Сей бо блаженный отецъ Моисей имјяше отечество по добродјтели — вышній Еросалимъ, нижнее же отечество — Великіи Новъградъ, рожденъ отъ благочестива родителя отца, Филиппа именемъ, благочестива и вјрна вјрою, богата же и славна и доброродна. Извыче священнаго писанія, измлада Христа возлюбивъ, прихожаше часто во святую церковь, къ дјтемъ играющимъ не приближашеся. Сего ради вселися въ него Божія благодать: утаившеся отъ родителеи своихъ, отиде въ Тверскую страну, и вшедъ въ отроческіи монастырь Пресвятыя Богородицы, пострижеся отъ преподобнаго игумена; и пребывше ту въ пощеніи; принуженъ бысть родителема своима и родомъ отити оттуду, и пріиде въ Великіи Новъградъ, во отечество свое, и вселися въ монастырь Пресвятыя Богородицы на Коломцу. Иже послјди пріиде ново на Колмово къ преподобному Макарію, стрыю своему, и ту въ болшіи подвигъ вдастъ себе, къ Богу и божественною любовію разгараяся, день и нощь поучаяся, удручая тјло свое; и достоинъ бысть честнаго прозвитерства, посемъ поставленъ бысть архимандритомъ отъ боголюбиваго архиепископа Давыда тогоже града. Почившу же Давыду, про изволенію Божію, причтомъ и всјми людми іизбранъ бысть Моисей на мјсто Давыда архиепископа и поставленъ бысть архиепископомъ Великому Новуграду отъ преосвященного Петра, митрополита всеа Россіи, и добрј пасяше стадо свое. Собра же многи писца книжныя, наятъ ихъ преписывати книги святыя; созда же многи монастыря и священныя церкви, ихже иконами украси и книгами удоволи, и бысть обидімымъ помощникъ, вдовымъ и сиротамъ заступникъ, и силныхъ не устыдися, наставляя ученіемъ своимъ ко спасенію. Пребысть во архиепископіи лјтъ 7, сниде въ монастырь, иже есть на Колмово, и потомъ на Деревяницу, иже монастырь и церковь созда. И по осминадесятехъ лјтехъ, въ моръ, преставися Василіи архиепископъ; всјми же людми и причтомъ умоленъ бысть Моисей паки на архиепископство взяти. И повелјніе же и благословеніе пріемъ отъ Филофея, патриарха Царяграда, и Алексјя, митрополита всеа Россіи, пасый словесное стадо Христово, подвизався подвигомъ добрымъ противу Стригольниковъ и благочестіе утвердивъ, по седми же лјтехъ сниде паки въ монастырь святаго архангела Михáила на Сковоротку, егоже самъ созда; и ту поживъ 3 лјта, ко Господу отиде преже осми (осени? на) память иже во святыхъ отца нашего Григорія Богослова, и погребенъ бысть честно архиепископомъ Алексиемъ въ притворј святаго архангела Михáила.
Лјтомъ немнозјмъ мунувшимъ по успеніи блаженнаго Моисея, злодіи мужи со единымъ тридесяте совјщашася, глаголюще: «идемъ и разбиемъ на Сковоротки монастырь, ту бо Моисей архиепископъ имјнія много остави и тјмъ хотяху калугéри совладјти, и у нихъ отъемше, и удоволимся тјмъ имјніемъ». И тако совјщавшеся, идоша, и пріидоша близъ монастиря; яви бо ся имъ преподобныи Моисей архиепископъ, поемля ихъ по единому, обвожаше по слатины, томя ихъ, оставляти ихъ никоегождо погрязнути; и пришедъ Моисей, влачаше ихъ коегождо. Егда же утомишася зјло, глагола имъ Моисей: «почто совјщашася злј, и како смјете дерзнути и грабити обитель мою? или не вјсте силы непобјдимаго воеводы Господня великаго архангела Михáила? Аще не покаетеся, то всј здј злј погибнете». Они же съ плачемъ и со слезами обј(ща)шася покаятися. Преподобный же Моисей архиепископъ изведе ихъ отъ слатины и настави ихъ на путь ко граду.
По лјтехъ мнозјхъ преставленія его, обладая всесилною рукою великій князь Иванъ Васильевичъ, и архиепископа сведе Феофила на Москву, въ мјсто же его поставиша архиепископа Великому Новуграду протопопа бывшаго Московскаго Сергія. Идущу же ему въ Великіи Новъградъ на обрученный ему престолъ и менующе ему монастырь святого архангела Михáила, въ немже положено тјло преподобнаго архиепископа Моисея, вниде въ монастырь помолитися въ церковъ архангела Михáила. И совершившу же Сергію молебная ту и тогда исходити ему изъ церкви, повјдаша ему гробъ создателя церкви святаго архистратига Михáила и монастыря, преподобнаго архиепископа Моисея. Сергій же архиепископъ, воззрјвъ на ту сущаго попа, повелј ему отверсти гробъ архиепископа Моисея. Священнику же убоявшуся прикоснутися ракј преподобнаго архиепископа, отвјща ко археипископу Сергію: «не смјю, владыко, дерзнути открыти мощи святителя; твое бо есть святительское дјло, еже святителя гробъ отверсти». Сергій же архиепископъ, слышавъ сия отъ попа, вознесеся умомъ высоты ради сана своего, яко отъ Москвы пріиде, величаяся гражданомъ, яко племенемъ ихъ укори Сергій преподобнаго Моисея архиепископа, рекъ: «кого, сего смердія сына смотрјти?» И тако изшедъ изъ церкви святаго архистратига Михáила, изыде изъ монастыря и пріиде въ Великіи Новъградъ. Бысть же отъ того времени Сергию архиепископу изступленіе уму; и смыслу отступившу отъ него, исхождаше исъ келліи безвременно и нелјпо, а не по сану святительства своего. Внегда бо прилучашеся ему единому въ келіи своей быти, тогда исхождаше келіи своей единъ, не оболкся въ мантію, и сјдяше при церкви святыя Софіи, иногда же при церкви преподобнаго Еvфимия сјдяше. Пребывшу же во епископіи 9 мјсяцъ и дній 24 не здравствуя, и тако отвезенъ бысть въ монастырь Сергія чюдотворца, иже въ Маковцы. И видјхомъ бо въ писаніи, въ божественномъ во Еvангеліи, гласъ Господьскіи: приемля пророка во имя пророче, мзду пророчю пріиметъ. Проявлено же о семъ и Господьскаго гласа, якоже иже пророка и праведника не яко пророка или не яко праведника приемля, лишаетъ себе и оноя мзды, и яже пророка ради и праведника ради бываемая; а иже не токмо не приемля пророка, яко праведника, во укорити или озлобити и дерзнетъ, не токмо лишаемъ мзды, и паче же и казни постражетъ таковый и много лучшимъ. Въ Бытейской книгј слышахъ Господа Бога, глаголюща великому Аврааму: «благословящая тя благословлю и проклинающыя тя проклену»; въ видјніи таковое святыхъ ради угодникъ Христовыхъ, благословящіи тя благословляются и презирающіи презираются, укоряющихъ сами укоризну пріимутъ. Укори бо укорити угодника Христова, Моисея, впаде самъ Сергіе во укоризну; никомуже въ человјцјхъ быти достойно нарече Моисея, самъ не бысть весма потребенъ въ человјцјхъ, и сана не почте архиерейска на Моисеи, и самъ того же испаде сана Сергіи не по мнозј.
Мужъ единъ отъ Великого Новаграда, именемъ Алексјй, куплю дјя. Прилучися ему нјкогда въ лодіи по рјцј Невы влыти ко граду, именемъ къ Выбору. Ходящу же ему по ладіи, сотвори ему діяволъ соблазнъ: свержеся съ лодіи въ рјку, и быстринами рјчными далече снесе лодіи отъ него скоро на низъ рјцј. Алексјй же, не могій по водј плавати, погрязнути хотяше во глубину водј, емляшеся за тресту руками, тонци же ей сущи, пригибашеся и сломляшеся въ рукý его. На долзј же времени томящуся ему и утопающу, абіе видј мужа, сјдиною украшена доволною брадою, подъемлюща его водъ руцј, донелјже возвратившимся лодіи, прияша его въ лодію. Тому же Алексјю, идущу нјкогда въ той же Выборъ съ торгомъ со инјми лодіями, и шедше Нјмецтіи разбойницы, разбиваху лодіи; Алексјй же видј того же святительскаго мужа на лодіи, егоже видј подъемлюща его подъ руцј отъ воды, егда погрязнути хотяше въ Неву, донелјже проидоша разбойницы невредившемо (ему). Не вјдя же Алексјй, ктó есть являяся на лодіи его, и моляшеся въ мысли своей увјдати, ктó есть спасая его въ напастехъ? Идущу же ему вспять отъ Выбора къ Великому Новуграду, явися ему паки въ тонцј снј той же старыи мужъ, избавивый его отъ утопленія прежде и отъ разбоя послјди, глаголя: «иди въ монастырь святаго архангела Михáила, егоже создахъ, и сотвори покровъ на гробј моемъ». И пришедъ въ ся, Алексјй возрадовася, увидјвый спасъшаго его отъ утопленія и разбоя; разуми бо явльшагося ему блаженнаго Моисея архиепископа. И пришедъ въ Великій Новъградъ, сотвори покровъ, на немже образъ святителя Моисея вышити повелј, и пришедъ въ манастырь великаго архангела Михáила, благодареніе воздавъ святителю Божію Моисею, и положи покровъ на гробј святаго Моисея, и отиде въ домъ свой, славя Бога и блаженнаго Моисея.
Иное чюдодјйствие святаго новоявленнаго быша, ова жъ ино явленно (?).
Что же прочее къ симъ, точію: дивенъ Богъ во святыхъ своихъ, и ты еси Богъ, единъ творяй чюдеса, иже толико прославляя святыя своя; и якоже сей блаженный Моисей не бы въ 11 часъ въ Христовъ виноградъ пріиде, наипаче отъ перваго часа, рекше отъ юнаго того возраста, Господеви день и нощь всјмъ сердцемъ служивше. Понеже бо апостольскимъ стопамъ послјдовалъ еси, и ты же священноначалникъ и пастырь Христовъ словеснаго стада, пастырь, а не наемникъ, паствјлъ церковь Божію. Избранъ бысть небеснаго царя добрыи воинъ, въ жизни временнјй на страсти подвизася доблественнј, и въ божественнјмъ ученіи преблагый, и во смиреніи превысокіи и нищіи духомъ, богатыи добродјтелію, Троицы служитель, сосудъ и жилище всечестное тому бысть. И что возглаголю прочее, токмо Давыдское рещи, яко Божіи державніи земли зјло вознесошася, и святымъ, иже суть на земли Его, удиви Господь вся воля своя въ нихъ? Аще бо успоша мощи святителя, но дјствиемъ вещи проповјдуютъ, и умолче тјлесныи языкъ, но бывающая чюдеса паче трубы вопиютъ: аще и преставися отъ земли, но на небеси живъ Троицј предстоиши, намъ оставилъ память честныя мощи, отъ нихже исцеления почерпаемъ не токмо тјлесная, но и душевная, иже вјрою приходящимъ. О, архиерею пречестный, небесныи жителю, преподобнымъ и праведнымъ удобреніе, иже обуреваемымъ тихое пристанище и скорбящимъ милостивное утјшеніе, слјпымъ вождь, старымъ жезлъ! кротокъ же и милостивъ, отче, всјмъ былъ еси, всјхъ яко отецъ любяше и о всјхъ попеченіе имјяше, и всјмъ душевныя струпы обязаше, и всјмъ цјлителныи пластырь къ тјхъ согнјтію прилагаше и масломъ милованія помазаше. И не бó сребру и злату стяжатель былъ еси, ино въ мјсто сихъ доброе измјненіе, глаголю же прежде всјхъ — начало премудрости и страху Господню научився и любовь къ Богу и ко всјмъ человјкомъ нелицемјрну стяжавъ, къ симъ же и простоту тјлесную и душевное незлобіе, и воздержаніе о всјхъ же и дóлу влекущихъ, бдјніе и постъ, молитву и вјру несумјнну, и слезы и сокрушеніе сердца, егоже ради речеся: сердце сокрушенно и смиренно Богъ не уничижитъ. Что же противу сему отъ Бога возмездіе приятъ? — лукавыхъ бјсовъ отъ человјкъ отгнаніе и недугомъ исцјленіе: слјпымъ прозрјніе, хромымъ хожденіе, прокаженнымъ очищеніе, разслабленнымъ стягнутіе, слукимъ исправленіе, лишеннымъ ума съ Богомъ цјломудріе, паче ухо глухимъ, и око слјпымъ, и нога хромымъ, всяческимъ — весь былъ еси, тјмже Христови привелъ еси. Пріидемъ же и мы во всечестный праздникъ великаго архиерея Моисея, ликованіе тому составивши въ пјснехъ и пјніихъ, радующеся, вјнчаемъ того верхъ, припадающе и молимся: молися, святителю, о всјхъ, иже честную память твою почитающихъ, избавитіся отъ врагъ видимыхъ и невидимыхъ; вјси бо наше неможеніе и лјность, вјси иже лукаваго иже на насъ навјтъ и озлобленіе, вјси иже и естество наше и удовъ поползаемо и къ лукаваго злоби текущи; отсюду же и твоея помощи требуемъ, милостивное исходатайственное о насъ къ Богу; да яко, егда бјяше съ нами, много о насъ печашеся и промышляя намъ полезное, тако и нынј подаваяй молитвами ти вся, яже ко спасенію, прошенія: благочестивымъ княземъ нашымъ побјды на противныя даруй, архиерея же, Божія святителя, иже любовію честное твое торжество сотворяющихъ, освяти и всјхъ насъ помилуй молитвами си, иже тебе ради Богови моленія и молитвы приносящихъ, и сіе доношай ко Вседержителю Богу и моли о насъ, да согрјшеніемъ оставленіе пріимемъ въ день суда, и вјчныхъ благъ сподобити насъ. И паки къ похвалј устремимся и на предлежащее взыдемъ.
Той бј архиерей смиренъ цјломудриемъ и благоговјинъ и нищелюбивъ, иже есть отцемъ отецъ, святителемъ благолјпіе и молитвенникъ крјпокъ, чистотј рачитель, цјломудрію образъ; ангельскимъ житіемъ на земли поживъ и въ Великомъ Новјградј на престолј архиерейства саномъ божественнымъ почтенъ и украшенъ, восія, яко звјзда пресвјтлая, и бысть многимъ успјхъ и многимъ на спасеніе. Мы же вјрою и любовію припадающе, со умиленіемъ приничюще очима и темнымъ нынј прикасающеся, и руками обемлюще, любезно цјлующе раку, честныя мощи твоя, и память твою святую благочестно празднуемъ. Что убо возможемъ тебј дати на похваленіе твоея памяти цјльбоносныя: ангела ли тя наречемъ, яко во плоти безплотно пожилъ еси? О, святче Божіи и угодниче Спасовъ, о святителю архиерею, избранниче Христовъ, о всечестная главо, о пастырю намъ честныи и учителю, о наказателю благихъ, уча къ разуму божественному! Радуйся, твердое основаніе отечеству своему. Радуйся, яко пастырь истинный, полагая душу свою за стадо именитое. Радуйся, яко отъ младенства Богу поработавъ. Радуйся, яко мирская вся оплевалъ еси и Христовъ яремъ на рамо вземъ, усердно Тому послјдовалъ еси. Радуйся, яко врученное ти стадо добрј упаслъ еси. Радуйся, Премудрости Божія престолъ украсилъ еси и градъ свой чюдесы озаривый. Радуйся, обличилъ злокозненныхъ ересь Стриголниковъ. Радуйся, святителю Моисее, Великому Новуграду похвала и всея Рускія земли пресвјтлыи свјтилниче. Радуйся, священный отче, насадителю винограда Христова въ домехъ Божія Матери, ихже самъ создалъ еси. Радуйся, началниче и пособниче хотящимъ спастися Христова стада словесныхъ овецъ. Радуйся, блаженный отче, умноживыи талантъ Господеви своему. Радуйся, отче освященный, пастырю и учителю Христова стада, сохраняя и соблюдая отъ волкъ мысленныхъ. Радуйся, извјстный хранителю апостольскихъ преданій, отеческихъ повелјніи 7 соборъ. Радуйся, преподобне отче, иже просвјтивый страну сію чистымъ житіемъ своимъ, благочестію и страху Божію научивый. Радуйся, святителю, отечеству своему пресвјтлый свјтилниче, словомъ житіе просіявый. Радуйся, блаженный отче нашъ, похвала и слава великому Новуграду и всея Рускія земли удобреніе. Радуйся, отче блаженныи, украсивый Новъградъ, аки пречестнымъ утвариемъ, множествомъ божественныхъ храмовъ и священныхъ монастырей созданиемъ. Радуйся, священныи отче, теплыи молебниче къ Богу о благочестивомъ и христолюбивомъ великомъ самодержцј всея Рускія земли и о благородныхъ его чадјхъ, подати побјду на вся враги, умножити лјтъ живота ихъ во благоденьствіи со благовјрными самодержцы, и направити разумъ ко спасенію душамъ ихъ, и державу ихъ мирну устроити и исполнити всякія благодати. Радуйся, святителю Моисее миротворче, укротивый межу собою брань, совокупивыи любовь, ратующыяся прогнавыи и вражебныя человјки и ненавистныя бјсы, возвеселивыи благыя, человјколюбныя ангелы. Радуйся, отче блаженне, ходатаю къ Богу о всјхъ православныхъ християнехъ — направити на спасительныя. Радуйся, отче священне, скорбнымъ тишина и нищимъ заступленіе, вдовицамъ и сиротамъ помощниче, старости жезлъ, юнымъ сказателю, во бранјхъ поборниче. Радуйся, всея Рускія земли свјтило и украшеніе. Но, о всеблаженныи архиерею Моисее, слуго Господень, апостолу послјдователю, ревнителю и подражателю, исправленіемъ святыхъ святителей и преподобныхъ, всјмъ намъ молитвами твоими подавая яже ко спасенію прошенія, иже ко гробу твоему вјрою приходящимъ, избавляя бјдъ и недугъ и скорбей, злобующихъ нахожденія, яко добрымъ подвигомъ подвизался еси по апостолу: теченіе скончавъ и вјру соблюдъ, тјмже нынј водворяешися со святителемъ и преподобнымъ, со всјми, óтъ вјка Богу угодившихъ, и нынј наслаждаяся съ ними неизреченныя красоты и радости, яже уготова Богъ любящимъ его. Имјя дерзновеніе ко Христу Богу, всесвященне, блаженне и преподобне отче, яко чадолюбивыи отецъ посјщая паству свою, не презри насъ, чтущихъ вјрою и любовію честную твою и многорадостную память, пріиди посредј насъ невидимо, избавляя насъ отъ всјхъ видимыхъ и невидимыхъ врагъ, и скорбей и болјзней и напастей, и да не оставиши моленія иже на тя зъ Богомъ надежду имущихъ, но сотвори находящимъ на ны скорбемъ премјненіе. Ей, отче, се время, еже помощи ти и печаль на радость претворити! Можеши бо ходатайствомъ си ко Владыцј, точию аще хощеши, предстоя престолу всјхъ Творца и Бога, о насъ грјшныхъ моля, и всегда намъ помогати. Приемлетъ бо всјхъ Владыка и твою молитву, яко благоугодилъ еси ему доброю жизнію своею, еяже ради похвалиша тя божественніи ангели, восприяша тя собори святыхъ мученикъ, апостоли, пророцы, святители, преподобніи и вси праведніи Господни; прослави же тя Господь, яко прославилъ еси Его во времена сея жизни, безконечнаго царствія своего. Егоже да не лішени будемъ и мы смиренніи, сподобившеся пожити въ вјцј семъ съ правдою и милосердіемъ. Ему же слава и держава, честь и поклоненіе со безначалнымъ его Отцемъ и съ Пресвятымъ и Благимъ и Животворящимъ Духомъ нынј и присно и вó вјки вјкомъ. Аминь.
Печатается по изданiю: Памятники старинной русской литературы, издаваемые Графомъ Григоріемъ Кушелевымъ-Безбородко. Выпускъ четвертый: Повјсти религіознаго содержанія, древнія поученія и посланія, извлеченныя изъ рукописей Николаемъ Костомаровымъ. – СПб.: Въ типографiи П. А. Кулиша, 1862. – с. 10-15.