1

¹ Жь Шьмһ’ун Пәтрусе ф хӧлам у шандийе ф Иса Мәсиһ,

wанр’а, йед кӧ бь һәqийа Хwәде Хьлазкьре ф мә Иса Мәсиһ әw баwәрийа ф хwәйиqимәт стандьн, чаwа мә станд:"

² Дә бьра к’әрәм ф у ә’дьлайи бь wе занәбуна Хwәде у Хӧдане ф мә Иса ль сәр wә зедә бә."

³ Qәwата хwәдетийа Wи һәр тьште кӧ ль жийина хwәденасийе дьк’әвә п’ешк’еши ф мә кьр, бь wе занәбуна мәйә һьндава Wида, Йе кӧ бь сайа р’умәт у qәнщийа Хwә гази мә кьр."

⁴ Бь ви аwайи Әwи созед һәрә мәзьнә qимәт данә мә, wәки әм бь wан т’әви бьнйат’а хwәдетийе бьн у жь wе бош-бәталийа кӧ жь дьлһавьжийед дьне пешда те бьр’әвьн."

⁵ Һәма бона ве йәке һәр алийава хирәт кьн, сәр баwәрийа хwәда qәнщийе зедә кьн, сәр qәнщийеда занәбуне,"

⁶ сәр занәбуне хwәгьртьне, сәр хwәгьртьне сәбьре, сәр сәбьре хwәденасийе,"

⁷ сәр хwәденасийе һ’ӧба хушк-бьра у сәр һ’ӧба хушк-бьра һ’ьзкьрьне."

⁸ Чьмки һәгәр әв шӧрәтана нава wәда һәнә у зедә дьбьн, һун бекер у бебәр наминьн нава wе занәбуна wәйә һьндава Хӧдане мә Иса Мәсиһда."

⁹ Ле ль щәм к’е әв шӧрәтана т’ӧнәнә, әw ч’ә’вада һаqас мә’рьм ә, wәки qәт набинә у бир кьрийә кӧ жь гӧнед хwәйә бәре паqьж буйә."

¹⁰ Бона ве йәке хушк-бьрано, һе бькьн кӧ wе гази у жьбарәбуна хwә т’әстиq кьн. Һун кӧ ве йәке бькьн, т’ӧ щар нак’әвьн."

¹¹ Бь ви аwайи дәргәһе ль бәр wә бь мәр’дани вәбә, кӧ бьк’әвьнә П’адшатийа һ’әта-һ’әтайейә Хӧдан у Хьлазкьре мә Иса Мәсиһ."

¹² Бона ве йәке әз һәр гав дьхwазьм кӧ ван тьшта бькьмә бира wә, чаwа һун заньн у сәр wе р’астийа кӧ гьһиштийә wә жи һ’имгьрти нә."

¹³ Әз ве йәке жи р’аст дьбиньм, wәки һ’әта ви qальбида мә биньмә бира wә."

¹⁴ Чьмки заньм кӧ әзе зутьрәке ви qальби жь хwә бехьм, чаwа кӧ Хӧдане мә Иса Мәсиһ ә’лами мьн кьрийә."

¹⁵ Аwа әзе бькьм, кӧ пәй чуйина мьнр’а жи, һун һәр гав бькарьбьн ван тьшта биньнә бира хwә."

¹⁶ Әм нә кӧ пәй ч’ьловискийед һостатийә бәрхwәдәрхьсти к’әтьбун гава мә дәрһәqа qәwат у һатьна Хӧдане мә Иса Мәсиһда wәр’а гот, ле мә бь ч’ә’вед хwә мәзьнайийа диндара Wи дит."

¹⁷ Әwи жь Бав ф Хwәде р’умәт у һӧрмәт станд, гава жь wе Р’умәта Qәшәнг дәнг һат у гот: «Әw ә Кӧр’е Мьни дәлал, жь к’ижани Әз р’ази мә» ."

¹⁸ Мә хwәха әв дәнг бьһист, гава жь ә’змен һат, һьнге әм т’әви Wи сәре ч’ийайе бӧһӧрти бун."

¹⁹ Аwа готьнед п’ехәмбәртийе ф жи бона мә һе мак дьбьн. Qәнщ ә wәки һун дина хwә бьдьнә wан, чьмки әw мина ч’ьраке нә, кӧ тә’рийеда р’онайе дьдә, һ’әта сьбәһ зәлал бә у стәйрка бәрбьр’о дьле wәда дәре."

²⁰ Ле пешийе ве йәке заньбьн кӧ т’ӧ кәс хwәсәрихwә нькарә п’ехәмбәртийед ньвисаре шьровәкә."

²¹ Чьмки т’ӧ п’ехәмбәрти бь хwәстьна дьле мәрьва ф нәһатийә дайине, ле мәрьва бь р’ебәрийа Р’ӧһ’е ф Пироз жь Хwәдеда хәбәр данә ."

2

¹ П’ехәмбәред дәрәw жи нава щьмә’та Исраеледа ф дәрк’әтьнә, чаwа ль нава wәда жи wе дәрсдаред дәрәw дәрен. Әwе һинкьрьнед зәwал ф вәдьзьнә нава wә, wи Хwәйийе кӧ әw к’ьр’ин жи инк’ар ф кьн у зутьрәке бәлайе биньнә сәре хwә."

² Гәләк wе бәр байе бенамусийа wан к’әвьн, р’уйе wанда wе р’ийа р’астийе бе беһӧрмәткьрьне."

³ Wе жь дәст тьмак’арийе бь заре хwәш wә бьхапиньн бона к’ара хwә. Диwана wане дәрәнги нәбә, бәла wан бәр шемике йә."

⁴ Чьмки һ’әйфа Хwәде ль wан мьлйак’әтед ф кӧ гӧнә ф кьрьн нәһат, ле әw qәйдкьри авитьнә зьндана тә’ристанийе, Р’ожа Диwанер’а данә хwәйкьрьне."

⁵ У һ’әйфа Wи дьнйа пешьн жи нәһат, т’әне һ’әйшт нәфс, Нӧһе ф кӧ һәqи даннасин дькьр, мала wива хьлаз ф кьр гава лейи ф ани сәр дьнйа нәп’ака ."

⁶ Диwана бажаред Содом ф у Гоморайе жи кьр, әw кьрьн ах-хwәли, wеран кьр, бона нәп’акед пәй wанр’а дәрсәк һьшт. "

⁷ Луте ф р’аст жи, кӧ жь беп’әргалийа нәп’акайә бенамуси ащьз бьбу, хьлаз кьр."

⁸ Чьмки әwи р’аст, кӧ нава wанда дьма, кьред беолитийа ф wан дьдитьн у дьбьһистьн, һәр р’ож р’ӧһ’е wийи р’аст хwәда дьшәwьти."

⁹ Хӧдан кӧ бь ви аwайи кьр, әw занә чаwа хwәденаса жи жь щер’ьбандьна ф хьлаз кә у нәһәqа Р’ожа Диwанер’а хwәй кә, wәки щәзайе хwә бьстиньн,"

¹⁰ илаһи ф wан, йед кӧ пәй һ’әрамийа ф хwәстьна qальб к’әтьнә, дьжәньнә сәрwертийе.

Әwә бәрзәq у хwәр’ази нә, хоф жи накьн, йед хwәйир’умәтә жорьн беһӧрмәт дькьн,"

¹¹ ле мьлйак’әт чьqаси пе qәwат у зорайийа хwә жь ван зедәтьр ьн, диса ль бәр Хӧдан бь беһӧрмәткьрьне шькийате ф wан накьн."

¹² Әв мәрьвана мина һ’әйwанед безарә-безьман ьн, бь qафе хwәйә вала тенә р’ебәрикьрьне, кӧ бона неч’ир у кӧштьне дьне к’әтьнә, wан тьшта беһӧрмәт дькьн кӧ ньзаньн әw чь нә, әве жи мина wан һ’әйwана ӧнда бьн һәр’ьн."

¹³ Хьрабийа wане ль wан вәгәр’ә. К’ефа дьле хwәр’а хьрабийа кӧ р’о-нава-р’оже дькьн хwәр’а шабун һ’әсаб дькьн. Әвана ләк’ә у һ’әрам ьн, т’әви wә дьхwьн-вәдьхwьн у һьнге нава р’ийед хwәйә дәрәwда к’еф дькьн."

¹⁴ Ч’ә’вед wан ль зьнек’арийе йә, жь гӧнәкьрьне т’ер набьн, баwәрмәндед нәшьдийайи пәй хwә дьбьн, дьле wан т’әне һини тьмак’арийе буйә. Ньфьр’ сәр wан ә!"

¹⁵ Дәсте хwә жь р’ийа р’аст кьрьн, хальфин ф, р’ийа Бьламе ф Бәурда чун, йе кӧ маше нәһәqийе һ’ьз кьр ."

¹⁶ Ле ль нәһәqийа wи һатә һьлатьне ф гава к’әра безарә-безьман бь зьмане мәрьвайе хәбәр да у пешийа беаqьлийа п’ехәмбәр гьрт."

¹⁷ Әв мәрьвед һа канийед ч’ькийайи нә у ә’wред жь бәр бе ажоти нә. Шәвәр’әша тә’ристанийе бона wан хwәйкьри йә."

¹⁸ Йед һа готьнед п’уч’ә жь хwә мәстьр дьбежьн, бь тәмед мәрьвайейә хьраб wан дьхапиньн, йед кӧ чәндәк пешда жь әwед р’ийа хальфида дьчьн, р’әвибун."

¹⁹ Әвана йед аһар’а азайийе соз дьдьн, ле хwәха хӧламед п’уч’буне нә, чьмки мәрьв чь тьштида кӧ дьдә дәр, дьбә хӧламе wе йәке."

²⁰ Һәгәр әwед кӧ пе занәбуна һьндава Хӧдан у Хьлазкьре мә Иса Мәсиһ щарәкер’а дәсте хwә жь һ’әрамийед дьне кьрьн, паше диса бьк’әвьнә нава wан һ’әрамийа, бьдьнә дәр, ахьрийа wане жь йа пешьн хьрабтьр бә."

²¹ Wанр’а һе qәнщ бу, кӧ qәт әв р’ийа һәqийе нас нәкьрана, нә кӧ пәй наскьрьнер’а жь wе т’әмийа пироз ф дагәр’ийана, йа кӧ wанр’а һатә дайине."

²² Әв готьн р’аст те сәре wан:

«Сә вәдьгәр’ә сәр вәр’әшандьна хwә» у

«Бәразе шушти диса хwә һ’әр’ийе вәдьдә»."

3

¹ Дәлално, әва иди нә’ма дӧда йә әз wәр’а дьньвисьм. Әз бь ван нә’ма дькьм кӧ фькьра wәйә сафи һ’ьшйар кьм, биньмә бира wә."

² Дьхwазьм wәки һун готьнед п’ехәмбәред пироз, кӧ пешда готьбун у wе т’әмийа Хӧдан у Хьлазкьр, кӧ бь шандийа һатьнә готьне бир биньн."

³ Бәри һәр тьшти ве йәке заньбьн кӧ р’ожед ахьрийеда мәрьве дәрен, qәрфе хwә хwәденаса бькьн, әwе бь хwәстьна дьле хwә бьмәшьн "

⁴ у wе бежьн: «К’а әw созе һатьна Wи? Бавед мә ә’мьре Хwәде щи анин чун, ле һәр тьшт һе жь wәхте ә’фьрандьна дьнйайеда ӧса манә»."

⁵ Йед аһа кӧ дьфькьрьн, ве йәке давежьнә пьшт гӧһе хwә, кӧ һе пешда бь хәбәра Хwәде ә’зман һәбун у ә’рд жь нава аве у бь аве п’әйда бу ."

⁶ У бь аве жи дьнйа бәре нӧq бу, ӧнда бу ."

⁷ Ле ә’рд у ә’зманед ньһа жи хут бь wе хәбәре тенә хwәйкьрьне, кӧ бь агьр ӧнда бьн. Әw бона Р’ожа ф Ахрәте тенә һьштьне, к’ижанеда мәрьвед нәп’ак wе ӧнда бьн һәр’ьн."

⁸ Ле бьра әв йәк wәва тә’ри нәминә, дәлално: Щәм Хӧдан р’ожәк мина һ’әзар сали йә у һ’әзар сал жи мина р’ожәке йә ."

⁹ Хӧдан созе Хwә дәрәнги найехә, чаwа һьнәк дьфькьрьн. Әw бь думька дьреж ль wә сәбьр дькә, нахwазә т’ӧ кәс ӧнда бә, ле дьхwазә wәки һ’әму жь гӧнәкьрьне вәгәр’ьн ф."

¹⁰ Ле Р’ожа һатьна Хӧдан wе мина дьзәки бе. Һьнге ә’змане бь qужинийа мәзьн бәтавәбьн ф у тьштед бьн п’әр’е wанда жи wе бьшәwьтьн wеран бьн, дьнйа у һәр тьштед wеда жи wе ӧнда бьн һәр’ьн ."

¹¹ Һәгәр әв һәр тьшт wе бь ви аwайи wеран бьн һәр’ьн, һун гәрәке мәрьвнә чаwа бьн? Гәрәке һун жийина һ’әлал у хwәденасийеда бьмәшьн,"

¹² һивийа Р’ожа Хwәде бьн у һатьна Wи ләз хьн. Wе р’оже ә’змане бьшәwьтьн, wеран бьн, агьре жи тьштед бьн п’әр’е wеда бьһ’әлинә."

¹³ Ле әм һивийа ә’рдәки ну у ә’зманед ну нә, ль гора созе Wи, к’ижанада һәqийе бьминә."

¹⁴ Аwа дәлално, һун кӧ һивийа ван йәка нә, бькьн кӧ Әw wә беләк’ә у беqӧсур ә’дьлайийеда т’әви Хwә бьбинә."

¹⁵ Сәбьра Хӧдане мә хьлазбун ф һ’әсаб кьн, чаwа Паwлосе бьре мәйи дәлал жи бь wе сәрwахтийа ф кӧ жь Хwәдеда жер’а һатийә дайине, wәр’а ньвиси."

¹⁶ Һ’әму нә’мед хwәда жи әw бона ван тьшта хәбәр дьдә. Wанда чәнд тьшт һәнә кӧ зә’мәт тенә фә’мкьрьне, кӧ йед нәзанә бебьнгәһ шаш шьровәдькьн, ӧса жи ньвисаред ф пирозә майин у хwәха дьбьнә байисе сәре хwә."

¹⁷ Аwа дәлално, һе бәреда һун кӧ ве йәке заньн, һаш жь хwә һәбьн, кӧ нәбә һун бь хальфандьна мәрьвед беолитийе ф жь р’е дәрк’әвьн у жь щийе хwәйи шьдийайи бьк’әвьн."

¹⁸ Ле к’әрәм ф у занәбуна Хӧдан у Хьлазкьре мә Иса Мәсиһда бьгьһижьн. Шькьр жь Wир’а, ньһа у һ’әта һ’әтайе! Амин ф."