1 "Siak, si Ezekiel a pari a lakin anak nen Buzi, et kaibak iray kaparak a Judion nibantak ed Babilonia. Diad kumaliman agew na kumapat a bulan na kumatalomplon taon na panaayam mi ed gilig na Ilog na Kebar, linmokas so tawen, et akanengneng ak na pasingayew a nanlapud Dios. (
2 "Kumalima lad saman a taon manlapu lad inkibantak nen Ari Joakin ed arum a bansa.)
3 "Diman ed Babilonia diad gilig na Ilog na Kebar, nadngel koy Katawan ya akisalitad siak, tan aliknak so pakayari to.
4 "Tinmangay ak, et anengneng koy alimbusabos a manlalapud baybay. Ompapaway a manlalapud makapal a lorem so kirmat, tan maliwliwaway tawen ed kaliber-liber to may lorem. Diad kawalaan to may kirmat, walay mankidyam a singa gansa.
5 "Diad pegley to may alimbusabos anengneng koy singa apatiran mabilay a pinalsa a say nengneng da et too.
6 "Apatiray lupa so balang sakey ed sikara tan saneepat iray payak.
7 "Maptek so bikking tan ulpo ra, tan singa saray kokoy bakan kalakyan so koko ra. Mankidyam iran singa gansa.
8 "Balang sakey ed sikara ed walaan met na apatiran limay too, tan say kapag sakey a lima et walad silong na kapag payak da.
9 "Akaonat so duaran payak na balang sakey ed sikara, kanyan kuadradoy porma ra tan nandidiwitan so ngoro na saray payak da. No onggalaw ira mambabansag ira tan ag da la nepeg ya ipeyes so laman da.
10 Balang sakey ed saramay pinalsan mabilay et walay apatiran nandoroman lupa to; lupay too ed arap, lupay lion ed kawanan, lupay bakan kalakyan ed kawigi, tan lupay agila ed beneg.
11 Akaonat ya akatagey so sankaparis a payak na balang sakey ed samay mabilay a pinalsa tan nandidiwitan so ngoroy payak na sanaabay. Saraman balet so duaran payak na balang sakey ed sikara et akasakbung ed kalamanan da.
12 Akaarap so balang sakey ed sikara ed balang dapag, kanyan makakar ira ed labay da ya ag la ra ompigar.
13 Diad kawalaan da ra may mabilay a pinalsa, walay bengatlan singa manliub ya apoy a nipotan, tan ag makareen. Marmarlang so apoy to tan mampaway diman so kirmat.
14 Mampawil-pawil ira may mabilay a pinalsa tan singa peles na kirmat so peles da.
15 Nen nengnengnengen ko ra may apatiran pinalsa, anengneng koy apatiran dalig ya akasagar irad dalin tan balang sakey a dalig akaabay ed balang sakey ed saramay pinalsa.
16 Nampapara ira may dalig; mankidyam a singa mabmablin bato so balang sakey ed sikara, tan balang dalig walay akasolung a dalig ya akaarap ed sananey a dapag.
17 Kanyan saramay dalig nayarin ontelek ed anggan dinan ed saray apatiran dapag.
18 Akobutan na mata so rim na balang sakey ed saramay dalig.
19 Kapag onggalaw ira may pinalsa, onggalaw met a kaiba ra ira may dalig, tan no ontagey a manlapud mundo ira may pinalsa, ontagey met ira may dalig.
20 Linmad labay dan laen ira may pinalsa, tan milmila ed sikara ira may dalig, lapud ooleyan na saramay pinalsa ira may dalig.
21 Kanyan kapag ginmalaw, tinmonda, o inmatagey ira may pinalsa, ontan to met so ginawa na saramay dalig.
22 Walay bengatlan singa tambubong a mankidyam a kristal ed tagey na olo na saramay pinalsa.
23 Manalalagey ira may pinalsa ed silong na samay tambubong; akaonat ed saray kaabay to so duaran payak na balang sakey ed sikara tan akasakbung ed laman to iray duara nin payak to.
24 Nen tinmikyab ira nadngel koy banesbes na saray payak da; singa ungol na dayat imay banesbes, singa tanul na amayamay a sondalo, singa bosis na Makapanyarin-amin a Dios. Nen tinmonda ra, kinopit da ra may payak da,
25 balet wala nin siansiay tanul a nanlapud tagey na tambubong a walad tagey na olo ra.
26 Diad tagey na tambubong walay bengatlan singa tronon sapiro, tan manyodyorung diman ed trono so singa too.
27 Samay singa too et singa mankidyam a gansan walad pegley na apoy. Niliwawaan to na masnag so intiron kaliber-liber to,
28 tan walad sikatoy amin a kolor na bunlalakaw. Sikato yay mankidyam a liwawan mangipapanengneng na kiwawala na Katawan.
1 "Nen anengneng ko ya, tinmikleb ak ed dalin. Insan ko nadngel so bosis a kuanto, Sika a toon ompatey, alagey ka. Labay koy mitongtong ed sika.
2 "Nen mansasalita may bosis, linmoob ed siak so ispiritu na Dios tan impaalagey to ak, insan ko nadngel nin nansalita imay bosis,
3 "Sika a toon ompatey, ibaki ta ka ed saray totood Israel. Linmaban irad siak tan sinumpa ra ak tan itutuloy day onlaban ed siak, a singa ginawa na saray lalaki ra.
4 "Anawet so olo ra tan ag da ak gagalangen, kanyan ibabaki ta kan mangibagad sikara na labay kon ibagad sikara, siak a Katawan a Dios.
5 "Dengelen ka man o andi na saraman a totoon mananumpa ed siak, naamtaan da a sakey a propita so nibakid sikara.
6 "Balet sika a toon ompatey, ag mo ra tatakotan odino saray ibabaga ra. Sumpaen da ka tan pabaingan da ka; singa kad satan mimiamung ed saray alakdan. Ag mo tatakotan ira man a totoon mananumpa odino saray ibabaga ra.
7 "Ibagam ed sikaray amin a salitaen mo, dengelen da ka man odino andi. Nudnunot mon ontan lay isusumpa rad siak.
8 "Sika a toon ompatey, dengel moy ibabagak ed sika. Ag ka onsusumpan singa sikara. Sangi ka tan akan moy iter kod sika.
9 "Anengneng koy liman onaarap ed siak, tan sankabembenan toy nilokut a babasaen.
10 Inlokas na samay lima imay babasaen, et anengneng ko a walay sulat ed nantopag. Nisulat diman iray akis na ermen, dageyem, tan sinagem.
1 "Inkuan na Dios, Sika a toon ompatey, akan mo yan nilokut a babasaen; insan ka onlan mansalita ed saray totood Israel.
2 "Kanyan sinmangi ak tan initdan to ak na kanen kon nilokut a babasaen.
3 "Inkuanto, Akan mo yan babasaen ya iiter kod sika; panom so eges mo na saya. Kinan ko, et masamit a singa dilo.
4 "Insan inkuan na Dios, Sika a toon ompatey, lakad saray totood Israel tan salitam ed sikara so antokaman a paibagak ed sika.
5 "Ag ta ka ibabakid saray totoon mansasalita na mairap a salita na arum a bansa, no ag ingen ibabaki ta kad saray Israelita.
6 "No ibaki ta kad saray ankakabaleg a bansan mansasalita na saray mairap a salitan ag mo natalusan, ondengel irad sika.
7 "Balet anggapod saray totood Israel so ondengel ed sika; ag da ak anggan dengelen. Anawet so olo tan puso ran amin.
8 "Natan gawaen ta kan singa sikara ya anawet so puso tan olo ra.
9 "Gawaen ta kan anawet a singa bato odino diamanti; ag ka ontatakot ed saraman a mananumpa.
10 Intuloy na Dios ya inkuan, Sika a toon ompatey, dengel kan maung tan tandaan moy ibagak ed sika.
11 Insan kad satan onla ed saray kaparam a Judio a nibantak ed arum a bansa tan salitam ed sikara so ibabagak ed sikara, siak a Katawan a Dios, dengelen da ka man odino andi.
12 Insan intagey ak na ispiritu na Dios, tan nadngel kod nibeneg ko so maksil tan manungol a bosis a kuanto, Nadayew komun ed tawen so kagalangan na Katawan!
13 Nadngel kon mamparakpak ira may payak na saray pinalsan mabilay, tan say ungol da ra may dalig a singa ungol na yegyeg.
14 Linmoob ed siak so mabiskeg a pakayari na Katawan, tan diad pangaawit ed siak na ispiritu, akapasnuk ak tan ansakit so linawak.
15 Kanyan linma ak ed Tel Abib ed gilig na Ilog na Kebar a dimay panaayaman na saray nibantak ya Israelita, tan diad loob na pitoy agew ya impanayam kod man, ag ak akaskasel lapud saramay anengneng tan nadngel ko.
16 Kalabas na pitoran agew say Katawan akisalitad siak.
17 Inkuanto, Sika a toon ompatey, gawaen ta ka a managbantay ed bansa na Israel. Ipasabim ed sikara iray pasakbay ya ibabagak ed sika.
18 No ibagak ed sakey a toon maoges ya ompatey balet et ag mo pinasakbayan a mangoman ed bilay to pian nipaliis ed patey, sikakasalanan ya ompatey, balet singilen ta ka lapud impatey to.
19 No pinasakbayan moy sakey a toon maoges et ag to tondaay pankakasalanan to, ompatey a sikakasalanan, balet nilaban moy bilay mo.
20 No manggaway kaogsan so sakey a toon peteg a matonung tan ipapasen kod maatap a kipapasen, ompatey no ag mo pasakbayan. Ompatey lapud saray kasalanan toag ko nunoten iray kamaungan a ginagawa totan singilen ta ka lapud impatey to.
21 No pasakbayan mon ag mankasalanan so sakey a toon matonung, et dengelen to ka tan ag mankasalanan, mansiansian mambilay, tan nilaban moy bilay mo.
22 Aliknak so pakayari na Katawan tan nadngel kon kuantod siak, Alagey ka tan lakad patar. Mitongtong ak ed sikad man.
23 Linma ak sirin ed patar, tan anengneng kod man so kagalangan na Katawan, a singa samay anengneng kod gilig na Ilog na Kebar. Tinmikleb ak ed dalin,
24 balet linmoob ed siak so ispiritu na Dios tan pinaalagey to ak. Inkuan na Katawan ed siak, Sempet ka la tan mankolung kad man ed abung mo.
25 Nabalur ka, sika a too, tan ag ka makakar ed kawalaan da ray totoo.
26 Patalkeren koy dilam, pian ag mo napasakbayan ira man a totoon mananumpad sika.
27 Insan no misalita ak ed sika lamet tan ipawil kod sikay pakapansalita, ibagam ed sikaray sasalitaen ko, siak a Katawan a Dios. Pigarad sikaray ondengel, balet pigara met ed sikaray ag ondengel ed sika lapud totoo ran mananumpad siak.
1 "Inkuan na Dios, Sika a toon ompatey, mangala kay laryo, iyan mod arap mo, tan igulis mod tapew to so siudad na Jerusalem.
2 "Insan igulis mo met so panakep ed siudad; igulis mod kaliber-liber na siudad iray tirinsira, saray bunton na dalin, saray kampo, tan saray mason ankakabaleg.
3 "Mangala ka met na kawalin balatyang tan iliram a singa padir ed nanleetan mo tan say siudad. Arap ka ed siudad. Alakob la so siudad, tan sika so manlalakob. Sikato ya so sakey a tanda ed bansa na Israel.
4 "Insan ka ondokul ya akadiking ed kawigi, tan ipelag kod sikay kasalanan na bansa na Israel. Mansiansia kad man na talon lasus tan siamaplon agew tan manlikna kay kairapan lapud kasalanan da. Sinintinsiaan ta ka na sanagew para kapag sakey taon a dusa ra.
5
6 "No nasumpal mo ya, pigar kad nikawanan a diking mo tan manlikna kay kairapan lapud kasalanan na Juda diad loob na apataploy taonsanagew para kapag sakey taon a dusa ra.
7 "Ag mo iyaalis so matam ed kalakob na Jerusalem. Ayagan moy poniti so siudad tan mampropisiya ka sumpad sikato.
8 "Baluren ta ka, pian ag ka makaarap ed anggan dinan a diking mo, anggad nasumpal so kalakob na siudad.
9 "Natan mangala ka na pigaran trigo, sibada, agayep, lintil, milit, tan ispilti. Pankakames mod sakey a pananginan, insan ka manggaway tinapay. Sikato so kanen mo legay talon lasus tan siamaplon agew ya akarokul kan akadiking ed nikawigim.
10 Nayarian moy mangan a maminsan na waloran onsa na tinapay ed loob na sanagew.
11 Agetaran met so inomen mo, duaran kupa ed sanagew.
12 Mamarlang ka na amagan tai na too tan panlutoan mo na tinapay, insan mo kanen so tinapay a sankanengneng ka na balang sakey a too.
13 Say Katawan kuanto, Onya naani so pangan na saray Israelita ed saray kakanen ya isesebel na Ganggan, no itaytayak ko rad saray arum a bansa.
14 Balet inmebat ak, Andi, Katawan a Dios! Ag ko ni dinotakan so siak a dili onung ed Ganggan. Nanlapu lad impanogaw ko ag ak nin balut angan na karniy ayep a basta inatey odino pinatey na ayep ed katakelan. Ag ak nin balut angan na kakanen a marotak onung ed Ganggan.
15 Inkuan na Dios, Marakep itan. Abuloyan ta ka sirin a mangikana na amagan taiy baka, tan saya so panggawaan mo na tinapay mo.
16 Inkuanto nid siak, Sika a toon ompatey, patondaen koy pangitolur na tinapay ed Jerusalem. Saray totood man maermen tan mapaga ran mansukat na tagano a kanen da tan say danum ya inomen da.
17 Onkulang ira na tagano tan inomen; naekalan ira na ilalo, tan makapasinagem so panirap da lapud saray kasalanan da.
1 "Inkuan na Katawan, Sika a toon ompatey, mangala kay matmatdem ya ispada tan ikanam ed pambalbas mo tan pangiskis moy olom. Insan mo simbangen ed simbangan so buek mo tan pankatlom.
2 "Poolan mod siudad so kakatlo to kayariy kalakob to. Alam so sananey a kakatlo tan tartartar mo na ispadam legan mon liliberen so paway na siudad. Ibuyandak mod tagey so akeraan a kakatlo, insan ko ra osil-osilan na ispadak.
3 "Mangala kay daiset ed sarayan buek, insan mo ibalkut ed saloy na kawes mo.
4 "Kayari to mangala kay daiset tan ibontuk mod apoy, tan paolyan mo ran ondalang. Manlapud saraya say apoy onkayat ed intiron bansa na Israel.
5 "Say Katawan a Dios kuanto, Nengneng moy Jerusalem. Inlirak ed pegley na mundo tan walad kaliber-liber to ray arum a bansa.
6 "Balet sinumpa na Jerusalem iray ganggan ko tan impanengneng to a lalon maoges ni nen saray arum a bansa, lalon aliwan maonur nen saray bansan walad kaliber-liber to. Impolisay to ray ganggan ko tan ag to binirbir iray bilin ko.
7 "Dengel ka natan, Jerusalem, ed saray ibabagak, siak a Dios a Katawan. Diad ag mo impangonur ed saray ganggan tan saray bilin ko, baleg niy gunigon ya inter mo nen saray arum a bansan walad kaliber-liber mo. Inalig mo ray ogali na saray arum a bansa.
8 "Kanyan siak a Katawan a Dios ibabagak ed sika a siak so kalaban mo. Sintinsiaan ta ka a sankanengneng na saray totood arum a bansa.
9 "Lapud ginawam iray bengatlan kabosul ko, iter kod Jerusalem so dusan ag ko nin balut inter nen saman tan ag ko lan balut gawaen.
10 Lapud sayan dusa, saray atateng ed Jerusalem kanen da ray anak da, tan saray anak kanen da ray atateng da. Dusaen ta kayo tan itaytayak kod anggan iner a pasen iray natilak a mabilay ed sikayo.
11 Ontan sirin, legan a mabilay ak a Diossikato yay salita na Katawan a Diosandi-panangasiy pangipolisay kod sikayo lapud dinotakan yoy Timplok diad panamegley na saray kaogsan tan makapaingungot a ginagawa to.
12 Ompatey ed sakit tan eras so kakatlo na totoom ed siudad; napatey ed paway na siudad diad panamegley na ispada so kakatlo na totoom; tan itaytayak ko rad inerman a pasen, insan ko osilan na ispada so arum a kakatlo na totoom.
13 Nalikna yod satan so biskeg na pasnuk tan sanuk kod sikayo ya anggad siak so napenek. No nagawa ra yan amin, manisia ki la a siak a Katawan so nansalita lapud ampetang so olok ed inkalamang yod siak.
14 Balawen tan arawian kayo na balang sakey ya ondalan a toon taga saray bansan walad kaliber-liber yo.
15 No ampetang so olok tan mapalaloy pasnuk kod sikayo tan dusaen ta kayo, nataktakot ya amin iray bansan walad kaliber-liber yo. Naingungotan iran onnengneng ed sikayo, tan ludlureyen da kayo.
16 Patondaen koy pangitolur na kakanen ed sikayo pian naerasan kayo. Nalikna yo so sulit na eras a singa panan nibolus a maneral ed sikayo.
17 Ipadalan koy eras tan mangibaki ak na saray ayayep ed katakelan a mamatey ed saray anak yo, tan mangyakar ak met na sakit, golo, tan bakal a mamatey ed sikayo. Siak, say Katawan, so nansalita.
1 "Say Katawan akisalitad siak.
2 "Inkuanto, Sika a toon ompatey, bantag kad kapalandeyan na Israel tan mampropisiya ka na sumpad sikara.
3 "Ibagam ed kapalandeyan na Israel a dengelen day salita na Katawan a Diosa dengelen day ibabagak, siak a Katawan a Dios, ed kapalandeyan, kapokdulan, kakelasan, tan kapataran: mangyakar ak na ispada a maneral ed saray pasen a pangigagalangan na saray totoo ed saray talintaoy diriyos.
4 "Nageba ray altar tan naderal iray altar a panagpoolay insinso. Amin da ray totood man et napatey irad arap na saray talintao ra.
5 "Itaytayak ko ray bangkay na saray totood Israel; itaytayak kod kaliber-liber na saray altar iray pokepokel da.
6 "Naderal ya amin iray siudad na Israel, pian natemek-temek ya amin iray altar tan saray talintao ra, namisimisi iray altar dan panagpoolay insinso, tan naandipat ya amin iray ginagawa ra.
7 "Napatey iray totoo ed inerman a pasen, tan birbiren na amin da ray makapaliis ed patey a siak so Katawan.
8 "Abuloyan kon ag napatey iray arum a totoo tan nataytayak irad saray bansa,
9 "a diman ira manayam a nibantak. Nanunotan da ak diman tan naamtaan da a dinusak tan impelag ko rad kababaingan, lapud inkaindan da ak diad ag da impanisia tan nilabay da ni ray saray talintao nen say siak. Naingungotan irad sikaran dili, lapud saray kaogsan tan mabanbanday a bengatlan ginagawa ra.
10 Naamtaan da a siak so Katawan tan saray pasakbay ko et aliwan andi-kakanaan iran taktakot.
11 Inkuan na Katawan a Dios, Yesyes yo ray kalimaan yo! Ikarag-karag yo ray sali yo! Akis kayod ermen lapud amin da ray maoges tan makapaingungot a ginagawa na saray Israelita. Ompatey irad bakal o eras o salot.
12 Mansakit iray walad arawi, insan ira ompatey; saray walad asingger napatey irad bakal; saray ag napatey ed bakal ompatey irad eras. Nalikna ray amin a biskeg na pasnuk ko.
13 Saray bangkay et nataytayak irad saray kawalaan da ray talintaoy diriyos tan diad kaliber-liber na saray altar, nataytayak irad balang pokdul, diad toktok na balang palandey, diad silong na balang masalumpapak a kiew tan balang ankabaleg a kiew a robli, tan diad balang pasen a pampopoolan dad saray ayayep a bagat ed saray talintao ra. Diad satan naamtaan dan amin a siak so Katawan.
14 On, onla ak a maneral ed bansa ra. Say bansa ra et pagmaliwen kon andi-kakanaan tan begtebegtew a pasen, manlapud niabalaten a kalawakan ya anggad siudad na Ribla diad baybay; napibaliy amin a pasen a panaayaman da ray Israelita. Diad satan naamtaan dan amin a siak so Katawan.
1 "Akisalitad siak so Katawan.
2 "Inkuanto, Sika a toon ompatey, sikato yay ibabagak ed dalin na Israel, siak a Katawan a Dios: Sikato yay pansamput na intiron dalin!
3 "Israel, sinmabi lay anggaan mo. Ondapod sikay pasnuk ko, lapud sisintinsiaan ta kad saray ginagawam. Singilen ta kad amin a makapaingungot a kagagawam.
4 "Ag ta ka pirdonaen odino kasian. Dusaen ta ka lapud saray makapaingungot a ginagawam, pian naamtaan mo a siak so Katawan.
5 "Sikato yay ibabaga na Katawan a Dios: Mantotombukay deral ya onsabid sika.
6 "Sinmabi lay pansamput mo. Anggaan mo la. Ayari ka la.
7 "Onsasabi lay pangangga yon totoo a manaayam ed dalin na Israel. Asingger lay isabi na panaon a gewgew labat so nagawa ed saray paganon panagdayewan ed toktok na palandey; anggapo lad satan so narengel a tanul na panliliket.
8 "Ag la mabayag, ondapo lad sikayoy amin a biskeg na pasnuk ko. Sisintinsiaan ta kayo lapud saray ginagawa yo, tan singilen ta kayo lapud saray makapaingungot a kagagawa yo.
9 "Ag ta kayo pirdonaen odino kasian. Dusaen ta kayo lapud saray makapaingungot a ginagawa yo, pian naamtaan yo a siak so Katawan tan siak so manudusad sikayo.
10 Onsasabi lay agew na kaderal yo. Ondarakel so panagduksa. Mapalalo lay panagpaatagey da ray totoo.
11 Say gewgew et mambubungay kaogsan. Anggapoy mansiansian kayaryan da, saray kayamanan da, kagalangan da, odino inkatalonggaring da.
12 Onsasabi lay panaon na golo. Asingger lay agew ya anggapoy kabaliksan na panlako tan pansaliw, lapud nampaparan dusaen na Dios so balang sakey a too.
13 Anggapoy nigosianti ya andokey so pambilay to pian nabawi toy apirdi to, lapud ondapod balang sakey a too so pasnuk na Dios. Ag makapaliis ed patey iray totoon maoges.
14 Napapaknul so trumpita, tan mampaparaan so balang sakey. Balet anggapoy anggan sakey ya onlad bakalan, ta ondapon para-para ed balang sakey so pasnuk na Dios.
15 Peles lay laban ed saray dalan, tan wala lay salot tan eras ed kaabungan. Ompatey ed laban so siopaman a walad kaalogan; ompatey ed sakit tan eras so siopaman a walad siudad.
16 Wala ray ombatik ed kapalandeyan tan singa ra malapatin ataktakot a nanlapud saray patar. Amin da pandageyeman da ray kasalanan da.
17 Onkapoy so lima ran amin tan ompayegpeg so pueg da.
18 Mankawes iray sako lapud ermen tan ompayegpeg so intiron laman. Nakiskisan so kaoloan da tan napelag iran amin ed kababaingan.
19 Ibanbantak dad saray dalan a singa dotak iray balituk tan saray pilak da, lapud ag ira nilaban na pilak odino balituk da no idapo na Katawan so pasnuk to. Ag da ra nikanan makapenek na nakaukolan da odino makapesel na narasan ya eges da. Say balituk tan say pilak so angipelag ed sikarad kasalanan.
20 Nen saman inkikinon da ray mararakep ya alahas da, balet inkakana da rad panggaway makapaingungot iran talintao. Lapud saya impagmaliw na Katawan a makarimdimla iray balituk tan saray pilak da.
21 Abuloyan ko ray sangkaili a mantakew ed sikara, kuay Katawan, ta saray totoon maoges alaen da ray amin a kayamanan da, insan da ra dotak-dotaken.
22 Anggapoy pibabalik no adotakan so pinablik a Timplo, no looban na saray matatakew insan da dotakan.
23 Agewgew ya amiy bengatlapateyan ed amin a sokung na bansa tan napno na inkaruksa iray siudad.
24 Iyakar ko dia iray sankaogsan a bansa tan paalak ed sikara so kaabungan yo. Saray sankabiskegan a lalaki naekalan iray biskeg na linawa no palooben ko ray bansa a mandotak ed saray pasen a panangigalangan yo.
25 Onsasabi lay kaermenan. Anapen yo so kareenan, balet ag yo narumog.
26 Mantotombukan so deral, tan mansasbi so maoges a balita. Kerewen yod saray propita ya ipaamta ray nanenengneng dan nagawa ed arapen a panaon. Saray papari anggapoy amta ran ibangat ed saray totoo, tan saray mamasiken anggapoy nisimbawa ra.
27 Manermen so ari, naekalan na ilalo so prinsipi, tan onggiwgiw ed takot iray totoo. Dusaen ta kayo lapud amin a ginagawa yo, tan sintinsiaan ta kayo onung na impansintinsia yo ed saray arum a totoo. Diad saya naamtaan yo a siak so Katawan.
1 "Nen kumaliman agew na kumanem a bulan na kumanem a taon na inkibantak mid sananey a bansa, saray pangulo da ray nibantak a taga ra Juda et manyodyorung iran kaibak ed abung ko. Kabebekta linmoob ed siak so pakayari na Katawan a Dios.
2 "Tinmangay ak, et anengneng kod sakey a payawar so singa sakey a toon apoy. Manlapud balangbang to a mampaleksab singa apoy so laman to, tan manlapud balangbang to a mampaatagey mankidyam a singa gansan pinasileng.
3 "Inyonat toy singa lima, insan to ak siningkat ed buek. Diad sayan pasingayew say ispiritu na Dios inyatagey to ak tan inyakar to ak ed Jerusalem. Inyakar to ak ed dalem na lolooban na puirtad baybay na Timplo a kawalaan na talintaon makapaspasnuk ed Dios.
4 "Anengneng kod man so makalaram a liwawan mangipanengneng na kiwawalay Dios na Israel; sayan liwawa et singa samay liwawan anengneng ko nen wala ak ed abay na Ilog na Kebar.
5 "Inkuan na Dios ed siak, Sika a toon ompatey, nengneng kad baybay. Ninmengneng ak, et diad asingger ed altar ed abay na lolooban na puirta anengneng koy talintaon makapaspasnuk ed Dios.
6 "Inkuan na Dios ed siak, Sika a toon ompatey, nanenengneng moy nagagawa? Nengneng moy makapaingungot a gagawaen dia na saray totood Israel, iyaarawi da ak lan iyaarawi ed santuariok. Makanengneng ka ni na lalon makapabaing nen saya.
7 "Inyakar to ak ed lolooban na pation walad bandad paway, insan to impanengneng ed siak so sakey a melag ya abut ed padir.
8 "Inkuanto, Sika a toon ompatey, labut ka diad padir. Linmabut ak et akalmo ak na sakey a puirta.
9 "Inkuantod siak, Loob ka ta nengneng moy maoges tan makapaingungot a gagawaen da.
10 Kanyan linmoob ak tan ninmengneng ak. Nipintad padir iray oleg tan saray arum a marotak ya ayayep onung ed ganggan; nipinta met iray arum a bengatlan gagalangen na saray Israelita.
11 Wadman iray pitomplon pangulo na saray Israelita, pati si Jaazanias a lakin anak nen Safan. Sankabembenan na balang sakey ed sikara so parlangan na insinso tan manatagey so asewek na insinso.
12 Tinepet na Dios ed siak, Sika a toon ompatey, nanenengneng moy maamut a gagawaen da ray pangulo na saray Israelita? Mangigagalang iran amin ed sakey a kuarton napnoy imahin. Inkuanda ya ibabaraan: Ag itayo nanenengneng na Katawan! Inkaindan to so bansa.
13 Insan inkuan na Katawan ed siak, Nanengneng mo ni ran manggawa na saray lalon makapaingungot nen satan.
14 Kanyan inyakar to ak ed puirtad baybay na Timplo tan impanengneng tod siak iray bibiin aakisan day impatey na dios a Tamuz.
15 Tinepet to, Sika a toon ompatey, nanengneng mo tan? Makanengneng ka ni na saray lalon makapaingungot a bengatla.
16 Kanyan inyakar to ak ed pation walad dalem na Timplo. Diman ed abay na lolooban ed santuario, diad nanleetan na altar tan say balkon, wala ray duamplo tan liman lalaki. Imbeneg day santuario tan ondadakmomo ran akaarap ed bokig a mangigagalang irad agew ya ombubutay.
17 Say Katawan inkuantod siak, Sika a toon ompatey, nanenengneng mo man? Saray totoo ed Juda et ag ni ra apenek ed panggagawa ray amin a makapaingungot a bengatlan anengneng mo dia tan say impangikayat da na golo ed intiron bansa. Ag ni ra apenek kanyan linma ra diad dalem na Timplo tan pinaloor day pasnuk ko. Nengneng mo no panoy pamapabaing dad siak diad anggaay nayarian dan pamasakit.
18 Nalikna ra so biskeg na pasnuk ko. Ag ko ra pirdonaen odino kasian. Anggan oneyaeyag iran onkerew ed siak na tulong, ag ko ra dengelen.
1 "Insan nadngel kon ineyag na Dios, Gali dia, sikayon totoo a manusad siudad. Awit yo ray armas yo.
2 "Tampol a sinmabi ray anemiran lalaki ya akaarmas a nanlapu rad puirtad paway diad bandad baybay na Timplo. Kaiba ray lakin akakawes na linen a sankaawit toy sakey a pansulatan. Dinmago ra tan nanalagey irad abay na gansan altar.
3 "Insan say kagalangay Dios na Israel inmatagey a nanlapud saray kirubin a kawalaan ton gendat, insan dinmere ed lolooban na Timplo. Say Katawan tinawag to may toon akakawes na linen tan inkuantod sikato,
4 "Lakad intiron siudad na Jerusalem, ta markaan moy muling na balang sakey a toon maermen tan magunigon, lapud amin a makapaingungot a nagagawad siudad.
5 "Insan nadngel kon inkuan na Dios ed saramay arum a lalaki, Tombuk yod siudad tan mampatey kayo. Anggapoy pipirdonaen yo; ag yo kakasiay siopaman.
6 "Patey yo ray matakken, malangwer a lalaki tan bibii, saray ina, tan saray anak. Balet ag yo didiwiten so siopaman a walay marka to ed muling. Igapo yo diad Timplok. Kanyan inggapo rad saray pangulon manalalagey diman ed Timplo.
7 "Inkuan na Dios ed sikara, Dotakan yoy Timplo. Pano yo na bangkay iray patio to. Igapo yo lay kimey yo! Kanyan inggapo ray nampapatey na saray totoo ed dalem na siudad.
8 "Legan a nagagawa so pampapatey, wadman ak a mambukbukor. Intiblak ko, insan ko ineyag, Katawan a Dios, diad ontan lan pasnuk mod Jerusalem pateyen mon amin iray totoon atilak ed Israel?
9 "Inmebat so Dios, Baleg a tuloy so kasalanan na saray totood Israel tan Juda. Nampapatey irad inerman a pasen na dalin na Israel tan pinano ray Jerusalem na amin a kaogsan. Ibabaga ra a siak a Katawan et inkaindan koy bansa ra tan ag ko ra nanenengneng.
10 Balet ag ko ra kasian; gawaen kod sikaray ginawa rad arum a totoo.
11 Insan pinmawil imay lakin linen so kawes to tan inkuantod Katawan, Sinumpal ko ray ganggan mod siak.
1 "Ninmengneng ak ed tambubong a walad tagey na kaoloan na saramay kirubin tan diad tagey da walay singa tronon safiro.
2 "Say Dios kuantod samay toon akakawes na linen, Lakad nanleetan na saray dalig a walad silong da ra may pinalsa tan panom na ngalab iray limam. Insan mo itayak ed intiron siudad iray ngalab. Binantayan kon linma.
3 "Nen linmoob manalalagey ed niabalaten na Timplo ira may pinalsa, insan pinano na lorem imay patiod dalem.
4 "Inmatagey a nanlapud saramay pinalsa so kagalangay Katawan, insan dinmere ed lolooban na Timplo. Insan pinano na lorem imay Timplo, tan napno na liwawa imay patio.
5 "Say parakpak na saray payak da ra may pinalsa et nadngel ya anggad paway na patio. Singa bosis na Dios a Makapanyarin-amin so tanul da.
6 "Nen ingganggan na Katawan imay toon akakawes na linen a mangalay apoy ed nanleetan da ra may dalig a wala rad silong na saramay pinalsa, linmoob imay too tan nanalagey ed abay na sakey ed saramay dalig.
7 "Inyonat na sakey a pinalsa so lima to ed apoy a walad nanleetan da, angalay pigaran ngalab, insan to inyan ed saramay lima na samay toon akakawes na linen. Inala na samay too ira may ngalab, insan la tinmaynan.
8 "Anengneng ko a balang sakey ed saramay pinalsa et walay singa limay too ed silong na balang payak to.
9 "Anengneng ko met a wala ray apatiran nampaparan dalig, a balang sakey walad abay na sakey a pinalsa. Mankidyam a singa mabmablin bato ira may dalig, tan balang dalig walay akasolung a dalig ya akaarap ed sananey a dapag.
10 No onkurang ira may pinalsa, makakar irad anggan iner a dapag ya ag la ra ompigar. Onkurang iran mambabansag ed labay dan laen, et ag la ra nepeg ya ompigar.
11
12 Akobutan na mata iray laman, beneg, lima, payak da, tan ontan met ira may dalig.
13 Nadngel koy bosis ya ontatawag, Mantetlek iran dalig.
14 Apatira so lupa na balang sakey ed saramay pinalsa. Say onona lupay bakan kalakyan, say kumadwa lupay too, say kumatlo lupay lion, tan say kumapat lupay agila.
15 (Sikara ya may pinalsan anengneng kod gilig na Ilog na Kebar.) Nen nampaatagey ira may pinalsa,
16 tinmombuk ira may dalig. Kapag ibuskag day payak dan ontikyab, ontombuk ed sikara ira may dalig.
17 No ontonda ra may pinalsa, ontonda met ira may dalig; no ontikyab ira may pinalsa, mila ra may dalig, lapud wala rad silong na pakaoley na saramay pinalsa.
18 Insan samay kagalangan na Katawan tinmaynan ed samay lolooban na Timplo tan linmad pasen diad tagey na saramay pinalsa.
19 Imbuskag day payak da tan manlapud dalin tinmikyab irad tagey legan ak a mamabantay, tan akilad sikara ira may dalig. Tinmonda rad nibokig a puirta na Timplo, tan walad tagey da imay kagalangan na Katawan.
20 Abirbir ko a sikara may pinalsan anengneng kod silong na Dios na Israel dimad gilig na Ilog na Kebar.
21 Balang sakey ed sikara walay apatiran lupa to, apatiran payak, tan walay singa limay too ed silong na kapag payak to.
22 Saray lupa ra et anggapoy pidomaan dad saramay lupa ya anengneng kod gilig na Ilog na Kebar. Nampatulon linma so balang sakey ed saramay pinalsa.
1 "Inyatagey ak na ispiritu na Dios, insan to ak inyakar ed nibokig a puirta na Timplo. Anengneng kod mad abay na puirta iray duamplo tan liman lalaki a pati si Jasanias a lakin anak nen Azur tan si Pelatia a lakin anak nen Benaya, a sikaran duay pangulo na bansa.
2 "Inkuan na Dios ed siak, Sika a toon ompatey, maoges so iplaplano na saray lalaki tan makapoy a simbawa so iiter dad sayan siudad.
3 "Ikukuanda, Ag mabayag mangipaalagey itayo lamet na kaabungan tayo. Say siudad et aliling toy banga, tan aliling tayoy karnin akakarga, balet iyagel to itayod apoy.
4 "Natan, sika a toon ompatey, mampropisiya ka sumpad sikara.
5 "Linmoob ed siak so ispiritu na Katawan, tan imbaga na Katawan ed siak ya ikuankod saray totoo so kuanto: Totood Israel, amtak iray sasalitaen yo tan saray iplaplano yo.
6 "Amayamay iray pinapatey yon totoo diad siudad, kanyan napno na bangkay iray dalan.
7 "Kanyan sikato yay kuankod sikayo, siak a Katawan a Dios. Tua a sayan siudad so banga, balet dinan iray karni? Saray bangkay na pinapatey yo! Ag kayo dia mansiansian manayamibantak ta kayod paway na siudad!
8 "Antakot kayod saray ispada? Mangyakar ak dia ingen na saray totoon sankaawit day ispada ya ondogpad sikayo.
9 "Ipaway ta kayod siudad tan ipalima ta kayod saray taga arum a bansa. Sinintinsiaan ta kayon ompatey,
10 tan napatey kayod bakal ed dilin bansa yo. Diad satan naamtaan na balang sakey a siak so Katawan.
11 Ag kayo iyagel na sayan siudad; aliwan singa pangyagel na banga ed karnin akakargad dalem to so pangyagel to. Dusaen ta kayo, anggan iner so kawalaan yo ed loob na dalin na Israel.
12 Nakabatan yo a siak so Katawan, ta diad pangoonur yod saray ganggan na saray kaabay yon bansa, susumlangen yo ray ganggan tan saray bilin ko.
13 Legan kon mampropropisiya, inatey si Pelatia. Intikleb kod dalin tan ineyag ko, O Katawan a Dios, pateyen mon amin iray totoon atilak ed Israel?
14 Akisalitad siak so Katawan.
15 Inkuanto, Sika a toon ompatey, saray totood Jerusalem et mantotongtong ira na nipaakar ed sika tan saray kaparam a totoon nibantak ed arum a bansa. Ikukuanda, Arawdawiy kawalaan na saray nibantak, kanyan ag da la nagalang so Katawan. Impakayaryan la na Katawan ed sikatayo yan dalin.
16 Natan, ibagam ed saray kaparam a totoon nibantak so ibabagak. Siak so angyakar tan angitaytayak ed sikaran manayam ed saray arum a bansa. Anggaman ontan, legan dad man a manayam, wala ak ed sikara diad saray dalin a nibantakan da.
17 Kanyan ibagam ed sikara so ibabagak, siak a Katawan a Dios. Tiponen ko ra manlapud saray bansan angitayakan kod sikara, tan ipawil kod sikaray dalin na Israel.
18 No ompawil ira, ibantak da ray amin a narurumog dan marotak tan makapaingungot a talintaoy diriyos.
19 Itdan ko ra na balon puso tan balon ispiritu. Ekalen kod sikaray anawet a puso tan salatan ko na puson matoluk.
20 Diad satan matoor dan onuren iray amin a ganggan ko. Magmaliw iran totook, tan siak so magmaliw a Dios da.
21 Balet dusaen ko ray totoon maliket a mangigalang ed saray marotak tan makapaingungot a talintao. Dusaen ko ra lapud saray ginagawa ra. Say Katawan a Dios so nansalita.
22 Tinmikyab ira may pinalsan mabilay tan akilad sikara ira may dalig. Walad tagey da so kagalangan na Dios na Israel.
23 Insan samay kagalangan na Dios tinaynan toy siudad tan amaarap ed pasen a nibokig na siudad.
24 Diad sayan pasingayew, inyatagey ak na ispiritu na Dios tan impawil to ak ya inyakar ed Babilonia a nibantakan mi. Insan naandi la may pasingayew.
25 Tinongtong kod satan ed saramay kaibak a nibantak iray amin ya impanengneng ed siak na Katawan.
1 "Say Katawan akisalitad siak.
2 "Inkuanto, Sika a toon ompatey, manaayam kan kaibam iray mananumpan totoo. Walay mata ra, balet anggapoy nanenengneng da; walay layag da, balet anggapoy narerengel da lapud mananumpa ra.
3 "Natan, sika a toon ompatey, mambalkut kan singa gagawaen da ray adakep a nibantak tan laka la legan ya agew ni. Ipanengneng mod balang sakey ya ontataynan ka ya onlad arum a pasen. Angangko, naimano ka na saraman a mananumlang.
4 "No agew ni, mambalkut ka, pian nanengneng da ka. Insan ka mampanengneng ed sikara no ontataynan kad labi a singa ka adakep ya ibantak ed arum a bansa.
5 "Legan da kan babantayan, mamongaw kad padir na abung mo tan diman mo ipaway so balkut mo.
6 "Pabantayan kan sakbaten moy balkut mo tan pepetan moy matam legan mon manakar ed ambilonget, pian ag mo nanengneng no iner so laen mo. Sakey a pasakbay ed saray Israelita so gawaen mo.
7 "Ginawak imay imbagad siak na Katawan. Diad saman ya agew nambalkut ak a singa gawaen na sakey ya adakep ya ibantak ed arum a bansa, tan diad saman a labi nen ombibilonget la binongaw na limak so padir tan pinmaway ak. Legan ya iimatunan ak na balang sakey a too, sinakbat ko may balkut ko tan amikal ak la.
8 "Diad kaimbuas akisalitad siak so Katawan.
9 "Sika a toon ompatey, kuanto, natan ta tetepeten na saray mananumpan Israelita so gagawaen mo,
10 ibagam ed sikara so ibabagak, siak a Katawan a Dios. Sayan salita et para prinsipin manoley ed Jerusalem tan para saray totoon manaayam diman.
11 Ibagam ed sikara a say ginawam et sakey a tanda a mangipanengneng no antoy nagawad sikaranadakep tan nibantak irad arum a bansa.
12 Say prinsipin manooley ed sikara et sakbaten tod ambilonget so balkut to tan diad binongaw dad padir ompaway ya ombatik. Pepetan toy mata to et ag to nanengneng no iner so laen to.
13 Balet sabokulan kon erelen. Insan ko iyakar ed siudad na Babilonia a diman ompatey ya ag to nanengneng imay siudad.
14 Itaytayak kod anggan iner a pasen iray opisyal to tan saray sumisimbawa to tan saray umaantabay to, insan saray totoo anapen da ran pateyen.
15 No itaytayak ko rad saray arum a bansa, nakabatan da a siak so Katawan.
16 Iyabuloy kon pigarad sikara so ag ompatey ed bakal, eras, tan sakit, pian diad panayam dad saray arum a bansa et nabirbir da ya ontan lan makapaingungot so ginagawa ra tan akoen da a siak so Katawan.
17 Say Katawan akisalitad siak.
18 Inkuanto, Sika a toon ompatey, giwgiw ka no mangan ka, tan payegpeg kad takot no oninom ka.
19 Ibagam ed intiron bansa a sikato yay salita na Katawan a Dios ed saray totoon atilak ed Jerusalem: Onggiwgiw ira no mangan ira tan ompayegpeg irad takot no oninom ira. Naandian na karga so dalin da, lapud maoges so kabibilay na balang sakey ed sikara.
20 Naderal iray siudad a napno la natan na saray totoo, tan nagawan kalawakan so bansa. Insan dad satan naamtaan a siak so Katawan.
21 Akisalitad siak so Katawan.
22 Inkuanto, Sika a toon ompatey, akin et ooliten na saray totood Israel ya ibaga yan probirbio: Ondadalan so panaon, et ag nasusumpal iray pasakbay?
23 Natan ibagam ed saray totoo so ibagak nipaakar ed saman, siak a Katawan a Dios. Pansamputen ko la man a probirbio. Ag la man naolit ya ibaga na saray Israelita. Ingen ibagam ed sikara: Sinmabi lay panaon, tan nasusumpal la ray pasakbay!
24 Diad saray totood Israel anggapo lan balut so tilan pasingayew odino managpalikdon propisiya.
25 Siak a Katawan misalita ak ed sikara, tan no antoy sinalitak sikatoy nasumpal. Anggapo lay nagawan abala. Diad legay pambilay yo, sikayon totoon mananumpa, sumpalen koy impasakbay kon nagawa. Siak so nansalita, kuay Katawan a Dios.
26 Inkuan na Katawan ed siak,
27 Sika a toon ompatey, dengel moy ibagak. Abaloan na saray Israelita a mabaybayag nin nasumpal iray pasingayew tan saray pasakbay mo.
28 Kanyan ibagam ed sikara so sayan ibabagak, siak a Katawan a Dios: Anggapo la so nagawan abala. No anto so imbagak, sikato so nasumpal. Siak a Katawan a Dios so nansalita!
1 "Say Katawan akisalitad siak.
2 "Inkuanto, Sika a toon ompatey, mampropisiya ka sumpad saray propita na Israel a gagawaen dan dili iray propisiya ra. Ibagam ed sikara ya ondengel irad saray salita na Katawan.
3 "Sikato ya so ibabaga na Katawan a Dios: Pakaskasiy kipapasen da ra yan makulang-kulang a propita! Say dili ran kalakal so oonuren da tan manggagawa ra labat na dilin pasingayew da.
4 "Totood Israel, saray propita yo et andi-kakanaan iran singa saray asod katakelan a manaayam irad saray deral-deral ed sakey a siudad.
5 "Ag da guaguardiaan iray pasen ya ageba ray padir, odino papasimbaloen ya ipaalagey iray padir, kanyan ag niagel so Israel no onsabiy bakal no agew na Katawan.
6 "Tila ray pasingayew tan saray pasakbay da. Ibabaga ra a saray salitak so ibabawag da, balet diad tuay tua ag ko ra imbaki. Balet iilaloan dan ontua ray salita ra.
7 "Ibabagak ed sikara: Tila ra tay anengneng yon pasingayew, tan aliwan tua ray ipapasakbay yo. Ibabaga yo a sikaray salitak, balet say katwaan to ag ak akisalitad sikayo!
8 "Kanyan say Katawan a Dios kuantod sikara, Tila ray salita yo, tan aliwan tua ray pasingayew yo. Sumpa ak ed sikayo.
9 "Ngalngali ta kayo la dusaen, sikayo ran propita a tila ray pasingayew yo tan managpalikdo ray pasakbay yo. Ag kayo nakaiba na saray totook no mantitipon iran manggaway disision; ag nibilang iray ngaran yo ed listaan da ray mibabaley ed Israel; ag kayon balut makapawil ed dalin yo. Diad satan naamtaan yo a siak so Katawan a Dios.
10 Papalikdoen na saray propita iray totook diad pangibabaga ran maung ya amin so pansumpalan. Balet petepeteg ya aliwan maung so pansumpalan! Aliwan malet a padir so impaalagey na saray totook, insan sinmabi ray propita tan tinapalan da na dena.
11 Ibagam ed saray propita a nageba so padir da. Mangipelag ak na maples ya oran. Ompelag met ed padir so oran a yilo, tan ombasig ed sikato so mabiskeg a dagem.
12 Nageba may padir, tan tepeten ed sikayo na balang sakey a too no antoy kana na samay intapal a dena.
13 Natan saya so kuan na Katawan a Dios: Diad pasnuk ko mangisiplug ak na mabiskeg a dagem, mangipelag ak na maples ya oran, tan say yilon oran a maneral ed samay padir.
14 Ginetmak ya igebad dalin imay padir a tinapalan na dena, mekmekan ko, tan paolyan kon ompaway iray baton pundasion to. Natumbaan kayo ya amin no nageba tan ompatey kayo. Diad satan naamtaan na balang sakey a siak so Katawan.
15 Samay padir tan saray nantatapal na dena et nalikna ray biskeg na pasnuk ko. Diad satan ibagak ed sika a naandi lay padir tan saramay nantapal na dena
16 salanti saray propita ya angipasiguro ed Jerusalem a maung ya amin so pansumpalan, anta andi! Say Katawan a Dios so nansalita.
17 Inkuan na Katawan, Sika a toon ompatey, nengneng mo natan iray bibii ed saray totoom a gagawaen dan dili iray propisiya ra. Mampropisiya ka sumpad sikara
18 tan ibagam ed sikara so sasalitaen kod sikara, siak a Katawan a Dios: Pakaskasiy kipapasen yo, sikayo ran bibii! Idadaitan yo ray totoo na abel ya ibariber dad ngalngalowan da tan ikakana rad panagsalamangka. Manggagawa kayo met na pandung da ray totoo tan ikakana ran pansalamangka, pian naoleyan da so bilay na saray arum a totoo. Pilalek yon naoleyan yo so bilay tan say patey na arum a totoo, pian makagamur kayo na bengatlan pankaabigan yo.
19 Papabaingan yo ak ed arap na saray totook, pian makala kayo labat na sankaakup a sibada tan pigaran tinapay. Papateyen yo ray totoon ag da kanepegay ompatey, tan pansiasiansiaen yon mabilay iray totoon ag da kanepegay mambilay. Kanyan titilaan yo ray totook, et manisia rad sikayo.
20 Natan sikato ya so ibabagay Katawan a Dios: Kabosul ko ra tay abel ya ibeberber yo ed ngalngalowan ya ikakana yon panooley yo ed bilay tan patey. Bingkasen ko ran ekalen ed saray taklay yo tan ibolus ko ray totoon ooleyan yo.
21 Bingkasen kon ekalen iray pandung yo tan paekalen kod pakayari yo ray totook. Naamtaan yod satan a siak so Katawan.
22 Diad panamegley na saray panagtila yo pabebetelen yoy linawa da ray maung a totoon ag ko labay a pasakitan. Sesebelan yo ray totoo ed pangibeneg dad saray kaogsan da tan pangilaban dad bilay da.
23 Kanyan natan nansamput la ray tilan pasingayew yo tan saray managpalikdon propisiya yo. Eekalen kod pakayari yo iray totook, pian naamtaan yo a siak so Katawan.
1 "Pigaran pangulo da ray Israelita so dinmagon angipanon ed siak na nipaakar ed linawa na Katawan.
2 "Insan say Katawan akisalitad siak.
3 "Sika a toon ompatey, kuanto, inter na sarayan totoo so puso ra ed saray talintaoy diriyos tan aabuloyan dan iwanwan irad kasalanan na saray talintao. Abaloan da sirin ya ebatan ko ra?
4 "Natan misalita kad sikara tan ibagam so ibabagak ed sikara, siak a Katawan a Dios: Balang Israelita ya inter toy puso tod saray talintaoy diriyos tan aabuloyan to ran iwanwan dad kasalanan, insan onlan mangipanon ed sakey a propita, makaawat na ebat a manlapud siakebat a kanepegan na saray amayamay a talintao to!
5 "Lapud saratan a talintao imbeneg ak na saray Israelita, balet ompawil komun so inkatoor dad siak diad panamegley na ebat ko.
6 "Natan sirin, ibagam ed saray Israelita so ibabagak, siak a Katawan a Dios: Magbabawi kayo tan taynan yo la ray makapaingungot a talintaoy diriyos.
7 "Kapag sakey ed saray Israelita odino sakey ed saray sangkailin manaayam ed panaayaman da ray Israelita et ibeneg to ak tan mangigalang ed saray talintaoy diriyos, insan onlan mangipanon ed sakey a propita, sikatoy ebatan ko, siak a Katawan!
8 "Sikatoy sumlangen ko. Gawaen kon panmadmaran na karaklan. Ekalen kod poluk da ray totook, pian naamtaan yo a siak so Katawan.
9 "No apalikdo so sakey a propita diad pangiter toy tilan ebat, siak a Katawan so amalikdod sikato. Sikatoy ekalen kon kabyangan na saray totood Israel.
10 Namparay dusan niiter ed propita tan say angipanon ed sikato.
11 Gawaen ko ya, pian ontonda a mangikaindan ed siak iray Israelita tan tondaan day pandotak dad sikaran dili lapud saray kasalanan da. Sikara so nepeg a totook, tan siak so nepeg a Dios da. Say Katawan a Dios so nansalita.
12 Akisalitad siak so Katawan,
13 Sika a toon ompatey, kuanto, no mankasalanan so sakey a bansa tan magmaliw ya aliwan matoor ed siak, dusaen ko tan deralen koy panlalapwan na tagano na saray totoo to. Mangipadalan ak na eras ed satan a bansa tan pateyen ko ray totoo tan saray ayayep to.
14 Anggaman a manaayam bilang irad man di Noe, Danel, tan Job, say kamaungan da ilaban to labat so bilay dan talo. Say Katawan a Dios so nansalita.
15 Nayarin mangibaki ak na saray ayayep ed katakelan a mamatey ed saray totoo, tan pagmaliwen dan maatap so dalin, kanyan anggapoy manakar-akar a too;
16 et anggan bilang manaayam diman ira may taloran lalakilegan a siak so mabilay a Katawan a Diosanggapoy duaruwa ya ag da niagel iray dilin anak da. Say bilay dan talo labat so nilaban da, tan magmaliw a kalawakan so bansa.
17 Nayarin mangipadalan ak na bakal ed saman a bansa tan mangibaki ak na saray armas a mamaandid saray totoo tan saray ayayep to;
18 et anggan bilang manaayam diman ira may taloran lalakilegan a siak so mabilay a Katawan a Diosanggapoy duaruwa ya ag da niagel iray anggan dilin anak da. Say bilay dan talo labat so nilaban da.
19 No mangipadalan ak na salot ed saman a bansa tan diad pasnuk ko mamatey ak na amayamay a totoo ta ayayep,
20 et manaayam irad man bilang di Noe, Danel, tan Joblegan a siak so mabilay a Katawan a Diosanggapoy duaruwa ya ag da niagel iray dilin anak da. Say bilay dan talo labat so nilaban na kamaungan da.
21 Sikato ya so ibabaga na Katawan a Dios: Mangipadalan ak na mapalalon dusa ed Jerusalembakal, eras, ayayep ed katakelan, tan salota maneral ed saray totoo tan saray ayayep.
22 No walay akapaliis ed patey tan nilaban to ray anak to, imanom ira no onla rad sika. Nengneng mo so ontan lan kaogsan da, pian ag ira manduaruwa a manepenepeg so pangiiter koy dusa ed Jerusalem;
23 naamtaan mod satan a walay maung a makasengeg na panggagawak ed antokaman. Say Katawan a Dios so nansalita.
1 "Say Katawan akisalitad siak.
2 "Sika a toon ompatey, kuanto, panon ya ipara so kaabigan ya iter na wakal na ubas ed sakey a kiew? Anto so kaabigan na sangay kiew ya ubas no ipara ed saray kiew ed katakelan?
3 "Nikana yo ta ed panggawa yo na antokaman so wakal na ubas? Makala kayod wakal na gawaen a pansabitan na bengatla?
4 "Anggapoy arum a kana to no ag ta ipool labat. No apoolan la ray nantopag a samput to tan nagmaliw lan oring so pegley to, nikana yo ni kasi ed panggawa na antokaman?
5 "Anggapoy kana to, anggan nen ag ni apoolan. Natan ta apoolan la tan nagmaliw lan oring, lalon anggapoy kana to.
6 "Natan saya so ibabaga na Katawan a Dios: No panon a say wakal et naalad takel tan napoolan, ontan met so pangalak ed saray totoon manaayam ed Jerusalem,
7 "insan ko ra dusaen. Apaliisan da lay sakey ya apoy, balet natan poolan ira na kumadwan apoy. No dusaen ko ra, naamtaan mo a siak so Katawan.
8 "Aliwa ran matoor ed siak, kanyan pagmaliwen ko a kalawakan so bansa ra. Say Katawan a Dios so nansalita.
1 "Say Katawan akisalitad siak lamet.
2 "Sika a toon ompatey, kuanto, ipaamtam ed Jerusalem iray makapaingungot a ginagawa to.
3 "Ibagam ed Jerusalem so ibabagad sikato na Katawan a Dios: Nianak ka ed dalin na Canaan. Sakey ya Amorreo so amam tan sakey a Heteo so inam.
4 "Nen nianak ka, anggapoy amoseg ed sika, odino angoras ed sika, odino angosagos ed sika na asin, odino amalkut ed sika na abel.
5 "Anggapoy anggan sakey ya angasi a nanggawad sika na anggan dinan ed saraya. Nen nianak ka, anggapoy angarod sika. Nibantak ka ed pegley na alog.
6 "Nen ondadalan ak anengneng kon pigar-pigar kad dilin dalam. Anggaman ya adala-dalaan so intiron laman mo, inyabuloy kon mambilay ka.
7 "Pinabaleg ta kan singa malambut a tananam. Binmaleg kan mabiskeg, atagey tan nagmaliw kan malangwer a marikit. Balibaliy impanpagew mo tan dinmokey so buek mo, balet lakseb-labus ka.
8 "Nen ondadalan ak lamet, anengneng kon sinmabi lay panaon na panibeg mo. Kinobutan ko na latup ko so laman mo tan insipan kon aroen ta ka. Akisipanan ak ed sikan asawaen ta ka, et sikay nagmaliw a kien ko. Sikato yay imbaga na Katawan a Dios.
9 "Insan angala ak na danum tan inorasan koy dala ed laman mo. Pinoyukan ko na larak so baog mo.
10 Sinolungan ta kay nambordan kawes tan initdan ta kay sapatos a balibaliy katat to; initdan ta ka met na linen a bandana tan sidan kolibemben.
11 Sinolungan ta ka na alahas, pulsiras, tan kuintas.
12 Initdan ta ka na singsing a para eleng tan saray ikaw, ontan met na marakep a koronan itoon ed olom.
13 Wala ray alahas mon balituk tan pilak, tan akakawes ka lawas na nambordan linen tan sida. Tinapay a ginawad sankaabigan ya arina so kakanen mo, tan mamangan ka met na dilo tan larak na oliba. Nidoma-domay gangganam, tan nagmaliw kan riyna.
14 Lapud ayadyarin gangganam, nibantug ka ed amin a bansa, tan nibantug ka lapud siak so amagangganan maung ed sika. Sikato ya so ibabaga na Katawan a Dios.
15 Balet impoonan moy dilin gangganam tan inkabantug mo diad impipiakdul mod balang sakey ya ondalan.
16 Inkakanam a pamarakep ed saray pasen a panangigalangan mo iray arum a kawes mo tan, singa sakey a marotak a bii, inter moy laman mo ed anggan siopa.
17 Inaalam iray pilak tan saray balituk ya alahas ya iniiter kod sika, inkanam irad impanggawam na lalakin imahin, insan ka akikaloguran ed sikara.
18 Inalam imay kawes mon namborda ya inter kod sika, insan mo insolung ed saray imahin, tan insaklang mod saramay imahin ira may larak na oliba tan insinson iniiter kod sika.
19 Initdan ta ka na kakanensay sankaabigan ya arina, larak na oliba, tan dilobalet imbabagat mon pangalam na maung a linawa da ray talintaoy diriyos. Sikato ya so ibabagay Katawan a Dios.
20 Insan mo ra inaalay anak mon lalaki tan bibii ya inaanak mo rad siak, insan mo ra imbabagat ed saray talintaoy diriyos. Ag ka ta ni apera ed pagmamaliw mon aliwan matoor ed siak,
21 kanyan inaalam iray anak ko tan imbabagat mo rad saray talintaoy diriyos?
22 Diad samay panaon a makapabaing so pambibilay mo a sakey a marotak a bii, ag mon balut anunotan so impanogaw monen lakseb-labus ka a pigar-pigar kad dilin dalam.
23 Inkuan na Katawan a Dios, Pakaskasi ka! Pangaskasiyay kipapasen mo, Jerusalem! Ginagawam la ra man ya amin a kaogsan, insan
24 diad gilig na amin a dalan nanggagawa ka na saray pasen a panangigalangan ed saray talintaoy diriyos tan piaakdulan mod saray arum a lalaki.
25 Insasagar mod pitek so gangganam. Inter moy sikan dili ed balang toon dinmalan, tan inagew-agew alabas ka ni nen say marotak a bii. Amimpiga-pigam yan ginagawa.
26 Akikiakdul ka met ed saray Egipsio, saray kaabay mon maarod liket na laman, tan lapud impanbibilay mon marotak impanpasnuk mo ak.
27 Natan, inayag koy ponitik a manusad sika tan ekalen koy apag mo ed bindision ko. Impalima ta ka ed saray Filisteo a mamobosul ed sika tan nanaingungotan irad mabanday a kagagawam.
28 Lapud ag ka ni apenek ed saray arum, inmasingger ka nin akikiakdul ed saray taga Asiria. Balet siansia nin ag ka apenek ed sikara.
29 Akikiakdul ka met ed saray taga Babilonia a nigosianti, balet siansian ag ka ni apenek ed sikara.
30 Sikato yay ibabaga na Katawan a Dios: Ginagawam ira yan amin, ta sakey kan anggapoy kababaingan a marotak a bii.
31 Diad amin a dalan nanggagawa ka na saray pasen a panangigalangan ed saray talintaoy diriyos tan piaakdulan mod saray arum a lalaki. Balet aliwan kuartay gagalam a singa biin marotak a nayarin egnaay karaklan.
32 Singa ka sakey a biin akikaloguran ed saray sangkailin lalaki, anta nepeg mo komun ya aroen so asawam.
33 Say marotak a bii babayaran da, balet sika ririgaloan mo ray kainarowan mo tan papasoksokan mo ra, pian ondago ran manlapud anggan iner a pasen a miakdul ed sika.
34 Nidoma-doma kan marotak a bii. Anggapoy amasoot ed sikan magmaliw a marotak a bii. Ag ka angawat na bayar; binabayaran mo ra ingen! Nidoma kan tua.
35 Natan sirin, Jerusalem, sikan marotak a bii! Dengel moy ibabaga na Katawan:
36 Nanlakseb ka tan, singa sakey a marotak a bii, inter moy sikan dili ed saray kainarowan mo tan diad saray amin a makapaingungot a talintaom, tan pinapatey mon imbabagat ed saray talintaoy diriyos iray anak mo.
37 Lapud saya, pantitiponen kon amin iray kainarowan mo nen samansaramay labalabay mo tan saramay kabosul mo. Paliktub ta ka ed sikara, insan ko ekaley kawes mo tan ipanengneng kod sikaray inkalakseb-labus mo.
38 Dusaen ta ka lapud pikakaloguran mo tan lapud panagpatey moy too, tan diad mapalalon pasnuk ko dusaen ta ka na patey.
39 Paoleyan ta kad sikara, tan temek-temeken da ray pasen ya akikiakdulan mod saray arum tan angigagalangan mod saray talintaoy diriyos. Alaen dad sika ray kawes mo tan saray alahas mo, insan da ka taynan a labus-lakseb.
40 Sogsogan day karaklan a manupak ed sika, tan bingbingkasen da ka ed panamegley na saray ispada ra.
41 Poolan da ray kaabungan mo tan ipanengneng dad saray amayamay a bibii so kadudusam. Patondaen ta kad pipiakdul mod saray arum a lalaki tan ag ta ka la pangiteren na rigalo ed saray kainarowan mo.
42 Diad satan onkepa lay pasnuk ko tan mandeen ak la. Ag ak la mampasnuk odino mangimon.
43 Alingwanan moy impangasikasok ed sika nen ogaw ka ni, tan impanpasnuk mo ak lapud saray amin a ginagawam. Lapud saya siningil ta kad sarayan amin. Akin et inyarum moy marotak ya impipiakdul mod arum ed saray ginagawam a makapaingungot a bengatla? Say Katawan a Dios so nansalita.
44 Inkuan na Katawan, Jerusalem, ikana na saray totoo ira yan probirbio a nipaakar ed sika: Say ina kapara toy anak ton bii.
45 Atawir mon talagay inam. Kinabosul toy asawa to tan saray anak to. Sika tan saray agagim a siudad et walay Heteon ina yo tan Amorreo ya ama yo.
46 Say pangulowan ya agim a bii et say Samaria diad baybay, a pati saray bario to. Say yogtan ya agim a bii et say Sodoma diad abalaten, a pati saray bario to.
47 Apenek ka la ed pangaalig mod kabibilay da tan diad saray makapaingungot a gagawaen da? Andi, agano ni maoges ka nen sikara ed amin a gagawaen mo.
48 Say Katawan a Dios kuanto, Andi-duaruwa a siak so mabilay a Dios; ontan met ya andi-duaruwa ya ag balut ginawa na agim a Sodoma tan saray bario to iray ginagawam tan saray bariom.
49 Say Sodoma tan saray anak ton bibii et mapasirayew ira lapud daakan so tagano ra nen saman tan nambibilay iran mareen, balet ag da inaasikaso iray mairap-bilay tan saray walad pankaukolan.
50 Onung na kabkabat mo, dineral ko ra lapud mapaatagey ira, anawet so olo ra tan ginagawa ray ag ko labay.
51 Ag akapalduad kasalanan mo so kasalanan na Samaria. Makapaingungot ni ray ginagawam nen say sikato. Singa anggapoy kasalanan da ray agagim no ipara so kaogsan mo ed kaogsan da.
52 Natan nepeg mon itepel so inkaplag mod kababaingan a bunga na kaogsan mo. Lapud mapalalo ray kasalanan mo nen saray agagim, ompapaway a singa anggapoy kasalanan da ra yan agagim a kaampar mo. Natan baing ka tan itepel moy kababaingan mo, lapud ipaparontal mon singa anggapoy kasalanan da ray agagim.
53 Say Katawan kuantod Jerusalem, Paaligwasen ko lamet so Sodoma tan saray bario to, say Samaria tan saray bario to. On, paaligwasen ta ka met.
54 Ombaing ka tan say kababaingan mo et mangipanengneng a maung niy kipapasen da nen say sika.
55 Onaligwas ira lamet; ontan met, onaligwas ka lamet tan saray bariom.
56 Ag mo ta nilelemlemew so Sodoma nen panaon na panagpaatagey mo,
57 tan kasakbayan na inkiparontal na kaogsan mo? Natan nagmaliw kan singa sikatosikay lelemlemewen na saray Edomita, saray Filisteo, tan saray arum a kakaabay mon mamobusol ed sika.
58 Nepeg moy manirap lapud saray mabambanday tan makapabaing a ginagawam. Say Katawan so nansalita.
59 Say Katawan a Dios kuanto, Gawaen kod sika so kapetekan na saray ginagawam, ta ag mo sinumpal iray sipan mo tan dineral moy sipanan.
60 Balet ag ko lingwanan imay impisipanan kod sika nen ogaw ka ni, tan migawaan ak ed sika na sipanan a magnayon.
61 Nanunotan mo ray ginagawam, tan ombaing ka no napapawil mod sika so pangulowan tan yogtan ya agim a bibii. Pagmaliwen ko ran singa anak mon bibii, anggaman ya aliwan kabyangan ya na impansipanan ta.
62 Pasimbaloen koy impisipanan kod sika, et naamtaan mo a siak so Katawan.
63 Pirdonaen kon amin iray gawam a maoges, balet nanunotan mo ra tan diad mapalalon kababaingan mo ag mo nabiswat so sangim. Say Katawan a Dios ta so nansalita.
1 "Say Katawan akisalitad siak,
2 "Sika a toon ompatey, kuanto, salitam ed saray Israelita so sayan alimbawa
3 "diad pangipaamtam ed sikara na ibabagak ed sikara, siak a Katawan a Dios: Walay sakey a balbaleg ya agila ya akabuskag so balibali tan balbaleg iran payak to. Tinmikyab ed Kapalandeyan na Libano tan inala ton pinoter so toktok na kiew a sidro.
4 "Inawit tod dalin da ray nigosianti tan inlira to ed siudad na saray managlako.
5 "Insan angalay sakey a malangwer a sengeg na ubas ed dalin na Israel tan intanem to ed mataban alog a kawalaan na dakel a danum a mamatubod sikato.
6 "Tinmubo may tanaman tan nagmaliw ya abeba tan malambut a sengeg na ubas. Tinmagey ya amaarap ed samay agila iray sanga to, tan nampaaralem iray lamut to. Akobutan na sanga-sanga tan bolubolung iray wakal to.
7 "Walay sakey nin balbaleg ya agila tan balbaleg met iray payak ton mabago-bago. Natan impaarap na samay sengeg na ubas ed sikato iray lamut to tan saray bolung to, ta ag la pigan dakel niy niiter ed sikaton danum na samay agila nen say samay danum a walad akaitaneman to.
8 "Balet samay sengeg na ubas nitanem la ed mataba tan mabasan alog pian onlambut tan mambunga, et diad ontan magmaliw a nidoma-doman sengeg na ubas.
9 "Kanyan siak a Katawan a Dios tetepeten ko: Mambilay tan ombaleg kasi yan sengeg na ubas? Ag kasi lamuten na samay ononan agila tan pagpagen to ray bunga to, tan lopak-lopaken to ray sanga to tan paolyan to ran nalenes? Ag la nakaukolan so mapalalon biskeg o makapanyarin bansa a mamagut ed sikato.
10 On, nitanem, balet mambilay tan ombaleg kasi? Ag kasi nalenes no basigan na mabiskeg a dagem a manlapud bokig? Ag kasi nalenes lad man ed akaitaneman to?
11 Say Katawan inkuantod siak,
12 Tepet mod sarayan mananumpan totoo no kasin amta ra so kabaliksan na samay alimbawa. Ibagam ed sikara a say ari na Babilonia et linmad Jerusalem tan inawit tod Babilonia so ari tan saray opisyal to.
13 Inala toy sakey a kabyangan na pamilya na ari, akipakna ed sikato, tan impansamba ton matoor ya ontoluk. Inawit to ray manonan totoo
14 pian sikaray makasengeg na ag ilaban lamet na bansa tan, diad ontan, anggapoy panduaruwa ton nasumpal imay paknaan.
15 Balet say ari na Juda linmaban tan angibakid Egipto na saray totoo to, ta miala ray kabayo tan saray amayamay a sondalo. Manalo kasi? Diad panggawa tod satan, makabatik kasi? Ag kasi nadusa no sumlangen to may paknaan?
16 Say Katawan a Dios kuanto, Andi-duaruwa a siak so mabilay a Dios; ontan met ya andi-duaruwan ompatey ed Babilonia yan ari, lapud sinumlang toy samba to tan say impipakna to ed ari na Babilonia ya angipayorung ed sikatod trono.
17 Anggan saray makapanyarin sondalo na ari na Egipto et ag da nayarian a tulongan ya onlaban no saray taga Babilonia et manggawa ray bunton na dalin tan saray tirinsira, pian napatey da ray amayamay a totoo.
18 Sinumlang toy sinambaan to tan say impipaknaan to. Ginawa to ra yan amin, kanyan natan ag makabatik.
19 Say Katawan a Dios kuanto, Andi-duaruwa a siak so mabilay a Dios; ontan met ya andi-duaruwan dusaen ko so arid Juda, lapud sinumlang to so paknaan a sinambaan tod ngaran ko ya onuren.
20 Isabokul koy iket na umaanup ta erelen ko. Iyakar ko ed Babilonia tan dusaen kod man, lapud aliwan matoor ed siak.
21 Napatey ed bakal iray sankadonungan a sondalo to tan saray makapaliis ed patey et nikaykayat irad nandoroman pasen. Diad satan nakabatan yo a siak a Katawan so nansalita.
22 Sikato ya so ibabaga na Katawan a Dios: Alaen koy toktok na atagey a kiew a sidro tan mamoter ak na sibwal ton sanga; itanem ko ed atagey a palandey,
23 diad sankatageyan a palandey na Israel. Mansanga may tanaman tan mambunga, et magmaliw a nidoma-doman kiew a sidro. Manayam irad may amin a klasiy manok tan onsirum ira ed silong to.
24 Amin a kiew ed dalin naamtaan da a siak so Katawan. Babatangen ko ray atagey a kakiewan, tan pababalegen ko ray melag kiew. Lelenesen ko ray malambut a kiew tan palalambuten ko ray amagan kiew. Siak a Katawan so nansalita. Gawaen ko so sinalitak.
1 "Say Katawan akisalitad siak
2 "tan inkuanto, Anto ta yay probirbio ya olit-oliten ya ibaga na saray totoo ed dalin na Israel? Kakanen na saray atateng so ubas ya anapseng, Balet saray anak so nakikilem.
3 "Legan a siak so mabilay a Dios, kuay Katawan a Dios, ag yo la oliten yan probirbio ed Israel.
4 "Kayaryan ko so bilay na amin a too, say bilay da ray atateng tan say bilay da ray anak. Say toon mankasalanan sikato so ompatey.
5 "Bilbilang a walan tuay matonung, maung, tan maptek a sakey a too.
6 "Sayan too et ag mangigagalang ed saray talintaoy diriyos na saray Israelita odino mamangan na saray imbagat ed saray aliwan manepeg ya altar. Ag to pandadaleman na aro sa asawa na kapara ton too odino miaakdul ed biin peles a naliliberan.
7 "Ag to sasaolen odino tatakewan so siopaman. Ipapawil to so impotika na akautang ed sikato; iitdan to na nakan iray narasan tan kawes iray anggapoy nipales.
8 "Ag to ipapaabang so kuarta to. Ag to labay so manggawa na antokaman a kaogsan tan diad antokaman a kolkolan say katonungan so ipapasumpal to.
9 "Oonuren to ray ganggan ko tan aapigeren ton sumpalen iray bangat ko. Sayan too so tuan matonung, et sikatoy mambilay, kuay Katawan a Dios.
10 Insan bilbilang sayan too et walay lakin anak to a matakew tan managpatey na too, tan gagawaen to so anggan dinan ed saraya
11 ya ag balut ginawa na ama to. Mamangakan na saray imbagat ed saray aliwan manepeg ya altar tan pandadaleman to na aro so asawa na kapara ton lalaki.
12 Sasaolen to ray mairap-bilay, mantatakew, ag to ipapawil so ipopotika na saray akautang ed sikato. Oonlad kawalaan da ray paganon altar, tan igagalang to ray makapaingungot a talintaoy diriyos,
13 tan ipapaabang toy kuarta to. Mambilay kasi? Andi, ag mambilay. Ompatey, lapud ginagawa to ray makapaingungot a bengatla. Sikaton dili so natetel ed ipatey to.
14 Natan, bilbilang sayan too et walay lakin anak to. Nanenengneng toy amin a kasalanan a gagawaen na ama to, balet et ag to ra aaligen.
15 Ag to gagalangen iray talintaoy diriyos na saray Israelita tan ag mamangan na saray imbagat ed aliwan manepeg ya altar. Ag to pandadaleman na aro so asawa na kapara ton laki
16 odino papairapen iray arum a totoo odino tatakewan so siopaman. Ipapawil toy impotika na akautang ed sikato. Iitdan toy nakan iray narasan tan kawes iray anggapoy nipales.
17 Ag to labay so manggawa na antokaman a kaogsan tan ag to ipapaabang so kuarta to. Oonuren to ray ganggan ko tan susumpalen to ray bilin ko. Ag ompatey lapud saray kasalanan nen ama to, no ag ingen sikatoy mambilay.
18 Balet si ama to, et nansasaol tan nantatakew tan nanggagaway kaogsan ed balang sakey a too. Kanyan inatey lapud saray dilin kasalanan to.
19 Balet tetepeten yo, Akin et ag nadudusa so anak, lapud kasalanan na ama to? Say ebat et lapud nanggawa na kaptekan tan kamaungan so anak. Inonur to ray ganggan ko tan inapiapiger to ran sinumpal, kanyan andi-saew a mambilay.
20 Say nankasalanan sikato so ompatey. Say anak et ag nadusa lapud saray kasalanan na ama to, odino say ama lapud saray kasalanan nen anak to. Natumangan so toon matonung lapud saray kamaungan a gagawaen to, tan nadusa so toon maoges lapud saray kaogsan a gagawaen to.
21 No say toon maoges et ontondan mankasalanan tan onuren to ray ganggan ko, no gawaen toy kaptekan tan say kamaungan, sikatoy ag ompatey; andi-duaruwan mambilay.
22 Napirdona ray amin a kasalanan to, tan sikatoy mambilay, lapud matonung iray ginagawa to.
23 Abaloan yo a maliket ak a makanengneng ed maoges a too ya ompatey? tepet na Katawan a Dios. Andi, labay ko nin sikatoy nanengneng kon magbabawi tan mambilay.
24 Balet no say toon matonung et ontondan manggaway kamaungan tan onggapo lan manggaway kaogsan, a salanti saray makapaingungot a gagawaen na saray totoon maoges, mansiansia kasin mambilay? Andi! Ag la nanunotan iray antokaman a ginawa ton kamaungan. Ompatey lapud aliwan matoor tan lapud saray kasalanan to.
25 Balet kuanyo, Aliwan matonung so gagawaen na Katawan a Dios! Dengel yo ak, sikayo ran Israelita. Abaloan yo aliwan maptek so gagawaen ko? Saray gagawaen yo ingen so aliwan maptek.
26 No say toon matonung et ontondan manggaway kamaungan tan onggapon manggaway kaogsan insan ompatey, saray ginagawa ton kaogsan so makasengeg na impatey to.
27 No ontondan mankasalanan so toon maoges tan manggawa lay kaptekan tan kamaungan, nilaban to so bilay to.
28 Nabibirbir to so gagawaen to tan ontotondan mankasalanan, kanyan andi-duaruwan ag ompatey, no ag ingen mansiansian mambilay.
29 Ingen sikayo ran Israelita kuanyo, Aliwan maptek so gagawaen na Katawan a Dios! Abaloan yo, aliwan maptek so gagawaen ko? Saray gagawaen yo ingen so aliwan maptek.
30 Siak, a Katawan a Dios, ibabagak ed sikayo ya Israelita a sintinsiaan koy balang sakey ed sikayo onung na ginawa to. Magbabawi kayo lad saray maoges a gagawaen yo tan ag yo aabuloyan a deralen kayo na kasalanan yo.
31 Tondaan yo la ray kaogsan a gagawaen yo, tan iyalaan yo lay sikayon dili na balon isip tan puso. Akin et labay yoy ompatey, sikayo ran Israelita?
32 Ag ko labay ya ompatey so siopaman, Kuay Katawan a Dios. Ikaindan yo la ray kasalanan yo et mansiansia kayon mambilay.
1 "Imbagad siak na Dios a kantaen ko yan maermen a kanta a para saray duaran prinsipi na Israel:
2 "Talagan singa lion so ina yo! Pinabaleg to ray anak tod kawalaan da ray masebeg a lalakin lion.
3 "Pinabaleg toy sakey ya anak to, tan binangatan ton mananup; nagmaliw yan anak to a managsiray too.
4 "Nadngelan na saray bansa so nipaakar ed sikato tan pinatitan da ed sakey ya abut. Tinagaan da insan da ingayugoy ed Egipto.
5 "Nanalagar imay ina ya anggad naandian la na ilalo. Insan pinabaleg to lamet so sakey ya anak to, et binmaleg yan anak to a sakey a masebeg a lion.
6 "Nen nagmaliw lan baleg a lion, nanaakar-akar a kaiba toy arum a lion. Naaralan to met so mananup tan nagmaliw a managsiray too.
7 "Nililingkay to ray tirinsira, dinederal to ray baley. Kapag mangwam natatakot la ray katoowan ed dalin.
8 "Nantitipon iray bansa a mibakal ed sikato; nanlalapud inerman a pasen iray totoo. Imbuskag da ray iket da tan inerel da ed patit da.
9 "Inkarga ra ed sakey a kolungan tan inyakar da ed ari na Babilonia. Impokuk da insan da impabantayan, pian ag lan balut narengel ed kapokdulan na Israel so pangwam to.
10 Say ina yo et singa sakey a sengeg na ubas a nitanem ed abay na kolus. Lapud daakan so danum malamlambut so bolung to, amayamay so bunga to.
11 Nagmaliw a mabisbiskeg iray sanga to, tan binmaleg iran sitro na ari. Binmalbaleg tan saray sanga to toktokdulen da ray lorem; anengneng na balang sakey so ontan lan kaatagey tan kinalambut to.
12 Balet diad gaway pasnuk na totoo nilamut dan binagut tan imbantak da ed dalin. Say dagem a nanlapud bokig et pinamaga toy bunga to. Apoter-poter iray sanga to; impamaga ra tan apoolan ira.
13 Nitanem la natan ed kalawakan, diad amaga tan anggapoy danum a dalin.
14 Apoolan so sengeg to; apoolan met iray sanga tan say bunga to. Ag lan balut ombiskeg iray sanga to, ag la ra magmaliw a sitro na ari. Sikato yay sakey a maermen a kanta; amimpiga-piga la yan akankanta.
1 "Nen kumaplon agew na kumaliman bulan na kumapiton taon na inkibantak mi, wala ray pigaran pangulo na saray Israelita a dinmagon mangipanon ed siak na nipaakar ed linawa na Katawan. Inmirung ira ed arap ko.
2 "Insan akisalitad siak so Katawan.
3 "Inkuanto, Sika a toon ompatey, misalita kad sarayan totoo tan ibagam ed sikara so ibabagak, siak a Katawan a Dios: Linma kayo dian manepet no anto so linawak, anto? Legan a siak so mabilay a Dios, andi-duaruwan ag ta kayo abuloyan a manepet ed siak na antokaman. Siak a Katawan a Dios so nansalita.
4 "Sika a toon ompatey, akaparaan ka la a manintinsia ed sikara? Sintinsiaan mo la ra sirin. Ipanunot mod sikaray makapaingungot a ginagawa na saray lalaki ra.
5 "Salitam ed sikara so ibabagak. Nen pinilik so Israel, walay insipan kod sikara. Impaamtak so siak a dili ed sikara diad Egipto tan inkuankod sikara: Siak so Katawan a Dios yo.
6 "Diad saman ya agew insipan kod sikara ya ipaway ko rad Egipto tan iyakar ko ra ed dalin a pinilik a para sikara, dalin a mayaman, mataba, tan sankaabigan ed amin a dalin.
7 "Imbagak ed sikaran ibantak da ray makapaingungot a talintaon inararo ra, tan ag da dodotakan so sikaran dili diad pidios dad saray tila-tilan diriyos na Egipto, lapud siak so Katawan a Dios da.
8 "Balet sinumlang da ak tan ag da labay so ondengel. Ag da imbantak iray makapaingungot a talintao ra odino impolisay iray diriyos na Egipto. Akaparaan ak lad saman a mangidapod sikara na sulit na pasnuk ko dimad Egipto.
9 "Balet ag ko ginawa, bangta makapangyepas iman na kagalangan na ngaran ko, ta diad imatun na saray totoon pipiayaman da nen saman, imbawag kod Israel ya ipaway ko ra ed Egipto.
10 Kanyan impaway ko ra ed Egipto tan inyakar ko ra ed kalawakan.
11 Inter tan imbangat kod sikara iray ganggan ko a mangiter na bilay ed saray mangoonur.
12 Ginawak a say panngilin ed Agew na Panagpainawa et tanda na paknaan mi, pian mangipanunot ed sikara a siak a Katawan so mamapasanto ed sikara.
13 Balet anggan diman ed kalawakan sinumlang da ak. Sinumlang da ray bilin ko tan impolisay da ray ganggan a mangiter na bilay ed saray mangonur. Sigput ya ag da nginilinan so Agew na Panagpainawa. Akaparaan ak lad saman a mangidapod sikarad man ed kalawakan na pasnuk ko tan maneral ed sikara.
14 Balet ag ko ginawa, bangta makapangyepas iman na kagalangan na ngaran ko diad saray bansa ya akanengneng ed siak ya angipaway ed Israel dimad Egipto.
15 Kanyan sinambaan ko ya ag ko ra iyakar ed inter kod sikaran dalin a mayaman, mataba tan sankaabigan ed amin a dalin.
16 Insambak iman a gawaen ta sinumlang da ray bilin ko, impolisay da ray ganggan ko, tan ag da nginilinan so Agew na Panagpainawanilabay da ni so angigalang ed saray talintaoy diriyos da.
17 Balet kinasian ko ra. Ag ko ra pinapatey diman ed kalawakan.
18 Ingen, pinasakbayan kod man iray tobun-balo. Ag yo oonuren iray ganggan a ginagawa na saray lalaki yo; ag yo aaligen iray ogali ra odino dodotakan so sikayon dili diad pidios yod saray talintaoy diriyos da.
19 Siak so Katawan a Dios yo. Onur yo ray ganggan ko tan saray bilin ko.
20 Pagmaliw yon masanto so Agew na Panagpainawa, pian magmaliw a tanda na sipanan tayo, tan mangipanunot ed sikayo a siak so Katawan a Dios yo.
21 Balet sinumlang ak met na saman a kailalakan. Sinumpa da ray bilin ko tan ag da inonur iray ganggan ko a mangiter na bilay ed saray mangonur. Ag da nginilinan so Agew na Panagpainawa. Akaparaan ak lad saman a mangidapod sikarad man ed kalawakan na pasnuk ko tan maneral ed sikara.
22 Balet ag ko ginawa, bangta makapangyepas iman na kagalangan na ngaran ko diad saray bansa ya akanengneng ed siak ya angipaway ed Israel dimad Egipto.
23 Kanyan walay sananey a sinambaan kod man ed kalawakan. Sinambaan kon ikayat ira ed nandoroman bansa ed intiron mundo.
24 Ginawak iman ta impolisay da ray bilin ko, sinumlang da ray ganggan ko, ag da nginilinan so Agew na Panagpainawa, tan angigalang irad saray talintaoy diriyos a nanlilingkuran na saray lalaki ra.
25 Insan ko ra initdan na makapoy a bilin tan saray ganggan ya ag makapangiter na bilay.
26 Inabuloyan ko ran nadotakan day sikaran dili diad panamegley na saray bagat da, tan inabuloyan ko ran mangibagat na saray pangulowan ya anak dan lalaki. Ginawak ya a panusad sikara tan diad ontan et naamtaan da a siak so Katawan.
27 Natan sirin, sika a toon ompatey, salitam ed saray Israelita so ibabagak ed sikara, siak a Katawan a Dios. Wala niy sakey a ginawa da ray lalaki ra ya impamabaing ed siak diad panamegley na impantraidor dad siak.
28 Inyakar ko rad dalin ya insipan kon iter ed sikara. Nen anengneng da ray atagey a pokdul tan saray masalumpapak a kiew, nambabagatan da ran amin. Impanpasnuk da ak diad panamegley na saray bagat a pinopoolan da tan diad saray alak ya inyaakar dan bagat.
29 Tinepet kod sikara: Anto ra tay atagey a pasen a lalaen yo? Lapud saya, atawag ira yan pasen ya Atagey iran Pasen nanlapud saman a panaon.
30 Natan, ibagam ed saray Israelita so ibabagak: Akin et gagawaen yo ray kasalanan a ginagawa da ray lalaki yo tan labalabay yon panlingkuran iray talintaoy diriyos da.
31 Anggad natan ibabagat yo ray namparan rigalo tan dodotakan yoy sikayon dili diad panamegley na pampopool yod saray anak yo, ya ibabagat yo rad saray talintaoy diriyos yo. Insan sikayo ran Israelita et ondadago kayod siak a manepet no antoy linawak! Legan a siak so mabilay a Katawan a Dios, ag ta kayo abuloyan a manepet ed siak na antokaman.
32 Ginetma yo lan magmaliw kayon singa saray arum a bansa, singa saray totoon mambibilay ed arum a bansa tan mangigagalang irad saray kiew tan saray baton-dampay. Balet ag balut itan nasumpal a kanunotan yo.
33 Legan a siak so mabilay a Katawan a Dios, papasakbayan ta kayo a diad gaway pasnuk ko, oleyan ta kayod biskeg na taklay ko diad intiron pakayarik.
34 Ipanengneng kod sikayoy pakayarik tan say pasnuk ko no tiponen ta kayon amin manlapud saray bansan nikayatan yo.
35 Iyakar ta kayod Kalawakan da ray Bansa, tan dimay panintinsiaan kod sikayo ed lupa-lupaan.
36 Dusaen ta kayo natan a singa samay impanusak ed saray lalaki yo diad Kalawakan na Sinai, kuay Katawan a Dios.
37 Pegetan koy panoley kod sikayo tan patoluken ta kayod impisipanan ko.
38 Ekalen kod sikayo ray mananumpa tan makasalanan. Ekalen ko rad saray dalin a panaayaman da natan, balet ag ko ra abuloyan ya ompawil ed dalin na Israel. Naamtaan yod satan a siak so Katawan.
39 Say Katawan a Dios kuanto, Sikayo ran amin ya Israelita, no ag yo ak dengelen, ituloy yo labat lad tay panlilingkur yod saray talintaoy diriyos yo! Balet papasakbayan ta kayo a kayari to ya, nepeg yo ak ya onuren tan ag yo la pabaingan so masanton ngaran ko diad pambabagat yo na saray rigalo ed saray talintaoy diriyos yo.
40 Sikayo ran amin a totood Israel, igalang yo ak ditan ed dalin, diad toktok na masanton palandey ko, say atagey a palandey na Israel. Manliket ak ed sikayo tan ilaloan kon iyakaran yo ak na saray saklang yo, saray sankaabigan a bagat yo tan saray masanton rigalo yo.
41 Kayari ta kayon nipaway ed saray bansan nikaykayatan yo tan no atipon ta kayo la, maliket kon awaten iray bagat a popoolan yo, et nanengneng ed satan na saray bansa a masanto ak.
42 Naamtaan yo a siak so Katawan no ipawil ta kayod Israel, say dalin ya insipan kon iter ed saray lalaki yo.
43 Diad satan nanunotan yo ray amin a makapabaing a ginagawa yo tan no panoy impandodotak yod sikayon dili. Bosulen yoy sikayon dili lapud saray maoges a ginagawa yo.
44 No iyagel koy kagalangan ko, naamtaan yo, sikayo ran Israelita, a siak so Katawan, lapud ag ko gagawaen ed sikayo so kanepegan na maoges a gagawaen yo. Say Katawan a Dios so nansalita.
45 Say Katawan akisalitad siak.
46 Inkuanto, Sika a toon ompatey, nengneng kad abalaten. Mansalita ka sumpad abalaten tan mampropisiya ka sumpad takel ed abalaten.
47 Ibagam ed takel ed abalaten so ibabagak, siak a Katawan a Dios: Nengneng yo! Mangigapo ak na pool, et poolan toy amin a kiew a walad sikayo, mabilay may inatey. Anggapoy makasebseb ed sayan pool. Onkayamkam manlapud baybay ya anggad abalaten, tan nalikna na balang sakey a too so petang na pool.
48 Nanengneng da a siak a Katawan so angigapo na pool tan anggapoy toon makaerep.
49 Balet inkuanko, Katawan a Dios, ag mo pa ya pagagawa ed siak! Manririklamo lay balang sakey, lapud pansasalitak ed panamegley na saray alimbawa.
1 "Say Katawan akisalitad siak.
2 "Sika a toon ompatey, kuanto, Mansalita ka sumpad Jerusalem. Mansalita ka sumpad saray pasen a panangigalangan na saray totoo. Pasakbayan mo so dalin na Israel
3 "a siak a Katawan kuanko: Siak so kalaban yo. Oyusen koy ispadak tan pateyen ta kayon amin, matonung may maoges.
4 "Ikanak so ispadak sumpad balang sakey a too manlapud baybay ya anggad abalaten.
5 "Naamtaan na balang sakey a siak a Katawan, inoyus koy ispadak tan ag ko ipawil ed kaluban to.
6 "Sika a toon ompatey, mandageyem kan singa ombetag so pagew mod ermen. Dia kad pasen a bambantayan ka na amin a totoo no mandadageyem kad ermen.
7 "No tepeten dad sika no akin et mandadageyem ka, ibagam ed sikara a lapud onsasabin balita. No onsabi tan a balita, napano na takot so kapusoan da, nalaylay so kalimaan da, naekalan iray biskeg na linawa, tan ompayegpeg iray pueg da. Sinmabi lay panaon; wadya la. Say Katawan a Dios so nansalita.
8 "Say Katawan kuantod siak,
9 "Sika a toon ompatey, mampropisiya ka. Ibagam ed saray totoo so kuanko, siak a Katawan: Sakey ya ispada, sakey ya ispada so niyobul tan apasileng.
10 Niyobul a mamatey, apasileng ya onkidyam a singa kirmat. Anggapoy nagawan panliliket, lapud ag inasasikaso na saray totoo so pasakbay tan say dusa.
11 Apasileng so ispada, pian niparaan ya ikana. Niyobul tan apasileng, pian niderew ed saray lima na pumapatey.
12 Managlem kad ermen, sika a toon ompatey; sayan ispada et ikanan pampatey ed saray totoo tan diad amin da ray pangulo na Israel. Napatey ira a kaiba na saray arum a totook. Tapuk-tapuk moy pagew mo lapud ermen.
13 Susuboken ko ray totook, et no ag ira magbabawi, nagawa yan amin ed sikara.
14 Sikan too a ompatey, mampropisiya ka natan. Mantipak ka, et ondoyuk lan ondoyuk so ispada. Say ispada so mamatey, ispada a manaktakot tan mamatey na amayamay a totoo.
15 Patalawen to ray totook tan tumbaen to ra. Say ispadan mankidyam a singa kirmat tan akaparaan a mamatey so pamapatakot kod siudad da.
16 Waswas kad kawanan tan diad kawigi, sikan matdem ya ispada! Mantipas ka iner may naarap mo.
17 Pantipaken ko met iray limak, et onkepa lay pasnuk ko. Siak a Katawan so nansalita.
18 Say Katawan akisalitad siak.
19 Inkuanto, Sika a toon ompatey, markaan mo so duaran dalan a nayarin laen na ari na Babilonia ya akaispada. Sarayan duaran dalan et onggapo ra ed saksakey a bansa. Mangipaalagey ka na saray tandan pangibiigan diad nansangaan na dalan.
20 Say sakey a tanda ipanengneng tod ari so dalan a mamaarap ed Raba a siudad da ray Ammonita, tan say sakey ipanengneng toy dalan a mamaarap ed Juda, diad Jerusalem, say siudad ya aliber na padir.
21 Manaalagey so ari na Babilonia diad abay na samay tanda ed nansangaan na dalan. Diad pangamta to no dinay dalanen to, ibuyandak to ray pana to, ipapanon tod saray talintaoy diriyos to; sosokayan toy altey na nibagat ya ayep.
22 Bebembenan natan na kawanan a lima to so pana a nanmarka na Jerusalem! Ibabaga na saman a dimay laen to, mangiparaan na saray panmasod saray puirta, oneyag na para bakal, ilira to ray bunton, tan mankotkot na saray tirinsira.
23 Ag ya sisiaen na saray totood Jerusalem, lapud saray paknaan a ginawa ra. Balet sayan pasakbay et mangipanunot ed sikara na saray kasalanan da tan pasakbayan to ran nadakep ira.
24 Sikato ya sirin so ibabagak, siak a Katawan a Dios: Niparontal iray kasalanan yo. Amta na balang sakey a nankasalanan kayo. Ipapanengneng yo ray kasalanan yo diad panamegley na amin a gagawaen yo. Asintinsiaan kayo lan nadusa, tan iyawat ta kayod saray kalaban yo.
25 Sikan maoges tan nisamba a manoley na Israel, onsasabi lay agew na kaonuran a pakadusam.
26 Siak a Katawan a Dios so nansalita. Ekal moy koronam tan say turban mo. Naoman ya amiy bengatla. Itagey mod pakayari iray mairap-bilay! Iyabebam ed kipapasen iray manoley!
27 Deral! Deral! On, pagmaliwen kon deral-deral so intiron siudad. Balet ag ya nagawa anggad isabi na samay pinilik a manusad siudad. Sikato so pangiteran ko na siudad.
28 Sika a toon ompatey, mampropisiya ka. Ibawag mo so ibabagak, siak a Katawan a Dios, ed saray Ammonita a mamapabaing ed Israel. Ibagam ed sikara: Akaparaan lan maneral so sakey ya ispada; Apasileng a mamatey, onkidyam a singa kirmat.
29 Tila ray nanenengneng yon pasingayew, tan aliwan tua iray ipapasakbay yon nagawa. Maoges kayon totoo. Onsasabi lay agew na pakadusa yon siansia. Ondapo lan ontoruk ed pagew yo so ispada.
30 Ikaluban yo so ispada! Sintinsiaan ta kayo ed pasen ya amalsaan ed sikayo.
31 Nalikna yo so sulit na pasnuk ko no singa apoy ya idapok ed sikayo. Insan ipalima ta kayod saray maruksan totoo a marunong iran manderal.
32 Naderal kayo ed apoy. Onterter ed dilim a bansa so dalam, tan anggapo lan balut so makanunot ed sika. Say Katawan so nansalita.
1 "Say Katawan akisalitad siak.
2 "Inkuanto, Sika a toon ompatey, akaparaan ka lan manintinsia ed siudad a napno na saray managpatey na totoo? Ipalinew mon ibawag ed sikato iray makapaingungot a ginagawa to.
3 "Ibagam ed siudad so ibabagak, siak a Katawan a Dios: Lapud pinapatey mo ray amayamay a totoom tan dinotakan moy sikan dili diad impangigagalang mod saray talintaoy diriyos, onsasabi lay panaon mo.
4 "Nankasalanan kad saraman ya impanpapatey mo tan adotakan ka lapud saraman a talintaon ginagawam, kanyan onsasabi lay agew mo, sinmabi lay panaon mo! Lapud saya inabuloyan kon ludlureyen tan balbalawen ka na amin a bansa.
5 "Saray bansan walad arawi tan saray walad asingger et babalawen da ka lapud kaogsan mo.
6 "Amin da ray pangulo na Israel et manmamatalek irad dilin biskeg da tan mampapatey iray totoo.
7 "Anggapoy toon walad siudad a mangigagalang ed saray ateng to. Sasaolen mo ray sangkaili tan papairapen mo ray balo tan saray olila.
8 "Ag mo gagalangen iray masanton pasen, tan ag mo ngingilinan so Agew na Panagpainawa.
9 "Wala ray totoom a mantitila nipaakar ed saray arum a totoo, pian napapatey da ra. Saray arum mamangan iray imbagat ed saray talintaoy diriyos. Wala ray mamepenek na kaliktan na laman da.
10 Wala ray miaakdul ed kaasawaan na ama ra. Saray arum papasooten dan piakdulan iray bibiin naliliberan.
11 Wala ray mikakaloguran, tan saray arum papalikdoen dan piakdulan iray manugang da odino saray agi rad ama o ina.
12 Wala ray totoom a miuupan mamatey na arum a totoo. Saray arum mapalaloy panagpaabang day kuarta ed saray kapara ran Israelita tan onyayaman irad panaganamut day pankanawnawa ra. Alingwanan da ak. Say Katawan a Dios so nansalita.
13 Natan, dusaen ta ka lapud panagtakew mo tan say panagpatey mo na saray totoo.
14 Abaloan mo wala niy nakdaan a biskeg na linawam odino wala niy biskeg mon mangitagey na limam no dusaen ta ka? Siak a Katawan so nansalita, tan totooren koy imbagak.
15 Ikayat kod nandoroman bansa iray totoom tan patondaen ko ray maoges a gawgawam.
16 Diad satan pabaingan ka na saray arum a bansa, balet naamtaan mo a siak so Katawan.
17 Say Katawan kuantod siak,
18 Sikan toon ompatey, anggapoy kana ed siak iray Israelita. Singa ra ibabantak a mitalgansa, lata, balatyang, tan ismayakeraan ira ya kayarin apalba so pilak.
19 Kanyan natan siak, a Katawan a Dios, ibabagak ed sikara a singa ra labat saraman ya andi-kakanaan a mital. Pantitiponen ko ran amin ed Jerusalem
20 a singa pangyan ed palbaan na pilak, gansa, balatyang, ismay, tan lata. Tonawen ira na pasnuk tan sanuk ko a singa panonaw na apoy ed gansa.
21 On, tiponen ko ra ed Jerusalem, mamarlang ak ed silong da, tan tonawen ko ra ed pasnuk ko.
22 Natonaw ira ed Jerusalem a singa katonaw na pilak ed palbaan, et diad satan naamtaan da a liliknaen da so sulit na pasnuk ko, siak a Katawan.
23 Akisalita lamet ed siak so Katawan.
24 Inkuanto, Sika a toon ompatey, ibagam ed saray Israelita ya aliwan masanto so dalin da, kanyan dudusaen ko rad pasnuk ko.
25 Saray pangulo et singa ra saray lion a mangwam diad impakapatey da na saray ayayep. Papateyen da ray totoo, aalaen da ray amin a naala ran kuarta tan kayaryan tan lapud saray panagpatey da, amayamay iray abalo.
26 Susumlangen na saray papari so ganggan ko tan dodotakan da so antokaman a masanto. Ag da pandodomaen so masanto tan say aliwan masanto. Ag da ibabangat so pandomaan na bengatlan malinis tan say aliwan malinis, tan anggapoy walad sikara so Agew na Panagpainawa. Lapud saya, ag ak papagalangan na saray totood Israel.
27 Saray pangulo na gobirno et singa ra saray asod katakelan a mambibingkas na pinatey dan ayayep. Mampapatey ira na totoo, pian onyaman ira.
28 Sasakuban na saray propita ira yan kasalanan a singa ra totoon managtapal na dena ed padir. Tila ray nanenengneng dan pasingayew tan aliwan tua ray ipapasakbay dan nagawa. Ibabaga ran ibabawag day salita na Katawan a Dios, balet siak a Katawan ag ak akisalitad sikara.
29 Saramay mamayaman mansasaol tan mantatakew ira. Papairapen da ray mairap-bilay tan sasaolen da ray sangkaili.
30 Nananap ak na makapangipaalagey ed padir, a nayarian toy manalagey ed pasen ya ageba so padir tan iyagel toy dalin no ngalngali la deralen na pasnuk ko, balet anggapoy naalmok.
31 Lapud saya, idapok ed sikara so pasnuk ko, tan singa panagderal na apoy so panderal kod sikara lapud saray ginagawa ra. Say Katawan a Dios so nansalita.
1 "Say Katawan akisalitad siak. Inkuanto,
2 "Sika a toon ompatey, nen saman walay sanagin bii.
3 "Nen malangwer ni ran manaayam ed Egipto, aderal so inkabirhin da tan nagmaliw iran marotak a bibii.
4 "Say pangulowan manngaran na Ahola (ilalaman toy Samaria), tan say yogtan manngaran na Aholiba (ilalaman toy Jerusalem.) Inasawak iran dua tan wala ray anak kod sikara.
5 "Anggaman ya asawak si Ahola, intuloy toy panagbilay ton marotak tan mapalaloy impikaloguran tod saray kainarowan ton taga Asiria.
6 "Sondalo ran nampaparay kawes dan purpura, pangulo ran totoo tan atagey iran opisyal; guapo ran amin ya opisyal a managkabayo rad para bakal.
7 "Sikatoy marotak a bii ya akikaloguranan na amin ya opisyal na Asiria, tan lapud kaliktan na laman to adotakan toy sikaton dili diad impangigagalang tod saray talintao na Asiria.
8 "Intuloy toy inggapo to lan marotak a panagbilay to ed Egipto a dimay inkaderalay inkabirhin to. Nanlapu lad impanmarikit to, akikiakdul ed sikato ray lalaki tan impasen dan sakey a marotak a bii.
9 "Kanyan impalimak ed saray taga Asiria kainarowan to a mapalaloy panlabay tod sikara.
10 Nilakseban tan nilabusan da, sinisingkat da ray anak ton lalaki tan bibii, insan da pinatey ed ispada. Amin da ray bibii ed inerman a pasen et tinatalabutob day inkagawa ed sikato.
11 Anggaman a si agi ton Aholiba et anengneng to yan inkagawa, mapalalo nin magantil tan marotak so panagbilay to nen si atsi ton Ahola.
12 Mapalalo met so impikaloguran tod saray taga Asiria a pangulo tan opisyalsaray sondalon mankirlap so nampaparan kawes datan diad saray opisyal a managkabayo rad para bakal, amin da ray guapon babalolaki.
13 Anengneng kon sigput so inkaimmoralidad to, a sikatoy maoges a singa si atsi to.
14 Linmereg lan linmereg ed inkaimmoralidad to. Naayat ed saray imahin na saray manonan opisyal a taga ra Babilonia, a nikorti rad padir tan apintaan ira na ambalbalanga, abaliberan na marakep ya abel iray awak da tan walay konwarin turban ed kaolowan da.
15
16 Kanengneng tod sikara, sinmaboy dala tod panibeg, kanyan wala ray imbaki tod sikarad Babilonia.
17 Sinmabin akikiakdul ed sikato iray taga Babilonia. Inaakdulan da tan mapalaloy impandodotak dad sikato ya anggad kinabosul to ra.
18 Impanengneng toy sikaton dili a labus-lakseb, tan impaamta tod karaklan a sikatoy marotak a bii. Akapasnuk ak ed sikato a singa impakapasnuk kod atsi to.
19 Inkaloor toy inkamarotak ton bii, ginagawa toy singa ginagawa to nen malangwer ni, nen sikatoy marotak a bii diad Egipto.
20 Mapalaloy insaboy dala to ed panibeg tod saray lalakin alabas so pampilalek dad liket na laman, a singa ra manariban asno odino kabayo. (
21 Aholiba, nilabay mon oliten so nankasalanan mon immoralidad nen marikit ka ni diad Egipto, a pinipirit diman na saray lalaki so sosom tan aderal so inkabirhin mo.)
22 Natan sirin, Aholiba, sikato yay ibabagak ed sika, siak a Katawan a Dios: Sinmawa ka ed saraman a kainarowan mo, balet papetangen koy olo ra ed sika tan awiten ko ra ya onlakob ed sika.
23 Iyakar ko ra diay amin a taga Babilonia tan Caldea, saray lalakin taga Pecod, Soa, tan Koa tan amin a taga Asiria. Pantitiponen kon amin iray guapon mamalangwer a lalakin galgalangen tan opisyal, amin da ray manonan opisyal tan atagey a betang ya managkabayo rad para bakal.
24 Manlapud baybay dogpaan da ka a sankaawit da ray amayamay a sondalon akakarwahi na para bakal tan saray arum akalogan irad kariton a pananginay abasto. Diad ilakob dad sika akasamper tan akahilmit ira. Ipalima ta kad sikara tan sintinsiaan da ka onung ed saray ganggan da.
25 Lapud petang na olok ed sika, ipadapok ed sika so sulit na pasnuk da. Ekalan da kay eleng tan layag tan pateyen da ray anak mo. On, alaen dad sika iray anak mon lalaki tan bibii, insan da ra poolan a mabilay.
26 Bingbingkasen day kawes mo tan alaen da ray alahas mo.
27 Patondaen koy pikakaloguran tan say makapabaing a gagawaen mo nanlapu la nen wala ka nid Egipto. Ag mo lan balut linggisen iray talintaoy diriyos odino nunoten so nipaakar ed Egipto.
28 Sikato yay ibabaga na Katawan a Dios: Ipalima ta kad saray totoon kabosul tan pakakaingungotan mo.
29 Et lapud kabosul da ka, alaen da ray amin a nansagputan mo tan taynan da kan lakseb-labus a singa marotak a bii. Onyay pansumpalan mo,
30 lapud maoges a kaliktan na laman mo tan lapud panagkaloguran mo. Marotak a bii so pasen mod saray bansa tan dinotakan moy sikan dili lapud saray talintaoy diriyos da.
31 Inalig moy agim, kanyan itdan ta kayoy namparan kupa na dusan inomen yo.
32 Say Katawan a Dios kuanto, Oninom ka ed kupa nen atsim; baleg tan aralem so kupa to. Balawen tan lureyen ka na balang sakey;
33 Saman a kupa et pagmaliwen to kan pangaskasiyan tan abuek, saman a kupa a mangiter na takot tan deral, say kupa nen agim a Samaria.
34 Inomen mo tan oputen moy karga to, nasugat so pagew mo diad panamegley na saray misimisi to. Siak a Katawan a Dios so nansalita.
35 Natan sikato ya so ibabaga na Katawan a Dios: Lapud nilingwanan tan imbeneg mo ak, manirap ka lapud maoges a kaliktan na laman mo tan say impikaloguran mo.
36 Say Katawan kuantod siak, Sika a toon ompatey, akaparaan ka lan manintinsia ed kinen Ahola tan si Aholiba? Akusam irad saray makapaingungot a ginagawa ra.
37 Akikaloguran ira tan amatey iraakikaloguran irad saray talintaoy diriyos tan pinatey da ray anak dad siak. Imbabagat dad saray talintaoy diriyos da iray anak kon lalaki.
38 Et aliwan saraman labat so ginawa ra. Dinotakan day Timplok tan sinumlang day ganggan a nipaakar ed Agew na Panagpainawa ya inletneg ko.
39 Diad samay agew na impamatey dad saramay anak kon imbagat dad saray talintao, linma rad Timplok tan dinotakan da!
40 Angibaki la ran angibaki na saray totoon angimbitan ondago iray totoon taga arawin pasen, et dinmago ra. Nanames ira may sanagi tan ginolisan da ray gilig na mata ra tan nampepeket ira na alahas ed laman da.
41 Inmirung irad balibalin kotsun, tan diad arap da walay lamisaan a napno na maabig a bengatla, a pati samay insinso tan larak na oliba ya inter kod sikara.
42 Sankarengel so tanul na olup na karaklan a magologolo, sakey ya olup na lalakin niyakar a nanlapu rad kalawakan. Insolung dad saray taklay da ra may bibii iray pulsiras tan intoon dad olo ra iray marakep a korona.
43 Insan inkuankod siak a dili a miaakdul irad marotak a biin mapalaloy impikakaloguran to.
44 Pinawil-pawil da ra yan bibiin marotak. Pinmawil ira ed kindi Ahola tan Aholiba, saray bibiin mankakasalanay immoralidad.
45 Saray matonung a lalaki et sintinsiaan da ra yan bibii a nankasalanan iray panagkaloguran tan panagpatey, lapud akikaloguran ira tan amaterter iray dala.
46 Sikato yay ibabaga na Katawan a Dios: Mangyakar kayo na sakey ya olup na saray totoon maoges a manaktakot tan manamsam na kayamanan na sarayan bibii.
47 Patupak yo rad sarayan totoo, padogpaan yo ra na ispada, papatey yo ray anak da, tan papoolan yo ray kaabungan da.
48 Patondaen kod intiron dalin so immoralidad, tan sikatoy sakey a pasakbay ed balang bii ya ag ira mikaloguran, ya ag da aligen so impikaloguran na saramay sanagin bibii.
49 Et sikayon ran sanagin biidusaen ta kayo lapud inkaimmoralidad yo tan lapud kasalanan yod impangigalang yod saray talintaoy diriyos. Diad satan nakabatan yo a siak so Katawan a Dios.
1 "Nen kumaplon agew na kumaplon bulan na kumasiam a taon na inkibantak mi, say Katawan akisalitad siak.
2 "Inkuanto, Sika a toon ompatey, isulat mo yan pitsa, lapud sikato yay agew ya igapo na ari na Babilonia so panlakob tod Jerusalem.
3 "Ibagam ed saray mananumpan totook so sayan alimbawa, a siak a Katawan a Dios kuankod sikara: Itoon yo so kaldiro tan pano yo na danum.
4 "Kargaan yo na saray sankaabigan a tegteg na karni saray ulpo tan saray sali kargaan yo met na pinili ran pokel.
5 "Ikana yo so karni na sankaabigan a karniro; sungloran yo na kiew so akatoon a kaldiro. Palwag yo so danum; ilambung yo so pokel tan say karni.
6 "Sikato ya so kuan na Katawan a Dios: Pakaskasi so siudad a kawalaan da ray totoon managpatey na too! Kapara toy latiyan a kaldiro ya ag balut naorasan. Sansakey a nanaala so tegteg na karni tan anggapoy akeraan a karga to.
7 "Walay impanpapatey na too ed siudad, balet aliwan diad dalin so akaibungan na dala a komun natabunan na dabuk; dia ingen ed tapew na baton-dampay so akaibungan to.
8 "Intilak kod saman a pasen so dala a diman ag nasaniban, et diad ontan onsabiy pasnuk kon ombawi.
9 "Sikato yay ibabaga na Katawan a Dios: Pakaskasi so siudad a kawalaan da ray managpatey na totoo! Siak a dili so mangisimbun na kiew ya itutungo.
10 Mangyakar kayo ni na kiew! Parlangan yo nin maung! Luto yoy karni! Palwag yo lan palwag ya anggad naoput so sabaw! Parlangan yon maung ya anggad napoolan so pokel.
11 Natan igaton yod ngalab so anggapoy kargan kaldiron gansa tan paolyan yon ombalbalanga. Diad satan nalinisan lamet imay kaldiro onung ed ganggan no napagpag la ray lati to lapud petang,
12 anggaman ya ag naandipat ed apoy so amin a lati to.
13 Jerusalem, dinotakan ka na ginagawam ya immoralidad. Anggaman a sinalik a linisan ta ka, nansiansia kan marotak. Ag ka magmaliw a malinis lamet ya anggad naliknam so sulit na pasnuk ko.
14 Siak a Katawan so nansalita. Sinmabiy oras a siak so onggalaw. Ag ko palabasen iray kasalanan mo odino kasian odino abageyen ta ka. Nadusa ka lapud saray ginagawam. Say Katawan a Dios so nansalita.
15 Say Katawan akisalitad siak.
16 Inkuanto, Sika a toon ompatey, diad sakey labat a waswas alaen koy toon inararom. Anggaman onyay nagawa ag ka manririklamo odino onaakis odino onlulua.
17 Ag mo ikakasil so panngesnges mo. Ag ka ompapaway ya anggapoy turban mo odino kasali-sali a pangipanengneng moy ermen mo. Ag mo sasakbungay lupam; ag ka met mamangan na kakanen da ray maneermen.
18 Kabkabwasan, akitongtong ak ed saray totoo. Diad saman a labi inatey so asawak, tan diad ontombuk ya agew ginawak imay nibagad siak.
19 Tinepet ed siak na saray totoo, Akin et ontay gagawaen mo?
20 Kanyan inkuankod sikara, Akisalitad siak so Katawan tan imbaga tod siak
21 a salitaen ko yad sikayon Israelita: Ikikinon yoy biskeg na Timplo. Labalabay yon nengnengen tan laen, balet dotakan na Katawan. Napatey ed bakal iray malangwer nin kabyangay pamilya yon atilak ed Jerusalem.
22 Diad satan gawaen yoy singa ginawak. Ag yo sakbungan so kalupaan yo odino mangan na kakanen da ray maneermen.
23 Ag kayo ompaway ya anggapoy turban yo odino kasali-sali; ag kayo manermen odino onakis. Onebeng kayo lapud saray kasalanan yo, tan manaakisan kayo.
24 Diad satan magmaliw ak a sakey a tanda ed sikayo: aligen yo ray amin a ginagawak. Imbaga na Katawan a no nagawa ya, naamtaan yo a sikato so Katawan a Dios.
25 Inkuan na Katawan, Natan, sika a toon ompatey, dengel moy ibagak. Ekalen kod sikara so Timplo ya ikikinon da tan pakaliliketan da; labalabay dan nengnengen tan laen. Ekalen ko met iray anak dan lalaki tan bibii.
26 Diad agew na panggawak ed saya, walay toon nibatikan toy deral ya onlad sika tan salitaen toy agawa.
27 Diad satan met ya agew, makapansalita ka lamet, tan mitongtong kad sikato. Diad onya magmaliw kan sakey a tanda ed saray totoo, tan nakabatan da a siak so Katawan.
1 "Say Katawan akisalitad siak.
2 "Inkuanto, Sika a toon ompatey, mansalita ka sumpad saray totoo ed bansa na Ammon.
3 "Ibagam ed sikaran ondengel irad ibabagak, siak a Katawan a Dios: Akaliket kayon akanengneng ed inkadotakan na Timplok, say inkaderal na dalin ya Israel, tan say inkibantak na saray taga Juda.
4 "Lapud akaliket kayo, abuloyan kon taloen kayo na saray tribu ed nibokig a kalawakan. Ipasen dad bansa yo iray kampo ra tan manayam irad man. Kanen da ray bungay tanaman yo tan inomen da ray kayaryan yon gatas.
5 "Pagmaliwen kon pastolan na saray asno so siudad na Rabba, tan magmaliw so intiron bansa na Ammon a pastolan na saray karniro, pian naamtaan yo a siak so Katawan.
6 "Sikato ya so ibabaga na Katawan a Dios: Nantitipak tan nanlulugtot kayod liket. Binabalaw yoy dalin na Israel.
7 "Lapud onmay ginawa yo, ipalima ta kayod pakaoley da ray bansa a mangala tan manamsam ed saray kayaryan yo. Sigput ta kayon deralen, pian magmaliw kayon aliwa lan bansa tan ag kayo la nawalaan na dilin bansa a panayaman yo. Diad satan nakabatan yo a siak so Katawan.
8 "Say Katawan a Dios kuanto, Lapud imbaga na Moab a say Juda et singa labat saray arum a bansa,
9 "abuloyan kon saray siudad a mangyaagel na ketegan na Moab et nadogpaan, a pati saray manona a siudad to a Bet-jesimot, Baal-meon, tan Kiryataim.
10 Abuloyan ko ray tribu ed nibokig a kalawakan a taloen day Moab, a pati say Ammon, pian magmaliw ya aliwa lan bansa so Moab.
11 Dusaen ko so Moab, et naamtaan na saray totoo a siak so Katawan.
12 Say Katawan a Dios kuanto, Saray totood Edom et alablabas so imbawi rad Juda tan, lapud sayan imbawi ra, nagmaliw so Edom a makasalanan ya anggad angga.
13 Ibabawag ko natan a dusaen koy Edom tan pateyen kod may balang too tan ayep. Pagmaliwen kon dalin ya andi-kakanaan, manlapud siudad na Taman ya anggad siudad na Dedan, tan napatey ed bakal iray totoo.
14 Ibawian ak na saray totook ya Israelita ed Edom, tan ipalikna rad Edom so sulit na pasnuk ko. Naamtaan na Edom no anto so kipapasen na balesen kon bansa. Say Katawan a Dios so nansalita.
15 Say Katawan a Dios kuanto, Saray Filisteo et alablabas so imbawi rad saray gendat lan kalaban da tan diad gaway pambosul da dineral da ra.
16 Kanyan ibabawag ko a dogpaan ko ray Filisteo tan paandipaten ko ra. Deralen koy balang too ya atilak a manaayam ed Patar na Filistia.
17 Mapalaloy panusak ed sikara tan iyoput koy anggaay nayarian kon ombales ed sikara. Nalikna ra so pasnuk ko. Diad satan naamtaan da a siak so Katawan.
1 "Nen ononan agew na...bulan, nen kumalabinsakey a taon na inkibantak mi, say Katawan akisalitad siak.
2 "Inkuanto, Sika a toon ompatey, dengel mo yay ibagak. Sikato yay pakaliliketan na saray totood siudad na Tiro. Iyeeyag da, Aderal-deral so Jerusalem! Naandi la so pakayari to ed nigosio! Ag lan balut nayarin kakompitinsia!
3 "Natan sirin, saya so ibabagak, siak a Katawan a Dios: Siak so kalaban mo, sikan siudad na Tiro. Mangyakar ak na amayamay a bansan ondogpad sika, tan singa saray daluyon so isabi ra.
4 "Deralen da ray padir na siudad mo tan igeba da ray torim. Insan ko panisan ya amin so dabuk tan sakey a baton-dampay labat so natilak.
5 "Saray sumisigay ipaagew da ray iket da diad tapew na bato a walad dayat. Siak a Katawan a Dios so nansalita. Samsaman na saray bansa so Tiro,
6 "tan pateyen da diad panamegley na ispada iray totoon manaayam ed saray baley to diad maawang a dalin to. Diad satan naamtaan na Tiro a siak so Katawan.
7 "Say Katawan a Dios kuanto, Iyakar kon ondogpad Tiro so sankatalonggaringan ed amin ya arisi Ari Nabucodonosor na Babilonia. Sikatoy manlapud baybay a kaiba to ray amayamay a sondalon wala ray kabayo ra tan saray karwahin para bakal; kaiba to met iray managkabayod para bakal.
8 "Napatey ed bakal iray manaayam ed saray baley ed maawang a dalin. Saray kalaban manggawa ra na saray tirinsira, saray bunton na dalin, tan mangipaalagey ira na saray makapal tan mabiskeg a saniban da no milaban irad sika.
9 "Masoen da ray padir mo na panagmaso tan igeba da ray torim na saray baritan balatyang.
10 Kobutan ka na makapal a dabuk ya ontikyab diad pankuyat na saray kabayo ra. Diad tanul na saray kabayon mamibira na saray karwahi tan saray kariton, nagalaw iray padir mo legan dan ondadalan ed saray puirta na aderal-deral a siudad.
11 Paalimbosabosen na saray sondalon akakabayo iray daladalan mo, tan pateyen da diad panamegley na ispada iray totoom. Nagebad dalin iray mabiskeg a lusek mo.
12 Akokosen na saray kalaban mo iray kayamanan mo tan saray ilalakom. Igeba da ray padir mo tan deral-deralen da ray mararakep ya abung mo. Alaen da ray bato, saray tabla tan amin ya deral-deral, insan da ra ibantak ed dayat.
13 Patondaen kon amin iray kansion mo, tan saray togtog na saray arpam.
14 Itilak ko labat so sakey a baton-dampay a pampaagewan na saray sumisigay na saray iket da. Ag lan balut napasimbalon nipaalagey so siudad na Tiro. Siak a Katawan a Dios so nansalita.
15 Say Katawan a Dios wala yan nibaga to ed siudad na Tiro: No nadadakep ka, nataktakot iray totoon manaayam ed gilig na dayat diad pakadngel dad paneyag na saray amayamay a napapatey.
16 Amin da ray arari na saray bansan managbiahi ed dayat et onakseb irad trono ra. Lakseben da ray mararakep a kolibemben da tan saray binordaan a kawes da, insan ira manggiwgiw ya onyurong ed dalin. Nataktakot irad agawad sika tan ag ira makatondan onggiwgiw.
17 Kansionen da yan kantan para tolur: Aderal la so bantug a siudad! Naanur lad maawang a dayat iray bapor to. Saray totoo na sayan siudad inoleyan da so kadayatan Tan tinataktakot da ray amin a manaayam ed gilig na dayat.
18 Natan, diad agew na inkageba na siudad, Manggiwgiw iray isla, Tan atalagnaw iray totoo ra lapud inkaderal to.
19 Say Katawan a Dios kuanto: Pagmaliwen ta kan andi-kakanaan a dalin a singa saray siudad ya aderal-deral tan anggapoy manaayam. Delapen ta ka na danum na dayat.
20 Iyakar ta kad pasen a kawalaan da ray inaatey, pian makapikasakey kad saray totoon nambibilay nen saman a panaon. Panayamen ta kad man a kaibam iray andi-anggaan a deral-deral tan saray inaatey. Lapud saya ag ka lan balut natoowan tan anggapo lay pasen mon balut ed dalin da ray mabilay.
21 Pagmaliwen ta kan makapataktakot a pangaligan, tan sikato la so anggaan mo. Anapen ka na saray totoo, balet ag kan balut narumog. Say Katawan a Dios so nansalita.
1 "Say Katawan inkuantod siak,
2 "Sika a toon ompatey, kantaan mo na para tolur so Tiro,
3 "samay siudad a walad bungangay dayat tan manninigosio ed saray totoon manaayam ed kapag gilig na dayat. Ibagam ed sikato no anto so ibabagak, siak a Katawan a Dios: Tiro, inkinon mo so nagnap a gangganam.
4 "Say dayat so abung mo. Saray nanggawad sika ginawa da kan singa marakep a barko.
5 "Inkana da ray saleng a nanlapud Palandey na Hermon. Say inkana ran palom et sakey a sengeg na sidro a nanlapud Libano.
6 "Kiew iran robli a nanlapud Basan iray ginawa ran begsay; Saleng a nanlapud Chipre iray inkana ra ed impanggawa rad kuartoy barkom, Inokupan da na garing.
7 "Linen iray layag mo, Abordaan iran linen a nanlapud Egipto, Mainomay iran nabirbir anggan diad arawi. Sankaabigan ya abel so tarung mo, Ya ambalbalangan abel a nanlapud isla na Chipre.
8 "Taga siudad na Sidon tan Arvad iray sumasakay mo. Saray marunong a lalakin totoom iray marinirom.
9 "Saray karpintiro na barko Et saray marunong a lalakin taga Biblos. Saray marinirod balang barkon mambiabiahid dayat Et manninigosio rad saray tindaan mo.
10 Taga Persia, Lidia, tan Libia iray sondalom. Insasabit dad kampom iray samper tan saray hilmit da. Sikaray lalakin angiter ed sika na kagalangan.
11 Saray sondalon taga Arvad so nangguardiad saray padir mo, tan saray lalakin taga Gamad so nangguardiad saray torim. Insasabit dad saray padir mo iray samper da. Sikaray lalakin nampagangganad sika.
12 Nannigosio ka ed Espanya tan nansempet ka na pilak, balatyang, lata, tan ismay a bayar na saray dakel a lakom.
13 Nannigosio ka ed Grecia, Tubal, tan Mesec tan insumbat mo na saray aripen tan saray kagawaan a gansa iray bengatlan lakom.
14 Say nanlakuan mod saray lakom et insasaliw mo na saray kabayon para kimey, saray kabayon para bakal, tan saray mulon nanlalapud Bet-togarma.
15 Saray totood Rodes et akinigosio rad sika; saray totood saray dalin a walad gilig na dayat et insusumbat dad saray lakom iray garing tan pasingil na ilipanti ra.
16 Sinaliw na saray totood Siria iray amayamay a lakom. Imbabayar dad saray kagawaan mo iray ismiralda, saray purpuran abel, saray binordaan ya abel, saray pinon linen, saray baton koral, tan saray baton rubi.
17 Saray taga Juda tan Israel et imbayar dad saray lakom iray trigo, dilo, larak na oliba, tan saray rikado.
18 Saray taga Damasco et imbayar dad saray lakom tan saray bunga na saray tanaman mo, iray alak a nanlapud Helbon tan say abel a lana a nanlapud Sahar. Insumbat dad saray bengatlan lakom iray kagawaan a balatyang tan saray rikado.
19
20 Saray taga Dedan et insumbat dad saray bengatlan lakom iray abel a sapin na beneg na kamilyo tan asno.
21 Saray taga Arabia tan saray manoley ed dalin na Kedar et imbayar dad saray lakom iray kordiro, karniro, tan kanding.
22 Saray nigosiantin taga Seba tan Raama et insumbat dad saray bengatlan lakom iray alahas, balituk, tan saray sankaabigan a rikado ra.
23 Akinigosio ed sika iray siudad na Haran, Cannel, Eden, Seba, Assur tan Kilmad.
24 Angilako rad sika na saray mabmablin kawes, saray purpuran abel, saray binobordaan a kawes, saray alpombra a malmaltaw so kolor da, tan saray malet a lobir tan kordon.
25 Nilogan ed saray sankabalgan a barko iray bengatlan lakom. Aliling mo nen saman so sakey a barko ed dayat A napno na saray ambebelat a karga.
26 Nen saray managbegsay mo et inyakar da kad pegley na dayat, Dineral ka na dagem a nanlapud bokig.
27 Nen aderal ed dayat so barkom, Abalang ya amin ed dayat Iray amin a kayamanan mod bengatlan lakom, Amin da ray marinirom ya ontotoon ed barkom Saray karpintiro na barkom tan saray nigosiantim Tan balang sondalon akalogan ed barko.
28 Makbaw a nadngel ed gilig na dayat So eyag da ray nalelener a marinirom.
29 Ataynan la ya amin natan so barko Sinmakbit lan amin iray mariniro.
30 Ampait so impanermen da ed sika, Tinupak day dabuk so kaolowan da tan nantitiblak irad dapul.
31 Lapud sika kinikiskisan day olo ra Tan nankakawes iray sako. Maninget so pagew da legan dan onaakis.
32 Kinantaan da ka na sayan kanta a para tolur: Siopay mipara ed Tiro ya aderal ed pegley na dayat?
33 Nen imbiahim ed dayat iray bengatlan lakom, Inter moy nakaukolan dan amin iray bansa. Minmayaman iray arari lapud kayamanan na saray bengatlan lakom.
34 Natan aderal-deral ka ed pegley na dayat; Linmereg kad kaaralman na dayat. Kaibam a naandipat ed dayat Iray bengatlan kayaryan mo tan amin da ray kumikimey mo.
35 Nikelawan ed inkagawam so balang toon manaayam ed gilig na dayat. Ataktakot iray anggan arari ra, tan mapatpatnag ed lupa ra so takot da.
36 Naandipat ka ya anggad angga; ataktakot ya amin iray nigosianti ed intiron mundo, natatakot ira ompan nadamay irad makapasinagem a nansumpalan mo.
1 "Say Katawan akisalitad siak.
2 "Inkuanto, Sika a toon ompatey, ibagam so ibabagak ed manoley na Tiro, siak a Katawan a Dios: Diad panagpaatagey mo, ibabagam a sakey kan dios. Ibabagam a singa ka sakey a dios a manyodyorung ed trono, ya aliber na saray dayat. Nayarin ipasen moy sikan dili a sakey a dios, balet aliwan tua, ta sakey kan too labat ya ompatey; aliwa kan Dios.
3 "Abaloan mo a makabat ka nen si Danel, ya anggapoy niamut ya ag mo amta.
4 "Lapud kakabatan tan dunong mo, nagmaliw kan mayaman na balituk tan pilak.
5 "Lapud kasiliban mod nigosio, binmaleg lan binmaleg so atubom. Mapalaloy panagpaatagey mo lapud inkayaman mo!
6 "Natan sirin, saya so ibabagak, siak a Katawan a Dios: Lapud abaloan mon makabat kan singa sakey a dios,
7 "mangyakar ak na saray maruksan kalaban mo ya ondogpad sika. Deralen da ray amin a mararakep a bengatlan atipon mo lapud dunong tan kakabatan mo.
8 "Pateyen da ka tan ibantak da kad pegley na dayat.
9 "No laen da kan pateyen, nibagam nin sakey ka a dios? No miarapan kad saray mamatey ed sika, sakey ka a toon ompatey, aliwan Dios met lamlamang.
10 Singa ka ason pateyen na saray anggapoy Dios a sangkaili. Siak a Katawan a Dios so angiganggan ed saya.
11 Say Katawan akisalitad siak lamet.
12 Inkuanto, Sika a toon ompatey, manermen ka lapud makapasinagem a nagawad ari na Tiro. Ibagam ed sikato so ibabagak, siak a Katawan a Dios: Sika nen saman so oliran na inkayadyari! Agay lay kakabatan tan kinaguapom nen saman!
13 Nanayam kad Eden a tanamanan na Dios, tan nanalahas ka na nandoroman klasin mabmablin bato: rubi, diamanti, topasio, birilo, karnilia, jaspi, sapiro, ismiralda, tan garnita. Wala ra met so ates mon balituk. Agawa ran para sika nen agew ya apalsa ka.
14 Angipasen ak na makapataktakot ya anghil a mangguardiad sika. Nanayam kad masanton palandey ko tan nanakar ka ed leet na saray mankidyam a mabmablin bato.
15 Anggapoy pakabalawan ed sikad kagagawam nanlapud impamalsad sika ya anggad agew a ginapwan moy manggaway maoges.
16 Anggapoy tondam a nansasaliw tan nanlalako, balet sikato yay makasengeg na impagmaliw mon maruksa tan makasalanan. Kanyan pinasoot ta kan ontaynan ed masanton palandey ko, tan samay anghil a nambantay ed sika et pinaarawi to kad saramay mankidyam a mabmablin bato.
17 Mapaatagey ka lapud inkaguapom, tan lapud inkabantug mo nagmaliw kan singa makulang-kulang. Lapud saya imbantak ta kad dalin tan tinaynan ta kad man a sakey a pasakbay ed saray arum ya arari.
18 Lapud saraman a maoges a ginagawam diad impansasaliw tan impanlalakom, nagmaliw a marotak iray pasen a panangingalangan. Kanyan pinoolan koy siudad tan tinemek kod apoy. Natan, amin da ray onnengneng ed sika, nanengneng da kan kadapudapul.
19 Naandipat ka la ya anggad angga; amin a bansan akaamtad nansumpalan mo et ataktakot ira; natatakot ira, ompan nadamay irad makapasinagem a nansumpalan mo.
20 Say Katawan kuantod siak,
21 Sika a toon ompatey, mansalita ka sumpad siudad na Sidon.
22 Ibagam ed saray totood man so ibabagak, siak a Katawan a Dios: Siak so kalaban mo, Sidon; idayew ak na saray totoo lapud gagawaen kod sika. Naamtaan da a siak so Katawan, no ipanengneng koy ontan lan inkasantok diad panusak ed saray totoon manaayam ed sika.
23 Mangipadalan ak na salut ed sika tan paagosen kod saray dalan mo so dala. Nadogpaan kad anggan anton dapag, tan napatey iray totoom. Diad satan naamtaan mo a siak so Katawan.
24 Say Katawan kuanto, Anggapo lan balut ed saray nambabalaw a bansan walad kaliber-liber na Israel so magmaliw lamet a singa masabit a tanaman a mamasakit ed Israel. Diad satan naamtaan da a siak so Katawan a Dios.
25 Say Katawan a Dios kuanto, Papawilen ko ray Israelita ed dalin da, manlapud saray bansan nikayatan da, et diad satan nakabatan na saray amin a bansa a siak so masanto. Saray totood Israel manayam irad dilin dalin da, say dalin ya iter kod kinen aripen kon Jacob.
26 Manayam irad man ya arawid kaatapan. Mangipaalagey ira na saray abung tan mantanem ira na saray ubas. Dusaen kon amin iray walad kaliber-liber na Israel a nambabalaw ed sikato, et niarawid kaatapan so Israel. Diad satan naamtaan da a siak so Katawan a Dios da.
1 "Nen kumalabinduan agew na kumaplon bulan na kumaplon taon na inkibantak mi, say Katawan akisalitad siak.
2 "Inkuanto, Sika a toon ompatey, mansalita ka sumpad ari na Egipto. Ibagam ed sikato no panon so kadusa to tan say intiron dalin na Egipto.
3 "Ibagam a sikato yay ibabaga na Katawan a Dios ed ari na Egipto: Siak so kalaban mo, sika a dragon a buaya a walad ilog. Ibabagam a kayaryan moy Ilog na Nilo, tan sika so nanggawa.
4 "Tagaan ko so sangim tan papeketen kod sika ray sira ed ilog mo. Insan ta ka isakbit ed pandel na ilog, pati saray amin a siran akapeket ed sika.
5 "Ibantak ta kad kalawakan, pati saray amin a sira. Nabaldak ed dalin so laman mo tan natilak diman ya ag la nikotkot. Iter ko lan siraen na saray manok tan saray ayayep.
6 "Diad santan nakabatan na amin da ray Egipsio a siak so Katawan. Say Katawan kuanto, Saray Israelita et nanmatalek irad sikayod tulong yon Egipsio, balet singa kayo labat sakey a lopuk a bastun.
7 "Nen intalimeg day laman dad sikayo, apoter kayo, dineyeng yoy kilikili ra, tan ayesyes so tenten da.
8 "Natan sirin, siak a Katawan a Dios, ibabagak a mangyakar ak na saray lalakin totoon ondogpad sika a walay awit dan ispada, tan pateyen da ray totoom tan saray ayayep mo.
9 "Magmaliw ya andi-kakanaan tan begtebegtew so Egipto. Naamtaan mod satan a siak so Katawan. Lapud imbagam a kayaryan moy Nilo tan sikay nanggawad sayan ilog,
10 siak so kalaban mo tan say kalaban na Nilom. Pagmaliwen kon andi-kakanaan tan begtebegtew so intiron dalin na Egipto, manlapud siudad na Migdol diad baybay ya anggad siudad na Aswan diad abalaten, a talosen toy anggad ketegan na Sudan.
11 Anggapoy too odino ayep a manakar-akar ed saman a dalin. Apataploy taon ya anggapoy manayam diman.
12 Pagmaliwen koy Egipto a sankabegtewan a bansa ed intiron mundo. Apataploy taon a mansiansian aderal-deral iray siudad na Egipto, ag miparad arum a siudad so inkaderal da. Gawaen kon pappaiyagel ed arum a bansa iray Egipsio. Ombatik irad nandoroman bansa tan miayam irad saray arum a totoo.
13 Say Katawan a Dios kuanto, Kalabas na apataploy taon papawilen ko ray Egipsio manlapud saray bansan nikayatanda,
14 insan ko ra abuloyan a manayam ed abalaten na Egipto, say gendat a panaayaman da. Manayam irad man a sakey a mugmon nanarian,
15 say sankakapoyan ed amin da ray nanarian, tan ag iran balut la makasakop na arum a bansa. Pagmaliwen ko ran singa anggapon nanarian, pian ag la ra makapanoley ed arum a bansa.
16 Ag lan balut manmatalek ed tulong na Egipto so Israel. Say nagawad Egipto et mangipanunot ed Israel a baleg a lingo so manmatalek ed saray Egipsio. Naamtaan dad satan a siak so Katawan a Dios.
17 Nen ononan agew na ononan bulan na kumaduamplo tan piton taon na inkibantak mi, say Katawan akisalitad siak.
18 Inkuanto, Sika a toon ompatey, si Ari Nabucodonosor na Babilonia et dinogpaan toy Tiro. Impanagto to ray sondalo to na ambebelat, kanyan ayangyangan ira tan diad impansakbat da naobakan so takeb da, balet anggapo lamlamang so agunggona na ari tan saramay sondalo to ed saraman ya impansasagput da.
19 Kanyan saya natan so ibabagak, siak a Katawan a Dios: Iiter koy dalin na Egipto ed Ari Nabucodonosor. Samsaman toy Egipto tan awiten toy amin a kayamanan to tan iter ton bayar na saray sondalo to.
20 Iter koy Egipto a bayar kod sagput to, ta ikikimeyan ak na saray sondalo to. Siak a Katawan a Dios so nansalita.
21 No nagawa la ya, pagmaliwen kon mabiskeg iray totood Israel tan sika, Ezekiel, pansalitaen ta ka a narengel na balang sakey ed sikara, pian naamtaan da a siak so Katawan.
1 "Say Katawan akisalitad siak lamet.
2 "Inkuanto, Sika a toon ompatey, mampropisiya ka tan ibawag mo so ibabagak, siak a Katawan a Dios. Nepeg mon ikulyaot ira yan salita: Onsasabi lay agew a makapataktakot!
3 "Asingger la so agew, say agew ya onggalaw so Katawan, Say agew a malorem tan magunigon iray bansa.
4 "Walay nagawan bakal ed Egipto Tan walay baleg a kaermenan ed Sudan. Amayamay iray napatey ed Egipto; Nasamsam iray kayamanan na bansa Tan nataynan ya aderal-deral.
5 "Diad satan a bakal napatey met iray sondalon inuupaan a taga Sudan, Libia, Lidia, Arabia, Kub, tan anggan saray dilin totook.
6 "Say Katawan kuanto, Amin da ray manangyagel na Egipto manlapud Migdol diad baybay ya anggad Aswan diad abalaten et napatey ira ed bakal. Siak a Katawan a Dios so nansalita.
7 "Say dalin magmaliw a sankabegtewan ed intiron mundo, tan sigput a nataynan ya aderal-deral iray siudad to.
8 "No poolan koy Egipto tan napatey iray amin a manangyagel to, naamtaan da a siak so Katawan.
9 "No asabi la tan ya agew tan aderal la so Egipto, mambapor iray ibakik a manaktakot ed saray ag nagugunigon a totood Sudan, et nataktakot ira lapud kaderal na Egipto. Onsasabi la tan ya agew!
10 Say Katawan a Dios kuanto, Ikanak si Ari Nabucodonosor na Babilonia a mangoput ed saray kayamanan na Egipto.
11 Onsabi so ari tan saray maruksan sondalo to a manderal ed dalin na Egipto. Dogpaan da na ispada so Egipto, et napano na bangkay so dalin.
12 Paekatan ko so Ilog na Nilo tan paoleyan kod saray maoges a totoo so Egipto. Deralen na saray sangkaili so intiron bansa. Siak a Katawan so nansalita.
13 Say Katawan a Dios kuanto, Deralen ko ray talintao tan saray tila-tilan diriyos ed Memfis. Anggapo lay manoley ed Egipto, tan taktakoten kon amin iray totoo.
14 Pagmaliwen kon begtebegtew so abalaten na Egipto tan poolan koy siudad na Zoan diad baybay. Dusaen koy manonan siudad na Tebes.
15 Ipaliknak so sulit na pasnuk ko ed siudad na Pelusium, say baleg a tirinsira na Egipto. Deralen ko so kayamanan na Tebes.
16 Poolan ko so Egipto, tan nairapan so Pelusium. Nageba ray padir na Tebes, tan nadelap so siudad.
17 Ompatey ed bakal iray mamalangwer a lalakin taga siudad na Hiliopolis tan Bubastis, tan saray arum a totoo ed nadakep ira.
18 Nakobutan na bilonget so Tafnes no ekalan koy pakayari so Egipto tan panganggaen koy biskeg ya ikikinon na saray totoo to. Nakobutan na lorem so Egipto, tan nadakep ya amin iray totoo ed saray siudad to.
19 No onya so panusak ed Egipto, nakabatan da a siak so Katawan.
20 Nen kumapiton agew na ononan bulan na kumalabinsakey a taon na inkibantak mid arum a bansa, say Katawan akisalitad siak.
21 Inkuanto, Sika a toon ompatey, pinoter koy taklay na ari na Egipto. Anggapoy amerber odino angyan na sanlaoy to, pian onabig komun tan ombiskeg lamet a mangegna na ispada.
22 Natan sirin, sikato ya so ibabagak, siak a Katawan a Dios: Siak so kalaban na ari na Egipto. Poteren koy duaran taklay tosamay mabiskeg ni a taklay to tan samay apoter laet napattak ed satan ed lima to so ispada.
23 Itaytayak kod intiron mundo iray Egipsio.
24 Insan ko pabiskegen iray taklay na ari na Babilonia tan ipabemben kod sikato so ispadak. Balet poteren ko ray taklay na ari na Egipto, et manayay tan ompatey ed arap da ray kalaban to.
25 On, pakapoyen ko so ari na Egipto tan pabiskegen ko so ari na Babilonia. No iter kod sikato so ispadak tan itoro tod Egipto, naamtaan na balang too a siak so Katawan.
26 Itaytayak kod intiron mundo iray Egipsio. Diad satan naamtaan da a siak so Katawan.
1 "Nen ononan agew na kumatlon bulan na kumalabinsakey a taon na inkibantak mid arum a bansa, say Katawan akisalitad siak.
2 "Inkuanto, Sika a toon ompatey, ibagam ed ari na Egipto tan diad amin a totoo to: Agaylay biskeg yo! Antoy pangiparaan kod sikayo?
3 "Singa kayo sakey a kiew a sidro ed Libano, A marakerakep iray masalumpapak a sanga-sanga to, Sakey a kiew ya atagtagey a nasasabi toy kaloreman.
4 "Walay danum a mamapabaleg ed sayan kiew, Wala ray sobul ed dalem na dalin a manatagano ed samay kiew. Sinalog da may pasen a tutubuan to may kiew. Tan angipaagos iray danum na kolus ed amin da ray kiew ed takel.
5 "Lapud asalusalug imay kiew, Binmalbaleg nen saray arum a kiew, Sinmalumpapak tan dinmokey iray sanga to.
6 "Amin a klasiy manok et nanobung ed saray sanga to; Saray ayayep ed takel et nananaanak irad silong to; Nanayam ed silong to iray bansa na intiron mundo.
7 "Agaylay dakep to man a kiew Atagtagey tan andorokey iray sanga to. Asabi na saray lamut to iray managagos a danum ed dalem na dalin.
8 "Diad tanamanan na Dios et anggapoy sidro a makapipara ed sayan kiew. Anggapoy saleng a makapipara ed kasalumpapak na saray sanga to. Diad dilin tanamanan na Dios anggapoy kiew a makapipara ed inkarakep to.
9 "Ginawak iman a kiew a marakep, tan masalumpapak iray sanga to. Amin da ray kiew ed Eden a tanamanan na Dios et makakaibeg irad sayan kiew.
10 Natan sirin, siak a Katawan a Dios, ibagak ed sika no antoy nagawa ed sayan kiew a binmaleg ya anggad atokdul toy kaloreman. Diad imbaleg to pinmalalo met so panagpaatagey to;
11 kanyan impolisay ko tan inabuloyan ko a naala na sangkailin manoley. Iter tod saman a kiew so kanepegan na inkaoges to.
12 Saray maruksan sangkaili ibatang da man a kiew tan paolyan da. Natumba ed balang palandey tan balang patar iray sanga to tan saray aluplupak a pokel to. Ontaynan ira may bansan nanaayam ed silong to.
13 Ondago ray manok tan onpeket irad samay atumban kiew, tan ontonton ed saray sanga-sanga to iray ayayep ed katakelan.
14 Kanyan manlapud natan, anggapo la so kiew, anggaman anto lay pakasalog ed sikato, ya ombaleg a singa saman odino makasabid kaloreman so toktok to tan naparaan to man a kabaleg. Amin da asintinsiaan ya ompatey iran singa saray ompatey a totoo, asintinsiaan iran mikasakey ed saray oonla ed pasen a panaayaman da ray inaatey.
15 Sikato yay kuan na Katawan a Dios: No agew a samay kiew onlad pasen a panaayaman da ray inaatey, patabonan kod danum ed dalem na dalin a tanda na panermen. Saraan ko ray ilog tan ag ko paagosen iray kolus. Lapud inatey imay kiew, kobutan ko na bilonget iray Kapalandeyan na Libano tan palenesen kon amin iray kiew ed palandey.
16 No iyakar kod pasen a panaayaman da ray inaatey, nayegyeg iray bansa lapud biskeg na tanul na kapelag to. Manliket ed kapelag to iray amin a kiew ed Eden tan amin da ray pinili, a maung so inkasalug dan kakiewan ed Libano, a wala la rad pasen a panaayaman da ray inaatey.
17 Mila rad sikato ed pasen a panaayaman da ray inaatey, pian mikasakey irad saray wadman la. Amin da ra may nanayam ed silong to et nikaykayat irad saray bansa.
18 Samay kiew et say Egipto tan amin da ray totoo to. Anggan saray kiew ed Eden ag ira ontalona ed kaatagey tan karakpan to. Balet natan, singa saray kiew ed Eden, onla may kiew ed pasen a panaayaman da ray inaatey tan mikasakey ed saray maoges tan saray inaatey ed bakal. Siak so nansalita, kuay Katawan a Dios.
1 "Nen ononan agew na kumalabinduan bulan na kumalabinduan taon na inkibantak mid arum a bansa, say Katawan akisalitad siak.
2 "Inkuanto, Sika a toon ompatey, maermen mon pasakbayan so ari na Egipto. Ibagam yan salitak ed sikato: Ipapasen moy sikan dili a lion ed saray bansa, balet singa ka buaya ya ontitiblung ed ilog. Pipitekan na saray salim so danum tan dodotakan mo ray ilog.
3 "No mantitipon iray amayamay a bansa, erelen ta kad iket ko insan ta ka pagoyur ed sikara ed sakbit.
4 "Ibantak ta ka ed dalin tan ipakan ta ka ed saray amin a manok tan ayayep ed intiron mundo.
5 "Itabun koy naboboluk a bangkay mo ed saray kapalandeyan tan saray patar.
6 "Iyibung koy dalam ya anggad naibungan iray kapalandeyan tan napano ray kolus.
7 "No deralen ta ka, kobutan koy tawen tan pabilongeten ko ray bitewen. Onamut ed kaloreman so agew tan ag onsinag so bulan.
8 "Ag ko pasinagen iray amin a silew ed tawen tan kobutan ko na bilonget so mundom. Siak a Katawan a Dios so nansalita.
9 "Amayamay iray bansan nagunigon no ikayat ko ed saray ag mo ni nadngelan a bansa so balitan nipaakar ed kaderal mo.
10 Onkelaw iray amayamay a bansa lapud gawaen kod sika. No iwasiwas koy ispadak, onggiwgiw ed takot iray arari. Diad agew a katalom, onggiwgiw iran amin ed takot lapud pangyagel dad bilay da.
11 Say Katawan a Dios kuantod ari na Egipto, Piarapan mo so ispada na ari na Babilonia.
12 Abuloyan kon saray sondalo na saray maruksan bansa et oyusen da ray ispada ra, ta pateyen da ray amin a totoom. Naderal ya amin iray totoom tan amin a bengatlan ikikinon mo.
13 Pateyen kon amin iray bakam ed gilig na danum. Anggapo lad satan so totoo odino baka a mampitek ed saray danum.
14 Palinewen ko ray danum mo tan paagosen kon makalna iray ilog mo. Siak a Katawan a Dios so nansalita.
15 No pagmaliwen kon andi-kakanaan tan begtebegtew so Egipto, tan pateyen ko ray amin a manaayam diman, naamtaan da a siak so Katawan.
16 Magmaliw a kantan para tolur iyan makapaermen a pasakbay. Kantaen ya na saray bibii ed saray bansa diad panermen dad Egipto tan amin da ray totoo to. Siak a Katawan a Dios so nansalita.
17 Nen kumalabinliman agew na ononan bulan na kumalabinduan taon na inkibantak mid arum a bansa, say Katawan akisalitad siak.
18 Inkuanto, Sika a toon ompatey, ermenan mon amin iray amayamay a totood Egipto. Paonlam ed pasen a panaayaman da ray inaatey iray Egipsio pati saray arum a makapanyarin bansa.
19 Ibagam ed sikara: Abaloan yo a maganggana kayo ni nen saray arum? Onla kayo ed pasen a panaayaman da ray inaatey tan mansiansia kayod man, pati saray makasalanan.
20 Napelag iray totood Egipto, pati saray inaatey ed bakal. Akaparaan lay sakey ya ispadan mamatey ed sikaran amin.
21 Saray matalonggaring a panguloy sondalo tan saray akigampid saray Egipsio diad impibakal da et maliket dan awaten ed pasen a panaayaman da ray inaatey iray Egipsio. Iyeeyag da: Linmasur dia iray totoon maoges ya inaatey ed bakal, tan nia ran kidokul-dokul!
22 Wadman so Asiria, ya aliber-liber na saray lobuk da ray sondalo to. Apatey iran amin ed bakal,
23 tan walad sankaaraleman a parti na pasen a panaayaman da ray inaatey iray lobuk da. Inaatey ed bakal iray amin a sondalo to, tan aliber na saray lobuk da so pantion to. Balet nen saman tinataktakot da ray walad dalin da ray mabilay.
24 Wadman so Elam, ya aliber-liber na saray lobuk da ray sondalo to. Apatey iran amin ed bakal, tan ag ira asegat a niakar ed pasen a panaayaman da ray inaatey. Nen mabilay ni ra nantataktakot ira, balet natan akarokul iran inaatey tan naplag irad kababaingan.
25 Mandokdokul so Elam a kaiba to ray inaatey ed bakal, tan aliber na saray lobuk da ray sondalo to. Ag ira asegat ya amin; apatey iran amin ed bakal. Nen mabilay ni ra nantataktakot ira, balet natan akarokul iran inaatey tan naplag irad kababaingan, a mibibiang irad nansumpalan da ray totoon apatey ed bakal.
26 Wadman so Mesec tan say Tubal, ya aliber-liber na saray lobuk da ray sondalo ra. Ag ira asegat ya amin; apatey iran amin ed bakal. Balet nen saman tinataktakot da ray mabilay.
27 Aliwan mapagalang a tolur so impangitolur ed sikara; aliwan singa impangitolur ed saray matalonggaring a sondalo nen saman, a nen linma rad pasen a panaayaman da ray inaatey, akaarmas ira, niiyan ed silong na olo ra iray ispada ra, tan nitapew ed bangkay da iray samper da. Makapanyari ra yan matalonggaring a sondalo nen saman, kanyan tatakotan ira na saray mabilay.
28 Onya so kabaktar da ray Egipsio, a kaiba da ray ag asegat ya apatey ed bakal.
29 Wadman so Edom, a pati saray arari tan saray manoley to. Makapanyari ran sondalo nen saman, balet natan akarokul irad ayaman da ray inaatey a kaiba da ray totoon ag asegat ya apatey ed bakal.
30 Amin da ray prinsipi ed baybay et wadman met ira; wadman met iray taga Sidon. Nen saman nantataktakot ira lapud pakayari ra, balet natan naplag irad kababaingan a pati saray apatey ed bakal tan niparokul iran ag asegat. Minabang irad kababaingan da ray oonlad pasen a panaayaman da ray inaatey.
31 Naligliwa so ari na Egipto tan saray sondalo to diad pakanengneng tod sarayan amin ya apatey ed bakal, kuay Katawan a Dios.
32 Inyabuloy kon nantaktakot ed saray mabilay so ari na Egipto, balet natan sikato tan saray amin a sondalo to et napatey ira tan niparokul ira a kaiba da ray ag asegat ya apatey ed bakal. Say Katawan a Dios so nansalita.
1 "Say Katawan akisalitad siak.
2 "Inkuanto, Sika a toon ompatey, ibagam ed saray totoo so nagawa no mangyakar ak na bakal ed sakey a dalin. Saray totood saman a bansa mamipili rad sikara na sakey a managbantay.
3 "No nanengneng ton ondadago ray kalaban, paknulen toy trumpita a pamasakbay tod balang sakey a too.
4 "Siopamay toon makadngel ed samay pasakbay, balet et ag to ingalngalep tan onsabiy kalaban a mamatey ed sikato, sikaton dili so natetel ed ipatey to.
5 "Kasalanan toy impatey to, lapud ag to inngalngalep so pasakbay. No dinengel to may pasakbay, akabatik komun.
6 "No nanengneng na managbantay ya ondadago ray kalaban, et ag to paknulen so trumpita, onsabi ed satan iray kalaban tan pateyen da ray makasalanan, balet samay managbantay so natetel tan singilen kod sayan impatey da.
7 "Natan, sika a toon ompatey, gawaen ta ka a managbantay na bansa na Israel. Nepeg mon ipasabid sikara iray pasakbay ya iiter kod sika.
8 "No imbawag kon ompatey so toon maoges, balet et ag mo pinasakbayan a mangoman ed maoges a panagbilay to, sikatoy ompatey a makasalanan, balet sikay tetelen ko ed impatey to tan singilen ta ka.
9 "No pasakbayan moy sakey a toon maoges, et ag ontondan mankasalanan, sikatoy ompatey a makasalanan, balet nilaban moy bilay mo.
10 Say Katawan akisalitad siak. Inkuanto, Sika a toon ompatey, olit mon ibagad saray Israelita so sasalitaen da: Nabebelatan kami lapud saray kasalanan tan saray kaogsan mi. Onkakapoy kami lan onkakapoy. Panon niy pambilay mi?
11 Ibagam ed sikara a legan a siak so mabilay a Katawan a Dios, ag ko panliketan so ipatey na toon makasalanan. Labay ko ingen a magbabawid saray kasalanan to tan mambilay. Israel, tondaan mo lay kaogsan a gagawaen mo. Akin et labay moy ompatey?
12 Natan, sika a toon ompatey, ibagam ed saray Israelita a no mankasalanan so matonung a too, ag nilaban na maung iran ginagawa to. No ontondan manggaway kaogsan so toon maoges, ag la nadusa. Balet no mankasalanan so maung a too, ag nipaliis ed patey so bilay to.
13 Nayarin isipan kon mambilay so maung a too, balet no nunoten ton masarag la ray ginagawa ton kamaungan insan igapo toy mankasalanan, ag ko nunoten so antokaman a ginagawa ton kamaungan. Ompatey lapud saray kasalanan to.
14 Nayarin pasakbayan koy toon maoges a sikatoy ompatey, balet no ontondan mankasalanan tan gawaen toy kaptekan tan kamaungan
15 singa bilang ipawil toy impotika na akautang ed sikato odino ipawil toy tinakew tono ontondan mankasalanan tan onuren to ray ganggan a mangiter na bilay, sikatoy ag ompatey no ag ingen mambilay.
16 Pirdonaen ko ray ginagawa ton kasalanan tan mambilay lapud nanggawa na kaptekan tan kamaungan.
17 Balet, ibabaga na saray totoom ya aliwan matonung so gagawaen ko! Aliwan tua tan, no ag ingen say kagagawa ra so aliwan matonung.
18 No itonda na matonung a too so manggaway kamaungan tan igapo toy manggaway kaogsan, ompatey lapud saya.
19 No ontondan mankasalanan so toon maoges tan manggawa lay kaptekan tan kamaungan, mambilay lapud saya.
20 Balet Israel, ibabagam ya aliwan matonung so gagawaen ko. Sintinsiaan ta ka onung na gagawaen mo.
21 Nen kumaliman agew na kumaplon bulan na kumalabinduan taon na inkibantak mid arum a bansa, walay sakey a toon akabatik a nanlapud Jerusalem tan imbaga tod siak a naplag la so siudad.
22 Diad samay labi kasakbayan na insabi to, aliknak so biskeg na pakapanyari na kiwawalay Katawan. Nen sinmabi may too ed samay kaimbwasan, impawil na Katawan ed siak so pakapansalita lamet.
23 Say Katawan akisalitad siak.
24 Inkuanto, Siak a toon ompatey, saray totoon manaayam ed saray aderal-deral a siudad na dalin na Israel et ibabaga ra: Saksakey a too si Abraham, et niiter ed sikatoy intiron dalin. Amayamay itayo la, kanyan natan kayaryan tayo la yay dalin.
25 Ibagam ed sikara so ibabagak, siak a Katawan a Dios: Mangakan kayoy karnin nandala. Mangigagalang kayod saray talintaoy diriyos. Mampapatey kayo na saray totoo. Panoy pangibabaga yon kayaryan yoy dalin?
26 Manmamatalek kayo ed saray ispada yo. Makapaingungot iray kagagawa yo. Mikakaloguran so balang sakey ed sikayo. Panoy pangibabaga yon kayaryan yoy dalin?
27 Ibagam ed sikara a siak a Katawan a Dios papasakbayan ko ra a legan a mabilay ak andi-duaruwan ompatey iray totoon manaayam ed saray aderal-deral a siudad. Kanen na saray ayayep ed katakelan iray manaayam ed saray bario. Ompatey ed salot iray manaamut ed saray kapalandeyan tan diad saray ongib.
28 Pagmaliwen kon begtebegtew tan andi-kakanaan so dalin na Israel tan panganggaen koy inkikinon dan pakayari. Pagmaliwen kon anggapoy onkitakitaw iray kapalandeyan to, pian anggapoy malabay ya ondalan diman.
29 No dusaen ko ray totoo lapud saray kasalanan da tan pagmaliwen kon andi-kakanaan so dalin da, naamtaan dad satan a siak so Katawan.
30 Say Katawan kuanto, Sika a toon ompatey, mantotongtong iray totoom na nipaakar ed sika no mantitipon irad abay na saray padir na siudad odino diad saray dalan ya ompogtad kaabungan da. Ikuandad sakey tan sakey, Itila, ta dengelen tayo ray salitan nanlapud Katawan natan.
31 Kanyan saray totook mantitipon iran ondengel na ibagam, balet ag da susumpalen so ibagam a gawaen da. Walad bibil da ray salitan napnoy aro, balet itutuloy day panagagom da.
32 Para sikara anggapoy pidomaan mod saray managpaliket na karaklan diad panamegley na kansion para arowan odino panagtogtog na arpa. Dedengelen da ray amin a sasalitaen mo, balet anggapoy anggan sakey ya oonuren da.
33 Balet no ontua ray amin a salitamet talagan ontua ranaamtaan dad satan a walay sakey a propitan nanayam ed pegley da.
1 "Say Katawan akisalitad siak.
2 "Inkuanto, Sika a toon ompatey, mansalita ka na sumpa ed saray manoley ed Israel. Mampropisiya kad sikara tan ibagam ed sikara so ibabagak, siak a Katawan a Dios: Asintinsiaan kayo lan nadusa, sikayon pumapastol ed Israel! Aasikasoen yoy sikayon dili, balet ag yon balut ipapastol iray karniro.
3 "Iinomen yoy gatas, isosolung yo ray lanan abel, papatasen tan kakanen yo ray sankaabigan a karniro. Balet ag yon balut ipapastol iray karniro.
4 "Ag yo inasikaso iray makapoy, ag yo tinambal iray mansasakit, ag yo binerber so sugat da ray asugat, ag yo pinapawil iray akar-akar, odino inanap iray abalang. Pinapairap yo ra lalaingen.
5 "Lapud anggapoy mamapastol ed saray karniro, nikaykayat ira tan pinapatey tan binubuag ira na saray ayayep ed katakelan.
6 "Kanyan nanakar-akar ed kapokdulan tan diad kapalandeyan iray karnirok. Nikaykayat irad nandoroman pasen ed intiron mundo. Anggapoy anggan sakey a nananap ed sikara.
7 "Natan, sikayo a pumapastol, dengel yoy ibabagak ed sikayo, siak a Katawan.
8 "Andi-duaruwa a siak so mabilay a Dios; dinmengel kayo komun ed siak. Dinogpaan, pinatey tan binuag na saray ayayep ed katakelan iray karnirok lapud anggapoy mampastol ed sikara. Saray pumapastol ko et ag da inanap iray karnirok. Say laman dan dili so inaasikaso ra, aliwan saray karniro.
9 "Kanyan dengel kayod siak, sikayo ran pumapastol.
10 Ibawag ko a siak a Katawan a Dios so kalaban yo. Ekalen kod sikayo ray karnirok tan ag ta kayo lan balut pampastolen ed sikara; ag ko la iyabuloy a say laman yon dili labat so asikasoen yo. Iyagel kod sikayo iray karnirok tan ag ko iyabuloy a kanen yo ra.
11 Siak a Katawan a Dios ibagak ed sikayo a siak a dili so mananap ed saray karnirok tan asikasoen ko ra
12 a singa pangasikaso na pumapastol ed saray karniro to ran nikaykayat balet atiptipon ira lamet. Isempet ko ra a manlapud saray pasen a nikaykayatan da diad samay agew ya ambilonget tan maatap.
13 Alaen ko rad saray arum a bansa, pantitiponen ko ra, insan ko ra ipawil ed dilin dalin da. Iwanwan ko rad kapalandeyan tan kakolusan na Israel, tan pankabkaben ko rad malambut a pastolan.
14 Pankabkaben ko rad patar na kapalandeyan ya arawid kaatapan, diad saray patar tan diad amin a mabonan pastolan ed dalin na Israel.
15 Siak a dili so mampastol ed saray karnirok, tan iyanapan ko ray pasen a pampainawaan da. Siak a Katawan a Dios so nansalita.
16 Anapen ko ray abalang, papawilen ko ray akaarawi, berberen ko ray asugat, tan tambalen ko ray mansasakit; balet deralen ko ray mataba tan mabiskeg, ta siak so pumapastol a manggagaway kaptekan.
17 Natan sirin, karnirok ira, siak a Katawan a Dios ibabagak ed sikayo a sintinsiaan koy balang sakey ed sikayo tan ibiig koy maung ed makapoy, saray karniro ed saray kanding.
18 Saray arum ed sikayo et ag ni apenek ed saray sankaabigan a dika; ginagatinan yo ingen iray ag yo kakanen! Iinomen yo ray malinew a danum tan kikiloten yo ray ag yo iinomen!
19 Saray arum a karnirok et kaukolan a kanen da ra may dikan gagatinan yo tan inomen da ra may danum a kikiloten yo.
20 Kanyan natan, siak a Katawan a Dios ibabagak ed sikayo a sintinsiaan ta kayo ran mabiskeg a karniro tan saray makapoy a karniro.
21 Impapaliis yo ray mansasakit tan binubuno yo ran pinaarawid poluk.
22 Balet iyagel ko ray karnirok tan ag ko la iyabuloy a napairap ira lamet. Sintinsiaan ko so balang sakey ed saray karnirok ta ibiig koy maung ed maoges.
23 Itdan ko ray sakey ya arin singa si aripen kon David tan sikatoy saksakey a mampastol ed sikara, tan asikasoen to ra.
24 Siak a Katawan so magmaliw a Dios da, tan say manoley ed sikara et sakey ya arin singa si aripen kon David. Siak a Katawan so nansalita.
25 Misipanan ak ed sikara tan sayan sipanan et mangyarawi ed sikara ed maoges. Paandien kod dalin iray maruksan ayayep, pian arawid kaatapan iray karnirok diad panayaman dad saray kaalogan tan diad iyogip dad katakelan.
26 Bindisionan ko ra tan abuloyan ko ran manayam ed kaliber-liber na masanton pokdul ko. Bindisionan ko rad man na saray ompelag ya oran no nakaukolan da.
27 Mambunga ray kakiewan, wala ray bungay kaalogan, tan manayam ed dilin dalin to ya arawid kaatapan so balang sakey a too. No paksoten koy akagolunggolung ed saray totook tan ibolus ko rad saray angaripen ed sikara, naamtaan dad satan a siak so Katawan.
28 Ag la ran balut samsaman na saray bansan anggapoy Dios da, tan ag la ra buagen na saray ayayep ed takel. Mambilay la ran arawid kaatapan, tan anggapo lay manaktakot ed sikara.
29 Itdan ko ra na mataban kaalogan tan patondaen ko la so eras ed dalin. Ag la rad satan balbalawen na saray arum a bansa.
30 Naamtaan na balang sakey ya iyaagel koy Israel tan sikara so totook. Siak a Katawan a Dios so nansalita.
31 Sikayo ran karnirok, say poluk a papakanen ko, et sikayo ray totook, tan siak so Dios yo, kuay Katawan a Dios.
1 "Say Dios akisalitad siak.
2 "Inkuanto, Sika a toon ompatey, mansalita ka na sumpad Edom.
3 "Ibagam ed saray totood man so ibabagak, siak a Katawan a Dios: Siak so kalaban yo, sikayon kapalandeyan na Edom! Pagmaliwen ta kayon andi-kakanaan tan begtebegtew a dalin.
4 "Taynanan kon aderal-deral iray siudad mo Tan say dalin mo a begtebegtew; Diad satan naamtaan mo a siak so Katawan.
5 "Sikay mabetbet a kalaban nen saman na Israel tan impapapatey mo ray totoo to diad samay panaon na inkaderal to, salanti samay kaonuran ya impakadusa to lapud saray kasalanan to.
6 "Lapud saya, legan a siak so mabilay a Katawan a Dios, andi-duaruwan say patey so pansumpalan mo, tan ag mo ya nibatikan. Nankasalanan kad impanpatey mod saray totoo, kanyan osilan ka met na patey.
7 "Pagmaliwen kon andi-kakanaan so dalin mo, Edom, tan pateyen kon amin iray manakar diman.
8 "Tayakan ko na bangkay iray kapalandeyan mo, tan saray bangkay da ray napatey ed bakal et nitaytayak irad kapokdulan tan diad saray patar.
9 "Pagmaliwen ta kan begtebegtew ya anggad angga, tan anggapo lay manayam lamet ed saray siudad mo. Naamtaan mod satan a siak so Katawan.
10 Imbagam a kayaryan mo ra may duaran bansa, say Juda tan say Israel, tan saray dalin da, tan sakopen mo ra, anggaman a siak a Katawan so Dios da.
11 Lapud saya, legan a siak so mabilay a Katawan a Dios, andi-duaruwan singilen ta ka lapud samay impanpasnuk mo, impangimon mo, tan samay impanbosul mod saray totook. Naamtaan da a dudusaen ta ka lapud saramay ginagawam ed sikara.
12 Diad satan, nakabatan mo a siak a Katawan et nadngel ko may mapaatagey mon impansalita a begtebegtew iray kapalandeyan na Israel tan nayarian mon gawaen so labalabay mo ed sikara.
13 Nadngel koy mapalalon mapaatagey ya impansasalitam sumpad siak.
14 Say Katawan a Dios kuanto, Pagmaliwen ta kan begtebegtew pian manliket so intiron mundo ed inkaderal mo,
15 a singa samay impanliket mod inkaderal na Israel a kayaryan ko. Say kapalandeyan na Seir, on, say intiron dalin na Edom, magmaliw a begtebegtew. Diad satan naamtaan na amin a katoowan a siak so Katawan.
1 "Say Katawan kuanto, Sika a toon ompatey, mansalita kad kapalandeyan na Israel tan ibagam ya ondengel ira ed ibabagak ed sikara,
2 "siak a Katawan a Dios: Saray kalaban na Israel kuanda, Maung, anggan sarayan abaybayag lan kapokdulan et kayaryan tayo la ra!
3 "Mampropisiya ka, sirin, tan ibawag mo so ibabagak, siak a Katawan a Dios. Nen adakep tan asamsaman na saray kaliber-liber a bansa so kapalandeyan na Israel, niluludlurey na balang sakey a too so Israel.
4 "Natan sirin dengel yoy ibabagak, siak a Katawan a Dios, ed sikayo ran kapalandeyan tan kapokdulan, sikayo ran kolus tan patar, sikayo ran pasen ya ataynan ya aderal-deral, sikayo ran ataynan tan asamsaman a siudad tan binabalaw na amin da ray kaliber-liber a bansa.
5 "Diad gaway pasnuk ko, siak a Katawan a Dios, nansalita ak na sumpad saray kaliber-liber a bansa, nagkalalo lad Edom. Diad ontan lan liket tan panagbalaw da, dinakep day dalin ko tan kinayaryan da ray pastolan to.
6 "Kanyan mampropisiya ka ed dalin na Israel; salitam ed saray kapalandeyan, saray kapokdulan, saray kolus, tan saray patar so ibabagak, siak a Katawan a Dios diad maimon a pasnuk ko, lapud saramay impanpapabaing tan impanleleglemew na saray bansa ed sikara.
7 "Siak a Katawan a Dios sinambaan kon ipelag ed kababaingan iray bansan walad kaliber-liber.
8 "Balet mambulong lamet iray kakiewan ed kapalandeyan na Israel tan mambunga ra a para sikayon totook ya Israel. Magano la so isempet yo.
9 "Wala ak ed diking yo, tan andi-duaruwa a nabaka lamet so dalin yo tan nataneman.
10 Parakelen koy bilang yo. Manayam kayod saray siudad tan pasimbaloen yon ipaalagey iray aderal-deral a bengatla.
11 Parakelen koy bilang da ray totoo tan saray ayayep. Magmaliw a dakel niy bilang yo nen say karakel yo nen saman, ta nawalaan kayo na amayamay ya anak. Panayamen ta kayod man a singa samay impanayam yo nen saman, ta paaligwasen koy bilay yo a mapalalo nen say bilay yo nen saman. Diad satan naamtaan yo a siak so Katawan.
12 Papawilen ta kayo, sikayon totook ya Israelita, a manayam lamet ed dalin yo. Magmaliw a dilin dalin yo, tan ag to lan balut paerasen iray anak yo.
13 Siak a Katawan a Dios kuanko: Tua a saray totoo ibabaga ra a manangay too so bansa na Israel, tan tatakewen to ray anak na bansa.
14 Balet manlapud natan, aliwa lan manangay too a bansa tan managtakew na saray anak to. Siak a Katawan a Dios so nansalita.
15 Say dalin ag to la nepeg a dengelen iray bansan manluludlurey ed sikato odino onnengneng ed saray totoon mamapabaing ed sikato. Say dalin ag to la takewen iray anak to. Siak a Katawan a Dios so nansalita.
16 Say Katawan akisalitad siak.
17 Inkuanto, Sika a toon ompatey, nen manaayam ed dalin da iray Israelita, dinotakan da may dalin da lapud maoges a kabibilay tan kagagawa ra. Impasen kon samay kagagawa ra et marotak onung ed ganggan a singa biin naliliberan.
18 Impaliknak ed sikara so sulit na pasnuk ko lapud saray impanpapatey dad saray totoo ed bansa tan lapud saray talintaoy diriyos a sikaray makasengeg na impandotak dad dalin.
19 Sinintinsiaan ko ray dusa lapud maoges so impanbilay da tan saray ginagawa ra, kanyan inkaykayat ko rad nandoroman bansa.
20 Diad inerman a niakaran da, impelag dad kagalangan so masanton ngaran ko, lapud imbabaga na saray totoo, Totoo ra ya na Katawan, balet nakaukolan a taynan day dalin to.
21 Sikato yay makasengeg no akin et ninunot koy para masanton ngaran ko, bangta impelag na saray Israelita ed kababaingan diad inerman a pasen a nila ra.
22 Natan sirin, salitam ed saray Israelita yan ibabagak ed sikara, siak a Katawan a Dios: Say gawaen ko et aliwan sikayoy makasengeg, Israelita, no ag ingen say masanton ngaran ko ya impelag yod kababaingan diad iner man a bansan nila yo.
23 No iparontal kod saray bansa so kasantosan na mablin ngaran kosay ngaran ya impelag yod kababaingan diad pegley danakabatan dad satan a siak so Katawan. Siak, a Katawan a Dios, so nansalita. Ikana ta kayo a mangiparontal ed saray bansa a masanto ak.
24 Alaen ta kayo ed balang bansa tan ipawil ta kayo ed dilin dalin yo.
25 Walsikan ta kayoy malinis a danum tan linisan ta kayod saray amin a talintaoy diriyos yo tan diad amin a bengatlan nandotak ed sikayo.
26 Itdan ta kayo na balon puso tan balon isip. Ekalen kod sikayoy inmawet a puso yon singa bato tan itdan ta kayo na maonur a puso.
27 Iyan kod sikayo so ispirituk tan patoluken ta kayod saray ganggan ko tan saray bilin kod sikayo.
28 Insan manayam kayod dalin ya inter kod saray lalaki yo. Magmaliw kayon totook tan siak so Dios yo.
29 Iyagel ta kayod antokaman a pakadotakan yo. Iganggan ko ray trigo a mamparakel ira, pian ag kayo la nadalan na eras.
30 Parakelen koy bunga na saray kakiewan yo tan say naani ed kaalogan yo, pian anggapo la ray ondalan ya eras a makasengeg na pakapelagan yod kababaingan ed saray bansa.
31 Nanunotan yod satan ira may maoges a ginagawa yo tan saray makapoy a kagagawa yo, et diad ontan kabosulen yoy sikayon dili lapud saray kasalanan yo tan saray kaogsan yo.
32 Israel, labay kon ipaamtad sika ya aliwan sikay makasengeg na panggagawaan kod saya. Labay kon nabaingan tan napaabeba ka lapud saray gagawaen mo. Siak a Katawan a Dios so nansalita.
33 Say Katawan a Dios kuanto, No alinisan ta kayo lad saray kasalanan yo, panayamen ta kayo lamet ed saray siudad yo tan paapiger kod sikayo iray aderal-deral.
34 Saray ondadalan nen saman ed saray alog yo et anengneng dan apaolyan tan matakel la ra, balet padalusan ko rad sikayo lamet.
35 Salitaen na balang sakey no panon a sayan siudad, a nen saman sakey a kalawakan, et nagmaliw a singa Tanamanan na Eden, tan no panon a panaayaman la tan apaliberan la na padir iray siudad ya ageba-geba, ataynan, tan aderal-deral nen saman.
36 Diad satan saray siudad ed kaliber-liber ya ag aderal et naamtaan da a siak a Katawan so amasimbalon amaalagey ed saray aderal-deral a siudad tan amatanem ed saray apaolyan a kaalogan. Siak a Katawan so angisipan a gawaen koy onyaet tuan gawaen ko.
37 Say Katawan a Dios kuanto, Abuloyan ko lamet iray Israelita ya onkerew irad siak na tulong, tan parakelen koy bilang da a singa poluk na karniro.
38 Saray siudad ya aderal-deral ira natan et napano ra na saray totoo a singa inkapano na Jerusalem nen saman na saray karniron imbabagat no pista. Naamtaan dad satan a siak so Katawan.
1 "Aliknak so pakayari na kiwawalay Katawan, et inala ak na ispiritu to tan inlira to ak ed patar a napno na saray pokepokel.
2 "Inliber-liber to ak ed samay patar, et anengneng koy ontan lan karakel a pokel ya amaga-magaan ira.
3 "Inkuantod siak, Sika a toon ompatey, nabilay ni kasi ra yan pokel? Inmebat ak, Katawan a Dios, sika labat so makaebat ed satan a tepet mo!
4 "Inkuanto, Mampropisiya kad saray pokepokel. Ibagam ed sarayan amagan pokel ya ondengel irad salita na Katawan.
5 "Ibagam ed sikara a siak a Katawan a Dios et kuankod sikara: Itdan ta kayoy ingas tan pabilayen ta kayo.
6 "Itdan ta kayo na olat tan laman, insan balkuten ta kayo na baog. Itdan ta kayo na ingas tan pabilayen ta kayo. Naamtaan yod satan a siak so Katawan.
7 "Kanyan nampropisiya ak onung na nibagad siak. Legan ak a mansasalita, akadngel ak na makmaksil a tanul, insan ginmapon natotoop ira may pokel.
8 "Nen ombabantay ak, akobutan na olat tan laman ira may pokepokel, insan ira abalkut na baog. Balet ag ni ra onlinawa.
9 "Inkuan na Dios ed siak, Sika a toon ompatey, mampropisiya ka ed dagem. Ibagam ed dagem a say Katawan a Dios igaganggan to ya onsabin manlapud amin a dapag, onsibuk ed sarayan bangkay, pian ombilay ira.
10 Kanyan nampropisiya ak onung na nibagad siak. Linmoob ed saramay bangkay so ingas, et binmilay ira tan inmaalagey ira. Singa amayamay a sondalo so karakel da.
11 Inkuan na Dios ed siak, Sika a toon ompatey, saray totood Israel et singa sarayan pokepokel. Ibabaga ra ya amagaan ira, naandian la ray ilalo tan anggapoy kabaliksan na arapen da.
12 Kanyan mampropisiya kad saray totook ya Israelita, ta ibagam ed sikara a siak a Katawan a Dios et lokasan ko ray lobuk da. Ipaway ko ra, insan ko ra ipawil ed dalin na Israel.
13 No lokasan ko la ray lobuk ya akaipomponan na saray totook tan ipaway ko la ra, naamtaan dad satan a siak so Katawan.
14 Ingasan ko ra et nabilay ira, insan ko ra panayamen ed dilin dalin da. Naamtaan dad satan a siak so Katawan. Insipan ko a gawaen yaet tuan gawaen ko. Siak a Katawan so nansalita.
15 Say Katawan akisalitad siak lamet.
16 Inkuanto, Sika a toon ompatey, mangala kay sakey a bislak tan isulat mod satan a bislak ira yan salita, Say nanarian na Juda. Insan ka mangalay sakey nin bislak tan isulat mod satan a bislak yan salita, Say nanarian na Israel.
17 Insan mo bembenan a nantapilan iray duaran bislak, pian singa ra saksakey a bislak.
18 No saray totoom et tepeten da no antoy kabaliksan to ya,
19 ibagam ed sikara a siak a Katawan a Dios et alaen ko so bislak ya ilalaman toy Israel, insan ko ilatup ed sakey a bislak ya ilalaman toy Juda. Pagmaliwen ko ran saksakey a bislak, insan ko ra bembenan ed limak.
20 Bembenan mod limam iray duaran bislak tan ipanengneng mod saray totoo.
21 Ibagam ed sikara a siak a Katawan a Dios et alaen kon ipaway ed nandoroman bansa a nikaykayatan na amin a totook, pantitiponen ko ra, insan ko ra iyakar ed dilin dalin da.
22 Pagmaliwen ko ran saksakey a bansa ed dalin, diad kapalandeyan na Israel. Nawalaan iray saksakey ya ari a manoley ed sikara, et ag la ra napaldua a duaran bansa odino napaldua ra a duaran nanarian.
23 Ag da la dotakay sikaran dili, lapud saray makapaingungot a talintaoy diriyos odino lapud kasalanan. Ipaliis ko rad amin a pakapankasalanan dad siak. Linisan ko ra; magmaliw iran totook tan siak so Dios da.
24 Say magmaliw ya ari ra et singa si aripen kon David. Mankakasakey iran walad silong na saksakey a manoley tan matoor dan onuren iray ganggan ko.
25 Manayam irad dalin ya inter kod aripen kon Jacob, diad dalin a nanayaman na saray lalaki ra. Manayam irad man ya anggad angga, pati saray anak da tan amin a kabyangay boleg da. Anggad anggan manoley ed sikara so sakey ya arin singa si aripen kon David.
26 Misipanan ak ed sikara; sayan sipanan so kaletan diad pambilay dan arawid kaatapan diad ando lan ando. Iletneg ko ra tan parakelen koy bilang da, tan magnayon a panalageyen kod dalin da so Timplok.
27 Manayam ak diman ed kawalaan da; magmaliw a siak so Dios da tan sikaray totook.
28 No nipasen ko lay Timplok a mansiansia ya anggad angga ed kawalaan da, naamtaan ed satan na saray bansa a siak a Katawan so amilid Israel a sikaray dilin totook.
1 "Say Katawan akisalitad siak.
2 "Inkuanto, Sika a toon ompatey, mansalita ka na sumpad Gog a manonan manoley na saray bansa na Mesec tan Tubal diad dalin na Magog. Mansalita ka na sumpad sikato
3 "tan ibagam ed sikato a siak a Katawan a Dios et kalaban to.
4 "Papoliktaren ko, insan ko tagaan so songut to, tan igayugoy kon iyarawi a pati amin a sondalo to. Sarayan sondalo ton amayamay a kaiba ray kabayo ra et akasamper tan akaispada so balang sakey ed sikara tan wala ray akakabayo a nampaparay kawes dan para bakal.
5 "Kaiba to ray lalakin taga Persia, Sudan, tan Libia ya akasamper tan akahilmit ira.
6 "Kaolup to met ya amin iray mibabakal a lalakin taga saray dalin na Gomer tan Bettogarma diad baybay; ontan met a kaiba to ray lalakin taga amayamay a bansa.
7 "Ibagam ed sikato a mamparaan tan pamparaanen to ray sondalo ton ipangulo to.
8 "Kalabas na amayamay a taon iganggan kon looban toy sakey a bansan saray totoo to et pinmawil iran nanlapud saray amayamay a bansa tan manaayam iran arawid kaatapay bakal. Looban to ray kapalandeyan na Israel ya abayag iran apaolyan tan ataynan, balet panaayaman la ra na amin da ray totoon arawid kaatapan.
9 "Sikato tan saray amayamay a sondalo to a pati saray amayamay a bansa et dogpaan dan singa ra kaloreman ya onlaknab ed saman a dalin.
10 Sikato yay kuan na Katawan a Dios ed kinen Gog: No onsabiy tan a panaon igapom so mannunot na sakey a maoges a plano.
11 Getmaen moy onloob ed sakey a bansan ag to niagel so sikaton dili, a mambibilay iray totoo ed kareenan tan arawi rad kaatapan diad saray baley ya anggapoy padir tan makapangyagel.
12 Samsaman yo ray totoon manaayam ed saray siudad a nen saman aderal-deral. Nen saman atiptipon irad nanlapud saray bansa, tan natan manaayam irad pegley na mundo a wala ray ayayep tan arum a kayaryan da.
13 Saray totoon taga Seba tan Dedan tan saray nigosiantin taga baley na Espanya et tepeten dad sika, Tinipon mo ray sondalom ta ondogpa kayo tan mansamsam kayo, anto? Gagalam so manala na saray pilak tan balituk, saray baka tan saray kayaryan, insan mo ibatik ira yan asamsam mo anto?
14 Kanyan say Katawan a Dios imbaki to ak a mangibagad Gog na sayan labay ton ibagak sikato: Natan legan a saray totook ya Israel et mambibilay iran arawid kaatapan, mamparaan kan
15 ondago manlapud arawin pasen mo diad baybay, ta ipangulom iray amayamay a makapanyarin sondalon taga amayamay a bansa ya akakabayo ran amin.
16 Dogpaan mo ray totook ya Israel a singa ka bagyon ondadalan ed dalin. No onsabiy tan a panaon, ibaki ta kan onloob ed dalin ko, pian nipanengneng kod saray bansa no siopa ak, pian nipanengneng koy kasantosan ko diad panamegley mo.
17 Sika so sinalitak la nen abayag lan panaon, nen imbawag ko diad panamegley na saray aripen kon propita ed Israel, ya onsabi ray agew a mangibaki ak na toon ondogpad Israel. Say Katawan a Dios so nansalita.
18 Say Katawan a Dios kuanto, Diad agew a looban nen Gog so Israel, mampasnuk ak na mapalalo.
19 Ibabawag ko a diad gaway pasnuk ko, nagawad satan ya agew so mabiskeg a yegyeg ed dalin na Israel.
20 Balang sira tan manok, balang ayep, baleg may melag, tan balang too onggiwgiw ed takot tod siak. Nakusbo iray kapalandeyan, nabosbos iray pandel, kelas, tan nageban amin iray padir.
21 Taktakoten koy Gog diad panamegley na saray nandoroman desyang. Siak a Katawan a Dios so nansalita. Mandodoyukan na ispada iray totoo to.
22 Dusaen ko diad panamegley na salot tan pateyan. Say makmaksil ya oran a nantarok na yilo, apoy, tan asupri, et ipelag kod sikato, saray sondalo to, tan saray amayamay a bansan akigampid sikato.
23 Diad onya ipanengneng kod amin a bansa a siak so matalonggaring tan masanto. Diad satan naamtaan da a siak so Katawan.
1 "Say Katawan a Dios kuanto, Sika a toon ompatey, mansalita ka na sumpad Gog a manonan manoley na saray bansa na Mesec tan Tubal, tan ibagam ed sikato a siak so kalaban to.
2 "Ipadalan kod sananey a dalan, insan ko iwanwan ed bandad baybay ya anggad nasabi to ray kapalandeyan na Israel.
3 "Kayari to ya, paspasen kon ipelag so bekang na pana ed kawigin lima to tan saray balay pana ed kawanan a lima to.
4 "Diad satan sikato tan saray sondalo to et ompatey iran kibalatar ed kapalandeyan na Israel tan paolyan kon kanen na saray manok tan saray ayayep ed katakelan iray bangkay da.
5 "Ompatey iran kibalatar ed maawang ya alog. Siak a Katawan a Dios so nansalita.
6 "Mangigapo ak na pool ed dalin na Magog tan diad amin a pasen ed gilig na dayat ya ag nasisigensigen ed pambibilay iray totoon manaayam, et naamtaan na balang sakey a siak so Katawan.
7 "Ipaamtak ed saray totook ya Israel so masanton ngaran ko, tan ag ko la abuloyan a napelag ed kababaingan so ngaran ko. Diad satan nakabatan na saray bansa a siak so Katawan, say masanton Dios na Israel.
8 "Say Katawan a Dios kuanto, Andi-duaruwan onsabi imay agew a sinalitak.
9 "Saray totoon manaayam ed saray siudad na Israel et ompaway ira tan tiponen dan intongo iray atilak-tilak ya armas. Poolan da ray samper, pana, pika, tan maso, et ag da ra naoput ya ipool legay pitoy taon.
10 Ag la ra manalad kaalogan o mambatang na kiew ed katakelan na itotongon kiew, lapud nawalaan ira na atilak-tilak ya itongon armas. Samsaman da ra so nansamsam ed sikara. Say Katawan a Dios so nansalita.
11 Say Katawan kuanto, No nagawa la ra yan amin, ibiigan kod Israel si Gog na pomponan a dalin diad Patar na saray Biahiro, diad bokig na Inatey a Dayat. Nipompon diman si Gog tan amin da ray sondalo to, et saman a patar natawag na Say Patar na saray Sondalo nen Gog.
12 Saray Israelita et pitoy taon a mangipompon ed saray amin a bangkay tan manlinis ed dalin.
13 Ontulong so balang too ed dalin a mangipompon ed sikara, tan napagalangan irad saya no onsabiy agew na panalok. Siak a Katawan a Dios so nansalita.
14 Kalabas na pitoy bulan ed satan, wala ray napilin lalaki a manliber ed dalin, pian naanap tan nipompon da ray bangkay ya atilak ed dalin, et nalinisan da.
15 Diad panliber da ed bansa, kapag makalmo ray pokel na too itdan da na tanda so abay to, pian naala na saray managkotkot na abut, insan da ipompon ed Patar na saray Sondalo nen Gog.
16 (Diad asingger diman niwala so baley ya inaon so ngaran to ed ngaran na saman a grupoy sondalo.) Kanyan say dalin nalinisan lamet.
17 Say Katawan a Dios kuantod siak, Sika a toon ompatey, paragom ya amin iray manok tan ayayep a walad kaliber-liber, ta mangan iray bagat ya ipaparaan kon para sikara. Balbaleg yan nagawan pista ed kapalandeyan na Israel, tan dia ra makapangan na karni tan makainom na dala.
18 Nepeg a mangan ira na laman na saray sondalo tan oninom na dala da ray manoley ed tapew na dalin, a napatey iran amin a singa karniron kalakyan odino kordiro odino kanding, odino mataban bakan kalakyan.
19 No pateyen kon singa saray bagat ira yan totoo, saray manok tan saray ayayep kanen day labalabay dan taba tan inomen day nayarian dan inomen a dala.
20 Diad lamisaan ko mangan na nayarian dan kanen iray kabayo tan saray kumakabayo, saray sondalo tan saray bumabakal. Siak a Katawan a Dios so nansalita.
21 Say Katawan kuanto, Abuloyan kon nanengneng na saray bansa so kagalangan ko tan ipanengneng kod sikara no panoy pangikakanak na pakayarik diad pangipakurang kod sintinsian ginawak.
22 Manlapud saya naamtaan na saray Israelita a siak so Katawan a Dios da.
23 Nakabatan na saray bansa a saray Israelita et nibantak irad arum a bansa, lapud saray kasalanan dad siak. Inkaindan ko ra tan inabuloyan kon taloen tan pateyen ira ed bakal na saray kalaban da.
24 Inter kod sikara so kanepegan dan dusa lapud inkarotak tan inkaoges da, insan inkaindan ko ra.
25 Say Katawan a Dios kuanto, Balet natan kasian ko ray kabyangay boleg nen Jacob, saray totood Israel, tan paaligwasen ko ra lamet. Iyagel ko so masanton ngaran ko.
26 No manayam ira lamet ya arawid kaatapan diad dilin dalin da, ya anggapo lay manaktakot ed sikara, nalingwanan da may inkaplag dad kababaingan lapud impantraidor dad siak.
27 Diad pangipanengneng kod saray amayamay a bansa a masanto ak, papawilen ko ray totook manlapud saray bansan panaayaman na saray kalaban da.
28 Diad satan naamtaan na saray totook a siak so Katawan a Dios da. Naamtaan da ya, lapud imbantak ko rad arum a bansa tan natan titiponen ko ran ipawil ed dilin dalin da, ya anggapon balut so itilak kod sikara.
29 Ikalbok ed saray totood Israel so ispirituk tan ag ko la ran balut ikaindan. Siak a Katawan a Dios so nansalita.
1 "Nen kumaplon agew na balon taon a sikatoy kumaduamplo tan liman taon na inkibantak mid arum a bansa tan sikato met so kumalabinapat a taon na inkadakep na Jerusalem, aliknak so pakapanyari na kiwawalay Katawan, insan to ak inyakar ed arawi.
2 "Diad sayan pasingayew say Dios inyakar to ak ed dalin na Israel tan inggaton to ak ed toktok na atagey a palandey. Diad bandad arap ko, anengneng koy grupo na saray paalagey a singa ra sakey a siudad.
3 "Inyasingger to ak, et anengneng koy sakey a lakin mankidyam a singa gansa. Sankabembenan toy sakey ya abel a panagsukat tan bislak a pangsukat tan manalalagey ed abay na dalan na puirta.
4 "Inkuantod siak, Mambantay ka, sika a toon ompatey. Mandengel kan maung tan apiger mon imanoen ya amin iray ipanengneng kod sika, ta sikato tan so makasengeg na angyakaran kod sika dia. Nepeg mon ibagad saray totood Israel iray amin a nanengneng mo.
5 "Say anengneng ko et say Timplo ya apaliberan na padir. Inala na samay laki imay panagsukat ton bislak a taloran mitro so karokey to, insan to sinukat imay padir. Taloran mitro so kaatagey to tan taloran mitro so kakapal to.
6 "Insan linmad dalan na puirtan akaarap ed bokig. Amaatagey a tinmakayan, tan diad toktok sinukat to so lolooban; taloran mitro so kaaralem to.
7 "Diad labas to ya, walay sakey a dalan a walay taloran kuarton panagguardiaan diad kapag dapag. Kuadrado so balang sakey ed saramay kuarto, taloran mitro so kapag dapag, tan duara tan kapalduan mitro so kalapar na saray padir ed nanleleetan da. Diad labas na saramay kuarton panagguardiaan walay lolooban a taloran mitroy karokey to tan mamaarap ed lolooban a kuarton akaarap ed Timplo.
8 "Sinukat to yan kuarto, et apatiran mitro so kaaralem to. Sayan kuarto so pansamputan na samay dalan na puirtan sankaasinggeran ed Timplo, tan diad kasamputan na dalan, sakey a mitro so kakapal na saray padir. (
9
10 Saramay kuarton panagguardiaan a walad balang dapag na samay dalan et nampaparay kabaleg da, tan nampaparay kakapal na saray padir a nanleleetan da.)
11 Kayari to ya, sinukat na samay laki so kaawang na samay dalan. Pitoran mitro ya amin so kaawang to tan say liwang na nanleetan na duaran akalokas a puirta et limaran mitro so sukat to.
12 Diad arap na kapag kuarton panagguardiaan walay abeban padir a masoluk a kapalduay mitro so kaatagey to tan ontan met so kakapal to. (Saramay kuarto et taloran mitro so karokey tan kaawang na balang dapag dan amin.)
13 Insan to sinukat so kaarawi na manlapud beneg na sakey a kuarto ya anggad beneg na kuarton kapetekan to no ombeltang ed dalan, et labintalon mitro so karokey to.
14 Say kuarton walad bandad samput et ompaway ed patio. Sinukat to man a kuarto, et samploran mitro so kaawang to.
15 Duamplo tan anem a mitro so karokey na samay dalan manlapud paway na padir na puirta ya anggad samput a dapag na kaonuran a kuarto.
16 Wala ray ankelag a bintana ed saray padir diad bandad paway na saramay kuarto tan ontan met ed saramay padir ed nanleleetan da. Wala ray nikortin kiew a palmira diad saray padir ya akaarap ed samay dalan.
17 Samay laki inlabas to ak ed dalan na puirta nen inyakar to ak ed patio. Walay talomplon kuarto a nisiping irad bandad paway na padir, tan diad arap na sarayan kuarto walay liwang a batoy datal to,
18 a manliber-liber ed patio. Sayan patiod paway et niabeba ed samay patio ed dalem na Timplo.
19 Walay dalan na puirta ed niatagey a pasen a mamaarap ed patio ed dalem. Sinukat na samay laki so karokey na nanleetan na saramay duaran dalan na puirta, et limamplo tan duan mitro so karokey to.
20 Insan sinukat na samay laki so dalan na puirtan walad baybay a dapag a mamaarap ed patio ed paway.
21 Say sukat na amin da ray kuarton panagguardiaan ed kapag dapag na dalan, saray padir ed nanleleetan da, tan say lolooban a kuarto et kaparay sukat da ra may walad dalan na puirtad bokig. Duamplo tan anem a mitro so karokey to tan labintalon mitro so kaawang to.
22 Say lolooban a kuarto, saray bintana, tan saray nikortin kiew a palmira et singa saramay walad puirtad bokig. Apatiran balitang dia so mamaarap ed puirta, tan say lolooban a kuarto et walad bandad samput a sankaarap toy patio.
23 Diad kabasil na patio manlapud sayan dalan na puirtad baybay et walay sananey a dalan na puirta a mamaarap ed patiod dalem, a singa samay walad bokig a dapag. Samay laki sinukat toy karokey na nanleetan na sarayan duaran dalan na puirta, et walay limamplo tan duan mitro.
24 Kayari to man, samay laki inyakar to ak ed abalaten a dapag, tan anengneng mid man so sakey nin dalan na puirta. Sinukat to et miparad saramay arum a puirta so kabaleg na saray padir ed dalem tan say lolooban ton kuarto.
25 Wala ray bintana ed saray kuarto ed sayan dalan na puirta a singa saramay arum. Duamplo tan anem a mitro so karokey to tan labintalon mitro so kaawang to.
26 Pitoran balitang so mamaarap ed saya, tan say lolooban a kuarto to et wala met ed bandad samput a sankaarap toy patio. Wala ray nikortin kiew a palmira diad saray padir ya akaarap ed samay dalan.
27 Wala dia met so dalan na puirtan mamaarap ed patio ed dalem. Samay laki sinukat to so kaarawi ya anggad sayan kumadwan dalan na puirta, et walay limamplo tan duan mitro.
28 Samay laki inlabas to ak ed dalan na puirtad sagur nen inyakar to ak ed patio ed dalem. Sinukat to may dalan na puirta, et kapara na kabaleg na arum iran puirtad paway na padir.
29 Say kabaleg na saray panagguardiaan ton kuarto, say lolooban ton kuarto, tan saray padir tod dalem et kapara na kabaleg na saramay walad arum a dalan na puirta. Wala met iray bintana na sayan dalan na puirta. Say karokey to et duamplo tan anem a mitro tan say kaawang to et labintalon mitro.
30
31 Say lolooban a kuarto to et sankaarap toy sananey a patio, tan nikorti ray palmiran kiew diad saray padir na dalan. Waloran balitang so mamaarap ed sayan puirta.
32 Samay laki inlabas to ak ed dalan na puirta ed bokig nen inyakar to ak ed patio ed dalem. Sinukat to may dalan na puirta, et kapara na kabaleg na saray arum.
33 Say kabaleg na saray panagguardiaan ton kuarto, say lolooban ton kuarto, tan saray padir to ed dalem et kapara na kabaleg na saramay walad arum a dalan na puirta. Aliber na saray bintana tan anggan samay lolooban a kuarto. Duamplo tan anem a mitro so karokey to tan labintalon mitro so kaawang to.
34 Say lolooban na baleg a kuarto et sankaarap toy patio ed paway. Nikorti ray kiew a palmira ed saray padir diad lolooban. Waloran balitang so mamaarap ed sayan puirta.
35 Insan samay laki inyakar to ak ed dalan na puirta ed baybay. Sinukat to, et kapara na kabaleg na arum iran dalan na puirta.
36 Singa saramay arum a puirta, wala met iray panagguardiaan ton kuarto, saray adikoraan a padir ed dalem, say lolooban a kuarto, tan saray nipaliber a bintana. Duamplo tan anem a mitro so karokey to tan labintalon mitro so kaawang to.
37 Akaarap ed patio ed paway so lolooban a kuarto. Nikorti ray kiew a palmira ed saray padir ed paway ya akaarap ira ed lolooban. Waloran balitang so mamaarap ed sayan puirta.
38 Diad patio ed paway walay paalagey ya akasiping ed dalan na puirtad dalem diad baybay a dapag. Akalokas ya ed lolooban a kuarto ya akaarap ed patio, tan dia da oorasan iray lamay ayayep ya ibagat dan popoolan.
39 Diad sayan lolooban a kuarto walay apatiran lamisaan, duara ed kapag dapag na kuarto. Diad sarayan lamisaan so pamapapateyan na saray ayayep ya ibagat, a nayarin bagat a popoolan odino bagat a para kasalanan odino bagat a pambayar.
40 Diad paway na samay kuarto wala met so apatiran lamisaan a kapara na saramay walad dalem, duara ed kapag dapag na lolooban na puirtad baybay.
41 Waloran amin iray lamisaan a panagpateyan ed saray ayayep ya ibagat: apatira so wala ed dalem na samay kuarto tan apatira so walad paway diad samay patio.
42 Tinabas a bato ira may apatiran lamisaan ed samay nisiping a paalagey ya ikakanad pangiparaan na saray bagat a popoolan. Kapalduay mitro so kaatagey da, tan talomplon pulgada so lapar na tapew dan kuadrado. Nisisinup ed sarayan lamisaan iray amin a kagawaan a pamatey ed saray ayayep ya ibagat.
43 Taloran pulgada so kalapar na nitapal a nipaliber ed tambib na saramay lamisaan. Nitatapew ed saramay lamisaan iray amin a karnin ibabagat.
44 Insan samay laki inyakar to ak ed patio ed dalem. Walad may duaran kuarto, say sakey akaarap ed baybay diad abay na samay dalan na puirtad baybay tan say sakey a kuarto akaarap ed baybay diad abay na dalan na puirtad abalaten.
45 Imbagad siak na samay laki a samay kuarton akaarap ed abalaten et para saray paparin manlilingkur ed Timplo,
46 tan samay kuarton akaarap ed baybay et para saray paparin manlilingkur ed altar. Si Sadoc so sengeg na amin da ray papari; sikara labat so kabyangay tribu nen Levi a naabuloyan ya onlad kawalaan na Katawan, ta manlingkur irad sikato.
47 Sinukat na samay laki imay patio ed dalem, et limamplo tan duan kuadrado. Walad bandad sagur so Timplo, tan diad arap to say altar.
48 Insan to ak inyakar ed kuarton lolooban na Timplo. Sinukat to may dalan na lolooban; taloran mitroy kaaralem to tan pitoran mitroy kaawang to tan sakey tan kapalduan mitro so kakapal na saray padir tod kapag dapag.
49 Wala ray balitang a mamaarap ed samay kuarton lolooban a samplora tan kapalduan mitro so kaawang to tan anemiran mitro so kaaralem to. Walay duaran lusek ya akaalagey iran sansakey ed balang dapag na samay lolooban.
1 "Kayari to ya, samay laki inyakar to ak ed kuartod pegley, say Masanton Pasen. Sinukat toy dalan ya onloob ed sayan kuarto: taloran mitro so kaaralem to
2 "tan limaran mitro so kaawang to. Duaran mitro so kapal na nantopag a padir to. Sinukat to may kuarto: duamplo tan sakey a mitro so karokey to tan samplora tan kapalduan mitro so kaawang to.
3 "Insan samay laki linmoob ed sankadaleman a kuarto. Sinukat toy dalan a mamaarap ed saman a kuarto: sakey a mitroy kaaralem to tan taloran mitroy kaawang to. Talora tan kapalduan mitro so kapal na nantopag a padir to.
4 "Sinukat to may kuarto, et kuadradon labinanem a mitro so kaawang to. Walad labas na samay kuartod pegley so sayan kuarto. Insan inkuan ed siak na samay laki, Sikato yay Sankasantosan a Pasen.
5 "Samay laki sinukat toy kakapal na padir ed dalem na Timplo, et taloran mitro so kapal to. Nisiping ed liber-liber to yan padir na Timplo iray kuarton nantatalontonan a duaran mitro so kaawang na balang sakey.
6 "Taloran grado ra yan kuarto, tan talomplon kuarto so walad balang grado. Say bandad paway a padir na Timplo diad kapag grado et maimpis nen say gradon walad leksab, kanyan nipapeg la ra may grado ya ag la kinaukolan ya ibotbot irad padir.
7 "Kanyan no nengnengen a manlapud paway so padir na samay Timplo, singa namparay kakapal to manlapud leksab ya anggad tagey. Diad paway na saramay kuarto, nipapeg ed paway na padir na samay Timplo so duaran malapar a takayan, kanyan manlapud leksab a grado nayariy onlad pegley tan diad atagtagey ni ran grado. Maawang ni ray kuarton walad tagey a grado nen saray kuarton walad leksab a grado.
8 "Duara tan kapalduay mitro so kapal na padir a walad bandad paway na sarayan kuarto; diad bandad baybay na Timplo walay sakey a puirtan onloob ed saray kuartod man, tan diad bandad abalaten walay sakey a puirtan ya onloob ed saray kuartod man. Anengneng ko a diad liber-liber na Timplo walay balkon a say kaawang to et duara tan kapalduan mitro; taloran mitro so kaatagey tod dalin tan akapara ed kaatagey na pundasion na saramay kuarton akasiping ed saray padir na Timplo. Diad nanleetan na samay balkon tan saray paalagey ya ikakana na saray papari, walay liwang a samploran mitroy beltang to, diad nantopag a diking na Timplo.
9
10
11
12 Diad bandad samput na samay liwang a nisagur na Timplo walay sakey a paalagey ya apataplo tan anem a mitro so karokey to tan talomplo tan anem a mitro so kaawang to; duara tan kapalduan mitro so kalapar na intiron nipaliber a padir to.
13 Samay laki sinukat toy bandad paway na Timplo, et limamplo tan talon mitro so karokey to. Manlapud beneg na Timplo ya ombeltang ed liwang ya anggad sankaarawian a parti na samay paalagey ed bandad sagur, say karokey to et limamplo tan talo met a mitro.
14 Say karokey na arap na Timplo tan saray nantopag a liwang ed diking to et limamplo tan talo a mitro met.
15 Sinukat toy karokey na samay paalagey ed bandad sagur, pati saray nantopag ed diking to, et limamplo tan talo met a mitro. Say lolooban a kuarto ed Timplo, say Masanton Pasen, tan samay Sankasantosan a Pasen et
16 apalkapan ira na tabla manlapud datal ya anggad saray bintana. Nayarin saraan ira yan bintana.
17 Saray padir ya anggad tagey na saray puirta na loob na Timplo et adikoraan ira na saray nikortin
18 kiew a palmira tan saray kirubin. Niliber-liber a nikortin nansosoblayan ira may palmira tan saramay kirubin. Duaray lupa na kapag kirubin:
19 say sakey lupay too ya akaarap ed samay kiew diad sakey a dapag tan say sakey lupay lion ya akaarap ed kiew diad sananey a dapag. Nampaparan onya diad kaliber-liber na padir,
20 manlapud datal ya anggad tagey na saray puirta.
21 Kuadrado iray lusek na puirta na Masanton Pasen. Diad arap na lolooban na Sankasantosan a Pasen walay bengatlan singa
22 altar a tabla. Sakey tan kapalduay mitro so kaatagey to tan sakey a mitro so kaawang to. Kiew iray lusek tod suyok, say nidapod datal, tan saray dingding to. Samay too inkuantod siak, Sikato yay lamisaan a manalalagey ed arap na Katawan.
23 Walay sakey a puirta diad samput na dalan a mamaarap ed Masanton Pasen tan sakey met so walad samput na dalan na Sankasantosan a Pasen.
24 Sankaparis so kaput da ra may puirta a diad pegley so lokasan.
25 Wala ra met so nikortin kiew a palmira tan kirubin ed saramay kaput na Masanton Pasen, a singa saramay nikorti ed padir. Walay tablan tarung ed paway na dalan na puirta na samay kuarton lolooban.
26 Wala ray bintana ed diking na sayan kuarto, tan adikoraan na nikortin kiew a palmira iray padir to yan kuarto.
1 "Insan samay laki inyakar to ak ed patio ed paway tan intuloy to ak ed sakey a paalagey diad baybay na Timplo, ya ag arawi ed samay paalagey ed nisagur a samput na Timplo.
2 "Limamplo tan duan mitro so karokey tan duara tan kapalduan mitro so kaawang na sayan paalagey.
3 "Say sakey a dapag to akaarap ed liwang a samplora tan kapalduay mitro so kaawang to tan midasig ed samay Timplo; say sakey a dapag to akaarap ed dalan na samay patiod paway. Taloran grado yan paalagey tan say walad tagey a grado nisener ed gradon walad leksab to.
4 "Diad dasig na bandad baybay a dapag na sayan paalagey et walay dalan a limaran mitro so kaawang to tan limamplo tan duan mitro so karokey to, tan diad baybay so kawalaan na saray lolooban to.
5 "Melag iray kuartod samay sankatageyan a grado to may paalagey nen saray kuartod kumadwa tan sankaabebaan a grado, lapud nisener ira.
6 "Saray kuartod amin a grado et ag ira atokdul na lusek a singa saramay kuarto ed patio. Nisener iray kuartod tagey a grado.
7 "Duamplo tan anem a mitro so kakapal na padir a bandad paway na samay sankaleksaban a grado, kapaldua la ya na karokey to; wala ray kuarto ed nakdaan a duamplo tan anem a mitro. Diad samay sankatageyan a grado wala ray kuarto ed intiron karokey na paalagey.
8
9 "Diad leksab na sarayan kuarto ed nibokig a samput na paalagey, ya angigapwan na padir na patio, walay lolooban ya ompogtad samay patiod paway. Diad abalaten na Timplo walay paalagey a miparparad paalagey a walad baybay, tan ag arawi ed samay paalagey ed nisagur a samput na Timplo.
10 Diad arap na saray kuarto walay dalan a singa samay dalan ed nibaybay a dapag. Say kabaleg to, say inkagawa to, tan saray lolooban to et kapara na kabaleg, inkagawa, tan lolooban na samay walad baybay a paalagey.
11
12 Walay puirta ed silong na saramay kuarto ed niabalaten a dapag na paalagey, diad bokig a samput ya angigapwan na padir.
13 Samay laki kuantod siak, Masanto ra yan paalagey. Diad loob na sarayan kuarto, kanen na saray paparin onloob ed kawalaan na Katawan iray sankasantosan a bagat. Lapud masanto ra yan kuarto, ipasen dia na saray papari iray sankasantosan a bagat: saray trigon bagat tan saray bagat a nisaklang a para kasalanan odino bagat a pambayar.
14 No saray paparin walad dalem na Timplo et labay day onla ed patiod paway, nepeg ya itilak dad sarayan kuarto iray masanton kawes ya insolung da legan dan manlilingkur ed Katawan. Nepeg a mampales iray sananey a kawes kasakbayan iran ompaway ya onlad pasen a kawalaan da ray totoo.
15 Nen asumpal na samay laki a sinukat so dalem na Timplo, impaway to ak diad nibokig a puirta, insan to sinukat so paway na Timplo.
16 Inala to may panagsukat ton bislak, insan to sinukat so nibokig a dapag, et duanlasus tan anemaplo tan talon mitro so karokey to.
17 Insan to sinukat so baybay a dapag, say abalaten a dapag, tan say sagur a dapag; nampaparan duanlasus tan anemaplo tan talon mitro so karokey dan amin.
18 Kanyan kuadrado so aliber na padir tan duanlasus tan anemaplo tan talon mitro so sukat na balang dapag. Say padir so angibiig ed antokaman a masanto ed saray aliwan masanto.
1 "Samay laki inyakar to ak ed puirtan akaarap ed bokig,
2 "et anengneng kod man a manlalapud bokig so mankidyam a liwawa na kiwawala na Dios ed Israel. Singa ungol na dayat so bosis na Dios, tan mankidyam so liwawa na mundo.
3 "Sayan pasingayew et singa samay pasingayew ya anengneng ko nen sinmabi so Dios ya aneral ed Jerusalem, tan samay pasingayew ya anengneng kod gilig na Ilog na Kebar. Insan ko intiblak ed dalin.
4 "Samay mankidyam a liwawa et dinmalan ed samay puirtad bokig insan linmoob ed Timplo.
5 "Inyatagey ak na ispiritu na Katawan, insan to ak inyakar ed samay patiod dalem, a diay akanengnengan kon napno na kagalangan na Katawan so Timplo.
6 "Nanalagey diman ed abay ko imay laki, tan nadngel kon akitongtong ed siak so Katawan manlapud man ed Timplo:
7 "Sika a toon ompatey, sikatoya so tronok. Manayam ak dia a kaibak iray totood Israel tan oleyan ko ra ya anggad angga. Saray totoo tan saray arari ra et ag da lan balut ipelag ed kababaingan so masanton ngaran ko diad pangigalang dad saray arum a diriyos odino diad asingger a kiwawala na saray bangkay da ray inaatey ya arari ra.
8 "Saray arari inyabay dad puirta na Timplok so puirta na palasio ra, kanyan padir labat so nanleetan mi. Lapud saray makapaingungot a ginagawa ra, impelag dad kababaingan so masanton ngaran ko, kanyan diad gaway pasnuk ko dinederal ko ra.
9 "Natan nepeg a tondaan da lay pangigagalang dad arum a diriyos tan ekalen da la ray bangkay na arari ra. No ontoluk ira, anggad anggan kaibak ira ed ayaman ko.
10 Intuloy na Katawan ya inkuan, Sika a toon ompatey, ibagam ed saray totood Israel so nipaakar ed Timplo, tan paaral mod sikara so plano to. Pagmaliw mo ran ombaing lapud saray maoges a gagawaen da!
11 Et no ombaing ira lapud saray ginagawa ra, ipaliwawam ed sikara so plano na Timplo: say inkagawa to, saray lolooban tan saray papawayan to, say alagey to, say inkilira na amin a bengatla, tan amin da ray ganggan tan saray pananontonan to. Isulat mo ra yan amin a para sikara pian nanengneng da so inkilira na amin a bengatla tan natombuk da ray amin a totontonen.
12 Sikato ya so ganggan na Timplo: Masanto ya amin iray pasen ed liber-liber na Timplo diad toktok na palandey.
13 Saraya so sukat na altar, onung ed sukat ya inkana ed impanukat ed samay Timplo. Diad liber-liber na sengeg na altar walay paagosan a duamplon pulgada so kaaralem to tan duamplon pulgada so kaawang to. Samploran pulgada so kaatagey na sangab to.
14 Say sankaabebaan a parti na altar, manlapud tapew na sengeg et apataplo tan walon pulgada so kaatagey to. Say kumadwan parti et nilira ed duamplon pulgada diad liber-liber na tambib na samay ononan parti, tan duaran mitro so kaatagey to. Say omtombuk a parti et nilira met ed duamplon pulgada diad liber-liber na tambid na samay kumadwan parti.
15 Sayan parti na altar a diay pamopoolan na saray bagat et duaran mitro met so kaatagey to. Saray pinagkasaklur na apatiran soyuk et atagey ira nen say intiron tapew na altar.
16 Kuadrado so tapew na altar, tan anemiran mitro so karokey na balang dapag.
17 Kuadrado met imay pegley a parti, pitora tan kapalduan mitro so balang dapag, tan walay sangab to diad paway na tambib a say kaatagey to et samploran pulgada. (Duamplon pulgada so kaawang na samay paagosan.) Diad bandad bokig so kawalaan na takayan a mamaatagey ed samay altar.
18 Say Katawan a Dios kuantod siak, Sika a toon ompatey, dengel moy ibagak ed sika. No asumpal lan agawa so altar, nepeg mon isaklang ed Dios diad pamool mod tapew to na saray bagat tan diad pangiwalsik mod altar na dala da ray ayayep ya imbagat.
19 Saray papari labat a kabyangan na tribu nen Levi a say sengeg da et si Sadoc so onlad kawalaan ko a manlingkur ed siak. Siak a Katawan a Dios so nangganggan ed saya. Itdan mo ra na sakey a kilaw a bakan kalakyan ya isaklang dan bagat a para kasalanan.
20 Nepeg a mangala kay dala to, insan mo iyan ed samay pinagkasaklur na tapew na altar, diad saray sokung na samay pegley a parti na altar, tan diad liber-liber na tambib to. Diad onya, nalinisan mo so altar tan nisaklang mod Dios.
21 Nepeg mon alaen imay bakan kalakyan a nisaklang a bagat a para kasalanan, insan mo poolan ed sakey a niganan pasen diad paway na solar na Timplo.
22 Diad ontombuk ya agew nepeg moy mangala na sakey a kanding a kalakyan ya anggapon balut so deral na laman to, insan mo isaklang a bagat a para kasalanan. Linisan moy altar diad panamegley na dala to a singa samay ginawam ed bakan kalakyan.
23 Kayarim a nagawa ra ya, mangala kay sakey a kilaw na bakan kalakyan tan sakey a karniron kalakyan ya anggapon balut so deral na laman da,
24 insan mo ra iyakar ed siak. Saray papari pokopukan da ra na asin, insan da ra isaklang ed siak a sakey a bagat a popoolan.
25 Inagew-agew ed loob na pitoran agew nepeg a mangisaklang ka na sakey a kanding, sakey a bakan kalakyan, tan sakey a karniron kalakyan a bagat iran para kasalanan. Amin da nepeg ya anggapon balut so deral na laman da.
26 Diad loob na pitoran agew saray papari isaklang dad Dios so altar tan iparaan da pian nikana la.
27 Kalabas na satan a sakey simba, nepeg ya igapo la na saray papari so mangisaklang ed tapew na altar na saray bagat a popoolan tan saray bagat a para kareenan. Diad satan pakaliketan ta kayo ya amin. Siak a Katawan a Dios so nansalita.
1 "Insan samay laki inyakar to ak ed samay puirtad paway diad nibokig a dapag na solar na Timplo. Akakaput imay puirta,
2 "tan say Katawan kuantod siak, Mansiansian akakaput yan puirta tan ag balut lokasan. Anggapoy siopaman a too a nayarin abuloyan a mangikana ed sayan puirta, ta nilooban ko, siak a Katawan a Dios na Israel. Nepeg a mansiansian akakaput.
3 "Balet say manoley a prinsipi nayarin onlad man a mangan na masanton panangan diad arap ko. Nepeg ya onloob tan ompaway ed dalan na puirta ya ondalan ed baleg a kuarto diad dalem ed bandad samput.
4 "Insan samay laki indalan to ak ed samay puirtad baybay diad impangyakar tod siak ed arap na Timplo. Ninmengneng ak, et naimanok a samay Timplo na Katawan et napno na kagalangan na Katawan. Intiblak ko ed dalin,
5 "et say Katawan kuantod siak, Sika a toon ompatey, apiger mon imanoen ya amin iray nanenengneng tan narerengel mo. Ibagak ed sika iray totontonen tan saray ganggan a nipaakar ed Timplo. Apiger mon tandaan no siopa ray totoon nayarin onloob tan ompaway ed Timplo, tan ontan met no siopa ray ag naabuloyan ya onloob.
6 "Ibagam ed saray mananumpan totood Israel a siak a Katawan a Dios et ag ko la abuloyan iray makapaingungot a gagawaen da.
7 "Dinotakan da so Timplok diad impangyabuloy dad saray totoon ag asegat a sangkaili, saray totoon ag mangoonur ed siak, ya onloob ed Timplo no ibabagat ed siak iray taba tan dala na saray ayayep ya ibagat. Kanyan saray totook dineral day impisipanan ko lapud amin a makapaingungot a ginagawa ra.
8 "Anta sikara komun so mangasikasod saray masanton bengatla ed Timplok, impaasikaso ra la laingen ed saray sangkaili.
9 "Siak a Katawan a Dios ibabawag ko ya ag onloob ed Timplok so siopaman a toon ag asegat a sangkaili, saray ag onoonur ed siak, anggan saray sangkailin manaayam ed kawalaan da ray totood Israel.
10 Say Katawan kuantod siak, Dusaen ko ray Levita, pati saray arum a totood Israel, ya angikaindan ed siak tan angigalang ed saray talintaoy diriyos.
11 Nayarin manlingkur irad siak ed Timplo diad panamegley na pangasikaso rad saray puirta na Timplo tan diad panggawa rad saray kimey ed Timplo. Nayarian dan pateyen iray ayayep ya isasaklang a bagat a popoolan na saray totoo tan saray arum a bagat da, tan mankimey ira a manlingkur ed saray totoo.
12 Balet lapud impangulo ra nen saman so impangigalang na saray totood Israel ed saray talintaoy diriyos tan lapud saya inlagyat da ran nankasalanan, siak a Katawan a Dios; sasambaan ko a nepeg day dusaen.
13 Ag ira nepeg a manlingkur ed siak a papari, odino onsingger irad bengatlan masanto ed siak, odino onloob ed Sankasantosan a pasen. Sikato yay dusa ra lapud saray makapaingungot a ginagawa ra.
14 Gawaen ko ra labat a katulong ed amin a nepeg a kimeyan ed dalem na Timplo.
15 Say Katawan a Dios kuanto, Balet saray paparin kabyangan na tribu nen Levi tan si Sadoc so sengeg da et intutuloy day matoor a panaglingkur ed siak diad Timplo, anggaman ya inkaindan ak na amin da ray arum a totood Israel. Kanyan natan sikaray nepeg a manlingkur ed siak tan ondago rad arap ko a mangisaklang na saray taba tan say dala na saray ayayep ya ibagat.
16 Sikara labat so onloob ed Timplok, manlingkur ed altar ko, tan mangipangulo na panangingalang diad Timplo.
17 No onloob irad dalan na puirta diad iyakar dad patiod dalem na Timplo, nepeg a mansolung ira na linen. Ag ira nepeg a mansolung na lana no manlilingkur ira ed patiod dalem odino diad Timplo.
18 Pian ag ira manlinget, nepeg a mansolung ira na linen a turban tan linen a pantalon, balet anggapoy balkes.
19 Kasakbayan ya onla rad patiod paway a kawalaan da ray totoo, nepeg a lakseben day kawes dad panlilingkur dad dalem na Timplo, insan da ra itilak ed saray masanton kuarto. Nepeg a mansolung ira na sananey a kawes, pian samay masanton kawes da et ag to napasakitan iray totoo.
20 Nepeg ya ag kiskisan na saray papari so olo ra odino parokeyen so buek da. Nepeg a lawas kakkainangayan ed dokey so buek da.
21 Nepeg ya ag oninom na alak iray papari kasakbayan na iloob dad patiod dalem.
22 Ag ira nepeg a mangasawa na insian a bii; say birhin ya Israelita labat so asawaen da odino say balo na sananey a pari.
23 Nepeg ya ibangat na saray papari ed saray totook so pandomaan na masanto tan say aliwan masanto, tan say pandomaan na malinis tan say aliwan malinis, onung ed ganggan.
24 No walay kolkolan na totoo, saray papari so manintinsia onung ed saray ganggan ko. Nepeg a mansilibra ra onung na ibabagay ganggan tan saray totontonen, tan nepeg a ngilinan dan masanto so Agew na Panagpainawa.
25 Say sakey a pari ag nepeg a magmaliw a marotak onung ed ganggan lapud paniwit tod sakey a bangkay, likud ed bangkay na sakey ed saray atateng to, odino sakey ed saray anak to, odino agi ton laki odino agi ton marikit.
26 No magmaliw lamet a malinis onung ed ganggan, nepeg a manalagar ni na pitoran agew,
27 insan onloob ed patiod dalem na Timplo tan mangisaklang na bagat a para kasalanan to, pian nayarian toy manlingkur lamet ed Timplo. Siak a Katawan a Dios so nansalita.
28 Say apag na saray papari ed saray inter kod Israel et say inkapari ra a tawiren na saray kailalakan ya onsabi. Ag ira nepeg a mangayaryan na antokaman ed Israel; siak labat so nakaukolan da.
29 Saray bagat a trigo, saray bagat a para kasalanan, tan saray bagat a pambayar et tagano na saray papari, tan sikaray mangawat na amin a bengatlan nibiig a para siak diad Israel.
30 Kayaryan na saray papari so sankaabigan ed amin da ray onaan a naani tan amin da ray nibagat ed siak. Kapag manggawa na tinapay iray totoo, nepeg ya iter da ed saray papari so ononan tinapay a bagat da, et mansiansia so bindision ko ed saray kaabungan da.
31 Saray papari et ag ira nepeg a mangan na manok o ayep ya inatey a bukor odino pinatey na kapara ton ayep.
1 "No apag-apagen so dalin tan iter ed balang tribu so betang to, say sakey a parti et nepeg ya isaklang ed Katawan. Nepeg a labinduan kilomitro so karokey to, tan samploran kilomitro so kaawang to. Magmaliw a masanto yan intiron pasen.
2 "Diad sayan pasen nepeg a walay lugar a para Timplo; duanlasus tan duamplo tan anem a mitro so karokey na balang dapag, ya apaliberan na liwang a duamplo tan anem a mitro so kaawang to.
3 "Say kapaldua na sayan pasen a labinduan kilomitro so karokey to tan limaran kilomitro so kaawang to et sukaten ya ibiig; nipaalagey dia so Timplo, say sankasantosan ed amin day pasen.
4 "Magmaliw a masanto yan parti na bansa, nibiig a para saray paparin manlilingkur ed Katawan diad Timplo to. Dia nipaalagey iray abung da tan walay parti a para Timplo.
5 "Samay kapaldua na pasen et ibiig a para saray Levita a mankikimey ed Timplo. Nipaalagey diman iray baley a panayaman da.
6 "Say kaabay na sayan masanton pasen et say sakey a parti a labinduan kilomitro so karokey to tan duara tan kapalduan kilomitro so kaawang to ya ibiig a sakey a siudad a nayarin panayaman na siopaman ed saray totood Israel.
7 "Sakey met a parti na dalin so ibiig a para manoley a prinsipi. Manlapud nisagur a ketegan na samay masanton pasen, mampasagur ya anggad Dayat na Mediteraneo; tan manlapud nibokig a ketegan, mampabokig ya anggad ketegan na bansa, pian say dokey to singa samay dokey na sakey a partin niiter ed saray tribu na Israel.
8 "Sayan pasen ed dalin na Israel et betang na manoley a prinsipi, pian ag to la pairapen iray totoo, no ag ingen abuloyan ton say arum a parti na bansa et kayaryan na saray tribu na Israel.
9 "Say Katawan a Dios kuanto, Abayag lay pankakasalanan yo, sikayon manoley na Israel! Tondaan yo lay inkaruksa tan say panagpairap yo. Say kaptekan tan katonungan la so gawaen yo. Ag yo la nepeg a pataynanen lamet iray totoo ed dalin da. Siak a Katawan a Dios so mangibabaga yad sikayo.
10 Balang sakey a too nepeg a mangikana na anggapoy saol tan duga a sukatan tan simbangan:
11 Say ipa a panagsukat na amagan bengatla, et nepeg a kapara na bat a panagsukat na likido. Say homer so pangiletnegan na sukat. Saya so sukat: say sakey ya homer kasukatan toy samploran ipa tan kasukatan to met so samploran bat.
12 Saraya so nepeg a tombuken yon belat: say duamplon gira kasimbang toy sakey a siklo; say anemaplon siklo kasimbang toy sakey a mina.
13 Saya so panukatan tan panimbangan yod saray isaklang yon bagat: say trigo, kakaanemaplo ed naani yo; say sibada, kakaanemaplo na naani yo; say larak na oliba, kakasanlasus ed naala yod kakiewan yo. (Sukat yo ed panamegley na bat: say samploran bat kasukatan toy sakey a homer tan kasukatan toy sakey a kor); say karniro, sakey a karniro ed kapag duanlasus a karniro diad pastolan na Israel. Nepeg a sikayoy mangyakar na bagat a trigo, saray ayayep a para bagat a popoolan tan saray ayayep ya ibagat para kareenan, pian napirdona ray kasalanan yo. Siak a Katawan a Dios so manggaganggan ed saya.
14
15
16 Amin da ray totoo ed bansa et nepeg ya iyakar da ra yan bagat ed manoley a prinsipi ed Israel.
17 Kanepegan na prinsipi so mangiter na saray ayayep ya isaklang a bagat a popoolan, saray trigon ibagat, tan saray alak ya ibagat a para intiron bansa na Israel no Pista na Balon Bulan, no Agew na Panagpainawa, tan no arum iran pista. Sikatoy nepeg a mangiter na saray bagat a para kasalanan, saray bagat a trigo, saray bagat a popoolan, tan saray bagat a para kareenan, a mangekal na saray kasalanan da ray totood Israel.
18 Say Katawan a Dios kuanto, No ononan agew na ononan bulan, nepeg a mangibagat kayo na bakan kalakyan ya anggapon balut so deral na laman to tan linisan yo so Timplo.
19 Say pari mangala na dala na sayan bagat a para kasalanan tan iyan tod saray lusek na puirtay Timplo, diad apatiran suyok na altar, tan diad lusek na saray dalan na puirtan mamaarap ed patiod dalem.
20 Diad kumapiton agew na bulan onyay nepeg yon gawaen, lapud sakey a toon nankasalanan ya ag to ginagala odino nankasalanan ya ag to amta. Diad onya napansiansia yo a masanto so Timplo.
21 No kumalabinapat ya agew na ononan bulan, igapo yo so pansilibra na Pista na Paskua. Diad loob na pitoran agew mangan so balang sakey a too na tinapay ya anggapoy libadura.
22 No ononan agew na pista say manoley a prinsipi et nepeg a mangibagat na sakey a bakan kalakyan a para saray kasalanan to tan saray kasalanan na amin a totoo.
23 Diad inagew-agew ed loob na pitoran agew na pista, nepeg a mangibagat ed Katawan na pitoran bakan kalakyan tan pitoran karniron kalakyan ya anggapon balut so deral na laman da tan isaklang to ran bagat a popoolan. Mangisaklang met ya inagew-agew na sakey kanding a kalakyan a bagat a para kasalanan.
24 Kapag sakey a bakan kalakyan tan kapag sakey a karniron kalakyan ya ibagat, nepeg a walay katekep dan bagat a kapalduay sakon a trigo tan taloran kakapat na galon a larak na oliba.
25 No kumalabinliman agew na kumapiton bulan, onggapo so Pista na saray Abung-abung. Diad kapag agew ed loob na pitoran agew, say prinsipi mangisaklang na namparan bagat a para kasalanan, namparan bagat a popoolan, tan namparan bagat a trigo tan larak na oliba.
1 "Say Katawan a Dios kuanto, Samay nibokig a dalan na puirtan mamaarap ed patiod dalem et nepeg ya akakaput legan na anem agew a panagkimey, balet nepeg ya ilokas no Agew na Panagpainawa tan no Pistay Balon Bulan.
2 "Say manoley a prinsipi onlan manlapud patiod paway diad iloob tod baleg a kuarto diad kawalaan na dalan na puirta tan manalagey ed abay na saray lusak na puirta legan ya isasaklang na saray papari iray bagat a popoolan tan saray bagat ton para kareenan. Diman ed puirta, nepeg a mangigalang ed Dios, insan la ompaway. Ag nepeg ya ikaput imay puirta ya anggad isabiy labi.
3 "Kapag Agew na Panagpainawa tan kapag Pista na Balon Bulan amin da ray totoo et nepeg ya ontewek ira met tan igalang day Katawan diad arap na samay puirta.
4 "No Agew na Panagpainawa say prinsipi et nepeg a mangyakar ed Katawan na anemiran kordiro tan sakey a karniron kalakyan ya anggapon balut so deral na laman da, ta isaklang iran bagat a popoolan.
5 "Kapag sakey a karniron kalakyan nepeg a mangitekep na bagat a kapalduay sakon trigo, tan kapag sakey a kordiro nepeg a mangitekep na antokaman a labay ton iter. Diad kapag bagat a sakey tan kakapat na sakon trigo, say prinsipi nepeg a mangitekep na taloran kakatlon galon a larak na oliba.
6 "Diad Pista na Balon Bulan sikatoy mangibagat na sakey a kilaw na bakan kalakyan, anemiran kordiro, tan sakey a karniron kalakyan, ya amin da et anggapon balut so dotak na laman da.
7 "Say katekep na kapag sakey a bakan kalakyan tan kapag karniron kalakyan et nepeg a say sakey tan kakapat na sakon trigo, tan say katekep na kapag kordiro et nepeg a say antokaman a labay ya iter ya ibagat na prinsipi. Taloran litro na larak na oliba so nepeg ya ibagat a katekep na sakey tan kakapat na sakon trigo.
8 "Nepeg a taynan na prinsipi so baleg a kuarto na dalan na puirta, insan ompaway ed dinalan to nen linmoob.
9 "No mangigalang ed Katawan iray totoo, no anggan anton pista, saray onloob ed Timplo diad puirtad bandad baybay et nepeg ya ompaway irad puirtad bandad abalaten kayari ran mangigalang, tan saray onloob ed puirtad bandad abalaten et nepeg ya ompaway ira ed puirtad bandad baybay. Anggapoy too ya abuloyan ya ompaway ed puirtan nilooban to, no ag ingen nepeg ya ompaway ed kapetekan na nilooban ton puirta.
10 No onloob la ray totoo, nepeg ya onloob met lay prinsipi, tan no ompaway la ra, nepeg ya ompaway met la.
11 Diad saray agew na pista tan diad saray tinandaan ya agew; say sakey tan kakapat na sakon trigo et nepeg a katekep na kapag sakey a bakan kalakyan odino sakey a karniron kalakyan, tan say antokaman a labay ya iter na manangigalang a katekep na sakey a kordiro. Say taloran kakapat a galon a larak na oliba et nepeg ya ibagat a katekep na sakey tan kakapat na sakon trigo.
12 No say manoley a prinsipi et mabolus a mangisaklang ed Katawan na bagat a popoolan odino bagat a para kareenan, say puirtad bandad bokig ya ompogtad patiod dalem et nilokas a para sikato. Say pangibagat to et nepeg a singa panangibagat to no Agew na Panagpainawa, tan nepeg ya ikaput so puirta no kapaway to.
13 Say Katawan kuanto, Kapag kabwasan say sakey a kordiron sakey taon ya anggapon balut so deral na laman to so nepeg ya isaklang a bagat a popoolan ed Katawan. Sayan bagat nepeg ya isaklang ya inagew-agew.
14 Ontan met, kapag kabwasan, nepeg a duaran kilon arina so ibagat a katekep toy taloran kakapat na galon a larak na oliba a pangikames ed samay arina. Anggad anggan nepeg ya ipatombuk yan totontonen a para sayan bagat ed Katawan.
15 Say kordiro, say arina, tan say larak na oliba et nepeg ya ibagat ira ed Katawan kapag kabwasan diad anggad angga.
16 Say Katawan a Dios igaganggan to: No say manoley a prinsipi et rigaluan to na kayaryan ton dalin so sakey ed saray anak ton lalaki, saman a dalin magmaliw a parti na kayaryan na pamilya to may anak.
17 Balet no say manoley a prinsipi et itdan to na dalin so siopaman a manlilingkur ed sikato, sayan dalin na prinsipi et ompawil ed sikato no nasabiy Taon na Panangipawil. Kayaryan na prinsipi so dalin, kanyan sikato tan saray anak to labat so akankayaryan ya anggad angga.
18 Say manoley a prinsipi et ag nepeg ya alaen tod saray totoo so antokaman a kayaryan da. Say dinan man a dalin ya iter tod saray anak ton lalaki et nepeg a manlapud dalin a nipabetang ed sikato, pian ag to napairap so siopaman ed saray totook diad pangala tod dalin.
19 Insan samay laki inyakar to ak ed lolooban na saray kuarto ya akaarap ed baybay diad asingger ed puirtad bandad abalaten a dapag na patiod dalem. Sikara yay masanton kuarto a para saray papari. Intoro toy sakey a pasen diad nisagur a dapag na saramay kuarto
20 tan kuanto, Sikato yay pasen a panlambungan na saray papari ed saray karnin nibagat a para kasalanan odino nibagat a para pambayar, tan dia met so panlutuan dad saray bagat ya arina, pian anggapoy masanton bengatla a niakar ed patiod paway, a nayarin napasakitan to ray totoo.
21 Insan to ak inyakar ed patiod paway tan impanengneng tod siak a diad kapag sokung to may patio walay ankelag a patio, a duamplo tan sakey a mitro so karokey to tan labinliman mitro so kaawang to.
22
23 Kapag sakey aliber na baton padir. Wala ray lutowan diad gilig na padir.
24 Samay too kuantod siak, Sikara yay kusina a panlambungan na saray katulong ed Timplo na saray bagat ya isasaklang na saray totoo.
1 "Samay laki impawil to ak ya inyakar ed lolooban na samay Timplo. Ompapaway ed silong na lolooban so danum tan managagos a mamaarap ed bokig ya akaarapan na Timplo. Managagos imay danum manlapud silong na niabalaten a parti na Timplo tan ondadalan ed niabalaten a dapag na altar.
2 "Samay laki indalan to ak ed puirtad baybay diad impangipaway tod siak ed Timplo tan inliber to ak ya anggad puirtan akaarap ed bokig. Walad may melag a kolus a managagos ya ompapaway ed nisagur a dapag na puirta.
3 "Diad panamegley na samay panagsukat to may laki anukat na liman lasus tan apataplo tan siam a mitro a mampaleksab ed bokig tan imbaga tod siak a yakyaken mi may kolus diman. Angga labat ed kalitkalit ko so danum.
4 "Anukat ni na liman lasus tan apataplo tan siam a mitro, et sinmabi ya anggad pueg ko so danum. Anukat ni lamet na liman lasus tan apataplo tan siam a mitro, et sinmabi ya anggad balangbang ko so danum.
5 "Anukat ni na liman lasus tan apataplo tan siam a mitro, et araldalem lad may danum kanyan ag ko la nayarin yakyaken. Araldalem la so danum ya ag la nabaliw likud labat no langoyen.
6 "Inkuantod siak imay too, Sika a toon ompatey, apiger mon imanoen ira yan amin. Insan samay laki impawil to ak ed samay gilig na ilog,
7 "et nen wadman ak anengneng kod man ya amayamay iray kakiewan ed balang pandel na ilog.
8 "Inkuantod siak, Sayan danum onaagos ed bandad bokig ya anggad Patar na Jordan tan diad Inatey a Dayat. No kaagos tod Inatey a Dayat, salatan tod man so danum a maasin na matabang a danum.
9 "Inermay agosan na danum walan amin iray klasiy ayayep tan sira-sira. Say kolus pagmaliwen ton matabang a danum so maasin a danum na Inatey a Dayat, tan itdan to na bilay so dinan man a pasen ya agosan to.
10 Manlapud Sobul na En-gadi ya anggad Sobul na En-eglaim, wala ray sumisigay ed gilig na dayat, tan ipanat dad man ya ipamaga iray iket da. Walad man iray amayamay a nandoroman klasiy sira a singa diad Dayat a Mediteraneo.
11 Balet saray danum ed saray libsong tan diad saray bobun na sira ya asingger ed dayat et ag ira napatabang. Mansiansia rad man a panlapwan na asin.
12 Diad nantopag a pandel na kolus ontubon amin iray klasiy kiew a maniter na tagano. Ag balut nalenes iray bolung da, tan ag iran balut ontondan mambunga. Binolan iran maniter na kapamborbor a bunga, lapud nasasalog ira na managagos a danum a manlalapud Timplo. Maniter na tagano iray may kakiewan, tan nikanan tambal na totoo iray bolung da.
13 Say Katawan a Dios inkuanto, Sikara yay ketegan na dalin ya apagen na labinduan tribu; say tribu nen Jose et awaten to so duaran apag.
14 Sinambaan kod saray lalaki yo ya iter kod sikara yan dalin; pampapara yoy pangapag yod sikayon dili.
15 Say ketegan ed baybay et mampabokig manlapud Dayat na Mediteraneo ya anggad siudad na Hetlon, mamaarap ed Dalan na Hamat ya anggad siudad na Sedad,
16 ontuloy ya anggad saray siudad na Berota tan Sibraim (wala ra ya ed nanleetan na dalin na nanarian na Damasco tan say nanarian na Hamat), tan ontuloy ya anggad siudad na Ticon (wala ya ed abay na ketegan na nanarian na Hauran).
17 Ontan sirin, say ketegan ed bandad baybay et mampabokig a manlapud Mediteraneo ya anggad Siudad na Enon, a saray ketegan a dalin et say Damasco tan say Hamat ya anggad baybay to.
18 Say ketegan ed bokig et mampaabalaten a manlapud sakey a tanda a walad nanleetan na dalin na Damasco tan say dalin na Hauran, tan say Ilog na Jordan so ketegan ed nanleetan na dalin na Israel diad sagur tan say dalin na Galaad diad bokig, ya anggad Tamar diad Inatey a Dayat.
19 Say abalaten a ketegan et mampabaybay a sagur manlapud Tamar ya anggad sabangan na Cades-meriba, insan mampabaybay sagur ya ondalan ed ketegan na Egipto ya anggad dayat Mediteraneo.
20 Say ketegan ed sagur et say dayat na Mediteraneo tan mampabaybay ya anggad sakey a tanda diad sagur na Dalan na Hamat.
21 Apag yo yan dalin ed saray tribu yo;
22 kayaryan yo ya anggad angga. No apagen yo so dalin nepeg a wala met so betang na saray sangkailin manaayam ed kawalaan yo tan nianak dia ray anak da. Nepeg ya ipasen yo ran singa say kipapasen na peteg ya Israelita tan nepeg a mikaot irad saray tribu na Israel diad pangala ray betang da.
23 Kapag sangkaili mangawat na betang to a kaiba to ray totood tribun panaayaman to. Siak a Katawan a Dios so nansalita.
1 "Say ketegan ed bandad baybay na dalin et mampabokig a manlapud Dayat na Mediteraneo ya anggad siudad na Hetlon, anggad Dalan na Hamat, anggad Siudad na Enon, anggad ketegan diad nanleetan na nanarian na Damasco tan Hamat. Kapag tribu mangawat na sakey a parti na dalin ya onlaknab a manlapud ketegan ed bokig ya anggad sagur a nasabi toy Dayat na Mediteraneo. Saraya so mantotombukan a mangawat manlapud baybay ya anggad abalaten: Dan, Aser, Neftali, Manases, Efraim, Ruben, tan Juda.
2
3
4
5
6
7
8 "Say onsoblay a parti na dalin et ibiig a nidoma-domay pangikanaan. Labinduan kilomitro so kaawang to manlapud baybay ya anggad abalaten, tan say karokey ton manlapud bokig ya anggad sagur et singa karokey na niiter ed balang tribu. Nipaalagey ed sayan parti so Timplo.
9 "Diad pegley to yan parti, isaklang ed Katawan so pasen a labinduan kilomitro so karokey to tan samploran kilomitro so kaawang to.
10 Naitdan na betang ed sayan masanton parti iray papari. Labinduan kilomitro so karokey na betang da, manlapud bokig ya anggad sagur, tan limaran kilomitro so kaawang to manlapud baybay ya anggad abalaten. Nipaalagey ed pegley to yan parti so Timplo na Katawan.
11 Sayan masanton pasen et para saray papari a say sengeg da et si Zadoc. Matoor iran nanlingkur ed siak tan ag ira akibabali ed saray arum ya Israelita diad impanggagawa ray kaogsan; aliwa ran singa saray kabyangay tribu nen Levi ya akibabali ra.
12 Kanyan nepeg a nawalaan ira na nidoma-doman parti ya onketeg ed partin kayaryan na saray Levita, tan sankasantosan ed amin da ray arum a parti.
13 Nepeg a saray Levita et nawalaan met ira na nidoma-doman pasen, diad niabalaten na parti da ray papari. Nakaukolan met a labinduan kilomitro so karokey to manlapud bokig ya anggad sagur, tan limaran kilomitro so kaawang to manlapud baybay ya anggad abalaten.
14 Sankaabigan a parti ed intiron dalin so pasen a nisaklang ed Katawan, tan anggapoy antokaman a parti na sayan pasen a nilako, nisalat, odino nialis ed siopaman. Masanto yan pasen tan kayaryan na Katawan.
15 Say akeraan ed samay nidoma-doman parti, salanti say labinduan kilomitro so karokey to tan duara tan kapalduan kilomitro so kaawang to, et aliwan masanto, balet ikana na karaklan. Nayarin manayam irad man tan ikana ra. Diad pegley so nepeg a kawalaan na siudad,
16 tan nepeg a kuadrado, a duan libo tan apatalasus tan pitomplon mitro so karokey na balag dapag.
17 Diad kaliber-liber na siudad ed balang dapag et walay liwang a sanlasus tan talomplo tan sakey a mitro so benlag to.
18 Say dalin ya akeraan kayarin nipaalagey so siudad diad niabalaten na masanton pasenlimaran kilomitro so karokey tan duara tan kapalduan kilomitro so kaawang to diad bandad bokig tan limaran kilomitro so karokey tan duara tan kapalduan kilomitro so kaawang to diad bandad saguret pandalusan na saray totoon manaayam ed siudad.
19 Siopamay manaayam ed siudad, anggan anton tribu so sengeg to, et nayarian toy ondalus ed saman a dalin.
20 Ontan sirin, say intiron kabaleg na samay pasen a walad pegley na samay nibiig a parti et kuadradon labinduan kilomitro so karokey na balang dapag, tan saya et sakopen to so pasen a kawalaan na siudad.
21 Kayarin nibiig so dalin ya anggad bokig tan anggad sagur a sakop toy pangiletnegan na Timplo, say dalin na papari, say dalin da ray Levita, tan say siudad, say keran dalin et kayaryan na manoley a prinsipi. Nasabi na sayan dalin so ketegan ed bokig tan sabien tod sagur ya anggad Dayat na Mediteraneo, tan diad baybay miketeg ed dalin a kayaryan nen Juda tan diad abalaten miketeg ed dalin a kayaryan nen Benjamin.
22
23 Diad niabalaten na sayan nidoma-doman parti, balang sakey ya atilak nin tribu nepeg a mangawat na sakey a parti na dalin ya onlaknab a manlapud ketegan ed bokig ya anggad sagur diad Dayat na Mediteraneo. Saraya so mantotombukan a mangawat manlapud baybay ya anggad abalaten: Benjamin, Simeon, Isacar, Zabulon tan Gad.
24
25
26
27
28 Diad niabalaten na partin niiter ed tribu nen Gad, say ketegan et mampaabalaten a sagur manlapud Tamar ya anggad sabangan na Cades, insan mampabaybay a sagur a tontonen toy ketegan na Egipto ya anggad Dayat na Mediteraneo.
29 Say Katawan a Dios inkuanto, Ontan so pakaapag-apag na dalin a kayaryanen na saray tribu na Israel.
30 Walay labinduan lolooban a mamaarap ed siudad na Jerusalem. Kapag sakey ed apatiran padir na siudad walay duan libo tan apat a lasus tan pitomplon mitro so karokey to tan walay taloran puirta to, a balang sakey ningaran ed kapag tribu. Saray puirtan walad bandad baybay a padir ningaran ira ed kindi Ruben, Juda, tan Levi; diad bandad bokig, ningaran ira ed kindi Jose, Benjamin, tan Dan; diad bandad abalaten a padir ningaran ira ed kindi Simeon, Isacar, tan Zabulon; tan diad bandad sagur a padir ningaran ira ed kindi Gad, Aser, tan Neftali.
31
32
33
34
35 Say intiron karokey na samay padir diad apatiran dapag et siam a libo, walon lasus tan walomplon mitro. Manlapud natan say nepeg a ngaran na siudad et Wadya-so Katawan!