1

¹ Ku ngoma ya Ahasuwerusi (Ahasuwerusi uwo ni we wategekaga ibihugu ijana na makumyabiri na birindwiuhereye i Buhindiukageza Etiyopiya),

² Umwami Ahasuwerusi yari ku ntebe y'ubwami ku murwa w'i Shushani.

³ Mu mwaka wa gatatu ari ku ngoma, atekeshereza abatware be bose n'abagaragu be ibyokurya, abakomeye b'u Buperesi n'u Bumedin'imfura n'abatware b'intebe bateranira imbere ye.

⁴ Amara iminsi yerekanaubutunzi bwo mu bwami bwe bw'icyubahiro, n'igitinyiro cy'ubwiza bwe buhebuje, iyo minsi yari ijana na mirongo inani.

⁵ Nuko iyo minsi ishize,umwami atekeshereza abantu bose ibyokurya bari ku murwa w'i Shushani, abakomeye n'aboroheje, bamara iminsi irindwi ku rurembo rw'urugorw'ibwami.

⁶ Hari hakinzwe imyenda y'ibitare n'iyirabura nk'ibyatsi bibisi n'iy'imikara ya kabayonga, imanitswe n'imishumi y'ibitambaro by'ibitare byiza n'iy'imihengeri ku nkingi z'amabuye yitwa marimari. Iyo mishumi yari ifashwe n'impeta z'ifeza, kandi hariho n'intāra z'izahabu n'ifeza ku mabuye ashashwe ya marimari y'amabara menshi, atukuran'ay'ibitare n'ay'imihondo n'ay'imikara.

⁷ Babahera ibyokunywamu bintu by'izahabu bidahujeurugero, na vino y'ibwami nyinshi kuko ari koumwami yatangaga.

⁸ Uko kunywakwabaye nk'uko byategetswe, nta wabahataga kukoumwami yari yategetse abanyabintu bye bose ko bahaumuntu wese uko ashatse.

⁹ Kandi Umwamikazi Vashiti na we atekeshereza abagore ibyokurya mu nzu y'ibwami, ari yo y'Umwami Ahasuwerusi.

¹⁰ Nuko ku munsi wa karindwiumwami anezezaumutimana vino, ategeka Mehumanina Bizita na Haribona, na Bigita na Abagita na Zetari na Karikasi, inkone ndwi zaherezaga Umwami Ahasuwerusi,

¹¹ ngo bazane Umwamikazi Vashiti imbere y'umwami yambaye ikamba, kugirango amurikire abantu n'abatwareubwiza bwe kuko yariumunyaburanga.

¹² Ariko Umwamikazi Vashiti yanga kuzanwa n'itegeko ry'umwami yamutegekesheje inkone ze. Umwami ni ko kurakara cyane,uburakari bugurumanamuri we.

¹³ Umwami aherako abaza abacurabwenge bazi ibyabaye kera (kuko ari ko yabigenzaga ku bacurabwenge bazi amategeko n'amateka bose,

¹⁴ kandiumwami yegerwaga na Karishena na Shetari na Adimata, na Tarushishi na Meresi na Marisena na Memukani, abatware barindwi b'u Buperesi n'u Bumedi, ari bo bashyikiragaumwami bakaba mu cyimbo cy'imbere ku mwami).

¹⁵ Umwami arababaza ati “Umwamikazi Vashiti turamugenza dute mu by'amategeko, kuko yagandiye itegeko Umwami Ahasuwerusi yamutegekesheje inkone?”

¹⁶ Memukaniasubiriza imbere y'umwami n'abatware ati “Umwamikazi Vashiti ntacumuyeku mwami wenyine, acumuyeno ku batware bose no ku mahanga yose ari mu bihugu by'Umwami Ahasuwerusi byose,

¹⁷ kuko ibyoumwamikazi yakoze ibyo bizamamara mu bagore bose bitume basuzuguraabagabo babo, nibivugwa yuko Umwami Ahasuwerusi yategetse ko Umwamikazi Vashiti amwitaba akanga.

¹⁸ Ndetse uyu munsi abatwarekazi b'u Buperesi n'u Bumedinibumva ibyoumwamikazi yakoze, na bo ni ko bazagira abatware b'umwami bose. Nuko rero hazabaho agasuzugurokenshi n'uburakari.

¹⁹ Umwami niyemera inama ategeke itegeko ry'umwami, maze ryandikwe mu mategeko y'Abaperesi n'Abamedi rye guhindurwa, yuko Vashiti atazongera kugeraimbere y'Umwami Ahasuwerusi, kandi n'icyubahiro cye cy'ubwamikazi agihe undiumurusha ingeso nziza.

²⁰ Nuko bamamaze itekaumwami agiye guca rikwire mu gihugu cye cyose kuko ari kinini. Ni ho abagore bose bazubahaabagabo babo, abakomeye n'aboroheje.”

²¹ Iyo nama ishimwa n'umwami n'abatware. Umwami aherako abigenza uko Memukaniyamugiriye inama.

²² Yohereza inzandiko mu bihugu by'umwami byose, igihugu cyose uko imyandikire yacyo iri, n'ishyanga ryose ukoururimirwaryo ruri, ngoumugabowese ajye ategeka mu rugo rwe, kandi ngo baryamamaze mu ndimi z'abantu be uko zingana.

2

¹ Hanyuma y'ibyo,umwami Ahasuwerusi ashizeuburakari yibuka Vashiti n'ibyo yakoze. n'igihano bamuhannye.

² Maze abagaragu b'umwami b'abahereza baramubwira bati “Nibashakireumwami abakobwa b'inkumi beza,

³ kandiumwami ategeke abatware bo mu bihugu by'ubwami bwe byose, ngo bateranirize abakobwa b'inkumi beza bose mu nzu y'abagore mu murwa w'i Shushani, babashyikirize Hegayi inkone y'umwamiumurinzi w'abagore, kandi ngo bahabwe ibintu byo kubarimbisha.

⁴ Mazeumukobwaumwami azashima abeumwamikazi mu cyimbo cya Vashiti.”
Nukoumwami ashima iyo nama, abigenza atyo.

⁵ Mu murwa w'i Shushani hari Umuyudawitwaga Moridekayi mwene Yayiri, mwene Shimeyi mwene Kishi Umubenyamini.

⁶ Yayiri yajyanywe ari imbohe n'abandi banyaganywe i Yerusalemu na Yekoniyaumwami w'Abayuda, ubwo yanyagwaga na Nebukadinezariumwami w'i Babuloni.

⁷ Moridekayi uwo ni we wareze Hadasa ari we Esiteriumukobwa wa se wabo, kuko yari impfubyi adafite se na nyina, kandi uwo mukobwa yariumunyagikundiro afiteuburanga. Se na nyina bamaze gupfa, Moridekayi aramujyana amurerank'umwana we.

⁸ Nuko itegekoumwami yategetse rimaze kwamamara, abakobwa benshi bateranirizwa ku murwa w'i Shushani barindwa na Hegayi. Esiteri na we ajyanwa mu nzu y'umwami, arindwa na Hegayiumurinzi w'abagore.

⁹ Uwo mukobwa ashimwa na Hegayi amugirirahoubuhake, Hegayi agiraumwete wo kumuhaibyo kumurimbisha, amuha n'imigabane ye n'abaja barindwi, abo yari akwiriye guhabwa bavuye mu nzu y'umwami. Amutoranya mu bandi amujyanana n'abaja be, amushyira mu nzu y'abagore aheza haruta ahandi hose.

¹⁰ Kandi Esiteri ntabwo yari yigeze kuvugabene wabo cyangwaubwoko bwe, kuko Moridekayi yari yaramwihanangirije kutabivuga.

¹¹ Kandi Moridekayi yajyaga agendagenda imbere y'urugorw'inzu y'abagore, kugirango amenye uko Esiteri ameze n'uko yaba.

¹² Kandiumukobwa wese yagiraga igihe cyo kumurikirwaumwami, amaze gusohoza itegeko ry'abagore amezi cumi n'abiri, kuko igihe cyo kwarikwa kwabo ari ko cyameraga. Amezi atandatu bihezuragaimbiribiri, ayandi mezi atandatu bakaba bafite ibihumuraneza n'ibindi byo kwarika abagore,

¹³ mazeumukobwa agaherako asangaumwami. Yava mu nzu y'abagore ngo ajye mu nzu y'umwami, icyo yashakaga cyose akagihabwa.

¹⁴ Yagendaga nimugoroba akagaruka mu gitondo, akajya mu nzu y'abagore ya kabiri akarindwa na Shashigazi inkone y'umwami yarindaga inshoreke, ntiyongere gusubiraku mwami keretse iyoumwami yamushakaga, akamuhamagaza mu izina.

¹⁵ Nuko igihe cya Esiteri cyo kumurikirwaumwami gisohoye (ari we mukobwa wa Abihayili se wabo wa Moridekayi, wari waramurezenk'umwana we), nta cyo yasabaga keretse ibyo Hegayi inkone y'umwamiumurinzi w'abagore yategekaga, kandi ashimwa n'abamurebaga bose.

¹⁶ Nuko mu kwezi kwa cumi ari ko kwitwa Tebeti, mu mwaka wa karindwi wo ku ngoma y'Umwami Ahasuwerusi, Esiteri ashyirwaumwami muri kambere.

¹⁷ Umwami abonye Esiteri aramushima amurutisha abagore bose, aramukundwakaza amurutisha abakobwa bose, bituma amwambika ikamba amugiraumwamikazi mu cyimbo cya Vashiti.

¹⁸ Mazeumwami atekeshereza abatware be bose n'abagaragu be ibyokurya byinshi mu birori bya Esiteri, ahesha ibihugu bye kubabarirwa, atanga impano nk'ukoumwami azitanga.

¹⁹ Ubwo bongeraga guteranya abakobwa ubwa kabiri, Moridekayi yari yicaye ku irembo ry'ibwami.

²⁰ Kandi Esiteri yari ataravuga bene wabo cyangwaubwoko bwe ubwo ari bwo, nk'uko Moridekayi yari yaramwihanangirije, kuko Esiteri yumviraga itegeko rya Moridekayi nk'uko yaryumviraga akimurera.

²¹ Muri iyo minsi ubwo Moridekayi yajyaga yicara ku irembo ry'ibwami, abagabo babiri bo mu nkone z'umwami zarindagaurugi, Bigitani na Tereshi, bararakara bashaka kwica Umwami Ahasuwerusi.

²² Imigambi yabo imenywa na Moridekayi, na we abibwira Umwamikazi Esiteri. Esiteri aherako abimubwiriraumwami.

²³ Barabigenzura basanga ari ko biri, abo bombi babamanika ku giti maze ibyo babyandikira imbere y'umwami mu gitabo cy'ubucurabwenge.

3

¹ Hanyuma y'ibyo, Umwami Ahasuwerusi akuza Hamani mwene Hamedata Umwagagi amugiraumutware mukuru, intebe ye ayiha icyubahiro ayirutisha iz'abatware bose bahakanywe.

² Abagaragu b'umwami bose babaga bari ku irembo baramupfukamiraga bakamuramya, kukoumwami ari ko yari yategetse. Ariko Moridekayi we ntiyamupfukamiraga ngo amuramye.

³ Bukeyeabagaragu b'umwami bari ku irembo ry'ibwami babaza Moridekayi bati “Ni iki gitumaucumuraku itegeko ry'umwami?”

⁴ Bakomeza kumuhanauko bukeye, atabyumviye babiregera Hamani ngo barebe ko yemera ibya Moridekayi, kuko yari yireguje ko ari Umuyuda.

⁵ Hamani abonye yuko Moridekayi atamupfukamiye ngo amuramye, ararakara cyane.

⁶ Abona yuko gufataMoridekayi wenyine ari nta cyo bimaze, kuko bari bamubwiyeubwoko bwa Moridekayi. Ni cyo cyatumye Hamani ashakauburyo bwo kurimbura Abayuda bose bari mu gihugu cya Ahasuwerusi cyose, ari bo bwoko bwa Moridekayi.

⁷ Maze mu mwaka wa cumi n'ibiri Umwami Ahasuwerusi ari ku ngoma, mu kwezi kwa mbere kwitwa Nisani, baraguza inzuzi zitwa Puri imbere ya Hamani, baraguza iminsi yose n'amezi yose uko bikurikirana, bageze ku kwezi kwa cumi n'abiri kwitwa Adari.

⁸ Hanyuma Hamani abwira Umwami Ahasuwerusi ati “Harihoubwoko bwatatanye bunyanyagira mu mahanga yo mu bihuguutegeka byose. Amategeko yabwo ntahura n'ay'ayandi mahanga kandi ntibumvira amategeko y'umwami, ni cyo gituma nta cyo byunguyeumwami kubihanganira.

⁹ Umwami nabishima iteka ricibwe, baryandike ko barimburwa. Nanjye nzatanga italanto z'ifeza inzovu, nzihe abanyabintu b'umwami, bazishyire mu bubikobwe.”

¹⁰ Nukoumwami yambura impeta ku rutokiayiha Hamani mwene Hamedata Umwagagi,umwanzi w'Abayuda.

¹¹ Umwami abwira Hamani ati “Ifeza uzīhamanire, kandi ubwo bwoko ndabuguhayeubugireukoushaka.”

¹² Bukeyeku munsi wa cumi n'itatu w'ukwezi kwa mbere bahamagara abanditsi b'umwami, bandika ibyo Hamani ategetse byose babyoherereza ibisonga by'umwami, n'abatware b'intebe batwaraga ibihugu bye byose, n'ibikomangoma byo mu mahanga yose, igihugu cyose uko imyandikire yacyo iri, n'ishyanga ryose ukoururimirwaryo ruri, babyandika mu izina ry'Umwami Ahasuwerusi bashyiraho n'ikimenyetso cy'impeta ye.

¹³ Nuko bohereza inzandiko, baziha intumwa zizijyana mu bihugu by'umwami byose ngo bice Abayuda bose, abakuru n'abato, abana bato n'abagore, babarimbure babamarehoumunsi umwe, ari wo munsi wa cumi n'itatu w'ukwezi kwa cumi n'abiri kwitwa Adari, kandi ngo bajyane ibintu byabo ho iminyago.

¹⁴ Maze bandikira amahanga yose bakurikije urwo rwandiko, ngo bitegekwe mu bihugu byose ko bitegura uwo munsi.

¹⁵ Nuko intumwa ntizatinda zijyanwa n'itegeko ry'umwami, itegeko ryamamara ku murwa w'i Shushani. Mazeumwami na Hamani bicazwa no kunywa, ariko abo ku murwa w'i Shushani barumirwa.

4

¹ Nuko Moridekayi amenye ibibaye ashishimura imyambaro ye, yambara ibigunirayitera ivu arasohoka ajya mu murwa hagati, araboroga ataka ijwi rirenga ry'umubabaro,

² ajya imbere y'irembo ry'umwami kuko ari nta wabashaga kurinyuramoyambaye ibigunira.

³ Kandi mu bihugu byose aho itegeko n'iteka by'umwami byageraga, habagahoumubabaro mwinshi mu Bayuda bakiyirizaubusa, bakarira bakaboroga kandi benshi muri bo biryamira hasi ku bigunirano mu ivu.

⁴ Bukeyeabaja ba Esiteri n'inkone ze baraza barabimubwira arababara cyane, yoherereza Moridekayi imyambaro yo kwambara ngo bamwambure ibigunira, ariko yanga kuyambara.

⁵ Nuko Esiteri ahamagaza Hataki wo mu nkone z'umwami, uwoumwami yari yategetse kumukorera, amutumaamwihanangirije ngo asange Moridekayi, amubazeibibaye n'impamvu zabyo.

⁶ Nuko Hataki aragenda, asanga Moridekayi ku karubanda ku irembo ry'ibwami.

⁷ Moridekayi amutekerereza ibyamubayeho byose, n'umubarew'impiya uko zingana Hamani yasezeranye kuzashyira mu bubikobw'umwami, azitanga ku Bayuda ngo abarimbure.

⁸ Kandi amuhaurwandiko rukurikije urw'iteka ryamamajwe i Shushani ryo kubarimbura, ngo arwereke Esiteri arumusomere. Aherako amwihanangiriza ngo asangeumwami amwinginge, ahakirwe bene wabo kuri we.

⁹ Hataki aragaruka, abwira Esiteriubutumwa bwa Moridekayi.

¹⁰ Maze Esiteri atuma Hatakiubutumwa kuri Moridekayi ati

¹¹ “Abagaragu b'umwami bose n'abantu bo mu bihugu by'umwami bazi yukoumuntu wese,umugabocyangwaumugoreusanzeumwami mu rugo rw'ikambere adahamagawe, hariho itegeko rimwe gusa kuri bene uwo, aricwa. Keretse uwoumwami atunze inkoni ye y'izahabu, bisobanurwa ngo akire, ariko jyewe maze iminsi mirongo itatuumwami atampamagaye ngo musange.”

¹² Nuko babwira Moridekayiubutumwa bwa Esiteri.

¹³ Moridekayi na we arabatuma asubizaEsiteri ati “We kwibwira yuko ari wowe wenyineuzakira mu Bayuda bose kuko uri mu nzu y'umwami,

¹⁴ kuko niwicecekera rwose muri iki gihe, nta kizabuza Abayuda gutabarwa bakoroherwa biturutse ku bandi, ariko wowe n'ab'inzu ya so bazarimbuka. Ahari aho icyakwimitse ngo ubeumwamikazi, niukugirangougireakamaro mu gihe gisa n'iki.”

¹⁵ Nuko Esiteri atuma kuri Moridekayi aramusubizaati

¹⁶ “Gendauteranye Abayuda bari i Shushani bose mwiyirizeubusamunsabire, mumareiminsi itatu ku manywa na nijoro mutagira icyo murya cyangwa munywa. Nanjye n'abaja banjye tuzabigenza dutyo. Uko ni ko nzasangaumwami, nirengagije itegeko, kandi niba nzarimbuka nzarimbuke.”

¹⁷ Moridekayi aherako aragenda, abigenza uko Esiteri yamutegetse.

5

¹ Bukeyeku munsi wa gatatu, Esiteri yambara imyambaro y'ubwamikazi ajya mu rugo rw'ingombe rw'inzu y'umwami, kandiumwami yari yicaye ku ntebe y'ubwami mu nzu y'umwami, areba mu muryango.

² Nukoumwami abonye Umwamikazi Esiteri ahagaze mu rugo, Esiteri amutonaho. Umwami atunga Esiteri inkoni y'izahabu yari afite mu ntoki, Esiteri aherako yigira hafi akora ku mutwe w'inkoni.

³ Nukoumwami aramubazaati “Urashaka iki, Mwamikazi Esiteri? Cyangwa icyousabani igiki? Ndakiguha naho cyabaumugabane w'igihugu cyanjye.”

⁴ Esiteri aramusubizaati “Umwami nabishaka, uyu munsi nazane na Hamani mu nkera mwiteguriye.”

⁵ Umwami aherako arategeka ati “Nimutebutse Hamani, kugirango icyo Esiteri ashaka abe ari cyo kiba.”Nukoumwami na Hamani bajya mu nkera Esiteri yiteguye.

⁶ Bakiri mu nkera banywa vinoumwami abaza Esiteri ati “Urasaba iki,ukagihabwa? Urashaka iki? Naho wansabaumugabane w'igihugu nawuguha.”

⁷ Esiteri aramusubizaati “Icyo nsaba kandi nshaka ni iki:

⁸ niba ntonnye ku mwami akemera kumpa icyo nsaba, agasohoza icyo nshaka,umwami na Hamani bazaze mu nkera nzabitegura, kandi ejo nzasubizaumwami icyo yambajije.”

⁹ Nuko uwo munsi Hamani agenda anezerewe, yishima mu mutima. Ariko abonye Moridekayi ku irembo ry'ibwami, abona atamuhagurukiyekandi atamubererekeye, aramurakarira cyane.

¹⁰ Ariko Hamani ariyumanganya arataha atumiraincuti ze n'umugorewe Zereshi;

¹¹ abatekerereza uko atunze akagira icyubahiro n'uko afite abana benshi, n'ukoumwami yamukijije mu bintu byose, kandi ababwira ukoumwami yamukijije akamurutisha abatware n'abagaragu be bose.

¹² Hamani arongera arababwira ati “Kandi n'Umwamikazi Esiteri nta wundi yakundiye kujyana n'umwami mu nkera yiteguye keretse jyewe, ndetse n'ubu yandaritse ngo n'ejo nzazane n'umwami.

¹³ Ariko ibyo byose nta cyo bimariye, nkibona wa MuyudaMoridekayi yicara ku irembo ry'umwami.”

¹⁴ Nukoumugorewe Zereshi n'incuti ze zose bamugirainama bati “Nibashinge igiti kirekire cya mikono mirongo itanu, maze ejouzavuganen'umwamiumusabeMoridekayiukimumanikeho,uherekoubonekujyana n'umwami mu nkeraunezerwe.”Nuko Hamani ashima iyo nama, aherako ashinga igiti.

6

¹ Iryo joroumwami abura ibitotsi, ni ko gutegeka ko bazana igitabo cy'ubucurabwenge bagisomeraumwami,

² basanga byaranditswe yuko Moridekayi ari we wareze abagabo babiri bo mu nkone z'umwami zarindaga irembo, Bigitani na Tereshi, yuko bashakaga kwica Umwami Ahasuwerusi.

³ Umwami arabaza ati “Mbese Moridekayi uwo, hari ishimwe cyangwa icyubahiro yahawe bamwitura ibyo?”
Abagaragu b'umwami b'abahereza baramusubizabati “Nta cyo yahawe.”

⁴ Umwami arabaza ati “Ni nde uri mu rugo?”
Kandi ubwo Hamani yari ahagaze mu rugo rw'imbere ibwami, azanywe no kuvuganan'umwami ngo amusabekumanika Moridekayi ku giti yamwiteguriye.

⁵ Abagaragu b'umwami baramusubizabati “Hamani ni we uri mu rugo.”
Umwami ati “Naze.”

⁶ Nuko Hamani araza. Umwami aramubazaati “Umuntuumwami akunze kubahayagirirwa ate?”
Hamani aribwira ati “Hari uwoumwami yakunda kubahakunduta?”

⁷ Hamani asubizaumwami ati “Uwoumwami akunze kubaha,

⁸ bazane imyambaro y'ubwamiumwami ajya yambara, n'ifarashiumwami agenderaho itamirijwe ikamba ry'ubwami.

⁹ Maze iyo myambaro n'iyo farashi babihe umwe wo mu batware b'umwami barusha abandi gukomera, bayambike uwo muntuumwami akunze kubaha, bamugendeshe mu nzira yo mu murwa ahetswe n'iyo farashi, barangururireimbere ye bati ‘Uko ni ko bazajya bagenzaumuntuumwami akunze kubaha.’”

¹⁰ Nukoumwami abwira Hamani ati “Huta wende imyambaro n'ifarashi ukouvuze,ubigenze utyo Moridekayi Umuyudawicara ku irembo ry'ibwami, ntihagira ikintu kibura mu byouvuzebyose.”

¹¹ Nuko Hamani ajyana imyambaro n'ifarashi, yambika Moridekayi amugendesha mu nzira yo mu murwa ahetswe n'ifarashi, arangururiraimbere ye ati “Uku ni ko bazajya bagenzaumuntuumwami akunze kubaha.”

¹² Hanyuma Moridekayi asubiraku irembo ry'ibwami. Ariko Hamani arihuta asubiraiwe ababaye kandi yitwikiriye.

¹³ Aherako atekererezaumugorewe Zereshi n'incuti ze zose ibyamubayeho byose. Nuko abajyanama be n'umugorewe Zereshi baramubwira bati “Moridekayi uwo ubwoutangiye gucogorera imbere ye, niba ari uwo mu rubyaro rw'Abayuda ntuzamushobora, ahubwouzagwa imbere ye.”

¹⁴ Bakivuganana we haza inkone z'umwami, zihuta kujyana Hamani mu nkera Esiteri yari yiteguye.

7

¹ Nukoumwami na Hamani bazana na Esiteriumwamikazi mu nkera.

² Kuri uwo munsi wa kabiriumwami yongera kubazaEsiteri bari mu nkera ati “Urasaba iki Mwamikazi Esiteri,ukagihabwa? Urashaka iki? Naho wansabaumugabane w'igihugu nawuguha.”

³ Nuko Umwamikazi Esiteri aramusubizaati “Niba ngutonnyeho nyagasaniukabishima, ngusabye agahanga kanjye ndetseukizen'ubwoko bwacu. Ni cyo nsaba

⁴ kuko jyewe n'ubwoko bwacu twaguzwe ngo twicwe, turimburwe tumarweho. Iyaba twaraguriwekuba imbata n'abaja nta cyo mba mvuze, nubwo uwo mwanzi atabasha kurihaumwami ibyo aba yishe.”

⁵ Maze Umwami Ahasuwerusi abaza Umwamikazi Esiteri ati “Ni ndeuhangaye kwigira iyo nama, kandi ari he?”

⁶ Esiteri aramusubizaati “Umwanzi wacuuturenganya ni uyu mugomeHamani.”Hamani agiriraubwoba imbere y'umwami n'umwamikazi.

⁷ Muri ako kanyaumwami ahagurukanauburakari ava mu nkera, arasohoka ajya mu murimaw'ibwami. Hamani na we ahagurutswano gusabaUmwamikazi Esiteri agahanga ke, kuko yari abonye koumwami amaramaje kumugirira nabi.

⁸ Hanyumaumwami agaruka ava mu murimaw'ibwami, yinjira mu nzu y'inkera asanga Hamani yikubiseku gisasiro aho Esiteri yari ari. Umwami aherako aravuga ati “Mbese agiye no gufatiraumwamikazi mu nzu aho ndora?”
Ijambo rigihinguka mu kanwa k'umwami, Hamani bamupfuka mu maso.

⁹ Maze Haribona, umwe mu nkone zakoreragaumwami aravuga ati “Ndetse mu rugo rwa Hamani hashinze igiti kirekire cya mikono mirongo itanu, Hamani yiteguriyekumanikaho Moridekayi kandi ari we wavuze ibyagiriyeumwami neza.”
Umwami arategeka ati “Abe ari cyo mumumanikaho.”

¹⁰ Nuko Hamani bamumanika ku giti yiteguriyeMoridekayi, mazeuburakari bw'umwami buracogora.

8

¹ Uwo munsi Umwami Ahasuwerusi agabira Umwamikazi Esiteri ibya Hamani,umwanzi w'Abayuda. Maze Moridekayi aza imbere y'umwami kuko Esiteri yari yavuze icyo bapfana.

² Umwami aherako yiyambura impeta, iyo yari yatse Hamani ayiha Moridekayi. Maze Esiteri aha Moridekayiubutware bw'ibya Hamani.

³ Hanyuma Esiteri yongera kuvugiraimbere y'umwami, amwikubitaimbere amwinginga arira, ngo amareho inama mbi ya Hamani Umwagagi, n'imigambi ye yari yagambiriye kugirira Abayuda.

⁴ Umwami atunga Esiteri inkoni y'izahabu, nuko Esiteri arahagurukaahagarara imbere y'umwami

⁵ aravuga ati “Umwami nabishima kandi niba mutonnyeho, ibyo mvuga bikamutunganira nkaba nkundwakaye, ndabinginga ngo bandike inzandiko zo gukuraizo Hamani mwene Hamedata Umwagagi yagambiriye, akazandikishiriza kurimbura Abayuda bari mu bihugu by'umwami byose.

⁶ Mbese nabasha nte kwihanganira kurebaibyago bizaba ku bwoko bwacu? Cyangwa nabasha nte kwihanganira kuzareba bene wacu barimburwa?”

⁷ Umwami Ahasuwerusi asubizaUmwamikazi Esiteri na Moridekayi Umuyudaati “Dore ngabiye Esiteri ibya Hamani, kandi we bamumanitse ku giti muhorakubanguriraukubokokwe kugirira nabi Abayuda.

⁸ Nuko namwe mwandikire Abayuda uko mushatse, mubandikire mu izina ry'umwami muhomeho ikimenyetso cy'impeta ye, kuko inzandiko zanditswe mu izina ry'umwami zigahomwaho ikimenyetso cy'impeta ye, nta muntuubasha kuzikura.”

⁹ Nuko icyo gihe ku munsi wa makumyabiri n'itatu w'ukwezi kwa gatatu kwitwa Sivani, bahamagara abanditsi b'umwami bandika ibyo Moridekayi ategetse Abayuda byose, n'ibisonga by'umwami n'abatware b'intebe n'abatware b'ibihugu uko ari ijana na makumyabiri na birindwi,uhereye i Buhindiukageza Etiyopiya, igihugu cyose nk'uko imyandikire yacyo imeze, n'ishyanga ryose ukoururimirwayo ruri, bandikira n'Abayuda mu rurimirwabo uko imyandikire yabo imeze.

¹⁰ Nuko Moridekayi abyandika mu izina ry'Umwami Ahasuwerusi, abihomaho ikimenyetso cy'impeta y'umwami, yohereza intumwa zijyana izo nzandiko bahetswe n'amafarashi akoreraumwami kandi afite imbaraga, yakenurirwaga mu kiraro cy'umwami.

¹¹ Muri izo nzandikoumwami yemerera Abayuda bo mu miduguduyose ngo baterane birwaneho bashikamye, kugirango bazice barimbure, bamareho ingabo zose z'amoko yose zo muri ibyo bihugu zizabatera, bice n'abana babo bato n'abagore babo bajyane ibintu byabo ho iminyago,

¹² kandi ibyo bizabe ku munsi umwe mu bihugu byose by'Umwami Ahasuwerusi, ari wo munsi wa cumi n'itatu w'ukwezi kwa cumi n'abiri kwitwa Adari.

¹³ Urwandiko rukurikijeurwategetse yuko iteka rizamamazwa mu bihugu byose, ruherako rwandikirwa amahanga yose, ruvugayuko Abayuda bakwiriye kuba biteguye kuri uwo munsi, guhōra inzigo ku banzi babo.

¹⁴ Nuko intumwa zihetswe n'amafarashi y'imbaraga yakoreragaumwami, zigenda ziteweumwete zihutishwa n'itegeko ry'umwami, itegeko ryamamara mu murwa w'i Shushani.

¹⁵ Hanyuma Moridekayi arasohoka ajya imbere y'umwami, yambaye imyambaro y'ubwami y'umukarawa kabayonga n'iy'ibitare, n'ikamba rinini ry'izahabu n'umwitero w'igitare cyiza n'uw'umuhengeri, nuko abo mu murwa w'i Shushani bararangururabarishima.

¹⁶ Abayuda na bo baracya baranezerwa, barishima bagira icyubahiro.

¹⁷ Nuko mu gihugu cyose no mu muduguduwose aho itegeko n'iteka by'umwami byageraga, Abayuda baranezerwaga bakishima, bakagira ibirori n'umunsi mukuru. Maze abantu benshi bo mu mahanga yo mu gihugu bihindura Abayuda, kuko Abayuda bari babateyeubwoba.

9

¹ Ku munsi wa cumi n'itatu w'ukwezi kwa cumi n'abiri kwitwa Adari, itegeko n'iteka by'umwami byendaga gusohozwa. Ni wo munsi abanzi b'Abayuda bibwiraga ko bagiye kubagirahoububasha, ariko birahinduka Abayuda baba ari bo bagiraububasha ku banzi babo.

² Nuko Abayuda bateranira mu miduguduyabo mu bihugu by'Umwami Ahasuwerusi byose, ngo bafate abashakaga kubagirira nabi. Nta muntu wabashaga kubabuza kuko amahanga yose yari yabatinye.

³ Maze abatware b'ibihugu byose n'ibisonga by'umwami, n'abatware b'intebe n'abakoraga imirimo y'umwami batabara Abayuda, kuko Moridekayi yari yabateyeubwoba.

⁴ Moridekayi uwo yari akomeye mu rugo rw'umwami, yamamara mu bihugu byose kandi yajyaga arushaho gukomera.

⁵ Nuko Abayuda bicisha abanzi babo inkota, barabatsemba babamaraho, bagirira ababangaga uko bashatse.

⁶ Ku murwa w'i Shushani Abayuda bahica abagabo magana atanu, barabarimbura.

⁷ Bica na Parishanidata na Dalifoni na Asipata,

⁸ na Porata na Adaliya na Aridata,

⁹ na Parimashita na Arisayi na Aridayi na Vayizata,

¹⁰ bene Hamani mwene Hamedataumwanzi w'Abayuda, uko ari icumi barabica ariko ntibagira icyo banyaga.

¹¹ Uwo munsiumwami abwirwaumubarew'abiciwe mu murwa w'i Shushani.

¹² Nukoumwami abwira Umwamikazi Esiteri ati “Abayuda bishe abagabo magana atanu mu murwa w'i Shushani barabarimbura, bica na bene Hamani icumi. Mbese none mu bindi bihugu by'umwami bakoze ibingana iki? Hariho icyousabaukagihabwa? Hariho ikindiushaka ngo gikorwe?”

¹³ Esiteri aramusubizaati “Umwami nabishaka, yemerere Abayuda bari i Shushani ejo bazabigenze nk'uko itegeko ry'uyu munsi rimeze, kandi bene Hamani uko ari icumi bamanikwe ku giti.”

¹⁴ Nukoumwami ategeka ko biba bityo, iteka ryamamara i Shushani na bene Hamani uko ari icumi barabamanika.

¹⁵ Bukeyebwaho ku munsi wa cumi n'ine w'ukwezi kwa Adari, Abayuda bari i Shushani baraterana bahica abagabo magana atatu, ariko ntibagira icyo banyaga.

¹⁶ Kandi abandi Bayuda bo mu bihugu by'umwami baraterana birwanaho, bica mu banzi babo abantu inzovu indwi n'ibihumbi bitanu, baruhukaababangaga ariko ntibagira icyo banyaga.

¹⁷ Uko ni ko byabaye ku munsi wa cumi n'itatu w'ukwezi kwa Adari. Ku wa cumi n'ine bararuhuka, bawugiraumunsi wo gusangiriraho no kunezerwa.

¹⁸ Ariko Abayuda b'i Shushani baraterana ku munsi wa cumi n'itatu w'uko kwezi no ku wa cumi n'ine, maze ku wa cumi n'itanu wako bararuhukabawugiraumunsi wo gusangiriraho no kunezerwa.

¹⁹ Ni cyo gituma uwo munsi wa cumi n'ine w'ukwezi kwa Adari, Abayuda b'imusozibabaga mu miduguduidafite inkike, bawugiraumunsi wo kunezererwaho no gusangira, n'umunsi mwiza wo guhanaamafunguro.

²⁰ Hanyuma Moridekayi yandika ibyo, abyoherereza Abayuda bose bo mu bihugu by'Umwami Ahasuwerusi byose, aba hafi n'aba kure,

²¹ abategeka koumunsi wa cumi n'ine n'uwa cumi n'itanu w'ukwezi Adari, bayigira iminsi mikuru ukoumwakautashye,

²² kuko iyo minsi ari yo Abayuda baruhukiyemo abanzi babo, kandi uko kwezi akaba ari ko kwababereye uk'umunezero mu cyimbo cy'umubabaro, hakabaumunsi mwiza mu cyimbo cyo kwirabura. Kandi abategeka ko bayigira iminsi yo gusangiriraho no kunezerwa, bagahana amafunguro, bagaha abakene impano.

²³ Nuko Abayuda basezerana yuko bazajya babigenza nk'uko babitangiye, kandi nk'uko Moridekayi yabandikiye,

²⁴ kuko Hamani mwene Hamedata Umwagagiumwanzi w'Abayuda bose yari yagambiriye ko arimbura Abayuda, kandi yari yejeje inzuzi zitwa Puri ngo abarimbure abamareho.

²⁵ Ariko ijambo rigeze ku mwami,umwami atuma inzandiko zo gutegeka yukoubugambanyi bwe yagambaniye Abayuda bumugaruka, kandi ngo ubwe n'abahungu be bamanikwe ku giti.

²⁶ Ni cyo gituma iyo minsi bayita Purimu, bayitiriye Puri. Maze ku bw'amagambo yo muri urwo rwandiko yose, n'ibyo babonye mu byabaye n'ibyababayeho,

²⁷ bituma Abayuda bategeka iyo minsi uko ari ibiri, ko bazajya bayigira iminsi mikuru ukoumwakautashye, mu gihe cyayo gitegetswe nk'uko byari byanditswe. Barabisezeranaubwabo n'urubyaro rwabo, n'abajyaga bifatanya na bo bose ngo bye kuzakuka.

²⁸ Kandi bategeka yuko imiryango yose yo mu bihugu byose no mu miduguduyose, bazajya bibuka iyo minsi bakayigira iminsi mikuru ku ngoma zose, kandi ngo iyo minsi ya Purimuntizakuke mu Bayuda cyangwa ngourwibutso rwabo rwibagirane mu rubyaro rwabo.

²⁹ Nuko Umwamikazi Esiteriumukobwa wa Abihayili, na Moridekayi Umuyudabandikishaububasha bwose, bahamya urwo rwandiko rwa kabiri rwa Purimu.

³⁰ Yoherereza inzandiko Abayuda bose bo mu bihugu ijana na makumyabiri na birindwi byo mu gihugu cya Ahasuwerusi, izo nzandiko zavugagaiby'amahoro n'iby'ukuri,

³¹ kugirango ahamye iyo minsi mikuru ya Purimumu bihe byategetswe, uko Moridekayi Umuyudan'Umwamikazi Esiteri babitegetse bakabyisezeraniraubwabo n'urubyaro rwabo, ibyo kwiyirizaubusano kuboroga kwabo.

³² Nuko itegeko rya Esiteri rihamya ibya Purimu, maze byandikwa mu gitabo.

10

¹ Nuko Umwami Ahasuwerusi akoresha ikoro abo mu gihugu n'abo mu birwa byo mu nyanja nini.

² Ariko ibyo yakoreshagaububasha bwe n'imbaraga ze byose, n'ibyerekana neza ukoumwami yakujijeMoridekayi akabaumuntuukomeye, mbese ntibyanditswe mu gitabo cy'ibyo ku ngoma z'abami b'u Bumedin'u Buperesi?

³ Kuko uwo MuyudaMoridekayi yari uwa kabiri ku Mwami Ahasuwerusi, kandi yari akomeye mu Bayuda agashimwa na bene se uko bangana, agashakiraubwoko bwabo ibyiza kandi akajya abwiraurubyaro rwe amahoro.