1 ܩܲܫܝܼܫܵܐ ܠܲܓ݂ܒ݂ܝܼܬ݂ܵܐ ܩܘܼܪܝܼܵܐ ܘܠܲܒ݂ܢܹܝ̈ܗܿ: ܐܲܝܠܹܝܢ ܕܐܸܢܵܐ ܡܲܚܸܒ݂ ܐܢܵܐ ܒܲܫܪܵܪܵܐ. ܠܵܐ ܗܘܵܐ ܕܹܝܢ ܐܸܢܵܐ ܒܲܠܚܘܿܕ݂ܝ. ܐܸܠܵܐ ܟܠܗܘܿܢ ܐܲܝܠܹܝܢ ܕܝܲܕ݂ܥܘܼܗܝ (ܕܝܵܕܥܝܼܢ) ܠܲܫܪܵܪܵܐ.
2 ܡܛܠ ܫܪܵܪܵܐ ܐܲܝܢܵܐ ܕܲܡܩܵܘܹܐ ܒܲܢ ܘܥܲܡܲܢ ܐܝܼܬ݂ܵܘܗܝ ܠܥܵܠܲܡ.
3 ܬܸܗܘܹܐ ܥܲܡܲܢ ܛܲܝܒܘܼܬ݂ܵܐ ܘܪ̈ܲܚܡܹܐ ܘܲܫܠܵܡܵܐ ܡܸܢ ܐܲܠܵܗܵܐ ܐܲܒ݂ܵܐ. ܘܡܸܢ ܡܵܪܲܢ ܝܼܫܘܿܥ ܡܫܝܼܚܵܐ ܒܪܹܗ ܕܐܲܒ݂ܵܐ ܒܲܫܪܵܪܵܐ ܘܲܒ݂ܚܘܼܒܵܐ.
4 ܚܕ݂ܝܼܬ݂ ܣܲܓܝܼ. ܕܐܸܫܟܚܹܬ݂ ܡܸܢ ܒܢܲܝ̈ܟ݁ܝ ܕܲܡܗܲܠܟ݂ܝܼܢ ܒܲܫܪܵܪܵܐ. ܐܲܝܟܲܢܵܐ ܕܦܘܼܩܕܵܢܵܐ ܢܣܲܒ݂ܢܲܢ ܡܸܢ ܐܲܒ݂ܵܐ.
5 ܘܗܵܫܵܐ ܡܦܝܼܣ ܐ̄ܢܵܐ ܠܹܟ݂ܝ ܩܘܼܪܝܼܵܐ. ܠܵܐ ܗܘܵܐ ܐܲܝܟ݂ ܦܘܼܩܕܵܢܵܐ ܚܲܕ݂ܬ݂ܵܐ ܟܵܬܹܒ݂ ܐܢܵܐ ܠܹܟ݂ܝ. ܐܸܠܵܐ ܗܵܘ ܕܐܝܼܬ݂ ܗܘܵܐ ܠܲܢ ܡܸܢ ܫܘܼܪܵܝܵܐ. ܕܢܲܚܸܒ݂ ܚܲܕ݂ ܠܚܲܕ݂.
6 ܘܗܵܢܵܐ ܐܝܼܬ݂ܵܘܗܝ ܚܘܼܒܵܐ. ܕܲܢܗܲܠܸܟ݂ ܐܲܝܟ݂ ܦܘܼܩܕܵܢܵܘ̈ܗܝ. ܗܵܢܵܐ ܦܘܼܩܕܵܢܵܐ ܐܝܼܬ݂ܵܘܗܝ ܐܲܝܟ݂ ܡܵܐ ܕܲܫܡܲܥܬܿܘܿܢ ܡܸܢ ܫܘܼܪܵܝܵܐ. ܕܒܹܗ ܗܘܲܝܬܿܘܿܢ ܡܗܲܠܟ݂ܝܼܢ.
7 ܡܛܠ ܕܣܲܓܝܼ̈ܐܹܐ ܡܲܛܥܝܵܢܹ̈ܐ ܢܦܲܩܘ ܒܹܗ ܒܥܵܠܡܵܐ. ܐܲܝܠܹܝܢ ܕܠܵܐ ܡܵܘܕܹܝܢ ܕܝܼܫܘܿܥ ܡܫܝܼܚܵܐ ܐܸܬ݂ܵܐ ܒܲܒ݂ܣܲܪ. ܗܵܢܵܐ ܐܝܼܬ݂ܵܘܗܝ ܡܲܛܥܝܵܢܵܐ ܘܐܲܢܛܝܼܟ݁ܪܝܼܣܛܘܿܣ.
8 ܐܸܙܕܲܗܪܘ ܒܢܲܦ̮ܫܟ݂ܘܿܢ. ܕܠܵܐ ܬܵܘܒܿܕ݂ܘܼܢ ܡܸܕܸܡ ܕܲܦܠܲܚ̣ܬܿܘܢ. ܐܸܠܵܐ ܐܲܓ݂ܪܵܐ ܡܫܲܠܡܵܢܵܐ ܬܸܬ݂ܦܲܪܥܘܼܢ.
9 ܟܠ ܐܲܝܢܵܐ ܕܥܵܒܲܪ ܘܠܵܐ ܡܩܵܘܹܐ ܒܝܘܼܠܦܵܢܹܗ ܕܲܡܫܝܼܚܵܐ. ܐܲܠܵܗܵܐ ܠܲܝܬܿ ܒܹܗ. ܘܗܵܘ ܕܲܡܩܵܘܹܐ ܒܝܘܼܠܦܵܢܹܗ. ܗܵܢܵܐ ܘܠܲܐܒ݂ܵܐ ܘܠܲܒ݂ܪܵܐ ܐܝܼܬ݂ ܠܹܗ.
10 ܐܸܢ ܐܢܵܫ ܐܵܬܹܐ ܠܘܵܬ݂ܟ݂ܘܿܢ. ܘܗܵܢܵܐ ܝܘܼܠܦܵܢܵܐ ܠܵܐ ܡܲܝܬܹܐ. ܠܵܐ ܬܿܩܲܒܠܘܼܢܵܝܗܝ ܒܒܲܝܬܵܐ. ܘܲܚܕ݂ܝܼ ܠܵܟ݂ (ܘܲܫܠܵܡܵܐ) ܠܵܐ ܬܹܐܡܪܘܼܢ ܠܹܗ.
11 ܗܵܘ ܓܹܝܪ ܕܐܵܡܲܪ ܠܹܗ ܚܕ݂ܝܼ ܠܵܟ݂(ܫܠܵܡܵܐ). ܡܫܵܘܬܲܦ ܗ̄ܘܼ ܠܲܥܒ݂ܵܕ݂ܵܘܗܝ ܒܝܼܫܹ̈ܐ (ܡܸܫܬܵܘܬܲܦ ܒܲܥܒ݂ܵܕ݂ܵܘܗܝ ܒܝܼܫܹ̈ܐ).
12 ܟܲܕ݂ ܣܲܓܝܼ̈ܐܵܬ݂ܵܐ ܐܝܼܬ݂ ܗܘܵܐ ܠܝܼ ܠܡܸܟ݂ܬܲܒ݂ ܠܟ݂ܘܿܢ. ܠܵܐ ܒܥܹܝܬ݂ ܕܲܒ݂ܝܲܕ݂ ܩܲܪܛܲܝܣܵܐ ܘܲܕ݂ܝܘܿܬ݂ܵܐ. ܐܸܠܵܐ ܡܣܲܒܲܪ ܐ݇ܢܵܐ ܕܐܹܬܹܐ ܠܘܵܬ݂ܟ݂ܘܿܢ. ܘܦܘܼܡܵܐ ܠܘܵܬ݂ ܦܘܼܡܵܐ ܢܡܲܠܸܠ. ܕܚܲܕ݂ܘܼܬ݂ܵܐ ܕܝܼܠܲܢ ܬܸܗܘܹܐ ܡܫܲܡܠܝܵܐ.
13 ܫܵܐܠܝܼܢ ܫܠܵܡܹܟ݂ܝ. ܒ̈ܢܲܝܵܐ ܕܚܵܬܹܟ݂ܝ ܓܒ݂ܝܼܬ݂ܵܐ. ܐܵܡܹܝܢ.