<h4>1</h4>
<p><sup>1</sup> <p/>Һүзэглэгшэ бүлгэмэй ахалагшаһаа — инаг дуратай Гайда! Би шамда үнэн сэдьхэлһээ дуратайб.
<p><sup>2</sup> Минии инаг хайрата дүү, шинии сэдьхэл һанаанай сэбэр һайхан байдагтал адляар, шинии ажабайдал баһал һайн байһай. Шинии бэе хододоо элүүр мэндэ байһай. Эдэ бүгэдын түлөө Бурханда мүргэнэб.
<p><sup>3</sup> Бодото зүб хэрэгтэ ши үнэн сэхэ зандаа байнаш гэжэ дуулахадаа, би ехэ баярлааб. Энэ һониниие намда ерэһэн аха дүүнэр дуулгаа.
<p><sup>4</sup> Минии үхибүүд бодото зүб хэрэгтэ үнэн сэхэ зандаа гэжэ дуулахадаа, энээнһээ бүри ехэ баяр баясхалан намда байдаггүй юм.
<p><sup>5</sup> <p/>Инаг хайрата дүүмни, аха дүүнэрэйнгээ түлөө, харгы замда ябагшадай түлөө шинии бүтээдэг али бүхы ажал хэрэгшни шинии үнэн сэхэ байдагые батална.
<p><sup>6</sup> Шинии дуратай байһые аха дүүнэршни <b>һүзэглэгшэдэй бүлгэмэй</b> урда хэлээ. Бурханай зохидшоомо харгы замаа тэдэ аяншадайнгаа үргэлжэлүүлхэдэ туһалыш даа.
<p><sup>7</sup> Тэдэ хүнүүд Христосой алдар нэрын лэ түлөө харгы замда ябаа, бусад арадуудһаа тэдэ туһаламжа абангүй гараа бшуу.
<p><sup>8</sup> Үнэн бодото ябадалай түлөө хамта ажаллахынь тула тиимэ хүнүүдые һайшаан дэмжэхэ ёһотойбди.
<p><sup>9</sup> <p/><b>Һүзэглэгшэдэй</b> бүлгэмдэ тобшо тэды бэшэг бэшээб, теэд ноёрхохо дуратай Диотреф маниие тооногүй.
<p><sup>10</sup> Хэрбэеэ ерэхэ аргатай болоо һаа, тэрэнэй хэдэг бузар муухай үйлэ хэрэгые, бидэн тухай тэрэнэй тараадаг шал худал хардалгануудые би тэрээндэ һануулхаб. Тиин Диотреф энээгээр һанаагаа ханаагүй: аха дүүнэрыемнай өөрөө тэрэ угтажа абанагүй, бэшэнүүдэйшье угтажа абаха гэхэдэнь һаалта хэнэ. Хэтэрхэдээ, аха дүүнэрыемнай һүзэгтэнэй бүлгэмһөө үлдэжэ гаргана.
<p><sup>11</sup> Инаг хайрата дүүмни, муу юумэ хэгшэдые бү дахаарай, һайн юумэ хэгшэдые дахаад ябаарай. Һайн юумэ хэгшэд Бурханай хүнүүд гээшэ. Харин муу юумэ хэгшэд Бурханиие хараа үзөөгүй юм.
<p><sup>12</sup> Деметри тухай бултадаа имагтал һайн юумэ хэлэнэ. Үнэн зүб ушар энээниие мүн лэ гэршэлнэ. Бидэшье баһа тиигэжэл хэлэнэбди, бидэнэй хэлэһэн гэршэ үгэнүүд үнэн зүб байдаг гэжэ ши мэдэнэш.
<p><sup>13</sup> <p/>Шамда бэшэхэ гэһэн юумэн намда олон бии, теэд бэхэ, гуурһа хэрэглэжэ бэшэхэ дурагүй байнаб.
<p><sup>14</sup> Һаядаа шамтай нюур нюураараа уулзахабди гэжэ найданаб, тиихэдээ хөөрэлдэхэбди.
<p><sup>15</sup> Энхэ амгалан байгаарай. Нүхэдшни шамда амар мэндые хүргэнэ. Шишье хажуудахи нүхэдөө нэрэ нэрээрнь дурдажа, мэндые хүргөөрэй.