1
Ring taun sane kaping pisan panyeneng Ida Sang Prabu Kores ring Persia, Ida Sang Hyang Widi Wasa negepang indik sane sampun sabdayang Ida malantaran dane Nabi Yeremia. Ida Sang Hyang Widi Wasa mapaica pawisik ring Ida Sang Prabu Kores mangda ida ngwedalang titah sakadi sane inucap ring sor puniki. Titahe punika mangda katulis tur kaedarang saha kawacen ring sakuub kaprabon idane. Daging titahe punika, sapuniki:2 “Ene titah Ida Sang Prabu Kores, ratune di Persia. Ida Sang Hyang Widi Wasa, Widin akasane suba maicayang sakuub gumine makejang teken gelahe. Ida suba nitahang gelahe buat ngwangun Perhyangan pabuat Ida di Yerusalem, di tanah Yehuda.
3 Nyenja dadi kaulan Idane, dumadak kamertanin baan Ida Sang Hyang Widi Wasa. Ia patut mulih ka Yerusalem tur ngwangun Perhyangan Ida Sang Hyang Widi Wasa, Widin Israele, Widi ane kasungsung di Yerusalem.
4 Yening ada di pantaran kaulan Idane ane di paselongan merluang bantuan buat lakar mulih, pisaga-pisagannyane patut maang ia pitulungan. Pisaga-pisaganne ento patut maang ia perak, mas, barang-barang muah ingon-ingon muah aturan ane aturanga di Perhyangan Ida Sang Hyang Widi Wasa di Yerusalem.”
5
Irika sakancan anak sane kadaut manahnya antuk Ida Sang Hyang Widi Wasa, minakadinipun parapanglingsir kulawargan suku Yehuda, Benyamin miwah parapandita suku Lewine miwah sane lianan, raris pada makinkin jaga mawali budal ka Yerusalem buat ngwangun Perhyangan Ida Sang Hyang Widi Wasa.6 Pisaga-pisagannyane makasami makelinipun antuk perak, mas, sangu, ingon-ingon miwah barang-barang sarwa endah, makamiwah aturan buat Perhyangan Agunge.
7
Ida Sang Prabu Kores taler ngwaliang ring ipun barang-barang druen Perhyangan Agung Ida Sang Hyang Widi Wasa sane sampun kambil antuk Ida Sang Prabu Nebukadnesar saking Yerusalem tur kagenahang ring pura-puran dewan idane.8 Ida Sang Prabu Kores nitahang mangda barang-barange punika kamedalang tur katureksain miwah ketang antuk Dane Mitredat, bendaharan ida sang prabu, tumuli kaserahang ring Dane Sesbasar sane dados gubernur ring Yehuda.
9 [9-10] Puniki daptar barang-barange punika: Bokoran mas tigang dasa, bokoran perak siu, lemat sangalikur, cangkir mas tigang dasa, cangkir perak samas dasa miwah prabot-prabot sane tiosan siu akehipun.
10
11
Barang mas miwah perake punika makasami wenten limang tali samas akehipun. Barang-barange punika makasami kabakta antuk Dane Sesbasar rikala dane miwah anake sane kaselong punika kajak budal saking Babel ka Yerusalem.1
Puniki daptar anake sane saking daerah Yehuda sane mawali budal saking paselongan, sane pecak dados tawanan kabakta ka Babel antuk Ida Sang Prabu Nebukadnesar, ratune ring Babel. Ipun pada mawali ka Yerusalem miwah Yehuda, ka kotannyane suang-suang.2 Ipun pada mawali kapimpin antuk Dane Serubabel, Yesua, Nehemia, Seraya, Reelaya, Mordekai, Bilsan, Mispar, Bigwai, Rehum miwah Dane Baana.
Puniki daptar palingsehan wong Israele sane mawali punika miwah gebogannyane suang-suang:3
[3-20] Palingsehan Dane Paros: 2.172 diri.
Palingsehan Dane Sepaca: 372 diri.
Palingsehan Dane Arah: 775 diri.
Palingsehan Dane Pahat-Moab, inggih punika oka-okan Dane Yesua miwah Yoab: 2.812 diri.
Palingsehan Dane Elam: 1.254 diri.
Palingsehan Dane Satu: 945 diri.
Palingsehan Dane Sakai: 760 diri.
Palingsehan Dane Bani: 642 diri.
Palingsehan Dane Bebai: 623 diri.
Palingsehan Dane Asgad: 1.222 diri.
Palingsehan Dane Adonikam: 666 diri.
Palingsehan Dane Bigwai: 2.056 diri.
Palingsehan Dane Adin: 454 diri.
Palingsehan Dane Ater, inggih punika katurunan Dane Hiskia: 98 diri.
Palingsehan Besai: 323 diri.
Palingsehan Dane Yora: 112 diri.
Palingsehan Dane Hasum: 223 diri.
Palingsehan Dane Gibar: 95 diri.
4
5
6
7
8
9
10
11
12
13
14
15
16
17
18
19
20
21
[21-35] Anake sane leluurnyane magenah ring kota-kotane sane sinurat ring sor puniki taler mawali saking paselongan, inggih punika: Kota Betlehem: 123 diri.22
23
24
25
26
27
28
29
30
31
32
33
34
35
36
[36-39] Sapanglanturipun puniki daptar palingsehan parapandita sane mawali saking paselongan, inggih punika: Palingsehan Dane Yedaya, inggih punika katurunan Dane Yesua: 973 diri.37
38
39
40
[40-42] Puniki palingsehan wong Lewine, sane mawali saking paselongan inggih punika: Palingsehan Dane Yesua miwah Kadmiel, inggih punika katurunan Dane Hodawia: 74 diri.41
42
43
[43-54] Puniki parapangayah Perhyangan Agung Ida Sang Hyang Widi Wasa sane mawali saking paselongan, inggih punika: Palingsehan Dane Siha, Hasupa, Tabaot.44
45
46
47
48
49
50
51
52
53
54
55
[55-57] Puniki katurunan paraparekan Ida Sang Prabu Salomo sane mawali saking paselongan, inggih punika: Palingsehan Sotai, Soperet, Peruda, Yaala, Darkon, Gidel, Sepaca, Hatil, Pokeret-Hasebaim miwah Ami.56
57
58
Parapangayah Perhyangan Agung Ida Sang Hyang Widi Wasa miwah katurunan paraparekan Ida Sang Prabu Salomo makasami wenten 392 diri akehipun.59
[59-60] Paraanake sane mawali saking Tel-Melah, Tel-Harsa, Kerub, Adan miwah Imer, nanging ipun nenten mrasidayang muktiang mungguing palingsehan miwah kawitipun saking bangsa Israel, inggih punika palingsehan Dane Delaya, Tobia, Nekoda, makasami sareng: 652 diri.60
61
[61-62] Wenten taler makudang-kudang kulawargan pandita sane nenten mrasidayang manggihin catetan ngeniang indik leluurnyane inggih punika: Palingsehan Dane Habaya, Hakos miwah Barsilai. (Leluur Dane Barsilai punika pecak ngambil anak istri okan Dane Barsilai wong Gileade punika, tur ngawit saking punika dane kapesengin manut pesengan kulawargan anake istri punika.) Santukan dane sareng sami nenten mrasidayang muktiang sapasira leluur danene, kenginan dane nenten kalugra dados pandita.62
63 Sang gubernur sane mrentah jagat Yehudane raris mutusang mungguing dane sareng sami nenten dados ngajengang ajeng-ajengan sane katurang ring Ida Sang Hyang Widi Wasa, kantos wenten pandita sane wenang ngunayang Urim miwah Tumime punika.
64
[64-67] Gebogan anake sane mawali saking paselongan makasami wenten 42.360 diri. Sajaba punika, pararencangnyane luh miwah muani wenten 7.337 diri akehipun. Saking pantarannyane wenten juru kidung lanang miwah istri 200 diri. Ipun taler pada maderbe kuda 736 akehipun, bagal 245 ukud, unta 435 ukud, keledae 6.720 ukud.65
66
67
68
Rikala rauh ring Perhyangan Agung Ida Sang Hyang Widi Wasa ring Yerusalem, makudang-kudang pamimpin kulawargane punika raris ngaturang aturan suka lilannyane, buat ngwangun Perhyangan Ida Sang Hyang Widi Wasa ring genahe sane pangawit.69 Aturannyane manut mampuhnyane suang-suang, buat dados arta branan Perhyangan Agunge, inggih punika: Mas 500 kilogram, perak 2.800 kilogram miwah jubah buat parapanditane 100 lembar.
70
Parapandita, wong Lewi miwah makudang-kudang rakyate pada magenah ring Yerusalem wiadin ring genahe sane nampek irika. Parajuru kidunge, pajagaan Perhyangane miwah pangayah Perhyangan Ida Sang Hyang Widi Wasa miwah parawong Israele sane tiosan, sami pada jenek malinggih ring desa-desa sane pecak dados genah leluurnyane.1
Ring sasih sane kaping pitu, sasampun wong Israel jenek ring kota-kotannyane, ipun sareng sami raris ketog-semprong pada mapunduh ring Yerusalem.2 Pandita Yosua okan Dane Yosadak kasarengin antuk parasemeton danene parapandita sami, kadi asapunika taler Dane Serubabel okan Dane Sealtiel, kasarengin antuk parasemeton danene, raris ngwangun pamorboran aturan pabuat Ida Sang Hyang Widi Wasa, Widin Israele. Ring pamorboran aturane punika ipun sareng sami pacang ngaturang aturan maborbor, satinut ring sane kakacap ring cakepan Torat Dane Musa, parekan Ida Sang Hyang Widi Wasa.
3 Yadiastun ipun sareng sami pada ajerih ring jadma uedan sane wenten irika, nanging ipun taler ngwangun pamorboran aturane punika ring genahnyane sane riin. Sasampune punika ipun raris malih ngawitin ngaturang aturan maborbor pamantuka ring Ida Sang Hyang Widi Wasa rikala semeng miwah sore.
4 Ipun taler marerainan Pondok Daun manut pailehnyane. Nyabran rahina, ipun ngaturang aturan maborbor manut etangan sane patut katurang ring rahinane punika.
5 Saking rahinane punika raris tetep katurang aturan maborbor, kadi asapunika taler ring nuju Rerainan Bulan Baru miwah nyabran rerainan sane suci pabuat Ida Sang Hyang Widi Wasa. Sajawining punika rikala anake ngaturang aturan suka lila pamantuka ring Ida Sang Hyang Widi Wasa, ipun sareng sami taler ngaturang aturan maborbor.
6 Ngawit saking tanggal apisan ring sasih sane kaping pitu punika, ipun setata ngaturang aturan maborbor pamantuka ring Ida Sang Hyang Widi Wasa, yadiastun dasar Perhyangan Agunge durung kapasang.
7
Bangsa Israele ngwehin tukang batu miwah tukang kayune jinah. Wong Sidon miwah wong Tiruse sane ngangkut taru aras saking Libanon rauh ring Yope kawehin pangan kinum miwah minyak. Indike punika prasida kalaksanayang, saking lelugran Ida Sang Prabu Kores, ratune ring Persia.8 Ring sasih sane kaping kalih, ring taun sane kaping kalih sasampun bangsa Israele rauh ring Perhyangan Ida Sang Hyang Widi Wasa ring Yerusalem, Dane Serubabel okan Dane Sealtiel miwah Dane Yosua okan Dane Yosadak kasarengin antuk parasemeton danene sane lianan, inggih punika parapandita miwah wong Lewi, makamiwah paraanak sane mawali budal ka Yerusalem saking paselongan, raris ngamimitin pakaryannyane. Sakancan wong Lewine sane mayusa kalih dasa taun miwah langkungan ring punika kapangandikayang ngenterang pakaryan ngwangun Perhyangan Agunge.
9 Dane Yosua kasarengin antuk oka miwah kadang wargannyane miwah Dane Kadmiel kasarengin antuk oka-okannyane wong Hodawia miwah parawong Yehuda sinarengan ngenterang pakaryan ngwangun Perhyangan Agunge punika. Dane katulungin antuk wong Lewi palingsehan Dane Henadad.
10
Rikala dasar Perhyangan Ida Sang Hyang Widi Wasa kapasang antuk paraundagine, parapandita sane sampun ngrangsuk busana kapanditan raris pada rauh sarwi ngagem trompet miwah wong Lewi saking palingsehan Dane Asap pada makta cengceng buat muji ngluihang Ida Sang Hyang Widi Wasa, anut sakadi pituduh Ida Sang Prabu Daud, ratun wong Israele.11 Dane makidung saling saurin muji miwah matur panyuksma ring Ida Sang Hyang Widi Wasa sapuniki: “Ida Sang Hyang Widi Wasa kalintang becik. Mungguing sih kasatian Idane tumiba ring bangsa Israele langgeng salami-laminipun.” Sapangrarisipun, pasamuane punika makasami pada masuryak antuk suara jangih muji Ida Sang Hyang Widi Wasa, duaning dasar Perhyangan Ida Sang Hyang Widi Wasa sampun kapasang.
12 Nanging akeh pisan saking pantaran parapandita, wong Lewi miwah parapamimpin kulawarga, paraanak lingsir sane naenin nyingak Perhyangan Agunge sane riin, pada nangis pagerong rikala ngaksi dasar Perhyangan Agunge punika kapasang. Nanging anake sane lianan sane wenten irika sami pada masuryak-suryak antuk suka renan manahnyane.
13 Nenten mrasidayang anake minayang sane encen suaran anak sane girang miwah sane encen suaran anak nangis, duaning pasamuane masuryak-suryak antuk suara jangih kantos prasida kapiragi saking doh.
1
Meseh-meseh wong Yehudane miwah wong Benyamine miragi mungguing anake sane mawali saking paselongan punika sedekan ngwangun Perhyangan Ida Sang Hyang Widi Wasa, Widin Israele.2 Duaning punika ipun pada rauh ring Dane Serubabel miwah parapanglingsir kulawargane, maduluran baos sapuniki: “Ajakja tiang sareng ngwangun Perhyangan Agunge punika, duaning tiang taler nyungsung Widin semetone, pateh sakadi semeton. Sajaba punika, tiang mula setata ngaturang aturan ring Ida, ngawit saking daweg Ida Sang Prabu Esar-Hadon, ratun panegara Asure ngisidang tiang mriki.”
3
Nanging Dane Serubabel, Dane Yosua miwah parapanglingsir kulawargan bangsa Israele mabaos ring ipun sapuniki: “Buat ngwangun Perhyangan Agung Ida Sang Hyang Widi Wasa, Widin tiange, tiang durung muatang pitulungan semetone. Puput wantah tiang kewanten sane pacang ngwangun satinut ring prentah Ida Sang Prabu Kores ratun panegara Persiane ring tiang.”4
Irika jadma uedane punika ngusahayang mangda wong Yehudane mamanah wusan ngwangun tur ajerih makarya.5 Malahan sapanyeneng Ida Sang Prabu Kores madeg ratu ring Persia kantos rauh masan panyeneng Ida Sang Prabu Darius madeg ratu ring panegara Persia, ipun pada ngangsok parapajabat pamrentah Persiane mangda nglawan wong Yehudane tur ngurungang rencanannyane punika.
6
Duk Ida Sang Prabu Ahasweros ngawit jumeneng ratu, jadma uedane irika raris nulis surat sane dagingipun nalih anake sane sampun jenek ring Yehuda miwah ring Yerusalem punika.7
Kadi asapunika taler rikala Ida Sang Prabu Artahsasta jumeneng ratu, Dane Bislam, Mitredat, Tabeel miwah parakantinnyane sane tiosan, ngaturang surat ring Ida Sang Prabu Artahsasta, ratun panegara Persiane. Surate punika nganggen basa Aram, tur patut kasalin rikala kawacen.8
Kadi asapunika taler Gubernur Rehum miwah Dane Simsai sekretaris daerahe sampun ngaturang surat ring Ida Sang Prabu Artahsasta, ngeniang indik kota Yerusaleme.9
Saking Gubernur Rehum miwah Simsai sekretaris daerahe miwah saking timpal-timpalnyane inggih punika parahakim miwah saking sakancan pegawe sane tiosan sane pecak kawitipun saking Erek, Babel miwah Susan sane ring tanah Elam,10 kasarengin antuk rakyate sane lianan, sane pecak kakisidang saking panegarannyane suang-suang antuk Ida Sang Prabu Asnapar Sane Agung tur kagenahang ring kota Samaria miwah ring wewidangan-wewidangan sane tiosan ring dauh Tukad Eprate.
11 Sapuniki daging surate punika:
“Katur ring ayun Ida Sang Prabu Artahsasta, saking paraparekan iratune jadma sane magenah ring dauh Tukad Eprate.12
Titiang matur piuning ring palungguh iratu mungguing wong Yahudi sane sampun kesah saking ayun palungguh iratune tur ngungsi genah titiange, ipun sami sampun pada rauh ring Yerusalem. Sane mangkin ipun sedek ngwangun malih kota sane duraka miwah jaat punika. Ipun sampun makarya dasar miwah ngwangun temboknyane tur digelis pacang muputang pakaryane punika.13 Mangda palungguh iratu sauninga, mungguing yening kotane punika sampun kawangun tur tembok-temboknyane sami sampun puput, ipun nenten pacang nyak malih naur pajeg, upeti miwah bea cukai. Pamuputipun, indike punika pacang ngawinang tuna jinah upeti druene.
14 Sane mangkin santukan titiang maderbe tetegenan pamantuka ring palungguh iratu, titiang nenten pisan liang yening iratu keni bencana. Duaning punika, titiang ngutus utusan buat matur piuning ring iratu,
15 mangda iratu ledang nureksain ring cakepan babad paraleluur iratune. Ring cakepane punika iratu pacang manggihin tur wikan, mungguing kotane punika kota sane nguni tansah dura cara, ngawinang kamewehan ring pararatu miwah parapamrentah propinsine. Jadmane ring kotane punika setata meweh antuk mrentah. Punika awinanipun kotane punika kuugang.
16 Duaning punika titiang matur piuning ring iratu, mungguing yening kotane punika sampun prasida puput, iratu nenten jaga mrasidayang malih mrentah propinsi-propinsine sane dauh Tukad Eprate.”
17 Ida sang prabu raris ngwales surate punika sapuniki:
“Katiba teken Gubernur Rehum muah teken Simsai sekretaris daerahe, makamuah teken parakantinnyane ane nongos di Samaria muah di daerah lenan di dauh Tukad Eprate.18
Suastiastu! Surat ane kirim paman teken gelahe suba kapaca di arepan gelahe tur makejang suba terang.19 Gelah suba mrentahang buat nureksain tur kapangguh mungguing uli maluan Yerusaleme ento tansah brontak nglawan pamrentah ida sang prabu, tur kotane ento bek misi jlema jaat muah jlema ane demen ngae iur.
20 Sajaba ento, imaluan raja-rajane ane ngwengku di Yerusalem, ane mrentah sawewidangan dauh Tukad Eprate, makejang pada katurin pajeg, upeti muah bea cukai.
21 Sawireh keto, prentahangja apanga anake ento pada suud ngwangun. Kotane ento tusing dadi buin kawangun satondenne ada prentah uli gelahe.
22 Ingetangja apang melah, eda pesan paman lemenah teken unduke ene, apanga eda liunan buin gelahe pocol.”
23
Sasampune surat Ida Sang Prabu Artahsasta kawacen ring ajeng Dane Rehum, Simsai sekretaris daerahe miwah ring ajeng parakantin danene sami, dane sareng sami digelis lunga ka Yerusalem, maranin wong Yahudine tumuli mamaksa wong Yahudine mangda ngrarianang pakaryane punika.24
Daweg punika ugi, pakaryan ngwangun Perhyangan Agung Ida Sang Hyang Widi Wasa ring Yerusalem raris mandeg. Pakaryane punika nenten kalanturang kantos rauh ring taun sane kaping kalih panyeneng Ida Sang Prabu Darius ring Persia.1
Duk punika Nabi Hagai miwah Nabi Sakaria okan Dane Ido, tumuli mawarah-warah sajeroning parab Ida Sang Hyang Widi Wasa, Widin Israele, marep ring wong Yahudi sane wenten ring Yehuda miwah ring Yerusalem.2 Rikala Dane Serubabel okan Dane Sealtiel miwah Dane Yosua okan Dane Yosadak mireng pawarah-warahe punika, dane raris ngamimitin ngwangun Perhyangan Ida Sang Hyang Widi Wasa ring Yerusalem. Dane sareng kalih kasarengin antuk paranabin Ida Sang Hyang Widi Wasa makakalih iwau.
3
Nanging daweg punika raris Dane Tatnai, gubernur sane ngwengku jagat dauh Tukad Eprate, kasarengin antuk Dane Setar-Bosnai miwah kantin danene, rauh ka Yerusalem saha mabaos sapuniki: “Nyenke ane mrentahang jerone buat ngwangun Perhyangane ene tur mragatang temboknyane?”4 Dane taler nakenang wastan sakancan anake sane nulungin ngwangun Perhyangan Agunge punika.
5 Nanging Ida Sang Hyang Widi Wasa nyuryanin parapanglingsir wong Yahudine, kantos dane nenten kandeg antuk sang gubernur. Sang gubernur tumuli ngirim surat katur ring Ida Sang Prabu Darius tur surate punika polih walesan.
6 Daging surate sane kakirim antuk Dane Tatnai, gubernur sane ngwengku dauh Tukad Eprate, kasarengin antuk Dane Setar-Bosnai miwah parakantinnyane, katur ring Ida Sang Prabu Darius, sapuniki:
7
“Katur ring Ida Sang Prabu Darius. Mugi palungguh iratu mrentah saha rahayu.8
Mugi palungguh iratu wikan mungguing titiang sampun ngrauhin daerah Yehuda, genah Perhyangan Agung Ida Sang Hyang Widi Wasa Sane Maha Luur. Perhyangan Agung punika sedek kawangun antuk batu sane ageng-ageng, tur temboknyane kalapisin antuk taru. Pakaryane punika kagarap saha teliti pisan tur sane mangkin pakaryane punika mamargi saha lancar pisan.9
Titiang sampun nakenin pamimpinnyane, sapasirake sane mrentahang ipun buat ngwangun Perhyangane punika tur muputang temboknyane?10 Sajeroning punika titiang taler nakenang ring ipun wastan anake sane makarya ring Perhyangane punika, mangda prasida antuk titiang ngaturang ring palungguh iratu, sapasira wastan jadmane sane mimpin ipun.
11 Sapuniki pasauripune ring titiang: ‘Titiang puniki parakaulan Ida Sang Hyang Widi Wasa sane ngwengku akasa miwah pretiwine. Titiang malih ngwangun Perhyangan sane pecak kawangun makudang-kudang taun sane sampun lintang, sane kawangun antuk ratun Israele sane luih.
12 Nanging santukan paraleluur titiange ngawinang Ida Sang Hyang Widi Wasa sane ngwengku langite punika duka, ipun raris serahang Ida ring Ida Sang Prabu Nebukadnesar ratune ring Babel, wong Kasdime punika tur sang prabu raris ngrusak Perhyangane punika. Sasampun punika paraleluur titiange raris kaselong ka panegara Babel.
13 Nanging ring taun sane kaping pisan panyeneng Ida Sang Prabu Kores ring Babel, ida mrentahang mangda Perhyangan Agung Ida Sang Hyang Widi Wasa malih kawangun.
14 Daweg punika prabot mas miwah perak Perhyangan Agung Ida Sang Hyang Widi Wasa sane kambil antuk Ida Sang Prabu Nebukadnesar saking Perhyangan Agunge ring Yerusalem tur kagenahang ring purane sane wenten ring Babel, taler kawaliang antuk Ida Sang Prabu Kores tur kaserahang ring Dane Sesbasar sane kadegang dados gubernur ring Yehuda.
15 Sang prabu ngandikayang dane, mangda prabote punika kagenahang malih ring Perhyangan Agunge ring Yerusalem, tur mangda Perhyangan Agung Ida Sang Hyang Widi Wasa punika malih kawangun ring genahnyane sane riin.
16 Dane Sesbasar tumuli rauh tur makarya dasar Perhyangan Agung Ida Sang Hyang Widi Wasa ring Yerusalem, tur ngawit saking dauhe punika rauh mangkin pakaryane punika ngraris kamargiang, sakewanten durung puput.’
17
Duaning punika yening mantuk ring kayun sang prabu, rarisang tureksain ring prasasti druene ring Babel, punapike naenin Ida Sang Prabu Kores nitahang ngwangun malih Perhyangan Agung Ida Sang Hyang Widi Wasa ring Yerusalem punika. Sasampune punika, ledang palungguh iratu ngandikayang ring titiang kaputusan iratune ngeniang indike punika.”1
Sasampune punika, Ida Sang Prabu Darius raris mrentahang mangda nureksain prasastin ida sang prabu sane kasimpen ring Babel.2 Raris kapanggihin wenten prasasti ring kota Ahmeta, ring propinsi Media, sane masuara kadi asapuniki:
3
“Ring taun sane kaping pisan duk Ida Sang Prabu Kores jumeneng ratu, Ida ngwedalang prentah, mangda Perhyangan Agung Ida Sang Hyang Widi Wasa sane ring Yerusalem malih kawangun, makadados genah ngaturang aturan miwah aturan maborbor. Tegeh Perhyangane punika patut pitulikur meter tur linggahnyane taler pitulikur meter.4 Tembok-temboknyane malakar batu ageng-ageng tigang lapis, raris kalapisin antuk taru. Sakancan prabeanipun kataur antuk ida sang prabu.
5 Kadi asapunika taler prabot mas miwah perak Perhyangan Agung Ida Sang Hyang Widi Wasa sane kambil antuk Ida Sang Prabu Nebukadnesar saking Perhyangan Agunge ring Yerusalem tur bakta ida ka Babel, makasami patut kawaliang tur kagenahang ring genahnyane sane nguni ring Perhyangan Agung Ida Sang Hyang Widi Wasa ring Yerusalem.”
6
Sasampune punika Ida Sang Prabu Darius raris mapaica pangwales, sapuniki: “Katiba teken gubernur dauh Tukad Eprate, aketo masih Setar-Bosnai, kayang parakantin pamane. Johangja iban pamane uli ditu.7 Edaja gulgula ia magarapan. Depangja gubernur Yehudane muah parapamimpin Yehudane ngwangun Perhyangan Agung Ida Sang Hyang Widi Wasa di tongose ane imaluan.
8 Sajaba ento, gelahe mrentahang, apanga paman nulungin parapamimpin wong Yahudine buat ngwangun Perhyangan Ida Sang Hyang Widi Wasane ento. Prabeannyane enggalang bayah baan pajeg muah upetine ane duduk paman dauh Tukad Eprate, apanga gegaene ento tusing kadat.
9 Buina tusing dadi sangkenang, nglemah paman patut nyerahang teken parapanditane di Yerusalem sakancan ane perluanga, luire sampi jagiran muda, biri-biri muani muah panak biri-biri buat aturan maborbor pabuat Ida Sang Hyang Widi Wasa, Widin langite, muah gandum, uyah, anggur muah lengis.
10 Unduke ene patut laksanayang paman apanga ia setata ngaturang aturan ane ngledangin Ida Sang Hyang Widi Wasa, Widin langite, tur ngastawayang gelahe muah pianak-pianak gelahe.
11 Buina gelahe mrentahang paman, apanga asing-asing anak ane bani nungkasin kaputusane ene, adegan umahne patut kabut abesik tur ia katomplok baan adegane ento. Sasubane keto umahne patut kuugang.
12 Ida Sang Hyang Widi Wasa, ane nyelik kota Yerusaleme dadi tongos nyungsung Ida, lakar mungkatang pararatu wiadin bangsa ane bani tempal teken prentahe ene tur bani nguugang Perhyangan Agung Idane, ane di Yerusalem ento. Gelahe Sang Prabu Darius ane mesuang prentahe ene. Makejang prentahe ene patut kalaksanayang.”
13
Sasampune punika, Dane Tatnai gubernur dauh Tukad Eprate, Dane Setar-Bosnai miwah parakantinnyane raris ngamargiang sapatitah Ida Sang Prabu Darius.14 Parapanglingsir wong Yahudine nglanturang pakaryane punika saha lancar kangsok antuk Nabi Hagai miwah Nabi Sakaria okan Dane Ido. Dane sareng sami muputang wewangunane punika satinut ring titah Ida Sang Hyang Widi Wasa, Widin Israele miwah saadung ring prentah Ida Sang Prabu Kores, Darius miwah Artahsasta pararatune ring Persia.
15 Perhyangan Agunge punika puput kawangun ring tanggal tiga, sasih Adar, ring taun sane kaping nem panyeneng Ida Sang Prabu Darius.
16 Sasampune punika wong Israele, parapandita, wong Lewi miwah anake sane tiosan sane mawali saking paselongan, raris ngwentenang upacara mlaspas Perhyangan Agung Ida Sang Hyang Widi Wasa. Dane ipun sareng sami pada masuka rena.
17 Buat mlaspas Perhyangan Agung Ida Sang Hyang Widi Wasa punika, dane ipun ngaturang banteng jagiran satus ukud, biri-biri muani satak ukud miwah panak biri-biri samas ukud. Dane ipun taler ngaturang kambing muani roras ukud, sane pinaka dados aturan pamrastaning dosa pabuat wong Israel makasami, manut cacakan suku bangsa Israele.
18 Dane ipun taler ngadegang parapandita manut sorohnyane miwah wong Lewi manut golongannyane, buat ngayah ring Perhyangan Agung Ida Sang Hyang Widi Wasa ring Yerusalem, manut kacap cakepan Dane Musa.
19
Ring tanggal patbelas, sasih sane kaping pisan, anake sane mawali saking paselongan pada marerainan Paskah.20 Duaning punika parapandita miwah wong Lewine raris pada nyuciang raga tur dane sareng sami raris suci. Irika parawong Lewine raris nampah panak biri-biri buat aturan Paskah pabuat anake sane mawali saking paselongan, pabuat parapanditane miwah pabuat ragan danene ngraga.
21 Wong Israele sane mawali saking paselongan miwah sakancan anake sane nyuciang dewek saking leteh cemer bangsa-bangsa sane wenten ring jagat punika miwah anake sane rauh mabakti ring ayun Ida Sang Hyang Widi Wasa, Widin Israele, sami pada nunas aturan punika.
22 Ipun taler marerainan Roti Tan Paragi pitung rahina suenipun, maduluran manah suka rena. Ipun pada suka rena ring manah duaning Ida Sang Hyang Widi Wasa sampun ngawinang pakayunan sang prabu Asure ledang ring ipun, kantos sang prabu sampun ngicen ipun pitulungan sajeroning ipun makarya ngwangun Perhyangan Agung Ida Sang Hyang Widi Wasa, Widin Israele.
1
Sasampune punika, rikala Ida Sang Prabu Artahsasta jumeneng ratu ring Persia, wenten anak mapesengan Esra. Dane punika katurunan Dane Harun, Sang Pandita Agung, sakadi ring sor puniki. Dane Esra okan Dane Seraya, okan Dane Asarya, okan Dane Hilkia,2 okan Dane Salum, okan Dane Sadok, okan Dane Ahitub,
3 okan Dane Amarya, okan Dane Asarya, okan Dane Merayot,
4 okan Dane Serahya, okan Dane Usi, okan Dane Buki,
5 okan Dane Abisua, okan Dane Pinehas, okan Dane Eleasar, okan Dane Harun.
6
Dane Esra tumuli kesah saking Babel. Dane punika anak sane pradnyan ring daging cakepan suci, wikan ring daging cakepan Torat Dane Musa sane kapaicayang antuk Ida Sang Hyang Widi Wasa, Widin Israele. Sajawining punika sang prabu maicayang ring dane sakancan sane tunas dane, santukan Ida Sang Hyang Widi Wasa, Widin danene setata ngiangin dane.7 Ring taun sane kaping pitu panyeneng Ida Sang Prabu Artahsasta, dane mamargi budal ka Yerusalem kasarengin antuk rombongan sane tiosan luiripun, parapandita, wong Lewi, juru kidung, parapajagaan miwah parapangayahe ring Perhyangan Agung Ida Sang Hyang Widi Wasa.
8 Dane Esra tumuli rauh ring Yerusalem ring sasih sane kaping lima, inggih punika ring taun sane kaping pitu panyeneng Ida Sang Prabu Artahsasta.
9 Dane kesah saking Babel ring tanggal siki sasih sane kaping pisan, tur ring tanggal asiki sasih sane kaping lima dane rauh ring Yerusalem, santukan Widin danene tansah ngiangin dane.
10 Dane Esra sampun nyadia pisan buat nureksain saha ngincepang Torat Ida Sang Hyang Widi Wasa, tur nglaksanayang saha ngurukang sakancan pidabdab miwah tata cara punika ring pantaran wong Israele.
11
Ida Sang Prabu Artahsasta mapaica piagam ring Dane Esra, sane dados pandita miwah pradnyan ring daging cakepan suci, sane wikan ring titah miwah pidabdab Ida Sang Hyang Widi Wasa, sane dagingipun asapuniki:12
“Piagam uli Ida Sang Prabu Artahsasta, katiba teken Pandita Esra, ane pradnyan teken Pidabdab Ida Sang Hyang Widi Wasa, Widin langite.13
Gelahe suba mrentahang mungguing asing-asing anak Israel di sakuub kaprabon gelahe, parapandita wiadin wong Lewi ane makeneh mulih ka Yerusalem, dadi bareng-bareng teken paman.14 Gelahe muah pangabih gelahe pepitu ento ngutus paman buat nyelehin kota Yerusalem muah gumi Yehudane, saha nureksain, apake Pidabdab Torat Widin pamane, ane kapategenang teken paman suba katinutin, apa tusing.
15 Paman patut masih ngaba perak muah mas aturan gelahe muah pangabih gelahe, ane lakar katurang di ajeng Widin Israele, ane malingga di Yerusalem.
16 Aketo masih paman patut ngaba perak muah mas ane punduhang paman di sawewidangan gumi Babele muah aturan rakyat Israele muah parapanditannyane ane lakar aturanga buat Perhyangan Agung Ida Sang Hyang Widi Wasa di Yerusalem.
17
Sawireh keto, paman patut tangar nganggon pipise ento buat meli sampi muani-muani, biri-biri muani, panak biri-biri, gandum muah anggur. Aturan-aturan ento makejang patut aturang paman di pamorboran aturane di Perhyangan Agung Widin pamane di Yerusalem.18 Unduk mas wiadin perake ane lenan, dadi anggon paman muah nyama-nyamaan pamane buat ngitungang ane lenan, ane satinut teken pakarsan Widin pamane.
19 Barang-barange ane kaserahang teken paman buat pangubaktine di Perhyangan Agung Widin pamane, patut aturang paman di ayun Ida Sang Hyang Widi Wasa di Yerusalem.
20 Buina apaja buin ane perluang paman buat Perhyangan Agung Widin pamane, paman dadi nunas sig bendahara kaprabon gelahe.
21
Gelahe, Sang Prabu Artahsasta masih suba mrentahang parabendaharane ane dauh Tukad Eprate, mungguing apaja ane tagiha teken Pandita Esra, ane pradnyan teken daging Torat Ida Sang Hyang Widi Wasa, Widin langite, patut kalaksanayang makejang.22 Baangja ia perak kantos 3.400 kilogram, gandum 10.000 kilogram, anggur 2.000 liter, lengis saitun 2.000 liter muah uyah amun kaperluannyane.
23 Sakancan ane karsayang baan Ida Sang Hyang Widi Wasa, Widin langite, buat kaperluan Perhyangan Agung Widin langite ento, ento patut kalaksanayang apang melah, apang eda kanti Ida bendu teken gelahe muah teken ane ngentinin gelah.
24 Gelahe ngorahin paman ajak makejang, tusing pesan dadi nagih pajeg teken parapandita, wong Lewi, juru kidung, pajagaan muah parapangayahe muah anake lenan ane ngayah di Perhyangan Agung Ida Sang Hyang Widi Wasa.
25
Sawireh keto paman Esra, paman patut ngadegang pamimpin-pamimpin muah parahakim ane satinut teken sabdan Ida Sang Hyang Widi Wasa, Widin pamane ane sungkemin paman, apanga ia ngenterang rakyate ane nongos dauh Eprate makejang, nah ento anak ane suba nawang pidabdab Widin pamane. Anake ane tonden nawang, patut ia urukang paman.26 Asing-asing anak ane tusing nglaksanayang pidabdab Widin pamane muah pidabdab ida sang prabu, ia patut kukum baan ukuman mati, ukuman maselong, ukuman denda wiadin ukuman mapangkeng.”
27
Dane Esra raris mabaos sapuniki: “Pujija Ida Sang Hyang Widi Wasa, Widin leluur iragane. Ida sampun nutdut pakayunan ida sang prabu, kantos ida ledang ngluihang Perhyangan Agung Ida Sang Hyang Widi Wasa ring Yerusalem.28 Ida sampun ngawinang ida sang prabu miwah parapangabih lan prakanggen idane sami asung lugraha ring titiang. Ida Sang Hyang Widi Wasa, Widin titiange sampun ngukuhang manah titiange, kantos titiang mrasidayang munduhang makudang-kudang pamimpin wong Israele, buat matulak budal sareng-sareng ring titiang.”
1
Puniki daptar palingsehan sane pecak kaselong ring Babel, sane mawali sareng-sareng ring Dane Esra, rikala Ida Sang Prabu Artahsasta jumeneng nata.2 [2-14] Dane Gersom saking palingsehan Dane Pinehas, Dane Daniel saking palingsehan Dane Itamar, Dane Hatus okan Dane Sekanya saking palingsehan Dane Daud, Dane Sakaria saking palingsehan Dane Paros miwah wenten anak lanang-lanang malih sareng 150 diri sane kacatet ring silsilah leluur danene. Dane Elyoenai okan Dane Serahya, saking palingsehan Dane Pahat-Moab, tur dane kasarengin antuk anak lanang sareng 200 diri. Dane Sekanya okan Dane Yahasiel saking palingsehan Dane Satu, kasarengin antuk anak lanang-lanang 300 diri. Dane Ebed okan Dane Yonatan saking palingsehan Dane Adin, kasarengin antuk anak lanang-lanang 50 diri. Dane Yesaya okan Dane Atalya saking palingsehan Dane Elam, kasarengin antuk anak lanang-lanang sareng 70 diri. Dane Sebaja okan Dane Mikael saking palingsehan Dane Sepaca, kasarengin antuk anak lanang-lanang sareng 80 diri. Dane Obaja okan Dane Yehiel saking palingsehan Dane Yoab, kasarengin antuk anak lanang-lanang sareng 218 diri. Dane Selomit okan Dane Yosipya saking palingsehan Dane Bani, kasarengin antuk anak lanang-lanang sareng 160 diri. Dane Sakaria okan Dane Bebai saking palingsehan Dane Bebai kasarengin antuk anak lanang-lanang 28 diri. Dane Yohanan okan Dane Hakatan saking palingsehan Dane Asgad, kasarengin antuk anak lanang-lanang sareng 110 diri. Dane Elipelet, Dane Yehiel miwah Dane Semaya saking palingsehan Dane Adonikam (sane rauh ungkuran), kasarengin antuk anak lanang-lanang sareng 60 diri. Dane Utai miwah Dane Sakur saking palingsehan Dane Bigwai kasarengin antuk anak lanang-lanang sareng 70 diri.
3
4
5
6
7
8
9
10
11
12
13
14
15
Tiang munduhang rombongane sareng sami ring sisin tukade sane membah ka kota Ahawa, tur irika madunungan tigang rahina suenipun. Rikala tiang nureksain rombongane punika, irika panggihin tiang mungguing ring pantaran rombongane punika wenten parapandita nanging nenten wenten wong Lewi.16 Duaning punika tiang tumuli ngutus parapanglingsir palingsehane, minakadinipun: Dane Elieser, Ariel, Semaya, Elnatan, Yarib, Elnatan, Natan, Sakaria, Mesulam. Sajaba punika tiang taler ngutus guru-guru, minakadinipun: Dane Yoyarib miwah Dane Elnatan.
17 Tiang tumuli mesenin dane sareng sami mangda mabaos ring Dane Ido sane dados pamimpin pasamuane ring Kasipia, taler ring semeton-semeton danene sane dados pangayah ring Perhyangan Ida Sang Hyang Widi Wasa, mangda dane ngutus anak sane patut ngancangin Ida Sang Hyang Widi Wasa ring Perhyangan Agung.
18 Saking panugrahan Ida Sang Hyang Widi Wasa sane tansah ngiangin tiang, dane raris ngutus anak sane wicaksana saking palingsehan Dane Mahli suku Lewi, inggih punika Dane Serebya miwah oka-oka lan parasemeton danene sareng 18 diri.
19 Sajaba punika dane taler kasarengin antuk Dane Hasabya miwah Dane Yesaya sane saking palingsehan Dane Merari, kasarengin antuk parasemeton miwah oka-okan danene sareng 20 diri.
20 Tiosan ring punika, dane taler kasarengin antuk parapangayah ring Perhyangan Agung Ida Sang Hyang Widi Wasa sane kamanggehang antuk Ida Sang Prabu Daud miwah prakanggen idane buat nyarengin pakaryan wong Lewine, wenten sareng 220 diri, makasami madaptar wastannyane.
21
Sasampun punika ring sisin Tukad Ahawa punika, tiang raris mawarah-warah ring rombongane punika mangda ipun pada mapuasa tur ngasorang dewek ring ayun Ida Sang Hyang Widi Wasa, sarwi mapinunas mangda Ida ledang mapaica margi sane rahayu ring tiang miwah pianak-pianak tiange pingkalih sakancan arta branan tiange.22 Tiang kimud buat nunas pasukan prajurit nunggang kuda ring sang prabu, buat nyarengin tur nyaga tiang ring margi, duaning tiang sampun matur ring ida sapuniki: “Ida Sang Hyang Widi Wasa, Widin titiange nyayubin asing-asing anak sane masayuban ring Ida, nanging Ida duka tur ngukum anake sane nilarin Ida.”
23 Punika awinanipun tiang sareng sami raris mapuasa tur mapinunas ring Ida Sang Hyang Widi Wasa, tur Ida nagingin pinunas tiange.
24
Tiang raris nyelik parapamimpin panditane sareng 12 diri, inggih punika Dane Serebya miwah Dane Hasabya kasarengin antuk semeton danene sareng 10 diri.25 Tiang tumuli nimbang mas miwah perak, kadi asapunika taler barang-barang sane tiosan, inggih punika aturan-aturan pabuat Perhyangan Agunge sane sampun kaserahang antuk sang prabu miwah parapangabih lan paraprakanggen idane makamiwah wong Israele sane wenten irika, tumuli serahang tiang ring parapanditane punika.
26 [26-27] Puniki sane serahang tiang ring dane inggih punika: perak 22 ton, barang-barang perak satus akehipun mabotbot 70 kilogram, mas 3.400 kilogram, bokor mas 20 beratipun 8,4 kilogram, bokor temaga kekalih sane makenyah sakadi mase.
27
28
Tiang tumuli mabaos ring dane asapuniki: “Semeton puniki suci ring ayun Ida Sang Hyang Widi Wasa kadi asapunika taler prabot-prabote puniki. Perak miwah mase puniki dados aturan ring ajeng Ida Sang Hyang Widi Wasa, Widin leluur semetone.29 Piara tur jagaja prabot-prabote punika kantos semeton prasida rauh ring Perhyangan Agung. Irika ring kamar parapanditane semeton patut nimbang tur nyerahang barang-barange punika, ring ajeng parapangageng pandita, wong Lewi miwah parapamimpin palingsehan wong Israele ring Yerusalem.”
30 Parapandita miwah wong Lewine raris nampi perak, mas miwah prabot-prabote punika jaga kabakta ka Perhyangan Agung ring Yerusalem.
31
Ring tanggal roras, sasih sane kaping pisan, tiang sareng sami raris kesah saking Tukad Ahawa ngungsi ka Yerusalem, tur Ida Sang Hyang Widi Wasa Widin tiange tansah nyayubin tiang. Ida nglempasang tiang saking imeseh miwah begal.32 Sasampune tiang rauh ring Yerusalem, tiang raris mararian tigang rahina suenipun.
33 Ring rahina sane kaping pat tiang raris ka Perhyangan Agung, nimbang perak, mas miwah prabot-prabote punika raris serahang tiang ring Pandita Meremot, okan Dane Uria. Dane kasarengin antuk Pandita Eleasar okan Dane Pinehas, miwah antuk wong Lewi kekalih, inggih punika Dane Yosabad okan Dane Yesua miwah Dane Noaja okan Dane Binui.
34 Makasami tumuli ketang tur katimbang miwah kacatet.
35
Duk punika ugi parawong Israele sane mawali saking paselongan raris ngaturang aturan maborbor ring ayun Ida Sang Hyang Widi Wasa, Widin Israele. Ipun maturan pabuat wong Israele makasami luiripun: banteng jagiran roras ukud, biri-biri muani sangang dasa nem ukud, panak biri-biri pitung dasa pitu ukud, kambing muani sane makadados aturan pamrastaning dosa roras ukud. Punika makasami dados aturan maborbor ring ayun Ida Sang Hyang Widi Wasa.36 Ipun taler ngaturang surat prentah saking ida sang prabu ring paragubernur miwah prakanggene sane ring dauh Tukad Eprate. Dane sareng sami raris mapaica sumbangan ring bangsa Israel miwah pabuat Perhyangan Agunge.
1
Sasampun paindikane punika mamargi, parapamimpine tumuli pada rauh tur maosang ring tiang, mungguing wong Israel, parapandita miwah wong Lewine, nenten nganehang raga saking jadma uedane irika, luiripun wong Kanaan, wong Het, wong Peris, wong Yebus, wong Amon, wong Moab, wong Mesir miwah wong Amorine. Dane ipun sareng sami pada ngamargiang paindikan sane cemer.2 Wong Yahudine sampun pada nganten ngajak anak istri wong sunantara, duaning punika kaulan Ida Sang Hyang Widi Wasa sane suci sampun dados leteh. Malahan parapamimpin miwah paraprakanggene sane nyontoin malaksana sane kadi asapunika.
3 Rikala tiang miragi indike punika, tiang raris nyetset pangangge miwah jubah tiange, tur mutbut bok miwah jenggot tiange, tumuli negak tur engsek.
4 Tiang negak nandang sedih irika ngantos rauh masan anake ngaturang aturan nyoreang, tur rakyate ngawitin mapunduh ngiter tiang, inggih punika anake sane marasa ajerih, malantaran sabdan Widin Israele ngeniang indik dosa-dosan jadmane sane mawali saking paselongan.
5
Rikala rauh masan anake ngaturang aturan nyoreang, tiang raris bangun saking pategakan tiange nandang sedih punika. Tiang tumuli matedoh ngastawa, kari nganggen pangangge miwah jubah tiange sane setset punika, sinambi nyakupang lima ring ayun Ida Sang Hyang Widi Wasa, Widin tiange,6 kadulurin atur sapuniki: “Oduh Ratu Widin titiange, titiang rumasa kimud pisan, kantos titiang nenten purun nulengek buat mandreng Palungguh IRatu. Dosan titiange madugdug nglintangin tendas titiange, tur tegehipune sampun nyujuh langit.
7 Ngawit saking paraleluur titiange kantos rauh mangkin, agung pisan kiwangan titiange. Malantaran dosan titiange, titiang sareng sami, pararatu miwah parapanditan titiange sampun serahang Palungguh IRatu ring pararatu sunantarane, tur titiang kapunggal, kajarah miwah katawan. Titiang kanistayang ring arepan jadmane katah sakadi sane mamargi sane mangkin.
8 Sane mangkin wau pisan titiang ngrasayang sih pasuecan Palungguh IRatu, Widin titiange. Palungguh IRatu sampun nglugrain wenten makudang-kudang anak saking pantaran titiange luput saking katawan tur mapaica genah magumana ring genahe sane suci puniki. Makadados silur titiange dados tawanan, Palungguh IRatu sampun mapaica urip anyar ring titiang.
9 Yadiastun titiang dados panjak, nanging Palungguh IRatu nenten manggayang titiang kapanjakang. Palungguh IRatu ngawinang titiang kasayangang antuk pararatun panegara Persiane, kantos titiang polih sih pasuecan idane buat ngwangun Perhyangan Agunge, ngrajegang malih sane pecak sampun uug, kadi asapunika taler kalugra muponin sutrepti rahayu iriki ring Yehuda miwah ring Yerusalem.
10
Nanging sane mangkin, oduh Ratu Widin titiange, sasampun sakancan paindikan puniki mamargi, punapike sane sandang aturang titiang malih ring Palungguh IRatu? Titiang sampun nungkasin malih titah Palungguh IRatune sane sampun paicayang Palungguh IRatu,11 malantaran paranabi parekan Palungguh IRatune. Dane ngandikayang mungguing jagate sane pacang aug titiang punika jagat sane leteh, santukan kaletehin antuk jadma uedane irika. Jadmane irika sampun nglaksanayang indik sane cemer miwah saluiring paindikan sane kabaos leteh, saking tanggun jagate sane asiki kantos rauh ka tanggunnyane sane lianan.
12 Dane ngandikayang ring titiang mungguing titiang nenten dados juang kajuang ring jadma uedane punika, kadi asapunika taler tan kalugra ngawinang jadmane irika muponin kerta raharja, mangda titiang mrasidayang muponin pamupon tanahe sane becik, tur matamiang tanahe punika ring pianak-pianak titiange turun-temurun.
13 Sasampune titiang muponin palan dosa miwah kiwangan titiange sane ageng punika, Palungguh IRatu, Widin titiange nenten nyisipang titiang anut ring dosan titiange, nanging kantun nglugrain titiang urip.
14 Duaning punika, sapunapiang titiang jaga malih tempal ring titah Palungguh IRatune, tur saling juang ngajak bangsane sane jaat punika. Yening titiang tempal, sampun janten Palungguh IRatu bendu ring titiang tur pacang nyirnayang titiang, kantos nenten wenten sane kantun urip.
15 Oduh Ratu Sang Hyang Widi Wasa, Widin Israele. Palungguh IRatu sane maraga adil. Palungguh IRatu nglugrain titiang kantun urip sakadi sane mangkin. Titiang ngangken kiwangan titiange ring ayun Palungguh IRatu. Sujatinipun titiang nenten pantes pedek tangkil ring ayun Palungguh IRatu.”
1
Rikala Dane Esra sedek ngastawa ngangken dosa sinambi nangis sumuyud ring ajeng Perhyangan Agunge, parapasamuan Israele sane akeh punika raris pada mapupul ngiter dane, lanang-istri miwah alit-alite sami. Ipun pada ngeling gerong-gerong.2 Dane Sekanya okan Dane Yehiel, sane saking palingsehan Dane Elam raris mabaos ring Dane Esra sapuniki: “Tiang sareng sami sampun ngardi paindikan sane nenten satia ring Ida Sang Hyang Widi Wasa, Widin iragane, santukan tiang sampun pada ngambil anak luh sunantara saking pantaran jadma uedane iriki. Nanging kantun wenten pangajap-ajap pabuat bangsa Israele.
3 Sane mangkin ngiringja iraga makarya prajanjian ngiring Ida Sang Hyang Widi Wasa, Widin iragane, mungguing iraga jaga munduhang anake luh-luh punika rauhing pianak-pianak sane sampun lekadang ipun, saadung ring pitutur semetone miwah anake sane nampa nyuun titah Ida Sang Hyang Widi Wasa, Widin iragane. Tiang jaga nglaksanayang paindikan sane satinut ring pidabdab Torat Ida Sang Hyang Widi Wasa.
4 Sane mangkin rarisang margiang, duaning paindikane punika dados kaonangan semetone. Tiang sareng sami jaga ngiring semeton. Pagehangja pakayunane tur rarisang margiang.”
5
Dane Esra tumuli matangi tur ngandikayang parapangageng pandita, wong Lewi miwah wong Israele makasami mangda masumpah, mungguing dane ipun pacang ngamargiang baose iwau.6 Dane Esra tumuli makaon saking arepan Perhyangan Agunge, tur ngungsi kamar Dane Yohanan okan Dane Elyasib. Irika dane marerepan tur nenten ngajengang roti miwah nginum toya, duaning dane kaduhkitan mangenang jadma sane sampun maselong punika nenten satia.
7
Ring wewidangan Yehuda miwah Yerusaleme raris kadauhang mangda jadmane sane mawali saking paselongan pada mapupul ring Yerusalem.8 Sapasiraja sane tan rauh sajeroning tigang rahina, manut kaputusan pamimpin miwah parapanglingsire, arta branannyane pacang karampas tur ipun kasepekang saking pasamuane sane mawali saking paselongan punika.
9 Sajeroning tigang rahina wong Yehuda miwah Benyamin sane lanang-lanang raris pada mapupul ring Yerusalem. Ipun sami mapupul ring tanggal kalih dasa, sasih sane kaping sia. Rakyate makasami pada negak ring natar Perhyangan Agunge. Ipun sami pada ngetor malantaran indike punika miwah malantaran wenten sabeh bales.
10
Dane Esra tumuli ngadeg saha mabaos ring ipun sapuniki: “Semeton sampun malaksana tan satia, malantaran semeton ngambil anak luh wong sunantara, tur malantaran punika semeton nguuhin kiwangan wong Israele.11 Sane mangkin angkeninja kiwangan semetone ring ayun Ida Sang Hyang Widi Wasa, Widin leluur semetone tur margiangja napi sane arsayang Ida, raris palasangja ragan semetone saking jadma uedane iriki miwah luh-luh sunantarane punika!”
12
Pasamuane makasami tumuli masaur antuk suara jangih sapuniki: “Saking yuakti wantah dados tetegenan tiange buat ngamargiang sapangandikan semetone.13 Nanging jadmane puniki sareng akeh tur sane mangkin nuju masan sabeh kantos anake nenten mrasidayang majujuk ring jabaan. Sajaba punika pakaryane punika nenten jaga puput arahina wiadin kalih rahina, duaning tiang sampun akeh pisan mamurug.
14 Banggayang sampun parapamimpin tiange ngwakilin pasamuane makasami. Asing-asing anak sane maderbe somah wong sunantara, ipun patut rauh ring rahina-rahina sane sampun kapastikayang kasarengin antuk parapanglingsir miwah parahakim sane wenten ring kota-kotannyane. Malantaran indike punika, bendun Ida Sang Hyang Widi Wasa pacang lempas saking tiang sareng sami.”
15 Wantah Dane Yonatan okan Dane Asael miwah Dane Yahseya okan Dane Tikwa sane tan saadung ring kaputusane punika. Dane kasarengin taler antuk Dane Mesulam miwah Dane Sabetai, wong Lewine punika.
16
Tios ring dane punika, makasami anake sane mawali saking paselongan ngamargiang kaputusane punika. Pandita Esra tumuli nyelik makudang-kudang anak, inggih punika pamimpin-pamimpin palingsehan saking asing-asing palingsehan malantaran nyambat pesengannyane makasami. Ring tanggal sane kaping pisan, sasih sane kaping dasa, dane paum buat nureksain paindikane punika.17 Dane muputang indik anak sane ngambil anak luh wong sunantara punika, ring tanggal sane kaping pisan ring sasih sane kaping pisan.
18
Saking pantaran palingsehan parapanditane, sane marabian ring anak luh sunantara, inggih punika: Palingsehan Dane Yosua okan Dane Yosadak, sasarengan ring parasemeton danene, minakadinipun: Dane Maaseya, Elieser, Yarib miwah Gedalya.19 Dane pada majanji jaga malasang rabin danene, tur dane raris ngaturang biri-biri muani makadados aturan pamrastaning dosa miwah kiwangan danene.
20
Saking palingsehan Dane Imer minakadinipun: Dane Hanani miwah Dane Sebaja.21
Palingsehan Dane Harim minakadinipun: Dane Maaseya, Elia, Semaya, Yehiel miwah Dane Usia.22
Palingsehan Dane Pasur minakadinipun: Dane Elyoenai, Maaseya, Ismael, Netaneel, Yosabad miwah Dane Elasa.23
Parawong Lewine minakadinipun: Dane Yosabad, Simei, Kelaya (wiadin Kelita), Petahya, Yuda miwah Dane Elieser.24
Parajuru kidunge: Dane Elyasib. Parajuru gebag kurine minakadinipun: Dane Salum, Telem miwah Dane Uri.25
Wong Israel sane tiosan, minakadinipun palingsehan Dane Peros inggih punika: Dane Ramya, Yesia, Malkia, Miyamin, Eleasar, Malkia miwah Benaya.26
Palingsehan Dane Elam, minakadinipun: Dane Matanya, Sakaria, Yehiel, Abdi, Yeremot miwah Dane Elia.27
Palingsehan Dane Satu inggih punika: Dane Elyoenai, Elyasib, Matanya, Yeremot, Sabad miwah Asisa.28
Palingsehan Dane Bebai minakadinipun: Dane Yohanan, Hananya, Sabai miwah Atlai.29
Palingsehan Dane Bani minakadinipun: Dane Mesulam, Maluk, Adaya, Yasub, Seal miwah Yeremot.30
Palingsehan Dane Pahat-Moab minakadinipun: Dane Adna, Kelal, Benaya, Maaseya, Matanya, Besaleel, Binui miwah Manase.31
[31-32] Palingsehan Dane Harim minakadinipun: Dane Elieser, Yesia, Malkia, Semaya miwah Dane Simeon, Benyamin, Maluk miwah Dane Semarya.32
33
Palingsehan Dane Hasum minakadinipun: Dane Matnai, Matata, Sabad, Elipelet, Yeremai, Manase miwah Simei.34
[34-37] Palingsehan Dane Bani minakadinipun: Dane Maadai, Amram, Uel, Benaya, Bedeya, Keluhu, Wanya, Meremot, Elyasib, Matanya, Matnai miwah Dane Yaasai.35
36
37
38
[38-42] Palingsehan Dane Binui minakadinipun: Dane Simei, Selemya, Natan, Adaya, Maknadbai, Sasai, Sarai, Asareel, Selemnya, Semarya, Salum, Amarya miwah Dane Yusup.39
40
41
42
43
Palingsehan Dane Nebo minakadinipun: Dane Yeiel, Matica, Sabad, Sebina, Yadai, Yoel miwah Benaya.44
Dane ipun pada ngambil anak luh wong sunantara tur anake luh punika makasami sinarengan ring pianak-pianaknyane raris kakenken makaon.