайе дьдә."

⁹ Әwе кӧ дьбежә: «Әз нава р’онайеда мә», ле бьре wи бәр ч’ә’ва р’әш ә, әw һәла һе нава тә’рийеда йә."

¹⁰ Әwе кӧ бьре хwә һ’ьз дькә, нава р’онайеда дьминә у набә сәбәб, кӧ һьнәк жь р’е бьк’әвьн ."

¹¹ Ле әwе, кӧ бьре wи бәр ч’ә’ва р’әш ә, әw нава тә’рийеда йә, нава тә’рийеда дьгәр’ә у ньзанә к’ӧда дьчә, чьмки тә’рийе ч’ә’вед wи кор кьрьнә.

¹²

Әз wәр’а дьньвисьм, зар’окно,

чьмки бь сайа наве Wи гӧнед wә афу ф бунә.

¹³

Әз wәр’а дьньвисьм, бавно,

чьмки һун Wи нас дькьн, Йе кӧ бәре пешда һәйә.

Әз wәр’а дьньвисьм, щаһьлно,

чьмки һун сәр йе Хьраб к’әтьн.

¹⁴

Әз wәр’а дьньвисьм хьшимно,

чьмки һун Баве нас дькьн.

Әз wәр’а дьньвисьм, бавно,

чьмки һун Wи нас дькьн, Йе кӧ бәре пешда һәбу.

Әз wәр’а дьньвисьм, щаһьлно,

чьмки һун qәwат ьн

у хәбәра Хwәде нава wәда дьминә

у сәр йе Хьраб к’әтьнә."

¹⁵ Дьнйайе һ’ьз нәкьн, нә жи wан тьштед кӧ дьнйайеда нә. Һәгәр йәк дьнйайе һ’ьз дькә, һ’ьзкьрьна Баве нава wида т’ӧнә."

¹⁶ Чьмки һәр тьштед кӧ дьнйайеда нә, дьлһавьжи, ч’ә’вһавьжи у к’ӧбар-бабахийа ви ә’мьри йә, әw нә жь Баве нә, ле жь ве дьнйайе нә."

¹⁷ Дьнйайе жи дәрбаз бә, һавьжийа wе жи, ле әwе кӧ ә’мьре Хwәде дьqәдинә wе һ’әта-һ’әтайе бьминә."

¹⁸ Зар’но, ва wәхте ахьрийе йә. У чаwа wә бьһистийә кӧ әк’симәсиһ wе бе, иди гәләк әк’симәсиһ һатьнә. Жь wе йәке жи әм заньн кӧ wәхте ахьрийе йә."

¹⁹ Һьнәк жь нава мә дәрк’әтьн, ле әw нә жь мә бун. Һәгәр әw жь мә буна, wе т’әви мә бьмана. Ле әw жь нава мә дәрк’әтьн, кӧ ә’йан бә, әw һ’әму нә жь мә бун."

²⁰ Ле wә жь Мәсиһе ф Пироз ф Р’ӧһ’ п’ешк’еш ф стандийә у һун һ’әму жи р’астийе заньн."

²¹ Әз wәр’а наньвисьм, чаwа кӧ һун р’астийе ньзаньн, ле чаwа кӧ һун wе йәке заньн, ӧса жи заньн кӧ һәр дәрәw нә жь р’астийе йә."

²² К’и йә дәрәwин? Һәма әw ә, йе кӧ дьбежә: «Иса нә Мәсиһ ә». Әw ә әк’симәсиһ, йе кӧ Бав у Кӧр’ инк’ар ф дькә."

²³ Әwе кӧ Кӧр’ инк’ар дькә, һәләqәтийа wи т’әви Баве т’ӧнә. Ле йе кӧ Кӧр’ иqрар ф дькә, һәләqәтийа wи т’әви Баве һәйә."

²⁴ Аwа чь кӧ wә пешда бьһистийә, бьра әw нава wәда бьминә. Һәгәр әw тьште wә пешда бьһистийә нава wәда бьминә, һуне жи нава Кӧр’ у Баведа бьминьн."

²⁵ У әв ә әw созе кӧ Wи да мә, әw жийина һ’әта-һ’әтайе йә."

²⁶ Әз ви тьшти дәрһәqа wанда wәр’а дьньвисьм, йед кӧ дьхwазьн wә бьхапиньн."

²⁷ Ле чь дәрһәqа wәда йә, әw Р’ӧһ’е кӧ wә жь Мәсиһ стандийә, нава wәда дьминә. Иди нә һ’әwщә йә, кӧ йәк wә һин кә, чьмки Р’ӧһ’ бона һәр тьшти wә һин дькә у чь кӧ һин дькә р’аст ә, нә дәрәw ә. Чаwа Әwи һун һинкьрьн, нав Мәсиһда ӧса бьминьн."

²⁸ Бәле зар’окно, нава Wида бьминьн, wәки чахе Әw ә’йан бә, әм жь һатьна Wи вәнәк’ьшьн, ль бәр Wи шәрми нәминьн."

²⁹ Һәгәр һун заньн кӧ Әw р’аст ә, ӧса жи заньбьн һәр кәсе кӧ р’астийе дькә, әw жь Wи буйә."

3

¹ Бьньһер’ьн, Баве әм чаwа һ’ьз кьрьн, wәки әм зар’ед Хwәде бенә готьне у р’аст жи әм әw ьн. Ләма дьнйа мә нас накә, чьмки әw жи нас нәкьр ."

² Дәлално, ньһа әм зар’ед Хwәде нә у һәла һе нә ә’йан ә әме бьбьнә чь. Ле әм ве йәке заньн кӧ чахе Иса ә’йан бә, әме бьбьнә мина Wи, чьмки әме Wи ӧса бьбиньн, чаwа һәйә."

³ Һәр кәсе кӧ бона ве йәке гӧмана хwә данийә сәр Wи, әw хwә ӧса паqьж дькә, чаwа кӧ Мәсиһ паqьж ә."

⁴ Һәр кәсе кӧ гӧнә дькә, әw Qануна Хwәде дьт’әр’ьбинә у гӧнә ф хут qанунт’әр’ьбандьн ә."

⁵ У һун заньн кӧ Мәсиһ бона wе йәке ә’йан бу, wәки гӧна һьлдә у нава Wида гӧнә т’ӧнә ."

⁶ Һәр кәсе кӧ нава Wида дьминә, әw нава гӧнада наминә, ле һәр кәсе кӧ нава гӧнада дьминә, әwи нә Әw дитийә, нә жи нас кьрийә."

⁷ Зар’окно, бьра т’ӧ кәс wә нәхапинә. Йе кӧ р’астийе дькә, әw йәки р’аст ә, чаwа Иса р’аст ә."

⁸ Йе нава гӧнада дьминә, әw жь мирещьн ә, чьмки мирещьн жь бәре пешда гӧнә дькә. Бона ве йәке Кӧр’е Хwәде ә’йан бу, wәки кьред мирещьн хьраб кә."

⁹ Һәр кәсе кӧ жь Хwәде буйә, нава гӧнада наминә, чьмки бьнйат’а Хwәде нава wида дьминә у әw нькарә нава гӧнада бьминә, чьмки жь Хwәде буйә."

¹⁰ Зар’ед Хwәде у зар’ед мирещьн бь ве йәке жь һәв тенә фьрqикьрьне: Әwе кӧ р’астийе накә, әw нә жь Хwәде йә у ӧса жи әwе кӧ бьре хwә һ’ьз накә."

¹¹ Әв ә әw готьн, йа кӧ wә бәре пешда бьһистийә: Гәрәке әм һәвдӧ һ’ьз бькьн ."

¹² Мина Qайин ф нибьн, кӧ жь йе Хьраб бу у бьре хwә кӧшт. У бона чь әw кӧшт? Чьмки кьред wи хьраб бун, ле йед бьре wи qәнщ ."

¹³ Ә’щебмайи нәминьн гәли хушк-бьра, һәгәр һун бәр ч’ә’ве дьнйайе р’әш бьн."

¹⁴ Әм заньн кӧ әм жь мьрьне дәрбази жийине бунә, чьмки әм хушк-бьрайед хwә һ’ьз дькьн. Әwе кӧ һ’ьз накә, әw нава мьрьнеда дьминә."

¹⁵ Һәр кәсе кӧ бьре wи бәр ч’ә’ва р’әш ә, әw меркӧж ә у һун заньн кӧ нава т’ӧ меркӧжида жийина һ’әта-һ’әтайе т’ӧнә."

¹⁶ Әм бь ве йәке һ’ьзкьрьне һ’әсийан: Иса жийина Хwә бона мә да. Әм жи гәрәке жийина хwә бона хушк-бьрайед хwә бьдьн."

¹⁷ Ле һәгәр һәбука ф йәки ве дьне һәбә у бьре хwә һ’әwще тьштәки дьбинә, дьле wи сәр нашәwьтә, һ’ьзкьрьна Хwәде чаwа дькарә дьле wида бьминә?"

¹⁸ Зар’окно, нә кӧ әм бь хәбәр йан заре хwә һ’ьз бькьн, ле бь кьра у р’астийе."

¹⁹ Бь ве йәке әме заньбьн кӧ әм жь р’астийе нә у бькарьбьн бь дьләки р’ьһ’әт бәр Хwәде бьсәкьньн."

²⁰ Ле һәгәр дьле мә диса мә нәһәq кә, Хwәде жь дьле мә мәстьр ә у һәр тьшти занә."

²¹ Дәлално, һәгәр дьле мә мә нәһәq нәкә, әм дькарьн р’усьпи бәр Хwәде бьсәкьньн."

²² У чь кӧ бьхwазьн, әме жь Wи бьстиньн, чьмки әм т’әмийед Wи дьqәдиньн у әw тьштед кӧ ль Wи хwәш тен, әм wан дькьн."

²³ У әв ә т’әмийа Wи, кӧ әм баwәрийа ф хwә наве Кӧр’е Wи Иса Мәсиһ биньн у әм һәвдӧ һ’ьз бькьн, чаwа кӧ Әwи т’әми ль мә кьр ."

²⁴ У әwе кӧ т’әмийед Wи хwәй дькә, нава Хwәдеда дьминә у Хwәде жи нава wида. У әм жь ве йәке заньн кӧ Әw нава мәда дьминә, бь wи Р’ӧһ’е кӧ Әwи дайә мә."

4

¹ Дәлално, баwәрийа хwә һәр р’ӧһ’и нәйньн, ле wан р’ӧһ’а бьщер’ьбиньн ф, гәло әw жь Хwәде нә? Чьмки гәләк п’ехәмбәред дәрәw дәрк’әтьнә дьне."

² Һун бь ве йәке дькарьн Р’ӧһ’е Хwәде нас бькьн: Һәр р’ӧһ’е кӧ Иса Мәсиһ бь хун у гошт һати иqрар дькә, әw жь Хwәде йә."

³ Ле һәр р’ӧһ’е кӧ Иса бь хун у гошт һати иqрар накә, әw нә жь Хwәде йә. Әв жь әк’симәсиһ ә, бона к’ижани wә бьһистьбу кӧ wе бе у иди әw ль дьнйайеда йә."

⁴ Һун жь Хwәде нә, зар’окно у һун сәр п’ехәмбәред дәрәw к’әтьнә, чьмки Әw Р’ӧһ’е нава wәда жь wи р’ӧһ’е кӧ нава дьнйайеда йә мәстьр ә."

⁵ Әw жь дьнйайе нә, ләма әw жь дьнйайе хәбәр дьдьн у дьнйа гӧһдарийа wан дькә."

⁶ Әм жь Хwәде нә. Йе кӧ Хwәде нас дькә, әw гӧһдарийа мә дькә. Йе кӧ нә жь Хwәде йә, әw гӧһдарийа мә накә. Бь ве йәке әм Р’ӧһ’е р’астийе у р’ӧһ’е нәр’астийе жь һәв дәрдьхьн."

⁷ Дәлално, дә әм һәвдӧ һ’ьз бькьн, чьмки һ’ьзкьрьн жь Хwәде йә у һәр кәсе кӧ һ’ьз дькә әw жь Хwәде буйә у Хwәде нас дькә."

⁸ Йе кӧ һ’ьз накә әw Хwәде нас накә, чьмки Хwәде һ’ьзкьрьн ә."

⁹ Бь ве йәке һ’ьзкьрьна Хwәде һьндава мәда хӧйа бу, гава кӧ Әwи Кӧр’е Хwәйи Тайе Т’әне шандә дьнйайе, wәки әм бь Wи бьжин."

¹⁰ Һ’ьзкьрьн әв ә, нә кӧ мә Хwәде һ’ьз кьр, ле Әwи әм һ’ьз кьрьн у Кӧр’е Хwә шанд чаwа мәщала бахшандьна гӧнед мә."

¹¹ Дәлално, һәгәр Хwәде аһа әм һ’ьз кьрьн, wәки ӧса йә гәрәке әм жи һәвдӧ һ’ьз бькьн."

¹² Т’ӧ кәси Хwәде т’ӧ щара нә дитийә. Һәгәр әм һәвдӧ һ’ьз дькьн, Хwәде нава мәда дьминә у һ’ьзкьрьна Wи дьле мәда гьһиштийә ."

¹³ Бь ве йәке әм заньн кӧ әм нава Wида дьминьн у Әw жи нава мәда, чьмки Әwи жь wи Р’ӧһ’е Хwә дайә мә."

¹⁴ Мә дит у әм шә’дәтийе дьдьн, кӧ Баве Кӧр’е Хwә шанд, wәки бьбә Хьлазкьре ф дьнйайе."

¹⁵ Һәгәр йәк иqрар дькә кӧ Иса Кӧр’е Хwәде йә, Хwәде нава wида дьминә у әw жи нава Хwәдеда."

¹⁶ Аwа әм wе һ’ьзкьрьна Хwәдейә һьндава хwәда нас дькьн у баwәр дькьн.

Хwәде һ’ьзкьрьн ә у йе кӧ нава һ’ьзкьрьнеда дьминә, әw нава Хwәдеда дьминә у Хwәде жи нава wида."

¹⁷ Һ’ьзкьрьн аһа дьле мәда гьһиштийә, wәки Р’ожа ф Ахрәте әм р’усьпи бьн, чьмки Мәсиһ ве дьнйайеда чаwа дәрбаз кьр, ӧса жи әм дәрбаз дькьн ."

¹⁸ Һ’ьзкьрьнеда тьрс т’ӧнә, ле һ’ьзкьрьна гьһишти тьрсе дур дьхә, чьмки тьрс хwәйищәфа йә у әwе кӧ дьтьрсә, әw һ’ьзкьрьнеда һе нәгьһиштийә."

¹⁹ Әм һ’ьз дькьн, чьмки Әwи пешда әм һ’ьзкьрьн."

²⁰ Һәгәр йәк бежә: «Әз Хwәде һ’ьз дькьм», ле бьре wи бәр ч’ә’ва р’әш ә, әw дәрәwа дькә. Һәгәр әwе бьре хwә кӧ дьбинә һ’ьз накә, әw нькарә Хwәде һ’ьз бькә кӧ набинә."

²¹ У Әwи әв т’әми дайә мә: Әwе кӧ Хwәде һ’ьз дькә, әw гәрәке бьре хwә жи һ’ьз бькә."

5

¹ Һәр кәсе кӧ баwәр дькә, Иса, Мәсиһ ә, әw жь Хwәде буйә у һәр кәсе кӧ Баве һ’ьз дькә, әw зар’а Wи жи һ’ьз дькә."

² Бь ве йәке әм заньн кӧ әм зар’ед Хwәде һ’ьз дькьн, гава әм Хwәде һ’ьз дькьн у т’әмийед Wи дьqәдиньн."

³ Чьмки бь ве йәке әм һ’ьзкьрьна хwә һьндава Хwәдеда дьдьнә к’ьфше, гава әм т’әмийед Wи хwәй дькьн. У т’әмийед Wи нә гьран ьн ,"

⁴ чьмки һәр кәсе кӧ жь Хwәде буйә, дьнйайе бьндәст дькә. У бь ви аwайи әм дьнйайе бьндәст дькьн, аwа готи бь баwәрийа хwә."

⁵ У әw к’и йә, йе дьнйайе бьндәст дькә, пештьри әwе кӧ баwәр дькә, кӧ Иса Кӧр’е Хwәде йә."

⁶ Әва йә, йе кӧ бь хун у аве һат, Иса Мәсиһ , нә кӧ т’әне бь аве, ле бь хун у аве. У Р’ӧһ’ ә, йе кӧ шә’дәтийе дьдә, чьмки Р’ӧһ’ р’асти йә."

⁷ Чьмки әв һәрсек ьн, кӧ шә’дәтийе дьдьн:"

⁸ Р’ӧһ’, ав у хун. У шә’дәтийа ван һәрсека йәк ә ."

⁹ Һәгәр әм шә’дәтийа мәрьва ф qәбул дькьн, шә’дәтийа Хwәде һе зедә йә, чьмки әва шә’дәтийа Хwәде йә, кӧ бона Кӧр’е Хwә шә’дәти да."

¹⁰ Йе кӧ баwәрийа хwә Кӧр’е Хwәде тинә, нава wида әв шә’дәти һәйә. Йе кӧ баwәрийа хwә Хwәде найнә, әw Хwәде дәрәw дәрдьхә, чьмки баwәрийа хwә wе шә’дәтийе найнә, йа кӧ Хwәде бона Кӧр’е Хwә шә’дәти да."

¹¹ У әв ә шә’дәти, кӧ Хwәде жийина һ’әта-һ’әтайе да мә у әв жийин нава Кӧр’е Wида йә ."

¹² Кӧр’ дьле к’еда йә, жийина wи һәйә, ле Кӧр’е Хwәде дьле к’еда т’ӧнә, жийина wи т’ӧнә."

¹³ Әз ван тьшта wәр’а дьньвисьм, йед кӧ баwәрийа хwә наве Кӧр’е Хwәде тиньн, wәки һун бьзаньбьн жийина wәйә һ’әта-һ’әтайе һәйә."

¹⁴ Әм ль бәр Хwәде р’усьпи нә, чьмки әм заньн, һәгәр әм тьштәки ль гора хwәстьна Wи же бьхwазьн, Әw дәнге мә дьбьһе."

¹⁵ У һәгәр әм заньн кӧ әw һәр тьштед кӧ әм же дьхwазьн дьбьһе, ӧса жи әм заньн чь кӧ әм же дьхwазьн, әме бьстиньн."

¹⁶ Һәгәр йәк бьбинә кӧ бьре wи гӧнәк кьрийә, ле набә бәрбь мьрьне , бьра бона wи дӧа бькә у Хwәде wе жийине бьдә wи. Әз ве йәке һьндава wанда дьбежьм, к’ижанед кӧ гӧне бәрбь мьрьне накьн. Гӧнә һәйә кӧ дьбә бәрбь мьрьне. Әз набежьм, кӧ бона ве йәке дӧа бькьн."

¹⁷ Һ’әму нәһәqи гӧнә йә, ле гӧнә һәйә кӧ набә бәрбь мьрьне."

¹⁸ Әм заньн һәр зар’әкә Хwәде нав гӧнада наминә, ле Ньхӧрийе Хwәде wи хwәй дькә у йе Хьраб незики wи набә."

¹⁹ Әм заньн кӧ әм жь Хwәде нә у т’әмамийа дьнйайе бьн һ’ӧкӧме йе Хьрабда йә."

²⁰ Ле әм ӧса жи заньн кӧ Кӧр’е Хwәде һат у фә’м да мә, wәки әм Йе Р’аст нас бькьн. Бәле әм нава Йе Р’астда нә, чьмки әм нава Кӧр’е Wи Иса Мәсиһда нә. Әв ә Хwәдейе р’аст у жийина һ’әта-һ’әтайе."

²¹ Зар’окно, хwә жь п’утп’арьстийе ф хwәй кьн."