1 Naeba monota kabiyo ntagaramana, Koti ugatanti nkwaeꞌmakake yagaragakeri naeba ma nkisapa kaeyuwe. Piya, naeba taga kamanaka napima tigeka nabugaye. We, nae nabinto wanane. Aꞌyaꞌma taga kamana abibebe pe kinaꞌmiba, igeba kaga tigeka ibugaye.
2 Piya, taga kamanaꞌamaba ibaba taeti waintana, taeti waima waiyaba mikibika napima piyama yune.
3 Pigoya, Koti tabage, Isu Karaisiti taba ntagarabe, isigeba tagantana puma agu kaoꞌena puratamaginisi, isigetisa awagaenabe, isintaraꞌenabe, paruyenabe taeti waima waiyeno. Agu kaoꞌenama kamanane
4 Pigoya, kaꞌisa yagaragampigi tabarempa utarataisa puma tagantanaba aegaraka, naeba abima tabera naꞌmu puwe.
5 We, ma nkwae, ago kamanapa kapa kaema ugamuwe. Pipa kasa kamana kanta puma wanane. Paitakaꞌya uramintanaga mayama ugamuwe: Taeba taoꞌmipa agu kaoꞌena puwaitanoma, yuwe.
6 Piya, paitakaꞌya: Agu kaoꞌenama kiꞌi waiyoma, Kotiba yogiri abintane. Piya, taeba unti kamanaꞌwapa aegarakubompepa, taeba agu kaoꞌena pukenaenama nkagoba pukune. Kumpari kinaꞌmi kamanane
7 Pigoya, uwaena timiyo pikena kinaꞌmiba mampabinti nasewe. Igeba: Isu Karaisitiba auꞌyaga kampa aborantine, yewe. Piya kinaꞌmiba igeba timiyo puma Karaisiti kama kinaꞌena potawe.
8 We, tigeba titipa aogima kabiyiyo. Tigeba mono yugama nkauꞌwa kaisanaga kabima mima, aogi ika mpaekenaga aobi piyo.
9 Piya, kaꞌwaina aeba Karaisiti kamanati kampa atokaenta atate to kiꞌi wakibipa, Kotiba aegeba kampa mikiye. Piya, to kaꞌwaina aeba Karaisiti kamanati atokaeyakanaba, tababe yagarawampabe kaga aege mikibewe.
10 Piya, kaꞌwaina aeba Karaisiti auꞌyaga aboranti kamanaꞌnane. To kamana urite nasima tigeti uma irosakiripa, tigeba waꞌeritapa a-nkababuma, kayonenaba a-potaiyo.
11 Piya, kayonena potakibiꞌnaba, aeba agunta yugawa aoꞌmaekiye. Nagarikena kamanane
12 Pigoya, urimikena kamanaꞌnepa uwaena waintegi, naeba esapi kaesanagaba kampa nabegi, tigeti waka, nawamupisa uma abenema, yuwe. Piya pekana, taꞌmuntanarepa anosakiye.
13 Pigoya, Koti otanti kaꞌnanto ntagaramiba: Aya pene, ugatawe.
Yoni piya isa kaentiye.