1

¹ Жь Пәтрус ф, Шандийе Иса Мәсиһ,

щьмә’та Хwәдейә бьжартир’а, йа кӧ ль wәлатед Понтосе, Галатйайе, Кәпәдокйайе, Асйайе у Битенйайеда хәриб бәлабуйи йә."

² Һун ль гора wе qьрара Бав ф Хwәдейә пешда һатьнә бьжартьне у бь Р’ӧһ’е Пироз бӧһӧрти-жьбарә дьбьн, wәки гӧһдарийа Иса Мәсиһ бькьн у бь хуна Wийә р’ети бенә паqьжкьрьне:

Дә бьра к’әрәм ф у ә’дьлайи һе ль wә зедә бә."

³ Шькьр жь Хwәдер’а, Баве Хӧдане ф мә Иса Мәсиһ, кӧ жь р’ә’ма Хwәйә п’ьр’, щарәкә дьн әм дьне хьстьн, бь р’абуна Иса Мәсиһә жь мьрийа, wәки бьбьнә хwәйе гӧмана сах"

⁴ у wан соз-qьраред нәбәталә нәр’ьзи у нәч’ьлмьси wар бьн. Әвана ль ә’змана wәр’а хwәйкьри нә."

⁵ У qәwата Хwәде пе баwәрийа ф wә, wә хwәй дькә, бона wе хьлазбуна ф һазьркьри, йа кӧ ахьрийа зәменда wе хӧйа бә."

⁶ Һун бь wе ша дьбьн, р’аст ә ньһа жи ӧса дьqәwьмә кӧ һун һьнәки мә’дәкьри нә, жь дәст щур’ә-щур’ә щер’ьбандьна ф."

⁷ Әв йәк дьбә сәбәб, wәки хальсийа баwәрийа wә һе бь qимәт к’ьфш бә, нә кӧ әw зер’е кӧ нава егьрда те щер’ьбандьне ле диса ӧнда дьбә у бь ви аwайи әw баwәрийа wә wе һежайи пәсьн, р’умәт у qәдьр бә, wәхте хӧйабуна Иса Мәсиһ."

⁸ Wә Әw нәдитийә, ле һун Wи һ’ьз дькьн, ньһа жи набиньн, ле баwәрийа хwә Wи тиньн у ша нә бь wе әшqа мәзьнә хwәйир’умәт, кӧ бь зара ф найе готьне."

⁹ Чьмки һун хьлазкьрьна ф р’ӧһ’е хwә дьстиньн, кӧ мәрәме баwәрийа wә йә."

¹⁰ Бона ве хьлазбуне п’ехәмбәр ле гәр’ийан у к’әтьбунә бьн ә’нәна у бона wе к’әрәма ф кӧ wе wәр’а бьбуйа п’ехәмбәрти ф кьрьн."

¹¹ Р’ӧһ’е Мәсиһи нава wанда һе пешда ль бәр wан вәдькьр, кӧ Мәсиһе щәфе бьк’ьшинә у пәйр’а бьк’әвә р’умәта Хwә. У wан дькьр кӧ бьзаньбьн к’а бона к’әнге у зәманәки чаwада әв йәке бьqәwьмьн."

¹² Ль бәр wан вәбу, wәки әw нә кӧ бона хwә, ле бона wә хәбьтин, гава әw тьштед ньһа wәр’а бь дәсте wан һатьнә готьне, йед кӧ Мьзгини wәр’а даннасин кьрьн, бь Р’ӧһ’е ф Пирози кӧ жь ә’змен һатә шандьне. Мьлйак’әт ф жи дәмана wан тьштада нә, кӧ һәма бьбиньн."

¹³ Бона wе йәке һун фькьред хwәда пьштгьредайи у һ’ьшйар бьн, т’ам гӧмана хwә бьдьнә сәр wе к’әрәме, йа кӧ wе wәр’а бе дайине, wәхте хӧйабуна Иса Мәсиһ."

¹⁴ Мина зар’ед гӧһдар бьн, нәбьнә мина wи wәхте дьлхwәстьнед хwәйә нәзанийа хwәда."

¹⁵ Ле мина wи Пирозе кӧ гази wә кьр, һун жи пироз бьн нава һ’әму р’абун-р’уньштьна хwәда."

¹⁶ Чаwа ньвисар ә: «Пироз бьн, чьмки Әзи пироз ьм» ."

¹⁷ Һәгәр һун Wир’а Баво дьбежьн, Йе кӧ бе фьрqи диwана һәр кәси wәкә ә’мәлед wи дькә, кӧ ӧса йә ви wәхте хәриб-фьрарийа хwәйә ве дьне бь хофа Хwәде дәрбаз кьн."

¹⁸ Чьмки һун заньн wәки һун жь р’аw-р’ьзьмед ф кал-бавайә бекер, пе wан тьштед кӧ ӧнда дьбьн, аwа готи зер’а йан зива нәһатьнә к’ьр’ине,"

¹⁹ ле пе хуна Мәсиһә qимәт-гьран, кӧ әw чаwа бәрхәки беqӧсур у беләк’ә бу."

²⁰ Әw һе бәри дәстпебуна дьнйайе к’ьфшкьри бу, ле ван ахьрийада бона wә ә’йан бу."

²¹ Бь Wи wә баwәрийа хwә Wи Хwәдейи ани, Йе кӧ Әw жь нава мьрийа р’акьр у р’умәт да Wи, ләма баwәри у гӧмана wә сәр Хwәде йә."

²² Аwа wә гӧһдарийа р’астийе кьр у бь ви аwайи хwә паqьж кьр, кӧ һ’ьзкьрьна wә һьндава хушк-бьрада бе һ’ьләк’ари бә, ньһа бь дьле сах һәвдӧ qайим һ’ьз бькьн."

²³ Һун нә кӧ жь һавене п’уч’ диса дьне к’әтьнә, ле жь йе нәп’уч’, жь хәбәра Хwәдейә хwәйиә’мьрә һ’әта-һ’әтайе."

²⁴ Чьмки

«Һ’әму мәрьв ф мина гиһе нә

у т’әмамийа р’әwша wан мина гӧле гиһе.

Гиһа һ’ьшк дьбә у гӧлед wе же дьwарьн,

²⁵

ле хәбәра Хӧдан һ’әта-һ’әтайе дьминә».

Әв әw хәбәр ә, кӧ бь Мьзгинийе wәр’а һатә дайине."

2

¹ Дә һәр щур’ә хьрабийе, һ’ьләк’арийе, дӧр’утийе, һ’әвсудийе у бӧхданбежийе жь п’еша хwә даwшиньн."

² Мина дәргушед ль бәр бьстен, һ’әйра шире сьпийи р’ӧһ’анида бьн, кӧ һун бь wи хьлазбунер’а мәзьн бьн."

³ Чьмки ньвисар ә: Wә «тә’ма ширьнайийа Хӧдан һьлдайә» ."

⁴ Хwә ль Wи бьгьрьн, Wи кәвьре сахи кӧ жь мәрьва т’әхсиркьри ф йә, ле жь Хwәдеда бьжарти у хwәйиqәдьр ә."

⁵ Һун жи мина кәвьред сах, п’арьстгәһәкә р’ӧһ’ани wәрьнә чекьрьне, чаwа к’аһинед ф пироз qӧрбанед ф р’ӧһ’анийә ль Хwәде хwәш бь Иса Мәсиһ бьдьн."

⁶ Чьмки к’ьтебеда ньвисар ә:

«Ва Әз Сийонеда ф кәвьрәки жьбарәйи у хwәйиqәдьр чаwа кәвьре ә’нишке ф датиньм

у к’и баwәрийа хwә Wи бинә, т’ӧ щар wе шәрми нәминә» ."

⁷ Аwа әw кәвьр бона wә баwәрмәнда хwәйир’умәт ә, ле бона нәбаwәра:

«Әw кәвьре кӧ һоста т’әхсир кьр, Әw бу сәре ә’нишке» ,

⁸

«Кәвьре кӧ мәрьв сәрда дьльк’ӧмьн

у зьнаре кӧ же һол дьбьн» .

Әw дьльк’ӧмьн, чьмки гӧһдарийа хәбәре накьн у чаwа wе йәкер’а жи к’ьфшкьри нә."

⁹ Ле һун qәбиләкә жьбарә нә, к’аһинед п’адшатийе, мьләте бӧһӧрти, щьмә’та Хwәде, wәки к’әрәмәтед Wи бькьнә дәнги, Йе кӧ һун жь тә’ристанийе гази р’онайа хwәйә һ’ӧжмәк’ар кьрьнә ."

¹⁰ Wәхтәке һун нә т’ӧ щьмә’т бун, ле ньһа бунә щьмә’та Хwәде, һунә бе р’ә’ма Хwәде бун, ле ньһа wә р’ә’м дитийә ."

¹¹ Дәлално! Әз һиви жь wә дькьм, чаwа мәрьвед фьрари у хәрибә ве дьне, һ’әвза хwә жь дьлһавьжийед бәдәне бькьн, кӧ мьqабьли р’ӧһ’е wә шәр’ дькьн."

¹² Нава п’утп’арьстада ф һун хwә ӧса п’әргал хwәй кьн, wәки чь тьштида жи wә р’әзил бькьн чаwа хьраб, кьред wәйә qәнщ бьбиньн у шькьрийе бьдьнә Хwәде, wе Р’ожа кӧ сәрики бьдә дьне."

¹³ Гӧр’а ф һәр сәрwертийед мәрьвайеда бьн, бона хатьре Хӧдан, гӧр’а п’адшеда бьн, чаwа сәрwере һәри бьльнд,"

¹⁴ ӧса жи гӧр’а wәлийада ф бьн, кӧ жь алийе п’адшеда шанди ф нә, wәки щәзайе бьдьнә нәһәqа у пәсьн жи бьдьнә qәнща."

¹⁵ Чьмки әв ә qьрара Хwәде, кӧ һун бь qәнщикьрьне дәнге мәрьвед беһ’ьшә нәзан бьдьнә бьр’ине."

¹⁶ Мина мәрьвед аза бьжин. Бьра азайийа wә нәбә хелийа хьрабикьрьне, ле бьжин чаwа хӧламед Хwәде."

¹⁷ Qәдьре һ’әмуйа бьгьрьн хушк-бьра һ’ьз бькьн, жь Хwәде бьтьрсьн, qәдьре п’адше бьгьрьн."

¹⁸ Хӧламно, бь хофк’ешикә мәзьн гӧр’а ахайед хwәда бьн, нә кӧ т’әне гӧр’а йед qәнщ у бәрбьһерада бьн, ле гӧр’а зӧлмк’арада жи."

¹⁹ Чьмки әва бәхтәwарик ә, һәгәр йәк бона хатьре Хwәде щики һәqи-нәһәq зәлулийе дьк’ьшинә у сәбьр дькә."

²⁰ Ле чь фәйдә һәгәр һун бона гӧнәкьрьне бенә ледане у тәйах кьн? Ле һәгәр һун бона qәнщикьрьне щәфе бьбиньн у тәйах кьн, һун ль бәр Хwәде бәхтәwар ьн."

²¹ Бәле һун ве йәкер’а һатьнә газикьрьне, чьмки Мәсиһ хwәха жи бона wә щәфа к’ьшанд у нәхшәк wәр’а һьшт, wәки һун п’егәһа Wида һәр’ьн."

²² Әwи гӧнә нәкьр у заре Wида һ’ьләк’ари т’ӧнәбу ."

²³ Гава дьһатә р’әзилкьрьне, жь бәрва кәс р’әзил нәдькьр, гава щәфа дьк’ьшанд, гәф ль кәсәки нәдьхwар, ле Хwә спартьбу ф һ’акьме сәр р’астийе ."

²⁴ Әwи гӧнед мә бәдәна Хwәда р’акьрьнә сәр дар, wәки әм һьндава гӧнада мьри бьн у бона һәqийе бьжин: Бь дәхмед Wи һун qәнщ бун ."

²⁵ Чьмки һун мина пәзед хальфи ф бун, ле ньһа һун ль Шьван у Сә’вийе р’ӧһ’е хwә вәгәр’ийанә."

3

¹ Ӧса жи к’ӧлфәтно ф, гӧр’а мере хwәда бьн, wәки жь wан һьнәк жи, һәгәр гӧһдарийа хәбәре накьн, бь п’әргалийа жьнед хwә, бе готьн жи бенә сәр баwәрийе "

² гава п’әргалийа wәйә хофә у навә-намус бьбиньн."

³ Бьра хәмьла wә дәрвава бь гӧливәгьртьне у т’ор’ед зер’а, йан жи бь к’ьнща нибә ,"

⁴ ле йа мәрьве һьндӧр’е дьлда, р’ӧһ’әки мьлук у гьранә бәдәwәтийа нәбәтал ә, кӧ ль бәр Хwәде п’ьр’ бь qимәт ә."

⁵ Чьмки бәре бь ви тьһәри к’ӧлфәтед пирозә кӧ гӧмана хwә данибунә сәр Хwәде, хwә дьхәмьландьн, хәмьла wан әw бу кӧ гӧр’а мере хwә бькьрана,"

⁶ мина Сәрайе кӧ гӧр’а Бьраһимда ф бу у дьготә wи: «Хwәйе мьн». Иди һун qизед wе дейе нә, һәгәр һун хwә ль qәнщийе дьгьрьн у жь т’ӧ тьшти натьрсьн."

⁷ Ӧса жи мерно, бь фә’мдарийе ә’мьре хwә т’әви жьнед хwә дәрбаз кьн, чаwа qьсьме сьст qәдьре wан бьгьрьн, ӧса жи чаwа һәвалwаре wе жийина кӧ һуне п’ешк’еш ф бьстиньн, wәки т’ӧ тьшт нәбьнә байисе дӧайед wә ."

⁸ Һәйнәсәр һ’әму жи сәр нетәке бьн, сәр һәв шәwат бьн, һәв һ’ьз бькьн, р’ә’м у шкәсти бьн."

⁹ Жь бәр хьрабийева хьрабийе нәкьн, йан жь бәр беһӧрмәткьрьнева беһӧрмәткьрьне, ле жь бәр ванва дӧа-дьрозга ль wан бькьн, чьмки һун ве йәкер’а һатьнә газикьрьне, wәки дӧа-дьрозге создайи сәр wәда бе."

¹⁰ Чьмки ньвисар ә:

«К’и жийине бәгәм дькә

у дьхwазә р’ожед хwәш бьбинә,

бьра зьмане хwә жь хьрабийе хwәй кә

у заре хwә жи жь һ’ьләк’арийе.

¹¹

Бьра жь хьрабийе вәгәр’ә, qәнщийе бькә

у ә’дьлайийе бьгәр’ә, ль пәй wе һәр’ә.

¹²

Чьмки ч’ә’ве Хӧдан ль сәр р’аста йә

у гӧһе Wи сәр дӧайе wан ә,

ле Хӧдан мьqабьли wан ә, йед кӧ хьрабийе дькьн». "

¹³ К’и wе хьрабийе ль wә бькә, һәгәр һун дәмана qәнщикьрьнеда бьн?"

¹⁴ Ле һәгәр һун бона р’астикьрьне щәфе жи бьбиньн, һунә хwәзьли нә! Иди жь мәрьва нәтьрсьн у хwә ӧнда нәкьн ."

¹⁵ Ле бәле Мәсиһ чаwа Хӧдане пироз дьле хwәда бьльнд бьгьрьн. Һәр гав һазьр бьн, щаба wан һ’әмуйа бьдьн, йед кӧ бона wе гӧмана нава wәда дьпьрсьн. Ле wе йәке бь хоф у мьлуктийе бькьн ,"

¹⁶ хwәйе исафа ф р’ьһ’әт бьн, wәки, гава һун бенә р’әзилкьрьне, йед кӧ п’әргалийа wәйә qәнщә т’әви Мәсиһ беһӧрмәт дькьн, шәрми бьн."

¹⁷ Һе qәнщ ә, һәгәр qьрара Хwәде йә, әм бона qәнщийе щәфе бьк’ьшиньн, нә кӧ бона хьрабийе."

¹⁸ Чьмки Мәсиһ щарәке бона һәр т’ьм бона гӧна щәфа к’ьшанд , Йе һәq бона нәһәqа, wәки мә незики Хwәде кә. Әw алийе бәдәнида һатә кӧштьне, ле алийе р’ӧһ’анида жийинер’а һатә вәгәр’андьне."

¹⁹ Бь р’ӧһ’ани чу нава wан р’ӧһ’ед кәледа даннасин кьр,"

²⁰ йед кӧ wәхтәке нә гӧһдар бун, гава Хwәде бь думька дьреж сәбьр дькьр, wи зәмане Нӧһда ф, гава гәми дьһатә чекьрьне. Wеда һьндьк, аwа готи һ’әйшт нәфс «нава аведа» хьлаз бун ."

²¹ Әw ав сурәте ньхӧмандьне ф бу, к’ижан ньһа wә хьлаз дькә. Әw ньхӧмандьн нә кӧ wә жь qьлера бәдәне дьшо, ле жь исафа р’ьһ’әт шә’дәтик ә ль бәр Хwәде . Әw йәк бь р’абуна Иса Мәсиһә жь мьрийа wә хьлаз дькә,"

²² Йе кӧ чуйә ә’змен, ль мьле Хwәдейи р’асте йә у мьлйак’әт, һ’ӧкӧмәт у qӧдрәтед р’ӧһ’ани бьн гӧр’а Wида нә.

 "

4

¹ Аwа Мәсиһ кӧ бона мә бәдәни щәфа к’ьшанд, һун жи бь wе нет-фькьре сильһ’кьри бьн. Чьмки йе бь бәдәни щәфа к’ьшанд, wи дәст жь гӧна к’ьшандийә,"

² wәки иди һ’әта мьрьна хwә, нә кӧ ль гора дьлһавьжийед хwәйә мәрьвайи бьжин, ле ль гора qьрара Хwәде."

³ Бәси wә йә, кӧ wә wәхте жийина хwәйә бьһӧрида ль гора хwәстьна п’утп’арьста ф дәрбаз кьрийә, һун пәй һ’әрамийе ф, тәмхwәстьнед хьраб, пәй-вәхwарьне, куч’ьксантийе, сәрхwәшийе у п’утп’арьстийа к’ьрет к’әтьбун."

⁴ Әw п’утп’арьст ә’щебмайи жи дьминьн, wәки һун т’әви авитийа wанә бенамуси набьн у наве хьраб ль пәй wә дьхьн."

⁵ Ле әwе ль бәр Wи щабдар бьн, Йе кӧ һазьр ә диwана мьри у зендийа бькә."

⁶ Бона ве йәке жи wан мьрийар’а Мьзгини һатә дайине, йед кӧ бь бәдәни мина мәрьва диwана wан һатә кьрьне, wәки бь р’ӧһ’ани бьжин мина Хwәде."

⁷ Ахьрийа һәр тьшти незик буйә. Аwа сәрwахт у сәр хwә бьн, кӧ бькарьбьн дӧа бькьн."

⁸ Бәри һәр тьшти, һ’ьзкьрьна wә һьндава һәвда бь дьл у щан бә, чьмки һ’ьзкьрьн гәләк гӧна дьньхемә."

⁹ Һьндава һәвда меванһ’ьз бьн, бина хwә тәнг нәкьн ."

¹⁰ Жь wә к’е чь п’ешк’еш стандийә, бь wе жи һәвр’а хьзмәтк’арийе бькьн, чаwа wәк’илед qәнщә к’әрәма Хwәде."

¹¹ Һәгәр йәк хәбәр дьдә, бьра готьнед Хwәде хәбәр дә, һәгәр йәк хьзмәтк’арийе дькә, бьра бь wе qәwате бькә, кӧ Хwәде дайе, wәки һәр тьштида наве Хwәде бе бьльндкьрьне бь Иса Мәсиһ, р’умәт у qӧдрәт жь Wир’а һ’әта-һ’әтайе. Амин ф."

¹² Дәлално! Жь wе алава тәнгасийе ф ә’щебмайи нәминьн, кӧ бона щер’ьбандьне те сәре wә у нәфькьрьн кӧ әв чь бәла бу ль wә qәwьми."

¹³ Ле ша бьн, кӧ һун т’әви щәфед Мәсиһ дьбьн, wәки wи wәхте хӧйабуна р’умәта Wи һуне жь шабуне гәш бьн."

¹⁴ Һәгәр һун бона наве Мәсиһ бенә р’әзилкьрьне, һунә хwәзьли нә, кӧ ӧса йә Р’ӧһ’е хwәйир’умәт, Р’ӧһ’е Хwәде сәр wә данийә ."

¹⁵ Бьра жь wә т’ӧ кәс щәфе нәк’ьшинә, чаwа меркӧж, йан дьз, йан зӧлмк’ар, йан жи т’әви шьхӧле хәлqе буйи."

¹⁶ Ле һәгәр щәфе бьк’ьшинә чаwа мәсиһи ф, бьра шәрм нәкә, ле шькьрийе бьдә Хwәде бона ви нави, кӧ сәр wи йә."

¹⁷ Иди wәхт пер’а гьһиштийә, wәки диwан жь мала Хwәдеда дәстпебә у һәгәр пешда жь мәда дәстпедьбә, ле ахьрийа wане чаwа бә, йед кӧ гӧр’а wе Мьзгинийа жь Хwәде накьн?"

¹⁸ Ньвисар ә:

«Һәгәр йе р’аст wе бь зорәке хьлаз бә,

иди һ’але нәп’ак у гӧнәк’ара ф wе чаwа бә?» "

¹⁹ Аwа йед кӧ ль гора qьрара Хwәде щәфе дьк’ьшиньн, бьра хwә ль qәнщийе бьгьрьн, р’ӧһ’е хwә бьсперьнә ф Ә’фьрандаре хwәйи амьн."

5

¹ Әз һиви жь бәрпьрсийаред нава wәда дькьм, әз хwәха жи чаwа бәрпьрсийар у шә’де щәфед Мәсиһ у һәвал-п’аре wе р’умәте мә, йа кӧ wе хӧйа бә."

² Шьвантийе wи кәрийе пәзе Хwәдейи ль бәр хwә бькьн , нә кӧ бе дьл, ле бь дьл у щан ӧса хwәй кьн, чаwа Хwәде дьхwазә, нә кӧ бона к’ара хwә, ле бь р’әзәдьли ,"

³ нә кӧ ль сәр йед кӧ п’ара wә к’әтьнә һ’ӧкӧм кьн, ле нәхше qәнщ нишани кери кьн."

⁴ У гава Сәрәкшьван ә’йан бә, һуне wе т’аще ф р’умәте бьстиньн, кӧ ч’ьрусийа wе ӧнда набә."

⁵ Ӧса жи щаһьлно, гӧр’а мәзьнада бьн. У һун һ’әму жи, ль бәр һәв шкәсти бьн, хӧламтийе һәвдӧр’а бькьн, чьмки ньвисар ә:

«Хwәде мьqабьли к’ӧбар-бабаха йә,

ле к’әрәме дьдә шкәстийа» ."

⁶ Бьн дәсте Хwәдейи зор та бьн, кӧ Әw wәхтда wә бьльнд кә "

⁷ у һ’әму хәмед хwә бавежьнә сәр Wи, чьмки Әw бона wә хәм дькә."

⁸ Сәрwахт бьн, һ’ьшйар бьминьн! Мирещьне ф нәйаре wә мина шер мьр’ә-мьр’а wи йә, дьгәр’ә к’а к’е һ’уфи хwә кә."

⁹ Баwәрийеда һ’имгьрти мьqабьли wи бьсәкьньн, чьмки һун заньн кӧ хушк-бьред wә жи т’әмамийа дьнйайеда хут wан щәфа дьк’ьшиньн."

¹⁰ Ле Хwәдейе т’әмамийа к’әрәме, Йе кӧ пе Мәсиһ һун гази р’умәта хwәйә һ’әта-һ’әтайе кьрьнә, пәй һьнәк щәфа дитьнер’а, wе Хwәха wә к’амьл кә, бьшьдинә, qәwат кә, хwәйибьнгәһ кә."

¹¹ Qӧдрәт жь wир’а һ’әта-һ’әтайе. Амин."

¹² Мьн бь дәсте Силас , чаwа бьраки амьн әз wи һ’әсаб дькьм, кьн wәр’а ньвиси, дьл дьдьмә wә у шә’дәтийе дьдьм, кӧ әв ә к’әрәма Хwәдейә р’аст. Веда һун qәwин бьсәкьньн."

¹³ Щьвина ф Бабилонеда ф ль wә сьлав дькә, йа кӧ т’әви wә һатийә бьжартьне, ӧса жи лаwе мьн Марqос."

¹⁴ Бь р’амусана һ’ьзкьрьнейә дьле сах һәвдӧ сьлав кьн. Дә бьра ә’дьлайи ль wә һ’әмуйед п’ара Мәсиһ бә. Амин."