Печатается по изданію: Псалтирь съ возслјдованіемъ. – Кіевъ, Въ Тvпографіи Кіево-Печерскія Лаvры, 1900. – Л. 1 - 1 об.

Иже хощетъ спастися, прежде всјхъ подобаетъ ему держати кафолическую вјру, еяже аще кто цјлы и непорочны не соблюдáетъ, кромј всякаго недоумјнія, во вјки погибнетъ.

Вјра же кафолическая сія есть: да единаго Бога въ Троицј, и Троицу во единицј почитаемъ, нижé сливающе vпостаси, ниже существо раздјляюще.

Ина бо есть vпостась Отча, ина Сыновня, ина Святаго Духа: но Отчее, и Сыновнее, и Святаго Духа, едино есть Божество, рáвна слава, соприсносущно величество. Яковъ Отецъ, таковъ Сынъ, таковъ и Святый Духъ.

Несоздáнъ Отецъ, несоздáнъ Сынъ, несоздáнъ и Святый Духъ. Непостижимъ Отецъ, непостижимъ Сынъ, непостижимъ и Духъ Святый. Вјченъ Отецъ, вјченъ Сынъ, вјченъ и Святый Духъ: обаче не три вјчни, но единъ вјчный; якоже нижé три несоздáнніи, нижé три непостижиміи, но единъ несоздáнный, и единъ непостижимый.

Подобнј: Вседержитель Отецъ, Вседержитель Сынъ, Вседержитель и Духъ Святый: обаче не три вседержители, но единъ Вседержитель. Тако: Богъ Отецъ, Богъ Сынъ, Богъ и Духъ Святый: обаче не три Бози, но единъ Богъ. Равнј: Господь Отецъ, Господь Сынъ, Господь и Духъ Святый: обаче не три Господіе, но единъ есть Господь. Зане, якоже особно куюждо vпостась, Бога и Господа исповјдати, христіанскою истиною понуждаемся: тако три Боги, или три Господы глаголати, кафолическимъ благочестіемъ возбраняемся.

Отецъ ни отъ кого есть сотворенъ, ни созданъ, нижé рожденъ. Сынъ отъ Отца Самаго есть, не сотворенъ, ни создáнъ, но рожденъ. Духъ Святый отъ Отца не сотворенъ, ни создáнъ, нижé рожденъ, но исходящъ.

Единъ убо (есть) Отецъ, не три отцы, единъ Сынъ, не три сыны, единъ Духъ Святый, не три дуси святіи. И въ сей (Святјй) Троицј ничтоже первое или послјднее, ничтоже болје или мнје: но цјлы три vпостаси, соприсносущны суть себј и рáвны. Сице яко да по всему, якоже предречеся, Троица во Единицј, и Единица въ Троицј почитается. Хотяй убо спастися, тако о Святјй Троицј да мудрствуетъ.

О Христј.

Но нужно есть къ вјчному спасенію, да и о воплощеніи Господа нашего Iисуса Христа извјстно вјруетъ.

Есть же правая вјра, да вјруемъ и исповјдуемъ, яко Господь нашъ Iисусъ Христосъ, Сынъ Божій, Богъ и человјкъ есть: Богъ отъ существа Отча прежде вјкъ рожденный, и человјкъ есть отъ существа матерня, во врéмени рожденный. Совершенный Богъ и совершенный человјкъ, отъ души словесныя, и человјческія плоти состояй. Равенъ Отцу по Божеству, мній Отца по человјчеству. Иже аще и Богъ есть, и человјкъ, обаче не два, но единъ есть Христосъ: единъ же не премјненіемъ Божества въ плоть, но воспріятіемъ человјчества въ Божество, единъ всяко, не сліяніемъ естествъ, но единствомъ Ѵпостаси.

Якоже бо душа словесная и плоть, единъ есть человјкъ: тако Богъ и человјкъ, единъ есть Христосъ, пострадавый спасенія нашего рáди, и сошéдый во адъ, и въ третій день воскресый изъ мертвыхъ, и возшéдый на небеса, и сјдый одесную Бога и Отца Вседержителя, отонудуже пріидетъ судити живымъ и мертвымъ, Егоже пришествіемъ вси человјцы воскрéснутъ съ тјлесы своими и воздадутъ о своихъ дјлјхъ отвјтъ: и убо благая содјявшіи пойдутъ въ жизнь вјчную, злая же — во огонь вјчный.

Сія есть кафолическая вјра, еяже аще кто вјрно и извјстно вјрити не будетъ, спастися не возможетъ. [Аминь.]