1 "Diad ononan taon na panooley nen Impirador Ciro ed Persia say Katawan pinatwa toy imbaga to diad panamegley nen propita Jeremias. Tinanggoyur toy Ciro ya ipaakseb toy onggendan a ganggan, paisulat to insan to paibandod inerman a pasen ed nanarian to:
2 "Sikato yay ganggan nen Ciro ya Impirador na Persia. Say Katawan a Dios na Tawen ginanggan to ak a manoley ed intiron mundo tan impalima tod siak so pangipaalagey na Timplon para sikato diad Jerusalem na Juda.
3 "Niwala komuy Dios ed sikayon amin a totoo to. Nepeg yoy onla ed Jerusalem na Juda, ta ipaalagey yo lamet so Timplo na Katawan, say Dios na Israel, say Dios a gagalangen ed Jerusalem.
4 "No walad saray totoo ton nibantak ed arum a bansa so mankaukolan na tulong ed ipawil da, saray kakaabay da so nepeg ya ontulong ed sikara. Nepeg da ran itdan na pilak tan balituk, saray abasto, tan saray ayayep. Nepeg da ran itdan met na saray bagat ya isaklang ed Timplo na Dios diad Jerusalem.
5 "Lapud saya namparaan ya onlan mamaalagey lamet ed Timplo na Katawan ed Jerusalem iray pangulo na saray boleg ed tribu di Juda tan Benjamin, saray papari tan saray Levita, tan amin da ray tinenyeg na Dios so puso ra.
6 "Tinulongan ira na saray kaabay da diad impangiter dad sikara na saray ikakanan pilak, balituk, saray abasto, saray ayayep, saray arum a mabmablin kagawaan, tan saray bagat ya isaklang ed Timplo.
7 "Inter nen Impirador Ciro ed sikara iray yaung tan saray kupa ya inaala nen Ari Nabucodonosor ed timplo na Jerusalem tan iniiyan to ra ed timplo na saray diriyos to.
8 "Inyawat ira nen Ciro ed kinen Mitredates a makaoley ed saray kayamanan na ari. Inlista to ran amin nen Mitredates pian walay pakanengnengan nen Sesbasar a gobirnador na Juda.
9 "Saraya so niiter: talomplon yaung a balituk a para saray bagat sanlibon yaung a pilak a para saray bagat duamplo tan siam ya arum a yaung talomplon ankelag a yaung a balituk apat a lasus tan samploran ankelag a pilak a yaung sanlibon arum ya ikakana
10 Amiamin, walay liman libo tan apat a lasus a yaung a balituk tan pilak tan saray arum a kagawaan ya inawit nen Sesbasar, nen sikato tan saray arum a nibantak a bansa et linma rad Jerusalem manlapud Babilonia.
1 "Dakerakel ed saray nibantak ed luyag na Babilonia so pinmawil ed Jerusalem tan diad Juda; pinmawil so balang sakey ed sikara diad dilin baley to. Saray pamilya da ra ya et nanaayam la ran nibantak ed Babilonia nanlapu lad impanakep nen Ari Nabucodonosor ed sikara.
2 "Saray pangulo ra et di Zorobabel, Josue, Nehemias, Seraya, Reelaya, Mardokeo, Bilsan, Mispar, Bigvai, Rehum, tan Baana. Sikato yay listaan na saray boleg na Israel a kataruk toy bilang na saray pinmawil:
3 "Parosduan libo, sanlasus tan pitomplo tan dua Sefatiastalon lasus, pitomplo tan dua Arahpiton lasus, pitomplo tan lima Pahat-moag (kabyangan iray boleg nen Jesua tan Joab) duan libo, walon lasus tan labindua Elamsanlibo, duan lasus, limamplo tan apat Zatusiam a lasus, apataplo tan lima Zacaipiton lasus tan anemaplo Banianem a lasus, apataplo tan dua Bebaianem a lasus, duamplo tan talo Azgadsanlibo, duan lasus, duamplo tan dua Adonicamanem a lasus, anemaplo tan anem Bigvaiduan libo, limamplo tan anem Adinapat a lasus, limamplo tan apat Ater (atawag met na Ezekias) siamaplo tan walo Bezaitalon lasus, duamplo tan talo Jorasanlasus tan labindua Hasumduanlasus, duamplo tan talo Gibarsiamaplo tan siam.
4 Pinmawil met ira yan totoo a saray lalaki ra et nanayam ed saray onggendan a baley: Betlehemsanlasus, duamplo tan talo Netofalimamplo tan anem Anatotsanlasus, duamplo tan walo Azmavetapataplo tan dua Kiryat-Jearim, Cefira tan Beerotpiton lasus, apataplo tan talo Rama tan Gebaanem a lasus, duamplo tan sakey Micmassanlasus, duamplo tan dua Betel tan Aiduan lasus, duamplo tan talo Nebolimamplo tan dua Magbissanlasus, limamplo tan anem Say sananey ya Elamsanlibo, duan lasus, limamplo tan apat Harimtalon lasus tan duamplo Lod, Hadid, tan Onopiton lasus, duamplo tan lima Jericotalon lasus, apataplo tan lima Senaa - talonlibo, anem a lasus tan talomplo.
5 Sikato yay listaan na saray boleg na paparin pinmawil: Jedaya (kabyangay boleg nen Jesua) siam a lasus, pitomplo tan talo Imersanlibo, limamplo tan dua Pasursanlibo, duan lasus apataplo tan pito Harimsanlibo tan labimpito.
6 Saray boleg na Levita a pinmawil: Jesua tan Cadmiel (kabyangay iray boleg nen Hodavias) pitomplo tan apat Saray tumutogtog tan saray kumakanta ed Timplo (Kabyangan iray boleg nen Asaf) sanlasus, duamplo tan walo Saray guardiad Timplo (kabyangan iray boleg di Sallum, Ater, Talmon, Acub, Hatita, tan Sobai) sanlasus, talomplo tan siam.
7 Saray boleg da ray kumikimey ed Timplo a pinmawil: Ziha, Hasufa, Tabaot Keros, Siaha, Padon Lebana, Hagaba, Acub Hagab, Samlai, Hanan Gidel, Gahar, Reaya Rezin, Nekoda, Gazam Uza, Pasea, Besai Asna, Meunim, Nefusim Bacbuc, Hacufa, Harhur Hazlut, Mehida, Harsa Barcos, Sisara, Tema Nezia, tan Hatifa.
8 Saray boleg da ray aripen nen Solomon a pinmawil: Sotai, Soferet, Peruda, Jaala, Darcon, Gidel, Sefatias, Hatil, Pokeret-hazebaim, tan Ami.
9 Talon lasus, siamplo tan dua ya amin so bilang da ray kabyangay boleg na saray kumikimey ed Timplo tan saray kabyangay boleg da ray aripen nen Solomon a pinmawil.
10 Anem a lasus, limamplo tan dua ray kabyangay boleg di Delaya, Tobias, tan Necoda a pinmawil ira manlapud saray baley na Tel-mela, Tel-harsa, Kerub, Addan tan Imer; balet ag da napaneknekan a kabyangan iray boleg na saray Israelita.
11 Saray onggendan a boleg na papari et ag ira makarumog na listaan a mamaneknek na sengeg na pamilya ra: Habaias, Haccoz, tan Barzillai. (Say laki na saray paparin kabyangay boleg nen Barzillai et angasawa na sakey a biin kabyangay boleg nen Barzillai a taga Galaad tan inala toy ngaran na boleg na katolangan to.) Ag ira naawat a papari, lapud ag da napaneknekan no siopa ray lalaki ra.
12 Imbagad sikara na gobirnador na saray Judio ya ag ira makapangan na kakanen ya imbagat ed Dios, anggad walay sakey a parin makapangipanon ed Tummim tan Urim.
13 Say bilang na amin da ray pinmawil et apataplo tan duan libo, talon lasus tan anemaplo Saray lalaki tan bibiin aripen dapiton libo, talon lasus talomplo tan pito Saray lalaki tan bibiin tumutugtog tan saray kumakantaduan lasus Saray kabayopiton lasus, talomplo tan anem Saray muladuan lasus, apataplo tan lima Saray kamilyoapat a lasus, talomplo tan lima Saray asnoanem a libo, piton lasus tan duamplo.
14 Nen saramay nanlapud Babilonia et sinmabi rad Timplo na Katawan diad Jerusalem, pigarad saray pangulo da ray boleg so angiiter na saray bagat a manlapud mabolus a linawa a pamaalagey lamet ed Timplo diad gendat a kawalaan to.
15 Ginawa ray anggaay nayarian dan mangiter para sayan kimey; apat a lasus, anemaplo tan walon kilo a balituk, duan libo, anem a lasus tan waloran kilon pilak, tan sanlasus a kawes na papari.
16 Nanayam ed Jerusalem odino diad abay to iray papari, saray Levita, tan pigarad saray totoo; nanayam ed saray asingger a baley iray tumutogtog tan saray kumakanta, saray guardiad Timplo, tan saray kumikimey ed Timplo; tan nanayam ed saray baley na saray lalaki ra iray arum ya Israelita.
1 "Nen asabiy kumapiton bulan, manaayam lad saray baley da iray Israelita. Insan nantitipon iran amin ed Jerusalem.
2 "Si Josue a lakin anak nen Josadac, saray kapara ton papari, tan si Zorobabel a lakin anak nen Salatiel tan saray kakanayon to et impaalagey da lamet so altar a para Dios na Israel, pian napampoolan da na saray bagat onung na nisulat ed Ganggan nen Moises a too na Dios.
3 "Anggaman ya antakot irad saray arum a totoon manaayam ed saman a dalin, impaalagey da lamet so altar ed pasen ton gendat. Insan ginapwan da lamet so nampool ed tapew na altar na saray kinabwasan tan nilabin bagat.
4 "Sinilibraan da so Pista na saray Abung-abung onung ed saray totontonen a nisulat, tan kapag agew angisaklang ira na saray bagat a nakaukolan ed saman ya agew.
5 "Niarum ed sarayan bagat so inagew-agew ya isasaklang iran bagat a popoolan, saray bagat ya isasaklang no Pistay Balon Bulan, saray bagat kapag mantitipon ira a mangigalang ed Katawan, tan saray bagat a manlapud mabulos a linawa ya isasaklang na saray totoo ed Katawan.
6 "Ag ni inggapo na saray totoo so pangipaalagey lamet ed Timplo; anggaman ontan ginapwan da lad ononan agew na kumapiton bulan so mangisaklang ed Katawan na saray bagat a popoolan.
7 "Angiiter iray totoo na kuartan ibayar ed saray kantiro tan saray karpintiro; angiiter met ira na saray kakanen, iinomen, tan larak na oliba ya ipapawit dad siudad na Tiro tan Sidon, a sikaray kasalat ira na saray kiew a sidro a manlapud Libano, ya ipaanur irad dayat ya anggad Joppe. Agawa ra yan amin diad impangyabuloy nen Impirador Ciro na Persia.
8 "Kanyan diad kumadwan bulan ed kumadwan taon manlapud samay insabi rad kawalaan na Timplo na Katawan diad Jerusalem, inggapo ray kimey. Nantutulongan a nankimey ira di Zorobabel, Josue, saray amin a kakanayon da, saray papari, tan saray Levita. Diad tuay tua tinmulong ya amin iray Israelitan pinmawil ed Jerusalem. Nipasen a makaoley ed amin a kimey ed Timplo iray amin a Levitan mantaon na duamplo a mampaatagey.
9 "Kanyan natutulongan ya angipangulod kimey ed Timplo si Jesua a Levita tan saray anak tan kakanayon to, tan si Cadmiel tan saray anak to (a kabyangan iray boleg nen Hodavias) (Tinulongan ira na saray Levitan kabyangay boleg nen Henadad.)
10 Nen ginapwan da la iletneg so pundasion na Timplo, linmad pasen da iray paparin akasulong na saray kawes da tan akabemben ira na saray trumpita. Wadman met iray Levitan kabyangay boleg nen Asaf tan akabemben ira na saray piangpiang. Indayew day Katawan onung ed saray bilin ya impaakseb nen Ari David.
11 Nankakanta ra a pangidayew tan pisalamat dad Katawan. Inolit-olit dan kinanta yan parti na kanta: Maung so Katawan tan say ag mangoman a panangaro tod Israel et andi-anggaan. Inmeyag so balang sakey na anggaay nayarian to; indayew day Katawan lapud nigapo lan niletneg so pundasion na Timplo.
12 Dakel ed saray mamatakken a papari, Levita, tan pangulo da ray boleg so akanengneng ed samay inmonan Timplo, et nanakis iray maksil legan ya ipapaletneg so pundasion na sayan Timplo. Balet naneeyag ed liket iray arum a wadman.
13 Anggapoy makapangibaga no dinay eyag na liket odino dinay eyag na akis, lapud diad ontan lan kasil na eyagan narengel ed arawi.
1 "Nadngelan na saray kalaban da ray totoo ed Juda tan Benjamin a saray pinmawil ed Jerusalem manlapud inkibantakan dan bansa et ipapaalagey da lamet so Timplo na Katawan a Dios na Israel.
2 "Kanyan linma rad kinen Zorobabel tan saray pangulo da ray boleg tan kuanda, Ibaan mi kayo a mangipaalagey na Timplo. Igagalang miy Dios ya igagalang yo tan mangibabagat kamid sikato nanlapu lad samay panaon ya imbaki kami nen Impirador Esar-hadon na Asiria, a manayam dia.
3 "Inkuan ed sikara di Zorobabel, Josue, tan saray pangulo da ray boleg, Ag mi kaukolay tulong yod pangipaalagey na sakey a timplo para Katawan a Dios mi. Sikamin diliy mangipaalagey onung na ingganggan ed sikami nen Impirador Ciro na Persia.
4 "Insan saray arum a totoon manaayam lad saman a dalin et pinabetel day linawa na saray Judio tan tinaktakot da ra, pian ag da la ituloy ya ipaalagey so Timplo.
5 "Pinapasoksokan da ray opisyal ed gobirno, pian sumpaen da ra. Ag da tinondaan a ginagawa ya, legan na impanoley nen Impirador Ciro ya anggad impanoley nen Impirador Dario.
6 "Insan diad kagapo na impanoley nen Impirador Asuero, insegep na saray kalaban da ray totoon manaayam ed Juda tan Jerusalem iray nisulat a dalem sumpad sikara.
7 "Diad legan na panooley nen Impirador Artajerjes ed Persia nansulat ed impirador ira di Bislam, Mitredates, Tabeel, tan saray kakaiba ra. Say salitan Aramaica so inkana ed sayan sulat da, kanyan nepeg ya ipatalus no ibasa.
8 "Nansulat met ed impirador si Rehum a gobirnador, tan si Simsai a sikritario na luyag. Saya so sulat diad Impirador Artejerjes nipaakar ed Jerusalem:
9 "Nanlapu yan sulat ed kinen Rehum a gobirnador, tan si Simsai a Sikritario na luyag, saray kakaiba ra, saray huis, saray arum ya opisyal a gendat iran taga Erec, Babilonia, tan Susa, diad dalin na Elam,
10 tan saray arum a totoon pinaekal nen matalonggaring tan makapanyarin Asnapar ed panaayaman da, insan to ra impanayam ed siudad na Samaria tan arum ni ran pasen diad Luyag na Sagur na Eufrates.
11 Saya so logan na sulat: Diad Impirador Artajerjes: nanlapu yan sulat ed saray aripen ton manaayam ed Sagur na Eufrates.
12 Labay min ipaamta ed sika, Kagalang min Impirador, a saray Judion linma dia a nanlapud arum a nasasakopan yon dalin et manaayam la rad Jerusalem tan ipapaalagey da lamet so maoges tan mananumlang a siudad. Inggapo da lan ipapaalagey lamet iray padir, et ag mabayag nasumpal da la.
13 Kagalang min Impirador, no nipaalagey la lamet yan siudad tan nasumpal la ray padir to, ag la mambayar na buis iray totoo, et diad onya ondaiset so onloob a kuarta ed palasio.
14 Ag mi labay ya onyay nagawa, lapud walay utang na linawa mid Kagalang ya Impirador. Kanyan kerewen mid sika
15 a pasokayan mo ray awaran na saray lalakim. No gawaen mo ya, naamtaan mo a sayan siudad et mananumlang tan nanlapu la nen saman naniiter na gunigon ed saray arari tan saray manoley ed saray luyag. Gendat a mairap ya oleyan iray totoo to. Sikato yay makasengeg no akin et aderal iman a siudad.
16 Ag kami sirin manduaruwa a no nipaalagey lamet yan siudad tan nasumpal iray padir to, ag la naoleyan na Kagalang min Impirador so Luyag na Sagur na Eufrates.
17 Impawit na impirador yan ebat: Awat yoy pabanok ed sikayo: Rehum a gobirnador, Simsai a sikritario na luyag, tan saray kaiba yo a manaayam ed Samaria, tan saray arum a pasen ed Sagur na Eufrates.
18 Nipatalus tan nibasad siak imay sulat ya impawit yo.
19 Ingganggan kon nagawa so sakey a panosisa, et arumog a nanlapu la nen saman linmalaban a tua so Jerusalem ed saray arari, tan amayamay iray manaayam diman a mananumlang tan managgaway gulo.
20 Nanooley diman iray ararin makapanyari tan inooleyan da so intiron luyag na Sagur na Eufrates, tan nanaala rad man na saray buis.
21 Kanyan iganggan yo ra man a totoo a tondaan dan ipaalagey lamet so siudad, anggad pangiganggan kon ituloy.
22 Sumpal yon tampol yan bilin ko, pian napatonda so antokaman nin makagunigon ed siak.
23 Kapangibasad sayan sulat a nanlapud Ari Artajerjes ed arap di Rehum, Simsai, tan saray kakaiba ra, nangganat iran linmad Jerusalem, tan pinasoot dan pinatonda ray Judio ed pamapaalagey da lamet na siudad.
24 Apatonday kimey ed Timplo tan nansiansian ag adiwit ya anggad kumadwan taon na panooley nen Impirador Dario na Persia.
1 "Diad sayan panaon inggapo di propita Aggeo tan Zacarias a lakin anak nen Iddo so nampulong ed ngaran na Dios na Israel ed saray Judion manaayam ed Juda tan Jerusalem.
2 "Nen nadngel di Zorobabel a lakin anak nen Salatiel tan Josue a lakin anak nen Josadac so pulong da, intubat day kimey ed Timplo ed Jerusalem. Tinmulong ed sikara ira may duaran propita.
3 "Linman tampol ed Jerusalem ira di Gobirnador Tatnai na Sagur na Eufrates, Setar-bozenai, tan saray kapara ran opisyal tan tinepet da, Siopay angiganggan ed sikayon ipaalagey yan Timplo tan iyan iray kagawaan to?
4 "Tinepet da met so kangaranan da ray totoon ontutulong ed pangipapaalagey na Timplo.
5 "Balet ag pinaolyan na Dios iray pangulo na saray Judio, kanyan ag ira painatonda na saray opisyal na Persia, anggad ag da pakasulat ed Impirador Dario tan pakaawat na ebat to.
6 "Saya so sulat ya impawit dad impirador:
7 "Diad Impirador Dario, mareen komun so panoley mo.
8 "Ipakabat mid sika, Kagalang min Impirador, a linma kamid luyag na Juda. Et arumog mi a nipapaalagey lamet so Timplo na matalonggaring a Dios. Ankakabaleg a tinabas a bato tan saray kiew so nikakana. Inapiapiger tan anggapoy tonda so kimey.
9 "Tinepet mid satan ed saray pangulo da ray totoo no siopay angiganggan ed sikaran ipaalagey da lamet so Timplo tan iyan iray kagawaan to.
10 Tinepet mi met so kangaranan da pian nipakabat mid sika no siopa ray pangulo ed sayan kimey.
11 Inebatan da kami, Sikami ray aripen na Dios na tawen tan dalin, tan ipapaalagey mi lamet so Timplon inmonan impaalagey na sakey a makapanyarin ari na Israel a sikato met so angyan na saray kagawaan to nen abayag lan panaon.
12 Balet lapud impanpasnuk na saray lalaki mi so Dios na Tawen, impadakep to kami ed Ari Nabucodonosor na Babilonia.
13 Insan diad ononan taon na impanoley nen Impirador Ciro ed Babilonia, ingganggan ton ipaalagey mi lamet so Timplo.
14 Impawil to ray balituk tan pilak a kagawaan na Timplo ya inaala ra nen Nabucodonosor ed Timplo ed Jerusalem insan to ra inyan ed timplo ed Babilonia. Impalima nen Impirador Ciro ira yan amin a kagawaan ed sakey a lakin manngaran na Sesbasar ya impasen ton gobirnador na Juda.
15 Imbagad sikato na impirador ya alaen to ra, insan to ra ipawil ed Timplo ed Jerusalem, tan ipaalagey to so Timplo ed inalageyan ton gendat.
16 Kanyan sinmabiy Sesbasar, insan to inletneg so pundasion; siansia so kimey ya anggad natan, balet ag ni asumpal.
17 Natan sirin, Kagalang min Impirador, no isisipen mon pankaabigan, pasokayan mo pad saray awaran na ari diad Babilonia, ta nengneng mo no kasi ingganggan nen Impirador Ciro odino andi ya ipaalagey lamet so Timplo ed Jerusalem. Kasumpal to, ipakabat mo pad sikami no antoy labay mon nagawa nipaakar ed sayan pamaakaran.
1 "Kanyan ingganggan nen Impirador Dario a nagaway pansokay ed saray awaran na ari a nisinup ira ed Babilonia.
2 "Balet diad siudad na Ecbatana diad luyag na Media so akarumogan na sakey a babasaen a nilokut ya akapangisulatan na onggendan:
3 "Diad ononan taon na impanoley nen Impirador Ciro, ingganggan ton ipaalagey lamet ed Jerusalem so Timplo a pambagatan tan pangisaklangan na saray bagat a popoolan. Nepeg a talomplon mitro so kaatagey tan talomplon mitro so kaawang na ipaalagey lamet a Timplo.
4 "Saray padir nepeg a tapewan na tabla diad balang mikatlon dasig na baton nantatapewan. Manlapud kayamanan na palasio so amin a gastosen.
5 "Amin met iray balituk tan pilak ya ikakana na Timplo ya inaala nen Ari Nabucodonosor tan inyaakar to rad Babilonia so nepeg a nipawil irad pasen dan gendat diad Timplo ed Jerusalem.
6 "Insan impawit nen Impirador Dario so onggendan ya ebat to: Diad kindi Tatnai a gobirnador na Sagur na Eufrates, Setar-bozenai, tan saray kapara yon opisyal ed Sagur na Eufrates. Arawian yo so Timplo
7 "tan ag yo pibabalian so pangipapaalagey. Abuloyan yoy gobirnador na Juda tan saray pangulo da ray Judio ya ipaalagey da lamet so Timplo na Dios ed inalageyan to nen saman.
8 "Igaganggan kod sikayo a tulongan yo ran mangipaalagey lamet. Nepeg a nabayaran a tampol iray amin a gagastosen da; say kuartad palasio a natitipon manlapud saray buis na Sagur na Eufrates so pangalaan na ibayar, pian ag ontonda so kimey.
9 "Ag yo sasaewen ya iter ya inagew-agew, ed saray papari ed Jerusalem so antokaman ya ibaga rad sikayon nakaukolan da: saray kalakyan a kilaw a baka, saray karniro, odino saray kordiro ya isaklang iran bagat a popoolan ed Dios na Tawen, odino trigo, asin, alak, o larak na oliba.
10 Nepeg ya onyay nagawa, pian makapangisaklang ira na saray bagat a makapaliket ed Dios na Tawen. Nipikasi rad satan ya iter na Dios so bindision tod siak tan saray lalakin anak ko.
11 Igaganggan ko met ni a siopaman ya onsumpad sayan ganggan ko ekalen ed abung to so sakey a panuksolan, otukan ed sakey a ngoro, insan idoyuk ed kabalgan to. Insan pagmaliwen a bunton na deralderal so abung to.
12 Say Dios ya amilid Jerusalem a pasen a panangigalangan ed sikato et taloen to komun so siopaman ya ari o dinanman a bansan ag mangitaltalek ed sayan ganggan tan salien ton deralen so Timplod tan. Siak, si Dario, so mangigaganggan. Nepeg a sigput so pangonur ed ganggan ko.
13 Say ganggan na impirador et sigput a sinumpal di Gobirnador Tatnai, Setarbozenai, tan saray kapara ran opisyal.
14 Saray pangulo da ray Judio et maples so impangipaalagey dad Timplo, ta apabiskeg so linawa ra lapud saray salita di propita Aggeo tan Zacarias. Asumpal dan impaalagey so Timplo onung na impaiganggan ed sikara na Dios na Israel, tan di Ciro, Dario, tan Artajerjes ya impirador irad Persia.
15 Asumpal dan impaalagey so Timplo nen kumanem a taon na panooley nen Impirador Dario sanen kumatlon agew na bulan ya Adar.
16 Insan saray Israelita saray papari, saray Levita, tan amin da ray totoon pinmawil a manlapud inkibantaken dan bansamalikeliket dan insaklang ed Dios imay Timplo.
17 Nen isaklang day Timplo, angibagat ira na sanlasus a bakan kalakyan, duan lasus a karniro, tan apat a lasus a kordiro. Angisaklang met ira na labinduan kanding a bagat para kasalanan; sakey a bagat so para balang sakey a tribu ed Israel.
18 Nipasen ed saray kanepegan dan kimey ed Timplod Jerusalem iray papari tan saray Levita, onung na saray ibabagay nisulat ed libro nen Moises.
19 Diad kumalabinapat ya agew na ononan bulan na ontombuk a taon, saray totoon pinmawil a manlapud inkibantakan dan bansa et sinilibraan day Paskua.
20 Amin da ray papari tan amin a Levita et nilinisan day sikaran dili onung ed ganggan. Pinatey na saray Levita iray ayayep ya ibabagat no Paskua; para amin da ray totoon pinmawil, para saray papari, tan para sikara.
21 Saramay bagat et kinan na amin da ray Israelitan pinmawil tan saray amin a totoon tinondaan day paganon kagagawa na saray arum a totoon manaayam ed saman a dalin tan dinmago ran mangigalang ed Katawan a Dios na Israel.
22 Pitoy agew a sigput so liket dan nansilibra ed Pistay Tinapay ya Anggapoy Libadura. Malikeliket ira lapud ginawa na Katawan so Impirador na Asiria a maabig so linawa tod sikara, kanyan initdan to ra na ginastos dad impangipaalagey da lamet ed Timplo na Dios na Israel.
1 "Linmabas so amayamay a taon. Nen impirador na Persia si Artajerjes, walay sakey a lakin manngaran na Esdras ya anak nen Seraya a lakin anak nen Azarias, a lakin anak nen Helcias.
2 "Si Helcias et lakin anak nen Sallum, a lakin anak nen Sadoc, a lakin anak nen Ahitob.
3 "Si Ahitob et lakin anak nen Amarias, a lakin anak nen Azarias, a lakin anak nen Merayot.
4 "Si Merayot et lakin anak nen Zeraya, a lakin anak nen Uzi, a lakin anak nen Buki.
5 "Si Buki et lakin anak nen Abisue, a lakin anak nen Finees, a lakin anak nen Eleazar. Si Eleazar et lakin anak nen Aaron a Pangulong Pari.
6 "Sakey ya iskriba si Esdras tan kabkabat toy Ganggan ya inter na Katawan a Dios na Israel ed kinen Moises. Lapud walad kinen Esdras so bindision na Dios, inter na ari ed sikato so antokaman a kerewen to. Manlapud Babilonia
7 "Iinmay Esdras ed Jerusalem a kaiba toy sakey a grupo na saray Israelita, a pati saray papari, saray Levita, saray tumugtogtog tan saray kumakanta ed Timplo, saray guardiay Timplo, tan saray kumikimey. Agawa ya nen kumapitoy taon na panooley nen Ari Artajerjes.
8 "Tinaynan day Babilonia nen ononan agew na ononan bulan, et diad pananulong na Dios akasabi rad Jerusalem nen ononan agew na kumaliman bulan.
9
10 Inapasakey la nen Esdras so bilay to diad panaral tan pangonur tod Ganggan, tad diad pangibangat tod saray Israelita na saray bilin tan saray totontonen a walad Ganggan.
11 Say onggendan a kaletan et inter nen Impirador Artajerjes ed kinen Esdras, say pari tan iskriba a kabkabat to ray ganggan tan saray bilin ya inter na Katawan ed Israel:
12 Nanlapu yan kaletan ed Impirador Artajerjes diad kinen Esdras a pari a kabkabat toy Ganggan na Dios na Tawen.
13 Igaganggan ko ya amin da ray Israelitan walad sakop na panooleyan ko, saray papari, tan saray Levitan malabay a milad sika ed Jerulalem et naabuloyan ira.
14 Siak tan saray pitoran sumisumbawk so mangibabakid sika, pain nanengneng moy kipapasen na Jerusalem tan Juda. Nengneng mo no panon so pakakaonur diman ed nimatalek ed sikan Ganggan na Dios mo.
15 Sikay mangawit na saray pilak tan balituk a labay ko tan saray sumisumbawak ya ibagat ed Dios na Israel a walad Jerusalem so, Timplo to.
16 Sika met so mangawit ed amin da ray natipon mon pilak tan balituk ed luyag na Babilonia, tan saray bagat a manlapud mabulos a linawa ya iter na saray Israelita tan saray papari ed Timplo na Dios da a walad Jerusalem.
17 Apiger mon isaliw yan kuarta na saray bakan kalakyan, saray karniron kalakyan, saray kordiro, say trigo, tan say alak. Isaklang mo ra ed tapew na altar ed Timplod Jerusalem.
18 Nayarian mon ikana so nakeraan a pilak tan balituk ed antokaman a labay mo tan saray kabansaan mo onung ed linawa na Dios yo.
19 Iparontal mod arap na Dios diad Jerusalem iray amin ya ikakanan niiter ed sika para panlingkur ed Timplo.
20 Saray arum nin nakaukolan mon para Timplo et nayarian mon alaen ed kayamanay palasio.
21 Siak, si Impirador Artajerjes, igaganggan ta kayon amin a makaoley ed kayamanan na Luyag na Sagur na Eufrates ya iter yon tampol iray amin a kerewen nen Esdras a pari a kabkabat toy Ganggan na Dios na Tawen.
22 Mangiter kayo, balet et ag onsoluk ed talon libo tan apat a lasus a kilon pilak, liman lasus a boksut a trigo, duan libo tan anemaplon litron alak, tan duan libo tan anemaplon litron larak na oliba. Balet no asin so kerewen da iter yoy amin a nakaukolan da.
23 Apiapiger yon iter iray amin a nakaukolan na Dios na Tawen ya onkanad Timplo to, pain ag to ak balut napampasnukan odino saray ontombuk ed siak a manoley.
24 Sebel ed sikayo so mangala na saray buis ed saray papari, saray Levita, saray tumutogtog tan saray kumakanta, saray guardia, saray kumikimey, odino siopaman nin manlilingkur ed Timplo.
25 Sika, Esdras, ikanam so kakabatan ya inter ed sika na Dios mo diad panorom na saray opisyal tan saray huis a manoley ed amin da ray totoo ed Sagur na Eufrates a mambibilay ira onung ed Ganggan na Dios mo. Nepeg yon ibangat itan a Ganggan ed siopaman a toon ag makaamta.
26 Nepeg a nadusan tampol so siopaman ya ag mangonur ed saray ganggan na Dios mo odino saray ganggan na impirio. Say iter a dusa nayarin say patey, odino say pangibantak ed arum a bansa, odino say pangalad kayaryan to, odino say pangipriso.
27 Inkuanen Esdras, Nadayew so Katawan a Dios na saray lalaki tayo! Ginawa ton maabuloy so impirador a pagalangan to na onya so Timplo na Katawan ed Jerusalem.
28 Lapud ag mangoman a panangaro na Dios nalak so maung a linawa na impirador, saray sumisimbawa to, tan amin da ray makapanyarin opisyal to. Say Katawan a Dios initdan to ak na biskeg na linawa, et ayarian kon atanggoyur a milad siak ya ompawil iray amayamay a pangulo na saray boleg da ray Israelita.
1 "Sikato yay listaan da ray pangulo na saray boleg a nibantak ed Babilonia tan pinmawil ed Jerusalem a kaiba ray Esdras nen si Artajerjes so impirador:
2 "Diad boleg nen Finees, si Gersom Diad boleg nen Itamar, si Daniel Diad boleg nen David, si Hatus a lakin anak nen Secanias Diad boleg nen Paros, si Zacarias a kaiba to ray sanlasus tan limamplon lalakin kabyangay boleg to (wala ray listaan na sengeg na pamilya ra) Diad boleg nen Pacat-moab, si Elioenai a lakin anak nen Seraias a kaiba to ray duan lasus a lalaki. Diad boleg nen Zattu, si Secanias a lakin anak nen Jahaziel a kaiba to ray talon lasus a lalaki Diad boleg nen Adin, si Ebed a lakin anak nen Jonatan a kaiba to ray limamplon lalaki Diad boleg nen Elam, si Jesaias a lakin anak nen Atalias a kaiba to ray pitomplon lalaki Diad boleg nen Sefatias, si Zebadias a lakin anak nen Micael a kaiba to ray walomplon lalaki Diad boleg nen Joab, si Obadias a lakin anak nen Jehiel a kaiba to ray duan lasus tan labinwalon lalaki Diad boleg nen Bani, si Selomit a lakin anak nen Josifias a kaiba to ray sanlasus tan anemaplon lalaki Diad boleg nen Bebai, si Zacarias a lakin anak nen Bebai a kaiba to ray duamplo tan walon lalaki Diad boleg nen Azgad, si Johanan a lakin anak nen Hacatan a kaiba to ray sanlasus tan samploran lalaki Diad boleg nen Adonikam, di Elifelet, Jeiel tan Semarias a kaiba da ray anemaplon lalaki (naonur iran pinmawil) Diad boleg nen Bigvai, di Utai tan Zacur a kaiba da ray pitomplon lalaki.
3
4
5
6
7
8
9
10
11
12
13
14
15 Tinipon ko ya amin iray totoo diad abay na ilog ya onaagos ed baley na Ahava. Nankampo kamid man a taloy agew. Naamtaan kon wala ray papari ed grupo balet anggapo ray Levita.
16 Impaawit ko ray siamira ed saray pangulo: Eliezer, Ariel, Semaya, Elnatan, Jarib, Elnatan, Natan, Zacarias, tan Mesullam. Impaawit ko met iray duaran bumabangat a di Joiarib tan Elnatan.
17 Imbakik irad kinen Iddo, say pangulo na lugar na Casifia, ta ibaga rad sikato tan saray kakaiba ton kumikimey ed Timplo a mangibaki rad sikami na saray totoon manlingkur ed Dios diad Timplo.
18 Lapud panangaro na Dios imbaki rad sikami si Serebias a marunong a laki tan sakey a Levitan kabyangay boleg nen Mahli; akilad sikatoy labinwalo ed saray lalakin anak tan agagi to.
19 Imbaki ra met si Hasabias tan si Jesaias a kabyangan iray boleg nen Merari; akilad sikaray duamplo ed saray kakanayon da.
20 Likud ed saraya, wala met ni ray duan lasus tan duamplon kumikimey ed Timplo a saray lalaki ra et impasen nen Ari David tan saray opisyal to ya ontulong ed saray Levita. Nilistan amin so kangaranan da.
21 Diad abay na Ilog na Ahava ingganggan kon manayuno kamin amin tan mampaabeba kamin amin ed arap na Dios mi. Ingganggan ko met a kerewen min iwanwan to kami ed pambiahi mi tan iyagel to kamid kaatapan, sikami, saray anak mi tan amin a kayaryan mi.
22 Ambaing ak lan onkerew ed ari na saray sondalon mangyagel ed sikamid saray kalaban legan min mambiahi, lapud imbagak ed sikaton bindisionan na Dios mi so siopaman a manmatalek ed sikato tan dusaen to so siopaman ya onarawid sikato.
23 Kanyan nanayuno kami tan impikasi mid Dios ya iyagel to kami, et inebatan to ray pikakasi mi.
24 Pinilik ed saray manonan papari ira di Serebias, Hasabias, tan samplora nid sikara.
25 Insan ko sinimbang iray ikanad Timplo a pilak, balituk, tan saray ikakana ya inrigalo na impirador, saray sumisimbawa to, saray opisyal to, tan saray arum ya Israelita. Kasumpal kon sinimbang inter ko rad saray papari.
26 Saraya so inter kod sikara: pilakduamplo tan liman tonilada sanlasus a pilak ya ikakanapitomplon kilo balituktalon libo tan apat a lasus a kilo duamplon balituk a yaungpitoran kilo duaran pinon gansan yaungkaparay belat na saramay balituk a yaung.
27
28 Inkuankod sikara, Masanto kayod Katawan, say Dios na saray lalaki yo, kanyan masanto met iray amin a pilak tan balituk ya ikakanad Timplo a niiter ed sikato manlapud mabolus a linawa.
29 Asikaso yo ran maung anggad nasabi yoy Timplo. Diad loob da ray kuarto na papari, simbang yo rad arap da, insan yo ipalimad saray pangulo na saray papari tan saray Levita, tan diad saray pangulo da ray totood Israel a walad Jerusalem.
30 Kanyan inasikaso na saray papari tan saray Levita iray pilak, balituk, tan saray ikakana ya iyakar dad Timplo ed Jerusalem.
31 Tinaynan miy Ilog na Ahava nen kumalabinduan agew na ononan bulan, insan amaarap kamid Jerusalem. Kaiba mi so Dios mi tan inyagel to kamid idogpa tan panabat na saray kalaban legan min nambiahi.
32 Nen akasabi kamid Jerusalem, nampainawa kami na taloran agew.
33 Insan diad kumapat ya agew linma kamid Timplo, sinimbang mi ra may pilak, balituk, tan saray ikakanad Timplo. Kayari mi ran sinimbang, impalima mi rad kinen Meremot a pari a lakin anak nen Urias. Kaiba toy Eleazar a lakin anak nen Finees, tan duaran Levita a di Josabad a lakin anak nen Jesua tan Nodias a lakin anak nen Binui.
34 Abilang, asimbang, nilista ran amin.
35 Amin a pinmawil a nanlapud arum a bansan nibantakan da et angisaklang irad Dios na Israel na saray bagat a popoolan. Angibagat ira na labinduan bakan kalakyan para amin ya Israelita, anemaplo tan siam a karniron kalakyan, pitomplo tan piton kordiro; angibagat met ira na labinduan kanding pian napaandi ray kasalanan da. Amin da ra ya et bagat a popoolan ed Katawan.
36 Inala da may kaletan ton inter ed sikara na ari, insan da inyawat ed saray gobirnador tan saray opisyal na Luyag na Sagur na Eufrates. Sarayan angyawatan da et tinmutulong ira ed saray totoo tan diad panangigalang ed Timplo.
1 "Kayari na impakagawad sarayan amin, linma rad siak iray pigaran pangulo na saray totood Israel. Imbaga rad siak a saray totoo, saray papari, tan saray Levita et ag ira binmiig ed saray Cananeo, Heteo, Perezeo, Jebuseo, Ammonita, Moabita, Egipsio, tan Amorreo. Aaligen da ray makapaingungot a bengatlan gagawaen na sarayan totoo.
2 "Saray lalakin Judio et angaasawa ra na saray bibiin taga arum a bansa, kanyan alaukan so poli na masanton totoo na Dios. Saray pangulo tan saray opisyal so manonan, mananumlang.
3 "Nen nadngel ko ya, pinipilat koy kawes ko diad pangipanengneng koy ermen ko, ginogonut koy buek ko tan say balbas ko, insan ak inmirung a mapalaloy ermen ko.
4 "Inmirung ak diman a maerermen ya anggad oras na panangisaklang na bagat ed labi. Legan kon akayurong minokut ak na amin da ray totoon ataktakot lapud imbaga na Dios na Israel nipaakar ed saray kasalanan da ray pinmawil ed Jerusalem.
5 "Nen sinmabiy oras na panangisaklang na bagat ed labi, inmalagey ak ed pasen a paneermenan ko. Akasolung nid siak imay apilat a kawes. Tinmalimukor ak a nampikasi tan inyonat ko ray limak ed Katawan a Dios ko.
6 "Inkuan ko ambaing ak a mangitangway olok ed arap mo, O Dios. Atagey nen saray olo mi so bontun na saray kasalanan mi; toktokdulen da lay katawenan.
7 "Nanlapu lad panaon na saray lalaki mi ya anggad natan, ontan la so impankakasalanan da ray totoom. Lapud saray kasalanan mi, sikami, saray arari mi tan saray papari mi et naplag kamid lima da ray ararid arum a bansa, tan pinapatey, tinatakewan, tan inyaakar da kami ed arum a bansa. Asigsigput kamin naplag ed kababaingan a singa kipapasen mi nin anggad natan.
8 "Katawan a Dios mi, kinasian mo kamin agano tan inyabuloy mon akabatik so pigarad sikami tan manayam ya arawid kaatapan ed sayan masanton pasen. Inyabuloy mon nibatikan miy pangaaripen dad sikami tan initdan mo kamiy balon bilay.
9 "Naaripen kami, balet ag mo kami pinaolyan ed saman a kipapasen. Lapud ag mangoman a panangarom initdan mo ray impirador ed Persia na puson maabagey ed sikami, kanyan inabuloyan da kami nin mambilay tan mangipaalagey lamet na Timplom ya aderal-deral. Inabuloyan da kami met a mambilay ya arawid kaatapan diad Juda tan diad Jerusalem.
10 Balet natan, a Dios, antoy nibaga mi kayari na saray agawa? Ag mi tinoluk iray ganggan mo
11 ya inter mo rad sikami diad panamegley na saray aripen mon propita. Imbaga rad sikami a say dalin a panayaman mi et napnoy karotakan, lapud saray totoon nanaayam et pinano ra, manlapud sakey a ketegan ya anggad sakey a ketegan, na saray makapaingongot tan marotak a kagagawa.
12 Imbaga rad sikami ya ag kamin balut mangasawa o miasawa ed saraman a totoo. Imbaga ra met ya ag mi ran balut tulongan ya onaligwas o ombolaslas, no labay min kayaryanen so kaabigan na dalin tan ando lan andon ipatawir mid saray kabyangay boleg mi.
13 Anggan kayari na impakadusa mi lapud saray maoges tan makapoy a ginagawa mi, amta mi, O Dios mi, a daiset nen say kanepegan min dusa so inter mod sikami tan inyabuloy mo ingen a makapambilay kami ni.
14 Kanyan anto niy makasengeg na isumlang mi lamet ed saray ganggan mo tan mangasawa o miasawa ed sarayan maoges a totoo? No gawaen mi ni ya, ompetapetang lay olom ed sikami tan sigput mo kami lan pateyen tan ag mo la abuloyan a walay natilak ed sikami.
15 Katawan a Dios na Israel, matonung ka, balet inyabuloy mon mambilay kami ni. Ipatwa mi ray kasalanan mid sika; anggapoy kanepegan min miarapan ed sika.
1 "Akatewek a mampipikasi si Esdras diad arap na Timplo, manakakis tan ipapatua to ra yan kasalanan. Legan ton mampipikasi minokut na saray amayamay ya Israelitalalaki, bibii, tan ogogawtan manakakis na ampaipait.
2 "Insan si Secanias a lakin anak nen Jehiel tan kabyangay boleg nen Elam inkuantod Esdras, Nankasalanan kamid Dios lapud impangaasawa mid saray bibiin taga arum a bansa. Anggaman ontan, wala niy ilalo na Israel.
3 "Nepeg miy manggaway sinambaan a sipan ed Dios tayo a pataynanen mi ra yan bibii tan saray anak da. Sumpalen mi so antokaman ya isimbawam a gawaen mi, sika tan saray arum a totoon papablien da ray ganggan na Dios. Onuren mi so antokaman ya ibabagay Ganggan na Dios.
4 "Kanepegan mo yan gawaen. Sipaparaan kamin ontoluk ed sika, pabiskeg moy linawam tan gawam lay labay mo.
5 "Impasambaan ya inmona nen Esdras ed saray pangulo da ray papari, Levita, tan saray arum a totoo a gawaen day imbaga nen Secanias.
6 "Manlapu ed arap na Timplo, linmay Esdras ed kuarton panaayaman nen Johanan a lakin anak nen Eliasib. Sanlabid man a nanermen lapud aliwan matoor ira may pinmawil manlapud inkibantakan dan bansa. Ag angan o inminom na antokaman.
7 "Niganggan ed intiron Jerusalem tan Juda a mantitipon ed Jerusalem iray amin ya Israelitan pinmawil manlapud inkibantakan dan bansa.
8 "Saray pangulo da ray totoo so angiganggan ed saya. Siopamay ag makakar ed loob na taloy agew et naalay amin a kayaryan to tan naekal so kanepegan ton kabyangan na olupan.
9 "Diad loob na taloy agew, linmad Jerusalem iray amin a lalakin manaayam ed dalin na Juda tan Benjamin. Nantitipon irad plasa na Timplo nen kumadwamplon agew na kumasiam a bulan. Mammaples a maung so oran ed saman, et lapud onyay panaon tan lapud ambelat so makasengeg na nantitiponan da, manggiwgiw so balang sakey ed sikara.
10 Inmalagey si Esdras a pari, insan nansalitad sikara. Inkuanto, Aliwa kayon matoor, ta angaasawa kayoy bibiin taga arum a bansa, kanyan inaruman yoy kasalanan na Israel.
11 Natan sirin, ipatwa yo ray kasalanan yod Katawan a Dios da ray lalaki yo. Gawa yo la natan iray makapaliket ed sikato. Biig kayod saray sangkailin manaayam ed sayan dalin, tan pataynan yo la ray kaasawaan yon aliwan Judio.
12 Inmeyag ya inmebat iray totoo, Gawaen miy antokaman ya ibagam.
13 Balet ta inyarum dan inkuan, Dakerakel kamin maung tan onooran pa ni met na maksil. Ag mi nayariay manalagey diad paway. Ag nasumpal ed sanagew odino duaran agew so pagagawam, lapud amayamay a maung ed sikami so nankasalanan ed saya.
14 Patilak mo lad Jerusalem iray opisyal mi, ta sikara lay akaoley ed sayan pamaakaran. Insan balang sakey a walay asawa ton taga arum a bansa et onla dia ed niganan oras, a kaiba to ray pangulo tan saray huis na siudad to. Diad onya onkepa so pasnuk na Dios ed sayan agawa.
15 Anggapoy sinmumlang ed sayan plano likud ed kinen Jonatan a lakin anak nen Asael, tan si Jahazias a lakin anak nen Ticva. Pinilaan ira nen Mesullam tan si Sabetai a Levita.
16 Inmabubon ed plano ira may pinmawil a nanlapud arum a bansan nibantakan da. Kanyan anoroy Esdras a pari na saray lalaki ed saray pangulo da ray boleg, insan to inlista ray kangaranan da. Nen ononan agew na kumasamplon bulan inggapo ray nansalaysay.
17 Diad loob na taloy bulan asumpal dan sinasalaysay iray kaso na amin da ray lalakin sangkaili so kaasawaan da.
18 Sikato yay listaan da ray lalakin taga arum a bansay kaasawaan da: Saray Papari a nilista ran onung ed boleg a nanlapwan da: Say boleg nen Josue tan saray agagi ton lalaki ya anak ira nen Josadac: Maasias, Eliezer, Jarib, tan Gedolias.
19 Insipan dan isian da ray kaasawaan da, insan angibagat iray sakey a karniron kalakyan a pangekal ed saray kasalanan da.
20 Say boleg nen Imer: Hanani tan Zebadias.
21 Say boleg nen Harim: Maasias, Elias, Semaya, Jehiel, tan Uzias.
22 Say boleg nen Pasur: Elioenai, Maasias, Ismael, Natanael, Josabad, tan Elasa.
23 Saray Levita: Josabad, Simei, Kelaya (atawag met a Kelita), Petahias, tan Eliezer.
24 Saray Tumutogtog tan saray Kumakanta ed Timplo: Eliasib. Saray guardiad Timplo: Sallum, Telem, tan Uri.
25 Saray arum: Say boleg nen Paros: Ramia, Izias, Malkias, Miamin, Eleazar, Malkia, tan Benaya.
26 Say boleg nen Elam: Metanias, Zacarias, Jehiel, Abdi, Jeromot, tan Elias.
27 Say boleg nen Zatu: Elioenai, Eliasib, Matanias, Jeremot, Zabad, tan Asisa.
28 Say boleg nen Bebai: Johanan, Hananias, Zabai, tan Atlai.
29 Say boleg nen Bani: Mesullam, Malu, Adaya, Gasub, Seal tan Ramot.
30 Say boleg nen Pahat-moab: Adna, Kelal, Benaya, Maasias, Matanias, Bezalel, Binui, tan Manases.
31 Say boleg nen Harim: Eliezer, Isiya, Malkias, Semaya, Simeon, Benjamin, Malluc, tan Semarias.
32
33 Say boleg nen Hasum: Matenai, Matata, Zabad, Elifelet, Jeremai, Manases, tan Simei.
34 Say boleg nen Bani: Madai, Amram, Uel, Benaya, Bedias, Keluhu, Vanias, Meremot, Eliasib, Matanias, Matenai, tan Jaasai.
35
36
37
38 Say boleg nen Binui: Simei, Selemias, Natan, Adaya, Macnadvai, Sadai, Sarai, Azerel, Selemias, Semarias, Sallum, Amarias, tan Jose.
39
40
41
42
43 Say boleg nen Nebo: Jeiel, Matitias, Zabad, Zebina, Jadai, Joel, tan Benaya.
44 Amin da ra ya et walay kaasawaan dan taga arum a bansa. Insisian da ra, insan pinapataynan da ra tan saray anak da.