1 "Si Adan so ama nen Set ya ama nen Enos, tan si Enos so ama nen Kenan.
2 "Si Kenan so ama nen Mahalalel ya ama nen Jared,
3 "tan si Jared so ama nen Enoc ya ama nen Matusalem. Si Matusalem so ama nen Lamec
4 "ya ama nen Noe. Taloran lalaki so anak nen Noe: di Sem, Ham, tan Jafet.
5 "Saray lalakin anak nen Jafet sikara di Gomer, Magog, Madai, Javan, Tubal, Mesec, tan Tiras.
6 "Saray lalakin anak nen Gomer sikara di Askenaz, Rifat, tan Togarma.
7 "Saray lalakin anak nen Javan sikara di Elisa, Espanya, Chipre, tan Dodanim.
8 "Saray lalakin anak nen Ham sikara di Cus, Egipto, Libia, tan Canaan.
9 "Saray lalakin anak nen Cus sikara di Seba, Havila, Sabta, Raama, tan Sabteca. Saray lalakin anak nen Raama sikara di Saba tan Dedan. (
10 Walay lakin anak nen Cus a manngaran na Nimrod a sikatoy inmonan bantug a makapanyari diad tapew na dalin.)
11 Si Mizraim so ama di Ludim, Anamim, Lehabim, Nabtuhim,
12 Patrusim, Casluhim, Caftorim (a sengeg na saray Filisteo.)
13 Saray lalakin anak nen Canaan sikara di Sidon, say sankapangulowanan tan Het.
14 Si Canaan so sengeg na saray Jebuseo, Amorreo, Gergeseo,
15 Heveo, Arkeo, Sineo,
16 Arvadeo, Zemareo, tan Hamoteo.
17 Saray lalakin anak nen Sem sikara di Elam, Asur, Arfaksad, Lud, Aram, Uz, Hul, Geter, tan Mesek.
18 Si Arfaksad so ama nen Selah ya ama nen Eber.
19 Duaray lalakin anak nen Eber; say sakey manngaran na Peleg, ta diad panaon to asiyan-siyan iray totood mundo, tan say sakey manngaran na Joktan.
20 Si Joktan so ama di Almodad, Selef, Hazarmavet, Jerah,
21 Hadoram, Uzal, Dikla,
22 Obal, Abimael, Saba,
23 Ofir, Havila, tan Jobab.
24 Saray boleg a manlapud kinen Sem ya anggad kinen Abram et saraya: Sem, Arfaksad, Selah,
25 Heber, Peleg, Reu,
26 Serug, Nacor, Tare,
27 tan si Abram (a manngaran met na Abraham).
28 Duaray lalakin anak nen Abraham: di Isaac tan Ismael.
29 Nagmaliw a pangulo na saray labinduan boleg iray lalakin anak nen Ismael: di Nabayot (say sankapangulowanan ya anak nen Ismael), Kedar, Adbeel, Mibsam,
30 Misma, Duma, Massa, Hadad, Tema,
31 Jetur, Nafis tan Kedema.
32 Walay inyamung nen Abraham a manngaran na Ketura tan anemiray lalakin anak da: di Zimran, Jocsan, Medan, Madian, Jisbac, tan Suah. Duaray lalakin anak nen Jocsan: di Saba tan Dedan.
33 Limaray lalakin anak nen Madian: di Efa, Efer, Enoc, Abida, tan Eldaa.
34 Duaray lalakin anak nen Isaac a lakin anak nen Abraham: di Esau tan Israel.
35 Saray lalakin anak nen Esau sikara di Elifaz, Reuel, Jeus, Jalam, tan Core.
36 Saray lalakin anak nen Elifaz sikara di Timan, Omar, Zefo, Gatam, Kenaz, Timna, tan Amalec.
37 Saray lalakin anak nen Reuel sikara di Nahat, Zera, Sama, tan Miza.
38 Si Seir so sengeg na saray inmonaonan nanayam ed Edom. Saray lalakin anak nen Seir sikara di Lotan, Sobal, Zibeon, Ana, Dison, Ezer, tan Disan.
39 Saray lalakin anak nen Lotan sikara di Hori tan Hemam. (Si Lotan walay agi ton bii a manngaray Timna.)
40 Saray lalakin anak nen Sobal sikara di Alvan, Manahat, Ebal, Sefo, tan Onam. Saray lalakin anak nen Zibeon sikara di Aya tan Ana.
41 Si Ana so ama nen Dison, ya ama di Hamran, Esban, Itran, tan Keran.
42 Saray lalakin anak nen Ezer sikara di Bilhan, Zaavan tan Jaakan. Saray lalakin anak nen Dison sikara di Uz tan Aran.
43 Sikara yay arari a nanooley ed dalin na Edom kasakbayan ya awalaan na ari iray Israelita; si Bela a lakin anak nen Beor, tan taga siudad na Dinaba.
44 Nen inatey si Bela sinalatan nen Jobab a lakin anak nen Zera, tan taga Bosra.
45 Nen inatey si Jobab sinalatan nen Husam a taga dalin na saray Temaneo.
46 Nen inatey si Husam sinalatan nen Hadad a lakin anak nen Bedad, tan taga siudad na Avit (tinalo tod bakal iray Madianita diad bansa na Moab.)
47 Inatey si Hadad sinalatan nen Samla a taga Masreca.
48 Nen inatey si Samla sinalatan nen Saul a taga Rehobot a walad gilig na ilog.
49 Nen inatey si Saul sinalatan nen Baal-hanan a lakin anak nen Acbor.
50 Nen inatey si Baal-hanan sinalatan nen Hadad a taga siudad na Pau (say asawa to si Mehetabel ya anak nen Matred tan apo nen Mezahab.)
51 Kayariy impatey nen Hadad, inoleyan na saray onggendan a pangulo so Edom: Timna, Alva, Jetet,
52 Oholibama, Ela, Pinon,
53 Kenaz, Teman, Mibzar,
54 Magdiel, tan Iram. Sikara yay pangulo na Edom.
1 "Labinduay lalakin anak nen Israel: di Ruben, Simeon, Levi, Juda, Isacar, Zabulon,
2 "Dan, Jose, Benjamin, Neftali, Gad, tan Aser.
3 "Limaran amin so lalakin anak nen Juda. Taloray anak tod kinen Bat-sua a Cananea: di Er, Onan, tan Sela. Maoges a too si Er a pangulowan ya anak to, kanyan pinatey na Katawan.
4 "Duaray lalakin anak nen Juda ed kinen Tamar a manugang to: di Fares tan Zara.
5 "Duaray lalakin anak nen Fares: di Hezron tan Hamul.
6 "Limaray lalakin anak nen Zara ya agi nen Fares: di Zimri, Etan, Heman, Calcol, tan Dara.
7 "Si Acan a lakin anak nen Carmi so angiter na desyang ed saray totood Israel, lapud impankasalanan to nen angalay asamsam a nisaklang ed Dios.
8 "Si Etan walay sakey a lakin anak to a si Azarias.
9 "Taloray lalakin anak nen Hezron: di Jerameel, Ram, tan Caleb.
10 Saray boleg a manlapud kinen Ram ya anggad kinen Jesse et saraya: Ram, Aminadab, Naazon (say bantug a too ed tribu nen Juda),
11 Salmon, Booz,
12 Obed, tan Jesse.
13 Pitoray lalakin anak nen Jesse. Manlapud sankapangulowanan ya anggad sankayogtanan sikara yan pito: Eliab, Abinadab, Simea,
14 Natanael, Radai,
15 Ozem, tan David.
16 Wala met so duaran anak ton bibii a di Sarvia tan Abigail. Taloray lalakin anak nen Sarvia a biin anak nen Jesse: di Abisai, Joab, tan Asael.
17 Si Abigail ya anak nen Jesse inasawa nen Jeter a kabyangay boleg nen Ismael, tan walay anak dan laki a manngaray Amasa.
18 Say lakin anak nen Hezron a si Caleb inasawa toy Azuba, tan walay biin anak da a manngaray Jeriot. Si Azuba taloray lalakin anak to a di Jeser, Sobab, tan Ardon.
19 Kayariy impatey nen Azuba inasawa nen Caleb si Efrata, tan walay lakin anak da a manngaray Hur.
20 Si Hur walay anak ton laki a si Uri, tan walay apo ton laki a si Bezalel.
21 Anemaploy taon nen Hezron nen inasawa toy anak nen Makir ya ama nen Galaad. Walay lakin anak da a manngaray Segub.
22 Si Segub walay lakin anak ton manngaray Jair. Nanoley si Jair ed duamplo tan talon siudad diad dalin na Galaad.
23 Balet adakep na saray nanarian na Gesur tan Aram so anemaplon baley, pati saray ooleyan nen Jair tan Kenat, tan saray kaliber-liber a baley. Kabyangay boleg nen Makir ya ama nen Galaad iray amin a totoon manaayam ed sarayan baley.
24 Kayariy impatey nen Hezron, si Caleb a lakin anak to inasawa toy Efrata ya imbalo nen ama to. Walay lakin anak da a manngaray Asur a sikatoy angiletneg na baley na Tecoa.
25 Limaray lalakin anak nen Jerameel a pangulowan a lakin anak nen Hezron. Say sankapangulowanan ed sikara si Ram, tan saray agagi to sikara di Buna, Orem, Ozem, tan Ahias.
26 Taloray lalakin anak nen Ram: di Maaz, Jamin, tan Eker. Si Jerameel walay sananey nin asawa to a manngaray Atara, tan walay lakin anak da a manngaray Onam.
27
28 Duaray lalakin anak nen Onam; di Samai tan Jada. Duara met so lalakin anak nen Samai: di Nadab tan Abisur.
29 Abihail so ngaray asawa nen Abisur tan walay duaran lalakin anak da a di Ahban tan Molid.
30 Say agi nen Abisur a si Nadab et walay duaran lalakin anak to a di Seled tan Apaim. Anggapoy lakin anak nen Seled nen inatey.
31 Si Apaim so ama nen Isi ya ama nen Sesan, tan si Sesan so ama nen Ahlai.
32 Duaray lalakin anak nen Jada a lakin agi nen Samai: di Jeter tan Jonatan. Anggapoy lakin anak nen Jeter nen inatey.
33 Balet duaray lalakin anak nen Jonatan: di Pelet tan Zaza. Kabyangan ira yan amin na boleg nen Jerameel.
34 Bibiin amin so anak nen Sesan; anggapoy laki. Walay Egipsio ya aripen to a manngaray Jarha.
35 Impaasawa tod sikato so sakey ed saray anak to. Walay sakey ya anak dan laki a manngaray Atai.
36 Saray boleg a manlapud kinen Atai ya anggad kinen Elisama saraya: Atai, Natan, Zabad,
37 Eflal, Obed,
38 Jehu, Azarias,
39 Helez, Elasa,
40 Sismai, Sallum,
41 Jecamias, tan Elisama.
42 Mesa so ngaran na pangulowan a lakin anak nen Caleb a lakin agi nen Jerameel. Si Mesa so ama nen Zif, si Zif so ama nen Maresa ya ama nen Hebron.
43 Apatiray lalakin anak nen Hebron: di Core, Tapua, Rekem, tan Sema.
44 Si Sema so ama nen Raham tan laki nen Jorkeam. Si Rekem ya agi nen Sema so ama nen Samai.
45 Si Samai so ama nen Maon ya ama nen Bet-sur.
46 Si Caleb walay inamung ton bii a manngaray Efa, tan naanakan to na taloran lalaki a di Haran, Moza, tan Gazez. Si Haran walay lakin anak to a manngaran met na Gazez.
47 (Anemiray lalakin anak nen Jadai: di Regem, Jotam, Gesam, Pelet, Efa, tan Saaf.)
48 Si Caleb wala niy sakey ya inamung ton bii a manngaray Maaca tan naanakan to na duaran lalaki a di Seber tan Tirhana.
49 Nananak ni lamet si Maaca na duaran lalaki: si Saaf ya angiletneg na baley na Madmana, tan si Seva ya angiletneg na saray baley na Macbena tan Giba. Si Caleb wala niy anak ton bii a manngaray Acsa.
50 Kabyangan met na boleg nen Caleb ira yay onggendan: Si Hur so lakin sankapangulowanan ya anak na sanasawan Caleb tan Efrata. Si Sobal a lakin anak nen Hur so angiletneg na siudad na Kiryat-jearim.
51 Si Salma a lakin anak nen Hur so angiletneg na Betlehem, tan si Haref a sakey nin anak ton laki so angiletneg na Bet-gader.
52 Si Sobal ya angiletneg na Kiryat-jearim so sengeg na saray totood Haroe, say kapaldua ed saray Manahetita.
53 Sikato met so sengeg na saray onggendan a boleg a manaayam ed Kiryat-jearim: saray Itreo, Puteo, Sumateo, tan saray Misraita. (Saray Zaraita tan saray Estaolita et kabyangan ira na sarayan boleg.)
54 Si Salma ya angiletneg na Betlehem so sengeg na saray totood Netofat, Astarot-bet-joab, tan saray Zorita a sikaray sakey ed duaran boleg ed Manahat.
55 (Manaayam ed baley na Jabes iray onggendan a boleg a marunong a mansulat tan mansakal na saray kasulatan: saray Tirateo, Simateo, tan Sucateo. Sikara yay Cineo ya akiasawa tan anga-asawa ed saray Recabita.)
1 "Sikara yay lalakin anak nen David a nianak irad Hebron. Say sankapangulowanan si Amnon ya anak tod kinen Ahinoam a Jezreelita. Say kumadwa si Daniel ya anak tod kinen Abigail a Carmelita.
2 "Say kumatlo si Absalom ya anak tod kinen Maaca ya anak nen Talmai ya ari ed Gesur. Say kumapat si Adonias ya anak tod kinen Hagit.
3 "Say kumalima si Sefatias ya anak tod kinen Abital. Say kumanem si Itream ya anak tod kinen Egla.
4 "Nianak ira yan amin ya anem ed Hebron legan na pitora tan kapalduay taon na impanoley nen David diman. Si David nanoley ed Jerusalem ed loob na talomplo tan taloy taon,
5 "tan amayamay iray lalakin anak tod man. Apatiran lalaki so anak tod kinen Batseba ya anak nen Amiel: di Semea, Sobab, Natan, tan Solomon.
6 "Wala ni ray siamiran anak ton lalaki: di Ebhar, Elisama, Elifelet,
7 "Noga, Nefeg, Jafia,
8 "Elisama, Eliada, tan Elifelet.
9 "Likud ed sarayan anak nen David, wala ni ray arum a lalakin anak to ed saray inyaamung ton bibii. Wala met so anak ton bii a manngaray Tamar.
10 Sikara yay kabyangay boleg nen Ari Solomon manlapud ama ya anggad anak: Solomon, Roboam, Abiam, Asa, Josafat,
11 Jehoram, Ahazia, Joas,
12 Amasias, Uzias, Jotam,
13 Acaz, Ezekias, Manases,
14 Amon, tan Josias.
15 Apatiray lalakin anak nen Josias a di Johanan, Joakim, Sedekias, tan Sallum.
16 Duaray lalakin anak nen Joakim a di Jeconias tan Sedekias.
17 Sikara yay kabyangay boleg nen Jeconias ya adakep. Pitoray lalakin anak nen Jeconias: di Sealtiel,
18 Malkiram, Pedaya, Senazar, Jecamias, Josama, tan Nedabias.
19 Duaray lalakin anak nen Pedaya a di Zorobabel tan Simei. Si Zorobabel so ama na duaran lalaki a di Mesullam tan Hananias, tan sakey a bii a si Selomit.
20 Wala niy limaran anak nen Zorobabel: di Hasuba, Ohel, Berekias, Hasadias, tan Jusab-hesed.
21 Duaray lalakin anak nen Hananias: di Pelatias tan Jesaias. Si Jesaias so ama nen Refaias ya ama nen Arnan. Si Arnan so ama nen Obadias ya ama nen Secanias.
22 Si Secanias walay anak ton laki a si Semaya tan limaray apo ton lalaki: di Hatus, Igal, Barias, Nearias, tan Safat.
23 Taloray lalakin anak nen Nearias a di Elioenai, Ezekias, tan Azricam.
24 Pitoray lalakin anak nen Elioenai a di Hodavia, Eliasib, Pelaya, Acub, Johanan, Delaya, tan Anani.
1 "Sikara yay pigaran kabyangay tribu nen Juda: Fares, Hezron, Carmi, Hur, tan Sobal.
2 "Si Sobal so ama nen Reaya ya ama nen Jahat. Si Jahat so ama di Ahumai tan Lalad, saray sengeg na saray Zoratita.
3 "Si Hur so sankapangulowanan a lakin anak nen Caleb ed kinen Efrata ya asawa to, tan saray kabyangay boleg to so angiletneg na siudad na Betlehem. Taloray lalakin anak nen Hur: di Etam, Penuel, tan Ezer. Taloray lalakin anak nen Etam: di Jezreel, Isma, tan Idbas. Walay biin anak to a manngaray Hazelelponi. Si Penuel so angiletneg na siudad na Gedor, tan si Ezer so angiletneg na Husa.
4
5 "Si Asur ya angiletneg na baley na Tecoa et duaray asawa to a di Hela tan Naara.
6 "Apatiray lalakin anak da nen Naara: di Ahuzam, Hefer, Temeni, tan Naahastari.
7 "Taloran lalaki so anak di Asur tan Hela: di Zeret, Izhar, tan Etnan.
8 "Si Coz so ama di Anub tan Zobeba, tan sikato so sengeg na saray kabyangay boleg nen Aharhel a lakin anak nen Harum.
9 "Walay lakin manngaray Jabes; sikatoy anak a gagalangen nen saray agagi to. Inngaran nen ina to na Jabes, lapud nairapan a maung ed impangyanak tod sikato.
10 Nampikasiy Jabes ed Dios na Israel, Bindisionan mo ak pa, O Dios, tan itdan mo ak pay maawang a dalin. Ibaan mo ak pa tan iyagel mo ak ed maoges pian ag ak napasakitan. Et inter na Dios iray kinerew to.
11 Si Caleb, a lakin agi nen Suha, et walay lakin anak to a si Mehir. Si Mehir so ama nen Eston.
12 Taloray lalakin anak nen Eston: di Bet-rafa, Pasea, tan Tehina. Si Tehina so angiletneg na siudad na Nahas. Sikara yay sengeg na totoon nanayam ed Reca.
13 Duaray lalakin anak nen Kenaz: di Otniel tan Seraya. Duara met so lalakin anak nen Otniel: di Hatat tan Meonotai.
14 Si Meonotai so ama nen Ofra. Si Seraya so ama nen Joab ya angiletneg na Ge-harasim a dimay panaayaman na saray totoon marunong a kumikimey.
15 Taloray lalakin anak nen Caleb a lakin anak nen Jefone: di Iru, Ela, tan Naam. Si Ela so ama nen Kenaz.
16 Apatiray lalakin anak nen Jehalelel: di Zif, Sifa, Tiria, tan Asarel.
17 Apatiray lalakin anak nen Ezra: di Jeter, Mered, Efer, tan Jalon. Inasawa nen Mered si Bitia ya anak na ari ed Egipto; walay sakey a biin anak da a si Miriam, tan duaray lalakin anak da a di Samai tan Isba. Si Isba so angiletneg na baley na Estemoa. Inasawa met nen Mered so sakey a biin kabyangay tribu nen Juda, tan taloray lalakin anak da a di Jered ya angiletneg na baley na Gedor, Heber ya angiletneg na baley na Soco, tan Jecutiel ya angiletneg na baley na Zanoa.
18
19 Inasawa nen Hodias so agi nen Naham. Saray kabyangay boleg da so sengeg na saray Garmita a nanayam ed baley na Ceila, tan saray Maacatita a nanayam ed baley na Estemoa.
20 Apatiray lalakin anak nen Simon: di Amnon, Rina, Benhanan, tan Tilon. Duaray lalakin anak nen Isi: di Zohet tan Ben-zohet.
21 Si Sela et sakey ed saray lalakin anak nen Juda. Saray kabyangay boleg to et di Er ya angiletneg na baley na Leca; Laada ya angiletneg na baley na Maresa; saray pamilya na saray managinaramey na linen a nanayam ed baley na Asbea;
22 Jokim tan saray totoon nanayam ed baley na Cozeba; Joas tan Seraf ya angasawa rad saray bibiin Moabita, insan ira pinmawil ed Betlehem. (Abaybayag lan maung ira yan awaran.)
23 Nanayam irad saray baley na Netaim tan Gedera; manlilingkur irad ari diad panggagawa ray banga.
24 Limaray lalakin anak nen Simeon: di Nemuel, Jamin, Jarib, Zera, tan Saul.
25 Say lakin anak nen Saul et si Sallum, say lakin apo to et si Mibsam, tan say lakin apo tod pueg et si Misma.
26 Si Misma so ama nen Hamuel. Si Hamuel so ama nen Zacur ya ama nen Simei.
27 Labinanem a lalaki tan anemiran bibii iray anak nen Simei, balet daiset so anak na saray kakanayon to. Kanyan ag dinmakel iray kabyangay tribu nen Simeon, aliwan singa indakel na saray kabyangay boleg nen Juda.
28 Sarayay onggendan a baley so nanaayaman da ray kabyangay boleg nen Simeon: Beer-seba, Molada, Hazarsual,
29 Bilha, Ezem, Tolad,
30 Betuel, Horma, Siclag,
31 Bet-marcabot, Hazarsusim, Bet-biri, tan Saaraim. Sikara yay boleg a nanaayaman da, anggad inggapo na impanoley nen ari David.
32 Nanayam met ni rad saray onggendan a limaran lugar: Etam, Ain, Rimon, Token, tan Asan,
33 tan diad saray kaliber-liber dan bario ya anggad abalaten a sagur na baley na Baal. Sikara yay insinup dan listaan na saray pamilya ra tan saray lugar a nanaayaman da.
34 Pangulo na saray boleg da iray onggendan a lalaki: Mesobab, Jamlec, Josa ya anak nen Amasias,
35 Joel, Jehu (ya anak nen Josibias, ya anak nen Seraya ya anak nen Asiel),
36 Elioenai, Jaacoba, Jesohaya, Asaya, Adiel, Jesimiel, Benaya,
37 Ziza (ya anak nen Sifi ya anak nen Allon; si Allon so anak nen Jedaya ya anak nen Simri ya anak nen Semaya).
38 Sikara yay lalakin pangulo na saray boleg da. Lapud ondarakel lan ondarakel so kabyangay pamilya ra,
39 kinmayat irad bandad sagur ya angga lawarid Gerar, tan impapastol da ray karniro ra diad bokig na patar a kawalaay siudad.
40 Akalmo rad may amayamay a mabonan pastolan diad maawang ya alog, mareen tan arawid kaatapan. Saray Hamita so nanayam diman nen saman.
41 Diad panaon nen Ezekias ya arid Juda, linmad Gerar iray lalakin asalita la. Dinederal da ray tulda tan pinapatey da ray Meunim ya asabian dad man. Nansiansia rad man a nanayam, lapud walay pangipastolan dad saray karniro ra.
42 Linmad palandey na Seir iray liman lasus a kabyangay tribu nen Simeon. Saray angipangulo ed sikara et saray lalakin anak nen Isi a di Pelatias, Nearias, Refaias, tan Uziel.
43 Pinapatey dad man iray akeraan ya Amalecita tan manlapud saman nanayam la rad man.
1 "Sikara yay kabyangay tribu nen Ruben a pangulowan ed saray anak nen Israel. (Lapud inakdulan toy sakey ed saray bibiin inaamung nen ama to, naandid sikatoy kanepegan na pangulowan ya anak a laki; niiter yan kanepegan ed kinen Jose.
2 "Balet nagmaliw a sankabiskegan so tribu nen Juda tan sikatoy nanlapwan na sakey a manoley ed amin a tribu.)
3 "Apatiray lalakin anak nen Ruben a pangulowan ya anak nen Israel: di Enoc, Fallu, Hezron, tan Carmi.
4 "Sikara yay kabyangay boleg nen Joel manlapud ama ya anggad anak: Joel, Semaya, Gog, Simei, Mica, Reaya, Baal, tan Beera. Dinakep nen Tiglatpileser ya impirador na Asiria si Beera a sakey a pangulo na boleg, insan to inawit ya impanayam ed arum a bansa.
5
6
7 "Onung ed listaan na sarayan pamilya sikara yay pangulo na boleg nen Ruben: Jeiel, Zacarias,
8 "Bela, a lakin anak nen Azaz tan apo nen Sema a kabyangay boleg nen Joel. Sayan boleg nanayam ed Aroer ya anggad Nebo tan Baalmeon.
9 "Dakerakel iray ayayep dad dalin na Galaad, kanyan nanayam irad bokig na kalawakan ya anggad Ilog na Eufrates.
10 Diad panaon nen Ari Saul, dinogpaan na tribu nen Ruben iray Agareno; pinapatey da rad bakal iray agareno, tan nanayaman day dalin da diad bokig na Galaad.
11 Saray kabyangay tribu nen Gad nanayam ed baybay nen Ruben diad dalin na Basan ya anggad Saleca.
12 Si Joel so pangulo na manonan boleg, tan si Safan so pangulo na onkumadwad manonan boleg. Di Janai tan Safat so pangulo ed saray arum a boleg ed Basan.
13 Saray arum a kabyangan na sayan tribu et nanlapud saray onggendan a pitoran boleg: Macael, Mesullam, Saba, Jorai, Jacan, Zia, tan Eber.
14 Sikaray kabyangay boleg nen Abihail a lakin anak nen Huri; si Huri anak nen Jaroa ya anak nen Galaad; si Galaad anak nen Micael ya anak nen Jesisai; si Jesisai anak nen Jado ya anak nen Buz.
15 Si Ahi a lakin anak nen Abdiel tan apo nen Guni so pangulo na sarayan boleg.
16 Nanayam ira ed dalin na Basan tan Galaad, diad saray baley diman tan diad amin a pastolan na baley na Saron.
17 (Naoksuy ira yan listaan nen panaon na impanoley nen Ari Jotam na Juda tan Ari Jeroboam na Israel.)
18 Apataplo tan apat a libo tan piton lasus tan anemaplo so sondalo na tribu nen Ruben, Gad, tan kapalduay tribu nen Manases. Marunong iran mangikana na samper, ispada, tan pana.
19 Linma ran akibakal ed saray Agareno a kabyangan na saray tribu di Jetur, Nafis, tan Nodab.
20 Nanmatalek irad Dios tan kinmerew ira na tulong to. Say Dios inebatan to ray pikakasi ra tan impanalo to rad saray Agareno tan saray kagampi ra.
21 Asamsam dad saray kalaban da iray limamplon libo a kamilyo, duan lasus limamplon libo a karniro, tan duan libon asno. Inawit da ray adakep dad bakal a sanlasus libon totoo.
22 Amayamay iray pinapatey dan kalaban da, lapud linawa na Dios imay bakal. Nanayam irad saman a dalin ya anggad inkibantak dad arum a bansa.
23 Saray kabyangan na kapalduay tribu nen Manases nanayam irad dalin na Basan ya Baal-hermon; Senir, tan Palandey na Hermon; dinmakerakel irad man.
24 Pangulo na saray boleg da iray onggendan: Efer, Isi, Eliel, Azriel, Jeremias, Hodavias, tan Jadiel. Marunong iran mibakal tan bantug iran pangulo na saray boleg da.
25 Balet saray totoo aliwa ran matoor ed Dios na saray lalaki ra; inkaindan da, ta inggalang da ray diriyos na saray totoon pinapataynan na Dios.
26 Kanyan pinaloob na Dios si Impirador Pul na Asiria (tatawagen met na Tiglat-pileser) ed bansa ra. Pinataynan to ray tribu nen Ruben, Gad, tan say kapaldua na Manases, insan to ra imbaki ed Halah, Habor, Hara, tan diad abay na Ilog na Gozan, ta diman lay panayaman da.
1 "Taloray lalakin anak nen Levi: di Gerson, Coat, tan Merari.
2 "Apatiray lalakin anak nen Coat: di Amram, Izhar, Hebron, tan Uziel.
3 "Duaray lalakin anak nen Amram a di Aaron tan Moises, tan sakey so anak ton bii a si Miriam. Apatiray lalakin anak nen Aaron: di Nadab, Abiu, Eleazar, tan Itamar.
4 "Saray kabyangay boleg nen Eleazar manlapud ama ya anggad anak et saraya: Finees, Abisua,
5 "Buki, Uzi,
6 "Zeraias, Meraiot,
7 "Amarias, Ahitob,
8 "Sadoc, Ahimaaz,
9 "Azarias, Johanan,
10 Azarias (say parin nanlingkur ed Timplon impaalagey nen Ari Solomon ed Jerusalem),
11 Amarias, Ahitob,
12 Sadoc, Sallum,
13 Helcias, Azarias,
14 Seraya, Josadac.
15 Pinataynan na Katawan si Josadac, pati saray totood Juda tan Jerusalem, diad panamegley nen Ari Nabucodonosor.
16 Taloray lalakin anak nen Levi: di Gerson, Coat, tan Merari.
17 Balang sakey ed saraya et wala met iray anak dan lalaki. Si Gerson so ama di Libni tan Simei;
18 si Coat so ama di Amram, Izhar, Hebron, tan Uziel;
19 tan si Merari so ama di Mahli tan Musi.
20 Sikara yay kabyangay boleg nen Gerson manlapud ama ya anggad anak: Libni, Jahat, Zimna,
21 Joah, Iddo, Zara, tan Jeatrai.
22 Sikara yay kabyangay boleg nen Coat manlapud ama ya anggad anak: Aminadab, Core, Asir,
23 Elcana, Ebiasaf, Asir,
24 Tahat, Uriel, Uzias, tan Saul.
25 Duaray lalakin anak nen Elcana: di Amasai tan Ahimot.
26 Sikara yay kabyangay boleg nen Ahimot manlapud ama ya anggad anak: Elcana, Zefai, Nahat,
27 Eliab, Jeroham, tan Elcana.
28 Duaray lalakin anak nen Samuel: di Joel, a pangulowan tan Abias a yogtan.
29 Sikara yay kabyangay boleg nen Merari manlapud ama ya anggad anak: Mahli, Libni, Simei, Uza,
30 Simea, Hagia, tan Asaya.
31 Sikara yay lalakin impasen nen Ari David a makaoley ed saray kanta tan saray togtog ed pasen na panangigalangan diad Jerusalem nen nialis lad may Kaban na Sipanan.
32 Nansosoblayan iran nanlingkur ed Tuldan Ayamay Katawan legay panaon ya ag ni nipaalagey nen Ari Solomon so Timplo.
33 Saraya so pamilya a nambemben na sayan kimey. Diad boleg nen Coat: Heman, say pangulo na ononan grupoy kumakanta. Si Israel so sengeg na boleg nen Heman ya anak nen Joel ya anak nen Samuel,
34 si Samuel anak nen Elcana ya anak nen Jeroham ya anak nen Eliel; si Eliel anak nen Toah
35 ya anak nen Zuf ya anak nen Elcana; si Elcana anak nen Mahat ya anak nen Amasai
36 ya anak nen Elcana; si Elcana so anak nen Joel ya anak nen Azarias ya anak nen Sofonias; si Sofonias
37 anak nen Tahat ya anak nen Asir ya anak nen Ebiasaf; si Ebiasaf anak nen Core
38 ya anak nen Izhar ya anak nen Coat; si Coat anak nen Levi ya anak nen Jacob.
39 Si Asaf so pangulo na kumadwan grupoy kumakanta. Si Levi so sengeg na boleg nen Asaf ya anak Berekias ya anak nen Simea; si Simea
40 anak nen Micael ya anak nen Baaseya; si Baaseya anak nen Malkias
41 ya anak nen Etni; si Etni anak nen Zara ya anak nen Adaya; si Adaya
42 anak nen Etan ya anak nen Zima; si Zima anak nen Simei
43 ya anak nen Jahat; si Jahat anak nen Gerson ya anak nen Levi.
44 Si Etan a kabyangay boleg nen Merari so pangulo na kumatlon grupoy kumakanta. Si Levi so sengeg na boleg nen Etan ya anak nen Kisi ya anak nen Abdi; si Abdi anak nen Malluc ya
45 anak nen Hasabias; si Hasabias anak nen Amasias ya anak nen Helcias; si Helcias
46 anak nen Amzi ya anak nen Bani; si Bani anak nen Semer ya
47 anak nen Mahli; si Mahli anak nen Musi ya anak nen Merari ya anak nen Levi.
48 Nipabetang ed saray kapara ran Levita iray arum nin kimey ed pasen na panangigalangan.
49 Si Aaron tan saray kabyangay boleg to so manangyapay na saray bagat ya insinso tan manangisaklang na saray bagat a popoolan ed tapew na altar. Sikaray makaoley ed amin a panangigalang diad Sankasantosan a Pasen tan diad saray bagat a pamirdonaan na Dios ed saray kasalanan na Israel. Sarayan amin ginagawa ra onung ed saray ganggan nen Moises ya aripen na Dios.
50 Sikara yay kabyangay boleg nen Aaron manlapud ama ya anggad anak: Eleazar, Finees, Abisua,
51 Buki, Uzi, Zeraias,
52 Meraiot, Amarias, Ahitob,
53 Sadoc tan si Ahimaaz.
54 Sikato yay dalin a nipabetang ed saray pamilya nen Coat a kabyangan iray boleg nen Aaron. Niiter ed sikaray ononan apag ed dalin a nipabetang ed saray Levita.
55 Sakop to yan apag so Hebron, diad dalin na Juda, tan saray pastolan diad kaliber-liber to.
56 Balet saray kaalogan tan saray bario a nasasakopan na siudad et nipabetang ed kinen Caleb a lakin anak nen Jefone.
57 Nipabetang ed saray kabyangay boleg nen Aaron iray onggendan a baley: Hebron, say sakey a salimbengan a siudad, Jatir, tan saray baley na Libna, Estemoa, Hilen, Debir, Asan, tan Bet-semes, pati saray pastolan a sakop da.
58
59
60 Diad dalin nen Benjamin nipabetang ed sikaray ongggendan a baley, pati saray sakop dan pastolan: Geba, Alemet, tan Anatot. Labintalon amin a baley so nipabetang ed saray pamilya ra.
61 Nipabetang ed arum nin pamilya na boleg nen Coat diad panamegley na pampapalaranan so samploran baley ed dalin na kapalduay tribu nen Manases.
62 Nipabetang ed saray pamilya na boleg nen Gerson so labintalon baley na saray dalin di Isacar, Aser, Neftali, tan say kapalduay Manases ed Basan.
63 Ontan met, nipabetang ed saray pamilya na boleg nen Merari so labinduan baley diad saray dalin di Ruben, Gad, tan Zabulun.
64 Diad onya saray totood Israel impabetang dad saray Levita iray baley a pati saray pastolan ed kaliber-liber na sarayan baley.
65 (Nipabetang met diad panamegley na pampapalaranan iray baley diad saray dalin di Juda, Simeon, tan Benjamin, ya abitla la.)
66 Nipabetang ed pigaran pamilya na boleg nen Coat iray onggendan a baley tan saray pastolan ed dalin na Efraim:
67 Sikem, say salimbengan a siudad diad saray pokdul na Efraim, Gezer,
68 Jocmeam, Bet-horon,
69 Ayalon, tan Gatrimmon.
70 Diad dalin na kapalduay Manases nipabetang ed sikara iray baley na Aner tan Bileam pati saray kaliber-liber dan pastolan.
71 Nipabetang ed saray pamilya na boleg nen Gerson iray onggendan a baley, pati saray kaliber-liber dan pastolan. Diad dalin na kapalduay Manases: Golan diad Basan, tan Astarot.
72 Diad dalin na Isacar: Cades, Daberat,
73 Ramot, tan Anem.
74 Diad dalin na Aser: Masal, Abdon,
75 Hucoc, tan Rehob.
76 Diad dalin na Neftali: Cades na Galilea, Hamon, tan Kiryataim.
77 Nipabetang ed arum nin pamilya na boleg nen Mirari iray onggendan a baley a pati saray kaliber-liber dan pastolan. Diad dalin nen Zabulon: Rimono tan Tabor.
78 Diad dalin nen Ruben, bokig na Ilog na Jordan diad labas na Jerico: Bezer a niatagey a patar, Jaza,
79 Kedemot, tan Mefaat.
80 Diad dalin nen Gad: Ramot diad Galaad, Mahanaim,
81 Hesbon tan Jazer.
1 "Apatiray lalakin anak nen Isacar: di Tola, Pua, Jasub, tan Simron.
2 "Anemiray lalakin anak nen Tola: di Uzi, Refaya, Jeriel, Jahmai, Ibsam, tan Samuel. Pangulo ra na saray pamilya na boleg nen Tola tan bantug iran sondalo. Diad panaon nen Ari David duamplo tan duan libo tan anem a lasus so bilang na saray kabyangay boleg da.
3 "Si Uzi walay sakey a lakin anak to a si Izrahias. Si Izrahias tan saray apatiran lalakin anak to a sikara di Micael, Obadias, Joel, tan Izias, so pangulo na saray pamilya.
4 "Amayamay so kaasawaan da tan saray anak da, kanyan talomplo tan anem a libon lalaki so akapansondalo ed saray kabyangay boleg da.
5 "Diad listaan na amin a pamilya na tribu nen Isacar walomplo tan piton libo so nayarin mansondalo.
6 "Taloray lalakin anak nen Benjamin: di Bela, Beker, tan Jediael.
7 "Limaray lalakin anak nen Bela: di Esbon, Uzi, Uziel, Jerimot, tan Iri. Pangulo ra na saray pamilya na boleg tan bantug iran sondalo. Diad saray kabyangay boleg da duamplo tan duan libo tan talomplo tan apat so nayarin mansondalo.
8 "Siamiray lalakin anak nen Beker: di Zemira, Joas, Eliezer, Elioenai, Emri, Jeremot, Abias, Anatot, tan Alemet.
9 "Diad listaan na amin a pamilya ed boleg da duamplon libo tan duan lasus so nayarin mansondalo.
10 Si Jediael walay sakey a lakin anak to a si Bilhan. Pitoray lalakin anak nen Bilhan: di Jehus, Benjamin, Aod, Canaana, Zetan, Tarsis, tan Ahisahar.
11 Pangulo ra na saray pamilya ed boleg tan bantug iran sondalo. Labin piton libo tan duanlasus a lalaki so nayarin mansondalo ed saray kabyangay boleg da.
12 Di Supim tan Hupim kabyangan met na sayan tribu. Walay sakey a lakin anak nen Dan a si Husim.
13 Apatiray lalakin anak nen Neftali: di Jaziel, Guni, Jahzer, tan Sallum. (Kabyangay boleg nen Bilha ira ya.)
14 Duaray lalakin anak nen Manases ed inyamung ton bii ya Aramea: di Asriel tan Makir. Si Makir so ama nen Galaad.
15 Si Makir inalaan to ra di Hupim tan Supim na sansakey ya asawa. Maaca so ngaran na bii ya agi nen Makir. Si Zelofehad a kumadwan lakin anak nen Makir, bibiin amin so anak to.
16 Nananak na duaran laki si Maaca ya asawa nen Makir. Inngaran da na Peres so sakey tan Seres so sakey. Duaray lalakin anak nen Peres a di Ulam tan Rekem.
17 Sakey so lakin anak nen Ulam tan manngaran na Bedan. Sikara yan amin so kabyangay boleg nen Galaad a lakin anak nen Makir tan apo nen Manases.
18 Say biin agi nen Galaad a si Hamolekit et walay taloran lalakin anak to a di Ishod, Abiezer, tan Mahla. (
19 Apatiray lalakin anak nen Semida: di Ahian, Sikem, Likhi, tan Aniam.)
20 Sikara yay kabyangay boleg nen Efraim manlapud ama ya anggad anak: Efraim, Sutela, Bered, Tahat, Eleada, Tahat,
21 Zabad, Sutela. Wala niy duaran lalaki ya anak nen Efraim: di Ezer tan Elad. Apatey ira nen mantatakew iray bakan kayaryan na saray taga Gat.
22 Pigapigan agew so impanermen ed sikara nen Efraim ya ama ra, insan dinago na saray agagi ton lalaki, ta niligliwa ra.
23 Kayari to ya, inakdulan nen Efraim so asawa to, kanyan nanlokun tan nananak na sakey a laki. Inngaran da na Berias lapud samay sinmabin gunigon ed pamilya ra.
24 Walay biin anak nen Efraim a manngaran na Seera. Si Seera so angiletneg ed saray baley na Atagey tan Abeban Bet-horon, tan Uzen-seera.
25 Wala niy lakin anak nen Efraim a manngaray Refa. Sikara yay kabyangay boleg nen Refa: Resef, Tela, Tahan,
26 Ladan, Amihud, Elisama,
27 Nun, tan Josue.
28 Say dalin ya inala tan nanayaman da et sakop toy Betel tan saray kaliber-liber ton baley; diad bokig sakop toy anggad Naaran, tan diad sagur sakop toy anggad Gezer tan saray kaliber-liber ton baley. Sakop to met iray siudad na Sikem tan Ayya tan saray kaliber-liber dan baley.
29 Sakop na saray kabyangay tribu nen Manases iray siudad na Bet-sean, Taanac, Megido, tan Dor, tan saray kaliber-liber dan baley. Sikara yay pasen a nanayaman na saray kabyangay tribu nen Jose a lakin anak nen Israel.
30 Sikara yay kabyangay tribu nen Aser. Apatiray lalakin anak to: di Imna, Isva, Isvi, tan Berias. Sakey so anak ton bii a si Sera.
31 Duaray lalakin anak nen Berias: di Heber tan Malkiel. (Si Malkiel so angiletneg ed siudad na Birzait.)
32 Taloray lalakin anak nen Heber: di Jaflet, Somer, tan Jotam. Sakey so anak ton bii a si Sua.
33 Taloray lalakin anak nen Jaflet: di Pasac, Bimhal, tan Asvat.
34 Taloray lalakin anak nen Somer a lakin agi nen Jaflet: di Roga, Jehuba, tan Aram.
35 Apatiray lalakin anak nen Jotam: di Zofa, Imna, Seles, tan Amal.
36 Sikara yay kabyangay boleg nen Zofa: di Suah, Harnefer, Sual, Beri, Imra,
37 Bezer, Hod, Samma, Silsa, Itran, tan Beera.
38 Sikara yay kabyangay boleg nen Jeter: di Jefone, Pispa, tan Ara.
39 Sikara yay kabyangay boleg nen Ulla: di Ara, Haniel, tan Rizia.
40 Kabyangan ira yan amin na tribu nen Aser. Pangulo ra na saray pamilya, masebeg tan maung iran mibakal, tan bantug iran pangulo. Duamplo tan anem a libon lalaki so nayarin mansondalo ed sikara.
1 "Limaray lalakin anak nen Benjamin. Manlapud sankapangulowanan ya anggad sankayogtanan: di Bela, Asbel, Aharah,
2 "Noha, tan Rafa.
3 "Sikara yay kabyangay boleg nen Bela: di Adar, Gera, Abihud,
4 "Abisua, Naaman, Ahoa,
5 "Gera, Sefufan, tan Huram.
6 "Sikara yay kabyangay boleg nen Ehud: di Naaman, Ahias, tan Gera. Pangulo ra na saray pamilyan nanaayam ed Geba, balet pinataynan da ra kanyan linma ran nanayam ed Manahat. Si Gera ya ama di Uza tan Ahihud so angipangulod sayan impamataynan ed sikara.
7
8 "Insian nen Saaraim iray duaran asawa to a di Husim tan Baara. Insan nen nanayam ed bansa na Moab, inasawa toy Hodes tan pitoray lalakin anak da a di Jobab, Sibia, Mesa, Malcam,
9
10 Jeuz, Sachia, tan Mirma. Nagmaliw a pangulo na saray pamilya iray amin ya anak ton lalaki.
11 Duaray lalakin anak to ed kinen Husim a di Abitub tan Elpaal.
12 Taloray lalakin anak nen Elpaal: di Eber, Misam, tan Semed. Si Semed so angiletneg ed saray siudad na Ono tan Lod a saray kaliber-liber ton bario.
13 Di Berias tan Sema so pangulo na saray pamilyan nanayam ed siudad na Ayalon tan amataynan na saray totoon nanayam ed siudad na Gat.
14 Sikara yay kabyangay boleg nen Berias: di Ahio, Sasac, Jeremot,
15 Zebadias, Arad, Adar,
16 Micael, Ispa, tan Joha.
17 Sikara yay kabyangay boleg nen Elpaal: di Zebadias, Mesullam, Hizki, Heber,
18 Ismerai, Izlia, tan Jobab.
19 Sikara yay kabyangay boleg nen Simei: di Jakim, Zicri, Sabdi,
20 Elienai, Zilletai, Eliel,
21 Adaya, Beraya, tan Simrat.
22 Sikara yay kabyangay boleg nen Sasac: di Ispan, Eber, Eliel,
23 Abdon, Zicri, Hanan,
24 Hananias, Elam, Anatotias,
25 Efdeya, tan Penuel.
26 Sikara yay kabyangay boleg nen Jeroham: di Samserai, Seharia, Atalia,
27 Jaaresias, Elias, tan Zicri.
28 Sikara yay sengeg na saray pangulo da ray pamilya tan saray manonan kabyangan na boleg da a nanayam ed Jerusalem.
29 Inletneg nen Jeiel so siudad na Gabaon, insan nanayam diman. Say ngaran na asawa to et Maaca,
30 tan say pangulowan ya anak to et si Abdon. Saray arum ya anak ton lalaki et sikara di Zur, Cis, Baal, Ner, Nacab,
31 Gedor, Ahio, Zeker,
32 tan Miclot ya ama nen Simea. Nanayam ed Jerusalem iray kabyangay boleg da diad kaabay na saray arum a pamilya na boleg da.
33 Si Ner so ama nen Cis tan si Cis so ama nen Saul. Apatiray lalakin anak nen Saul: di Jonatan Melkisua, Abinadab, tan Esbaal.
34 Si Jonatan so ama nen Meribbaal ya ama nen Mica.
35 Apatiray lalakin anak nen Mica: di Piton, Melec, Tarea, tan Acaz.
36 Si Acaz so ama nen Joada ya ama di Alemet, Azmavet, tan Zimri. Si Zimri so ama nen Meza.
37 Si Meza so ama nen Binea ya anak toy Rafa. Si Rafa so ama nen Elasa ya anak toy Azel.
38 Anemiray lalakin anak nen Azel: di Azricam, Bocru, Ismael, Searias, Obadias, tan Hanan.
39 Taloray lalakin anak nen Esec a lakin agi nen Azel: di Ulam, Jeus, Elifelet.
40 Maung a sondalo tan pumapana iray lalakin anak nen Ulam. Sanlasus tan limamplo ya amin iray anak tan apo ton lalaki. Kabyangay na tribu nen Benjamin iray amin ya abitlan ngaran.
1 "Nilistan amin iray totoo ed Israel onung ed saray pamilya ra, tan nisulat ed Libron nipaakar ed saray Ararid Israel. Nibantak ed Babilonia iray totood Juda lapud saray kasalanan da.
2 "Saray inmonan pinmawil ed saray kayaryan da a walad saray siudad et saray papari, saray Levita, tan saray managlingkur ed Timplo, tan saray karaklan ya Israelita.
3 "Linman nanayam ed Jerusalem iray totoon kabyangan na saray tribu di Juda, Benjamin, Efraim, tan Manases.
4 "Nanayam ed Jerusalem so anem a lasus tan siamaplon pamilya na tribu nen Juda. Si Utai a lakin anak nen Amihud tan apo nen Omri so pangulo da ray kabyangay boleg nen Fares a lakin anak nen Juda. Di Imri tan Bani et kabyangan met ira na saray lalaki nen Utai. Si Asaya so pangulo da ray kabyangay boleg nen Sela a lakin anak nen Juda. Sikato met so pangulo na pamilya to. Si Jeuel so pangulo da ray kabyangay boleg nen Zera a lakin anak nen Juda.
5
6
7 "Nanayam ed Jerusalem iray onggendan a lalakin kabyangay tribu nen Benjamin: Sallu ya anak nen Mesullam ya anak nen Hodavias ya anak nen Asenua. Ibnias ya anak nen Jeroham. Ela ya anak nen Uzi tan apo nen Micri. Mesullam ya anak nen Sefatias ya anak nen Reuel ya anak nen Ibnia.
8
9 "Siam a lasus tan limamplo tan anem a pamilyad sayan tribu so manaayam diman. Pangulo na saray pamilya iray lalakin abitla.
10 Nanayam ed Jerusalem iray onggendan a papari: Jedaya, Joiarib, tan Jakin. Azarias (say manonan opisyal ed Timplo) a lakin anak nen Helcias a saray arum a lalaki to di Mesullam, Sadoc, Meraiot, tan Ahitob. Adaya a lakin anak nen Jeroham tan saray arum a lalaki to a di Pasur tan Malkias. Masai a lakin anak nen Adiel tan saray arum a lalaki to di Jazera, Mesullam, Mesilemit, tan Imer.
11
12
13 Sanlibo tan piton lasus tan anemaplon amin iray paparin pangulo na saray pamilya. Marunong iran amin ed antokaman a kimey a nipaakar ed panaglingkur ed Timplo.
14 Nanayam ed Jerusalem iray onggendan a Levita: Semaya a lakin anak nen Hasub, tan saray arum a lalaki to a di Azricam tan Hasabias a kabyangay boleg nen Merari. Bacbakar, Heres, tan Galal. Matanias a lakin anak nen Mica tan saray arum a lalaki to a di Zicri tan Asaf. Obadias a lakin anak nen Semaya tan saray arum a lalaki to a di Galal tan Jedutun. Berekias a lakin anak nen Asa tan apo nen Elcana tan nanayam ed dalin a sakop na baley na Netofa.
15
16
17 Nanayam ed Jerusalem ira yay onggendan a guardiad Timplo: Sallum, Acub, Talmon, tan Ahiman. Si Sallum so pangulo ra.
18 Manlapud saman a panaon saray kabyangay boleg da nipasen ira ed bokig na lolooban a tatawagey Puirtay Ari. Nen saman guardia ra ed saray puirta da ray kampo na saray Levita.
19 Si Sallum a lakin anak nen Core tan apo nen Ebiasaf, pati saray kapara ton kabyangay boleg nen Core, so makaoley a mangguardia ed lolooban na Tuldan Ayamay Katawan; onya met so ginagawa na saray lalaki ra nen sikaray makaoley ed kampo na Katawan.
20 Walay panaon a say pangulo ra et si Finees a lakin anak nen Eleazarwala komun ed sikato so Katawan!
21 Si Zacarias a lakin anak nen Meselemias so guardia met ed lolooban na Tuldan Ayamay Katawan.
22 Duanlasus tan labinduan lalaki so apilin guardia ed saray lolooban tan diad saray puirta. Nilista ra onung ed saray barion nanaayaman da. Di Ari David tan propita Samuel iray angipasen ed saray lalaki ra ed sayan kimey lapud napanmatalkan ira.
23 Sikara tan saray kabyangay boleg da intuloy day nangguardia ed saray puirta na Timplo.
24 Kapag dapag na Timplo, diad baybay, abalaten, sagur, tan diad bokig walay puirta tan walay pangulon guardia.
25 Sarayan guardia tinutulongan na saray kakanayon da a manaayam ed saray bario tan nansosoblayan ira a nambantay kapag pitoy agew.
26 Levita ra may apatiran pangulon guardia tan ag iran balut nasublayan. Makaoley met ira ed saray kuartod dalem na Timplo tan saray kayamanan a karga ra.
27 Nanaayam irad abay na Timplo, ta kanepegan dan bantayan so Timplo tan lokasan iray puirta to kapag kabwasan.
28 Makaoley ed saray kagawaan ya ikakana ed panangigalang iray arum a Levita. Nepeg dan bilangen iray kagawaan no ipaway ira tan no isinup ira.
29 Saray arum makaoley irad saray masanton kagawaan tan saray arina, alak, larak na oliba, insinso, tan rikado.
30 Saray papari so makaoley ed panaglaok ed saray rikado.
31 Sakey a Levita a manngaray Matatias, a sankapangulowanan a lakin anak nen Sallum tan kabyangan na boleg nen Core so makaoley ed panaggaway maimpis a tinapay a para bagat.
32 Saray kabyangay boleg nen Core so makaoley ed panagparaan ed saray masanton tinapay a para Timplo kapag Agew na Panagpainawa.
33 Saray pigaran Levitan pamilya so makaoley ed panagtogtog tan panagkanta ed Timplo. Nanaayam ed pigaran kuarto ed dalem na Timplo iray pangulo na sarayan pamilya tan anggapo lay arum a kimey da, lapud nayarin natawag iran mankanta o manogtog, agew may labi.
34 Pangulo na saray Levitan pamilya iray lalakin abitla, onung ed saray boleg a nanlapwan da. Sikaray pangulon nanaayam ed Jerusalem.
35 Inletneg nen Jeiel so siudad na Gabaon insan nanayam diman. Maaca so ngaran na asawa to.
36 Abdon so ngaran na pangulowan ya anak to tan saray arum a lalakin anak to et di Zur, Cis, Baal, Ner, Nadab,
37 Gedor, Ahio, Zacarias, tan Miclot
38 ya ama nen Simea. Nanayam ed Jerusalem iray kabyangay boleg da diad kaabay na saray arum a pamilya na boleg da.
39 Si Ner so ama nen Cis, tan si Cis so ama nen Saul. Apatiray lalakin anak nen Saul; di Jonatan, Melkisua, Abinadab, tan Esbaal.
40 Si Jonatan so ama nen Meribbaal ya ama nen Mica.
41 Apatiray lalakin anak nen Mica; di Piton, Melec, Tarea, tan Acaz.
42 Si Acaz so ama nen Jara ya ama na taloran lalaki a sikara di Alemet, Azmavet, tan Zimri. Si Simri so ama nen Moza.
43 Si Moza so ama nen Binea ya anak toy Refaya. Si Refaya so ama nen Elasa ya anak toy Azel.
44 Anemiray lalakin anak nen Azel: di Azricam, Bocru, Ismael, Searias, Obadias, tan Hanan.
1 "Saray Filisteo binakal da ray Israelita diad Palandey na Gilboa. Amayamay iray apatey ya Israelita balet akabatik iray arum.
2 "Nabot na saray Filisteo si Saul tan saray lalakin anak to, tan pinatey da ray talora ed saray anak to a di Jonatan, Abinadab, tan Melkisua.
3 "Pinasiay laban ed kawalaan nen Saul, et pinana na saray kalaban da tan mapalaloy inkasugatan to.
4 "Inkuantod balolakin umaawit na armas to, Oyus moy ispadam tan patey mo ak, ompan panggalaw-galawan da ak ira yan totoon anggapoy Dios. Balet ag ginawa na samay balolaki, ta mapalaloy takot to. Kanyan inala nen Saul so dilin ispada to, insan to intakbay laman to ed samay ispada.
5 "Nen anengneng na samay balolaki ya inatey lay Saul, intakba to met so laman to ed dilin ispada to, et inatey.
6 "Onyay impatey nen Saul, tan saray taloran anak to; kanyan tinmonda met lay panoley nen Saul tan say pamilya to.
7 "Nen saray Israelitan manaayam ed Patar na Jezreel et nadngelan dan kibatiktik iray sondalo na Israel tan apatey si Saul tan saray anak ton lalaki, tinaynanan da ray baley da. Insan sinmabi ray Filisteo tan nanayam irad saraman a baley.
8 "Diad kaimbwas na kayariy bakal, saray Filisteo et linma ran mangalay antokaman a naala rad saray bangkay. Nalmo ray bangkay nen Saul tan saray taloran lalakin anak to a kibalatar irad Palandey na Gilboa.
9 "Pinotut day olo nen Saul tan inala ray armas to, insan ira angibaki ed Filistia na pigaran totoo a mangibagay maung a balita ed saray talintaoy diriyos da tan diad saray totoo ra; impaawit dad sikara imay olo tan saramay armas nen Saul.
10 Saramay armas to inyan dad dalem na sakey a timplo na saray diriyos da, tan samay olo to insabit dad dalem na timplo na dios dan Dagon.
11 Nen nadngelan na saray totood Jabes diad Galaad so ginawa na saray Filisteo ed kinen Saul,
12 linma ray sankasebegan a lalaki, inala ray bangkay nen Saul tan saray bangkay na saray anak to insan inyakar da rad Jabes. Impompon da rad silong na kiew a robli insan ira nanayuno na pitoy agew.
13 Inatey si Saul lapud aliwan matoor ed Katawan. Ag to inonur iray ganggan na Katawan; sinali toy kinmerew na pangiwanwan ed saray ispiritu na inaatey
14 aliwan diad Katawan. Kanyan pinatey na Katawan tan inter tod kinen David a lakin anak nen Jesse so panoley ed nanarian.
1 "Amin a totood Israel linma rad kinen David diad Hebron tan kuandad sikato, Kadalaan tan kalamanan mo kami.
2 "Nen saman, anggan nen ari mi ni si Saul, impangulom ed bakal iray totood Israel, tan insipan ed sikayo na Katawan a Dios mo ya iwanwan mo ray totoo to tan oleyan mo ra.
3 "Kanyan amin a panguloy Israel linma rad kinen Ari David diad Hebron. Diad arap na Katawan akisipanan ed sikara si David; nilanaan da et nagmaliw ya ari na Israel onung na insipan na Katawan ed panamegley nen Samuel.
4 "Si Ari David tan saray Israelita dinogpaan day Jerusalem. Say ngaran ni nen saman na Jerusalem et Jebus, tan manaayam nid man iray Jebuseo, saray inmona-onan totoo a nanayam ed saman a dalin.
5 "Imbaga na saray Jebuseo ed kinen David ya ag balut makaloob ed Jerusalem, balet adakep nen David so tirinsira ed Sion, kanyan atawag na Siudad nen David.
6 "Inkuanen David, Magmaliw a pangulo na saray sondalo so siopaman a makaonan makapatey na Jebuseo. Impangulo nen Joab a lakin anak nen Sarvia so indogpa ra tan nagmaliw a pangulo na saray sondalo.
7 "Atawag na Siudad nen David so tirinsira, ta diman nanayam si David.
8 "Pinasimbalo tan inletneg so siudad ed kaliber-liber na tirinsira; inggapo tod pasen a tinabonan diad bokig na pokdul. Inapiger nen Joab iray arum a pasen na siudad.
9 "Pinmalalo lan pinmalalo so inkatalonggaring nen David, lapud walad sikatoy Katawan a Makapanyarin-amin.
10 Saya so listaan na saray bantug a sondalo nen David. Diad tulong da tan amin da ray arum a totood Israel nagmaliw ya ari si David, onung na insipan na Katawan. Impansiansia ran mabiskeg so nanarian to.
11 Say onona si Jasobeam a kabyangay boleg nen Hacmon, tan sikatoy pangulo na Saray Talora. Inkana toy pika diad impilaban tod talon lasus a lalaki tan apatey to ran amin legan na sakey a bakal.
12 Say kumadwa ed Saray Talora a bantug et si Eleazar a lakin anak nen Dodo a kabyangay boleg nen Aho.
13 Kaiba ton akibakal ed saray Filisteo si David diad bakal na Pasdamim. Walad alog na sibada si Eleazar nen ginapwan na saray Israelita so ombatik,
14 kanyan sikato tan saray totoo to et ag ira inmalis ed pegley na alog tan nilabanan da ray Filisteo. Say Katawan initdan to na baleg ya impanalo.
15 Aminsan ya agew, talora ed saray talomplon manonan sondalo et linma rad ongib na Adullam a kawalaan nen David legan a mankakampod Patar na Refaim iray pigaran Filisteo.
16 Diad saman a panaon walad pokdul a tirinsira si David tan sakey ya olup na saray Filisteo so linmoob ya anakop ed Betlehem.
17 Sinmabid kinen David so pakakailiw kanyan inkuanto, Wala komuy makapangiter ed siak na danum a nanlapud bobun a walad abay na puirtay Betlehem.
18 Saramay taloran bantug a sondalo et pinasoot day sinmelak ed kampo da ray Filisteo, angala ray danum ed bobun, insan da inter ed kinen David. Balet ag to iinomen, no ag ta inkalbo ton imbagat ed Katawan
19 tan kuanto, Ag nayarin balut ya inomen ko ya! Ta no inomen ko, singa iinomen ko so dala da ra yan totoo ya angipostay bilay da! Kanyan ag to ininom. Sikara ya so ginagawa na saramay taloran bantug a sondalo.
20 Say lakin agi nen Joab a si Abisai so pangulo da ray Talomplon Bantug. Inkana toy pika diad impilaban tod talon lasus a lalaki tan pinapatey to ra, kanyan nagmaliw a bantug ed Saray Talomplo.
21 Sikatoy sankabantugan ed Saray Talomplo, kanyan nagmaliw a pangulo ra, balet ag to aparaan so inkabantug na Saray Talora.
22 Say lakin anak nen Joiada a si Benaya a taga Cabseel et sakey a bantug a sondalo; wala ray ginagawa ton makapakebyew. Pinatey toy duaran matalonggaring a bumabakal a taga Moab. Aminsan ya agew ya ambetebetel, linma ed dalem na ongib tan pinatey toy sakey a lion.
23 Pinatey to met so sakey ya Egipsion baleg so laman to; masoluk a duaran mitroy kaatagey to, tan nanarmas na balbaleg a pika. Pinekpek to na baston, sinamsam toy pika to tan sikatoy impamatey to.
24 Saraya so ginagawa nen Benaya a sakey ed Saray Talomplo.
25 Bantug ed Saray Talomplo, balet et ag to aparaay inkabantug na Saray Talora. Si David ginawa ton pangulo na saray umaantabay to.
26 Sikara yay arum a matalonan sondalo: Asael a lakin agi nen Joab Elhanan a lakin anak nen Dodo, tan taga Betlehem Samot a taga Harod Helez a taga Pelet Ira a lakin anak nen Ikes, tan taga Tecoa Abiezer a taga Anatot Sibecai a taga Husa Ilai a taga Aho Maharai a taga Netofa Heled a lakin anak nen Baana, tan taga Netofa Itai a lakin anak nen Ribai, tan taga Gabaa a sakop nen Benjamin Benaya a taga Piraton Hurai a taga saray patar a kaabay na Gaas Abiel a taga Arba Asmavet a taga Bahurum Eliaba a taga Saalbon Hasem a taga Gizon Jonatan a lakin anak nen Sagee tan taga Arar Ahiam a lakin anak nen Sacar, tan taga Arar Elifal a lakin anak nen Ur Hefer a taga Mekera Ahias a taga Pelon Hezro a taga Carmel Naarai a lakin anak nen Ezbai Joel a lakin agi nen Natan Mibhar a lakin anak nen Hagri Zelec a taga Ammon Naharai a taga Beerot tan sikatoy umaawit na armas nen Joab ya anak nen Sarvia Ira tan Jareb a taga ra Jatir Urias a Heteo Zabad a lakin anak nen Ahlai Adina a lakin anak nen Siza (a matalonan kabyangay tribu na Ruben tan walay olup na talomplon sondalo ton dili Hanan a lakin anak nen Maaca Josafat a taga Mitan Uzia a taga Astera Sama tan Jeiel a lalakin anak ira nen Hotam tan taga ra Aroer Jediael tan Joha a lalakin anak nen Simri tan taga ra Tiz Eliel a taga Mahava Jeribai tan Josavia a lalakin anak nen Elnaam; Itma a taga Moab Eliel, Obed, tan Jasael a taga Zoba.
1 "Nen si David et manaayam ed Siclag a diay nila to nen imbatikan toy Ari Saul a lakin anak nen Cis, dakerakel a lalaki iray akikasakey ed sikato. Maung tan napanmatalkan iran amin a sondalo.
2 "Kabyangan ira na tribu nen Benjamin; si Saul et kabyangan met na sayan tribu. Kawanan-kawigi so panamana tan panamansut da.
3 "Saray pangulo ra sikara di Ahiezer tan Joas a lalakin anak nen Semaa tan taga ra Gabaa. Saraya so sondalo: Jeziel tan Pelet ya anak nen Azmavet Beraca tan Jehu a taga ra Anatot Ismaias a taga Gabaon, bantug a sondalo tan sakey ed saray pangulo na Saray Talomplo Jeremias, Jahaziel, Johanan, Jocabad a taga ra Gedora Elusai, Jerimot, Bealias, Semarias, Sefatias a taga ra Harif Elcana, Isias, Azarel, Joezer tan Jasobem a kabyangan iray boleg nen Core Joela tan Zebadias ya anak nen Jeroham a taga Gedor.
4
5
6
7
8 "Saya so kangaranan da ray bantug tan maung a sondalo a kabyangan iray tribu nen Gad ya akikasakey irad saray sondalo nen David nen sikatoy walad tirinsira ed kalawakan. Marunong iran mangikanay samper tan pika, masebeg a singa lion so nengneng na lupa ra, tan matalabit iran singa ulsad palandey.
9 "Manlapud onona ya anggad kumalabinsakey a pangulo, sikara ya: Eser, Obadias, Eliab, Mismana, Jeremias, Atai, Eliel, Johanan, Elzabad, Jeremias, tan Macbanai.
10
11
12
13
14 Opisyal iray pigarad sarayan lalakin kabyangay tribu nen Gad. Saray atagtagey et pangulo ra na tonggal libon sondalo, tan saray abebbeba et pangulo ra na tonggal lasus a sondalo.
15 Diad ononan bolan na aminsan a taon, nen sinmapat ed pandel so danum na Ilog na Jordan, binaliw day ilog tan pinapabatik da ray totoon manaayam ed saray patar na sagur tan bokig na ilog.
16 Aminsan linmad tirinsiran kawalaan nen David so sakey ya olup na lalakin kabyangan iray tribu di Benjamin tan Juda.
17 Inabet ira nen David tan kuanto, No linma kayo dian kakaaro ya ontulong ed siak, maliket ta kayon awaten. Balet no nunot yon itapat ak ed saray kalaban to, anggaman ya anggapoy maoges a ginawak ed sikayo, naamtaan na Dios na saray lalaki tayo so gawaen yo et dusaen to kayo.
18 Linmoob so Ispiritu na Dios ed sakey ed sikara, si Amasai, a diad arapen a panaon et nagmaliw a pangulo na Saray Talomplo, tan inkuanen Amasai, Kayaryan tan kagampi mo kami, David ya anak nen Jesse! Aligwas so nagamuran mo tan saray ontulong ed sika! Ta say Dios so katambayan mo. Maliket si David ya angawat ed sikara tan ginagawa to ran opisyal na saray sondalo to.
19 Wala ray pigaran sondalon kabyangay tribu nen Manases ya akigampi rad kinen David nen linman mibakal a kaiba to ray Filisteo ed kinen Ari Saul. Diad tuay tua si David ag to tinulongan iray Filisteo, ta pinapawil na saray pangulo ra lapud mapaga ra ompan mantraidor tan migampid Saul a gendat a pangulo to.
20 Saray sondalon kabyangay tribu nen Manases ya akigampi rad kinen David nen ompapawil ed Siclag et saraya: Adna, Jezabad, Jediael, Micael, Jozabad, Eliu, tan Zilletai. Diad Manases pangulo na sanlibon sondalo so balang sakey ed sikara.
21 Diad impanlingkur dad kinen David opisyal ira na saray sondalo to, lapud matalona ra. Insan diad arapen a panaon nagmaliw iran opisyal na saray sondalo na Israel.
22 Inagew-agew lawarin wala ray balon mikakasakey ed kinen David, kanyan nagmaliw a dakerakel so sondalo to.
23 Dakerakel iray sondalon akikasakey ed kinen David nen walad Hebron, ta mangiba rad pagmaliw ton ari ya onsalat ed kinen Saul, onung na insipan na Katawan. Say bilang da ray manlapud balang tribu et say onggendan: Juda: anem a libo tan walon lasus a lalakin dugad armas a walay samper tan pika ra; Simeon: piton libo tan sanlasus a sondalon ayadyariy inkapasal dan mibakal; Levi: apat a libo tan anem lasus a lalaki; Saray totoon nen Jeiada a kabyangan iray boleg nen Aaron; talonlibo tan piton lasus a lalaki; Saray kakanayon nen Sadoc a malangwer tan nayarin masebeg a mibabakal: duamplo tan duan pangulon lalaki; Benjamin (say dilin tribu nen Saul): talon libon lalaki (nansiansian matoor ed kinen Saul iray karaklan a totoo nen Benjamin); Efraim: duamplon libo tan walon lasus a sondalon bantug irad dilin boleg da; Kapalduay tribu nen Manases: labin walon libo a lalaki a pinili ran onla ta gawaen dan ari si David; Isacar: duanlasus a pangulo tan pati saray lalakin ipapangulo ra (lalaki ran makaamtad nepeg a gawaen na Israel tan makaamtad sankaabigan a panaon a panggawa); Zabulon: limamplon libon matoor tan napanmatalkan a lalakin akaparaan a mibakal, tan nipasal iran mangikana na antokaman ya armas; Neftali: sanlibon pangulo, pati saray talomplo tan piton libon lalakin akaarmas na samper tan pika; Dan: duamplo tan walon libo tan anem a lasus a lalakin nipasal a mibakal; Aser: apataplon libo a lalakin akaparaan a mibakal; Saray tribu a walad bokig na JordanRuben, Gad, tan kapalduay Manases: sanlasus tan duamplon libo a lalakin nipasal a mangikanay amin a klasiy armas.
24
25
26
27
28
29
30
31
32
33
34
35
36
37
38 Amin da ra yan sondalo ya akaparaan a mibakal, linma rad Hebron ta tinibokel dad kanunotan da a gawaen si David a manarid intiron Israel. Akikasakey met ed sayan getma iray arum nin totood Israel.
39 Taloy agew irad Hebron a kaiba ray David, nanliliket iran nanaakan tan naniinom na saray imparaan da ray kabansaan da.
40 Manlapud saray ararawin pasen a singa kawalaan da ray tribu di Isacar, Zabulon, tan Neftali, saray totoo et sinmabi ran kaiba da ray asno, kamilyo, mula, tan baka a sankaawit da ray arina, igos, pasas, alak, tan larak na oliba. Nanaawit met ira na saray baka tan saray karniron pateyen tan siraen. Amin da ra ya et angipatnag na liket na intiron bansa.
1 "Si David angipanonan to ray amin a pangulo na tunggal libon tan tunggal lasus a sondalo.
2 "Insan inkuantod saray totood Israel a nantitipon diman, No abuloyan yo tan no sikatoy linaway Katawan a Dios tayo, pampabakian tayo ray arum nin kabansaan tayo, saray papari tan saray Levita diad saray baley da, tan paibaga tayod sikaran mitipon ira diad sikatayo.
3 "Insan tayo onlan mangalad Kaban na Sipanan na Dios ya apaolyan legan a manaari si Saul.
4 "Akaliket iray totoo lapud sayan imbaga nen David kanyan inmabubon ira.
5 "Si David impantitipon to sirin iray totood Israel a nanlalapu rad amin a pasen na bansa, manlapud ketegan ed Egipto diad abalaten ya anggad Dalan na Hamat diad baybay. Nantitipon iran mangalad Kaban na Sipanan ed Kiryat-jearim.
6 "Si David tan saray totood Israel linma rad siudad na Baala, say Kiryat-jearim a sakop na dalin na Juda, ta alaen day Kaban na Sipanan na Dios a natatawag onung ed ngaray Katawan ya akayurong ed trono diad tagey na saray kirubin.
7 "Impaway dad abung nen Abinadab so Kaban na Sipanan, insan da inlugan ed sakey a balon kariton. Di Uza tan Ahio so angiwanwan ed samay kariton.
8 "Si David balet tan saray amin a totood Israel nansasayaw ira ed anggaay nayarian da a pangigalang ed Dios. Nankakanta ra tan nantotogtog ira na saray arpa, tambul, piangpiang, tan trumpita.
9 "Kasabi rad pasen a panagilikan diad Kidon nipatakba ra may baka, kanyan inyonat nen Uza so lima to, tan binembenan toy Kaban na Sipanan.
10 Akapasnuk a tampol so Katawan ed kinen Uza tan pinatey to lapud impaniwit tod Kaban na Sipanan. Inatey diman si Uza diad arapan na Dios,
11 kanyan manlapud saya atawag iman a pasen na Perez-uza. Akapasnuk si David, ta diad sanuk na Katawan dinusa toy Uza.
12 Insan tinmakot si David ed Dios tan kuanto, Panon ko natan ya isempet so Kaban na Sipanan?
13 Kanyan ag la insempet nen David ed Jerusalem imay Kaban na Sipanan; ingen, intilak to la ed abung na sakey a toon manngaray Obed-edom a taga siudad na Gat.
14 Say Kaban na Sipanan nanayam diman a taloy bulan, et binindisionan na Katawan so pamilya nen Obed-edom tan sa amin a kayaryan to.
1 "Si Ari Hiram na Tiro angibaki na totoo to ed kinen David; initdan to na saray troson sidro, tan saray karpintiro tan saray kantiro, ta igawaan day palasio si David.
2 "Abirbir nen David ed satan a say Katawan et pinili ton manari ed Israel, tan papaaligwasen toy nanarian to a pankaabigan na saray totoo to.
3 "Diad Jerusalem, angasawa ni na pigara si David tan dinmakel iray anak ton lalaki tan bibii.
4 "Niay kangaranan da ray anak ton nianak ed Jerusalem: Samua, Sobab, Natan, Solomon,
5 "Ibhar, Elisua, Elpelet,
6 "Noga, Nefeg, Jafia,
7 "Elisama, Beeliada, tan Elifelet.
8 "Nen nadngelan na saray Filisteo ya agawa lan arid intiron bansa na Israel si David, linma ray sondalo ran manakep ed sikato. Kanyan si David pinmaway a mibakal ed sikara.
9 "Akasabid Patar na Refaim iray Filisteo tan ginapwan day nandederal.
10 Tinepet nen David ed Dios, Dogpaan ko ray Filisteo? Panaloen mo ak kasi? Inmebat so Katawan, On, dogpaan mo ra! Panaloen ta ka!
11 Kanyan dinogpaan ira nen David diad Baal-perazim, et tinalo to ra. Inkuanto, Say Dios inkana to ak ya ondogpa ed saray kalaban a sondalo. Singa ra dinalan na delap. Kanyan saman a pasen atawag na Baal-perazim.
12 Tinaynan diman na saray Filisteo iray talintaoy diriyos da, tan impapopoolan ira nen David.
13 Ag abayag pinawil na saray Filisteo imay patar tan ginapwan da lamet so nandederal.
14 Impanon lamet nen David ed Dios, et say Dios inmebat, Ag ka dia manlalapu no dogpaan mo ra. Saliberber ka tan dogpa kan manlapud biek a dapag, diad abay na saray kiew a balsamo.
15 No narengel mod tagey na kakiewan so tanul na panaakar da ray sondalo, dogpa ka, ta wala ak ed onaan mo a mibakal ed saray sondalo na Filistia.
16 Ginawa nen David so ingganggan na Dios tan pinasoner to ray Filisteo manlapud Gabaon ya anggad Gezer.
17 Binmawag ed anggan iner a pasen so inkabantug nen David, tan say Katawan pinatakot ton amin iray bansa ed kinen David.
1 "Si David angipaalagey ed Siudad nen David na saray abung a para sikaton dili. Angiparaan met na pasen a para Kaban na Sipanan na Dios tan impaalageyan to na tulda.
2 "Insan inkuanto, Saray Levita labat so nepeg a manawit na Kaban na Sipanan, ta sikara labat so pinili ton manawit ed saya tan manlingkur ed sikato diad ando lan ando.
3 "Kanyan impantitipon nen David ed Jerusalem iray amin a totoo, ta iyakar da may Kaban na Sipanan ed pasen ya imparaan ton panginan.
4 "Insan impatawag to ray kabyangay boleg nen Aaron tan saray Levita.
5 "Manlapud boleg nen Coat, sinmabiy Uriel tan saray sanlasus tan duamplon kakanayon to ya ipapangulo to.
6 "Manlapud boleg nen Merari, sinmabiy Asaya tan saray duanlasus tan duamplon kakanayon to ya ipapangulo to.
7 "Manlapud boleg nen Gerson, sinmabiy Joel tan saray sanlasus tan talomplon kakanayon to ya ipapangulo to.
8 "Manlapud boleg nen Elizafan, sinmabiy Semaya tan saray duanlasus a kakanayon to ya ipapangulo to.
9 "Manlapud boleg nen Hebron, sinmabiy Eliel tan saray walomplon kakanayon to ya ipapangulo to.
10 Manlapud boleg nen Uziel, sinmabiy Aminadab tan saray sanlasus tan labinduan kakanayon to ya ipapangulo to.
11 Impaawit nen David ira di Sadoc tan Abiatar a paparin tan saray Levitan di Uriel, Asaya, Joel, Semaya, Eliel, tan Aminadab.
12 Inkuantod sikara, Sikayo ray pangulo na saray boleg na Levita. Linisan yo onung ed ganggan so sikayon dili tan saray kapara yon Levita, pian nayarian yon awiten so Kaban na Sipanan na Katawan a Dios na Israel ed pasen ya imparaan kon panginan.
13 Anggapo kayod man a mangawit nen inmona, kanyan say Katawan a Dios tayo dinusa to itayo lapud ag tayo inggalang onung na nepeg a pangigalang ed sikato.
14 Nilinisan sirin na saray papari tan saray Levita so sikaran dili, ta iyalis day Kaban na Sipanan na Katawan a Dios na Israel.
15 Sinakbat na saray Levita ed saray tiken imay Kaban na Sipanan, onung na ingganggan na Katawan diad panamegley nen Moises.
16 Ingganggan nen David iray pangulo na saray Levita a manoro ra na saray nandoroman Levita a mankanta tan mantogtog na maliket iran togtog ed saray arpa tan piangpiang.
17 Diad saray boleg a marunong a mankanta pinili ran mantogtog na saray gansang piangpiang si Heman a lakin anak nen Joel, say kanayon to a si Asaf a lakin anak nen Berekias, tan si Etan a lakin anak nen Cusaias a kabyangay boleg nen Merari. Saray manogtog na saray atagey a tuno na arpa, pinili da ray onggendan: Zacarias, Aziel, Semiramet, Jehiel, Uni, Eliab, Maasias tan Benaya. Saray manogtog na saray abeban tunon arpa, pinili da ray onggendan: Matatias, Elifelehu, Michias, Azazias, tan saray guardiay Timplo a di Obed-edom tan Jeiel.
18
19
20
21
22 Si Kenanias so apilin makaoley ed saray Levitan kumakanta tan tumutogtog lapud marunong ed musika.
23 Di Berekias tan Elkana et apili ran guardia na Kaban na Sipanan.
24 Saray paparin di Sebanias, Josafat, Natanael, Amasias, Zacarias, Benaya, tan Eliezer et apili ran mamaknul na trumpita ed arap na Kaban na Sipanan. Di Obed-edom tan Jehias et apili met iran guardia na Kaban na Sipanan.
25 Kanyan si David, saray pangulo na Israel, tan saray pangulo na sondalo et malikeliket iran linma ed abung nen Obed-edom, ta alaen da may Kaban na Sipanan.
26 Angibagat ira na pitoran bakan kalakyan tan pitoran karniro, lapud tutulongan na Dios iray Levitan manasakbat na samay Kaban na Sipanan.
27 Si David, saray tumutogtog tan saray kumakanta, si Kenanias a pangulo ra, tan saray Levitan manasakbat na Kaban na Sipanan et akasolung iran amin na sankaabigan a linen a tunika. Akasolung met si David na linen ya ipod.
28 Kanyan amin da ray Israelita inolup da ya anggad Jerusalem imay Kaban na Sipanan a kataruk day eyag na liket tanul na saray trumpita, tambuyog, piangpiang, tan togtog na saray arpa.
29 Legan a niyaakar ed siudad so Kaban na Sipanan, tinmandag si Micol a biin anak nen Saul, et anengneng toy Ari David a mansasayaw-sayaw tan manlulukso-lukso ed liket. Lapud saya naingungotan ed kinen David.
1 "Inyakar da may Kaban na Sipanan ed tuldan imparaan nen David tan inyan dad dalem to. Insan angisaklang irad Dios na saray bagat a popoolan tan saray bagat a para kareenan.
2 "Kayariy impangibagat nen David, binindisionan tod ngaran na Katawan iray totoo,
3 "tan binunogan to ran amin na kakanen. Initdan toy balang sakey a laki tan bii ed Israel na sakey a tinapay, sakey a tegteg ya inkalut a karni, tan pigaran pasas.
4 "Tinoro nen David iray pigaran Levita a mangipanguloy pikakasi, pisasalamat, tan panangidayew ed Dios na Israel, diad arap na Kaban na Sipanan.
5 "Si Asaf so atoron pangulo tan si Zacarias so onkumadwad sikato. Saray manogtog na saray arpa et di Jeiel, Semiramot, Jehiel, Matatias, Eliab, Benaya, Obed-edom, tan Jeiel. Si Asaf so mampaknul na piangpiang,
6 "tan saray duaran pari a di Benaya tan Jahaziel so mampaknul ya inagew-agew na saray trumpita diad arap na Kaban na Sipanan.
7 "Saman ya agew so onaan ya impanoro nen David ed kinen Asaf tan saray kapara ton Levita a mankanta ray pangidayew ed Katawan.
8 "Misalamat kayod Katawan, ibawag yoy pakapanyari to, tan ipaamta yod saray bansa iray ginagawa to.
9 "Kantaan yoy dayew so Katawan; ibelyaw yoy amin a makapakelkelaw iran gawgawa to.
10 Manggayaga kayo, ta kayaryan to itayo; manliket komun ya amin iray mangigagalang ed Katawan!
11 Laka yod Katawan tan kerew kayoy tulong to; tan igalang yo ed ando lan ando.
12 Sikayo ran kabyangay boleg nen Israel ya aripen na Dios, sikayo ran kabyangay boleg nen Jacob a pinili na Dios nunot yo ray makapakelaw a milagron ginagawa to, tan saray sintinsian iniiter to.
13
14 Say Katawan so Dios tayo, para amin a katoowan iray ganggan to.
15 Ag yo lilingwanan ya anggan kapigan so impisipanan to, say impisipanan tod amin a kailalakan,
16 say impisipanan tod kinen Abraham, say sinambaan tod kinen Isaac.
17 Say Katawan akisipanan ed kinen Jacob, say andi-anggaan ya impisipanan tod kinen Israel.
18 Iter kod sikay dalin na Canaan, inkuanto. Sikatoy tawiren mo.
19 Pigpigara nen saman iray totoo na Dios, tan sangkaili rad dalin na Canaan.
20 Nansosoblay so nanaayaman da ran bansa tan saray nanarian.
21 Balet ag inyabuloy na Dios a pairapen ira na anggan siopa, tan diad pangyagel tod sikara, pinapasakbayan to ray arari.
22 Inkuanto, Ag yo didiwiten iray aripen kon pinilik; ag yo papasakitan iray propitak!
23 Kantaan yoy Katawan, amin yon katoowan ed tapew na dalin! Ibawag yon inagew-agew so maung a balita ya inlaban to itayo.
24 Ibando yod saray bansa so kagalangan to, tan diad amin a katoowan iray makapakelaw a gawgawa to.
25 Matalonggaring so Katawan, tan nepeg ya idaydayew; nepeg a lalon igalang nen saray amin a diriyos.
26 Talintao labat ya amin iray diriyos da ray arum a bansa, balet say Katawan pinalsa to ray katawenan.
27 Galang tan pakayari so walad kaliber-liber to; biskeg tan liket so walad dalem na Timplo to.
28 Amin yon katoowan ed tapew na dalin, idayew yoy Katawan; idayew yoy kagalangan tan pakapanyari to.
29 Idayew yoy mapagalang a ngaray Katawan; mangawit kayoy bagat tan loob kayod Timplo to. Dakmomo kayod arap na Masanton Katawan no omparontal;
30 giwgiw kayod arap to, amin yon pinalsa! Malet so inkiletneg na mundo tan ag balut natenyeg.
31 Manliket kayo, sikayon dalin tan tawen! Ibawag yod amin a bansa, Manaariy Katawan!
32 Ongul kan dayat tan amin a pinalsa a manaayam ed sika manggayaga kayon kaalogan tan amin yon pinalsa a manaayam ed sikayo.
33 Saray kakiewan mankanta rad liket diad arap na Katawan, no onsabin manoley ed sankamundoan so Katawan.
34 Misalamat kayod Katawan, ta sikato et maung; andi-anggan so panangaro ton ag mangoman!
35 Ikuanyod sikato, Iyagel mo kami pa, O Dios a Manangilaban mi; pantitipon mo kami pa; iyagel mo kamid saray kalaban a bansa, pian misalamat kami tan idayew miy masanton ngaran mo.
36 Idayew yoy Katawan a Dios na Israel! Idayew yo natan tan anggad angga! Insan inkuan na amin a totoo, Amen, tan indayew day Katawan.
37 Imbaga nen David ed kindi Asaf tan saray kapara ton Levita ya ituloy dan sikaray makaoley ed panangigalang a ginagawad pasen a kawalaay Kaban na Sipanan. Nepeg ya inagew-agew so panggawa rad saray kimey da.
38 Tinmutulong ed sikara si Obed-edom a lakin anak nen Jedutun tan saray anemaplo tan walon lalaki a kakanayon to. Si Hosa tan si Obed-edom so makaoley ed pangguardiad saray puirta.
39 Balet si Sadoc tan saray kapara ton papari so impasen ton makaoley ed panangigalang ed Katawan diad Gabaon.
40 Kinabwasan tan kapag labi so nepeg a pangisaklang dad saray bagat a popoolan diad tapew na altar onung na amin a nisulat ed Ganggan ya inter na Katawan ed Israel.
41 Kaiba rad man si Heman tan si Jedutun tan saray arum a pinili tan intalaga a mankantay dayew ed Katawan lapud andi-anggaan a panangaro to.
42 Di Heman tan Jedutun met so makaoley ed saray trumpita, piangpiang, tan saray arum a kagawaan na musika a togtogen ira no kantaen iray imnon panangidayew. Saray kabyangay boleg nen Jedutun so makaoley ed panagguardiad saray puirta.
43 Insan sinmempet lay balang sakey, tan sinmempet met lay David a mangilugay ed pamilya to.
1 "Manaayam la natan si Ari David ed palasio to. Aminsan impaawit toy propita. Natan tan kuantod sikato, Wadya ak a manaayam ed abung a sidro, balet say Kaban na Sipanan na Katawan et akasinup labat ed dalem na sakey a tulda!
2 "Inmebat si Natan, Gawam labat so antokaman a walad kanunotan mo, ta walad sika so Dios.
3 "Balet diad saman a labi inkuan na Dios ed kinen Natan,
4 "Laka, ta ibagam ed aripen kon David a kuankod sikato, Aliwan sikay mamaalagey na timplon panayaman ko.
5 "Nanlapu lad impangipaway kod saray totood Israel ed Egipto ya anggad natan, ag ak balut nanayam ed dalem na timplo; diad nandoroman lugar a naknakar ko, dalem na tulday nanaayaman ko.
6 "Diad impipilak ed saray totood Israel ag kon balut tinepet ed siopaman a pinilik a panguloy Israel no akin et ag to ak impaalageyan na timplo a sidro.
7 "Kanyan ibagam ed aripen kon David a siak, say Katawan a Makapanyarin-amin, kuankod sikato, Inekal ta kad panagpastol moy karniro ed kaalogan, insan ta ka ginawan manoley ed saray totook ya Israel.
8 "Kaiba ta ka ed anggan iner a nilam, tan tinalok iray kalaban mo diad indogpam. Gawaen ta kan matalonggaring a singa saray sankatalonggaringan a pangulod intiron mundo.
9 "Amili ak na sakey a pasen a para saray totook ya Israel tan impanayam ko rad man ya ag la ra nasigensigen. Nanlapu lad inloob dad sayan dalin, dinodogpaan ira na maruksan totoo, balet ag la ya nagawad sikara. Isipan kon taloen ko ray amin a kalaban mo, tan parakelen ko ray kabyangay boleg mo.
10 No ompatey ka tan nipompon kad kawalaan da ray lalakim, gawaen kon ari so sakey ed saray anak mo tan pabiskegen koy nanarian to.
11
12 Sikatoy mamaalagey na sakey a timplon para siak, tan pansiansiaen ko ya anggad angga so nanarian to.
13 Siak so magmaliw ya ama to tan sikatoy magmaliw ya anak ko. Ag ko ekalen so ag mangoman a panangarok ed sikato, aliwan singa ginawak ed kinen Saul.
14 Ipasen kon manoley ya ando lan ando ed saray totook tan diad panarian ko. Pansiansiaen ko ya anggad angga so nanarian to.
15 Imbaga nen Natan ed kinen David iray amin ya impaamtay Dios ed sikato.
16 Si Ari David linmoob ed Tuldan Ayamay Katawan, inmirung tan nampikasi, Aliwa ak a manepeg, anggan say pamilyak, ed antokaman a ginagawam lad siak, Katawan a Dios.
17 Balet natan, lalon dakel ni so gagawaen mo; nansipan kay nipaakar ed saray kabyangay pamilyak diad arapen a panaon. Sika, Katawan a Dios, et ipapasen mo ak lan singa sakey a toon matalonggaring.
18 Anto niy nayarian kon ibagad sika? Kabkabat mo ak ya aripen mo, et siansian papagalangan mo ak.
19 Linawam tan getmam a gawaen yan para siak tan ipaamtam ed siak so pagmaliw kon lalo nin matalonggaring.
20 Katawan, anggapoy miparad sika; amta mi lawas a bukbukor mo so Dios.
21 Anggapoy arum a bansa diad tapew na dalin a miparad Israel. Inyagel mod inkaaripen iray Israelita tan ginawam ira a totoom. Diad panamegley na saray ankabaleg tan makapakelaw a ginagawam para sikara, kinmayat ed intiron mundo so dayew mo. Pinataynan mo ray taga arum a bansa legan a mankukurang iray totoom.
22 Ginawam ya andi-anggaan a totoom so Israel tan sika, Katawan, so nagmaliw a Dios da.
23 Katawan a Dios, sumpal mo pad amin a panaon so insipan mo nipaakar ed siak tan saray kabyangay boleg ko, tan gawam pay onung na sinalitam.
24 Nitanduro ka tan lawas ikuan na saray totoo, Say Katawan a Makapanyarin-amin so Dios ed intiron Israel. Pansiansiaen moy nanarian ko.
25 Matalek kon ipikasi yad sika, O Dios ko, ta impuyan mo yan amin ed siak ya aripen mo, tan imbagam ed siak a gawaen mon arari iray kabyangay boleg ko.
26 O Katawan, sika so Dios, tan insipan mod siak yan maung a bengatla.
27 Kerewen kod sikan bindisionan mo ray kabyangay boleg ko, tan pansiansiam yan bindision ed sikara. Sika, Katawan, so amindision ed sikara; mansiansian ando lan ando ed sikara so bindision mo.
1 "Ag abayag, dinogpaan lamet nen David iray Filisteo tan tinalo to ra. Inekal tod pakaoley da so siudad na Gat tan saray kaliber-liber ton bario.
2 "Tinalo to met iray Moabita, kanyan nagmaliw iran walad silong na pakaoley to tan nambabayar iray buis ed sikato.
3 "Insoblay nen David a dinogpaan si Ari Hadadezer na Seba, diad asingger ed lugar na Hamat, nen si Hadadezer et labay ton iletneg so pakaoley tod dalin a kaabay na Ilog na Eufrates.
4 "Adakep nen David so sanlibon karwahi to, piton libon kumakabayo to, tan duamplon libon arum a sondalo to. Angikera na saray kabayon para sanlasus a karwahi, insan to nilolopuy iray arum.
5 "Nen saray taga Siria a walad Damasco et angibaki ra na saray sondalon ontulong ed Ari Hadadezer, dinogpaan ira nen David tan pinatey toy duamplo tan duan libon lalaki.
6 "Insan nankampod Damasco iray sondalo to; saray tagad man et nagmaliw iran walad silong na pakaoley to, kanyan nambabayar iray buis ed sikato. Impanatalo na Dios si David ed anggan iner a pasen.
7 "Asamsam nen David iray balituk a samper a sankaawit na saray opisyal nen Hadadezer, tan inawit to ra ed Jerusalem.
8 "Amayamay met so nala ton gansa ed Tibha tan Cun, saray siudad ya ooleyan nen Hadadezer. (Diad arapen a panaon ginawa nen Solomon ira yan gansa a balbaleg a kawa, saray lusek, tan saray ikakana ed Timplo.)
9 "Akabatan nen Ari Toi na Hamat a tinalo nen David iray amin a sondalo nen Hadadezer.
10 Kanyan imbaki toy lakin anak to a si Hadoram a mangilugay ed kinen Ari David tan mangitanduro ed sikato lapud impanalo tod kinen Hadadezer, ya amimpigan akalaban nen Toi. Initdan nen Hadoram si David na saray rigalon ginawad balituk, pilak, tan gansa.
11 Insaklang nen David ira ya ed Katawan a pati saray pilak tan balituk a nalnala tod saray bansan tinatalo toEdom, Moab, Ammon, Filistia, tan Amalec.
12 Si Abisai a lakin anak nen Sarvia et tinalo to ray Edomita diad Patar na Asin tan pinatey toy labinwalon libod sikara.
13 Nankampod nandoroman lugar na Edom iray sondalo to, kanyan nagmaliw a walad silong na pakaoley nen David iray tagad man. Impanatalo na Katawan si David ed anggan iner a pasen.
14 Nanoley si David ed intiron Israel; maptek tan anggapoy nilabi so impanoley tod saray totoo.
15 Si Joab a sananey ya anak nen Sarvia so pangulo na saray sondalo; si Josafat a lakin anak nen Ahilud so makaoley ed pansulat na awaran;
16 si Sadoc a lakin anak nen Ahitob tan si Ahimelec a lakin anak nen Abiatar et sikaray papari; si Seraya so sikritario na palasio;
17 si Benaya a lakin anak nen Joiada so makaoley ed saray umaantabay ed kinen Davidsalanti saray Kereteo tan saray Peleteo; tan saray lalakin anak nen Ari David et atatagey a betang so ineegnaan da diad impanlingkur dad sikato.
1 "Ag abayag, inatey si Ari Nahas na Ammon tan sinmalat ya ari si Hanun a lakin anak to.
2 "Inkuanen David, Ipanengneng koy matoor a pikakaarok ed kinen Hanun, a singa ginawa nen ama ton Nahas ed siak. Kanyan angibakiy David na saray mangibaga na pidadamay tod kinen Hanun. Nen sinmabid Ammon ira may imbaki tan akiarap irad Ari Hanun,
3 "inkuan na saray panguloy Ammonita ed kinen ari, Abaloan mo sirin a say pamagalang ed kinen amam so makasengeg na impangibaki nen David ed sarayan totoo a midamay ed sika? Andi! Imbaki to ra dian manispia tan mannengneng ed siudad, pian nadakep da!
4 "Siningkat nen Hanun ira may imbaki nen David, nilabahasan to ray balbas da, pinotut to ya anggad tapi ray kawes da, insan to la ra pinapawil.
5 "Ag da labay so onsempet, ta ontan lay baing da. Nen akabatan nen David so agawa, impaibaga ton manayam ni rad Jerico ya anggad ituboy balbas da, insan la ra onsempet.
6 "Abirbir nen Ari Hanun tan saray Ammonita ya agawa ran kalaban si David, kanyan angiter ira na sakey ya apataplon toniladan pilak ya inyabang da na saray karwahi tan saray kumakarwahi taga Mesopotamia, Maaca, tan Soba na Siria.
7 "Linman nankampod abay na Medeba iray inabangan dan talomplo tan duan libo a karwahi tan saray sondalo na ari na Maaca. Pinmaway met iray Ammonita ed saray siudad da, ta namparaan iran mibakal.
8 "Nen akabatan nen David so nagagawa imbaki toy Joab tan saray amin a sondalo.
9 "Kinmurang iray Ammonita tan namparaan iran mibakal diad lolooban na Rabba a manonan siudad da, balet namparaan ed kaalogan iray ararin sinmabin ontulong.
10 Anengneng nen Joab a dogpaan ira na saray kalaban da ed arap tan beneg da, kanyan amili na saray sankamaungan a sondalo na Israel tan namparaan iran onarap ed saray taga Siria.
11 Saray arum a sondalo to et impangulo ra nen agi ton si Abisai ya angiganggan a mamparaan iran onarap ed saray Ammonita.
12 Inkuanen Joab ed kinen Abisai, No nanengneng mon tataloen ak na saray taga Siria, dago mo ak a tulongan, et no nanengneng ta kan tataloen na saray Ammonita, dagoen ta kan tulongan.
13 Mampabiskeg kayoy linawa! Pasiaen tayoy mibakal para saray totoo tayo tan para saray siudad na Dios tayo. Say linawa na Katawan komun so nagawa!
14 Kanyan kinmurang a dinmogpa si Joab tan saray totoo to, et kibatiktik iray taga Siria.
15 Nen anengneng na saray Ammonita a kibatiktik iray taga Siria, imbatikan day Abisai tan sinmoner irad siudad. Insan pinmawil lad Jerusalem si Joab.
16 Abirbir na saray taga Siria a tinalo ra na saray Israelita, kanyan angawit iray sondalon taga saray lugar a sakop na Siria diad bokig na Ilog na Eufrates; impangulo ra nen Sofac, say pangulo da ray sondalo nen Hadadezer na Soba.
17 Nen abalitaan ya nen David, impantitipon to ray sondalo to, binaliw day Ilog na Jordan, tan imparaan to ran miarapan ed saray taga Siria. Ginmapoy bakal,
18 et pinasoner na saray Israelita iray taga Siria. Akapatey si David tan saray totoo to na piton libon kumakarwahin taga Siria, tan apataplon libo a sondalo. Apatey da met si Sofac a pangulo na saray sondalon taga Siria.
19 Nen naamtaan na saray ararin walad pakaoley nen Hadadezer a tinalo ra na saray Israelita, akikaaro rad kinen David tan nagmaliw iran walad silong na pakaoley to.
20 Ag lan balut inmabuloy iray taga Siria a tulongan da ray Ammonita.
1 "Diad ontombuk a tiagew, say panaon a saray ari et ompaway iran mibakal, impangulo nen Joab iray sondalo tan dinakep day dalin na Ammon. Balet nanayam ed Jerusalem si David. Nilooban day siudad na Rabba, dinogpaan da tan dineral da.
2 "Say talintaoy dios na saray Ammonita a si Milcom et walay balituk a korona to a mambelat na sakey a talomplo tan apat a kilo; walay mablin bato ed samay korona. Inala nen David imay bato, insan to inyan ed korona to. Amayamay met ni ray nala ton bengatla ed siudad.
3 "Inala nen David iray totood mad siudad tan impankikimey to rad panamegley na saray ligari, bukan balatyang, tan wasay. Onya met so ginagawa tod saray totood arum a baley na Ammom. Insan pinmawil ed Jerusalem a kaiba to ray totoo to.
4 "Diad ontombuk a panaon wala lamet so bakal na saray Israelita tan saray Filisteo diad Gezer. Diad sayan bakal pinatey nen Sibecai a taga Husa so sakey ya alan a manngaran na Sipai; atalo ray Filisteo ed sayan bakal.
5 "Walay sakey nin bakal da ray Israelita tan saray Filisteo. Diad sayan bakal pinatey nen Elhanan a lakin anak nen Jair Lahmi a lakin agi nen Goliat a taga Gat, a say potan na pika to et singa kabaleg na panagpotipotay tinebey ed panaglagaay abel.
6 "Walay sananey nin bakal ed Gat. Diad sayan bakal walay sakey ya alan ya anemiray gamet na balang lima tan sali to. Sikatoy kabyangay boleg na saray gendat ya alan.
7 "Sinagyat ton milaban iray Israelita, et pinatey nen Jonatan a lakin anak nen Simea a lakin agi nen David.
8 "Sarayan talo a pinatey nen David tan saray totoo to et kabyangan ira na boleg na saray alan ed Gat.
1 "Nilabay nen Satanas ya itday gunigon iray totood Israel, kanyan tinangguyor toy David ya alaen toy bilang da.
2 "Ingganggan nen David si Joab tan saray arum a pangulo na saray sondalo, Laka yod intiron dalin na Israel, manlapud Beer-seba a sakey a ketegan na bansa ya anggad Dan a sananey a ketegan, ta bilang yo ray totoo. Labay kon naamtaan so karakel da.
3 "Inmebat si Joab, Say Katawan et parakelen to komun a maminlasus so totoo to. Kagalang kon Ari, aliwa tan aripen yo ran amin? Akin et labay yo yan gawaen tan pankasalananen yoy intiron bansa?
4 "Balet naonur lamlamang so ganggan na ari ed kinen Joab. Linmay Joab tan niliber toy intiron bansa, insan pinmawil ed Jerusalem.
5 "Imbaga tod Ari David so abilang to: diad Israel sakey milyon tan sanlasus libo a lalaki so nayarin mansondalo, tan diad Juda apat a lasus tan pitomplon libo a lalaki so nayarin mansondalo.
6 "Lapud sumlang si Joab ed ganggan na ari, ag to la binilang iray totoon kabyangay tribu di Levi tan Benjamin.
7 "Ag akaliket so Dios ed sayan agawa, kanyan dinusa toy bansa na Israel.
8 "Inkuanen David ed Dios, Ambelat so kasalanan ko lapud sayan ginawak! Pirdona mo ak pa. Inaambagel so ginawak.
9 "Inkuan na Katawan ed kinen Gad a propita nen David,
10 Lakad kinen David, ta ibagam ed sikato ya itdan koy taloran pampilian. Gawaen ko so antokaman a pilien to.
11 Linma sirin si Gad ed kinen David, sinalita toy impaibaga na Katawan, tan tinepet to, Dinay pilien mo?
12 Taloy taon ya eras? Odino taloy bulan a deralderalen kayo na saray kalaban yo tan ibatik-batikan yo ra. Odino taloy agew ya idogpa na Katawan ed sikayo so ispada to tan mangibaki na salot ed dalin yo tan say anghil to so ikana tod pampatey na saray totood intiron dalin? Anto so ebat mo ya ibagak ed Katawan?
13 Inmebat si David ed kinen Gad, Makapasinagem so kipapasen ko! Balet ag ko labay a dusaen ak na too. Say Katawan so labay kon manusad siak ta mapangpangasi.
14 Kanyan say Katawan angibaki na salot ed saray totood Israel, tan pitomplon libo so inatey ed sikara.
15 Say Dios angibaki na sakey ya anghil a maneral ed Jerusalem, balet angoman na kanunotan tan kuantod samay anghil, Tondaan mo la! Duga la tan! Manalalagey imay anghil ed abay na panagilikan nen Arauna a Jebuseo.
16 Tinmangay si David et anengneng to may anghil a manalalagey ed liwang, sankabembenan toy ispada to, tan akaparaan lan maneral ed Jerusalem. Insan si David tan saray pangulo da ray totooakakawes iran amin na sakodinmakmomo ra ya anggad dalin.
17 Nampikasiy David, O Dios, siak so nanggaway kaogsan. Siak so angiganggan a bilangen iray totoo. Antoy ginawa na sarayan totoo? Katawan a Dios ko, siak pay dusam tan say pamilyak, aliwan saray totoom.
18 Imbaga na samay anghil na Katawan ed kinen Gad ya iganggan toy David ya onlan manggawa na altar a para Katawan diad panagilikan nen Arauna.
19 Inonur nen David so ganggan na Katawan; linma sirin onung na imbaga nen Gad ed sikato.
20 Diad saman a bekta, manaani na trigo si Arauna tan saray apatiran lalakin anak to. Nen anengneng da may anghil batik tan inmamut ira may anak to.
21 Kanengneng nen Arauna ya onsasabiy Ari David, tinaynan to may panagilikan tan dinmakmomo ya anggad dalin diad impangigalang to.
22 Inkuanen David ed sikato, Ilakom ed siak yay pasen a panagilikan mo, pian makapanggawa ak na altar a para Katawan, et ontonda lay salot. Iter kod sikay intiron bili to.
23 Alam labat, Kagalang kon Ari, kuanen Arauna, ta gawam so labay mo. Nia ray bakan isaklang a bagat a popoolan; nia ray tablan panagilikan a nayarin pamparlang, tan sa trigon isaklang a bagat. Iter ko ran amin ed sika.
24 Balet inmebat so ari, Andi, bayaran kod sikay intiron bili to. Ag ak mangibagat ed Katawan na antokaman a kayaryan mo ya ag ko binayaran.
25 Kanyan initdan toy Arauna na anem a lasus a kuartan balituk a bayar na samay pasen a panagilikan.
26 Insan nanggaway altar a para Katawan tan angisaklang na saray bagat a popoolan tan saray bagat a para kareenan. Nampikasi, et inebatan na Katawan diad panamegley na impangibaki toy apoy a nanlapud tawen ya amool ed saramay imbagat ed tapew na altar.
27 Ingganggan na Katawan imay anghil ya ikaluban to la may ispada to, et inmonur imay anghil.
28 Diad saya anengneng nen David ya inebatan na Katawan so pikakasi to, kanyan angisaklang na saray bagat ed tapew na altar diad panagilikan nen Arauna.
29 Diad sayan panaon wala nid altar ed Gabaon so Tuldan Ayamay Katawan a ginawa nen Moises diad kalawakan, tan say altar a nampopoolan ed saray bagat;
30 balet ag akakar diman si David a mangigalang ed Dios, lapud antakot ed samay ispada na anghil na Katawan.
1 "Kanyan inkuanen David, Dia so pangipaalageyan na Timplo na Katawan a Dios. Dia so kiwalaay altar a pangisaklangan na saray totood Israel na saray bagat a popoolan.
2 "Ingganggan nen Ari David a mantitipon iray amin a sangkaili a manaayam ed dalin na Israel, insan to ra impankimey. Saray arum nantabas iray bato ya ikanad pamaalagey na Timplo.
3 "Angiter si David na amayamay a balatyang a gawaen a pamasak tan panigpit na saray kaput da ray puirta; angiter met na gansa ya ag nasimbang lapud kinarakel.
4 "Amaolur met ed saray totood Tiro tan Sidon na amayamay a troson sidro.
5 "Ninunot nen David, Say Timplon ipaalagey na anak ton Solomon et nepeg a sankaabigan tan bantug ed intiron mundo. Balet malangwer ni tan aliwa nin dakel so asalsali tod panagbilay, kanyan nepeg kon iparaan iray ikana. Kanyan kasakbayan ya inatey si David imparaan to ni so amayamay ya ikanad pamaalagey na Timplo.
6 "Impaawit toy anak ton Solomon tan ingganggan ton mangipaalagey na Timplon para Katawan a Dios na Israel.
7 "Inkuanen David ed sikato, Anak ko, nilabay koy mamaalagey nen saman na Timplon pamagalang ed Katawan kon Dios.
8 "Balet imbagay Katawan ya amayamay a tuloy so pinatey kon totoo tan amayamay so akibakalan ko. Lapud sayan impamatey ko na amayamay a totoo, ag to abuloyan a siak so mamaalagey na timplon para sikato.
9 "Anggaman ontan walay insipan tod siak. Inkuanto, Nawalaan kay anak a laki a diad panoley to walay kareenan, lapud ag la sigensigenen na amin da ray kalaban tod kaliber-liber. Solomon so ingaran ed sikato, lapud legay panoley to itdan koy kareenan so Israel tan iyarawik ed kaatapan.
10 Ipaalageyan to ak na timplo. Magmaliw ya anak ko tan magmaliw ak ya ama to. Pansiansiaen ko ya anggad angga so nanarian to.
11 Intuloy ya inkuanen David, Natan, anak ko, mansiansia komun ed sika so Katawan a Dios mo, tan sumpalen to komun so sipan to a sikay mamaalagey na timplon para sikato.
12 Itdan ka komun na Katawan a Dios mo na maung a pakatalus tan kakabatan, pian naoleyan moy Israel onung ed Ganggan to.
13 Onaligwas ka no apigeren mon onuren iray amin a ganggan a para Israel ya inter na Katawan ed kinen Moises. Mampabiskeg ka tan pakpel moy linawam, tan ag mo aabuloyan a napatakot kay antokaman.
14 Diad impanggawak na anggaay nayarian ko, akatipon ak na ngalngalin apat a libon toniladan balituk tan ngalngalin apataplon libon toniladan pilak ya onkanan pamaalagey ed Timplo na Katawan. Likud nid saraya, masolusoluk iray ikanan gansa tan balatyang. Wala met iray akaparaan a kiew tan bato, balet aruman mo ni ra.
15 Dakel iray kumikimey mo. Wala ray lalakin managtabas na bato, kantiro, tan karpintero. Amayamay met iray marunong ed antokaman a kimey a nayarian day mampanday
16 na balituk, pilak, gansa, tan balatyang. Kanyan igapom la so kimey, tan mansiansia komun ed sika so Katawan.
17 Ingganggan nen David iray amin a pangulo ed Israel a tulongan day Solomon ya anak to.
18 Inkuanto, Walad sikayoy Katawan a Dios yo tan initdan to kayoy kareenan ed kaliber-liber yo. Impadakep tod siak iray amin a totoon nanaayam ed sayan dalin, tan wala la rad silong na pakaoley yo tan diad Katawan.
19 Nepeg natan a masimoon tan matoor so panlingkur yod Katawan a Dios yo. Igapo yon ipaalagey so Timplo a pamagalang ed Katawan, pian niiyan yod dalem to imay Kaban na Sipanan na Katawan tan saray arum a masanton kagawaan ya ikakanad pangigalang ed sikato.
1 "Nen masikesiken lay David ginawa ton ari na Israel si Solomon ya anak to.
2 "Impantitipon nen Ari David iray amin a pangulo da ray Israelita tan amin iray papari tan saray Levita.
3 "Impabilang ton amin iray Levitan lalaki a mantaoy talomplo a mampaatagey. Talomplo tan walon libo so bilang dan amin.
4 "Impasen na ari iray duamplo tan apat a libo a mangipangulo na kimey ed Timplo, tan say anem a libo et impasen to ran makaoley ed pansulat na awaran tan panintinsia ed antokaman a kolkolan.
5 "Impasen to ray apat a libo a mangguardia, tan say apat a libo et impasen to ran mangigalang ed Dios diad pangikana ray kagawaan ed musika ya inter ton para sayan pamaakaran.
6 "Si David impankatlo ton grupo iray Levita, onung ed saray boleg da: Gerson, Coat, tan Merari.
7 "Duaray lalakin anak nen Gerson: di Ladan tan Simei.
8 "Taloray lalakin anak nen Ladan: di Jehiel, Zetam, tan Joel,
9 "tan sikaray pangulo na saray boleg a say sengeg da si Ladan. (Taloray lalakin anak nen Simei: di Zelomot, Haziel, tan Haran.)
10 Apatiray lalakin anak nen Simei: manlapud sanka pangulowanan ya anggad sankayogtanan, sikara di Jahat, Zina, Jeus, tan Berias. Aliwan dakel iray kabyangay boleg di Jeus tan Berias, kanyan nipasen iran saksakey a boleg.
11
12 Apatiray lalakin anak nen Coat: di Amram, Izhar, Hebron, tan Uziel.
13 Si Amram so pangulowan tan sikatoy ama di Aaron tan Moises. (Si Aaron tan saray kabyangay boleg to et apili ran makaoley ya anggad angga ed saray masanton bengatla, mampool na insinso diad arapan na Katawan, manlingkur ed sikato, tan mamindision ed saray totoo diad ngaran na Katawan.
14 Balet nipasen a kabyangan na saray Levita iray lalakin anak nen Moises a too na Dios.)
15 Duaray lalakin anak nen Moises: di Gersom tan Eliezer.
16 Si Sebuel so pangulo na saray lalakin anak nen Gersom.
17 Saksakey so lakin anak nen Eliezer a si Rehabias. Balet amayamay so kabyangay boleg nen Rehabias.
18 Say kumadwan lakin anak nen Coat a si Izhar et walay anak ton laki a si Zelomit, say pangulo na boleg.
19 Say kumatlon lakin anak nen Coat a si Hebron et walay apatiran lalaki ya anak to: di Jerias, Amarias, Jahaziel, tan Jekameam.
20 Say kumapat a lakin anak nen Coat a si Uziel et walay duaran lalakin anak to: di Mica tan Isias.
21 Duaray lalakin anak nen Merari: di Mahli tan Musi. Duaray lalakin anak nen Mahli: sikara di Eleazar, tan Cis.
22 Inatey si Eleazar ya anggapoy anak ton laki; bibii labat iray anak to. Akiasawa ray anak to ed saray kakapinsan da, saray anak nen Cis.
23 Taloray lalakin anak nen Musi a kumadwan lakin anak nen Merari: di Mahli, Eder, tan Jeremot.
24 Sikara yay kabyangay boleg nen Levi. Sansakey a nipalistay kangaranan da onung ed saray boleg tan pamilyan nanlapwan da. Balang kabyangay boleg to a mantaon na duamplo a mampaatagey et walay biang tod kimey ed Timplo na Katawan.
25 Inkuanen David, Say Katawan a Dios na Israel initdan to na kareenan iray totoo to, tan sikato et manayam ya anggad angga ed Jerusalem.
26 Anggapo la natan sirin so pankaukolan ya alalsaen na saray Levita so Tuldan Ayamay Katawan tan amin da ray ikakana ed panangigalang.
27 Onung na saray kaonuran a bilin nen David, nipalistan manlingkur iray amin a Levitan makasabid taon a duamplo.
28 Saray kimey da et say itulong dad saray paparin kabyangay boleg nen Aaron diad panangigalang ed dalem na Timplo, say pangasikasod saray solar tan saray kuarto na Timplo, tan say pangimanon ag narotakan iray amin a bengatlan masanto.
29 Sikara met so makaoley ed saray tinapay ya imbagat ed Dios, diad arinan inkana ed saray panagbagat, diad saray maimpis a tinapay ya anggapoy libadura, diad saray bagat ya inggawan kanen, tan diad arinan inkames ed larak; sikara met so makaoley ed panagsimbang tan panagsukat na saray bagat ed Timplo.
30 Nepeg day onalagey a misalamat tan mangigalang ed Katawan kapag kabwasan tan kapag labi
31 tan kapag isaklang so bagat a popoolan no Agew na Panagpainawa, no Pistay Balon Bulan, tan no arum iran pista. Wala ray totontonen a mangibaga no pigaray Levitan manggawa ed sayan kimey da. Say pangigalang ed Katawan so kimey lawas na saray Levita.
32 Sikaray makaoley a mangasikasod Tuldan Ayamay Katawan tan say Timplo. Sikara met so ontulong ed saray kakanayon dan papari a kabyangay boleg nen Aaron, diad panangigalang ed dalem na Timplo.
1 "Sikara yay olup na totoon kabyangay boleg nen Aaron. Apatiray lalakin anak nen Aaron: di Nadab, Abiu, Eleazar, tan Itamar.
2 "Inatey ira di Nadab tan Abiu kasakbayan na impatey nen ama ra et anggapoy ataynan dan kabyangay boleg da, kanyan nagmaliw a papari ira di Eleazar tan Itamar ya agagi ra.
3 "Tinogyup nen Ari David iray kabyangay boleg nen Aaron onung na saramay kimey da. Diad impanogyup nen David tinulongan nen Sadoc a kabyangay boleg nen Eleazar, tan si Ahimelec a kabyangay boleg nen Itamar.
4 "Atogyup ed labinanem ya olup iray kabyangay boleg nen Eleazar tan waloran olup iray saray kabyangay boleg nen Itamar; onyay agawa lapud dakel ni ray lalakin pangulo na saray pamilyad kabyangay boleg nen Eleazar.
5 "Nipabetang iray kimey diad panamegley pampapalaranan, lapud wala ray opisyal na Timplo tan wala ra met so maispiritu pangulo ed saray kabyangay boleg nen Eleazar tan Itamar.
6 "Nansosoblayan a nampapalaranan iray kabyangay boleg nen Eleazar tan saray kabyangay boleg nen Itamar. Inlista ra nen Semaya, say sikritario na saray Levita tan sikatoy lakin anak nen Natanael. Saray tasi ed sayan impangilista et say ari, saray opisyal to, si Sadoc a pari, si Ahimelec a lakin anak nen Abiatar, saray pangulo na saray pamilya da ray papari tan saray pamilya da ray Levita.
7 "Saya so impantotombukan na saray duamplo tan apat ya olup na pamilya onung na pinawayay impanpapalaranan da: 1) Joyarib; 2) Jedayas; 3) Harim; 4) Seorim; 5) Malkias; 6) Mijamin; 7) Haccoz; 8) Abias; 9) Jesua; 10) Secanias; 11) Eliasib; 12) Jakim; 13) Hupa; 14) Jesebeab; 15) Bilga; 16) Imer; 17) Hezir; 18) Hapizez; 19) Petaya; 20) Jezekiel; 21) Jakin; 22) Gamul; 23) Delayas; 24) Maasias.
8
9
10
11
12
13
14
15
16
17
18
19 Nilista ra yan lalaki onung na saray kimey da ya onlad dalem na Timplo tan manggawa na saray kimey ya inletneg na laki ra a si Aaron diad impangonur tod saray ganggan na Katawan a Dios na Israel.
20 Sikara yay arum a pangulo na saray pamilyan kabyangay tribu nen Levi: Jehedias a kabyangay boleg nen Amram diad panamegley nen Subael;
21 Isias a kabyangay boleg nen Rehabias;
22 Jahat a kabyangay boleg nen Izhar diad panamegley nen Zelomit;
23 Jerias, Amarias, Jehaziel, tan Jecameam ya anak nen Hebron manlapud sankapangulowan ya anggad sankayogtanan;
24 Samir a kabyangay boleg nen Uziel diad panamegley nen Mica;
25 Zacarias a kabyangay boleg nen Uziel diad panamegley nen Isias ya agi nen Mica;
26 Mahli, Musi, tan Jaasias a kabyangan iray boleg nen Merari.
27 Taloray lalakin anak nen Jaasias: di Soham, Zacur, tan Ibri.
28 Duaray lalakin anak nen Mahli: di Eleazar tan Cis. Anggapoy lakin anak nen Eleazar, balet walay lakin anak nen Cis a si Jerameel.
29
30 Taloray lalakin anak nen Musi: di Mahli, Eder, tan Jeremot. Sikara yay pamilya na saray Levita.
31 Say pangulo na balang pamilya tan say sakey ed saray yogtan ton lalaki so akipalaranan diad impangamta rad saray kimey da a singa ginagawa met na saray kakanayon dan papari a kabyangay boleg nen Aaron. Saray tasi ed sayan impanpapalaranan da et di Ari David, Sadoc, Ahimelec, tan saray pangulo na saray pamilya da ray papari tan saray pamilya da ray Levita.
1 "Pinili nen David tan saray pangulo da ray Levita iray onggendan a boleg na Levita a mangipangulo ed pangigalang ed Dios: Asaf, Heman, tan Jedutun. Sikaray mangibawag na saray salitay Dios legan a totogtogen iray saltirio, saray arpa tan saray piangpiang. Saya so listaan da ray totoon apilin mangipangulo na pangigalang ed Dios tan saray kimen da:
2 "Saray lalakin anak nen Asaf a di: Zacur, Jose, Netanias, tan Asarela. Diad panangiwanwan nen Asaf imbawag da ray salita na Dios kapag iganggan ira na ari.
3 "Saray lalakin anak nen Jedutun a di: Gedalias, Zeri, Isayas, Simei, Hasabias, tan Matatias. Diad panangiwanwan nen ama ra, imbawag day salitay Dios legan a totogtogen iray arpa; nankakanta ray dayew tan pisasalamat ed Katawan.
4 "Saray lalakin anak nen Heman a di: Bukias, Matanias, Uziel, Sebuel, Jerimot, Hananias, Hanani, Eliata, Gidalti, Romamti-ezer, Josbekasa, Malloti, Hotir, tan Mahaziot.
5 "Initdan na Dios di Heman a propita na ari na sarayan labinapat ya anak a lalaki tan taloran bibii onung na insipan to, pian naitdan toy pakayari si Heman.
6 "Diad panangiwanwan nen ama ra nantotogtog ira na saray piangpiang tan saray arpa legan a gagawaen ed dalem na Timplo so panangigalang ed Dios. Di Asaf, Jedutun, tan Heman et wala rad silong na panangiganggan na ari.
7 "Amin da ra yan duamplo tan apat a lalaki et marunong ira; tan saray kapara ran Levita et abangatan irad musika. Duan lasus tan walomplo tan walo ran amin.
8 "Malangwer may matakken ira, marunong may kagapogapo ra lambengat ed sayan kimey, nampapalaranan iran amin, pian naamtaan da no antoy betang dan kimeyan.
9 "Sarayan duan lasus tan walomplo tan walo et naapag ira a duamplo tan apat ya olup onung na nanlapwan dan pamilya; balang olup labinduay kabyangay to tan walay pangulo to. Onyay impantotombukan dan nanlilingkur: 1) Jose a kabyangay pamilya nen Asaf; 2) Gedalias; 3) Zacur; 4) Izri; 5) Netanias; 6) Bukias; 7) Jesarela; 8) Jesaias; 9) Matanias; 10) Simei; 11) Azariel; 12) Hasabias; 13) Subael; 14) Matitias; 15) Jeremot; 16) Hananias; 17) Josbekasa; 18) Hanani; 19) Malloti; 20) Eliata; 21) Hotir; 22) Gidalti; 23) Mahaziot; 24) Romamti-ezer.
1 "Sikara yay kimey a nipabetang ed saray Levitan guardia ed Timplo. Manlapud boleg nen Core, walay Meselemias a lakin anak nen Core tan kabyangay pamilya nen Asaf.
2 "Pitoray lalakin anak nen Neselemias, manlapud sankapangulowanan ya anggad sankayogtanan: di Zacarias, Jediael, Zebadias, Jatniel,
3 "Elam, Johanan, tan Elioenai.
4 "Wala met si Obed-edom a binindisionan na Dios na waloran lalakin anak a di Semaya, Jozabad, Joah, Sacar, Nataniel,
5 "Amiel, Isacar, tan Peulletai.
6 "Say pangulowan ya anak nen Obed-edom a si Semaya et wala ray lalakin anak to a bibirbiren irad boleg da lapud mapalaloy pakapanyari ra.
7 "Say kangaranan da et Otni, Refael, Obed, Elizabad, Eliu, tan Samakias. Nidoma-domay karunongan di Eliu tan Samakias.
8 "Manlapud pamilya nen Obed-edom, wala ray anemaplo tan duan lalaki a manepeg ed sayan kimey.
9 "Manlapud pamilya nen Meselemias wala ray labinwalon lalaki a manepeg ed sayan kimey.
10 Manlapud pamilya nen Merari walay Hosa ya lalakin anak to a di Simri, (si ama to ginawa ton pangulo anggaman ya aliwan sikatoy pangulowan),
11 Hilcias, Tebalias, tan Zacarias. Manlapud pamilya nen Hosa labintalon amin so guardiay Timplo.
12 Naapag-apag ed nandoroman olup iray Timplo onung ed nanlapwan dan pamilya, tan naitdan ira na saray kimey ed Timplo a singa saray arum a Levita.
13 Balang sakey a pamilya, baleg may melag, akipalaranan ira diad pangamta rad puirtan guardiaan da.
14 Si Selemias apalaran to so puirtad bokig, tan si lakin anak to a si Zacarias a maung lawas so isisimbawa to et apalaran to so puirtad baybay.
15 Si Obed-edom apalaran to so puirtad abalaten tan saray lalakin anak to apalaran da a guardiaan iray panagsinupan a kuarto.
16 Di Supim tan Hosa apalaran da so puirtad sagur tan say puirtan tatawagey Salleket diad niatagey a dalan. Walay oras a nipabetang ed saray guardia tan nantotombukan so oras na panagguardia ra.
17 Diad puirtad bokig anemiray nangguardian inagew-agew; diad baybay, apatina, tan diad abalaten, apatira met. Inagew-agew apatiray nangguardiad saray panagsinupan a kuarto, duara ed kapag sakey a panagsipunan.
18 Diad asingger ed nisagur a paalagey diad gilig na dalan apatiray guardia, tan diad dilin paalagey duaray guardia.
19 Sikara yay nipabetang a pangguardiaan na saray kabyangay pamilya nen Core tan saray kabyangay pamilya nen Merari.
20 Saray arum a kapara ran Levita et makaoley irad pananginay kayamanan na Timplo tan saray kuarton panagsinupan na saray rigalon nisaklang ed Dios.
21 Si Ladan a kabyangay boleg nen Gerson et laki na pigaran olup na pamilya; sakey ed saraya so pamilya nen Jehiel ya anak to.
22 Saray duaran arum nin anak nen Ladan a di Zetam tan Joel et makaoley irad pananginay kayamanan na Timplo tan saray kuarton panagsinupan.
23 Nipabetang met iray kimey ed saray kabyangay boleg di Amram, Izhar, Hebron, tan Uziel.
24 Si Sebuel a kabyangay boleg nen Gersom a lakin anak nen Moises so manonan opisyal ed saray makaoley ed pananginay kayamanan na Timplo.
25 Mankanayon si Sebuel tan si Zelomit diad panamegley nen Eliezer a lakin agi nen Gersom. Si Eliezer so ama nen Rehabias ya ama nen Jesaias. Si Jesaias so ama nen Joram ya ama nen Zicri. Si Zicri so ama nen Zelomit.
26 Si Zelomit tan saray kabyangay pamilya to so makaoley ed amin da ray rigalon nisaklang ed Dios; saray angisaklang ed sarayan rigalo et di Ari David, saray pangulo da ray pamilya, saray pangulo da ray olup na boleg, tan saray opisyal da ray sondalo.
27 Nanaala ra na pigara ed saray asamsamsam dad bakal, insan da ra insaklang ya ikana ed dalem na Timplo.
28 Si Zelomit tan saray kabyangay pamilya to so makaoley ed saray amin a nisaklang ya ikana ed dalem na Timplo, pati saray rigalon inyaakar di propita Samuel, Ari Saul, Abner a lakin anak nen Ner, tan Joab a lakin anak nen Sarvia.
29 Nipabetang ed saray kabyangay boleg nen Izhar, a si Kenanias tan saray lalakin anak to, so kimey a pangikorit na saray awaran tan panariglo ed saray kolkolan da ray totood Israel.
30 Saray kimey a para Katawan tan saray kimey para gobirno diad sagur na Ilog na Jordan et nipabetang ed saray kabyangay boleg nen Hebron a si Hasabias tan saray sanlibo tan piton lasus a kakanayon ton matalonggaring.
31 Si Jerias so pangulo da ray kabyangay boleg nen Hebron. Nen kumaapataploy taon a panaari nen David agaway sakey ya impanoysoy ed saray mikanayon ed kinen Hebron, et arumog ed Jazer a sakop na dalin na Galaad iray pigaran matalonan sondalo a kabyangan na sayan boleg.
32 Amiliy Ari David na matalonan duan libo tan piton lasus a pangulo na saray pamilyan kakanayon nen Jerias, insan to ra impasen a makaoley ed kimey a para Dios tan saray kimey a para gobirno diad saray dalin na Ruben, Gad, tan kapalduay Manases.
1 "Sikatoya so listaan na saray Israelitan pangulo da ray pamilya tan saray pangulo da ray boleg, tan saray opisyal dan angikurang ed saray kimey na nanarian. Duamplo tan apat a libon lalaki so walad balang olup ya ipapangulo na sakey a kapitan. Kapag bulan ed sakey taon sananey ya olupan so nanlingkur.
2 "Saray onggendan et saray kapitan ed kapag bulan: Ononan bulan: Jasobeam a lakin anak nen Zabdiel (sikatoy kabyangan na boleg nen Fares a kabyangay tribu nen Juda). Kumadwan bulan: Dedai a kabyangay boleg nen Ahohi (si Miklot so onkumadwad sikato ed betang) Kumatlon bulan: Benaya a lakin anak nen Joiada a pari; sikatoy pangulo na Saray Talomplon (say anak ton laki a si Amizabad so sinmalat ed sikaton pangulo na sayan olupan) Kumapat a bulan: Asael a lakin agi nen Joab (say lakin anak to a si Zebadias so sinmalat ed sikato) Kumaliman bulan: Samhut a kabyangay boleg nen Izhar Kumanem a bulan: Ira a lakin anak nen Ikes a taga Tecoa Kumapiton bulan: Helez ya Efraimita a taga Pelon Kumawalon bulan: Sibecai a taga Husa (sikatoy kabyangay boleg nen Zera, tan kabyangay tribu nen Juda) Kumasyam a bulan: Abiezer a taga Anatot a sakop na dalin na tribu nen Benjamin Kumaplon bulan: Maharai a taga Netofa (sikatoy kabyangay boleg nen Zera) Kumalabinsakey a bulan: Benaya a taga Piraton a sakop na dalin na tribu nen Efraim Kumalabinduan bulan: Heldai a taga Netopa (sikatoy kabyangay boleg nen Otniel)
3 Sikato yay listaan na saray pangulo da ray tribu na Israel: Diad tribu nen Ruben si Eliezer a lakin anak nen Zicri Diad tribu nen Simeon si Sefatias a lakin anak nen Maaca Diad tribu nen Levi si Hasabias a lakin anak nen Kemuel Diad tribu nen Aaron si Sadoc Diad tribu nen Juda si Eliu, a sakey ed saray lalakin agagi nen Ari David Diad tribu nen Isacar si Omri a lakin anak nen Micael Diad tribu nen Zabulon si Ismaias a lakin anak nen Obadias Diad tribu nen Neftali si Jeremot a lakin anak nen Azriel Diad tribu nen Efraim si Oseas a lakin anak nen Azarias Diad tribu nen Kapalduay Manases si Joel a lakin anak nen Pedaya Diad tribu nen Kapalduay Manases si Iddo a lakin anak nen Zacarias Diad tribu nen Benjamin si Jaasiel a lakin anak nen Abner Diad tribu nen Dan si Azarel a lakin anak nen Jeroham.
4 Ag impabilang nen Ari David iray totoon onleksab ed duamplo so taon da, lapud samay sipan na Katawan a parakelen ton singa bitewen ed tawen iray totood Israel.
5 Inggapo nen Joab a lakin anak nen Sarvia so impanbilang ed saray totoo, balet ag to sinumpal. Dinusa na Dios so Israel lapud sayan impanbilang ed saray totoo, kanyan ag nikorit ed awaran nen Ari David iray kaonuran a bilang.
6 Sikato yay listaan na saray makaoley ed saray kayaryan na ari: Saray kuarton panagsinupan: Azmavet a lakin anak nen Abdiel Saray kuarton panagsinupan diad luyag, diad saray siudad, diad saray bario, tan diad saray tori: Jonatan a lakin anak nen Uzias Say panagkimey ed kaalogan: Ezri a lakin anak nen Kelub Saray kaubasan: Simei a taga Rama Saray panagsinupan na alak: si Zabdi a taga Sefam Saray kiew ya oliba tan sikamoro (diad nisagur ya alusadsar na saray pokdul): Baal-hanan a taga Geder Say panagsinupan na larak na oliba: Joas Saray baka ed patar na Saron: Sitrai a taga Saron Saray baka ed saray patar: Safat a lakin anak nen Adlai Saray kamilyo: Obil ya Ismaelita Saray asno: si Jedeias a taga Meronot Saray karniro tan saray kanding: si Jaziz a taga Agar.
7 Si Jonatan a pangamaen nen Ari David et maung a sumisimbawa tan makabat. Sikato tan si Jehiel a lakin anak nen Hacmoni so makaoley ed impanaral da ray lalakin anak na ari.
8 Si Ahitofel so sumisimbawa na ari, tan si Husai ya Arkita so malet a kaaro na ari.
9 Kapatey nen Ahitofel sinalatan di Abiatar tan Joiada a lakin anak nen Benaya. Si Joab so manonan pangulo da ray sondalo na ari.
1 "Ingganggan nen David a mantitipon ed Jerusalem iray amin ya opisyal na Israel. Kanyan nantitipon ed Jerusalem iray amin ya opisyal na saray tribu, saray opisyal a pangulo na saray kimey ed nanarian, saray pangulo na saray boleg, saray makaoley ed saray amin a kayaryan tan ayayep na ari tan saray lalakin anak to, pati saray opisyal na palasio, saray matalonan sondalo, tan saray lalakin gagalangen ed baley.
2 "Nanalagey ed arap da si Ari David tan nansalita ed sikara. Inkuanto, Dengel yo ak, sikayon agagik tan totook. Nampilalekan koy mangipaalagey na mansiansian panayaman na Kaban na Sipanan, say panangitapeway sali na Katawan tayon Dios. Imparaan ko ray nakaukolan ed pangipaalagey na sakey a timplo a pamagalang ed Dios,
3 "balet sinebelan to ak a mangipaalagey, lapud sakey ak a sondalo tan dakel so pinaagos kon dala.
4 "Say Katawan a Dios na Israel pinili to ak tan saray kabyangay boleg ko a manoley ya anggad angga ed Israel. Pinili toy tribu nen Juda a panlapwan na mangipangulo, tan diad tribu nen Juda pinili toy pamilya nen amak. Diad amin a kabyangan na sayan pamilya et nanliketan toy impamili tod siak, insan to ak ginawan ari ed intiron Israel.
5 "Initdan to ak na amayamay ya anak a laki tan diad sikara pinili toy Solomon a manoley ed intiron Israel, saray panarian na Katawan.
6 "Inkuan na Katawan ed siak, Si anak mon Solomon so mangipaalagey na Timplok ta pinilik a magmaliw ya anak ko tan siak so magmaliw ya ama to.
7 "Pansiansiaen kod anggad angga so nanarian to, no ituloy ton apiapigeren ya onuren iray ganggan tan saray bilin ko a singa gagawaen to la.
8 "Kanyan natan, totook ira, diad imaton na Dios tan sayan tipon na amin ya Israelita a totoo na Katawan, simbawaen ta kayo ya apiapiger yon onuren iray amin ya ingganggan ed sikatayo na Katawan a Dios tayo, pian mansiansian kayaryan yo yan mabonan dalin, tan nipatawir yod saray ontombuk a kailalakan ya anggad angga.
9 "Insan inkuantod kinen Solomon, Anak ko, nia so bilin kod sika: birbir moy Dios nen ama tan panlingkuran mod intiron pusom tan mabolbolus a linawa. Amta to ray amin a kanunotan tan saray pilalek tayo. No ondago kad sikato, awaten to ka; balet no ibeneg mo, ando lan andon ikaindan to ka.
10 Nepeg mon nunoten a say Katawan pinili to kan mangipaalagey na masanton Timplo to. Pabiskeg moy linawamipaalagey mo.
11 Inter nen David ed kinen Solomon iray plano na amin a paalagey na Timplo, saray panagsinupan a kuarto tan amin nin arum a kuarto, tan say Sankasantosan a Pasen a diay pakapirdonaan na kasalanan.
12 Inter to met ed sikato iray plano na nununoten ton pakagawa ed saray solar tan saray kuartod kaliber-liber da, tan saray kuarton panagsinupan na saray kagawaan ed Timplo tan saray rigalon nisaklang ed Katawan.
13 Inter met nen David et sikato iray plano na nipaakar ed pakaapag-apag na saray papari tan saray Levita diad panggawa saray kimey dad Timplo tan say pangasikaso rad saray amin ya ikakanad Timplo.
14 Imbaga to no kaunongay pilak tan balituk ya ikana ed panggawad saray ikakana ed Timplo,
15 say balang lamparaan tan say balang panangipatoonan na lamparaan,
16 saray pilak a lamisaan, tan balang balituk a lamisaan a pangitapewad saray tinapay ya ibagat ed Dios.
17 Imbaga to met no kaunongay puron balituk ya ikana ed panggawad saray tinidor, saray yaung, tan saray boyug; ontan met no kaunongay pilak tan balituk ed panggawad saray plato.
18 Imbaga to met no kaonungay puron balituk ya ikana diad panggawad altar a pampoolay insinso, tan say panggawad karwahi a para saray kirubin ya akabuskag iray payak da tan asakbungan day Kaban na Sipanan na Katawan.
19 Inkuanen Ari David, Amin da ra ya et wala rad plano a nisulat onung ed saray bilin na dilin Katawan a gawaen ko.
20 Inkuanen Ari David ed anak ton Solomon, Pabiskeg moy linawam tan ag ka natatakot. Igapom so kimey tan ag mo aabuloyan so antokaman a manebel ed sika, ta walad sika so Katawan a Dios a panlilingkuran ko. Ag to ka ikaindan; mansiansiad sika ya anggad pakasumpal moy kimey ed Timplo to.
21 Nipabetang lad saray papari tan saray Levita iray amin a kimey a gawaen dad dalem na Timplo. Mampilalek ya ontulong ed sika iray totoon marunong ed antokaman a kimey. Nayarian mon iganggan iray amin a totoo tan saray pangulo ra.
1 "Inkuanen David ed amin da ray totoon nantitipon, Si Solomon ya anak ko so pinili na Dios, balet malangwer ni tan daiset niy asalsali tod panagbilay. Baleg a tuloy so kimey a gawaen, ta aliwa yan palasio na saray totoo, no ag ingen sakey a Timplon para Katawan a Dios.
2 "Ginawak so anggaay nayarian kon angiparaan na saray nakaukolan ed pamaalagey ed Timplo na Dios ko: balituk pilak, gansa, balatyang, tabla, saray nandoroman mabmablin bato tan alahas, saray baton nandoromay kolor, tan saray marmol.
3 "Aliwan saraya labat so imparaan ko; angiter ak ni na saray dilin pilak tan balituk ko lapud panamablik ed Timplo na Dios ko.
4 "Angiter ak na sanlasus tan labinliman tonilada a sankapuroan a balituk tan duan lasus tan anemaplo tan liman tonilada a puron pilak a pamarakep ed saray padir na Timplo,
5 "tan para amin a bengatlan gawaen na saray platiro. Siopa natan ed sikayo so mabolus so linawa ton mangiter na panangaro tod Katawan?
6 "Insan saray pangulo da ray boleg, saray opisyal da ray tribu, saray kapitan da ray sondalo, tan saray makaoley ed saray kayaryan na ari et mabolus so linawa ran angiter
7 "na panangaro rad Katawan ya onkanan pamaalagey ed Timplo. Angiter ira na sanlasus tan siamaplon tonilada a balituk, talon lasus tan walomplon tonilada a pilak, anem a lasus tan pitomplo tan liman tonilada a gansa, tan talon libo, pitomplon lasus tan limamplon tonilada a balatyang.
8 "Saray walaan na mabmablin bato inyaakar da ra ed panagsinupan na kayamanan na Timplo ya aasikasoen nen Jehiel a Levita a kabyangan na boleg nen Gerson.
9 "Mabolbolus ya angiiter ed Katawan iray totoo, tan maliket ira lapud dakerakel so niiter da. Malikeliket met si Ari David.
10 Diman ed arap na saray atiptipon a totoo indayew nen David so Katawan. Inkuanto, Katawan a Dios na laki min Jacob, nadayew ka komun ed ando lan ando!
11 Kayaryan mo, Katawan, so talonggaring, pakapanyari, pananalo, kagalangan, tan tanduro. Kayaryan moy amin a bengatlad tawen tan diad dalin. Sika so ari tan sankatageyan a manoley ed ganagana.
12 Amin a kayamanan tan kagalangan manlalapud sika; diad panamegley na biskeg tan pakayarim ooleyan moy amin a bengatla. Nayarian mon pagmaliwen a matalonggaring tan mabiskeg so siopaman.
13 Pisalamatan mi ka natan, O Dios mi, tan idayew mi so mapagalang a ngaran mo.
14 Diad tuay tua balet, saray totook tan siak et ag kami makapangiter ed sika na antokaman, lapud manlalapud sika iray amin a bengatla. Impawil mid sika labat iray bengatlan kayaryan mo.
15 Amtam, O Katawan, a diad pambibilay mi sikamiy akar-akar a sangkaili tan totoon nibantak ed arum a bansa, a singa impanbilay na saray lalaki mi. Singa labat ondadalan ya anino iray agew mid tapew na dalin, tan ag mi napaliisan so patey.
16 O Katawan a Dios mi, impantitipon min iter ira yan amin a kayamanan a pamaalagey na sakey a Timplo a pamagalang na masanton ngaran mo; balet nanlapu ra yan amin ed sika tan kayaryan mo ran amin.
17 Amtak a susuboken moy puso na balang too tan maliket kad kaptekan. Diad katooran tan diad kaptekan mabolbolos kon inter ira yan amin ed sika. Anengneng ko a sarayan totoom a nantitipon dia natan et maliket tan mabolus so linawa ran angiter ed sika.
18 O Katawan a Dios na saray lalaki min Abraham, Isaac, tan Jacob, pansiansiam pa a mamposapos ya ando lan ando ed kapusoan na sarayan totoom, ira yan getma tan kanunotan da. Pansiansiam pa met a matoor ira lawas ed sika.
19 Itdan mo pay anak kon Solomon na impapuson pilalek a mangonur na amin a ganggan tan bilin mo, pian nipaalagey to so Timplo a saray onkana et imparaan ko la.
20 Insan ingganggan nen David ya amin iray totoo, Igalang yoy Katawan a Dios yo! Kanyan inggalang na amin da ra may totoon nantitipon so Katawan a Dios na saray lalaki ra. Tinmewek ira diad impangigalang dad Katawan tan diad impangidayew dad ari.
21 Diad ontombuk ya agew amatey ira na saray ayayep ya imbagat da tan insaklang dad Katawan, insan da inter a kanen na saray totoo. Angisaklang met ira na saray bagat a popoolan: sanlibon bakan kalakyan, sanlibon karniron kalakyan, tan sanlibon kordiro. Angisaklang met ni ra na saray bagat ya alak.
22 Kanyan diad saman ya agew malikeliket ira legan dan nanaakan tan naniinom diad arap na Katawan. Imbawag dan manari si Solomon; kumadwa la yan impangibawag da. Diad ngaran na Katawan nilanaan da a manoley ed sikara tan nilanaan da met a mampari si Sadoc.
23 Kanyan si Solomon sinalatan ton manari si ama ton David, tan inmirung ed tronon inletneg na Katawan. Maaligwas so impanari to, tan inmonur ed sikato ray amin ya Israelita.
24 Saray amin ya opisyal tan saray amin a sondalo, tan saray amin a lalakin anak nen David et nansipan iran matoor ed kinen ari Solomon.
25 Say Katawan initdan toy Solomon na baleg a tanduro ed arap na amin da ray Israelita. Impagmaliw to a matalonggaring ya ari nen say siopaman ya akaona nen say sikato a nanoley ed Israel.
26 Si David a lakin anak nen Jesse et nanoley
27 na apataploy taon. Nanoley ed Hebron na pitoy taon tan diad Jerusalem talomplo tan taloy taon.
28 Masiken la nen inatey. Andokey so bilay to, mayaman tan napnoy kagalangan. Sinmalat ed sikaton nanari si Solomon a lakin anak to.
29 Say awaran na impanbilay nen Ari David, manlapud gapo ya anggad samput, et nikorit ed saray awaran di propita Samuel, Natan, tan Gad.
30 Nikorit so impanoley to, say ontan lan pakayari to, tan saray amin ya agawad sikato, saray agawad Israel, tan saray agawad kaliber-liber iran nanarian.