1
Bagia anake sane nenten ngidepang pitutur jadmane dursila, sane nenten nulad laksanan jadmane madosa, wiadin sruron ring jadmane sane tan paguna ring ayun Ida Sang Hyang Widi Wasa,2
nanging ipun molih kaliangan sajeroning nglaksanayang pidabdab Ida Sang Hyang Widi Wasa, saha ipun mlajahin pidabdabe punika rahina wengi.
3
Anake punika waluya sakadi taru sane mentik ring sisin tukade sane mawoh ngamasa, sane daun-daunnyane nenten layu. Ipun labda karya ring saluiring laksananipune.
4
Nanging jadmane sane dursila nenten kadi asapunika. Ipun tan bina sakadi gumpang sane kampehang antuk angin.5
Jadmane madosa jaga kasisipang antuk Ida Sang Hyang Widi Wasa, tur ipun pacang kanehang saking kaula druen Idane.
6
Jadmane sane patut tansah katantan miwah kasayubin antuk Ida Sang Hyang Widi Wasa, nanging pamargin jadmane dursila ngungsi ka pati loka.
1
Punapi awinanipun bangsa-bangsane punika ngrincikang pembrontakan? Punapi awinannya rakyate pada ngardi komplotan sane tan paguna?2
Pararatunnyane pada brontak, parapamrentahnyane pada makanti sraya nglawan Ida Sang Hyang Widi Wasa miwah nglawan sang prabu seselikan Idane.
3
Sapuniki baosipune: “Jalanja bebasang deweke uli reh-rehannyane. Jalanja tungkasin prentahne!”
4
Ida Sang Hyang Widi Wasa ica saking singasanan Idane sane ring suargan, tur ngewerin rerincikanipune sane nambet punika.5
Sasampune punika Ida nglemekin ipun antuk piduka tur nengkejutang ipun antuk bebendun Idane.
6
Ida ngandika sapuniki: “Di Sion, di gunung Ulune ane suci, Ulun suba ngamanggehang sang prabu druen Ulune.”
7
Ida sang prabu ngandika sapuniki: “Gelahe lakar nuturang paundukan ane suba kawarah-warahang baan Ida Sang Hyang Widi Wasa. Ida ngandika teken gelahe kene: ‘Kita ene putran Ulun, didinane jani Ulun dadi ajin kitane.8
Tunasja pedas Ulun lakar maicayang teken kita bangsa-bangsane makejang. Gumine makejang dadi gelah kitane.
9
Kita lakar ngenyagang bangsa-bangsane ento aji gada besi. Kita lakar ngenyagang ia buka payuk tanahe.’ ”
10
Ih sawatek pararatu, jani padingehangja picekete ene! Ih parapamrentah di gumine, incepangja paplajahane ene.11
Astiti baktija teken Ida Sang Hyang Widi Wasa aji keneh ane jejeh ngetor.
12
Jejeh tur nungkulja teken Ida. Yen tusing keto pidukan Idane lakar enggal matangi, tur jerone lakar mati tan pasangkan. Bagia anake ane ngulati pasayuban sig Idane.
1
Duh Ratu Sang Hyang Widi Wasa. Titiang akeh pisan maderbe meseh. Kalintang akeh jadmane sane nglawan titiang.2
Ipun pada maosang titiang kadi asapuniki: “Ida Sang Hyang Widi Wasa tusing lakar mapaica pitulungan teken ia.”
3
Nanging Palungguh IRatu, duh Ratu Sang Hyang Widi Wasa, setata dados tamiang titiange sajeroning baya. Palungguh IRatu mapaica kamenangan ring titiang, tur Palungguh IRatu ngawinang titiang malih wanen.4
Titiang masesambatan nunas tulung ring Ida Sang Hyang Widi Wasa, tur Ida nagingin pinunas titiange saking bukit Idane sane suci.
5
Titiang mabahan raris pules, tur Ida Sang Hyang Widi Wasa nyayubin awengi mepek.6
Titiang nenten ajerih ring meseh sane panyiuan akehipun, sane ngiter titiang saking sabilang samping.
7
Duh Ratu Sang Hyang Widi Wasa, Widin titiang, ledang Palungguh IRatu rauh ngrahayuang titiang! Palungguh IRatu nyisipang meseh-meseh titiange makasami, tur manggayang ipun tan padaya buat mlegendahang titiang.8
Kamenangane punika, saking Ida Sang Hyang Widi Wasa rauhnya. Dumadak Ida ngamertanin kaulan Idane.
1
Duh Ratu Sang Hyang Widi Wasa, sane dados patindih titiange, saurinja titiang rikala titiang ngastawa. Rikala titiang katempuh antuk kamewehan, Palungguh IRatu mapaica pitulungan ring titiang. Sane mangkin suecaninja titiang tur pirengangja pangastawan titiange.2
Ih jero, buin makapidan makelonne jerone nganistayang tiang? Buin amunapa makelonne jerone leket teken paundukan ane tan paguna, muah ninutin paundukan ane palsu?3
Ingetangja mungguing Ida Sang Hyang Widi Wasa suba nyelik anake patut makadadi druen Idane, tur Ida mirengang pinunas tiange, dikalane tiang nunas ica teken Ida.4
Pada jejeh ngetorja jerone tur suudja ngae dosa. Melahangja minehin paundukane ene, dikalan jerone masare di pasarean jerone.5
Aturangja aturan ane patut di ayun Ida Sang Hyang Widi Wasa, tur suksrahja jerone teken Ida.
6
Akeh anake sane ngastawa asapuniki: “Duh Ratu Sang Hyang Widi Wasa, icenja titiang merta langkungan ring puniki. Cingak tur suecaninja titiang!”7
Nanging kaliangan sane sampun paicayang Palungguh IRatu ring titiang, punika langkungan ring sane naenin puponin ipun rikala ipun mupu gandum miwah anggur.
8
Rikala titiang masare, titiang pules saha sutrepti. Duh Ratu Sang Hyang Widi Wasa, wantah Palungguh IRatu sane ngrahayuang titiang saha sampurna.1
Duh Ratu Sang Hyang Widi Wasa, pirengja atur titiange, tur pirengangja sesambatan titiange.2
Duh Ratu, Widi miwah ratun titiange, pirengja pinunas ican titiange, buat nunas pitulungan.
3
Palungguh IRatu mireng atur titiange rikalaning semeng. Rikala endag suryane titiang ngunggahang pangastawan titiange, tur titiang nyantosang pawuwus Palungguh IRatu.
4
Palungguh IRatu boyaja Widi sane seneng ring laksana sane tan patut. Palungguh IRatu nenten nglugrain wenten kadursilan ring ayun Palungguh IRatu.5
Palungguh IRatu nenten ledang ring paliat jadmane sane sumbung. Palungguh IRatu bendu ring sakancan jadmane sane jaat.
6
Palungguh IRatu nyirnayang sakancan jadmane sane bobab, tur mrastayang jadmane sane angkara miwah pekel.
7
Nanging malantaran sih pasuecan Palungguh IRatu sane kalintang ageng, titiang kalugra ngranjing ring Perhyangan Palungguh IRatune. Titiang kalugra mabakti ring Perhyangan Agung Palungguh IRatu sane suci, tur saking subakti sumungkem ring ayun Palungguh IRatu.8
Duh Ratu Sang Hyang Widi Wasa, akeh pisan titiang maderbe meseh. Tuntunja titiang nglaksanayang pakarsan Palungguh IRatu. Dadosangja mangda gantar antuk titiang nuut margin Palungguh IRatune.
9
Baos meseh titiange nenten wenten sane nyandang gega. Ipun wantah mamanah ngrusak kewanten. Baosipune wiakti lengut tur manis, nanging bek madaging pangindrajala sane ngawinang padem.10
Duh Ratu Sang Hyang Widi Wasa, sisipangja ipun. Dumadak rerincikanipune punika ngawinang ipun uug. Entungangja ipun saking ayun Palungguh IRatu, riantuk dosanipune pamantuka ring ayun Palungguh IRatu.
11
Nanging sakancan jadmane sane muponin rahayu ring ayun Palungguh IRatu, sami jaga liang. Ipun setata pacang makidung riantuk liangipune. Sayubinja jadmane sane astiti bakti ring ayun Palungguh IRatu. Santukan malantaran Palungguh IRatu ipun pada molih bagia.12
Duh Ratu Sang Hyang Widi Wasa, Palungguh IRatu ngamertanin jadmane sane satinut ring Palungguh IRatu. Sih pasuecan Palungguh IRatu nyayubin ipun waluya sakadi tamenge.
1
Duh Ratu Sang Hyang Widi Wasa, sampunangja Palungguh IRatu duka tur nukain titiang. Sampunangja Palungguh IRatu nyisipang titiang sajeroning pidukan Palungguh IRatu.2
Duh Ratu Sang Hyang Widi Wasa, titiang kalintang leleh, welasinja titiang. Icenja titiang kakuatan, bayun titiange sampun telas pisan,
3
tur sikian titiange sampun kalintang meweh. Duh Ratu Sang Hyang Widi Wasa malih makapidanke suenipun Palungguh IRatu ngandeg pitulungan Palungguh IRatune ring titiang?
4
Duh Ratu Sang Hyang Widi Wasa, ledang Palungguh IRatu rauh ngrahayuang titiang. Luputangja titiang saking sang pati malantaran sih pasuecan Palungguh IRatune.
5
Ring pati loka nenten wenten anak sane eling ring Palungguh IRatu, samaliha tan wenten anak sane mrasidayang muji Palungguh IRatu irika.
6
Titiang kalintang leleh malantaran kaduhkitan. Nyabran wengi pedeman titiange beseg antuk ling titiange, tur galeng titiange belus antuk yeh mata.7
Titiang nenten mrasidayang ngeton, matan titiange beseh ulihan ngeling, ulihan meseh-meseh titiange.
8
Ih Jadma ane dursila, johangja iban jerone uli sig tiange. Ida Sang Hyang Widi Wasa mireng ling tiange.9
Ida mirengang sesambatan tiange buat nunas pitulungan, tur Ida jaga nagingin pangastawan tiange.
10
Meseh-meseh titiange jaga ngrasayang kimud tan sipi ulihan ipun kaon. Ipun bingung tan pasangkan, mawinan ipun raris ajerih kapilayu.
1
Duh Ratu Sang Hyang Widi Wasa, Widin titiange, titiang tangkil ring ayun Palungguh IRatu buat nunas pasayuban. Luputang tur rahayuangja titiang saking sakancan jadmane sane nguber titiang.2
Yen nenten kadi asapunika, ipun waluya sakadi singane malaibang titiang, tur nenten wenten anak sane ngluputang titiang. Irika ipun jaga mokeng-mokeng titiang.
3
[3-4] Duh Ratu Sang Hyang Widi Wasa, Widin titiange, yening titiang sampun malaksana iwang ring anak lianan, tur yening titiang sampun nilas sawitran titiange, wiadin titiang sampun madalem anake sane tan pakrana ngiwangang titiang, yening titiang sampun nglaksanayang sinalih tunggal paindikane puniki,4
5
banggayangja meseh-meseh titiange nguber tur ngejuk titiang, banggayang titiang tan mangkihan ring tanahe.
6
Duh Ratu Sang Hyang Widi Wasa, durusang margiang pidukan Palungguh IRatu! Rarisang mapas brangtin meseh titiange. Matangi tur icenja titiang pitulungan. Palungguh IRatu ngarsayang kadilan.7
Duaning punika punduhangja bangsa-bangsane sami ring ayun Palungguh IRatu, tur titahja ipun makasami saking luur.
8
Palungguh IRatu maraga hakim pabuat bangsa-bangsane makasami. Duh Ratu Sang Hyang Widi Wasa, tepasin tur iloninja titiang. Palungguh IRatu wikan mungguing titiang nenten iwang.
9
Palungguh IRatu maraga Widi sane adil, tur sane nepasin pepineh miwah pakitan titiange. Puputangja kajaatan jadmane dursila, tur pikolihinja jadmane sane becik.
10
Ida Sang Hyang Widi Wasa dados pasayuban titiange. Ida ngrahayuang anake sane astiti bakti ring Ida.11
Ida Sang Hyang Widi Wasa maraga hakim sane adil tur setata nyisipang jadmane sane jaat.
12
Yening ipun nenten nyak ngesehin solahipune, Ida Sang Hyang Widi Wasa jaga nyangih pedang Idane. Ida mentang panah Idane, tur sedia jaga katiwakang.
13
Ida ngambil sanjatan Idane sane ngawinang padem, tur matitisang panah Idane sane ngendih murub.
14
Indayangja cingakin, kadi asapunapi jadmane dursila ngrincikang kajaatan. Ipun ngrincikang kamewehan tur nglaksanayang panglingga caya,15
nanging ipun newek sane keni jeet sane pasang ipun pabuat anak tios.
16
Kadi asapunika ipun kukum antuk kajaatanipune niri, tur kasengkalen antuk kaangkara murkanipune newek.
17
Titiang matur panyuksma ring Ida Sang Hyang Widi Wasa, malantaran kadilan Idane. Titiang makidung muji Ida Sang Hyang Widi Wasa, Sane Maha Luur.1
Duh Ratu Sang Hyang Widi Wasa, Widin titiange. Kagungan Palungguh IRatu kanten ring jagate makasami. Pujian buat Palungguh IRatu kantos rauh ka langite.2
Pujian punika kakidungang antuk alit-alit miwah rare-rarene. Palungguh IRatu rahajeng tur luput saking sakancan meseh-meseh IRatune. Palungguh IRatu muputang sakancan jadmane sane nglawan Palungguh IRatu.
3
Yen titiang nulengek ka akasane sane sampun kardi Palungguh IRatu miwah nlektekang bulan miwah bintang-bintang sane sampun genahang Palungguh IRatu ring genahnyane suang-suang,4
sapasirake manusa punika, kantos Palungguh IRatu makayunin ipun? Boyake ipun wantah manusa pada sane patiningin Palungguh IRatu?
5
Yadiastu Palungguh IRatu ngardi ipun soran akidik ring kawentenan Palungguh IRatu, Palungguh IRatu mayasin ipun antuk kaluihan miwah kamulian.6
Palungguh IRatu ngamanggehang ipun buat ngereh sawatek sane sampun kardi Palungguh IRatu. Saluiring sane kardi Palungguh IRatu punika sampun augang Palungguh IRatu ring reh-rehan ipune, minakadinipun:
7
Biri-biri miwah banteng, kadi asapunika taler satone sane galak-galak,
8
sarwa paksi miwah mina, makamiwah sakancan sane urip ring segarane.
9
Duh Ratu Sang Hyang Widi Wasa, Widin titiange, kagungan Palungguh IRatune kanten ring jagate makasami.1
Duh Ratu Sang Hyang Widi Wasa, titiang jaga muji Palungguh IRatu antuk saguluking manah titiange. Titiang jaga nyritayang sakancan paindikan sane luih-luih sane sampun kardi Palungguh IRatu.2
Duaning sih pasuecan Palungguh IRatu, titiang jaga makidung saha suka rena. Titiang jaga makidung muji Palungguh IRatu, duh Widi Sane Maha Wisesa.
3
Wau Palungguh IRatu kanten, meseh-meseh titiange sampun pada ajerih tur kapilayu. Ipun pada bah tur padem.4
Palungguh IRatu adil miwah jujur sajeroning tetepasan Palungguh IRatune, tur Palungguh IRatu sampun ngilonin titiang.
5
Palungguh IRatu sampun nyisipang jadmane sane tan pawidi, tur nyirnayang jadmane dursila. Ipun jaga nenten kelingang malih.6
Meseh-meseh titiange sirna buat salami-laminipun. Palungguh IRatu sampun nyirnayang kota-kotanipune, tur ipun sampun nenten kelingang buat salami-laminipun.
7
Nanging Ida Sang Hyang Widi Wasa madeg ratu ngantos salami-laminipun. Ida sampun ngadegang singasanan Idane buat mapaica tetepasan.8
Ida mrentah jagate antuk kadilan. Ida nepasin bangsa-bangsane saha adil.
9
Ida Sang Hyang Widi Wasa dados pasayuban pabuat jadmane sane kala-ala, tur dados genah sutrepti rikalaning katempuh antuk kamewehan.10
Duh Ratu Sang Hyang Widi Wasa, jadmane sane uning ring Palungguh IRatu, ipun jaga pracaya ring Palungguh IRatu. Palungguh IRatu nentenja jaga ngutang sawatek anake sane rauh tangkil ring ayun Palungguh IRatu.
11
Makidung tur pujija Ida Sang Hyang Widi Wasa, sane mrentah ring Sion. Critayangja ring sawatek bangsane sakancan paindikan sane sampun kardi Ida.12
Ida Sang Hyang Widi Wasa eling ring paraanake sane nandang sangsara. Ida nenten lali ring sesambatanipune, tur Ida nyisipang anake sane ngiwangang ipun.
13
Duh Ratu Sang Hyang Widi Wasa, suecaninja titiang. Cingakja sangsaran titiange sane kakardi antuk meseh-meseh titiange. Duh Ratu Sang Hyang Widi Wasa, luputangja titiang saking pati,14
mangda titiang mrasidayang majujuk ring arepan rakyat Yerusaleme, tur nyritayang ring ipun sakancan paindikan sane ngawinang titiang muji Palungguh IRatu. Titiang jaga masuka rena, santukan Palungguh IRatu sampun ngrahayuang titiang.
15
Jadmane sane tan pawidi sampun nyongcong bangbang tur ipun ulung ka bangbange punika. Ipun kajeet antuk jeetipune niri.
16
Ida Sang Hyang Widi Wasa sampun nyinahang ragan Idane malantaran tetepasan Idane sane adil, tur jadmane dursila sampun kajeet antuk laksananipune niri.
17
Patine punika makadados pikolih sakancan jadmane dursila miwah buat sakancan jadmane sane nulak Ida Sang Hyang Widi Wasa.18
Jadmane sane kakirangan nentenja jaga setata kalemenahang. Pangajap-ajap jadmane sane tiwas nenten jaga kapuceh salami-laminipun.
19
Duh Ratu Sang Hyang Widi Wasa, ledang Palungguh IRatu rauh. Sampunangja banggayanga jadmane nglawan Palungguh IRatu. Baktaja jadmane sane tan pawidi ka ajeng Palungguh IRatu, tur tibakangja tetepasan ring ipun.20
Duh Ratu Sang Hyang Widi Wasa, dadosangja mangda ipun ajerih, dadosangja mangda ipun uning, mungguing ipun wantah manusa pada.
1
Duh Ratu Sang Hyang Widi Wasa, punapike awinannya Palungguh IRatu kalintang doh? Punapike awinannya Palungguh IRatu nyingidang raga, rikalaning titiang katempuh antuk kamewehan?2
Jadmane dursila punika kalintang sumbung tur ngala-ala anake tiwas-tiwas. Jukja ipun antuk jeet sane sampun kardi ipun punika.
3
Jadmane dursila punika nyumbungang pepinehipune sane jaat. Jadmane sane momo nemah tur nulak Ida Sang Hyang Widi Wasa.4
Jadmane dursila nenten lingu ring Ida Sang Hyang Widi Wasa, sajeroning kasumbunganipune, ipun ngaden mungguing Ida Sang Hyang Widi Wasa nenten wenten.
5
Jadmane dursila sida karya ring saluiring paindikan. Ipun nenten mrasidayang ngresep ring tetepasan Ida Sang Hyang Widi Wasa. Ipun nganistayang meseh-mesehipune.6
Ipun mabaos ring padewekanipune sapuniki: “Idewek tusing lakar taen pocol. Idewek lakar tusing taen kena kakewehan.”
7
Baosipune ngemu temah, bobab miwah pangala-ala. Ipun lancang ngucapang baos sane brangti miwah jaat.
8
Ipun mengkeb ring desa-desa, buat nyadang tur ngamademang jadmane sane tan padosa. Ipun ngintip anake sane tan padaya.9
Ipun nyadang ring pengkebanipune waluya sakadi singane. Ipun nyadang jadmane sane tiwas. Ipun ngejuk anake tiwas-tiwas punika antuk jeet, raris paid ipun.
10
Anake sane tan padaya punika bah tur kacakcak. Ipun kakaonang antuk kawirosan jadmane sane nyapa kadi aku.11
Jadmane dursila mabaos ring manahipune sapuniki: “Ida Sang Hyang Widi Wasa tusing lingu. Ida suba sirep tur tusing lakar nyingak idewek.”
12
Duh Ratu Sang Hyang Widi Wasa, sisipangja jadmane dursila punika. Elingangja jadmane sane nandang sangsara.13
Napi awinannya jadmane dursila nganistayang Ida Sang Hyang Widi Wasa, tur mabaos sapuniki: “Ida lakar tusing nyisipang idewek.”
14
Nanging Palungguh IRatu ngaksi. Palungguh IRatu uning ring kamewehan miwah kasangsaran, tur setata sedia mapaica pitulungan. Jadmane sane tan padaya ngaturang sikiannyane ring ayun Palungguh IRatu. Palungguh IRatu sampun setata mapaica pitulungan ring anake sane kakirangan.15
Sirnayangja kakuatan jadmane sane dursila miwah jaat punika, sisipangja ipun malantaran kiwangan sane sampun laksanayang ipun ngantos ipun nenten malih nglaksanayang paindikan sane kadi sapunika.16
Ida Sang Hyang Widi Wasa jumeneng Ratu salami-laminipun. Anake sane nyungsung Widi lianan jaga sirna saking tanahipune.17
Duh Ratu Sang Hyang Widi Wasa, Palungguh IRatu jaga mirengang pangastawan jadmane sane nista. Palungguh IRatu jaga mapaica kaprawiran ring ipun.18
Palungguh IRatu jaga mirengang sesambatan jadmane sane kala-ala miwah anake ubuh-ubuh. Palungguh IRatu jaga nepasin tur ngilonin ipun sajeroning kabecikanipune, mangda manusane nenten malih ngaduk-aduk.
1
Titiang pracaya ring Ida Sang Hyang Widi Wasa mangda titiang rahayu. Ambate nambet ragane sane mabaos ring tiang sapuniki: “Kemaja makeber ka gunung-gununge buka kedise.2
Sawireh jlemane dursila suba mentang tur matitisang panah, buat lakar manah anake ane patut di tongose ane peteng dedet.
3
Anake ane patut tusing lakar nyidayang ngudiang-ngudiang, yen saluiring paundukane suba nyag ajur.”
4
Ida Sang Hyang Widi Wasa malingga ring Perhyangan Idane sane suci. Singasanan Idane wenten ring suargan. Ida macingak ring jadmane sami yadian ring dijaja genahipune, tur Ida wikan ring sakancan laksananipune.5
Ida mintonin jadmane sane patut miwah sane corah. Ida bendu pisan ring jadmane sane tungkas ring pidabdab.
6
Ida nedunang baa ngendih miwah werirang sane ngendih murub ring anake corah. Ida nyisipang ipun antuk angin sane panes baeng.7
Ida Sang Hyang Widi Wasa maraga adil tur asih sueca ring laksanane sane patut. Anake sane malaksana patut jaga muponin urip ring ayun Idane.
1
Duh Ratu Sang Hyang Widi Wasa, icenja titiang pitulungan. Nenten wenten kantun jadma sane patut, tur nenten wenten malih kakeniang jadma sane jujur.2
Ipun sareng sami sampun pada saling bobabin sareng timpalnyane. Ipun pada saling apus sareng timpalnyane antuk baos nyunyur manis.
3
Duh Ratu Sang Hyang Widi Wasa, bungkemangja bungut anake sane demen nglelunyuh punika! Ngepangja bungut anake sane sumbung, sane mabaos kadi asapuniki:4
“Aji raos iraga nyidayang maan apaja ane kenehang iraga. Iraga lakar ngorahang apaja ane dotang iraga, tur tusing ada anak ane nombahang iraga.”
5
Ida Sang Hyang Widi Wasa masabda kadi asapuniki: “Nanging ane jani Ulun lakar tumurun sawireh anake ane tiwas pada kala-ala muah anake kasangsaran pada masesambatan. Ulun maicayang karahayuan ane edotanga teken ia.”
6
Janjin Ida Sang Hyang Widi Wasa patut pisan andelang. Janjine punika waluya sakadi perak sane murni sane kasepuh kantos ping pitu ring prapene.7
[7-8] Ring dija-dija kewanten wenten jadma corah, tur ipun pada muji paindikan sane jaat. Duh Ratu Sang Hyang Widi Wasa, raksaja titiang mangda titiang setata rahajeng, tur sayubinja titiang saking jadmane sane kadi asapunika.1
Duh Ratu Sang Hyang Widi Wasa, malih makapidanke suenipun Palungguh IRatu pacang lali ring titiang? Punapike salami-laminipun? Malih makapidanke suenipun Palungguh IRatu pacang nyingidang ragan Palungguh IRatu ring titiang?2
Malih makapidanke suenipun titiang patut nandang kamewehan? Malih makapidanke suenipun manah titiange kaliput antuk kaduhkitan siang latri? Malih makapidanke suenipun meseh-meseh titiange pacang unggul ring titiang?
3
Duh Ratu Sang Hyang Widi Wasa, Widin titiange, cingakja titiang, tur daginginja pinunas titiange. Waliangja malih kakuatan titiange. Sampunangja titiang banggayanga padem.4
Sampunangja lugraina meseh-meseh titiange mabaos mungguing ipun sampun ngaonang titiang. Sampunangja icena ipun marasa bingar ngeton kasinangkaonan titiange.
5
Titiang andel pisan ring suecan Palungguh IRatu sane tan papegatan. Titiang jaga bungah ring manah santukan Palungguh IRatu pacang ngrahayuang titiang.6
Duh Ratu Sang Hyang Widi Wasa, titiang jaga ngaturang kidung ring ayun Palungguh IRatu, santukan Palungguh IRatu sampun kalintang sueca ring titiang.
1
Jadmane sane nambet pada mabaos kadi asapuniki: “Tusingja ada Widi!” Ipun makasami jadma dursila, ipun sampun nglaksanayang paindikan-paindikan sane kalintang kaon.2
Ida Sang Hyang Widi Wasa nyingak sakancan manusane saking suargan. Ida mapakayunan ngaksi punapike wenten jadma sane wicaksana, sane astiti bakti ring Ida.3
Nanging ipun sareng sami sampun malaksana iwang, ipun makasami pada mambek jaat. Ring pantaranipune nenten wenten sane malaksana patut, yadian angan adiriko nenten wenten.
4
Ida Sang Hyang Widi Wasa mataken kadi asapuniki: “Tusingke ia pada nawang? Apake sakancan jlemane ane corah tusing ngelah pepineh? Ia pada muponin idup ulihan ngrampok kaulan Ulune, buina ia tusing ngastawa teken Ulun.”5
Nanging benjangan ipun jaga rumasa resres, santukan Ida Sang Hyang Widi Wasa ngiangin jadmane sane astiti bakti ring Ida.6
Jadmane dursila ngusakang jadmane sane alap asor, nanging Ida Sang Hyang Widi Wasa dados pasayubannyane.
7
Titiang ngajap-ajap dumadak kamenangan wong Israele punika pacang rauh saking Sion. Ambate jaga liangipun bangsa Israele, rikala Ida Sang Hyang Widi Wasa ngawinang ipun pada muponin gemuh landuh malih.1
Duh Ratu Sang Hyang Widi Wasa, sapasirake sane kalugra ngranjing ka Perhyangan Palungguh IRatune? Sapasirake sane kalugra mabakti ring Sion, ring gunung Palungguh IRatu sane suci punika?2
Inggih punika jadmane sane tansah sairing ring Ida Sang Hyang Widi Wasa ring saluiring paindikan miwah setata nglaksanayang paindikan sane patut, tur baosnyane setata patut miwah nekeng ati.3
Ipun nenten misunayang anak, tur nenten malaksana iwang ring sawitrannyane, samaliha nenten ngadu-ada ngeniang indik pisaga-pisaganipune.
4
Ipun nganistayang jadmane sane katulak antuk Ida Sang Hyang Widi Wasa, nanging muji anake sane astiti bakti ring Ida Sang Hyang Widi Wasa. Ipun setata tuon ring janjinipune, yadian malantaran punika ipun ngemasin pocol.
5
Ipun maselangang jinah tur nenten mamerih putran jinahe punika, samaliha nenten nyak nrima tetombokan buat ngamesehin anake sane tan padosa.
1
Duh Ratu Sang Hyang Widi Wasa, sayubinja titiang. Wantah Palungguh IRatu sane andelang titiang buat ngrahayuang titiang.2
Titiang matur ring Ida Sang Hyang Widi Wasa sapuniki: “Palungguh IRatu Widin titiange. Saluiring paindikan sane becik sane derbeang titiang, punika makasami paican Palungguh IRatu.”
3
Ambate beciknya kaulan Ida Sang Hyang Widi Wasa sane satia tuu. Mugi-mugi ipun muponin kaliangan sane kalintang ageng.4
Jadmane sane gegison ngulati widi-widi sane lianan, ipun ngrauhang pakewuh pabuat dewekipune niri. Titiang nenten jaga sareng-sareng masidikara ngajak ipun. Titiang nenten nyungsung widinipune.5
Duh Ratu Sang Hyang Widi Wasa, wantah Palungguh IRatu dados kawitan titiange, tur Palungguh IRatu mapaica ring titiang sakancan sane buatang titiang. Urip titiange ring benjang pungkur wenten ring tangan Palungguh IRatu.6
Ambate luih paican Palungguh IRatu ring titiang. Ambate becik paican Palungguh IRatune punika.
7
Titiang muji Ida Sang Hyang Widi Wasa, santukan Ida nuntun titiang, tur rikalaning wengi, tungtung atin titiange matinget titiang.8
Titiang tansah rumasa mungguing Ida Sang Hyang Widi Wasa tan lad ngiangin titiang. Ida setata nampek, tur nenten wenten paindikan sane ngawinang titiang tengkejut.
9
Duaning punika manah titiange kalintang suksma tur liang, tur titiang rumasa kalintang sutrepti rahayu.10
Santukan Palungguh IRatu nyayubin titiang saking kakuasan sang patine, samaliha jadmane sane suecanin Palungguh IRatu, nenten jaga kutang Palungguh IRatu ring pati lokane.
11
Palungguh IRatu matujuhin titiang margi sane ngungsi urip. Ring ajeng Palungguh IRatu titiang kabekin antuk kaliangan, tur ngawinang liang salami-laminipun.1
Duh Ratu Sang Hyang Widi Wasa, pirengangja pinunas titiange buat nunas kadilan. Rengayangja pinunas ican titiange buat nunas pitulungan. Pirengangja pangastawan titiange sane saking nulusing ati.2
Palungguh IRatu jaga mapaica tetepasan tur nyuecanin titiang, santukan Palungguh IRatu wikan ring paindikan sane patut.
3
Palungguh IRatu wikan ring manah titiange. Palungguh IRatu sampun ngrauhin titiang rikala wengi. Palungguh IRatu sampun mintonin sikian titiange. Tur Palungguh IRatu nenten manggihin pepineh sane corah ring sikian titiange.4
Titiang nenten maosang paindikan-paindikan sane corah, sakadi sane kalaksanayang antuk jadmane tiosan. Titiang sampun ninutin sapatitah Palungguh IRatu miwah nenten ninutin pamargin jadmane sane ngambekang kawirosan.
5
Titiang setata sampun mamargi ring margin Palungguh IRatune miwah nenten simpang saking margine punika.
6
Duh Ratu Sang Hyang Widi Wasa, titiang ngastawa ring ayun Palungguh IRatu santukan Palungguh IRatu ledang nyaurin titiang. Duaning punika cingakja titiang tur pirengangja atur titiange.7
Sinahangja sih pasuecan Palungguh IRatune sane luih punika ring titiang, tur rahayuangja titiang. Ring sisin Palungguh IRatune titiang rumasa aman saking meseh-meseh titiange.
8
Sayubinja titiang, sakadi Palungguh IRatu nyayubin pangaksian Palungguh IRatune. Engkebangja titiang ring sor kampid Palungguh IRatune,9
saking gegebug jadmane sane dursila. Meseh-meseh sane amati-mati ngiter titiang.
10
Ipun pada nenten rumasa kangen, tur baosipune kalintang sumbung.
11
Sane mangkin ipun sampun pada ngiter titiang, yadian kijaja titiang matolihan. Ipun ngrereh sela jaga nuludang titiang mangda labuh.
12
Ipun pada nyadang titiang tan bina sakadi singane sane mamanah jaga mokeng-mokeng titiang.
13
Duh Ratu Sang Hyang Widi Wasa, gelisangja Palungguh IRatu rauh. Lawanja meseh-meseh titiange tur kaonangja ipun. Rahayuangja titiang saking jadmane dursila, antuk pedang Palungguh IRatune.14
Luputangja titiang saking jadmane sane pada muponin sapakitanipun ring masane mangkin. Sisipangja ipun antuk kasangsaran sane sampun cawisang Palungguh IRatu pabuat ipun. Dumadakja indike punika jangkep pabuat pianak-pianakipune miwah sisannyane pabuat cucu-cucunipune.
15
Nanging titiang jaga kapanggih ring Palungguh IRatu, santukan titiang sampun nenten malaksana iwang, tur rikala titiang enten, teja wedanan Palungguh IRatu ngebekin titiang antuk kaliangan.1
Duh Ratu Sang Hyang Widi Wasa, ambate astiti baktin titiange ring Palungguh IRatu. Palungguh IRatu makadados patindih titiange.2
Ida Sang Hyang Widi Wasa dados pasayuban titiange. Ida dados benteng titiange sane kukuh bakuh. Widin titiange dados pasayuban titiange, tur ngiring Ida titiang raharja. Ida nyayubin titiang waluya sakadi tameng. Ida nindihin titiang tur ngrahayuang titiang.3
Titiang nunas ica ring Ida tur Ida ngluputang titiang saking meseh-meseh titiange. Pujija Ida Sang Hyang Widi Wasa!
4
Wisian patine sampun ngiter titiang. Ombak kali sengarane nglikub titiang.5
Wisian patine sampun ngiter titiang, tur setrane sampun masang jeet pabuat titiang.
6
Sajeroning kamewehan titiange, titiang nunas ica ring Ida Sang Hyang Widi Wasa. Titiang nunas tulung ring Ida Sang Hyang Widi Wasa. Saking Perhyangan Idane Ida mireng atur titiange. Ida mirengang atur titiange buat nunas pitulungan.
7
Pretiwine ngetor tur magejeran. Dasar gununge pada genjong magejeran, santukan Ida Sang Hyang Widi Wasa duka.8
Anduse malepuk medal saking irung Idane, geni ngendih murub miwah baa angarab-arab medal saking cangkem Idane.
9
Ida nyibak langite tumuli Ida tumurun kadulurin antuk mega sane peteng dedet ring sor cokor Idane.
10
Ida makeber ngindang nglinggihin malaekat. Ida nglelana ring ambarane, anglayang ring duur kampid angine.
11
Ida ngaput ragan Idane antuk peteng dedet. Guleme sane tebel sane bek ngemu toya ngliput Ida.
12
Sabeh es miwah kelepan genine medal saking kilape sane ring ajeng Idane, tur nyibak guleme sane peteng dedet.
13
Irika Ida Sang Hyang Widi Wasa makuug saking langite, tur sabdan Ida Sane Maha Luur raris kapiragi.14
Ida niwakang panah idane tur ngawinang meseh-meseh Idane pada sambeh. Ida ngulah meseh-meseh Idane antuk kelepan kilape.
15
Dasar segarane makebat tur dasar jagate mabukak rikala Palungguh IRatu nukain meseh-meseh druene, miwah ngelur ring ipun sajeroning pidukan Palungguh IRatune.
16
Ida Sang Hyang Widi Wasa nyujuh saking luur, tur ngambil saha ningtingang titiang saking toyane sane dalem.17
Ida ngluputang titiang saking meseh titiange sane mawisesa miwah saking sakancan jadmane sane geting ring titiang. Meseh titiange kalintang kuat yan bandingang ring titiang.
18
Rikala titiang sajeroning kamewehan, ipun pada ngebug titiang, nanging Ida Sang Hyang Widi Wasa nyayubin titiang.
19
Ida nulungin titiang medal saking bayane, Ida ngrahayuang titiang santukan Ida sih sueca ring titiang.
20
Ida Sang Hyang Widi Wasa mikolihin titiang, santukan titiang nglaksanayang paindikan sane patut. Ida ngamertanin titiang, santukan titiang tan paiwang.21
Titiang sampun ninutin pidabdab Ida Sang Hyang Widi Wasa. Titiang sampun nenten nilas Widin titiange.
22
Titiang sampun nelebang sakancan pidabdab Idane. Titiang sampun satinut ring sapatitah Idane.
23
Ida wikan mungguing titiang tan paiwang, tur titiang sampun ngedohang dewek titiange saking laksanane sane iwang.
24
Ida mikolihin titiang santukan titiang nglaksanayang paindikan sane patut, tur Ida wikan, mungguing titiang tan paiwang.
25
Duh Ratu Sang Hyang Widi Wasa, Palungguh IRatu satia tuu ring jadmane sane astiti bakti ring Palungguh IRatu, samaliha asung lugraha ring jadmane sane tan paceda.26
Palungguh IRatu suci marep ring jadmane sane suci, nanging mameseh ring jadmane sane dursila.
27
Palungguh IRatu ngrahayuang jadmane sane alap asor, nanging Palungguh IRatu ngasorang jadmane sane sumbung.
28
Duh Ratu Sang Hyang Widi Wasa, Palungguh IRatu mapaica galang ring titiang. Palungguh IRatu ngicalang kapetengan titiange.29
Palungguh IRatu mapaica kakuatan ring titiang buat ngebug meseh-meseh titiange miwah kawisesan buat ngaonang bentengipune.
30
Ambate sampurna pakardin Ida Sang Hyang Widi Wasa! Ambate tuon sabdan Idane! Ida punika waluya sakadi tameng pabuat sakancan anake sane ngulati pasayuban ring Ida.31
Ida Sang Hyang Widi Wasa maraga Widi. Ida kewanten sane dados benteng iragane.
32
Ida punika Widi sane ngawinang titiang kuat. Ida sane ngawinang pamargin titiange rahayu.
33
Ida ngawinang buntut titiange gancang waluya sakadi kidang, tur Ida ngrahayuang titiang ring gunung-gununge.
34
Ida ngurukang titiang mayuda, mangda titiang mrasidayang migunayang panah sane pinih kuat.
35
Duh Ratu Sang Hyang Widi Wasa, sayubin tur rahayuangja titiang. Pamiaran Palungguh IRatune ngawinang titiang dados ageng, tur kawisesan Palungguh IRatune sampun ngrahayuang titiang.36
Palungguh IRatu sampun ngluputang titiang saking tawanan, samaliha titiang nenten naenin labuh.
37
Titiang nguber meseh-meseh titiange tumuli ngejuk ipun, tur titiang nenten mararian sadurung ipun sirnayang titiang.
38
Titiang nglempag ipun kantos bah, tur ipun nenten mrasidayang bangun malih. Ipun bah kaon ring arepan titiange.
39
Palungguh IRatu mapaica kakuatan ring titiang buat mayuda, tur mapaica kamenangan nglawan meseh-meseh titiange.
40
Palungguh IRatu ngawinang meseh-meseh titiange jerih kapilayu saking arepan titiange. Titiang nyirnayang jadmane sane geting ring titiang.
41
Ipun pada jerit-jerit katulung-tulung, nanging nenten wenten anak sane nulungin ipun. Ipun pada nunas ica ring Ida Sang Hyang Widi Wasa, nanging Ida nenten masaur.
42
Titiang nekdekang ipun kantos ipun sakadi abu, sane kampehang antuk angin. Titiang nyekjek ipun waluya sakadi endute ring margine.
43
Palungguh IRatu ngrahayuang titiang saking jadmane sane dura cara, tur nadosang titiang pamrentah bangsa-bangsa. Jadma sane nenten uningin titiang, sane mangkin dados panjak titiange.44
Wong sunantarane pada sumuyud ring arepan titiange. Rikalaning ipun miragi baos titiange, ipun raris satinut.
45
Kawanenanipune ical, tur ipun pada rauh saking benteng-bentengipune sinambi jejeh ngetor.
46
Ida Sang Hyang Widi Wasa punika nyeneng, pujija patindih titiange. Jarwakangja kagungan Ida Sang Hyang Widi Wasa sane ngrahayuang titiang.47
Ida mapaica kamenangan ring titiang marep ring meseh-meseh titiange. Ida nyerahang bangsa-bangsane ring reh-rehan titiange,
48
tur ngluputang titiang saking meseh-meseh titiange.
49
Punika awinannya titiang muji Palungguh IRatu ring pantaran bangsa-bangsane. Titiang makidung muji Palungguh IRatu.
50
Ida Sang Hyang Widi Wasa mapaica kamenangan ageng ring ida sang prabu druen Idane. Ida nyinahang sih pasuecan Idane sane tan rered-rered ring anake sane sampun selik Ida, ring Ida Sang Prabu Daud miwah katurunan idane kantos salami-laminipun.1
Ambate galang langite nyinahang kaluihan Ida Sang Hyang Widi Wasa! Ambate terangnya ipun nyinahang pakardin Idane.2
Nyabran rahina, rahinane nyritayang indike punika ring rahina sane sapanglanturipun. Nyabran wengi indike punika kawawanin nyritayang ring wengi sane pacang rauh.
3
Nenten wenten baos wiadin kruna sane kagunayang, tur nenten wenten suara sane kapiragi.
4
Nanging suarannyane sumebar ka sakuub jagate, tur kapiragi kantos rauh ring tanggun gumine. Ida Sang Hyang Widi Wasa makarya genah pabuat sang surya ring langite.
5
Ipun endag pasemengan waluya sakadi panganten sane bagia, wiadin sakadi olahragawan sane bintak jaga malomba.
6
Suryane mamargi ngawit saking tanggun langite sane asiki, tumuli nglintang ngungsi tanggunnyane sane lianan. Nenten wenten sane kasaruan saking panesipune.
7
Pidabdab Ida Sang Hyang Widi Wasa punika sampurna. Pidabdabe punika maicayang kakuatan sane anyar. Titah-titah Ida Sang Hyang Widi Wasa punika patut pisan kagega. Titahe punika maicayang kawicaksanaan ring jadmane sane nambet.
8
Pidabdab Ida Sang Hyang Widi Wasa punika patut, tur anake sane satinut ring pidabdabe punika muponin bagia. Titah Ida Sang Hyang Widi Wasa punika adil, tur Ida maicayang pangresepan ring pepineh manusane.
9
Mabakti ring Ida Sang Hyang Widi Wasa punika becik. Indike punika jaga nglantur kantos salami-laminipun. Tetepasan Ida Sang Hyang Widi Wasa punika adil, tur tetepasane punika setata jujur.
10
Indike punika bangetan kadotang bandingang ring mas sane pinih becik. Indike punika manisan ring madune sane murni.
11
Pidabdab-pidabdabe ngawinang titiang kaula druene molih pangresepan. Titiang molih pikolih malantaran titiang satinut ring pidabdabe punika. Duh Ratu Sang Hyang Widi Wasa, dohangja titiang saking kiwangan-kiwangan sane tan kanten.
12
Nenten wenten anak sane mrasidayang manggihin kiwanganipune newek.13
Kadi asapunika taler rahayuangja titiang saking dosa-dosa sane nyelapang. Sampunangja icena dosane punika ngereh titiang, mangda titiang prasida sampurna tur bebas saking kajaatan dosane.
14
Dumadak baos miwah pepineh titiange mantuk ring pakayunan Palungguh IRatu. Duh Ratu Sang Hyang Widi Wasa, pasayuban miwah juru panebus titiange.1
Dumadak Ida Sang Hyang Widi Wasa nyaurin semeton, rikalaning semeton katempuh antuk kamewehan. Dumadak Widin Yakube nyayubin semeton.2
Dumadak Ida mapaica pitulungan ring semeton saking Perhyangan Agung Idane, tur mapaica pitulungan ring semeton saking Gunung Sion.
3
Dumadak Ida ledang nrima sakancan banten semetone, tur ledang ring kayun marep ring sakancan aturan semetone.
4
Dumadak Ida mapaica ring semeton, napija sane dotang semeton tur ngawinang sakancan rencanan semetone sida karya.
5
Sasampune punika iraga jaga masuryak-suryak masuka rena riantuk kamenangan semetone, tur ngluihang kamenangan semetone malantaran muji Widin iragane. Dumadak Ida Sang Hyang Widi Wasa nagingin sakancan pinunas semetone.
6
Sane mangkin titiang uning mungguing Ida Sang Hyang Widi Wasa mapaica kamenangan ring ida sang prabu seselikan Idane. Ida nyaurin ida sang prabu saking suargan Idane sane suci, tur malantaran kawisesan Idane, Ida mapaica kamenangan sane ageng ring ida sang prabu.7
Wenten anak sane andel ring kreta perangnyane miwah sane lianan andel ring kuda-kudanipune, nanging iraga andel ring kawisesan Ida Sang Hyang Widi Wasa, Widin iragane.
8
Jadmane sane kadi asapunika jaga katanjung tur labuh, nanging iraga jaga bangun tur majujuk saha kukuh bakuh.
9
Duh Ratu Sang Hyang Widi Wasa, icenja ida sang prabu kamenangan, tur saurinja titiang rikalaning titiang mapinunas ring Palungguh IRatu.1
Duh Ratu Sang Hyang Widi Wasa, sang prabu rumasa gargita ring kayun, santukan Palungguh IRatu sampun mapaica kakuatan ring ida. Ida kalintang masuka rena, santukan Palungguh IRatu ngawinang ida molih ring rana.2
Palungguh IRatu sampun maicayang ring ida paindikan sane apti ida, Palungguh IRatu sampun nagingin pinunas idane.
3
Palungguh IRatu ngrauhin ida, saha kadulurin antuk merta sane ageng ring ida, saha nyalukin prabun idane gelungan mas.4
Ida nunas yusa panjang, tur Palungguh IRatu nagingin pinunas idane saha mapaica urip langgeng ring ida.
5
Kaluihan idane kalintang ageng malantaran pitulungan Palungguh IRatu. Palungguh IRatu sampun mapaica kabinawan miwah kagungan ring ida.6
Mertan Palungguh IRatune tan mari rauh ring ida ngantos salami-laminipun miwah teja wedanan Palungguh IRatu ngebekin ida antuk kaliangan.
7
Ida sang prabu wantah andel ring Ida Sang Hyang Widi Wasa Sane Maha Wisesa samaliha malantaran sih suecan Ida Sang Hyang Widi Wasa sane nenten rered-rered ida jaga setata muponin sutrepti.
8
Ida sang prabu jaga nawan meseh-meseh idane sami. Ida jaga nawan asing-asing anak sane geting ring ida.
9
Rikala ida medal, ida jaga nyirnayang meseh-meseh idane, waluya sakadi geni sane ngendih murub.
10
Katurunannyane tan wenten sane jaga kantun urip. Ida sang prabu jaga ngamademang ipun makasami.
11
Ipun pada makarya rencana, tur mapiguman jaga nglawan ida, nanging ipun nenten jaga sida karya.12
Ida jaga nibakang panah idane ring ipun tur ngawinang ipun jerih kapilayu.
13
Duh Ratu Sang Hyang Widi Wasa, titiang muji Palungguh IRatu malantaran kawisesan Palungguh IRatu sane kalintang ageng! Titiang jaga makidung tur muji kawisesan Palungguh IRatu.1
Duh Ratu Widin titiange, punapike awinanipun Palungguh IRatu nilar titiang? Titiang sampun jerit-jerit masesambatan nunas pitulungan, nanging pitulungane punika taler nenten naenin rauh.2
Duh Ratu Widin titiang, rikalaning rahina titiang nunas ica ring Palungguh IRatu, nanging Palungguh IRatu nenten masaur. Rikala wengi titiang nunas ica, nanging taler nenten rumasa degdeg ring manah.
3
Nanging wantah Palungguh IRatu sane maraga Sane Maha Suci, sane kapuji antuk wong Israele.
4
Leluur titiange pada andel pisan ring Palungguh IRatu. Ipun pada pracaya ring Palungguh IRatu, tur Palungguh IRatu ngrahayuang ipun.
5
Ipun pada nunas ica ring Palungguh IRatu, tur ipun nenten pocol.
6
Nanging titiang puniki sampun boya manusa. Titiang sakadi asu sane katemberang miwah kanistayang antuk anake sami.7
Sakancan jadmane sane manggihin titiang sami pada minjulin titiang. Ipun pada nyelepang layah tur pada kitak-kituk.
8
Sapuniki baosipune: “Jerone suksrah ring Ida Sang Hyang Widi Wasa, napi awinannya Ida nenten ngrahayuang jerone? Yening Ida Sang Hyang Widi Wasa ledang ring jerone, napi awinannya Ida nenten nulungin jerone?”
9
Palungguh IRatu sane sampun ngawinang titiang lekad saha rahayu, tur rikala titiang kantun rare, Palungguh IRatu sane matiningin titiang saha rahayu.10
Titiang sampun suksrah ring Palungguh IRatu ngawit saking titiang wau lekad, tur wantah Palungguh IRatu sane setata dados Widin titiange.
11
Sampunangja Palungguh IRatu doh malinggih saking titiang! Kamewehan punika sampun nampek, tur nenten wenten anak sane nulungin titiang.
12
Akeh pisan meseh-mesehe sane ngiter titiang, waluya sakadi banteng jagiran. Ipun sami pada ngilehin titiang, waluya sakadi banteng-banteng jagiran sane galak sane saking jagat Basan.13
Ipun pada nyebakang bungutipune waluya sakadi singane, tur gerem-gerem jaga nyarap titiang.
14
Kakuatan titiange sampun ical, sirna sakadi toyane tingkeb ring tanahe. Tulang-tulang titiange sami pada aas. Atin titiange nyag waluya sakadi liline sane maleleh.15
Kekolongan titiange tuh sakadi abune, tur layah titiange madeket ring langit-langit bungut titiange. Palungguh IRatu manggayang titiang padem ring buke.
16
Grombolan jadmane corah pada ngiter titiang, waluya sakadi grombolan asune, ipun pada maranin titiang tur mesbes lima batis titiange.17
Sakancan tulang titiange sami pada ngenah, meseh-meseh titiange sami pada nganengneng tur mabalih titiang.
18
Ipun pada ngundi panganggen titiange, tur ngadum pangangge punika ring pantaranipune.
19
Duh Ratu Sang Hyang Widi Wasa, sampunangja doh malinggih saking titiang. Gelisangja rauh ngluputang titiang!20
Luputangja titiang saking pedange. Luputangja urip titiange saking asu-asune punika.
21
Luputangja titiang saking singa-singane punika. Titiang nenten maderbe pitulungan ring arepan banteng-banteng jagirane punika.
22
Titiang jaga nuturang sakancan pakardin Palungguh IRatu ring rakyat titiange. Titiang jaga muji Palungguh IRatu ring pasangkepanipune, kadi asapuniki:23
“Pujija Ida, ih parakaulan Ida Sang Hyang Widi Wasa! Pujija Ida, ih parakaturunan Yakube! Baktininja Ida, ih parabangsa Israele!
24
Ida nenten nglemenahang anake tiwas-tiwas, tur Ida nglinguang kasangsaranipune. Ida nentenja ngedohang raga saking ipun, nanging Ida jaga masaur rikalaning ipun nunas pitulungan.”
25
Ring pasangkepan sane ageng, titiang jaga muji Palungguh IRatu, malantaran sakancan pakardin Palungguh IRatune. Tur titiang jaga naur sesangin titiange ring arepan jadmane sane mabakti ring Palungguh IRatu.26
Jadmane tiwas-tiwas jaga mangan nginum sakita karepipune. Jadmane sane nangkil ring Ida Sang Hyang Widi Wasa jaga muji Ida. Dumadak mangda ipun wibuh salami-laminipun!
27
Sakancan bangsane jaga eling ring Ida Sang Hyang Widi Wasa. Saking sakancan tanggun gumine ipun jaga pada rauh tangkil ring Ida. Sakancan suku bangsane jaga mabakti ring Ida.28
Ida Sang Hyang Widi Wasa punika jumeneng nata, tur Ida mrentah bangsa-bangsane.
29
Sakancan jadmane sumbung sami jaga sumuyud ring Ida. Sakancan sane mangkihan sami jaga sumuyud ring ajeng Idane.30
Katurunan jadmane sane jaga rauh, sami jaga ngancanin Ida. Jadmane jaga maosang indik Ida Sang Hyang Widi Wasa ring katurunan jadmane sane jaga rauh.
31
Rakyate sane durung lekad korahin kadi asapuniki: “Ida Sang Hyang Widi Wasa ngrahayuang kaulan Idane.”
1
Ida Sang Hyang Widi Wasa dados pangangon titiange. Titiang nenten jaga naenin kakirangan.2
Ida ngicen titiang mararian ring tegale sane padangne lumlum miwah nuntun titiang ngungsi ka kalebutan toyane sane tis tur ening.
3
Ida mapaica kakuatan anyar ring titiang. Ida nuntun titiang ring margine sane patut, sakadi sane sampun janjiang Ida.
4
Duh Ratu Sang Hyang Widi Wasa, yadiastu titiang mamargi nglintangin genah sane peteng dedet, titiang nenten pacang ajerih, santukan Palungguh IRatu ngiangin titiang. Teteken miwah gegaman Palungguh IRatu nyayubin titiang.
5
Palungguh IRatu nyawisang pangan kinum pabuat titiang, ring genah sane prasida kakantenang antuk meseh-meseh titiange sami. Palungguh IRatu nyapa titiang waluya sakadi tamiu sane agung, tur ngebekin gelas titiange ngantos maliah.6
Titiang uning, mungguing kabecikan miwah sih pasuecan Palungguh IRatu jaga ngiangin titiang sapanjang urip titiange, tur wisman Palungguh IRatune jaga dados padunungan titiange sakantun titiange urip.
1
Buana miwah sadagingipun makasami punika druen Ida Sang Hyang Widi Wasa. Mrecapada miwah saananing sane urip irika taler druen Idane.2
Ida ngardi buana punika ring duur toyane sane ring sor pretiwine, tur dasarnyane kapasang ring sawang samudrane.
3
Sapasirake sane wenang mamargi ngungsi Gunung Ida Sang Hyang Widi Wasa? Sapasirake sane kalugra ngranjing ring Perhyangan Agung Idane sane suci?4
Wantah jadmane sane suci laksana miwah pepinehipune, sane nenten nyumbah arca-arca, wiadin nenten lompang ring pasubaya.
5
Ida Sang Hyang Widi Wasa jaga ngamertanin ipun tur ngrahayuang ipun. Ida Sang Hyang Widi Wasa jaga nyinahang mungguing ipun tan paiwang.
6
Kadi asapunika indik jadmane sane rauh tangkil ring Ida Sang Hyang Widi Wasa, sane tangkil ring ajeng Widin Dane Yakube.
7
Linggahangja ngampakang gapurane, ampakangja lawang-lawange sane purwaka santukan Ida Sang Prabu Sane Linuih jaga ngranjing.8
Sapasirake Sang Prabu Sane Linuih punika? Ida punika Sang Hyang Widi Wasa, sane kuat tur wisesa, Sang Hyang Widi sane jaya ring rana.
9
Linggahangja ngampakang gapurane, ampakangja lawang-lawange sane purwaka santukan Ida Sang Prabu Sane Linuih jaga ngranjing.10
Sapasirake Sang Prabu Sane Linuih punika? Ida punika Sang Hyang Widi Wasa sane menang. Ida punika Sang Prabu Sane Agung.
1
Duh Ratu Sang Hyang Widi Wasa, wantah ring ayun Palungguh IRatu titiang ngaturang pangastawan titiang.2
Duh Ratu, Widin titiange, wantah ring Palungguh IRatu titiang suksrah. Luputangja titiang saking nandang kimud malantaran kaon ring payudan. Sampunangja lugraina meseh-meseh titiange gargita ngatonang titiang.
3
Jadmane sane pracaya ring Palungguh IRatu nenten wenten jaga kaon ring payudan nanging indike punika jaga nibenin jadmane sane digelis brontak nglawan Palungguh IRatu.
4
Duh Ratu Sang Hyang Widi Wasa, urukja titiang indik margin Palungguh IRatune. Icenja titiang uning ring margi-margine punika.5
Urukja titiang malaksana satinut ring kapatutan Palungguh IRatu, santukan Palungguh IRatu sane dados Widin titiange, sane ngrahayuang titiang. Titiang tansah pracaya ring Palungguh IRatu.
6
Duh Ratu Sang Hyang Widi Wasa ledang Palungguh IRatu eling ring kabecikan miwah ring sih pasuecan Palungguh IRatune sane tan rered-rered, sane sampun sinahang Palungguh IRatu saking nguni.7
Ampurayangja dosa miwah kiwangan titiange duk titiang kantun wimuda. Duh Ratu Sang Hyang Widi Wasa elingangja titiang sajeroning kabecikan miwah sih pasuecan Palungguh IRatune sane nenten rered-rered.
8
Santukan Ida Sang Hyang Widi Wasa punika maraga patut miwah becik, Ida nguruk jadmane dosa indik margi sane patut tuut ipun.9
Ida nuntun jadmane sane alap asor ring margine sane patut, tur Ida ngurukang ipun sane dados pakarsan Idane.
10
Saking satia tuu miwah sih pasuecan Ida nuntun sakancan jadmane sane masayuban ring Ida miwah satinut ring sapatitah Idane.
11
Duh Ratu Sang Hyang Widi Wasa, manggehangja prajanjian Palungguh IRatune, tur ampurayangja dosa-dosan titiange, santukan dosa-dosan titiange kalintang akeh.12
Jadmane sane satinut ring Ida Sang Hyang Widi Wasa, pacang mlajah saking Ida, indik margi sane patut tuut ipun.
13
Ipun tansah jaga muponin gemuh landuh, tur pianak-pianakipune jaga nerbeang gumine.
14
Ida Sang Hyang Widi Wasa punika dados sawitran anake sane satinut ring Ida, tur Ida ngamanggehang pasubayan Idane ring ipun.
15
Titiang tan mari nulengek nunas tulung ring Ida Sang Hyang Widi Wasa, tur Ida ngluputang titiang saking baya.16
Duh Ratu Sang Hyang Widi Wasa, cingakja titiang, tur suecaninja titiang santukan titiang nglisting tur lemet.
17
Tulungja titiang sajeroning kaberekan titiange, tur luputangja titiang saking sakancan kamewehan titiange.
18
Pakayuninja kamewehan miwah kasangsaran titiange, tur ampurayangja sakancan dosa-dosan titiange.
19
Indayangja aksi, ambate akehnya titiang maderbe meseh. Indayangja aksi, ambate bangetnya ipun geting ring titiang.20
Sayubin tur luputangja titiang, mangda sampunang titiang kaon. Titiang tangkil praya nunas karahayuan ring Palungguh IRatu.
21
Dumadakja kabecikan miwah kajujuran titiange matiningin titiang, santukan titiang pracaya ring Palungguh IRatu.
22
Duh Ratu Sang Hyang Widi Wasa, luputangja Israel kaula druene saking sakancan kamewehannyane?1
Duh Ratu Sang Hyang Widi Wasa, sinahangja mungguing titiang tan paiwang santukan titiang nglaksanayang paindikan sane patut, tur saking saguluking manah titiang pracaya ring Palungguh IRatu.2
Duh Ratu Sang Hyang Widi Wasa, pintonin tur ujija titiang. Tepasinja manah miwah pepineh titiange.
3
Sih pasuecan Palungguh IRatu sane tan rered-rered punika dados panuntun titiange, tur kasatia tuonan Palungguh IRatune tansah nuntun titiang.
4
Titiang nentenja sruron ring jadmane sane tan paguna. Titiang nenten magubugan ngajak anak sane mapi-mapi.5
Titiang geting ring sakancan jadmane sane corah tur titiang ngedohang dewek saking jadmane dursila.
6
Duh Ratu Sang Hyang Widi Wasa, titiang masehin liman titiange, buat muktiang mungguing titiang tan paiwang, tur titiang mapeed ngilehin pamorboran aturan Palungguh IRatune.7
Titiang ngaturang kidung atur panyuksma, tur nyritayang sakancan pakardin Palungguh IRatune sane becik-becik.
8
Duh Ratu Sang Hyang Widi Wasa, titiang tresna bakti ring wisma linggih Palungguh IRatune, inggih punika wisma linggih kaluihan Palungguh IRatune.9
Sampunangja titiang sirnayanga sinarengan ring jadmane madosa. Dohangja titiang saking pala karman jadmane sane amati-mati,
10
inggih punika jadmane sane tan mari malaksana corah tur sane setata sedia nampi tetombokan.
11
Mungguing titiang puniki, titiang tan mari nglaksanayang paindikan sane patut. Ledang Palungguh IRatu asung sueca ring titiang tur rahayuangja titiang.12
Titiang luput saking saananing baya. Titiang muji Ida Sang Hyang Widi Wasa ring arepan pauman kaulan Idane.1
Ida Sang Hyang Widi Wasa punika dados galang miwah karahayuan titiange. Titiang nenten ajerih ring sapasira jua. Ida Sang Hyang Widi Wasa nyayubin titiang saking sakancaning baya, tur titiang nenten jaga naenin ajerih.2
Yening jadmane dursila ngebug tur mamanah ngamademang titiang, ipun katanjung tur labuh.3
Yadianja upami sawatek wadua balane ngiter titiang, titiang nenten pacang ajerih. Yadianja upami meseh-mesehe punika ngebug titiang, titiang jaga pageh pracaya ring Ida Sang Hyang Widi Wasa.
4
Wenten pinunas titiange asiki ring Ida Sang Hyang Widi Wasa. Wantah asiki kewanten sane dotang titiang, inggih punika pageh magenah ring purin Ida Sang Hyang Widi Wasa sakantun titiang urip, buat muponin sakancan kabecikan Idane miwah nunas tantanan Idane.5
Ring sajeroning kamewehan, Ida jaga nawengin titiang. Ida jaga miara titiang saha rahayu ring Perhyangan Agung Idane, tur Ida ngluputang titiang ring duur gunung batune sane tegeh.
6
Punika awinannyane titiang jaga molih kamenangan marep ring meseh-meseh titiange sane ngiter titiang. Maduluran suryak kaliangan titiang jaga ngaturang aturan titiange ring Perhyangan Agung Idane. Titiang jaga makidung, tur muji Ida Sang Hyang Widi Wasa.
7
Duh Ratu Sang Hyang Widi Wasa, pirengja atur titiange, rikala titiang matur ring Palungguh IRatu. Suecanin tur saurinja titiang!8
Rikala Palungguh IRatu ngandika: “Maija sumbah Ulun,” titiang masaur sapuniki: “Inggih Ratu Sang Hyang Widi Wasa, titiang nyadia tangkil.
9
Sampunangja Palungguh IRatu nyingidang raga ring titiang!”
10
Yadianja meme bapan titiange ngutang titiang, nanging Ida Sang Hyang Widi Wasa jaga matiningin titiang.
11
Duh Ratu Sang Hyang Widi Wasa, urukja titiang ngamargiang paindikan sane arsayang Palungguh IRatu, tur tuntunja titiang sapanjang margi sane rahayu, santukan titiang akeh maderbe meseh.12
Sampunang IRatu ngentungang titiang ring meseh-meseh titiange sane ngebug titiang antuk bobab miwah kawirosan.
13
Titiang uning mungguing titiang jaga ngeton kabecikan Ida Sang Hyang Widi Wasa santukan titiange urip ring mrecapada.14
Pracayaja ring Ida Sang Hyang Widi Wasa. Pracayaja, tur sampunangja nenten maderbe pangajap-ajap. Pracayaja ring Ida Sang Hyang Widi Wasa!
1
Duh Ratu Sang Hyang Widi Wasa sane dados patindih titiange, titiang nunas ica ring Palungguh IRatu. Pirengja pinunas titiange! Yening Palungguh IRatu nenten nyaurin titiang, janten titiang jaga wenten ring pantaran jadmane sane mamargi ngungsi ka pati loka.2
Pirengangja pinunas titiange, rikala titiang masesambatan nunas tulung nyakupang liman titiange marep ring Perhyangan Agung Palungguh IRatu.
3
Sampunangja titiang sisipanga sinarengan ring jadmane sane dursila miwah ring jadmane sane malaksana corah, jadmane sane baosnyane nyunyur manis nanging ipun ngadut angkara murka ring manahipune.
4
Sisipangja ipun malantaran paindikan sane sampun laksanayang ipun, miwah malantaran kacorahan sane sampun sruronin ipun. Sisipangja ipun malantaran sakancan laksananipune, tur paicayangja ring ipun paindikan sane sampun kacawisang buat ipun.
5
Ipun sampun nenten nglinguang paindikan sane sampun kamargiang miwah kakardi antuk Ida Sang Hyang Widi Wasa. Punika awinannya Ida jaga nyisipang, tur nyirnayang ipun salami-laminnya.
6
Pujija Ida Sang Hyang Widi Wasa, santukan Ida sampun mireng sesambatan titiange buat nunas pitulungan.7
Ida Sang Hyang Widi Wasa nyayubin miwah nindihin titiang, mawinan titiang pracaya ring Ida. Ida mapaica pitulungan ring titiang, tur ngawinang titiang liang. Titiang makidung muji Ida saha bungah.
8
Ida Sang Hyang Widi Wasa nyayubin kaulan Idane. Ida nindihin tur ngrahayuang sang prabu seselikan Idane.
9
Duh Ratu Sang Hyang Widi Wasa, luputangja kaula druene, tur mertaninja jadma padruen Palungguh IRatune. Ledang Palungguh IRatu ngangonang, tur matiningin ipun salami-laminnya.
1
Pujija Ida Sang Hyang Widi Wasa, ih sakancan wadua balan suargane. Pujija kaluihan miwah kawisesan Idane.2
Pujija parab Ida Sang Hyang Widi Wasa Sane Luih, tur sumungkemja ring ajeng Ida Sane Maha Suci, rikalaning Ida nyinahang raga.
3
Sabdan Ida Sang Hyang Widi Wasa kapiragi ring segarane. Ida Sang Hyang Widi Wasa Sane Luih masabda makuug, tur sabdan Idane matangguran ring samudrane.4
Sabdan Ida Sang Hyang Widi Wasa punika kalintang luih tur mawisesa.
5
Sabdan Idane mungkatang wit aras sane wenten ring Libanon.6
Ida ngawinang gunung-gunung Libanone punika makecog sakadi godel, tur ngawinang Gunung Siryon kecas-kecos sakadi panak bantenge.
7
Sabdan Ida Sang Hyang Widi Wasa ngawinang kilape makelepan.8
Sabdan Idane ngawinang tegal melakange magejeran. Ida ngejerang tegal melakange sane ring Kades.
9
Sabdan Ida Sang Hyang Widi Wasa ngejerang wit aane, tur ngaasang daunnyane rikalaning sakancan anake sane ring Perhyangan Agung Idane pada masuryak asapuniki: “Luihangja Ida Sang Hyang Widi Wasa.”
10
Ida Sang Hyang Widi Wasa mrentah toyane sane dalem, tur jumeneng nata buat salami-laminipun.11
Ida Sang Hyang Widi Wasa mapaica kakuatan ring kaulan Idane, tur ngamertanin ipun antuk sutrepti.
1
Duh Ratu Sang Hyang Widi Wasa, titiang muji Palungguh IRatu, santukan Palungguh IRatu sampun ngrahayuang titiang, tur nenten nglugrain meseh-meseh titiange liang ngeton kakaonan titiange.2
Duh Ratu Sang Hyang Widi Wasa, Widin titiange, titiang masesambatan nunas tulung ring Palungguh IRatu, tur Palungguh IRatu ngwarasang titiang.
3
Palungguh IRatu ngluputang titiang saking pati. Rikala titiang mamargi ngungsi pati loka, Palungguh IRatu nguripang titiang.
4
Makidungja ngluihang Ida Sang Hyang Widi Wasa, ih sakancan kaulan Idane sane satia tuu! Elingangja sakancan sane sampun kalaksanayang antuk Ida Sane Maha Suci, tur aturangja panyuksma ring Ida!5
Pidukan Idane mamargi wantah ajebos, nanging kabecikan idane sapanjang umur. Rikalaning wengi toyan panyingakane membah, nanging rikala semeng kagentosin antuk kaliangan.
6
Titiang rumasa sutrepti tur mabaos ring manah kadi asapuniki: “Idewek tusingja lakar kalah.”7
Duh Ratu Sang Hyang Widi Wasa, Palungguh IRatu kalintang becik ring titiang. Palungguh IRatu nyayubin titiang waluya sakadi benteng sane ring gunung. Nanging yen Palungguh IRatu nyingidang raga, kenginan titiang raris ajerih tan sipi.
8
Duh Ratu Sang Hyang Widi Wasa, titiang masesambatan nunas tulung ring ayun Palungguh IRatu.9
Duh Ratu Sang Hyang Widi Wasa, napike pikenohipun pabuat IRatu yen titiang padem tur ngungsi pati loka? Punapike jadmane sane sampun padem mrasidayang muji Palungguh IRatu? Mrasidayangke ipun nglumbrahang kabecikan pasuecan Palungguh IRatune sane nenten uah-uah punika?
10
Duh Ratu Sang Hyang Widi Wasa, pirengangja atur titiange, tur suecaninja titiang! Duh Ratu Sang Hyang Widi Wasa, tulungja titiang!
11
Palungguh IRatu sampun ngentosin kasedihan titiange antuk solah sane ngliangin. Palungguh IRatu sampun ngaonang kaduhkitan titiange, tur ngiter titiang antuk kaliangan.12
Duaning punika titiang nenten jaga mendep. Titiang jaga makidung muji Palungguh IRatu. Duh Ratu Sang Hyang Widi Wasa, Palungguh IRatu dados Widin titiange. Titiang jaga ngaturang panyuksma ring Palungguh IRatu salami-laminipun.
1
Duh Ratu Sang Hyang Widi Wasa, titiang pedek tangkil ring ayun Palungguh IRatu buat nunas pasayuban. Sampunang pisan titiang banggayanga kakaonang antuk imeseh. Palungguh IRatu maraga Widi sane adil. Titiang ngastawa, luputangja titiang!2
Pirengangja pinunas titiange! Sane mangkin ledang Palungguh IRatu ngrahayuang titiang. Ledang Palungguh IRatu makadados genah pasayuban miwah benteng titiange, buat ngluputang titiang.
3
Palungguh IRatu makadados genah pasayuban miwah benteng titiange. Duaning punika tuntun tur aterangja titiang sakadi sane sampun janjiang Palungguh IRatu.4
Luputangja titiang saking jeet sane sampun kapasang pabuat titiang. Samaliha lempasangja titiang saking bebaya.
5
Titiang nyuksrahang dewek ring Palungguh IRatu. Palungguh IRatu jaga ngrahayuang titiang. Duh Ratu Sang Hyang Widi Wasa, Palungguh IRatu maraga Widi sane satia tuu.
6
Palungguh IRatu bendu ring jadmane sane nyungsung widi sane palsu, nanging titiang suksrah ring Palungguh IRatu.7
Titiang jaga marasa liang tur bungah ring manah, malantaran sih pasuecan Palungguh IRatu sane nenten rered-rered. Palungguh IRatu nyingak kasangsaran titiange, tur wikan ring kamewehan titiange.
8
Palungguh IRatu nenten nglugrain meseh-meseh titiange ngejuk titiang. Palungguh IRatu sampun mapaica kabebasan ring titiang buat mamargi kijaja sapakitan titiange.
9
Duh Ratu Sang Hyang Widi Wasa, suecaninja titiang, santukan titiang sajeroning kamewehan. Matan titiange kuyu pisan, malantaran bes sue titiang ngeling, tur titiang sampun kalintang lesu.10
Titiang kalintang lesu duaning nandang kaduhkitan, tur ling titiange nyutetang tuuh titiange. Titiang kalintang lemet malantaran sakancan kamewehan titiange, kantos tulang-tulang titiange ngrigis.
11
Sakancan meseh-meseh miwah pisaga-pisagan titiange, sami pada nganistayang titiang. Jadmane sane uning ring titiang sami pada ajerih ring titiang. Yening ipun manggihin titiang ring margine, ipun sami pada malaib ninggal titiang.12
Sakancan jadmane sampun pada lali ring titiang, waluya titiang sampun padem. Titiang tan bina sakadi barang sane sampun kakutang.
13
Titiang miragi meseh-meseh titiange pada makisi-kisi, tur takut miwah resres nglikub titiang. Ipun pada ngrincikang daya marep ring titiang, tur sruron jaga ngamademang titiang.
14
Duh Ratu Sang Hyang Widi Wasa, titiang suksrah wantah ring ayun Palungguh IRatu kewanten. Palungguh IRatu makadados Widin titiange.15
Titiang tansah wenten sajeroning pamiaran Palungguh IRatu. Luputangja titiang saking meseh-meseh titiange miwah saking jadmane sane nyangsaren titiang.
16
Cingakja kaulan Palungguh IRatu antuk sih kapiolasan. Luputangja titiang sajeroning sih pasuecan Palungguh IRatu sane nenten rered-rered.
17
Duh Ratu Sang Hyang Widi Wasa, titiang masesambatan ring ayun Palungguh IRatu. Sampunangja banggayanga titiang nandang kimud. Dumadak jadmane dursila nandang kimud tur tedun ka pati loka bungkem tan pasuara.
18
Dadosangja jadmane sane bobab, sane sumbung tur ngagu miwah sane mabaos nganistayang anake sane patut, mangda ipun kolok.
19
Ambate luihnya paindikan-paindikan sane becik sane cawisang Palungguh IRatu pabuat jadmane sane ngluihang Palungguh IRatu! Jadmane sami sampun pada uning indik kabecikan Palungguh IRatune, tur tan kadi-kadi antuk Palungguh IRatu nyayubin jadmane sane suksrah ring Palungguh IRatu.20
Palungguh IRatu nyingidang tur ngrahayuang ipun ring ayun Palungguh IRatu, saking rerincikan manusane. Palungguh IRatu nyingidang ipun ring genah pasayuban sane sutrepti saking meseh-meseh sane minjulin ipun.
21
Pujija Ida Sang Hyang Widi Wasa! Ambate luih sih pasuecan Idane sane kasinahang ring titiang, rikalaning titiang kakurung tur kagebug antuk satru.22
Titiang sampun kalintang ajerih, tur nyengguh dewek titiange sampun kasabatang saking ayun Idane. Nanging Ida mirengang sesambatan titiange rikala titiang ngastawa nunas tulung ring Ida.
23
Ih sakancan anak sane satia tuu, tresna baktija ring Ida Sang Hyang Widi Wasa. Ida Sang Hyang Widi Wasa nyayubin jadmane sane satia tuu, nanging Ida nyisipang jadmane sane sumbung sakadi patutipun.24
Pada kukuh tur pagehja ragane sareng sami, ih sawatek anake sane ngajap-ajap Ida Sang Hyang Widi Wasa.
1
Bagia anake sane dosa-dosannyane kampurayang, sane kiwangannyane kaksamayang.2
Bagia jadmane sane nenten kadalih mapakardi iwang antuk Ida Sang Hyang Widi Wasa miwah sane nenten nglaksanayang sakancan paindikan sane bobab.
3
Yening titiang nenten ngangkenin dosa-dosan titiange, titiang lesu malantaran ngeling arahina mepek.4
Duh Ratu Sang Hyang Widi Wasa, siang latri Palungguh IRatu nyisipang titiang. Kakuatan titiange sampun telas pisan sakadi damuhe sirna malantaran kebus ring masan panese.
5
Irika titiang ngangkenin dosa-dosan titiange ring Palungguh IRatu, tur titiang nyadia jaga ngangkenin dosa-dosan titiange punika ring ayun Palungguh IRatu, tur Palungguh IRatu ngampurayang dosa-dosan titiange.6
Duaning punika sakancan kaulan Palungguh IRatu sane subakti, patut ngastawa ring Palungguh IRatu sakantun ipun mrasidayang tangkil ring Palungguh IRatu mangda rikala wenten blabar kamewehan ageng rauh nempuh, kamewehan punika nenten jaga nibenin ipun.7
Palungguh IRatu dados genah pasingidan titiange. Palungguh IRatu jaga ngrahayuang titiang saking kamewehan. Titiang makidung gelur-gelur ngeniang ring karahayuan paican Palungguh IRatu, santukan Palungguh IRatu nyayubin titiang.
8
Ida Sang Hyang Widi Wasa masabda kadi asapuniki: “Ulun lakar matujuhin kita margane ane patut tuut kita. Ulun lakar mrentah tur matuturin kita.9
Edaja kita belog buka jarane wiadin buka bagale ane kaprentah aji camok muah padangal, apanga ia nyak nuutang.”
10
Jadmane sane dursila patut nandang sangsara, nanging anake sane pracaya ring Ida Sang Hyang Widi Wasa pacang kasayubin antuk sih pasuecan Idane sane nenten rered-rered.11
Parasemeton sane patut, pada girang tur masuka renaja, malantaran paindikan sane sampun kakardi antuk Ida Sang Hyang Widi Wasa. Semeton sane astiti bakti ring Ida, pada masuryakja, masuka rena!
1
Sawatek semeton sane patut, pada masuryakja masuka rena malantaran paindikan sane sampun kakardi antuk Ida Sang Hyang Widi Wasa. Pujija Ida, ih parasemeton sane astiti bakti ring Ida.2
Aturangja panyuksma ring Ida Sang Hyang Widi Wasa antuk rebab, tur makidungja pabuat Ida kadulurin antuk suaran gambus.
3
Kidungangja kidung sane anyar pabuat Ida, tur suarayangja rebabe mangda becik tur masuryakja saha liang.
4
Sabdan Ida Sang Hyang Widi Wasa sujati patut, tur sakancan pakaryan Idane nyandang kandelang.5
Ida Sang Hyang Widi Wasa asih sueca ring paindikan sane patut miwah adil. Sih pasuecan Idane sane tan rered-rered ngebekin jagate.
6
Ida Sang Hyang Widi Wasa ngardi akasane antuk titah Idane, tur surya, candra miwah bintang-bintang antuk sabdan Idane.7
Ida munduhang toyan segarane ring genahe asiki, tur Ida ngancing sawang samudrane ring genah panyimpenannya.
8
Ih sawatek sane wenten ring jagate, pada ajerihja ring Ida Sang Hyang Widi Wasa! Luihangja Ida, ih parajadma ring jagate sami!9
Rikala Ida masabda, jagate raris wenten, tur malantaran titah Idane raris metu saananing sane wenten.
10
Ida Sang Hyang Widi Wasa ngurungang tetujon bangsa-bangsane, tur Ida ngandeg ipun mangda nenten mrasidayang nglaksanayang rencananipune.11
Nanging rencanan Idane mamargi salami-laminipun, tur tetujon Idane kasidan sakayang-kayang.
12
Bagia bangsane sane Widinnyane punika Ida Sang Hyang Widi Wasa miwah bagia rakyate sane sampun kaselik dados druen Idane.
13
Ida Sang Hyang Widi Wasa macingak saking suargan tur ngaksi sakancan manusane.14
Saking singasanan Idane Ida macingak ring sakancan sane urip ring mrecapada.
15
Ida nabdab sakancan pepinehipune, tur wikan ring sakancan laksananipune.
16
Ida sang prabu nenten molih kamenangan malantaran kawisesan wadua balan idane sane wisesa miwah prajurite nentenja molih ring rana malantaran kasitenganipune.17
Kuda perange punika tan paguna buat ngulati kamenangan miwah kasitenganipune sane ageng nenten mrasidayang ngrahayuang.
18
Ida Sang Hyang Widi Wasa nyaga jadmane sane astiti bakti ring Ida, inggih punika sakancan jadmane sane suksrah ring sih pasuecan Idane sane nenten rered-rered.19
Ida ngluputang ipun saking baya pati miwah matiningin uripipune rikalaning masan sayah.
20
Iraga ngajap-ajap Ida Sang Hyang Widi Wasa, santukan Ida punika pasayuban miwah pitulungan iragane.21
Iraga marasa bungah ring manah malantaran Ida, tur iraga suksrah ring parab Idane sane suci.
22
Duh Ratu Sang Hyang Widi Wasa, dumadakja sih pasuecan Palungguh IRatu sane nenten rered-rered punika wenten ring titiang, sakadi pangajap-ajap titiange ring Palungguh IRatu.1
Titiang tan mari jaga matur panyuksma ring Ida Sang Hyang Widi Wasa, tur titiang nenten jaga wus-wusan muji Ida.2
Titiang jaga muji Ida, malantaran paindikan sane sampun kardi Ida. Dumadak sakancan jadmane sane katindes miragiang tur pada girang ring manah.
3
Ngiringja sareng-sareng ring titiang nglumbrahang kagungan Ida Sang Hyang Widi Wasa. Ngiringja iraga sareng-sareng muji parab Idane.
4
Titiang ngastawa ring Ida Sang Hyang Widi Wasa, tur Ida nyaurin pangastawan titiange, Ida mebasang titiang saking sakancan katakutan titiange.5
Jadmane sane katindes pada nulengek ring Ida, tur ipun pada liang. Ipun nenten jaga naenin kakadoang.
6
Anake sane nenten maderbe patulungan pada nunas ica ring Ida, tur Ida nagingin pinunasnyane. Ida ngluputang ipun saking sakancan kamewehanipune.
7
Malaekat Idane ngebag anake sane astiti bakti ring Ida, tur ngluputang ipun saking baya.
8
Indayangja resepang tur telebang, ambate becikne Ida Sang Hyang Widi Wasa. Bagia anake sane muponin sutrepti ngiring Ida.9
Ih sakancan kaulan Idane, tinutinja Ida Sang Hyang Widi Wasa. Anake sane satinut ring Ida jaga muponin sakancan sane buatang ipun.
10
Yadiastun singa-singane pada nglelana santukan ipun layah katunan teda, nanging anake sane astiti bakti ring Ida Sang Hyang Widi Wasa nenten pacang kakirangan punapa-punapi.
11
Duh paratruna-trunan tiange, mrikija piragiang baos tiange. Tiang jaga ngajahin semeton ngluihang Ida Sang Hyang Widi Wasa.12
Punapike semeton meled panjang umur saha muponin bagia?
13
Duaning punika sampunang pisan semeton maosang paindikan sane corah miwah sane bobab.
14
Kutangja paindikan sane corah tur laksanayangja paindikan sane becik. Usahayangja ngulati dame saking saguluking kayun semetone.
15
Ida Sang Hyang Widi Wasa jaga ngebag jadmane sane patut tur mirengang sesambatannyane.16
Nanging Ida jaga nglawan anake sane malaksana corah, mangda yen ipun padem, digelis ipun kalaliang.
17
Jadmane sane patut mapinunas ring Ida Sang Hyang Widi Wasa, tur Ida nagingin pinunasipune. Ida ngluputang ipun saking sakancan kamewehanipune.
18
Ida Sang Hyang Widi Wasa tansah nampek ring anake sane sampun tan padaya, tur Ida ngrahayuang anake sane sampun telas pangajap-ajapipune.
19
Jadmane sane becik akeh nandang kamewehan, nanging Ida Sang Hyang Widi Wasa ngluputang ipun saking kamewehan punika.20
Ida Sang Hyang Widi Wasa matiningin ipun saha sampurna, punika awinan nenten wenten tulangipune lung angan asiki.
21
Kacorahane punika jaga ngamademang jadmane sane dursila, tur jadmane sane geting ring anake sane patut, ipun pacang kasisipang.
22
Ida Sang Hyang Widi Wasa jaga ngrahayuang kaulan Idane. Anake sane tangkil nunas pasayuban ring Ida, ipun jaga karahayuang.1
Duh Ratu Sang Hyang Widi Wasa lawanja jadmane sane nglawan titiang, tur yudainja jadmane sane nyiatin titiang.2
Ambilja tameng miwah kawaca besi druene, tur rarisangja rauh ngluputang titiang.
3
Amengangja tumbak miwah kapak druene nglawan jadmane sane nguber titiang. Nikayangja ring titiang mungguing Palungguh IRatu jaga ngrahayuang titiang.
4
Dumadakja jadmane sane mamanah ngamademang titiang kaon, tur nandang kimud. Dumadakja jadmane sane mapiguman jaga nglawan titiang pada mabalik tur paling.5
Dumadakja ipun sakadi gumpang sane ampehang angin, rikala malaekat Ida Sang Hyang Widi Wasa nguber ipun.
6
Dumadak marginipune peteng dedet tur belig, rikala malaekat Ida Sang Hyang Widi Wasa nglempag ipun.
7
Tan pakrana ipun masang jeet pabuat titiang, tur makarya bangbang dalem buat ngejuk titiang.8
Nanging kasinangkaonan jaga nibenin ipun, sadurung ipun tangeh ring indike punika. Ipun jaga kajeet antuk jeetipune niri, tur labuh ring kasinangkaonanipune!
9
Irika titiang jaga rumasa liang malantaran Ida Sang Hyang Widi Wasa, titiang jaga rumasa bagia santukan Ida ngrahayuang titiang.10
Saking saguluking manah titiang jaga matur ring Ida Sang Hyang Widi Wasa sapuniki: “Tan wenten sane nyamenin Palungguh IRatu. Palungguh IRatu nyayubin jadmane sane tiwas saking sane nindes.”
11
Jadmane sane corah pada dados saksi nglawan titiang, tur nalih titiang nglaksanayang kajaatan sane nenten uningin titiang.12
Ipun ngwales kabecikan titiange antuk kacorahan, tur titiang kaliput antuk manah sane putus asa.
13
Nanging rikala ipun katempuh antuk pinakit, titiang ngrangsuk pangangge kaduhkitan titiange, tur ngenta dewek titiange. Titiang sumungkem ngastawa,
14
tan bina sakadi titiang ngastawa buat salah tunggal timpal wiadin nyaman titiange muani. Titiang mamargi milehan sajeroning nandang duhkita sakadi anak nandang duhkita malantaran katinggal padem antuk memenipune.
15
Nanging yening titiang katempuh antuk kamewehan, ipun sareng sami pada liang, sarwi mapunduh ngiter tur minjulin titiang. Wong sunantara pada nglempag titiang tur tan mari ngebug titiang.16
Sakadi anake sane minjulin anak perot, ipun nelik ring titiang duaning rumasa geting.
17
Duh Ratu Sang Hyang Widi Wasa, malih amunapike suenipun Palungguh IRatu jaga wantah macingak kewanten. Luputangja titiang saking gegebugipune. Luputangja urip titiang saking singa-singane punika!18
Irika titiang jaga matur panyuksma ring ayun Palungguh IRatu sajeroning paruman kaulan Palungguh IRatune. Titiang jaga muji Palungguh IRatu ring arepanipune sareng sami.
19
Sampunangja lugraina meseh-meseh titiange inggih punika jadmane sane bobab-bobab punika rumasa liang ring manah ngeton kakaonan titiange. Sampunangja banggayanga jadmane sane tan pakrana geting ring titiang punika, kenyir-kenyir sajeroning kaliangan ngeton kasedihan titiange.20
Ipun nenten mabaos nganggen rasa pasawitran, nanging ipun munduhang sakancan paindikan sane bobab ngeniang indik jadmane sane demen ngulati dame.21
Ipun nalih titiang, sarwi masuryak sapuniki: “Tiang suba nepukin unduk ane laksanayang jerone.”
22
Nanging Palungguh IRatu sampun ngaksi paindikane puniki duh Ratu Sang Hyang Widi Wasa. Sampunangja Palungguh IRatu meneng, duh Ratu Panembahan. Sampunangja Palungguh IRatu kantun ngedoh saking titiang.
23
Duh Ratu Sang Hyang Widi Wasa, rarisangja matangi tur tindihinja titiang. Rarisang matangi duh Ratu Widin titiange, tur belaninja wicaran titiange.
24
Duh Ratu Sang Hyang Widi Wasa, Palungguh IRatu maraga adil. Duaning punika sinahangja mungguing titiang tan paiwang. Sampunang banggayanga meseh-meseh titiang rumasa liang manggihin titiang.
25
Sampunangja banggayanga ipun mabaos ring pantaranipune kadi asapuniki: “Iraga suba masmi ia! Tuah ento ane edotang iraga!”
26
Dumadakja jadmane sane rumasa liang ngeton kasangsaran titiange, mangda ipun kaon pisan tur pada bingung. Dumadak jadmane sane mamanah dados becikan ring titiang mangda kaliput antuk kimud miwah kacemeran.27
Dumadak jadmane sane mamanah manggihin titiang kapatutang, pada masuryak kagirangan tur mawali-wali mabaos kadi asapuniki: “Ambate agungne Ida Sang Hyang Widi Wasa! Ida ledang nyingak kaulan Idane sane labda karya.”28
Irika titiang jaga nglumbrahang kadilan Palungguh IRatune, tur titiang jaga muji Palungguh IRatu sapanjang rahina.
1
Dosane mabaos ring jadmane dursila sajeroning tungtung manahipune. Ipun nulak Ida Sang Hyang Widi Wasa, tur nenten subakti ring Ida.2
Santukan bes tegeh antuk ipun mitaenang dewekipune, pitaenang ipun Ida Sang Hyang Widi Wasa jaga nenten nyingak miwah nyisipang dosanipune.
3
Baosipune dursila tur bek madaging bobab. Ipun nenten kantun nglaksanayang paindikan sane wicaksana miwah becik, tur ipun nenten nulak paindikan-paindikan sane corah.
4
Ipun ngrencanayang kajaatan ring pedemanipune. Ipun nenten naenin malaksana ayu, tur ipun nenten naenin nulak paindikan-paindikan sane corah.
5
Duh Ratu Sang Hyang Widi Wasa, sih pasuecan Palungguh IRatu sane nenten rered-rered punika nganteg ka suargan. Kasatiaan Palungguh IRatune maliah-liah ngantos rauh ring akasane.
6
Kapatutan Palungguh IRatune nyeleg waluya sakadi gununge. Kadilan Palungguh IRatune waluya sakadi sawang segarane. Manusane miwah sarwa satone wenten sajeroning pamiaran Palungguh IRatu.
7
Duh Ratu Sang Hyang Widi Wasa, ambate luih sih pasuecan Palungguh IRatu sane nenten rered-rered punika! Titiang molih pasayuban ring sor lawat kampid Palungguh IRatune.8
Titiang mapesta antuk pangan kinum sane cawisang Palungguh IRatu ngantos maliah-liah. Palungguh IRatu nglugrain titiang nginum saking tukad kabecikan Palungguh IRatune.
9
Palungguh IRatu makadados empul sarwa sane urip, tur malantaran galang Palungguh IRatune titiang prasida ngeton galang.
10
Lanturangja nyuecanin jadmane sane uning ring Palungguh IRatu, samaliha ledangang mapakardi ayu marep ring jadmane sane patut.11
Sampunangja banggayanga jadmane sane sumbung nyengkalen titiang, wiadin jadmane sane dursila ngawinang titiang jerih kapilayu.
12
Cingakinja genah jadmane sane mapakardi corah punika labuh. Irika ipun bah tur nenten mrasidayang bangun.1
Sampunangja rumasa meweh ring jadmane sane dursila. Sampunangja iri ati ring jadmane sane malaksana iwang.2
Ipun digelis pacang sirna waluya sakadi padange sane tuh. Ipun jaga padem sakadi tetanduran sane layu.
3
Pracayaja ring Ida Sang Hyang Widi Wasa tur rarisang malaksana ayu. Uripja ring jagate saha muponin sutrepti.4
Ulatija bagian semeton sajeroning Ida Sang Hyang Widi Wasa, janten Ida pacang maicayang ring semeton paindikan sane edotang semeton.
5
Aturangja ragan semetone ring Ida Sang Hyang Widi Wasa. Pracayaja ring Ida janten Ida jaga nulungin semeton.6
Ida jaga ngawinang kapatutan semetone masinar sakadi suryane rikalaning tengai tepet.
7
Sabar tur jantosja Ida Sang Hyang Widi Wasa. Sampunangja meweh mikayunin anake sane gemuh, wiadin mikayunin anake sane sida karya sajeroning rencananipune sane corah.8
Sampunangja meweh ring kayun wiadin duka, santukan indike punika wantah nuntun ngungsi kamewehan.9
Anake sane pracaya ring Ida Sang Hyang Widi Wasa, ipun jaga nerbeang jagate nanging jadmane sane dursila jaga katundung saking irika.
10
Jadmane sane dursila digelis pacang sirna. Semeton dados ngrereh ipun, nanging ipun nenten jaga keniang semeton.11
Jadmane sane alap asor ipun jaga nerbeang jagat, tur muponin kawiryan miwah sutrepti.
12
Jadmane dursila sampun pada igum jaga nglawan jadmane sane becik, tur mandreng ipun maduluran antuk manah geting.13
Nanging Ida Sang Hyang Widi Wasa ica ngaksi jadmane dursila, santukan Ida wikan mungguing ipun digelis jaga kasirnayang.
14
Jadmane dursila pada ngaud pedang miwah mentang panahipune buat jaga mademang anake sane tiwas miwah kakirangan miwah buat munggal anake sane malaksana patut.15
Nanging ipun jaga kapademang antuk pedangipune niri, tur panahipune jaga lung.
16
Paindikan sane alit sane kaderbeang antuk jadmane sane becik, punika langkungan ajinipun ring kasugihan sakancan jadmane dursila,17
santukan Ida Sang Hyang Widi Wasa jaga mancut kasitengan jadmane dursila, nanging nyayubin anake sane patut.
18
Ida Sang Hyang Widi Wasa matiningin anake sane satinut ring Ida, tur jagate jaga dados paderbeanipune kantos salami-laminipun.19
Ipun nenten jaga katibenin sangsara rikala wenten masa sane kaon. Rikalaning masan sayah ipun tansah cukup pangan kinum.
20
Nanging jadmane dursila jaga padem. Meseh-meseh Ida Sang Hyang Widi Wasa jaga sirna waluya sakadi sekare. Ipun pacang sirna sakadi anduse.
21
Jadmane dursila demen nyilih tur nenten naenin ngwaliang, nanging anake sane becik ipun demen makidihang.22
Anake sane kamertanin antuk Ida Sang Hyang Widi Wasa, ipun jaga nerbeang jagate, nanging jadmane sane katemah antuk Ida jaga katundung saking irika.
23
Ida Sang Hyang Widi Wasa nuntun jadmane ring margi sane patut tuut ipun, tur Ida nyayubin anake sane ledangin Ida.24
Yening ipun labuh, ipun nenten jaga kantos bah, santukan Ida Sang Hyang Widi Wasa jaga nyaga ipun.
25
Sane mangkin titiang sampun tua, titiang sampun urip sue pisan nanging titiang durung naenin manggihin anak sane patut kakutang antuk Ida Sang Hyang Widi Wasa, wiadin pianak-pianakipune ngagendong ngidih daar.26
Sapanjang masa ipun lila makidihang miwah maselangang ring anak lian tur pianak-pianakipune sami dados merta.
27
Mabalikja saking paindikan sane corah tur laksanayangja paindikan sane ayu, janten katurunan semetone jaga tan mari urip ring jagate.28
Santukan Ida Sang Hyang Widi Wasa asih sueca ring paindikan sane patut tur Ida nenten ngutang kaulan Idane sane satia tuu. Ida nyayubin ipun salami-laminipun, nanging sentanan jadmane sane dursila jaga tundung Ida.
29
Anake sane patut jaga nerbeang jagate tur muponin urip irika kantos salami-laminipun.
30
Baos jadmane sane patut punika wicaksana, tur ipun setata jujur.31
Ipun ngagem pidabdab Widinipune ring manahipune, tur nenten naenin matilar saking irika.
32
Jadmane sane dursila nyadang anake sane patut tur mamanah ngamademang ipun.33
Nanging Ida Sang Hyang Widi Wasa, nenten jaga ngutang ipun ring kakuasan meseh-mesehipune, wiadin manggayang ipun kasisipang rikalaning ipun ring ajeng pangadilane.
34
Gantungangja pangajap-ajap semetone ring Ida Sang Hyang Widi Wasa, tur tinutinja titah-titah Idane. Ida pacang ngajiang semeton malantaran mapaica tanah ring semeton, tur semeton jaga ngeton jadmane dursila katundung saking irika.35
Titiang naenin manggihin jadmane dursila sane nyapa kadi aku. Ipun nyeleg ring pantaran sakancan jadmane lianan waluya sakadi wit taru arase ring Libanon.36
Nanging pungkuran rikala titiang nglintang irika, ipun nenten kantun irika. Titiang ngrereh ipun, nanging ipun nenten keniang titiang.
37
Tlektekangja jadmane sane polos, tur tureksainja jadmane sane patut. Anake sane sutrepti rahayu pada maderbe katurunan,38
nanging jadmane sane madosa kabasmi kerta makasami tur katurunanipune sami kakaonang.
39
Ida Sang Hyang Widi Wasa ngrahayuang jadmane sane patut, tur nyayubin ipun rikalaning masa kamewehan.40
Ida nulungin tur ngluputang ipun. Ida ngrahayuang ipun saking jadmane dursila santukan ipun rauh maranin Ida buat nunas pasayuban.
1
Duh Ratu Sang Hyang Widi Wasa, sampunangja titiang sisipanga sajeroning pidukan Palungguh IRatune.2
Palungguh IRatu sampun natunin titiang antuk panah druene, tur Palungguh IRatu sampun nglempag titiang kantos bah.
3
Santukan malantaran pidukan Palungguh IRatune, titiang nandang pinakit raat pisan. Dewek titiange makaukud nandang pinakit malantaran dosa-dosan titiange.4
Titiang kalebu sajeroning blabar dosa-dosan titiange. Dosa-dosane punika waluya sakadi tetegenan sane kalintang abot pabuat titiang.
5
Santukan kanambetan titiange, tatu-tatun titiange mambu tur berek.6
Titiang ngantos bungkut tur titiang kanyagang. Titiang nandang sedih sapanjang rahina.
7
Titiang kaborbor antuk panes bara, tur titiang tambis-tambis padem.
8
Titiang kalintang leleh tur dekdek remuk. Manah titiange meweh pisan, tur titiang daah-duuh nandang sakit.
9
Duh Ratu Sang Hyang Widi Wasa, Palungguh IRatu wikan ring paindikan sane edotang titiang. Palungguh IRatu mireng sakancan duuhan titiange.10
Ulun atin titiange nrutug, bayun titiange sampun telas, tur matan titiange sampun tan pacaya.
11
Timpal-timpal miwah pisaga-pisagan titiange nenten nyak malih nganampekin titiang ulihan tatu-tatun titiange. Yadian kulawargan titiange taler ngedoh saking titiang.12
Jadmane sane mamanah ngamademang titiang masang jeet pabuat titiang, tur anake sane mamanah nyelekang titiang, ipun ngancam jaga nglabuhang titiang. Samaliha ipun nenten wus-wusan mapiguman nglawan titiang.
13
Titiang waluya sakadi anak bongol, nenten mrasidayang miragi, tur sakadi anak kolok, nenten mrasidayang mabaos.14
Titiang waluya sakadi anak sane nenten mrasidayang masaur, santukan ipun nenten mrasidayang miragi.
15
Nanging titiang pracaya ring Palungguh IRatu duh Ratu Sang Hyang Widi Wasa, Ratu Panembahan miwah Widin titiange, Palungguh IRatu sane jaga nyaurin titiang.16
Sampunangja banggayanga meseh-meseh titiange rumasa liang ngeton kamewehan titiange. Sampunangja banggayanga ipun nyumbungang dewek malantaran labuh titiange.
17
Titiang tambis-tambis labuh tur titiang tan mari nandang pinakit.
18
Titiang ngangkenin dosa-dosan titiange. Dosa-dosane punika nglikub titiang antuk kasumangsayan.19
Meseh-meseh titiange pada seger-seger tur siteng-siteng. Akeh pisan wenten anak sane pada geting tan pakrana ring titiang.
20
Jadmane sane ngwales pakardi sane ayu antuk kacorahan pada nglawan titiang, santukan titiang mapakibeh jaga malaksana sane patut.
21
Duh Ratu Sang Hyang Widi Wasa, sampunangja titiang kutanga. Duh Ratu Widin titiang, sampunangja Palungguh IRatu ngedoh saking titiang!22
Duh Ratu Sang Hyang Widi Wasa, juru rahayun titiange, sane mangkin tulunginja titiang.
1
Titiang mabaos sapuniki: “Titiang jaga tangar ring paindikan sane laksanayang titiang, tur titiang nenten manggayang bungut titiange ngardi dosa. Titiang nenten jaga mabaos punapa-punapi rikala jadmane corah nampek ring titiang.”2
Titiang jaga mendep tur nenten mabaos angan abuku yadiastun ngeniang paindikane sane becik! Nanging kasangsaran titiange sumingkin mangetang,
3
tur titiang sampun kakaonang antuk kasumangsayane. Sumingkin titiang mapineh, titiang dados sayan meweh, kantos wetu pitaken kadi asapuniki:
4
“Duh Ratu Sang Hyang Widi Wasa, malih amunapi suenipun titiang jaga urip? Malih pidanke titiang jaga padem? Nikayangja ring titiang malih pidanke urip titiange pacang puput.”
5
Ambate cutetne Palungguh IRatu ngardi urip titiange. Ring ayun Palungguh IRatu, tuuh titiange nenten wenten pituasipun. Sujatinipun sakancan manusane sane urip tan bina sakadi ampehan angine,6
tur tan bina sakadi lawate. Saluiring sane laksanayang ipun nenten wenten pikenohipun. Ipun munduhang kasugihan, nanging ipun nenten uning sapasirake sane jaga namiang punika.
7
Duh Ratu Sang Hyang Widi Wasa, duaning punika punapike sane nyandang ajap-ajap titiang? Titiang ngaturang pangajap-ajap titiange ring ayun Palungguh IRatu.8
Rahayuangja titiang saking sakancan dosa-dosan titiange, tur sampunangja banggayanga jadmane nambet ngedekin titiang.
9
Titiang jaga mendep. Titiang nenten jaga mabaos angan abuku, santukan Palungguh IRatu ngraga sane ngawinang titiang nandang sangsara sakadi sapuniki.
10
Sampunangja titiang malih sisipanga! Titiang tambis-tambis padem malantaran lempag Palungguh IRatu.
11
Palungguh IRatu nyisipang dosan manusane antuk pidukan Palungguh IRatune, tur waluya sakadi ngetnget Palungguh IRatu nyirnayang sakancan paindikan sane tresnain ipun. Sujatinipun, manusane punika tan bina sakadi angine.
12
Duh Ratu Sang Hyang Widi Wasa, pirengangja pangastawan titiange, tur pirengangja sesambatan titiange. Rarisangja rauh nulungin titiang rikalaning titiang ngeling. Sakadi leluur titiange, titiang dados tamiun Palungguh IRatu wantah ajebos pisan.13
Banggayangja titiang iriki newek mangda titiang prasida muponin bagia akidik, sadurunge titiang makaon tur titiang nenten kantun malih.
1
Titiang saking sabar nyantosang pitulungan Ida Sang Hyang Widi Wasa. Ida tumuli mirengang pinunas titiange tur mirengang sesambatan titiange.2
Ida ningtingang titiang saking bangbang bayane tur titiang medal saking kawahe sane ngawinang padem. Ida ngenahang titiang saha rahayu ring duur batu kaange tur ngawinang titiang luput.
3
Ida nguruk titiang makidung sane anyar, kidung puji-pujian buat Widin iragane. Akeh jadmane sane manggihin paindikane puniki polih pakeling tur pracaya ring Ida Sang Hyang Widi Wasa.
4
Bagia anake sane pracaya ring Ida Sang Hyang Widi Wasa, sane nenten mabalik nyumbah arca, wiadin nenten sruron ring anake sane nyungsung widi sane palsu.5
Duh Ratu Sang Hyang Widi Wasa, Widin titiange, Palungguh IRatu sampun akeh pisan mapakardi pabuat titiang. Nenten wenten anak nyamenin Palungguh IRatu! Palungguh IRatu sampun ngardi rencana sane becik-becik pabuat titiang. Titiang nenten mrasidayang ngetang punika makasami, santukan geboganipune kalangkung akeh.
6
Palungguh IRatu nenten ngarsayang aturan wewalungan miwah aturan sane tios. Palungguh IRatu nenten ngarsayang aturan wewalungan sane maborbor ring pamorboran aturane, wiadin aturan pabuat panyupat dosa. Nanging Palungguh IRatu sampun mapaica kuping ring titiang buat miragiang sabdan Palungguh IRatu.7
Duaning punika titiang raris matur kadi asapuniki: “Inggih titiang kaula druene. Titah-titah Palungguh IRatu ring titiang wenten sinurat ring Cakepan Pidabdab Torate.
8
Duh Ratu Widin titiange, ambate sarat titiange jaga nglaksanayang pakarsan Palungguh IRatune! Titiang ngincepang paurukan Palungguh IRatu ring manah titiange.”
9
Duh Ratu Sang Hyang Widi Wasa, sajeroning paruman sakancan kaulan Palungguh IRatu, titiang nuturang orti rahayu, mungguing Palungguh IRatu ngrahayuang titiang sareng sami. Palungguh IRatu wikan mungguing titiang nenten jaga wusan nuturang indike punika.10
Titiang nenten nyepel orti karahayuane punika pabuat titiang newek. Titiang tansah maosang indik kasatiaan miwah pitulungan Palungguh IRatune. Sajeroning paruman sakancan kaulan Palungguh IRatune titiang tansah nuturang ngeniang indik kasatiaan miwah pasuecan Palungguh IRatu sane nenten rered-rered punika.
11
Duh Ratu Sang Hyang Widi Wasa, titiang uning mungguing Palungguh IRatu tan mari jaga nyinahang sih pasuecan ring titiang. Sih pasuecan miwah kasatiaan Palungguh IRatu tansah jaga ngawinang titiang muponin sutrepti rahayu.12
Titiang kiter antuk kamewehan akeh pisan, kalintang akeh kantos nenten sida ketang. Dosa-dosan titiange sampun nguber titiang, tur titiang sampun nenten mrasidayang malih ngeton. Dosa-dosane punika akehan ring bok titiange sane ring tendas titiange, tur kawanenan titiange sampun sirna.
13
Duh Ratu Sang Hyang Widi Wasa, luputangja titiang! Tulunginja titiang sane mangkin!
14
Dumadakja jadmane sane mamanah ngamademang titiang mangda kaon tur bingung. Dumadakja jadmane sane liang ngeton kamewehan titiange, mangda pada mabalik tur nandang kimud.
15
Dumadakja jadmane sane minjulin titiang pada katengkejutang antuk kakaonanipune.
16
Dumadakja sakancan jadmane sane nangkil ring ayun Palungguh IRatu pada liang tur masuka rena. Dumadakja sakancan jadmane sane nganyuksmayang karahayuan paican Palungguh IRatu punika setata jagi mabaos sapuniki: “Ambate agungne Ida Sang Hyang Widi Wasa.”17
Duh Ratu Sang Hyang Widi Wasa, titiang puniki lemet tur tiwas, nanging Palungguh IRatu sampun nenten nglaliang titiang. Palungguh IRatu maraga juru rahayu miwah Widin titiange. Gelisangja nulungin titiang!1
Bagia anake sane prihatin ring anake sane tiwas. Ida Sang Hyang Widi Wasa jaga nulungin ipun rikalaning ipun katempuh antuk kamewehan.2
Ida Sang Hyang Widi Wasa jaga nyayubin ipun tur matiningin uripipune. Ida jaga ngawinang ipun nemu bagia ring jagate. Ida nenten jaga nilar ipun sajeroning kakuasan meseh-mesehipune.
3
Ida Sang Hyang Widi Wasa jaga nulungin ipun rikalaning ipun gelem, tur Ida pacang ngwarasang ipun.
4
Titiang mabaos sapuniki: “Duh Ratu Sang Hyang Widi Wasa, titiang sampun madosa pamantuka ring Palungguh IRatu. Suecaninja titiang tur segerangja titiang!”5
Meseh-meseh titiange pada maosang paindikan sane kaon marep ring titiang. Ipun pada ngedotang mangda titiang padem tur nenten kelingang malih.
6
Jadmane sane rauh nelokin titiang punika sami nenten nyandang gugu. Ipun munduhang orti-orti sane ngeniang indik titiange, tur sasampune punika ipun raris makaon saha merberang indike punika milehan.
7
Sakancan jadmane sane geting ring titiang pada makisi-kisi ngajak timpalipune ngeniang indik titiange. Ipun pada ngrencanayang paindikan sane jaat marep ring titiang.
8
Ipun pada mabaos sapuniki: “Ia gelem sanget pesan. Ia tusing lakar nyidayang buin bangun uli pedemannyane.”
9
Yadian sawitran titiange sane pinih raket, sane paling pracayain titiang, sane ajak titiang madaar dados apiring, ipun taler sampun mabalik nglawan titiang.
10
Duh Ratu Sang Hyang Widi Wasa, suecaninja titiang tur segerangja titiang. Titiang jaga ngwales meseh-meseh titiange.11
Ipun nenten jaga menang nglawan titiang, tur titiang jaga uning, mungguing Palungguh IRatu ledang ring titiang.
12
Palungguh IRatu jaga nulungin titiang santukan titiang nglaksanayang paindikan sane patut. Palungguh IRatu jaga ngamanggehang titiang ring ayun Palungguh IRatu ngantos salami-laminipun.
13
Pujija Ida Sang Hyang Widi Wasa, Widin wong Israele! Pujija Ida sane mangkin ngantos salami-laminipun! Amin! Amin!1
Sakadi manjangan sane ngedotang tukad sane toyannyane membah, kadi asapunika meled titiange ring Palungguh IRatu, duh Ratu Sang Hyang Widi Wasa.2
Titiang bedak ngetel ring Palungguh IRatu, duh Ratu Sang Hyang Widi Wasa sane jumeneng langgeng. Malih pidanke titiang mrasidayang tangkil miwah ngaturang bakti ring ayun Palungguh IRatu?
3
Siang latri titiang ngeling, tur wantah yeh mata sane dados tetedan titiange. Nyabran rahina meseh-meseh titiange mataken ring titiang sapuniki: “Dijake Widin jerone?”
4
Manah titiange dekdek renyuh, yening titiang eling ring masa sane sampun langkung, rikala titiang sinarengan ring anake akeh mamargi ngungsi Perhyangan Ida Sang Hyang Widi Wasa, sinambi nuntun ipun rikalaning ipun pada marerod. Irika anake akeh pada rumasa bagia, makidung miwah masuryak-suryak muji Ida Sang Hyang Widi Wasa.5
Napi awinannya titiang kalintang sedih? Napi awinannya titiang kalangkung meweh? Titiang jaga ngajap-ajap ring Ida Sang Hyang Widi Wasa juru rahayu miwah Widin titiange, tur titiang mamanah jaga muji Ida malih apisan.
6
[6-7] Manah titiange dekdek renyuh iriki ring paselongan. Punika awinannya titiang malikang manah titiange ka ayun Idane. Ida sampun ngwentenang ombak kaduhkitan nglancah jiwan titiange. Kaributane ngrudug nibenin titiang tan bina sakadi blabare, sakadi toyan grojogane tedun ka Tukad Yordane saking Gunung Hermon miwah Gunung Misar.7
8
Dumadak Ida Sang Hyang Widi Wasa nyinahang sih pasuecan Idane sane nenten rered-rered punika sakantunne rahina, mangda rikalaning wengi titiang mrasidayang makidung, ngunggahang pangastawan ring Ida Sang Hyang Widi Wasa, Widin urip titiange.
9
Titiang matur sapuniki ring Ida Sang Hyang Widi Wasa patindih titiange: “Napi awinannya Palungguh IRatu sampun nglaliang titiang? Napi awinannya titiang tan rered-rered nandang sangsara malantaran kawirosan meseh-meseh titiange?”10
Manah titiange dekdek renyuh santukan ipun tansah nganistayang titiang malantaran ipun tansah mataken ring titiang sapuniki: “Dija Widin jerone?”
11
Punapi gunanipun titiang kalintang duhkita? Punapi gunanipun titiang kalangkung meweh? Titiang jaga tansah ngajap-ajap Ida Sang Hyang Widi Wasa juru rahayu miwah Widin titiange tur titiang malih jaga muji Ida.1
Duh Ratu Sang Hyang Widi Wasa, sinahangja mungguing titiang puniki tan paiwang, tur belaninja wicaran titiange marep ring jadmane sane tan pawidi.2
Palungguh IRatu sane dados pasayuban titiange. Punapi awinannya Palungguh IRatu nilar titiang? Punapi awinannya titiang tan rered-rered nandang sangsara malantaran kawirosan meseh-meseh titiange?
3
Paicayangja galang miwah kapatutan Palungguh IRatune, mangda galang miwah kapatutane punika nuntun titiang tur ngajak titiang mawali ka Sion, bukit Palungguh IRatu sane suci, miwah ka Perhyangan Agung Palungguh IRatune, genah Palungguh IRatu malinggih.4
Duh Ratu Sang Hyang Widi Wasa, irika titiang jaga ngungsi pamorboran aturan druen Palungguh IRatune. Palungguh IRatu sane dados wit kaliangan titiange. Titiang jaga nabuh rebab titiange tur makidung muji Palungguh IRatu, duh Ratu Sang Hyang Widi Wasa, Widin titiange.
5
Punapi gunanipun titiang kalintang sedih? Punapi gunanipun titiang kalangkung meweh? Titiang jaga tansah ngajap-ajap Ida Sang Hyang Widi Wasa juru rahayu miwah Widin titiange tur titiang malih jaga muji Ida.1
Duh Ratu Sang Hyang Widi Wasa, titiang sampun miragi antuk kuping titiange newek. Leluur-leluur titiange sampun nuturang ring titiang ngeniang paindikan sane ageng sane sampun kardi Palungguh IRatu, rikala ipun kantun pada urip duke nguni.2
Palungguh IRatu sampun ngulah bangsa-bangsa sane tan pawidi, tur ngamanggehang kaulan Palungguh IRatu ring panegaranipune. Palungguh IRatu sampun nyisipang bangsa-bangsa sane lianan tur ngawinang kaula druene muponin gemuh landuh.
3
Kaulan Palungguh IRatu nentenja ngaonang tur ngaug jagate puniki malantaran pedang ipune. Ipun nentenja molih kamenangan malantaran kawisesanipune. Punika makasami malantaran kawisesan miwah kaluihan Palungguh IRatu santukan Palungguh IRatu ngiangin ipun. Indike punika makadados cihna mungguing Palungguh IRatu asih sueca ring ipun.
4
Palungguh IRatu makadados Ratu miwah Widin titiange. Palungguh IRatu mapaica kamenangan ring kaulan Palungguh IRatu,5
tur malantaran kawisesan Palungguh IRatu titiang ngaonang meseh-meseh titiange.
6
Titiang nenten andel ring panah titiange, wiadin ring pedang titiange buat ngrahayuang titiang.
7
Nanging Palungguh IRatu sampun ngluputang titiang saking meseh-meseh titiange, tur ngaonang jadmane sane geting ring titiang.
8
Titiang setata jaga muji Palungguh IRatu, tur ngaturang panyuksma ring ayun Palungguh IRatu ngantos salami-laminipun.
9
Nanging sane mangkin Palungguh IRatu sampun nulak titiang tur manggayang titiang kakaonang. Palungguh IRatu nenten kantun mamargi nyarengin wadua balan titiange.10
Palungguh IRatu ngawinang titiang jerih kapilayu saking arepan meseh-meseh titiange, tur ipun pada nyarah paderben titiange.
11
Palungguh IRatu manggayang titiang katampah waluya sakadi biri-birine. Palungguh IRatu nyambragang titiang ring jagat sunantarane.
12
Palungguh IRatu ngadol kaulan Palungguh IRatune antuk pangarga sane murah, tur Palungguh IRatu mikayunin mungguing ipun tan paji.
13
Pisaga-pisagan titiange ngeton paindikan sane sampun kardi Palungguh IRatu ring titiang, tur ipun pada ngewerin saha ngedekin titiang.14
Palungguh IRatu sampun nadosang titiang dados paindikan sane ngawinang anake pada seneb ring pantaran parabangsane sami, tur ipun pada kitak-kituk saha nemah misuh titiang.
15
Titiang setata kanistayang. Titiang kakaput antuk kimud,
16
malantaran miragi bebinjulan miwah pangewer meseh-meseh miwah jadmane sane geting ring titiang.
17
Sakancan paindikan punika sampun nibenin titiang, yadiastun titiang sampun nenten lali ring Palungguh IRatu, wiadin lompang ring pasubaya sane sampun kardi Palungguh IRatu ring titiang.18
Subaktin titiange ring Palungguh IRatu nenten naenin rered, tur titiang nenten naenin tempal ring sapatitah Palungguh IRatu,
19
yadiastuko Palungguh IRatu sampun manggayang titiang tan padaya ring pantaran sato-satone galak. Palungguh IRatu nilar titiang ring genah sane kalintang peteng dedet.
20
Yening titiang wusan nyungsung Widin titiange, raris ngastawa ring widi sane tiosan,21
Palungguh IRatu sampun janten nyingak indike punika, santukan Palungguh IRatu wikan ring manah titiange sane singid.
22
Nanging malantaran pakarsan Palungguh IRatu, nyabran rahina titiang rumasa kapademang waluya sakadi biri-birine sane jaga katampah.
23
Duh Ratu Sang Hyang Widi Wasa, rarisangja matangi! Punapi awinannya Palungguh IRatu sirep? Rarisangja matangi! Sampunangja Palungguh IRatu nulak titiang ngantos salami-laminipun.24
Punapi awinannya Palungguh IRatu nyingidang raga marep ring titiang? Sampunangja lali ring kasangsaran miwah kamewehan titiange!
25
Titiang bah kakaonang ring buke tur titiang nyag maguyang ring tanahe.26
Rarisangja rauh nulungin titiang malantaran sih pasuecan Palungguh IRatune sane nenten rered-rered.
1
Manah titiange kabekin antuk kruna-kruna sane becik, rikala titiang ngawi kidunge puniki pabuat ida sang prabu. Bungut titiange bek antuk sloka waluya sakadi sang pangawi sane pradnyan.2
Palungguh iratu anak sane pinih bagus ring pantaran manusane, palungguh iratu anak sane pascad mabaos. Ida Sang Hyang Widi Wasa tan mari ngamertanin iratu.3
Duh ratu sang prabu sane maha wisesa, rarisang sunglit pedang druene. Palungguh iratu maraga agung tur luih.
4
Rarisang lumampah sajeroning kaluihan buat molih kamenangan, nindihin kapatutan miwah kadilan. Kakuatan palungguh iratu jaga ngawinang iratu molih kamenangan sane ageng.5
Muncuk panah iratune lanying pisan. Muncuk panahe punika nuek ulun atin meseh-meseh iratune. Parabangsane pada bah malingeb ring buk padan palungguh iratu.
6
Kaprabon sane kapaicayang antuk Ida Sang Hyang Widi Wasa ring iratu jaga langgeng ngantos salami-laminipun. Palungguh iratu jaga mrentah kaulan iratune saha adil.7
Palungguh iratu ledang ring paindikan sane patut tur bendu ring paindikan sane corah. Punika awinannya Ida Sang Hyang Widi Wasa, Widin iratune, sampun nyelik iratu, tur sampun mriokang kaliangan sane maweweh-weweh ring iratu, bandingang ring sang prabu sane lianan.
8
Ambun wewangen mur miwah cendana nglikub busanan palungguh iratu. Suaran tetabuhane ngawinang kayun iratune gargita ring puri sane kapayasin antuk danta.
9
Ring pantaran istri-istrine sane ring purin iratune, wenten putri-putrin sang prabu, tur ring tengen singasanan iratune ngadeg sang pramesuari, sane ngrangsuk busana mas-masan sarwa mule.
10
Duh ratu sang pramesuari, pirengangja atur titiange, tur laliangja kaula miwah parasemeton iratune.11
Kaayuan iratune jaga ngawinang sang prabu kasemaran ring iratu. Ida makadados gustin iratune, duaning punika iratu patut sairing ring ida.
12
Rakyate ring Tirus jaga ngaturang aturan ring iratu, tur jadmane sane sugih-sugih jaga mamanah ngalap pakayunan iratune.
13
Ida sang pramesuari wenten ring puri. Ida kalintang ayu apekik. Busanan idane kakardi antuk benang mas.14
Sajeroning ngrangsuk busana manca warna, ida katuntun ka ajeng ida sang prabu, kairing antuk parapanyeroan idane. Parapanyeroane punika taler katurang ring ida sang prabu.
15
Antuk pakayunan sane bingar tur bungah sang pramesuari miwah parapanyeroan idane raris ngranjing ka purin ida sang prabu.
16
Duh ratu, ratun titiange, dumadak iratu akeh madue putra lanang buat ngentosin paraleluur iratune madeg ratu, tur iratu jaga nadosang ida mrentah sakuub jagate sami.
17
Kidung titiange jaga ngluihang palungguh iratu turun-temurun, tur jadmane makasami jaga ngluihang palungguh iratu salami-laminipun.
1
Ida Sang Hyang Widi Wasa dados pasayuban miwah kakuatan iragane. Ida setata nulungin iraga sajeroning iraga nemu kakewehan.2
Duaning punika iraga nenten jaga ajerih, yadiastun jagate puniki magejeran miwah gunung-gununge pada maclempung ka sawang samudrane,
3
yadiastun segarane jaga makuug tur ngrubeda miwah bukit-bukite pada magejeran antuk kawirosannyane.
4
Wenten tukad membah sane mamuat kaliangan ngungsi kotan Ida Sang Hyang Widi Wasa, ka purin Ida Sane Maha Luur Sane Suci.5
Ida Sang Hyang Widi Wasa wenten ring kotane punika, tur kotane punika nenten naenin pacang sirna. Pasemengan pisan Ida jaga rauh mapaica pitulungan.
6
Parabangsane pada jejeh ngetor, tur sakancan kaprabone pada magejeran. Ida Sang Hyang Widi Wasa makuug tur pretiwine jaga nyag ajur.
7
Ida Sang Hyang Widi Wasa Sane Maha Wisesa nyarengin. Widin Dane Yakub dados pasayuban iragane.8
Mrikija cingakin paindikan sane sampun kakardi antuk Ida Sang Hyang Widi Wasa. Cingakinja paindikan sane kalintang ngangobin sane sampun kardi Ida ring mrecapada.9
Ida ngrarianang sakancan yudane ring sakuub jagate sami. Ida ngelung sakancan panahe miwah nyirnayang sakancan tumbake, saha nunjel tamenge sami.
10
Ida ngandika sapuniki: “Suudja masiat, iba pada nawang mungguing Ulun ene Widi, ane ngwengku parabangsane muah murbeng rat.”
11
Ida Sang Hyang Widi Wasa Sane Maha Kuasa nyarengin iraga. Widin Dane Yakube dados pasayuban iragane.1
Duh parabangsa, pada andup-andupangja tangane saha masuka rena! Pujija Ida Sang Hyang Widi Wasa antuk kidung sane jangih!2
Ida Sang Hyang Widi Wasa Sane Maha Luur patut kajerihin. Ida maraga sang ratu agung, sane mrentah sakuub jagate sami.
3
Ida mapaica kamenangan ring iraga marep ring bangsa-bangsane sami. Ida sane ngawinang iraga mrentah parabangsane sami.
4
Ida nyelik genah pabuat iragane magumana. Iraga puniki kaulan idane sane kasumbungang miwah sane tresnain Ida.
5
Ida Sang Hyang Widi Wasa munggah ka singasanan Idane. Rikala Ida Sang Hyang Widi Wasa munggah, irika wenten suryak anak mabungah-bungah miwah suaran trompet.6
Rarisangja makidung muji Ida Sang Hyang Widi Wasa. Makidungja muji ratun iragane.
7
Ida Sang Hyang Widi Wasa, maraga ratu sane ngwengku jagate makasami. Pujija Ida antuk kidung!
8
Ida Sang Hyang Widi Wasa malinggih ring singasanan Idane sane suci. Ida nitah bangsa-bangsane sami.9
Parapamrentah bangsa-bangsane pada paum sareng kaulan Widin Abrahame. Kawisesan Idane maweweh-weweh, langkungan ring sakancan wadua balane. Ida nitah maduluran kagungan.
1
Ida Sang Hyang Widi Wasa punika maha agung, tur patut kapuji saha kaluihang ring kotan Widin iragane, ring bukit Idane sane suci.2
Sion, Gunung Ida Sang Hyang Widi Wasa punika tegeh tur becik pisan. Kotan Sang Prabu Sane Agung, sane makta kaliangan pabuat sakuub jagate sami.
3
Ida Sang Hyang Widi Wasa sampun nyinahang mungguing wenten sutrepti ring ayun Idane ring tengahing kotane punika.
4
Pararatune pada paum tur rauh ngebug Gunung Sione.5
Nanging rikala ida sareng sami pada nyingak gununge punika, ida pada rumasa angob. Ida pada rumasa ajerih raris kapilayu.
6
Irika ida sareng sami pada kaliput antuk rasa ajerih miwah karesresan, waluya sakadi anak istri sane jaga ngembasang rare,
7
tan bina sakadi kapal sane kapungsang-pangsing antuk angin ribut sane ageng.
8
Iraga sampun miragi paindikan sane sampun kakardi antuk Ida Sang Hyang Widi Wasa, tur sane mangkin iraga sampun ngeton paindikane punika ring kotan Ida Sang Hyang Widi Wasa, Widin iragane Sane Maha Wisesa. Ida pacang ngamanggehang kotane punika sutrepti kantos salami-laminipun.9
Duh Ratu Sang Hyang Widi Wasa, ring tengah Perhyangan Agung Palungguh IRatune titiang minehin sih pasuecan Palungguh IRatu sane nenten rered-rered punika.10
Palungguh IRatu kapuji antuk parabangsane sami, tur kabinawan Palungguh IRatu nglikub mrecapadane sami. Palungguh IRatu nitah antuk kadilan.
11
Banggayangja rakyat Sione pada masuka rena! Palungguh IRatu mapaica tetepasan sane adil. Banggayangja mangda wenten kabungahan ring kota-kotan Yehudane!
12
Ih parakaulan Ida Sang Hyang Widi Wasa, pada mamargija ngilehin Sione tur wilangja menara-menarannyane.13
Pada tlektekangja tembok-temboknyane miwah pintoninja benteng-bentengnyane, mangda semeton mrasidayang nuturang ring katurunan sane jaga rauh, kadi asapuniki:
14
“Ida Sang Hyang Widi Wasa punika dados Widin iragane sane langgeng salami-laminipun. Ida jaga nuntun iraga sapanjang masa sane jaga rauh.”
1
Inggih ida dane sareng sami, rarisangja pirengang. Parabangsa makasami, ring dija jua magenah rarisangja pirengang,2
agung alit sareng sami, yadian sugih wiadin tiwas.
3
Titiang teleb minehin indik sane dalem, tur titiang jaga maosang indik sane wicaksana.
4
Titiang jaga minehin sloka-slokane, tur nartayang pitegesipun rikalaning titiang nyuarayang rebab.
5
Titiang nenten ajerih sajeroning masa sane baya, rikalaning titiang kiter antuk satru,6
miwah kiter antuk jadmane corah-corah sane ngandelang kasugihanipune, miwah nyumbungang arta branan ipune sane akeh.
7
Nenten wenten anak sane mrasidayang ngrahayuang dewekipune niri. Ipun nenten mrasidayang naur pangargan uripipune ring Ida Sang Hyang Widi Wasa,
8
santukan pangargan uripipune kalintang ageng. Yadian amunapija akehnya ipun mrasidayang naur, punika nenten jaga cukup,
9
buat ngedohang ipun saking pati, wiadin manggayang ipun urip salami-laminnya.
10
Asing-asing anak mrasidayang manggihin mungguing jadmane sane wicaksana taler jaga padem, pateh sakadi jadmane sane nambet miwah jugul apunggung. Ipun makasami pada matamiang kasugihanipune ring katurunannyane.11
Kuburanipune makadados umahipune kantos salami-laminipun, tur irika ipun magenah sakayang-kayang, yadiastu ipun pecak maderbe tanah niri.
12
Kagungan manusane nenten mrasidayang ngluputang ipun saking pati. Ipun pasti jaga padem sakadi satone.
13
Indayangja aksi, kadi asapunika panadosipun jadmane sane ngandelang dewekipune niri, miwah pamuput jadmane sane rumasa andel ring arta brananipune.
14
Ipun pada kapastiang jaga padem waluya sakadi biri-birine, tur sang pati dados pangangonipune. Jadmane sane patut jaga menang nglawan ipun, tur bangkenipune digelis berek ring pati loka, doh saking umahipune suang-suang.
15
Nanging Ida Sang Hyang Widi Wasa jaga ngluputang titiang. Ida jaga ngrahayuang titiang saking kawisesan patine.
16
Sampunangja bingung yening wenten anak sane dados sugih, yadian kasugihanipune sayan mawuwuh-wuwuh.17
Rikala ipun padem, ipun nenten jaga mrasidayang makta kasugihane punika. Kasugihanipune nenten jaga nyarengin ipun ka bangbange.
18
Yadiastunja jadmane rumasa lega sajeroning uripnyane puniki, tur muponin kapujian malantaran ipun labda karya,
19
ipun pada padem sareng-sareng ring paraleluuripune ring genahe sane peteng dedet kantos salami-laminipun.
20
Kagungan manusane nenten mrasidayang ngluputang ipun saking patine. Ipun jaga tetep padem sakadi satone.
1
Ida Sang Hyang Widi Wasa, Sane Maha Wisesa, masabda. Ida ngesengin sakuub jagate makasami saking tanggu kangin rauh tanggu kauh.2
Ida Sang Hyang Widi Wasa masinar saking Sion, kota sane wiakti asri pisan.
3
Widin iragane rauh tur Ida nentenja meneng kewanten. Ida kariinin antuk geni ngendih murub miwah kiter antuk angin ribut.4
Ida ngesengin akasa miwah pretiwine makadados saksi, buat nyaksinin Ida nepasin kaulan Idane.
5
Ida ngandika sapuniki: “Punduhangja kaulan Ulune ane satia tuu di ayun Ulune, nah ento anak ane ngae prajanjian ngajak Ulun malantaran ngaturang aturan.”
6
Akasane nglumbrahang mungguing Ida Sang Hyang Widi Wasa punika maraga adil, tur Ida maraga hakim.
7
“Ih kaulan Ulun, padingehangja Ulun lakar masabda. Ulun lakar nyaksiang teken kita. Ih Israel Ulun ene Widi, Widin kitane.8
Ulun tusing nglemekin kita uli krana aturan kitane muah aturan maborbor ane setata aturang kita teken Ulun.
9
Ulun tusing merluang sampi uli umah kitane, wiadin kambing uli ingon-ingon kitane.
10
Sawatek burone ane di alase muah panyiuan ingon-ingon ane di bukit-bukite, ento duen Ulune.
11
Sakancan kedise ane di alase muah sawatek ane idup di pategalane ento makejang duen Ulune.
12
Yening Ulun marasa lue, Ulun tusingja ngorahang teken kita sawireh gumi muah saisinne makejang ento duen Ulune.13
Apake Ulun ngrayunang be sampi wiadin nginum getih kambing?
14
Aturangja aturan panyuksman kitane teken Ida Sang Hyang Widi Wasa, muah bayahja sakancan sesangin kitane teken Ida Sang Maha Wisesa.
15
Nunas icaja teken Ulun dikalan teka kakewehane. Ulun lakar ngluputang kita, tur kita lakar muji Ulun.”
16
Nanging Ida Sang Hyang Widi Wasa masabda ring jadmane dursila, kadi asapuniki: “Apa kranane kita ngrambang pituduh-pituduh Ulune? Apa kranane kita ngraosang Prajanjian Ulune?17
Kita tusing nyak nampi panglemek Ulune, tur kita tulak teken pituduh-pituduh Ulune.
18
Kita dadi sawitran sakancan malinge ane tepukin kita muah kita sruron teken sakancan anake ane mamitra.
19
Kita setata ngraosang paundukan ane corah, tur tusing suud-suud ngraosang paundukan ane bobab.20
Kita nalih nyaman kitane padidi muah ngalih-alihin kapelihannyane.
21
Ulun meneng dogen yadiastu kita suba nglaksanayang sakancan paundukane ento. Ento awanane kita ngaden Ulun patuh buka kita. Nanging ane jani Ulun nglemekin kita muah nyinahang unduke ento teken kita.
22
Ih anak ane tuara lingu teken Ulun, resepangja ene. Yen tusing keto Ulun lakar nyirnayang kita, tur tusing ada anak lakar ngluputang kita.23
Aturan panyuksmane ento makadadi aturan ane ngluihang Ulun, tur Ulun pedas lakar ngrahayuang sakancan anake ane astiti bakti teken Ulun.”
1
Duh Ratu Sang Hyang Widi Wasa, suecaninja titiang, malantaran sih pasuecan Palungguh IRatu sane nenten rered-rered. Masrana sih pasuecan Palungguh IRatu sane ageng, ampuhangja dosa-dosan titiange!2
Anyudangja sakancan kacorahan titiange, tur dadosangja titiang suci saking dosan titiange!
3
Titiang marasa ring kiwangan-kiwangan titiange, tur titiang setata rumasa ring dosa-dosan titiange.4
Titiang sampun madosa pamantuka ring Palungguh IRatu, inggih wantah ring Palungguh IRatu kewanten, tur titiang sampun nglaksanayang paindikan sane kabaos corah antuk Palungguh IRatu. Duaning punika Palungguh IRatu nepasin titiang, tur Palungguh IRatu adil sajeroning nyisipang titiang.
5
Titiang sampun madewek corah ngawit saking wau lekad. Ngawit saking wau lekad titiang sampun kabekin antuk dosa.
6
Palungguh IRatu ngarsayang kajujuran miwah kapatutan. Bekinja manah titiange antuk kawicaksanaan Palungguh IRatune.7
Kaonangja dosan titiange, sinah titiang jaga suci. Umbahja titiang sinah titiang jaga putihan bandingang ring saljune.
8
Lugrainja titiang miragi suara kaliangan miwah kabungahan, yadiastu Palungguh IRatu sampun ngelung tur ngenyagang titiang, titiang jaga malih rumasa bagia.
9
Peremangja pangaksian Palungguh IRatune marep ring dosa-dosan titiange, tur ampuhangja sakancan kacorahan titiange.
10
Duh Ratu Sang Hyang Widi Wasa, rarisangja makarya manah sane anyar ring dewek titiange, tur daginginja roh sane anyar sane tansah astiti bakti.11
Sampunangja titiang entunganga saking ayun Palungguh IRatu. Sampunangja ambila Roh Palungguh IRatu sane suci saking padewekan titiange.
12
Icenja titiang malih kaliangan sane rauh saking karahayuan paican Palungguh IRatu, tur dadosangja mangda titiang demen astiti bakti ring Palungguh IRatu.
13
Sasampune punika titiang jaga ngurukang pituduh-pituduh Palungguh IRatu ring parajadmane sane madosa, tur ipun jaga mabalik tangkil ka ayun Palungguh IRatu.
14
Duh Ratu Sang Hyang Widi Wasa, agemja urip titiang, tur rahayuangja titiang, sinah titiang saking liang jagi nglumbrahang kadilan Palungguh IRatu.15
Duh Ratu Sang Panembahan, tulunginja titiang mabaos, sinah titiang jaga muji Palungguh IRatu.
16
Palungguh IRatu nenten ngarsayang aturan. Yadianja titiang ngaturang aturan, Palungguh IRatu nenten ledang ring aturan sane maborbor.17
Duh Ratu Sang Hyang Widi Wasa, aturan titiange punika wantah manah sane alap asor. Palungguh IRatu nenten jaga nulak manah sane alap asor miwah sane rumasa pariselsel.
18
Duh Ratu Sang Hyang Widi Wasa, suecaninja Gunung Sione tur tulunginja ipun, wangunja malih tembok-tembok kota Yerusaleme.19
Irika Palungguh IRatu jagi rumasa ledang ring kayun malantaran aturan sane patut miwah antuk aturan titiange sane maborbor. Samaliha makudang-kudang banteng jaga katurang ring pamorboran aturan Palungguh IRatune.
1
Duh anak sane mawisesa, napi awinannya ragane nyumbungang raga malantaran kacorahan ragane? Sih pasuecan Ida Sang Hyang Widi Wasa punika langgeng.2
Ragane makarya rerincikan buat nguugang anak akeh, tur ragane waluya sakadi lemat pangurisan sane mangan. Ragane setata ngardi paindikan sane bobab.
3
Ragane bangetan tresna ring kacorahan imbangang ring paindikan sane becik miwah bangetan leket ring paindikan sane palsu bandingang ring paindikan sane sujati.
4
Ragane seneng nyakitin antuk bebaosan, ih anak sane bobab.
5
Punika awinannya Ida Sang Hyang Widi Wasa mapakayun jaga nguugang ragane kantos salami-laminipun. Ida jaga mancut ragane tur nyabatang ragane saking purin ragane. Ida jaga ngingsirang ragane saking jagat anake urip.6
Jadmane sane patut jaga ngeton indike punika tur pada ajerih. Sapangrarisipun, ipun jaga ngedekin ragane, sarwi mabaos sapuniki:
7
“Cingakinja, puniki jadmane sane nenten ngandelang Ida Sang Hyang Widi Wasa buat karahayuannyane. Ipun wantah andel ring kasugihanipune sane akeh, tur ngulati karahayuan malantaran malaksana dursila.”
8
Nanging titiang waluya sakadi wit saitun sane mentik ring purin Ida Sang Hyang Widi Wasa tur titiang pracaya ring sih pasuecan Idane sane nenten rered-rered ngantos salami-laminipun.
9
Duh Ratu Sang Hyang Widi Wasa, titiang setata jaga matur panyuksma ring ayun Palungguh IRatu, malantaran paindikan sane sampun kardi Palungguh IRatu. Ring arepan parakaulan Palungguh IRatu, titiang jaga nglumbrahang, mungguing Palungguh IRatu maraga becik.
1
Jadmane nambet pada mabaos sapuniki: “Tusingja ada Widi.” Ipun makasami corah, tur ipun pada nglaksanayang paindikan-paindikan sane kaon. Angan adiriko nenten wenten sane malaksana patut.2
Ida Sang Hyang Widi Wasa macingak ring imanusa saking suargan. Ida mapakayunan ngaksi punapike wenten anak sane wicaksana, sane nyungsung Ida.3
Nanging ipun makasami sampun mabalik. Ipun makasami pateh pada kaon. Ring pantaranipune adiriko nenten wenten sane malaksana patut.
4
Ida Sang Hyang Widi Wasa mataken, sapuniki: “Tusingke ia nawang? Apake jadmane ane malaksana corah ento tusing nawang apa-apaan? Ia pada idup ulihan ngrampok kaulan Ulune tur ia pada tusing taen ngastawa teken Ulun.”5
Nanging ipun jaga rumasa karesresan, inggih punika karesresan sane durung naenin rasayang ipun, santukan Ida Sang Hyang Widi Wasa jaga nyambehang tulang-tulang meseh-meseh kaulan Idane. Ida Sang Hyang Widi Wasa nulak ipun makasami. Malantaran kadi asapunika, wong Israele jaga ngaonang ipun saha basmi kerta.6
Sapunapike jaga antuk titiang ngastawa, mangda kamenangane punika ngrauhin wong Israele saking Sion. Ambate liangnya bangsa Israele, rikala Ida Sang Hyang Widi Wasa malih nglugrain ipun muponin gemuh landuh.1
Duh Ratu Sang Hyang Widi Wasa, rahayuangja titiang antuk kakuasan Palungguh IRatu. Bebasangja titiang antuk kawisesan Palungguh IRatu!2
Duh Ratu Sang Hyang Widi Wasa, pirengangja pangastawan titiange. Pirengangja atur titiange!
3
Parajadmane sane sumbung pada rauh nglurug titiang. Jadmane sane angkara murka miwah sane nenten lingu ring Ida Sang Hyang Widi Wasa pada mamanah ngamademang titiang.
4
Nanging Ida Sang Hyang Widi Wasa punika dados panulung titiange. Ida Sang Panembahan dados patindih titiange.5
Dumadak Ida Sang Hyang Widi Wasa nyisipang meseh-meseh titiange antuk kacorahanipune newek. Ida jaga nyirnayang ipun, santukan Ida maraga satia tuu.
6
Duh Ratu Sang Hyang Widi Wasa, titiang saking liang jaga ngaturang aturan ring ayun Palungguh IRatu. Titiang jaga ngaturang panyuksma ring ayun Palungguh IRatu, santukan Palungguh IRatu maraga becik.7
Palungguh IRatu sampun ngluputang titiang saking sakancan kamewehan titiange, tur titiang sampun ngeton meseh-meseh titiange pada kaon.
1
Duh Ratu Sang Hyang Widi Wasa, pirengangja pangastawan-pangastawan titiange. Sampunangja Palungguh IRatu nenten lingu ring pinunas titiange.2
Pirengangja atur titiange tur saurinja titiang, santukan titiang sampun kalintang kuru malantaran kamewehan-kamewehan titiange.
3
Titiang rumasa karesresan malantaran solah meseh-meseh titiange marep ring titiang, tur titiang kanyagang antuk jadmane dursila sane nindes titiang. Ipun makasami ngawinang titiang nemu kamewehan, tur ipun pada brangti miwah geting ring titiang.
4
Titiang rumasa karesresan pisan, tur kadurgaman sang patine neteh titiang.5
Titiang kaliput antuk rasa ajerih tur jejeh ngetor miwah titiang katangkeb antuk katakutan.
6
Titiang meled maderbe kampid sakadi paksi darane, tur titiang mamanah makeber ngulati genah masandekan.
7
Titiang mamanah makeber doh pisan, tur ngwangun pondok ring tegal melakange.
8
Titiang meled mangda digelis titiang molih pasayuban saking angin baret miwah angin ribute.
9
Duh Ratu Sang Hyang Widi Wasa, adukangja bebaosan meseh-meseh titiange!
10
sane ngiter kota punika siang latri, saha ngebekin kotane punika antuk kajaatan miwah kamewehan.
11
Ring sakuub kotane punika wenten karusakan. Margi-margine bek antuk kawirosan miwah panglingga caya.
12
Yening wenten meseh sane nganistayang titiang, titiang mrasidayang naanang indike punika. Yening wenten satru sane nyumbungang dewek marep ring titiang, titiang mrasidayang nyingidang dewek saking arepanipune.
13
Nanging ragane puniki, timpal miwah sawitran titiange sane raket.
14
Iraga sampun pada paras-paros sajeroning bebaosan miwah sareng-sareng mabakti ring Perhyangan Agung.
15
Dumadakja meseh-meseh titiange pada padem sadurung panemayannyane. Dumadak mangda ipun idup-idup tedun ka pati loka! Ring pumahanipune wenten kajaatan miwah ring manahipune wenten kacorahan.
16
Nanging titiang nunas pitulungan ring Ida Sang Hyang Widi Wasa, tur Ida jaga ngrahayuang titiang.17
Rikala semeng, tengai miwah wengine pinunas miwah sesambatan titiange munggah ring ayun Idane, tur Ida jaga ledang mireng atur titiange.
18
Ida jaga makta titiang mawali saha rahayu saking payudan titiange nglawan meseh-meseh sane kalintang akeh.
19
Ida Sang Hyang Widi Wasa sane nitah saking genahe sane langgeng jaga mirengang atur titiange tur jaga ngaonang ipun, santukan ipun nenten nyak ngesehin pepinehipune, samaliha ipun nenten ajerih ring Ida.
20
Kantin titiange sane riin, ipun nyengkalen sawitrannyane, tur lompang ring janjinipune.21
Baosipune manisan ring madu, nanging manah ipune tansah sengit tur masatru. Baosipune nyunyur sakadi gula drawa, nangingke nuek sakadi pedang sane mangan.
22
Aturangja kamewehan semetone ring Ida Sang Hyang Widi Wasa, sinah Ida jaga nindihin semeton. Ida nenten jaga naenin manggayang jadmane sane jujur kakaonang.23
Nanging Palungguh IRatu, duh Ratu Sang Hyang Widi Wasa, Palungguh IRatu jaga makta jadmane sane amati-mati miwah bobab ngungsi kuburipune, sadurung ipun polih muponin uripipune angan atenga. Nanging titiang puniki, titiang jaga suksrah ring Palungguh IRatu.1
Duh Ratu Sang Hyang Widi Wasa, suecaninja titiang, santukan titiang kagebug tur tansah kasangsaren antuk meseh-meseh titiange.2
Arahina mepek meseh-meseh titiange nglurug titiang. Akeh pisan jadmane sane mayuda nglawan titiang.
3
Duh Ratu Sang Hyang Widi Wasa Sane Maha Wisesa, yening titiang rumasa ajerih, titiang suksrah ring Palungguh IRatu.
4
Titiang suksrah ring Ida Sang Hyang Widi Wasa tur titiang nenten rumasa ajerih. Titiang muji Ida malantaran janji sane sampun janjiang Ida. Punapike sane prasida kalaksanayang antuk manusane marep ring titiang?
5
Sapanjang rahina meseh-meseh titiange ngardi kamewehan pabuat titiang. Ipun tan mari ngrincikang asapunapi jagi antukipun nyakitin titiang.6
Ipun pada mapunduh ring genahe sane singid, tur nlektekang saananing laksanan titiange, saha ngajap-ajap jaga ngamademang titiang.
7
Duh Ratu Sang Hyang Widi Wasa, sisipangja ipun, malantaran kacorahanipune. Kaonangja jadmane punika antuk pidukan Palungguh IRatu.
8
Palungguh IRatu wikan kadi asapunapi meweh titiange. Palungguh IRatu eling ring yeh matan titiange. Boyake punika sampun sinurat ring cakepan druene?9
Rikala titiang nunas ica ring Palungguh IRatu, meseh-meseh titiange pacang pada makirig. Titiang uning mungguing Ida Sang Hyang Widi Wasa makadados kantin titiange.
10
Inggih punika Ida Sang Hyang Widi Wasa, sane janjin Idane puji-puji titiang.
11
Titiang suksrah ring Ida, tur titiang nenten pacang ajerih. Napike sane prasida kalaksanayang antuk manusane marep ring titiang?
12
Duh Ratu Sang Hyang Widi Wasa, titiang jaga naur sesangin titiange ring Palungguh IRatu. Titiang jaga ngaturang aturan panyuksman titiange ring Palungguh IRatu.13
Santukan Palungguh IRatu sampun ngluputang titiang saking pati, tur miara titiang mangda titiang nenten kaon. Duaning punika titiang mamargi ring ayun Ida Sang Hyang Widi Wasa, sajeroning sinar kauripane.
1
Duh Ratu Sang Hyang Widi Wasa, suecaninja titiang. Suecaninja titiang, santukan titiang tangkil misadia nunas karahayuan ring Palungguh IRatu. Titiang molih pasayuban ring sor kampid Palungguh IRatune kantos angin ribute sane ageng punika nglintang.2
Titiang nunas ica ring Ida Sang Hyang Widi Wasa, Sane Maha Luur, Widi sane maicayang saluiring kabuatan titiange.3
Ida jaga nyaurin titiang saking suargan saha ngrahayuang titiang. Ida jaga ngaonang sakancan anake sane nindes titiang. Ida Sang Hyang Widi Wasa jaga nyinahang pasuecan Idane sane nenten rered-rered miwah kasatiaan Idane ring titiang.
4
Titiang kiter antuk meseh, sane sakadi singa-singa sane nyarap jadma. Giginipune waluya sakadi tumbak miwah panah, tur layah ipune waluya sakadi pedang sane mangan.5
Duh Ratu Sang Hyang Widi Wasa, sinahangja kagungan Palungguh IRatune ring akasane miwah kaluihan Palungguh IRatune ring sakuubing jagate.6
Meseh-meseh titiange sampun masang jaring jaga ngejuk titiang, tur titiang kaliput antuk kamewehan. Ipun pada makarya bangbang ring mambahan titiange, nanging ipun newek sane ulung ring bangbange punika.7
Duh Ratu Sang Hyang Widi Wasa, titiang sayuakti pracaya, tur titiang jaga makidung miwah muji Palungguh IRatu.8
Ih jiwan titiange, bangunja! Ih rebab miwah kendang pada bangunja! Santukan titiang jaga nundun matan aine.
9
Duh Ratu Sang Hyang Widi Wasa, titiang jaga ngaturang panyuksma ring Palungguh IRatu ring pantaran bangsa-bangsane. Titiang jaga muji Palungguh IRatu ring pantaran rakyate.
10
Sih pasuecan Palungguh IRatu sane nenten rered-rered punika kantos rauh ka suargan, tur kasatiaan Palungguh IRatune kantos rauh ring akasane.
11
Duh Ratu Sang Hyang Widi Wasa, sinahangja kagungan Palungguh IRatune ring ambarane miwah kaluihan Palungguh IRatune ring sakuubing jagate.
1
Duh parapamrentah, punapike ragane naenin mapaica tetepasan sane adil? Punapike ragane wiakti adil nepasin jadmane sami?2
Nenten pisan kadi asapunika! Ragane wantah mikayunin paindikan sane corah, sane prasida laksanayang ragane, tur ragane ngamargiang kawiryan ring jagate.
3
Jadmane corah malaksana iwang sapanjang uripipune. Ipun tansah mabaos bobab ngawit saking ipun wau lekad.4
Ipun bek ngemu upas waluya sakadi ula, tur ipun nekep kupingipune sakadi ula kobrane sane bongol,
5
sane nenten nyak miragiang suaran pawang ulane, wiadin kidung tukang sulape sane dueg.
6
Duh Ratu Sang Hyang Widi Wasa, lungja gigin singane sane galak punika.7
Dumadak mangda ipun sirna sakadi toyane sane membah raris nyat. Dumadak mangda ipun nyag sakadi padange sane ring lubukane.
8
Dumadak mangda ipun sakadi kakule sane nyilem ring endute, dumadak mangda ipun sakadi rare sane padem wau lekad, kantos ipun nenten naenin manggihin galang.
9
Sadurung ipun uning ring indike punika, ipun karit sakadi padang tur sajeroning pidukan Idane sane angarab-arab, Ida Sang Hyang Widi Wasa jaga ngampuhang ipun rikalaning ipun pada kantun urip.
10
Jadmane sane patut jaga pada marasa liang rikalaning ipun manggihin jadmane sane madosa kasisipang. Ipun pada jaga masehin buntutipune antuk getih jadmane dursila.11
Rakyate jaga mabaos sapuniki: “Jadmane patut wiakti molih upah. Sawiakti pisan wenten Widi sane nepasin jagate.”
1
Duh Ratu Widin titiange, luputangja titiang saking meseh-meseh titiange. Sayubinja titiang saking jadmane sane nglawan titiang!2
Rahayuangja titiang saking jadmane sane corah, tur luputangja titiang saking jadmane sane amati-mati!
3
Indayangja suryanin, ipun pada ngantosang jaga ngamademang titiang. Jadmane angkara murka pada mapunduh jaga nglawan titiang. Indike punika boyaja malantaran dosa wiadin kiwangan sane sampun laksanayang titiang.4
Oduh Ratu Sang Hyang Widi Wasa, boyaja malantaran kiwangan titiange ngantos ipun pada gegison ngungsi genahipune nyadang titiang.
5
Duh Ratu Sang Hyang Widi Wasa, Widi Sane Maha Wisesa, rarisangja matangi, tur tulunginja titiang. Palungguh IRatu ngraga makadados Widin Israele. Rarisangja matangi tur sisipangja jadmane sane tan pawidi punika. Sampunangja Palungguh IRatu nyinahang sih pasuecan ring jadmane sane dura cara.6
Ipun pada mawali rikalaning wengi, tur ipun pada aung-aung sakadi asune rikala ipun milehan ring kota.7
Pirengangja baosnyane sane nganistayang tur ngancam. Layahipune sakadi pedang ring bungutipune, yadiastu ipun uning mungguing nenten wenten anak sane miragiang suaranipune.
8
Nanging Palungguh IRatu ica nyingak ipun, duh Ratu Sang Hyang Widi Wasa! Palungguh IRatu nganistayang sakancan jadmane sane tan pawidi punika.9
Duh Ratu Sang Hyang Widi Wasa, titiang andel pisan ring kakuatan Palungguh IRatu. Palungguh IRatu dados pasayuban titiange.
10
Widin titiange sueca ring titiang tur Ida ledang ngrauhin titiang. Ida jaga nglugrain titiang ngeton meseh-meseh titiange kakaonang.
11
Duh Ratu Sang Hyang Widi Wasa, sampunang Palungguh IRatu ngamademang ipun mangda sampunang bangsan titiange lali. Duh Ratu Panembahan pasayuban titiange, sambehangja ipun antuk kawisesan Palungguh IRatune, tur kaonangja ipun.12
Bibihipune bek ngemu dosa tur baos ipune makasami bek madaging dosa. Dumadak mangda ipun kejuk malantaran kasumbungan ipune! Santukan ipun demen nemah misuh miwah mobab,
13
sirnayangja ipun antuk pidukan Palungguh IRatune. Sirnayangja ipun kantos basmi kerta. Sasampune punika sakancan anake jaga uning, mungguing Ida Sang Hyang Widi Wasa sane mrentah ring Israel, tur pamrentahan Idane nguub jagate makasami.
14
Meseh-meseh titiange pada mawali rikalaning wengi, tur ipun aung-aung sakadi asune rikala ipun milehan ring kota.15
Ipun waluya sakadi asune sane nglelana milehan ngrereh teda, tur ipun gereng-gereng yening ipun nenten jangkep polih tetedan.
16
Nanging titiang jaga makidung ngeniang indik kakuatan Palungguh IRatu. Nyabran semeng titiang jaga makidung gelar-gelur ngeniang indik sih pasuecan Palungguh IRatune sane nenten rered-rered punika. Palungguh IRatu sampun dados pasayuban titiange rikalaning titiang nemu kamewehan.17
Titiang jaga muji Palungguh IRatu, duh Ratu patindih titiange. Genah pasayuban titiange punika Ida Sang Hyang Widi Wasa, Widi sane asih sueca ring titiang.
1
Duh Ratu Sang Hyang Widi Wasa, Palungguh IRatu sampun nulak tur ngaonang titiang. Palungguh IRatu sampun duka ring titiang. Nanging sane mangkin ledang Palungguh IRatu mawali ring titiang.2
Palungguh IRatu sampun ngawinang jagate magejeran, tur Palungguh IRatu nyibak jagate punika. Sane mangkin warasangja tatun ipune, santukan ipun sampun sagsag.
3
Palungguh IRatu sampun ngawinang kaulan Palungguh IRatu nandang sangsara banget pisan. Titiang mamargi srayang-sruyung milehan sakadi rikala titiang punyah.
4
Palungguh IRatu sampun mapakeling ring jadmane sane ajerih ring Palungguh IRatu, mangda ipun prasida luput saking pasisip.
5
Luputangja titiang antuk kawisesan Palungguh IRatune. Daginginja pinunas titiange, mangda kaula sasayangan Palungguh IRatune prasida rahayu.
6
Saking genah Idane sane suci, Ida Sang Hyang Widi Wasa sampun masabda sapuniki: “Sajeroning kamenangan, Ulun lakar ngadum kota Sikeme, tur ngadumang Lebak Sukote teken kaulan Ulune.7
Gilead ento gelah Ulun aketo masih Manasene. Epraim dadi tetopong Ulune tur Yehuda dadi tungked kagungan Ulune.
8
Nanging Moab lakar anggon Ulun dadi pabasehan Ulune, tur Edom lakar dadi tongos ngentungang sandal Ulune, makadadi tanda mungguing ia dadi duen Ulune. Apake wong Pilistine ngaden ibanne nyidayang menang tur masuryak-suryak nglawan Ulun?”
9
Duh Ratu Sang Hyang Widi Wasa, sapasirake jaga ngajak titiang ka kota sane maserung antuk benteng? Sapasirake sane jaga nuntun titiang ka Edom?10
Punapike sawiakti Palungguh IRatu nulak titiang? Punapike Palungguh IRatu nenten jaga sareng-sareng mamargi medal nyarengin wadua balan titiange?
11
Tulunginja titiang nglawan mesehe punika. Pitulungan manusane nenten wenten pikenohipun.
12
Yening Ida Sang Hyang Widi Wasa ngabih titiang, titiang jaga menang. Ida sane jaga ngaonang meseh-meseh titiange.
1
Duh Ratu Sang Hyang Widi Wasa, pirengja sesambatan miwah pangastawan titiange!2
Sajeroning titiang rumasa putus asa miwah doh saking cecanggahan titiange, titiang nunas ica ring Palungguh IRatu.
3
santukan Palungguh IRatu sane dados pasayuban miwah kakuatan titiange buat ngarepin meseh-meseh titiange.
4
Lugrainja titiang masayuban ring linggih Palungguh IRatune sane suci salamin urip titiange. Lugrainja titiang muponin rahajeng ring kampid Palungguh IRatune.5
Duh Ratu Sang Hyang Widi Wasa, Palungguh IRatu sampun mireng janjin titiange samaliha Palungguh IRatu sampun maicayang ring titiang punapi sane patut dados pikolih jadmane sane ngluihang Palungguh IRatu.
6
Wewehinja yusan ida sang prabu malih makudang-kudang warsa, tur lugrainja ida ngraris nyeneng.7
Duh Ratu Sang Hyang Widi Wasa, dumadak mangda ida langgeng mrentah ring ayun Palungguh IRatu. Sayubinja ida antuk sih pasuecan miwah kasatian Palungguh IRatune sane nenten rered-rered.
8
Duaning punika titiang tansah jaga makidung muji Palungguh IRatu, makadados aturan titiange nyabran rahina sakadi sane sampun janjiang titiang.1
Saking sabar titiang nyantosang Ida Sang Hyang Widi Wasa buat ngrahayuang titiang. Titiang wantah nyleleg ring Ida ngraga.2
Ida ngraga sane nyayubin miwah ngrahayuang titiang. Ida sane makadados patindih titiange, tur titiang nenten jaga naenin kaon.
3
Malih amunapike suenipun jerone sareng sami jaga nglawan anake sane kakuatanipune nenten lebihan bandingang ring pagehane sane uug?4
Jerone wantah mamanah jaga nyurudang ipun saking genahipune sane luih. Jerone seneng ring paindikan sane bobab. Jerone maucap-ucap nunasang merta, nanging ring tengah pakayunan jerone, jerone nemah anake punika.
5
Titiang nyleleg wantah ring Ida Sang Hyang Widi Wasa ngraga. Titiang wantah ngajap-ajap ring Ida kewanten.6
Ida ngraga sane nyayubin miwah ngrahayuang titiang. Ida sane makadados patindih titiange, tur titiang nenten pacang naenin kaon.
7
Karahayuan miwah kaluihan titiange gumantung ring Ida Sang Hyang Widi Wasa. Ida makadados pasayuban titiange sane kukuh. Ida dados genah titiange masayuban.
8
Ih bangsan titiange, suksrahja ring Ida Sang Hyang Widi Wasa salami-laminipun. Aturangja sakancan kamewehan semetone ring Ida, santukan Ida dados pasayuban iragane.
9
Manusane makasami waluya sakadi angkihane akeplisan. Agung miwah alit sami pateh tan paguna. Indayangja genahang ipun ring panimbangane, sinah nenten wenten bobotipun. Ipun inganan bandingang ring angine.10
Sampunangja semeton ngandelang kawirosan, tur sampunangja ngajap-ajap molihing gae ulihan ngrampok. Yadiastun kasugihan semetone sayan maweweh-weweh, sampunangja semeton gumantung ring kasugihane punika.
11
Langkungan ring apisan titiang sampun miragi Ida Sang Hyang Widi Wasa masabda, mungguing kawisesane punika druen Idane.12
Samaliha sih pasuecan Idane nenten rered-rered. Duh Ratu Sang Hyang Widi Wasa, ledang Palungguh IRatu ngraga mapaica pikolih ring jadmane sami, manut laksananipune suang-suang.
1
Duh Ratu Sang Hyang Widi Wasa, Palungguh IRatu dados Widin titiange tur titiang tansah ngape-ape Palungguh IRatu. Dewek titiange makaukud tansah ngape-ape Palungguh IRatu, tur jiwan titiange bedak ngetel ring Palungguh IRatu, waluya sakadi tanahe sane tuh mempugan miwah kirangan toya.2
Lugrainja titiang ngeton Palungguh IRatu ring linggih Palungguh IRatune sane suci. Icenja titiang ngeton kawisesan miwah kaluihan Palungguh IRatune sane agung.
3
Sih pasuecan Palungguh IRatu sane nenten rered-rered punika becikan tinimbang ring uripe puniki, duaning punika titiang jaga muji Palungguh IRatu.
4
Sakantun titiange urip, titiang jaga tansah ngaturang panyuksma ring Palungguh IRatu. Titiang jaga nyakupang lima ngastawa ring Palungguh IRatu.
5
Jiwan titiange jaga masuka-sukan tur kapurnayang miwah titiang jaga ngidungang kidung kaliangan muji Palungguh IRatu.
6
Rikalaning titiang masare ring pedeman titiange, titiang eling ring Palungguh IRatu. Awengi mepek titiang minehin Palungguh IRatu.7
Santukan Palungguh IRatu setata dados panulung titiange. Ring sor kampid Palungguh IRatune titiang makidung maliang-liang.
8
Titiang nglanting ring Palungguh IRatu, tur tangan Palungguh IRatune ngambel titiang saha rahayu.
9
Jadmane sane mamanah ngamademang titiang jaga tedun ka lokan anake padem.10
Ipun jaga kapademang ring payudan, tur bangkenipune jaga kateda antuk asu alase.
11
Ida sang prabu masuka rena, santukan Ida Sang Hyang Widi Wasa mapaica kamenangan ring ida. Anake sane majanji sajeroning parab Ida Sang Hyang Widi Wasa jaga muji Ida, nanging bungut jadmane bobab jaga bungkem.
1
Duh Ratu Sang Hyang Widi Wasa, pirengja pangastawan titiange, santukan titiang sajeroning kamewehan. Luputangja urip titiange, santukan titiang ajerih ring meseh-meseh titiange.2
Sayubinja titiang saking komplotan jadmane dursila miwah saking kaributan jadmane sane corah.
3
Ipun pada nyangih layahipune waluya sakadi pedang miwah matitisang baos sane angkara murka waluya sakadi panah.
4
Ipun digelis pada nyebar kabobabanipune saha nenten rumasa kimud. Ipun nyirnayang anake sane patut antuk pisuna sane silib.
5
Ipun pada saling angsok ngajak timpalipune sajeroning rerincikanipune sane corah. Ipun ngrencanayang genah ipune jaga masang jeet. Sapuniki baosipune: “Tusingja ada anak nyidayang nepukin jeete ento.”
6
Ipun pada makarya rencana sane corah, sarwi mabaos sapuniki: “Iraga suba ngrencanayang kajaatan ane sampurna.” Ati miwah pepineh manusane punika nenten keni antuk nyugjugin.
7
Nanging Ida Sang Hyang Widi Wasa niwakang panah Idane ring ipun sareng sami, tur tan dumade ipun raris pada matatu.8
Ida jaga nyirnayang ipun malantaran baosipune punika. Sakancan jadmane sane manggihin ipun sami pada kitak-kituk.
9
Ipun makasami pada ajerih, tur ipun pada mineh-minehin paindikan sane sampun kakardi antuk Ida Sang Hyang Widi Wasa, tumuli nglumbrahang sakancan pakardin Idane.
10
Sakancan jadmane sane patut sami pacang masuka rena, malantaran paindikan sane sampun kakardi antuk Ida Sang Hyang Widi Wasa. Ipun jaga molih sutrepti ring ayun Idane. Sakancan jadmane sane patut sami jaga muji Ida.
1
Duh Ratu Sang Hyang Widi Wasa, patut pisan pabuat titiang muji Palungguh IRatu ring Sion, saha naur sesangin titiange ring Palungguh IRatu.2
Santukan Palungguh IRatu ledang nagingin sakancan pangastawane. Saking milehan parabangsane jaga rauh tangkil ring ayun Palungguh IRatu,
3
ulihan dosa-dosanipune. Kiwangan titiange sane ngawinang titiang kaon, nanging Palungguh IRatu ledang ngampurayang kiwangan-kiwangane punika.
4
Bagia pisan jadmane sane selik Palungguh IRatu, sane bakta Palungguh IRatu ka genah Palungguh IRatune sane suci buat muponin urip. Titiang jaga kapurnayang antuk saluiring paindikan sane becik sane wenten ring purin Palungguh IRatu, inggih punika merta saking Perhyangan Agung Palungguh IRatune sane suci.
5
Palungguh IRatu nagingin pinunas titiange malantaran Palungguh IRatu mapaica kamenangan ring titiang, samaliha Palungguh IRatu ngardi paindikan-paindikan sane ngangobin buat ngrahayuang titiang. Jadmane ring sakuub jagate miwah sane ring pulo-pulone sane doh, sami pada pracaya ring Palungguh IRatu.6
Palungguh IRatu ngenahang gunung-gununge ring genahnyane malantaran kakuatan Palungguh IRatu, saha nyinahang kakuatan Palungguh IRatu sane maha wisesa.
7
Palungguh IRatu negdegang kuugan-kuugan segara miwah grudugan ombake. Palungguh IRatu negdegang kaributan parabangsane.
8
Sakancan jadmane ring jagate sami pada angob tur karesresan ngantenang paindikan-paindikan sane ageng sane kardi Palungguh IRatu. Pakardin Palungguh IRatune ngawinang wenten suryak kabungahan saking tanggun jagate asiki ngantos rauh ka tanggunipune sane lianan.
9
Palungguh IRatu nyinahang sih pasuecan Palungguh IRatune ring jagate malantaran Palungguh IRatu nedunang sabeh. Palungguh IRatu ngawinang tanahe punika gemuh landuh. Palungguh IRatu ngebekin tukad-tukade antuk toya, tur Palungguh IRatu maicayang gandum ring jagate. Kadi asapunika Palungguh IRatu mapakardi ring jagate, inggih punika:10
Palungguh IRatu mapaica sabeh sane cukup ring pategalane sane sampun katenggala, saha ngemem ipun antuk toya. Palungguh IRatu ngenyagang tanahe punika antuk tristisan toya saha ngawinang entik-entikan sane muda pada mentik.
11
Ambate becik pamupon sane kadakang antuk kabecikan Palungguh IRatune punika. Kijaja Palungguh IRatu lunga, irika sami pada gemuh landuh.
12
Tegal pangonane bek madaging ingon-ingon tur sampih bukite bek kalikub antuk kaliangan.
13
Pategalane sami bek antuk biri-biri miwah lebake bek madaging gandum. Saananing sane wenten sami pada masuryak miwah makidung maliang-liang.
1
Ih parabangsa makasami, pujija Ida Sang Hyang Widi Wasa antuk suryak maliang-liang!2
Makidungja muji kaluihan parab Idane tur aturangja puji-pujian sane luih ring Ida!
3
Maturja ring Ida Sang Hyang Widi Wasa, sapuniki: “Ambate becikipun paindikan-paindikan sane kardi Palungguh IRatu! Kawisesan Palungguh IRatune kalintang ageng, kantos meseh-meseh Palungguh IRatune sumungkem saha ajerih ring ayun Palungguh IRatu.
4
Saananing mrecapadane pada sumuyud nyumbah Palungguh IRatu, tur ipun pada makidung muji Palungguh IRatu. Ipun pada makidung muji parab Palungguh IRatu.”
5
Mrikija cingak sane sampun kakardi antuk Ida Sang Hyang Widi Wasa, inggih punika pakardin Idane sane becik ring pantaran manusane.6
Ida ngubah segarane dados daatan sane tuh, tur paraleluur iragane pada mamargi nglintang ring tukade. Malantaran paindikane sane sampun kardi ida punika iraga masuka rena.
7
Ida mrentah salami-laminipun malantaran antuk kawisesan Idane miwah tansah macingak ring bangsa-bangsane sami. Ida nenten nglugrain wenten pembrontakan sane nglawan Ida.
8
Ih parabangsa sami. Pujija Widin titiange tur pada aturangja puji-pujian ragane ring Ida!
9
Ida sampun matiningin iraga ngantos iraga urip tur Ida nenten manggayang iraga labuh.
10
Duh Ratu Sang Hyang Widi Wasa, Palungguh IRatu sampun nguji titiang. Sakadi perake kauji antuk geni, kadi asapunika taler Palungguh IRatu sampun nguji titiang.11
Palungguh IRatu sampun manggayang titiang keni jeet, tur ngenahang tetegenan sane abot ring baong titiange.
12
Palungguh IRatu manggayang meseh-meseh titiange pada nyekjek titiang, tur titiang mamargi nglintangin geni miwah blabar, nanging sane mangkin Palungguh IRatu sampun makta titiang ring genahe sane rahayu.
13
Titiang jaga ngaturang aturan maborbor ring Perhyangan Palungguh IRatu tur titiang jaga naur sesangin titiange ring Palungguh IRatu.14
Titiang jaga ngaturang ring Palungguh IRatu paindikan sane sampun sesangiang titiang rikalaning titiang sajeroning nandang kamewehan.
15
Titiang jaga ngaturang biri-biri buat kaborbor ring pamorboran aturane. Titiang jaga ngaturang aturan banteng miwah kambing, tur andusnyane jaga malepuk munggah ka akasane.
16
Ih sakancan anake sane ngluihang Ida Sang Hyang Widi Wasa, mrikija pirengang, titiang jaga nartayang ring ragane paindikan-paindikan sane sampun kardi Ida buat titiang!17
Titiang masesambatan nunas pitulungan ring Ida, tur titiang muji Ida antuk kidung.
18
Yening titiang nenten lingu ring dosa-dosan titiange, Ida Sang Hyang Widi Wasa janten nenten mirengang pinunas titiange.
19
Nanging sawiaktinipun Ida Sang Hyang Widi Wasa sampun mirengang pangastawan titiange, tur Ida sampun nagingin pinunas titiange.
20
Titiang muji Ida Sang Hyang Widi Wasa, santukan Ida nenten nulak pangastawan titiange, wiadin ngedohang sih pasuecan Idane sane nenten rered-rered punika saking titiang.
1
Duh Ratu Sang Hyang Widi Wasa, suecanin tur mertaninja titiang. Suryaninja titiang antuk sih pasuecan Palungguh IRatu,2
mangda jagate makasami prasida uning ring pakarsan Palungguh IRatune, tur bangsa-bangsane pada uning ring karahayuan paican Palungguh IRatune.
3
Duh Ratu Sang Hyang Widi Wasa, dumadak bangsa-bangsane pada muji Palungguh IRatu! Dumadak sakancan bangsane muji Palungguh IRatu.4
Dumadak bangsa-bangsane pada masuka rena tur makidung saha liang, santukan Palungguh IRatu nepasin bangsa-bangsane punika antuk kadilan, tur nuntun ipun ring mrecapada.5
Duh Ratu Sang Hyang Widi Wasa, dumadak bangsa-bangsane pada muji Palungguh IRatu. Dumadak bangsa-bangsane makasami muji Palungguh IRatu!6
Tanahe sampun ngwetuang pamuponnyane. Ida Sang Hyang Widi Wasa, Widin iragane sampun ngamertanin iraga.7
Ida Sang Hyang Widi Wasa sampun ngamertanin iraga. Dumadak bangsa-bangsa ring jagate makasami pada ngluihang Ida.
1
Ida Sang Hyang Widi Wasa matangi tur nyambehang meseh-meseh Idane. Jadmane sane geting ring Ida sami pada kaon tur jerih kapilayu.2
Sakadi anduse malepuk raris sirna, kadi asapuniki Ida ngampehang ipun. Sakadi liline nyag ring arepan genine, kadi asapunika taler jadmane dursila winasa ring ajeng Ida Sang Hyang Widi Wasa.
3
Nanging jadmane sane patut pada liang miwah masuka rena ring ayun Idane. Ipun pada bagia miwah masuryak-suryak kabatek antuk liangipune.
4
Makidungja buat Ida Sang Hyang Widi Wasa, makidungja muji parab Idane. Cawisangja margine pabuat Ida mamargi ring duur ambune. Parab Idane punika Ida Sang Hyang Widi Wasa. Pada liangja ring ayun Idane!5
Ida Sang Hyang Widi Wasa sane jumeneng ring Perhyangan Agung Idane. Ida matiningin anake ubuh miwah nyayubin anake balu-balu.6
Ida mapaica umah ring anake sane nglisting buat dados genahipune, tur mebasang anake mapangkeng buat muponin kaliangan sajeroning kabebasan. Nanging soroh pembrontake jaga kagenahang ring tanahe sane suung.
7
Duh Ratu Sang Hyang Widi Wasa, rikala Palungguh IRatu nuntun kaula druene, tur rikala Palungguh IRatu mamargi nglintangin tegal melakange,8
jagate magejeran tur akasane nedunang sabeh, santukan Ida Sang Hyang Widi Wasa, Widin Gunung Sinaine miwah Widin Israele rauh.
9
Palungguh IRatu nedunang sabeh bales pisan miwah mecikang malih tanah druene sane sampun berag.
10
Irika kaulan Palungguh IRatune pada ngwangun cecanggahanipune. Malantaran kabecikan Palungguh IRatu, Palungguh IRatu nyawisang kabuatan jadmane sane tiwas-tiwas.
11
Ida Sang Hyang Widi Wasa mapaica pituduh, mawinan akeh paraistri pada mamuat orti kadi asapuniki:12
“Pararatu miwah wadua balan idane pada jerih kapilayu.” Paraistri sane jumah pada ngedum jejarahan, inggih punika:
13
pepindan paksi darane sane malapis antuk perak miwah kampid-kampidnyane kakaput antuk mas sane ngreneb. (Napi awinannya makudang-kudang diri saking pantaran ragane kantun pada ngoyong ring badan biri-birine daweg rahina payudane punika!)
14
Rikala Ida Sang Hyang Widi Wasa Sane Maha Wisesa nyambehang pararatune ring Gunung Salmon, Ida nedunang salju irika.
15
Ambate wisesan Gunung Basane, gunung sane mamuncuk akeh.16
Napi awinannyane saking muncuk-muncuk ragane sane mawisesa punika ragane nganistayang gunung sane kaselik antuk Ida Sang Hyang Widi Wasa buat dados linggih Idane? Ida Sang Hyang Widi Wasa jaga malinggih irika ngantos salami-laminipune.
17
Ida Sang Hyang Widi Wasa rauh saking Sinai ngranjing ka genah Idane sane suci, kairing antuk panyiu-nyiuan kretan Idane sane mawisesa.18
Ida munggah ka genah sane luur, saha makta tawanan akeh pisan. Ida nrima aturan saking jadmane sane brontak. Ida Sang Hyang Widi Wasa jaga malinggih irika.
19
Pujija Ida Sang Hyang Widi Wasa, sane negen tetegenan iragane nyabran rahina. Ida punika Widi sane ngrahayuang iraga.20
Widin iragane punika Widi sane ngrahayuang. Ida punika Ida Sang Hyang Widi Wasa. Widin iragane sane ngluputang iraga saking sang pati.
21
Ida Sang Hyang Widi Wasa janten pacang ngencak tenggek meseh-meseh Idane, inggih punika tenggek jadmane sane kukuh malaksana dosa.22
Ida Sang Hyang Widi Wasa sampun masabda sapuniki: “Ulun lakar ngaba musuh-musuh kitane malipetan uli Basan. Ulun lakar ngaba ia malipetan uli di sawang pasihe,
23
apanga kita nyidayang maceleban sig getihnyane muah cicing-cicing kitane nyidayang nginem getihnyane sakita karepnyane.”
24
Duh Ratu Sang Hyang Widi Wasa, kamenangan Palungguh IRatu sampun kapanggihin antuk jadmane sami, inggih punika peedan Ida Sang Hyang Widi Wasa ratun titiange ka genah Idane sane suci.25
Juru kidunge mamargi ring ajeng, tur juru tabuhe magenah ring ungkur, ring tengah-tengahnyane paradaane sane nabuh rebab.
26
“Pujija Ida Sang Hyang Widi Wasa sajeroning pauman kaulan Idane. Ih parakaturunan Dane Yakub, pujija Ida Sang Hyang Widi Wasa!”
27
Suku Benyamin suku sane pinih alita mamargi pinih riin, wusan punika raris parapamimpin Yehudane kasarengin antuk rombongan danene, raris kairing antuk parapamimpin Sebulon miwah Naptaline.
28
Duh Ratu Sang Hyang Widi Wasa, sinahangja kawisesan Palungguh IRatune, inggih punika kawisesan sane sampun gunayang Palungguh IRatu pabuat titiang,29
saking Perhyangan Agung Palungguh IRatune ring Yerusalem, ring genah pararatune ngaturang aturan ring ayun Palungguh IRatu.
30
Dukainja jagat Mesire, inggih punika sato alas sane ring ambengane punika. Dukainja bangsa-bangsane, sane ngangonang banteng miwah godel-godelnyane, ngantos ipun sareng sami pada sumungkem tur ngaturang perak ipune ring ayun Palungguh IRatu. Sambehangja bangsa-bangsane sane demen ngardi yuda.
31
Parautusane pacang rauh saking Mesir, tur wong Sudane pacang nyakupang liman ipune ngastawa ring Ida Sang Hyang Widi Wasa.
32
Duh parakaprabon jagate sami, makidungja muji Ida Sang Hyang Widi Wasa. Pujija Ida Sang Panembahan.33
Pujija Ida sane mamargi ring ambarane, ring langite sane nguni. Piragiangja sabdan Idane, Ida masabda antuk kerug sane mawisesa.
34
Lumbrahangja kawisesan Ida Sang Hyang Widi Wasa, duaning kagungan Idane nguub wong Israele, tur kawisesan Idane nguub langit.
35
Ambate luih Ida Sang Hyang Widi Wasa, Widin Israele, rikala Ida rauh saking linggih Idane sane suci. Ida mapaica kakuatan miwah kawisesan ring kaulan Idane. Pujija Ida Sang Hyang Widi Wasa!
1
Duh Ratu Sang Hyang Widi Wasa, rahayuangja titiang. Toyane sampun nglancah baong titiange.2
Titiang kalebu ring endute sane dalem, tur nenten wenten genah titiang menjekan. Titiang kelem ring toyane sane dalem, tur ombake ageng nganyudang titiang.
3
Titiang ngantos lesu masesambatan nunas tulung, tur kekolongan titiange ngantos tuh. Titiang sampun mengbeng matan titiange, ngajap-ajap pitulungan Palungguh IRatu.
4
Jadmane sane tan pakrana geting ring titiang akehan geboganipune ring bok sane wenten ring tendas titiange. Meseh-meseh titiange misunayang titiang. Ipun sami pada siteng tur mamanah ngamademang titiang. Ipun maksa titiang ngwaliang barang-barang sane nenten paling titiang.5
Duh Ratu Sang Hyang Widi Wasa, dosa-dosan titiange nenten kasaruan ring ayun Palungguh IRatu. Palungguh IRatu wikan ring kanambetan titiange.
6
Sampunangja titiang banggayanga ngawinang kimud anake sane pracaya ring Palungguh IRatu, duh Ratu Sang Hyang Widi Wasa Sane Maha Wisesa. Sampunangja titiang banggayanga ngawinang kimud anake sane nyungsung Palungguh IRatu, duh Ratu Widin Israele!
7
Titiang sampun kanistayang malantaran Palungguh IRatu, samaliha titiang kaliput antuk kimud.
8
Titiang satmaka dados wong pendonan ring pantaran nyama-nyamaan titiange, waluya sakadi wong sunantara marep ring kulawargan titiange.
9
Subaktin titiange pamantuka ring Perhyangan Agung Palungguh IRatu morbor titiang waluya sakadi geni. Kanistan sane katuekang ring Palungguh IRatu punika sami nibenin titiang.10
Titiang ngasorang dewek malantaran mapuasa, tur rakyate pada nganistayang titiang.
11
Titiang nyaluk pangangge sane muktiang mungguing titiang nandang duhkita, nanging ipun pada ngedekin titiang.
12
Ipun pada maosang titiang ring margi-margine, tur jadmane sane demen mamunyah pada makidung ngeniang indik titiange.
13
Nanging titiang puniki, titiang jaga ngastawa ring Palungguh IRatu, duh Ratu Sang Hyang Widi Wasa. Duh Ratu Sang Hyang Widi Wasa, saurinja titiang ring masa sane sampun selik Palungguh IRatu. Saurinja titiang malantaran sih pasuecan Palungguh IRatune sane ageng, santukan Palungguh IRatu ngamanggehang janjin Palungguh IRatu buat ngrahayuang titiang.14
Rahayuangja titiang saking endut genah titiang kalebu. Luputangja titiang saking meseh-meseh titiange, tur rahayuangja titiang saking toyane sane dalem.
15
Sampunangja icena blabare nglancah titiang. Sampunangja titiang banggayanga anyud ring genahe sane dalem, wiadin kalebu ring bangbang patine.
16
Duh Ratu Sang Hyang Widi Wasa, saurinja titiang malantaran kabecikan sih pasuecan Palungguh IRatune sane nenten rered-rered. Malantaran sih kapiolasan Palungguh IRatune sane ageng, ledangja mawali ring titiang.17
Sampunangja Palungguh IRatu nyingidang raga saking kaula druene. Saurinja titiang sane mangkin, duaning titiang sajeroning kamewehan sane ageng.
18
Rauhinja titiang tur rahayuangja titiang. Luputangja titiang saking meseh-meseh titiange.
19
Palungguh IRatu wikan ring indik titiange kabinjulin miwah kanistayang tur nenten kajiang. Palungguh IRatu nyingak meseh-meseh titiange makasami.20
Bebinjulane punika sampun ngenyagang manah titiange, tur titiang rumasa putus asa. Titiang sampun ngajap-ajap pitulungan nanging nenten wenten punapa-punapi. Titiang ngajap-ajap panglipur nanging nenten molih punapa-punapi.
21
Rikalaning titiang seduk, ipun nguehin titiang racun. Rikalaning titiang rumasa bedak, ipun nguehin titiang cuka.
22
Dumadakja panamiun ipune ngawinang ipun nyag. Dumadak papestanipune sane suci ngawinang ipun uug.23
Lempagja ipun mangda ipun buta. Dadosangja mangda tundun ipune tansah gemba.
24
Briokangja pidukan Palungguh IRatune ring ipun, tur banggayangja pidukan Palungguh IRatune nibenin ipun.
25
Banggayangja kemah ipune suung. Dumadakja nenten wenten anak angan adiri sane nongos ring kemahipune.
26
Ipun pada nyangsaren jadmane sane sampun sisipang Palungguh IRatu. Ipun pada maosang indik kasangsaran jadmane sane sampun sakitin Palungguh IRatu.
27
Suratangja sakancan dosa-dosanipune. Sampunangja ipun icena bagian sajeroning karahayuan paican Palungguh IRatune punika.
28
Dumadak mangda wastan ipune kusap saking cakepan uripe. Dumadak mangda ipun nenten sareng munggah ring cacakan kaulan Palungguh IRatune.
29
Nanging titiang sajeroning nandang pinakit miwah putus asa. Ratu Sang Hyang Widi Wasa, tingtingang tur rahayuangja titiang.30
Titiang jaga muji Ida Sang Hyang Widi Wasa antuk kidung. Titiang jaga nglumbrahang kagungan Idane malantaran ngaturang panyuksma ring Ida.31
Indike punika jagi ngawinang ledang pakayunan Ida Sang Hyang Widi Wasa, langkungan ring aturan banteng ring ayun Idane miwah langkungan ring aturan banteng sane mokoh.
32
Rikala jadmane sane katindes ngeton indike punika, ipun jaga pada rumasa liang. Jadmane sane astiti bakti ring Ida Sang Hyang Widi Wasa jaga pada molih pikukuhing manah.
33
Ida Sang Hyang Widi Wasa mireng pinunas jadmane sane kakirangan tur Ida nenten lali ring kaulan Idane sane wenten ring pangkeng.
34
Ih akasa miwah pretiwi, segara miwah sakancan gumatap-gumitipe sane wenten irika, pujija Ida Sang Hyang Widi Wasa.35
Ida jaga ngrahayuang kota Yerusaleme miwah jaga ngwangun malih kota-kotan Yehudane.
36
Katurunan parekan-parekan Idane jaga ngwarisin tanahe punika, tur jadmane sane astiti bakti ring Ida jaga jenek magenah irika.
1
Duh Ratu Sang Hyang Widi Wasa, rahayuangja titiang! Duh Ratu Sang Hyang Widi Wasa, tulunginja titiang sane mangkin!2
Dumadakja jadmane sane mamanah ngamademang titiang pada kakaonang tur bingung. Dumadakja jadmane sane rumasa bagia ulihan titiang nandang kamewehan, mabalik dados rumasa kimud.
3
Dumadakja jadmane sane ngewerin titiang pada katengkejutang antuk kakaonan ipune.
4
Dumadakja sakancan jadmane sane rauh tangkil ring ayun Palungguh IRatu pada liang masuka rena. Dumadak sakancan anake sane nganyuksmayang paican Palungguh IRatu punika, tansah mabaos asapuniki: “Ambate agungne Ida Sang Hyang Widi Wasa.”5
Duh Ratu Sang Hyang Widi Wasa, tulungja titiang digelis. Duh Ratu Sang Hyang Widi Wasa, gelisinja ngrauhin titiang, duaning titiang puniki lemet tur nenten maderbe panulung.1
Duh Ratu Sang Hyang Widi Wasa, titiang rauh nunas pasayuban ring ayun Palungguh IRatu. Sampunangja banggayanga titiang kantos kakaonang!2
Santukan Palungguh IRatu maraga adil, tulungin tur luputangja titiang. Pirengangja atur titiange, tur rahayuangja titiang!
3
Dadosja genah pasayuban titiange sane kukuh miwah benteng sane kukuh bakuh buat nyayubin titiang. Palungguh IRatu dados pasayuban miwah benteng titiange.
4
Duh Ratu Widin titiange, luputangja titiang saking jadmane dursila miwah saking kawisesan jadmane sane wirosa miwah corah.5
Duh Ratu Sang Hyang Widi Wasa, titiang wantah ngajap-ajap Palungguh IRatu. Titiang sampun suksrah ring Palungguh IRatu ngawit saking titiang kantun wimuda.
6
Titiang sampun nyuksrahang urip titiange ring ayun Palungguh IRatu. Palungguh IRatu sampun nyayubin titiang ngawit saking titiang wau lekad. Titiang setata jaga muji Palungguh IRatu.
7
Urip titiange sampun dados conto pabuat anake akeh, santukan Palungguh IRatu sampun dados patindih titiange sane kukuh bakuh.8
Arahina mepek titiang muji Palungguh IRatu tur nglumbrahang kaluihan Palungguh IRatune.
9
Sane mangkin sasampune titiang tua, sampunangja titiang tulaka. Sampunangja Palungguh IRatu nilar titiang sasampune titiang tan pabayu.
10
Meseh-meseh titiange mamanah jaga ngamademang titiang. Ipun pada mabebaosan miwah mapiguman jaga nglawan titiang.
11
Ipun pada mabaos sapuniki: “Ida Sang Hyang Widi Wasa suba ngutang ia. Jalan jani kepung tur juk ia, sinah tusing ada anak ane lakar ngluputang ia.”
12
Duh Ratu Sang Hyang Widi Wasa, sampunangja Palungguh IRatu ngedoh saking titiang. Duh Widin titiange, tulunginja titiang digelis!13
Dumadakja jadmane sane nyengkalen titiang pada kakaonang tur kasirnayang. Dumadakja jadmane sane mamanah nyakitin titiang pada nandang kimud miwah kanistan.
14
Titiang jaga tansah ngajap-ajap Palungguh IRatu, titiang jaga muji Palungguh IRatu mawanti-wanti.
15
Titiang jaga nuturang kabecikan Palungguh IRatune tur arahina mepek titiang jaga maosang karahayuan paican Palungguh IRatune, yadiastun indike punika nglangkungin pangresepan titiange.
16
Duh Ratu Sang Hyang Widi Wasa, Widi Sang Murbengrat, titiang jaga muji kawisesan Palungguh IRatune. Titiang jaga nglumbrahang kabecikan Palungguh IRatune kewanten.
17
Palungguh IRatu sampun nguruk titiang ngawit saking titiang kantun muda, tur titiang tetep nuturang indik pamargin Palungguh IRatune sane ngangobin.18
Sane mangkin sasampun titiange tua tur bok titiange sampun uban, duh Ratu Sang Hyang Widi Wasa, sampunangja Palungguh IRatu nilar titiang. Sarenginja titiang risedek titiang nglumbrahang kakuatan miwah kawisesan Palungguh IRatu, ring katurunan jadmane sane pacang rauh.
19
Duh Ratu Sang Hyang Widi Wasa, kadilan Palungguh IRatune rauh ka langite. Palungguh IRatu sampun ngardi paindikan-paindikan sane ageng. Nenten wenten anak sane nyamenin Palungguh IRatu.
20
Palungguh IRatu sampun niwakang kamewehan miwah kasangsaran ring titiang, nanging Palungguh IRatu jaga ngwaliang kakuatan titiange. Palungguh IRatu jaga ngraksa titiang mangda titiang nenten labuh ka bangbang patine.
21
Palungguh IRatu jaga nadosang titiang agungan ring sane sampun-sampun. Palungguh IRatu jaga malih nglipurang titiang.
22
Saking wiakti titiang jaga muji Palungguh IRatu antuk suaran rebab. Duh Ratu Sane Maha Sucin Israele, titiang jaga nyuarayang kidung antuk rebab pabuat Palungguh IRatu.23
Titiang jaga masuryak-suryak malantaran bungah ring manah rikalaning titiang matetabuhan muji Palungguh IRatu. Antuk bayu sabda idep titiange, titiang jaga makidung, santukan Palungguh IRatu sampun ngrahayuang titiang.
24
Arahina mepek titiang jaga maosang indik kadilan Palungguh IRatune, santukan jadmane sane mamanah nyengkalen titiang sampun kakaonang tur kanistayang.
1
Duh Ratu Sang Hyang Widi Wasa, urukja ida sang prabu ngamargiang tetepasan manut pidabdab Palungguh IRatu. Paicayangja ring ida kadilan Palungguh IRatune ngraga,2
mangda Ida nitah kaulan Palungguh IRatune miwah jadmane sane katindes antuk kadilan.
3
Dumadak jagate muponin gemuh landuh miwah kerta raharja.
4
Dumadak ida sang prabu saking jujur nepasin anake sane tiwas. Dumadak ida nulungin anake sane katunan, tur ngaonang anake sane nindes ipun.
5
Dumadak ida tansah dirga yusa sakantun surya miwah candrane masunaran turun-temurun.
6
Dumadak ida sang prabu waluya sakadi sabehe sane tumiba ring tegal pangonane wiadin sakadi sabehe bales nibenin pretiwine.7
Dumadakja sapanyeneng idane kadilane sayan sumebar, tur dumadakja kerta raharja nglantur sakantun candrane masunaran.
8
Dumadak pamrentahan idane ngawit saking segarane sane asiki rauh ring tepin segarane sane lianan, saking Tukad Eprate rauh ka tanggun jagate.9
Bangsa-bangsane sane saking tegal melakange jaga pada rauh sumungkem ring ayun idane, tur meseh-meseh idane pada ngeb malingeb.
10
Pararatune saking jagat Spanyol miwah saking pulo-pulone jaga pada rauh makta aturan ring ida, tur pararatune saking tanah Arab miwah Etiopia jaga pada rauh ngaturang upeti ring ida.
11
Sakancan pararatune jaga sumungkem ring ajeng idane, tur sakancan bangsane jaga ngancangin ida.
12
Ida ngluputang jadmane sane tiwas sane nunas ica ring ida miwah jadmane sane kakirangan miwah anake sane nenten kalinguang.13
Ida sih kapiolas ring jadmane sane lemet tur tiwas. Ida ngrahayuang urip jadmane sane kakirangan.
14
Ida ngluputang ipun saking panindesan miwah kawirosan. Uripnyane kalintang maji ring ajeng idane.
15
Dumadak ida sang prabu dirga yusa. Dumadak Ida katurin mas saking Arab. Dumadakja pangastawane tansah jaga kunggahang pabuat ida. Dumadak mertan Ida Sang Hyang Widi Wasa tumiba ring ida nyabran rahina.16
Dumadakja cukup wenten gandum ring jagate. Dumadakja bukit-bukite kabekin antuk tetanduran gandum, sane nedeng mawoh sakadi gandume ring Libanon. Dumadakja kotane bek madaging jadma, sakadi tegale bek madaging padang.
17
Dumadakja parab ida sang prabu langgeng salami-laminipun. Dumadak kabinawan Idane tan rered-rered sakantun wenten surya. Dumadak sakancan bangsane pada angayu bagia sajeroning parab idane, tur ipun pada muji ida.
18
Pujija Ida Sang Hyang Widi Wasa, Widin Israele! Ida ngraga sane ngardi paindikan-paindikan sane ngangobin puniki.
19
Pujija parab Idane sane luih ngantos salami-laminipun! Dumadak kaluihan Idane ngebekin jagate sami. Amin! Amin!
20
Punika pamuput pangastawan-pangastawan Ida Sang Prabu Daud, okan Dane Isai.
1
Sujatinipun Ida Sang Hyang Widi Wasa kalintang becik marep ring anake sane polos miwah ring anake sane ning manahnyane.2
Nanging kapracayan titiange sampun dasdasan sirna miwah pangegan titiange sampun tambis-tambis ical.
3
Santukan titiang sampun iri ati ring jadmane sane sumbung, rikala titiang manggihin jadmane sane dursila sami pada sida karya.
4
Ipun pada nenten ngrasayang sakit, tur ipun pada siteng saha seger oger.5
Ipun pada nenten nandang sangsara sakadi jadmane sane lianan. Ipun nenten nandang kamewehan sakadi sane katandangin antuk anake lianan.
6
Duaning punika ipun pada makalung kasumbungan miwah majubah kawirosan.
7
Manahipune ngwetuang kacorahan miwah pepinehipune bek antuk rencana-rencana sane jaat.
8
Ipun pada ngewerin tur nemah misuh anak lianan. Ipun pada sumbung tur makarya rencana buat jaga nindes anak lianan.
9
Ipun pada nemah-misuh Ida Sang Hyang Widi Wasa sane ring suargan, tur ngwedalang prentah sane nyapa kadi aku marep ring jadmane ring mrecapada,
10
mangda parakaulan Ida Sang Hyang Widi Wasa mabalik ring ipun, tur saking sarat ngugu saananing sane baosang ipun.
11
Ipun pada mabaos sapuniki: “Ida Sang Hyang Widi Wasa tusing lakar uning, tur Sane Maha Luur tusingja lakar nyingak.”
12
Kadi asapunika kawentenanipun jadmane dursila. Ipun sampun maderbe tur setata malih dot mangda polih akehan ring punika.
13
Dadosipun tan paguna yening titiang ngamanggehang kasucian miwah nenten sruron ring paindikan sane madosa.14
Duh Ratu Sang Hyang Widi Wasa, Palungguh IRatu sampun nyangsaren titiang arahina mepek. Nyabran semeng Palungguh IRatu sampun nyisipang titiang.
15
Yening titiang sampun mabaos kadi asapunika, dadosipun titiang sampun nenten malaksana sakadi salah tunggal kaulan Palungguh IRatu.16
Titiang ngindayang mineh-minehin paindikan punika makasami, nanging paindikan punika kalintang sengkil pabuat titiang,
17
kantos titiang ngranjing ka Perhyangan Agung Palungguh IRatu. Irika raris titiang prasida ngresep ring paindikan sane jaga nibenin jadmane dursila.
18
Palungguh IRatu jaga ngenahang ipun ring genahe sane belig, saha ngawinang ipun labuh tur benyah.19
Ipun digelis pacang sirna, tur ulung ring genahe sane madurgama.
20
Ipun waluya sakadi ipiane sane rikalaning semeng. Ipun sirna rikalaning Palungguh IRatu matangi, duh Ratu Sang Panembahan.
21
Rikala manah titiange rumasa nyag miwah pepineh titiange dekdek renyuh,22
kenginan titiang dados nambet waluya sakadi sato, tur nenten uning ring Palungguh IRatu.
23
Nanging titiang setata nampek ring Palungguh IRatu tur Palungguh IRatu ngambil liman titiange.
24
Palungguh IRatu nuntun titiang antuk titah Palungguh IRatu, tur ring pamuputipun Palungguh IRatu ledang nrima titiang sajeroning kaluihan.
25
Sajawining Palungguh IRatu, tan wenten malih sane derbeang titiang ring suargan. Sasukat titiange nyungsung Palungguh IRatu, tan wenten malih sane edotang titiang ring mrecapada.
26
Yadiastun manah miwah dewek titiange sayan lemet, nanging Ida Sang Hyang Widi Wasa makadados kakuatan titiange. Ida ngraga sane setata perluang titiang.
27
Jadmane sane nilar Palungguh IRatu sinah ipun pacang winasa. Palungguh IRatu jaga nyirnayang jadmane sane nenten satia tuu ring Palungguh IRatu.28
Nanging pabuat titiang puniki, titiang jaga tansah nampek ring Ida Sang Hyang Widi Wasa, buat ngulati pasayuban ring Ida Sang Hyang Widi Wasa sane murbengrat, tur nglumbrahang sakancan sane sampun kardi Ida.
1
Duh Ratu Sang Hyang Widi Wasa, punapi awinannya Palungguh IRatu nilar titiang kadi asapuniki? Punapike salami-laminipun Palungguh IRatu jaga duka ring kaula druene?2
Elingangja kaulan Palungguh IRatune, sane sampun selik Palungguh IRatu saking nguni, sane sampun medalang Palungguh IRatu saking genah ipune dados panjak, buat dados bangsa druen Palungguh IRatu ngraga. Elingangja Gunung Sione, sane pecak dados linggih Palungguh IRatune.
3
Rarisangja mamargi ring genahe sane basmi kerta punika. Meseh-meseh titiange sampun nyirnayang sakancan sane wenten ring Perhyangan Agunge.
4
Meseh-meseh Palungguh IRatu sampun masuryak-suryak sajeroning kamenangan ring Perhyangan Agung Palungguh IRatune. Ipun sampun nancebang benderanipune irika makadados cihna kamenangannyane.5
Pakantenane ipun sakadi tukang ponggole sane ngebah taru antuk kandik,
6
ipun pada ngrusak ukir-ukirane antuk kandik miwah palu.
7
Ipun nguugang tur nunjel Perhyangan Agung Palungguh IRatune. Ipun pada ngletehin genah panyungsungan Palungguh IRatune.
8
Ipun mamanah ngenyagang titiang, tur ipun nunjel sakancan genahe sane suci ring panegara punika.
9
Pralambang-pralambang titiange sane suci makasami ical. Nenten wenten nabi sane kantun irika miwah nenten wenten anak sane uning amunapike jaga suenipun indike kadi asapunika.10
Duh Ratu Sang Hyang Widi Wasa, malih amunapike suenipun meseh-meseh titiange jaga ngedekin Palungguh IRatu? Punapike salami-laminnya ipun jaga nganistayang parab Palungguh IRatune?
11
Punapike awinannya Palungguh IRatu nenten kayun nulungin titiang? Punapike awinannya Palungguh IRatu meneng tur masidakep kewanten?
12
Duh Ratu Sang Hyang Widi Wasa, Palungguh IRatu sane dados ratun titiange saking pangawit, tur Palungguh IRatu sampun pingkuda-kuda ngrahayuang titiang.13
Antuk kakuatan Palungguh IRatune sane mawisesa, Palungguh IRatu nyibak segarane tur ngenyagang tenggek sato segarane sane ageng-ageng.
14
Palungguh IRatu ngenyagang tenggek sato segarane sane mawasta Lewiatan tur maicayang bangkenipune dados tetedan sato-sato sane wenten ring tegal melakange.
15
Palungguh IRatu sane ngawinang kalebutan miwah toyan tukade membah. Palungguh IRatu sane ngenyatang tukade sane linggah-linggah.
16
Palungguh IRatu ngardi rahina miwah wengi, tur Palungguh IRatu ngenahang surya miwah candrane ring genahipune suang-suang.
17
Palungguh IRatu netepang tanggun jagate, tur Palungguh IRatu makarya masan endang miwah masan sabeh.
18
Nanging elingangja duh Ratu Sang Hyang Widi Wasa, mungguing meseh-meseh druene ngedekin Palungguh IRatu, tur jadmane sane tan pawidi punika nganistayang Palungguh IRatu.19
Sampunangja Palungguh IRatu ngentungang kaula druene sane tan padaya punika ring meseh-meseh ipune sane angkara murka. Sampunangja Palungguh IRatu lali ring kaula druene sane kasangsaran!
20
Elingangja prajanjian sane sampun kardi Palungguh IRatu ring titiang. Ring sabilang bucun jagate sane peteng dedet bek wenten kawirosan.
21
Sampunangja banggayanga jadmane sane katindes ngantos nandang kimud. Banggayangja jadmane sane tiwas-tiwas miwah sane kakirangan pada muji Palungguh IRatu.
22
Duh Ratu Sang Hyang Widi Wasa, rarisangja matangi, tur tindihinja wicara druene! Elingangja mungguing jadmane sane tan pawidi punika ngedekin Palungguh IRatu arahina mepek.23
Sampunangja Palungguh IRatu lali ring suryak kabramantian meseh-meseh druene miwah kaributan sane tan papegatan sane kardi ipun.
1
Titiang ngaturang panyuksma ring ayun Palungguh IRatu, duh Ratu Sang Hyang Widi Wasa. Titiang ngaturang panyuksma ring ayun Palungguh IRatu! Titiang nglumbrahang indik kagungan Palungguh IRatune, tur nuturang paindikan-paindikan sane luih sane sampun kardi Palungguh IRatu.2
Ida Sang Hyang Widi Wasa masabda sapuniki: “Ulun suba ngamastiang dina tetepasane tur Ulun lakar nepasin saha adil.3
Yadiastunja sawatek ane mangkihan pada jejeh ngetor tur gumine magejeran, Ulun lakar ngukuhang dasarnyane.
4
Ulun ngorahin jadmane dursila apang eda ia mrekak.
5
Ulun ngorahin ia, apanga ia suud sumbung.”
6
Tetepasane punika rauhnya boya saking kangin wiadin kauh, taler boya saking kaler miwah kelod.7
Wantah Ida Sang Hyang Widi Wasa sane maraga hakim, sane ngukum makudang-kudang anak miwah mebasang sane lianan.
8
Ida Sang Hyang Widi Wasa ngambel gelas ring tangan Idane, tur gelase punika bek madaging anggur pidukan Idane sane tan sipi. Ida mriokang anggure punika tur kinum antuk sakancan jadmane sane dursila. Ipun pada nginum anggure punika kantos tan magantulan angan aketelan.
9
Nanging titiang nenten jaga wusan maosang indik Widin Dane Yakub, wiadin makidung ngluihang Ida.10
Ida jaga ngenyagang kawisesan jadmane dursila, nanging kawisesan jadmane sane patut jaga tansah maweweh-weweh.
1
Ida Sang Hyang Widi Wasa sampun kabinawa ring Yehuda, tur parab Idane kaluihang ring Israel.2
Ida madue Perhyangan ring Yerusalem, tur Ida malinggih ring Gunung Sion.
3
Irika Ida ngelung panah, tameng miwah pedang mesehe makamiwah sanjatan ipune makasami.
4
Duh Ratu Sang Hyang Widi Wasa, ambate luih Palungguh IRatu, tur ambate agung Palungguh IRatu, rikala Palungguh IRatu mawali saking gunung-gunung genah Palungguh IRatune ngaonang meseh-meseh Palungguh IRatune.5
Prajurit-prajuritipune sane sura dira sami sampun kajarah, tur sane mangkin ipun pada pules tur padem. Sakancan kakuatan miwah karirihanipune sampun tan paguna.
6
Duh Ratu Widin Yakube, rikala Palungguh IRatu nukain ipun, sawatek kuda miwah sane nunggang sami pada padem.
7
Nanging Palungguh Ratu Sang Hyang Widi Wasa, IRatu kajerihin antuk jadmane makasami. Rikalaning Palungguh IRatu duka, nenten wenten jadmane sane mrasidayang majujuk ring ayun Palungguh IRatu.8
Palungguh IRatu ngwarah-warahang tetepasan Palungguh IRatune saking suargan. Jagate sami pada ajerih tur pada tan purun masuara,
9
rikalaning Palungguh IRatu matangi jaga ngwarah-warahang tetepasan, buat ngrahayuang jadmane sane katindes ring mrecapada.
10
Pedih manusane wantah ngawinang Palungguh IRatu sayan kaluihang. Jadmane sane kantun urip saking payudan jaga ngamanggehang rerainan Palungguh IRatune.11
Taurja ring Ida Sang Hyang Widi Wasa, Widin semetone, sakancan sane sampun sesangiang semeton ring Ida. Ih parabangsa-bangsa sane nampek, pada maturanja ring Ida. Ida Sang Hyang Widi Wasa ngawinang jadmane pada ajerih ring Ida.12
Ida ngasorang pararatune sane sumbung-sumbung tur ngawinang pararatune sane agung-agung rumasa karesresan.
1
Titiang masesambatan gelur-gelur pamantuka ring Ida Sang Hyang Widi Wasa. Titiang masesambatan gelur-gelur tur Ida mirengang sesambatan titiange.2
Sajeroning masa kamewehan, titiang ngastawa ring Ida Sang Hyang Widi Wasa. Awengi mepek titiang nyakupang lima ngastawa, nanging titiang nenten mrasidayang molih panglipur.
3
Yening titiang eling ring Ida Sang Hyang Widi Wasa, titiang rumasa engsek ring manah. Rikala titiang nunggalang idep tur ngranasika, titiang rumasa resres ring manah.
4
Ida manggayang titiang magadang awengi mepek. Titiang rumasa kalintang sebet ring manah, santukan titiang nenten mrasidayang mabaos.
5
Titiang mineh-minehin rahina-rahina sane sampun langkung tur eling ring taun-taun sane nguni-nguni.
6
Ring wengi punika titiang mapineh-pineh saha teleb, tur titiang nunggalang idep tur ngranasika, raris wetu pitaken ring manah titiange sapuniki:
7
“Punapike Ida Sang Hyang Widi Wasa setata jagi nulak titiang? Punapike Ida nenten naen malih jaga nyuecanin titiang?
8
Punapike Ida sampun wusan asih sueca ring titiang? Punapike janjin Idane nenten kantun manggeh?
9
Punapike Ida Sang Hyang Widi Wasa sampun lali ring sih pasuecan Idane? Punapike sih kapiolas Idane sampun kagentosin antuk piduka?”
10
Irika tumuli titiang mabaos sapuniki: “Puniki paindikan sane banget nuek manah titiange, inggih punika yening Ida Sang Hyang Widi Wasa nenten kantun mawisesa.”
11
Duh Ratu Sang Hyang Widi Wasa, titiang jaga ngelingang pakaryan-pakaryan Palungguh IRatune sane ageng-ageng, tur titiang malih jaga ngeling-elingang katawahan-katawahan sane sampun kardi Palungguh IRatu duke nguni.12
Titiang jaga minehin sakancan sane sampun kardi Palungguh IRatu. Titiang jaga nelebang pisan minehin sakancan pakardin Palungguh IRatune sane mawisesa.
13
Duh Ratu Sang Hyang Widi Wasa, sakancan sane kardi Palungguh IRatu punika suci. Nenten wenten Widi sane agung sakadi Palungguh IRatu.14
Palungguh IRatu punika Widi sane ngardi katawahan-katawahan. Palungguh IRatu nyinahang kawisesan Palungguh IRatune ring pantaran parabangsane.
15
Antuk kakuatan Palungguh IRatune, Palungguh IRatu ngrahayuang kaula druene, inggih punika katurunan Dane Yakub miwah katurunan Dane Yusup.
16
Duh Ratu Sang Hyang Widi Wasa, yen toyane ngeton Palungguh IRatu, ipun sami pada ajerih, tur sawang segarane taler jejeh ngetor.17
Guleme pada nyriokang sabeh, tur kerug krebeke makerug saking langite miwah tatite makelep nyatur arah.
18
Kerugan krebek Palungguh IRatune makerug tur makuug, tur kelepan tatite ngalangin jagate miwah pretiwine ngetor magejeran.
19
Palungguh IRatu mamargi nglintang ring duur ombake. Palungguh IRatu nglintang ring segarane sane dalem, nanging tampak cokor Palungguh IRatune nenten kanten.
20
Malantaran Dane Musa miwah Dane Harun, Palungguh IRatu nuntun kaula druene sakadi pangangon.
1
Duh bangsan tiange, pirengangja paurukan tiange, tur linguangja baos tiange.2
Tiang jaga ngunayang baos sane wicaksana, miwah jaga nerangang pepingitan sane saking nguni-nguni.
3
Paindikan sane sampun piragi miwah uningin iraga, inggih punika paindikan sane sampun katuturang antuk wong tuan iragane ring iraga.
4
Iraga nenten jaga ngengkebang indike punika ring pianak-pianak iragane. Iraga taler jaga nuturang ring katurunan sane jaga rauh, indik kawisesan Ida Sang Hyang Widi Wasa miwah pakaryan-pakaryan Idane sane ageng, saha paindikan-paindikan sane luih sane sampun kardi Ida.
5
Ida sampun mapaica pidabdab ring bangsa Israel miwah pituduh-pituduh ring katurunan Dane Yakub. Ida nitahang leluur iragane mangda ngurukang pidabdab-pidabdab Idane ring pianak-pianaknyane,6
mangda katurunan sane jaga rauh mrasidayang mlajahin pidabdab-pidabdabe punika, tur sapanglanturnyane, ipun patut nuturang ring pianak-pianaknyane.
7
Mangda malantaran sakadi asapunika ipun taler suksrah ring Ida Sang Hyang Widi Wasa, tur nenten lali ring paindikan sane sampun kardi Ida, nanging tansah sairing ring pituduh-pituduh Idane.
8
Mangda sampunang ipun sakadi leluurnyane, inggih punika bangsa sane sampun brontak miwah tungkas, tur nenten naenin seken suksrah ring Ida Sang Hyang Widi Wasa miwah nenten satia tuu ring Ida.
9
Suku Epraim, sane masanjata panah, sami pada ajerih kapilayu ring payudan.10
Ipun nenten ngamanggehang prajanjianipune ring Ida Sang Hyang Widi Wasa, tur ipun nenten nyak ninutin pidabdab Idane.
11
Ipun lali ring paindikan sane sampun kardi Ida, inggih punika katawahan sane sampun panggihin ipun.
12
Ring ajeng paraleluurnyane, Ida Sang Hyang Widi Wasa ngardi katawahan-katawahan, ring tegal Soane ring tanah Mesir.
13
Ida nyibak segarane tur ngajak ipun nglintangin segarane punika. Ida ngawinang toyan segarane nyeleg sakadi tembok.
14
Rikalaning rahina Ida nuntun ipun antuk ambun, tur rikalaning wengi antuk cayaning geni.
15
Ring tegal melakange Ida nyibak bukit batu, tur mapaica toya maliah-liah ring ipun sareng sami sakadi toyan sawang segarane.
16
Ida ngawinang wenten tlabah medal saking gunung batune, tur ngawinang wenten toya membah sakadi tukad.
17
Nangingke ipun ngraris ngardi dosa pamantuka ring Ida Sang Hyang Widi Wasa, tur ring tegal melakange ipun brontak nglawan Ida Sane Maha Luur.18
Ipun nyelapang mintonin Ida Sang Hyang Widi Wasa, malantaran ipun nunas pangan kinum sane dotang ipun.
19
Ipun mabaos marep ring Ida Sang Hyang Widi Wasa asapuniki: “Apake Ida Sang Hyang Widi Wasa nyidayang mapaica pangan kinum di tegal melakange?
20
Saja tuah Ida manteg bukit batu, laut pesu yeh membah suluk pesan, nanging apake Ida nyidayang masih ngicen iraga roti muah be?”
21
Duaning punika Ida Sang Hyang Widi Wasa tumuli duka pisan duk Ida mirengang baosnyane kadi asapunika. Ida ngeseng kaulan Idane antuk geni, tur pidukan Idane ring ipun sayan ngagengang,22
santukan ipun nenten pracaya ring Ida, tur nenten pracaya mungguing Ida jaga ngrahayuang ipun.
23
Nanging Ida raris ngandika ring langite baduur, tur mrentahang mangda ipun ngampakang jelananipune.
24
Ida mapaica ring ipun sareng sami gandum saking suargan, malantaran Ida nedunang manna buat dados panganipune.
25
Duaning punika ipun nunas ajeng-ajengan malaekat, tur Ida Sang Hyang Widi Wasa ngicen ipun sakancan sane dotang ipun.
26
Ida taler sane ngawinang angine bedangin mampeh tur antuk kawisesan Idane Ida ngawinang angine sane bedelod taler pada mampeh.
27
Ida mapaica paksi ring kaulan Idane, sane akehipun sakadi biase ring segarane.
28
Paksi-paksine punika ulung ring pakemahannyane, ring kiwa tengen kemah-kemahipune.
29
Irika rakyate tumuli pada nunas tur wareg. Ida Sang Hyang Widi Wasa maicayang ring ipun napija sane dotang ipun.
30
Nanging ipun durung taler lega ring sane dotang ipun. Yadiastun ipun sedek madaar,
31
Ida Sang Hyang Widi Wasa raris duka ring ipun, tur ngamademang jadmanipune sane pinih siteng-siteng miwah truna-truna sane pinih becik ring Israel.
32
Yadiastunja kadi asapunika, rakyate kantun taler ngardi dosa. Yadian ipun sampun ngeton katawahan-katawahan Idane, ipun taler nenten pracaya ring Ida.33
Punika awinanipun Ida raris muputang tuuhipune waluya sakadi angkihan akeplisan miwah uripipune kapuputang antuk bencana sane tan pasangkan.
34
Rikala Ida ngamademang makudang-kudang diri saking pantaran ipune, sane lianan raris mawali tangkil ring Ida, tur ipun raris kapok saha ngastawa saking nekeng ati ring Ida.
35
Ipun raris eling mungguing Ida Sang Hyang Widi Wasa dados pasayubanipune miwah Sane Maha Wisesa dados panulung ipune.
36
Nanging baos ipune makasami bobab. Sane baosang ipun nenten wenten sane jujur.
37
Ipun nenten subakti ring Ida, tur ipun nenten satia ring janjin ipune ring Ida.
38
Nanging Ida Sang Hyang Widi Wasa sih sueca ring kaulan Idane. Ida ngampurayang dosanipune tur nenten nyirnayang ipun. Sering pisan Ida ngandeg pidukan Idane tur nanggehang bendun Idane.39
Ida eling mungguing ipun wantah manusa pada, waluya sakadi angin sane mampeh raris ical.
40
Sering pisan ipun brontak nglawan Ida ring tegal melakange, tur sering pisan ipun ngawinang Ida sungsut.41
Mawali-wali ipun mintonin Ida Sang Hyang Widi Wasa, tur ngawinang sungkan pakayunan Widin Israele sane suci.
42
Ipun lali ring kawisesan Idane sane agung miwah ring rahina daweg ipune kaluputang saking meseh-mesehipune,
43
miwah daweg Idane nyinahang pakardin Idane sane mawisesa miwah katawahan-katawahan sane kardi Ida ring tegal Soane ring jagat Mesire.
44
Ida ngubah toyan tukade dados rah, ngantos wong Mesire nenten maderbe toya buat kinum.
45
Ida nedunang buyung ring pantaranipune, sane nyakitin ipun miwah godogan sane ngusakang tanahipune.
46
Ida nedunang balang buat neda upon-upon tanahipune miwah ngrusak pategalanipune.
47
Ida ngamademang punyan angguripune antuk sabeh batu miwah wit aanipune antuk damuh es.
48
Ida ngamademang bantengipune antuk sabeh batu miwah ingon-ingonipune antuk kilap.
49
Ida ngawinang ipun katiben kakewehan sane ageng malantaran Ida mriokang bebendu miwah piduka sane tan kadi-kadi, sane rauhnya tan bina sakadi utusan sang patine.
50
Ida nenten nanggehang bebendun Idane, wiadin madalem uripipune, nanging Ida ngamademang ipun antuk grubug.
51
Ida ngamademang pianakipune muani sane pinih kelih, ring sawatek kulawargan wong Mesire.
52
Sasampune punika Ida raris nuntun kaulan Idane medal, waluya sakadi pangangon, tur nuntun ipun nglintangin tegal melakange.53
Ida nuntun ipun saha rahayu, tur ipun pada nenten ajerih. Nanging segarane rauh nglancah tur ngelemang meseh-mesehipune.
54
Ida ngajak ipun ka tanah Idane sane suci, ka gunung-gununge sane sampun kaonang Ida.
55
Ida ngulah jadma uedan ring arepan kaulan Idane, tur Ida ngadum tanahipun ring pantaran suku-suku bangsa Israele, saha maicayang pumahan ring kaulan Idane.
56
Nanging ipun brontak nglawan Ida Sang Hyang Widi Wasa Sane Maha Wisesa, tur mintonin Ida. Ipun nenten satinut ring pituduh-pituduh Idane.57
Nanging ipun brontak miwah nenten subakti pateh sakadi leluuripune, nenten nyandang gega sakadi panah sane bengkok.
58
Ipun ngawinang Ida duka malantaran genah pangubaktinipune sane cemer, tur malantaran arca-arcanipune, ipun ngawinang Ida bendu.
59
Ida Sang Hyang Widi Wasa duka pisan, rikala Ida nyingak indike punika. Punika awinannya Ida nulak kaulan Idane makasami.
60
Ida nilar kemah Idane ring Silo, pecak genah Idane malinggih ring pantaran iragane.
61
Ida nglugrain meseh-meseh iragane nyarah Peti Prajanjiane, sane makadados pralambang kawisesan miwah kaluihan Idane.
62
Ida duka pisan ring kaulan Idane, tur manggayang ipun kapademang antuk meseh-mesehipune.
63
Truna-trunane pada kapademang ring payudan, kantos truni-truninnyane angan adiriko nenten wenten sane nganten.
64
Parapanditane seda antuk kawirosan tur balu-baluan danene nenten kalugrain mapangenan.
65
Pamuputipun, Ida Sang Hyang Widi Wasa raris matangi sakadi anak sane wau matangi saking sirep. Ida waluya anak sane siteng sane wau punyah malantaran nginem anggur.66
Ida ngebug meseh-meseh Idane, tur ngaonang ipun kantos nandang kimud salami-laminnya.
67
Nanging Ida nulak katurunan Dane Yusup, tur Ida nenten milih suku Epraim.
68
Ida tumuli nyelik suku Yehuda miwah Gunung Sion, sane sayangang Ida pisan.
69
Irika Ida ngwangun Perhyangan Agung Idane waluya sakadi purin Idane ring suargan. Ida ngrajegang Perhyangan Agung Idane waluya sakadi mrecapadane, kukuh bakuh salami-laminipun.
70
Ida nyelik parekan Idane Daud, tur Ida ngambil dane saking tegal pangonane,71
ring genah danene ngangonang ingon-ingon danene, tur Ida nadosang dane ratun wong Israele, pangangon kaulan Ida Sang Hyang Widi Wasa.
72
Dane Daud matiningin ipun antuk pakayunan sane nulus, tur nuntun ipun antuk kawidagdan.
1
Duh Ratu Sang Hyang Widi Wasa, bangsa-bangsane sane lianan sampun anglurug jagat druene. Ipun sampun ngletehin Perhyangan IRatune sane suci tur manggayang kota Yerusaleme uug maglaturan.2
Ipun manggayang sawan kaula druene dados tetedan paksi guak miwah paraparekan druene dados tetedan sato galak.
3
Ipun ngecorang rah kaulan Palungguh IRatu waluya sakadi ngecorang toya, rahe punika membah sakadi toya nglancah kota Yerusalem, tur nenten wenten jadma sane kantun urip buat mendem sawane punika.
4
Bangsa-bangsane ring kiwa tengen titiange pada minjulin titiang, tur ipun pada ngedekin miwah ngewerin titiang.
5
Duh Ratu Sang Hyang Widi Wasa, punapike Palungguh IRatu jaga duka ring titiang ngantos salami-laminipun? Punapike pidukan Palungguh IRatune jaga nglantur ngeseng sakadi geni?6
Tiwakangja pidukan Palungguh IRatune ring bangsa-bangsa sane nenten nyungsung Palungguh IRatu miwah ring bangsa-bangsa sane nenten ngastawa ring Palungguh IRatu,
7
santukan ipun sampun ngamademang kaulan Palungguh IRatu, tur ipun sampun nguugang panegara druene.
8
Sampunangja titiang sisipanga malantaran dosa-dosan leluur titiange. Sane mangkin suecaninja titiang, santukan pangajap-ajap titiange sami sampun telas.9
Duh Ratu Sang Hyang Widi Wasa, tulunginja titiang, tur rahayuangja titiang. Luputangja titiang tur ampurayangja dosa-dosan titiange, malantaran kaluihan Palungguh IRatune ngraga.
10
Punapi awinannya bangsa-bangsane punika mataken ring titiang, sapuniki: “Dijake Widin jerone?” Lugrainja titiang ngeton Palungguh IRatu nyisipang bangsa-bangsane punika, santukan ipun sampun ngecorang getih paraparekan Palungguh IRatune.
11
Pirengangja geluran jadmane sane mapangkeng, tur malantaran kawisesan Palungguh IRatu sane ageng, bebasangja jadmane sane kadanda pati.12
Duh Ratu Sang Panembahan, walesangja ring bangsa-bangsane punika kantos tikel ping pitu, malantaran panyacad sane sampun ucapang ipun pamantuka ring Palungguh IRatu.
13
Sasampun punika, titiang kaulan Palungguh IRatu, inggih punika biri-biri ingon-ingon druene, jaga ngaturang panyuksma ring ayun Palungguh IRatu salami-laminipun, tur muji Palungguh IRatu sapanjang masa sane jaga rauh.
1
Duh Ratu Sang Pangangon wong Israele, pirengangja atur titiange! Duh Ratu Sang Pamimpin ingon-ingon druene, pirengangja pinunas titiange! Malinggihja Palungguh IRatu ring singasana druene sane ring duur kampid malaekate.2
Sinahangja ragan Palungguh IRatune ring suku-suku Epraime, Benyamin miwah Manase! Sinahangja kakuatan Palungguh IRatune ring titiang tur gelisangja rauh ngrahayuang titiang.
3
Duh Ratu Sang Hyang Widi Wasa, waliangja titiang! Sinahangja sih pasuecan Palungguh IRatu ring titiang, sinah titiang jaga rahayu.4
Duh Ratu Sang Hyang Widi Wasa Sane Maha Wisesa, malih amunapike suenipun Palungguh IRatu jaga duka ring pangastawan parakaulan Palungguh IRatu?5
Palungguh IRatu sampun mapaica kaduhkitan makadados tetedan titiange, miwah yeh mata agelas ageng makadados inum-inuman titiange.
6
Palungguh IRatu manggayang bangsa-bangsane sane ring kiwa tengen titiange pada nglurug panegaran titiange, tur meseh-meseh titiange pada minjulin titiang.
7
Duh Ratu Sang Hyang Widi Wasa Sane Maha Wisesa, waliangja titiang! Sinahangja sih pasuecan Palungguh IRatune ring titiang, sinah titiang jaga rahayu!8
Palungguh IRatu sampun makta wit anggur medal saking Mesir. Palungguh IRatu sampun ngaonang bangsa-bangsa sane lianan tur Palungguh IRatu nandur wit anggure punika ring tanahipune.9
Palungguh IRatu mresihin genah wit anggure punika mentik. Akah-akahipun tumbuh dalem, tur witipun ngrempayak kantos nglikub tanahe makasami.
10
Wit anggure punika ngrembun naonin bukit-bukite punika, tur carang-carangnyane naonin wit aras sane ageng-ageng.
11
Carang-carangipune malipah ngantos rauh ring Segara Tengah miwah ngantos rauh ring Tukad Eprate.
12
Punapi awinannya Palungguh IRatu nguug pagehan sane nyerung ipun? Sane mangkin asing-asing anak sane nglintang irika mrasidayang mamaling wohipune.
13
Bawi-bawi alase pada nyekjek ipun, tur sato-sato alase pada neda ipun.
14
Duh Ratu Sang Hyang Widi Wasa Sane Maha Wisesa, mawalija ring titiang! Cingakja titiang saking suargan, tur gelisangja rauh ngrahayuang kaula druene!15
Rauh tur rahayuangja wit anggur sane tandur Palungguh IRatu punika, wit sane muda sane sampun tumbuhang Palungguh IRatu ngantos ageng tur kuat.
16
Meseh-meseh titiange sampun nunjel wit anggure punika tur nyepeg ipun. Cingak miwah dukainja meseh-meseh titiange punika tur sirnayangja ipun.17
Patiningin miwah sayubinja kaula seselikan Palungguh IRatu, bangsa sane sampun dadosang Palungguh IRatu kukuh bakuh.
18
Titiang nenten jaga naenin malih nilar Palungguh IRatu. Banggayangja titiang urip, janten titiang jaga muji Palungguh IRatu.
19
Duh Ratu Sang Hyang Widi Wasa Sane Maha Wisesa, waliangja titiang. Sinahangja sih pasuecan Palungguh IRatune ring titiang, sinah titiang jaga rahayu.1
Masuryakja saha muji Ida Sang Hyang Widi Wasa patindih iragane, tur makidungja ngluihang Widin Dane Yakube.2
Tabuhja tetabuhan miwah tepakja rebanane, tur tembangangja tembang sane becik antuk rebab miwah suling.
3
Suarayangja trompet buat marerainan, rikalaning sasih tanggal apisan miwah rikalaning sasih purnama.
4
Puniki pidabdab sane manggeh ring Israel, inggih punika pituduh saking Widin Dane Yakube.
5
Ida maicayang pidabdab punika ring bangsa Israel, rikalaning Ida nglurug jagat Mesire.
6
“Ulun nyuangin tetegenan kitane uli baong kitane. Ulun nglugrain kita nuunang batu ane tegen kita.
7
Dikalan kita nandang kewuh, kita masesambatan teken Ulun, tur Ulun ngrahayuang kita. Uli tongos Ulune ane ilid di tengah angin ribute, Ulun nyautin kita. Ulun mintonin kita sig yeh kalebutane di Meriba.
8
Ih kaulan Ulune, padingehangja piteket Ulune. Ih Israel, Ulun dot pesan apang kita nyak madingehang sabdan Ulune.
9
Kita tusing pesan dadi nyungsung Widi ane lenan.
10
Ulun ene Sang Hyang Widi Wasa, Widin kitane ane nantan kita pesu uli tanah Mesir. Enggangangja bibih kitane. Ulun lakar madaarin kita.11
Nanging kaulan Ulune tuara nyak madingehang sabdan Ulune tur Israel tusing nyak satinut teken Ulun.12
Ento awanane Ulun nepinin ia nyalanang kenehne ane bengkung, muah nglaksanayang sapakitannyane.
13
Ulun dot pesan apanga kaulan Ulune nyak madingehang Ulun. Ulun dot pesan apanga ia nyak astiti bakti teken Ulun.
14
Ulun dienggal lakar ngalahang musuh-musuhnyane muah nyirnayang sakancan satrunnyane.
15
Anake ane gedeg teken Ulun, lakar pada sumungkem tur jejeh di ajeng Ulune. Ukumannyane lakar kajalanang kanti salawas-lawasne.
16
Nanging Ulun lakar madaarin kita aji gandum ane paling melaha muah lakar ngwaregang kita aji madu alas.”
1
Ida Sang Hyang Widi Wasa mimpin paruman ring suargan, tur Ida maicayang kaputusan Idane sajeroning paruman paradewatane kadi asapuniki:2
“Kita patut suud nibakang tetepasan ane tuara adil. Kita patut suud ngilonin anake ane dursila.
3
Tindihinja hak anake ane tiwas muah anake ubuh-ubuh. Adilja kita marep teken anake ane katunan muah teken anak ane nglisting.
4
Luputangja ia uli kawisesan anake ane corah.
5
Kita tusing pesan nawang apa, tur kita belog pesan! Kita jaat pesan, tur kadilane suba ilang uli di gumine.6
Ulun masabda kene: ‘Kita ene paradewata, kita ajak makejang paraputran Ida Sane Maha Luur.’
7
Nanging kita lakar mati patuh buka manusane. Umur kitane tuara langgeng patuh buka umur asing-asing sang pangeran ane lenan.”
8
Duh Ratu Sang Hyang Widi Wasa, rarisangja rauh, tur prentahja jagate. Sawatek bangsa-bangsane punika druen Palungguh IRatu.1
Duh Ratu Sang Hyang Widi Wasa, sampunangja Palungguh IRatu meneng kewanten. Sampunangja Palungguh IRatu meneng, tur sampunangja Palungguh IRatu nenten lingu.2
Indayangja aksi! Meseh-meseh Palungguh IRatune sami pada iur miwah jadmane sane geting ring Palungguh IRatu sami pada brontak.
3
Ipun pada ngrencanayang pangindrajala marep ring kaulan Palungguh IRatune. Ipun pada mapacukan nglawan anak sane sayubin Palungguh IRatu.
4
Sapuniki baosipune: “Maija! Jalanja iraga nguugang bangsannyane, apanga Israel kengsapin kanti salawas-lawasne.”
5
Ipun sareng sami pada sararem ring rencananipune saha makanti sraya nglawan Palungguh IRatu, inggih punika:6
Wong Edom miwah wong Ismael, wong Moab miwah wong Hagar,
7
wong Gebal, Amon miwah Amalek, wong Pilistin miwah jadmane sane ring Tirus.
8
Kadi asapunika taler wong Asure sampun pada makanti sraya ring ipun, tur dados kanti sraya sane kukuh bakuh nyarengin parakaturunan Dane Lot.
9
Margiangja marep ring ipun sakadi sane sampun margiang Palungguh IRatu marep ring wong Midiane miwah Sang Senapati Sisera lan ring Sang Prabu Yabin daweg ring Tukad Kisone.10
Palungguh IRatu ngaonang ida dane ring Endor tur sawan ida danene dados lelemekan ring tanahe.
11
Margiangja ring parapamimpinipune sakadi sane sampun margiang Palungguh IRatu marep ring Sang Prabu Oreb miwah Seeb. Kaonangja sakancan pamrentahipune, sakadi sane sampun margiang Palungguh IRatu marep ring Sang Prabu Sebah miwah Sang Prabu Salmuna,
12
sane mabaos sapuniki: “Iraga lakar ngrampas tanah duen Ida Sang Hyang Widi Wasa pabuat dadi gelah iragane.”
13
Duh Ratu Sang Hyang Widi Wasa, sambehangja ipun sakadi abune miwah sakadi gumpange sane makeber ampehang angin.14
Sakadi genine ngeseng alase, sakadi genine ngarab-arab muunang bukite,
15
uberja ipun antuk angin ribut druene, tur tengkejutangja ipun antuk angin Palungguh IRatu sane baret.
16
Duh Ratu Sang Hyang Widi Wasa, tampelja muan ipune antuk kimud, tur kardija mangda ipun ngresep ring kawisesan Palungguh IRatu.
17
Dumadakja ipun kakaonang tur katengkejutang ngantos salami-laminipun. Dumadakja ipun padem saha nandang kimud tan kadi-kadi.
18
Dumadak ipun uning mungguing wantah Palungguh IRatu ngraga sane maraga Widi miwah pamrentah sane agung sane ngwengku mrecapadane sami.
1
Duh Ratu Sang Hyang Widi Wasa Sane Maha Wisesa, ambate meled manah titiange ring Perhyangan Agung Palungguh IRatune.2
Titiang meled pisan mangda titiang prasida irika! Titiang meled mangda titiang wenten ring Perhyangan Agung Ida Sang Hyang Widi Wasa. Antuk bayu sabda idep titiange, titiang makidung saha bungah muji Ida Sang Hyang Widi Wasa sane jumeneng langgeng.
3
Duh Ratu Sang Hyang Widi Wasa Sane Maha Wisesa, Ratun titiange miwah Widin titiange! Yadiastuja paksi perite sampun makarya sebun miwah paksi sesapine sampun makarya umahipune, nanging ipun taler pada matiningin panak-panakipune ring sisin genah pamorboran aturan druene.
4
Ambate bagian anake sane magenah ring Perhyangan Agung Palungguh IRatune, tur tan mari makidung muji Palungguh IRatu.
5
Ambate bagian jadmane sane kakuatanipune saking Palungguh IRatu rauhnya, sane tansah meled mapeed ngaturang bakti ka Gunung Sion.6
Rikalaning ipun nglintang ring Lebak Bakane, lebake punika dados genah toya empul, tur sabehe sane pangawit ring masan sabehe, ngebekin lebake punika antuk tlaga.
7
Rikalaning ipun mamargi, ipun dados sayan siteng, tur ipun jaga pada ngeton Widin paradewatane ring Sion.
8
Duh Ratu Sang Hyang Widi Wasa Sane Maha Wisesa, pirengangja pangastawan titiange. Duh Ratu Widin Yakube, pirengangja!9
Duh Ratu Sang Hyang Widi Wasa, mertaninja ratun titiange, sang prabu sane sampun selik Palungguh IRatu.
10
Arahina magenah ring Perhyangan Agung Palungguh IRatune, punika becikan yen imbangang ring siu rahina magenah ring genahe sane lianan. Becikan titiang majujuk ring gapuran purin Widin titiange, imbangang titiang magenah ring umah jadmane sane dursila.11
Ida Sang Hyang Widi Wasa punika dados pasayuban miwah ratun iragane sane luih. Ida ngamertanin iraga antuk sih kapiolasan miwah kaluihan. Ida nenten nulak sakancan paindikan sane becik marep ring anake sane malaksana patut.
12
Duh Ratu Sang Hyang Widi Wasa Sane Maha Wisesa, ambate bagianipun jadmane sane pracaya ring Palungguh IRatu!
1
Duh Ratu Sang Hyang Widi Wasa, Palungguh IRatu sampun sih sueca ring jagat druene, tur Palungguh IRatu sampun ngawinang wong Israele malih gemuh landuh.2
Palungguh IRatu sampun ngampurayang dosa-dosan kaulan Palungguh IRatune, tur ngaksamayang sakatahing kiwangan ipune.
3
Palungguh IRatu sampun wusan duka ring ipun, tur sampun ngurungang pidukan Palungguh IRatune sane ngendih murub.
4
Duh Ratu Sang Hyang Widi Wasa, juru rahayun titiange, waliangja kawentenan titiange sakadi jati mula tur wusanja Palungguh IRatu duka ring titiang!5
Punapike Palungguh IRatu jaga duka ngantos salami-laminipun ring titiang? Punapike pidukan Palungguh IRatune nenten jaga rered?
6
Dadosangja mangda titiang malih siteng, tur titiang parakaula druene jaga muji Palungguh IRatu.
7
Duh Ratu Sang Hyang Widi Wasa, sinahangja ring titiang sih pasuecan Palungguh IRatune sane nenten rered-rered, tur paicayangja ring titiang pitulungan sane ngawinang titiang rahayu.
8
Titiang jaga miragiang paindikan sane kapangandikayang antuk Ida Sang Hyang Widi Wasa. Ida nyanjiang dame ring titiang kaulan Idane, yening titiang nenten mawali nglaksanayang paindikan sane nambet.9
Sujatinipun Ida sampun sayaga jaga ngrahayuang jadmane sane ngluihang Ida, tur teja wedanan Idane sane ngawinang rahayu punika jaga manggeh wenten ring panegaran iragane.
10
Sih kapitresnane miwah kasatiane jaga matemu, tur kadilan miwah damene jaga saling gelut.
11
Subaktine jaga tumbuh ring jagate, tur kadilan Ida Sang Hyang Widi Wasa jaga macingak saking suargan.
12
Ida Sang Hyang Widi Wasa jaga ngawinang iraga gemuh landuh, tur tanah iragane jaga muponin pamupon sane katah.
13
Kadilane jaga mamargi ring ajeng Ida Sang Hyang Widi Wasa, tur nyawisang margi pabuat Ida.
1
Duh Ratu Sang Hyang Widi Wasa, pirengangja pinunas titiange, tur saurinja titiang, santukan nenten wenten anak sane nulungin titiang, samaliha titiang lemet.2
Luputangja titiang saking sang pati, santukan titiang subakti ring Palungguh IRatu. Luputangja titiang, santukan titiang puniki parekan Palungguh IRatu, tur titiang andel ring Palungguh IRatu.
3
Palungguh IRatu sane dados Widin titiange, duaning punika suecaninja titiang, titiang ngastawa ring Palungguh IRatu arahina mepek.4
Duh Ratu Sang Hyang Widi Wasa, lugrainja parekan druene kaliangan, santukan pangastawan titiange munggah ka ayun Palungguh IRatu.
5
Palungguh IRatu sueca ring titiang tur ngampurayang titiang, tur bek antuk pasuecan sane nenten rered-rered pabuat sakancan anake sane ngastawa ring Palungguh IRatu.
6
Duh Ratu Sang Hyang Widi Wasa, pirengangja pangastawan titiange. Pirengangja sesambatan titiange nunas pitulungan.7
Titiang mapinunas ring Palungguh IRatu rikalaning masa kamewehan, santukan Palungguh IRatu nagingin pangastawan titiange.
8
Duh Ratu Sang Hyang Widi Wasa, tan wenten Widi sane nyamenin Palungguh IRatu. Nenten wenten Widi sane mrasidayang ngardi paindikan sakadi sane sampun kardi Palungguh IRatu.9
Sakancan bangsane sane sampun kardi Palungguh IRatu, jaga pada rauh sumungkem ring ayun Palungguh IRatune. Ipun jaga muji kagungan Palungguh IRatune.
10
Palungguh IRatu mawisesa tur ngardi paindikan-paindikan sane ngangobin, tur wantah Palungguh IRatu kewanten sane maraga Widi.
11
Duh Ratu Sang Hyang Widi Wasa nikayangja ring titiang napi sane patut laksanayang titiang, tur titiang jaga satinut ring Palungguh IRatu saking satia tuu. Urukja titiang ngancangin Palungguh IRatu saking manah nguleng astiti bakti.12
Titiang jaga muji Palungguh IRatu antuk saguluking manah titiange, duh Ratu Sang Hyang Widi Wasa, Widin titiange. Titiang jaga nglumbrahang kagungan Palungguh IRatune ngantos salami-laminipun.
13
Ambate ageng sih pasuecan Palungguh IRatune sane nenten rered-rered punika tumiba ring titiang! Palungguh IRatu sampun ngrahayuang titiang saking bangbang patine.
14
Duh Ratu Sang Hyang Widi Wasa, jadmane sane ngagu mamanah nglawan titiang tur grombolan jadmane sane angkara sampun ngindayang ngamademang titiang, inggih punika jadmane sane nenten lingu ring Palungguh IRatu.15
Nanging duh Ratu Sang Hyang Widi Wasa, Palungguh IRatu maraga Widi sane asung lugraha miwah sih sueca, sane tansah sabar, tur tansah kapiolasan miwah satia tuu.
16
Cingakja titiang tur suecaninja titiang. Kuatangja titiang tur luputangja titiang, santukan titiang ngancangin Palungguh IRatu sakadi sane sampun kalaksanayang antuk memen titiange.
17
Duh Ratu Sang Hyang Widi Wasa, lugrainja titiang bukti ngeniang indik-indik kabecikan Palungguh IRatu. Jadmane sane geting ring titiang jaga nandang kimud, rikalaning ipun ngeton mungguing Palungguh IRatu sampun mapaica kaliangan miwah pitulungan ring titiang.
1
Ida Sang Hyang Widi Wasa ngwangun kotan Idane ring duur bukite sane suci.2
Ida asih sueca ring kota Yerusalem langkungan tinimbang ring genah-genahe sane lianan ring Israel.
3
Ih kotan Ida Sang Hyang Widi Wasa, padingehangja sakancan paundukan ibane ane melah, ane nikayang Ida kene:
4
“Di kalane Ulun naptarang bangsa-bangsa ane satinut teken Ulun, Ulun lakar nyuratang masih didaptare ento gumi Mesir muah gumi Babele. Di pantaran jlemane ane nongos di kota Yerusalem, Ulun masih lakar metek bangsa Pilistin, Tirus muah Sudan.”
5
Indik Sione jaga kabaosang mungguing sakancan bangsane jaga maug irika, tur Ida Sane Maha Wisesa jaga ngawinang ipun kukuh bakuh.6
Ida Sang Hyang Widi Wasa jaga nyuratang daptar bangsa-bangsane, tur ngaugang ipun makasami dados penduduk kota Yerusalem.
7
Ipun sareng sami pada masolah tur makidung, sapuniki: “Ring Sion genah wit sakancan mertan iragane.”
1
Duh Ratu Sang Hyang Widi Wasa, Widi miwah juru rahayun titiange, arahina titiang masesambatan, tur rikalaning wengi titiang tangkil ring ayun Palungguh IRatu.2
Pirengangja pangastawan titiange, tur pirengangja sesambatan titiange nunas pitulungan!
3
Kalintang akeh kamewehan sane nempuh dewek titiange, kantos titiang tambis-tambis padem.4
Titiang tan bina sakadi jadmane sane lianan sane makire padem, tur kakuatan titiange sami sampun ical.
5
Titiang kentungang ring pantaran jadmane padem. Titiang waluya sakadi sawa sane ring bangbang setrane, inggih punika jadma sane sampun laliang Palungguh IRatu, sane tan patut molih pitulungan saking Palungguh IRatu.
6
Palungguh IRatu sampun nyabatang titiang ka tengah bangbang setrane sane dalem, ring bangbang sane pinih peteng dedet tur pinih dalem.
7
Pidukan Palungguh IRatune berat pisan neteh titiang, tur titiang kanyagang ring sor ombak pidukane punika.
8
Palungguh IRatu sampun ngawinang timpal-timpal titiange pada ngutang titiang, tur ngawinang ipun marasa seneb ring titiang. Titiang kakurung tur nenten mrasidayang ngluputang dewek,9
tur matan titiange kuyu nandang sangsara. Duh Ratu Sang Hyang Widi Wasa, nyabran rahina titiang nunas ica, tur nyakupang lima ngastawa ring Palungguh IRatu.
10
Punapike Palungguh IRatu nyinahang katawahan pabuat jadmane sane padem? Punapike ipun jaga urip tur muji Palungguh IRatu?11
Punapike sih pasuecan Palungguh IRatu sane nenten rered-rered punika kabaosang ring bangbang setrane, wiadin punapike kasatian Palungguh IRatune kabaosang ring genah karusakane?
12
Punapike katawahan Palungguh IRatune kanten ring genahe sane peteng dedet, wiadin punapike kabecikan Palungguh IRatune kanten ring jagate sane sampun kalaliang?
13
Duh Ratu Sang Hyang Widi Wasa, titiang masesambatan nunas tulung ring Palungguh IRatu, tur nyabran semeng titiang ngastawa ring Palungguh IRatu.14
Duh Ratu Sang Hyang Widi Wasa, punapi awinannya Palungguh IRatu nulak titiang? Punapike awinannya Palungguh IRatu ngedoh saking titiang?
15
Ngawit saking titiang kantun wimuda, titiang sampun nandang sangsara tur tambis-tambis padem. Titiang leleh tan pabayu malantaran antuk pidukan Palungguh IRatune.
16
Pidukan Palungguh IRatu sane banget punika ngenyagang titiang, tur panglurug Palungguh IRatune sane tan sipi punika nguugang titiang.
17
Sapanjang rahina pidukane punika ngiter titiang sakadi blabar, tur pidukane punika ngiter titiang saking milehan.
18
Palungguh IRatu sampun ngawinang sawitran titiange sane pinih raket ring titiang ngutang titiang, tur wantah peteng dedete kewanten sane dados timpal titiange.
1
Duh Ratu Sang Hyang Widi Wasa, titiang jaga tan mari ngidungang sih pasuecan Palungguh IRatu sane tan rered-rered, tur jaga nglumbrahang kasatian Palungguh IRatune kantos salami-laminipun.2
Titiang uning mungguing sih pasuecan Palungguh IRatu punika jaga nglantur ngantos salami-laminipun miwah kasatian Palungguh IRatu kukuh bakuh waluya sakadi langite.
3
Palungguh IRatu masabda asapuniki: “Ulun suba ngae prajanjian ngajak manusane ane selik Ulun, tur Ulun suba majanji teken Daud parekan Ulune kene:
4
‘Katurunan kitane lakar setata madeg ratu. Ulun lakar matiningin katurunan kitane kanti salawas-lawasne.’ ”
5
Duh Ratu Sang Hyang Widi Wasa, akasane ngidungang paindikan-paindikan sane becik sane sampun kardi Palungguh IRatu, tur ipun ngidungang kasatian Palungguh IRatune.6
Duh Ratu Sang Hyang Widi Wasa, tan wenten anak sane nyamenin Palungguh IRatu ring suargan. Sawatek sane murip ring suargan nenten wenten sane pateh sakadi Palungguh IRatu.
7
Palungguh IRatu kaluihang ring paruman parasucine, tur ipun makasami pada kagaok ring Palungguh IRatu.
8
Duh Ratu Sang Hyang Widi Wasa, Widi Sane Maha Wisesa, nenten wenten anak sane mawisesa sakadi Palungguh IRatu. Duh Ratu Sang Hyang Widi Wasa, ring saluiring paindikan Palungguh IRatu satia tuu.9
Palungguh IRatu nitah segarane sane mawisesa, samaliha Palungguh IRatu nedunang ombakipune sane ngrubeda.
10
Palungguh IRatu nyakcak sato segarane sane ageng sane mawasta Rahab tur ngamademang ipun, samaliha antuk kakuatan IRatune sane mawisesa Palungguh IRatu ngaonang meseh-meseh druene.
11
Akasane punika druen Palungguh IRatu, kadi asapunika taler pretiwine. Palungguh IRatu ngardi jagate miwah sadagingipun sami.
12
Palungguh IRatu sane ngwentenang kaler miwah kelod. Gunung Tabor miwah Gunung Hermone makidung saha bungah muji Palungguh IRatu.
13
Ambate ageng kawisesan Palungguh IRatune! Ambate ageng kakuatan Palungguh IRatune!
14
Kaprabon Palungguh IRatune kadasarin antuk kapatutan, kadilan tur sih pasuecan miwah kasatian tansah sinah ring sakancan pakardin Palungguh IRatu.
15
Ambate bagian rakyate sane ngaturang bakti ring Palungguh IRatu masrana kidung, inggih punika anake sane urip sajeroning galang sih pasuecan Palungguh IRatune.16
Malantaran Palungguh IRatu, ipun pada masuka rena arahina mepek, tur ipun pada muji Palungguh IRatu malantaran kabecikan Palungguh IRatune.
17
Palungguh IRatu mapaica kamenangan sane ageng ring titiang, tur sajeroning sih pasuecan Palungguh IRatune, Palungguh IRatu ngawinang titiang menang.
18
Duh Ratu Sang Hyang Widi Wasa, Palungguh IRatu sane nyelik sesuunan titiange. Palungguh IRatu Widin Israele sane suci, sane mapaica sang prabu ring titiang.
19
Sane dumun masrana wahyu Palungguh IRatu masabda ring parekan druene sane satia tuu, sapuniki: “Ulun suba mapaica pitulungan teken prajurite ane kabinawa, tur Ulun suba mapaica singasana teken anak ane selik Ulun uli pantaran rakyate.
20
Ulun suba ngamanggehang parekan Ulune Daud dadi raja malantaran nyriokin ia aji lengis ane suci.
21
Kakuatan Ulune lakar setata marengin ia, tur kawisesan Ulune lakar ngawanang ia kuat.
22
Musuh-musuhne tusing lakar taen menang nglawan ia, tur anake dursila tusing lakar nyidayang ngalahang ia.
23
Ulun lakar ngenyagang musuh-musuhne, tur ngamatiang sakancan anake ane geting teken ia.
24
Ulun lakar asih sueca tur satia teken ia. Ulun lakar ngawanang apang ia setata menang.
25
Ulun lakar ngamanggehang pamrentahannyane uli di Segara Tengahe nganti neked di Tukad Eprate.
26
Ia lakar matur teken Ulun kene: ‘Palungguh IRatu makadados Aji miwah Widin titiange, samaliha Palungguh IRatu dados pasayuban miwah juru rahayun titiange.’
27
Ulun lakar nadiang ia putran Ulune ane paling keliha, ane paling agung di pantaran sawatek pararatune.
28
Ulun lakar setata ngamanggehang janjin Ulune teken ia, tur prajanjian Ulune teken ia lakar nglantur nganti salawas-lawasne.
29
Katurunannyane lakar kukuh bakuh buka langite, tur katurunannyane lakar setata madeg ratu.
30
Nanging yening katurunannyane tungkas teken pidabdab Ulune, buina tusing malaksana satinut teken titah-titah Ulune,31
yening ia tusing lingu teken pituduh-pituduh Ulune, buina tusing nyak ngagem titah-titah Ulune,
32
ditu Ulun lakar nyisipang ia uli krana dosa-dosannyane, tur Ulun lakar ngranayang ia nandang sangsara ulihan kapelihannyane.
33
Nanging Ulun lakar tusing suud asih sueca teken Daud, wiadin lompang teken janjin Ulune ngajak ia.
34
Ulun tusing lakar muungang prajanjian Ulune teken ia, wiadin muungang salah tunggal prajanjian ane suba gae Ulun ngajak ia.
35
Yen Ulun suba majanji masrana parab Ulune ane suci, Ulun tusing lakar linyok teken Daud.36
Ia lakar setata ngelah katurunan, tur Ulun lakar nyayubin pamrentahannyane sanun matan aine masinar.
37
Pamrentahannyane lakar langgeng waluya buka bulane, ane dadi saksi ane satia tuu di langite.”
38
Nanging Palungguh IRatu duka ring sang prabu seselikan Palungguh IRatune tur Palungguh IRatu sampun ngutang saha nulak ida.
39
Palungguh IRatu sampun ngurungang prajanjian Palungguh IRatu ring parekan druene, tur ngentungang gelungan idane ring endute.
40
Palungguh IRatu sampun nguugang tembok-tembok kotan idane, tur manggayang benteng idane sajeroning karusakan.
41
Sakancan anake sane nglintang irika sami pada mandung druen idane, tur pisaga-pisagan idane makasami pada ngedekin ida.
42
Palungguh IRatu sampun mapaica kamenangan ring meseh-meseh idane, tur Palungguh IRatu sampun ngawinang ipun pada liang.
43
Palungguh IRatu sampun ngawinang sanjatan idane tan paguna, tur manggayang ida kakaonang ring payudan.
44
Palungguh IRatu sampun ngentungang teteken kaprabon idane, tur nyabatang singasanan idane ka tanahe.
45
Palungguh IRatu sampun ngawinang ida lingsir sadurung masannyane, tur ngliput ida antuk kimud.
46
Duh Ratu Sang Hyang Widi Wasa, punapike ngantos salaminipun Palungguh IRatu jaga nyingidang raga? Malih amunapike suenipun pidukan Palungguh IRatune jaga murub sakadi geni?
47
Elingangja, ambate cutet tuuh titiange. Elingangja mungguing Palungguh IRatu ngardi titiang sareng sami puniki dados manusa pada.
48
Sapasirake sane mrasidayang urip tur nenten jaga padem? Sapunapike antuka manusane nyaga sikianipune, mangda sampunang padem?
49
Duh Ratu Sang Hyang Widi Wasa, ring dijake buktin sih pasuecan Palungguh IRatune sane nguni? Ring dijake janji sane kardi Palungguh IRatu sareng ring Sang Prabu Daud?50
Sampunangja lali, indik titiange parekan Palungguh IRatune kabinjulin miwah indik titiange negen sakancan temah jadmane sane tan pawidi.
51
Duh Ratu Sang Hyang Widi Wasa, meseh-meseh druene minjulin sang prabu seselikan Palungguh IRatune! Ipun pada minjulin ida, ring saparilampah Idane.
52
Pujija Ida Sang Hyang Widi Wasa, salami-laminipun! Amin! Amin!
1
Duh Ratu Sang Hyang Widi Wasa, Palungguh IRatu tansah dados genah pasayuban titiange.2
Sadurung Palungguh IRatu ngardi bukit-bukit, wiadin ngrupayang jagate, Palungguh IRatu mula maraga Widi sane langgeng, tur jaga jumeneng Widi kantos salami-laminipun.
3
Palungguh IRatu ngandikayang manusane mawali ring kawitipune. Palungguh IRatu ngwaliang ipun dados buk.4
Siu taun pabuat Palungguh IRatu pateh sakadi arahina, wiadin sakadi rahinane dibi sane wau pisan lintang, tur waluya sakadi asirepan rikalaning wengi.
5
Palungguh IRatu nganyudang titiang waluya sakadi blabar. Pamargin urip titiange waluya sakadi ipian. Titiang waluya sakadi padang sane mentik rikalaning semeng,
6
miwah sane makepikan tur masekar, nanging raris tuh miwah padem rikalaning sore.
7
Titiang kasirnayang antuk pidukan Palungguh IRatune, tur titiang katengkejutang antuk bebendun Palungguh IRatune.8
Palungguh IRatu ngenahang dosa-dosan titiange ring ajeng Palungguh IRatune, tur dosa-dosan titiange sane silib taler tan kasaruan ring ajeng Palungguh IRatune.
9
Urip titiange kacutetang antuk pidukan Palungguh IRatune. Ipun sirna sakadi baos anake sane makisi-kisi.10
Tuuh titiange wantah pitung dasa warsa kewanten. Yening titiang siteng ngantos matuuh wulung dasa warsa, tuuh titiange punika wantah numbuhang kamewehan miwah kaduhkitan. Samaliha uripe punika gelis pisan nglintang, tur titiang raris sirna.
11
Sapasirake sane sampun ngrasayang kawisesan pidukan Palungguh IRatune? Sapasirake sane uning ring indik karesresan sane karauhang antuk pidukan Palungguh IRatune punika?12
Urukangja titiang ngeniang indik cutet urip titiange, mangda titiang prasida dados wicaksana.
13
Malih amunapike suenipun pidukan Palungguh IRatune jaga mamargi? Duh Ratu Sang Hyang Widi Wasa, paicayangja sih kapiolasan ring parekan-parekan druene.14
Bekinja titiang nyabran semeng antuk sih pasuecan Palungguh IRatune sane nenten rered-rered, mangda titiang mrasidayang makidung tur liang sapanjang urip titiange.
15
Sane mangkin icenja titiang kaliangan, sane akehipun pateh sakadi kasedihan sane sampun paicayang Palungguh Ratu ring titiang rikala masan titiange nandang sangsara.16
Lugrainja titiang parekan Palungguh IRatune ngeton pakaryan Palungguh IRatune sane mawisesa, tur lugrainja katurunan titiange ngeton kawisesan Palungguh IRatu sane luih punika.
17
Duh Ratu Sang Hyang Widi Wasa, Widin titiange, dumadakja mertan Palungguh IRatu wenten ring titiang. Lugrainja mangda titiang prasida labda karya ring sakancan pakaryan titiange.
1
Sapasiraja sane tangkil nunas karahayuan ring Ida Sang Hyang Widi Wasa, sapasiraja kantun ring sor pasayuban Ida Sang Maha Wisesa,2
ipun jaga matur ring Ida sapuniki: “Palungguh IRatu makadados patindih miwah pasayuban titiange. Palungguh IRatu dados Widin titiange, tur titiang suksrah ring ayun Palungguh IRatu.”
3
Ida jaga ngrahayuang semeton saking sakancan bayane sane singid miwah saking sakancan pinakite sane ngawinang padem.
4
Ida jaga nangkeb semeton antuk kampid Idane, tur semeton jaga rahajeng sajeroning pamiaran Idane. Kasatian Idane jaga nyayubin miwah nindihin semeton.
5
Semeton nenten nyandang ajerih ring baya rikalaning wengi, wiadin ring gegebug mesehe sane tan pararapan rikalaning rahina.
6
Semeton nenten nyandang ajerih ring grubug sane nibenin rikalaning wengi wiadin ring jadma dursila sane ngamademang rikalaning rahina.
7
Yadiastun siu jadmane bah padem ring samping semetone, alaksa ring kiwa tengen semetone, nanging semeton tan jaga katibenin baya.8
Semeton jaga ngeton miwah nyingak indik jadmane dursila kasisipang.
9
Semeton sampun ngadegang Ida Sang Hyang Widi Wasa dados patindih semetone, tur Sane Maha Luur dados pasayuban semetone.10
Punika awinannya nenten wenten bencana sane nibenin semeton, tur nenten wenten kawirosan sane jaga rauh nempuh pumahan semetone.
11
Ida Sang Hyang Widi Wasa jaga ngandikayang malaekat-malaekat Idane nyaga semeton, buat nyayubin semeton saparilampah semetone.
12
Paramalaekate punika jaga nuntun semeton antuk tangannyane mangda cokor semetone nenten katanjung ring batune.
13
Semeton jaga nyekjek singa miwah ula inggih punika singa sane galak-galak miwah ula sane sandi.
14
Ida Sang Hyang Widi Wasa masabda sapuniki: “Ulun lakar ngrahayuang anake ane astiti bakti teken Ulun muah lakar nyayubin anake ane nawang mungguing Ulun maraga Sang Hyang Widi Wasa.15
Yen ia matur teken Ulun, Ulun lakar nyautin ia. Yening ia katempuh baan kakewehan, Ulun lakar ngiangin ia, tur Ulun lakar ngluputang muah ngajiang ia.
16
Ulun lakar maicain ia umur panjang, tur Ulun lakar ngrahayuang ia.”
1
Duh Ratu Sang Hyang Widi Wasa, ambate beciknya ngaturang panyuksma tur makidung ngluihang Palungguh IRatu, duh Ratu Sang Hyang Widi Wasa Sane Maha Luur.2
Ambate beciknya nyabran semeng nglumbrahang sih pasuecan Palungguh IRatune sane nenten rered-rered miwah nyabran wengi nglumbrahang kasatian Palungguh IRatune,
3
masrana antuk tetabuhan miwah rebab miwah antuk gegambelan miwah kecapi.
4
Duh Ratu Sang Hyang Widi Wasa, pakaryan Palungguh IRatu sane mawisesa ngawinang titiang suka rena. Titiang makidung saha bungah malantaran paindikan sane sampun kardi Palungguh IRatu.
5
Duh Ratu Sang Hyang Widi Wasa, ambate ageng pakaryan Palungguh IRatune punika, tur ambate dalem pakayunan Palungguh IRatune!6
Paindikan-paindikan punika nenten prasida kuningin antuk jadmane nambet, tur nenten prasida karesepang antuk jadmane belog.
7
Menawita jadmane dursila jaga mentik sakadi padang, tur jadmane sane malaksana iwang jaga muponin gemuh landuh, nanging ipun jaga kasirnayang kantos basmi kerta.
8
Santukan Palungguh IRatu, duh Ratu Sang Hyang Widi Wasa, IRatu maraga maha luur salami-laminipun.
9
Titiang uning mungguing meseh-meseh Palungguh IRatune pacang padem, tur sakancan jadmane dursila pacang kaon.10
Palungguh IRatu sampun nadosang titiang siteng waluya sakadi banteng alasane. Palungguh IRatu sampun ngamertanin titiang antuk kaliangan.
11
Titiang sampun ngeton kakaonan meseh-meseh titiange, tur miragi sesambatan jadmane dursila.
12
Jadmane sane patut jaga tumbuh lanus waluya sakadi wit korma, tur ipun jaga tumbuh sakadi wit arase ring Libanon.13
Ipun waluya sakadi taru sane katandur ring Perhyangan Linggih Ida Sang Hyang Widi Wasa, sane tumbuh lanus ring Perhyangan Agung Widin iragane.
14
Ipun tansah kantun mawoh, taler rikalaning ipun sampun tua, tur setata kantun gadang lumlum tur kuat.
15
Indike punika nyinahang, mungguing Ida Sang Hyang Widi Wasa punika adil tur pasayuban titiange nenten naenin iwang.
1
Ida Sang Hyang Widi Wasa punika maraga Sang Prabu. Ida mabusana kaluihan miwah kakuatan. Jagate sampun kagenahang saha kukuh bakuh ring genahnyane, tur nenten mrasidayang makisid.2
Duh Ratu Sang Hyang Widi Wasa, singasanan Palungguh IRatune sampun kamanggehang saking pangawit, tur Palungguh IRatu sampun wenten sadurung kala masane ngawitin.
3
Duh Ratu Sang Hyang Widi Wasa, sawang samudrane ngunggahang suarannyane. Ipun makuug ngamedalang suarannyane.4
Ida Sang Hyang Widi Wasa mrentah ring suarga sane maha luur agengan ring kuugan segarane, tur kawisesan Idane agengan ring ombak segarane.
5
Duh Ratu Sang Hyang Widi Wasa, pidabdab Palungguh IRatune langgeng, tur Perhyangan Agung Palungguh IRatune sawiakti suci pisan kantos salami-laminipun.1
Duh Ratu Sang Hyang Widi Wasa, Palungguh IRatu maraga Widi sane nyisipang. Sinahangja pidukan Palungguh IRatune!2
Palungguh IRatu dados Hakim pabuat manusane makasami. Rarisangja matangi, tur paicayangja ring jadmane sane sumbung punika paindikan sane sampun kacawisang pabuat ipun!
3
Malih amunapike suennya jadmane dursila jaga masuka rena? Duh Ratu Sang Panembahan, malih amunapike suenipun?
4
Malih amunapike suennya jadmane corah jaga sumbung tur nyumbungang indik kacorahanipune?
5
Duh Ratu Sang Hyang Widi Wasa, ipun ngenyagang kaulan Palungguh IRatu, tur ipun nindes jadmane sane dados druen Palungguh IRatune.6
Ipun ngamademang parabebalu miwah anak sane ubuh-ubuh, tur ipun ngamademang wong sunantara sane magenah ring panegaran titiange.
7
Ipun pada mabaos sapuniki: “Ida Sang Hyang Widi Wasa tusingja lakar nyingakin iraga, tur Widin Israele tusingja lakar nawang.”
8
Duh bangsan tiange, punapi awinannya semeton dados nambet kadi asapunika? Malih pidanke semeton jaga mlajah?9
Yening Ida Sang Hyang Widi Wasa sane ngardi kuping iragane, nentenke Ida mrasidayang mireng? Yening Ida sane ngardi matan iragane, nentenke Ida mrasidayang nyingak?
10
Yening Ida sane nguasain bangsa-bangsane punika, punapike Ida nenten jaga nyisipang ipun? Yening Ida sane dados gurun manusane makasami, punapike Ida nenten kantun madue pangweruhan?
11
Ida Sang Hyang Widi Wasa uning ring napi sane pinehin ipun. Ida uning indik tan pagunan tetimbanganipune.
12
Duh Ratu Sang Hyang Widi Wasa ambate bagian anake sane titah Palungguh IRatu, inggih punika sane uruk Palungguh IRatu ngeniang indik pidabdab druene!13
Palungguh IRatu ngicen ipun mararian saking masa kamewehan, kantos wenten bangbang sane jaga mencanen jadmane dursila punika.
14
Ida Sang Hyang Widi Wasa nenten jaga ngutang kaulan Idane, Ida nenten jaga nulak anake sane dados druen Idane.
15
Kadilan jaga malih kapanggih ring pangadilan, tur sakancan jadmane sane adil jaga nyruronin paindikane punika.
16
Sapasirake sane ngruangin titiang nglawan jadmane dursila? Sapasirake jaga nindihin titiang nglawan jadmane sane malaksana corah?17
Yening Ida Sang Hyang Widi Wasa nenten nulungin titiang, janten titiang digelis mamargi ka pati loka.
18
Titiang mabaos sapuniki: “Titiang labuh!” Nanging sih pasuecan Palungguh IRatune sane nenten rered-rered punika ningting titiang, duh Ratu Sang Hyang Widi Wasa.
19
Rikalaning titiang marasa sumangsaya miwah meweh, Palungguh IRatu nglipur titiang tur nadosang titiang liang.
20
Palungguh IRatu nenten ngiangin hakim-hakim sane pekel, sane matutang paindikan sane tan adil,21
sane saigum nglawan anake sane patut, tur niwakang danda pati ring jadmane sane tan paiwang.
22
Nanging Ida Sang Hyang Widi Wasa nindihin titiang, tur Widin titiange nyayubin titiang.
23
Ida jaga nyisipang ipun malantaran kadursilanipune, tur nyirnayang ipun malantaran dosa-dosanipune. Ida Sang Hyang Widi Wasa, Widin iragane jaga nyirnayang ipun.
1
Ngiringja muji Ida Sang Hyang Widi Wasa. Ngiringja iraga makidung saha bungah pabuat Ida Sang Hyang Widi Wasa, sane nyayubin iraga!2
Ngiringja iraga tangkil ring ajeng Idane maduluran ngaturang panyuksma, tur masuka renaja ngidungang kidung puji-pujian.
3
Santukan Ida Sang Hyang Widi Wasa maraga Widi sane maha wisesa, Sang Prabu sane mawisesa sane ngereh paradewane sami.
4
Ida mrentah sakuub jagate sami, saking guane sane pinih dalem ngantos rauh ka bukite sane pinih tegeh.
5
Ida nitah segarane sane kardi Ida, kadi asapunika taler pretiwine sane wangun Ida punika.
6
Ngiringja iraga sumungkem tur nyumbah Ida. Ngiringja nengkluk ring ajeng Ida Sang Hyang Widi Wasa, sane ngardi iraga!7
Ida punika Widin iragane, tur iraga puniki kaula sane patiningin Ida, ingon-ingon sane piara Ida.
8
Ring rahinane mangkin pirengangja indik sane nikayang Ida, sapuniki: “Edaja kita bengkung buka leluur kitane dugase di Meriba, tur buka dugase ia enu di tegal melakange di Masa.9
Ditu ia mintonin tur nyoba Ulun, yadiastu ia suba nepukin paundukan ane suba kardi Ulun pabuat ia.
10
Petang dasa tiban makelonne Ulun seneb teken bangsane ene. Ulun masabda kene: ‘Ambate tuara subaktin bangsane ene! Ia tempal teken titah-titah Ulune.’
11
Ulun duka tur masumpah kene: ‘Kita tusing taen ngaug gumi ane lakar paicayang Ulun buat dadi tongos parerenan kitane.’ ”
1
Kidungangja kidung sane anyar pamantuka ring Ida Sang Hyang Widi Wasa. Ih jagate sami pada makidungja muji Ida Sang Hyang Widi Wasa.2
Makidungja pamantuka ring Ida Sang Hyang Widi Wasa, tur pujija Ida. Nyabran rahina lumbrahangja orti rahayune, mungguing Ida sampun ngrahayuang iraga.
3
Lumbrahangja kaluihan Idane ring bangsa-bangsane sami miwah pakaryan Idane sane mawisesa ring jagate makasami.
4
Ida Sang Hyang Widi Wasa maraga agung tur patut puji saha luurang pisan. Ida patut kaluihang langkungan ring paradewane sami.5
Paradewan bangsa-bangsane sane lianan punika wantah arca kewanten. Nanging Ida Sang Hyang Widi Wasa sane ngardi akasane.
6
Kagungan miwah kaluihane ngiter Ida, tur kawisesan miwah kabecikane ngebekin Perhyangan Agung Idane.
7
Ih sakancan bangsane ring mrecapada, pujija Ida Sang Hyang Widi Wasa, tur pujija kaluihan miwah kawisesan Idane.8
Pujija Ida Sang Hyang Widi Wasa sane luih. Aturangja aturane tur ngranjingja ring Perhyangan Agung Idane.
9
Sumungkemja ring ayun Sane Maha Suci, rikalaning Ida makantenang raga. Ih sakuub mrecapadane, pada ngetorja ring ajeng Idane.
10
Baosangja ring sakancan bangsane, sapuniki: “Ida Sang Hyang Widi Wasa punika maraga Sang Prabu. Jagate sampun kagenahang saha kukuh bakuh ring genahnyane tur nenten mrasidayang makisid. Ida jaga nepasin bangsa-bangsane antuk kadilan.”11
Pada girangja ih pretiwi miwah akasane. Pada pagelurja, segara miwah sadagingnya sami.
12
Pada girangja, ih tegal miwah sadagingnyane sami. Pada masuryakja ih taru-tarune ring alase tur masuryak mabungah-bungahja,
13
rikala Ida Sang Hyang Widi Wasa rauh jaga nitah mrecapada. Ida jaga mrentah jadmane ring jagate antuk kadilan miwah kajujuran.
1
Ida Sang Hyang Widi Wasa punika maraga Sang Prabu! Pada girangja ih mrecapada! Ih sakancan pulo sane ring segarane, pada masuka renaja!2
Mega miwah peteng dedete ngiter Ida, tur Ida mrentah antuk kapatutan miwah kadilan.
3
Geni mamargi ring ajeng Idane, tur ngeseng meseh-meseh sane wenten ring kiwa tengen Idane.
4
Kilap Idane ngalangin jagate, tur pretiwine pada magejeran ngeton kilape punika.
5
Bukit-bukite pada enceh sakadi liline ring ajeng Ida Sang Hyang Widi Wasa, di ajeng Widin jagate sami.
6
Akasane nglumbrahang kadilan Idane, tur bangsa-bangsane sami ngeton kaluihan Idane.
7
Asing-asing anak sane nyumbah arca pada nandang kimud, tur sakancan dewa-dewane pada sumungkem ring ajeng Ida Sang Hyang Widi Wasa.
8
Duh Ratu Sang Hyang Widi Wasa, rakyate ring Sion pada masuka rena, tur kota-kotane ring Yehuda pada maliang-liang, malantaran tetepasan Palungguh IRatune.
9
Duh Ratu Sang Hyang Widi Wasa Sane Maha Wisesa, Palungguh IRatu sane nitah jagate makasami. Palungguh IRatu banget agungan ring sakancan dewane sami.
10
Ida Sang Hyang Widi Wasa asih sueca ring jadmane sane geting ring kacorahan. Ida nyayubin urip kaulan Idane, tur Ida ngluputang ipun saking kawisesan jadmane dursila.11
Galange masinar ring duur jadmane sane adil, tur kaliangan wenten ring jadmane sane becik.
12
Ih semeton sareng sami sane masolah adil. Semeton patut masuka rena, malantaran paindikan sane sampun kakardi antuk Ida Sang Hyang Widi Wasa. Elingangja paindikan sane sampun kakardi antuk Ida Sang Hyang Widi Wasa Sane Suci, tur aturangja panyuksma ring Ida.
1
Kidungangja kidung sane anyar pamantuka ring Ida Sang Hyang Widi Wasa. Ida sampun ngardi paindikan sane ngangobin! Malantaran kawisesan Idane miwah kakuatan Idane sane suci Ida sampun molih kamenangan.2
Ida Sang Hyang Widi Wasa, ngwarah-warahang kamenangan Idane. Ida ngawinang kawisesan Idane sane ngrahayuang punika kuningin antuk parabangsane.
3
Ida ngamanggehang prajanjian Idane ring bangsa Israel masrana kasatian miwah sih sueca sane tan rered-rered ring ipun. Sakancan bangsane, ring dijaja genahipune, sampun ngeton kamenangan Widin iragane.
4
Ih jagate makasami makidungja saha liang pamantuka ring Ida Sang Hyang Widi Wasa, pujija Ida antuk kidung miwah suryak kabungahan.5
Makidungja puji-pujian pamantuka ring Ida Sang Hyang Widi Wasa. Suarayangja kecapine.
6
Upinja trompet miwah sungune, tur masuryakja saha liang katur ring Ida Sang Hyang Widi Wasa, ratun iragane.
7
Pada makuugja, ih segara miwah sadagingnya sami. Pada makidungja ih buana miwah sawatek sane urip irika!8
Pada masuryakja, ih sakancan tukade. Ih sawatek bukite pada makidungja saha liang sinarengan ring ayun Ida Sang Hyang Widi Wasa.
9
Santukan Ida rauh buat nitah buanane, tur Ida jaga nitah jadmane ring jagate antuk kadilan miwah kajujuran.
1
Ida Sang Hyang Widi Wasa punika maraga Sang Prabu. Bangsa-bangsane pada jejeh ngetor. Ida malinggih ring singasanan Idane ring duur kampid malaekate tur jagate magejeran.2
Ida Sang Hyang Widi Wasa maraga maha wisesa ring Sion, tur Ida ngwengku sakancan bangsa-bangsane sami.
3
Sakancan jadmane jaga muji parab Idane sane agung tur luih. Duaning Ida maraga suci.
4
Duh Ratu Sang Prabu Sane Maha Wisesa. Palungguh IRatu seneng ring paindikan sane patut. Palungguh IRatu ngadegang kadilan ring Israel, tur Palungguh IRatu sampun makta kadilan miwah kajujuran.5
Pujija Ida Sang Hyang Widi Wasa, Widin iragane. Nyumbahja ring ajeng singasanan Idane!
6
Dane Musa miwah Harun dados pandita druen Idane, tur Dane Samuel satunggaling anak sane ngastawa ring Ida. Dane pada mapinunas ring Ida Sang Hyang Widi Wasa, tur Ida nagingin pinunas danene.7
Ida ngandika ring dane saking sesaka ambune, tur dane pada satinut ring pidabdab miwah pituduh-pituduh sane paicayang Ida ring dane.
8
Duh Ratu Sang Hyang Widi Wasa, Widin titiange, Palungguh IRatu nagingin pinunas kaulan Palungguh IRatune. Palungguh IRatu nyinahang ring dane mungguing Palungguh IRatu punika Widi sane ledang mapaica pangampura, yadiastu Palungguh IRatu nyisipang ipun malantaran dosa-dosanipune.9
Pujija Ida Sang Hyang Widi Wasa, Widin iragane, tur mabaktija ring bukit Idane sane suci! Ida Sang Hyang Widi Wasa, Widin iragane maraga suci.
1
Pada makidungja katur ring Ida Sang Hyang Widi Wasa! Ih jagate makasami!2
Baktininja Ida Sang Hyang Widi Wasa maduluran manah liang. Mrikija tangkil ring ayun Idane antuk kidung kaliangan.
3
Sampunangja lali mungguing Ida Sang Hyang Widi Wasa punika maraga Widi. Ida sane ngardi iraga tur iraga druen Idane. Iraga dados kaulan Idane. Iraga dados ingon-ingon Idane.4
Ngranjingja ring gapuran Perhyangan Agunge kaduluran antuk atur panyuksma. Ngranjingja ka natar Perhyangan Agunge maduluran puji-pujian. Aturangja panyuksma ring Ida tur pujija Ida.5
Ida Sang Hyang Widi Wasa maraga patut. Sih pasuecan Idane langgeng tur kasatian Idane ngantos salami-laminipun.1
Duh Ratu Sang Hyang Widi Wasa, titiang makidung ngeniang indik kasatian miwah kadilan, tur titiang ngidungang paindikane punika pabuat Palungguh IRatu.2
Tingkah solah titiange nenten pacang wenten cedanipun. Malih pidanke Palungguh IRatu ngrauhin titiang?
3
tur nenten jaga sruron ring kadursilan. Titiang geting ring solah jadmane sane lempas saking ayun Ida Sang Hyang Widi Wasa. Nenten wenten sane nyandang laksanayang titiang sareng-sareng ring ipun.
4
Titiang nenten pacang ngambekang manah sane nenten jujur, tur nenten pacang masidikara ngajak kadursilan.
5
Titiang jaga ngaonang jadmane sane makisi-kisi maosang paindikan sane dura cara marep ring timpalnyane. Titiang nenten jaga sruron ring jadmane sane sumbung miwah ngagu.
6
Titiang jaga makanti ring jadmane sane satia tuu ring Ida Sang Hyang Widi Wasa, tur jaga manggayang ipun madunungan ring cecanggahan titiange. Inggih punika jadmane sane sawiakti jujur. Ipun jaga kenken titiang ngayahin dewek titiange.7
Nenten jaga wenten jadma bobab sane madunungan ring cecanggahan titiange, tur nenten wenten jadma mapi-mapi sane jaga kantun ring arepan titiange.8
Nyabran rahina titiang jaga nyirnayang jadma sane dursila saking jagat titiange. Titiang jaga nundung sawatek jadmane sane dursila, saking kota druen Ida Sang Hyang Widi Wasa.
1
Duh Ratu Sang Hyang Widi Wasa, pirengangja pangastawan titiange, tur pirengangja panulamen titiange.2
Yening titiang katempuh antuk kakewuhan, sampunangja Palungguh IRatu nilar titiang! Pirengangja atur titiange tur daginginja digelis pinunas titiange.
3
Urip titiange sirna waluya sakadi andus, tur dewek titiange ngendih waluya geni murub.4
Titiang kakaonang waluya sakadi padange sane tuh, tur titiang nenten wenten manah jagi nunas pangan kinum.
5
Titiang gelur-gelur daah-duuh. Titiang tan bina sakadi kulit lan tulang kewanten.
6
Titiang tan bina sakadi paksine sane rengas ring tegal melakange, sakadi paksi clepuk ring genahe sane uug.
7
Titiang mabahan nanging nenten dados pules. Titiang waluya sakadi paksine ngesil padewekan ring neb umahe.
8
Arahina mepek meseh-meseh titiange nganistayang titiang. Jadmane sane nganistayang titiang ipun nemah misuh nganggen wastan titiange.
9
[9-10] Malantaran piduka miwah bebendun Palungguh IRatune, kenginan buk sane dados tetedan titiange, tur toya sane inem titiang madukan sareng yeh matan titiange. Palungguh IRatu ngambil titiang, tur ngentungang titiang malih.10
11
Tuuh titiange waluya sakadi lawate rikalaning sore. Titiang tan bina sakadi padang sane tuh.
12
Nanging Palungguh IRatu, duh Ratu Sang Hyang Widi Wasa, Palungguh IRatu maraga Sang Nata Ratu salami-laminipun. Sakancan katurunan manusane jaga ngelingang Palungguh IRatu.13
Palungguh IRatu jaga matangi tur mapaica sih sueca ring Sion. Sampun rauh panemayan Palungguh IRatu kawelas arsan ring ipun. Puniki dauh sane becik.
14
Parakaulan Palungguh IRatu pada tresna ring ipun, yadiastun ipun sampun rusak. Kaulan Palungguh IRatu pada madalem ipun yadiastu ipun sampun uug.
15
Parabangsane jaga ajerih ring Ida Sang Hyang Widi Wasa. Sawatek pararatune ring jagate taler jaga ajerih ring kawisesan Idane.16
Rikala Ida Sang Hyang Widi Wasa malih ngwangun Sion punika, Ida jaga nyinahang kagungan Idane.
17
Ida jaga mirengang kaulan Idane sane tan lingu ring Ida, tur jaga mirengang pangastawan ipune.
18
Suratangja pabuat katurunan sane jaga rauh, saluiring paindikan sane sampun kakardi antuk Ida Sang Hyang Widi Wasa, mangda jadmane sane durung embas jaga muji Ida.
19
Ida Sang Hyang Widi Wasa macingak saking genah sane suci sane wenten ring luur. Ida macingak saking suargan ka mrecapada.
20
Ida mirengang panulamen jadmane sane mapangkeng, tur mebasang jadmane sane katibenin danda pati.
21
Duaning punika parab Idane jaga kacritayang ring Sion, tur Ida jaga kaluihang ring Yerusalem,
22
rikala parabangsane miwah parakaprabone pada rauh mapunduh tur mabakti ring Ida Sang Hyang Widi Wasa.
23
Ida Sang Hyang Widi Wasa sampun nadosang titiang tan pabayu rikala titiang kantun wimuda. Ida sampun nyutetang tuuh titiange.24
Duh Ratu Sang Hyang Widi Wasa, sampunangja ngambil titiang, sadurunge titiang tua.
25
Sane nguni Palungguh IRatu ngardi pretiwi, tur antuk tangan Palungguh IRatune, Palungguh IRatu ngardi akasa.
26
Akasa miwah pretiwine jaga sirna, nanging Palungguh IRatu jaga kantun. Ipun makasami jaga buuk sakadi panganggene. Palungguh IRatu jaga ngentungang ipun sakadi ngutang pangangge tur ipun jaga sirna.
27
Nanging Palungguh IRatu kantun tetep manggeh nenten uah-uah, tur yusan Palungguh IRatune nenten wenten watesipun.
28
Pianak-pianak titiange urip kerta raharja, tur sajeroning pasayuban Palungguh IRatune katurunanipune jaga pada sutrepti.
1
Ih jiwan tiange, pujija Ida Sang Hyang Widi Wasa! Pujija parab Idane sane suci, ih sawatek sane wenten ring dewek titiange!2
Ih jiwan tiange, pujija Ida Sang Hyang Widi Wasa tur sampunangja lali ring kabecikan Idane!
3
Ida ngampurayang sakancan dosan titiange tur ngwarasang saananing pinakit titiange.
4
Ida nenten nglugrain titiang ngranjing ka bangbang setrane, tur Ida ngamertanin titiang antuk kapiolasan miwah sih sueca.
5
Ida ngebekin dewek titiange antuk paindikan sane becik, kantos titiang tetep kantun truna tur siteng sakadi paksi garudane.
6
Ida Sang Hyang Widi Wasa nibakang tetepasan sane adil marep ring jadmane sane katangges tur Ida ngenahang ipun ring tegaknyane.7
Ida nyinahang rencanan Idane ring Dane Musa, tur nglugrain bangsa Israel ngeton pakardin Idane Sane Maha Wisesa.
8
Ida Sang Hyang Widi Wasa kalintang sueca miwah asih, Ida nenten gelis duka tur Ida bek antuk kapiolasan.
9
Ida nenten tetep duka wiadin bendu salami-laminipun.
10
Ida nenten nyisipang iraga manut ring laksanan iragane, wiadin ngwalesang ring iraga manut ring dosa-dosan miwah kiwangan iragane.
11
Sakadi tegeh akasane saking pretiwine, kadi asapunika ageng sih pasuecan Idane ring anake sane ngluihang Ida.
12
Sakadi doh kangine ring kauhe, kadi asapunika dohipun ida ngaonang dosa-dosan iragane saking iraga.
13
Sakadi sayangipun irerama marep ring pianaknyane, kadi asapunika sayang Ida Sang Hyang Widi Wasa marep ring jadmane sane ngluihang Ida.
14
Ida wikan sira sujatinne iraga puniki. Ida eling mungguing iraga puniki buk.
15
Sujatinipun, tuuh iragane waluya sakadi padang. Iraga mentik tur makedapan sakadi entikan sekar ring alase,16
tumuli wenten angin ngampehang ipun, raris ipun ical, tur nenten wenten malih anak sane manggihin ipun.
17
Mungguing pabuat jadmane sane ngluihang Ida Sang Hyang Widi Wasa, sih pasuecan Idane manggeh salami-laminipun, samaliha kabecikan idane tan papegatan turun-temurun
18
pabuat jadmane sane ngamanggehang prajanjian Idane tur sane satia tuu ninutin sapituduh Idane.
19
Ida Sang Hyang Widi Wasa ngwangun singasanan Idane ring suargan. Ida ngwengku saananing sane wenten.20
Pujija Ida Sang Hyang Widi Wasa ih paramalaekat sane kuat tur mawisesa sane mirengang saha nglaksanayang titah Idane.
21
Pujija Ida Sang Hyang Widi Wasa, ih sawatek sane wisesa ring suargan miwah parakaulan Idane sane nglaksanayang sapakarsan Idane.
22
Ih sawatek gumatap-gumitipe ring saluiring genah sane kereh antuk Ida, pujija Ida Sang Hyang Widi Wasa. Ih jiwan titiange, pujija Ida Sang Panembahan.
1
Pujija Ida Sang Hyang Widi Wasa, ih jiwan titiange. Duh Ratu Sang Hyang Widi Wasa, Widin titiange, Palungguh IRatu sawiakti kalintang agung. Palungguh IRatu kabusanain antuk kagungan miwah kaluihan.2
Palungguh IRatu kalikub antuk galang. Palungguh IRatu ngebatang langite sakadi anake ngebatang tenda.
3
Palungguh IRatu ngwangun puri ring toyane sane ring langite. Megane anggen Palungguh IRatu kreta palinggihan, tur kampid angine anggen Palungguh IRatu mamargi.
4
Angine anggen Palungguh IRatu utusan, miwah kelepan tatite anggen Palungguh IRatu parekan.
5
Jagate sampun genahang Palungguh IRatu saha kukuh bakuh ring duur dasaripune, tur ipun nenten jaga naenin magingsir.6
Segarane genahang Palungguh IRatu ring duur jagate, waluya sakadi sapatutnyane tur toyane nglancah gunung-gunung.
7
Yening toyane punika dukain Palungguh IRatu, ipun raris kapilayu. Rikala ipun miragi geluran sabdan Palungguh IRatune, ipun pada masriut makaon.
8
Ipun tumuli nglancah gunung-gunung, raris ngliab lebahe, ka genah sane sampun kardi Palungguh IRatu pabuat ipun.
9
Palungguh IRatu mastikayang watesipune, mangda ipun nenten mrasidayang nglintang, tur mangda ipun nenten mrasidayang malih nglancah daatane.
10
Palungguh IRatu sane ngwentenang toya kalebutan ring lebah-lebahe miwah tukad-tukade milir ring selagan bukit-bukite.11
Ipun nyediang toya pabuat sato-sato alase, tur irika keledae alasane pada ngicalang bedakipune.
12
Ring taru-taru sane mentik ring tukade punika, sawatek paksine pada masebun miwah masuara.
13
Palungguh IRatu nedunang sabeh saking ambarane, tumiba ring bukit-bukite, tur pretiwine kabekin antuk mertan Palungguh IRatune.14
Palungguh IRatu numbuhang padang pabuat ingon-ingone miwah palawija buat kagunayang antuk imanusa, mangda ipun mrasidayang mupuang gandum,
15
mupuang anggur, sane ngawinang ipun liang miwah minyak saitun sane ngawinang ipun bungah, ping kalih roti sane ngawinang ipun polih kakuatan.
16
Wit taru arase sane ring Libanon, taru druen Ida Sang Hyang Widi Wasa sane tandur Ida ngraga pepek polih sabeh.17
Irika paksine pada masebun. Paksi cangake masebun ring taru sanobare.
18
Kambing alasane magenah ring gunung-gununge sane tegeh miwah lubake pada mengkeb ring bukit-bukit batu kaange.
19
Palungguh IRatu ngardi candra, buat nyinahang sasihe miwah suryane uning ring masanipune jaga surup.20
Palungguh IRatu ngardi wengi, tur sajeroning peteng dedet punika sawatek sato alase pada medal.
21
Singane sane kantun muda pada gerem-gerem ngulati tetedan sane sampun kacawisang antuk Ida Sang Hyang Widi Wasa.
22
Yening suryane sampun endag, ipun pada mawali tur medem ring guanipune suang-suang.
23
Irika jadmane pada medal buat ngarap pakaryanipune, tur ipun nglantur makarya kantos sore.
24
Duh Ratu Sang Hyang Widi Wasa! Akeh pisan pakardin Palungguh IRatune. Palungguh IRatu kalintang-lintang wicaksana sajeroning ngardi punika makasami. Jagate bek antuk pakardin Palungguh IRatune.25
Irika wenten segara sane linggah tur jimbar genah gumatap-gumitipe sane tan keni wilangin akehipune, wenten sane ageng wenten sane alit.
26
Ring segarane punika kapale pada malayar miwah ring sawang segarane pada pasliwer Lewiatan, inggih punika sato ageng sane sampun kardi Palungguh IRatu.
27
Makasami punika wantah ngandelang Palungguh IRatu mangda ipun polih merta rikalaning ipun mamuatang tetedan.28
Palungguh IRatu ngicen ipun tetedan, tur ipun raris pada nunas. Palungguh IRatu nyawisang tetedan pabuat ipun, tur ipun pada betek.
29
Yening Palungguh IRatu nenten lingu ring ipun, ipun sami pada ajerih. Yening Palungguh IRatu mancut angkihanipune, ipun raris padem, tur mawali dados buk, santukan kawitipune saking buk.
30
Nanging yening Palungguh IRatu mapaica angkihan ring ipun, kenginan ipun prasida urip malih. Palungguh IRatu sane nganyarang pretiwine.
31
Dumadak kaluihan Ida Sang Hyang Widi Wasa langgeng kantos salami-laminipun. Dumadak Ida Sang Hyang Widi Wasa ledang ring kayun, malantaran saluiring sane sampun kardi Ida.32
Ida mandreng pretiwine, tur ipun raris magejeran. Ida ngusud gunung-gununge tur ipun raris ngamedalang andus.
33
Titiang jaga makidung ngluihang Ida Sang Hyang Widi Wasa, salamin urip titiange. Salamin urip titiange, titiang jaga makidung muji Widin titiange.34
Dumadak Ida ledang ring kayun, malantaran kakidungan titiange, santukan kaliangan titiange wantah saking Ida rauhnya.
35
Dumadak jadmane madosa kasirnayang saking mrecapada. Dumadak nenten wenten malih jadma dursila.
1
Pada ngaturang panyuksmaja ring Ida Sang Hyang Widi Wasa. Critayangja kagungan Idane, tur tuturangja ring parabangsane sami saluiring paindikan sane sampun kardi Ida.2
Pada makidungja muji Ida Sang Hyang Widi Wasa, dartayangja saluiring pakardin Idane sane tawah-tawah.
3
Pada liangja, santukan iraga puniki dados druen Idane. Sakancan jadmane sane ngastiti bakti ring Ida patut pada masuka rena.
4
Nangkil tur nunas tulungja ring Ida Sang Hyang Widi Wasa, tur ngastitija ring Ida tan papegatan.
5
[5-6] Semeton katurunan Dane Abraham, parekan Idane. Semeton katurunan Dane Yakub, anak seselikan Idane. Elingangja katawahan-katawahan sane sampun kasinahang antuk Ida Sang Hyang Widi Wasa miwah tetepasan sane sampun tibakang Ida.
6
7
Ida Sang Hyang Widi Wasa punika, Widin iragane. Titah Idane punika pabuat sadaging jagate makasami.8
Ida jaga ngamanggehang prajanjian Idane ngantos salami-laminipun. Prajanjian Ida punika pabuat panyiuan turunan.
9
Ida jaga ngamanggehang pasubaya sane sampun kardi Ida sareng Dane Abraham miwah prajanjian Idane ring Dane Ishak.
10
Ida Sang Hyang Widi Wasa ngardi prajanjian sareng Dane Yakub, prajanjian sane pacang manggeh ngantos salami-laminipun.
11
Ida ngandika sapuniki: “Ulun lakar maicayang tanah Kanaane teken kita. Tanahe ento lakar dadi gelah kitane.”
12
Kaulan Ida Sang Hyang Widi Wasa punika wantah akidik cacakanipune, samaliha dados wong pendonan ring tanah Kanaan.13
Ipun ngumbara saking gumine sane asiki ka gumine sane lianan, saking kaprabon sane asiki ka kaprabon sane lianan.
14
Nanging Ida Sang Hyang Widi Wasa nenten nglugrain anake jaga nyangsaren kaulan Idane, tur buat nyayubin kaulan Idane Ida miteketin pararatune sami, kadi asapuniki:
15
“Eda pesan mlegendahang parekan seselikan Ulune, tur eda pesan nundik paranabin Ulune.”
16
Ida Sang Hyang Widi Wasa ngadakang sayah ageng ring jagat kaulan Idane punika tur ngambil bekelnyane makasami.17
Nanging Ida ngutus anak adiri ngriinin ipun, inggih punika dane Yusup, anak sane sampun kadol dados panjak.
18
Cokor danene kategul antuk ante miwah kantan danene kante antuk ante besi,
19
kantos saluiring sane sampun ramalang dane sawiakti prasida kasidan. Sabdan Ida Sang Hyang Widi Wasa sane muktiang mungguing dane patut.
20
Sapanglanturipun, sang prabu ring Mesir sampun mebasang dane. Pamrentah bangsane punika sane mebasang dane.
21
Ida maicayang pamrentahan idane ring Dane Yusup, tur ngamanggehang dane dados pamrentah buat jagat idane makasami.
22
Ida maicayang wewenang ngamong paraprakanggen idane, tur kakuasan buat mrentahang parabaudandan idane.
23
Sasampune punika Dane Yakub raris lunga ka Mesir, tur jenek irika.24
Ida Sang Hyang Widi Wasa mapaica oka akeh pisan ring parakaulan idane, tur nadosang ipun sitengan ring meseh-mesehipune.
25
Ida Sang Hyang Widi Wasa ngawinang wong Mesire pada geting ring kaulan Idane, tur ngawinang ipun nibakang pangindrajala ring kaulan Idane.
26
Sasampune punika Ida raris ngutus Dane Musa, parekan Idane miwah Dane Harun sane sampun selik Ida.27
Sang kalih nyinahang pakardin Ida Sang Hyang Widi Wasa Sane Maha Wisesa, tur ngardi katawahan-katawahan ring tanah Mesir.
28
Ida Sang Hyang Widi Wasa nedunang peteng dedet ring jagate irika, nanging wong Mesire nenten ngiringang pituduh Idane.
29
Tukad-tukade ring Mesir ubah Ida toyanipune kadadosan rah, tur Ida ngamademang sawatek ulame sane wenten irika.
30
Jagat Mesire sami kabekin antuk katak. Kantos rauh ka purin ida sang prabu sami bek antuk katak.
31
Ida Sang Hyang Widi Wasa tumuli mapituduh, raris wenten buyung miwah legu ngriung nglikub jagatnyane makasami.
32
Makadados gentos sabehe sane biasa, Ida nedunang ujan es miwah kilap ring tegalnyane.
33
Ida ngrusak wit anggur miwah wit aanipun, tur mungkatang sawatek wit tarune.
34
Ida masabda, raris wenten balang rauh, nenten keni wilangin katahipun.
35
Sawatek sane ring tegale sami teda ipun, tur sakancan pamuponnyane sami teda ipun.
36
Ida ngamademang sakancan pianak muani sane pinih kelih saking sawatek kulawargan wong Mesire.
37
Sasampune punika Ida raris nuntun bangsa Israele rarud saking irika. Bangsane punika pada makta mas miwah perak, tur ipun sareng sami pada seger tur siteng-siteng.38
Wong Mesire pada ajerih ring ipun, tur pada liang rikala ipun makaon saking irika.
39
Ida Sang Hyang Widi Wasa nyayubin kaulan Idane antuk mega, tur mapaica geni rikala wengi, buat nyuluhin ipun.
40
Ipun sareng sami pada mapinunas, tur Ida mapaica paksi puuh. Ida mapaica ajengan saking suarga mangda ipun sareng sami prasida wareg.
41
Ida mungkah gunung batu, tumuli wenten toya muncrat tur membah ring tegal melakange, waluya sakadi tukad.
42
Ida eling ring prajanjian Idane sane suci ring Dane Abraham, parekan Idane.
43
Duaning punika Ida nuntun kaulan Idane rarud saking Mesir, mawinan ipun sareng sami pada makidung miwah masuryak-suryak saha liang.44
Ida mapaica tanah druen bangsane lian ring ipun, tur nglugrain ipun pada ngambil pategalanipune dados druenipune suang-suang,
45
mangda kaulan Idane pada satinut ring pidabdab Idane, tur ngamanggehang pituduh-pituduh Idane makasami.
1
Pujija Ida Sang Hyang Widi Wasa! Pada ngaturang panyuksmaja ring Ida Sang Hyang Widi Wasa santukan Ida kalintang becik. Sih pasuecan Idane langgeng salami-laminipun.2
Sapasirake sane mrasidayang nyritayang sakancan paindikan sane ageng-ageng sane sampun kardi Ida? Sapasirake sane mrasidayang tegep muji Ida?
3
Bagia sakancan anake sane satinut ring pituduh-pituduh Idane, sane setata nglaksanayang paindikan-paindikan sane patut.
4
Duh Ratu Sang Hyang Widi Wasa elingangja taler titiang, rikalaning Palungguh IRatu mapaica pitulungan ring kaula druene. Etangja taler titiang rikalaning Palungguh IRatu ngrahayuang ipun.5
Lugrainja titiang ngeton gemuh landuh sane kapuponin antuk kaulan Palungguh IRatune, tur sareng muponin kaliangan bangsa druene, ring sakancan kabungahan kaula druen Palungguh IRatu.
6
Titiang sareng sami sampun madosa, sakadi sane sampun kalaksanayang antuk leluur titiange. Titiang sampun malaksana dursila tur corah.7
Leluur titiange ring Mesir nenten ngresep ring pakardin Ida Sang Hyang Widi Wasa sane tawah-tawah. Ipun lali mungguing sampun ping kuda-kuda Ida nyinahang sih pasuecan Idane ring ipun, tur ipun pada brontak ring Segara Teberau pamantuka ring Ida Sang Maha Kuasa.
8
Nanging Ida ngrahayuang ipun sakadi sane sampun janjiang Ida, mangda sinah kawisesan Idane sane agung.
9
Ida ngrauhang prentah ring Segara Teberau punika, tur segarane tumuli nyat. Ida nuntun kaulan Idane nglintang ring dasar segarane sane tuh.
10
Ida ngluputang ipun saking sakancan anak sane geting ring ipun. Ida ngrahayuang ipun saking sakancan meseh-mesehipune.
11
Nanging meseh-mesehipune sami kalancah antuk toya, tur angan adiriko nenten wenten sane kantun urip.
12
Duaning punika kaulan Idane raris ngega ring prajanjian-prajanjian Idane tur pada makidung muji-muji Ida.
13
Nanging ipun digelis lali ring paindikan sane sampun kardi Ida tur nenten nyak nyantosang pituduh Idane.14
Ring tegal melakange ipun pada kaliput antuk indriannyane, sarwi mintonin Ida Sang Hyang Widi Wasa.
15
Irika Ida nagingin pinunasipune, nanging Ida taler ngrauhang grubug ageng ring pantaranipune.
16
Ring tegal melakange puniki ipun pada iri ati ring Dane Musa miwah ring Dane Harun, parekan Ida Sang Hyang Widi Wasa sane suci.17
Duaning punika, pretiwine raris engkag tur nguluh Datan miwah Abiram tumuli kapendem sakulawargannyane.
18
Geni tedun nilap paraanake sane nyarengin ipun, tur ngeseng sakancan jadmane sane dursila.
19
Ipun pada ngardi arca banteng mas ring Sinai, tumuli pada nyumbah arcane punika.20
Ipun nyilurin kaluihan Ida Sang Hyang Widi Wasa antuk arca banteng, buron sane neda padang.
21
Ipun lali ring Ida Sang Hyang Widi Wasa sane sampun ngrahayuang ipun antuk pakardin Idane sane mawisesa ring Mesir.
22
Ambate luih paindikan sane kardi Ida irika! Kalintang ngangobin pisan pakardin Idane ring Segara Teberau.
23
Rikala Ida Sang Hyang Widi Wasa ngandikayang jaga nyirnayang kaulan Idane, irika Dane Musa, parekan seselikan Idane, raris nangkil ring ajeng Ida Sang Hyang Widi Wasa, buat nambakin pidukan Idane mangda sampunang Ida kantos nyirnayang kaulan Idane.
24
Sapanglanturipun, ipun raris nulak tanah sane ngliangin punika, santukan ipun nenten ngega ring janjin Ida Sang Hyang Widi Wasa.25
Ipun pada negak ring kemahipune sarwi ngrengkeng, tur nenten nyak miragiang sabdan Ida Sang Hyang Widi Wasa.
26
Punika awinannya Ida duka ring ipun, mungguing Ida jaga ngamademang ipun ring tegal melakange,
27
tur jaga nyambehang katurunanipune ring pantaran bangsa-bangsane sane nenten nyungsung Widi, saha manggayang ipun padem ring gumin anak tios.
28
Sapanglanturipun ring Peor parakaulan Ida Sang Hyang Widi Wasa pada sruron nyumbah Dewa Baal, tur nunas surudan sane pecak katur ring dewa sane nenten mangkihan.29
Ipun pada nanginin pidukan Ida Sang Hyang Widi Wasa, malantaran laksananipune punika, mawanan grubuge ageng nibenin ipun.
30
Nanging Dane Pinehas raris ngadeg tur ngukum jadmane sane iwang, duaning punika pidukan Ida Sang Hyang Widi Wasa raris purna.
31
Pakardin danene sane becik punika kelingang rauh mangkin tur jaga kelingang ring masa-masa sane jaga rauh.
32
Ring toya kalebutane ring Meriba kaulan Idane ngawinang Ida duka, tur Dane Musa keni pakewuh ulihan ipun sareng sami.33
Ipun sareng sami ngawinang Dane Musa kalintang duka, ngantos dane tan jangkayan ngwedalang pangandika.
34
Ipun sareng sami, nenten ngamademang jadmane sane nenten nyungsung Widi, sakadi pituduh Ida Sang Hyang Widi Wasa ring ipun.35
Nanging ipun pada saling juang ngajak jadmane punika, tur ninutin tata kramanipune.
36
Kaulan Ida Sang Hyang Widi Wasa pada nyungsung arca, tur paindikane punika ngawinang kakaonanipun.
37
Ipun pada ngaturang pianak-pianakipune muani miwah luh, makadados aturan ring arcane ring Kanaan.
38
Ipun pada ngamademang rarene sane tan paiwang punika, tur tanahe irika kaletehin antuk sawannyane.
39
Ipun sareng sami ngawinang deweknyane cemer, malantaran laksanannyane punika tur sampun nenten satia tuu ring Ida Sang Hyang Widi Wasa.
40
Punika awinan Ida Sang Hyang Widi Wasa menggah piduka ring kaulan Idane, tur nenten seneng malih ring ipun.41
Ipun kaserahang ring kakuasan bangsa sane nenten nyungsung Widi, tur meseh-mesehipune pada mrentah ipun.
42
Ipun pada kajajah antuk meseh-mesehipune, tur ipun pada nungkul ring meseh-mesehipune.
43
Ping kuda-kuda Ida Sang Hyang Widi Wasa mebasang kaulan Idane, nanging ipun adenan mambek dura cara nglawan Ida, tur sayan dalem kalebu ring dosane.
44
Nanging, Ida Sang Hyang Widi Wasa tansah mirengang pinunasnyane, rikalaning ipun masesambatan, tur Ida nglinguang ipun.
45
Pabuat kabecikanipune, Ida eling ring janjin Idane, tur malantaran sih pasuecan Idane sane kalangkung ageng Ida kawelas arsan.
46
Ida ngawinang sakancan bangsane sane nindes ipun marasa kangen ring ipun.
47
Duh Ratu Sang Hyang Widi Wasa, Widin titiange, luputangja titiang tur baktaja titiang mawali saking pantaran bangsa-bangsane punika, mangda titiang mrasidayang ngaturang panyuksma tur muji parab Palungguh IRatu sane suci.48
Pujija Ida Sang Hyang Widi Wasa, Widin Israele! Pujija Ida sane mangkin ngantos salawas-lawasipun! Ngiringja iraga sareng sami pada mabaos Amin! Pujija Ida Sang Hyang Widi Wasa!1
Pujija Ida Sang Hyang Widi Wasa, santukan Ida kalintang becik. Sih pasuecan Idane langgeng salami-laminipun.2
Duh parasemeton sane sampun karahayuang, wali-walininja atur pamujin semetone pamantuka ring Ida Sang Hyang Widi Wasa. Ida sampun ngluputang semeton saking arepan meseh semetone.
3
Ida sampun makta semeton mawali saking jagat sunantara, saking kangin miwah kauh, saking kaler miwah kelod.
4
Wenten sane ngumbara ring tegal melakange, tur ipun nenten mrasidayang manggihin margi jagi ka kota, buat genah ipune magumana.5
Ipun sami pada bedak layah, tur ipun sampun tan maderbe pangajap-ajap malih.
6
Rikalaning ipun katempuh antuk kakewehan, ipun pada masesambatan ring Ida Sang Hyang Widi Wasa, tur Ida ledang ngrahayuang ipun saking kamewehanipune.
7
Ida nantan ipun ring margine sane beneng, sane ngungsi kota genahipune jaga magumana.
8
Ipun patut pada ngaturang panyuksma ring Ida Sang Hyang Widi Wasa, santukan sih suecan Idane sane langgeng, tur duaning paindikan sane luih-luih sane sampun kardi Ida pabuat ipun.
9
Anake sane bedak sampun icen Ida nginum kantos waneh, tur anake sane seduk sampun kicen tetedan antuk paindikan-paindikan sane becik.
10
Wenten anak sane magenah ring genahe sane remrem miwah peteng dedet. Wenten katawan, kasangsarain, kategul antuk ante,11
santukan ipun sampun nglawan pituduh Ida Sang Hyang Widi Wasa Sane Maha Wisesa miwah nulak sapatitah Idane.
12
Ipun pada rumasa leleh, santukan pakaryan sane kalintang abot. Ipun nylempoh, tur nenten wenten sane mamanah nulungin ipun.
13
Raris sajeroning nandang pakewuh, ipun tumuli nunas ica ring Ida Sang Hyang Widi Wasa, tur Ida ledang ngluputang ipun saking kamewehanipune.
14
Ida nantan ipun medal saking genahipune sane remrem miwah peteng dedet, saha nastas antenipune ngantos pegat-pegat.
15
Ipun patut pada ngaturang panyuksma ring Ida Sang Hyang Widi Wasa santukan sih pasuecan Idane sane langgeng, samaliha pabuat paindikan-paindikan sane luih-luih sane sampun kardi Ida pabuat ipun.
16
Ida nyibak jelanan gapurane sane malakar antuk temaga tur ngenyagang palang-palang sane malakar antuk besi.
17
Wenten anak sane kalintang nambet. Ipun nandang pakewuh malantaran dosanipune miwah malantaran laksanan ipune sane dursila.18
Ipun sampun nenten mrasidayang ngeled pangan kinum, tur ipun sampun tambis-tambis padem.
19
Kenginan sajeroning ipun nandang pakewuh, ipun pada masesambatan nunas ica ring Ida Sang Hyang Widi Wasa, tur Ida ngrahayuang ipun saking kamewehanipune.
20
Ida nyegerang ipun malantaran sabdan Idane, tur ngluputang ipun saking bangbang setrane.
21
Ipun patut ngaturang panyuksma ring Ida Sang Hyang Widi Wasa, sawetning pasuecan Idane sane langgeng miwah duaning paindikan-paindikan sane luih sane sampun kardi Ida pabuat ipun.
22
Ipun patut matur panyuksma malantaran ngaturang aturan miwah masrana makidung kaliangan, ipun patut nyritayang saananing sane sampun kardi Ida.
23
Wenten anak sane malayar nganggen kapal buat ngulati pangupa jiwanipune ring segarane.24
Ipun pada ngeton pakardin Ida Sang Hyang Widi Wasa, pakardin Idane sane ngangobin ring segarane.
25
Ida masabda, mawinan angin barete ngawitin mampeh, sane ngawinang toyan segarane maombakan.
26
Kapal-kapale tumuli kasabatang ka ambarane, wusan punika raris kacemplungang ka toyane sane dalem. Sajeroning bencana sane kadi asapunika, manusane nenten madue pangajap-ajap malih.
27
Ipun pada katanjung tur srayang-sruyung sakadi jadmane punyah. Sakancan karirihanipune sampun tan paguna.
28
Kenginan sajeroning ipun katempuh kamewehan punika ipun masesambatan nunas ica ring Ida Sang Hyang Widi Wasa, tur Ida ledang ngrahayuang ipun saking saananing kamewehanipune.
29
Ida raris ngandika mangda angin barete punika endek miwah ombak segarane mangda degdeg.
30
Ipun sami pada liang, santukan ombak segarane sampun degdeg, tur Ida makta ipun saha rahayu ngungsi palabuhan sane ulati ipun.
31
Ipun patut ngaturang panyuksma ring Ida Sang Hyang Widi Wasa, santukan sih pasuecan Idane sane langgeng, duaning paindikan sane luih sane sampun kardi Ida pabuat ipun.
32
Ipun patut nglumbrahang kagungan Idane ring arepan pasangkepan rakyate miwah ngluihang Ida ring ajeng paruman parapamimpin rakyate.
33
Ida Sang Hyang Widi Wasa ngawinang tukad-tukade pada tuh latuh, tur nyampet toya kalebutane.34
Ida ngawinang tanahe sane gemuh landuh dados tegal melakang, malantaran kadursilan jadmane sane magenah irika!
35
Ida ngubah tegal melakange dados tlaga miwah tanahe sane tuh dados toya kalebutan sane nglebus.
36
Ida nglugrain jadmane sane nandang seduk magenah irika, tur ipun ngwangun kota makadados genahipune magumana.
37
Ipun nyambeh bibit ring tegale miwah nandur wit anggur, tumuli molih pamupu sane maliah-liah.
38
Ida ngamertanin kaulan Idane, tur ipun pada maderbe pianak akeh. Ida matiningin ingon-ingonipune, mangda nenten tuna.
39
Rikala kaulan Idane kakaonang tur kanistayang antuk penjajah sane nyapa kadi aku miwah antuk kasangsaran,40
Ida tumuli nganistayang jadmane sane nyajah ipun punika, tur ngawinang ipun ngumbara ring tegal melakange sane durung naenin entap ipun.
41
Nanging Ida ngluputang jadmane sane tiwas saking kasangsaran ipune tur ngawinang kulawarganipune sayan ngakehang sakadi papunduhan biri-birine.
42
Jadmane sane patut sami pada liang rikala ngeton indike punika, nanging jadmane sane dursila sami pada bungkem.
43
Dumadak jadmane sane wicaksana pada minehin paindikane punika. Dumadak ipun pada ngangkenin sih pasuecan Ida Sang Hyang Widi Wasa sane langgeng punika.1
Duh Ratu Sang Hyang Widi Wasa, manah titiange telas pisan. Titiang mamanah makidung tur ngluihang Palungguh IRatu! Ih jiwan tiange, bangunja!2
Ih suling muah rebab tiange pada bangunja! Tiang lakar nundun matan ai.
3
Duh Ratu Sang Hyang Widi Wasa, titiang praya ngaturang panyuksma ring ayun Palungguh IRatu, ring pantaran parabangsane. Titiang praya muji Palungguh IRatu ring pantaran rakyate sami.
4
Sih pasuecan Palungguh IRatu sane nenten rered-rered punika tegehipun rauh ka suargan, tur kasatian Palungguh IRatu rauh ka akasane.
5
Duh Ratu Sang Hyang Widi Wasa, sinahangja kagungan Palungguh IRatu ring akasane miwah kaluihan Palungguh IRatu ring sakuub jagate sami.
6
Luputangja titiang antuk kawisesan Palungguh IRatune, tur daginginja pinunas titiange, mangdane kaula sane sayangang Palungguh IRatu punika prasida luput.
7
Saking linggih Idane sane suci, Ida Sang Hyang Widi Wasa sampun masabda sapuniki: “Ulun lakar ngadumang kota Sikem muah Lebak Sukote teken kaulan Ulune.8
Kota Gilead muah Manase dadi duen Ulune. Epraim dadi tetopong Ulune muah Yehuda dadi teteken muah ciri kaprabon Ulune.
9
Nanging Moab lakar anggon Ulun wadah pabasehan, tur Ulun lakar ngentungang sandal Ulune sig Edome makaciri ia dadi gelah Ulune. Ulun lakar masuryak-suryak, sawireh Ulun menang nglawan Pilistin.”
10
Duh Ratu Sang Hyang Widi Wasa, sapasirake jaga ngajak titiang ngranjing ka kota sane kiter antuk benteng? Sapasirake jaga nandan titiang ngranjing ka Edom?11
Punapike sawiakti Palungguh IRatu sampun nilar titiang? Boyake Palungguh IRatu jaga nyarengin wadua balan titiange mamargi ka payudan?
12
Tulungja titiang nglawan meseh titiange, santukan pitulungan manusane nenten wenten pikenohipun.
13
Yening Ida Sang Hyang Widi Wasa nyarengin titiang, titiang jaga menang. Ida pacang ngaonang meseh-meseh titiange.
1
Duh Ratu Sang Hyang Widi Wasa, titiang muji Palungguh IRatu. Sampunangja Palungguh IRatu meneng kewanten.2
Jadmane dursila miwah jadmane bobab sampun nyiatin titiang. Ipun sampun misunayang titiang.
3
Samaliha ipun maosang indik-indik sane tan patut ngeniang indik titiange, tur tan pakrana ipun nyiatin titiang.
4
Ipun nglawan titiang yadiastun titiang nresnain ipun tur sampun ngastawayang ipun.
5
Ipun ngwales kabecikan titiange antuk kadursilan miwah tresnan titiange kawales antuk angkara murka.
6
Ledang Palungguh IRatu ngamanggehang hakim sane tan adil jaga nepasin meseh titiange, tur banggayang mesehipune nalih ipun.7
Dumadak ipun katepasin, tur kabaos iwang samaliha dumadak pangastawannyane dados kiwangannyane.
8
Dumadak ipun gelis padem, tur dumadak pakaryanipune kambil antuk anak lianan.
9
Dumadak pianak-pianakipune dados anak ubuh miwah somahipune dados anak balu.
10
Dumadak pianakipune ngumbara dados gegendong saparan-paran. Dumadak ipun katundung saking genah padunungannyane sane sampun uug.
11
Dumadak anake sane mutangang ring ipun pada ngambil sakancan paderbeanipune samaliha dumadak sakancan pamuponipune kajarah antuk anak tiosan.
12
Dumadak mangda nenten wenten anak sane madalem ipun, wiadin matiningin pianakipune sane ubuh, sane tinggalin ipun.
13
Dumadak mangda katurunanipune padem makasami samaliha dumadak wastanipune nenten pacang kasambat ring katurunan sane jaga rauh.
14
Dumadak Ida Sang Hyang Widi Wasa eling ring kadursilan leluuripune, tur nenten naenin ngampurayang dosa-dosan memenipune.
15
Dumadak Ida Sang Hyang Widi Wasa tansah eling ring dosa-dosanipune samaliha dumadak ipun newek nenten kelingang malih.
16
Jadmane punika nenten naenin mamanah nresnain anak tios. Ipun tansah nyangsarain miwah ngamademang anak tiwas, anak sane kakirangan miwah anak sane nenten maderbe pitulungan.17
Ipun demen nemah anak. Duaning punika dumadak ipun keni temah! Ipun tan demen ngamertanin anak, duaning punika dumadak nenten wenten anak sane ngamertanin ipun.
18
Ipun sampun biasa nemah misuh sakadi ipun nyaluk panganggenyane. Duaning punika dumadak temahnyane nyrekcek kadi toya nyusup sikiannyane, tur sakadi minyak nyusup tulang-tulangipune.
19
Dumadak temahnyane ngaput ipun sakadi kawaca, tur setata nglilit ipun sakadi sabuk!
20
Duh Ratu Sang Hyang Widi Wasa, ukumja meseh-meseh titiange kadi asapunika, inggih punika anake sane mamanah dursila ring titiang.21
Nanging duh Ratu Sang Hyang Widi Wasa, Widin titiang, tulungja titiang anut ring janjin Palungguh IRatune samaliha luputangja titiang malantaran kabecikan sih pasuecan Palungguh IRatu.
22
Titiang sangsara tur nista. Atin titiange matatu raat pisan.
23
Titiang tan bina sakadi lawate rikala sore, sane gelis ical. Titiang kampehang angin sakadi balange.
24
Lulud titiange lemet duaning kakirangan teda, tur sikian titiange berag tegreg, kantun ikulit ngaput itulang.
25
Ritatkala titiang kapanggih ring anak tios, ipun ngedekin titiang. Ipun pada ngadesem ring titiang.
26
Duh Ratu Sang Hyang Widi Wasa, Widin titiange, tulunginja titiang malantaran sih pasuecan Palungguh IRatu sane nenten rered-rered, tur rahayuangja titiang.27
Banggayang mangda meseh-meseh titiange uning, mungguing wantah Palungguh IRatu sane ngrahayuang titiang.
28
Banggayang ipun nemah titiang, nanging Palungguh IRatu sane jaga ngamertanin titiang. Dumadak sangsaran titiange ngawinang ipun kaon, nanging dumadak titiang parekan Palungguh IRatune jaga masuka rena.
29
Dumadak meseh-meseh titiange jaga kakaput antuk kimud, tur dumadak kimudipune punika sakadi panganggenipune.
30
Titiang jaga masuryak ngaturang panyuksma ring Ida Sang Hyang Widi Wasa. Titiang jaga muji Ida ring pasangkepan rakyate.31
Santukan Ida nindihin jadmane sane tiwas, tur ngluputang ipun saking jadmane sane jaga ngepet patinipune.
1
Ida Sang Hyang Widi Wasa ngandika ring ratun titiange, sapuniki: “Maija cening negak dini di tengawan Ajine, kanti musuh-musuh ceninge dadiang Aji pajekjekan batis ceninge.”2
Ida Sang Hyang Widi Wasa jaga maicayang kakuasan kaprabon iratune saking Sion. Ida masabda kadi asapuniki: “Prentahja musuh-musuh ceninge makejang!”
3
Rikala iratu ngebug meseh-meseh iratune, kaula druene jaga pada ngiring saking suka lila. Sakadi damuhe rikalaning ngedas lemah, kadi asapunika paratruna-trunane jaga pada rauh tangkil ring iratu ring bukit-bukite sane suci.
4
Ida Sang Hyang Widi Wasa sampun ngardi prajanjian sane suci, tur Ida nenten jaga ngurungang prajanjian Idane punika. Janjin Idane sapuniki: “Cening lakar madeg pandita salawas-lawase manut sorohan Malkisedeke.”5
Ida Sang Hyang Widi Wasa wenten ring tengen iratune. Yening Ida menggah, Ida jaga ngaonang pararatune sami.6
Ida jaga nibakang tetepasan ring bangsa-bangsane sami, tur jaga ngebekin ranangganane antuk sawa. Ida pacang ngaonang pararatune sane ring jagate sami.
7
Ida sang prabu jaga nginum toya saking tukade sane wenten ring sisin margine, tur ida jaga molih kakuatan malih, saha jaga molih ring rana.
1
Pujija Ida Sang Hyang Widi Wasa! Titiang jaga ngaturang panyuksma ring Ida Sang Hyang Widi Wasa, saking saguluking manah titiange ring pauman parakaulan Idane.2
Ambate luih paindikane sane kakardi antuk Ida Sang Hyang Widi Wasa. Sakancan anake sane marasa liang ring paindikane punika sami pada mamanah ngresepang paindikane punika.
3
Sakancan sane kardi Ida punika luih agung pisan. Kadilan Idane langgeng salami-laminipun.
4
Ida Sang Hyang Widi Wasa nenten manggayang iraga lali ring pakardi-pakardin Idane sane ngangobin. Ida kalintang sih sueca miwah asung lugraha.5
Ida mapaica pangan kinum ring anake sane ngluihang Ida, tur Ida nenten naenin lali ring prajanjian Idane.
6
Ida sampun nyinahang kawisesan Idane ring kaulan Idane, malantaran Ida maicayang jagat wong sunantarane ring ipun.
7
Ring saluiring pakardin Idane, Ida maraga satia tuu turing adil. Sakancan pituduh Idane nyandang kapiandel.8
Pituduh-pituduhe punika langgeng salami-laminipun, tur pituduhe punika kapaicayang sajeroning kapatutan miwah kadilan.
9
Ida mebasang kaulan Idane, tur Ida ngardi prajanjian sane langgeng ring ipun. Ida maraga suci tur maha wisesa.
10
Margi buat ngulati kawicaksanane, punika ngluihang Ida Sang Hyang Widi Wasa. Ida mapaica tetepasan sane patut ring sakancan anake sane sairing ring pituduh-pituduh Idane. Ida patut kapuji salami-laminipun.
1
Pujija Ida Sang Hyang Widi Wasa! Bagia anake sane ngluihang Ida Sang Hyang Widi Wasa, sane saking liang ngamargiang sapatitah Idane.2
Pianak-pianak jadmane sane patut jaga mawisesa ring jagate, tur katurunannyane pacang molih merta.
3
Kulawargannyane wibuh, tur ipun jaga gemuh landuh salami-laminipun.
4
Ring sajeroning peteng dedet, jaga wenten galang masinar pabuat anake sane patut, sane kapiolasan, panyayang miwah adil.5
Bagia anake sane mutangang, sane saking jujur ngamargiang pakaryannyane.
6
Anake sane patut jaga tansah sida karya, tur ipun setata jaga kelingang.
7
Ipun nenten jaga ajerih nrima orti sane kaon. Pangegan ipune kukuh bakuh tur ipun pracaya ring Ida Sang Hyang Widi Wasa.8
Ipun nenten sangsaya wiadin ajerih. Ipun pracaya jaga manggihin meseh-meseh ipune kaon.
9
Ipun mapadana ring anake sane kakirangan, tur kapiolasan ipune nenten rered-rered. Ipun jaga mawisesa tur kajiang.
10
Rikala jadmane sane dursila ngeton paindikane puniki, ipun sami pada pedih. Ipun pedih angarab-arab, raris sirna. Pangajap-ajap ipune sirna kantos salami-laminipun.
1
Pujija Ida Sang Hyang Widi Wasa! Ih paraparekan Ida Sang Hyang Widi Wasa, pujija parab Idane!2
Parab Idane pacang kapuji, sane mangkin kantos salami-laminipun.
3
Pujija parab Ida Sang Hyang Widi Wasa, saking kangin rauh kauh!
4
Ida Sang Hyang Widi Wasa nitah sakancan bangsa-bangsane makasami, tur kaluihan Idane ngungkulin akasane makasami.
5
Tan wenten anak sane nyamenin Ida Sang Hyang Widi Wasa, Widin iragane. Ida malinggih ring genahe sane pinih tegeh.6
Nanging Ida ledang macingakan tedun buat ngaksi akasa miwah pretiwine.
7
Ida mangunang anake tiwas-tiwas saking buke, tur Ida ningtingang anake sane kakirangan saking kasangsaranipune.
8
Ida nadosang ipun kantin pararatune, inggih punika pararatun kaulan Idane.
9
Ida ngajiang paraistrine sane bengkung ring pumahannyane, tur Ida ngawinang ipun bagia malantaran Ida mapaica pianak ring ipun.
1
Rikala rakyat Israele nilar Mesir, rikala katurunan Dane Yakub nilar jagat sunantarane punika,2
Yehuda dados kaula sane suci pabuat Ida Sang Hyang Widi Wasa, tur Israel dados druen Idane ngraga.
3
Rikala Segara Gelagah ngeton, ipun tumuli malaib, tur Tukad Yordane nyat.4
Gunung-gununge pada kecag-kecog waluya sakadi kambing, tur bukit-bukite cebar-cebur waluya sakadi godel biri-birine.
5
Ih pasih, apa ane ngranayang iba malaib? Muah iba Tukad Yordan ngudiang dadi iba nyat?6
Iba gunung-gunung, ngudiang iba dadi kecag-kecog buka kambinge, tur iba bukit-bukit, ngudiang iba cebar-cebur buka godel biri-birine?
7
Ih pretiwi, jejeh ngetorja dikala Ida Sang Hyang Widi Wasa rauh, tur jejeh ngetorja di ayun Widin Yakube.8
Ida ane ngubah bukit batune dadi tlaga muah ngubah batu kaange ane katos dadi yeh kalebutan ane membah.
1
Duh Ratu Sang Hyang Widi Wasa, wantah pabuat Palungguh IRatu kewanten pujiane patut katurang, boyaja pabuat titiang, santukan sih pasuecan miwah kasatian Palungguh IRatune nenten naenin rered.2
Punapi awinanipun bangsa-bangsa pada mataken ring titiang, sapuniki: “Dijake Widin jerone?”3
Widin tiange ring suargan. Ida ngamargiang napija sane arsayang Ida.
4
Dewa-dewanipune kakardi antuk perak miwah mas, karupayang antuk liman manusane.
5
Ipun maderbe bungut, nanging nenten mrasidayang mabaos. Ipun maderbe mata, nanging nenten mrasidayang ngeton.
6
Ipun maderbe kuping nanging nenten mrasidayang ningeh, tur maderbe cunguh nanging nenten mrasidayang ngadek.
7
Ipun maderbe lima, nanging nenten mrasidayang ngusud miwah maderbe buntut nanging nenten mrasidayang majalan. Samaliha ipun nenten mrasidayang masuara.
8
Dumadak sawatek anake sane ngardi miwah pracaya ring arcane punika jaga pateh sakadi arca sane sampun kardi ipun punika.
9
Ih semeton rakyat Israel, pracayaja ring Ida Sang Hyang Widi Wasa. Ida mapaica pitulungan miwah nyayubin semeton.10
Duh parapanditan Ida Sang Hyang Widi Wasa, pracayaja ring Ida Sang Hyang Widi Wasa. Ida mapaica pitulungan miwah nyayubin semeton.
11
Ih sawatek anake sane astiti bakti ring Ida, pracayaja ring Ida Sang Hyang Widi Wasa. Ida mapaica pitulungan miwah nyayubin semeton.
12
Ida Sang Hyang Widi Wasa eling ring iraga, tur jaga ngamertanin iraga. Ida jaga ngamertanin rakyat Israele miwah sakancan panditan Ida Sang Hyang Widi Wasa.13
Ida jaga ngamertanin sakancan anake sane nglinguang Ida. Agung alit sami pada kamertanin.
14
Dumadak Ida Sang Hyang Widi Wasa mapaica pianak ring semeton, inggih punika semeton miwah katurunan semetone.15
Dumadak semeton kamertanin antuk Ida Sang Hyang Widi Wasa, sane ngardi akasa miwah pretiwi.
16
Akasane punika druen Ida Sang Hyang Widi Wasa ngraga, nanging Ida maicayang pretiwi ring imanusa.17
Ida Sang Hyang Widi Wasa nenten kaluihang antuk jadmane sane padem miwah antuk jadmane sane ngungsi ka sunia loka.
18
Nanging iraga, sane kantun urip, jaga ngaturang panyuksma ring Ida, sane mangkin kantos rauh salami-laminipun.
1
Titiang astiti bakti ring Ida Sang Hyang Widi Wasa, santukan Ida mirengang atur titiange, tur Ida mirengang pinunas-pinunas titiange.2
Ida mirengang atur titiange sabilang titiang mapinunas ring Ida.
3
Baya patine ngiter titiang, tur kadurgaman bangbang setrane nganampekin titiang. Titiang kaliput antuk katakutan miwah manah inguh.
4
Irika titiang raris mapinunas ring Ida Sang Hyang Widi Wasa, sapuniki: “Duh Ratu Sang Hyang Widi Wasa, titiang mapinunas ring Palungguh IRatu, ledang Palungguh IRatu ngrahayuang titiang.”
5
Ida Sang Hyang Widi Wasa kalintang sih sueca tur adil, Widin iragane kalintang sih kapiolasan.6
Ida Sang Hyang Widi Wasa nyayubin anake sane nglisting. Rikala titiang katempuh bencana, Ida ngrahayuang titiang.
7
Entegangja kenehe, ih jiwan tiange, sawireh Ida Sang Hyang Widi Wasa suba kalintang sueca teken tiang.
8
Ida Sang Hyang Widi Wasa ngluputang titiang saking patine. Ida nyadsadin yeh matan titiange tur ngluputang titiang saking kakaonan titiange.9
Duaning punika titiang mamargi ring ayun Ida Sang Hyang Widi Wasa, ring jagat jadmane sane urip.
10
Titiang tetep kantun pracaya, yadiastun titiang rikalaning mabaos kadi asapuniki: “Titiang kanyagang pisan.”
11
Taler rikalaning titiang sajeroning katakutan tur mabaos sapuniki: “Tan wenten anak sane nyandang gugu.”
12
Napi sane patut aturang titiang pamantuka ring Ida Sang Hyang Widi Wasa pabuat saluiring kabecikan Idane ring titiang?13
Titiang jaga ngaturang anggur ring Ida Sang Hyang Widi Wasa, buat matur panyuksma ring Ida, santukan Ida sampun ngrahayuang titiang.
14
Ring pantaran pauman kaulan Idane, titiang jaga naur sesangin titiange ring Ida.
15
Ambate sungkan pakayunan Ida Sang Hyang Widi Wasa, yening wenten salah tunggil kaulan Idane padem.16
Duh Ratu Sang Hyang Widi Wasa, titiang puniki parekan Palungguh IRatu. Titiang nyadia ngancangin Palungguh IRatu, sakadi sane sampun kalaksanayang antuk memen titiange. Palungguh IRatu sampun ngluputang titiang saking sang pati.
17
Titiang jaga ngaturang panyuksma ring Palungguh IRatu miwah ngunggahang pangastawan titiange ring ayun Palungguh IRatu.
18
[18-19] Sajeroning paruman sawatek kaulan Palungguh IRatune, ring genahe sane suci ring Perhyangan Agung Palungguh IRatune ring Yerusalem, titiang jaga naur sesangin titiange ring ayun Palungguh IRatune.
1
Ih sakancan bangsa-bangsane sami, pujija Ida Sang Hyang Widi Wasa! Ih sawatek rakyate sami, pujija Ida!2
Sih pasuecan Idane ring iraga kalintang kukuh bakuh, tur kasatian Idane langgeng salami-laminipun.
1
Aturangja panyuksma ring Ida Sang Hyang Widi Wasa, santukan Ida kalintang sueca, tur sih pasuecan Idane langgeng salami-laminipun.2
Ngiringja rakyat Israele makasami pada mabaos kadi asapuniki: “Sih pasuecan Idane langgeng salami-laminipun.”
3
Ngiringja parapanditan Ida Sang Hyang Widi Wasa makasami pada mabaos kadi asapuniki: “Sih pasuecan Idane langgeng salami-laminipun.”
4
Ngiringja sawatek anake sane astiti bakti ring Ida, makasami pada mabaos kadi asapuniki: “Sih pasuecan Idane langgeng salami-laminipun.”
5
Ring sajeroning titiang katempuh antuk kamewehan, titiang mapinunas ring Ida Sang Hyang Widi Wasa, tur Ida nagingin pinunas titiange saha mebasang titiang.6
Ida Sang Hyang Widi Wasa ngiangin titiang, titiang nenten pacang ajerih. Napike sane jaga sida kalaksanayang antuk anake marep ring titiang?
7
Ida Sang Hyang Widi Wasa mapaica pitulung ring titiang, tur titiang jaga ngeton meseh-meseh titiange kaon.
8
Becikan suksrah ring Ida Sang Hyang Widi Wasa, bandingang ring jaga ngandelang manusane.
9
Becikan suksrah ring Ida Sang Hyang Widi Wasa, bandingang ring jaga ngandelang parapamimpin manusane.
10
Katah meseh-meseh sane ngiter titiang, nanging ipun sirnayang titiang antuk kawisesan Ida Sang Hyang Widi Wasa.11
Ipun ngiter titiang, nanging ipun sirnayang titiang antuk kawisesan Ida Sang Hyang Widi Wasa.
12
Ipun pagriung ngrebut titiang sakadi nyawan, nanging titiang nyirnayang ipun. Ipun gelis puun sakadi genine nilap punyan ketket. Titiang nyirnayang ipun masrana kawisesan Ida Sang Hyang Widi Wasa.
13
Titiang kasiatin banget pisan kantos tambis-tambis kaon, nanging Ida Sang Hyang Widi Wasa mapaica pitulungan ring titiang.
14
Ida Sang Hyang Widi Wasa mapaica kawisesan miwah kasitengan ring titiang, tur Ida sampun ngluputang titiang.
15
Piragiangja suryak kamenangan ring kemah-kemah kaulan Ida Sang Hyang Widi Wasa, kadi asapuniki: “Kawisesan Ida Sang Hyang Widi Wasa sane sampun ngawinang punika makasami.16
Kawisesan Idane sane sampun ngawinang iraga menang, inggih punika kawisesan Idane sane luih ring rananggana.”
17
Titiang nenten jaga padem, nanging titiang jaga urip, tur jaga nglumbrahang paindikan sane sampun kakardi antuk Ida Sang Hyang Widi Wasa.18
Ida sampun nyisipang titiang banget pisan, nanging Ida nenten manggayang titiang padem.
19
Ampakinja titiang korin Perhyangan Agunge. Titiang jaga ngranjing tur ngaturang panyuksma ring Ida Sang Hyang Widi Wasa.20
Puniki kori agung Ida Sang Panembahan, tur wantah jadmane sane patut kewanten sane kalugra ngranjing.21
Duh Ratu Sang Hyang Widi Wasa, titiang muji Palungguh IRatu, santukan Palungguh IRatu nagingin pinunas titiange, tur Palungguh IRatu sampun mapaica kamenangan ring titiang.22
Batune sane kakutang antuk tukang batune, sane kanggep tan paguna, sane mangkin mabalik dados batu sane maha utama.23
Paindikane punika sampun kakardi antuk Ida Sang Hyang Widi Wasa. Punika yuakti ngangobin pabuat iraga.
24
Rahinane puniki, rahina kamenangan Ida Sang Hyang Widi Wasa. Ngiringja maliang-liang, tur ngluihang rahinane puniki.
25
Duh Ratu Sang Hyang Widi Wasa, luputangja titiang. Duh Ratu Sang Hyang Widi Wasa, lugrainja titiang mangda titiang prasida labda karya.
26
Dumadak Ida Sang Hyang Widi Wasa ngamertanin anake sane rauh sajeroning parab Idane. Titiang jaga ngamertanin semeton saking Perhyangan Agung Ida Sang Hyang Widi Wasa.27
Ida Sang Hyang Widi Wasa punika maraga Widi, tur Ida sampun kalintang sueca ring titiang. Pada agemja carang tarune, ngiringja kawitin upacarane samaliha ngiringja iraga mamargi ngilehin pamorboran aturane.
28
Palungguh IRatu Widin titiange, tur titiang ngaturang panyuksma ring Palungguh IRatu. Titiang jaga nglumbrahang kagungan Palungguh IRatune.
29
Matur panyuksmaja ring Ida Sang Hyang Widi Wasa, santukan Ida maraga sih sueca. Sih pasuecan Idane langgeng salawas-lawasnya.1
Bagia sakancan anake sane urip nirmala sane laksanannyane satinut ring pidabdab Ida Sang Hyang Widi Wasa.2
Bagia sakancan anake sane sairing ring pituduh-pituduh Idane, sane ngiring Ida saking saguluking ati.
3
Ipun nenten naenin malaksana iwang, tur ipun mamargi ring margin Ida Sang Hyang Widi Wasa.
4
Duh Ratu Sang Hyang Widi Wasa, Palungguh IRatu sampun maicayang pidabdab Palungguh IRatu ring titiang, tur ngandikayang mangda titiang saking satia tuu ninutin pidabdabe punika.
5
Sasida-sidan antuk titiang mapakibeh, mangda titiang prasida satia tuu, sajeroning pituduh-pituduh Palungguh IRatune punika.
6
Yening titiang nglinguang pituduh-pituduh Palungguh IRatune makasami, kenginan titiang nenten jaga nemu kimud.
7
Yening titiang minehin tetepasan Palungguh IRatu sane adil, titiang jaga muji Palungguh IRatu antuk manah sane nirmala.
8
Titiang jaga sairing ring pidabdab Palungguh IRatune, duaning punika sampunangja Palungguh IRatu nilar titiang.
9
Sapunapike antuka anake truna mangda uripipune tetep kantun suci nirmala? Wantah malantaran ninutin pituduh-pituduh Palungguh IRatu.
10
Titiang nyadia ngancangin Palungguh IRatu antuk saguluking manah titiange. Gambelja titiang mangda sampunang titiang kantos tempal ring pituduh-pituduh Palungguh IRatune.
11
Titiang nampa nyuun pidabdab Palungguh IRatune, mangda titiang nenten ngardi dosa pamantuka ring Palungguh IRatu.
12
Duh Ratu Sang Hyang Widi Wasa, titiang muji Palungguh IRatu. Patujuhinja titiang margin Palungguh IRatune.
13
Antuk suara sane santer titiang ngwali-walinin sakancan pidabdabe sane sampun paicayang Palungguh IRatu.
14
Titiang demen ninutin pituduh-pituduh Palungguh IRatune langkungan ring maderbe kasugihan sane akeh.
15
Titiang mlajahin pituduh-pituduh Palungguh IRatune, tur titiang ngamargiang paurukan Palungguh IRatune.
16
Titiang suka rena ring pidabdab Palungguh IRatu, tur pituduh-pituduh Palungguh IRatune nenten jaga laliang titiang.
17
Suecaninja titiang, parekan Palungguh IRatu, mangda titiang prasida urip tur ninutin paurukan Palungguh IRatune.
18
Kedatangja matan titiange, mangda titiang mrasidayang ngeton kasujatian kaluihan pidabdab Palungguh IRatune.
19
Titiang iriki ring mrecapada wantah abosbos kewanten. Sampunangja singidanga pituduh-pituduh Palungguh IRatune ring titiang.
20
Manah titiange yuakti kalintang meled, mangda titiang tansah uning ring tetepasan-tetepasan Palungguh IRatune.
21
Palungguh IRatu nglemekin jadmane sane sumbung. Sengkala jadmane sane tempal ring pituduh-pituduh Palungguh IRatune.
22
Luputangja titiang saking panyacad miwah temah pisuhipune, santukan titiang ngamanggehang pidabdab Palungguh IRatune.
23
Parapamrentahe paum mapiguman, tur saigum jaga nglawan titiang. Nanging titiang jaga nelebang paurukan Palungguh IRatune.
24
Pituduh-pituduh Palungguh IRatune ngawinang titiang bungah ring manah, tur pituduh-pituduhe punika minakadi dados juru pitutur titiange.
25
Titiang kakaonang kantos maguyang ring buke. Bangunangja titiang manut sakadi janjin Palungguh IRatune.
26
Titiang ngangkenin saananing paindikan sane sampun laksanayang titiang, tur Palungguh IRatu nyaurin titiang. Patujuhinja titiang margin Palungguh IRatune.
27
Tulunginja titiang mangda titiang mrasidayang ngresep ring pidabdab Palungguh IRatune. Titiang jaga minehin saha teleb paurukan-paurukan Palungguh IRatune sane luih.
28
Titiang kaliput antuk kaduhkitan. Kuatangja titiang, manut sakadi janjin Palungguh IRatune.
29
Piaraja titiang mangda sampunang titiang ngungsi margine sane iwang tur urukja titiang indik pidabdab Palungguh IRatune sajeroning pasuecan Palungguh IRatune.
30
Titiang sampun sedia jaga ngiringang Palungguh IRatu, tur titiang sampun ngamanahin saha teleb tetepasan Palungguh IRatune.
31
Duh Ratu Sang Hyang Widi Wasa, titiang sampun ngiringang pituduh-pituduh Palungguh IRatune. Sampunangja titiang icena manggihin kimud.
32
Titiang meled pisan jaga nuutin pituduh-pituduh Palungguh IRatune punika, santukan Palungguh IRatu jaga ngwewehin pangresepan titiange.
33
Duh Ratu Sang Hyang Widi Wasa, urukja titiang piteges pidabdab Palungguh IRatune tur titiang pacang ninutin pidabdabe punika nyabran rahina.
34
Terangangja pidabdab Palungguh IRatune punika ring titiang, tur titiang jaga ninutin pidabdabe punika. Titiang jaga ngagem pidabdabe punika antuk saguluking manah titiange.
35
Dadosangja titiang satinut ring pituduh-pituduh Palungguh IRatune, santukan sajeroning pituduh-pituduhe punika titiang molih kaliangan.
36
Icenja titiang manah sane meled buat ninutin pidabdab Palungguh IRatune, langkungan ring meled molih kasugihan.
37
Gambelja titiang, mangda sampunang titiang nglinguang paindikan sane tan paguna. Suecaninja titiang, manut sakadi janjin Palungguh IRatune.
38
Pagehangja ngagem prajanjian Palungguh IRatune ring titiang, parekan Palungguh IRatune, inggih punika prajanjian sane kardi Palungguh IRatu ring jadmane sane satinut ring Palungguh IRatu.
39
Luputangja titiang saking panyacad sane ajerihin titiang. Ambate luih tetepasan Palungguh IRatune.
40
Titiang mamanah ninutin pituduh-pituduh Palungguh IRatune. Icenja titiang urip sane anyar, santukan Palungguh IRatu maraga adil.
41
Duh Ratu Sang Hyang Widi Wasa, sinahangja ring titiang agenging sih pasuecan Palungguh IRatu. Rahayuangja titiang satinut ring prajanjian Palungguh IRatune.
42
Malantaran punika titiang mrasidayang nyaurin jadmane sane nyacad titiang, santukan titiang andel ring sabdan Palungguh IRatune.
43
Lugrainja titiang mangda titiang setata maosang kasujatian, santukan pangajap-ajap titiange wenten sajeroning tetepasan Palungguh IRatune.
44
Titiang jaga setata ninutin pidabdab Palungguh IRatune kantos salami-laminipun.
45
Titiang mamanah urip sajeroning kabebasan sane sampurna, santukan titiang misadia ninutin paurukan-paurukan Palungguh IRatune.
46
Titiang jaga nguningayang pituduh-pituduh Palungguh IRatune ring pararatune, tur titiang nenten jaga kimud.
47
Titiang marasa liang sajeroning ninutin pituduh-pituduh Palungguh IRatune, santukan titiang tresna ring pituduh-pituduhe punika.
48
Titiang ngajiang tur tresna ring pituduh-pituduh Palungguh IRatune, tur titiang jaga minehin saha teleb pituduh-pituduh Palungguh IRatune punika.
49
Elingangja prajanjian Palungguh IRatune ring titiang, parekan Palungguh IRatune. Indike punika ngawinang titiang maderbe pangajap-ajap.
50
Yadiastu sajeroning kamewehan, titiang rumasa bungah, santukan prajanjian Palungguh IRatune ngawinang titiang urip.
51
Jadmane sane sumbung tan mari nemah misuh titiang, nanging titiang nenten matilar saking pidabdab Palungguh IRatune.
52
Duh Ratu Sang Hyang Widi Wasa, titiang eling ring tetepasan-tetepasan Palungguh IRatune sane riin, tur punika sane ngawinang titiang rumasa bungah.
53
Rikala titiang ngeton jadmane dursila mamurug pidabdab Palungguh IRatune, titiang gedeg pisan.
54
Sakantun titiange urip ajebos iriki ring jagate, titiang jaga ngawi kidung ngeniang indik pidabdab Palungguh IRatune.
55
Duh Ratu Sang Hyang Widi Wasa, rikala wengi titiang eling ring Palungguh IRatu raris titiang mineh-minehin pidabdab Palungguh IRatune.
56
Titiang rumasa kalintang bagia sajeroning ninutin pituduh-pituduh Palungguh IRatune.
57
Duh Ratu Sang Hyang Widi Wasa, wantah Palungguh IRatu sane dados daging pangaptin titiange. Titiang majanji jaga nglaksanayang pidabdab-pidabdab Palungguh IRatune.
58
Titiang mapinunas ring Palungguh IRatu antuk saguluking manah, mangda Palungguh IRatu kawelas arsan ring titiang sakadi sane sampun janjiang Palungguh IRatu.
59
Titiang sampun minehin pamargin titiange, tur titiang majanji jaga ninutin pituduh-pituduh Palungguh IRatune.
60
Pramangkin titiang jaga nglaksanayang pituduh-pituduh Palungguh IRatune punika.
61
Jadmane dursila sampun masang jeet pabuat titiang, nanging titiang nenten lali ring pidabdab Palungguh IRatune.
62
Rikalaning tengah wengi titiang bangun, tur titiang muji Palungguh IRatu, duaning tetepasan Palungguh IRatune sane adil.
63
Titiang dados sawitran sakancan anake sane ngancangin Palungguh IRatu, tur dados sawitran sakancan anake sane nglaksanayang pidabdab Palungguh IRatune.
64
Duh Ratu Sang Hyang Widi Wasa, mrecapadane kabekin antuk sih pasuecan Palungguh IRatune sane nenten rered-rered. Urukja titiang pituduh-pituduh Palungguh IRatune punika.
65
Duh Ratu Sang Hyang Widi Wasa, Palungguh IRatu sampun ngamanggehang janjin Palungguh IRatune. Palungguh IRatu kalintang sueca ring titiang parekan Palungguh IRatune.
66
Icenja titiang kawicaksanan miwah pangweruhan, santukan titiang pracaya ring pituduh-pituduh Palungguh IRatune.
67
Sadurung Palungguh IRatu nyisipang titiang, titiang biasa malaksana iwang, nanging sane mangkin titiang ninutin sabdan Palungguh IRatune.
68
Ambate ageng sueca lan panugrahan Palungguh IRatune. Urukja titiang pituduh-pituduh Palungguh IRatune.
69
Jadmane sane sumbung sampun maosang paindikan sane bobab ngeniang indik titiange, nanging titiang ninutin titah-titah Palungguh IRatune antuk saguluking manah titiange.
70
Jadmane punika nenten ngresep nanging titiang muponin kaliangan sajeroning pidabdab Palungguh IRatune.
71
Ukuman titiange punika dados paindikan sane becik pabuat titiang, santukan paindikane punika ngawinang titiang mlajahin pituduh-pituduh Palungguh IRatune.
72
Pidabdab sane paicayang Palungguh IRatu punika pabuat titiang, pikenohipun langkungan ring sakancan jinahe sane wenten ring jagate.
73
Palungguh IRatu ngardi titiang, tur Palungguh IRatu sampun ngrahayuang titiang. Icenja titiang pangresepan, mangda titiang prasida mlajahin pidabdab-pidabdab Palungguh IRatune.
74
Jadmane sane ngluihang Palungguh IRatu jaga rumasa liang, rikalaning ipun ngeton titiang, santukan titiang pracaya ring janjin Palungguh IRatune.
75
Duh Ratu Sang Hyang Widi Wasa, tetepasan Palungguh IRatune sawiakti adil. Samaliha yening Palungguh IRatu nyisipang titiang, punika malantaran Palungguh IRatu satia tuu.
76
Icenja mangda sih pasuecan Palungguh IRatune sane nenten rered-rered punika nglipurang titiang, sakadi sane sampun janjiang Palungguh IRatu ring titiang, parekan Palungguh IRatune.
77
Suecaninja titiang mangda titiang urip, santukan titiang manggih kaliangan sajeroning pidabdab Palungguh IRatune.
78
Dumadak jadmane sane sumbung jaga molih kimud, santukan ipun sampun nglingga caya jaga nalih titiang. Nanging pabuat titiang, titiang jaga teleb minehin titah-titah Palungguh IRatune.
79
Dumadak jadmane sane ngluihang Palungguh IRatu pada rauh ring titiang, inggih punika jadma sane uning ring pituduh-pituduh Palungguh IRatune.
80
Dumadak titiang mrasidayang ngamargiang pituduh-pituduh Palungguh IRatune saha sampurna, mangda sampunang titiang nandang kimud.
81
Duh Ratu Sang Hyang Widi Wasa, titiang sampun kaleson nyantosang Palungguh IRatu buat jaga ngrahayuang titiang. Titiang kapiandel ring sabdan Palungguh IRatune.
82
Matan titiange sampun kuyu nyantosang paindikan sane janjiang Palungguh IRatu. Titiang raris mataken, malih pidanke Palungguh IRatu jaga mapaica pitulungan ring titiang?
83
Titiang sampun tan paguna sakadi klukuh wadah anggure sane sampun kakutang. Nangingke titiang nenten naenin lali ring pituduh-pituduh Palungguh IRatune.
84
Malih amunapike suenipun titiang patut nyantosang? Malih pidanke Palungguh IRatu jaga nyisipang jadmane sane nyangsaren titiang?
85
Jadmane sumbung sane nenten ninutin pidabdab Palungguh IRatune, ipun sampun ngardi bangbang buat jaga mencanen titiang.
86
Pituduh-pituduh Palungguh IRatune punika makasami patut pisan kagega. Jadmane pada nyangsaren titiang antuk pangindrajala, duaning punika icenja titiang pitulungan.
87
Ipun tambis-tambis sida karya jaga ngamademang titiang, nanging titiang nenten nglemenahang pituduh-pituduh Palungguh IRatune.
88
Malantaran sih pasuecan Palungguh IRatune sane nenten rered-rered, tur Palungguh IRatu nyuecanin titiang, kantos titiang prasida ninutin pidabdab-pidabdab Palungguh IRatune.
89
Duh Ratu Sang Hyang Widi Wasa, sabdan Palungguh IRatune punika pageh salami-laminipun. Sabdane punika langgeng wenten ring suargan.
90
Kasatian Palungguh IRatune langgeng salami-laminipun. Palungguh IRatu sampun ngenahang jagate puniki ring genahnyane, tur ipun kantun tetep rauh mangkin.
91
Makasami kantun kantos rauh mangkin malantaran pituduh Palungguh IRatune, santukan ipun makasami punika dados parekan Palungguh IRatune.
92
Yening pidabdab Palungguh IRatu punika sampun nenten dados pukuh kaliangan titiange, meh titiang sampun padem malantaran kasangsaran titiange.
93
Titiang nenten jaga naenin nglemenahang titah-titah Palungguh IRatune, santukan malantaran punika Palungguh IRatu sampun miara urip titiange.
94
Titiang puniki druen Palungguh IRatune. Luputangja titiang! Titiang sampun mapakibeh jaga ninutin pituduh-pituduh Palungguh IRatu.
95
Jadmane dursila sampun nyantosang nyadia jaga ngamademang titiang, nanging titiang jaga teleb minehin pidabdab-pidabdab Palungguh IRatune.
96
Titiang sampun mlajahin mungguing saluiring paindikan punika wenten watesipun. Nanging pituduh Palungguh IRatune punika sampurna.
97
Ambate tresnan titiange ring pidabdab Palungguh IRatu punika. Arahina mepek titiang mineh-minehin pidabdabe punika.
98
Pituduh Palungguh IRatu punika setata nyarengin titiang. Indike punika ngawinang titiang wicaksana imbangang ring meseh-meseh titiange.
99
Titiang ngresep langkungan ring sakancan gurun titiange, santukan titiang teleb minehin titah-titah Palungguh IRatune.
100
Kawicaksanan titiange langkungan ring anake lingsir-lingsir, santukan titiang ninutin pituduh-pituduh Palungguh IRatune.
101
Titiang sampun ngedohang sakancan laksanane dursila, santukan titiang mamanah ninutin sabdan Palungguh IRatune.
102
Titiang sampun nenten nglemenahang titah-titah Palungguh IRatune, santukan Palungguh IRatu ngraga sane dados gurun titiange.
103
Ambate manis rasan titah-titah Palungguh IRatu punika. Indike punika manisan ring madune.
104
Titiang molih kawicaksanan saking pidabdab Palungguh IRatu punika, duaning punika titiang geting ring sakancan laksanane sane corah.
105
Sabdan Palungguh IRatune minakadi suluh buat nuntun titiang, samaliha makadados galang pabuat margin titiange.
106
Titiang jaga ngagem sumpah titiange, buat ninutin titah-titah Palungguh IRatune sane adil.
107
Duh Ratu Sang Hyang Widi Wasa, kasangsaran titiange sawiakti kalintang abot. Lugrainja titiang kantun urip, sakadi janjin Palungguh IRatune.
108
Duh Ratu Sang Hyang Widi Wasa, ledang Palungguh IRatu nrima atur panyuksman titiange, tur urukja titiang pituduh-pituduh Palungguh IRatune.
109
Titiang setata nyadia nyerahang urip titiange, tur titiang nenten lali ring pidabdab Palungguh IRatune.
110
Jadmane dursila masang jeet pabuat titiang, nanging titiang tan tempal ring pituduh-pituduh Palungguh IRatune.
111
Pituduh-pituduh Palungguh IRatune punika dados paderbean titiange sane langgeng. Pituduh-pituduhe punika dados kaliangan manah titiange.
112
Titiang sampun ngamastiang jaga ninutin pidabdab-pidabdab Palungguh IRatune, kantos rauh panemayan titiange pacang padem.
113
Titiang geting ring jadmane sane nenten saking saguluking manah astiti bakti ring Palungguh IRatu. Nanging titiang tresna ring pidabdab Palungguh IRatune.
114
Palungguh IRatu makadados patindih miwah pasayuban titiange. Titiang wantah ngajap-ajap prajanjian Palungguh IRatune.
115
Ih jadmane ane kakaput baan dosa, johangja ibane uli sig icange. Icang lakar ninutin pituduh Widin icange.
116
Icenja titiang kakuatan, sakadi janjin Palungguh IRatune, mangda titiang tetep urip. Sampunangja titiang kadoanga sajeroning pangajap-ajap titiange.
117
Gambelja titiang mangda titiang rahajeng, tur titiang pacang setata nglinguang pituduh-pituduh Palungguh IRatune.
118
Palungguh IRatu nulak sawatek jadmane sane tempal ring pidabdab Palungguh IRatune. Rencananipun sane bobab punika tan paguna.
119
Sakancan jadmane sane dursila kaonang Palungguh IRatu tan bina sakadi lulune, duaning punika titiang tresna ring pituduh-pituduh Palungguh IRatune.
120
Titiang rumasa ajerih ring Palungguh IRatu. Titiang kalintang ajerih ring tetepasan Palungguh IRatune.
121
Titiang sampun nglaksanayang napi sane patut miwah sane becik. Sampunangja titiang serahanga ring meseh-meseh titiange.
122
Ledang Palungguh IRatu majanji, mungguing Palungguh IRatu jaga mapaica pitulungan ring parekan Palungguh IRatune. Sampunangja icena jadmane sane sumbung jaga ngereh titiang.
123
Matan titiange kantos kuyu ngajap-ajap pitulungan saking Palungguh IRatu, inggih punika indik kabebasan sane sampun janjiang Palungguh IRatu.
124
Titahja titiang manut sih pasuecan Palungguh IRatune sane nenten rered-rered, tur urukja titiang pituduh-pituduh Palungguh IRatune.
125
Titiang puniki parekan Palungguh IRatu. Icenja titiang pangresepan, mangda titiang uning ring paurukan-paurukan Palungguh IRatune.
126
Duh Ratu Sang Hyang Widi Wasa, puniki sampun panemayan Palungguh IRatune jaga ngamargiang pakarsan Palungguh IRatune, santukan jadmane sampun pada tempal ring pidabdab Palungguh IRatune.
127
Titiang tresna ring pidabdab Palungguh IRatune langkungan ring tresnan titiange ring mas, langkungan ring mase sane pinih becika.
128
Duaning punika titiang sairing ring sakancan titah Palungguh IRatu, tur titiang geting ring sawatek pamargine sane iwang.
129
Paurukan Palungguh IRatune kalintang luih. Titiang satinut ring paurukane punika saking saguluking manah titiange.
130
Katerangan ngeniang indik paurukan-paurukan Palungguh IRatu punika ngawinang jadmane sane nambet dados wicaksana.
131
Bungut titiange sebakang titiang santukan kameledan titiange ring pituduh-pituduh Palungguh IRatune.
132
Cingakja titiang tur suecaninja titiang, sakadi sane sampun margiang Palungguh IRatu marep ring sakancan jadmane sane astiti bakti ring Palungguh IRatu.
133
Sampunangja titiang icena labuh, sakadi sane sampun janjiang Palungguh IRatu tur sampunangja icena titiang kakaonang antuk kadursilane.
134
Luputangja titiang saking jadmane sane nindes titiang, mangda titiang prasida nglaksanayang pituduh-pituduh Palungguh IRatune.
135
Mertaninja titiang malantaran Palungguh IRatu nyinahang teja wedanan Palungguh IRatune, tur urukja titiang pidabdab Palungguh IRatune.
136
Yeh matan titiange membah sakadi tukad, santukan rakyate nenten nglaksanayang pidabdab Palungguh IRatune.
137
Duh Ratu Sang Hyang Widi Wasa, Palungguh IRatu maraga wicaksana, tur pidabdab Palungguh IRatu punika adil.
138
Pidabdab sane sampun margiang Palungguh IRatu punika sawiakti adil tur patut.
139
Tangkah titiange kebus santukan pedih basang titiange duaning meseh-meseh titiange nenten nglinguang pituduh-pituduh Palungguh IRatune.
140
Ambate pasti janjin Palungguh IRatune. Ambate tresnan titiange ring janjine punika.
141
Titiang puniki tan paguna miwah nista, nanging titiang nenten nglemenahang paurukan Palungguh IRatune.
142
Kadilan Palungguh IRatune jaga manggeh salami-laminipun, tur pidabdab Palungguh IRatune setata patut.
143
Titiang kalikub antuk kamewehan miwah karesresan, nanging pituduh-pituduh Palungguh IRatune ngawinang titiang suka rena.
144
Titah Palungguh IRatune setata adil. Icenja titiang pangresepan, mangda titiang tetep urip.
145
Titiang nunas ica ring Palungguh IRatu saking saguluking manah titiange. Duh Ratu Sang Hyang Widi Wasa saurinja titiang janten titiang jaga ninutin pituduh-pituduh Palungguh IRatune.
146
Titiang nunas ica ring Palungguh IRatu. Luputangja titiang, malantaran punika titiang jaga ngamanggehang pidabdab Palungguh IRatune.
147
Sadurung suryane endag, titiang masesambatan nunas tulung ring Palungguh IRatu. Pangajap-ajap titiange wantah ring janjin Palungguh IRatune.
148
Awengi mepek titiang nenten dados pules buat minehin tur nelebang titah-titah Palungguh IRatune.
149
Duh Ratu Sang Hyang Widi Wasa, malantaran sih pasuecan Palungguh IRatune sane nenten rered-rered punika, pirengangja pinunas titiange. Sinahangja pasuecan Palungguh IRatune, sayubinja urip titiange.
150
Jadmane sane nyapa kadi aku, sane nyangsaren titiang sampun sayan nganampekin titiang, inggih punika jadma sane nenten naenin ngamanggehang pidabdab Palungguh IRatune.
151
Nanging, duh Ratu Sang Hyang Widi Wasa, Palungguh IRatu nampek ring titiang tur sakancan pituduh-pituduh Palungguh IRatune punika kukuh bakuh.
152
Sane nguni titiang sampun uning ring titah-titah Palungguh IRatune. Palungguh IRatu ngamanggehang titah-titahe punika kantos salami-laminipun.
153
Cingakja kasangsaran titiange, tur rahayuangja titiang santukan titiang tan nglemenahang pidabdab Palungguh IRatune.
154
Tindihinja wicaran titiange, tur bebasangja titiang. Rahayuangja titiang sakadi sane sampun janjiang Palungguh IRatu.
155
Jadmane sane dursila nenten karahayuang, santukan ipun nenten nglaksanayang pidabdab Palungguh IRatu.
156
Nanging, duh Ratu Sang Hyang Widi Wasa, sih kawelas arsan Palungguh IRatune kalintang ageng. Sinahangja kawelas arsan Palungguh IRatune, tur rahayuangja titiang.
157
Titiang katah pisan maderbe meseh miwah jadmane sane nindes titiang, nanging titiang nenten lenga nglaksanayang pidabdab Palungguh IRatune.
158
Rikala titiang ngeton jadmane sane dura cara, titiang rumasa kalintang seneb ring manah, santukan ipun nenten ngamanggehang pituduh-pituduh Palungguh IRatune.
159
Duh Ratu Sang Hyang Widi Wasa, indayangja aksi tresnan titiange ring titah-titah Palungguh IRatune punika. Sih pasuecan Palungguh IRatune nenten naenin masalin. Duaning punika rahayuangja titiang.
160
Unteng pidabdab Palungguh IRatu punika, inggih punika kasujatian, tur sakancan tetepasan Palungguh IRatune sane adil punika langgeng salami-laminipun.
161
Jadmane sane makuasa tan pakrana jaga ngebug titiang, nanging titiang ngluihang pidabdab Palungguh IRatune.
162
Ambate liang manah titiange, santukan janjin Palungguh IRatune, sakadi liang jadmane sane muponin arta brana sane katah.
163
Titiang kalintang geting ring paindikan sane kalintang bobab, nanging titiang tresna ring pidabdab Palungguh IRatune.
164
Arahina ping pitu titiang ngaturang panyuksma, pabuat tetepasan Palungguh IRatune sane adil.
165
Jadmane ane tresna ring pidabdab Palungguh IRatune, ipun muponin sutrepti sane sampurna, tur tan wenten indik sane ngawinang ipun sengkala.
166
Duh Ratu Sang Hyang Widi Wasa, titiang nyantosang Palungguh IRatu, buat ngrahayuang titiang, tur titiang nglaksanayang sapituduh Palungguh IRatune.
167
Titiang ninutin paurukan-paurukan Palungguh IRatune, tur titiang tresna ring paindikan punika saking saguluking manah.
168
Titiang ninutin titah-titah miwah pituduh Palungguh IRatune. Palungguh IRatu ngaksi saluiring sane laksanayang titiang.
169
Duh Ratu Sang Hyang Widi Wasa, dumadak sesambatan titiange buat nunas pitulungan rauh ring ayun Palungguh IRatune. Icenja titiang pangresepan sakadi sane sampun janjiang Palungguh IRatu.
170
Pirengangja pangastawan titiange, tur rahayuangja titiang manut ring janjin Palungguh IRatune.
171
Titiang jaga setata muji Palungguh IRatu, santukan Palungguh IRatu ngurukang titiang pidabdab Palungguh IRatune.
172
Titiang jaga makidung ngeniang indik pidabdab Palungguh IRatune, santukan pituduh-pituduh Palungguh IRatu punika adil.
173
Palungguh IRatu tansah sedia mapaica pitulungan ring titiang, santukan titiang ngiringang pituduh-pituduh Palungguh IRatune.
174
Duh Ratu Sang Hyang Widi Wasa, ambate meled titiange ring pitulungan Palungguh IRatu sane pacang ngrahayuang titiang. Titiang molih kaliangan sajeroning pidabdab-pidabdab Palungguh IRatu punika.
175
Icenja titiang urip mangdane titiang prasida muji Palungguh IRatu. Dumadakja titah-titah Palungguh Iratune nulungin titiang.
176
Titiang ngumbara milehan waluya sakadi biri-biri sane ical. Duaning punika ledang Palungguh IRatu rauh ngruruh titiang, parekan Palungguh IRatune, santukan titiang nenten nglemenahang pidabdab Palungguh IRatune.
1
Rikala titiang sajeroning kakewehan, titiang nunas ica ring Ida Sang Hyang Widi Wasa, tur Ida nagingin pinunas titiange.2
Duh Ratu Sang Hyang Widi Wasa, luputangja titiang saking jadmane sane bobab-bobab miwah jadmane sane demen nguluk-uluk.
3
Ih cai jlema ane bobab apake ane lakar katibakang teken cai baan Ida Sang Hyang Widi Wasa? Kenkenke abetne Ida lakar nyisipang cai?4
Aji panah prajurite ane lanying-lanying, tur aji baa ane ngendih murub.
5
Nongos di pantaran caine patuh jelekne teken nongos di kota Mesek, wiadin di pantaran wong Kedare.
6
Titiang sampun sue pisan magubugan ring jadmane sane geting ring dame.
7
Rikalaning titiang maosang indik dame, ipun maosang indik perang.
1
Titiang nganengneng gunung-gununge, saking dijake jaga rauh pitulungan titiang?2
Pitulungan titiange jaga rauh saking Ida Sang Hyang Widi Wasa, sane ngardi akasa miwah pretiwi.
3
Ida nenten manggayang semeton labuh. Panyayub semetone nenten naenin arip.4
Panyayub Israele nenten naenin arip wiadin sirep.5
Ida Sang Hyang Widi Wasa jaga ngebag semeton. Ida wenten ring samping semeton buat jaga nyayubin semeton.
6
Rikalaning rahina, panes suryane nenten ngawinang semeton kebus, kadi asapunika taler sinar bulane rikalaning wengi.
7
Ida Sang Hyang Widi Wasa jaga nyayubin semeton saking saananing bencana. Ida jaga miara semeton mangda setata rahajeng.8
Ida jaga nyayubin semeton rikalaning semeton lunga wiadin budal, sane mangkin ngantos salami-laminipun.
1
Titiang rumasa liang ring manah, rikalaning anake pada mabaos ring titiang sapuniki: “Ngiringja iraga lunga ka Perhyangan Ida Sang Hyang Widi Wasa.”2
Tur sane mangkin titiang wenten iriki, majujuk ring jeroan gapuran kota Yerusaleme.
3
Yerusalem punika kota sane kawangun saha becik tur asri.4
Sakancan suku bangsane pada rauh mriki, inggih punika suku bangsa Israele, jaga ngaturang panyuksma ring Ida Sang Hyang Widi Wasa, satinut ring pituduh Idane.
5
Irika pararatun Israele pada malinggih ring singasanan idane, buat mapaica tetepasan ring kaulan idane.
6
Astawayangja mangda kota Yerusaleme muponin dame: “Dumadakja paraanake sane tresna ring kota Yerusaleme punika muponin gemuh landuh.7
Dumadakja wenten dame ring tengah kotane miwah karahajengan ring purin pararatune sane wenten ring Yerusaleme.”
8
Pabuat kadang warga miwah sawitran titiange, titiang jaga mabaos ring kota Yerusaleme kadi asapuniki: “Dumadakja ragane muponin dame.”
9
Pabuat Perhyangan Ida Sang Hyang Widi Wasa, Widin iragane, titiang ngastawa dumadakja ragane muponin gemuh landuh.
1
Duh Ratu Sang Hyang Widi Wasa, titiang nulengek ka ayun Palungguh IRatune, titiang nulengek ka suargan, ka genah Palungguh IRatune jumeneng nata.2
Sakadi iparekan nyagerang gustinnyane miwah sakadi ipanyeroan nyagerang pamekelnyane, kadi asapunika titiang tansah nulengek ka ayun Palungguh IRatu, duh Ratu Sang Hyang Widi Wasa, Widin titiange, ngantos Palungguh IRatu ledang ngetelang sih kapiolas ring titiang.
3
Duh Ratu Sang Hyang Widi Wasa, suecaninja titiang, suecaninja titiang. Titiang sampun kalintang banget pisan kanistayang.4
Titiang sampun sue pisan kabinjulin antuk jadmane sane sugih miwah katemah pisuh antuk jadmane sane demen nindes tur sumbung.
1
Sapunapike panados ipun, yening Ida Sang Hyang Widi Wasa nenten wenten ring samping iragane? Inggih semeton wong Israel indayang saurin.2
“Yening Ida Sang Hyang Widi Wasa sampun nenten wenten ring samping iragane, rikalaning meseh-meseh iragane ngebug iraga,3
Pedas ipun sampun nguluh iraga idup-idup sajeroning kabramantian ipune sane angarab-arab,
4
kenginan blabare sampun nganyudang irga, tur toyane jaga nglikub iraga.
5
Samaliha embahan toyane sane suluk sampun ngawinang iraga kalebu.”
6
Ngiringja iraga ngaturang panyuksma ring Ida Sang Hyang Widi Wasa, sane nenten nglugrain meseh-meseh irgane nyirnayang iraga.
7
Iraga sampun luput sakadi paksine sane luput saking jeet juru borose, tur jeete punika tastas, mawinan iraga prasida bebas.
8
Pitulungan iragane punika rauhnya saking Ida Sang Hyang Widi Wasa, sane ngardi akasa miwah pretiwi.
1
Anake sane pracaya ring Ida Sang Hyang Widi Wasa, waluya sakadi Gunung Sione, sane nenten naenin magejeran, tur nenten naenin magingsir.2
Sakadi gunung-gununge ngiter kota Yerusaleme, inggih kadi asapunika taler Ida Sang Hyang Widi Wasa nyerungin kaulan Idane sane mangkin miwah salami-laminipun.
3
Jadmane sane dursila nentenja setata nguasain tanah anake patut. Pradene kadi asapunika, menawi anake sane patut punika malaksana dursila.4
Duh Ratu Sang Hyang Widi Wasa, tibakangja paindikan sane becik ring jadmane sane malaksana ayu, inggih punika ring jadmane sane ninutin pituduh-pituduh Palungguh IRatune.
5
Nanging rikalaning Palungguh IRatu nyisipang jadmane sane dursila, sisipangja jadmane sane nilar margin Palungguh IRatune.
1
Rikala Ida Sang Hyang Widi Wasa nantan iraga mawali ka Yerusalem, indike punika waluya sakadi ipiane.2
Sapunapi jaga kedek lan kidung iragane masuka rena, yening bangsa-bangsane sane tiosan pacang maosang indik iragane, sapuniki: “Ida Sang Hyang Widi Wasa ngardi paindikan sane ageng pabuat ipun.”
3
Sujatinipun Ida sampun ngardi paindikan-paindikan sane ageng pabuat iraga. Ambate liang manah iragane.
4
Duh Ratu Sang Hyang Widi Wasa, baktaja titiang mawali ka panegaran titiange, sakadi sabehe ngembahin tukad sane tuh.5
Lugrainja jadmane sane ngeling rikalaning ipun nyambehang bibit, jaga munduhang pamupu antuk manah sane liang.
6
Jadmane sane ngeling rikalaning ipun medal makta bibit, jaga mawali saha makidung kabatek antuk liang manahipune, rikalaning ipun makta pamupon ipune.1
Yening boya Ida Sang Hyang Widi Wasa sane ngwangun umah, sinah pakaryan undagine punika tan paguna. Yening boya Ida Sang Hyang Widi Wasa sane nyayubin kotane punika, sinah tan paguna prajurite magebagan.2
Sujatinipun tan paguna iraga tuyuh makarya ngulati pangupa jiwa, malantaran bangun palimunan tur pules rikalaning sampun kaliwat wengi, santukan Ida Sang Hyang Widi Wasa mapaica ring anake sane suecanin Ida, yadiastun ipun kantun pules.
3
Rare-rare punika paican Ida Sang Hyang Widi Wasa. Ipun punika merta sane nyekala.4
Oka-okane sane lanang, sane kaderbe antuk anake, rikalaning sampun pada truna, waluya sakadi panah sane kagambel antuk prajurite.
5
Bagia pisan anake sane maderbe panah-panah sane kadi asapunika. Ipun nenten jaga naenin kakaonang rikala kacunduk ring meseh-mesehipune ring ajeng pangadilane.
1
Bagia pisan anake sane sairing ring Ida Sang Hyang Widi Wasa, sane urip malantaran pituduh-pituduh Idane.2
Pakaryan semetone jaga mapikolih pabuat kaperluan-kaperluan semetone; semeton jaga bagia miwah gemuh landuh.
3
Rabin semetone waluya sakadi punyan anggure sane mabuah nged ring jeroan semetone, tur paraokan semetone tan bina sakadi wit saitun sane muda-muda ngilehan mejan semetone.4
Anake muani sane sairing ring Ida Sang Hyang Widi Wasa, sujatinipun jaga kamertanin kadi asapunika.
5
Dumadak Ida Sang Hyang Widi Wasa ngamertanin semeton saking Sion. Dumadak semeton jaga manggihin kota Yerusalem gemuh landuh sapanjang umur semetone.6
Dumadak semeton dirga yusa, kantos prasida ngaksi putu-putun semetone!
1
Duh Israel, tuturangja ring tiang sareng sami kadi asapunapi meseh-meseh semetone sampun nyangsaren semeton, ngawit saking semeton kantun wimuda.2
“Ngawit saking titiang kantun truna, meseh-meseh titiange sampun nyapa kadi aku nyangsarain titiang, nanging ipun nenten prasida ngreh titiang.3
Ipun sampun nues tur natunin tundun titiange dalem pisan, samaliha tatune punika waluya sakadi tampak tenggalane ring pategalane.
4
Nanging Ida Sang Hyang Widi Wasa sane maraga adil, sampun mebasang titiang kantos titiang nenten prasida dados panjak.”
5
Dumadak sakancan jadmane sane geting ring Sion, jaga kakaonang tur jerih kapilayu.6
Dumadak ipun makasami sakadi padange sane mentik ring duur neb umahe sane tuh sadurung ipun mrasidayang tumbuh.
7
Tan wenten anak sane jaga munduhang ipun wiadin jaga mesel-mesel tur ngambil ipun.
8
Jadmane sane nglintang irika tan wenten sane jaga mabaos ring ipun sapuniki: “Dumadak Ida Sang Hyang Widi Wasa ngamertanin semeton! Tiang ngamertanin semeton sajeroning parab Ida Sang Hyang Widi Wasa.”
1
Duh Ratu Sang Hyang Widi Wasa, saking tungtung manah titiange sane dekdek renyuh, titiang nunas ica ring Palungguh IRatu.2
Duh Ratu Sang Hyang Widi Wasa, pirengangja pinunas titiange. Pirengangja pinunas titiange buat nunas pitulungan!
3
Yening Palungguh IRatu jaga ngelingang dosa-dosan titiange, sapasirake sane mrasidayang luput saking pasisip?
4
Nanging Palungguh IRatu ngampurayang titiang, mangda titiang wiakti angob ring Palungguh IRatu.
5
Titiang sarat pisan nyantosang pitulungan Ida Sang Hyang Widi Wasa, duaning titiang ngega ring sabdan Idane.6
Titiang nyantosang Ida Sang Hyang Widi Wasa, saratan ring pajagaane sane nyantosang galang kangine.
7
Ih Israel, pracayaja ring Ida Sang Hyang Widi Wasa! Santukan sih pasuecan Idane nenten rered-rered, tur Ida setata ledang ngrahayuang.8
Ida jaga ngrahayuang Israel kaulan Idane saking sakancan dosa-dosannyane.
1
Duh Ratu Sang Hyang Widi Wasa, titiang sampun ngutang kasumbungan titiange, tur titiang sampun nilar kagungan titiange. Titiang nenten ngulati paindikan-paindikan sane ageng-ageng wiadin paindikan-paindikan sane kalintang meweh pabuat titiang.2
Nanging titiang rumasa rena tur sutrepti. Sakadi rare lelep masare ring pabinan memenipune, kadi asapunika taler manah titiange degdeg ring dewek titiange.
3
Duh semeton bangsa Israel, pracayaja ring Ida Sang Hyang Widi Wasa, sane mangkin miwah salami-laminipun.
1
Duh Ratu Sang Hyang Widi Wasa, sampunangja Palungguh IRatu lali ring Sang Prabu Daud miwah ring sakancan kamewehan sane sampun rasayang ida.2
Duh Ratu Sang Hyang Widi Wasa, elingangja paindikan sane sampun janjiang ida, inggih punika sesangi sane katurang ring ayun Palungguh IRatu, Widin Dane Yakub Sane Maha Wisesa, kadi asapuniki:
3
“Titiang nenten jaga budal wiadin masare.
4
Titiang nenten jaga mararian wiadin pules.
5
Sadurung titiang nyawisang palinggih pabuat Ida Sang Hyang Widi Wasa, inggih punika Perhyangan Widin Dane Yakube Sane Maha Wisesa.”
6
Ring Betlehem titiang miragi indik Peti Prajanjiane punika, tur petine punika keniang titiang ring pategalan Yearime.7
Titiang raris mabaos sapuniki: “Ngiringja iraga ngungsi Perhyangan Ida Sang Hyang Widi Wasa. Ngiringja iraga mabakti ring ajeng singasanan Idane.”
8
Duh Ratu Sang Hyang Widi Wasa, ledang Palungguh IRatu rauh ring Perhyangan Agunge kadi asapunika taler Peti Prajanjiane punika, sane pinaka dados cihna kawisesan Palungguh IRatune. Ledang Palungguh IRatu malinggih irika ngantos salami-laminipun.9
Mangda parapandita druene setata nglaksanayang paindikan sane patut, tur kaula druene masuryak-suryak masuka rena.
10
Palungguh IRatu ngardi prajanjian ring parekan druene Sang Prabu Daud. Duh Ratu Sang Hyang Widi Wasa, sampunangja tulaka sang prabu seselikan Palungguh IRatune.11
Palungguh IRatu sampun ngardi prajanjian sane suci ring Sang Prabu Daud, inggih punika prajanjian sane nenten jaga urungang Palungguh IRatu, sane kadi asapuniki: “Ulun lakar ngadegang pianak kitane adiri dadi ratu, tur ia lakar mrentah nylediinin kita.
12
Yening pianak-pianak kitane ngamanggehang prajanjian ulune muah pituduh ane paicayang Ulun teken ia, pianak-pianaknyane masih lakar dadi ratu kanti salawas-lawasne.”
13
Ida Sang Hyang Widi Wasa sampun nyelik Gunung Sion tur Ida mapakayun jaga nadosang ipun genah Perhyangan Idane. Sapuniki pangandikan Idane:14
“Ditu tongos Ulune lakar malinggih salawas-lawasne, tur ditu masih tongos Ulune lakar mrentah.
15
Ulun mapakayun nyujukang sakancan ane perluanga baan Sion. Ditu Ulun lakar murnayang idep rakyate ane lacur aji dedaaran.
16
Sakancan ane kalaksanayang baan parapanditannyane, lakar mertanin Ulun muah rakyate lakar makidung tur masuryak-suryak masuka rena.
17
Ditu Ulun lakar ngadegang katurunan Daude adiri dadi ratu ane agung. Ditu Ulun lakar ngamanggehang pamrentahan sang prabu seselikan Ulune.
18
Musuh-musuhnyane lakar tangkeb Ulun baan kimud, nanging kaprabonnyane lakar gemuh landuh muah tumbuh subur.”
1
Ambate becik tur liangipun, parakaulan Ida Sang Hyang Widi Wasa sane saguluk sajeroning pasemetonan.2
Indike punika waluya sakadi minyak wangi sane utama, sane kasriokang ring prabun Dane Harun, tumuli maliah ka jenggot danene, ngraris ngetel ka kantan jubah danene.
3
Indike punika tan bina sakadi damuhe ring Gunung Hermon, sane ngetel ring bukit-bukit Sione. Ring genahe punika Ida Sang Hyang Widi Wasa sampun nyanjiang mertan Idane, inggih punika urip langgeng salami-laminipun.
1
Mrikija, pujija Ida Sang Hyang Widi Wasa, ih sakancan parekan Idane, sakancan anak sane ngancangin Perhyangan Agung Idane rikalaning wengi.2
Cakupangja tangan semetone sajeroning ngastawa ring Perhyangan Agunge tur pujija Ida Sang Hyang Widi Wasa.
3
Dumadak Ida Sang Hyang Widi Wasa sane ngardi akasa miwah pretiwi, ngamertanin semeton saking Gunung Sion.
1
Pujija Ida Sang Hyang Widi Wasa! Pujija parab Idane, ih paraparekan Ida Sang Hyang Widi Wasa,2
sane wenten ring Perhyangan Idane inggih punika ring Perhyangan Agung Widin iragane.
3
Pujija Ida Sang Hyang Widi Wasa, santukan Ida kalintang sih kapiolasan. Pujija parab Idane santukan Ida maraga sih sueca.
4
Ida nyelik Dane Yakub wiadin bangsa Israel buat dados druen Idane.
5
Titiang uning mungguing Widin iragane punika kalintang luih, agungan ring sakancan paradewane.6
Ida ngardi napija sane arsayang Ida, ring suargan miwah ring mrecapada, ring segarane miwah ring sawang samudrane.
7
Ida ngrauhang gulem tebel maduluran angin baret saking tanggun jagate. Ida ngwentenang kilap sane ngawinang sabehe bales, tur Ida ngwedalang angin saking genah panyimpenan angin Idane.
8
Ring Mesir Ida ngamademang sakancan pianak sane pinih kelih, inggih punika pianak manusa miwah panak burone.9
Irika Ida nyinahang praciri miwah katawahan-katawahan, buat nyisipang sang prabu miwah prakanggen Idane.
10
Ida nyirnayang bangsa-bangsa akeh miwah nyedayang pararatu sane mawisesa, luiripun:
11
Sihon, prabun bangsa Amorine, Og, prabune ring Basan miwah pararatune ring Kanaan.
12
Jagat pararatune punika paicayang Ida ring bangsa Israel kaulan Idane.
13
Duh Ratu Sang Hyang Widi Wasa, Palungguh IRatu setata kalumbrahang mungguing Palungguh IRatu Widi, tur sawatek katurunan jadmane jaga eling ring Palungguh IRatu.14
Ida Sang Hyang Widi Wasa jaga nindihin kaulan Idane, tur Ida jaga nyayangang paraparekan Idane.
15
Dewa-dewan parabangsane malakar antuk perak miwah mas tur ipun karupayang antuk tangan manusa.16
Ipun maderbe bungut, nanging nenten mrasidayang mabaos, tur maderbe mata, nanging nenten mrasidayang ngeton.
17
Ipun maderbe kuping, nanging nenten mrasidayang ningeh, tur ipun taler nenten mrasidayang mangkihan.
18
Dumadakja sakancan jadmane sane ngardi ipun tur pracaya ring ipun dados pateh sakadi arca sane sampun kardi ipun punika.
19
Pujija Ida Sang Hyang Widi Wasa, ih rakyat Israel! Pujija Ida, ih parapanditan Ida Sang Hyang Widi Wasa!20
Pujija Ida Sang Hyang Widi Wasa, ih wong Lewi! Pujija Ida, ih sawatek anake sane astiti bakti ring Ida!
21
Pujija Ida Sang Hyang Widi Wasa ring Perhyangan Idane ring Sion, ring kota Yerusalem.
1
Aturangja panyuksma ring Ida Sang Hyang Widi Wasa, santukan Ida kalintang becik, tur sih pasuecan Idane langgeng salami-laminipun.2
Aturangja panyuksma ring Sane Maha Agung ring pantaran paradewane, duaning sih pasuecan Idane langgeng salami-laminipun.
3
Aturangja panyuksma ring Ida Sane Maha Wisesa ring pantaran sakancan panembahane, duaning sih pasuecan Idane langgeng salami-laminipun.
4
Ida ngraga sane ngardi katawahan-katawahan sane ageng, tur sih pasuecan Idane langgeng salami-laminipun.5
Malantaran kawicaksanan Idane, Ida ngardi akasa, tur sih pasuecan Idane langgeng salami-laminipun.
6
Ida ngardi pretiwi tur kagenahang ring duur toyane sane dalem, duaning sih pasuecan Idane langgeng salami-laminipun.
7
Ida ngardi surya miwah candra, duaning sih pasuecan Idane langgeng salami-laminipun.
8
Suryane punika buat nitah rahinane, duaning sih pasuecan Idane langgeng salami-laminipun.
9
Candra miwah bintang-bintange punika nitah wengine, duaning sih pasuecan Idane langgeng salami-laminipun.
10
Ida ngamademang pianak muani wong Mesire sane pinih kelih, duaning sih pasuecan Idane langgeng salami-laminipun.11
Ida nantan wong Israele rarud saking Mesir, duaning sih pasuecan Idane langgeng salami-laminipun.
12
Ida nuntu antuk tangan Idane sane kukuh bakuh tur mawisesa, duaning sih pasuecan Idane langgeng salami-laminipun.
13
Ida nyibak Segara Gelagahe, duaning sih pasuecan Idane langgeng salami-laminipun.
14
Ida nantan kaulan Idane nglintangin Segara Gelagahe punika, duaning sih pasuecan Idane langgeng salami-laminipun.
15
Nanging ratun Mesire miwah wadua balannyane makasami anyudang Ida ring segarane punika, duaning sih pasuecan Idane langgeng salami-laminipun.
16
Ida nantan kaulan Idane nglintangin tegal melakange, duaning sih pasuecan Idane langgeng salami-laminipun.17
Ida nyedayang pararatu sane mawisesa, duaning sih pasuecan Idane langgeng salami-laminipun.
18
Ida nyedayang pararatu sane kabinawa, duaning sih pasuecan Idane langgeng salami-laminipun.
19
Ida nyedayang Sang Prabu Sihon, ratun wong Amorine, duaning sih pasuecan Idane langgeng salami-laminipun.
20
Ida nyedayang Sang Prabu Og, ratune ring Basan, duaning sih pasuecan Idane langgeng salami-laminipun.
21
Panegara-panegaran pararatune punika paicayang Ida ring parakaulan Idane, duaning sih pasuecan Idane langgeng salami-laminipun.
22
Tanah-tanahe punika paicayang Ida ring wong Israele parekan Idane, duaning sih pasuecan Idane langgeng salami-laminipun.
23
Ida nenten lali ring iraga rikalaning iraga kakaonang antuk meseh, duaning sih pasuecan Idane langgeng salami-laminipun.
24
Ida mebasang iraga saking meseh-meseh iragane, duaning sih pasuecan Idane langgeng salami-laminipun.
25
Ida mapaica teda ring sawatek sane murip, duaning sih pasuecan Idane langgeng salami-laminipun.
26
Aturangja panyuksma ring Ida Sang Hyang Widi Wasa sane malingga ring suargan, duaning sih pasuecan Idane langgeng salami-laminipun.1
Titiang negak ring sisin-sisin tukade ring Babel. Irika titiang ngeling rikalaning titiang eling ring Sion.2
Titiang ngantungang rebab-rebab titiange ring carang-carang tarune sane wenten irika.
3
Jadmane sane nawan titiang ngenken titiang makidung, ipun ngenken titiang nglipur ipun, sapuniki baosipune: “Kidungangja buat idewek kidung unduk Sione.”
4
Sapunapi antuk titiang ngidungang kidung pabuat Ida Sang Hyang Widi Wasa ring jagat sunantarane.5
Oduh Yerusalem dumadak mangda titiang nenten naenin malih mrasidayang nyuarayang rebab, yening titiang engsap ring ragane.
6
Dumadak mangda titiang nenten naenin mrasidayang makidung, yening titiang nenten eling ring ragane, yening ragane nenten dadosang titiang kabungahan titiange sane pinih ageng!
7
Duh Ratu Sang Hyang Widi Wasa, elingangja paindikan sane kalaksanayang antuk wong Edome, rikalaning kota Yerusaleme kakaonang. Elingangja baosipune sane kadi asapuniki: “Uugangja apang kanti asah teken tanahe.”8
Ih Babel, iba bakal kuugang. Bagia anake ane ngwales teken iba paundukan ane suba laksanayang iba teken kai,9
ane nyuang rare-raren ibane tur mantigang rare-rarene ento di batu kaange.
1
Duh Ratu Sang Hyang Widi Wasa, titiang ngaturang panyuksma ring ayun Palungguh IRatune antuk saguluking manah titiange. Titiang makidung muji Palungguh IRatu ring ajeng dewane.2
Titiang sumungkem marep ring Perhyangan Agung druen Palungguh IRatune, tur muji parab Palungguh IRatune, santukan sih pasuecan lan kasatian Palungguh IRatune sane nenten rered-rered, tur Palungguh IRatu sampun nyinahang mungguing parab miwah pituduh-pituduh Palungguh IRatune sujati maha luur.
3
Palungguh IRatu nagingin pinunas titiange, rikalaning titiang nunas ica ring Palungguh IRatu, tur masrana kakuatan Palungguh IRatune, Palungguh IRatu nguatang titiang.
4
Sawatek pararatune ring jagate jaga muji Palungguh IRatu, duh Ratu Sang Hyang Widi Wasa, santukan ida sampun pada mireng janjin Palungguh IRatune.5
Ida jaga makidung ngeniang indik sane sampun kardi Palungguh IRatu miwah indik kaluihan Palungguh IRatune sane ageng.
6
Yadiastu Palungguh IRatu malingga kalintang tegeh ring luur, nanging Palungguh IRatu nglinguang jadmane sane nista, tur jadmane sane sumbung nenten mrasidayang makelid saking ayun Palungguh IRatune.
7
Rikalaning titiang kiter antuk kamewehan, Palungguh IRatu ledang ngrahayuang titiang. Palungguh IRatu nglawan meseh-meseh titiange sane mamedih, tur ngrahayuang titiang antuk kawisesan Palungguh IRatune.8
Palungguh IRatu nglaksanayang saluiring sane sampun janjiang Palungguh IRatu. Duh Ratu Sang Hyang Widi Wasa, sih pasuecan Palungguh IRatune langgeng salami-laminipun. Puputangja pakaryan sane sampun kawitin Palungguh IRatu.
1
Duh Ratu Sang Hyang Widi Wasa, Palungguh IRatu sampun nureksain titiang, tur Palungguh IRatu wikan ring titiang.2
Palungguh IRatu wikan ring saluiring laksanan titiange, saking doh Palungguh IRatu sampun wikan ring sakancan daging manah titiange.
3
Palungguh IRatu nyingak titiang, rikalaning titiang makarya wiadin mararian, tur Palungguh IRatu wikan ring sakancan pamargin titiange.
4
Sadurung titiang mabaos, Palungguh IRatu sampun wikan ring paindikan sane jaga baosang titiang.
5
Palungguh IRatu ngiter titiang sabilang samping, tur Palungguh IRatu nyayubin titiang antuk kawisesan Palungguh IRatune.
6
Kaweruhan Palungguh IRatu ngeniang indik titiange kalintang dalem pisan. Indike punika nglangkungin pangresepan titiange.
7
Kijake titiang malaib, buat jaga makelid saking ayun Palungguh IRatu? Kijake jaga lakun titiang ngedohang dewek titiang saking ayun Palungguh IRatune?
8
Yening titiang munggah ka langite, Palungguh IRatu wenten irika. Yening titiang tedun ka pati loka, Palungguh IRatu taler wenten irika.
9
Yening titiang makeber nglintang ring wates kangine, wiadin magenah ring genahe sane pinih doh bedauh,
10
Palungguh IRatu wenten irika jaga nantan titiang, tur mapaica pitulungan ring titiang.
11
Titiang jaga ngedih ring peteng dedete mangda ipun ngengkebang titiang, wiadin ring sang galang sane ngiter titiang mangda magentos dados peteng,
12
nanging yadiastu peteng dedet, indike punika nentenja peteng pabuat Palungguh IRatu miwah wengine dados galang pateh sakadi rahinane Peteng dedet miwah galange pateh pabuat Palungguh IRatu.
13
Palungguh IRatu ngreka titiang, tur Palungguh IRatu ngenahang titiang ring garba wasan memen titiange.14
Titiang muji Palungguh IRatu, santukan Palungguh IRatu sane patut kajerihin. Sakancan pakardin Palungguh IRatu punika tawah tur kalintang luih. Titiang uning ring indike punika antuk saguluking manah titiange.
15
Rikala tulang-tulang titiange karupayang tur kadabdab saha becik ring garba wasan memen titiange miwah rikalaning titiang sayan ngagengang ring genahe sane pingit punika, Palungguh IRatu wikan mungguing titiang wenten irika.
16
Palungguh IRatu nyingak titiang sadurung titiang lekad. Tuuh titiange sampun kasuratang ring cakepan druene, sadurunge titiang kareka.
17
Duh Ratu Sang Hyang Widi Wasa, ambate mewehnya rasayang titiang pikayunan Palungguh IRatune. Ambate akehnya pakayunan Palungguh IRatune punika!
18
Yening titiang ngetang pakayunan Palungguh IRatune punika, sinah katahnya langkungan ring akeh biase. Rikala titiang eling ring dewek, taler titiang kantun ngiring Palungguh IRatu.
19
Duh Ratu Sang Hyang Widi Wasa, pangajap-ajap titiange mangda Palungguh IRatu ledang ngamademang jadmane sane dursila. Titiang ngajap-ajap mangda jadmane sane nyapa kadi aku nilarin titiang.
20
Ipun maosang paindikan sane tan patut ngeniang indik Palungguh IRatune. Ipun maosang paindikan-paindikan jaat marep ring parab Palungguh IRatune.
21
Duh Ratu Sang Hyang Widi Wasa, titiang kalintang geting ring sakancan jadmane sane geting ring Palungguh IRatu. Ambate antuk titiang nganistayang parajadmane sane nglawan Palungguh IRatu .
22
Titiang kalintang geting pisan ring ipun. Ipun dadosang tiitang meseh-meseh titiange.
23
Duh Ratu Sang Hyang Widi Wasa, tureksainja titiang tur wikaninja manah titiange. Pintoninja titiang, tur cingakja pepineh titiange.24
Indayangja tureksain, punapike wenten paindikan sane dura cara ring dewek titiange, tur tantanja titiang ring margine sane langgeng.
1
Duh Ratu Sang Hyang Widi Wasa, luputangja titiang saking jadmane sane dursila. Luputangja titiang saking jadmane nyapa kadi aku.2
Ipun setata ngrincikang paindikan-paindikan sane dursila, tur setata ipun ngardi ieg.
3
Layahipune waluya sakadi ula sndi tur baos ipune tan bina sakadi upas ula polenge.
4
Duh Ratu Sang Hyang Widi Wasa, sayubinja titiang saking kakuasaan jadmane dursila. Luputangja titiang saking jadmane sane nyapa kadi aku, sane sigum jaga nyelekang titiang.5
Jadmane sane sumbung masang jeet pabuat titiang. Ipun sampun masang santeb, tur sapanjang margi ipun sampun masang jeet buat ngejuk titiang.
6
Titiang matur ring Ida Sang Hyang Widi Wasa sapuniki: “Palungguh IRatu punika Widin titiange.” Duh Ratu Sang Hyang Widi Wasa, pirengangja pinunas ican titiange, buat nunas pitulungan.7
Duh Ratu Sang Hyang Widi Wasa, Widin titiange, patindih titiange sane kukuh bakuh. Palungguh IRatu sampun nyayubin titiang ring payudan.
8
Duh Ratu Sang Hyang Widi Wasa sampunangja dagingina paindikane sane kadotang antuk jadmane sane dursila. Sampunangja lugraina paiguman ipune sida karya.
9
Sampunangja icena meseh-meseh titiange menang. Dadosangja sakancan rencananipune marep ring titiang mangda mawali nibenin ipun.10
Dumadak mangda ipun katepen antuk baa sane ngendih murub, tur dumadak mangda ipun kentungang ka bangbange tur nenten mrasidayang malih medal saking irika.
11
Dumadak sakancan anake sane saking bobab nalih timpalnyane nenten jaga sida karya. Dumadak mangda jadmane sane nyapa kadi aku kuber tur kasirnayang antuk kajaatannyane.
12
Duh Ratu Sang Hyang Widi Wasa, titiang uning mungguing Palungguh IRatu matindih ring wicaran jadmane sane tiwas-tiwas miwah mapaica kadilan ring jadmane sane kakirangan.
13
Sujatinipun jadmane sane patut jaga muji Palungguh IRatu, tur ipun jaga urip ring ayun palungguh IRatu.
1
Duh Ratu Sang Hyang Widi Wasa, titiang nunas ica ring ayun Palungguh IRatu. Sane mangkin icenja titiang pitulungan! Pirengangja pinunas titiange, rikalaning titiang nunas ica ring Palungguh IRatu.2
Trimaja pangastawan titiange minakadi dados asep menyan miwah liman titiange sane cakupang titiang minakadi aturan rikalaning sore.
3
Duh Ratu Sang Hyang Widi Wasa, ledang Palungguh IRatu mapaica pajagaan ring bungut titiange miwah pajagaan ring obag-obagan bibih titiange.4
Raksaja titiang, mangda sampunang titiang dot ngamargiang paindikan sane iwang miwah mangda sampunang titiang sruron ring jadmane sane mambek corah sajeroning kadursilannyane. Dumadak mangda titiang nenten naenin nyarengin ipun mapesta.
5
Banggayang jadmane sane patut nyisipang tur nulak titiang sajeroning sih kapiolasan, nanging titiang nenten jaga naenin nampi upah saking jadmane dursila santukan titiang tan mari ngastawa nglawan laksana-laksananipune sane dursila.6
Rikalaning parapamrentahipune kentungang saking abing batu kaange, irika rakyate jaga ngawiaktiang mungguing baos titiange punika sujati patut.
7
Sakadi tarune sane kasibak miwah karecah dados alit-alit, kadi asapunika taler tulang-tulangipune mabrarakan ring sisin bangbange.
8
Nanging titiang pageh pracaya ring Palungguh IRatu, duh Ratu Sang Hyang Widi Wasa, Widin titiange. Titiang ngulati pasayuban ring ayun Palungguh IRatu; sampunangja titiang banggayanga padem.9
Sayubinja titiang saking jeete sane sampun pasang ipun pabuat titiang, saking santeb jadmane sane malaksana dursila.
10
Dumadak jadmane dursila punika keni jeetipune niri, nanging titiang prasida mamargi saha rahayu tan kapialang punapa-punapi.
1
Titiang nunas ica ring Ida Sang Hyang Widi Wasa, buat nunas pitulungan. Titiang nguningayang paindikan titiange ring Ida.2
Titiang ngaturang sakancan kaberatan titiange ring Ida, tur titiang nguningayang sakancan kamewehan titiange ring Ida.
3
Rikala titiang sedia jaga suksrah, Ida wikan punapi sane pacang laksanayang titiang. Ring margine sane marginin titiang, meseh-meseh titiange sampun masang jeet pabuat titiang.
4
Rikala titiang matolihan ka samping, nenten wenten panggihin titiang jadma sane jaga nulungin titiang, tur nenten wenten anak sane jaga nyayubin titiang samaliha nenten wenten anak sane lingu ring titiang.
5
Duh Ratu Sang Hyang Widi Wasa, titiang masesambatan nunas pitulungan ring Palungguh IRatu. Duh Ratu Sang Hyang Widi Wasa, Palungguh IRatu punika pasayuban titiange. Wantah Palungguh IRatu ngraga sane andelang titiang sajeroning urip titiange puniki.6
Pirengangja sesambatan titiange nunas pitulungan, santukan titiang sampun nenten madue pangajap-ajap malih. Luputangja titiang saking meseh-meseh titiange, duaning ipun kalintang kuat bandingang ring titiang.
7
Bebasangja titiang saking kamewehan titiange, kenginan titiang jaga muji Palungguh IRatu ring pauman parakaulan Palungguh IRatune, malantaran sih pasuecan Palungguh IRatune ring titiang.
1
Duh Ratu Sang Hyang Widi Wasa, pirengangja pangastawan titiange! Sajeroning kadilan Palungguh IRatune, pirengangja pinunas titiange. Daginginja pinunas titiange malantaran kasatian Palungguh IRatune.2
Sampunangja titiang, parekan Palungguh IRatu puniki, kajak mawicara, santukan nenten wenten jadma tan paceda ring ayun Palungguh IRatune.
3
Meseh titiange sampun nguber titiang, tur sawiakti ipun sampun ngaonang titiang. Ipun sampun ngenahang titiang ring pangkenge sane peteng dedet, tur titiang sampun waluya sakadi jadmane sane sampun padem duke nguni.4
Duaning punika titiang sampun lesu pisan. Manah titiange sampun telas pisan.
5
Titiang eling ring rahina-rahina sane sampun lintang, samaliha ngeling-ngelingang sakancan pakaryan Palungguh IRatune.6
Titiang nyakupang liman titiange buat ngastawa ring ayun Palungguh IRatu. Sakadi tanahe tuh, kadi asapunika bedak titiange ring Palungguh IRatu.
7
Duh Ratu Sang Hyang Widi Wasa, sane mangkin daginginja pinunas titiange! Pangajap-ajap titiange sampun telas makasami. Sampunangja Palungguh IRatu nyingidang raga saking titiang, kantos titiang jaga sareng-sareng ring pantaran jadmane sane ngungsi ka pati loka.8
Sabilang semengan, pakelingja titiang indik sih pasuecan Palungguh IRatu sane tan rered-rered punika, santukan titiang pracaya ring Palungguh IRatu. Pangastawan titiange munggah ka ayun Palungguh IRatune. Pitujuhinja titiang margi sane patut marginin titiang.
9
Duh Ratu Sang Hyang Widi Wasa, titiang nunas pasayuban ring ayun Palungguh IRatu; luputangja titiang saking meseh-meseh titiange.10
Palungguh IRatu punika Widin titiange, duaning punika urukja titiang nglaksanayang pakarsan Palungguh IRatune. Suecaninja titiang, tur tantanja titiang ring margine sane rahayu.
11
Duh Ratu Sang Hyang Widi Wasa, luputangja titiang, sakadi sane sampun janjiang Palungguh IRatu. Malantaran sih pasuecan Palungguh IRatu, rahayuangja titiang saking kamewehan-kamewehan titiange.12
Riantuk sih pasuecan Palungguh IRatu ring titiang, pademangja meseh-meseh titiange, tur sirnayangja sakancan jadmane sane ngereh titiang, santukan titiang puniki parekan Palungguh IRatune.
1
Pujija Ida Sang Hyang Widi Wasa, pasayuban titiange! Ida ngurukang titiang mayuda, tur Ida nyawisang titiang buat magegebug.2
Ida punika pasayuban miwah patindih titiange. Ida dados genah titiange mateduh miwah dados juru rahayun titiange. Ring Ida titiang suksrah buat karaharjan titiange. Ida ngawinang parabangsane pada nungkul ring titiang.
3
Duh Ratu Sang Hyang Widi Wasa, sapasirake sujatinipun imanusa punika, kantos Palungguh IRatu ledang macingak ring ipun. Ipun wantah manusa pada, punapi awinannya Palungguh IRatu nglinguang ipun?4
Ipun waluya sakadi ampehan angine. Tuuhipune tan bina sakadi lawate sane jaga ical.
5
Duh Ratu Sang Hyang Widi Wasa, sibakja langite, tur rarisangja tumurun. Tundikja gunung-gununge, pedas ipun jaga ngwedalang andus malepuk.6
Ledangja Palungguh IRatu nurunang kilap miwah nyambragang meseh-meseh druene. Tiwakangja panah-panah druene, kantos meseh-meseh druene pada kapilayu.
7
Jujuhja titiang saking baduur. Tingtingja titiang medal saking toyane sane dalem, tur luputangja titiang. Rahayuangja titiang saking kakuasaan wong sunantarane,
8
sane nenten naenin maosang indik sane patut, tur setata bobab yadianja ipun kantos masumpah.
9
Duh Ratu Sang Hyang Widi Wasa, titiang jaga ngidungang satunggiling kidung anyar pamantuka ring Palungguh IRatu. Titiang jaga nyuarayang rebab tur makidung muji Palungguh IRatu.10
Palungguh IRatu mapaica kamenangan ring pararatune, tur ngluputang Ida Sang Prabu Daud, parekan druene.
11
Luputangja titiang saking meseh-meseh titiange sane nyapa kadi aku. Luputangja titiang saking kakuasaan wong sunantarane, sane nenten naenin maosang indik sane patut, tur sane setata mobab yadianja ipun kantos masumpah.
12
Dumadak pianak-pianak iragane muani, rikalaning ipun pada truna jaga tumbuh lanus waluya sakadi tetandurane. Dumadak pianak-pianak iragane sane luh-luh waluya sakadi sesakane sane kukuh bakuh, sane mayasin bucu-bucun purine.13
Dumadakja jineng iragane kabekin antuk asil panen mawarni-warni. Dumadak biri-birine sane ring pategalan iragane pada nglekadang panak malaksa-laksaan.
14
Dumadak sampi-sampin iragane endah-gumendah dados akeh pisan, tur nenten wenten sane kruron miwah ical. Dumadakja mangda nenten wenten tangis miwah kaduhkitan ring rurung-rurung iragane.
15
Bagia bangsane sane kadi asapunika kawentenannyane. Bagia bangsa sane nyungsung Ida Sang Hyang Widi Wasa dados Panembahannyane.1
Titiang jaga nglumbrahang kagungan Palungguh IRatune, duh Widi miwah Ratun titiange. Titiang jaga ngaturang panyuksma ring Palungguh IRatu salami-laminipun.2
Nyabran rahina titiang jaga ngaturang panyuksma, tur titiang jaga muji Palungguh IRatu salami-laminipun.
3
Ida Sang Hyang Widi Wasa punika agung tur patut sungsung puji-puji, tur kagungan Idane nglangkungin pangresepan.
4
Napija sane sampun kardi Palungguh IRatu, jaga tansah kapuji-puji antuk sakancan katurunane turun-temurun. Ipun jaga nglumbrahang pamargin Palungguh IRatune sane mawisesa.5
Ipun jaga maosang indik kaluihan miwah kagungan Palungguh IRatune, tur titiang jaga mineh-minehin pakardin Palungguh IRatune sane kalintang luih.
6
Rakyate jaga maosang indik pakardin Palungguh IRatune sane maha wisesa, samaliha titiang jaga nglumbrahang kagungan Palungguh IRatune.
7
Ipun jaga nuturang indik sakancan kabecikan Palungguh IRatune, tur makidung ngeniang indik sih kawelas arsan Palungguh IRatune.
8
Ida Sang Hyang Widi Wasa kalintang sih sueca miwah asung lugraha. Ida nenten gelis duka tur pasuecan Idane kalintang ageng saha nenten rered-rered.
9
Ida kalintang becik ring anake suang-suang, tur kalintang sih kawelas arsan ring sakancan pakardin Idane.
10
Duh Ratu Sang Hyang Widi Wasa, sakancan pakardin Palungguh IRatune jaga muji Palungguh IRatu samaliha sakancan kaula druene jaga ngaturang panyuksma ring Palungguh IRatu.11
Ipun jaga maosang indik kaluihan kaprabon Palungguh IRatune, tur nuturang indik kawisesan Palungguh IRatune.
12
Mangda sakancan anake jaga uning ring kawisesan pakaryan Palungguh IRatune miwah kagungan kaprabon Palungguh IRatune sane luih.
13
Pamrentahan Palungguh IRatune punika langgeng, tur Palungguh IRatu madeg Ratu salami-laminipun.
14
Ida ledang mapaica pitulungan ring anake sane keni kamewehan, tur Ida ledang ningtingang jadmane sane sampun labuh.
15
Sawatek sane mangkihan makasami nulengek ngajap-ajap Palungguh IRatu, tur Palungguh IRatu ledang mapaica pangan kinum rikalaning ipun mamuatang.16
Palungguh IRatu mapaica ring ipun setegepnya, tur nyukupang kabuatanipune makasami.
17
Ida Sang Hyang Widi Wasa punika adil ring saluiring pakaryan Idane. Ida kapiolasan ring sakancan pamargin Idane.18
Ida tansah nampek ring anake sane nunas Ica ring Ida, inggih punika ring anake sane mapinunas saking nekeng ati.
19
Ida mapaica sategepipun ring anake sane ngluihang Ida. Ida mireng pinunasipune tur ngrahayuang ipun.
20
Ida nyayubin sakancan anake sane astiti bakti ring Ida, nanging jaga nyirnayang jadmane sane dursila.
21
Titiang jaga setata muji Ida Sang Hyang Widi Wasa. Ngiringja sakancan pakardin Idane muji parab Idane sane suci salami-laminipun.1
Pujija Ida Sang Hyang Widi Wasa! Pujija Ida Sang Hyang Widi Wasa, ih jiwan tiange!2
Titiang jaga muji Ida sapanjang urip titiange. Titiang jaga makidung muji Widin titiange sapanjang urip titiange.
3
Sampunangja semeton pracaya ring pamimpin-pamimpin manusa. Nenten wenten manusa sane mrasidayang ngrahayuang semeton.4
Rikalaning ipun padem, ipun mawali dados buk, tur ring rahina punika sakancan rencananipune puput rauh irika.
5
Bagia anake sane maderbe Widin Dane Yakub dados pitulungan ipune, tur sane gumantung ring Ida Sang Hyang Widi Wasa makadados Widinnyane.6
Ida sane ngardi akasa, pretiwi miwah segarane miwah saananing sane wenten ring tengahnyane.
7
Ida mapaica tetepasan sane adil ring anake sane katindes, tur mapaica pangan kinum ring jadmane sane nandang seduk.
8
tur Ida nyedangang paningalan anake sane buta. Ida ningtingang jadmane sane sampun labuh, tur asih sueca ring kaulan Idane sane patut.
9
Ida nyayubin wong sunantara sane madunungan ring gumin iragane. Ida mapaica pitulungan ring paraanake balu miwah anake ubuh, nanging Ida nguugang rencanan jadmane sane dursila.
10
Ida Sang Hyang Widi Wasa madeg Ratu salami-laminipun. Ih Sion, Widin iragane jaga mrentah salami-laminipun. Pujija Ida Sang Hyang Widi Wasa!1
Pujija Ida Sang Hyang Widi Wasa! Becik pisan iraga makidung muji Widin iragane. Becik tur patut pisan iraga muji Ida.2
Ida Sang Hyang Widi Wasa sampun ngwangun malih kota Yerusaleme, tur Ida sampun ngwaliang malih jadmane sane maselong.
3
Ida ngwarasang jadmane sane dekdek renyuh manahnyane, tur medbed tatu-tatunipune.
4
Ida sampun ngamastiang gebogan bintang-bintange, tur Ida ngesengin ipun suang-suang manut wastanipune.5
Panembahan iragane punika agung tur mawisesa. Kawicaksanan Idane nenten sida antuk nyugjugin.
6
Ida ningting anake sane nista, nanging Ida nyekjek anake dursila ring tanahe.
7
Kidungangja kidung pamuji katur ring Ida Sang Hyang Widi Wasa. Suarayangja rebabe katur ring Widin iragane.8
Ida mrarakang gulem ring akasane, tur Ida nyawisang sabeh pabuat pretiwine, mawinan padange mentik ring bukit-bukite.
9
Ida maicain buron-burone tetedan tur ngicen neda panak-panak guake, rikalaning ipun jerit-jerit.
10
Sane arsayang Ida boyaja kuda sane siteng-siteng, wiadin prajurit-prajurit sane sura dira,11
nanging Ida ledang ring anake sane ngluihang Ida, inggih punika ring anake sane pracaya ring sih pasuecan Idane sane nenten rered-rered.
12
Ih Yerusalem, pujija Ida Sang Panembahan! Ih Sion, pujija Widin ragane!13
Ida nekekang kancing jelanan gapuran ragane, tur Ida ngamertanin rakyat ragane.
14
Ida ngamanggehang wates wewidangan ragane mangda sutrepti, tur murnayang idep ragane antuk gandum sane pinih becik.
15
Ida mapaica pituduh ring pretiwine, tur sakancan sane sabdayang Ida punika digelis kasidan.16
Ida ngeberang salju waluya sakadi ngeberang saput miwah nyambehang damuh es waluya sakadi nyambehang abu.
17
Ida ngrauhang sabeh es, sakadi anake nyambehang krikil. Nenten wenten anak sane mrasidayang naanang dingin sane tedunang Ida punika.
18
Sasampune punika Ida tumuli masabda, mawinan ese punika raris enceh. Ida raris nedunang angin, tur toyane tumuli membah.
19
Ida maicayang sabdan Idane ring kaulan Idane. Ida maicayang titah miwah pidabdab Idane ring wong Israele.20
Ida nenten maicayang sabdane punika ring bangsa-bangsa sane lianan. Ipun nenten uning ring pidabdab Idane.
1
Pujija Ida Sang Hyang Widi Wasa! Pujija Ida Sang Hyang Widi Wasa saking akasa, ih sawatek sane urip ring genahe sane tegeh baduur.2
Pujija Ida, ih sawatek malaekat, sawatek wadua balan Idane sane ring suargan.
3
Ih surya miwah candra, pujija Ida. Pujija Ida, ih bintang-bintang sane masinar.4
Pujija Ida, ih akasa sane pinih tegeh miwah toyane sane wenten ring baduur ambarane.
5
Ngiringja makasami muji parab Ida Sang Hyang Widi Wasa! Ida mapituduh, kenginan ipun makasami punika raris wenten.6
Malantaran pituduh Idane, ipun raris kagenahang ring genahipune suang-suang salami-laminipun, tur ipun pada nenten mrasidayang tempal.
7
Pujija Ida Sang Hyang Widi Wasa, saking mrecapada, ih buron sane ageng ring segara miwah sakancan sawang segarane.8
Pujija Ida Sang Hyang Widi Wasa, ih kilap miwah sabeh es, salju miwah gulem, angin ribut sane sairing ring pituduh Idane.
9
Pujija Ida, ih bukit-bukit miwah gunung-gunung, wit woh-wohan miwah alas wayahe.10
Pujija Ida Sang Hyang Widi Wasa, ih sawatek sato sane boh miwah rengas, sato sane ngrayang miwah soroh paksine.
11
Pujija Ida, ih pararatu miwah rakyate sami, parapangeran miwah parapamrentah sane lianan,12
soroh bajang-bajang miwah truna-trunane, kadi asapunika taler sane odah miwah pararare-rarene.
13
Banggayangja ipun sareng sami pada muji parab Ida Sang Hyang Widi Wasa. Parab Idane agungan ring sawatek sane tiosan, tur kaluihan Idane ngungkulin akasa lan pretiwi.14
Ida ngawinang bangsa druen Idane kukuh bakuh, mangda sakancan kaulan Idane muji Ida, inggih punika wong Israele sane kalintang raket ring Ida.
1
Pujija Ida Sang Hyang Widi Wasa! Kidungangja kidung anyar katur ring Ida Sang Hyang Widi Wasa, tur pujija Ida ring ajeng pasamuan Idane sane satia tuu!2
Ih Israel, pada liangja malantaran Ida sane ngardi semeton! Ih rakyat Sion, pada masuka renaja malantaran Ratun semetone!
3
Pujija parab Idane antuk masesolahan. Suarayangja kendang miwah rebabe buat muji Ida.
4
Ida Sang Hyang Widi Wasa ledang ring kaulan Idane, tur Ida mapaica kamenangan ring jadmane sane nista.5
Banggayangja parakaulan Ida Sang Hyang Widi Wasa pada masuka rena sajeroning kamenanganipune, tur makidung saking lianging manah awengi mepek.
6
Banggayang ipun suryak-suryak rikalaning ipun muji Ida Sang Hyang Widi Wasa, sinambi makta pedang sane mangan ring limanipune,
7
buat jaga ngaonang bangsa-bangsa miwah nyisipang rakyate,
8
tur buat jaga negul pararatunipune antuk ante miwah parapamimpinipune antuk ante besi,
9
buat jaga nyisipang bangsa-bangsane, sakadi sane sampun kapituduhang antuk Ida Sang Hyang Widi Wasa.
1
Pujija Ida Sang Hyang Widi Wasa! Pujija Ida Sang Hyang Widi Wasa ring Perhyangan Agung Idane! Pujija kakuatan Idane ring suargan!2
Pujija Ida malantaran paindikan-paindikan sane mawisesa sane sampun kardi Ida. Pujija kagungan Idane sane nglangkungin saluiring paindikan.
3
Pujija Ida antuk trompet. Pujija Ida antuk rebab miwah rebana.4
Pujija Ida antuk suaran kendang kadulurin antuk masesolahan. Pujija Ida antuk suaran rebab miwah suling.
5
Pujija Ida antuk suaran trompong. Pujija Ida antuk suaran trompong sane jangih.
6
Pujija Ida Sang Hyang Widi Wasa, ih saananing sane mangkihan!