1

1

Dane Adam punika ajin Dane Set, tur Dane Set punika ajin Dane Enos. Dane Enos ajin Dane Kenan,

2 Dane Kenan ajin Dane Mahalaleel, tur Dane Mahalaleel ajin Dane Yared.

3 Dane Yared punika ajin Dane Henoh, sane dados ajin Dane Metusalah. Dane Metusalah punika ajin Dane Lameh,

4 sane dados ajin Dane Nuh, tur Dane Nuh madue oka tetiga, inggih punika Dane Sem, Ham miwah Yapet.

5

Oka-okan Dane Yapet inggih punika Dane Gomer, Magog, Madai, Yawan, Tubal, Mesek miwah Dane Tiras. Dane sareng sami dados leluur bangsa-bangsa sane kawastanin manut pesengannyane suang-suang.

6 Katurunan Dane Gomer inggih punika wong Askenas, Ripat miwah wong Togarma.

7 Katurunan Dane Yawan inggih punika wong Elisa, Spanyol, Siprus miwah wong Rodes.

8

Oka-okan Dane Ham inggih punika Dane Kus, Mesir, Libia miwah Kanaan. Dane sareng sami dados leluur bangsa-bangsa sane kawastanin manut pesengannyane suang-suang.

9 Katurunan Dane Kus inggih punika wong Seba, Hawila, Sabta, Raema miwah Sabteka. Raris katurunan Dane Raema inggih punika wong Seba miwah Dedan.

10 (Dane Kus madue oka lanang adiri mapesengan Nimrod anak sane pangawit madue kakuasan ring jagate.)

11 Katurunan Dane Mesir inggih punika wong Lidia, Ananim, Lehabim, Naptuhim,

12 Patrusim, Kasluhim (inggih punika sane nurunang bangsa Pilistin miwah Kaptorim).

13 Oka-okan Dane Kanaan inggih punika Dane Sidon, sane pinih duur, miwah Dane Het. Dane sareng sami dados leluur bangsa-bangsa sane kawastanin manut pesengannyane suang-suang.

14 Dane Kanaan taler dados leluur wong Yebusi, wong Amori, wong Girgasi,

15 wong Hewi, Arki, Sini,

16 Arwadi, Semari miwah wong Hamati.

17

Oka-okan Dane Sem inggih punika Dane Elam, Asur, Arpaksad, Lud, Aram, Us, Hul, Geter miwah Mesek. Dane sareng sami dados leluur bangsa-bangsa sane kawastanin manut pesengannyane suang-suang.

18 Dane Arpaksad punika ajin Dane Selah, tur Dane Selah punika ajin Dane Eber.

19 Dane Eber madue oka kekalih. Sane asiki mapesengan Peleg, santukan daweg punika jadmane ring jagate mapalas-palasan. Semeton danene mapesengan Yoktan.

20 Katurunan Dane Yoktan inggih punika wong Almodad, Selep, Hasar-Mawet, Yerah,

21 Hadoram, Usal, Dikla,

22 Ebal, Abimael, Seba,

23 Opir, Hawila miwah Yobab.

24

Garis pasemetonan ngawit saking Dane Sem rauh ring Dane Abram inggih punika sakadi ring sor puniki: Dane Sem, Arpaksad, Selah,

25 Eber, Peleg, Rehu,

26 Serug, Nahor, Terah,

27 Abram wiadin Abraham.

28

Dane Abraham madue oka kekalih, inggih punika Dane Ishak miwah Ismael.

29 Oka-okan Dane Ismael inggih punika: Nebayot (okan Dane Ismael sane pinih duur), Kedar, Adbeel, Mibsam,

30 Misma, Duma, Masa, Hadad, Tema,

31 Yetur, Napis miwah Kedma.

32

Dane Abraham madue selir sane mapesengan Ketura, sane ngembasang oka nemnem, inggih punika: Simran, Yoksan, Medan, Midian, Isbak miwah Suah. Dane Yoksan madue oka kekalih, inggih punika Seba miwah Dedan.

33 Dane Midian madue oka lelima, inggih punika Epa, Eper, Henoh, Abida miwah Eldaa.

34

Dane Ishak, putran Dane Abraham madue oka kekalih, inggih punika: Dane Esau miwah Dane Israel.

35 Oka-okan Dane Esau inggih punika: Elipas, Rehuel, Yeus, Yaelam miwah Korah.

36 Dane Elipas punika dados leluur suku-suku bangsa sakadi ring sor puniki: Suku Teman, Omar, Sepi, Gaetam, Kenas, Timna miwah Amalek.

37 Tur Dane Rehuel dados leluur suku-suku bangsa: Nahat, Serah, Sama miwah Misa.

38

[38-42] Indik penduduk jagat Edome sane asli, inggih punika katurunan saking oka-okan Dane Seir, minakadinipun:

Lotan sane dados leluur palingsehan Hori miwah Homam. (Dane Lotan madue semeton istri mapesengan Timna.)

Dane Sobal punika leluur palingsehan Alyan, Manahat, Ebal, Sepi miwah Onam.

Dane Sibeon madue oka kekalih inggih punika: Aya miwah Ana. Dane Ana punika ajin Dane Dison, tur Dane Dison punika leluur palingsehan Hamran, Esban, Yitran miwah Keran.

Dane Eser punika leluur palingsehan Dane Bilhan, Saawan miwah Yaakan. Dane Disan punika leluur palingsehan Us miwah Aran.

39

40

41

42

43

[43-50] Pararatu sane mrentah panegara Edom sadurunge ring panegara Israel wenten ratu, saking pangawit miwah sapangrarisipun inggih punika Ida Sang Prabu Bela okan Ida Sang Prabu Beor sane saking Dinhaba, Ida Sang Prabu Yobab okan Ida Serah saking Bosra. Ida Sang Prabu Husam saking wewengkon Teman, Ida Sang Prabu Hadad okan Ida Bedad saking Awit (ida ngaonang bangsa Midian daweg yudane ring panegara Moab), Ida Sang Prabu Samla saking Masreka. Ida Sang Prabu Saul saking Rehobot sane ring sisin tukade. Ida Sang Prabu Baal-Hanan okan Ida Akbor, Ida Sang Prabu Hadad saking Pahi, rabin idane inggih punika Mehetabeel, oka istri saking Dane Matred miwah putu saking Dane Mesahab.

44

45

46

47

48

49

50

51

Bangsa Edome punika kaepah dados suku-suku bangsa kadi ring sor inggih punika: Timna, Alya, Yetet,

52 Oholibama, Ela, Pinon,

53 Kenas, Teman, Mibsar,

54 Magdiel miwah Iram.

2

1

Dane Yakub madue oka roras inggih punika: Ruben, Simeon, Lewi, Yehuda, Isakar, Sebulon,

2 Dan, Yusup, Benyamin, Naptali, Gad miwah Aser.

3

Okan Dane Yehuda makasami wenten lelima. Oka saking rabine sane mapesengan Sua wong Kanaane punika wenten tetiga, inggih punika: Er, Onan miwah Sela. Dane Er, okan danene pinih duur kalangkung jaat, mawinan dane raris kasedayang antuk Ida Sang Hyang Widi Wasa.

4 Saking Tamar, pecak mantun danene, dane polih oka kekalih, inggih punika Peres miwah Serah.

5

Dane Peres madue oka kekalih, inggih punika: Hesron miwah Hamul.

6 Dane Serah semeton danene madue oka lelima, inggih punika: Simri, Etan, Heman, Kalkol miwah Darda.

7 Dane Akan okan Dane Karmi, salah tunggal saking katurunan Dane Serah sampun ngrauhang bencana ageng buat bangsa Israel malantaran antuk ngengkebang barang rampasan sane patut katurang ring Ida Sang Hyang Widi Wasa.

8

Dane Etan madue oka asiki, inggih punika Asarya.

9

Dane Hesron madue oka tetiga, inggih punika Yerahmeel, Ram miwah Kaleb.

10

Silsilah ngawit saking Dane Ram kantos rauh ring Dane Isai asapuniki: Ram, Aminadab, Nahason, (salah tunggil pamimpin suku Yehudane),

11 Salmon, Boas,

12 Obed miwah Isai.

13

Dane Isai madue oka pepitu, inggih punika Dane Eliab, Abinadab, Simea,

14 Netaneel, Radai,

15 Osem miwah Daud.

16 Dane taler madue oka istri kekalih, inggih punika Seruya miwah Abigail.

Dane Seruya okan Dane Isai sane istri madue oka lanang tetiga, inggih punika Abisai, Yoab miwah Asael.

17 Dane Abigail marabian ring Dane Yeter satunggaling anak katurunan Dane Ismael, tur dane madue oka kapesengin Amasa.

18

Dane Kaleb, okan Dane Hesron ngambil rabi mapesengan Asuba raris madue oka istri mapesengan Yeriot. Dane madue oka lanang tetiga inggih punika: Yeser, Sobab miwah Ardon.

19 Sasampune Dane Asuba seda, Dane Kaleb malih ngambil rabi sane mapesengan Eprat, tur dane madue oka lanang asiki kapesengin Hur.

20 Dane Hur maputra Uri, tur Dane Uri maputra Besaleel.

21

Ritatkala Dane Hesron mayusa nem dasa warsa, dane malih ngambil rabi semeton Dane Gilead oka istri saking Dane Makir. Dane polih oka lanang asiki kaparabin Segub.

22 Dane Segub maputra lanang asiki kapesengin Yair. Dane Yair mrentah kota tigalikur akehipun ring wewengkon Gilead.

23 Nanging kaprabon-kaprabon sane wenten ring Gesur miwah sane ring Aram ngrampas desa-desannyane nem dasa akehipun. Samaliha dane taler ngrampas desa-desa druen Dane Yair miwah Dane Kenat makamiwah desa-desa sailehnyane. Sakancan jadmane sane magenah ring desa-desa punika sami katurunan Dane Makir, ajin Dane Gilead.

24 Sasampune Dane Hesron seda, Dane Kaleb, okan danene raris ngambil Dane Eprat, baluan ajin danene kanggen rabi. Saking rabine punika Dane Kaleb polih oka lanang asiki kaparabin Asur sane ngwangun kota Tekoa.

25

Dane Yerahmeel, okan Dane Hesron sane pinih duura, madue oka lanang lelima, inggih punika: Ram, sane pinih duur, raris Buna, Oren, Osem miwah Ahia.

26 [26-27] Dane Ram madue oka lanang tetiga, inggih punika: Maas, Yamin miwah Eker. Dane Yerahmeel malih ngambil rabi tiosan, sane mapesengan Atara. Saking rabine punika dane molih oka lanang adiri, kapesengin Onam.

27

28 Dane Onam madue oka lanang kekalih inggih punika Samai miwah Yada. Dane Samai taler madue oka lanang kekalih, kapesengin Nadab lan Abisur.

29

Dane Abisur ngambil rabi, anak istri sane mapesengan Abihail. Dane madue oka lanang kekalih, inggih punika: Ahban, miwah Molid.

30 Dane Nadab rakan Dane Abisur madue oka lanang kekalih, mapesengan Seled miwah Apaim. Nanging Dane Seled seda saha nenten madue putra lanang.

31 Dane Apaim punika ajin Dane Yisei, tur Dane Yisei punika ajin Dane Sesan, tur Dane Sesan punika ajin Dane Ahlai.

32

Dane Yada, semeton Dane Samai, madue oka kekalih, inggih punika Yeter miwah Yonatan. Nanging Dane Yeter seda tur nenten madue oka lanang.

33 Dane Yonatan madue oka lanang kekalih, kapesengin Pelet miwah Sasa. Punika makasami katurunan Dane Yerahmeel.

34

Dane Sesan nenten madue oka lanang, wantah madue oka istri-istri kewanten. Dane madue parekan bangsa Mesir sane mawasta Yarha.

35 Salah tunggal okane istri punika kaparabiang ring parekane punika. Okan Dane Sesan sane marabian ring parekane punika madue oka lanang asiki kapesengin Atai.

36 Garis katurunan Dane Atai rauh ring Dane Elisama, inggih punika: Atai, Natan, Sabad,

37 Eplal, Obed,

38 Yehu, Asarya,

39 Heles, Elasa,

40 Sismai, Salum,

41 Yekamia miwah Elisama.

42

Okan Dane Kaleb sane lanang sane pinih duura, semeton Dane Yerahmeel mapesengan Mesa. Dane Mesa punika ajin Dane Sip, tur Dane Sip ajin Dane Maresa, Dane Maresa ajin Dane Hebron.

43 Dane Hebron madue oka lanang patpat, inggih punika Korah, Tapuah, Rekem miwah Sema.

44 Dane Sema punika ajin Dane Raham tur kakiang Dane Yorkeam. Dane Rekem semeton Dane Sema maputra Samai,

45 tur Dane Samai maputra Maon, tur Dane Maon maputra Betsur.

46

Dane Kaleb madue selir mapesengan Epa. Saking selir danene puniki dane polih oka lanang malih tetiga, inggih punika: Haran, Mosa miwah Gases. Nanging Dane Haran taler madue oka mapesengan Gases.

47

(Wenten anak mapesengan Yohdai madue oka nemnem inggih punika: Regem, Yotam, Gesan, Pelet, Epa miwah Saap.)

48

Dane Kaleb malih madue selir lianan sane mapesengan Maaka. Saking selire puniki dane molih oka lanang kekalih, inggih punika Seber miwah Tirhana.

49 Sasampune sue dane malih polih oka lanang malih kekalih inggih punika Saap, sane ngwangun desa Madmana miwah Dane Sewa sane ngwangun desa Makbena miwah Gibea.

Dane taler polih oka istri kaparabin Aksa.

50

Sapanglanturipun, puniki taler katurunan Dane Kaleb.

Dane Hur okan Dane Kaleb sane pinih duur saking rabine sane mapesengan Eprat. Dane Sobal okan Dane Hur ngwangun Kiryat-Yearim.

51 Dane Salma okan danene sane madenan ngwangun Betlehem, tur Harep okane sane nyomanan ngwangun Bet-Gader.

52

Dane Sobal sane ngwangun Kiryat-Yearim dados leluur bangsa Haroe miwah atenga saking rakyat Menuhot.

53 Samaliha palingsehan danene sane magenah ring Kiryat-Yearim, inggih punika palingsehan Yetri, palingsehan Puti, Sumati miwah Misrai. (Jadma sane magenah ring kota Sora miwah kota Estaol taler ngranjing ring palingsehane punika.)

54

Dane Salma, anak sane ngwangun Betlehem, sane dados leluur wong Netopa, wong Atarot-Bet-Yoab miwah wong Sori sinalih tunggil saking palingsehan sane magenah ring Manahti.

55

(Palingsehan-palingsehan sane ring sor puniki, palingsehan anak sane pradnyan ring sastra magenah ring kota Yabes, inggih punika palingsehan Tirati, Simati miwah Sukati. Palingsehan-palingsehane punika sujatinipun wong Keni sane sampun saling juang kajuang sareng wong Rekab.)

3

1

[1-3] Puniki paraputran Ida Sang Prabu Daud sane embas ritatkala ida malinggih ring Hebron. Sane pinih duura sane embas saking rabin idane sane mapesengan Ahinoam, anak istri saking Yisreel kapesengin Amnon. Sane kaping kalih embas saking rabin idane sane mapesengan Abigail anak istri saking Karmel kapesengin Daniel. Sane kaping tiga sane embas saking rabin idane sane mapesengan Maaka, okan Ida Sang Prabu Talmai, ratune ring Gesur, kapesengin Absalom. Sane kaping pat kapesengin Adonia, oka sane saking rabin idane sane mapesengan Hagit, tur oka sane kaping lima kapesengin Sepaca embas saking rabin idane sane mapesengan Abital. Oka sane kaping nem kapesengin Yitream sane embas saking rabin idane sane mapesengan Egla.

2

3

4 Dadosipun sajeroning pitung warsa nanggu nem sasih ida madeg prabu ring Hebron, Ida Sang Prabu Daud madue oka nemnem.

Ring Yerusalem ida jumeneng prabu tigang dasa tiga warsa suenipun,

5 tur irika ida madue oka akeh pisan.

Saking rabin idane sane mapesengan Batseba, oka istri saking Dane Amiel, ida polih oka patpat, inggih punika: Simea, Sobab, Natan miwah Salomo.

6

Okan idane sane siosan malih asia, inggih punika Ida Yibar, Elisua, Elipelet,

7 Nogah, Nepeg, Yapia,

8 Elisama, Elyada miwah Elipelet.

9 Punika makasami putran Ida Sang Prabu Daud. Ida taler madue oka saking selir-selir idane. Ida taler madue oka istri asiki kapesengin Tamar.

10

Puniki katurunan Ida Sang Prabu Salomo ngawit saking ajin idane rauh ring katurunan idane sane mapesengan Yosia inggih punika: Salomo, Rehabeam, Abia, Asa, Yosapat,

11 Yoram, Ahasia, Yoas,

12 Amasia, Asarya, Yotam,

13 Ahas, Hiskia, Manase,

14 Amon lan Yosia.

15 Ida Yosia madue oka patpat inggih punika Yohanan, Yoyakim, Sedekia miwah Yoahas.

16 Ida Yoyakim madue oka kekalih, inggih punika Yoyakin miwah Sedekia.

17

Puniki katurunan Ida Sang Prabu Yoyakin sane katawan antuk bangsa Babele. Ida Sang Prabu Yoyakin madue oka pepitu, inggih punika Ida Sealtiel,

18 Malkiram, Pedaya, Senasar, Yekamia, Hosama miwah Nedabia.

19 Ida Pedaya madue oka kekalih, inggih punika Serubabel, miwah Simei. Ida Serubabel madue oka kekalih inggih punika Mesulam miwah Hananya, tur oka istri asiki kapesengin Selomit.

20 Ida taler madue oka tiosan malih lelima inggih punika: Hasuba, Ohel, Berekia, Hasaja miwah Yusab-Hesed.

21

Ida Hananya madue oka kekalih, inggih punika Ida Pelaca miwah Yesaya. Ida Yesaya madue oka Repaya, Ida Repaya madue oka Arnan, Ida Arnan madue oka Obaja, Ida Obaja madue oka Sekanya.

22 Ida Sekanya madue oka lanang asiki inggih punika Ida Semaya, tur Ida Semaya madue oka lanang lelima, inggih punika: Ida Hatus, Yigal, Bariah, Nearya miwah Sapat.

23 Ida Nearya madue oka lanang tetiga inggih punika: Elyoenai, Hiskia miwah Asrikam.

24 Ida Elyoenai madue oka lanang pepitu, inggih punika: Hodawia, Elyasib, Pelaya, Akub, Yohanan, Delaya miwah Anani.

4

1

Puniki wenten makudang-kudang katurunan Dane Yehuda inggih punika: Peres, Hesron, Karmi, Hur miwah Sobal.

2 Dane Sobal maputra Reaya, Reaya maputra Yahat, Yahat maputra Ahumai miwah Lahad sane dados leluur jadmane sane magenah ring Sora.

3

[3-4] Dane Hur punika okan Dane Kaleb saking rabin danene sane mapesengan Eprat, tur katurunan danene sane ngwangun kota Betlehem. Dane Hur madue oka lanang tetiga inggih punika: Etam, Pnuel miwah Eser. Dane Etam madue oka lanang tetiga inggih punika: Yisreel, Isma miwah Idbas. Dane madue oka istri asiki kapesengin Haselelponi. Dane Pnuel ngwangun kota Gedor, tur Dane Eser ngwangun kota Husa.

4

5

Dane Asur, sane ngwangun kota Tekoa, madue rabi kekalih, inggih punika Hela miwah Naara.

6 Saking Dane Naara Dane Asur polih oka lanang patpat, inggih punika Ahusam, Heper, Temeni miwah Ahastari.

7 Saking Dane Hela Dane Asur polih oka lanang tetiga, inggih punika Seret, Yisar miwah Etnan.

8

Dane Kos punika ajin Dane Anub miwah Dane Hasobeba, dados leluur katurunan Dane Aharhel okan Dane Harum.

9

Wenten anak mapesengan Yabes. Dane kajiang langkungan ring parasemeton danene. Biang danene marabin Dane Yabes, santukan daweg dane kembasang, biang danene nyakit abot pisan.

10 Nanging Dane Yabes raris ngastawa ring Widin bangsa Israele, sapuniki: “Duh Ratu Sang Hyang Widi Wasa mertaninja titiang tur icenja titiang tanah sane linggah. Hianginja titiang tur sayubinja titiang saking saananing kadursilan sane ngawinang titiang nandang pinakit.” Ida Sang Hyang Widi Wasa raris nagingin pinunas danene.

11

Dane Kaleb, semeton Dane Suha, madue oka lanang asiki, kaparabin Mehir. Dane Mehir punika ajin Dane Eston.

12 Dane Eston madue oka lanang tetiga, inggih punika: Bet-Rapa, Paseah miwah Tehina. Dane Tehina punika sane ngwangun kota Nahas. Katurunan sang tiga magenah ring kota Reka.

13

Dane Kenas madue putra lanang kekalih, inggih punika Otniel miwah Seraya. Dane Otniel taler madue oka lanang kekalih, inggih punika: Hatat miwah Meonotai.

14 Dane Meonotai punika ajin Dane Opra.

Dane Seraya punika ajin Dane Yoab, sane ngwangun Lebak Paratukang genah sawatek jadmane sane uning nukang.

15

Dane Kaleb okan Dane Yepune madue oka lanang tetiga, inggih punika: Iru, Ela miwah Naam. Dane Ela punika ajin Dane Kenas.

16

Dane Yehaleleel madue oka lanang patpat, inggih punika: Sip, Sipa, Tireya miwah Asareel.

17

[17-18] Dane Esra madue oka lanang patpat inggih punika: Yeter, Mered, Eper miwah Yalon. Dane Mered ngambil rabi mapesengan Bica, putrin sang prabu ring Mesir. Saking anake istri puniki Dane Mered polih oka istri asiki kapesengin Miryam, miwah oka lanang kekalih, kapesengin Samai miwah Yisba. Dane Yisba punika sane ngwangun kota Estemoa. Dane Mered taler ngambil anak istri saking suku Yehuda tur saking anake istri puniki dane madue oka tetiga, inggih punika: Dane Yered, sane ngwangun kota Gedor, Dane Heber sane ngwangun kota Soko miwah Dane Yekutiel sane ngwangun kota Sanoah.

18

19

Dane Hodia ngambil semeton Dane Naham sane istri. Katurunan danene sane dados palingsehan Garmi sane magenah ring kota Kehila, tur palingsehan Maaka, sane magenah ring kota Estemoa.

20

Dane Simon madue oka lanang patpat, inggih punika: Amnon, Rina, Benhanan miwah Tilon.

Dane Yisei madue oka lanang kekalih, inggih punika Sohet miwah Ben-Sohet.

21

Dane Sela punika salah tunggal saking okan Dane Yehuda. Sane maug dados katurunan danene inggih punika Dane Er sane ngwangun kota Leka, Dane Lada sane ngwangun kota Maresa, palingsehan anake sane nunun wastra lenen, sane magenah ring desa Bet-Asbea,

22 Dane Yokim miwah anake sane magenah ring desa Koseba miwah Yoas lan Sarap, sane ngambil anak istri bangsa Moab raris mawali tur malinggih ring Betlehem. (Daptare puniki kambil saking catetan sane sampun lawas pisan.)

23 Pakaryan anake punika sami dados tukang payuk druen sang prabu tur magenah ring kota Netaim miwah ring kota Gedera.

24

Dane Simeon madue oka lanang lelima, inggih punika: Nemuel, Yamin, Yarib, Serah miwah Saul.

25 Okan Dane Saul inggih punika: Salum, putun danene inggih punika: Mibsam, tur kompiang danene inggih punika: Misma.

26 Raris katurunan Dane Misma inggih punika: Dane Hamuel, Sakur miwah Dane Simei.

27 Dane Simei madue oka lanang nembelas miwah oka istri nemnem, nanging semeton-semeton danene madue oka akidik. Samaliha suku Simeone nenten endah sakadi suku Yehudane.

28

Rauh ring masan Ida Sang Prabu Daud, katurunan Dane Simeon magenah ring kota-kota sane inucap ring sor puniki: Berseba, Molada, Hasar-Sual,

29 Bilha, Esem, Tolad,

30 Betuel, Horma, Siklag,

31 Bet-Markabot, Hasar-Susim, Bet-Biri miwah Saaraim.

32 Dane taler magenah ring limang genah sane tiosan, inggih punika: Etam, Ain, Rimon, Token miwah Asan,

33 miwah ring desa-desa ring sailehnyane, ngelod kauhang rauh ring kota Baal. Kadi asapunika silsilah Dane Simeon miwah genah-genah sane genahin dane.

34

[34-38] Anake sane sinurat ring sor puniki makadados panglingsir palingsehan suku Simeone inggih punika: Mesobab, Yamlek, Yosa okan Dane Amasia, Yoel, Yehu (okan Dane Yosibia, putun Dane Seraya, kompiang Dane Asiel), Elyoenai, Yaakoba, Yesohaya, Asaya, Adiel, Yesimiel, Benaya, Sisa (okan Dane Sipei, putun Dane Alon, katurunan Dane Yedaya, Simri miwah Semaya).

Duaning pasemetonan danene tansah ngakehang,

35

36

37

38

39 dane sayan sumebar ngauhang kantos rauh ring Gedor tur ngangonang ingon-ingon danene ring lebake dangin kotane punika.

40 Dane manggihin genah pangonan sane subur tur linggah irika. Genahe punika linggah, aman tur ngulangunin. Jadmane sane pecak magenah irika inggih punika bangsa Ham.

41

Duk panyeneng Ida Sang Prabu Hiskia ring Yehuda anake sane inucap ring ajeng pada mamargi ka Gerar tur nyirnayang kemah-kemah miwah pondok-pondok jadmane sane magenah irika. Anake punika ngulah rakyate irika tur dane raris magumana irika santukan irika akeh wenten genah pangonan pabuat biri-birin danene.

42 Suku Simeone sane lianan sareng limang atus diri mamargi nganginang ka pagunungan Seir. Dane kapimpin antuk oka-okan Dane Yisei sane lanang-lanang inggih punika: Dane Pelaca, Nearya, Repaya miwah Usiel.

43 Irika dane ngamademang sisan bangsa Amaleke sane kantun urip, tur dane raris malinggih irika rauh mangkin.

5

1

Puniki katurunan Dane Ruben okan Dane Yakub sane pinih duura. (Santukan Dane Ruben sampun ngamitrain salah tunggal saking selir ajin danene, punika awinan linggih danene dados oka sane pinih duur kambil tur kaserahang ring Dane Yusup.

2 Nanging suku Yehuda sane dados pinih kuat tur kamanggehang mrentah sakancan suku bangsa Israele.)

3 Dane Ruben okan Dane Yakub sane pinih duur, madue oka lanang patpat inggih punika: Dane Henoh, Palu, Hesron miwah Karmi.

4

[4-6] Puniki katurunan Dane Yoel turun-temurun, inggih punika: Dane Semaya, Gog, Simei, Mika, Reaya, Baal miwah Beera. Ida Sang Prabu Tiglat-Pileser, ratun wong Asure ngejuk tur nyelong Dane Beera sane dados pamimpin suku Rubene.

5

6

7

Cacakan kulawarga sane dados pamimpin ring pantaran suku Ruben, inggih punika: Dane Yeiel, Sakaria,

8 Bela okan Dane Asas, putun Dane Sema saking palingsehan Yoel. Palingsehane puniki magenah ring kota Aroer miwah sajeroning wewidangannyane ngawit saking irika ngalerang rauh ring Nebo miwah Baal-Meon.

9 Dane madue ingon-ingon akeh pisan ring tanah Gilead. Dadosipun dane sareng sami magenah ring tegal melakange sane bedangin sane nglajur ngantos rauh ring Tukad Eprate.

10

Duk Ida Sang Prabu Saul jumeneng prabu, suku Ruben ngebug wong Hagri. Wong Hagrine punika kapademang ring payudan, tur guminnyane sane wenten ring dangin Gileade raris kambil tur kaug.

11

Suku Gad magenah ring sisi kaler genah suku Rubene, inggih punika ring tanah Basan nganginang rauh ring Salka.

12 Dane Yoel punika dados leluur pamimpin palingsehane punika, tur Dane Sapam dados leluur pamimpin sane nomer kalih ring palingsehan punika. Dane Yaenai miwah Dane Sapat dados pamimpin palingsehan sane lianan ring tanah Basan.

13 Palingsehan-palingsehan sane tiosan sane dados warga suku Gad, inggih punika: Mikael, Mesulam, Seba, Yorai, Yakan, Sia miwah Eber.

14 Dane sareng sami punika katurunan Dane Abihail okan Dane Huri, sane leluurnyane duke nguni sapuniki: Abihail, Huri, Yaroah, Gilead, Mikael, Yesisai, Yahdo, Bus.

15 Dane Ahi okan Dane Abdiel putun Dane Guni, sane dados pamimpin palingsehan puniki.

16 Dane magenah ring wewidangan tanah Basan miwah Gilead. Dane magenah ring kota-kotane irika miwah ring tegal pangonane ring tanah Saron.

17 (Silsilahe puniki kakardi ritatkala Ida Sang Prabu Yotam jumeneng nata ring Yehuda miwah Ida Sang Prabu Yerobeam madeg ratu ring Israel.)

18

Ring sajeroning suku Ruben, Gad miwah Manase sane dangin tukad, wenten prajurit petang dasa patpat tali pitung atus nem dasa diri akehipun, sane pascad migunayang tameng, pedang miwah panah.

19 Dane pada mayuda nglawan bangsa Hagri inggih punika suku-suku Yetur, Napis miwah Nodab.

20 Dane pada pracaya ring Ida Sang Hyang Widi Wasa tur ngastawa nunas pitulungan Idane, tur Ida Sang Hyang Widi Wasa nagingin pinunas danene, mawinan dane raris menang nglawan bangsa Hagri miwah parakantinnyane.

21 Saking meseh-meseh danene, dane ngrampas unta seket tali, biri-biri satak seket tali, keledae kalih tali, tur nawan meseh satus tali akehipun.

22 Dane ngamademang meseh danene akeh pisan, santukan Ida Sang Hyang Widi Wasa sane ngarsayang yudane punika. Dane raris magenah ring jagate punika kantos rauh ring masan danene kaselong.

23

Suku Manase sane dangin Tukad Yordane magenah ring wewidangan tanah Basan nganginang rauh ring Baal-Hermon, Senir miwah Gunung Hermon. Cacah jiwannyane maweweh-weweh akeh pisan.

24 Sane sinurat ring sor puniki dados parapamimpin palingsehannyane inggih punika: Dane Eper, Yisei, Eliel, Asriel, Yeremia, Hodawia miwah Yahdiel. Dane sareng sami punika dados parapamimpin prajurit, sane kabinawa ring palingsehan-palingsehannyane.

25

Nanging rakyate makasami nenten satia ring Widin leluurnyane raris nilar Ida tumuli nyungsung widi-widin parabangsa sane sampun kulah antuk Ida Sang Hyang Widi Wasa saking guminipune.

26 Duaning punika Ida Sang Hyang Widi Wasa raris nyelik Ida Sang Prabu Pul ratune ring Asur inggih punika Ida Sang Prabu Tiglat-Pileser buat ngebug guminnyane. Sang nata ratu raris nyelong suku-suku Ruben, Gad miwah Manase dangin tukad, tumuli kagenahang ring kota Halah, Habor miwah Hara makamiwah ring sisin Tukad Gosane.

6

1

Dane Lewi madue putra tetiga, inggih punika: Dane Gerson, Kehat miwah Merari.

2

Dane Kehat madue putra patpat, inggih punika: Dane Amram, Yisar, Hebron miwah Dane Usiel.

3

Dane Amram madue putra lanang kekalih, inggih punika: Dane Harun miwah Dane Musa, tur oka istri asiki sane mapesengan Miryam.

Dane Harun madue putra patpat, inggih punika: Dane Nadab, Abihu, Eleasar miwah Dane Itamar.

4

Katurunan Dane Eleasar turun-temurun inggih punika: Pinehas, Abisua,

5 Buki, Usi,

6 Seraya, Merayot,

7 Amarya, Ahitub,

8 Sadok, Ahimas,

9 Asarya, Yohanan,

10 Asarya (sane ngancangin ring Perhyangan Agung, sane kawangun antuk Sang Prabu Salomo ring Yerusalem),

11 Amarya, Ahitub,

12 Sadok, Salum,

13 Hilkia, Asarya,

14 Seraya, Yosadak.

15 Ida Sang Hyang Widi Wasa manggayang Dane Yosadak sareng-sareng ring wong Yehuda miwah wong Yerusalem sane lianan kaselong antuk Ida Sang Prabu Nebukadnesar.

16

Dane Lewi maputra tetiga inggih punika: Dane Gerson, Kehat, miwah Dane Merari.

17 Dane suang-suang pada madue putra. Dane Gerson maputra Libni miwah Simei.

18 Dane Kehat maputra Amram, Yisar, Hebron miwah Usiel.

19 Dane Merari maputra Mahli miwah Musi.

20

Puniki katurunan Dane Gerson turun-temurun inggih punika Libni, Yahat, Sima,

21 Yoah, Ido, Serah, Yeatrai.

22

Puniki katurunan Dane Kehat turun-temurun inggih punika: Aminadab, Korah, Asir,

23 Elkana, Ebyasap, Asir,

24 Tahat, Uriel, Usia, Saul.

25

Dane Elkana madue putra kekalih inggih punika: Dane Amasai miwah Ahimot.

26 Puniki katurunan Dane Ahimot turun-temurun inggih punika: Elkana, Sopai, Nahat,

27 Eliab, Yeroham, Elkana.

28

Dane Samuel madue putra kekalih inggih punika: Dane Yoel sane duuran miwah Dane Abia sane alitan.

29

Puniki katurunan Dane Merari turun-temurun inggih punika: Mahli, Libni, Simei, Usa,

30 Simea, Hagia miwah Asaya.

31

Puniki anak sane kapisarain antuk Ida Sang Prabu Daud buat mimpin juru kidunge ring Perhyangan Agung ring Yerusalem, sasampun Peti Prajanjiane kagenahang irika.

32 Dane sareng sami ngamargiang tetegennyane ring Kemah Linggih Ida Sang Hyang Widi Wasa manut gilirannyane sadurung Ida Sang Prabu Salomo ngwangun Perhyangan Agunge.

33 Anake sane ngamargiang tetegenane punika, inggih punika: saking palingsehan Dane Kehat, Dane Heman, putran Dane Yoel dados pamimpin klompok juru kidung sane kaping pisan.

Silsilah danene kantos rauh ring Dane Yakub inggih punika: Heman, Yoel, Samuel,

34 Elkana, Yeroham, Eliel, Toah,

35 Sup, Elkana, Mahat, Amasai,

36 Elkana, Yoel, Asarya, Sepanya,

37 Tahat, Asir, Ebyasap, Korah,

38 Yisar, Kehat, Lewi, Yakub.

39

Dane Asap dados pamimpin klompok juru kidung sane kaping kalih. Silsilah danene ngantos rauh ring Dane Lewi inggih punika: Dane Asap, Berekya, Simea,

40 Mikael, Baaseya, Malkia,

41 Etai, Serah, Adaya,

42 Etan, Sima, Simei,

43 Yahat, Gerson, Lewi.

44

Dane Etan saking palingsehan Merari punika dados pamimpin klompok juru kidung sane kaping tiga. Silsilah danene kantos rauh ring Dane Lewi inggih punika: Dane Etan, Kisi, Abdi, Maluk,

45 Hasabya, Amasia, Hilkia,

46 Amsi, Bani, Semer,

47 Mahli, Musi, Merari, Lewi.

48

Parasemeton danene, warga suku Lewi sane lianan kapisara ngamargiang pakaryan sane tiosan ring Perhyangan Agung.

49

Dane Harun miwah paraputran danene kapisara ngaturang aturan menyan miwah ngaturang aturan-aturan maborbor ring pamorboran aturane. Dane sane madue tetegenan ngeniang indik sakancan upacara sane kamargiang ring genahe sane Maha Suci miwah indik sakancan aturan ring Ida Sang Hyang Widi Wasa sane ngawinang Ida ledang ngampurayang dosan bangsa Israele. Dane sareng sami ngamargiang sakancan indike punika anut ring sane sampun kaprentahang antuk Dane Musa, parekan Ida Sang Hyang Widi Wasa.

50 Puniki silsilah Dane Harun, inggih punika: Dane Eleasar, Pinehas, Abisua,

51 Buki, Usi, Seraya,

52 Merayot, Amarya, Ahitub,

53 Sadok miwah Ahimas.

54

Puniki wewidangan sane kapaicayang buat palingsehan Dane Kehat katurunan Dane Harun. Dane polih bagian sane kapingarep saking tanah sane kapaicayang buat suku Lewi.

55 Wewidangannyane rauh ring Hebron miwah ring wewidangan suku Yehuda miwah tegal pangonan sane ring kiwa tengennyane.

56 Nanging tegal miwah desa-desa sane ngranjing ring wewidangan kotane punika kapaicayang ring Dane Kaleb putran Dane Yepune.

57 [57-59] Kota-kota sane kapaicayang ring katurunan Dane Harun inggih punika: Kota Hebron sane dados kota pasayuban, kota Yatir, miwah kota-kota ring Libna, Estemoa, Hilen, Debir, Asan miwah Bet-Semes rauh ka tegal pangonannyane makasami.

58

59

60 Ring wewidangan suku Benyamin dane kapaicain kota-kota rauh ka tegal pangonannyane inggih punika: Kota Geba, Alemet miwah Anatot. Kota-kotane makatelulas punika dados genah danene sareng-sareng ring kulawargan danene.

61 Malantaran mulang undi, kulawarga-kulawarga palingsehan Dane Kehat sane tiosan kapaicain kota adasa ring wewidangan suku Manase dauh tukad.

62

Kulawarga-kulawarga palingsehan Dane Gerson polih kota telulas ring wewidangan suku Isakar, suku Aser, suku Naptali miwah saking suku Manase sane ring Basan, dangin Tukad Yordane.

63 Taler malantaran mulang undi kulawarga-kulawarga palingsehan Dane Merari polih kota-kota roras ring wewidangan suku Ruben, Gad miwah Sebulon.

64 Kadi asapunika indiknyane bangsa Israel maicayang kota-kota rauh ring tegal-tegal pangonan sane wenten ring kiwa tengennyane pabuat dados genah suku Lewine.

65 (Kota-kota ring wewidangan suku Yehuda, suku Simeon, suku Benyamin sakadi inucap ring ajeng, taler kapaicayang malantaran mulang undi.)

66

Makudang-kudang saking palingsehan Dane Kehat kapaicain kota-kota rauh ring tegal pangonannyane ring wewidangan suku Epraim,

67 inggih punika: Sikem sane dados kota pasayuban, ring pagunungan Epraim, kota Geser,

68 kota Yokmeam, Bet-Horon,

69 Ayalon miwah kota Gat-Rimon.

70 Ring wewidangan suku Manase dauh tukad, suku Lewi kapaicain kota-kota Aner miwah kota Bileam rauh ring tegal pangonan sane ring kiwa tengennyane.

71

Kulawarga-kulawarga saking palingsehan Dane Gerson, kapaicain kota-kota rauh ring tegal pangonan sane ring kiwa tengennyane inggih punika:

Ring wewidangan suku Manase dangin tukad, dane polih kota Golan ring Basan miwah kota Astarot.

72

Ring wewidangan suku Isakar, dane polih kota Kedes, kota Daberat,

73 kota Ramot miwah kota Anem.

74

Ring wewidangan suku Aser, dane polih kota Masal, kota Abdon,

75 kota Hukok miwah kota Rehob.

76

Ring wewidangan suku Naptali, dane polih kota Kedes sane ring Galilea, kota Hamon miwah kota Kiryataim.

77

Kulawarga-kulawarga saking palingsehan Dane Merari sane tiosan polih kota rauh ring tegal pangonan sane wenten ring kiwa tengennyane, inggih punika:

Ring wewidangan suku Sebulon, dane polih kota Rimono miwah kota Tabor.

78

Ring wewidangan suku Ruben, sane dangin Tukad Yordane sane nenten doh saking kota Yeriko, dane polih kota Beser sane ring tegal melakange, kota Yahas,

79 Kedemot miwah kota Mepaat.

80

Ring wewidangan suku Gad, dane polih kota Ramot sane ring Gilead, kota Mahanaim,

81 kota Hesbon miwah kota Yaeser.

7

1

Dane Isakar madue putra lanang-lanang patpat, inggih punika: Dane Tola, Pua, Yasub miwah Dane Simron.

2

Dane Tola madue putra lanang nemnem inggih punika: Dane Usi, Repaya, Yeriel, Yahmai, Yibsam miwah Dane Samuel. Dane sareng sami makadados pamimpin kulawarga-kulawarga sajeroning palingsehan Dane Tola tur dados prajurit-prajurit sane kabinawa. Duk panyeneng Ida Sang Prabu Daud, katurunan danene wenten 22.600 katahipun.

3

Dane Usi madue putra lanang asiki inggih punika Dane Yisrahya. Dane Yisrahya miwah paraputran danene patpat, inggih punika: Dane Mikael, Obaja, Yoel miwah Yisia, sami dados pamimpin kulawarga.

4 Dane sareng lelima pada madue istri miwah putra akeh pisan kantos katurunan danene mrasidayang nyediayang wadua bala 36.000 diri katahipun.

5

Ring daptar cacah jiwane sane resmi sakancan kulawarga saking katurunan Dane Isakar cacakannyane makasami wenten 87.000 diri sane nyandang dados wadua bala seselikan.

6

Dane Benyamin madue putra lanang-lanang tetiga, inggih punika: Dane Bela, Beker miwah Dane Yediael.

7

Dane Bela madue putra lanang-lanang lelima inggih punika: Dane Esbon, Usi, Usiel, Yerimot miwah Iri. Dane pada dados panglingsir kulawarga ring sajeroning palingsehane punika tur sami pada dados prajurit-prajurit sane kabinawa. Katurunan danene ketang wenten 22.034 sane nyandang dados wadua bala.

8

Dane Beker madue putra lanang-lanang asia, inggih punika: Dane Semira, Yoas, Elieser, Elyoenai, Omri, Yeremot, Abia, Anatot miwah Dane Alemet.

9 Manut daptar cacah jiwa sane resmi, saking sakancan kulawarga sajeroning katurunan danene wenten 20.200 diri sane sampun pantes dados wadua bala.

10

Dane Yediael madue putra lanang asiki, mapesengan Bilhan. Tur Dane Bilhan madue putra lanang pepitu, inggih punika: Dane Yeus, Benyamin, Ehud, Kenaana, Setan, Spanyol, miwah Dane Ahisahar.

11 Dane sami dados kepala kulawarga ring palingsehannyane tur dados prajurit sane kabinawa. Sajeroning katurunan danene wenten 17.200 diri sane sampun pantes dados wadua bala.

12 Dane Supim miwah Hupim punika katurunan Dane Ir.

Dane Husim punika katurunan Dane Dan.

13

Dane Naptali madue putra lanang-lanang patpat, inggih punika: Dane Yahsiel, Guni, Yeser miwah Dane Salum. (Dane makasami katurunan Bilha.)

14

Dane Manase polih putra lanang kekalih saking selir danene wong Arame punika, inggih punika: Dane Asriel miwah Makir. Dane Makir punika ajin Dane Gilead.

15 Dane Makir punika ngrerehang Dane Hupim lan Supim rabi. Semeton danene sane istri mapesengan Maaka. Okan Dane Makir sane kaping kalih mapesengan Selapead. Dane Selapead wantah madue putra istri kewanten.

16

Dane Maaka, rabin Dane Makir ngembasang putra lanang kekalih, sane kaparabin Peres miwah Seres. Dane Peres madue putra lanang kekalih inggih punika Dane Ulam miwah Rekem.

17 Dane Ulam madue putra lanang asiki mapesengan Bedan, punika makasami katurunan Dane Gilead okan Dane Makir wiadin putun Dane Manase.

18

Dane Moleket, semeton Dane Gilead sane istri madue putra lanang-lanang tetiga inggih punika: Dane Ishod, Abieser miwah Dane Mahla.

19 (Dane Semida madue putra lanang patpat inggih punika: Dane Ahyan, Sekem, Liki miwah Aniam.)

20

Puniki katurunan Dane Epraim turun-temurun inggih punika: Dane Sutelah, Bered, Tahat, Elada,

21 Sabad, Sutelah. Dane Epraim madue putra lanang kekalih sajawining Dane Sutelah, inggih punika Dane Eser miwah Dane Elad, sane kasedayang antuk wong Gate rikala dane mamandung lembun wong Gate sane magenah irika.

22 Ajin danene Dane Epraim nandang duhkita makudang-kudang rahina uli krana sedan putran danene kekalih punika, tur semeton-semeton danene pada rauh buat nglipur Dane Epraim.

23 Sasampune punika dane raris matemu semara ring rabin danene. Rabin danene tumuli mobot tur ngembasang putra lanang adiri sane kapesengin Beria, santukan kulawargan danene sampun katibanan pakewuh.

24

Dane Epraim madue oka istri mapesengan Seera. Dane Seera punika sane ngwangun kota Bet-Horon Luanan miwah Bet-Horon Tebenan miwah kota Usen-Seera.

25

Dane Epraim taler madue oka lanang sane mapesengan Repah. Katurunan Dane Repah inggih punika: Dane Resep, Telah, Tahan,

26 Ladan, Amihud, Elisama,

27 Nun, Yosua.

28

Wewidangan miwah linggih danene nglikub Betel miwah kota-kota sane ring kiwa tengennyane. Kanginnyane rauh ring Naaran miwah kauhnyane rauh ring Geser miwah kota-kota sane wenten ring kiwa tengennyane. Kadi asapunika taler kota-kota Sikem miwah Aya miwah kota-kota sane ring kiwa tengennyane.

29

Katurunan Dane Manase mrentah kota-kota Bet-Sean, Taanak, Megido miwah kota Dor rauh ka kota-kota sane ring kiwa tengennyane.

Punika makasami genah katurunan Dane Yusup, putran Dane Yakub.

30

Puniki katurunan Dane Aser. Dane madue putra lanang patpat, inggih punika: Dane Yimna, Yiswa, Yiswi miwah Dane Beria lan okan danene sane istri mapesengan Serah.

31

Dane Beria madue putra lanang kekalih, inggih punika: Dane Heber miwah Dane Malkiel. (Dane Malkiel sane ngwangun kota Birsait.)

32

Dane Heber madue putra lanang tetiga, inggih punika: Dane Yaplet, Somer miwah Dane Hotam tur oka istri asiki mapesengan Sua.

33

Dane Yaplet taler madue putra lanang tetiga, inggih punika: Dane Pasak, Bimhab miwah Dane Aswat.

34

Semeton danene, Dane Semer, taler madue putra tetiga, inggih punika: Dane Rohga, Yehuba miwah Dane Aram.

35

Semeton danene, Dane Hotam madue putra patpat, inggih punika: Dane Sopah, Yimna, Seles miwah Dane Amal.

36

Katurunan Dane Sopah inggih punika: Dane Suah, Harneper, Sual, Beri, Yimra,

37 Beser, Hod, Sama, Silsa, Yitran miwah Beera.

38

Katurunan Dane Yeter, inggih punika: Dane Yepune, Pispa miwah Ara.

39 Katurunan Dane Ula inggih punika: Dane Arah, Haniel miwah Risia.

40

Punika makasami katurunan Dane Aser. Dane sareng sami dados parapamimpin kulawarga, prajurit-prajurit sane kasub, pamimpin-pamimpin sane kabinawa. Katurunan Dane Aser wenten 26.000 diri sane dados prajurit seselikan.

8

1

Dane Benyamin madue putra lanang-lanang lelima. Manut urutan yusannyane, inggih punika: Dane Bela, Asbel, Ahrah,

2 Noha, Rapa.

3

Katurunan Dane Bela inggih punika: Dane Adar, Gera, Abihud,

4 Abisua, Naaman, Ahoah,

5 Gera, Sepupan miwah Huram.

6

[6-7] Katurunan Dane Ehud, inggih punika: Naaman, Ahia miwah Gera. Dane pada dados pamimpin kulawarga sane magenah ring Geba. Nanging dane kapaksa makaon saking irika, raris dane rarud tur malinggih ring Manahat. Dane Gera ajin Dane Usa miwah Ahihud sane dados pamimpin pararudane punika.

7

8

[8-9] Dane Saharaim ngutang rabin danene kekalih inggih punika: Husim miwah Baara. Sasampune punika, rikala dane magenah ring panegara Moab, dane ngambil rabi mapesengan Hodes, tur dane polih putra lanang pitung diri inggih punika: Dane Yobab, Sibya, Mesa, Malkam,

9

10 Yeus, Sohya miwah Dane Mirma. Makasami putran danene punika dados panglingsir kulawarga.

11

Saking rabin Danene Husim, Dane Saharaim polih putra kekalih inggih punika: Dane Abitub miwah Elpaal.

12

Dane Elpaal madue putra lanang tetiga, inggih punika: Dane Eber, Misam miwah Dane Semed. Dane Semed punika sane ngwangun kota Ono miwah kota Lod rauh ring desa sane ring kiwa tengennyane.

13

Dane Beria miwah Dane Sema dados pamimpin kulawarga sane magenah ring kota Ayalon tur ngaonang jadmane sane magenah ring kota Gat.

14 Katurunan Dane Beria inggih punika: Dane Ahio, Sasak, Yeremot,

15 Sebaja, Arad, Eder,

16 Mikael, Yispa, miwah Dane Yoha.

17

Katurunan Dane Elpaal inggih punika: Dane Sebaja, Mesulam, Hiski, Heber,

18 Yismerai, Yislia miwah Dane Yobab.

19

Katurunan Dane Simei inggih punika: Dane Yakim, Sikri, Sabdi,

20 Elyoenai, Siletai, Eliel,

21 Adaya, Beraya miwah Simrat.

22

Katurunan Dane Sasak inggih punika: Dane Ispan, Eber, Eliel,

23 Abdon, Sikri, Hanan,

24 Hananya, Elam, Antotia,

25 Yipdeya miwah Dane Pnuel.

26

Katurunan Dane Yeroham, inggih punika: Dane Samserai, Seharya, Atalia,

27 Yaaresa, Elia miwah Sikri.

28

Punika parapamimpin leluur kulawarga sane dados pancer katurunan jadmane sane magenah ring Yerusalem.

29

Dane Yeiel ngwangun kota Gibeon tur dane jenek irika. Rabin danene mapesengan Maaka,

30 tur putran danene lanang sane pinih duura mapesengan Abdon. Putra-putran danene sane siosan inggih punika: Dane Sur, Kis, Baal, Ner, Nadab,

31 Gedor, Ahio, Seker

32 miwah Dane Miklot, ajin Dane Simea. Katurunan danene magenah ring Yerusalem nampek ring kulawarga-kulawarga sane siosan saking palingsehan danene.

33

Dane Ner punika ajin Dane Kis, tur Dane Kis punika ajin Sang Prabu Saul. Ida Sang Prabu Saul madue putra lanang patpat inggih punika: Ida Yonatan, Malkisua, Abinadab miwah Esbaal.

34 Ida Yonatan punika ajin Ida Meribaal, tur Ida Meribaal punika ajin Ida Mika.

35

Ida Mika madue putra lanang-lanang patpat inggih punika Ida Piton, Melek, Tarea miwah Dane Ahas.

36 Ida Ahas punika ajin Ida Yoada. Ida Yoada punika madue putra lanang tetiga inggih punika: Ida Alemet, Asmawet miwah Ida Simri. Ida Simri punika ajin Ida Mosa.

37 Ida Mosa punika ajin Ida Binea, Ida Binea ajin Ida Rapa, Ida Rapa ajin Ida Elasa tur Ida Elasa punika ajin Ida Asel.

38

Ida Asel madue oka lanang nemnem inggih punika: Ida Asrikam, Bokru, Ismael, Searya, Obaja miwah Ida Hanan.

39 Ida Esek, semeton Ida Asel, madue putra lanang tetiga inggih punika: Ida Ulam, Yeus miwah Ida Elipelet.

40

Paraputran Ida Ulam punika dados prajurit sane kabinawa tur dados juru panah. Ida madue putra miwah putu krobelah akehipun. Parab-parab sane inucap ring ajeng punika sami katurunan Dane Benyamin.

9

1

Bangsa Israele sami pada kadaptar manut kulawargannyane suang-suang tur indike punika sampun sinurat ring Cakepan Babad Pararatun Israele.

Rakyat Yehudane sampun kaselong ka Babel makadados Hukuman dosa-dosannyane.

2 Wong Israel sane pinih dumun mawali ka tanah paderbeannyane sane ring kota-kota, inggih punika: Rakyat sane biasa, parapandita soroh wong Lewi miwah pararencang sane makarya ring Perhyangan Agunge.

3 Rakyat sane saking suku Yehuda, Benyamin, Epraim, miwah Manase raris pada magenah ring Yerusalem.

4

[4-6] Irika wenten tigang atak sangang dasa kulawarga saking suku Yehuda sane magenah ring Yerusalem.

Katurunan Dane Peres putran Dane Yehuda ngadegang Dane Utai, putran Dane Amihud, putun Dane Omri makadados pamimpinnyane. Leluur danene sane tiosan, inggih punika Dane Imri miwah Dane Bani.

Katurunan Dane Sela, okan Dane Yehuda, ngadegang Dane Asaya makadados pamimpinnyane. Katurunan Dane Serah, putran Dane Yehuda, ngadegang Dane Yeuel makadados pamimpinnyane.

5

6

7

[7-8] Ring sor puniki kasuratang warga suku Benyamin sane magenah ring Yerusalem, inggih punika: Dane Salu putran Dane Mesulam, putun Dane Hodawia, kompiang Dane Hasenua, Dane Yibnea okan Dane Yeroham, Dane Ela okan Dane Usi, putun Dane Mikri, Dane Mesulam putran Dane Sepaca, putun Dane Rehuel, kompiang Dane Yibnia.

8

9

Makasami wenten sangang atus seket nem kulawarga saking suku punika sane magenah irika. Sakancan anak sane inucap ring ajeng punika sami dados pamimpin kulawarga.

10

[10-12] Parapandita sane malinggih ring Yerusalem, inggih punika: Pandita Yedaya, Yoyarib, Yakin, Asarya putran Pandita Hilkia pamimpin panditane ring Perhyangan Agung sane leluurnyane Pandita Mesulam, Sadok, Merayot miwah Ahitub. Pandita Adaya putran Dane Yeroham, sane leluurnyane Dane Pasur miwah Dane Malkia. Dane Masai, putran Dane Adiel sane leluurnyane Dane Yahsera, Mesulam, Mesilemit miwah Imer.

11

12

13

Parapandita sane dados panglingsir kulawarga-kulawarga akehipun wenten siu pitung atus nem dasa diri. Dane sareng sami sampun pada pascad ring pakaryan sane kamargiang ring Perhyangan Agunge.

14

[14-16] Parawong Lewi sane magenah ring Yerusalem, inggih punika: Dane Semaya putran Dane Hasub sane leluurnyane mapesengan Asrikam miwah Hasabya saking palingsehan Dane Merari, Bakbakar, Heres miwah Galal, Dane Matanya putran Dane Mika, sane leluurnyane Dane Sikri miwah Dane Asap, Dane Obaja putran Dane Semaya, sane leluurnyane Dane Galal miwah Dane Yedutun, Dane Berekia, putran Dane Asa, putun Dane Elkana, sane magenah ring wewidangan kota Netopa.

15

16

17

Pajagaan Perhyangan Agunge sane magenah ring Yerusalem, inggih punika Dane Salum, Akub, Talmon miwah Dane Ahiman. Dane Salum sane makadados pamimpinnyane.

18 Rauh mangkin palingsehan danene magenah ring dangin gapura sane mawasta Gapura Sang Prabu. Sane riin dane dados pajagaan pamedal pakemahan wong Lewine.

19

Dane Salum putran Dane Kore, putun Dane Ebyasap kasarengin antuk semeton danene saking palingsehan Dane Korah, kicen tetegenan jaga nyaga gapuran Kemah Linggih Ida Sang Hyang Widi Wasa, pateh sakadi paraleluur danene sane dumun rikala dane madue tetegenan buat nyaga Kemah Linggih Ida Sang Hyang Widi Wasa.

20 Sadurung punika, Dane Pinehas, putran Dane Eleasar (dumadak Ida Sang Panembahan ngiangin dane), naenin dados pamimpin danene sareng sami.

21

Dane Sakaria putran Dane Meselemiane taler dados pajagaan ring gapuran Kemah Linggih Ida Sang Hyang Widi Wasa.

22

Wenten sareng satak roras diri jadmane sane kapilih dados pajagaan gapura-gapurane punika. Dane sami pada kadaptar manut desa genahnyane suang-suang. Ida Sang Prabu Daud miwah Dane Nabi Samuel sane ngamanggehang leluur danene buat negen tetegenane punika.

23 Dane miwah katurunan danene ngraris kapategenin dados pajagaan gapuran Perhyangan Agunge.

24 Pamedal Perhyangane punika nyatur arah, wenten sane ngalerang, ngelodang, nganginang miwah ngauhang, tur ring asing-asing gapurane wenten kepala pajagaannyane.

25 Pajagaane punika polih bantuan saking pasemetonan danene sane magenah ring desa sane taler polih giliran majaga pitung rahina suenipun.

26 Kepalan pajagaane makapatpat punika makasami wong Lewi sane kapisara ngetangang pajagaane nyabran rahina. Dane taler kapisara ngetangang kamar-kamar sane wenten ring Perhyangan Agunge, makamiwah ngetangang barang-barang sane masimpen irika.

27 Dane malinggih nampek ring Perhyangan Agunge santukan dane polih tugas buat nyaga miwah mukak lawang gapurane nyabran semengan.

28

Wong Lewi sane tiosan kapisara ngetangang prabot-prabot sane kanggen rikala ngamargiang pangubakti. Dane patut ngwilang prabote punika rikala prabote punika kamedalang wiadin kawaliang ka genahnyane.

29 Sane tiosan kapisara ngetangang prabot suci sane tiosan, miwah ngetangang tepung, anggur, minyak saitun, menyan miwah basan pasepan.

30 Nanging buat nyampur basan pasepane punika kapisarayang ring parapanditane.

31

Satunggaling wong Lewi sane mapesengan Matica, putran Dane Salum sane pinih duur, saking palingsehan Dane Korah, kapisara buat nyediayang aturan roti mapanggang.

32 Warga palingsehan Dane Kehat, kapisara nyediayang roti sane suci ring Perhyangan Agunge nyabran rahina Sabat.

33

Makudang-kudang kulawargan wong Lewi kapisarain buat dados juru kidung ring Perhyangan Agung. Panglingsir-panglingsir kulawargan wong Lewi punika magenah ring makudang-kudang kamar sane wenten ring Perhyangan Agunge, tur dane kabebasang saking tugas-tugas tiosan, santukan dane nyabran rahina wiadin wengi ngamargiang pakaryan ring Perhyangan Agung.

34

Anake sane inucap ring ajeng punika sami pamimpin kulawarga-kulawargan wong Lewi manut silsilah danene suang-suang. Dane sareng sami parapamimpin sane magenah ring Yerusalem.

35

Dane Yeiel ngwangun kota Gibeon tur malinggih irika. Rabin danene mapesengan Maaka.

36 Putran danene sane pinih duur mapesengan Abdon. Putran danene sane tiosan mapesengan: Sur, Kis, Baal, Ner, Nadab,

37 Gedor, Ahio, Sakaria miwah Miklot,

38 ajin Dane Simea. Katurunan danene magenah ring Yerusalem nampek ring pasemetonan danene sane tiosan sane tunggal palingsehan.

39

Dane Ner punika, ajin Dane Kis, tur Dane Kis punika ajin Ida Sang Prabu Saul. Ida Sang Prabu Saul madue putra patpat, inggih punika Ida Yonatan, Malkisua, Abinadab miwah Dane Esbaal.

40 Ida Yonatan madue putra Meribaal, inggih punika ajin Ida Mika.

41 Ida Mika madue putra patpat inggih punika: Ida Piton, Melek, Tarea miwah Ida Ahas.

42 Ida Ahas maputra Yaera, Ida Yaera madue putra tetiga inggih punika: Alemet, Asmawet miwah Simri. Ida Simri punika maputra Mosa.

43 Ida Mosa maputra Binea, Ida Binea maputra Repaya, Ida Repaya maputra Elasa, tur Elasa maputra Asel.

44

Ida Asel madue putra nemnem inggih punika: Ida Asrikam, Bokru, Ismael, Searya, Obaja miwah Ida Hanan.

10

1

Wong Pilistin mayuda nglawan wong Israele ring Gunung Gilboa. Akeh wong Israele sane padem irika. Tur sane kantun urip ipun pada malaib, kadi asapunika taler Sang Prabu Saul miwah paraputran idane.

2 Nanging wong Pilistine nguber ipun saha nyedayang putran Ida Sang Prabu Saul tetiga inggih punika Ida Yonatan, Abinadab miwah Malkisua.

3 Yudane sayan rames nangsek Ida Sang Prabu Saul. Ida keni panah imeseh kantos ida kanin raat pisan.

4 Irika Ida Sang Prabu Saul ngandika ring anak truna juru makta sanjatan idane sapuniki: “Audja pedang caine tur matiangja gelahe apang eda wong Pilistine ane tan pawidi ento kanti nganistayang gelahe.” Nanging parekan idane nenten purun ngamargiang prentah idane, kabatek antuk ajerihipune. Punika awinan Ida Sang Prabu Saul raris ngaud pedang idane ngraga tumuli ida nyuduk raga malantaran ngakebin muncuk pedang idane.

5 Rikala parekan idane punika ngantenang mungguing Ida Sang Prabu Saul sampun seda, ipun taler ngakebin muncuk pedangipune ngantos ipun padem.

6 Kadi asapunika Ida Sang Prabu Saul miwah putran idane tetiga seda sinarengan tur kaprabon idane raris puceh.

7 Rikala wong Israel sane magenah ring Lebak Yisreele miragi wadua balan Israele sampun pada kapilayu, tur Ida Sang Prabu Saul miwah putra-putran idane sampun seda, ipun raris pada malaib nilar kota-kotannyane. Irika wong Pilistine pada rauh tur ngaug kota-kotane punika.

8

Benjangipun wong Pilistine sami pada rauh musbusin tur ngrampas panganggen anake sane padem ring payudan, tur ipun manggihin layon Ida Sang Prabu Saul miwah paraputran idane pajlempang ring Gunung Gilboa.

9 Ipun raris munggal prabun Ida Sang Prabu Saul, tur ngembus kawaca besin idane. Sasampune punika ipun raris ngutus utusan nylajah panegara Pilistine buat ngrauhang orti sane ngliangin ring paradewannyane miwah ring rakyatnyane.

10 Ipun ngenahang sanjatan Ida Sang Prabu Saul ring salah tunggal puranipune, tur prabun Ida Sang Prabu Saul kagantungang ring puran Dewa Dagonnyane.

11 Ritatkala wong Yabese sane ring Gilead miragi indik sane kalaksanayang antuk wong Pilistine marep ring Ida Sang Prabu Saul,

12 irika jadmane sane sura dira raris mamargi tur ngambil layon Ida Sang Prabu Saul miwah layon paraputran idane raris kabakta ka Yabes. Ipun mendem layon idane ring sor tarune sane ageng. Wusan punika ipun mapuasa pitung rahina suenipun.

13

Ida Sang Prabu Saul seda santukan ida nenten pracaya ring Ida Sang Hyang Widi Wasa. Ida mamurug titah-titah Ida Sang Hyang Widi Wasa. Ida ngindayang ngrereh tuntunan malantaran antuk mataken ring roh anak sane sampun newata,

14 tur nenten nunasang ring Ida Sang Hyang Widi Wasa. Punika awinan Ida Sang Hyang Widi Wasa nyedayang ida, tur nyerahang kaprabon idane ring Ida Sang Prabu Daud putran Dane Isai.

11

1

Wong Israele sami pada mamargi ka Hebron maranin Ida Sang Prabu Daud sarwi matur ring ida sapuniki: “Titiang sareng sami puniki tunggal purusa ring iratu.

2 Sane dumun, ritatkala Ida Sang Prabu Saul kantun jumeneng nata, iratu sane mimpin wong Israele sajeroning payudan, tur Ida Sang Hyang Widi Wasa, Widin iratune majanji ring iratu mungguing iratu pacang nuntun kaulan Idane, tur pacang dados pamrentahnyane.”

3 Kadi asapunika parapamimpin wong Israele sami pada rauh maranin Ida Sang Prabu Daud ring Hebron. Ida Sang Prabu Daud tumuli ngwentenang prajanjian sareng parapamimpin Israele ring ayun Ida Sang Hyang Widi Wasa. Parapamimpine punika raris ngamanggehang Ida Sang Prabu Daud dados ratun bangsa Israele, anut sakadi janjin Ida Sang Hyang Widi Wasa sane kasabdayang malantaran Dane Samuel.

4

Ida Sang Prabu Daud miwah wong Israele sami, raris mamargi ngebug kota Yerusaleme. Ritatkala punika kotane punika mawasta Yebus, tur wong Yebus sane dados jadma uedan irika kantun magenah irika.

5 Wong Yebuse masesumbar ring Ida Sang Prabu Daud, mungguing ida nenten jaga mrasidayang ka kotane punika. Nanging Ida Sang Prabu Daud raris ngrampas Sion sane dados benteng kotane punika, tur kotane punika raris kawastanin “Kota Daud”.

6 Ida Sang Prabu Daud ngandika sapuniki: “Nyenja paling maluna maan ngamatiang wong Yebuse, ia lakar dadiang gelahe senapatin wadua balane.” Dane Yoab putran Dane Seruya raris mamucukin yudane punika tur dados senapati.

7 Duaning Ida Sang Prabu Daud jenek malinggih ring benteng kotane punika, punika awinanipun kotane punika kawastanin “Kota Daud”.

8 Ida Sang Prabu Daud malih ngwangun kotane punika ngawit saking genahe sane sampun madaging ring sisi kangin bukite, tur Dane Yoab mecikang bagian kotane sane tiosan.

9 Ida Sang Prabu Daud sayan sue sayan mawisesa, santukan Ida Sang Hyang Widi Wasa Sane Maha Wisesa ngiangin ida.

10

Puniki daptar prajurit Ida Sang Prabu Daud sane kabinawa sinarengan ring wong Israele sane tiosan, ipun ngadegang Ida Sang Prabu Daud dados sang prabu, satinut ring janjin Ida Sang Hyang Widi Wasa, tur ipun sane ngrajegang kaprabon idane kantos kukuh bakuh.

11

Sane kaping pisan inggih punika: Dane Yasobam saking palingsehan Dane Hakmoni dados pamimpin “Tri Wira”. Dane mayuda nganggen tumbak nglawan meseh tigang atus akehipun, tur makasami mesehe kapademang sajeroning payudan.

12 Sane lianan ring pantaran “Tri Wira” punika inggih punika Dane Eleasar, putran Dane Dodo, saking palingsehan Dane Ahohi.

13 Dane ngabih Ida Sang Prabu Daud rikala mayuda nglawan wong Pilistin ring Pas-Damim. Daweg punika Dane Eleasar wenten ring tengah pategalan gandume, rikala wong Israel pada kapilayu.

14 Irika dane sareng pasukan danene nyadang wong Pilistin ring tengah tegale tur mayuda irika. Ida Sang Hyang Widi Wasa maicayang kamenangan sane ageng ring dane.

15

Sedek rahina anu, saking pantaran pamimpin prajurit sane sareng tigang dasa wenten tigang diri sane ngungsi ka gunung batu genah Ida Sang Prabu Daud malinggih tan doh saking guane sane ring Adulam. Rikala punika wadua balan wong Pilistine sedek makemah ring Lebak Repaime.

16 Daweg punika Ida Sang Prabu Daud sedek malinggih ring satunggaling benteng ring duur bukite, tur pasukan wong Pilistine sampun ngaug kota Betlehem.

17 Ida Sang Prabu Daud rumasa meled ring kayun sarwi ngandika sapuniki: “Gelahe dot pesan apang ada anak ngabaang gelah yeh inem uli di semere ane di samping gapuran kota Betleheme.”

18 Irika prajurite sane sura dira tetiga punika raris nylusup ring genah pakemahan wong Pilistine, raris nimba toya saking semere punika, tumuli katurang ring Ida Sang Prabu Daud. Nanging ida nenten kayun nginum toyane punika. Toyane punika kabriokang ka tanahe, makadados aturan ring Ida Sang Hyang Widi Wasa.

19 Ida raris ngandika sapuniki: “Gelahe tusing bakal nginum yehe ene! Sawireh ene waluya buka getih anake ane ngalih ia baan ngetohang uripne.” Punika awinannya ida tan kayun nginum toyane punika. Kadi asapunika laksanan prajurite sane sura dira tetiga punika.

20

Dane Abisai semeton Dane Yoab, dados pamimpin prajurite sane sura dira sane tigang dasa. Dane mayuda masanjata tumbak nglawan meseh tigang atus akehipun. Meseh danene punika sami pademang dane. Indike punika ngawinang dane kasub ring pantaran prajurite sane tigang dasa punika.

21 Dane sane pinih kasub ring pantaran prajurit sane tigang dasa punika, tur kaselik kadadosang pamimpinnyane, nanging dane nenten kasub sakadi sang “Tri Wira”.

22

Dane Benaya putran Dane Yoyada saking Kabseel punika taler satunggaling prajurit sane kasub. Dane taler akeh nglaksanayang sane sura dira, minakadinipun ngamademang prawira kabinawa saking panegara Moab kekalih. Sedek rahina anu rikalaning wenten salju, dane ngranjing ka guan singane tur ngamademang singa irika.

23 Dane taler ngamademang wong Mesir sane gede ganggas adiri. Jadmane punika tegehipun kalih meter, sane masanjata tumbak ageng. Dane Benaya nglawan ipun antuk pentong. Dane ngrampas tumbak wong Mesire punika, tumuli kanggen numbak ipun kantos padem.

24 Punika makasami pamargin Dane Benaya sane sura dira. Dane punika salah tunggal saking prajurite sura dira sane tigang dasa.

25 Dane kabinawa pisan ring pantaran sane tigang dasa punika, nanging nenten nyamenin kakasuban “Sang Tri Wira”. Ida Sang Prabu Daud ngamanggehang dane dados pangawal idane.

26

[26-47] Paraprajurite sane kasub sane tiosan inggih punika:

Dane Asael, semeton Dane Yoab.
Dane Elhanan putran Dane Dodo saking Betlehem.
Dane Samot saking Harod.
Dane Heles saking Peloni.
Dane Ira putran Dane Ikes saking Tekoa.
Dane Abieser saking Anatot.
Dane Sibkai saking Husa.
Dane Ilai saking Ahohi.
Dane Maharai saking Netopa.
Dane Heled putran Dane Baana saking Netopa.
Dane Itai putran Dane Ribai saking Gibea ring Benyamin.
Dane Benaya saking Piraton.
Dane Hurai saking lebake sane nampek ring Gaas.
Dane Abiel saking Araba.
Dane Asmawet saking Bahurim.
Dane Eliahba saking Saalbon.
Dane Hasem saking Gison.
Dane Yonatan putran Dane Sage sane saking Harari.
Dane Ahiam putran Dane Sakar saking Harari.
Dane Elipal putran Dane Ur.
Dane Heper saking Mekerati.
Dane Ahia saking Peloni.
Dane Hesro saking Karmel.
Dane Naarai putran Dane Esbai.
Dane Yoel semeton Dane Natan.
Dane Mibhar putran Dane Hagri.
Dane Selek saking Amon.
Dane Naharai, juru bakta sanjatan Dane Yoab putran Dane Seruya, saking Beerot.
Dane Ira miwah Dane Gareb saking Yetri.
Dane Uria wong Heti.
Dane Sabad putran Dane Ahlai.
Dane Adina putran Dane Sisa (satunggaling anggota pamimpin ring suku Ruben sareng ring prajurit tigang dasa).
Dane Hanan putran Dane Maaka.
Dane Yosapat saking Mitni.
Dane Usia saking Astarot.
Dane Sama miwah Yeiel putran Dane Hotam saking Aroer.
Dane Yediael miwah Dane Yoha putran Dane Simri saking Tisi.
Dane Eliel saking Mahawim.
Dane Yeribai miwah Yosawia okan Dane Elnaam.
Dane Yitma saking Moab.
Dane Eliel, Obed miwah Dane Yaasiel saking Mesobaya.

12

1

Duk Ida Sang Prabu Daud malinggih ring Siklag, ring genah idane ngluputang raga saking Ida Sang Prabu Saul, ida kasarengin antuk prajurit-prajurit sane sampun nyayeng rana tur kapiandel pisan.

2 Dane punika suku Benyamin suku bangsan Ida Sang Prabu Saul. Dane pada pascad pisan mapanahan wiadin mlangsut batu antuk tangan tengen wiadin kiwa.

3 [3-7] Dane Ahieser miwah Yoas putran Dane Samaa, sane saking Gibea sane makadados komandannyane. Paraprajurite punika minakadinipun:

Dane Yesiel miwah Dane Pelet, putran Dane Asmawet.
Dane Beraka miwah Dane Yehu saking Anatot.
Dane Yismaya saking Gibeon. Dane dados prajurit sane kasub, salah tunggal komandan pasukan sane tigang dasa.
Dane Yeremia, Dane Yehasiel, Dane Yohanan miwah Dane Yosabad sane saking Gedera.
Dane Elusai, Dane Yerimot, Dane Bealya, Dane Semarya miwah Dane Sepaca saking Harupi.
Dane Elkana, Dane Yisia, Dane Asareel, Dane Yoeser miwah Dane Yasobam, saking palingsehan Dane Korah.
Dane Yoela miwah Sebaja, putra-putran Dane Yeroham saking Gedor.

4

5

6

7

8

Ring sor puniki pesengan paraprajurit sane kasub tur nyayeng rana saking suku Gad sane ngiring Ida Sang Prabu Daud rikala ida ring bentenge ring tegal melakange. Paraprajurite punika pascad ngunayang tameng miwah tumbak. Sebengnyane galak sakadi singane tur palaibnyane becat sakadi kidange ring gunung.

9 [9-13] Pesengannyane manut susunan pangkatnyane ngawit saking sane tegeh ngantos sane pinih andap sapuniki: Dane Eser, Dane Obaja, Dane Eliab, Dane Mismana, Dane Yeremia, Dane Atai, Dane Eliel, Dane Yohanan, Dane Elsabad, Dane Yeremia miwah Dane Makbanai.

10

11

12

13

14

Ring pantaran anak sane saking suku Gad punika, wenten makudang-kudang prawira sane wayah sane dados komandan pasukan siu diri, miwah taler prawira sane kantun anom sane dados komandan pasukan satus diri.

15 Ring sasih sane kaping pisan rikalaning toyan Tukad Yordane mebet rauh ka tepi-tepinnyane, paraprajurite punika nglintangin tukade punika saha ngulah sakancan rakyate sane magenah ring lebake ring sisi kangin miwah kauh tukade punika.

16

Sedek rahina anu wenten makudang-kudang anak saking suku Benyamin miwah Yehuda maranin benteng linggih Ida Sang Prabu Daud.

17 Ida Sang Prabu Daud raris medal mapag anake punika saha ngandika sapuniki: “Yening pangrauhan semetone puniki mula wantah mapakayunan masawitra tur nyadia nulungin tiang, tiang taler jaga nyak masawitra ngiring semeton. Nanging yening semeton mapakayun jaga nyerahang tiang ring meseh tiange, yadiastu tiang nenten pacang ngwales semeton, Widin leluur iragane janten wikan ring indike punika tur Ida pacang nyisipang semeton.”

18

Salah tunggal saking pantaran anake punika, sane mapesengan Amasai sane wekasan dados “Komandan pasukan tigang dasa” punika raris kencengin antuk Roh Ida Sang Hyang Widi Wasa sarwi mabaos sapuniki: “Duh Ratu Sang Prabu Daud putran Dane Isai, titiang sareng sami puniki dados druen iratu. Dumadak palungguh iratu miwah sakancan anake sane nulungin iratu prasida labda karya! Ida Sang Hyang Widi Wasa ngiangin iratu.” Ida Sang Prabu Daud raris nampi pangrauhan danene, tur dane pada kamanggehang dados komandan ring wadua balan idane.

19

Wenten makudang-kudang prajurit saking suku Manase sane nilar induk pasukannyane raris ngiring Ida Sang Prabu Daud ritatkala ida medal ka payudan sareng wong Pilistine buat jaga mayuda nglawan Ida Sang Prabu Saul. Sujatinipun ida nentenja ngrowangin wong Pilistine, santukan pararatun wong Pilistine pada sumangsaya yening ida jaga lompang ring janji tumuli mawali ka ajeng Ida Sang Prabu Saul ratun idane. Duaning punika pararatun wong Pilistine raris ngandikayang mangda Ida Sang Prabu Daud mawali ka Siklag.

20 Paraprajurit sane saking suku Manase sane ngiring Ida Sang Prabu Daud rikala ida mawali ka Siklag inggih punika: Dane Adnah, Dane Yosabad, Dane Yediael, Dane Mikael, Dane Yosabad, Dane Elihu miwah Dane Siletai. Ring suku Manase dane sareng sami dados parakomandan pasukan siu diri.

21 Dane ngaula ring Ida Sang Prabu Daud makadados parakomandan pasukan idane, santukan dane punika prajurit-prajurit sane sura dira, tur wekasan, dane sareng sami dados komandan-komandan ring wadua balan Israele.

22 Satsat nyabran rahina wenten anak rauh ngiring Ida Sang Prabu Daud, kantos wadua balan idane digelis dados katah pisah.

23

[23-37] Ritatkala Ida Sang Prabu Daud sampun jenek ring Hebron, akeh pisan prajurit-prajurit sane sampun pascad ngranjing dados wadua balan idane buat jaga ngamanggehang ida dados prabu, ngentosin Ida Sang Prabu Saul, sakadi sane sampun kajanjiang antuk Ida Sang Hyang Widi Wasa. Cacakanipun sakadi ring sor puniki:

Saking suku Yehuda wenten nem tali domas sane sregep masanjata tameng miwah tumbak.
Saking suku Simeon wenten prajurit pitung tali satus sane sampun pascad.
Saking suku Lewi wenten petang tali tigang atak diri.
Pangiring-pangiring saking palingsehan Yoyada, katurunan Dane Harun wenten sareng tigang tali pitung atus diri.
Saking kulawargan Dane Sadok wenten sareng kalih likur anak truna-truna sane sampun dueg mayuda.
Saking suku Benyamin (suku bangsan Ida Sang Prabu Saul) wenten tigang tali diri.
Saking suku Benyamin akehan sane kantun salulut ring Ida Sang Prabu Saul.
Saking suku Epraim wenten kalih dasa tali nanggu domas diri anak sane sampun kasub ring pantaran palingsehannyane.
Saking suku Manase dauh tukad wenten sareng plekutus tali diri jadma seselikan sane ngamanggehang Ida Sang Prabu Daud madeg ratu.
Saking suku Isakar wenten komandan satak diri kairing antuk prajuritnyane suang-suang. Parakomandan puniki sami pada wikan ring indik sane patut kamargiang antuk bangsa Israel miwah masa sane pinih becik buat ngamargiang indike puniki.
Saking suku Sebulon wenten sareng seket tali diri jadma sane kalintang satia tur kapiandel buat mayuda, samaliha pascad ngunayang saananing sanjata.
Saking suku Naptali wenten komandan siu diri kairing antuk prajurit tigang dasa pitu tali diri, sane masanjata tameng miwah tumbak.
Saking suku Dan wenten prajurit sareng ulu likur tali nanggu tigang atak diri sane sampun pascad.
Saking suku Aser wenten prajurit petang dasa tali sane sampun sayaga jaga mayuda.
Saking suku-suku sane magenah dangin Tukad Yordane, inggih punika: Suku Ruben, Gad, Manase dangin tukad, wenten prajurit satus kalih dasa tali diri sane sampun pascad ngunayang saananing sanjata.

24

25

26

27

28

29

30

31

32

33

34

35

36

37

38

Makasami wadua balane puniki sampun sayaga buat mayuda. Ipun sareng sami raris mamargi ka Hebron, gumanti ngamanggehang Ida Sang Prabu Daud jumeneng ratu ngwengku bangsa Israele makasami. Wong Israele sane tiosan taler sampun pada saigum buat ngadegang Ida Sang Prabu Daud.

39 Tigang rahina suenipun, ipun sareng sami ngiring Ida Sang Prabu Daud ring Hebron saha mapesta mangan nginum antuk ajeng-ajengan miwah inum-inuman sane sampun kasediaang antuk parasemetonnyane saking wewidangannyane suang-suang.

40 Suku-suku bangsa sane magenah doh kaler, minakadinne suku Isakar, Sebulon miwah Naptali, sami pada rauh makta keledae, unta, bagal miwah lembu sane sarat mondong ajeng-ajengan, tepung, woh aa, kismis, anggur miwah minyak saitun. Ipun taler makta banteng miwah biri-biri, sane jaga katampah kanggen ajengan. Indike punika makasami dados cihna kaliangan sane karasayang antuk sakuub jagat Israele.

13

1

Ida Sang Prabu Daud mapiguman sareng ring sakancan komandan sane ngamong prajurit siu diri miwah sane ngamong prajurit satus diri.

2 Sasampune punika ida sang prabu ngandika ring wong Israele makasami sapuniki: “Yening nyama pada saadung buina yen kaledangin baan Ida Sang Hyang Widi Wasa, Widin iragane, jalan iraga ngutus utusan buat nekain nyama-nyamaan iragane ane lenan, parapandita muah wong Lewi di kotannyane suang-suang. Arahin ia ajaka makejang apanga ia pada teka paum ngajak iraga dini.

3 Sasubane keto iraga lakar nyemak Peti Prajanjian Ida Sang Hyang Widi Wasa ane tusing kalinguang dugas panyeneng Ida Sang Prabu Saul.”

4 Rakyate sami pada liang tur saadung ring paindikan sane kapangandikayang punika.

5

Ida Sang Prabu Daud raris maumang rakyat Israele saking sakancan wewidangannyane ngawit saking wates jagat Mesire sane bedelod ngantos rauh ring margine ka Hamat sane baler, buat jaga ngingsirang Peti Prajanjiane punika saking Kiryat-Yearim ka Yerusalem.

6 Ida Sang Prabu Daud miwah parawong Israele sami lunga ka kota Baala, inggih punika Kiryat-Yearim, ring wewengkon Yehuda buat ngambil Peti Prajanjian Ida Sang Hyang Widi Wasa. Petine punika kawastanin “Ida Sang Hyang Widi Wasa sane malingga ring duur malaekate”.

7 Peti Prajanjiane punika kambil saking jeroan Dane Abinadab tumuli kagenahang ring kretane sane anyar. Dane Usa miwah Dane Ahio ngabih kretane punika,

8 tur Ida Sang Prabu Daud miwah rakyate sami pada masolah sabecik-becikipun buat ngluihang Ida Sang Hyang Widi Wasa. Ida dane ipun pada makidung tur nyuarayang tetabuhan luire: Gong, rebab, kendang, cengceng miwah suling.

9

Ritatkala ida dane rauh ring panyosohan gandum Dane Kidone, lembune sane ngedeng kretane nyauh buntutipun, tur Dane Usa digelis ngambel Peti Prajanjiane punika.

10 Duk punika ugi Ida Sang Hyang Widi Wasa bendu ring Dane Usa tur dane raris kasedayang, santukan dane ngusud Peti Prajanjian punika. Irika Dane Usa seda ring ayun Ida Sang Hyang Widi Wasa.

11 Punika awinanipun genahe punika kawastanin Peres-Usa rauh mangkin. Ida Sang Prabu Daud kalintang duka santukan Ida Sang Hyang Widi Wasa sampun nyisipang Dane Usa antuk pidukan Idane.

12

Ida Sang Prabu Daud rumasa ajerih pisan ring Ida Sang Hyang Widi Wasa, tumuli ida ngandika sapuniki: “Kudiang tiang jani ngaba Peti Prajanjiane ene?”

13 Duaning punika Ida Sang Prabu Daud tan durus makta Peti Prajanjiane punika ka Yerusalem. Nanging Peti Prajanjiane punika genahang ida ring jeron Dane Obed-Edom anak uedan kota Gat.

14 Peti Prajanjiane punika magenah irika tigang sasih suenipun. Ida Sang Hyang Widi Wasa ngamertanin kulawargan Dane Obed-Edom miwah sakancan paderbeannyane.

14

1

Ida Sang Prabu Hiram ratune ring Tirus ngutus utusan idane nangkil ring Ida Sang Prabu Daud. Ida ngaturang taru aras, tukang kayu miwah tukang batu, ring Ida Sang Prabu Daud, buat ngwangun puri.

2 Irika Ida Sang Prabu Daud uning mungguing Ida Sang Hyang Widi Wasa sampun ngamanggehang ida dados ratun bangsa Israele tur sampun ngawinang kaprabon idane gemuh landuh pabuat rakyat idane.

3

Ring Yerusalem Ida Sang Prabu Daud malih ngambil makudang-kudang rabi tur madue makudang-kudang putra lanang istri.

4 Putra-putran idane sane embas ring Yerusalem, inggih punika: Ida Samua, Sobab, Natan, Salomo,

5 Yibar, Elisua, Elpelet,

6 Nogah, Nepeg, Yapia,

7 Elisama, Beelyada miwah Ida Elipelet.

8

Ritatkala wong Pilistine miragi mungguing Ida Sang Prabu Daud sane mangkin madeg ratu ring sawewengkon panegara Israele, wadua balan Pilistine tumuli medal gumanti ngejuk Ida Sang Prabu Daud. Irika Ida Sang Prabu Daud medal ka payudan buat ngarepin ipun.

9 Wong Pilistine tumuli rauh ring Lebak Repaime tur ngawitin ngrampok irika.

10 Ida Sang Prabu Daud tumuli nunasang ring Ida Sang Hyang Widi Wasa kadi asapuniki: “Ratu Sang Hyang Widi Wasa, punapike titiang kalugra buat ngebug wong Pilistine punika? Punapike Palungguh IRatu jaga ngicen titiang kamenangan?”

Ida Sang Hyang Widi Wasa raris ngandika sapuniki: “Nah lautang gebug. Ulun lakar ngicen kita kamenangan.”

11

Irika Ida Sang Prabu Daud raris ngebug wong Pilistine tur ngaonang ipun ring Baal-Perasim. Ida Sang Prabu Daud raris ngandika sapuniki: “Ida Sang Hyang Widi Wasa suba mrabotang tiang buat ngenyagang wadua balan musuhe buka embahan blabare.” Punika awinannya genahe punika kawastanin Baal-Perasim.

12 Ritatkala wong Pilistine jerih kapilayu, ipun pada ngutang arcanipune, tur Ida Sang Prabu Daud raris mrentahang mangda nunjel arcane punika.

13

Nenten sue maletan, wong Pilistine malih mawali ka lebake punika tur malih ngrampok irika.

14 Ida Sang Prabu Daud malih nunasang ring Ida Sang Hyang Widi Wasa. Pangandikan Ida Sang Hyang Widi Wasa sapuniki: “Eda kita ngebug ia uli dini. Nanging kemaja ilehin tur gebug ia uli sisi dituan, uli samping punyan murbaene.

15 Yen kita ningeh munyin anak majalan di muncuk kayune, ditu lautang gebug musuhe, sawireh Ulun lakar majalan ngamaluin kita buat ngalahang wadua balan wong Pilistine ento.”

16 Ida Sang Prabu Daud raris ngiringang sapatitah Ida Sang Hyang Widi Wasa. Punika awinannya ida ngulah wong Pilistine ngawit saking Gibeon rauh ka Geser.

17 Ida Sang Prabu Daud raris kasub ring sakuubing jagat, tur Ida Sang Hyang Widi Wasa ngawinang parabangsane pada ajerih ring Ida.

15

1

Ida Sang Prabu Daud ngwangun puri pabuat ragan idane ngraga ring Kota Daud. Ida taler nyawisang genah buat linggih Peti Prajanjian Ida Sang Hyang Widi Wasa, tur genahe punika kakereb antuk kemah.

2 Ida raris ngandika sapuniki: “Tuah wong Lewi dogen ane kalugra negen Peti Prajanjiane ento, sawireh tuah ia ane kapilih baan Ida Sang Hyang Widi Wasa buat negen Peti Prajanjiane ento tur ngancangin Ida salawas-lawasne.”

3 Irika Ida Sang Prabu Daud raris nauhin rakyat Israele sami mangda rauh ka Yerusalem buat jaga ngingsirang Peti Prajanjiane punika ka genah sane sampun cawisang ida.

4 Sapangrarisipun, Ida Sang Prabu Daud ngesengin katurunan Dane Harun miwah wong Lewine.

5 Saking suku Lewi palingsehan Dane Kehat, rauh Dane Uriel sane ngamongang anak satus kalih dasa diri saking palingsehan danene.

6 Saking palingsehan Dane Merari, rauh Dane Asaya sane ngamong anak satak kalih dasa diri.

7 Saking palingsehan Gerson, rauh Dane Yoel, sane ngamong anak satus tigang dasa diri.

8 Saking palingsehan Elsapan, rauh Dane Semaya, sane ngamong anak satak diri.

9 Saking palingsehan Hebron, rauh Dane Eliel, sane ngamong anak ulung dasa diri.

10 Tur saking palingsehan Dane Usiel, rauh Dane Aminadab sane ngamong anak satus roras diri.

11

Ida Sang Prabu Daud nauhin Sang Pandita Sadok miwah Pandita Abyatar kasarengin antuk wong Lewi nem diri, minakadinipun Dane Uriel, Asaya, Yoel, Semaya, Eliel miwah Dane Aminadab.

12 Ida Sang Prabu Daud raris mabaos ring wong Lewi punika sapuniki: “Nah nyama ene dadi pamimpin palingsehan suku Lewine. Suciangja dewek nyamane muah wong Lewi ane bareng-bareng teken nyama, apanga nyama prasida ngaba Peti Prajanjian Ida Sang Hyang Widi Wasa, Widin wong Israele ka tongose ane suba sediaang tiang.

13 Sawireh nyama tusing milu dugase ngaba Peti Prajanjiane ento ipidan, Ida Sang Hyang Widi Wasa, Widin iragane suba nyisipang iraga uli krana iraga tusing nyungsung Ida amun patutne.”

14

Raris parapandita miwah wong Lewine pada nyuciang raga mangda prasida jaga ngingsirang Peti Prajanjian Ida Sang Hyang Widi Wasa, Widin Israele.

15 Wong Lewi punika raris negen Peti Prajanjian Ida Sang Hyang Widi Wasa, Widin Israele, kadi pituduh Ida Sang Hyang Widi Wasa malantaran Dane Musa.

16

Ida Sang Prabu raris mrentahang pamimpin-pamimpin wong Lewine mangda nyelik makudang-kudang wong Lewi buat makidung muah nyuarayang tetabuhan sane ngliangin minakadinipun, kecapi miwah cengceng.

17 [17-21] Saking palingsehan juru kidunge kaselik makudang-kudang anak buat nyuarayang cengceng prunggu minakadinipun: Dane Heman okan Dane Yoel, pasemetonan danene sane mapesengan Asap okan Dane Berekia miwah Dane Etan okan Dane Kusaya, saking palingsehan Dane Merari. Buat nyarengin juru kidunge punika nyuarayang rebab sane masuara jangih, kaselik makudang-kudang wong Lewi inggih punika: Dane Sakaria, Yaasiel, Semiramot, Yehiel, Uni, Eliab, Maaseya miwah Dane Benaya.

Buat nyuarayang rebab sane agung suarannyane, kaselik makudang-kudang wong Lewi inggih punika: Dane Matica, Elipele, Miknea, Asasya miwah pajagaan Perhyangan Agunge kekalih inggih punika Dane Obed-Edom miwah Yeiel.

18

19

20

21

22

Dane Kenanya kaselik dados pamimpin seka tabuh wong Lewine, santukan dane pascad magambel.

23 [23-24] Dane Berekia miwah Dane Elkana kasarengin antuk Dane Obed-Edom miwah Dane Yehia, kaselik dados pajagaan Peti Prajanjiane. Sang Pandita Sebanya, Pandita Yosapat, Pandita Netaneel, Pandita Amasai, Pandita Sakaria, Pandita Benaya miwah Pandita Elieser, kaselik dados juru ngupin trompet ring ajeng Peti Prajanjiane.

24

25

Irika Ida Sang Prabu Daud kairing antuk parapamimpin wong Israele, ping kalih parakomandan wadua balane lunga ka jeron Dane Obed-Edom buat ngambil Peti Prajanjiane, tur ida ngwentenang rerainan sane ageng.

26 Ida ngaturang banteng jagiran pepitu, miwah biri-biri pepitu ring ayun Ida Sang Hyang Widi Wasa, buat majatiang mungguing Ida Sang Hyang Widi Wasa jaga ngiangin wong Lewine sane negen Peti Prajanjiane punika.

27 Ida Sang Prabu Daud mabusana jubah kain lenen sane pinih becik, kadi asapunika taler juru tabuhe miwah Dane Kenanya pamimpinnyane makamiwah parawong Lewine sane negen Peti Prajanjiane. Ida Sang Prabu Daud taler nganggen kawaca epod.

28 Wong Israele sami ngiringang Peti Prajanjiane ka Yerusalem sarwi masuryak maliang-liang kadulurin antuk suaran trompet, sungu, cengceng miwah kecapi.

29

Ritatkala Peti Prajanjiane punika ngranjing ring kota, Ida Mikal, okan Ida Sang Prabu Saul sane istri, macingakan saking jendelane. Irika cingak ida, Ida Sang Prabu Daud sedek masolah sinambi kecag-kecog kabatek antuk ledang kayun idane. Ida Mikal rumasa seneb nyingak Ida Sang Prabu Daud kadi asapunika.

16

1

Dane tumuli makta tur ngenahang Peti Prajanjiane punika ring tengah kemah sane sampun kacawisang antuk Ida Sang Prabu Daud. Dane raris ngaturang aturan maborbor, aturan karahayuan ring ayun Ida Sang Hyang Widi Wasa.

2 Sasampune Ida Sang Prabu Daud puput ngaturang aturan, ida tumuli ngamertanin rakyate sajeroning parab Ida Sang Hyang Widi Wasa,

3 tur ngedumang pangan kinum ring rakyate sami. Asing-asing wong Israel lanang istri icen ida roti abungkul, daging magoreng atebih miwah roti kismis.

4

Ida Sang Prabu Daud taler ngamanggehang makudang-kudang wong Lewi buat ngancangin pangubakti ring ajeng Ida Sang Hyang Widi Wasa, Widin Israele ring ajeng Peti Prajanjiane, malantaran makidung tur muji Ida.

5 Dane asap kamanggehang dados pamimpin, tur Dane Sakaria dados wakilnyane. Dane Yeiel, Semiramot, Yehiel, Matica, Eliab, Benaya, Obed-Edom miwah Dane Yeiel, dados juru tabuh kecapi. Dane Asap dados juru tabuh cengceng,

6 tur panditane kekalih inggih punika Dane Benaya miwah Yehasiel patut tansah ngupin trompet ring arepan Peti Prajanjiane.

7 Sapanglanturipun ngawit saking rahina punika Ida Sang Prabu Daud ngicen Dane Asap miwah parawong Lewi semeton danene tetegenan buat dados juru kidung muji Ida Sang Hyang Widi Wasa.


8
Matur panyuksmaja pamantuka ring Ida Sang Hyang Widi Wasa, uar-uarangja kagungan Idane. Critayangja ring parabangsane paindikan sane sampun kardi Ida.

9
Makidungja muji Ida Sang Hyang Widi Wasa, tuturangja pakardin Idane sane kalintang luih.

10
Pada liangja santukan iraga dados padruen Idane. Sawatek anake sane nyumbah Ida mangda pada masuka rena.

11
Ruruhja Ida Sang Hyang Widi Wasa buat nunas pitulungan, tur tansah baktininja Ida.

12
[12-13] Ih parakaturunan Yakub, parekan Ida Sang Hyang Widi Wasa. Ih katurunan Israel, seselikan Ida Sang Hyang Widi Wasa. Elingangja katawahan-katawahan sane sampun kakardi antuk Ida Sang Hyang Widi Wasa, miwah pasisip sane tiwakang Ida.

13

14
Ida Sang Hyang Widi Wasa punika, Widin iragane. Pituduh Idane punika pabuat jagate makasami.

15
Sampunangja kantos lali ring prajanjian Ida Sang Hyang Widi Wasa, sane kardi Ida buat salami-laminipun.

16
Inggih punika prajanjian sane kardi Ida marep ring Dane Abraham miwah sane kardi Ida ring Dane Ishak.

17
Ida Sang Hyang Widi Wasa ngardi prajanjian ring Dane Yakub, inggih punika: Prajanjian sane langgeng.

18
Kadi asapuniki pangandikan Idane: “Ulun lakar maicayang teken kita tanah Kanaan. Tanahe ento lakar dadi pagelahan kitane.”

19

Kaulan Ida Sang Hyang Widi Wasa wantah akidik cacakanipun, tur dados wong sunantara ring tanah Kanaan.

20
Ipun ngumbara saking genahe sane asiki ka genahe sane tiosan, saking kaprabon sane asiki ka kaprabone sane lianan.

21
Nanging Ida Sang Hyang Widi Wasa nenten pacang manggayang kaulan Idane katindes. Ida jaga melanin ipun samaliha Ida jaga miteketin pararatune sapuniki:

22
“Eda plegendahanga parekan seselikan Ulune, tur eda bencanena nabi-nabin Ulune.”

23

Ih jadma saduuring jagat, makidungja muji Ida Sang Hyang Widi Wasa. Uar-uarangja nyabran rahina orti rahayu indik Ida sampun ngrahayuang iraga.

24
Lumbrahangja kamulian Idane ring parabangsane, miwah pakardi-pakardin Idane sane mawisesa ring jagate sami.

25

Ida Sang Hyang Widi Wasa Maha Agung tur patut kapuji-puji. Ida patut kaluihang langkungan ring sakancan paradewane.

26
Dewan sakancan bangsane sane tiosan puniki wantah arca-arca, nanging Ida Sang Hyang Widi Wasa sane ngardi akasane.

27
Kamulian lan kagungan ngliput Ida, kawisesan miwah kabungahan sane ngebekin Perhyangan Idane.

28

Pujija Ida Sang Hyang Widi Wasa ih jadma saduuring gumi. Pujija kamulian miwah kawisesan Idane.

29
Pujija Ida Sang Hyang Widi Wasa sane mulia. Aturangja aturane tur ngranjingja ka Perhyangan Idane. Sumungkemja ring ayun Ida Sang Hyang Widi Wasa rikalaning Ida nyalantara sajeroning kasucian Idane.

30
Ih saisin mrecapada, jejeh ngetorja ring ayun Idane! Jagate sampun kagenahang ring genahnyane tur nenten prasida kagingsirang.

31
Pada liangja ih akasa miwah pretiwi! Tuturangja ring parabangsane, mungguing Ida Sang Hyang Widi Wasa punika jumeneng ratu.

32
Pada makerugja, ih segara miwah saluiring gumatap-gumitip sane wenten irika. Pada liangja ih pategalan miwah sadagingnya makasami.

33
Taru-tarune ring alase pacang masuryak kabatek antuk liangnyane ring ayun Ida Sang Hyang Widi Wasa rikala Ida rauh mrentah jagate punika.

34

Matur panyuksmaja ring ayun Ida Sang Hyang Widi Wasa, santukan ida kalintang becik. Sih kapitresnan Idane langgeng salawas-lawasnya.

35
Maturja asapuniki ring Ida: “Rahayuangja titiang duh Ratu Sang Hyang Widi Wasa, juru rahayun titiange. Punduhangja titiang sinarengan, tur rahayuangja titiang saking bangsa-bangsane, mangda titiang mrasidayang ngaturang panyuksma tur muji parab Palungguh IRatu sane suci.”

36
Pujija Ida Sang Hyang Widi Wasa Widin Israele! Pujija Ida sane mangkin miwah salami-laminipun.

Raris rakyate makasami masaur manuk “Amin” sarwi muji Ida Sang Hyang Widi Wasa.

37

Ida Sang Prabu Daud ngamanggehang Dane Asap miwah parasemeton danene wong Lewi mangda tetep ngamargiang pangubakti sakadi sane sampun kamargiang ring genah panyimpenan Peti Prajanjiane. Dane sareng sami patut ngamargiang tetegenannyane irika nyabran rahina.

38 Dane Obed-Edom okan Dane Yedutun kasarengin antuk anak nem dasa kutus diri saking palingsehan danene patut ngrombo dane irika. Dane Hosa miwah Dane Obed-Edom kapisara ngebag gapurane.

39

Sang Pandita Sadok miwah parapandita semeton danene kapisara ngamargiang pangubakti ring ayun Ida Sang Hyang Widi Wasa ring genah pangubaktine ring Gibeon.

40 Nyabran semeng miwah nyoreang dane patut morbor aturan maborbor ring pamorboran aturane manut sakadi sane kasuratang ring cakepan pidabdab sane kapaicayang antuk Ida Sang Hyang Widi Wasa ring wong Israele.

41 Dane kasarengin antuk Dane Heman miwah Dane Yedutun miwah sane tiosan sane kaselik buat makidung muji Ida Sang Hyang Widi Wasa, duaning sih pasuecan Idane sane langgeng.

42 Dane Heman miwah Dane Yedutun taler kapisara buat ngupin trompet miwah nabuh cengceng miwah tetabuhan sane lianan rikalaning kidung puji-pujiane kunggahang. Warga palingsehan Dane Yedutun sane kapisara ngebag gapurane.

43

Wusan punika rakyate suang-suang raris pada budal, tur Ida Sang Prabu Daud taler mantuk buat matemu ring kulawargan idane ring puri.

17

1

Sane mangkin Ida Sang Prabu Daud sampun jenek malinggih ring purin idane. Risedek rahina anu ida ngutus utusan nangkilin Nabi Natan kadulurin pangandika sapuniki: “Tiang magenah ring umahe sane malakar antuk taru aras, nanging Peti Prajanjian Ida Sang Hyang Widi Wasa kantun magenah ring kemahe.”

2

Atur Dane Nabi Natan sapuniki: “Rarisang margiang napi sane mantuk ring kayun iratune santukan Ida Sang Hyang Widi Wasa ngiangin iratu.”

3

Nanging ring wengi punika Ida Sang Hyang Widi Wasa ngandika ring Dane Natan sapuniki:

4 “Kema orahin parekan Ulune Daud, kene pangandikan Ulune teken ia: ‘Tidongja kita ane patut ngwangun Perhyangan ane lakar dadi linggih Ulune.

5 Ngawit uli Ulun ngrahayuang wong Israele uli Mesir kanti kayang jani, Ulun tonden taen malinggih di Perhyangane. Ulun setata malinggih di tengah kemahe tur makisid-kisid uli tongose abesik ka tongose ane lenan.

6 Di sajeroning pangumbaran Ulune ngajak rakyat Israele, Ulun tusing taen matakon teken parapamimpin ane manggehang Ulun unduk apa krana ia tusing ngaenang Ulun Perhyangan ane malakar aji kayu aras.’

7

Ento krana, kema orahang teken Daud, parekan Ulune, mungguing Ulun Sang Hyang Widi Wasa Ane Maha Kuasa ngandika teken ia kene: ‘Ulun suba nyemak kita uli sig tongose dadi pangangon kambing tur ngamanggehang kita dadi pamrentah bangsa Israel kaulan Ulune.

8 Ulun suba ngiangin kita saparilampah kitane tur Ulun suba ngalahang musuh kitane makejang, dikalane kita maperang. Ulun lakar nadiang kita kabinawa buka pamimpin-pamimpine ane paling agunga di gumine.

9 [9-10] Ulun suba nyelik tongos buat bangsa Israel kaulan Ulune tur suba ngejang ia ditu. Ditu ia lakar nongos ditu tur tusing ada buin anak ane nindes ia. Ngawit uli ia ngaug tanahe ento, ia suba kagebug baan bangsane ane angkara murka, nanging unduke ento tusing ada buin. Ulun majanji ngalahang musuh-musuh kitane tur mapaica katurunan teken kita.

10

11 Yening kita mati tur katanem bareng-bareng teken leluur kitane, Ulun lakar ngamanggehang salah tunggal pianak kitane buat madeg ratu, tur lakar ngukuhang kaprabonnyane.

12 Ia ane lakar ngwangun Perhyangan buat Ulun, tur Ulun lakar ngamanggehang kaprabonnyane turun-temurun.

13 Ulun lakar dadi ajinnyane tur ia lakar dadi putran Ulune. Ulun tusing lakar mancut pitulungan Ulune uli sig iane, buka uli sig Saule ane kutang Ulun, apanga kita prasida jumeneng ratu.

14 Ulun lakar netepang ia dadi pamimpin kaula muah kaprabon Ulune salawas-lawasne. Kaprabonnyane lakar langgeng salawas-lawasne.’ ”

15

Nabi Natan raris ngaturang ring Ida Sang Prabu Daud saluiring sane sampun kasabdayang antuk Ida Sang Hyang Widi Wasa ring dane.

16

Sasampune punika Ida Sang Prabu Daud raris ngranjing ka Kemah Linggih Ida Sang Hyang Widi Wasa. Irika ida malinggih tur ngastawa sapuniki: “Duh Ratu Sang Hyang Widi Wasa, Widin titiange, titiang wiadin kulawargan titiange, sayuaktinipun nentenja pantes molih paindikan sakadi sane sampun kardi Palungguh IRatu ring titiang.

17 Nanging sane mangkin Palungguh IRatu ngardi paindikan sane langkungan ring punika. Palungguh IRatu sampun ledang ngwentenang prajanjian ngeniang ring katurunan titiange, ring masa-masa sane jaga rauh. Samaliha sane mangkin Palungguh IRatu sampun ngaksi titiang waluya sakadi anak sane agung.

18 Napi malih sane patut aturang titiang ring Palungguh IRatu! Palungguh IRatu sampun wikan ring sikian titiange, tur Palungguh IRatu nginggilang titiang, parekan Palungguh IRatu.

19 Punika mula wantah pakayunan miwah pakarsan Palungguh IRatu buat nibakang paindikan punika ring titiang tur Palungguh IRatu ngedengang ring titiang indik kaluihan titiange benjang pungkur.

20 Duh Ratu Sang Hyang Widi Wasa, nenten wenten sane nyamenin Palungguh IRatu. Titiang uning mungguing wantah Palungguh IRatu sane maraga Widi.

21 Ring jagate nenten wenten bangsa tiosan sane sakadi bangsa Israel sane bebasang Palungguh IRatu saking genahipune dados panjak tur manggehang Palungguh IRatu dados kaulan Palungguh IRatu. Palungguh IRatu sampun ngardi paindikan sane agung tur ngangobin pabuat ipun, tur paindikane punika nyebar kabinawan Palungguh IRatu ring sakuubing jagate. Palungguh IRatu ngrahayuang kaulan Palungguh IRatu saking Mesir, tur ngaonang bangsa-bangsa sane tiosan rikala kaulan Palungguh IRatune mayuda.

22 Palungguh IRatu sampun nadosang bangsa Israel kaula druen Palungguh IRatu kantos salami-laminipun, tur Palungguh IRatu Sang Hyang Widi Wasa sampun dados Widinipune.

23

Sane mangkin, duh Ratu Sang Hyang Widi Wasa, Widin titiange, ledang Palungguh IRatu nagingin janjin Palungguh IRatu sane kardi Palungguh IRatu ring titiang, miwah katurunan titiange. Samaliha ledang Palungguh IRatu ngamargiang sakadi sane sampun sabdayang Palungguh IRatu.

24 Kabinawan Palungguh IRatu sayan ageng, tur rakyate salami-laminipun jaga mabaos sapuniki: ‘Ida Sang Hyang Widi Wasa Sane Maha Wisesa, Ida punika Widi sane ngwengku Israel.’ Samaliha Palungguh IRatu jaga miara kaprabon titiange salami-laminipun.

25 Titiang purun ngaturang pangastawan titiange puniki ring ayun Palungguh IRatu, Widin titiang, duaning Palungguh IRatu sampun ledang nyinahang indike punika makasami ring titiang, parekan Palungguh IRatu, tur sampun ngandikayang ring titiang mungguing Palungguh IRatu pacang nadosang katurunan titiange pararatu.

26 Palungguh IRatu, Sang Hyang Widi Wasa sane maraga Widi, tur Palungguh IRatu sampun ngardi prajanjian sane kalintang becik puniki ring titiang.

27 Titiang nglungsur ledang Palungguh IRatu ngamertanin katurunan titiange, mangda ipun prasida nglantur ngrasayang sih pasuecan Palungguh IRatu. Palungguh IRatu, Sang Hyang Widi Wasa sampun ngamertanin ipun, tur mertan Palungguh IRatu pacang manggeh ring ipun kantos salami-laminipun.”

18

1

Sasampune punika, Ida Sang Prabu Daud malih mayuda nglawan bangsa Pilistin tur ipun kaonang ida. Ida ngrampas kota Gat rauh ka desa-desa sane wenten ring kiwa tengennyane.

2 Ida taler ngaonang bangsa Moab, mawinan ipun raris kajajah tur naur upeti ring ida.

3

Sapangrarisipun Ida Sang Prabu Daud ngebug Sang Prabu Hadadeser, ratune ring Soba, sane nampek ring wewidangan Hamat ring panegara Siria, santukan Ida Sang Prabu Hadadeser mapakayun nguasain wewidangan Tukad Eprate sane ring luanan.

4 Saking Sang Prabu Hadadeser Ida Sang Prabu Daud ngrampas kreta perang siu akehipun, prajurit sane nunggang kuda pitung tali akehipun miwah prajurit sane lumampah kalih dasa tali diri. Ida molih kuda buat ngedeng kretan idane satus, tur sisannyane kaelung buntutnyane.

5

Rikala wadua balan wong Siriane saking Damsik rauh nulungin Ida Sang Prabu Hadadeser, Ida Sang Prabu Daud raris ngebug wadua balane punika tur ngamademang kalih likur tali akehipun.

6 Sasampune punika ida raris ngenahang wadua balan idane ring wewidangan mesehe, tur ipun kajajah saha naur upeti ring ida. Ida Sang Hyang Widi Wasa ngawinang Ida Sang Prabu Daud molih ring rana milehan.

7 Ida Sang Prabu Daud ngrampas tameng mas sane kabakta antuk prakangge-prakanggen Sang Prabu Hadadeser raris kabakta ka Yerusalem.

8 Ida taler makta temaga akeh pisan saking kota Tibhat miwah kota Kun, inggih punika kota-kota sane kaprentah antuk Ida Sang Prabu Hadadeser. (Wekasan Ida Sang Prabu Salomo ngunayang temagane punika buat makarya bak sane ageng, sesaka-sesaka miwah prabot-prabot temaga ring Perhyangan Agung.)

9

Ida Sang Prabu Tou, prabune ring Hamat mireng mungguing Ida Sang Prabu Daud sampun ngaonang wadua balan Ida Sang Prabu Hadadeser makasami.

10 Duaning punika, ida raris ngutus Ida Yoram putran idane, nangkil ring Ida Sang Prabu Daud, buat ngaturang pangayu bagia, duaning ida sampun molih ring rana nglawan Ida Sang Prabu Hadadeser sane pecak tansah ngyudain Ida Sang Prabu Tou. Ida Yoram makta aturan ring Ida Sang Prabu Daud marupa barang-barang sane malakar antuk mas, perak miwah temaga.

11 Ida Sang Prabu Daud ngaturang barang-barang punika buat kanggen sajeroning pangubakti sinarengan ring mas miwah perak sane rampas ida saking bangsa-bangsa sane kaonang ida, inggih punika bangsa Edom, Moab, Amon, Pilistin miwah Amalek.

12

Dane Abisai okan Dane Seruya, ngaonang wong Edom ring Lebak Pakehe, tur ngamademang wong Edom plekutus tali akehipun.

13 Dane raris ngenahang wadua balan danene ring sakuub tanah Edom, tur panegarane punika dados jajahan Ida Sang Prabu Daud. Ida Sang Hyang Widi Wasa ngawinang Ida Sang Prabu Daud tansah molih ring rana.

14

Ida Sang Prabu Daud mrentah sakuub wong Israele tur ngrajegang kadilan miwah kapatutan pabuat kaulan idane.

15 Dane Yoab okan Dane Seruya, kadegang dados senapati, tur Dane Yosapat okan Dane Ahilud kapisara dados bendahara.

16 Dane Sadok okan Dane Ahitub miwah Dane Ahimelek okan Dane Abyatar kadegang dados pandita. Dane Sausa kadegang dados sekretaris negara.

17 Dane Benaya okan Dane Yoyada kadegang dados komandan pasukan wong Kreti miwah wong Pleti tur paraputran Ida Sang Prabu Daud polih linggih sane utama sajeroning pamrentahan idane.

19

1

Sasampune punika Ida Sang Prabu Nahas, ratun wong Amone raris seda, tur Ida Hanun putran Idane kadegang dados ratu.

2 Ida Sang Prabu Daud raris ngandika asapuniki: “Gelahe lakar nyinahang pasawitran ngajak Ida Hanun, buka ajin idane masawitra teken gelah.” Punika awinan Ida Sang Prabu Daud raris ngutus utusan idane buat nyinahang rasa bela sungkawa duaning sedan ajin Ida Sang Prabu Hanun.

Nanging rikala utusane punika rauh ring panegara Amon tur tangkil ring Ida Sang Prabu Hanun,

3 parapamimpin wong Amone raris matur ring Sang Prabu Hanun sapuniki: “Punapike palungguh iratu mitaenang utusan Ida Sang Prabu Daud rauh mriki mula wantah buat nyinahang rasa kaduhkitan idane uli krana sedan ajin iratune? Sujatinne nenten pisan kadi asapunika. Ida ngutus utusane punika mriki dados mata-mata buat jaga nyelehin jagate puniki mangda sida antuk ida ngaonang.”

4

Ida Sang Prabu Hanun tumuli ngejuk utusan Ida Sang Prabu Daud, tur nyukur jenggotnyane saha ngetep panganggennyane rauh ring bangkiang, tur ipun raris katundung mangda budal.

5 Utusane punika rumasa kalintang kimud mawali budal. Rikala Ida Sang Prabu Daud mireng indike punika, ida ngandikayang mangda ipun nyantos ring Yeriko, tur sampunang mawali sadurung jenggotnyane sampun tumbuh malih.

6

Ida Sang Prabu Hanun miwah wong Amone sami tumuli pada uning mungguing indike punika sampun ngawinang Ida Sang Prabu Daud dados mesehnyane. Punika awinannya ida-dane raris nyewa kreta perang miwah prajurit nunggang kuda saking Siria-Mesopotamia, saking Siria-Maaka miwah saking Siria-Soba antuk perak tigang dasa tali kilogram.

7 Kreta tigang dasa kalih tali sane kasewa punika miwah wadua balan sang prabu Maakane raris rauh tur ngwangun kemah nampek ring Medeba. Wong Amone taler pada medal saking sakancan kotannyane tur pada sayaga buat mayuda.

8

Rikala Ida Sang Prabu Daud mireng indike punika, ida raris mrentahang Dane Yoab miwah wadua balane sami.

9 Wong Amone punika raris ngarepang tur ngatur gelarnyane ring margine sane ngranjing ka Raba, ibukotannyane, miwah pararatu kantinnyane pada ngatur gelarnyane ring tegale jimbar.

10

Rikala Dane Yoab uning mungguing mesehe jaga ngebug saking ajeng miwah saking ungkur, irika dane nyelik prajurit Israele sane becik-becik tur kagenahang mapas wong Siriane punika.

11 Wadua balane sane tiosan serahang dane ring reh-rehan Dane Abisai semeton danene, tur kagenahang buat ngarepin wong Amone.

12 Dane Yoab mabaos ring semeton danene sapuniki: “Yen adi ningalin beli kelilih nglawan wong Siriane, lautang tulungin beli. Yen adi kelilih nglawan wong Amone beli lakar nulungin adi.

13 Eda lenga tur edaja jejeh. Jalanja sahasa maperang buat rakyat iragane muah buat kotan Widin iragane. Dumadakja pakarsan Ida Sang Hyang Widi Wasa lakar kasidan.”

14

Dane Yoab miwah prajurit-prajurit danene raris mangseh magegebug tur wadua bala Siriane pada jerih kapilayu.

15 Rikala wong Amone ngeton wong Siriane jerih kapilayu, ipun tumuli malaib saking ajeng Dane Abisai tur ngranjing ka kota. Sasampune punika Dane Yoab raris mawali ka Yerusalem.

16

Rikala wong Siriane uning mungguing ipun sampun kakaonang antuk wong Israele, ipun raris ngrauhang prajurit saking wewidangan Siriane sane dangin Tukad Eprat, raris kaserahang ring Dane Sobak senapatin wadua balan Ida Sang Prabu Hadadeser saking Soba.

17 Rikala Ida Sang Prabu Daud mireng indike punika, ida raris munduhang wadua bala Israele tumuli nglintangin Tukad Yordane, tur ngatur gelar mapas wong Siriane punika. Yudane raris ngawitin,

18 tur wong Israele nangsek wadua balan wong Siriane kantos ipun pada makirig. Ida Sang Prabu Daud miwah wadua balan idane ngamademang panunggang kreta perang wong Siriane pitung tali akehipun miwah prajurit sane lumampah petang dasa tali diri. Ida taler nyedayang Dane Sobak senapatin wadua balan wong Siriane.

19 Rikala pararatune sane kajajah antuk Ida Sang Prabu Hadadeser uning mungguing ida sampun kakaonang antuk wong Israele, ida tumuli madame ngiring Ida Sang Prabu Daud tur nyadia dados jajahan idane. Ngawit saking dauhe punika wong Siriane nenten purun malih makanti ring wong Amone.

20

1

Rikala rauh masan endange, rikala masanipun pararatune biasa medal ka payudan, Dane Yoab tumuli mimpin wadua balan danene lunga magegebug ka panegara Amon. Rikala punika Ida Sang Prabu Daud kantun jenek malinggih wenten ring Yerusalem. Dane Yoab ngurung tur ngebug kota Rabane kantos kaon tur uug.

2 Ratun bangsa Amone ngangge gelungan mas sane bobotipun tigang dasa pat kilogram. Gelungane punika madaging soca sane mael asiki. Socane punika raris kambil antuk Ida Sang Prabu Daud raris kagenahang ring gegelungan idane ngraga. Ida taler molih jejarahan akeh pisan saking kotane punika.

3 Ida taler nawan rakyat kotane punika tur ipun nikayang ida makarya ngangge prabot gergaji, tambah miwah kapak. Sawatek wong Amone sane wenten ring kota-kotane sane tiosan taler kapaksa makarya pateh kadi asapunika antuk Ida Sang Prabu Daud. Sasampune punika ida miwah parakaulan idane raris mawali ka Yerusalem.

4

Wusan punika, malih wenten yuda nglawan wong Pilistine ring Geser. Daweg punika Dane Sibkai, saking Husa, ngamademang raksasa asiki sane mawasta Sipai, tur wong Pilistine raris kaon.

5

Malih wenten yuda tiosan nglawan wong Pilistin. Duk punika Dane Elhanan okan Dane Yair ngamademang Lahmi nyaman Goliate sane saking kota Gat. Patin tumbakipune agengnyane amun pandalane.

6

Malih wenten yuda ring kota Gat. Irika wenten raksasa sane buntutnyane suang-suang majriji nemnem. Raksasa punika katurunan raksasa-raksasa sane nguni.

7 Raksasa punika nangtangin wong Israele. Irika Dane Yonatan, okan Dane Simea rakan Sang Prabu Daud raris ngamademang ipun.

8

Raksasane makatetiga sane kapademang antuk Sang Prabu Daud miwah parapangiring idane, punika katurunan raksasa sane ring Gat.

21

1

I Setan mamanah ngrauhang pakewuh marep ring wong Israele. Punika awinannya, ipun ngawinang Ida Sang Prabu Daud ngardi kaputusan buat ngwentenang cacah jiwa.

2 Ida Sang Prabu Daud mrentahang Dane Yoab miwah prakangge sane lianan sapuniki: “Kema jlajah gumi Israele uli di tanggunne ane besik nganteg ka tanggunne ane lenan, tur itungja rakyate. Gelah mabudi nawang akuda liunne makejang.”

3

Dane Yoab tumuli matur sapuniki: “Dumadak Ida Sang Hyang Widi Wasa ngawinang wong Israele maweweh-weweh kantos ping satus, bandingang ring sane wenten mangkin. Duh ratu sang prabu, rakyate punika makasami parekan palungguh iratu. Napi awinannya palungguh iratu ngarsayang indike punika, tur ngawinang bangsane punika makasami iwang.”

4 Nanging ida sang prabu maksa Dane Yoab mangda ngamargiang prentahe punika. Dane Yoab raris mamargi nylajah sakuub panegara Israele. Sasampune punika, dane raris mawali ka Yerusalem.

5 Dane nguningayang ring Ida Sang Prabu Daud cacakan anake lanang-lanang sane sampun pantes medal ka payudan ring Israel wenten ajuta nanggu satus tali diri miwah ring Yehuda wenten samas pitung dasa tali diri.

6 Santukan Dane Yoab nenten saadung ring titah ida sang prabu, kenginan dane nenten ngetang warga suku Lewi miwah suku Benyamine.

7

Ida Sang Hyang Widi Wasa nenten pisan ledang ring paindikan sane sampun kamargiang punika. Punika awinan Ida raris nyisipang wong Israele.

8 Ida Sang Prabu Daud tumuli matur ring Ida Sang Hyang Widi Wasa sapuniki: “Titiang sampun ngardi dosa sane ageng malantaran paindikan punika! Ledang Palungguh IRatu ngampurayang titiang. Titiang sampun ngardi paindikan sane kalintang nambet.”

9

Sasampune punika Ida Sang Hyang Widi Wasa ngandika ring Dane Gad, nabin Ida Sang Prabu Daud, sapuniki:

10 “Kema orahang teken Daud mungguing Ulun lakar nglugrain ia milih abesik uli pantaran paundukan ane tetelu ene. Encenja ane piliha, ento ane lakar laksanayang Ulun.”

11

Dane Gad raris tangkil ring Ida Sang Prabu Daud, nguningayang pangandikan Ida Sang Hyang Widi Wasa punika, sarwi mataken sapuniki: “Sane encen sane jaga pilih iratu.

12 Punapike sayah ageng tigang taun punapike jerih kapilayu saking wadua balan imeseh tigang sasih suenipun, punapike Ida Sang Hyang Widi Wasa ngebug iratu antuk pedang Idane tigang rahina suenipun, tur ngrauhang grubug ring panegara druene malantaran Ida ngutus malaekat Idane buat jaga mancut urip ring sakuub panegara Israele. Sapunapike pasaur iratune sane patut aturang titiang ring Ida Sang Hyang Widi Wasa?”

13

Pasaur Ida Sang Prabu Daud ring Dane Gad sapuniki: “Keweh pisan manah tiange! Sakewanten tiang tan lila yen kasisipang antuk manusane. Banggayang Ida Sang Hyang Widi Wasa ngraga sane nyisipang tiang, santukan Ida maraga sih sueca.”

14

Duaning punika Ida Sang Hyang Widi Wasa raris ngrauhang grubug ring rakyat Israele, mawanan rakyate padem pitung dasa tali akehipun.

15 Sapanglanturipun Ida ngutus malaekat Idane buat nguugang kota Yerusaleme, nanging Ida gelis ngubah pakayunan Idane tur ngandika ring malaekate punika sapuniki: “Suud! Suba cukup amonto.” Daweg punika malaekate punika sedek ngadeg nampek ring genah panyosohan gandum Dane Arauna, wong Yebuse punika.

16

Ida Sang Prabu Daud raris nyingak sang malaekat sedek ngadeg ring ambarane saha ngagem pedang sayaga jaga ngenyagang kota Yerusaleme. Irika Ida Sang Prabu Daud makamiwah parapamimpin wong Israele makasami pada ngrangsuk busana kaduhkitan raris pada sumungkem kantos prarainnyane nganteg tanah.

17 Ida Sang Prabu Daud raris ngastawa sapuniki: “Duh Ratu Sang Hyang Widi Wasa wantah titiang sane ngardi iwang. Titiang sane mrentahang mangda ngamargiang cacah jiwa punika. Nanging napike iwang parakaula druene sane nista punika? Duh Ratu Sang Hyang Widi Wasa, Widin titiange, sisipangja titiang miwah kulawargan titiange, nanging luputangja kaula druene.”

18

Malaekat Ida Sang Hyang Widi Wasa tumuli ngandikayang Dane Gad mangda ngaturin Ida Sang Prabu Daud rauh tur ngwangun pamorboran aturan pabuat Ida Sang Hyang Widi Wasa ring genah panyosohan gandum Dane Arauna.

19 Ida Sang Prabu Daud ngiringang titah Ida Sang Hyang Widi Wasa tur ngamargiang paindikan sane kuningang antuk Dane Gad ring ida.

20 Duk punika Dane Arauna miwah okan danene sareng patpat sedek nyosoh gandum ring panyosohane punika. Rikala dane nyingak malaekate punika, oka-okan danene raris malaib tur mengkeb.

21 Riwau Dane Arauna nyingak Ida Sang Prabu Daud rauh, dane digelis nilar panyosohane, tumuli tangkil saha sumungkem kantos prarain danene nganteg tanah.

22 Ida Sang Prabu Daud raris ngandika ring Dane Arauna sapuniki: “Baangja gelah meli tongos panyosohan pamane, apanga gelah mrasidayang ngwangun tongos pamorboran aturan pabuat Ida Sang Hyang Widi Wasa, apanga suud grubuge. Gelah lakar mayah pangajinnyane amun patutne.”

23

Atur Dane Arauna sapuniki: “Duh ratu sang prabu rarisangja ambil samaliha rarisang margiang napi sane dados pakarsan palungguh iratu. Puniki wenten banteng buat anggen aturan, miwah puniki wenten papan-papan panyosohan buat anggen saang, tur puniki gandum buat anggen aturan. Puniki makasami aturang titiang ring palungguh iratu.”

24

Nanging ida sang prabu ngandika asapuniki: “Edaja buka keto, gelah lakar mayah teken paman manut amun pangajinne. Gelah tusing nyak lakar ngaturang teken Ida Sang Hyang Widi Wasa aturan ane enu dadi gelah pamane, wiadin aturan ane tuara baan gelah meli.”

25 Ida raris naur ring Dane Arauna tigang atak jinah mas buat naur genah panyosohane punika.

26 Irika ida ngwangun pamorboran aturan buat Ida Sang Hyang Widi Wasa tur ngaturang aturan maborbor miwah aturan karahayuan. Ida raris ngastawa, tur Ida Sang Hyang Widi Wasa nagingin pangastawan idane antuk nedunang geni saking ambarane buat nunjel aturane sane ring pamorboran aturane punika.

27

Ida Sang Hyang Widi Wasa ngandikayang mangda sang malaekat ngenahang pedangnyane, tur malaekate punika ngiringang pangandikan Idane.

28 Ida Sang Prabu Daud wikan mungguing malantaran antuk punika Ida Sang Hyang Widi Wasa nagingin pangastawan idane. Duaning punika ida tumuli ngaturang aturan ring pamorboran aturane ring genah panyosohan Dane Arauna punika.

29 Duk punika Kemah Linggih Ida Sang Hyang Widi Wasa sane kakardi antuk Dane Musa ring tegal melakange miwah pamorboran aturan genah morbor aturane, kantun magenah ring genah pangubaktine ring Gibeon.

30 Nanging Ida Sang Prabu Daud tan mrasidayang lunga mrika ngaturang bakti ring Ida Sang Hyang Widi Wasa, santukan ida ajerih ring pedang malaekat Ida Sang Hyang Widi Wasa.

22

1

Ida Sang Prabu Daud raris ngandika sapuniki: “Dini lakar tongos Perhyangan Ida Sang Hyang Widi Wasa, Widin iragane. Ene suba tongos pamorboran aturane tongos bangsa Israele ngaturang aturan-aturan maborbor.”

2

Ida Sang Prabu Daud mrentahang mangda wong sunantara sane magenah ring tanah Israel kapunduhang, tur ipun raris kapangandikayang makarya. Saking pantaranipune wenten kapangandikayang ngandik batu buat jaga kanggen ngwangun Perhyangan Agung.

3 Ida Sang Prabu Daud nyawisang besi akeh pisan buat kanggen paku miwah panyepitan buat macek miwah nyepit lawang gapurane. Samaliha ida taler nyawisang temaga akeh pisan kantos nenten wenten anak sane mrasidayang nimbang beratipun.

4 Ida ngarsayang wong Tirus miwah Sidone mangda ngaturang taru aras katah pisan.

5 Ida mabaos ring kayun asapuniki: “Perhyangan Agung ane lakar kawangun baan icening Salomo musti apange luung gati tur apanga kasub di gumine. Nanging icening enu wimuda, buina tonden ngelah pangalaman. Ento kranane idewek patut nabdabang pasediaan buat wewangunane ento.” Punika awinan Ida Sang Prabu Daud sampun nyawisang lakar katah pisan sadurung ida seda.

6

Ida raris ngesengin okan idane, Ida Salomo tur kapangandikayang mangda ngwangun Perhyangan buat Ida Sang Hyang Widi Wasa, Widin Israele.

7 Ida Sang Prabu Daud ngandika ring putran idane, sapuniki: “Cening, aji dot ngwangun Perhyangan buat ngluihang Ida Sang Hyang Widi Wasa, Widin ajine.

8 Nanging Ida Sang Hyang Widi Wasa ngandikayang mungguing aji suba bes liu pesan ngamatiang anak tur pepes pesan masiat. Sawireh bes liu suba ngecorang getih anak, Ida tusing nglugrain aji ngwangun Perhyangan buat Ida.

9 Nanging Ida suba ngardi prajanjian teken aji, kene: ‘Kita lakar ngelah pianak muani ane lakar mrentah sajeroning kerta raharja, sawireh Ulun lakar ngicen ia dame ngajak musuh-musuhne makejang. Ia lakar madan Salomo, sawireh di masan pamrentahannyane Ulun lakar mapaica kerta raharja teken Israel.

10 Ia ane lakar ngwangun Perhyangan buat Ulun. Ia lakar dadi putran Ulune, tur Ulun lakar dadi ajinne. Katurunannyane lakar mrentah Israel salawas-lawasne.’ ”

11

Ida Sang Prabu Daud malih nglanturang ngandika sapuniki: “Ih cening, ane jani dumadak Ida Sang Hyang Widi Wasa, Widin ceninge ngiangin cening tur dumadakja Ida ngamanggehang prajanjian Idane apanga cening sida karya sajeroning ngwangun Perhyangan Idane.

12 Buina dumadak Ida Sang Hyang Widi Wasa, Widin ceninge ngicen cening pangresepan muah kawicaksanan apanga cening nyidayang mrentah bangsa Israele satinut teken pidabdab Idane.

13 Yening cening nyalanang sakancan pidabdab ane kapaicayang baan Ida Sang Hyang Widi Wasa teken Dane Musa pabuat bangsa Israele, sinah cening lakar molihing gae. Entegangja keneh ceninge, tur pracayaja. Eda kanti ada paundukan ane ngranayang cening takut.

14 Yan buat Perhyangan Agunge ento, ulihan pakibeh ajine, aji suba munduhang mas lebihan teken telung tali samas ton, muah perak lebihan teken telung dasa pat tali ton, buat kagunayang ngwangun Perhyangane ento. Sajaba ento, ada buin pasediaan temaga muah besi ane tusing kena baan ngitung liunne. Aji masih suba sedia kayu muah batu, nanging enu masih patut imbuhin cening.

15 Cening liu ngelah tukang. Ada tukang kandik batu, ada tukang pasang batu muah tukang kayu, aketo masih liu ada tukang ukir magenepan,

16 ane bisa ngukir mas, perak, temaga muah besi. Ane jani melahan suba ngawitin magae. Dumadak Ida Sang Hyang Widi Wasa ngiangin cening.”

17

Ida Sang Prabu Daud mrentahang sawatek pamimpin wong Israele mangda pada nulungin Ida Salomo.

18 Sapuniki pangandikan idane: “Ida Sang Hyang Widi Wasa, Widin pamane suba ngiangin paman tur mapaica dame milehan teken paman. Ida suba nglugrain tiang ngalahang sakancan bangsane ane laad nongos di gumine ene, tur ane jani ia suba mateluk teken paman muah teken Ida Sang Hyang Widi Wasa.

19 Ane jani ancanginja Ida Sang Hyang Widi Wasa, Widin pamane aji panelah bayu sabda idep pamane. Kawitinja ngwangun Perhyangan Agunge. Apanga paman mrasidayang nglinggihang ditu Peti Prajanjian Ida Sang Hyang Widi Wasa muah sawatek prabot suci ane lenan ane biasa kanggon mabakti teken Ida di Perhyangane ento.”

23

1

Rikala Ida Sang Prabu Daud sampun lingsir pisan, Ida raris ngadegang Ida Salomo dados ratun wong Israele.

2

Ida Sang Prabu Daud munduhang sawatek pamimpin wong Israele, parapandita miwah wong Lewine.

3 Ida naptarang sakancan wong Lewine sane lanang-lanang sane mayusa tigang dasa taun wiadin langkungan. Katahipun wenten sareng tigang dasa kutus tali.

4 Ida Sang Prabu netepang anak sareng patlikur tali buat ngenterang makarya ring Perhyangan Agung. Nem tali diri katetepang dados prakangge miwah hakim,

5 petang tali diri dados pajagaan tur petang tali diri dados juru kidung buat ngluihang Ida Sang Hyang Widi Wasa nganggen tetabuhan, antuk tetabuhan sane sampun kasediayang antuk ida sang prabu.

6

Ida Sang Prabu Daud ngepah wong Lewi punika dados tigang pahan manut palingsehannyane, minakadinipun palingsehan Gerson, palingsehan Kehat miwah palingsehan Merari.

7

Dane Gerson madue oka lanang kekalih inggih punika: Dane Ladan miwah Dane Simei.

8 Dane Ladan madue oka lanang tetiga, inggih punika: Dane Yehiel, Setam miwah Yoel,

9 sane makadados panglingsir palingsehan katurunan Dane Ladan. (Dane Simei madue oka lanang tetiga inggih punika: Dane Selomit, Hasiel miwah Dane Haran.)

10 [10-11] Dane Simei madue oka patpat, inggih punika: Dane Yahat, Sisa, Yeus miwah Dane Beria. Katurunan Dane Yeus miwah Dane Beria wantah akidik. Punika awinan dane ketang kadadosang palingsehan asiki.

11

12

Dane Kehat madue oka patpat, inggih punika: Dane Amram, Yisar, Hebron miwah Dane Usiel.

13 Dane Amram okan Dane Kehat sane pinih duur, dane punika ajin Dane Harun miwah Dane Musa. (Dane Harun miwah katurunan danene kaselik buat ngenterang paindikan sane suci, buat morbor menyan sajeroning pangubakti ring Ida Sang Hyang Widi Wasa, tur ngancangin Ida, ngamertanin rakyate sajeroning parab Idane buat salami-laminipun.

14 Nanging oka-okan Dane Musa parekan Ida Sang Hyang Widi Wasa, karanjingang ring pantaran wong Lewi.)

15 Dane Musa madue oka lanang kekalih inggih punika Dane Gersom miwah Dane Elieser.

16 Dane Sebuel sane makadados pamimpin ring pantaran paraputran Dane Gersom.

17 Dane Elieser wantah madue oka lanang asiki, inggih punika: Dane Rehabya, nanging Dane Rehabya madue katurunan akeh pisan.

18

Dane Yisar okan Dane Kehat sane madenan madue oka lanang asiki, mapesengan Selomit. Dane dados panglingsir palingsehan.

19 Dane Hebron, okan Dane Kehat sane nyomanan, madue oka lanang patpat, inggih punika: Dane Yeria, Amarya, Yahasiel miwah Dane Yekameam.

20 Dane Usiel okan Dane Kehat sane paling ketut, madue oka lanang kekalih inggih punika: Dane Mika miwah Dane Yisia.

21

Dane Merari madue oka lanang kekalih inggih punika: Dane Mahli miwah Dane Musi. Dane Mahli taler madue oka lanang kekalih inggih punika: Dane Eleasar miwah Dane Kis.

22 Nanging Dane Eleasar seda tur nenten madue oka lanang. Dane wantah madue oka istri-istri kewanten. Oka-okan danene sane istri-istri punika kambil antuk misan-misan danene inggih punika okan Dane Kis.

23 Dane Musi okan Dane Merari sane madenan madue oka lanang-lanang tetiga inggih punika: Dane Mahli, Eder miwah Dane Yeremot.

24

Puniki makasami katurunan Dane Lewi manut palingsehan miwah kulawargannyane. Dane pada kadaptaran manut pesengan danene suang-suang. Asing-asing saking katurunannyane, sane sampun mayusa kalih dasa taun wiadin langkungan polih duman pakaryan ring Perhyangan Agung Ida Sang Hyang Widi Wasa.

25

Pangandikan Ida Sang Prabu Daud, sapuniki: “Ida Sang Hyang Widi Wasa, Widin Israele suba mapaica sutrepti rahayu teken parakaulan Idane, tur Ida ngraga ledang malinggih di Yerusalem salawas-lawasne.

26 Sawireh keto wong Lewine tusing enu buin negen Kemah Linggih Ida Sang Hyang Widi Wasa muah saluiring prabot ane kagunayang sajeroning pangubaktine.”

27 Malantaran titah ida sang prabu sane ka pamuput, sakancan wong Lewine patut kadaptarang buat ngaturang ayah rikala dane sampun mayusa kalih dasa taun,

28 tur katetepang buat ngamargiang pakaryan luire: Ngrombo parapandita katurunan Dane Harun sajeroning pangubakti ring Perhyangan Agung, ngetangang natar miwah kamar-kamarnyane, tur ngetangang barang-barang sane suci mangda sampunang kaletehin,

29 nyawisang roti aturan buat Ida Sang Hyang Widi Wasa, nyawisang tepung sane jaga kanggen aturan, nyawisang roti tan paragi, aturan sane mapanggang miwah tepung sane kulet antuk minyak saitun makamiwah nimbang miwah nakeh aturan-aturan sane katur ring Perhyangan Agung.

30 Sajaba punika taler muji miwah ngluihang Ida Sang Hyang Widi Wasa nyabran semeng miwah sore,

31 miwah rikala aturan pabuat Ida Sang Hyang Widi Wasa kaborbor ring rahina Sabate, ring Rerainan Bulan Baru miwah ring rerainan sane lianan. Buat ngamargiang paindikane punika kakaryanang pidabdab sane netepang katah miwah giliran wong Lewine punika.

32 Dane sareng sami kapisara buat ngetangang Kemah Linggih Ida Sang Hyang Widi Wasa miwah Perhyangan Agunge, tur ngrombo parasemeton danene, inggih punika parapandita katurunan Dane Harun sajeroning ngamargiang pangubakti ring Perhyangan Agung.

24

1

Puniki klompok-klompok sane ngranjing dados katurunan Dane Harun. Dane Harun madue oka patpat inggih punika: Dane Nadab, Abihu, Eleasar miwah Itamar.

2 Dane Nadab miwah Dane Abihu sampun seda sadurung ajin danene seda, tur dane sareng kalih nenten madue katurunan. Mawinan semeton danene Dane Eleasar miwah Itamar sane madeg dados pandita.

3 Ida Sang Prabu Daud ngatur katurunan Dane Harun sajeroning klompok-klompok manut tetegenannyane suang-suang. Sajeroning punika sang prabu kasarengin antuk Dane Sadok, katurunan Dane Eleasar miwah antuk Dane Ahimelek katurunan Dane Itamar.

4 Katurunan Dane Eleasar katur kadadosang nembelas klompok, tur katurunan Dane Itamar katur kadadosang kutus klompok. Indike punika kamargiang santukan ring katurunan Dane Eleasar akehan wenten kepala kulawarga.

5 Santukan wenten anak dados prakangge ring Perhyangan Agung miwah parapamimpin agama ring pantaran katurunan Dane Eleasar miwah Dane Itamar, dane sareng sami raris kaepah nganggen undi.

6 Katurunan Dane Eleasar miwah katurunan Dane Itamar nampi giliran malantaran mulang undi. Sapangrarisipun, dane raris kadaptar antuk Dane Semaya, okan Dane Netaneel, wong Lewi sane dados sekretaris. Indike punika kamargiang ring ajeng ida sang prabu, paraprakanggen idane, Sang Pandita Sadok, Dane Ahimelek okan Dane Abyatar miwah kepala-kepala kulawargan parapanditane, ping kalih kulawargan wong Lewine.

7

[7-18] Giliran pabuat klompok kulawarga sane patlikur punika katetepang kadi asapuniki:

1 Dane Yoyarib.
2 Dane Yedaya.
3 Dane Harim.
4 Dane Seorim.
5 Dane Malkia.
6 Dane Miyamin.
7 Dane Hakos.
8 Dane Abia.
9 Dane Yesua.
10 Dane Sekanya.
11 Dane Elyasib.
12 Dane Yakim.
13 Dane Hupa.
14 Dane Yesebeab.
15 Dane Bilga.
16 Dane Imer.
17 Dane Hesir.
18 Dane Hapises.
19 Dane Petahya.
20 Dane Yeheskiel.
21 Dane Yakin.
22 Dane Gamul.
23 Dane Delaya.
24 Dane Maasya.

8

9

10

11

12

13

14

15

16

17

18

19

Anake punika kadaptar manut sane katetepang buat ngamargiang tetegenannyane ring Perhyangan Agung, satinut ring pidabdab sane sampun kakardi antuk Dane Harun leluurnyane, buat ninutin titah Ida Sang Hyang Widi Wasa, Widin Israele.

20

Puniki kepala-kepala kulawargan wong Lewi sane tiosan, inggih punika:

Dane Yehdeya katurunan Dane Subael, katurunan Dane Amram.

21

Dane Yisia katurunan Dane Rehabia.

22

Dane Yahat katurunan Dane Selomot, katurunan Dane Yisar.

23

Dane Yeria, Dane Amaria, Dane Yahasiel miwah Dane Yekameam, oka-okan Dane Hebron manut urutan yusannyane.

24

Dane Samir, katurunan Dane Mika, katurunan Dane Usiel.

25

Dane Sakaria katurunan Dane Yisia, katurunan Dane Usiel, semeton Dane Mika.

26

Dane Mahli, Dane Musi miwah Dane Yaasia katurunan Dane Merari.

27 Dane Yaasia madue oka lanang-lanang tetiga inggih punika: Dane Soham, Sakur miwah Dane Hibri.

28 [28-29] Dane Mahli madue oka lanang-lanang kekalih inggih punika: Dane Eleasar miwah Dane Kis. Dane Eleasar nenten madue oka lanang, nanging Dane Kis madue oka lanang asiki kapesengin Yerahmeel.

29

30 Dane Musi madue oka lanang tetiga inggih punika: Dane Mahli, Eder miwah Dane Yerimot.

Puniki makasami kulawargan wong Lewine.

31

Asing-asing kepala kulawarga miwah salah tunggal saking semetonnyane sane pinih alita, mulang undi pabuat gilirannyane, pateh sakadi sane kamargiang antuk parasemeton danene parapandita katurunan Dane Harun. Ida Sang Prabu Daud, Dane Sadok, Dane Ahimelek miwah kepala-kepala kulawargan parapanditane, miwah parawong Lewine sami pada dados saksi.

25

1

Sang Prabu Daud miwah parapamimpin wong Lewine nyelik palingsehan-palingsehan wong Lewine ring sor puniki buat ngamargiang pangubakti, inggih punika: Dane Asap, Dane Heman miwah Dane Yedutun. Dane patut ngwedar sabdan Ida Sang Hyang Widi Wasa, kadulurin antuk suaran kecapi miwah cengceng. Puniki daptar anake sane kaselik buat polih ngamargiang pangubakti miwah tetegenannyane suang-suang manut sopacaraning pangubakti punika.

2

Okan Dane Asap sareng patpat, inggih punika: Dane Sakur, Dane Yusup, Dane Netanya miwah Dane Asarela, kapimpin antuk Dane Asap, polih tetegenan buat ngwedar sabdan Ida Sang Hyang Widi Wasa sabilang kapangandikayang antuk ida sang prabu.

3

Okan Dane Yedutun sareng nemnem inggih punika: Dane Gedalya, Dane Seri, Dane Yesaya, Dane Simei, Dane Hasabya miwah Dane Matica, kapimpin antuk ajin danene, polih tetegenan ngwedar sabdan Ida Sang Hyang Widi Wasa kadulurin antuk suaran kecapi miwah kidung pamuji lan panyuksma ring Ida Sang Hyang Widi Wasa.

4

Okan Dane Heman sareng patbelas, inggih punika: Dane Bukia, Dane Matanya, Dane Usiel, Dane Sebuel, Dane Yerimot, Dane Hananya, Dane Hanani, Dane Eliata, Dane Gidalti, Dane Romanti-Eser, Dane Yosbekasa, Dane Maloti, Dane Hotir miwah Dane Mahasiot.

5 Ida Sang Hyang Widi Wasa ngicen Dane Heman, nabin ida sang prabu, putra lanang-lanang patbelas punika tur oka istri-istri tetiga, manut sakadi janjin Idane, buat mapaica kawisesan ring Dane Heman.

6 Okan danene makasami dados juru tabuh cengceng miwah kecapi kapimpin antuk ajin danene, buat ngiringang pangubaktine ring Perhyangan Agung. Mungguing Dane Asap, Yedutun miwah Heman punika wenten ring sor prentah ida sang prabu.

7

Anake sareng patlikur punika makasami anak sane sampun pradnyan tur wong Lewi sane nyarengin dane makasami juru tabuh sane sampun pascad. Dane makasami wenten sareng satak ulung dasa kutus diri akehnya.

8

Buat nabdabang gilirannyane suang-suang, yadian sane anom wiadin sane lingsir, yadian sane sampun pradnyan wiadin sane wau mlajah, dane nganggen undi.

9

[9-31] Anake sane sareng satak wulung dasa kutus punika, kaepah dados patlikur klompok sane anggotannyane roras-roras, tur sabilang klompok madue pamimpin asiki. Klompok-klompok sane polih tetegenane punika manut urutan gilirannyane inggih punika:

1 Dane Yusup, saking kulawargan Dane Asap.
2 Dane Gedalya.
3 Dane Sakur.
4 Dane Yisri.
5 Dane Netania.
6 Dane Bukia.
7 Dane Yesarela.
8 Dane Yesaya.
9 Dane Matanya.
10 Dane Simei.
11 Dane Asareel.
12 Dane Hasabia.
13 Dane Subael.
14 Dane Matica.
15 Dane Yeremot.
16 Dane Hanania.
17 Dane Yosbekasa.
18 Dane Hanani.
19 Dane Maloti.
20 Dane Eliata.
21 Dane Hotir.
22 Dane Gidalti.
23 Dane Mahasiot.
24 Dane Romamti-Eser.

26

1

Puniki duman pakaryan wong Lewi sane dados pajagaan Perhyangan Agunge. Saking palingsehan Dane Korah, inggih punika: Dane Meselemia okan Dane Kore, saking kulawargan Dane Ebyasap.

2 Dane madue oka lanang pepitu manut urutan yusannyane, inggih punika: Dane Sakaria, Dane Yediael, Dane Sebaja, Dane Yatniel,

3 Dane Elam, Dane Yohanan miwah Dane Elyoenai.

4

Taler Dane Obed sane kamertanin antuk Ida Sang Hyang Widi Wasa malantaran kicen oka kutus diri manut urutan yusannyane inggih punika: Dane Semaya, Dane Yosabad, Dane Yoah, Dane Sakar, Dane Netaneel,

5 Dane Amiel, Dane Isakar miwah Dane Peuletai.

6

[6-7] Dane Semaya okan Dane Obed-Edom sane pinih duura, madue oka nemnem, inggih punika: Dane Otni, Dane Repael, Dane Obed, Dane Elsabad, Dane Elihu miwah Dane Semakia. Ring palingsehan danene, dane makasami dados pamucuk santukan dane sareng sami anak sane sura dira, minakadinipun pisan Dane Elihu miwah Dane Semakia.

7

8

Kulawargan Dane Obed-Edom ngamedalang pajagaan nem dasa kalih diri, anak sane pascad ring pakaryane punika.

9

Kulawargan Dane Meselemia ngamedalang anak sura dira plekutus diri akehipun.

10

Dane Hosa saking palingsehan Dane Merari madue oka lanang-lanang patpat, inggih punika: Dane Simri, (ajin danene netepang dane dados pamimpin, yadiastun dane punika boyaja oka sane pinih duur),

11 Dane Hilkia, Dane Tebalia miwah Dane Sakaria. Makasami wenten sareng telulas, anggota saking kulawargan Dane Hosa sane dados pajagaan Perhyangan Agunge.

12

Parapajagaan Perhyangan Agunge punika kaepah dados klompok-klompok manut kulawargannyane tur dane polih giliran makarya ring Perhyangan Agung sakadi wong Lewi sane lianan.

13 Asing-asing kulawarga, ageng wiadin alit patut kaundi buat mastiang gapura sane encen sane patut jaga dane.

14 Dane Selemia polih tugas ring gapura sane bedangin. Dane Sakaria okan Dane Selemia, sane dados penasehat sane wicaksana, polih tugas ring gapura sane baler.

15 Dane Obed-Edom polih tugas ring gapura sane bedelod, tur oka-okan danene polih tugas nyaga gudang prabot.

16 Dane Supim miwah Dane Hosa, polih tugas ring gapura sane bedauh, miwah Gapura Saleket sane ring margine ngamunggahang. Parapajagaane patut kagilirang manut gilirannyane suang-suang.

17 Bedangin, nyabran rahina wenten pajagaan sareng nemnem, baler sareng patpat miwah bedelod sareng patpat. Ring gudang prabote wenten pajagaan sane tetep petang diri, inggih punika sabilang gudang kalih diri.

18 Nampek ring papiliune sane bedauh, wenten pajagaan sareng patpat sane majaga ring sisin margine ageng, tur kekalih ring papiliune punika.

19 Punika makasami klompok pajagaan sane saking palingsehan Dane Korah miwah Dane Merari.

20

Wong Lewi sane lianan kapisara ngenterang arta branan Perhyangan Agunge miwah gudang-gudang panyimpenan barang-barang sane katur ring Ida Sang Hyang Widi Wasa.

21 Dane Ladan salah tunggal okan Dane Gerson, dados leluur makudang-kudang klompok kulawarga, minakadinipun kulawargan Dane Yehiel okan danene.

22 Okan Dane Ladan sane tiosan inggih punika: Dane Setam miwah Dane Yoel polih tetegenan ngetangang arta brana miwah gudang-gudang Perhyangan Agunge.

23

Tetegenane punika taler kapisara ring katurunan Dane Amram, Dane Yisar, Dane Hebron miwah Dane Usiel.

24

Dane Sebuel, palingsehan Dane Gersom, okan Dane Musa dados kepalan prakangge sane ngetangang arta branan Perhyangan Agunge.

25 Ulihan Dane Elieser semeton danene, dane kantun masemetonan ring Dane Selomit. Dane Elieser punika ajin Dane Rehabya, Dane Rehabya ajin Dane Yesaya ajin Dane Yoram, Dane Yoram ajin Dane Sikri, Dane Sikri ajin Dane Selomit.

26 Dane Selomit miwah anggota kulawargan danene kapisara ngetangang barang-barang aturan ring Ida Sang Hyang Widi Wasa sane katurang antuk Ida Sang Prabu Daud, antuk kepala-kepala kulawargane, antuk pamimpin-pamimpin klompok palingsehane miwah antuk komandan-komandan wadua balane.

27 Ida sane ngambil apahan saking barang jarahan sane keniang dane ring payudan, tur punika katurang buat kagunayang ring Perhyangan Agung.

28 Dane Selomit miwah kulawargan danene kapisara ngetangang saluiring barang-barang sane sampun katurang buat kagunayang ring Perhyangan Agung. Minakadinipun aturan sane katurang antuk Nabi Samuel, antuk Sang Prabu Saul, antuk Dane Abner okan Dane Ner, miwah antuk Dane Yoab okan Dane Seruya.

29

Saking katurunan Dane Yisar, Dane Kenanya miwah oka-okan danene kapisarayang dados prakangge miwah hakim buat wong Israele.

30

Saking katurunan Dane Hebron, Dane Hasabya miwah pasemetonan danene sareng siu pitung atus diri, sane sami sura dira, kapisara ngenterang pamrentahan miwah nabdab pailehan agama ring Israel sane dauh Tukad Yordane.

31 Dane Yeria dados pamimpin katurunan Dane Hebron. Ring taun sane kaping petang dasa sapanyeneng Ida Sang Prabu Daud, kawentenang panureksan ngeniang indik silsilah katurunan kulawargan Dane Hebron, tur kapanggih wenten prajurit-prajurit sane sura dira saking kulawargane puniki magenah ring Yaeser ring wewidangan Gilead.

32 Ida Sang Prabu Daud nyelik kulawarga sane sura dira kalih tali pitung atus diri saking pasemetonan Dane Yeria tur kapisara ngenterang pamrentahan miwah nabdab paileh agama ring Israel, dangin Tukad Yordane, inggih punika ring wewidangan suku Ruben, Gad miwah Manase dangin tukad.

27

1

Puniki daptar kepala-kepala kulawarga miwah pamimpin palingsehan wong Israel miwah prakangge-prakangge sane kapisara ngenterang pamrentahan sajeroning kaprabon Israele. Sajeroning ataun, nyabran sasih wenten klompok sareng patlikur tali diri akehipun polih giliran ngamargiang pakaryan kapimpin antuk satunggaling komandan.

2

[2-15] Parakomandan sane mimpin klompok sabilang sasih, inggih punika:

Ring sasih sane kaping pisan: Dane Yesobam okan Dane Sabdiel (dane dados anggota palingsehan Dane Peres, saking suku Yehuda).
Ring sasih sane kaping kalih: Dane Dodai katurunan Dane Ahohi (Dane Miklot, dados wakil danene).
Ring sasih sane kaping tiga: Dane Benaya okan Pandita Yoyada. Dane dados pamimpin prawira sane tigang dasa (okan danene sane lanang Dane Amisabad sane ngentosin dane dados pamimpin prawira punika).
Ring sasih sane kaping pat: Dane Asael semeton Dane Yoab (okan danene, Dane Sebaja ngentosin dane).
Ring sasih sane kaping lima: Dane Samhut katurunan Dane Yisar.
Ring sasih sane kaping nemnem: Dane Ira, oka Dane Ikes saking Tekoa.
Ring sasih sane kaping pitu: Dane Heles wong Epraim saking Peloni.
Ring sasih sane kaping kutus: Dane Sibkai saking Husa (dane punika anggota saking palingsehan Dane Serah, saking suku Yehuda).
Ring sasih sane kaping sia: Dane Abieser saking Anatot ring wewidangan suku Benyamin.
Ring sasih sane kaping dasa: Dane Maharai saking Netopa (dane punika palingsehan Dane Sera.)
Ring sasih sane kaping solas: Dane Benaya saking Piraton ring wewidangan suku Epraim.
Ring sasih sane kaping roras: Dane Heldai saking Netopa (dane punika katurunan Dane Otniel.)

3

4

5

6

7

8

9

10

11

12

13

14

15

16

[16-22] Puniki daptar anake sane dados pamrentah suku-suku Israele, inggih punika:

[Suku] — [Pamrentah]

Ruben — Dane Elieser okan Dane Sikri.

Simeon — Dane Sepaca okan Dane Maaka.

Lewi — Dane Hasabya okan Dane Kemuel.

Harun — Dane Sadok.

Yehuda — Dane Elihu, salah tunggal semeton Sang Prabu Daud.

Isakar — Dane Omri okan Dane Mikael.

Sebulon — Dane Yismaya okan Dane Obaja.

Naptali — Dane Yerimot okan Dane Asriel.

Epraim — Dane Hosea okan Dane Asasya.

Manase dauh tukad — Dane Yoel okan Dane Pedaya.

Manase dangin tukad — Dane Yido okan Dane Sakaria.

Benyamin — Dane Yaasiel okan Dane Abner.

Dan — Dane Asareel okan Dane Yeroham.

17

18

19

20

21

22

23

Ida Sang Prabu Daud nenten nyacah jiwa rakyate sane durung matuuh kalih dasa taun. Santukan Ida Sang Hyang Widi Wasa majanji pacang nadosang bangsa Israel punika sakadi bintang ring langite akehipun.

24 Dane Yoab okan Dane Seruya sampun ngamargiang cacah jiwa, nanging dane nenten muputang pakaryane punika. Ida Sang Hyang Widi Wasa nyisipang wong Israel uli krana cacah jiwane punika. Duaning punika gebogannyane nenten sinurat ring cakepan babad Ida Sang Prabu Daud.

25

[25-31] Puniki daptar anake sane dados pangenter arta branan ida sang prabu, inggih punika:

Dane Asmawet okan Dane Adiel ngenterang gudang ida sang prabu.
Dane Yonatan okan Dane Usia, ngenterang gudang sane ring daerah-daerah.
Dane Esri okan Dane Kelub, ngenterang anak sane makarya ring pategalan.
Dane Simei sane saking Rama, ngenterang abian anggur.
Dane Sabdi sane saking Sipmi ngenterang pasediaan anggure.
Dane Baal-Hanan sane saking Gederi, ngenterang wit saitun miwah wit aa (sane ring sampih bukite bedauh).
Dane Yoas ngenterang panyimpenan minyak saitune.
Dane Sitrai sane saking Saron, ngenterang banteng sane ring pangonane ring tanah Saron.
Dane Sapat okan Dane Adlai, ngenterang banteng sane kangonang ring lebak-lebake.
Dane Obil katurunan Dane Ismael ngenterang unta.
Dane Yehdeya sane saking Meronot, ngenterang keledae.
Dane Yasis, wong Hagri, ngenterang biri-biri miwah kambing.

26

27

28

29

30

31

32

Dane Yonatan, paman Ida Sang Prabu Daud, dados pangabih sane pradnyan tur weruh ring cakepan. Dane miwah Dane Yehiel okan Dane Hakmoni kapisara ngurukang paraputran ida sang prabu.

33 Dane Ahitopel dados pangabih sang prabu, tur Dane Husai wong Arki punika dados sawitran sang prabu.

34 Sasampune Dane Ahitopel seda, Dane Abyatar miwah Dane Yoyada okan Dane Benaya dados pangabih sang prabu. Dane Yoab dados senapatin wadua balan ida sang prabu.

28

1

Ida Sang Prabu Daud mrentahang parapangageng Israele sami mangda paum ring Yerusalem. Duaning punika sami parapangageng suku, parapangageng sane ngamong pamrentahan, parapamimpin palingsehan, parapangenter arta brana miwah ingon-ingon druen ida sang prabu miwah paraputran idane, kadi asapunika taler paraprakangge purine, paraprajurit sane sura dira miwah parasulinggihe pada paum ring Yerusalem.

2

Ida sang prabu raris ngadeg tur ngandika ring dane sareng sami sapuniki: “Paranyama bangsan tiange, padingehangja raos tiange. Tiang makeneh ngae tongos buat linggih Peti Prajanjiane, minakadi tatakan cokor Ida Sang Hyang Widi Wasa, Widin iragane. Tiang suba nyediang lakar buat ngwangun Perhyangan Agung buat ngluihang Ida,

3 nanging Ida tusing nglugrain tiang ngwangun Perhyangane ento, sawireh tiang ene prajurit ane suba liu ngecorang getih.

4 Ida Sang Hyang Widi Wasa, Widin Israele, suba nyelik tiang muah katurunan tiange buat mrentah bangsa Israel salawas-lawasne. Ida nyelik suku Yehuda buat nyawisang soroh pamimpin tur uli pantaran suku Yehuda, Ida nyelik kulawargan ajin tiange. Uli kulawargane ento Ida ledang nganggon tiang tur ngamanggehang tiang dadi ratu buat bangsa Israele makejang.

5 Ida ngicen tiang pianak liu, tur uli pantaran pianak tiange ento Ida nyelik icening Salomo buat mrentah Israel, kaprabon Ida Sang Hyang Widi Wasa.

6

Ida Sang Hyang Widi Wasa ngandika teken tiang, kene: ‘Pianak kitane Salomo ane lakar ngwangun Perhyangan Ulune. Ulun suba milih ia dadi putran Ulune, tur Ulun lakar dadi ajinnyane.

7 Ulun lakar ngamanggehang kaprabonnyane kanti salawas-lawasne yening ia pageh teleb nglaksanayang sakancan pidabdab muah pituduh Ulune, buka ane jalananga jani.’

8

Ento krana ane jani, ih bangsan tiange, dini di ayun Widin iragane muah di arepan pauman sawatek wong Israel kaulan Ida Sang Hyang Widi Wasa, tiang ngidih nyama apanga nyama pageh nglaksanayang sakancan ane kapituduhang teken iraga baan Ida Sang Hyang Widi Wasa, Widin iragane, apanga nyama kalugra terus ngelahang tanahe ane melah ene, tur apanga nyama kalugra matamiang tanahe ento teken pianak cucun nyamane turun-temurun.”

9

Samaliha ring Ida Salomo, ida ngandika asapuniki: “Ih cening, bapa mapangidih teken cening, apang cening nawang Widin bapane tur ngancangin Ida aji saguluking ati muah pepineh ceninge. Ida wikan teken apa ane pinehin iraga muah ane edotang iraga. Yening cening ngulati Ida, Ida lakar nrima cening. Nanging yening cening ninggal Ida, Ida lakar ngutang cening salawas-lawasne.

10 Cening patut nawang mungguing Ida Sang Hyang Widi Wasa suba nyelik cening buat ngwangun Perhyangan Idane ane suci. Ane jani laksanayangja ento aji nekeng ati.”

11

Ida Sang Prabu Daud raris maicayang rencana wewangunan Perhyangan Agunge punika ring Ida Salomo, luire rencana wewangunan gudang miwah kamar-kamar sane lianan, miwah rencana wewangunan Genah Sane Maha Suci, genah anake sane nunas pangampuraning dosa.

12 Ida taler nyerahang ring putran idane rencana sane sampun kapikayun ngeniang indik natar miwah kamar-kamar sane ngilehin natare punika, miwah ngeniang indik gudang-gudang genah nyimpen prabot Perhyangane, lan barang-barang sane katurang ring Ida Sang Hyang Widi Wasa.

13 Ida Sang Prabu Daud taler maicayang ring putran Idane rencana indik nabdab tetegenan parapandita miwah wong Lewi buat ngamargiang pakaryan ring Perhyangan Agunge miwah melihara sakancan prabot Perhyangane.

14 Ida ngicen pituduh ngeniang indik akehipun perak miwah mas sane kagunayang buat makarya prabot-prabot,

15 luire lampu-lampu miwah tatakannyane,

16 buat makarya meja-meja perak miwah makarya meja-meja mas sane dados genah aturan roti sane katur ring Ida Sang Hyang Widi Wasa.

17 Ida taler ngicen pituduh ngeniang indik akehipun mas murni sane kagunayang buat makarya garpu, bokor, jun miwah mas sane patut kagunayang buat makarya piring,

18 samaliha akeh mas murni sane patut kagunayang makarya pasepan genah morbor menyan miwah sane kanggen makarya kreta buat malaekate sane ngebatang kampidnyane ring duur Peti Prajanjian Ida Sang Hyang Widi Wasa.

19 Ida Sang Prabu Daud ngandika asapuniki: “Ene makejang suba ada direncanane ane matulis satinut teken pituduh Ida Sang Hyang Widi Wasa teken aji ane patut kalaksanayang.”

20

Ida Sang Prabu Daud ngandika ring Ida Salomo, putran idane, sapuniki: “Pracaya tur entegangja keneh ceninge. Kawitinja magae, tur eda kanti ada paundukan ane ngandeg cening. Ida Sang Hyang Widi Wasa, Widin ajine, ane iring aji lakar ngiangin cening. Ida tusing lakar ngutang cening, nanging Ida lakar tansah ngiangin cening kanti pragat gegaene ngwangun Perhyangan Idane.

21 Parapandita muah wong Lewi suba kapisara nyalanang pangubakti di Perhyangan Agunge. Paratukang magenepan makejang pada dot nulungin cening, buina rakyate makejang muah pamimpin-pamimpinnyane, ento cening ane ngwawa.”

29

1

Ida Sang Prabu Daud tumuli ngandika ring anake sane paum irika sapuniki: “Pianak tiange Salomo ane suba kapilih baan Ida Sang Hyang Widi Wasa, nanging ia enu kaliwat wimuda tur tonden ngelah pengalaman. Gegaene ane lakar kagarap ento gede pesan, sawireh wewangunane ento tidongja buat tongos manusa nanging pabuat Ida Sang Hyang Widi Wasa.

2 Tiang suba mapakibeh sasida-sidan buat nyediang saluiring lakar wewangunan Perhyangane ento, minakadinne: Mas, perak, temaga, besi, kayu, batu, sesocan ane luih-luih muah sesocan sarwa mule, batu ukiran muah marmer.

3 Sajaba ento, tiang masih suba nyediaang mas muah perak gelah tiange padidi ane lakar aturang tiang, baan tresnan tiange teken Perhyangan Ida Sang Hyang Widi Wasa.

4 Tiang suba ngaturang mas ane paling melaha lebihan teken satus ton, buina meh ada jenenga satak petang dasa ton perak murni pabuat rerenggan tembok Perhyangan Agunge ento,

5 muah pabuat sakancan ane lakar kagarap baan tukang ukire. Ane jani nyenke buin ane saking suka lila lakar nyerahang arta brananne buat katurang teken Ida Sang Hyang Widi Wasa?”

6

Irika parapanglingsir palingsehane, parakepala suku, parasenapatin wadua balane miwah prakanggene sane ngetangang arta branan purine saking suka lila maturan.

7 Dane pada ngaturang barang-barang pabuat pakaryan ring Perhyangan Agung, inggih punika: Mas langkungan ring satus pitung dasa ton, perak tigang atus petang dasa ton langkung, temaga meh wenten tigang atak kalih dasa ton, samaliha besi wenten tigang tali samas ton langkung.

8 Anake sane madue sesocan, ngaturang sesocannyane buat dados arta branan Perhyangan Agunge tur kacatet antuk Dane Yehiel, wong Lewi saking palingsehan Dane Gerson.

9 Pasamuane saking suka lila pada maturan ring Ida Sang Hyang Widi Wasa tur ipun marasa liang pisan, duaning aturannyane sampun akeh pisan. Kadi asapunika taler Ida Sang Prabu Daud, ida rumasa seneng pisan.

10

Irika ring arepan anake paum sareng sami, Ida Sang Prabu Daud muji Ida Sang Hyang Widi Wasa, kadi asapuniki: “Ida Sang Hyang Widi Wasa, Widin Yakube leluur iragane dumadak kapuji salawas-lawasne.

11 Palungguh IRatu maha agung tur kalintang wisesa, luihing luih, kalintang mulia miwah maha wisesa. Sawatek sane wenten ring suargan miwah ring jagate sami padruen Palungguh IRatu. Palungguh IRatu sane makadados Ratu sane maha luur, sane ngwengku makasami.

12 Kasugihan miwah kamulian makasami rauhnya saking Palungguh IRatu. Palungguh IRatu ngwengku makasami antuk kakuatan miwah kuasan Palungguh IRatu, tur wantah Palungguh IRatu sane ngawinang jadmane dados agung miwah kukuh bakuh.

13 Sane mangkin, duh Ratu Widin titiange, titiang ngaturang panyuksma ring ajeng Palungguh IRatu, tur titiang muji kaluihan parab Palungguh IRatu.

14

Rakyat titiange miwah titiang sujatinipun nenten mrasidayang ngaturang punapa-punapi ring Palungguh IRatu, santukan saluiring sane wenten punika paican Palungguh IRatu ring titiang, tur titiang wantah mawali ngaturang paican Palungguh IRatu punika.

15 Palungguh IRatu wikan, duh Ratu Sang Hyang Widi Wasa, mungguing titiang muponin uripe punika waluya sakadi jadma maselong wiadin wong sunantara, pateh sakadi leluur titiange. Tuuh titiange waluya sakadi lawate sane mamargi, nenten prasida luput saking sang pati.

16 Duh Ratu Sang Hyang Widi Wasa, Widin titiange, titiang sareng sami sampun ngaturang brana buat ngwangun Perhyangan pabuat ngluihang parab Palungguh IRatu sane suci, nanging branane punika sami kawitipun saking Palungguh IRatu, samaliha punika makasami wantah druen Palungguh IRatu.

17 Titiang uning mungguing Palungguh IRatu nyugjugin manah sakancan manusane, tur Palungguh IRatu ledang ring jadmane sane jujur. Titiang ngaturang puniki makasami ring ajeng Palungguh IRatu, madasar antuk manah sane jujur miwah nulusing ati, samaliha titiang sampun ngeton mungguing kaula druene sane mapunduh iriki sami pada suka rena ngaturang aturannyane ring ajeng Palungguh IRatu.

18 Duh Ratu Sang Hyang Widi Wasa, Widin leluur titiange Abraham, Ishak miwah Yakub, ledang Palungguh IRatu tansah ngamanggehang kasatiaan manah kaula druene, samaliha piaraja ipun mangda prasida tansah satia ring Palungguh IRatu.

19 Icenja pianak titiange Salomo manah sane jujur buat ninutin sapatitah Palungguh IRatu, samaliha buat ngwangun Perhyangan Agung sane lakar-lakarnyane sampun sediaang titiang.”

20

Wusan punika Ida Sang Prabu Daud raris mrentahang kaulan idane sapuniki: “Pujija Ida Sang Hyang Widi Wasa, Widin nyamane!” Irika anake sane paum irika sami muji Ida Sang Hyang Widi Wasa Widin leluurnyane, tur ipun pada sumungkem saha ngluihang Ida Sang Hyang Widi Wasa miwah ida sang prabu.

21

Benjangnyane, ida dane pada nampah wewalungan buat aturan, tumuli katurang ring Ida Sang Hyang Widi Wasa. Sapangrarisipun ulame punika kapaicayang ring rakyate mangda katunas. Samaliha ida dane ngaturang banteng siu ukud, biri-biri muani siu ukud, pianak biri-biri siu ukud, tur makasami punika kaborbor ring pamorboran aturane. Ida dane taler ngaturang toya anggur.

22 Duaning punika rahinane punika ida dane pada kalintang bagia, rikalaning ida dane ipun pada mangan nginum ring ayun Ida Sang Hyang Widi Wasa.

Sasampune punika buat kaping kalihipun, ida dane pada nguarang indik Ida Sang Prabu Salomo jumeneng nata. Sajeroning parab Ida Sang Hyang Widi Wasa, Ida Sang Prabu Salomo kabiseka dados pamrentah, miwah Dane Sadok kabiseka dados pandita.

23 Kadi asapunika Ida Sang Prabu Salomo ngentosin Ida Sang Prabu Daud ajin idane ring singasana sane sampun kamanggehang antuk Ida Sang Hyang Widi Wasa. Ida Sang Prabu Salomo sida karya ring pamargin idane, tur sawatek bangsa Israele sami pada satinut ngiring ida.

24 Paraprakanggene miwah paraprajurite, kadi asapunika taler putran Ida Sang Prabu Daud sane tiosan, sami pada subakti ring Ida Sang Prabu Salomo.

25 Ida Sang Hyang Widi Wasa ngawinang parabangsane sami pada angob ring Ida Sang Prabu Salomo, tur Ida taler ngawinang sang prabu luihan ring pararatu sane tiosan sane naenin mrentah ring Israel.

26

Ida Sang Prabu Daud okan Dane Isai mrentah sakuub bangsa Israele,

27 petang dasa taun suenipun. Ida mrentah ring Hebron pitung taun tur ring Yerusalem tigang dasa tiga taun suenipun.

28 Ida seda sasampune ida lingsir pisan. Ida kalintang sugih tur kabinawa, tur putran idane Ida Salomo sane ngentosin ida madeg ratu.

29 Babad Ida Sang Prabu Daud ngawit saking pangawit rauh ka pamuput, punika sinurat ring cakepan paranabine tetiga, inggih punika: Nabi Samuel, Nabi Natan miwah Nabi Gad.

30 Ring cakepan punika sinurat indik idane mrentah, indik kakuatan idane miwah saananing paindikan sane nibenin ida, nibenin bangsa Israel miwah nibenin kaprabon-kaprabon sane wenten ring kiwa tengennyane.