1
Babad Dane Nehemia okan Dane Hakalya. Duk bulan Kislep, taun sane kaping kalih dasa, duk panyeneng Ida Sang Prabu Artahsasta ring Persia, tiang Nehemia nuju wenten ring ibukota Susan.2 Duk punika Hanani, salah tunggal nyaman tiange rauh saking Yehuda kasarengin antuk makudang-kudang anak lianan. Tiang tumuli nakenin ipun indik kawentenan wong Yahudi sane sampun mawali saking paselongannyane ring Babel. Sajaba punika tiang taler mataken indik kota Yerusaleme.
3 Ipun sareng sami nuturang ring tiang, mungguing jadmane sane kantun urip tur mawali ka tanah palekadannyane, wenten sajeroning kamewehan ageng tur kanistayang antuk jadma sunantara sane wenten irika. Ipun taler nyritayang, mungguing tembok Yerusaleme sampun uug tur gapura-gapurannyane durung kabecikang ngawit saking daweg gapura punika katunjel.
4 Rikala tiang miragi indike punika, tiang raris negak tur ngeling saha nandang duhkita makudang-kudang rahina suenipun.
Tiang tumuli mapuasa tur ngastawa ring ayun Ida Sang Hyang Widi Wasa,5 kadi asapuniki: “Oduh Ratu Sang Hyang Widi Wasa sane nguasain suargane, Widi Sane Maha Agung, titiang rumasa ajerih ring ayun Palungguh IRatu. Palungguh IRatu saking satia tuu ngagem prajanjian Palungguh IRatune marep ring anake sane astiti bakti tur nglaksanayang titah Palungguh IRatu.
6 Ledang Palungguh IRatu nyuryanin titiang tur mirengang pangastawan titiange sane aturang titiang ring ayun IRatune siang miwah latri, pabuat bangsa Israel, parakaula druene. Titiang ngangkenin mungguing titiang bangsa Israel sampun madosa pamantuka ring Palungguh IRatu. Titiang miwah leluur titiange maiwang pamantuka ring Palungguh IRatu.
7 Titiang sampun kalintang maiwang pamantuka ring Palungguh IRatu, tur titiang nenten ngamargiang sapatitah miwah saluiring pidabdab sane sampun titahang IRatu malantaran Dane Musa, parekan druene.
8 Elingangja sabdan Palungguh IRatu ring Dane Musa parekan druene sane kadi asapuniki: ‘Yening kita tusing satia, kita lakar sambehang Ulun di pantaran parabangsane.
9 Nanging yening kita buin malipetan sig Ulune tur tinut muah nglaksanayang prentah-prentah Ulune, yadiastu kita suba sambeh nganteg ka tanggun gumine, Ulun lakar ngamulihang kita ka tongos ane suba selik Ulun, dadi tongos nyungsung Ulun.’
10
Duh Ratu Sang Hyang Widi Wasa, boyake ipun punika parekan-parekan IRatune, pasamuan Palungguh IRatu sane sampun luputang IRatu antuk kawisesan miwah kakuatan IRatune sane ageng.11 Oduh Ratu Sang Hyang Widi Wasa, ledang IRatu mireng pangastawan parekan IRatune puniki, kadi asapunika taler pangastawan parekan-parekan IRatune sane mamanah ngluihang Palungguh IRatu. Ledang IRatu nagingin pinunas titiange ring rahina puniki, tur ngawinang mangda ida sang prabu ledang asung lugraha ring titiang.”
Daweg punika tiang dados pangenter inum-inuman ida sang prabu.1
Ring sasih Nisan, ring taun sane kaping kalih dasa panyeneng Ida Sang Prabu Artahsasta, tiang polih kaonangan buat nyodayang anggure punika ring ajeng ida sang prabu. Ida nyingak tiang masemu sedih, sane sadurung punika tiang nenten naenin kadi asapunika.2 Duaning punika ida sang prabu tumuli mataken ring tiang sapuniki: “Ngudiang dadi sedih pesan sebeng pamane? Paman tusingja sakit. Yen keto pasti paman nandang kaduhkitan.” Tiang raris rumasa ajerih pisan.
3 Tiang tumuli matur ring sang prabu sapuniki: “Mugi ida sang prabu dirga yusa. Sapunapiang titiang nenten jaga ucem sebeng titiange, yening kota genah leluur titiange kapendem sampun uug maglaturan tur gapura-gapurannyane sami telas kateda antuk geni?”
4
Ida sang prabu tumuli ngandika ring tiang sapuniki: “Yen keto kenken kenah pamane jani?” Tiang raris ngastawa ring Ida Sang Hyang Widi Wasa,5 tur sasampun punika tiang raris matur ring sang prabu sapuniki: “Yen palungguh iratu ledang nagingin pinunas titiange, lugrainja titiang mamargi ka Yehuda, ka kota genah paraleluur titiange kapendem, mangda titiang prasida ngwangun malih kotane punika.”
6
Rikala punika sang pramesuari malinggih ring samping idane. Sang prabu tumuli nagingin pinunas tiange, sarwi ngandika ring tiang sapuniki: “Kudang dina makelonne paman majalan kema, tur buin pidanke paman lakar malipetan mai?” Irika tiang raris nguningayang ring ida indik suen tiange ring margi.7
Tiang tumuli matur ring sang prabu sapuniki: “Yen palungguh iratu ledang, lugrainja titiang surat-surat pabuat paragubernure sane ring dauh Tukad Eprate, mangda dane nglugrain titiang nglintang kantos titiang prasida rauh ring Yehuda.8 Tios ring punika titiang taler nunas surat pabuat Dane Asap, sane dados pangenter alas druene, mangda dane ngicen titiang taru-taru balok sane pacang pasang titiang ring gapuran bentenge sane nawengin Perhyangan Agunge, miwah pabuat tembok kotane, miwah jaga anggen titiang umah padunungan titiange.” Ida sang prabu nagingin pinunas tiange, santukan Ida Sang Hyang Widi Wasa ngiangin tiang.
9
Tiang raris ngrauhin paragubernure ring dauh Tukad Eprate tur nyerahang surat ida sang prabu ring dane. Ida sang prabu ngutus parasenapati miwah wadua bala sane nunggang kuda buat nyarengin tiang ring margi.10 Rikala Dane Sanbalat wong Bet-Horon miwah Dane Tobia sane dados prakangge ring propinsi Amon mireng indike punika, dane rumasa tan seneng, mungguing wenten jadma rauh ngusahayang paindikan sane becik pabuat wong Israele.
11
Tiang tumuli rauh ring Yerusalem.12 Sasampune tigang rahina tiang irika, tiang tumuli bangun rikala tengah wengi kasarengin antuk makudang-kudang anak sane nyarengin tiang. Tiang nenten nyritayang ring sapasira jua pawisik Ida Sang Hyang Widi Wasa sane wenten ring manah tiange. Samaliha tiang nenten makta ingon-ingon sajawining sane tegakin tiang kewanten.
13 Rikala wengi, tiang medal nglintang ring Gapura Lebak, ka margine sane ngungsi ka Toya Klebutan Nagane miwah Gapura Lulune. Tiang nlektekang pisan tembok-tembok Yerusaleme sane sampun uug miwah gapura-gapurannyane telas teda geni.
14 Tiang nglanturang mamargi ka Gapura Toya Klebutan miwah Tlaga Sang Prabu. Duaning keledae sane tegakin tiang nenten mrasidayang nglintang irika,
15 tiang menek tur nuluh tlabahe punika buat nureksain temboke punika. Sasampun punika tiang raris mawali, tur ngranjing nglintang ring Gapura Lebake, ngraris budal.
16
Paraprakanggene nenten pada uning kija pamargin tiange miwah napi sane laksanayang tiang, santukan kantos rauh ring rahinane punika, tiang durung mapitau ring wong Yehudane, yadiastu parapandita, yadian parapamimpin, ring pangageng miwah ring parapetugas sane tiosan.17 Sasampune punika tiang raris mabaos ring dane ipun sapuniki: “Parasemeton sampun ngaksi indik kamewehan sane tandangin iraga. Kota Yerusaleme sampun dados rugrugan rerubuhan, tur gapurannyane sampun puun katunjel. Ngiring iraga ngwangun malih tembok Yerusaleme, mangda sampunang malih iraga kanistayang.”
18 Rikala tiang nartayang ring dane ipun, indik sih pasuecan Ida Sang Hyang Widi Wasa, sane setata ngiangin tiang, kadi asapunika taler indik pangandikan ida sang prabu ring tiang, dane ipun raris mabaos sapuniki: “Tiang nyadia pacang ngwangun!” Dane miwah ipun tumuli makarya antuk panelas kakuatannyane buat ngarap pakaryan sane luih punika.
19
Rikala Dane Sanbalat wong Bet-Horone miwah Dane Tobia wong Amone, taler Dane Gesem wong Arabe, mireng indike punika, dane raris nemberang miwah nganistayang tiang sareng sami. Sapuniki baosnyane: “Apa ane gae jerone? Apake jerone lakar brontak nglawan ida sang prabu?”20
Tiang raris mabaos ring dane sapuniki: “Ida Sang Hyang Widi Wasa, Widin suargane, sane pacang ngawinang tiang sida karya. Tiang parakaulan Idane sampun nyadia pacang ngwangun. Nanging ragane nenten madue hak wiadin bagian, tur nenten pacang kalinguang ring Yerusalem.”1
Sang Pandita Agung Elyasib miwah parapandita semeton-semeton danene raris ngwangun malih Gapura Biri-birine, tumuli masang lawang-lawangnyane. Dane taler mlaspas temboke ngawit saking Menara Mea rauh ka Menara Hananeel.2
Tan doh saking irika wong Yerikone taler pada ngwangun, tur tan doh saking wong Yerikone punika, wong Sakur katurunan Dane Imri taler ngwangun.3
Gapura Ulune kawangun antuk palingsehan Dane Senaa. Dane masang kosen miwah lawang-lawang saha pangancing-pangancing lan palang-palangnyane.4
Tan doh saking irika, Dane Meremot okan Dane Uria putun Dane Hakos sane mecikang, tur ring sampingnyane Dane Mesulam okan Dane Berekya putun Dane Mesesabeel. Ring samping danene, kabecikang antuk Dane Sadok okan Dane Baana.5
Miwah tan doh saking irika kabecikang antuk wong Tekoane. Nanging pamimpinnyane nenten nyak sareng-sareng negen pakaryan sane kapategenang ring dane.6
Gapura Lawase kabecikang antuk Dane Yoyada okan Dane Paseah kasarengin antuk Dane Mesulam okan Dane Besoja. Dane masang kosen miwah lawang-lawang saha pangancing lan palang-palangnyane.7
Tan doh saking irika Dane Melaca wong Gibeon miwah Dane Yadon wong Meronot sane mecikang, kasarengin antuk wong Gibeon miwah Mispa, sane wenten ring wewengkon gubernur ring dauh Tukad Eprate.8
Sane mecikang nampek irika, inggih punika Dane Usiel okan Dane Harhaya, sinalih tunggiling tukang mas, tur ring samping danene, Dane Hananya sane dados tukang wewangen. Dane sareng sami pada ngrajegang tembok Yerusaleme kantos rauh ring Tembok Linggahe.9
Sane mecikang ring sampingnyane, Dane Repaya okan Dane Hur, sane ngwengku apahan kota Yerusaleme.10
Sane mecikang ring samping danene, Dane Yedaya okan Dane Harumap, beneng pisan ring arepan jeron danene, tur sane makarya ring samping danene Dane Hatus okan Dane Hasabneya.11
Bagian sane tiosan miwah Menara Prapene kabecikang antuk Dane Malkia okan Dane Harim, miwah Dane Hasub okan Dane Pahat-Moab.12
Tan doh saking genah danene, kabecikang antuk Dane Salum okan Dane Halohes sane ngwengku apahan kota Yerusaleme. Dane makarya kasarengin antuk oka-okan danene sane istri.13
Gapura Lebake kabecikang antuk Dane Hanun miwah wong kota Sanoahe. Dane pada ngwangun gapurane saha masang lawang miwah pangancing lan palang-palangnyane. Dane taler ngamecikang temboknyane kantos rauh ring Gapura Lulu sane panjangnyane 440 meter.14
Gapura Lulune punika kabecikang antuk Dane Malkia okan Dane Rehab sane ngwengku wewidangan Bet-Kereme. Dane ngwangun gapurane punika malih, tur dane masang lawang, pangancing miwah palang-palangnyane.15
Gapura Toya Klebutane kawangun antuk Dane Salum okan Dane Kolhose sane ngwengku wewidangan Mispane. Gapurane punika malih kawangun, kadagingin raab, lawang miwah pangancing-pangancingnyane. Dane taler ngamecikang tembok tlaga panampungan toyane, sane nampek ring taman ida sang prabu kantos rauh ring undag sane nganedunang saking Kota Daud.16
Tan doh saking irika, Dane Nehemia okan Dane Asbuk sane ngereh wewidangan Bet-Sur, ngamecikang kantos rauh ring arepan setran Ida Sang Prabu Daud, tur rauh ring tlaga miwah jeron paraprawirane.17
Tan doh saking irika wong Lewine sane mecikang, inggih punika Dane Rehum okan Dane Bani, tur ring samping danene, kabecikang antuk Dane Hasabya sane ngereh apahan saking wewidangan Kehilane, inggih punika tembok pabuat wewidangan danene.18
Sane mecikang ring samping danene, inggih punika pasemetonan danene, sane mapesengan Binui okan Dane Henadad sane ngereh malih apaha, wewidangan Kehilane.19
Tan doh saking irika, Dane Eser okan Dane Yesua, sane ngereh wewidangan Mispane. Dane mecikang tembok ring arepan margine ngamunggahang sane ngungsi ka gudang sanjatane, nampek ring bucun temboke.20
Tembok sapanglanturipun kabecikang antuk Dane Baruh okan Dane Sabai, ngawit saking bucun temboke iwau kantos rauh ring kurine jaga ngranjing ka purin Pandita Agung Elyasibe.21
Sane mecikang tembok sapanglanturipun, inggih punika Dane Meremot okan Dane Uria putun Dane Hakos, ngawit saking kurine jaga ngranjing ka purin Pandita Agung Elyasibe kantos rauh ka tanggun purine punika.22
Tembok sapanglanturipun kabecikang antuk parapandita sane magenah ring Lebak Yordane.23
Sapanglanturipun wong Benyamin miwah Hasub sane mecikang, kantos rauh ring arepan umahnyane. Tembok sapanglanturipun kabecikang antuk Dane Asarya okan Dane Maaseya, putun Dane Ananya kantos rauh ring samping jeron danene.24
Ngawit saking irika kantos rauh ring bucun temboke, kabecikang antuk Dane Binui okan Dane Henadad.25
[25-26] Dane Palal okan Dane Usai mecikang ngawit saking bucun temboke punika kantos rauh ring menarane sane tegeh sane ngenjuh saking purin ida sang prabu, nampek ring genah pagebagane. Dane Pedaya okan Dane Paros mecikang saking irika kantos rauh ring Gapura Toyane sane bedangin miwah tembok sane wenten ring arepan menara sane ngenjuh punika. Parapangayahe sane makarya ring Perhyangan Agung sami magenah ring Opel.26
27
Wong Tekoane mecikang sane sapanglanturipun, saking arepan menarane sane ageng kantos rauh ring temboke sane nampek ring Opel.28
Ngawit saking Gapura Kudane, parapanditane sane mecikang kantos rauh ring arepan jeroan danene suang-suang.29
Sapanglanturipun, Dane Sadok okan Dane Imer sane mecikang kantos rauh ring arepan jeron danene. Tembok sapanglanturipun kabecikang antuk Dane Semaya okan Dane Sekanya, juru gebag Gapura Kangine.30
Tembok sapanglanturipun kabecikang antuk Dane Hananya okan Dane Selemya, kasarengin antuk Dane Hanun okan Dane Salap sane kaping nem. Tembok sapanglanturipun kabecikang antuk Dane Mesulam okan Dane Berekya kantos rauh ring arepan jeron danene.31
Sane mecikang sapanglanturipun inggih punika Dane Malkia, sane dados tukang mas. Dane mecikang kantos rauh ring genah pangayahe sane makarya ring Perhyangan Agung miwah genah parasudagare sane wenten ring arepan Gapura Panaptare tur rauh ring kamar sane baduur ring bucun temboke.32
Saking irika kantos rauh ring Gapura Biri-birine, kabecikang antuk paratukang mas miwah sudagare.1
Rikala Dane Sanbalat mireng mungguing tiang wong Yahudi sedek ngwangun malih temboke punika, dane kalintang duka tumuli nganistayang tiang sareng sami.2 Ring arepan parakantin danene miwah wadua balan wong Samariane, dane mabaos sapuniki: “Apaya gaena jlema Yahudine ane nista ene? Apake ia makita buin ngwangun kotane ento? Apake ia ngaden ulihan ngaturang aturan, ia lakar nyidayang mragatang gegaene ento sajeroning awai? Apake ia nyidayang ngae wewangunan aji batu baan rugrugan rerubuhane ento?”
3
Dane Tobia sane ngadeg ring samping danene tumuli nglanturang baose punika kadi asapuniki: “Tembok ane kenkenya ane lakar sida baana ngae? Miribne yen puuk cicing dogen temboke ento lakar pungkat.”4
Tiang raris ngastawa sapuniki: “Duh Ratu Sang Hyang Widi Wasa, ledang IRatu mireng baosipune nganistayang titiang. Dumadak IRatu malikang baosipune nganistayang titiang punika ring ipun. Mugi sakancan paderbeannyane telas karampas, tur banggayangja ipun kaselong ka dura negara.5 Sampunang IRatu ngampurayang laksananipune sane corah, tur elingangja dosa-dosanipune, duaning ipun sampun nganistayang titiang rikalaning titiang ngwangun.”
6
Tiang sareng sami tumuli nglanturang nyujukang temboke punika tur gelis puput apatengaan tegehnyane, santukan rakyate santep pisan makarya.7
Dane Sanbalat, Tobia miwah wong Arab, wong Amon lan wong Asdod mireng mungguing tiang mrasidayang gelis malih ngwangun tembok Yerusaleme, tur song-song sane wenten ring temboke punika makasami sampun matampel, dane sareng sami tumuli duka pisan.8 Duaning punika dane sareng sami raris mapacukan buat ngrauhin saha ngebug kota Yerusalem tur ngwentenang iur.
9 Nanging tiang sareng sami raris ngastawa ring Widin tiange tur tetep ngwentenang pajagaan rahina miwah wengi.
10
Rakyat Yehudane ngidungang kakidunganipune sapuniki: “Tiang sayan leleh negen tetegenan, buina liu pesan rerubuhan ane patut kakisidang. Kudiang tiang lakar nyujukang tembok di dinane jani?”11
Meseh tiange mitaenang mungguing tiang sareng sami nenten ngeton ipun, wiadin nenten uning napi sane sedek rincikang ipun. Ipun mitaenang tan pararapan ipun jaga mrasidayang ngebug tur ngamademang tiang sareng sami miwah ngrarianang pakaryan tiange.12 Nanging nyabran rahina wenten wong Yahudi sane magenah ring pantaran imeseh punika rauh mapekeling ring tiang indik saluiring rencananipune sane jaga katibakang ring tiang.
13 Duaning punika rakyate raris prentahang tiang mangda ngagem pedang, tumbak miwah panah, tur tiang ngenahang ipun ring ungkur temboke sane durung puput manut palingsehannyane.
14
Tiang manggihin rakyate kaliput antuk rasa ajerih. Duaning punika tiang raris mabaos ring ipun miwah ring parapamimpin lan prakanggennyane sapuniki: “Sampunang semeton ajerih ring meseh iragane. Elingja ring Ida Sang Hyang Widi Wasa sane maha luur tur maha wisesa. Rarisang mayuda buat nindihin parakadang wargan semetone sane wenten ring kota, nindihin oka-okan semetone, rabi miwah umah semetone.”15 Meseh tiange miragi mungguing tiang uning indik Ida Sang Hyang Widi Wasa ngaonang saluiring rencanannyane. Sasampun punika tiang sareng sami raris nglanturang malih ngwangun temboke punika.
16
Ngawit saking duk punika sapanglanturipun apahan rakyate makarya miwah sane malih apahan sayaga ngrangsuk pangangge perang, ngagem tumbak, tamiang miwah panah. Kadi asapunika taler parapamimpine tansah ngangsok manah rakyate,17 sane sedek ngwangun tembok punika. Anake sane ngajang barang-barang wewangunane punika, ipun makarya nganehin sarwi ngagem sanjata ring limannyane sane tiosan.
18 Samaliha asing-asing rakyat sane makarya setata nyelet pedang ring bangkiangnyane. Anake sane maderbe tetegenan buat nyuarayang kulkul bulus makadados tanda wenten baya tansah majujuk ring samping tiange.
19 Tiang mabaos ring rakyate, ring paraprakangge miwah pamimpinnyane sapuniki: “Genah iragane makarya sambrag tur madoh-dohan. Iraga pada mapalas-palasan ring duur temboke.
20 Yen semeton mireng suaran kulkul bulus, semeton patut mapunduh ring saileh tiange. Ida Sang Hyang Widi Wasa pacang mayuda pabuat iraga.”
21 Kadi asapunika mamargi nyabran rahina, saking semeng kantos bintang-bintange sampun endag rikalaning wengi, apahan saking pantaran tiange makarya ring duur temboke, tur sane malih apahan majaga ngagem tumbak.
22
Ring masa-masa punika tiang mrentahang rakyate, parapangenter pakaryane, mangda ipun miwah anake sane ngayahin ipun meneng ring Yerusalem rikalaning wengi, mangda ipun mrasidayang nyaga kotane punika rikala wengi, pateh sakadi ipun makarya rikalaning rahina.23 Tiang nenten naenin ngelus panganggen tiange yadiastu ring dauh wengine, kadi asapunika taler anake sane nyarengin tiang, parapangayah miwah pangawal tiange. Sajaba punika tiang taler setata ngagem sanjata.
1
Sasampun maletan makudang-kudang masa, akeh pisan saking pantaran rakyate, yadiastu luh wiadin muani ngrengkeng marep ring nyama-nyamaannyane paturu wong Yahudi.2 Wenten sane mabaos sapuniki: “Kulawargan tiange akeh pisan. Tiang perlu gandum mangda tiang nyidayang kantun urip.”
3
Sane tiosan mabaos sapuniki: “Tiang sampun ngadeang tegalan, abian anggur miwah umah tiange mangda tiang polih gandum cukup, mangda tiang nenten padem makenta.”4
Wenten taler sane mabaos sapuniki: “Tiang patut nyelang jinah buat anggen tiang naur pajeg tegalan, abian anggur tiange ring ida sang prabu.”5 Wenten malih sane mabaos sapuniki: “Iraga pateh paturu bangsa Yahudi. Punapike pianak-pianak tiange nenten pateh ring oka-okan semetone punika? Nanging pianak-pianak tiange sampun wenten sane dados panjak. Pianak-pianak tiange luh sampun wenten sane kadol dados panjak. Tiang nenten mrasidayang malih mapiuleh, santukan tegal miwah abian anggur tiange sampun kambil antuk anak lianan.”
6
Rikala tiang miragi pakrengkengnyane, tiang raris pedih pisan.7 Irika tiang raris mamanah muputang indike punika. Tiang tumuli nalih parapamimpin miwah paraprakanggen rakyate, kadulurin baos sapuniki: “Semeton nindes kadang wargan semetone.”
Tiang raris nauhin rakyate mangda pada mapunduh buat maosang indike punika.8 Irika tiang mabaos sapuniki: “Sasida-sidaan iraga sampun nebus parasemeton wong Yahudi sane sampun kadol ring wong sunantara. Nanging sane mangkin malah semeton sami pada mamaksa parasemeton ragane, mangda ipun ngadol deweknyane ring semeton!” Parapamimpine punika wantah meneng kewanten tur nenten mrasidayang masaur.
9
Tiang malih mabaos sapuniki: “Pamargin semetone punika iwang! Semeton patut ajerih ring Ida Sang Hyang Widi Wasa, tur semeton patut ngamargiang paindikan sane patut. Malantaran punika, semeton nenten jaga dados dadalan pabuat meseh-meseh iragane, bangsa sane tan pawidi punika jaga nganistayang iraga.10 Tiang sampun ngwehin rakyate nyelang jinah wiadin gandum, kadi asapunika taler paraanake sane nyarengin tiang miwah sane makarya pabuat tiang. Sane mangkin wusanja nagih utange punika.
11 Palilayangja utang-utangipune sane patut taur ipun ring semeton, minakadinne: Gandum, anggur wiadin minyak saitun. Tur waliangja taler tegal, abian anggur, abian saitun miwah umah-umah ipune.”
12
Parapamimpine tumuli masaur sapuniki: “Tiang jaga ngamargiang sapangandikan semetone. Tiang jaga ngwaliang paderbean ipune makasami, tur tiang nenten jaga nagih malih utang-utangnyane.” Tiang tumuli ngaturin parapanditane mangda dane pada ngranjing tur nunas ring parapamimpine punika mangda masumpah ring ajeng parapanditane, mangda parapamimpine punika satia ring janjinnyane punika.13 Sapanglanturipun tiang raris ngelus sabuk wadah jinah tiange saha nguyeg sabuke punika, sinambi mabaos sapuniki: “Kadi asapuniki Ida Sang Hyang Widi Wasa jaga ngambil umah sapaderbean semetone tur Ida pacang manggayang semeton tiwas nektek.”
Sakancan anake sane wenten irika pada masaur sapuniki: “Saking wiakti wantah kadi asapunika.” Dane sami raris ngluihang Ida Sang Hyang Widi Wasa. Parapamimpine punika raris pada tuon ring janjinnyane.14
Sajeroning 12 taun tiang dados gubernur ring tanah Yehuda, ngawit saking taun sane kaping kalih dasa panyeneng Ida Sang Prabu Artahsasta kantos rauh ring taun sane kaping tigang dasa kalih, tiang wiadin kadang wargan tiange nenten naenin nampi pikolih sakadi sane patut katampi antuk sang gubernur.15 Sakancan gubernure sane riinan ring tiang, punika dados tetegenan sane berat pabuat rakyate. Paragubernur punika taler ngarsayang jinah 40 perak arahina pabuat pangan miwah anggurnyane. Malahan paraparekannyane taler meres rakyate. Nanging tiang ngamargiang paindikan sane tios pisan, duaning tiang ajerih ring Ida Sang Hyang Widi Wasa.
16 Kakuatan tiange makasami anggen tiang ngwangun temboke punika, tur nenten pisan tiang ngulati kasugihan. Asing-asing anak sane makarya pabuat tiang, sareng-sareng makarya ngwangun temboke punika.
17 Nyabran rahina tiang namiu wong Yahudi 150 diri miwah pamimpin-pamimpinnyane. Sajaba punika taler rakyate sane rauh saking bangsa-bangsane sane ring kiwa tengen.
18 Nyabran rahina tiang patut nyediayang banteng aukud, biri-biri sane pinih becik 6 ukud, ayam akeh pisan, tur nyabran dasa rahina tiang nyediayang anggur sane becik. Nanging duaning tiang uning ring tetanggungan rakyate berat pisan, tiang nenten naenin nagih pikolih sane patut katampi antuk sang gubernur.
19
Duh Ratu Sang Hyang Widi Wasa, titiang ngastawa ring ayun Palungguh IRatu, ledang IRatu eling ring saluiring sane sampun kardi titiang pabuat rakyate punika.1
Dane Sanbalat, Dane Tobia, Dane Gesem miwah meseh-meseh tiange sane tiosan miragi mungguing tiang sampun ngwangun tembok tur nenten wenten bolong-bolong sane kantun ring temboke punika, yadiastun tiang durung masang jelanan ring gapura-gapurannyane.2 Duaning punika Dane Sanbalat miwah Dane Gesem ngundang tiang, mangda tiang nyak matemu ring dane ring salah tunggaling desa ring tanahe dangsah ring Ono. Puniki pangindrajalannyane buat mencanen tiang.
3 Tiang raris ngutus utusan kadulurin atur sapuniki: “Tiang sedek ngarap pakaryan sane penting pisan tur tiang tan mrasidayang rauh mriki. Tiang nenten jaga ngrarianang pakaryan wantah buat jaga kapanggih ring ragane kewanten.”
4
Dane ngundang tiang kantos ping pat, tur tiang ngwales antuk pasaur sane pateh sakadi inucap.5
Sasampune punika Dane Sanbalat raris ngutus sinalih tunggil parekan danene buat makta undangan sane kaping lima, sane marupa surat sane nenten madaging cap.6 Daging surate punika sapuniki: “Dane Gesem maosang ring tiang, kocap sampun iur gatrane ring pantaran rakyate ring kiwa tengen wewidangan puniki, mungguing ragane miwah wong Yahudine ngrencanayang jaga brontak. Punika awinanipun, ragane ngwangun temboke punika. Dane Gesem taler maosang mungguing ragane ngraga mapakayunan jaga dados prabu,
7 tur ragane sampun nabdabang mangda makudang-kudang nabine jaga ngumumang ring Yerusalem, mungguing ragane sane dados ratun wong Yehudane. Sampun janten ida sang prabu jaga mireng indike puniki. Duaning punika tiang nunas mangda ragane ledang matemu ring tiang buat maosang paindikan punika.”
8
Tiang raris nyaurin sapuniki: “Sane baosang ragane punika makasami nenten wenten sane patut. Ragane ngraga sane ngawi-awi indike punika.”9
Dane ngindayang jaga nakut-nakutin tiang, mangda tiang wusan makarya. Tiang raris ngastawa sapuniki: “Oduh Ratu Sang Hyang Widi Wasa, sane mangkin kuatangja titiang.”10
Rikala punika tiang ngrauhin Dane Semaya okan Dane Delaya, putun Dane Mehetabeel sane tan mrasidayang nilarin jeron danene. Dane mabaos ring tiang sapuniki: “Semeton miwah tiang patut masingidan ring Genah Sucine sane ring Perhyangan Agung tur ngancing lawang-lawange irika, duaning ipun jaga rauh tur nyedayang semeton. Ring sinalih tunggiling wengi ipun jaga rauh tur nyedayang semeton.”11
Tiang tumuli masaur sapuniki: “Tiang boyaja soroh jadma sane getap. Napi semeton ngaden tiang pacang ngindayang ngluputang urip tiange, malantaran mengkeb ring Perhyangan Agung? Tiang nentenja jaga sapunika.”12
Rikala tiang minehin indike punika, tiang raris uning mungguing Ida Sang Hyang Widi Wasa nenten masabda ring Dane Semaya, nanging Dane Tobia miwah Dane Sanbalat sane sampun nyuap dane mangda dane miteketin tiang.13 Sang kalih ngupahin dane mangda dane nakut-nakutin tiang tur mangda tiang ngamargiang dosa, tur malantaran punika dane mrasidayang ngusakang wastan tiange tur nganistayang tiang.
14
Tiang ngastawa sapuniki: “Duh Ratu Sang Hyang Widi Wasa, ledang Palungguh IRatu eling ring laksanan Tobia miwah Sanbalate, tur rarisang IRatu nyisipang ipun. Kadi asapunika taler elingangja Ni Noaja miwah sakancan nabi-nabine sane nakut-nakutin titiang.”15
Sasampune seket kalih rahina makarya, temboke punika raris puput ring tanggal slae ring bulan Elul.16 Rikala meseh-meseh tiange parabangsa sane wenten ring kiwa tengen miragi indike punika, ipun raris pada kimud, santukan sakancan anake pada uning mungguing Ida Sang Hyang Widi Wasa nyarengin pakaryane punika.
17
Daweg punika parapamimpin wong Yahudine pada saling kirimin surat ring Dane Tobia.18 Akeh rakyate ring Yehuda maroang ring dane, duaning matuan danene anak Yahudi, sane mapesengan Sekanya okan Dane Arah. Sajawining punika, Dane Yohanan okan danene taler ngambil okan Dane Mesulam, putun Dane Berekya.
19 Rakyate punika setata maosang ring tiang indik kabecikan Dane Tobia, tur ipun taler ngrauhang ring dane napi sane baosang tiang. Dane setata ngirim surat ring tiang buat nakut-nakutin tiang.
1
Sane mangkin temboke sampun majujuk malih. Gapura-gapurane sampun kapasang ring genahnyane suang-suang, tur juru gebag Perhyangane, parajuru kidung miwah parawong Lewi sane tiosan sampun ngagem pakaryannyane.2 Tiang raris ngangkat anak kekalih buat mrentah kota Yerusaleme, inggih punika: nyaman tiange Hanani miwah Hananya sane dados komandan bentenge. Hananya punika anak sane kapiandel tur anak sane ajerih ring Ida Sang Hyang Widi Wasa saha tan wenten sane nyamenin.
3 Tiang mrentahang sang kalih mangda sampunang mukak gapura-gapuran Yerusaleme kantos suryane sampun ngenter, tur ngubetang gapura-gapurane punika miwah masang palangnyane sadurung parapajagaane budal rikalaning surup surya. Tiang taler mrentahang sang kalih mangda ipun milih pajagaan-pajagaan saking rakyate sane magenah ring kota Yerusalem, tur ngenahang makudang-kudang saking pantaran ipune ring pos-pos pajagaane, tur sane tiosan mangda ngronda daerahnyane ring saileh umah-umahipune.
4
Kota Yerusalem punika ageng, nanging nentenja akeh jadmane sane magenah ring kotane punika, tur durung akeh umah-umah sane sampun kawangun.5 Ida Sang Hyang Widi Wasa ngwisikang ring manah tiange mangda tiang munduhang rakyate miwah parapamimpin lan prakanggennyane, tur nureksain daptar kulawargannyane. Tiang manggihin daptar jadmane sane riinan mawali saking paselongan, tur sapuniki catetan sane panggihin tiang.
6
Akeh jadmane sane maselong ring wewidangan panegara Babele mawali ka Yerusalem miwah wewidangan Yehudane. Ipun pada mawali ka kotannyane suang-suang. Kulawarga-kulawargannyane magenah ring paselongan ring Babel, ngawit saking daweg Ida Sang Prabu Nebukadnesar makta ipun mrika dados tawanan.7 Parapamimpinnyane, inggih punika: Dane Serubabel, Yosua, Nehemia, Asarya, Raamya, Nahamani, Mordekai, Bilsan, Misperet, Bigwai, Nehum miwah Dane Baana.
8
[8-25] Ring sor puniki daptar palingsehan-palingsehan bangsa Israel miwah akeh jadmane sane mawali budal saking paselongan manut palingsehannyane suang-suang: Palingsehan Dane Paros, 2.172 diri.9
10
11
12
13
14
15
16
17
18
19
20
21
22
23
24
25
26
[26-38] Rakyat sane leluurnyane magenah ring kota-kota sane ring sor puniki taler pada budal saking paselongan: Sane ring Betlehem miwah Netopa, 188 diri.27
28
29
30
31
32
33
34
35
36
37
38
39
[39-42] Puniki palingsehan parapanditane sane mawali budal saking paselongan: Palingsehan Dane Yedaya (katurunan Dane Yesua), 973 diri.40
41
42
43
[43-45] Palingsehan wong Lewi sane mawali saking paselongan inggih punika: Palingsehan Dane Yesua miwah Dane Kadmiel (katurunan Dane Hodawia), 74 diri.44
45
46
[46-56] Palingsehan-palingsehan parapangayah Perhyangan Agunge sane mawali saking paselongan inggih punika: Palingsehan Dane Siha, Hasupa, Tabaot,47
48
49
50
51
52
53
54
55
56
57
[57-59] Palingsehan-palingsehan paraparekan Sang Prabu Salomo sane mawali budal saking paselongan, inggih punika: palingsehan Sotai, Soperet, Perida, Yaala, Darkon, Gidel, Sepaca, Hatil, Pokeret-Hasebaim miwah Amon.58
59
60
Gebogan parakaturunan pangayah Perhyangan Agunge miwah katurunan paraparekan Sang Prabu Salomo sane mawali budal saking paselongan wenten 392 diri.61
[61-62] Palingsehan Dane Delaya, Tobia, Nekoda sane mawali saking kota Tel-Melah, Tel-Harsa, Kerub, Adon miwah Imer, wenten sareng 642 diri, nanging ipun tan mrasidayang muktiang dewekipune mungguing ipun katurunan bangsa Israel.62
63
[63-64] Wenten taler makudang-kudang palingsehan parapandita sane nenten kapanggih daptar leluurnyane inggih punika: palingsehan Dane Habaya, Dane Hakos, Dane Barsilai (leluur palingsehan Dane Barsilai ngambil rabi saking palingsehan matuan danene). Santukan dane nenten mrasidayang muktiang sapasira sane dados leluur danene, kenginan dane nenten kalugra dados pandita.64
65 Gubernur Yehudane ngandikain dane, mungguing sadurung wenten pandita sane midep nganggen Urim miwah Tumim, dane tan kalugra ngajengang aturan sane katur ring Ida Sang Hyang Widi Wasa.
66 [66-69] Gebogan anake makasami sane mawali saking paselongan, wenten 42.360 diri.
Parapanjaknyane luh miwah muani, 7.337 diri.67
68
69
70
[70-72] Akeh pisan rakyate sane ngamedalang sumbangan buat ngwangun malih Perhyangan Agunge, luiripun: sang gubernur, mas 8 kilogram, bokor buat upacara 50, baju jubah buat parapanditane 530 bidang. Parapamimpin palingsehane: mas 168 kilogram, perak 1.250 kilogram. Rakyate sane tiosan: mas 168 kilogram, perak 140 kilogram, baju jubah buat parapanditane 67 bidang.71
72
73
Parapandita, parawong Lewi, parapajagaan Perhyangan Agunge, parajuru kidung, makudang-kudang rakyat biasa, pangayah Perhyangan Agung, rakyat Israel makasami pada magenah ring desa-desa miwah kota-kota Yehudane.1
Ring sasih sane kaping pitu, rakyat Israele sampun pada magumana ring desannyane suang-suang. Ring tanggal sane kaping pisan ring sasihe punika pasamuane makasami pada mapupul ring Yerusalem, ring alun-alun nampek ring Gapura Toyane. Ipun mapinunas ring Dane Esra, pandita sane pradnyan ring Pidabdab sane kapaicayang antuk Ida Sang Hyang Widi Wasa ring bangsa Israel malantaran Dane Musa, mangda dane ngambil Cakepan Pidabdab punika.2 Duaning punika Dane Esra raris makta cakepan punika ka genah pasamuane pada mapupul, inggih punika rakyate lanang, istri miwah alit-alite sane sampun mrasidayang ngresep.
3 Irika dane ngwacen Pidabdabe punika ring alun-alun nampek ring gapurane saking semeng kantos rauh lingsir, tur pasamuane pada miragi saha teleb pisan.
4
Dane Esra ngadeg ring panggung tarune sane kakardi buat upacarane punika. Anak sane ngadeg ring tengen danene inggih punika: Dane Matica, Sema, Anaya, Uria, Hilkia miwah Dane Maaseya, tur sane ngadeg ring kiwan danene inggih punika: Dane Pedaya, Misael, Malkia, Hasum, Hasbadana, Sakaria miwah Dane Mesulam.5
Rikala Dane Esra ngadeg ring panggung tur ngungkulin pasamuane, rakyate makasami pada nyeeng dane. Rikala dane mukak cakepane punika, pasamuan makasami pada ngadeg.6 Dane Esra mabaos sapuniki: “Pujija Ida Sang Hyang Widi Wasa, Widi Sane Agung.”
Rakyate sami pada ngangkat limannyane saha masaur sapuniki: “Amin, Amin.” Ipun sareng sami pada nyumbah sumungkem, ngantos muannyane nganteg tanah.7
Sasampun punika ipun raris pada majujuk ring genahnyane, tur parawong Lewi sane menggah ring sor puniki tumuli nerangang Pidabdabe punika ring pasamuane, inggih punika: Dane Yesua, Bani, Serebya, Yamin, Akub, Sabetai, Hodia, Maaseya, Kelita, Asarya, Yosabad, Hanan miwah Dane Pelaya.8 Dane sareng sami tumuli nyalin Pidabdab Ida Sang Hyang Widi Wasa tur nerangang pidabdabe punika mangda pasamuane makasami pada ngresep.
9
Rikala pasamuane miragi sane karsayang ring Pidabdabe punika, ipun pada marasa kadaut tur ngeling pagerong. Duaning punika Dane Nehemia sane dados gubernur, Dane Esra sane dados pandita tur pradnyan ring Pidabdab miwah parawong Lewi sane nerangang Pidabdabe punika, raris pada mabaos ring pasamuane sapuniki: “Rahinane puniki rahina sane suci pabuat Ida Sang Hyang Widi Wasa, Widin semetone. Duaning punika semeton tan patut sedih wiadin ngeling.10 Sane mangkin rarisang pada budal tur mapestaja. Dum-dumangja ajeng-ajengan miwah anggur semetone ring semeton sane kakirangan. Rahina puniki rahina sane suci pabuat Ida Sang Hyang Widi Wasa, duaning punika sampunangja pada sungsut. Kaliangan paican Ida Sang Hyang Widi Wasa, pacang ngawinang semeton kuat.”
11
Wong Lewine mamargi mrika-mriki buat negdegang manah pasamuane tur mituturin pasamuane mangda sampunang pada sedih ring rahina sane suci punika.12 Duaning punika, pasamuane raris pada budal tur pada mangan nginum saha maliang-liang. Ipun pada ngedumang paderbeannyane ring nyama-nyamaannyane lianan, duaning ipun ngresep ring indik sane sampun kawacen pabuat ipun.
13
Benjangnyane, parapanglingsir palingsehane sasarengan ring parapandita miwah wong Lewine raris matemu ring Dane Esra buat mlajahin indik sane kurukang antuk Pidabdabe punika.14 Irika panggihin dane, mungguing Pidabdab sane kapaicayang antuk Ida Sang Hyang Widi Wasa malantaran Dane Musa, mrentahang mangda rakyat Israele mamondok ring pondok-pondok dedaunane ring Rerainan Pondok Daune punika.
15 Duaning punika dane raris ngrauhin rakyate ring Yerusalem miwah sane ring kota lan desa sane tiosan, kadulurin antuk prentah sapuniki: “Pada lungaja ka bukit-bukite tur ngrereh carang-carang daun taru cemara, saitun, murad, daun korma miwah taru sane lianan buat kanggen pondok-pondok dedaunan saadung ring titah sane sinurat ring Cakepan Pidabdabe punika.
16
Duaning punika, pasamuane makasami raris ngrereh daun-daunan tur makarya pondok-pondok ring duur umahnyane, ring natahnyane, ring natar Perhyangan Agunge miwah ring alun-alun sane nampek ring Gapura Toya miwah Gapura Epraim.17 Sakancan rakyate sane sampun mawali saking paselongan pada ngwangun pondok-pondok daun, tumuli mamondok ring pondok-pondoke punika. Indike punika kamargiang wantah wau apisan punika kewanten, ngawit saking masan Dane Yosua okan Dane Nun, tur sakancan pasamuane pada girang tur suka rena.
18 Ngawit saking rahinane sane kaping pisan kantos rauh ring rahinane sane pamuput nyabran rahina pasamuane ngwacen Pidabdab Ida Sang Hyang Widi Wasa abagian-abagian. Pasamuane marerainan pitung rahina suenipun, tur ring rahinane sane kaping kutus kawentenang upacara pamuput sakadi sane kaprentahang ring Pidabdabe..HeBALNEH.09, BALI, Neh. 9:1-38, 06/29/88, ANNA, #
1
[1-2] Ring tanggal patlikur ring sasihe punika, rakyat Israele pada mapupul jaga mapuasa buat nyinahang kasedihannyane malantaran dosa-dosannyane. Ipun sampun pada malasang dewek saking parawong sunantara. Ipun pada nganggen pangangge kaduhkitan tur nyambehin sirahnyane antuk abu makacihna nandang kaduhkitan. Sasampune punika, ipun tumuli pada majujuk tur ngangkenin dosa-dosanipune miwah dosa-dosan leluurnyane sane sampun kardi ipun.2
3 Tigang jam suenipun Pidabdab Ida Sang Hyang Widi Wasa, Widin ipune kawacen pabuat ipun, miwah tigang jam sapanglanturipun, ipun pada ngangkenin dosa-dosanipune saha ngaturang bakti ring Ida Sang Hyang Widi Wasa, Widinipune.
4
Irika panggung genah parawong Lewine, tur Dane Yesua, Bani, Kadmiel, Sebanya, Buni, Serebya, Bani miwah Dane Kenani pada ngadeg ring panggunge punika. Dane sareng sami ngastawa antuk suara sane keras pamantuka ring Ida Sang Hyang Widi Wasa, Widinnyane.5
Dane Yesua, Kadmiel, Bani, Hasabneya, Serebya, Hodia, Sebanya miwah Dane Petahya, nauhin rakyate mangda pada ngaturang bakti. Sapuniki baos danene: “Pada ngadegja semeton, tur pujija Ida Sang Hyang Widi Wasa, Widin semetone! Pujija Ida kantos salami-laminipun! Pujija parab Idane sane maha luih, yadiastu pujian manusane tan wenten sane sampurna!”6
Sapangrarisipun, pasamuan Israele tumuli ngastawa sapuniki: “Oduh Ratu Sang Hyang Widi Wasa, wantah IRatu ngraga sane maraga Widi. Palungguh IRatu sane ngardi akasa miwah bintang-bintange ring langite. Palungguh IRatu ngardi pretiwi miwah segara rauhing sadagingipun. Palungguh IRatu mapaica urip ring saluiring sane murip. Wadua bala suargane pada sumungkem nyumbah IRatu.7
Singgih Ratu Sang Hyang Widi Wasa, IRatu nyelik Dane Abram tur nantan dane medal saking Ur-Kasdim. IRatu ngentosin pesengan danene dados Abraham.
8
Palungguh IRatu ngaksi mungguing dane jati pracaya ring IRatu, tur IRatu ngardi prajanjian ring dane. Palungguh IRatu majanji jaga maicayang ring dane gumin wong Kanaane, wong Het miwah wong Amorine, jagat wong Peris, Yebus miwah wong Girgasine, makadados genah magumana pabuat katurunan danene. Palungguh IRatu ngamanggehang prajanjian IRatune, santukan IRatu maraga satia.
9
Palungguh IRatu ngaksi kasangsaran leluur titiange ring Mesir. Palungguh IRatu mireng gelurannyane nunas tulung ring Segara Teberau.10
Palungguh IRatu ngardi katawahan-katawahan sane ngangobin nglawan sang prabu, nglawan paraprakanggen idane miwah rakyate ring jagat idane, duaning IRatu wikan ring pangala-alannyane marep ring kaulan IRatune. Malantaran punika, IRatu ngawinang parab IRatune kabinawa rauh mangkin.
11
Palungguh IRatu ngardi margi ring tengah segarane pabuat kaula druene, tur nantan ipun mamargi ring tanahe sane tuh. Jadmane sane nguber ipun kalebu ring toyane sane dalem, sakadi batune nyilem ring sawang segarane.
12
Palungguh IRatu nantan ipun antuk mega rikalaning rahina, tur rikalaning wengi Palungguh IRatu ngalangin pamarginnyane antuk geni.
13
Ring Gunung Sinai Palungguh IRatu tumurun saking langite. Palungguh IRatu ngandika ring kaulan IRatune tur ngicen ipun pidabdab sane becik miwah paurukan-paurukan sane pasti.
14
Palungguh IRatu nguruk ipun mangda nyuciang rahina Sabat druene, tur Palungguh IRatu maicayang pidabdab-pidabdab IRatune ring parakaulan IRatune malantaran Dane Musa.
15
Rikala ipun seduk, IRatu ngicen ipun roti saking langite, tur rikala ipun bedak IRatu ngicen ipun toya sane medal saking batu kaange. IRatu ngandikain ipun mangda miara jagat sane janjiang IRatu ring ipun.16
Nanging paraleluur titiange raris sumbung tur bengkung, tur tempal ring titah-titah IRatune.
17
Ipun nenten sairing ring titah IRatune tur ipun lali ring saluiring pakardin IRatune. Ipun lali ring praciri-praciri sane sampun adakang IRatu. Sajeroning kasombonganipune, ipun milih satunggaling pamimpin buat mimpin ipun mawali ka genahipune dados panjak ring Mesir. Nanging Palungguh IRatu maraga Widi sane ngampurayang, darma miwah asih sueca, tur nenten gelis duka. Agung pisan sih kawelas arsan Palungguh IRatune. Palungguh IRatu nenten nilarin ipun.
18
Ipun ngardi arca lembu tur mabaos mungguing arca punika dados widinnyane sane nantan ipun saking panegara Mesir. Oduh Ratu Sang Hyang Widi Wasa, ambate bangetipune sampun nganistayang IRatu.
19
Nanging Palungguh IRatu nenten ngutang ipun ring tanah melakange, duaning kawelas arsan Palungguh IRatune kalintang ageng. Palungguh IRatu nenten ngingsirang mega wiadin genine sane nyuluhin pamarginipune rahina miwah wengi.
20
Malantaran kabecikan Palungguh IRatune, IRatu sampun ngandikain ipun indik sane patut laksanayang ipun. Palungguh IRatu mapaica manna makadados panganipune, tur mapaica toya pabuat kinumnyane.
21
Sajeroning petang dasa taun ring tanah melakange, Palungguh IRatu nyediayang saluiring kabuatannyane. Panganggennyane nenten naenin uek, tur buntutnyane nenten kembung-kembung kasakitan.
22
Palungguh IRatu nglugrain ipun ngaonang bangsa-bangsa miwah kaprabon-kaprabone, jagat-jagat sane wenten ring tepi siring panegarannyane. Ipun ngaonang jagat Hesbon sane kaprentah antuk Ida Sang Prabu Sihon, tur ngaonang jagat Basan sane kaprentah antuk Sang Prabu Og.23
Palungguh IRatu mapaica pianak akeh pisan ring ipun tan bina sakadi bintang-bintang ring langite, tur nglugrain ipun ngaonang tur magenah ring jagat sane sampun janjiang tur jaga paicayang IRatu ring paraleluurnyane.
24
Ipun ngaonang jagat Kanaan. IRatu ngaonang jadmane sane magenah irika. Palungguh IRatu mapaica kakuatan ring kaulan IRatune buat ngamargiang napi sane demenin ipun marep ring rakyat miwah ratu Kanaane.
25
Parakaulan IRatune sampun ngrampas kota-kota sane mabenteng, tanah sane gemuh, umah sane bek madaging kasugihan, semer sane sampun sedia, wit saitun, wit woh-wohan miwah abian anggur. Ipun neda napija sane demenin ipun, tur ipun sayan mokoh. Ipun muponin sakancan sane becik sane paicayang IRatu ring ipun.
26
Nanging kaulan IRatune brontak tur tan sairing ring IRatu, ipun tungkas ring pidabdab IRatune. Ipun nyedayang paranabine sane nglemekin ipun, sane mituturin ipun mangda ipun mawali ka ayun IRatu. Ipun nganistayang IRatu sapanjang masa.27
Duaning punika Palungguh IRatu manggayang meseh-mesehnyane ngaonang tur mrentah ipun. Rikala ipun kamewehan, ipun masesambatan nunas tulung ring IRatu, tur IRatu nagingin pinunasipune saking suargan. Sajeroning sih pasuecan IRatune sane ageng, IRatu ngicen pamimpin-pamimpin buat mebasang ipun saking meseh-mesehipune.
28
Rikala sampun dame, ipun malih ngardi dosa, tur IRatu manggayang malih meseh-mesehipune ngaonang ipun. Yadiastun asapunika, yening ipun kapok tur nunas karahayuan ring IRatu, Palungguh IRatu setata mireng saking suargan, tur nyabran masa Palungguh IRatu ngluputang ipun antuk sih piwelas Palungguh IRatune sane ageng.
29
Palungguh IRatu mapakeling ring ipun mangda ipun ninutin paurukan-paurukan IRatune, nanging malantaran sumbungipune, ipun nulak Pidabdab-pidabdab IRatune, yadiastu malantaran ipun tinut ring Pidabdab Palungguh IRatu punika ipun jaga muponin urip. Antuk manah sane bengkung tur punggung ipun nenten nyak sairing.
30
Palungguh IRatu sabar mapakeling ipun nyabran taun. Palungguh IRatu ngwisikin paranabin IRatune mangda dane pada mabaos, nanging parakaulan IRatune pada bongol. Duaning punika IRatu manggayang ipun kakaonang antuk bangsa-bangsa sane tiosan.
31
Nanging yadiastu kadi asapunika, malantaran sih kawelas arsan Palungguh IRatune sane kalintang ageng, Palungguh IRatu nenten ngutang wiadin nyirnayang ipun. Palungguh IRatu maraga Widi sane sih sueca miwah sih kapiolas.
32
Oduh Ratu Sang Hyang Widi Wasa, Widin titiange, Palungguh IRatu kalangkung agung, maha luih lan maha wisesa. Palungguh IRatu satia tuu ngagem prajanjian-prajanjian IRatune. Ngawit saking duk Sang Prabu Asure nindes titiang kantos rauh mangkin kalintang ageng kasangsaran titiange. Pararatun titiange, parapamimpin, parapandita miwah paranabin titiange, paraleluur titiange makamiwah rakyate makasami sampun nandang sangsara. Ledang Palungguh IRatu eling kadi asapunapi ageng sangsaran titiange.33
Sampun sapatutipun Palungguh IRatu nyisipang titiang. Palungguh IRatu satia tuu, yadiastu titiang sampun ngardi dosa.
34
Paraleluur titiange, pararatun titiange, parapamimpin miwah parapanditan titiange, sampun nenten ngamanggehang Pidabdab Palungguh IRatune. Ipun sampun nenten nglinguang titah-titah miwah panglemek-panglemek IRatune.
35
Malantaran sih panugrahan IRatune, pararatune mrentah kaula druene, rikala ida malinggih ring jagat sane linggah tur gemuh landuh, sane paicayang IRatu ring ida, nanging ida nenten kayun ngutang dosan idane tumuli ngancangin Palungguh IRatu.
36
Sane mangkin titiang dados panjak ring tanah sane paicayang IRatu ring titiang, tanah sane gemuh tur ngwehin titiang babuktian.
37
Sakancan pamupon tanahe puniki dados paderbean pararatu sane adegang IRatu buat nitah titiang, santukan titiang sampun madosa ring Palungguh IRatu. Pararatune punika nyapa kadi aku marep ring titiang miwah ingon-ingon titiange, tur titiang nandang sangsara banget pisan.”
38
Malantaran sakancan paindikane punika makasami, tiang miwah rakyat Israel raris ngardi prajanjian sane matulis, tur parapamimpin tiange miwah parapanditane tumuli nagingin cap surat prajanjiane punika.1
Sane pangawit nanda tanganin inggih punika Dane Nehemia okan Dane Hakalya, sane madeg dados gubernur kala punika. Sasampun punika wau Dane Sedekia nanda tanganin prajanjiane punika. Sane nanda tanganin sapanglanturipun inggih punika sane sinurat ring sor puniki:2
[2-8] Parapandita, minakadinipun: Dane Seraya,3
4
5
6
7
8
9
[9-13] Parawong Lewine, minakadinipun: Dane Yesua okan Dane Asanya,10
11
12
13
14
[14-27] Parapamimpin rakyate, minakadinipun: Dane Paros,15
16
17
18
19
20
21
22
23
24
25
26
27
28
“Titiang puniki rakyat Israel, parapandita, wong Lewi, parapajagaan Perhyangan Agunge, juru kidung Perhyangan Agunge, parapangayah Perhyangan Agunge miwah sane tiosan-tiosan sane ninutin Pidabdab Ida Sang Hyang Widi Wasa. Titiang sareng sami sampun malasang saking wong sunantara sane magenah ring gumin titiange. Titiang sareng sami, somah miwah pianak-pianak titiange sane sampun mrasidayang uning ring iwang miwah patut,29 sinarengan ring parapamimpin titiange masumpah, mungguing titiang nyadia jaga keni temah yening titiang lompang ring janjin titiange inggih punika jaga urip sajeroning Pidabdab Ida Sang Hyang Widi Wasa sane sampun paicayang Ida ring parekan Idane. Samaliha titiang jaga ngiringang sapatitah Ida Sang Hyang Widi Wasa, Widin titiange, tur titiang jaga ngagem pidabdab-pidabdab miwah sapakarsan Idane.
30
Titiang nenten jaga juang kajuang ngajak wong sunantara sane magenah ring jagat titiange.31
Yening wong sunantara punika ngadol gandum wiadin barang-barang sane tiosan ring titiang ring rahina Sabate wiadin ring rerainan-rerainan sane tiosan, titiang nenten pacang numbas barang-barange punika. Nyabran pitung taun apisan, titiang jaga ngenengang tanah titiange, tur titiang jaga malilayang sakancan piutang titiange.32
Nyabran taun titiange suang-suang pacang ngamedalang perak 5 gram buat nanggung prebiane ring Perhyangan Agung.33
Titiang jaga nyediayang buat pangubakti ring Perhyangan Agung minakadinipun: Roti suci, aturan gandum nyabran rahina, ingon-ingon buat aturan maborbor nyabran rahina, aturan suci nyabran rahina Sabat, nyabran rerainan tanggal apisan miwah rerainan sane tios-tiosan, aturan-aturan suci sane tiosan, aturan buat pamrastaning dosa-dosan bangsa Israele miwah kabuatan-kabuatan Perhyangan Agunge sane tios-tiosan.34
Titiang sareng sami, rakyat, parapandita miwah wong Lewine, jaga mulang undi nyabran taun buat mastiang palingsehan sane patut nyawisang buat morbor aturan sane katurang ring Ida Sang Hyang Widi Wasa, Widin titiange, satinut ring pakarsan Idane sane mungguh ring Pidabdab Idane.35
Nyabran taun titiang pacang ngaturang ring Perhyangan Agunge gandum sane anyi titiang pangawit miwah woh-wohan sane pangawit alap titiange saking witnyane.36
Asing-asing pianak muani sane paling keliha pacang bakta titiang ka ajeng parapanditane ring Perhyangan Agung tur irika ipun aturang titiang ring Ida Sang Hyang Widi Wasa sakadi sane karsayang ring Pidabdabe. Titiang taler jaga ngaturang panak ingon-ingon titiange sane lekad pangawit minakadinipun panak banteng, panak biri-biri miwah panak kambing.37
Titiang jaga ngaturang ring parapanditane ring Perhyangan Agung, tepung sane kakardi antuk gandum sane kampung pangawit nyabran taun, miwah aturan anggur, minyak saitun miwah sakancan soroh woh-wohane. Titiang jaga ngaturang aturan pahdasane ring wong Lewine sane madue kaonangan buat munduhang aturan pahdasane saking pamupon tegale miwah saking entik-entikan sane tumbuh ring tanah titiange.38 Parapandita katurunan Dane Harun patut nyarengin wong Lewine rikala dane nuduk aturan pahdasan punika, tur wong Lewine patut nganehang apahdasan saking aturan pahdasan punika, tur kagenahang ring gudang-gudang Perhyangan Agunge buat kagunayang ring Perhyangan Agung.
39 Rakyat Israel miwah wong Lewine patut munduhang aturan gandum, anggur miwah minyak saitun ring gudang-gudang genah nyimpen prabot-prabot Perhyangan Agunge. Ring genahe punika taler parapandita sane polih giliran, parapajagaan Perhyangan Agunge miwah parajuru kidunge, pada malinggih.
Titiang nenten pacang nglemenahang Perhyangan Widin titiange.”1
Parapamimpin sane magenah ring Yerusalem miwah rakyat sane tiosan raris ngwentenang undi buat nyelik anak akuren saking pantaran dasa kuren, buat magenah ring kota suci Yerusalem, tur sane tiosan patut magenah ring kota-kota miwah desa-desa sane tiosan.2 Rakyate pada muji anake sane saking suka lila magenah ring kota Yerusalem.
3 Ring kota-kota miwah desa-desa sane tiosan, rakyat Israel, parapandita, parawong Lewi, parapangayahe ring Perhyangan Agung miwah parakaturunan parekan-parekan Sang Prabu Salomone, pada magenah ring paderbeannyane miwah ring desa-desannyane suang-suang.
Ring sor puniki kadaptarang parapamimpin daerah Yehudane sane magenah ring Yerusalem.4
Parawargan suku Yehudane inggih punika: Dane Ataya okan Dane Usia, putun Dane Sakaria. Paraleluur danene inggih punika: Dane Amarya, Sepaca, Mahalaleel, Peres miwah Dane Yehuda.5
Dane Maaseya okan Dane Baruk, putun Dane Kolhose. Leluur danene sane lianan inggih punika: Dane Hasaya, Adaya, Yoyarib, Sakaria, Sela miwah Dane Yehuda.6
Saking katurunan Dane Peres, wenten sareng 468 diri sane sura dira sane magenah ring Yerusalem.7
Parawarga suku Benyamin inggih punika: Dane Salu, okan Dane Mesulam, putun Dane Yoed. Leluur danene sane tiosan inggih punika: Dane Pedaya, Kolaya, Maaseya, Itiel miwah Yesaya.8
Dane Gabai miwah Salai, pasemetonan Dane Salu sane nampek. Suku Benyamin sane magenah ring Yerusalem makasami wenten sareng 928 diri.9 Sane dados pamimpinnyane inggih punika Dane Yoel okan Dane Sikri, tur sane dados wakil pamimpinnyane, inggih punika Dane Yehuda okan Dane Hasenua.
10
Parapanditane inggih punika: Dane Yedaya okan Dane Yoyarib miwah Dane Yakin.11
Dane Seraya okan Dane Hilkia, putun Dane Mesulam. Paraleluur danene inggih punika: Dane Sadok, Merayot miwah Ahitub sane dados Pandita Agung.12 Saking palingsehan puniki wenten sareng 822 diri sane ngancangin ring Perhyangan Agung.
Dane Adaya okan Dane Yeroham, putun Dane Pelalya. Paraleluur danene inggih punika: Dane Amsi, Sakaria, Pasur miwah Malkia.13 Saking palingsehan punika wenten sareng 242 sane dados panglingsir kulawargannyane.
Dane Amasai okan Dane Asareel, putun Dane Ahsai. Paraleluur danene inggih punika: Dane Mesilemot miwah Dane Imer.14 Saking palingsehan puniki wenten sareng 128 diri prajurit sane sura dira. Pamimpinnyane inggih punika Dane Sabdiel, okan Dane Gedolim.
15
Sane saking suku Lewi, inggih punika: Dane Semaya okan Dane Hasub, putun Dane Asrikam. Paraleluur danene inggih punika: Dane Hasabya miwah Dane Buni.16
Dane Sabetai miwah Dane Yosabad, sane dados pangageng suku Lewine kapisara ngenterang pakaryan ring jabaan Perhyangan Agunge.17
Dane Matanya okan Dane Mika, putun Dane Sabdi, katurunan Dane Asap. Dane dados pamimpin juru kidung ring Perhyangan Agung, rikala ngunggahang pangastawa buat ngaturang puji suksma. Dane Bakbukya sane dados wakil Dane Matanya. Dane Abda, okan Dane Samua, putun Dane Galal sinalih tunggil katurunan Dane Yedutun.18
Wong Lewi sane magenah ring kota suci ring Yerusalem makasami wenten 284 diri.19
Parapajagaan Perhyangan Agunge, inggih punika: Dane Akub, Talmon miwah parakadang wargan danene sareng kalih, wenten 172 diri.20
Rakyat Israele tiosan, asapunika taler parapandita miwah wong Lewine sane lianan magenah ring paderbeannyane suang-suang ring kota-kota miwah desa-desa sane tiosan ring wewidangan Yehudane.21 Parapangayah Perhyangan Agunge magenah ring Opel, ring wewidangan kota Yerusaleme. Ipun kapimpin antuk Dane Siha miwah Dane Gispa.
22
Sane dados pamimpin wong Lewine sane magenah ring Yerusalem inggih punika Dane Usi, okan Dane Bani, putun Dane Hasabya. Paraleluur danene inggih punika Dane Matanya miwah Mika tur sane maug ring palingsehan Dane Asap, sane kapisara nabdabang kakidungan buat ngantebang pangubakti-pangubaktine ring Perhyangan Agung.23 Wenten pidabdab saking ida sang prabu mangda palingsehan punika nyabran rahina magilir mimpin kakidungan ring Perhyangan Agung.
24
Dane Petahya okan Dane Mesesabeel, saking palingsehan Dane Serah, suku Yehuda sane ngwakilin bangsa Israele ring ajeng sang prabu Persiane.25
Akeh rakyate sane magenah ring desa-desa sane nampek ring pabianannyane. Sane saking suku Yehuda magenah ring kota Kiryat-Arba, Dibon miwah Yekabseel makamiwah ring desa-desa sane nampek ring kota-kota punika.26 Wenten taler sane magenah ring kota Yesua, Molada, Bet-Pelet,
27 Hasar-Sual, Berseba miwah desa-desa sane wenten ring kiwa tengennyane.
28 Wenten malih sane magenah ring kota Siklag, ring Mehona miwah desa-desa sane wenten ring kiwa tengennyane.
29 Ring En-Rimon, ring Sora, ring Yarmut,
30 ring Sanoah, ring Adulam miwah ring desa-desa sane wenten ring kiwa tengennyane. Wenten sane magenah ring Lakis miwah ring pategalan sane ring kiwa tengennyane miwah ring Aseka miwah desa-desa sane wenten ring kiwa tengennyane. Kadi asapunika suku Yehuda magenah ring wewidangan sane wenten ring selagan kota Bersebane sane bedelod, klawan Lebak Hinome sane baler.
31
Rakyat suku Benyamin magenah ring Geba, Mikmas, Ai, Betel miwah desa-desa sane wenten ring kiwa tengennyane,32 ring Anatot, Nob, Ananya,
33 Hasor, Rama, Gitaim,
34 Hadid, Seboim, Nebalat,
35 ring Lod, Ono miwah ring Lebak Tukang-tukange.
36 Wenten taler makudang-kudang klompok wong Lewi sane pecak magenah ring wewidangan Yehuda kalugra sareng-sareng magenah ring pantaran wong Benyamin.
1
Ring sor puniki daptar parapandita miwah wong Lewi sane mawali budal saking paselongan, sasarengan ring Dane Serubabel okan Dane Sealtiel miwah Pandita Agung Yosua.2
[2-7] Parapanditane, inggih punika: Dane Seraya,3
4
5
6
7
8
Parawong Lewine, minakadinipun: Dane Yesua,9
Sapanglanturipun, Dane Bakbukya, Uni miwah parapasemetonan danene madue tugas ngidungang pasaur-pasaurnyane mangda dados saling saurin.10
Dane Yosua maputra Dane Yoyakim, Dane Yoyakim maputra Dane Elyasib, Dane Elyasib maputra Dane Yoyada,11 tur Dane Yoyada maputra Dane Yonatan, tur Dane Yonatan maputra Dane Yadua.
12
[12-21] Duk Dane Yoyakim dados Pandita Agung, parapandita sane sinurat ring sor puniki dados pamimpin palingsehan parapanditane. Dane Meraya dados pamimpin palingsehan Dane Seraya.13
14
15
16
17
18
19
20
21
22
Sapanyeneng Dane Pandita Agung Elyasib, Yoyada, Yohanan miwah Yadua, parapamimpin kulawargan wong Lewine miwah kulawargan parapanditane sami pada kacatet. Catetane punika kapuputang kantos rauh masan Ida Sang Prabu Darius ratun wong Persiane.23
Parapamimpin kulawarga-kulawargan wong Lewine kacatet wantah rauh ring panyeneng Dane Yohanan, putun Dane Elyasib.24
Satinut ring pangandikan Dane Hasabya, Seraya, Yesua, Binui miwah Dane Kadmiel, parawong Lewine kaepah dados makudang-kudang klompok. Nyabran giliran, wenten kalih klompok sane makidung saling saurin muji Ida Sang Hyang Widi Wasa tur ngaturang panyuksma ring Ida satinut ring prentah Ida Sang Prabu Daud, parekan Ida Sang Hyang Widi Wasa.25
Parapajagaan Perhyangan Agunge sane ring sor puniki madue tugas buat nyaga sane wenten ring samping gapura Perhyangan Agunge inggih punika: Dane Matanya, Bakbukya, Obaja, Mesulam, Talmon miwah Dane Akub.26
Dane sareng sami punika urip sapanyeneng Dane Yoyakim okan Dane Yosua putun Dane Yosadak miwah sapanyeneng Sang Gubernur Nehemia miwah sapanyeneng Pandita Agung Esra sane pradnyan ring Pidabdab punika.27
Rikala tembok kota Yerusaleme kaplaspas, wong Lewine kadauhin mangda ngranjing ka kota saking genah-genahnyane magumana, kantos dane sareng sami nyidayang marerainan buat mlaspas temboke saha ngaturang kidung atur panyuksma tur nabuh tetabuhan, luire: rebab miwah cengceng.28 Wong Lewine sane dados juru kidung raris mapunduh saking genah-genahnyane magumana ring kiwa tengen kota Yerusaleme miwah saking desa-desa sane wenten ring kiwa tengen kota Netopa,
29 miwah saking Bet-Gilgal, Geba miwah Asmawet.
30 Parapandita miwah wong Lewine raris ngwentenang upacara buat nyuciang ragan danene, nyuciang rakyate, gapura-gapura miwah tembok kotane.
31
Tiang munduhang parapamimpin wong Yehudane ring duur temboke tur ngepah ipun dados kalih klompok sane ageng mangda mabaris ngilehin kotane sinambi ngaturang panyuksma ring Ida Sang Hyang Widi Wasa. Klompok sane kaping pisan mamargi ka tengen ring duur temboke tumuli ngungsi ka Gapura Lulune.32 Dane Hosaya mabaris ring ungkur juru kidunge, kairing antuk parapamimpin Yehudane atenga.
33 [33-35] Ring ungkurnyane parapandita minakadinipun: Dane Asarya, Esra, Mesulam, Yehuda, Benyamin, Semaya miwah Dane Yeremia, mabaris sinambi nyuarayang trompet. Sapanglanturipun Dane Sakaria okan Dane Yonatan, putun Dane Semaya mamargi ring ungkurnyane. (Paraleluur danene inggih punika Dane Matanya, Mika miwah Sakur, palingsehan Dane Asap.)
34
35
36 Dane Sakaria kairing antuk parawarga palingsehannyane, minakadinipun: Dane Semaya, Asareel, Milalai, Gilalai, Maai, Netaneel, Yehuda miwah Dane Hanani. Dane sareng sami makta tetabuhan sakadi sane kanggen antuk Ida Sang Prabu Daud, parekan Ida Sang Hyang Widi Wasa. Rombongane puniki mapeed kapimpin antuk Dane Esra sane pradnyan ring Pidabdab Ida Sang Hyang Widi Wasa punika.
37 Ring Gapura Toya Klebutane, peede punika ngamunggahang ring trundag sane ngungsi ka Kota Daud. Saking irika nglintang ring purin Ida Sang Prabu Daud, tumuli rauh ring temboke ring Gapura Toya Klebutane ring sisi kangin kotane.
38
Klompok sane tiosan sane ngaturang puji suksma mamargi ka kiwa ring duur temboke punika tur tiang miwah rakyate sane malih atenga, nyarengin klompoke punika. Tiang sareng sami nglintang ring Menara Genine kantos rauh ring Tembok Linggahe.39 Saking irika tiang nglintangin Gapura Epraim, Gapura Purwaka, Gapura Ulam, Menara Hananeel miwah Menara Mea kantos rauh ring Gapura Biri-birine. Tiang raris ngrarianang barisane punika ring gapura sane ngungsi ka Perhyangan Agung.
40
Irika rombongan sane ngaturang panyuksma makakalih raris pada rauh ring wewidangan Perhyangan Agunge. Sajaba parapamimpin klompok punika taler sareng nyarengin41 rombongan tiange miwah parapandita sane nyuarayang trompet, minakadinipun: Dane Elyakim, Maaseya, Minyamin, Mika, Elyoenai, Sakaria, Hananya.
42 Dane sareng sami kasarengin antuk Dane Maaseya, Semaya, Eleasar, Usi, Yohanan, Malkia, Elam miwah Dane Eser. Juru kidunge sane kapimpin antuk Dane Yisrahya pada makidung saha ngampet suarannyane.
43
Ring rerainan punika akeh pisan rakyate ngaturang aturan, tur makasami kabekin antuk suka rena, duaning Ida Sang Hyang Widi Wasa sane ngawinang ipun liang pisan. Paraistri miwah alit-alite taler sareng ring upacarane punika, kantos suarannyane sane uyut prasida kapiragi saking doh.44
Daweg punika wenten makudang-kudang anak sane kapisara buat ngenterang gudang-gudang genah nyimpen barang-barang dana punika duen Perhyangan Agunge, minakadinipun: aturan pahdasan, aturan pamupon gandum miwah woh-wohan sane kalap pangawit nyabran taun. Anake punika kapisara mangda munduhang urunan-urunan saking pabianan-pabianan sane wenten ring kiwa tengen kota-kotannyane, pabuat parapandita miwah wong Lewine sakadi sane kapituduhang ring cakepan Pidabdabe. Wong Yehudane makasami tresna ring parapandita miwah wong Lewi,45 duaning dane sareng sami ngancangin pangubakti panyuciane miwah upacara-upacara sane tiosan sane sampun katitahang antuk Ida Sang Hyang Widi Wasa. Juru kidung miwah pajagaan Perhyangan Agunge taler ngamargiang tugas-tugasnyane satinut ring awig-awig sane kakardi antuk Sang Prabu Daud miwah Sang Prabu Salomo putran idane.
46 Ngawit saking nguni, ngawit panyeneng Ida Sang Prabu Daud miwah juru kidung Dane Asap, juru-juru kidunge setata mimpin kidung miwah atur panyuksmane pamantuka ring Ida Sang Hyang Widi Wasa.
47 Sapanyeneng Dane Serubabel miwah sapanyeneng Dane Nehemia, makasami rakyat Israele nyabran rahina ngaturang sumbangan pabuat juru kidung miwah pajagaan Perhyangan Agunge. Rakyate ngaturang aturan sane suci pabuat wong Lewine, tur wong Lewine ngaturang pahan sane patut katurang ring parapanditane.
1
Rikala Pidabdab Dane Musa kawacen saha santer ring arepan rakyate, kapanggih wenten sinurat mungguing bangsa Amon wiadin bangsa Moab nenten pisan kalugra maug dados kaulan Ida Sang Hyang Widi Wasa,2 duaning wong Amon miwah wong Moab punika nenten ngwehin bangsa Israele pangan lan kinum rikala bangsa Israele mamargi medal saking panegara Mesir. Tungkalikanipun wong Amon miwah Moab punika sampun ngupahin Dane Bileam buat nemah bangsa Israele, nanging Ida Sang Hyang Widi Wasa malikang temahe punika dados merta.
3 Rikala rakyat Israele miragi pidabdabe punika kawacen, ipun tumuli ngamedalang wong sunantarane saking pasamuannyane.
4
Sang Pandita Elyasib sane kapisara ngenterang gudang-gudang Perhyangan Agunge, saking sue masawitra becik pisan ring Dane Tobia.5 Dane Elyasib ngwehin Dane Tobia ngangge kamar sane ageng, sane wantah kanggen buat ngenahang aturan-aturan pabuat parapanditane miwah aturan pahdasan saking gandum, anggur, minyak saitun pabuat wong Lewi, pabuat juru kidung miwah pabuat pajagaan Perhyangan Agunge.
6 Duk punika tiang nenten wenten ring Yerusalem, santukan ring taun sane kaping tigang dasa kalih panyeneng Ida Sang Prabu Artahsasta, tiang mawali ka Babel buat tangkil ring ajeng ida sang prabu. Sasampune punika, nenten malih amunapi suenipun,
7 tiang kalugra malih mawali ka Yerusalem. Irika tiang manggihin mungguing Dane Elyasib ngwehin Dane Tobia nganggen satunggaling kamar ring Perhyangan Agung.
8 Tiang pedih pisan, mawinan tiang raris ngentungang saluiring barang-barang paderbean Dane Tobia.
9 Sasampun punika, tiang raris mrentahang mangda kamar-kamare punika kasuciang nganggen upacara, samaliha mangda prabot-prabot Perhyangan Agunge, aturan pamupon jagate miwah menyane malih kagenahang irika.
10
Tiang taler uning, mungguing juru kidung Perhyangan Agunge miwah wong Lewine makasami pada mawali ka abian-abiannyane suang-suang, duaning rakyate nenten malih maturan buat pangupa jiwan wong Lewine.11 Tiang nglemekin parapangentere duaning dane manggayang Perhyangan Agunge tan kalinguang. Tiang tumuli ngajak wong Lewi miwah juru kidunge mawali ka Perhyangan Agung tur ngaturin dane malih makarya.
12 Sasampune punika rakyat Israele malih makta aturan pahdasan saking gandum, anggur miwah saitun ka Perhyangan Agunge.
13 Tiang misarayang anake sane munggah ring sor puniki buat ngenterang gudang-gudange, inggih punika: Pandita Selemya, Dane Sadok sane pradnyan ring Pidabdab miwah Dane Pedaya, wong Lewi. Dane Hanan okan Dane Sakur, putun Dane Matanya, makadados pangancang sang tiga. Tiang pracaya ring anake punika mungguing dane jujur ngedumang jatah pabuat anake sane makarya sareng-sareng ring dane.
14
Oduh Ratu, Sang Hyang Widi Wasa, ledang IRatu eling mungguing napi sane margiang titiang punika wantah pabuat Perhyangan Agung Palungguh IRatu miwah pabuat pangubaktine irika.15
Rikala punika tiang manggihin rakyat Yehuda meres anggur ring rahina Sabate. Sane tiosan ngajang gandum, toya anggur, woh anggur, woh aa miwah barang-barang sane tiosan ngangge keledae baktana ka Yerusalem. Tiang mapetinget ipun mangda ipun sampunang ngadol punapa-punapi ring rahina Sabate.16 Wenten makudang-kudang anak saking Tirus makta ulam miwah barang-barang mawarni-warni ka Yerusalem buat jaga kadol ring bangsan tiange ring rahina Sabate.
17 Tiang mapakeling ring pamimpin rakyate sapuniki: “Indayangja cingakin kajaatan semetone. Semeton sampun ngletehin rahina Sabate.
18 Malantaran indike sane kadi asapunika Ida Sang Hyang Widi Wasa sampun nyisipang leluur semetone rikala Ida ngrauhang bencana ring kotane puniki. Sane mangkin malah semeton ngawinang bendun Ida Sang Hyang Widi Wasa langkungan malih nibenin wong Israele, duaning semeton nganistayang rahina Sabate.”
19
Duaning punika tiang raris mrentahang mangda gapura-gapuran kotane kaunebang ngawit saking nyoreang rikala ngamimitin rahina Sabate. Yening rahina Sabate sampun lintang, wau gapura-gapuran kotane malih kabukak. Tiang ngenahang makudang-kudang anak ring gapura-gapurane punika mangda sampunang pisan wenten barang-barang sane kabakta ngranjing ka kota ring rahina Sabate.20 Apisan wiadin ping kalih wenten sudagar sane ngadol barang mawarni-warni ring rahina Sukrane nginep awengi mepek ring jabaan temboke.
21 Tiang raris mapakeling ipun sapuniki: “Nenten wenten gunanipun ragane nyantosang ring jabaan temboke kantos benjang semengan. Yening ragane malih sapunika, tiang jaga makerasin ragane.” Ngawit saking rahinane punika ipun tan naenin malih rauh ring rahina Sabate.
22 Tiang mrentahang mangda wong Lewine nyuciang raga raris nyaga gapura-gapurane mangda sawiakti rahina Sabate punika kasuciang.
Oduh Ratu Sang Hyang Widi Wasa, ledang IRatu eling ring titiang, malantaran indike punika. Suecaninja titiang antuk sih pasuecan Palungguh IRatu sane ageng.23
Rikala punika taler tiang uning mungguing akeh wong Yahudi sane ngambil somah wong Asdod, wong Amon miwah wong Moab.24 Wenten makudang-kudang pianakipune nganggen basa Asdod wiadin nganggen basa sane tiosan tur nenten midep nganggen basan tiange.
25 Tiang nglemekin ipun, nemah ipun, nigtig ipun, tur mutbut bokipune. Sasampune punika tiang ngenken ipun mangda masumpah sajeroning parab Ida Sang Hyang Widi Wasa, mungguing ipun wiadin pianak-pianakipune nenten jaga juang kajuang ngajak wong sunantara.
26 Sapuniki baos tiange ring ipun: “Luh-luh wong sunantarane sampun ngawinang Ida Sang Prabu Salomo ngardi dosa. Ida punika agengan yan bandingang ring pararatu bangsane tiosan. Ida Sang Hyang Widi Wasa asih sueca ring ida tur Ida ngadegang ida dados ratun wong Israele makasami, nanging ida taler sampun ngamargiang dosane puniki.
27 Yening asapunika, napike tiang sareng sami patut nuutin tetuladan ragane tur tempal ring Widin iragane malantaran ngambil anak luh wong sunantara?”
28
Dane Yoyada punika okan Pandita Agung Elyasib, nanging wenten sinalih tunggil okan Dane Yoyada marabian ngajak okan Dane Sanbalat saking Bet-Horon. Duaning punika tiang raris nundung Dane Yoyada saking kota Yerusalem.29
Oduh Ratu Sang Hyang Widi Wasa, ledang Palungguh IRatu eling, sapunapi jadmane punika ngletehin pandita sesamannyane miwah prajanjian sane kardi IRatu ring parapandita miwah wong Lewine.30
Tiang raris nyuciang ipun saking saluiring paindikan sane saking dura negara. Tiang raris makarya pidabdab pabuat parapandita miwah wong Lewine mangda dane suang-suang uning ring tugasnyane.31 Tiang taler nabdabang indik saang buat morbor aturan-aturan sane patut kabakta ring rahina sane sampun kapastiang miwah woh-wohan sane puponin wiadin alap ipun pangawit.
Oduh Ratu Sang Hyang Widi Wasa, ledang IRatu eling ring indike punika, tur ledang IRatu nyuecanin titiang malantaran indike punika.